VOAL

VOAL

Please Wait ...
0%

Uashington – Përurohet monumenti i viktimave të urisë në Ukrainë

Në Uashington mbrëmë është zbuluar një monument përkujtues për miliona ukrainas, që vdiqën në periudhën e urisë në Ukrainë, në vitet 1932-33.

Ukrainasit i referohen kësaj urie si Holodomor, që do të thotë “vdekje nga uria” dhe e fajësojnë regjimin e diktatorit Jozef Stalin për uri të qëllimshme të meshkujve, femrave dhe fëmijëve.

Ky monument, një pllakë e bronxtë duke qëndruar në bazament guri që tregon fushat e bimëve të grurit, simbolizon konfiskimin e drithërave nga sovjetikët.

Në ceremoninë e përurimit të monumentit në qendër të Uashingtonit, ishte e pranishme edhe Maryna Poroshenko, bashkëshortja e presidentit të Ukrainës, Petro Poroshenko.

Me këtë rast, është transmetuar edhe një videofjalim i presidentit Poroshenko.

“Uria ishte përpjekje për t’i detyruar ukrainasit të gjunjëzohen, të privoheshin nga dinjiteti, të shkatërrohej identiteti kombëtar dhe për ta vrarë shpresën e ukrainasve për të drejtën e krijimit të fatit të tyre në tokën e vet”, tha Poroshenko në këtë video.

Shefi i Pentagonit: Rusia – kërcënim për rendin botëror

Sekretari amerikan i mbrojtjes, Ashton Carter, e akuzon Rusinë për rrezikim të rendit botëror, duke i theksuar inkursionet në Ukrainë dhe qëndrimin për armatimin atomik.

Zoti Carter tha se Rusia po ndërmerr “aktivitete sfiduese” në det, ajër, gjithësi dhe Internet.

Ai theksoi se udhëheqja e mbrojtjes së Shteteve të Bashkuara po i shqyrton mënyrat kreative për ta zmbrapsur Rusinë agresive dhe për t’i mbrojtur aleatët e Shteteve të Bashkuara.

Këto komente ai i bëri mbrëmë vonë në Librarinë presidenciale Ronald Reagan në Kaliforni, pas kthimit nga turneu tetëditësh nëpër Azi.

“Më shqetësuese është se kërcënimi i Moskës me armatim atomik, e shtron çështjen e përkushtimit të liderëve rusë për stabilitetin strategjik, respektin e tyre për normat kundër përdorimit të armatimit bërthamor dhe nëse ata e respektojnë kujdesin e madh të liderëve të viteve atomike, që e kanë treguar lidhur me vringëllimin e aramtimit atomik”, tha Ashton Carter.

Zoti Carter, po ashtu, ka shprehur shqetësim për zgjerimin e ndikimit të Kinës dhe rritjes së kapacitetit ushtarak. Por, fjalë më të fuqishme ai ka përdorë kur është shprehur për Rusinë.

Zoti Carter i ka theksuar disa shtylla të rendit ndërkombëtar, për të cilat ai tha se do të mbrohen dhe fuqizohen: zgjidhja paqësore e kontesteve, liri nga detyrimi, respekt për sovranitet shtetëror dhe liri të navigacionit.

Në prag të takimit të ri Obama-Netanjahu

Presidenti Barak Obama do të presë Kryeministrin izraelit Benjamin Netanyahu në Shtëpinë e Bardhë javën e ardhshme për bisedime të cilat do të përqëndrohen te çështja që ka ngjallur më shumë polemika mes dy  vendeve: marrëveshjes bërthamor të Iranit. Vizita vjen vetëm disa muaj pasi marrëdhëniet amerikano-izraelite shënuan një pikë të ulët; vjen gjithashtu ndërkohë që janë rritur tensionet mes izraelitëve dhe palestinezëve.

Ishte një fjalim i pashembullt.

Benjamin Netanyahu, Kryeministër i Izraelit:

“Kjo është një marrëveshje e keqe. Është një marrëveshje shumë e keqe”.

Kryeministri izraelit Benjamin Netanjahu nuk kishte qenë kurrë aq i hapur në kritikën e tij ndaj negociatave të udhëhequra nga Shtetet e Bashkuara për marrëveshjen bërthamore me Iranin. Fjalimi u mbajt në muajin mars para Kongresit amerikan dhe disa ligjvënës demokratë e quajtën atë një fyerje ndaj Presidentit Obama.

Më pak se një muaj pas arritjes së marrëveshjes, Presidenti Obama iu kundërvu kështu shqetësimeve të zotit Netanjahu:

Barack Obama, president i SHBA:

“Një Iran me armë bërthamore është shumë më i rrezikshëm për Izraelin, Amerikën dhe botën se sa një Iran që përfiton nga lehtësimi i sanksioneve.”

Pikërisht në këtë sfond do të takohen dy udhëheqësit më 9 nëntor për bisedime në Zyrën Ovale. Do të jetë takimi i trembëdhjetë i tyre.

Sekretari i shtypit i Shtëpisë së Bardhë, Josh Earnest, thotë se nuk do të flitet vetëm për Iranin por edhe për luftën kundër Shtetit Islamik dhe për rritjen e sigurisë së Izraelit.

Josh Earnest Sekretar i shtypit:

“Kryeministri Netanyahu më parë e ka quajtur të paprecedent nivelin e bashkëpunimit për sigurinë që është ofruar nga administrata Obama. Kjo, mendoj se është një tregues i angazhimit personal të Presidentit për sigurinë e Izraelit dhe i marrëdhënieve të patundura mes dy vendeve.”

Tensionet dhe dhuna janë shkallëzuar pas një serie sulmesh me thika ndaj izraelitëve dhe vdekjeve të palestinezëve në duart e forcave të sigurisë izraelite.

Në një konferencë për shtyp në tetor, zoti Obama e dënoi dhunën dhe u kërkoi të dyja palëve të heqin dorë nga retorika. Ai pranoi ndërkaq se përpjekjet e SHBA drejt një zgjidhjeje me dy shtete kanë ngecur:

“Mendoj se kjo do të varet nga palët dhe ne jemi të gatshëm për të ndihmuar, për të parë nëse ata mund të rifillojnë një marrëdhënie më konstruktive. Por ndërkohë, të gjithë duhet të përqëndrohen te çështja se si të parandalohen vdekjet e njerëzve.”

Daniel Serwer i Universitetit John Hopkins, thotë se ka pak gjëra që mund të bëjë zoti Obama, përveçse t’i bëjë trysni zotit Netanjahu për çështjen e vendbanimeve hebraike.

Daniel Serwer, Universiteti Johns Hopkins, SAIS:

“Ata vazhdojnë të ndërtojnë vendbanime dhe të zgjerojnë praninë izraelite në Bregun Perëndimor. Kjo është sigurisht e papranueshme nga këndvështrimi amerikan dhe palestinez, por nuk do të thotë se nuk do të vazhdojë.”- thotë zoti Serwer.

Zoti Obama, si shumë presidentë amerikanë para tij, mund të japë një shtytje të fundit drejt paqes përpara largimit nga detyra, por analistët thonë se pa vullnet politik nga udhëheqësit izraelitë dhe palestinezë, kjo përpjekje mund të jetë e kotë.

Obama: Avionin rus mund ta ketë rrëzuar bomba e ISIS-it

Obama në një intervistë në disa radio lokale në SHBA duke iu përgjigjur pyetjes rreth aviont rus të udhëtarëve tha se “mendon se ka mundësi që në avion të ketë patur bombë”

UASHINGTON – Presidenti amerikan Barack Obama ka thënë se ka mundësi që rrëzimi i avionit rus të pasagjerëve të jetë shkaktuar nga një bombë.

Obama në një intervistë në disa radio lokale në SHBA duke iu përgjigjur pyetjes rreth aviont rus të udhëtarëve i cili u rrëzua me 224 persona në bord javën e kaluar në Gadishullin Sinai në Egjipt tha se “mendon se ka mundësi që në avion të ketë patur bombë”.

Obama ka vënë në dukje se ata ende nuk posedojnë fakte të mjaftueshem për shkakun e rrëzimit të avionit dhe ka shprehur se masat e sigurisë në rajon nuk janë të ndryshme nga ato të SHBA-ve.

Presidenti amerikan Obama ka shtuar ndër të tjera para se të arrijnë në një përfundim se do të zhvillohen hetimet lidhur por që avioni mund të jetë rrëzuar nga një bombë nuk përjashtohet.

Në disa lajme të publikuara dje në SHBA të cilat bazoheshin në të dhëna të zyrtarëve amerikanë thuhet se ka patur informacione të inteligjencës se ISIS-i kishte vendosur bombë në avion.

Avioni Airbus-A 321 i kompanisë ajrore ruse Kogalimavia (Metrojet) me destinacion nga Sharm El-Sheik – Shën Petersburg u rrëzua ditën e shtunë pas një kohe të shkurtër pasi ishte ngritur në fluturim. Si pasojë jetën e humbën 217 udhëtarë, ku 17 prej tyre ishin fëmijë si dhe 7 persona të ekuipazhit.

Shtyhet vizita e Zonjës Obama në Jordani

Ambasada e SHBA në Aman njoftoi se vizita e Michelle Obamas është shtyrë për shkak të motit të keq

AMAN – Njoftohet se vizita e zonjës së parë amerikane Michelle Obama e planifikuar në Jordani është shtyrë.

Sipas deklaratës të publikuar nga ambasada e SHBA-ve në Aman theksohet se vizita e Michelle Obama është shtyrë për shkak të motit të keq.

Zyrtarja e lartë amerikane: Shumica e sulmeve ruse kundër grupeve opozitare në Siri

Rreth 90 përqind të sulmeve ruse në Siri kanë goditur opozitën e moderuar siriane, ka thënë Anne Patterson, diplomate e lartë amerikane për Lindjen e Mesme, para komitetit të Kongresit amerikan, këtë të mërkure.

Më 30 shtator, Rusia kishe filluar befasishëm sulmet ajrore në Siri. Derisa kjo e fundit thotë se këto sulme i ka kundër militantëve të grupit ekstremist IS-it, Shtetet e Bashkuara dhe vendet perëndimore e kanë akuzuar Rusinë, se ajo po sulmon grupet e kryengritësve.

Rusia njihet si aleat i presidenti sirian Bashar al Assad.

SHBA: Kundërshtimi i propagandës ruse – përpjekje aftagjatë

Zyrtari i Departamentit amerikan të shtetit, Benjamin Ziff, thotë se përpjekjet e Shteteve të Bashkuara për ta kundërshtuar keqinformimin dhe propagandën e prodhuar nga Rusia, do të jetë përpjekje afatgjatë, që përfshinë forcimin e mediave të pavarura në Evropën Lindore dhe Euroazi.

Zoti Ziff, i angazhuar në çështjet evropiane dhe të euroazisë, i tha Nënkomitetit të marrëdhënieve të jashtme të Senatit të Shteteve të Bashkuara, se administrata e presidentit amerikan, Barack Obama, ka propozuar 83 milionë dollarë, që është rritje prej 26% për vitin e ardhshëm fiskal, të fondit për grupet e shoqërisë civile dhe mediave të pavarura “në vendet më të ndjeshme të presionit rus”.

“Rrjedhja e informacionit të lirë dhe të besueshëm është mbrojtja jonë më e mirë”, tha Benjamin Ziff, gjatë dëshmisë së tij më 3 nëntor.

Ai ka theksuar se “ne e shohim këtë punë kundër propagandës së Kremlinit si të parëndësishme në përpjekje afatshkurtër; kjo është përpjekje në afat të mesëm dhe të gjatë, për të qenë të sigurt se atje nuk ka terren të plleshëm në Evropë dhe Euroazi, për llojin e përpjekjeve që ata i bëjnë”.

Lidhur me zhvillimet në Ukrainë, zyrtari i Departamentit amerikan të shtetit, Benjamin Ziff, tha se administrata e Shteteve të Bashkuara nuk e ka përjashtuar furnizimin e ushtrisë së Ukrainës me armatim vdekjeprurës dhe pajisje ushtarake.

Ai, po ashtu, ka theksuar se qeveria e Shteteve të Bashkuara po e shqyrton mundësinë e zgjatjes së sanksioneve ekonomike kundër Rusisë, nëse parimet e Marrëveshjes për armëpushim të arritur në Minsk të Bjellorusisë, nuk implementohen plotësisht në pjesën lindore të Ukrainës.

Kjo marrëveshje, e nënshkruar nga zyrtarët e Ukrainës dhe ata separatistë, kërkon tërheqje të armatimit të rëndë, qasje më të madhe për ndihmë humanitare, e të tjera.

Intensiteti i luftimeve në pjesën lindore të Ukrainës, në masë të madhe, ka rënë, megjithqë zoti Ziff ka theksuar se prej 1 shtatorit të këtij viti, për shkak të dhunës sporadike në disa pjesë në rajonet lindore të Ukrainës, janë vrarë 17 vetë dhe plagosur 50 të tjerë.

Ai nuk ka specifikuar nëse viktimat ishin ushtarë të rregulltë, pjesëtarë të milice vullnetare ose sepratistë të mbështetur nga Rusia.

Prej prillit të vitit 2014, kur ka filluar lufta në pjesën lindore të Ukrainës, ndërmjet forcave qeveritare dhe separatistëve të mbështetur nga Rusia, janë vrarë më se 7,900 vetë.

Përgatiti: Fatmir Bujupi

Ohajo e refuzon legalizimin e marihuanës

Votuesit në shtetin amerikan të Ohajos kanë refuzuar propozimin për të legalizuar përdorimin e marihuanës.

Masa, e njohur si Çështja 3, do të kishte ndryshuar kushtetutën e shtetit, duke legalizuar përdorimin personal dhe mjekësor të marihuanës për të gjithë personat mbi 21 vjeç.

Aktivistët pro legalizimit kanë shpenzuar rreth 12 milionë dollarë për reklamat në prag të votimit të së martës.

Por, masa është kundërshtuar fuqishëm nga spitalet e fëmijëve, organizatat biznesore dhe fermerët.

Kollorado, Uashingtoni, Oregoni, Alaska dhe Distrikti i Kolumbias kanë legalizuar marihuanën rekreative.

Mbi 20 shtete lejojnë përdorimin e saj për qëllime mjekësore.

Trump me libër të ri – receta për ta shpëtuar Amerikën

Mesazhi drejtuar zgjedhësve. Vetëm unë i kam instrumentet për rilindjen e Amerikës

VOAL – NJU JORK, 3 NËNTOR – Donald Trump me libër të ri, ‘Amerika në vështirësi: si ta bëjmë sërish të madhe Amerikën’ ku magnati që kërkon të jetë kandidat republikan për presidencën e SHBA, iu shpjegon lexuesve se si vetëm ai, ndryshe nga politikanët tradicionalë, ka përvojën dhe urtësinë për t’i realizuar synimet e tij, shkruan Voice Of Albanians – voal.ch.

Me këtë ai nënkupton rilindjen e Amerikës. ‘Ky libër – thotë ai – iu ofron zgjedhësve një njohje më të mirë ndaj meje dhe ideve të mia për të ardhmen.” ansa

SHBA ndihmon opozitën siriane edhe me gati 100 milionë dollarë

Shtetet e Bashkuara kanë njoftuar se do t’i sigurojnë opozitës siriane afro 100 milionë dollarë shtesë, për të mbështetur këshillat lokalë dhe aktivistët e shoqërisë civile.

Kjo çon në afro 500 milionë dollarë ndihmën që Shtetet e Bashkuara janë zotuar se do ta japin qysh në vitin 2012, ka thënë Departamenti amerikan i Shtetit.

Ndihma e re është bërë publike nga zëvendëssekretari i Shtetit, Antony Blinken, në një forum për sigurinë rajonale në Bahrejn.

“Ndihma e Shteteve të Bashkuara mban shkollat hapur për fëmijët sirianë; përmirëson qasjen në infrastrukturën e energjisë dhe të ujit; mbështet mediat e pavarura dhe shoqërinë civile dhe ndërton kapacitetet e opozitës së moderuar që të luajë rol në të ardhmen e Sirisë”, ka thënë përmes një deklarate Departamenti amerikan i Shtetit.

Shtëpia e Bardhë, jo publikimit të emaileve

Zyrtarë të Shtëpisë së Bardhë thonë se nuk do të lejojnë emailet e shkëmbyera midis presidentit Barack Obama dhe ish-sekretares së Shtetit Hillari Klinton që të bëhen publike.

Gjykata ka kërkuar publikimin e të gjitha emaileve të saj në kohën kur ajo ishte diplomatja më e lartë e vendit.

Një zyrtar i lartë i Shtëpisë së Bardhë tha se publikimi i emaileve do të shkelte traditën e vjetër që të dhënat konfidenciale të mos bëhen publike për sa kohë që mandati i presidentit nuk ka përfunduar.

Shtëpia e Bardhë shpreson që emailet të mos bëhen publike para se presidenti të largohet nga Shtëpia e Bardhë në janar 2017.

Forca speciale amerikane vendosen në Siri

Zyrtarët amerikanë thonë se një grup i vogël forcash të armatosura amerikane do të shkojnë në Siri.  Sipas njoftimeve fillestare, misioni i tyre do të jetë “për të ndihmuar dhe këshilluar”.

Një zyrtar i lartë amerikan tha se presidenti ka autorizuar një kontigjent të vogël forcash speciale, rreth 50, për t’u dislokuar në veri të Sirisë.

Sipas zyrtarit misioni i tyre do të jetë të koordinojnë forcat lokale në terren dhe përpjekjet e koalicionit kundër grupit ISIS.  Kjo është hera e parë që trupa amerikane dëgohen zyrtarisht në Siri për një mision më të gjatë se sa operacione të shpejta speciale.  Po ashtu presidenti ka autorizuar dërgimin e avionëve ushtarakë A-10 dhe F-15 në bazën ajrore Inçirlik në Turqi.

SHBA: Nga sulmet ruse në Siri janë vrarë civilë

Shtetet e Bashkuara kanë informacione që tregojnë se nga sulmet aktuale me bomba të Rusisë në Siri janë “shkaktuar dëme anësore”, përfshirë vrasje të civilëve dhe goditje të spitalit, ka kumtuar mbrëmë vonë, Departamenti amerikan i shtetit.

“Ne kemi parë disa informacione që na çojnë të besojmë se aeroplani ushtarak rus e kishte qëlluar një spital”, tha zëdhënësi i Departamentit amerikan të shtetit, John Kirby.

Ai mëtutje ka theksuar se “ne kemi informacione të tjera operacionale që na çojnë të besojmë se rusët nuk e kanë marrë në shënjestër vetëm grupin Shteti Islamik, por në fakt, kanë shkaktuar dëme anësore dhe disa viktima civile, përfshirë infrastrukturë civile”, tha John Kirby.

Aktivizohen aeroplanët luftarakë amerikanë pas provokimit nga aeroplanët rusë

Pentagoni tha se nga një aeroplanbartës amerikan në Detin Japonez janë aktivizuar katër aeroplanë luftarakë, pasi dy aeroplanë luftarakë rusë janë afruar më pak se dy kilometra nga luftanija e Shteteve të Bashkuara.

Zëdhënësi i Departamentit amerikan të mbrojtjes, Bill Urban, tha se dy aeroplanë rusë të tipit TU-142, u afruan tek aeroplanbartësi amerikan, USS Ronald Reagan, më 27 tetor.

Ky aeroplanbartës, që operonte në ujërat ndërkombëtare, i ka lansuar katër aeroplanë luftarakë të tipit F-18, për t’i takuar aeroplanët vëzhgues dhe kundërnëndetësor dhe për t’i larguar ata nga hapësira e afërt me luftanijen, ka thënë zëdhënësi Urban.

Sipas tij, ky aksion ishte “procedurë e zakonshme operuese”.

Një zyrtar i paidentifikuar i Marinës amerikane tha se pilotët nga të dy palët kanë pasur sjellje profesionale.

Shtëpia e Bardhë kumtoi se incidenti nuk paraqiste “kërcënim të veçant për përplasje”.

Interceptimi i aeroplanëve luftarakë rusë nga ana e vendeve anëtare të NATO-s është rritur pas shtimit të tensioneve për shkak të aneksimit të Krimesë nga ana e Rusisë dhe involvimit të Rusisë në konfliktin në pjeësn lindore të Ukrainës.

Zonja e Parë Michelle Obama udhëton e vetme në Lindjen e Mesme

Zonja e Parë e Shteteve të Bashkuara, Michelle Obama, do të bëjë vizitën e parë e vetme në Lindjen e Mesme, duke ndaluar në Katar dhe Jordani.

Shtëpia e Bardhë ka thënë se udhëtimi, i planifikuar për javën e ardhshme, ka për qëllim promovimin e nismës së saj globale për edukimin e vajzave.

Zonja Obama do të flasë në një samit botëror të edukimit në Doha të Katarit.

Në Aman të Jordanisë, ajo do të vizitojë një shkollë që është ndërtuar me fonde të SHBA-së dhe do të takojë studentë.

Zonja Obama planifikon takime zyrtare në të dyja shtetet.

Ajo do të udhëtojë pa presidentin apo anëtarë të tjerë të familjes.

Trumpi: më mirë me Sadamin dhe Gadafin

Bota do të ishte një vend më i mirë, në se diktatorët si Saddam Husseini i Irakut dhe Moammar Gadhafi i Libisë do të ishin ende në pushtet, tha të dielën kandidati republikan për president Donald Trump.

Duke e quajtur Irakun “Harvardi i terrorizmit”, zoti Trump tha në një intervistë të transmetuar të dielën në CNN, se ky vend është shndërruar në një “fushë stërvitjeje për terroristët.”

“Njerëzve po u pritet koka, të tjerë po mbyten. Tani gjendja është shumë më e rëndë se sa kur në pushtet ishin Saddam Hussein, apo Gaddafi,”– tha zoti Trump.

Ai tha se gjendja në Lindjen e Mesme “shpërtheu” në periudhën kur President ishte Barak Obama dhe sekretare shteti ishte zonja Hillary Clinton, rivalja e tij kryesore në garën për Shtëpinë e Bardhë.

Donald Trump, i cili është kandidati që kryeson garën republikane për zgjedhjet presidenciale, po ashtu kritikoi vendimin për pushtimin e Irakut nga ish presidenti George W. Bush në vitin 2003, të bazuar tek njoftime të gabuara të zbulimit, se vendi dispononte armë jo konvencionale.

Identifikohet ushtari amerikan që u vra në Irak

Koalicioni i udhëhequr nga Shtetet e Bashkuara në Irak ka identifikuar një anëtar të forcave speciale amerikane që u vra nga grupi Shteti Islamik, gjatë një misioni shpëtimi në Irakun verior.

Një zëdhënës i koalicionit e identifikoi atë sot si rreshter i parë, Joshua Wheeler. Ai ishte i pari anëtar i forcave ushtarake amerikane që vritet në luftim në fushatën njëvjeçare kundër ekstremistëve të Shtetit Islmik.

Wheeler u plagos për vdekje gjatë një operacioni të përbashkët shpëtimi të forcave amerikane dhe luftëtarëve kurdë të Irakut që ndërmorrën një aksion ndaj një kompleksi të Shtetit Islamik në Hawijah, në perëndim të Kirkukut. Forcat speciale amerikane dhe irakiane liruan rreth 70 pengje, përfshirë të paktën 22 anëtarë të forcave irakiane të sigurisë, që Sekretari amerikan i Mbrojtjes konfirmoi se do të ekzekutoheshin së shpejti.

Pavarësisht nga vdekja e rreshterit Wheeler, Pentagoni ka mohuar se forcat amerikane janë në një mision aktiv luftarak në Irak.

CIA: dënojmë ndërhyrjen në emailin personal të drejtorit – Krim për qëllime dashakeqe

CIA ka dënuar ndërhyrjen në email-in personal të drejtorit të saj John Brennan. Këtë ndërhyrje CIA e cilëson “një krim të kryer për qëllime dashakeqe”.
Gjashtë dokumente u vodhën nga një adresë e vjetër e zotit Brennan dhe u publikuan në faqen e internetit të Wikileaks. Megjithatë, Agjencia Qendrore e Inteligjencës deklaroi se, nuk ka të dhëna që nga email-i të kenë dalë informacione të klasifikuara. Por, mes tyre ishte një aplikim që përmbante të dhëna personale të Brennan. Ato duket se datojnë në vitin 2009, kur shefi i CIA-s ishte duke aplikuar për një punë si këshilltar kundër terrorizmit në Shtëpinë e Bardhë.
Në atë kohë ai punonte në sektorin privat, pasi kishte kaluar 25 vjet në shërbim të Agjencisë, në vitet 1980-2005.
Një gjimnazist mori përsipër përgjegjësinë për hyrjen në email-in e Brennan, duke i thënë “New York Post” se në këtë mënyrë po protestonte kundër politikë së jashtme të Shteteve të Bashkuara.
Në profilin e të riut në Twitter, ku ai rezulton 13 vjeç, janë publikuar foto të atyre që duken informacione qeveritare.

Serwer: Opozita e Kosovës duhet t’i prezantojë argumentet e saj në mënyrë paqësore ose ….

ose të rrezikojë të përballet me masat e rrepta të shtetit

 

Voal – Daniel Serwer, ish-diplomati amerikan dhe eksperti për çështje të Ballkanit, ka analizuar zhvillimet e fundit në Kosovë dhe bllokadën e Parlamentit nga partitë opozitare.

Ai ka theksuar se me sjelljet e saj opozita po rrezikon të përballet me masat e rrepta të shtetit dhe të humb mbështetjen në sondazhe.

Serwer në një intervistë për Gazetën Express,  ka thënë se opozita pa i fituar zgjedhjet nuk mund të marrë vendime për Kosovën. Por, analisti amerikan thekson se po të ishin në pushtet opozita nuk do të kërkonte prishjen e marrëveshjeve të Brukselit.

Kosova është duke kaluar në një situatë të paprecedentë ku partitë opozitare (VV-AAK-NISMA) janë duke i bllokuar seancat parlamentare duke e shprehur kështu mospajtimin rreth marrëveshjeve me Serbinë të ndërmjetësuar nga BE dhe demarkacionin me Malin e Zi. Partitë opozitare po ashtu kanë hedhur gas lotsjellës në Parlament, një veprim që është dënuar nga diplomatët e BE’së dhe SHBA’së. A ka ndonjë recetë për zgjidhjen e këtij ngërçi?

D.Serwer: Nuk kam ndonjë recetë për atë se si të tjerët qeverisin me vendet e tyre, por shpresoj se rendi dhe sundimi i ligjit do të mbizotërojnë. Opozita e Kosovës duhet t’i prezantojë argumentet e saj në mënyrë paqësore, ose të rrezikojë të përballet me masat e rrepta të shtetit si dhe të humb mbështetjen në sondazhe. Opozita duhet t’i fitojë zgjedhjet dhe të formojë Qeverinë në mënyrë që të vendos se çfarë duhet të bëjë Kosovë. Kur ta bëjnë këtë, dyshoj se ata do të donin t’i prishnin marrëveshjet e Brukselit sepse Kosova ka interes që të ketë marrëdhënie të mira me BE-në, SHBA-të dhe Beogradin.

A mendoni se institucionet e Kosovës janë në gjendje të gjejnë zgjidhje apo ende duhet të ketë involvim ndërkombëtar?

D.Serwer: Jam i prirur të favorizoj zgjidhjet nga institucionet e Kosovës, të përkrahura nga komuniteti ndërkombëtar kur është e nevojshme.

E kam të vështirë të kuptojë se pse njerëzit po nxiten për shkak të demarkacionit të kufirit me Malin e Zi, që është një hap jetik në vendosjen e sovranitetit dhe integriteti territorial. E kuptoj pikëllimin me marrëveshjet e fundit të Brukselit por problemet me to kryesisht kanë të bëjnë me Planin e Ahtisaarit. Nuk ka alternativë tjetër, pos implementimit të tyre.

Nëse mund ta citojë këtu Giulio Andreottin: Il potere logora qui non c’e l’ha. Pushteti i rraskapit ata që nuk e kanë atë. Shpresoj se partitë opozitare në Kosovë do të fokusohen në atë se si të atraktojnë votues dhe të qeverisin në mënyrë më efektive se rivalët e tyre se sa në sjellje që shumë qytetarë mund të mos i pëlqejnë.

Reuters: Hillary Clinton kërkon hetim për rritjen e çmimit të ilaçit të prodhuar nga Martin Shkreli

Kandidatja demokrate për president të Amerikës, Hillary Clinton, të hënën ka urdhëruar rregullatorët amerikanë që të përcaktojnë mënyrën se si të sjellin në treg barna me çmime të ulëta më shpejt dhe të luftohen praktikat anti-konkurruese në industrinë farmaceutike.

Sipas letrave që i ka parë Reuters, kërkesa e Clintonit ndaj Administratës së Ushqimit dhe Barnave dhe Komisionit Federal të Tregtisë erdhi pas asaj që ajo i quajti “veprime skandaloze të Turing Pharmaceuticals”, transmeton Koha.net.

Kompania muajin e kaluar e nevrikosi skajshmërisht Clintonin kur u raportua se çmimi i ilaçit Daraprim, për infeksione të rrezikshme parazitare, shkoni në 750 dollarë për një tabletë nga 13.50 sa ishte më parë.

Pas reagimeve të shumta, pronari shqiptar i kompanisë “Turing”, Martin Shkreli, premtoi se do të ulte çmimin e Daraprim-it.

Në letrën e saj dërguar FDA-së, organ i cili rregullon sigurinë e ushqimit dhe të barnave, Clinton ka thënë se “Turing” ende “nuk e ka ulur çmimin”. Vendimi i kompanisë për “rritje artificiale të çmimit” ka dëmtuar pacientët që varen nga ky ilaç, i cili shpesh përdoret nga ata që kanë sistem të dobët imunitare, ka thënë Clinton.

Clinton, në letrën e saj dërguar FTC-së, ka kërkuar gjithashtu që të hetohet fakti nëse vendimi i kompanisë “Turing” për rritje të çmimit të ilaçit Daraprim përbën shkelje anti-konkurruese.

Obama: Të ndërmerren hapa për heqjen e sanksioneve kundër Iranit

Presidenti i Shteteve të Bashkuara, Barack Obama, ka urdhëruar sot qeverinë amerikane që të ndërmerr hapa për heqjen e sanksioneve kundër Iranit, në harmoni me marrëveshjen atomike, të arritur në muajin korrik, ndërmjet gjashtë fuqive botërore dhe Iranit.

“Në këtë mënyrë kërkoj nga ju që të ndërmerrni të gjithë hapat e domosdoshëm për fillimin e përkushtimeve të Shteteve të Bashkuara lidhur me sanksionet”, thuhet në memorandumin e zotit Obama dërguar sekretarit amerikan të shtetit, të energjisë, të tregtisë dhe thesarit.

Obama ka kërkuar nga sekretari amerikan i shtetit, John Kerry, që të “ndërmerr masa shtesë përkatëse për sigurimin e implementimit të shpejtë dhe efketiv të përkushtimeve të Shteteve të Bashkuara” nga marrëveshja e korrikut.

Sipas marrëveshjes, sanksionet kundër Iranit do të tërhiqen në mënyrë graduale, derisa Irani e kufizon veprimtarinë e tij të ndjeshme atomike.

Shtetet perëndimopre kishin dyshime se Irani po e shfrytëzontze programin atomik për prodhim sekret të armatimit bërthamor.

Këto akuza Irani i ka hedhur poshtë.

Një zyrtar i lartë amerikan ka thënë se lehtësimi i sanksioneve do të bëhet vetëm pasi Agjencia Ndërkombëtare për Energji Bërthamore e OKB-së, do ta verifikojë bashkëpunimin e Iranit me kushtet e marrëveshjes.

Parashihet që ky proces mund të zgjasë më tepër se dy muaj, sa ka paraparë Irani.

Joe Biden merr çmimin nga Kisha Ortodokse Greke: Liria fetare – rol madhor në luftimin e ekstremizmit

Zëvendëspresidenti amerikan, Joe Biden, thotë se mbrojtja e lirive fetare është domosdoshmëri morale, që e mbronë shoqërinë nga ekstremizmi i dhunshëm.

Këto komente ai i bëri në një ceremoni të mbrëmbshme në Nju Jork, me ç’rast ai u nderua me Çmimin për të Drejtat e Njeriut Athenagoras.

Ky është çmimi më i lartë që jepet nga Kisha Ortodokse Greke.

Zoti Biden ka theksuar se grupet terroriste, si al-Kaida dhe Shteti Islamik, e kanë shtrembëruar islamin për t’i arsyetuar aktetet tmerruese.

Ai është shprehur se Shtetet e Bashkuara do të jenë të fuqishme derisa të jenë pishtare për të drejta të njeriut.

Zëvendëspresidenti Biden tha se vlerat religjioze në tërësi përputhen me vlerat civile në Shtetet e Bashkuara dhe e ka falënderuar religjionin e tij katolik, se i ka dhënë atij “strehim dhe siguri”.

Zoti Biden nuk ka bërë komente lidhur me kandidimin e mundshëm në garën për president të Shteteve të Bashkuara.

Njëri prej këshilltarëve të tij të lartë tha se këtë vendim ai do ta bëjë në të ardhmen e afërt.

Shtëpia e Bardhë: Obama i ka tërhequr vërejtjen Rusisë lidhur me Sirinë

Presidenti amerikan Barack Obama ua ka tërhequr vërejtjen liderëve rusë se ata nuk mund ta arrijnë me “bombardime mënyrën e tyre për zgjidhje paqësore” në Siri, duke e përsëritur qëndrimin e tij se forcimi i presidentit të Sirisë, Bashar al-Assad, do të dështojë.

Mëtutje, duke folur pasi ushtria amerikane dhe ajo ruse arritën një marrëveshje provuese për parandalimin e përplasjeve në hapësirën ajrore të aeroplanëve luftarakë të të dy palëve në Siri, zoti Obama tha mbrëmë në Uashington se “nuk ka pasur takim në kuptimin e afateve dhe strategjisë”.

“Ata nuk do të jenë në gjendje që me bomba ta arrijnë situatën paqësore brenda në Siri”, tha Obama në konferencën e përbashkët për shtyp me presidenten e Koresë Jugore, Park Geun-Hye.

Rusia, këtë javë ka ndërmarrë sulme madhore kundër bazave të kryengritësve në qytetet siriane, Alepo dhe Homs, në koordinim me ushtrinë e Sirisë dhe me afro 2 mijë ushtarë iranianë.

Obama tha se Irani po vepron “më tepër se që ka bërë për 5 vitet e fundit, ashtu sikur Rusia” dhe ka shtuar se “teoria e tyre bazë se si të zgjidhet Siria nuk ka funksionuar”.

Malajzi:Arrestohet një shtetas i Kosovës për bashkëpunim me ISIS-in

Voal – Në një rast që Departamenti amerikan i Drejtësisë e konsideron të parin e këtij lloji, Shtetet e Bashkuara kanë akuzuar një shtetas të Kosovës se ka kryer pirateri kompjuterike dhe i ka dhënë informacion personal të mbi 1 mijë anëtarëve të ushtrisë amerikane grupit militant Shteti Islamik.

Autoritetet e Malajzisë kanë arrestuar Ardit Ferizin me një urdhër arresti të Shteteve të Bashkuara.  Departamenti i Drejtësisë do të kërkojë ekstradimin e tij në Shtetet e Bashkuara.

Prokurorët e akuzojnë Ferizin se drejtonte një grup piraterie në internet të quajtur Siguria e Hakerave të Kosovës.

Ata thonë se ai hyri në sistemin e kompjuterave të një kompanie me qendër në Shtetet e Bashkuara dhe vodhi informacionin personal të 1 mijë e 351 anëtarëve të ushtrisë amerikane dhe punonjësve federal dhe ia dha atë informacion terroristëve.

Zyrtarët policorë në Malajzi thanë se i dyshuari është arrestuar më 15 shtator dhe se hetimet tregojnë se ai ishte në kontakt me një udhëheqës të lartë të Shtetit Islamik në Siri.

I dyshuari, sipas autoriteteve në Malajzi kishte shkuar atje në gusht të vitit 2014 për të studiuar shkencat kompjuterike. Ai pritet t’u dorëzohet autoriteteve amerikane të drejtësisë.

Mediat në Kosovë thonë se i dyshuari është me prejardhje nga qyteti i Gjakovës, rreth 90 kilometra në perëndim të Prishtinës.

Ndërmjet qershorit dhe gushtit të vitit 2015, Ferizi në mënyrë të paligjshme i dorëzoi të dhënat tek anëtari i ISIS-it, Junaid Hussain, i njohur si Abu Hussain al-Britani.

Më 11 gusht 2015, në emër të “Divizionit të hakerëve të Shtetit Islamik”, Hussaini bëri një postim në twitter me titullin, ‘Ushtria dhe qeveria amerikane janë sulmuar nga hakerët e IS-it’ bashkë me një hyperlink që përmbante një dokument 30 faqesh. Në një pjesë të dokumentit thuhej se ‘ne jemi në sistemet tuaja kompjuterike dhe në postën tuaj elektronike, duke ndjekur e regjistruar cdo lëvizje, i kemi emrat e adresat tuaja, jemi në llogaritë e postës suaj elektronike dhe rrjeteve sociale, ne po nxjerrim të dhënat tuaja të besueshme dhe po ua kalojmë të dhënat personale tek ushtarët e kalifatit, të cilët së shpejti me lejen e Allahut, do të godasin qafat tuaja në vendet tuaja’.

Në 27 faqet tjera ishin emrat, adresat elektronike, pasvordet, vendbanimet dhe numrat e telefonave të rreth një mijë e 350 pjesëtarëve të personelit të qeverisë dhe ushtrisë amerikane. Postimi synonte t’i kalojë këto të dhëna tek mbështetësit e ISIS-it në Shtetet e Bashkuara, për të nxitur sulme terroriste ndaj individëve.

Nëse shpallet fajtor, Ferizi mund të dënohet deri në 35 vjet heqje lirie./ Zëri i Amerikës

Debati i parë i kandidatëve presidencialë demokratë – në qendër Clinton dhe Sanders

Në Shtetet e Bashkuara është mbajtur debati i parë i pesë kandidatëve të Partisë Demokratike për zgjedhjet e ardhshme presidenciale.

Në debatin e mbajtur në Las Vegas, mbrëmë vonë, u veçuan ish-sekretarja amerikane e shtetit, Hillary Clinton, dhe senatori 74 vjeçar, Bernie Sanders, i cili ka befasuar me paraqitjen e tij.

Ai e përshkruan veten si socialdemokrat.

Clinton dhe Sanders u përleshën për kontrollin e armatimit, pabarazinë në të ardhura dhe për çështje të tjera.

Zonja Clinton nuk është pajtuar me ftesën e zotit Sanders për shkatërrimin e bankave në Wall Street, e ka përsëritur mbështetjen e saj për Aktin Patriot dhe tha se ajo nuk do të hezitonte ta përdorë forcën ushtarake nëse është e domosdoshme.

Në njërin prej momenteve të favorshme të tij, senatori Sanders ka këmbëngul në çështjen e praktikave kundërthënëse me postën elektronike të zonjës Clinton, derisa ajo ishte sekretare e shtetit, duke thënë se “populli amerikan është i sëmurë dhe i lodhur duke dëgjuar për emailat e mallkuar”.

Ekspertët i kanë dhënë zonjës Clinton nota të larta për paraqitjen e saj gjatë debatit dyorësh.

Në disa hulumtime të opinionit publik, megjithatë, zoti Sanders është paraqitur si fitues, ndërsa në disa raste me diferencë të madhe.

Pentagoni konfirmon ndihmën e koalicionit për kryengritësit anti-ISIS

Koalicioni ndërkombëtar i udhëhequr nga SHBA-të ka hedhur nga ajri municion të vogël armësh për të rifurnizuar forcat tokësore vendase që luftojnë organizatën terroriste ISIS në veri të Sirisë

UASHINGTON – Koalicioni ndërkombëtar i udhëhequr nga SHBA-të ka hedhur nga ajri municion të vogël armësh për të rifurnizuar forcat tokësore vendase që luftojnë organizatën terroriste ISIS në veri të Sirisë, ka konfirmuar për Anadolu Agency zëdhënësja e Pentagonit, Elissa Smith.

Smith tha se lëshimin e “suksesshëm nga ajri e ka kryer aeroplani i forcave ajrore amerikane C-17 nga Komanda qendrore amerikane për të rifurnizuar me municion të vogël armësh forcat tokësore vendase që luftojnë kundër militantëve të ISIS-it në veri të vendit.”

“Ky fokus për të furnizuar do të na mundësojë përforcimin e progresit tashmë të bërë në luftimin e ISIS-it në Siri”, tha Smith.

Ajo megjithatë refuzoi të japë detaje se cili grup kryengritësish ka marrë furnizimet, vendndodhjen e tyre apo pajisjet e furnizuara.

Shtetet e Bashkuara kanë ndërprerë javën e kaluar programin 500 milionë dollarësh për stërvitjen e forcave opozitare siriane, duke siguruar në vend të kësaj armë dhe paketa pajisjesh për grupe të caktuar të kryengritësve, liderët dhe njësitë e tyre që luftojnë ISIS-in në Siri.

Më 11 tetor 1995 Marshimi i Një Milion Njerëzve

Në vitin 1995, udhëheqësi i grupit fetar “Nation of Islam”, Louis Farrakhan, iu bëri thirrje burrave afrikano-amerikanë të vinin në Uashington me premtimin për t’u bërë bashkëshortë, baballarë dhe udhëheqës më të mirë në komunitetet e tyre.

Ky ishte marshimi i katërt më i madh në historinë e Uashingtonit dhe grumbullimi më i madh me shumicë afrikano-amerikanë. Në marshimin e 20 vjetorit të “Marshimit të 1 milionë njerëzve” ishin të ftuar burra dhe gra të të gjitha racave dhe besimeve fetare. Organizatorët thanë se këto vit në aktivitete do të vihet theksi tek drejtësia lidhur incidentet e viteve të fundit të vrasjes së dy adoleshentëve zezakë dhe për marrëdhëniet mes afrikano-amerikanëve dhe policëve.

Obama iu kërkon ndjesë Mjekëve Pa Kufi

Presidenti amerikan Barack Obama ka kontaktuar organizatën Mjekët pa Kufi për të kërkuar ndjesë për bombardimin e spitalit ndërkombëtar në Kunduz të Afganistanit, ku gjetën vdekjen 22 vetë.

Zëdhënësi i Shtëpisë së Bardhë Josh Earnest tha se zoti Obama i telefonoi presidentes së organizatës Joanne Liu për të kërkuar ndjesë dhe për të shprehur ngushëllime të thella.

“Në këtë rast u bë një gabim dhe Shtetet e Bashkuara e pranojnë gabimin,” tha zoti Earnest. Ai tha se presidenti “është shumë i angazhuar për të ndriçuar plotësisht çfarë ndodhi”.

Zoti Obama i telefonoi Presidentit afgan Ashraf Ghani për të shprehur ngushëllimet për humbjen e jetëve të pafajshme nga bombardimi i së dielës, tha zëdhënësi dhe për të lavdëruar forcat afgane për trimërinë e tyre në luftën për të rimarrë qytetin e Kunduzit në përleshje me kryengritësit talebanë.

Organizata Mjekët pa Kufi kërkoi dje krijimin e një komisioni ndërkombëtar për të zhvilluar një hetim në bazë të Konventave të Gjenevës.

“Është i papranueshëm bombardimi i një spitali dhe vrasja e stafit dhe pacientëve dhe të komentohet si pasojë e paqëllimtë e një sulmi ushtarak, apo thjesht si një gabim,” tha zonja Liu para bisedës me Presidentin Obama.

Zonja Liu tha se duhen hetuar faktet e sulmit në mënyrë të paanshme dhe objektive dhe se organizata Mjekët pa Kufi nuk mund t’u zërë besë hetimeve që zhvillojnë Shtetet e Bashkuara, Afganistani apo NATO.

Pentagoni ka thënë se do të zhvillojë një hetim të hollësishëm dhe se rezultatet paraprake do të dalin brenda pak ditësh.

Nju Jork – Samiti kundër ekstremizmit të dhunshëm

Presidenti Obama tha sot në takimin e lartë kundër ekstremizmit të dhunshëm që po zhvillohet në Nju Jork se fitorja ndaj grupit ISIS nuk mund të jetë vetëm ushtarake.

Përpjekjet ushtarake duhet të shoqërohen me përparim ekonomik dhe politik, për të eliminuar radikalizimin dhe ekstremizmin. Kjo, theksoi presidenti Obama, nënkupton të fitohet ndaj ideologjisë së grupit Shtetit Islamik.

Në takimin e Nju Jorkut marrin pjesë përfaqësues të mbi 100 vendeve.

Grupi ISIS tha presidenti po shfrytëzon kaosin dhe boshllëqet e krijuara në vende me qeveri të dështuara ose ato të përfshira në konflikte.  Dy vendet që ISIS kontrollon territore janë Iraku dhe Siria. Hyrja e Turqisë në luftë, tha presidenti, e ka izoluar grupin ISIS duke mos lejuar ardhjen e luftëtarëve të huaj nga kufiri turk.

Në Siri, tha Presidenti fitorja ndaj grupit ISIS kërkon zëvendësimin e presidentit Bashar al-Sadat.  Presidenti tha se ai ështi i gatshëm të punojë me Rusinë dhe Iranin për të gjetur një formulë zgjidhjeje për Sirinë. Të dyja këto vende janë aleate të presidentit Asad dhe nuk janë dakort që ai të largohet.

Lufta kundër grupit ISIS tha presidenti është një sfidë të madhe, pasi nuk është thjesht një fushatë ushtarake. Në Lindjen e Mesme dhe Afrikën Veriuoire, tha ai,  po ndodhin ndryshime radikale dhe probleme të grumbulluara prej dhjetra vitesh që po manifestojnë veten në formën e grupit ISIS.

Nga Ballkani në takim marrin pjesë kryeministri i Shqipërisë Edi Rama, i Kosovës Isa Mustafa dhe përfaqësues të Bosnjes dhe Serbisë.

Presidenti Obama në OKB: Drejtoj ushtrinë më të madhe në botë – Nuk do hezitoj kurrë që të mbroj vendin tim apo aleatët

Por jam para jush duke besuar se ne kombet e botës nuk mund t’u kthehemi mënyrave të vjetra të konfliktit

Presidenti amerikan, Barack Obama ka mbajtur një fjalim në Asamblenë e Përgjithshme të Kombeve të Bashkuara, ku ka argumentuar rëndësinë e diplomacisë dhe të veprimit të përbashkët, me theks përpjekjet e kryesuara nga SHBA në Lindjen e Mesme.

Obama tha se vendet anëtare të OKB-së kanë punuar për të ndalur një luftë botërore duke kërkuar reflektim për atë që është arritur.

“Kemi punuar për të ndalur një luftë të re botërore. Kjo është ideja dhe ideali që ka ndjekur kjo trupë. Ka patur konflikte të tmerrshme me viktima. Vendet e mëdha të mos shfrytëzojnë të voglat. Të reflektojmë së bashku për atë që kemi arritur”, tha Obama.

Duke u ndalur tek kërcënimet, presidenti i SHBA-ve deklaroi se nuk do të hezitojë kurrë për të mbrojtur vendin e tij apo aleatët por tha se nuk mund të ketë kthim pas tek mënyrat e vjetra për zgjidhjen e konflikteve.

“Drejtoj ushtrinë më të madhe në botë. Nuk do hezitoj kurrë që të mbroj vendin tim apo aleatët. Por jam para jush duke besuar se ne kombet e botës nuk mund t’u kthehemi mënyrave të vjetra të konfliktit. Ne jetojmë në një botë të integruar. Asnjë komb në këtë asamble nuk mund ta shmangë rrezikun nga problemet me të cilat përballemi. Këto probleme nuk nxiten vetëm nga gara mes kombeve apo nga një ideologji e vetme. Nëse nuk punojmë së bashku në mënyrë efektive të gjithë do të vuajmë pasojat. Nëse nuk punojmë me kombet e tjera ne nuk do të kemi sukses”, tha Obama.

Presidenti amerikan u ndal edhe tek konflikti në Ukrainë, ku theksoi se OKB dhe SHBA kërkojnë angazhimin e Rusisë kjo do të ishte në të mirë jo vetëm të dy vendeve por gjithë botës.
“Mediat janë të bindura se ka nisur një luftë e re e ftohtë, le të shohim. Ukrainasit duam më shumë bashkimin me BE-në. Nëse Rusia do të angazhohej vërtetë dhe do të punonte me Ukrainën kjo do të ishte më mirë për Ukrainën dhe botën. Ndaj ne nxisim zgjidhje për këtë krizë. Ne nuk duam të izolojmë Rusinë, por duam një Rusi të fortë që kontribuon për sistemin ndërkombëtar në përgjithësi”, tha Obama.

Presidenti Barack Obama tha se Shtetet e Bashkuara janë të gatshme të punojnë me Rusinë dhe me Iranin për një “periudhë kalimtare” që do të çonte në largimin e udhëheqësit sirian Bashar Assad nga pushteti.

Presidenti Obama i bëri komentet në fjalimin që mbajti sot përpara Asamblesë së Përgjithshme të OKB-së në Nju Jork.

Presidenti tha gjithashtu se përdorimi i sanksioneve kundër Rusisë nuk pasqyron një dëshirë për t’u rikthyer te lufta e ftohtë.

Duke iu drejtuar sesionit të 70 të Asamblesë së Përgjithshme të OKB-së Presidenti Obama vlerësoi rendin ndërkombëtar “që, siç tha ai, ka bërë të mundur arritjen e përparimeve të pashembullta në lirinë dhe dinjitetin njerëzor.”

“Ky përparim është i vërtetë”, tha presidenti, por ai paralajmëroi se ekzistojnë rryma të rrezikshme që mund ta shtyjnë njerëzimin drejt një bote më të errët dhe më të çrregullt.”

Ai tha se Shtetet e Bashkuara janë të gatshme të punojnë me Rusinë si dhe me Iranin për një “periudhë kalimtare të menaxhuar” që do të çonte në largimin e udhëheqësit sirian Bashar Assad nga pushteti.

Siria nuk mund të “kthehet në status quo-në e paraluftës,” tha Presidenti Obama.

Komentet e tij nxorën në pah tensionet mes SHBA dhe Rusisë, aleatit më të fortë Asadit. E ardhmja e Presidentit Assad pritej të jetë një ndër temat kryesore gjatë një takimi të pazakontë që do të ketë sonte Presidenti Obama dhe Presidenti rus, Vladimir Putin.

Presidenti Obama vuri në shënjestër drejtpërdrejt Rusinë në fjalimin e tij. Ai tha se vendet e botës nuk mund të kthehen tek mënyrat e vjetra të konfliktit dhe nuk duhet të shikojnë prapa.

Në qoftë se nuk punojmë së bashku në mënyrë efektive, ne të gjithë do të vuajmë pasojat,” tha Presidenti Obama.

Ai tha se përdorimi i sanksioneve kundër Rusisë nuk pasqyron një dëshirë për t’u rikthyer te lufta e ftohtë.

“Por ne, tha Presidenti Obama, nuk mund të qëndrojmë indiferentë kur shkelet në mënyrë flagrante sovraniteti dhe integriteti territorial i një vendi.”

Ai iu referua vendimit të Presidentit Putin për të dërguar trupa në Ukrainë në mbështetje të separatistëve.

Nëse kjo ndodh pa pasoja në Ukrainë, tha Presidenti Obama, ajo mund t’i ndodhë çdo vendi që përfaqësohet këtu sot.”

“Përfytyroni në qoftë se Rusia do të ishte angazhuar në diplomacinë e vërtetë. Kjo do të ishte më mirë për Ukrainën, por edhe më mirë për Rusinë. Dhe më mirë për botën,” tha Presidenti Obama.

Presidenti kritikoi gjithashtu mbrojtësit e Presidentit sirian Assad, duke thënë se alternativa në këtë rast është më e keqe. Ai la të kuptohet se ata që e miratojnë logjikën e Presidentit Putin po mbështesin “tiranët si Assadi që përdor bomba për të vrarë fëmijët”.

Presidenti Obama tha se Shtetet e Bashkuara nuk janë të ineteresuara për të izoluar Rusinë. Përkundrazi, tha ai, SHBA kërkojnë një “Rusi të fortë, të interesuar për të punuar me ne.”

Presidenti Obama: Duhen më shumë përpjekje për të strehuar refugjatët

NJU JORK – Presidenti amerikan Barack Obama deklaroi se për të arritur qëllimin e zhvillimit të qëndrueshëm në të gjithë botën ai do të përpiqet gjatë dhe pas periudhës së tij si president.

Obama në Samitin për Zhvillimin e  Qëndrueshëm, mbajtur në Asamblenë e Përgjithshme të OKB-së, tërhoqi vëmendjen në problematikat si varfëria në mbarë botën, uria dhe sëmundjet. Ai në lidhje me vdekjet foshnjorë në mbarë botën u shpreh se: “Ende sot prania e vdekjeve të fëmijëve është një turp moral, një padrejtësi e madhe”. Ndërsa në lidhje me krizën e refugjatëve pohoi se vendet duhet të tregojnë më shumë përpjekje për ti strehuar.

Presidenti i SHBA-së vuri në dukje se aktualisht në të gjithë botën ndodhen 800 milionë meshkuj, femra dhe fëmijë të cilët përpiqen të jetojnë nën koston me 1.25 dollarë në ditë dhe se çdo ditë qindra femra humbin jetën teksa lindin fëmijë.  Obama shtoi: “Kemi ende për të bërë. Ato që kemi kryer nuk janë përfunduar në asnjë vend. Në një mjedis ku çdo minutë humbin jetën 11 meshkuj dhe femra nga sëmundje të parandalueshme ne kemi ende shumë për të bërë”.

Gjithashtu tha teksa në njërën anë këto vështirësi vazhdojnë, në anën tjetër kryhen investime në shëndetin e pullatës, dhe ka theksuar se mund ta thyejnë ciklin e varfërisë. Obama duke vënë në dukje se afërsisht më shumë 1 miliardë njerëz kanë shpëtuar nga kufiri i varfërisë u shpreh se: “Kur bota u bashkua në mënyrë unike, shkalla globale e urisë u zvogëlua”.

Duke tërhequr vëmendjen se vendet kur shpenzojnë më shumë kohë dhe para për popullin e tyre dhe kur përpiqen më shumë mund të parandalohen ndërhyrjet ushtarake, Obama theksoi se luftërat në përgjithësi shkaktohen nga menaxhimi i dobët i qeverive. Ai u shpreh më tej se për shkak të luftës në Siri sot “po përballemi me krizën më të madhe të refugjatëve pas Luftës së Dytë Botërore” dhe gjithashtu u shpreh se vendet duhet të tregojnë më shumë përpjekje për të strehuar refugjatët.

Obama duke vënë në dukje se SHBA është vendi donator i vetëm që jep ndihmën më të madhe për zhvillim duke përfshirë edhe shëndetësinë u shpreh më tej se: “Unë sot shpreh se jam i vendosur në angazhimin që Shtetet e Bashkuara të arrijnë qëllimet e zhvillimit të qëndrueshëm. Edhe gjatë edhe pas detyrës sime si president unë do të vazhdoj të luftoj si në SHBA ashtu edhe në mbarë botën për të krijuar mundësitë për arsimin, banesat, shërbimet shëndetësore, krijimin e mundësive të punësimit si dhe reduktimin e pabarazisë në të ardhurat. Sepse kjo nuk është vetëm çështje e politikanëve, por çështje e jona e të gjithëve”.

Papa Françesku: lumturia e shenjtëria qëndron në gjeste të vogla

“Fjala e Zotit na fton të gjithëve të marrim pjesë në profecinë e besëlidhjes ndërmjet një burri e një gruaje, që lind jetën e zbulon Zotin”. Kështu foli Papa Françesku në homelinë e meshës, që mbylli Takimin VIII Botëror të Familjeve në Filadelfia. Qindra mijëra njerëz, ardhur nga pesë kontinentet, u lutën me Atin e Shenjtë, i cili theksoi se lumturia e shenjtëria lidhen me gjeste të vogla. Më pas, lajmi se Takimi i ardhshëm Botëror i Familjeve do të mbahet në Dublin të Irlandës, në vitin 2018. Por të kthehemi në meshën e mbrëmshme.

Filadelfia, SHBA-të, bota, u ndalën në lutje me Papën. Në fotografitë, që tashmë qarkullojnë nëpër të gjitha mediat, shihet qartë një lumë njerëzish, por edhe feje, që mbushi Benjamin Franklin Parkway. Qindra mijëra njerëz, të kthyer me duar të bashkuara në lutje, nga Kryqi mbi Eakins Oval, gjysëmqarku nga ku familjet, të shtunën, festuan dhe u lutën me Atin e Shenjtë. Në elter, së bashku me klerin e pranishëm, Papa Françesku kremtoi meshën e madhe, që mbylli Takimin e Familjeve, pasi përshkoi në mesin e turmës entuziaste, rrugën që e çoi nga seminari i Shën Karl Borromeut në shesh, gjatë së cilës, si zakonisht, bekoi, puthi e përkëdheli fëmijë e të rritur:

    “Zoti, Ati ynë, – pohoi Papa – nuk lejon ta mundin në bujari e mbjell, mbjell praninë e tij në botën tonë”.

Dashuria e Zotit

Zoti na ka dashur i pari, vazhdoi Ati i Shenjtë, duke u thënë familjeve t’i besojnë Hyjit e ta lëshojnë gjithë vetveten në duart e Atij, që nuk zhgënjen. Kujtoi fjalët e Jezusit: “Mos e pengoni të mirën, përkundrazi, ndihmojeni të rritet”. Nënvizoi se lumturia dhe shenjtëria qëndron në gjestet e vogla, siç thuhet në Ungjillin sipas Markut:

    “Kushdo t’ju japë të pini një gotë ujë në emrin tim… nuk do ta humbë shpërblimin”.

Gjestet e vogla

Në jetën e familjes, kjo kërkesë shihet në gjestet vërtet minimale, të cilat mund edhe të mos vihen re aspak në jetën e përditshme:

“Janë gjeste dhembshurie, dashurie, mëshire”.

Një pjatë e ngrohtë me gjellë, bekimi para gjumit, një përqafim… Janë gjeste familjare, vuri në dukje Papa, që tregojnë kujdesin për detajet e çdo dite dhe i japin jetës shijen e shtëpisë. Feja, shtoi, rritet kur jetohet e plazmohet nga dashuria:

 “Prandaj, familjet tona, shtëpitë tona, janë kisha të vërteta shtëpiake: janë vendi i përshtatshëm, në të cilin feja bëhet jetë e jeta bëhet fe”.

Ndërtimi i shtëpisë së përbashkët

Papa Françesku nënvizoi se Jezusi na kërkon të mos u vëmë fre këtyre gjesteve të vogla të mrekullueshme, madje dëshiron që t’i shtojmë e t’i shkaktojmë. Duhet ta lemë veten në dorën e Shpirtit Shenjt, theksoi sërish Papa, sepse Ai na sfidon ta kuptojmë pse jetojmë e çfarë duam t’u lemë trashëgim fëmijëve:

   “Shtëpia jonë e përbashkët nuk mund të tolerojë ndarje shterpe”.

E këtu, Ati i Shenjtë e ftoi edhe një herë krejt familjen njerëzore të kërkojë një zhvillim të gjithanshëm e të qëndrueshëm:

   “Bijtë tanë, të gjejnë tek ne pika referimi për bashkimin e jo për ndarjen. Bijtë tanë, të gjejnë tek ne njerëz të aftë të bashkohen me të tjerët, që të lulëzojë kudo gjithë e mira, që ka mbjellë Ati Qiellor”.

Besëlidhja e burrit me gruan

Në një botë të lodhur nga përçarjet e katastrofat, Papa Françesku e sheh familjen si diçka profetike dhe e ftoi atë t’i hapë dyert e zemrës e ta përtërijë fenë në Fjalën e Zotit. Gjithashtu, i ftoi të gjithë të marrin pjesë në profecinë e besëlidhjes ndërmjet një burri e një gruaje, që lind jetën e na zbulon Zotin.

Dublin 2018

Në fund të meshës, përshëndetja e kreut të Këshillit Papnor për Familjen, imzot Vincenzo Paglia, i cili lajmëroi se Takimi i ardhshëm Botëror i Familjeve do të mbahet në Dublin të Irlandës, në vitin 2018. radiovaticana.va

Presidenti Obama, sot fjalim në OKB

Presidenti Barak Obama do të mbajë sot fjalimin e tij në Asamblenë e Përgjithshme të Kombeve të Bashkuara, ku do të argumentojë rëndësinë e diplomacisë dhe të veprimit të përbashkët, me theks përpjekjet e kryesuara nga SHBA në Lindjen e Mesme.

Një zyrtar i Shtëpisë së Bardhë tha se Presidenti Obama do të flasë për marrëveshjen bërthamore të arritur kohët e fundit midis grupit P5 + 1 dhe Iranit si shembull se “çfarë mund të realizohet me anë të bashkëpunimit ndërkombëtar kur vendet që shkelin rregullat ndërkombëtare mbahen përgjegjëse dhe kur ndiqet një diplomaci parimore për arritjen e objektivave.”

Presidenti amerikan do të flasë edhe për konfliktin në Siri, duke bërë thirrje për nevojën që përpjekjet ushtarake kundër grupit militant Shteti Islamik “të shoqërohen me një angazhim nga të gjitha vendet për të kërkuar dhe mbështetur një zgjidhje politike” në këtë vend të shkatërruar nga lufta.

Zyrtarë të administratës Obama kanë thënë në mënyrë të përsëritur se një kalim i tillë politik nuk mund të ndodhë për aq kohë sa Presidenti sirian Bashar al-Assad të jetë në pushtet. Kjo çështje pritet të jetë në qendër të bisedimeve sot mes Presidentit Obama dhe presidentit rus Vladimir Putin.

Do të jetë hera e parë që Presidenti Obama dhe Presidenti Putin mbajnë bisedime zyrtare që nga takimi i nivelit të lartë i G-8s në qershor të vitit 2013. Bisedimet zhvillohen me kërkesën e përsëritur të Moskës, sipas Sekretarit të Shtypit të Shtëpisë së Bardhë, Josh Earnest. Ato zhvillohen gjithashtu në klimën e shqetësimeve të SHBA rreth zgjerimit të pranisë ushtarake ruse në Siri.

“Presidenti Obama do të bëjë të qartë edhe një herë se shtimi i mbështetjes ruse për regjimin e Asadit është një bast i humbur”, u tha zëdhënësi gazetarëve në Shtëpinë e Bardhë.

Ukraina do të jetë në krye të rendit të ditës. Presidenti Obama pritet t’i kërkojë zotit Putin të mbajë angazhimet e marra në bazë të marrëveshjes së arritur në Minsk. Zyrtarët amerikanë thonë se Moska vazhdon të armatosë dhe të mbështesë separatistët në Ukrainën lindore, pavarësisht sanksioneve ekonomike që prej muajsh e kanë paralizuar ekonominë ruse.

“Një takim si ky mund t’u japë Shteteve të Bashkuara një ide më të mirë se cilat janë qëllimet e Rusisë,” tha sekretari i shtypit.

Një zyrtar i Shtëpisë së Bardhë tha se gjatë fjalimit të sotëm në Asamblenë e Përgjithshme të OKB-së Presidenti amerikan do të verë në dukje se vendet kanë sukses kur punojnë së bashku, ndërsa kur ndjekin rrugën e agresionit ata dobësohen dhe përfundimisht dështojnë.

Zyrtari tha se Presidenti Obama do të kërkojë gjithashtu mbrojtjen e të drejtave të njeriut duke theksuar se siguria e vendeve “varet nga përparimi që ato bëjnë në mbrojtjen e shëndetit, në çuarjen përpara të zhvillimit, tregtisë dhe luftës kundër ndryshimeve klimatike për të pakësuar shkaqet e jostabilitetit në botë.”

Presidenti preku disa prej këtyre shkaqeve gjatë komenteve që bëri mbrëmë në seancën e mbylljes të Takimit për Zhvillim të Qëndrueshëm të OKB-së, ku ai u bëri thirrje vendeve të veprojnë në mënyrë kolektive  për t’i dhënë fund varfërisë ekstreme.

Papa Françesku meshë në Filadelfia – para 2 milionë besimtarëve

Papa Françesku i jep fund sot një javë turneu në Amerikë duke mbajtur një meshë në Filadelfia para një mase prej afro 2 milion njerëzish.

Emigracioni dhe trajtimi human i emigrantëve kanë qënë temat e nxehta në fjalimet e Papës qëkur mbërriti në Amerikë një javë më parë.

“Mos harroni atë që ndodhi këtu më shumë se dy shekuj më parë. Mos harroni dekleratën që thotë se të gjithë burrat dhe gratë janë krijuar të barabartë. Se krijuesi i tyre i ka pajisur ata me të drejta të patjetërsueshme dhe se qeveria egziston për të mbrojtur këto të drejta.” 

Mesazhi i Papës për përfshirje rezononte me disa të cilën druhen se kisha i ka braktisur.  Ja si shprehet një besimtar.

“Mesazhi i tij nga sjell përsëri në kishë pa ndrojte ndaj gjykimit, mirëpritje për të gjithë njerëzit, jo vetëm ndaj çifteve të së njëjtës gjini por ftesa që të gjithë të shkojnë në kishë.” 

Në prag të meshës finale në Shtetet e Bashkuara, vëmendja e Papës u përqendrua tek Takimi Botëror i Familjeve. Konferenca ndërkombëtare e thirrur nga Vatikani dhe Kryedioqeza e Filadelfias, synon të forcojë  “lidhjet e shenjta të familjeve në mbarë botën.”

Papa dhe të pranishmit shijuan një mbrëmje argëtuese me pjesmarrjen e artistëve të njohur botëror para se ati të bënte humor në fundin e një dite të ngarkuar.

“Do piqemi sërish sëbashku nesër ….në orën katër.” 

Mesha e sotme pritet të jetë më e madhja që Papa ka mbajtur këtë javë në Uashington dhe Nju Jork.

Michelle Obama tejet elegante në darkën për Presidentin Xi

VOAL – UASHINGTON, 26 SHTATOR – Michelle Obama zgjedh një veshje nga Vera Wang, stiliste kino-amerikane, për darkën gala në Shtëpinë e Bardhën në kuadrin e vizitës shtetërore në Uashington nga ana e presidentit kinez Xi Jinping, shkruan Voice Of Albanians.

Një fustan i gjatë, i zi, me supe të zbuluara dhe me kindat prej tyli. Flokët të lidhura nga njëra anë. Tejet elegante edhe gruaja e presidentit kinez, Peng Liyuan, e cila vesh një fustan mëndafshi blu të zbukuruar me qëndisje dhe me perla të vogla. Zonja e Parë kineze konsiderohet në vendin e saj një shembull i elegancës. ansa

Papa në Madison Square Garden: Zoti jeton në qytete, ecën me ne udhëve të jetës së përditshme

Pas përfundimit të vizitës në shkollën e lagjes Harlem, Papa përshkoi Central Park duke përshëndetur mijëra e mijëra besimtarë, për të mbërritur në stadiumin më të famshëm të qytetit, Madison Square Garden ku kremtoi Meshën. Kremtimi i Eukaristisë, shoqëruar nga kori i mrekullueshëm i Katedrales së Shën Patrikut, përmbylli vizitën e Papës në Nju Jork, gjatë së cilës la një mesazh të fortë: “të mësojmë të vështrojmë” për ta “njohur” Zotin që ec nëpër rrugët e qyteteve tona dhe ato i shndërron në një vend vëllazërimi e paqeje.

Arena më e famshme e SHBA-së, tempulli i sportit, i muzikës dhe i convention politike, dje u shndërruar, si në vitin 1979 kur e priti Gjon Palin II, në një Kishë të mbushur me mase 20 mijë besimtarë në një atmosferë feste e vëllazërimi që e priti Papën Françesku.
Krishti është Dritë e jetës së përditshme, në smog të qytetit.

Nën një Kryq druri të Krishtit të kryqëzuar, vërtetë mahnitës, Papa iu drejtua për herë të fundit qytetarëve të Nju Jorkut, “populli”, siç rrëfen Izaia profet në kreun 9, “ ecte në errësirë e pa një dritë të madhe”. Është drita që sjell Krishti në jetë, përsëriti disa herë Papa Bergoglio, në mesin e sukseseve dhe gabimeve tona, frikës e rasteve të jetës së përditshme, në çdo hapësirë të jetës.

“Me profetin sot mund të themi: populli që ecën, merr frymë, jeton brenda “smog-ut”, ka pa një dritë të madhe, ka përjetuar e thithur ajrin e jetës. Të jetosh në një qytet të madh, në kontekstin shumë kulturor me sfida të mëdha, vërejti Papa, është diçka mjaft e ndërlikuar:
“Qytetet e mëdha na kujton pasurinë e fshehur të botës sonë: ndarjet kulturore, traditat e historitë, por ato fshehin edhe fytyrën e shumë njerëzve, “qytetarëve të kategorisë së dytë”.

“Në qytete të mëdha, në zhurmën e trafikut, në “ritmin e ndryshimeve”, mbesin të mbuluar zërat e shumë njerëzve që nuk kanë të ‘drejtën’ e qytetarisë, nuk kanë të drejtën të jenë pjesë e qytetit – të huajt, fëmijët e tyre ( e jo vetëm) që nuk mund të shkollohen, njerëz të privuar nga asistenca shëndetësore, të pastrehët, të moshuari e vetmuar – i kemi nëpër trotuaret tona në një anonimat të pakuptimtë”. Ata janë pjesë e një pejzazhi urban që dalëngadalë bëhet i natyrshëm për sytë tanë e në të veçantë për zemrën tonë.

“Të dish se Jezusi vazhdon t’i përshkojë udhët tona duke u përzier me popullin e vet, duke përfshirë veten e duka na përfshirë të gjithëve në një histori të vetme të shpëtimit, na mbush me shpresë, me atë shpresë që na liron nga izolimi – nga “lidhjet” e zbrazëta, nga analizat abstrakte, apo nga nevoja e sensacioneve të forta – e na hap ndaj tjetrit.

Ai, tha Papa, na fton të shohim në mesin e smog-ut praninë e Zotit, sepse Zoti, ripohoi me forcë Papa është në qytetet tona.. Është Krishti ai që na liron nga anonimati, nga konkurrimi, për të na hapur e orientuar udhës së paqes.

“Zoti jetën udhëve të qyteteve tona; Kisha jeton nëpër qytete tona e dëshiron të jetë tharmi i mbrumit, dëshiron të përzihet me të gjithë, duke shoqëruar të gjithë, duke kumtuar mrekullitë e Atij që është Këshilltar i madhërishëm, Hyj i fuqishëm, Atë përgjithmonë, Princ i paqes”.

Letra e Sofisë së vogël dorëzuar Papës: e kam zemrën e trishtuar, të lutem fol me Presidenti Obama (Fotoreportazh)

Voal po sjell letrën e vogëlushes Sophia Cruz që ia dorëzoi dje Papa Françeskut..

Vogëlushja Sofía Cruz, 5 vjeç, kishte ardhur nga Los Angeles në Washington, D.C. me një mision që t’i dorëzonte në dorë Atit të Shenjtë letrën në emër të 5 milionë fëmijëve të bijve emigrantë të paligjshëm që rrezikojnë të deportohen. Dhe dëshira e kësaj fëmije u realizua. Sofia ishte pjesë e delegacionit prej 6 fëmijëve dhe 19 të rriturve që kishin ardhur nga Kisha e tyre në Kaliforni për këtë mision të shenjtë, tashmë i përmbushur. Po ju sjellim fragmente nga letra bashkë me foto:

 

sofia 1

sofia 3

sofia 2sofia 4

Shtator 15, 2015

I shenjti Papa Françesko

Më quajnë Sophie Cruz,

jam 5 vjeçe, qytetare amerikane me rrënjë meksikane,

jetoj në Kaliforni në zemrën e agrikulturës.

I dashur Papa Françesko,

dëshiroj të të them se zemra ime është e trishtuar…

andaj ju lutem që të flisni me Presidentin Barack Obama dhe me Kongresin për të legalizuar prindërit e mi sepse unë çdo ditë kam frikë se mos ata m’i marrin.

Unë besoj se kam të drejtë të jetoj me prindërit e mij. Unë e kam të drejtën të jem e lumtur. Babi im punon shumë në një fabrikë të galvanizimit të metaleve.

Të gjithë emigrandët si babi im e ushqejnë këtë vend. Ata meritojnë të jetojnë me dinjitet. Ata meritojnë të jetojnë me respekt.

Ata meritojnë një reformë të ligjit të emigrimit sepse ata e meritojnë vendin tim dhe sepse ata punojnë shumë duke mbledhur portokalle, bostanë, karrota, qepë, spinaq dhe perime të tjera.

….

Thuaji Presidenti Obama, se ne fëmijët jemi shpresa, drita dhe e ardhmja……/EB

…..

letra 1

letra 2

Papa Françesku arrin në Kapitol Hill – pritet me standing ovation (video drejtpërdrejt)

Fjalimi që po mban Papa Françesku cilësohet historik nga mediat ndërkombëtare
VOAL – UASHINGTON, 24 SHTATOR – Kongresi Amerikan me dhoma të bashkuara pret me një standing ovation Papa Françeskun, i cili sapo ka arritur në sallën plenare. Minuta të tëra duatrokitjesh të kongresmenveë dhe senaorëve, të gjithë të ngritur në këmbë.
Papa iu është përgjigjur duke i përshëndetur me duar. Para se të ngjitet në foltore ka shtrënguar duart me Sekretarin e Shtetit John Kerry. Në radhët e para janë edhe nënpresidenti Joe Biden, gjithë kabineti i presidentit Barack Obama, anëtarët e Gjykatës Supreme, Sekretari i Thesarit Jacob Lew.

Papa Françesku ka mbërritur në SHBA-të i pritur nga çifti Obama (fotoreportazh)

 

Papa Françesku në aeroportin e Uashingtonit – AFP


Kanë bërë tashmë xhiron e botës fotografitë e çiftit presidencial amerikan Obama së bashku me dy vajzat, që pritën Papën Françesku në bazën ushtarake të Adrews, ndërsa zbriste nga avioni, i cili e sillte këtu nga Kuba. Nder, që iu rezervua vetëm Papës, pasi nuk është kështu për krerët e tjerë të shteteve. Sot, ceremonia zyrtare e mirëseardhjes u mbajt në Shtëpinë e Bardhë, në Uashington. Të shumta, impenjimet e Atit të Shenjtë në SHBA-të, ndër të cilat shenjtërimi i atë Junìpero Serra, por edhe lutja me ipeshkvijtë, fjalimi në Kongres e më pas, në OKB, si edhe vizita në Ground Zero, për të përfunduar me përqafimin e familjeve të Takimit Botëror në Filadelfia
996784_1280x720996779_1280x720
CPlyt7YUwAAmqKR.jpg large 996735_1280x7201

michelle-obama-president-barack-obama-and-their-daughters-malia-left-and-sasha

996790_1280x720

996796_1280x720

f-popeus-a-20150924pope-and-obama

996838_1280x720