VOAL

Kosovë

Tifozeria e klasës së dështuar politike! – Nga FLORIM ZEQA

Situata paradoksale e viteve të fundit në Kosovë, e pasurimit të skajshëm të klasës politike dhe e varfërimit të skajshëm të popullatës, kur kjo e fundit akoma vazhdon verbërisht tifozerinë e saj ndaj klasës së dështuar (shëmtuar) politke, jo vetëm që është e papranueshme për një shoqëri të civilizuar njerëzore, është shqetësuese për të ardhmën e saj.

Jo pa qëllim, elektoratin e partive politike e krahasova me tifozerinë e klubeve sportive, të cilat gjithmonë përfitojnë dhe nuk dhurojnë asgjë për tifozët e tyre, përveqse ndonjë shpërblimi “kortezual” për ndonjë tifoz të “përgjedhuar” nga udhëheqësia e klubit.

Përderisa udhëheqësit e klubeve u gjasojnë liderëve partiak, tifozët ngjajnë në militant partiak, spektatorët në stadium u ngjajnë elektoratit në votime,…përmes të cilëve lartësohen klubet (partitë) dhe pasurohen pronarët e klubeve (liderët). Ajo që u mbetët spektatorëve pas përfundimit të ndeshjes (zgjedhjeve) është debati rreth (mos)suksesit të arritur dhe loja e treguar në fushë nga të preferuarit e tyre,…e cila shpeshëherë përfundon me debate të nxehta në mes tyre, pa pasur asnjë lloj përfitimi nga skuadrat (partitë) që i kanë për zemër.

Për dallim nga debatet e tifozerive sportive, ato të partive politike janë dukshëm më të “avancuara”, më të nxehta, më agresive,…të përcjellura me një fjalor të ulët dhe denigrues, ashtu siq është edhe gjuha e vet liderëve të sotëm partiak!

Për dallim nga drejtuesit e klubeve sportive që ju premtojnë tifozëve ndeshje të bukura dhe cilësore, liderët partiak tifozët e tyre i joshin përmes spektakleve televizive, me premtime mashtruese,…me prezantimin e skandaleve, të aferave korruptive dhe shantazheve të rivalëve politik.

Për dallim nga tifozeria e klubeve sportive, tifozeria e partive politike, e klaneve, grupeve të interesit keqpërdoren dhe mashtrohen në vazhdimësi nga liderët partiak,…ndahen dhe përqahen pamëshirshëm fushatave zgjedhore, duke u përdorur si skllëvër duke i joshur për pak lëmoshë në këmbim të votës për marrjen apo mbajtjen e pushtetit.

Kjo tifozeri e kësaj klase të dështuar politike, me ose pa vetëdijen e tyre janë shëndrruar në varrmihës të së ardhmës së fëmijëve të tyre.

Tifozeria partiake, me ushqimin dhe mbajtjen gjallë të një klase të korruptuar dhe shantazhuar politike, dita-ditës janë duke e bërë akoma më të pasigurtë dhe më të paqartë të ardhmen e shtetit të Kosovës.

Pse kjo tifozeri politike, që ushqen dhe mbanë gjallë këtë klasë të shëmtuar kusarësh politik, nuk e si marrin shembull udhëheqjen e skuadrave sportive (ekipeve të futbollit, baskektbollit, hendbollit, etj), kur timonierët e tyre nuk e drejtojnë mirë ekipin, ata ndërrohen edhe nga tri-katër herë mbrenda një viti, ripërtërihet skuadra me lojtar të rinjë,…ndërsa në politikë po lejojmë të ndodhë e kundërta; për 16 vite rresht po i mbajmë të njejtit njerëz pa e treguar asnjë rezultat pozitiv për vendin dhe për të mirën e qytetarëve,…

Vendi nuk ka nevoj për tifozeri partiake, as për antarësi pasive politike, por për një energji të re kreative, me ide dhe koncepte te reja politike për zhvillim ekonomik, rimëkëmbje të sistemit të drejtësisë, arsimit, shëndetësisë dhe hallkave tjera të sistemit shtetëror.

Ndryshimi nuk vjenë me “koka” të infektuara nga sistemi korruptiv i një qeverie vrastare, as nga një kastë servilesh dhe sahanlëpirës të sistemeve të kaluara, as nga një garnitur analfabetësh politik me diploma të falsifikuara, dhe as nga një struktur plagjiatorësh me tituj “akademik”, pa asnjë të vetmin publikim shkencor në jetën e tyre.

Kështu shteti i Kosovës, në mungesë të vlerave të mirëfillta politike, në mungesë të prosperitetit, zhvillimit ekonomik dhe mirëqenjes qytetare, është duke shëndruar, jo në një stadium futbolli me pak spektator, por në një koleseum gladiatorësh mes “BOSAVE” të pseudopolitikës që bëjnë luftën për marrjen, respektivisht mbajtjen e pushtetit me forcën e muskujve.

Edhe pse interesimi për garën politike është në rënje e sipër, megjithatë gara mes tiozerisë partiake akoma po vazhdon !

Në këtë moment krejt spontanisht përpara më dolën vargjet e këngës: “Amaneti i Clownit”, te Rock grupit TROJA, po citoj; “Kush janë këta njerëz që s’janë shkollue, nuk kan mësue që njeriu nuk ban shpinë e vet me vjedhë,…janë këta njerëz që diellin ma kan nal,…janë këto vjet që kurr nuk muj me i fal”, e deri të vargu “Janë këta njerëz që vet nuk muj me i nal”, që thërrasin si kushtrim për nevojën e unifikimit e të gjitha forcave progresive për largimin përfundimtar nga pushteti dhe skena politike e vendit, të kësaj klase të shëmtuar politike.

Arsim Bajrami dhe Rrustem Mustafa debatojnë idhshëm në Facebook

Pas deklaratës së ministrit të arsimit në Kosovë, Arsim Bajrami se studentët e fakulteteve private nuk duhet t’i pranojnë si mësimdhënës, ka reaguar edhe një nga deputetët e PD, pra nga i njëjti krah politik.

Kësaj here nga Rrustem Mustafa, Remit, i cili thotë se nuk jemi në vitet e ’90-ta, që t’i kemi dy ide për të njejtën çështje

Ministri Bajrami, nga ana e tij ka reaguar dhe i është përgjigjur Mustafës:

“Si ligjvënës që dy mandate, ju sigurisht që do të duhej ta kishit të njohur faktin që Ligji për Arsimin e Lartë në Republikën e Kosovës, i miratuar në vitin 2011, i cili është në fuqi, e përcakton qartë që vetëm institucionet publike të arsimit të lartë mund të ofrojnë programe studimi që çojnë në kualifikimin e një mësimdhënësi për t’u punësuar në një shkollë. Ju lutem, këtë mund ta lexoni në nenin 16, paragrafi 5 (http://masht.rks-gov.net/uploads/2015/06/2-ligji-per-arsimin-e-larte.pdf).” Në fund i sqaron Mustafës së nuk ka qenë asnjëherë rektor i asnjë institucioni privat në Republikën e Kosovës.

Nga ana e tij Remi ia kthen Bajramit duke i kërkuar falje nëse ka gabuar që ai ka punuar në universitetin Dardania dhe ia kujton një spot publicitar.

Ai, si duket nuk e ka shumë në qejf Bajramin duke i thënë se nuk dëshiron të humbë kohë me të dhe i thotë se Bajrami është i emëruar për cilësi e jo cilësime duke e kërcënuar se ai dhe të gjithë e dinë se ku e ka pruar arsimin e lartë ai me bashkëkohësit e tij.

Në fund, Remi i thotë se për këto duhet të raportoni te kryeministri dhe në Kuvendin e Kosovës duke i sugjeruar të lexojë një artikull të gazetës Zëri të datës 28 shkurt 2015.

Ja shtëpia 700 metrakatrorë që po ndërton Hashim Thaçi në lagjen Veternik

PRISHTINE – Ish-kryeministri i Kosovës, njëherësh kryetari i Partisë Demokratike, Hashim Thaçi, ka nisur ndërtimin e një shtëpie në lagjen “Veternik” të Prishtinës.

Gazeta “Zëri” shkruan se punimet për ndërtimin e shtëpisë kanë nisur në vitin 2008, menjëherë pas largimit të tij nga shtëpia në lagjen “Arbëria”, pas incidentit me Fazli Sejdiun, tashmë i akuzuar për tentativë vrasje.

“Zëri” ka publikuar foto ku shihet shtëpia 700 metra/katrorë, e papërfunduar dhe e rrethuar nga bari. Sipas gazetës, kjo shtëpi ka kushtuar mbi 200 mijë euro.

Analizë – Foteljet që janë ngritur lart në qiell e nuk po zbresin në tokë – Nga SKËNDER MULLIQI

Në skenën tonë politike që shumë kohë është duke mbretëruar kaos i vërtetë nga kjo kastë politike. Këta më veprimet e veta më shumë destruktive janë duke përmbysur secilën ditë e më shumë çdo gjë që na identifikon si komb shtetformues. Mos profilizimi ashtu si duhet i partive kryesore politike të cilat po e drejtojnë vendin , po i rrisin gjithnjë e më shumë edhe kundërthenjët , të cilat po reflektojnë shumë negativisht në shtet ndërtim dhe mirëqenje. Në Kosovë ende nuk dihet mirë se cila parti është me orjentim të majtë , dhe cila parti me orjentim të djathtë politik.Disa parti politike të cilat në opinion janë më shumë të njohura si parti të krahut të majtë, janë deklaruar në sytë e opinionit vendor dhe ndërkombëtar si parti djathtiste. E dihet së nuk ka parti djathtiste me njerëz me logjikë tipike komuniste .Dallimi i madh midis këtyre koncepteve politike ka bërë që të reflektohen edhe ndasitë e mëdha mbrenda partiake dhe ndasitë e mëdha kur bëhët fjalë për shtetin. Kjo më duket mua po ndikon shumë që të kemi edhe kaq përqarje të mëdha të spektritë të sotëm politikë. Kjo po reflektohet keq edhe në luftën për pushtet .Në këtë mishmash politik janë inkuadruar kryesisht njerëzit jo shumë me moral , njerëzit me biografi të dyshimtë politike ,njerëzit me biografi kriminale, të korruptuar dhe gjithëfare llojë matrapazësh.Po mos të ishte kështu, sigurisht edhe nuk do të kishim këtë gjendje të mjerë politike dhe të rrjedhave ekonomike. Kosova është një vend shumë i vogël që të bëhën eksprimente të ndryshme. Krahas kësaj po bëhën edhe eksprimente me popullin të cilit po i humb durimi. Kuvendi është bërë arenë e zënkave të ndërsjella , pa kurrfarë efekti për të mirën e këtij vendi dhe qytetarëve të saj. Lufta për pushtet, nuk na duhet, na duhet lufta për shtetndërtim dhe mirëqenje për çka shumë është sakrifikuar.Të mbesin anash ata që dhanë kontribut historikisht edhe tash në luftën e fundit, është apsurditet i llojit të vet.

Një tjetër absurd edhe më i madh është mos inkuadrimi në politikë i intelektualëve apo skajimi I qëllimshem i tyre. Fotelja pushtetare nuk është rezervuar vetëm për një kategori njerëzish.Sikur këto fotelje janë ngritur diku lartë në qiell dhe nuk po zbresin në tokë.Këto struktura politike në vend që të punojnë për shtetin , po punojnë në largimin e çdo intelektuali nga jeta politike . Në anën tjetër po na vijnë një numer i madh njerëzish të cilët kan arritur gradat akademike duke i blerë diplomat si në treg.Kjo është një shkas më shume që inteletualët mos të heshtin ,para të keqës. Të dalin nga mjegulla.elita intelektuale dhe ta ngrisin zërin tash më shumë se kurrë , sepse vendi është futur në qorrsokak.Elitës intelektuale duhet ti bashkëngjiten edhe studentët të cilët gjthmonë ishin zëri I arsyes.Ishin ata që bënë kthesa historike për Kosovën dhe të ardhmën e shqiptarëve në Ballkan.Pavarësia na ka mbetur gadi vetëm si farsë.Nuk ka mundesi që situata politike dhe ekonomike të jete pozitive kur njerëzit elitarë si mekanizem qenësor për zhvillim, të menjanohen në këtë mënyrë nga roli esencial.Nese vazhdojnë të heshtin në këtë mënyrë rrezikojnë të ‘ vdesin’ ngadalë. Mjaftë deri me sot pamë skena cirkusi në Parlament , të cilët po na bëjnë gazin e botës.E kan errësuar jetën .E kan errësuar të ardhëmën e vendit.E kan errësuar të ardhmën e gjeneratave të reja.Pas ndrrimit të sistemeve që u bënë historikisht, duke u futur në sistemin shumë partikë, ka ardhur përiudha kur dija është e nevojshme më shumë së kurrë .Të rinjët të cilët po i mbarojnë shkollimet profesioniste jashtë atdheut, kanë mbetur jashtë loje . Nga inkuadrimi i tyre në rrjedhat shoqërore dhe rrjedhat politike do të mvaret edhe e ardhmja e vendit. Nga fitorët imagjinare të kalojmë në fitoret reale…

Yryshi për pushtet, se edhe pak ka mbetë shtet! – Nga FLORIM ZEQA

Nuk do të merrem me komentimin e asaj çfarë ndodhi në seancën e fundit të kuvendit, nuk do të merrem as me vezët dhe as me deklaratat tashmë bajate të pozitës dhe opozitës, të shëndrruara në retorikë torturuese për opinionin publik dhe gjithë qytetarëve të vendit.

Sikurse zanafilla e problemeve me të cilat po përballet vendi sot, që është e mëhershme, edhe “Zajednica” është produkt i veprimeve të mëparshme destruktive në Kuvendin e Republikës së Kosovës.

Ashtu siq erdhi në pushtet ky koalicion jo parimor dhe aspak natyral përmes ngërçit (kapsëllëkut) politik mbi pesë mujor, si duket do të përfundoj edhe më keq përmes bllokadës së institucionit më të lartë ligjvënës të Republikës së Kosovës nga ana e opozitës.

E filluar me Isa Mustafën bllokada e jetës institucionale pas zgjedhjeve të 8 qershorit të vitit të kaluar përmes bllokut paszgjedhor V-LAN,…odiseada e gjatë e rrënimit instistucional, kushtetues dhe territorial të vendit tonë, siq po shifet ashtu edhe do të përfundoj me Isa Mustafën.

“Zajednica” është shkaku, ndërsa Isa Mustafa mbetët qëllimi i bllokut opozitar VAN, për përmbysjen e tij dhe marrjen e pushtetit me dhunë.

Shkaku që opozitës i mungon mbështetja qytetare për protesta në rrugë, ajo provokon veprime të dhunshme në parlament, si e vetmja rrugë e mbetur siq thonë ata në “parandalimin” e Zajednicës !

Ndarja fizike e veriut të vendit ka ndodhur menjëherë pas lufte me pozicionimin e forcave Ruso-Franceze mbi Urën e lumit Ibër, ndërsa Zajednica serbe lindi me marrveshjen e 19 prillit 2013 në Bruksel e nënshkruar nga Hashim Thaçi,..e bërë punë e kryer me bekimin e deputetëve të Kuvendit të Republikës së Kosovës me 27 qershor po të njëjtit vit.

Nënshkruesi i marrveshjes së 25 gusht të vitit 2015, zoti Isa Mustafa vulosi ndarjen përfundimtare të shtetit në dysh mes; Republikës së Serbisë dhe Republikës së Kosovës,…një ditë më pas të nënshkrimit edhe të marrveshjes së Demarkacionit të kufirit me Malin e Zi në Vjenë,…marrveshje këto që shënojnë realizimin e objektivave serbo-malazeze, të ndihmuara nga bashkësia ndërkombëtare.

Tanimë pas marrveshjeve politike të nënshkruara nga liderët e shantazhuar kosovar në Bruksel, shtrirja e sovranitetit të shtetit në pjesën veriore me mjete politike është e pamundur. “De facto” dhe “De jure”, veriu i vendit është ndarë nga Kosova.

Mbase ky do të jetë shkaku kryesor për mosreagim të bashkësisë ndërkombëtare në zgjidhjen e situatës bllokuese në kuvend.

Ngase ndërkombëtarëve më nuk ju duhen Hasha as Isa, pasi nga ta nxorën krejtë atë çka kishin synim; Gjykatën Speciale, Asociacionin e komunave serbe, Demarkacionin dhe enklavizimin e Kosovës,…andaj tani pak peshë ka për ndërkombëtarët se kush do të vie nesër në pushtet.

Do të mashtrohen keq të gjithë ata që mendojnë në investimin ndërkombëtar për shkatërrimin e bllokut VAN, ashtu siq patën vepruar me V-LAN-in në nëntorin e vitit të kaluar.

Si rezultat i odiseadës bllokuese, vendi është duke u zhytyr në një krizë të thellë politike dhe institucionale me pasoja afatëgjata.

Pavarësisht se a do të ndodhë “raportimi” i kryeministrit në kuvend apo jo, realiteti do të mbetët i pandryshuar. Nënshkruesit e marrveshjeve të Brukselit (Hashim Thaçi e Isa Mustafa), nuk e kanë mundësinë e kthimit prapa!

Politika kosovare e udhëhequr nga Hashim Thaqi e Isa Mustafa, Kosovën e kanë futur në një rrugë “SENSO UNICO” (njëkahëshe), poashtu kjo opozitë e çmendur pas pushteti, me veprimet e saja vetëm sa u kanë ndihmuar pushtetarëve aktual,,…marrveshjet e Brukselit janë duke i përdorur si “alibi” për spektakle dhe skandale politke për rrëzimin e kësaj qeverie me dhunë,…duke mos llogaritur fare efektin final dhe pasojat plotike për të ardhmën e vendit.

Pozita dhe opozita parlamentare në Kosovë një qëllim të përbashkët e kanë; mbajtjen, respektivisht marrjen e pushtetit për interesa personale, për zhvatjen e pasurive të mbetura shoqërore, publike dhe shtetërore.

Me ketë rast, të gjitha palëve të implikuara në luftën për pushtet ua bëjë një thirrje ironizuese; “Yrushi për pushtet, se edhe pak ka mbetë shtet”!

Befasia më e pakëndshme e opinionit publik kosovar mbetët LDK-ja, e cila nga një levizje shtetformuese dhe shtetndërtuese, rrëshqiti keq në një subjekt të rrënimit të sovranitetit të shtetit, integritetit territorial dhe politik të vendit në bisedimet e Brukselit.

LDK-ja e grupeve të interesit e Isa Mustafës, edhe atëherë kur ishte në opozitë i dha mbështetje të fuqishme Hashim Thaçit në Kuvendin e Republikës së Kosovës, në marrjen e vendimeve të dëmshme për vendin si; ligji për amnistimin e kriminelëve (serb), ratifikimi i marrveshjes së 19 prillit 2013-të për “Zajednicën”, ligji për demarkacionin e shumë e shumë veprimeve tjera destruktive.

Prandaj për këtë arsye LDK.ja, vazhdon të goditet rëndë, nga opozita dhe shoqëria civile si bashkëpjesmarëse në skenarët fatkeq për Republikën e Kosovës!

Prandaj si rezultat i gjithë kësaj, vendit i ka mbetur vetëm një zgjidhje; lindja e një alternative të re politike nga populli, për ç’rrënjosjen e së keqës së përbashkët të këtij vendi të quajtur “Pozitë-Opozitë”.

Thënë ndryshe, shpëtimtar për vendin nuk mund të jenë shkaktarët e së keqës, ata që rropën e ç’rropën bashkarisht pasuritë shoqërore dhe publike për këto 16 vite rresht, ata që negociuan pavarësinë e larë me gjak, ata që i shkaktuan plagë dhe dhimbje shpirtërore popullit të tyre.

Shpëtimin populli duhet ta gjejë tek intelektualët e ngritur, me moral të pastër dhe integritet kombëtar, tek të gjitha shtresat e shoqërisë që janë të gatshëm të përballen me virusin kancerogjen të; krimit dhe korrupsionit, karrierizmit, familjarizmit, nepotizmit dhe të gjitha dukurive të tjera shoqërore të shfaqura në Kosovën e pasluftës, e në veqanti të periudhës së paspavarësië.

Zeka: Visar Ymerin ose e ka lëshuar memoria, ose po mashtron e po rren opinionin

Gazetari dhe publicisti Milaim Zeka e ka komentuar postimin e fundit të liderit të VV-së, Visar Ymeri, i cili ka akuzuar krerët e shtetit për korrupsion.

Zeka në një postim në Facebook ka thënë se dyshon se Ymerin e ka lëshuar memoria, pasi ai në këto akuza nuk po i përfshin pjesëtarë të opozitës, transmeton gazeta Kosova Sot Online.

“Visar, ti je djale e meqem. Nuk besoj qe te ka leshu memorja. As nuk besoj qe ke dashte qellimisht me rrejt. Ti ke dashte me mashtru opinionin, i cili gjerat qe une i permenda, i din shume mire”, ka shkruar ai.

Lexoni më poshtë postimin e plotë të Zekës në Facebook:

Visar Ymerin e VV, ose e ka leshu memorja, ose po mashtron e po e rren opinionin!

E lexova nje postim te kryetarit te VV, Visar Ymerit, kunder “zhvatesve qe flasin per korrupcion”. Te gjithe i gjuan me rende, prej Isa Mustafes, deri te Hashim Thaqi e Kadri Veseli. Edhe mire ua bene.

Po ama ky Visar Ymeri, harron me permend Fatmir Limen kur flet per “Bechtel Enken” e per asfalt. Harron me thane te verteten qe ai ka qene kryesori per kete pune.

Harron me permend Visari qe ne procesin e privatizimit kane qene te perzier, madje forte rrast AAK-ja. Ne qeveri e neper borde.

Visari harron me permend qe edhe disa krere te larte te VV kane qene te zhytur ne krimin e privatizimit, te lidhur direkt me Fatmir Limen dhe pehlivana te tjere te PDK se.

Visar Ymeri, bane mire me i thirre ne biseda informative do deputet te VV, edhe do deputete, qe kane restorane edhe ne Shqiperi, e me i pyet qysh bre e bat gjithe ate kapital pa punu kurr asnje dite, madje as te rrasat e Gllareves?!!!

Visar, ti je djale e meqem. Nuk besoj qe te ka leshu memorja. As nuk besoj qe ke dashte qellimisht me rrejt. Ti ke dashte me mashtru opinionin, i cili gjerat qe une i permenda, i din shume mire.

Keto pyetje kisha pas qef me ti ba perball meje, tek emisioni im, ku po te ftoj publikisht qe te vish…

Mustafa në Samitin Global të Liderëve, i ftuar nga Obama

PRISHTINE-Kryeministri i Republikës së Kosovës, Isa Mustafa, udhëtoi sot për në Nju Jork, ku është ftuar nga Presidenti i Shteteve të Bashkuara të Amerikës, Barack Obama, që të marrë pjesë në Samitin Global të Liderëve Kundër ISIS-it dhe Kundër Ekstremizmit të Dhunshëm, që do të mbahet më 29 shtator.

Në Samit së bashku me kryeministrin Isa Mustafa do të jenë të pranishëm edhe zëvendëskryeministri i parë, njëherësh ministër i Jashtëm, Hashim Thaçi dhe ministri i Brendshëm, Skënder Hyseni.Gjatë këtij samiti o të diskutohet për arritjet e shteteve në luftën kundër ISIS-it dhe ekstremizmit të dhunshëm.

Gjatë vizitës në Nju Jork, kryeministri Isa Mustafa, po ashtu do të marrë pjesë në Konferencën Globale të Clinton Global Initiative, që udhëhiqet nga ish-Presidenti Amerikan Bill Clinton, si dhe në shumë takime të tjera që organizohen në prag të punimeve të Asamblesë së Përgjithshme të Kombeve të Bashkuara.

Kryeministri Mustafa, me delegacionin qeveritar, gjatë qëndrimit në Nju Jork, do të takohet edhe me dhjetëra liderë dhe homologë të vendeve të ndryshme, si dhe udhëheqës të organizatave ndërkombëtare e rajonale.

Kryeministri Isa Mustafa do të zhvillojë takime edhe me udhëheqës të lartë të administratës së Shteteve të Bashkuara të Amerikës, me kryeministra të shumë vendeve të Bashkimit Evropian, zyrtarë të lartë të mekanizmave të BE-së si dhe liderë të shteteve të ndryshme anëtare të Kombeve të Bashkuara, përfshirë edhe të shteteve që ende nuk e kanë marrë vendimin formal për njohjen e shtetit të pavarur dhe sovran të Kosovës.

Gjatë takimeve me liderët e vendeve të ndryshme të botës dhe organizatave ndërkombëtare, kryeministri Isa Mustafa do të kërkojë përkrahje konkrete për fuqizimin e mëtejshëm të subjektivitetit ndërkombëtar të Kosovës, anëtarësimin e Kosovës në UNESCO dhe në organizatat e tjera ndërkombëtare..

Vetëvendosje kërkon vullnetarë – Republika jonë është në rrezik

PRISHTINE – “Vetëvendosje” kërkon vullnetarë, për të ‘mbrojtur’ Republikën e Kosovës, që sipas tyre është në rrezik. Sipas “Vetëvendosje”, “shteti është kapur nga njerëzit e korruptuar, që për të ruajtur pushtetin e tyre po e shesin vendin; që për t’i pasuruar familjet e tyre, po e varfërojnë popullin”.

“Ata premtuan qindra mijëra vende të reja pune, kurse në vend të kësaj detyruan qindra mijëra të rinj e të reja ta lëshojnë Kosovën. Ata premtuan zhvillim ekonomik, sovranitet e demokraci, kurse në vend të kësaj po na e sjellin ‘Zajednicën’ që e pamundëson zhvillimin, e redukton sovranitetin dhe e ndan etnikisht vendin. Po na sjellin marrëveshje demarkacioni që mbi 8,000 hektarë të Kosovës ia fal Malit të Zi”, thuhet në thirrjen e “Vetëvendosjes” për vullnetarë.

“Republika është në rrezik, kurse qytetarët janë të vetmit që mund ta mbrojnë atë. Prandaj, bëjmë thirrje për mobilizim të përgjithshëm për ta mbrojtur Republikën tonë”, thuhet në njoftimin e VV-së.

“Thërrasim për vullnetare e vullnetarë që janë të gatshëm të na ndihmojnë në organizimet tona të përditshme siç janë aksionet simbolike, tubimet me qytetarë, peticioni, organizimi i protestave, punë administrative, organizimi i takimeve të ndryshme, punët logjistike, ndihma në punën dhe kontaktin me media dhe qytetarë, etj”,- thuhet në fund të kësaj thirrjen e “Vetëvendosje”.

Zyrtarët e lartë: Korrupsioni në Kosovë është i pranishëm kudo

Zyrtarët e lartë të institucioneve të Kosovës kanë theksuar se vendi është duke u ballafaquar me nivel të lartë të korrupsionit.

Në takimin e Këshillit Kombëtar Kundër Korrupsionit, ata kanë deklaruar se korrupsioni është prezent gati në të gjitha institucionet e Kosovës.

Presidentja e Kosovës Atifete Jahjaga, që drejton Këshillin Kombëtar Kundër Korrupsionit, ka theksuar se rastet e korrupsionit duhet të trajtohen dhe të përmbyllen me një intensitet më të shtuar.

“Vonesat në trajtimin e rasteve të korrupsionit po zbehin besimin e qytetarëve tanë në institucionet tona. Qytetarët e Republikës së Kosovës janë aleati kryesor në luftën kundër korrupsionit”.

“Sinjalizuesit e veprave penale të korrupsionit, duhet të inkurajohen duke u mbrojtur nga institucionet, në mënyrë që të vazhdojnë raportimin tek institucionet dhe mediet. Sot nuk ka patriotizmin dhe nderim më të madh për shtetin tonë dhe të ardhmes së tij sesa vërtetimi dhe raportimi i veprave penale të korrupsionit”, ka theksuar Jahjaga.

Lufta kundër korrupsionit në shëndetësi dhe në arsim, ka shtuar Jahjaga duhet të jetë prioritet i institucioneve.

Shkalla e lartë e korrupsionit dhe e krimit të organizuar janë potencuar në raportet e progresit të Komisionit Evropian si edhe në raportet hulumtuese të organizatave tjera ndërkombëtare si një prej problemeve më të mëdha të zhvillimit të shtetit të Kosovës.

Kosova, ndërkaq sipas kryeministrit të Kosovës, Isa Mustafa nuk ka ndërtuar ende kritere të mjaftueshme ligjore dhe morale për ta luftuar korrupsionin.

Ai ka theksuar se korrupsioni është i pranishëm si në institucione qendrore ashtu edhe në ato lokale, është prezent në arsim në shëndetësi dhe në shtyllat tjera.

“Nuk mund ta luftojmë korrupsionin duke kërkuar peshq të mëdhenj ashtu siç kemi vepruar deri më tani, pasi që konsideroj që peshk i madh është çdonjëri që është i korruptuar”, ka theksuar Mustafa.

Ndërkaq, ambasadori amerikan në Kosovë, Greg Delawie, ka theksuar se autoriteteve të Kosovës për ta luftuar korrupsionin iu duhet shumë punë.

“Që nga ardhja ime në këtë shtet, nuk i kam bërë sekret prioritetet e mia, kam thënë se do të doja të punoj së bashku me qeverinë dhe qytetarët e Kosovës, për të forcuar sundimin e ligjit, për të ngritur sigurinë rajonale dhe për të promovuar rritjen ekonomike”.

“Progresi në të gjitha këto fusha është jetik për Kosovën, që të gjejë vendin që i takon si anëtare e të gjitha institucioneve dhe grupeve kyçe euro-atlantike”, ka theksuar Delawie.

Mënyra se si po raportojnë zyrtarët e lartë të institucioneve të Kosovës në Këshillin Kombëtarë Kundër Korrupsionit, po kritikohet nga përfaqësues të shoqërisë civile.

Petrit Zogaj nga Lëvizja Fol në një prononcim për Radion Evropa e Lirë, ka theksuar se ky këshill duhet të jetë më funksional në luftimin e korrupsionit në vend.

“Nuk duhet të jetë një këshill ku institucionet vinë dhe rrëfehen për problemet që kanë, por duhet të jetë një këshill ku jepen zgjidhjet. Fatkeqësisht institucionet që janë brenda këshillit dhe njerëzit brenda tyre janë njerëz që tregojnë një dembeli të punës së tyre”, ka theksuar Zogaj.

Ndryshe, Këshilli Kombëtar Kundër Korrupsionit ishte themeluar nga presidentja e Kosovës, Atifete Jahjaga më 15 shkurt të vitit 2012 me qëllim parandalimin dhe luftimin e korrupsionit në Kosovë.

Luljeta Krasniqi – Veseli

[email protected]

Luljeta Krasniqi, e lindur më 02.05.1981. Me gazetari ka filluar të merret që nga viti 2005. Për një kohë të gjatë ka punuar si gazetare në Agjencinë e lajmeve Kosovalive. Ekipit të Radios Evropa e Lirë i është bashkuar në vitin 2008.

Kosova boton në shqip veprat e albanologut Franz Bopp

Zv.ministri i Kulturës Rexhep Hoti, tha se Ministria e Kulturës, por edhe ai vetë personalisht, do të angazhohen për të botuar shkencëtarët e gjuhësisë me nam botërorë, që kanë dhënë kontribut të pashoq edhe për gjuhën shqipe, por që për arsye të ndryshme, vepra e tyre ende nuk janë të përkthyera në gjuhën shqipe. Këtë zotim ai e mori sot, gjatë takimit me historianin dhe aktivistin, Altin Kocaqi.

bop1

Babai i shkencës së gjuhësisë, gjermani Franc Boop, i cili njihet edhe si autori që krijoi `pemën e gjuhëve`, edhe pse e ka ngritur në piedestal gjuhën shqipe pasi ka argumentuar se është shumë më e vjetër se greqishtja e vjetër, latinishtja apo edhe vetë sanskrishtja, nuk është botuar ende në gjuhën shqipe. Vepra e Franc Boop-it, ideatori dhe mbrojtësit të idesë së afrisë së shqipes me pallazgjishten, për arsye të çuditshme, nuk është sjellë deri më tani në gjuhën shqipe, por ky fakt pritet të ndryshojë së shpejti.

Zv.ministri i Kulturës, Rinisë dhe Sportit, Rexhep Hoti, ka marrë angazhime personale por edhe të dikasterit që ai drejton, që Franc Boopin, por edhe të gjithë shkencëtarët e tjerë të huaj të gjuhësisë që nuk flasin ende në shqip të komunikojnë me lexuesit shqiptarë.

Ky angazhim i Hotit erdhi pas një takimi që ai pati me historianin dhe aktivistin Altin Kocaqi, i cili së bashku më një grup historianësh janë duke përkthyer dhe mbajtur gjallë tezat e shkencëtarëve të huaj të gjuhësisë, veprat e të cilëve përveçse nuk u përkthyen edhe u sabotuan shkaku se nuk përkonin me ideologjinë zyrtare dhe ishin në kundërshtim me tezat e armiqve të shqiptarëve. `Publikisht zotohem se shumë shpejt do të gjejmë financimet për të botuar në gjuhën shqipe babain dhe njërin prej shkencëtarëve me të shquar të gjuhësisë europiane dhe më gjerë, Franc Boop-in, arvanitasin Panajoti Kupitorin dhe shkencëtarët tjerë të lënë në harresë. Përgëzoj z. Kocaqi dhe të gjithë historiantët e aktivistët tjerë që kanë bërë një përkthim brilant të këtyre dy shkencëtarve dhe të tjerëve që janë në pritje”, tha zv.ministri i Kulturës Rinisë dhe Sportit, Rexhep Hoti.

Ai gjithashtu mori angazhime për të krijuar një fondacion, ku do të mund të kontribonin dhe bizneset private, të interesuara për të ndihmuar kulturën dhe gjuhën shqipe. “Nuk është rastësi që babai i shkencës së gjuhësisë europiane, Franc Boop, nuk është përkthyer në gjuhën shqipe. Jo vetëm ai, por të gjithë ata që mbrojnë tezën e prejardhjes së gjuhës shqipe nga pellazgjishtja, janë lënë në harresë. Rasti i njëjtë është edhe me mopërkthimin e shkencëtarit të shquar arvanitas, Panajoti Kupitori dhe shumë shkencëtarëve të tjerë”, tha historiani dhe aktivisti, Altin Kocaqi.

Sipas tij, puna e tij dhe e grupit që po merret me përkthimet e shkencëtarëve të lënë qëllimshëm në harresë, vetëm se do të intensifikohet. Gjuha shqipe, si njëra prej gjuhëve më të vjetra në botë dhe më e veçanta, pa asnjë lidhje me gjuhët e tjera bashkohore, ka bërë që shumë shkencëtarë ta studijojnë me detaje dhe të hedhin teza të ndryshme për origjinën, zhvillimin etj.. Kjo, i ka ndarë shkencëtarët në dy taborre, ku një palë mbronë idenë e origjinës së gjuhës shqipe nga ilirishtja, ndërsa pala tjetër e shpie origjinën e gjuhës shqipe mijëra vjet më herët duke e konsideruar pasardhëse direkte nga pellazgjishtja. Mbështetësit e origjinës së shqipës nga pellazgjishtja, nuk kanë pasur asnjëherë mbështetjen e shtetit shqiptar. Vërtetimi i kësaj teze do sillte tërmet jo vetëm në gjuhësinë dhe historinë europiane, pasi çdo gjë do të duhej të rishkruhej nga fillimi.

bop2

Sami Lushtaku punëson të bijën në Qeverinë Mustafa

Vajza e Sami Lushtakut, Qëndresa Lushtaku-Geci, është punësuar në Ministrinë e Shëndetësisë. Kjo ka ndodhur me miratimin e sekretarit të përgjithshëm të kësaj Ministrie, Gani Shabani, bashkëvendës i Lushtakut.

Sipas dëshmive të siguruara nga gazeta “Zëri”, Qëndresa Lushtaku-Geci është punësuar si zyrtare e depos në Ministri të Shëndetësisë.

Kjo bëhet e ditur nga një njoftim i Divizionit të Burimeve Njerëzore të Ministrisë së Shëndetësisë, të datës 23 shtator 2015, që e posedon “Zëri”.

“Pas intervistave të zhvilluara dhe bazuar në raportin final të rekomandimit të Komisionit Rekrutues, të datës 15.09.2015, si dhe pas miratimit të këtij raporti nga sekretari i përgjithshëm i MSH-së, shpallet rezultati përfundimtar për pozitën e punës ‘Zyrtar i Depos’, për pranimin e kandidatit”, thuhet në shkresën zyrtare, të nënshkruar nga Jahë Gecaj, udhëheqës i Divizionit për Burime Njerëzore të Ministrisë së Shëndetësisë.

Ky Divizion, thuhet në dokument, do të njoftojë të punësuarën Qëndresa Lushtaku-Geci për procedurat e mëtejme.

Kanë gatitur skuadrat e pushkatimit përballë së vërtetës – Nga ILIR SHAQIRI

Kujt po i pengon gardëroba e FSK-së?

Askush nuk mund ta pengojë askënd që ta veshë një kostum, çfarëdo qoftë ai.

Ngjyrat e një kostumi të vetëm që i ngjanë kostumit të bendit muzikor, e që në ketë rast e ka veshur një muzikant që nuk ka lidhje me FSK-në, kam menduar se do t’u pengojë maqedonasve e jo shqiptarëve, jo mediave shqipfolëse

Një ditë vape vere, kur Prishtina kishte lumin e saj, që kalonte pranë pazarit, po laheshin në të e vërteta dhe gënjeshtra. Të dyja kishin zhveshur rrobat e trupit dhe i kishin lënë në breg. Dikush i pa, e tha: shihni, shihni, e pabesueshme, “e vërteta dhe gënjeshtra po lahen bashkë”! Ato, të dyja e shikonin njëra-tjetrën me inat. Të dyja përpiqeshin t’i tregonin njëra-tjetrës se sa të zonjat janë, duke u zhytur nën ujë kokë-e-këmbë, duke mbajtur frymën përbrenda, cila më shumë se tjetra? Mbi syprinën e ujit e para që nxori kokën ishte gënjeshtra. Doli në breg, veshi rrobat e së vërtetës, të sajat i futi në një thes dhe u nis duke kuvenduar zëshëm e nënzëshëm pazarit. Kur e vërteta nxori kokën mbi ujë, pa se rrobat e saj nuk janë aty! S’kishte si të dilte në breg ashtu lakuriq. Ndenji tërë ditën në lumë, u mavijos nga të ftohtët e mbrëmjes, derisa tregtarët morën rrugët dhe rrugicat, për të ikur në shtëpitë e tyre. Provoi të kapërcente pazarit, ashtu lakuriq, duke mbajtur veshët me duar nga ato që kishte dëgjuar për vetën e saj tërë ditën, ku papritmas i doli përpara ajo, që i kishte vjedhur kostumin në breg të lumit. E vërteta u mblodh galuc, duke hedhur shikimin lart për të parë kostumin e vet të larë e të praruar në trupin e gënjeshtrës hijerëndë, tek verbonte stolisur me të gjitha salltanetet, që ia kishin falur besimtarët e ditës së pazarit të Prishtinës. E vërteta nuk kishte mbrojtje tjetër përveç vetëmbrojtjes, tek nuk hezitoi t’i thoshte asaj: moj rralloshe, përpjekjet tua të ethshme e djallëzore nuk janë gjë tjetër veçse mundime donkishotiane.

Dielli dhe e vërteta nuk mbulohen me shoshë

-Meqë të zura në pazar, tha gënjeshtra, hip në peshore, dua të matemi, urdhëroi ajo? E vërteta nuk donte të peshohej me të, në asnjë mënyrë, por ajo (gënjeshtra) e shkelmoi disa herë, derisa e vërteta u gjend e përmbledhur kokë e këmbë në njërën nga peshoret, ku peshoheshin drithërat e pazarit. Peshorja nuk lëvizi. E vërteta hodhi shikimin e prajshëm në anën e kundërt për të parë gënjeshtrën, e cila nuk ishte vetëm, e cila shkelmonte, bërtiste e ulërinte, njëzëshëm me gojët e matrapazëve, falsifikatorëve, diletantëve, djallëzorëve, shpirtzinjve dhe mendjeprishurve. E prajshmja ngeli me sy përpjetë, sepse të gjithë qëndronin me lart se ajo, sepse të gjithë nuk peshonin sa ajo, nuk peshonin sa e vërteta. Gënjeshtra u hidhërua fort, nxori nga nënbanaku një shoshë me diametër të gjerë dhe e përplasi mbi trupin e së vërtetës, duke e mbuluar atë, me “natë të mirë”. Kishte harruar ajo se vetëm dielli dhe e vërteta nuk mbulohen me shoshë. Kësaj radhe koka e së vërtetës nuk ishte objektivi i gënjeshtrës, siç ndodh zakonisht. Ajo iku atë natë, bashkë me njerëzit që peshonin në anën e saj, për t’u kthyer përsëri, për ta jetuar edhe të nesërmen pa ndjeshmërinë e përgjegjësisë, që shtrihet mbi të vërtetën.

S’ka ku të lahet më në qytetin pa lumë

Plepat, pylli i gështenjtë, peizazhi i zabeleve, bimësia e harlisur rreth lumit të Prishtinës pakësoheshin përditë, rrënoheshin çdo vit, duke u lënë vend kasolleve, përtrollëseve, shtëpive, rrugëve e pallateve. E mbytën edhe lumin! E vërteta nuk kishte pse të lahej, ndërsa gënjeshtra nuk kishte ku të lahej. Ajo (gënjeshtra), mbeti kastor i brigjeve të lumit të nëndheshëm, duke ushqyer kastriqët e saj udhëve frymëzënëse të një qyteti pa lumë.

Prishtina mblodhi gjithçka, krijoi shumëçka, i dhamë çka patëm e na dha çka nuk patëm, por asnjëherë nuk arriti krijojë një “lëvizje për katarsis”, që në mos tjetër, së paku të pastrojë të përtharat hundëve gënjeshtare të kryeqytetit. Gënjeshtra mbeti morali i shterur te disa nga njerëzit dhe mediat e saj.

Prishtina me lumë, deri te kryeqyteti pa lumë, nuk arriti të bëj hapin e madh në epokën e re të qytetërimit, ku ndëshkohen si krim gënjeshtra dhe mashtrimi.

Përballë “skuadrës së pushkatimit”

Ka kohë që disa nga mediat, disa nga individët e këtyre mediave kanë gatitur skuadrën e pushkatimit përballë të vërtetës! Panairi barbarozë vazhdon të jetë ushqim për besimtarët e lajmeve të pa-verifikuara, të shtrembëruara e të sajuara; fatkeqësisht, ka filluar të ndotë edhe ndonjërin nga deputetet edhe ndonjërin nga kryetarët e komunave!

Askush nuk mund ta pengojë askënd që ta veshë një kostum çfarëdo qoftë ai (i ushtrisë amerikane, i ushtrisë gjermane, i gardës mbretërore angleze, apo i trupave komando të Shqipërisë), kostum i cili do të shërbejë për ndonjë shfaqje në teatër, në film apo për ndonjë ceremoni festive kudo që ndodhë ajo. Sa larg mund të shkojë hipokrizia e këtyre mediave dhe njerëzve që u besojnë atyre se: garda, togu ceremonial i saj, paska kaluar kufirin me Maqedoninë, kur dihet se ajo (Garda) ende nuk ka shkelur në të gjithë hapësirën e Kosovës. Ngjyrat e një kostumi të vetëm që i ngjanë kostumit të bendit muzikor, e që në ketë rast e ka veshur një muzikant që nuk ka lidhje me FSK-në, kam menduar se do t’u pengojë maqedonasve e jo shqiptarëve, jo mediave shqipfolëse.

Përditshmëria e këtyre mediave në Kosovë, vjen e pakuptueshme për publikun e ndershëm, sepse përbëhet nga bisedime e marrëveshje sunduese, që shtrembërojnë përpjesëtimet e jetës, pa u frikësuar se ato (mediat dhe gazetarët gënjeshtarë) një ditë do të ecin kokëposhtë, pa më të voglën fuqi që të ngrijnë kokën e të na shohin drejtë në sy. Ata e dinë se gënjeshtra i ka këmbët e shkurtra siç thotë populli, por gjithmonë harrojnë se edhe ata vet janë të përkohshëm në këto mundësi, ku tash për tash po kënaqen. Janë bërë gojëkëpucë të thashethemeve, gjahtarë të zakonshëm të pasurive, lumenj që vërshojnë gjithçka, pa e besuar të besueshmen se çdo lumë mund të kthehet në kënetë, aty ku përfundimisht venitën shkëlqimet e tyre njëditore.

E vërteta ka folur, ka brohoritur, ka mbijetuar, ka shkruar, ka kënduar dhe, ka lënë porositë e gurëthemelta në formimin vleror njerëzor, duke mbetur qëndrueshëm në kujtesën e pamjes dhe jehonës së brezave. E vërteta do të jetojë gjithmonë në stolinë e saj.

Katër partitë politike PDK, AAK, VV, NISMA janë produkt i një brumi – Nga Saim Tahiraj

Ngjarjet në Parlamentin e Kosovës e treguan të vërtetën e madhe

Pamjet e djeshme në Parlamentin e Kosovës treguan edhe një here se sa të drejtë patem ne në të gjitha kundërshtimet tona që i paraqitem përmes shkrimeve analitike. Këto shkrime i kemi dukumentuar me fakte të pamohueshme, ku në vazhdimësi kemi tërhjekur vërejtjen për gabimet që na sollën dëme dhe vazhdojnë të na sjellin si vendit ashtu edhe LDK-së. Menjëhere pas koalicionit me LAN ,e më vonë VLAN, ne e kundershtuam si një koalicion vatëvrasës për LDK-në. Isa Mustafa duke u munduar me e arsyetue humbjen e vet në zgjedhjet paraprake, me një kryeneqësi manipuloi organet e partisë dhe plotë gjashtë muaj mbajti peng Kosoven pa institucione. Ai me vetëbesim thoshte se kurrë ma qeveri Thaqi 3. Kur ne e kritikonim në mjetet e informimit dhe në kanalet e partisë, na thoshte se kjo është e keqja më e vogël.

Tri here e manipuloi Këshillin e Përgjithshëm të LDK-së. Herën e parë duke e votuar si kandidat për kryeminister. Pas koalicionit VLAN u terhjek dhe ia dha postin e kryeministrit po këtyre që sot po e gjuajnë me ve. Pastaj herën e dytë po i njëjti Këshill i Përgjithëshem e votoi për kandidat për kryetar të Parlamentit, ku dështoi . Ndërsa herën e tretë po i njëjti Këshill i Përgjithëshem i LDK-së e votoi si kandidat për kryeminister të Kosovës, dhe bëri koalicion me PDK-në si e keqja më e madhe. Pas tentim sulmit nga aktivistet e VV në shtëpinë e kryeministrit kukull, Isa Mustafa, ai reagoi shumë ashpër ndaj ish partnerit të koalicionit VLAN si e keqja më e vogël për Kosoven,madje duke e quajtur Kurtin- gomar. A thua vallë a nuk i shkoj mendja se po me këtë “gomar” siq e quan Albinin, ky Kryeminister, mbajti peng Kosovën për gjashtë muaj? A nuk e pati intelegjencën minimale për ta kuptuar për gjashtë muaj se paska bërë koalicion me një “gomar” dhe me këmëngulje don ta qeverisë Kosoven me te? Ky kryeminister kukull e vërejti vetëm atëhere kur iu rrezikua pozita e tij, dhe mu atëhere reagoi shumë ashpër.

Ngjarjet në Parlamentin e Kosoves treguan edhe një here një të vërtetë shumë të madhe, për të cilen neve kemi shkruar shumë herë, së të katër partitë politike PDK, AAK, VV, NISMA janë produkt i një brumi. Po të shikohen me vëmendje veprimet e tri partive opozitare në Parlament ,dhe reagimi i PDK-së e vërtetojnë këtë. Pra, të gjitha veprimet e këtyre partive janë shumë mirë të kordinuara.Partia në pushtet PDK saboton për të treguar pa aftësi të Kreministrit, Mustafa dhe në anën tjetër i jep shkas partive motra opozitare për të vepruar në format më të ndryshme,deri të ato ekstreme.Fatkeqësisht për të gjitha këto dështime që i ka bërë më parë PDK ,dhe këto që po bëhen tani në këtë koalicion ,faturat po i paguan dhe do i paguaj LDK. Athua vallë a është i vetëdishem ky kryeminister kukull dhe kryetar uzurpator i LDK-së, së sa dëme po i banë LDK-së,apo ndoshta me vetëdije është pjesë e këtij skenari shkatrrues që me ç’do kusht për qëllim ka shkatrrimin e LDK-së.Gjithashtu më ka bërë përshtypje shumë të keqe sjellja e këtij kryeministri kukull në Parlament.U tregu shumë i lig,shumë i urtë, sikur për një moment nuk e njoha fare.I bëra pyetje vetës se athua a është i njëjti Isa Mustafa?,i cili më një diktaturë shumë të egër e uzurpoj postin e kryetarit të LDK-së.Me një forcë policore bllokoj delegatet e LDK-së nga degët e Gjermanisë dhe Zvicëres,duke ua mohuar të drejtën e tyre legjitime për të marrë pjesë në Kuvendin e Tetë Zgjedhor .Diktatorët kështu veprojnë,ku e gjejnë butë janë të pamëshirshëm, ndërsa para të fortit janë njerëz të të liqë dhe nënshtrohen duke u përulur deri në lëmoshë.

Vështrim – Autoshovenizmi – Nga SKËNDER MULLIQI

Duket së vetëm ne shqiptarët nuk do të mësojmë nga dështimet. Historikisht shumë herë kemi dështuar në shtetndërtim, dhe kjo histori aspak e lavdishme sikur prap po na përseritet. Bie pyetja. A nuk e dojmë ne atdheun apo nuk na don ai neve? Sigurisht ne nuk e duam atdheun aq sa duhet! Kur ne e duam vërtetë atdheun edhe atdheu na donë neve. Kemi filluar mos ti duam së pari prindërit tanë, farefisin dhe pastaj sigurisht së nuk e dojmë edhe atdheun.Pas lufta na qiti në sipërfaqe siq thotë një fjalë e popullit gjithë arpallakun.Na shpërfaqi si njerëz shumë lakmitarë për pushtet, e shumë më pak si njerëz që dinë dhe dëshirojnë të ndërtojnë shtet. Na shpërfaqi si njerëz që më shumë e duan atdheun e tyre më fjalë se më vepra.Fill pas dëbimit të forcave serbe nga Kosova, u ballafaquam më një mori dukurish negative.U shpërfaq rivaliteti aq i ashpër politik sikur mos të ishim të një gjaku.Në këtë rrugëtim makabër të luftës për pushtet, u vranë shumë përsonalitete të jëtës politike dhe ushtarake. U fut përqarja dhe urrejtja si kurrë më parë.U vjedh pasuria shoqërore pa mëshirshem nga ata që u ngjiten në pushtet sikur Kosova mos të ishte atdheu edhe i tyre. Për ta zhvlerësuar njeri –tjetrin para opinionit të gjerë publik u përdorë një fjalor tipik i njerëzve të pa emancipuar, të pa eduakatë, të paditur dhe u përdor një fjalor deri aty duke e etikuar njeri- tjertrin si antikombëtar.Unë do të thosha së tek ne është futur në funksion edhe Autoshovenizmi i cili dëfinohet si urrejtje karshi atdheut.Ka intelektual dhe njerëz tjerë të cilët sigurisht nuk pajtohen më këtë konstatim, së si është e mundur kjo.Por, si të komentohen ndryshe gjitha këto keqpërdorime dhe gjithë kjo urretjte e shpërfaqur, e cila në vend që të flakët sa më parë , gjithnjë e më shumë po gjënë vend si në debate, në ndeja të ndryshme , e aq më keq në Paralamentin e Kosovës si institucioni më i lartë i shtetit. Kjo klasë politike shumë është quar peshë, duke e pru në pyetje edhe shtetësinë e brishtë të Kosovës.Gjithnjë e më shumë jemi duke I bindur edhe miqët tanë Perëndimor dhe miqët tanë Amerikanë së nuk dimë dhe as që e mertojmë shtetin! Po ta duam ashtu si do të duhej shtetin , nuk do të ndodhnin të gjitha këto abuzime më të mirat e përgjithsme materjale.Po ta duam shtetin sigurisht se nuk do të kishim të gjithë këtë armatë të pa punësuarve dhe këtë mjerim social. Po të ishim atdhetar sa duhet nuk do të kishim këtë migrim kaq masovik për ne vendet perëndimore sikur në kohën e okupimit klasik nga Serbia. Atdhetarët nuk bëjnë dallime partiake , porpos rivalitetit partiak.Në vend të respektit dhe dashurisë së ndërsjellë po kemi ndarje në baza farefisnore dhe ndarje në baza krahinore .Nese pushteti përbëhet nga njerëzit e një krahine të Kosoëvs ata automatikisht i eleminojnë njerëzit e krahinave tjera si në sferën e punësimit, të ngjitjës në pushtet, dhe po thuaj në të gjithë sferat jetës siq e kam theksuar edhe ne një shkrim më herët.Secili njeri ka identitetin dhe te drejtën e vet autonome të mendoj ndryshe.Të gjithë jemi të barabartë para ligjit.Të gjithë dëshirojmë ti sigurojmë të mirat materjale, e jo vetëm kasta në pushtet.Secili njeri ka nevojë për siguri, ka nevojë të këtë një banim komod, një punë etj.Të gjithë jemi hisedarë të kësaj toke. Atëherë kur mohohen të drejtat legjitime të tjetrit , nuk kemi rehati, nuk kemi prosperitet dhe as mirëqenje.Nuk ka përspektivë për gjeneratat e reja të cilat edhe pse po i mbarojnë shkollimet nuk kanë mundësi të punësohen , sepse nuk kemi zhvillim të duhur të ekonomisë.Dëmin më të madh në rrugëtimin tonë janë duke na shkaktuar natyrisht këta qeveritarë dhe këta kuvendarë të cilët po sillën jashtë çdo norme demokratike të sjellës, duke mos e përfillur kështu edhe votën.Të gjithë jemi të barabartë para Zotit.Çdo ditë kemi zënka dhe afera të ndryshme , për ti mbuluar keqpërdorimet e mëdha.Shumica sot në Kosovë, nuk janë të përgatitur për lojëra të tilla jo të mira, dhe as që do ta ndjekin symbyllur këtë klasë politike , bashkë me idelogjinë e tyre të mykur…

Kosovë: Policia mëton se parandaloi një sulm ndaj kryeministrit

Policia e Kosovës tha se ka parandaluar një sulm ndaj autokolonës së kryeministrit të Kosovës, Isa Mustafa. Në një njoftim të policisë thuhet se njësia e mbrojtjes nga afër, ka vërejtur dy persona të cilët kanë tentuar të ndalojnë/sulmojnë autokolonën në lëvizje të kryeministrit.

Në njoftim thuhet personat e dyshuar kanë ikur pas ndërhyrjes së njësisë, duke hedhur dy pako letre në të cilat janë gjetur mjete të forta, përkatësisht copëza metali, të cilat shërbejnë për shpimin e gomave, si dhe një telefon celular.

Njoftimi i sotëm pason seancën e së martës në parlamentin e Kosovës e cila u ndërpre pasi që deputetët e partive opozitare qëlluan me vezë kryeministrin Mustafa, në shenjë kundërshtimi ndaj marrëveshjeve mbi telekomin, energjinë, lëvizjen e lirë dhe asociacionin e komunave me shumicë serbe, të nënshkruara më 25 gusht në bisedimet me Serbinë, të ndërmjetësuara nga Bashkimi Evropian.

Sipas marrëveshjes, serbët në veriun e Kosovës do të kenë më shumë te drejta dhe asociacioni i komunave do të ketë përgjegjësinë për disa fusha siç janë shëndetësia, arsimi, zhvillimi ekonomik e planifikimi urban e rural si dhe do të ketë të drejtë të marrë fonde nga Beogradi. Opozita thotë se është e vendosur që të mos pranojë e as të lejojë të zbatohen marrëveshjet që sipas tyre rrënojnë shtetin e Kosovës.

Marrëveshjet me Serbinë çuan në shtim të tensioneve politike ndërmjet koalicionit qeverisës dhe partive opozitare dhe që atëherë janë shënuar disa raste kur autokolona e kryeministrit është qëlluar me vezë nga veprimtarët e lëvizjes Vetëvendosje, e cila kishte shpuar edhe gomat e makinave të qeverisë.

Por, asnjëri nga subjektet politike nuk e mori përsipër autorësinë për ngjarjen e sotme.

Marrëveshjet me Serbinë ishin pjesë e bisedimeve për normalizimin e marrëdhënieve ndërmjet të dyja palëve që janë edhe kusht për afrimin e tyre me strukturat evropiane. Ato i siguruan Serbisë negociatat për anëtarësim në Bashkimin Evropian, ndërsa Kosovës marrëveshjen e stabilizim asocimit, që pret ende nënshkrimin e Prishtinës dhe Brukselit.

Sami Lushtaku arratiset nga spitali, arrestohet nga EULEX-i

Sami Lushtaku ka ikur nga Reparti i Kardiologjisë të martën gjatë ditës për t’u kapur më pas nga Policia e EULEX-it, në një zonë ku nuk ka guxuar të shkelë. Burime të gazetës “Zëri” kanë bërë të ditur se Lushtaku kishte shkuar për një kontroll të zemrës në Qendrën Klinike Universitare të Kosovës (QKUK), por më pas është zhdukur pa gjurmë nga Reparti i Kardiologjisë.

“Policia e ka kërkuar në këtë Repart, por nuk e ka gjetur, më pas Policia e EULEX-it ka arritur që ta arrestojë dhe në orët e vona e ka dërguar në pjesën veriore të Kosovës për të mbajtur seancën gjyqësore ndaj tij”, ka treguar burimi i “Zërit” i afërt me EULEX-in.

Ikjen nga QKUK-ja e kanë mbajtur të fshehtë zyrtarët e Repartit, ku ka qenë Lushtaku. Ata nuk kanë e kanë konfirmuar, madje e kanë hedhur poshtë të ketë qenë ai gjatë ditës së martë në QKUK.

Zëdhënësi i Shërbimit Spitalor Klinik Universitar të Kosovës, Shpend Fazliu, ka thënë se menaxhmenti i SHSKUK-së nuk ka informacione zyrtare rreth kësaj çështjeje…

Ambasadori amerikan: Bashkëpunoni, lërini marifetet politike

Ambasadori amerikan në Kosovë, Greg Delawie ka reaguar pas skenave të sotme në Kuvendin e Kosovës.

Delawie, përmes një postimi në Twitter, ka thënë se integrimi euro-atlanik kërkon respekt për procedurat demokratike dhe bashkëpunimit rajonal e jo marifete politike.

Ambasadori nuk ka mbetur i kënaqur me atë që ka ndodhur sot në Kuvend ku kryeministri Mustafa është gjuajtur me vezë nga opozita.

“Rruga e Kosovës drejt integrimit euro-atlantik kërkon respektimin e procedurave demokratike dhe bashkëpunimit rajonal, e jo marifete politike”, ka shkruar në Twitter ambasadori amerikan në Kosovë.

Opozita pasi qëllloi me vezë, bën thirrje: Rrethoni Kuvendin

Kjo parti ka ftuar mbështetësit që të mblidhen para Kuvendit.“Ftojmë të gjithë mbështetësit tanë dhe të Republikës, të gjithë qytetarët e këtij vendi që të mblidhen para Kuvendit të Kosovës. Në mbrojtje të Republikës! ‘Zajednica’ nuk kalon!”, thuhet në deklaratën e tyrek, transmeton “Telegrafi’.

Momenti kur opozita gjuan me vezë Mustafën në Kuvend

Kryeministri i vendit, Isa Mustafa ka raportuar në Kuvendin e Kosovës lidhur me marrëveshjet e fundit në Bruksel, por seanca është ndërprerë për disa minuta pasi opozita ka filluar ta gjuajë me vezë kryeministrin.Situata ka filluar të tensionet dhe për këtë, kryetari i Kuvendit të Kosovës, Kadri Veseli kërkoi dhjetë minuta pauzë.

Veseli e quajti këtë akt të opozitës të padinjitetshme dhe jo në të mirë të qytetarëve, shkruan “Telegrafi”.

Opozita ka filluar të gjuajë me veze, në kohën kur kryeministri tha se marrëveshjet e arritura në Bruksel janë në përputhje me Kushtetutën e Kosovës.

Sakaq, zëvendëskryeministri Hashim Thaçi dhe ai i Drejtësisë, Hajredin Kuçi është parë duke dalë nga Kuvendi i Kosovës.

Sipas gazetes “Blice”, Donika Kadaj-Bujupi, shefe e Grupit Parlamentar të AAK-së, dhe Albulena Haxhiu, nga Vetëvendosje, e kane gjuajtur me vezë kryeministrin Mustafa.

Donika Kadaj-Bujupi duke gjuajtur me veze

Por ka pasur edhe kunderpergjigje Pasi deputetët e pozitës kane gjuajtur me gota opozitën. Deputeti i kuvendit të Kosovës nga radhët e Lëvizjes Vetëvendosje Mytaher Haskuka, ka treguar që deputetët nga pozita kanë gjuajtur me gota.

“Gota e gjuajtur nga deputetë të pozitës”, ka shkruar ai në një postim në rrjetin social Facebook, transmeton gazetablic.com.

Jahjaga – I papranueshëm sulmi ndaj Mustafës

Parlamenti i Kosovës ndërpreu punimet të martën pak pas fillimit të seancës, pasi që deputetët nga radhët e partive opozitare qëlluan me vezë mbi kryeministrin e Kosovës, Isa Mustafa.

Ai u qëllua në kohën kur kishte filluar raportimin në parlament lidhur me marrëveshjet e arritura më 25 gusht në bisedimet me Serbinë.

Opozita tha se veprimet e saj janë në funksion të pengimit të kryeministrit që, siç thuhet, “t’i gënjejë qytetarët dhe deputetët për marrëveshjet e Brukselit”.

Më 25 gusht Kosova dhe Serbia nënshkruan marrëveshje mbi telekomin, energjinë lëvizjen e lirë dhe asociacionin e komunave me shumicë serbe.

Opozita thotë se është e vendosur që të mos pranojë e as të lejojë të zbatohen marrëveshjet që sipas tyre rrënojnë shtetin e Kosovës.

Jahjaga: Sulmi ndaj kryeministrit Mustafa – i papranueshëm

Presidentja e Kosovës, Atifete Jahjaga, e dënoi sulmin ndaj kryeministrit Isa Mustafa gjatë seancës së Parlamentit të Kosovës.

Në një reagim ajo e quan “këtë sulm të papranueshëm dhe në kundërshtim me frymën e demokracisë së mirëfilltë, me përpjekjet tona për të fuqizuar institucionet e Republikës ë Kosovës dhe vlerat që po i ndërtojmë. Akte të tilla të shëmtuara e vështirësojnë diskutimin e mirëfilltë publik dhe zbehin besimin e qytetarëve në institucionet e vendit”, thuhet në reagim në të cilin u bëhet thirrje deputetëve dhe subjekteve politike që “t’i respektojnë institucionet e vendit ku përfaqësohet vullneti i popullit, të denoncojnë dhunën dhe që mospajtimet politike t’i shprehin përmes rrugëve institucionale në respektim të plotë të parimeve të demokracisë“.

mustafa2veze

LDK-ja në qeverisje, sa për sy e faqe ! Nga Florim Zeqa

Viteve të fundit jam munduar të gjejë arsyen dhe të formuloj konstatimin e mbetjës nën robëri të gjatë të shqiptarëve, të njërit prej popujve më të vjetër jo vetëm në gadishullin ballkanik por në mbarë Europën!

Po të mos ishte lufta e fundit, akoma njerëzit do të besonin në “fitoret” e mëdha gjatë historisë, për bëtejat e “lavdishme”, heroizmin e “paparë” të Boro e Ramizit, për bashkim vllazërimin, realizmin socialist,etj.

Historianët atdhetar, pënat e ndritura të kombit që provuan të shkruajnë historinë e vërtetë të popullit të tyre, u anatemuan, u ndjekën dhe përndjekën nga regjimet pushtuese dhe ato antipopullore shqiptare, duke i zavëndësuar ata me antivlera.

Ndarjet e shqiptarëve filluan që nga kohërat e lashta; në principata, fise (bajraqe), rajone (vilajete), religjione (ideologji fetare) e deri të ndarjet e fundit partiake dhe klanore.

Tëndenca e vazhdueshme e shqiptarëve për marrjën e “bajrakut”, ka bërë që shqiptarët të rrëshqasin shpesh nga interesi i përbashkët kombëtar në egon për pushtet dhe mirëqenje personale. Gjë e cila ka ndikuar në ngecjën (mbetjën mbrapa pas të tjerëve) dhe shpesh edhe në humbjën e rrugës fare.

Lufta e fundit për çlirimin e Kosovës edhe njëherë i vëri në pahë dobësitë tona kombëtare! Vrapimi pas marrjës së bajrakut të çlirimtarit, grabitja apo përfitimi nga vlerat e të tjerëve, injorimi apo eliminimi i figurave markante të luftës dhe paqës!

E gjithë kjo u bë përmes lojës së shtrigave, duke inskenuar “tradhtarin” imagjinar dhe “heroin” inekzistent !

Injorimi i betejave të lavdishme (Koshare, Logjë,…etj) të drejtuara nga oficierët e karrierës dhe zavendësimi i tyre më figura të improvizuara të betejave të huimbura, ka quar në tjetërsimin e vlerave të luftës çlirimtare!

Shpirtëligët e pushtuar nga egoja për pushtet dhe pasurim të paligjshëm rrënuan çdo gjë para vetës, çdo vlerë e pasuri kombëtare!

Ketë që thëmë e vërteton në mënyrën më të sinqertë realiteti i krijuar 16 vite pas çlirimit të Kosovës.

Pushtetarët milionera qëndrojnë përballë një popullate të pashpresë për ardhmëri, të lodhur nga varfëria dhe denigrimi social i vlerave.

Pasurimi i paligjëshëm i një kaste politike filloj përmes “patriotizmit” folklorik, që nga rënja heroike e komandantit legjendar Adem Jashari me familjen e tij në fillim marsin e viti 1998-të.

Ishin këngët patriotike, përmes të cilave “patriotët” ngacmuan ndjenjat e qindramijëra bashkatdhetarëve, të cilët dhanë gjithë çka patën për lirinë e Kosovës, sa të tjerë shkuan për të luftuar, lanë gjymtyrët e trupit, derdhën gjakun, dhanë më të shtrenjëtën-jetën e tyre.

Nga kjo gadishmëri e bashkatdhetarëve, përfituan disa nga “patriotët” e mbështjellur nën petkun e çlirimtarëve,…të cilët, jo vetëm që nuk dhanë asgjë nga vetja e tyre për lirinë e vendit, përfituan nga tragjedia e popullit të tyre për t’u pasuruar mbi djersën e mërgimtarëve dhe gjakun e dëshmorëve.

Lufta ishte shkaku, ndërsa këngët patriotike motivi për zbrazjën e xhepave të mërgimtarëve, që rezultoi më mbushjën e xhepave të komandantëve dhe emisarëve politik të luftës.

Pritjet e mëdha të qytetarëve të Kosovës nga pavarësia e17 shkurtit, u kthyen në një zhgënjim dhe thyerje të madhe shpirtërore.

Milionerët e pasluftës të maskuar nën petkun e “çlirimtarit”, janë shëndrruar në “figura” vrastare të lirisë dhe pavarësisë së popullit të tyre.

Mendjet e mprehta kombëtare sikur i vrejnë më herët ngjarjet që do rrjedhin më pas. Poeti ynë i madhë Ali Podrimja në vargjet e poezisë “Kosova është gjaku im që nuk falet”, kishte paralajmëruar për kohën e mbrapsht të faljës së gjakut të derdhur për liri (negociatat,demarkacioni,…)!

Janë figurat “patriotike” të krijuara nga patriotizmi folklorik i spoteve televizive të disa këngëtarëve, që (me) padashjën e tyre janë shëndrruar në tjetërsues të historisë së popullit të tyre.

Përderisa kënga “Erdhi dita e pavarësisë” u bë himn i të gjithë të pasuruarve nga aferat korruptive, autori i saj Ilir Shaqiri u shpërbly më postin e drejtorit në televizionin publik (politik) të RTK-së,…16 vjet pas lufte i erdhi radha edhe djalit të tij, Korabit të shpërblehet me prezencën e “Gardës” së FSK-së në ditën e martesë së tij !

Garda e nderit që refuzoi me përbuzje t’i bëjë nderime arkitetktit dhe themeluesit të shtetit të Kosovës, presidentit historik Ibrahim Rugova në janarin e 2006-s, tani për ta poshëtruar deri në fund shtetin e Kosovës, kjo “Gardë nderi” merr pjesë për ta nderuar një “yll” të estradës në ditën e martesës!

Kjo përveqse shprehje e primitivizmit, është formë flagrante e kapjes së institucioneve të shtetit…nivel i ulët i qeverisjes, mjerim për shtetin dhe degradim i skajshem i FSK-së.

Heshtja e ministrit dhe zv. ministrit të FSK-së nga ana e LDK-së ndaj skandalit të “Gardës” shtetërore e dëshmon më së miri mjerimin dhe paaftësinë e kësaj partie në qeverisjen e vendit.

E futur nën kthetrat e PDK-së, LDK-ja jo vetëm që është duke u treguar e pafuqishme, e pa vlerë dhe e panderë në qeverisjen e vendit, dita-ditës është duke u shëndrruar në patericë të PDK-së,…ku lideri dhe ministrat e saj sherbejnë në qeveri “sa për sy e faqe” siq thotë populli, shërbejnë si dekor në qeverisjen e Hashim Thaçit,…pasi vendimet e “kryeministrit” kukull dhe ministrave të LDK-së janë aq të pa vlerë dhe të padenjë, saqë shpesh u ngjajnë fluskave të sapunit!

Injorimi dhe mospërfshirja në listat e veteranëve të luftëtarëve dhe komandantëve të betejave më të lavdishme të luftës çlirimtare është mjerim dhe paaftësi e lidershipit të LDK-së në bashkqeverisjen e tanishme.

Organizimi i fundit i Akdemisë Përkujtimore në 17 vjetorin e rënjës së Ministrit të parë të Mbrojtjes së Republikës së Kosovës, kolonel Ahmet Krasniqit dhe derdhja e “lotëve të krokodilit” nga ana e liderit të LDK-së, pa bërë asgjë në zbardhjen e autorëve të vrasjes dhe të mospërfshirjes së tij në listën e veteranëve të luftës çlirimtare, është më tepër se lojë e dyfisht, është dyftyrësi politike dhe abuzim i skajshëm me figurën madhore të kolonel Ahmet Krasniqit.

Kuvendi i Kosovës: Kryeministri Mustafa qëllohet me vezë nga VV, AAK dhe NISMA

Veseli i dëbon deputetë e opozitës

Kryeministri i Kosovës, Isa Mustafa, është qëlluar nga deputetët e Vetvendosjes, AAK dhe NISMA me vezë ndërsa ka nisur të raportojë para Kuvendit për marrëveshjet e arritura me Serbinë.

Po ashtu javën e kaluar, deputetët opozitarë kanë penguar rrjedhën e seancës së Kuvendit, pasi kryeministri Mustafa ka shtyrë raportimin për marrëveshjet me datën 22 shtator.

Hedhja e vezëve në drejtim të kryeministrit Mustafa ndodhi sapo ai morri fjalën, në seancën e sotme të Kuvendit e cila ishte vazhdim i seancës së parë të sesionit të vjeshtës, e ndërprerë të enjten e kaluar nga opozita, ku deputetët e opozitës së bashkuar me ngulm kundërshton nënshkrimin e Marrëveshjeve me Serbinë, ndër të tjera edhe atë për themelimin e Asociacionit të Komunave me shumicë serbe në Kosovë.

Me këtë rast, në sallë hyri stafi i sigurimi i Kuvendit për ta mbrojtur kryeministrin Mustafa me çadra ndërsa, kryetari i Kuvendit, Kadri Veseli i indinjuar me këtë veprim të sigurimit pyeti “Kush ju ka thënë të hyni brenda” dhe ka kërkuar që ata të largohen.

Kryeparlamentari Veseli menjëherë e pushoi seancën, duke dhënë 10 minuta pushim.

Forumi ekonomik Gjermano-Kosovar hap tregun gjerman për bizneset e Kosovës

PRISHTINË – Forumi ekonomik Gjermano-Kosovar me seli në Berlin, më 27 nëntor 2015 do të organizojë një ndër ngjarjet më të mëdha ekonomike në Gjermani, panairin në të cilin pritet të prezantohen rreth 4500 ndërmarrje gjermane, ndërsa Kosovës në këtë ngjarje i janë rezervuar 15 shtande, ka bërë të ditur në konferencën e sotme për shtyp, Safet Gërxhaliu, kryetari i Odës Ekonomike të Kosovës (OEK), raporton Anadolu Agency (AA).

Sipas Gërxhaliut, Kosova në rrugën e saj drejt integrimeve evropiane duhet të jetë e fokusuar, krahas integrimit politik edhe në integrim ekonomik dhe duhet punuar sa më tepër në internacionalizimin e ndërmarrësisë kosovare. Prandaj, ai konsideron se partneriteti me shtetin gjerman është i rëndësisë së veçantë dhe nuk duhet të analizohet vetëm nga dimensioni ekonomik por në shumë, në atë politikë, social, kulturor, edukativ, mbi të gjitha në aspektin strategjik, duke pasur parasysh fuqinë e zhvillimit ekonomik në Gjermani, që është fuqi botërore.

Bazuar në këtë, orientimi i ekonomisë kosovare drejt tregjeve të shteteve gjermano-folëse është prioritet dhe organizimi i këtij forumi është në funksion të kësaj, për më tepër që është një rast specifik për kompanitë kosovare.

“Për herë të parë do të jetë një forum në formë duale. Krahas takimeve do të ketë edhe mundësi për prezantim qoftë të produkteve apo shërbimeve kosovare. E bëjmë këtë sepse, si Odë Ekonomike e Kosovës, mendojmë që me kalimin e kohës duhet të kalohet nga orientimi i zhvillimit ekonomik drejt produktit, të jemi të orientuar drejt avancimit dhe rritjes së ofertës tonë në shërbimet e ndryshme. Besojmë se kjo formë do të jetë e rëndësisë së veçantë për sektorin provat kosovar” tha Gërxhaliu.

Ai theksoi edhe një detaj shumë të rëndësishëm, sa i përket 15 shtandeve që janë të përgatitura enkas për kompanitë kosovare, duke thënë se, duke pasur parasysh problemet ekonomike me të cilat ballafaqohet sektori privat në Kosovë, Forumi gjermano-kosovar pjesëmarrjen për kompanitë kosovare e ka bërë gratis.

Në këtë përfshihet vendosja, vendosja në salla, ushqimi (keteringu) gjatë panairit dhe përkthimi, që të gjitha këto të siguruara nga partneri gjerman. E vetmja pagesë që do të jetë është për kompanitë prodhuese apo shërbyese që do të dëshirojnë yë ekspozojnë në këtë panair.

Gërxhaliu e sheh këtë forum si rast për promovimin e vlerave të reja të Kosovës në Gjermani dhe mundësi që të avancohet partneriteti me kompanitë gjermane, në mënyrë të drejtpërdrejtë, për të shikuar mundësi të krijimit të konsorcuimeve kosovaro-gjermane, për hyrje të përbashkët në tregjet e treta. Këtu rol të madh, sipa kryetarit të OEK-ut luan edhe diaspora kosovare.

“Janë çështjet që i kemi si prioritet: e para mobilizimi dhe angazhimi i diasporës kosovare që të jetë pjesë e këtyre proceseve, si një potencial dhe resurs i pashfrytëzuar. Ekzistojnë informatat që thonë se , vetëm në Gjermani, Austri dhe Zvicër, janë më tepër se 2,5 miliardë euro në pronësi të mërgatës shqiptare. Dhe a nuk qenka një mundësi e cila do të jetë në funksion të zhvillimit të Kosovës. E dyta, krahas rëndësisë dhe motivimit të diasporës duhet të punohet në përmirësimin e perceptimit negativ të krijuar për Kosovën dhe imazhit të Kosovës, karshi investitorëve dhe bizneseve në Gjermani” tha Gërxhaliu

Mysafiri nga Gjermania, Salim Abu Abed , sekretari i përgjithshëm i Shoqatës së Biznesit Gjermano-Kosovarë rikujtoi se , Asociacioni i Biznesit Gjermano-Kosovar në Berlin është themeluar në vitin 2013, me iniciativë të profesorit Fluger dhe me kryetar nderi Ëolfganag Ischinger, dy njerëz me reputacion të madh dhe miq të vërtet të Kosovës, me qëllim të përfarimit të interesave të dy shteteve mike, me theks të veçantë në bashkëpunim ekonomik.

“Qëllimi substancial i këtij përafrimi është që sa më tepër kompani nga Kosova të mund të depërtojnë në tregun e Gjermanisë por në të njëjtën kohë edhe kompanitë gjermane të cilat kanë produkte, t’i bartin në Kosovë dhe ato të krijojnë vende të reja të punës, do të thotë prodhimi në Kosovë të rritet” tha Salim Abu Abed.

Ai shtoi se, duke pasur parasysh nevojën për zgjerim të partneritetit dhe aktiviteteve, Oda Ekonomike e Kosovës dhe Oda e Ekonomisë dhe Tregtisë Gjermane e ka parë të arsyeshme të organizojë një forum të përmasave të gjëra në Berlin, forum ky që nuk është vetëm forum në aspektin tradicional të tij por, edhe mundësi për prezantimin e produkteve dhe shërbimeve të kompanive kosovare, me qëllim që t’i sjellim në kontakt direkt kompanitë kosovare dhe ato gjermane.

Ai bëri të ditur se, në këtë forum do të marrin pjesë edhe dy ministra të kabinetit qeveritar të Kosovës dhe ky do të jetë rast për përmirësimin e mëtejmë të imazhit jo të mirë të Kosovës, në Gjermani.

“Është e vërtet që në Gjermani ekziston nde një mendim dhe ëçasje jo aq e mirë për Kosovën. Kemi punuar shumë dy vitet e fundit në këtë drejtim që, këtë imazh të Kosovës ta ndryshojmë dhe në kuadër të kësaj kemi pasur më tepër se dhjetë delegacione me kompanitë dhe brendet më të mëdha gjermane, të cilat kanë vizituar Kosovën dhe kemi informacione nga dora e parë se përshtypjet janë përmirësuar” përfundoi Salim Abu Abed , sekretari gjeneral i Shoqatës së Biznesit Gjermano-Kosovarë.

Në fund, Safet Gërxhaliu theksoi se, në këtë forum synohet të ketë kompani kosovare që do të prezantohen nga sektorët e ndryshëm sikurse energjetika, ndërtimtaria dhe edukimi por, në veçanti, prioritet do të jetë promovimi i produkteve “made in Kosova” që mund të shfrytëzohen si një mundësi e depërtimit në tregun gjerman, një treg me 80 milion konsumatorë, një treg me një numër shumë të madh të diasporës dhe një treg i cili në vitin 2014 ka pasur një bilanc pozitiv tregtarë, me eksport prej 1143 miliardë euro. Sipas tij, kjo është një mundësi që ofrohet si një perspektivë për të ardhmen e produkteve dhe shërbimeve kosovare.

Për të gjitha kompanitë kosovare të cilat janë të interesuara për pjesëmarrje, Oda Ekonomike e Kosovës njofton se, ato duhet të lajmërohen për pjesëmarrje deri më 27 tetor dhe të jenë të përgatitura në aspektin e prezantimit, duke pasur profil të kompanisë dhe përshkrim të mirëfilltë të aktivitetit të tyre, ueb faqe ku mund të gjenden informatat të cilat do t’iu jepen partnerëve në Gjermani, një portofol të kompanisë i cili do të jetë i mundur të shitet si produkt. Po ashtu, nëse ka biznese që kanë ide dhe projekte konkrete, ato sugjerohen t’i sjellin me vete dhe t’i konkretizojnë gjatë qëndrimit në Gjermani.

Përkujtohet 17 vjetori i rënies heroike të Fehmi dhe Xhevë Lladrovcit

Përvjetori i 17-të i vdekjes heroike të Fehmi dhe Xhevë Lladrocit do të shënohet sot me homazhe në vendin e prehjes së tyre, në fshatin Gllanasellë të Drenasit.

Me këtë rast, kryetari i Kuvendit të Republikës së Kosovës Kadri Veseli do të vendosë kurorë me lule në varret e tyre, ku dhe do të mbahet ceremonia e përkujtimit, që do të fillojë në orën 09:00.

Fehmi dhe Xhevë Lladrovci, ranë 17 vjet më parë në betejën e 22 shtatorit të vitit 1998, tok me bashkëluftëtarët e pandashëm, Fatime Hetemi e Shefqet Zeka.

Pas rënies së tyre, Brigada 114 e UÇK-së e mori emrin e komandantit të saj, Fehmi Lladrovci. Në këtë ditë kujtohen Fehmi e Xhevë Lladrovci dhe të gjithë dëshmorët e Brigadës 114 të Ushtrisë Çlirimtare të Kosovës.

Behxhet Krasniqi, vëllai i Ahmet Krasniqit – Vrasësit e Ahmetit janë pjesë e politikës në Tiranë e Prishtinë

PRISHTINË – Kaq vite pas vrasjes, familjarët e ish-ministrit të Mbrojtjes kolonel Ahmet Krasniqi zbulojnë detaje të reja nga ngjarja e ndodhur në vitin 1998 në Tiranë. Vëllai i Ahmetit, Behxhet Krasniqi thotë se vrasësit e tij janë pjesë e politikës në Tiranë e Prishtinë.

Behxhet Krasniqi nuk ka dashur të flasë me emra dhe nuk i ka thënë detyrat e tyre, por ka konfirmuar për Botapress, se ata që urdhëruan vrasjen e vëllait dhe që janë pjesë e kësaj vrasje makabre sot janë në dy pushtetet e shteteve tona.

“Unë mendoj se ata që urdhëruan vrasjen e vëllait tim e të ministrit të Mbrojtjes së Republikës së Kosovës, kolonel Ahmet Krasniqit janë sot në skenën politike të Shqipërisë e Kosovës. Ata i takojnë niveleve të ndryshme të hierarkisë së këtyre pushteteve, por po e them, unë si vëlla i kolonelit, dyshoj se këta persona janë sot në pushtet edhe në Tiranë dhe në Prishtinë”, është shprehur Behxhet Krasniqi për Botapress.

Ai ka shfaqur bindjen se kryeministri Isa Mustafa do ta mbajë premtimin dhe se eshtrat e kolonel Ahmet Krasniqit së shpejti do të kthehen në Kosovë dhe do të rivarrosen me ceremoni të lartë shtetërore.
Kolonel Ahmet Krasniqi, u vra në mes të Tiranës, diku në zonën e ish-shtëpisë së Partisë, në 21 shtator të vitit 1998, pak para mesnate.

Isa Mustafa: Shqipëria ta zbardhë vrasjen e Ahmet Krasniqit

Nën patronatin e Kryeministrisë së Republikës së Kosovës, në këto momente është duke u mbajtur akademi përkujtimore në nder të ish Ministrit të Mbrojtjes, Ahmet Krasniqi.

Në këtë akademi në një fjalë rasti Kryeministri i Republikës së Kosovës, Isa Mustafa ka deklaruar se vrasja e tij duhet të zbardhet sa më parë. Mustafa ka thënë se vrasësit e tij duhet të dalin para drejtësisë dhe se kjo vrasje shquhet si njollë e pavarësisë dhe lirisë së Kosovës.

“ Dorasi duhet të dal para drejtësisë, për vrasjen e kolonel Krasniqit. Dorasi që ka kryer këtë vepër është armik i paqes dhe lirisë” ka deklaruar Mustafa

Ai poashtu tha se Qeveria do të jap mbështetjen për kër këtë çështje.

” Koloneli Ahmet Krasniqi u bashkohet pleaidës së gjatë se shqiptarëve që ranë në pritat e kriminelëve si Hasan Prishtina, Azem Hajdari, Xhemal Mustafa, Tahir Zemaj, Qerqiz Topulli etj. Vënia para drejtësisë e kryrësve të këtyre vrasjeve qyqare dhe antikombëtare është përgjegjësi dhe detyrë ndaj atdheut. Ne si qeveri do të japim mbështetjen e plotë në gjykatat dhe prokurorit për të zgjedhur këto raste. Ne besojmë në fitoren e drejtësisë. Zoti e bekoftë Ahmet Krasniqin, familjen e tij, Republikën e Kosovës dhe miqtë e saj”ka thënë Mustafa. /Zeri

Kushtetuesja lë në fuqi Gjykatën Speciale – refuzon kërkesën e opozitës

Gjykata Kushtetuese e Kosovës e ka refuzuar një kërkesë të opozitës, me të cilën 24 deputetë të partive opozitare në Kuvendit të Kosovës, kanë kërkuar vlerësim të kushtetutshmërisë së vendimit të Kuvendit të Kosovës për miratimin e Amandamentit 24 të Kushtetutës së Republikës së Kosovës, të miratuar më 3 gusht.

Deputetët opozitarë kanë konsideruar se procedura e ndjekur, që ka çuar deri në votim dhe miratim të vendimit të kontestuar, nuk ishin në pajtueshmëri me Kushtetutën e Kosovës.

Por, Gjykata Kushtetuese e Kosovës, në vendim prej 17 faqesh, që sot e ka shpallur në faqen e saj në Internet, “konkludon se parashtruesit e kërkesës dështuan të paraqesin prova për të dëshmuar pretendimet e tyre në mbështetje të kontestit të tyre për shkelje të Kushtetutës”.

Rrjedhimisht, Gjykata Kushtetuese, në mbështetjt të nenit 113.5 të Kushtetutës dhe ligjeve të tjera ekzistuese, ka vendosur njëzëri “ta deklarojë kërkesën të papranueshme”.

Në vendim theksohet se “hyn në fuqi menjëherë”.

Borxhi i Kosovës për strategun ushtarak dhe intelektualin kolonel Ahmet Krasniqi – Nga Anita Kadriu

Qyteti në pjesën veriore të Kosovës, Vushtrria, është vendlindja e tij, por jo dhe toka ku i prehen eshtrat.

Siç është bërë “zakon” në këtë pjesë të Ballkanit për heronjtë dhe heroinat thuren lavde, por shumë pak punohet në jetësimin e amanetit të tyre dhe zbardhjen e vrasjes.

Në 17 vjetorin e vrasjes të ish – ministrit të mbrojtjes të Republikës së Kosovës, kolonel Ahmet Krasniqit, bashkëluftëtarët kanë çka thonë, madje flasin shumë e në superlativ për udhëheqësin e tyre, që themeloi brigadat e para të njësive operative të UÇK-së nën komandën e ministrisë së Mbrojtjes të FARK-ut, por familjarët duan drejtësi, të ndriqohet vrasja e kolonel Krasniqit, familjarit të tyre që u vra më 21 shtator 1998 në Tiranë.

Aziz Krasniqi, në emër të familjes Krasniqi kërkon që të nisen hetimet dhe të zbulohet vrasja. Krasniqi thotë për “Zërin” se shteti shqiptar dhe ai i Kosovës kanë obligim moral, kombëtar dhe institucional që të zbardhin vrasjen dhe bëjnë kthimin e eshtrave në Kosovë, të kolonel Krasniqit.

“Axha (Behxhet Krasniqi) është takuar me ish kryeministrin Sali Berisha dhe i ka kërkuar zbardhjen e vrasjes si dhe dënimin e merituar për dorasit. Mirëpo, përgjigja ka qenë që të marrim një avokat dhe të fillojmë procedurat e hetimit. Ne si familje duke marrë parasysh se Ahmet Krasniqi është vrarë brenda institucionit dhe në shtetin shqiptar kemi menduar dhe mendojmë si familje se zbardhja e vrasjes i takon shtetit shqiptar dhe jo familjes sepse është vrarë në Tiranë, në postin e ministrit të Mbrojtjes të Republikës së Kosovës, jo në rrethana familjare”, thotë Krasniqi.

Ai thotë se deri më tash ka qenë i pamundur kthimi i eshtrave të kolonelit. “Besojmë se me formimin e Ushtrisë së Kosovës do t’i bëhet nder kolonel Krasniqit dhe me nderime ashtu siç na takon të nderojmë të rënët, të nderohet dhe ai, e të prehet i qetë në Kosovë”.

Krasniqi, një profesionalist i artit dhe doktrinës luftarake

Majori Nazif Ramabaja, zëvendës i kol. Tahir Zemajt dhe komandant i njësive operative të Lugut të Baranit, thotë se Kosova dhe institucionet e dala nga votat e popullit kanë përgjegjësi dhe obligim shtetëror institucional të bëjnë zbardhjen e rrathanave të atentatit të kryer ndaj një ushtaraku dhe ministri të Mbrojtjes të Republikës së Kosovës.

“Dhe në mënyrë organizative shtetërore të bëjë kthimin e mbetjeve mortore në vendlindje, vetëm atëherë do të flejë i qetë shpirti i tij në amshim dhe Kosova do e kryej obligimin e vetë shtetëror”, thotë Ramabaja.

Ramabaja që së bashku me eprorë të tjerë kanë dhënë betimin para kolonel Krasniqit, e po ashtu personalisht ishte pjesë në ditën e dytë të takimit në Osllo, thotë se pas bisedimeve dhe rënies në ujdi-marrëveshjes në mes Ministrit të Mbrojtjes (Krasniqit) dhe Adem Demaqit po të funksionalizohej dhe zbatohej në përpikëri ajo marrëveshje, bilanci i rrjedhave dhe zhvillimeve luftarake do të ishte sikurse i Betejës së Logjës dhe luftës së Koshares.

“Do të ishim shumë më mirë të organizuar, të faktorizuar dhe të unifikuar. Me këtë fitorja do ishte më e lehtë dhe më meritore dhe tani s’do bënim fjalë, që edhe 17 vite pas vrasjes së Ahmetit, Kosova të mos e ketë ushtrinë e vetë FARK-un një forcë mbrojtëse siç referohej Ahmeti në atë kohë”, thotë Rambaja për “Zëri”.

Vrasja e kolonel Krasniqit, ai thekson se ishte humbje e madhe për Ministrinë e Mbrojtjes, FARK-un, si dhe për tërë Kosovën. “Humbëm një profesionalist të artit dhe doktrinës luftarake, një patriot dhe njeri të devotshëm të çështjes shqiptare, me këtë akt barbar humbëm të gjithë, madje edhe ata që e bënë ekzekutimin, por edhe ne që ishim të lënduar rëndë”.

Ramabaja thotë se së bashku me kolonel Tahir Zemaj kishin marrë aprovimin nga ish presidenti Ibrahim Rugova në propozimin e tyre që ia kishin bërë atij)Rugovës), për kthimin e eshtrave të Ahmetit në mënyrë shtetërore. “Por, me vrasjen e Zemajt rrethanat për kthimin e eshtrave të kolonelit u zbehën”, thotë ai duke apeluar tek qeveria që të bëjë tash kthimin e eshtrave.

Krasniqi ministri unifikues, vrasja humbje për Kosovën

Ahmet Krasniqi me propozimin e eprorëve ushtarak caktohet koordinator i të gjithë ushtarakëve me pëlqimin dhe firmosjen e tyre të cilët vepronin në grupe punuese në Zvicër,Gjermani, Sloveni, Koaci, Suedi..,etj.

“Caktohet koordinues për formimin e shtabit suprem dhe Ministrisë së Mbrojtjes së Republikës së Kosovës. Konsultimet janë bërë me Bujar Bukoshin, i cili e ka bërë nënshkrimin e emërimit të Ahmet Krasniqit personin përgjegjës për formimin e shtabit Suprem dhe ushtrues detyre Ministër i Mbrojtjes së Republikës së Kosovës”, thotë Ramabaja për “Zërin”.

Pas kësaj, ai thotë se Ahmet Krasniqi me Agim Mehmetin nisen për në Oslo 21-22 maj për të biseduar me Adem Demaqin i cili ishte përfaqësues politik i UCK-së, informon Adem Demaqin dhe bien dakord për : Formimin e shtabit të përbashkët me qender në Tiranë, Njohja e të gjitha njësive që vepronin në Kosovë, Emërimi i tyre i përbashkët UÇK dhe stema e saj, Të gradoheshin dhe të plotësoheshin me oficer profesionist ato njësi për të krijuar hierarkinë ushtarake dhe institucionale, Ekzistimi i dy fondeve paralel, Çdo informatë apo komunikatë shtypi do të kalonte nëpërmes shtabit në Tiranë, Të sigurohej komandimi i të gjitha njësive me oficer profesionist.

Deri më 21 qershor, Ramabaja thotë se janë bërë përgatitjet dhe pastaj formimi dhe betimi i brigadave 134, e kompletuar me ushtarë dhe epror profesionistë me komandant kol. Tahir Zemajn dhe bërthama e brigadave 131,133 me epror për tu kompletuar pas hyrjes në Kosovë me ushtarë.

“Qëllimi ynë kryesor është që populli i Kosovës të ketë një forcë mbrojtëse profesionale, e cila do të jetë garantuese e sigurisë e të gjithë banorëve të saj. Ushtria e fortë Kosovare do të ndikoj edhe në rrafshin ndërkombëtar si faktor stabiliteti në Ballkan”, citon Ramabaja, të ketë thënë Krasniqi.

Ndërsa, nën patronatin e kryeministrit Isa Mustafa, nesër (hëne) në ora 12:00, në Sallën e Kuqe, në Pallatin e Rinisë do të mbahet Akademi Përkujtimore kushtuar Kolonel Ahmet Krasniqit. /Zëri

Refugjatët nga Siria – sa mund të presë Kosova?

Vala e refugjatëve sirianë është duke vazhduar çdo ditë dhe kjo po pasqyrohet nëpër media çdo herë e më shumë, duke u bërë kështu temë kryesore për ditë me radhë për mediat botërore.

Sipas mediave ndërkombëtare kohëve të fundit, e në numër më të madh gjatë muajit gusht dhe shtator janë larguar mbi 350 mijë sirianë nga vendi i tyre, pas konfliktit që është duke ndodhur atje. Shumë nga vendet europiane kanë hapur dyert për të strehuar një numër të madh të tyre.

Por, një gjë të tillë ende nuk e ka bërë asnjë vend i Ballkanit, madje as Kosova, e cila posedon vetëm një qendër të azilkërkuesve. Kjo qendër e cila gjendet në Magure të komunës së Lipjanit, ka kapacitet me mundësi akomodimi për 60 persona deri në mundësi maksimale rreth 120 persona. Kushtet në këtë qendër janë të standardeve Evropiane dhe konsiderohet si njëra ndër qendrat më të mira në Evropë. Ajo përveç strehimit, ofron edhe kënde të lojërave për fëmijë dhe të rritur, bibliotekën si dhe qasje në internet.

Këtë e ka bërë të ditur për KosovaPress, udhëheqësi i Qendrës së Azilkërkuesve, Fitim Zariqi, i cili tha se gjatë këtij viti nga 55 azilkërkues sa kanë qenë në këtë qendër, 80 % e tyre kanë qenë nga Siria, por për momentin aty nuk ndodhet asnjë.

“Për momentin nuk kemi sirian në qendër. Të gjithë që kanë qenë janë larguar nga qendra, për ne nuk dihet vendndodhja e tyre… Sipas informatave që kemi ata largohen drejt vendeve perëndimore për një jetë më të mirë. Sigurisht dihet që shumica e atyre që vijnë këtu, Kosovën e shfrytëzojnë si vend tranzit që të kalojnë në vende të tjera evropiane që kanë ekonomi më të zhvilluar, sepse shpeshherë ankohen ata se nuk mund të gjejnë punë këtu ose nuk janë pagat e mëdha edhe në rast se gjejnë punë”, tha Zariqi.

Por sipas tij, Ministria e Punëve të Brendshme tani është duke u përgatitur në rast se do të ketë fluks të madh të refugjatëve, duke bërë kështu identifikimin e disa objekteve të tjera dhe duke u marrë me përllogaritjet se sa do t’i kushtonte Kosovës në rast se do të ketë një fluks të madh.
Edhe pse ende nuk dihet shuma e këtyre përllogaritjeve, ai bëri të ditur se refugjatëve do t’u garantohen shërbime dhe produkte në vlerë prej 21 euro në ditë, shumë kjo që u ofrohet azilantëve të tanishëm.

Ndërkohë që Qeveria e Kosovës ende nuk ka marrë ndonjë vendim nëse do të pranojë apo jo refugjatë nga Siria, shumë personalitete të larta të vendit, duke filluar nga presidentja Atifete Jahjaga, ministra e këshilltarë të ndryshëm, madje edhe vetë qytetarët kanë kërkuar nga ky institucion që të japë dritën e gjelbër për këta refugjatë.

Këshilltari i presidentes Jahjaga, Arbër Vllahiu ka bërë të ditur përmes telefonit për KosovaPress, se presidentja ka kërkuar nga institucionet përgjegjëse që të bëjnë vlerësimin e kapaciteteve që ka Kosova për të pranuar refugjatë.

“Presidentja Jahjaga ka kërkuar që të bëhen vlerësimet duke marrë parasysh edhe kufizimet si dhe resurset që ka vendi ynë, pas konsultave me faktorin ndërkombëtarë në Kosovë dhe njëkohësisht edhe duke marrë parasysh vullnetin e qytetarëve të Kosovës, për t’ju dalë në ndihmë këtyre refugjatëve”, ka thënë Vllahiu.

Gjithashtu, edhe kryetari i Komisionit për Punë të Jashtme, Enver Hoxhaj, tha se ata si komision duhet të kërkojnë nga shteti dhe qytetarët që të shohin mundësitë për pranimin e refugjatëve sirianë.

Në anën tjetër, këshilltari i sigurisë ne zyrën e kryeministrit, Edon Myftari, thotë se Kosova nuk mund të përballojë një fluks të madh të refugjatëve, për shkak të gjendjes ekonomiko-sociale. Por megjithatë, edhe ai mendon se Kosova duhet të ndihmojë.

Edhe kryetarja e Gjakovës, Mimoza Kusari-Lila, javë më parë ka shprehur qëndrimin e saj se Kosova duhet të solidarizohet me këta refugjatë, duke thënë se Kosova duhet t’i kuptojë ata më mirë se askush, pasi vite më parë edhe shteti ynë ka pasur një histori të ngjashme.

Gjithashtu, KosovaPress ka kontaktuar përmes telefonit edhe me Kryqin e Kuq në Prishtinë, të cilët u shprehën se janë të gatshëm që menjëherë të pranojnë refugjatët nga Siria. Sekretari i Kryqit të Kuq, Agron Humolli ka thënë se ata kanë kapacitet të mjaftueshëm dhe se gjithmonë janë në gjendje gatishmërie për t’u ndihmuar njerëzve që kanë nevojë për raste të tilla. Ai shtoi se edhe më parë ata e kanë bërë një gjë të tillë, duke ndihmuar qytetarët e Luginës së Preshevës dhe të Maqedonisë dhe se një sfide të tillë ia kanë dal me sukses.

Kosovë – Ka rënë shumë numri i pjesëmarrësve në luftërat e huaja

Qeveria e Kosovës, në bashkëpunim me bashkësitë fetare, agjencitë e sigurisë e organizatat e shoqërisë civile, hartoi një strategji kombëtare për “Parandalimin e Ekstremizmit të Dhunshëm dhe Radikalizmit që shpie në Terrorizëm”. Strategjia synon bashkërendimin e përpjekjeve për t’u përballur me shqetësimet që ka nxitur fakti se vendet e Ballkanit përfshirë edhe Kosovën, janë zonë e origjinës së luftëtarëve të huaj në Lindjen e Mesme.

Qytetarët e parë të Kosovës që u janë bashkuar konflikteve në Siri dhe Irak janë regjistruar nga mesi i vitit 2012. Fillimisht ata u ishin bashkuar forcave opozitare në Siri që luftonin për rrëzimin e regjimit të presidentit sirian, Bashar Al Asaad. Por, më vonë, thotë majori Luan Keka nga drejtoria e departamentit kundër terrorizmit në policinë e Kosovës, shumica e tyre u bashkuan me organizatat si Al Nusra apo edhe grupi i quajtur Shteti Islamik i Irakut dhe Sirisë.

“Që nga ajo kohë e deri sot, sipas informacioneve që ne posedojmë, e kemi një numër diku rreth 300 qytetarë të Republikës së Kosovës që i janë bashkëngjitur atij konflikti. Momentalisht, sipas informatave që ne posedojmë, numri sillet në rreth 100 perona që janë ende në ato zona të konfliktit, përkrah këtyre organizatave apo në IS, siç po quhet tash. Nga ky numër, sipas informatave që ne posedojmë, diku rreth 40 janë të deklaruar të vdekur”, tha zoti Keka.

Skënder Përteshi nga Qendra për studime të sigurisë, thotë se ka një rënie të numrit të qytetarëve të Kosovës të përfshirë në ato konflikte.

“Nëse e shikojmë trendin se sa qytetarë kanë shkuar në luftë brenda muajit, gjatë vitit 2012 – 2013 dhe sa shkojnë tash, për një përqindje shumë të madhe ka rënë”, tha zoti Përteshi.

Sekretari i Bashkësisë Islame të Kosovës, Resul Rexhepi tha se zvogëlimi i numrit është rrjedhojë e sqarimit të situatës reale në Siri.

“Njerëzit duke mos e ditur realitetin e mirëfilltë, duke mos e ditur atë që është qenësore, duke mos e ditur se çfarë në fakt po ndodhë atje, janë munduar dikujt- dikujt t’i tregojnë se me luftue për Zotin, është sevap i madh, është flijim i madh, fitohet xheneti. Tani, këto kanë rënë në ujë. Po e dinë njerëzit se me e luftue vëllai vëllain, nuk fitohet xheneti. Më e mbytë vëllai vëllain, po e dinë, nuk është xhihad. Është anti xhihad. Prandaj kur janë marrë vesh këto, kur janë sqaruar mirë dhe gjithandej, atëherë edhe numri i tyre ka rënë dukshëm”, tha zoti Rexhepi

Por, cilët janë faktorët që kanë ndikuar në përfshirjen e qytetarëve në ato luftëra.

“Faktori kryesor është definitivisht niveli i ultë i edukimit. Faktori i dytë është bindja fetare. Domethënë mënyra qysh ata i kanë marrë mësimet fetare, nuk është e duhura dhe nuk është ajo e drejta qysh sipas dijetarëvë islam, duhet të promovohet. Dhe pak a shumë qytetarët tanë, nga keqinformimi dhe mungesa e informacioneve të duhura fetare, informohen gabimisht nga adresa të huaja, nga adresa jo të drejta dhe marrin një vendim të tillë. Faktori i tretë është edhe besueshmëria në institucione dhe humbja e shpresës në vend. Ndër faktorët tjerë është edhe zhvillimi ekonomik dhe papunësia por edhe izolimi i vendit”, tha zoti Përteshi.

“Faktorët kryesor janë brengat ekonomike-sociale. Ka edhe faktorë edhe politik e ideologjik që janë të përfshirë. Pastaj mund t’i klasifikojmë si papunësi, edukimi i ultë, mungesa e perspektivës, kërkimi për një identitet të të rinjve e faktorë të tjerë”, tha zoti Keka.

Zoti Rexhepi thotë se thirrjet në emër të besimit ishin përpjekje për keqpërdorimin e porosive që nuk kanë të bëjnë me të.

“Sepse, njerëzit tanë, të rinjtë tanë nuk janë bërë dje mysliman. Përkundrazi te ne ekziston një traditë e gjatë, madje madje mbi gjashtë shekullore. Por, këtu janë bërë disa keqpërdorime, janë bërë disa keqinterpretime. Disa e kanë marrë shumë afër zemrës, po them në thonjëza, çështjen e xhihadit dhe tash nuk mund të shkojmë të gjithë të luftojmë në xhihad se, tutem mos na bëhet pak tepër neve, se jemi popull i vogël”.

Ai thotë se Bashkësia Islame ka propozuar në kuadër të strategjisë kombëtare që të ketë pjesën e saj të punës.

“Para së gjithash do të kemi me tepër ligjërata, të cilat në shënjestër do ta kenë sidomos ekstremizmin, radikalizmin, dhunën, mos të them, terrorizmin, gjithçka që shkon në këtë linjë do ta kemi në qendër të vëmendjes, në qendër të hytbeve, të ligjëratave, në veçanti ditët e premte. Do të kemi tribuna publike gjithandej nëpër qendrat më të mëdha në të cilat do të debatojmë hapur me xhematin tonë, me njerëzit tanë, sidomos për këto elemente”, tha zoti Rexhepi

Që nga viti 2013 e deri tash autoritetet kanë hetuar mbi 180 persona të përfshirë në vepra që lidhen me terrorizimin. Rreth 90 persona janë arrestuar dhe janë ngritur mbi 40 aktakuza.

Por, a paraqesin kërcënim luftëtarët e kthyer dhe sa është e kërcënuar Kosova nga ekstremizmi i dhunshëm?

“Pjesa më e madhe e qytetarëve tanë që janë kthyer, nuk kanë marra pjesë direkt në luftime, mirëpo kanë qenë pjesë e grupeve ekstreme, qoftë me apo pa dashje, qoftë me vetëdije apo pa vetëdije. Nuk mund të gjykojmë, sepse nuk kemi prova të sakta për këtë, mirëpo këta janë kthyer nga një konflikt dhe çdo person që kthehet nga një konflikt, sjell me vete disa shkathtësi luftarake ose aspekte tjera psikologjike, të cilat mund të jenë të dëmshme për vendin. Në këtë rast, shteti normalisht i ka marrë masat dhe duhet t’i ndërmarr dhe të vlerësojë për një person të caktuar se çfarë rreziku ai mund të paraqesë për shoqërinë. Dhe në përputhje me vlerësimin e nivelit e rrezikut që bëhet nga institucionet e specializuara për këta persona, po ashtu duhet të merren masa nga shteti: qoftë të arrestohen, qoftë të merren me ta institucionet e specializuara, siç janë Ministria e punës dhe mirëqenies sociale, ose spitalet e caktuara apo psikologët apo institucione të tjera”, tha zoti Përteshi.

“Për momentin, vlerësohet rreziku jo i lartë nga sulmet terroriste edhe përkundër faktit se kohëve të fundit është vërejtur një trend i shtuar i propagandës, sidomos nga organizata terroriste ISIS, që përmes video postimeve ka drejtuar mesazhe kërcënuese në nivel global, rajonal dhe ndaj Kosovës dhe shteteve të Ballkanit. Ne këto kërcënime i trajtojmë me seriozitetin më të madh dhe me përkushtim dhe mund t’ju sigurojë se deri më tani ja kemi dalë shumë mirë me trajtimin e tyre”, tha zoti Keka.

Në muajin mars, Parlamenti i Kosovës miratoi ligjin që synon parandalimin e qytetarëve të Kosovës që t’u bashkohen luftërave jashtë vendit. Ligji parasheh dënime prej 6 muaj deri në 15 vjet heqje lirie për të gjitha ata që marrin pjesë, nxisin apo ndihmojnë përfshirjen në luftërat e huaja. Por, veprimtarët thonë se krahas veprimeve ligjore, lufta kundër ekstremizmit të dhunshëm duhet të jetë gjithëpërfshirëse, duke vënë theksin tek edukimi dhe informimi i drejtë i qytetarëve të Kosovës.

Isa Mustafa e pranon se veriu është i ndarë dhe është nën ndikimin e plotë të Serbisë

PRISHTINË – Kryeministri i Kosovës, Isa Mustafa, ka folur në lidhje me peticionin e opozitës për të kundërshtuar marrëveshjet me Serbinë, por ndër të tjera ka pranuar se pjesa veriore e Kosovës është e ndarë dhe është nën ndikimin e plotë të Serbisë.

Duke komentuar këtë peticion, Mustafa tha se qytetarët nuk janë të vetëdijshëm se çfarë po nënshkruajnë pasi shumë nga ata nuk e kanë lexuar “Marrëveshjen e Parë të Parimeve që Rregullojnë Normalizimin e Marrëdhënieve”, të dt. 19.04.2013, “Ligjin për Ratifikimin e Marrëveshjes së Parë Ndërkombëtare që Rregullon Normalizimin e Marrëdhënieve mes Republikës së Kosovës dhe Republikës së Serbisë dhe të Planit të Zbatimit për këtë Marrëveshje”, nr. 04/L-199 të dt. 27 qershor 2013, por as dokumentin: “Asociacioni/Bashkësia i Komunave me Shumicë Serbe në Kosovë-Parimet e Përgjithshme / Elementet kryesore”, nënshkruar më 25 gusht 2015 në Bruksel.

“Qytetarët duhet të informohen çfarë përmbajnë këto dokumente, kush i votoi ato në Kuvendin e Republikës së Kosovës dhe kush nuk mori pjesë fare në votim, ndërkaq ishte prezent. Unë i ftoj mediat që të publikojnë këto dokumente, në mënyrë që ato të jenë të njohura për qytetarët. Sepse është ironike, që ata që e votuan Ligjin për Ratifikimin e marrëveshjes, të kundërshtojnë marrëveshjet dhe të bashkë-organizojnë peticion e të kërkojnë nënshkrime nga qytetarët që të mos zbatohet Ligji”, ka thënë Mustafa, raporton “Koha.net”.

Kreu i ekzekutivit thotë se çështje tjetër është se a është dashur të ndodhë Asociacioni apo jo.

“Ai nuk do të ndodhte sikur të arrinim t’i integrojmë me kohë serbët e Kosovës dhe sikur, me fajin tonë, por edhe të disave nga bashkësia ndërkombëtare të mos mbetet e ndarë pjesa veriore e vendit, nën ndikimin e plotë të Serbisë. Tani, kjo është zgjidhja që përkrahet nga miqtë tanë, të cilët na ndihmuan ta çlirojmë vendin, ta shpallim pavarësinë dhe ta ndërtojmë shtetin e pavarur”, ka përfunduar Mustafa.

Shoqëritë autoritare janë kundër çdo vlere demokratike, rrënojnë me dhunë çdo mendim kritik – Nga SKËNDER MULLIQI

Secilin njeri e karekterizojnë tiparet dhe veset. Ajo që është e mirë është dhuratë nga Zoti, pastaj ajo trashegohet apo jeta na mëson të bëhemi të mirë. Ka shumë njerëz në këtë botë që janë jo tolerant . Mos durimi dhe jo toleranca janë të dëmshme për secilin përson , për familjën dhe për mbarë shoqërinë.Këta përsona jo tolerancën e shprehin në forma të ndryshme deri të agresiviteti I hapur karshi përsonave të tjerë.Jo toleranca gjatë historisë është shprehur edhe të shoqëritë. Sistemet diktatoriale janë jo tolerante dhe agreseve karshi përsonave apo shoqërive të cilët mendojnë ndryshe. Ky sistem është I dhunshem, është sistem imponues, dhe agresiv deri ne vdekje.Agresiviteti dhe jo toleranca karakterizohet edhe sipas asaj se sa një shoqëri transformohet në kuptimin pozitiv të fjalës.Mos durimi dhe jo toleranca gjen vend tek përsonat destruktiv të cilët janë të predisponuar ti lëndojnë të tjerët më çdo kusht.Nuk dëshirojnë të lejojnë alternativë tjetër pos ideve të veta destruktive dhe represive. Këta përsona më këto predispozita gjatë historisë u kan sjellur dëme shumë kombeve dhe shteteve me veprimet e veta primitive , karshi individëve me ide përparimtare, me vizione për demokratizim të shoqërisë.Anonimuset dhe kuazi intelektualet e paraqesin veten si njerëz të cilët duhet ta udhëheqin shtetin , duke imponuar mos dijen dhe tolerancën e tyre karshi njerëzëve të ditur.Shëmbull eklatant I kësaj është bërë edhe Kosova. Që nga pas lufta na u paraqiten përsona imponues dhe jo tolerant, të cilet impunuan dhe vazhdojnë të imponojnë gjithçka qe atyre u duket e mirë, e nuk është e mirë për shtetin të cilin po e ndërtojmë.Këta njerëz kan mbjellur jo tolerancën dhe kan futur mos durimin karshi përsonave të ndryshem dhe përgjithësisht në shoqëri.Ky egoizem , ky mos durim qytetar do të thosha dhe jo toleranca ka bërë shpërfaqjën e krimit të organizuar, korrupcionit dhe shumë qka tjeter të dëmshme për sistemin pluralist .Këta përsona imponues po janë pa ide, primtiv , dhe këtë primitivizem po na shesin si dije.Për dallim prej këtyre përsonave me logjikë të retardueme, demokratet janë përsona tolerant, të arsyeshem në marrjen e vendimeve, si kur bëhët fjalë për individin e caktuar , rrethin apo edhe mbarë shoqërinë.Shoqeritë autoritiare janë kunder çdo vlere demokratike, rrënojnë çdo mendim kritik me dhunë.Shoqeritë jo demokratike fusin në funksion aparatin e tyre represiv kunder të gjithë atyre të cilët marrin guximin ti kundershtojnë hapur apo në çfardo forme tjetër.E gjithë kjo bëhët për ti mbrojtur interesat e klasës sunduese, karshi shumicës e cila është e detyruar të punoj për pakicën.Shtetet post komuniste nuk u shkëputen lehtë nga logjika komuniste diktatoriale . Kjo logjikë diktaroriale ende po fuksionon në Kosovë nën petkun e demokracisë. Ende po iu shihet sherri mbeturinave të sistemit të kaluar, të cilët janë bërë pengesë e madhe e progresit .Të gjitha pushtet e pas luftës paten po thuaj logjikë imponuese, jo tolerante karshi kërkesave të qytetarëve . Mos durimi dhe jo toleranca po shfaqën edhe midis partive politike .Kështu ishte deri me tash. Mos toleranca e tipit diktatorial ka bërë që të kemi edhe konflikte deri të luftat e ndryshme , si mbrenda shtetit(luftat e ndryshme qytetare), pastaj deri të luftat në shkallë më të gjerë midis shteteve të ndryshme . Me shekujë është zhvilluar luftë e hapur midis dy koncepteve politike, konceptit te avansuar kapitalist dhe konceptit diktatorial -komunist. Dihet së kapitalizmi si sisitem ka shënuar fitore po thuaj në gjithë rruzullin . Dihet se e gjithë Evropa Lindore e flaki komunizmin .Ky mos durim apo jo tolerancë u shfaqë edhe ende po vazhdon të shfaqet kur është në pyetje feja.Toleranca fetare në Kosovë gjithmonë ishte në nivelin e duhur, edhe pse kohën e fundit janë shpërfaqur disa ekstremizma fetare.Intoleranca fetare nuk i duhet askujt përpos atyre që nga kjo punë jo e mirë po gjejnë leverdi materjale .Lufta kunder atyre që mendojnë ndryshe është tendencë për monopol mbi çdo gjë .Kjo mos tolerancë po shpërfaqë edhe idenë së filan fisteku mund të jetë edhe armik i kombit. Nese dëshirojmë të spastrojmë diq të tillë , atëher ë duhet vu në funksion ligjin e lustracionit. Lufta e ideve ndryshe është luftë e shëndosh deri atëherë kur ajo nuk bëhët luftë e dhunshme. Sistemi represiv është formë e tejkaluar e veprimit. Tash në këtë kohë të pluralizmit politik do të duhej të vijnë në shprehje logjika e shëndosh e të menduarit dhe vepruarit.Të flakët përgjithmonë logjika e forcës , se sepse ajo logjikë na solli dhe ende po na sjellë dëme të mëdha…

Kosovë – Punonjësit në sektorin privat trajtohen si skllevër- bashkëpërgjegjëse institucionet!

Gjendja e të punësuarve në sektorin privat në Kosovë vazhdon të jetë e mjerueshme dhe jashtë çdo norme të punës ajo sa vije e po rëndohet edhe më shumë.

Gjendja e të punësuarve në sektorin privat ngjanë me atë të kohës së trajtimit që u bëhet njerëzve në skllavëri dhe bashkë përgjegjëse pos bizneseve janë edhe institucionet e shtetit që nuk veprojnë e rrinë duar kryq.

Jusuf Azemi, kryetar i Sindikatës së Pavarur të Sektorit Privat në Kosovë, tha se gjendje e rëndë po vazhdon ti përcjell punëtorët në sektorin privat. Situata është e brishtë dhe me tendencë të përkeqësimit edhe më të madh, e cila krahasohet me kohën e skllavërisë.

“Gjatë vizitës në 18 kompani brenda dy muajve të fundit kemi vërejtur skllavërizëm, ku disa kompani nuk respektojnë asnjë normë e ligj dhe janë disa gjëra me të cilat punonjësit ballafaqohen si në kohën e skllavërisë. Ka shumë padrejtësi dhe mbi 90 për qind të punonjësve trajtohen si skllevër”, tha Azemi.

Sipas tij një pjesë e madhe e punëtorëve në sektorin privat marrin edhe nga 120 euro pagë, gjë e cila është në kundërshtim me të gjitha rregullat dhe të gjitha ligjet në fuqi në vendin tonë.

E derisa pjesa më e madhe e punëtorëve në sektorin privat janë të diskriminuar në shumë aspekte në anën tjetër ka edhe kompani të përgjegjshme të cilat punonjësit i trajtojnë dinjitshëm dhe duke respektuar çdo normë ligjore të punës.

Kryetari i Sindikatës së Pavarur të Sektorit Privat, tha se Ministria e Punës nuk ka bërë asnjë hapë konkret për ngritjen e pagës bazë në sektorin privat prej 5 për qind.

“Zyrtarët e shtetit kanë prioritet ngritjen e të ardhurave të tyre, apo atyre që rrinë nëpër zyra e nuk punojnë asgjë, e jo edhe për ngritjen për 5 për qind të pagave të punonjësve të sektorit privat dhe kjo ngritje duhet të ndodh dhe të ketë barazi ndërmjet sektorit publik dhe atij privat”,tha Jusuf Azemi.

Sipas tij asnjë institucion në vend nuk po merret seriozisht me çështjen e punëtorëve të sektorit privat dhe trajtimin e dinjitetshëm që duhet rritje pagash edhe në sektorin privat.

Ai shtoi se ka kompani të shumta që për rreth e mbi dhjetë vjet të punësuarve nuk u kanë kryer obligimet apo kontributet dhe nëse deri me 15 tetor ata nuk i kryejnë këto obligime do të publikohen emrat e këtyre kompanive.

E gjithë kjo pjesë e kontributeve në vend se të shkon në fondin shtetëror, ato mjete shkojnë në pasurinë e pronarëve të kompanive të cilat janë edhe në marrëveshje me institucionet shtetërore.

“Kjo është një hajni e pastër të cilën pronarët e kompanive po e bëjnë me institucionet e vendit. Inspektorati e Punës, nuk po e kryen funksionin e saj dhe ka pasur edhe disa vdekje e lëndime në punë”, tha Azemi

Në Kosovë sipas të dhënave zyrtare janë mbi 370 mijë punëtorë, prej tyre rreth 80 mijë në sektorin publik të cilëve u paguhen kontributet. Ndërkaq në sektorin privat nuk kalon shifra e 100 mijë punëtorëve që u paguhen kontributet e të tjerëve jo. Kjo i bie që mbi 50% apo më shumë se gjysma e punëtorëve të sektorit privat nuk janë as të regjistruar dhe bizneset punojnë në të zezë.

Kryetari i Sindikatës së Sektorit Privat, tha se Inspektorati i Punës, në vend se të veprojnë heshtin, duke mos kryer punën e vet në të cilën thirret në të mirë të punëtorëve.

“Për gjendjen e mjerueshme të punëtorëve në sektorin privat, përgjegjësinë e mbanë Qeveria e Kosovës në bashkëpunim me pronarët e kompanive. Ne kemi argumente të mjaftueshme për inspektorët dhe zyrtarët e ministrisë për mos veprime”, tha Azemi.

Ai ka kërkuar veprime konkrete, sepse gjendja sa po vije e po rëndohet. toskanapress.info

Presidenti Obama pranon letrat kredenciale të Vlora Çitakut

Voal – Vlora Çitaku, tashmë edhe zyrtarisht është ambasadore e Republikës së Kosovës në Shtetet e Bashkuara të Amerikës.

Vlora Çitaku, postuar në profilin e saj në Facebook një foto të takimit me presidentin amerikan, Barack Obama në White House, të cilit i ka dorëzuar letrat kredenciale.

Çitaku e ka shoqëror fotografinë duke përshkruar përjetimin që kishte në takimin e saj me Obamën.

“E nderuar”, ka shkruar ka diplomatja kosovare në Facebook.

Çitaku deri më tash shërbente si konsulle në New York. Ndërsa, para se largohej për në Amerikë, ajo ka qenë ministre për Integrime Europiane dhe zëvendësministre e Jashtme e Kosovës.

Çitaku bëhet ambasadorja e tretë e Kosovës në SHBA, pas Avni Spahiut dhe Akan Ismajlit.

Peticion kundër Asociacionit dhe demarkacionit me Malin e Zi

Partitë opozitare në Kosovë kanë nisur peticionin i cili synon mbledhjen e nënshkrimeve të qytetarëve kundër marrëveshjeve të arritura në dialogun e Brukselit ndërmjet Prishtinës dhe Beogradit si dhe marrëveshjes me Malin e Zi për demarkacionin e kufirit.

Peticioni ka nisur të nënshkruhet fillimisht në Prishtinë, ku firmat e tyre i vendosën liderët opozitar, Visar Ymeri, kryetar i Lëvizjes Vetëvendosje, Ramush Haradinaj lider i Aleancës për Ardhmërinë e Kosovës dhe kryetari i partisë Nisma për Kosovën, Fatmir Limaj.

Kryetari i Vetëvendosjes, Visar Ymeri ka thënë me këtë rast se ky peticion është i rëndësishëm ngaqë përmes tij, shprehet kundërshtimi i marrëveshjeve që Qeveria e Kosovës i arriti me atë të Serbisë në kuadër të dialogut në Bruksel.

“U bëjmë ftesë të gjithë akterëve politik, të gjithë zërave kundërshtarë dhe të gjithë qytetarëve që mendojnë që këto marrëveshje janë të dëmshme për vendin dhe që i shohin këto marrëveshje si të papranueshme për vendin, që të bëhen pjesë e këtij peticioni si një formë jashtëzakonisht e rëndësishme e mobilizimit të kundërshtimit qytetarë dhe i dërgimit të sinjaleve se qytetarët e Kosovës nuk e pranojnë dhe nuk janë dakord me këtë rrënim të Republikës që po ia bën qeveria”, ka thënë Ymeri.

Ndërkohë, lideri i AAK-së, Ramush Haradinaj, sërish ka përmendur marrëveshjen për demarkacionin e kufirit me Malin e Zi të cilën e ka vlerësuar tërësisht të papranueshme.

Duke iu referuar edhe deklaratës së fundit të presidentit amerikan Barack Obama të cilën ai në formën e shkruar ia dorëzoi ambasadores së Kosovës në Shtetet e Bashkuara, Vlora Çitaku, ku mes tjerash Obama përshëndet edhe demarkacionin e kufirit me Malin e Zi, Haradinaj, ka thënë se nuk është kundër demarkacionit, por kundër kësaj marrëveshje të arritur e cila është në dëm të territorit të Kosovës.

“Edhe ne e përkrahim marrëveshjen për demarkacion, por të drejtë e jo të tillë çfarë e kanë sjellë në lajthitje. Qeveria e Kosovës, komisioni qeveritar e kanë vënë nën lajthitje gjithkënd, Kosovën, Malin e Zi e të tjerët. Pra, ne e përkrahim një demarkacion të drejtë në Qafë të Çokorrit te Kulla e Zhlebit, por jo këtë demarkacion të kësaj qeverie”, ka deklaruar Haradinaj.

Edhe kryetari i partisë Nisma për Kosovën, Fatmir Limaj ka thënë se peticioni është një mundësi që qytetarët të tregojnë vullnetin e tyre, pasi që atyre nuk u ka mbetur ndonjë mundësi tjetër për të kundërshtuar marrëveshjet që Qeveria e Kosovës po arrin me Serbinë.

“Peticioni është një instrument demokratik që zakonisht përdoret kur qeverisja vepron diçka në kundërshtim me interesat e qytetarëve dhe nuk u ofrohet mundësia qytetarëve që të shprehen. Duke mos pasur rrugë e mundësi tjera që të shprehen, është peticioni ai i cili do t’u dërgonte një mesazh të qartë atyre të cilët kanë nënshkruar he kanë bërë marrëveshje në emër të qytetarëve të Kosovës, pa i pyetur ata dhe pa aprovimin e tyre”, ka thënë Limaj.

Liderët opozitar nuk kanë treguar se sa do të zgjas mbledhja e nënshkrimeve në kuadër të këtij peticioni si dhe mekanizmat që do të përdoren më pas, nëse ai do të dërgohet në Kuvend për debat apo jo.

Pas peticionit, i cili u tha se do të shtrihet në gjithë Kosovën, sipas opozitës do të pasojë edhe faza e protestave në rrugë për të kundërshtuar marrëveshjet e Qeverisë së Kosovës me atë të Serbisë.

Presidenti amerikan përgëzon Kosovën për demarkacionin me Malin e Zi

Në porosinë e tij Çitakut, Presidenti Obama ka deklaruar: “Nënshkrimi i Marrëveshjes historike për demarkacionin e kufirit në mes Kosovës dhe Malit të Zi me 26 Gusht, demonstroi edhe më tutje përcaktimin e Kosovës për marrëdhënie të mira fqinjësore dhe vendosshmërinë Tuaj, që çështjet rajonale të adresohen në frymën e dialogut dhe bashkëpunimit”, ka thënë Obama, transmeton MPJ, përmes një komunikate për Media.

Presidenti Obama ka theksuar se përcaktimi i Kosovës që sfidat e lartpërmendura t’i adresojë në mënyrë të përgjegjshme dhe konstruktive ka vënë Kosovën në një rrugë solide drejt rritjes së stabilitetit, sigurisë dhe prosperitetit në një Evropë të plotë, të lirë dhe në paqe.

“Ka shumë punë në rrugën drejt fuqizimit të demokracisë dhe ekonomisë dhe drejt integrimit në Institucionet rajonale dhe ndërkombëtare. ShBA-të do të vazhdojnë t’ju mbështesin në këto sfida dhe në sfida tjera”, ka shtuar Obama.

Majko: Asociacioni e kufizon sovranitetin e Kosovës

Kështu ka deklaruar ish-kryeministri i Shqipërisë, Pandeli Majko, gjatë një interviste ekskluzive për gazetën “Zëri”, i cili njëherësh është deputet i Partisë Socialiste në Parlamentin e Shqipërisë.

Serbia, sipas tij, po kërkon ta ruajë influencën e vendimmarrjes në Kosovë, duke kërkuar që përveç shtetit serb të garantojë një “hapësirë” të interesave të veta në një hapësirë që është më e madhe sesa territori ku ushtron sovranitet.

Majko, që ka qenë kryeministër i Shqipërisë gjatë periudhës së luftës në Kosovë, përkatësisht gjatë viteve 1998-99, ka folur edhe për ushtrinë e shtetit më të ri në Evropë, duke thënë se ky shtet do t’i formalizojë forcat e veta të armatosura.

“Kjo që po më pyesni ka edhe komentin tuaj, të cilin po e marr si një “pyetje” po ashtu. Ekziston një dyzim i arsyeshëm lidhur me atë çfarë klasa politike drejtuese e Kosovës po realizon pas miratimit të “Paketës” së Ahtisarit”

Shtëpia zëvendëskryeministrit Shala i mbeti matanë kufirit me Malin e Zi

Sa i përket demarkacionit të kufirit me Malin e Zi, edhe vetë ministri thotë se kishte menduar se ishte më larg sesa që e ka vënë komisioni, madje ai ka theksuar se shtëpia e tij ka mbetur në pjesën e Malit të Zi.

Por Shala ka potencuar se të gjitha hartat dhe dokumentacionet që ekzistojnë, madje edhe ato të komunës së Pejës, e paraqesin kufirin aty ku e ka vendosur Komisioni për Demarkacionin.

Sa i përket Asociacionit të Komunave Serbe, ai thotë se nuk ka parë asnjë bazë ligjore që u jep fuqi ekzekutive, por ka parë një bazë politike për rritjen e mirëqenies së asaj pjesë të Kosovës.

Shala, i cili është edhe ministër i Kulturës dhe Sporteve, ka komentuar gjithë ato zhurma që u bënë për punën e tij dhe atë që po quhet reformim i Ministrisë së Kulturës.

Shkurtimin e subvencioneve e ka arsyetuar me mungesën e bazës ligjore dhe faktin se është dashur të shlyejnë borxhet e lëna nga paraardhësi i tij.

Ndërkaq, sa i përket mosmarrëveshjeve që kanë me Qendrën për Art Bashkëkohor “Stacion”, e cila nuk po ua dorëzon objektin e Muzeut, Shala ka thënë se kjo çështje me nuk i takon atij e as Muzeut të Kosovës, por institucioneve të rendit, pasi konsiderohet se ajo hapësirë është e uzurpuar.

Ka mohuar të ketë shpenzuar 2 mijë euro për të parë ndeshjen Shqipëri – Danimarkë, duke theksuar se gjatë këtij udhëtimi personalisht kishte shpenzuar 139 euro e 33 cent, ndërsa ka thënë se gruaja e tij ishte punësuar në ministri në vitin 2009, por që realisht ka pasur kontratë mbi vepër.

Zëvendëskryeministri i Kosovës, Kujtim Shala, i cili ishte njëri ndër ithtarët e VLAN-it, ka rrëfyer për Rubikonin prapaskenat e gjithë proceseve rreth Bllokut, deri te marrëveshja e koalicionit mes dy kundërshtarëve më të mëdhenj politikë, LDK-së dhe PDK-së, raporton Koha.net.

Shala ka thënë se realisht ka parë gjasa të një bashkëpunimi të mirëfilltë me Vetëvendosjen, por që sipas tij, e gjitha mori në thua për faktin që nuk kishte zgjidhje, pasi rekomandimet që vinin nga ndërkombëtarët nuk e donin VV në pushtet.

Madje, ai ka theksuar se këtë ia kishin bërë me dijeni Vetëvendosjes në takimin e fundit, parti e cila më ngulm i kishte kërkuar LDK-së që të mos lidhej në koalicion me Thaçin.

Shala, i cili njihet si krahu i djathtë i Isa Mustafës, ka thënë se marrëveshjen me PDK-në e bënë pasi morën bekimin e Këshillit të Përgjithshëm edhe faktit se LDK-ja donte të qeveriste, pavarësisht që nuk ishte e para.

Ndërsa tha që pranoi të marrë poste në këtë koalicion edhe pse kishte votuar kundër, për faktin se dega nga e cila vinte kishte insistuar për një gjë të tillë.

Marrë-dhënie: Serbët po na marrin territor, ne po japim – Nga HYSAMEDIN FERAJ

Me Serbinë, siç e thotë fjala, kemi pikërisht marrëdhënie: dikush ka diçka këmpër të marrë, dikush për të dhënë. Mirëpo, ndërkohë që mes palëve këto janë marrëdhënie, për palët veç e veç nuk janë më të tilla, sepse për Serbinë janë bërë “marrje-marrje”, për ne “dhënie-dhënie”.

Kush po merr, çka, dhe kush po jep, çka? Serbia po na merr territore, ne sapo i kemi dhënë… po territore! Çka kemi marrë, dhe ç’ka dhënë Serbia? Asgjë! Kjo vërtet i deformon marrëdhëniet! Serbisë, sapo i kemi dhënë një Republikë Serbe brenda Kosovës, me territor dhe kompetenca të qarta, tani për tani pa këtë emërtim dhe pa të drejtën e shkëputjes.

Por, nëse vijon kjo sjellje shqiptare (e qeverisë dhe popullsisë), këto të drejta serbët do t’i marrin dhe ne do t’i japim me marrëveshjen tjetër të ardhme, siç është marrëveshja e tashme (25 gusht 2015), vijim i marrëveshjes së kaluar (19 prill 2013).

Shpesh është folur kot për “kthesë historike”, “epokë e re” në marrëdhëniet shqiptaro-serbe, por marrëveshja e para pak javësh është vërtet historike, por mbi të gjitha Histori e bërë në bashkëpunimin mes serbëve e shqiptarëve, në të mirë të serbëve dhe në dëm të shqiptarëve, pikërisht sepse për ata është marrje-marrje, për ne dhëniedhënie. Humbjen tonë e bën të mundshme, së pari, fakti se kemi marrëdhënie vetëm me historiografinë, por jo me historinë.

Prandaj, nëse do të jenë si ne, brezat e ardhshëm do ta kuptojnë nga historiografia historinë që kemi bërë ne tani për ta, për t’u dhënë serbëve falas territore shqiptare dhe, rrjedhimisht, për të vënë në lëvizje axhendën afatgjatë të ardhme të këtyre dy popujve.

Nëse ka njëfarë vërtetësie në përgjithësimet e lëvizjeve nacionale, nga njohja si pakicë te fitimi i autonomisë, te njësi (republikë, a sido të quhet) e barabartë politike me njësitë e tjera, tek e drejta e vetëvendosjes (përmes referendumit etj.) dhe shkëputjes, te pavarësia dhe bashkimi me shtete të tjera – atëherë nuk është e vështirë të kuptohet se kjo ecuri e serbëve tashmë ka bërë hapa aq të rëndësishëm para, sa vështirë të legjitimohemi se nuk e kuptojmë teksa po e bëjmë këtë histori, por do ta kuptojmë kur të jetë bërë historiografi.

Marrëveshja po aq e përcakton axhendën e veprimtarisë shqiptare: federalizmin e Kosovës, shndërrimin në “shtet” që nuk mundet të funksionojë edhe nëse qeveritarët do të kishin vullnetin e mirë (që nuk e kanë tani), përpjekjet dhe ankimet te ndërkombëtarët për të mos lejuar pavarësinë e republikës serbe të Kosovës nga Kosova, habinë e ndërkombëtarëve se nga e marrim këtë të drejtë të ankohemi kur vetë i kemi çuar punët në këtë fazë etj., etj.

Humbjen tonë e mundëson, së dyti, por më e rëndësishme, zëvendësimi i politikës me menaxhimin e bizneseve, sidomos të konflikteve familjare për biznese, menaxhimin e votave e të votuesve, menaxhimin e krimit dhe të tenderëve etj.

Ndërkohë që jemi “të zënë” ethshëm në konfliktet njëri me tjetrin, individualisht ose në klane të ngushta, se kujt iu hoq e kujt iu dha një biznes, kush do të fitojë e kush jo një tender, kush do të përfitojë nga projektet ndërkombëtare e kush të mbahet jashtë – ata që quajmë politikanë në fakt janë reduktuar në menaxherë të konflikteve të brendshme klanore dhe private.

Të përthithur plotësisht e deri në ekstazë me menaxhimin e rivaliteteve njëri me tjetrin, për ta bota është bërë vakum, pamundësi e proceseve të tilla; për ta, tej rivalitetit të njërit me tjetrin, nuk ka asnjë rivalitet qoftë edhe biznesi, tenderësh, projektesh ndërkombëtare në rajon ose në botë.

Sigurisht as që kuptojnë se mund të flitet për rivalitete dhe konkurrenca ndërmjet shteteve, për interesa të shtetasve dhe të kombeve etj., sepse për ta ekzistojnë vetëm individë, e shumta “grupe të identifikueshme”, por jo njësi “abstrakte”, kolektivitete si “komb”, “shtet” etj.

Të vetmit në botë që duan ta besojnë këtë konceptim “liberal” kundër “abstraktëve”, në bisedimet me Serbinë shkojnë si menaxher ndërmarrjesh të vogla me politikanët shtetërorë e kombëtarë serbë. Prandaj, të pajisur me vetëdije shtetërore e kombëtare, Serbia bën politikë përballë menaxherëve tanë dhe çon para me shpejtësi projektin e saj nacional.

Humbjen tonë në “marrëdhëniet” me Serbinë e mundëson, së treti, megalomania jonë, madhështia e udhëheqësit rajonal e botëror, si kompensim i vogëlsisë ku qëndrohet çdo ditë teksa menaxhohen konfliktet e vogla.

Të liruar nga interesat shtetërore e kombëtare, këto njësi të “mesme”, as të vogla sa një individ e familje, as të mëdha sa rajoni e bota, diskuri politik shqiptar është shtyrë nga politikanët-menaxherë kah zgjidhja e konflikteve të mëdha botërore dhe pasojave të tyre, sidomos lidhur me refugjatët sirianë dhe tifozëritë ndaj vendeve që po merren realisht me ta.

Humbjen tonë në “marrëdhëniet” shqiptaro- serbe e mundëson, së katërti, fakti se përgjithësisht media shqiptare ndjek me bindjen kokulur axhendën e diskurit të vendosur nga menaxherët tanë që i quajmë politikanë.

Për rrjedhojë, marrëveshja e fundit Kosovë-Serbi, kalimi te serbët i një pjese të madhe të territoreve shqiptare, po kalon pothuaj pa u përmendur, sepse media është po aq e zënë me menaxherializmin, me “Prengën”, me “CEZ-in”

Në prag të vjeshtës së nxehtë kosovare – Nga FLORIM ZEQA

Protestat asnjëherë nuk vijnë si produkt i së mirës as si dëshirë e popullatës për të demonstruar kërkesat dhe nevojat e saj para pushtetarëve, por vijnë si rrjedhojë e së keqes, e keqeverisjes dhe shkëputjes së pushtetarëve nga interesat e qytetarëve.

Paralajmërimi i protestave të fuqishme të opozitës për mbrojtjen e shtetit nga Asociacioni, po vjenë si pasojë e rrëshqitjeve të njëpasnjëshme të liderëve shtetëror në bisedimet e pabarabarta me pushtuesin verior në Bruksel, pas lëshimeve drastike në procesin e demarkacionit, pas skandaleve të shumta qeveritare e deri tek aferat e njëpasnjëshme në sisitemin e drejtësisë,…probleme të cilat e kanë rrezikuar seriozisht funksionimin dhe të ardhmën e shtetit të Kosovës.

Që nga koha e zgjedhjeve të 2007-ës e deri me 8 qershor 2014, akrepat e orës kosovare kanë mbetur në 17 shkurtin e vitit 2008-të. Kjo ishte ecja më e shpejtë dhe më e shënuar pozitive për shtatë vite qeverisje të PDK-së!

Nga 17 shkurti 2008-të, qeveria e Kosovës ka bërë aq shumë rrethërrotullime dhe vendnumërime rreth kësaj date,…derisa fillojë me bisedimet “tekniko”-politike me Serbinë.

Nga momenti fillimit të bisedimeve politike me Serbinë fillojnë edhe hapat e parë të rrëshqitjes drastike të Qeverisë së Kosovës nga pavarësia e 17 shkurtit dhe elementet shtetformuese të Kosovës!

Amnestimi i krimeve serbe legjitimoj strukturat kriminale në veri,…krijimi i Gjykatës speciale për krimet e luftës në Kosovë e rrezikon tjetërsimin e luftës çlirimtare, krijimi i Asociacionit të komunave serbe ndanë sovranitetin e vendit në dysh.

Liderët aktual, në vend të kushteve për Serbinë, pranuan gjithçka që ofroi kjo e fundit në tavolinën e bisedimeve ne Bruksel, duke shkelur mbi gjakun e dëshmorëve, invalidëve dhe të rreth 1700 të pagjeturëve nga lufta e fundit.

Me nënshkrimin e “Zajednicës” (kancerit serb në zemër të shtetit të Kosovës) me 25 gusht 2015 në Bruksel nga liderët e korruptuar (Thaçi-Mustafa), Kosova shënon rrëshqitjen më drastike në 41 vitet e fundit.

Për ironi të faktit edhe kësaj qeveritarët e korruptuar po i thonë sukses!

Po, i thonë kështu sepse dështimet dhe rrëshqitjet e njëpasnjëshme janë bërë qelës suksesi për pasurimin dhe ngritjen e tyre politike.

Shtatë vjet e gjysmë vendnumrim, rrethërrotullim, rrëshqitje dhe izolim ndërkombëtar për Kosovën nuk janë pak,…madje janë shum për një shtet në formim e sipër, janë tepër shumë për një popull më varfëri të skajshme.

Por akoma më të rënda bëhen për një popull të varfër, që për shtatë vite e gjysmë mbi supe barti një kastë politike të korruptuar dhe shantazhuar, duke u pasuruar skajshëm në kurriz të saj!

Shtatë vjet e gjysmë regres politik, ekonomik, social, shëndetësor, kulturor, sportiv, edukativ dhe moral të shtetit të Kosovës, do të mbetën gjatë në kujtesën e popullit,…të shkruara apo të pashkruara qofshin ato!

Përderisa liderët shtetëror bënin gara në kapjën e tenderëve milionësh në proceset e privatizimit,…popullata e lodhur nga varfërija numëronte kilogramët e fundit të miellit dhe artikujve të tjerë ushqimor në shtëpitë e tyre.

Përderisa për këta shtatë vjet e gjysmë liderët milioner të Kosovës shijonin plazhet më luksoze të globit, të sëmurët kosovar harxhonin centët e fundit për blerjën e ilaqëve në spitalet tona të boshatisura nga medikamentët dhe mjetët tjera sanitare!

Këta shtatë vjet e gjysmë të kaluara, poashtu do të mbetën të paharruara për të pangopshmit, të pasuruarit nga abuzimet me pushtetin,…të cilët ëndërrojnë të mbetën prapë në pushtet apo të rikthehen përseri në fronin e artë.

Këto argumente janë një arsye më shumë pse protestat e paralajmëruara nga opozita në asnjë rrethanë nuk guxojnë të marrin karakterin ideologjik si dhe nuk guxojnë të shendrrohen në protesta për marrjen e pushtetit me dhunë.

Protestat duhet të jenë gjithëpopullore, gjithëpërfshirëse, duhet të jetë ky reagim i arsyeshëm dhe i fuqishëm i të gjithë qytetarëve si domosdoshmëri e kohës për ndryshime pozitive, për ndryshimin e qasjes qeverisëse në këtë vend.

Nëse njëmend opozita e ka qëllimin e mirë dhe fisnik të protestave për ndryshime pozitive, atëherë liderët e saj duhet ta bëjnë të qartë një gjë; të betohen para popullit se nuk do të jenë pjesë e hierarkisë politike shtetërore, se do të jenë përherë korrektor i vazhdueshëm i qeverisjes së vendit, luftëtar të paepur të krimit dhe korrupsionit dhe dukurive të tjera negative në vend,…për të thënë ndryshe, vendit i duhet një klasë e re politike, me mëndësi të re, vizion dhe pikëpamje të reja politike konformë rrethanave politike dhe zhvillimore.

Një qasje e tillë e drejtuesve të protesatve do të ishte inspirim shtesë për pjesmarrje masive, mbarëvajtje dhe realizim të suksesshëm të qëllimit të protestës.

Të mos mashtrohemi duke pritur ndërkombëtarët,…çlirimin e vendit nga oligarkia e pushtetit, nga krimi i organizuar, korrupsioni dhe dukuritë e tjera negative duhet ta bëjmë vet, në të kundërtën do t’i kalojmë edhe 16 vite të tjera në anarki, pabarazi qytetare dhe varfëri të skajshme.

Vënja njëherë e përgjithmonë në binar të shëndosh të rendit dhe ligjit do të jetë bazë për riparimin e të gjitha defekteve shoqërore si dhe do të ndikojë në kthimin e besimit të qytetarëve në institucione.

Kësaj radhe protestat patjetër duhet të sjellin përmbysjen e kësaj qeverie kuislinge, kësaj diktature të kusarëve politik. Protesat duhet të sjellin ndryshimin substancial dhe përmbajtësor, në të kundërtën vetëm sa mund të forcojnë akoma më shumë pozicionet e pushtetarëve, të prodhojnë anarki dhe degradim të mëtutjeshëm të institucioneve shtetërore.

Krijimi i menjëhershëm i një Qeverie të shpëtimit kombëtar do të shënojë fillimin e një epoke të re në qeverisjen e vendit dhe hapjen e një kapitulli të ri në mardhënjet ndërkombëtare mbi bazën e parimeve të shëndosha, mirëkuptimit dhe reciprocitetit politik.

Ndryshimi i ligjit mbi zgjedhjet dhe përgatitja e një procesi kredibil zgjedhor, do ta shpie vendin në rrugën e mbarë të vënjes së thëmeleve të shëndosha të demokracisë, ku secili ka të drejtë të zgjedhë dhe të jetë i zgjedhur nga të tjerët.

Mbajtja e zgjedhjeve të lira, mbrojtja e votës së lirë me ligj dhe transparenca e plotë në numrimin e votave garanton mbarëvajtje të procesit zgjedhor,…i cili do të prodhojë një udhëheqje kredibile dhe të qendrueshme në këtë vend.

Faqja 170 prej 181« Fillimi ‹ Prapa 166 167 168 169170171 172 173 174 Para ›Fundi »

Ambasadori amerikan në Kosovë, Greg Delawie ka reaguar pas skenave të sotme në Kuvendin e Kosovës.

Përvjetori i 17-të i vdekjes heroike të Fehmi dhe Xhevë Lladrocit do të shënohet sot me homazhe në vendin e prehjes së tyre, në fshatin Gllanasellë të Drenasit.

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL