VOAL

Europë

Çfarë pritet sot dhe nesër nga Samiti i BE-së?

Javën e kaluar, Komisioni Evropian rekomandoi që Ukrainës dhe Moldavisë t’u jepet statusi i kandidatit për në Bashkimin Evropian, ndërsa Gjeorgjia duhet të plotësojë një sërë kushtesh përpara se të merret në konsideratë pët statusin e kandidatit.

Në një samit në Bruksel më 23-24 qershor, liderët e të 27 shteteve të BE-së do të shqyrtojnë të tri kërkesat për statusin e kandidatit.

Por, përveç atyre zhvillimeve të mundshme, ka zhvillime të tjera kryesore që ia vlen të shikohen nga afër.

Statusi i miratuar i kandidatit për Ukrainën, Moldavinë… por jo për Gjeorgjinë

Të gjitha indikacionet sugjerojnë se udhëheqësit e BE-së do të miratojnë rekomandimet e përcaktuara nga Komisioni Evropian javën e kaluar.

Kjo do të thotë se Ukraina dhe Moldavia do të marrin statusin e kandidatit në mbrëmjen e 23 qershorit, por duhet të përmbushin një sërë kushtesh për të avancuar më tej në rrugët e tyre përkatëse të pranimit.

Gjeorgjia, nga ana tjetër, së pari do të përballet me një sërë kushtesh përpara se vendi të arrijë statusin e kandidatit.

Ndoshta, megjithatë, pjesa më interesante në draftin e fundit të samitit të BE-së të parë nga Radio Evropa e Lirë është një fjali në lidhje me Ukrainën dhe Moldavinë që thotë: “Këshilli [Evropian] do të vendosë për hapat e mëtejshëm pasi të plotësohen plotësisht të gjitha këto kushte.”

A do të thotë kjo se Ukraina dhe Moldavia do të jenë gati për të hapur bisedimet e pranimit pasi të plotësohen këto kushte? Apo do të thotë se do të vendosen edhe më shumë kushte përpara çdo hapi të mëtejmë?

Kjo do të ishte hera e parë që BE-ja do të jepte statusin e kandidatit, por gjithashtu do t’i bashkëngjiste kushte, kështu që Ukraina dhe Moldavia do të ishin në një territor shumë të paeksploruar.

Përsëri zhgënjim i mundshëm për Ballkanin Perëndimor

Derisa liderët e BE-së ka të ngjarë të ndërmarrin hapin historik për të treguar se Ukraina, Moldavia dhe Gjeorgjia një ditë do të jenë pjesë e bllokut, ata që shpresojnë në të ardhmen Ballkanit Perëndimor në BE, mund të përballen me një samit tjetër zhgënjyes.

Udhëheqësit nga Shqipëria, Bosnje-Hercegovina, Kosova, Mali i Zi, Maqedonia e Veriut dhe Serbia pritet të jenë të gjithë në Bruksel për të takuar homologët e tyre të BE-së më 23 qershor për një takim të Ballkanit Perëndimor para samitit më të madh.

Maqedonia e Veriut, Mali i Zi, Shqipëria, Serbia dhe Turqia janë të gjitha vende kandidate zyrtare për t’u anëtarësuar në BE, megjithatë Bosnja dhe Kosova janë vetëm vende kandidate potenciale.

Më 21 qershor, kryeministri shqiptar, Edi Rama, pyeti nëse do të kishte kuptim që ata të paraqiteshin, nëse takimi rezulton në një tjetër “jo”, pas tubimeve të ngjashme ku Brukseli nuk ia ndau asnjë lajm të mirë.

Ai ka konfirmuar praninë e tij, edhe pse atmosfera në mesin e vendeve aspirante të Ballkanit është më shumë se paksa e dobët.

Ka ende një shans që Maqedonia e Veriut dhe Bullgaria të mund të rregullojnë dallimet e tyre përpara ose gjatë samitit, në mënyrë që Shkupi, së bashku me Shqipërinë, të marrin një dritë jeshile për fillimin e negociatave të pranimit në BE.

Por, Bosnje-Hercegovina nuk do të marrë statusin e kandidatit, pasi shumica dërrmuese e vendeve anëtare të BE-së besojnë se nuk ka kryer reforma të mjaftueshme në vitet e fundit.

Kurse, shpresat e Kosovës për të marrë përfundimisht liberalizimin e vizave duket se do të shuhen edhe pse mund të ketë një angazhim për të nisur procesin politik në atë front më vonë në vjeshtë.

Infografikë

Edhe sa shkallë deri te liberalizimi i vizave?

Bashkësia e re Politike Evropiane e Macronit

Ky samit do të jetë i fokusuar në zgjerimin e BE-së, por ideja e rritjes së anëtarësimit në klub ende i bën disa vende, veçanërisht në pjesën perëndimore të BE-së, paksa të turbulluara.

Kjo është arsyeja pse liderët e BE-së do të diskutojnë gjithashtu idenë e fundit të presidentit francez, Emmanuel Macron, për një Bashkësi e re Politike Evropiane gjatë darkës më 23 qershor.

Dokumenti francez, i shpërndarë në Bruksel javën e kaluar, bën thirrje për krijimin e një organi të ri politik me kompetenca vendimmarrëse, i cili do të mblidhet disa herë në vit në nivele të ndryshme politike dhe do të jetë i hapur për të gjitha shtetet evropiane “që ndajnë një grup të përbashkët të vlerave demokratike”.

Ndërsa Parisi është përpjekur shumë të shpjegojë se ky krijim i ri nuk do të ishte një zëvendësim për zgjerimin e BE-së, disa vende janë shumë të kujdesshëm, nga frika se Ukraina dhe vendet e Ballkanit Perëndimor do të mbeteshin përgjithmonë në një lloj “gjysme të rrugës” të BE-së.

Prisni disa shkëmbime të nxehta për këtë, veçanërisht me një president francez që vjen nga një zhurmë e vërtetë në zgjedhjet parlamentare gjatë fundjavës dhe mund të mos jetë shumë i prirur për kompromis.

Idetë për Rusinë po mbarojnë

Një pjesë e madhe e samitit, kuptohet, do t’i kushtohet luftës së Rusisë kundër Ukrainës – por ka një ndjenjë të veçantë, brenda dhe jashtë Brukselit, se bllokut po i mbarojnë idetë e reja.

Do të ketë një thirrje për të rritur më tej mbështetjen ushtarake për Kievin dhe për t’i dhënë Ukrainës një paketë tjetër ndihme financiare me vlerë deri në 9 miliardë euro.

Kur bëhet fjalë për grurin e ngecur në portin e Odesës, për shkak të një bllokade detare ruse, shumë në Bruksel ende shpresojnë se sekretari i Përgjithshëm i OKB-së mund të jetë në gjendje ta zgjidhë çështjen.

Dhe, në lidhje me kërcënimet e zëshme të Moskës kundër Lituanisë për bllokimin e mallrave ruse të sanksionuara nga BE-ja për të hyrë në enklavën ruse të Kaliningradit, ka ende diskutime nëse ndonjë mbështetje me shkrim për Vilniusin do të hyjë në deklaratën përfundimtare.

Edhe në lidhje me sanksionet, lodhja është e dukshme në korridoret e pushtetit të Brukselit.

Pasi ka pasur vështirësi për të miratuar rundin e fundit të masave kufizuese, veçanërisht një embargo ruse të naftës me zbrazëtira të shumta, projekt-teksti është mjaft i paqartë: “Puna do të vazhdojë për sanksionet, duke përfshirë forcimin e zbatimit dhe parandalimin e anashkalimit”.

Përgatiti: Doruntina Baliu

Rusia nis sulmet me raketa në Harkiv. Zelensky bën thirrje për armatime të rënda

Ekipet e shpëtimit përpiqen të shuajnë një zjarr pas bombardimeve në një nga zonat industriale në rajonin e Harkivit, Ukrainë, 20 qershor 2022.

RFE/RL

Dy ditët e fundit, Rusia ka nisur sulme të reja me raketa në qytetin ukrainas të Harkivit, duke sinjalizuar një ndryshim të mundshëm të taktikave nga Moska.

Autoritetet ukrainase thanë se të paktën 20 persona u vranë më 22 dhe 23 qershor në qytetin e dytë më të madh të vendit, i cili shtrihet pranë kufirit rus.

Këshilltari presidencial ukrainas, Oleksiy Arestovych, tha në një mesazh video se qëllimi i sulmeve është të “terrorizojnë popullsinë” e qytetit. Ai gjithashtu pretendoi se sulmet janë një përpjekje e Rusisë për të devijuar trupat ukrainase nga rajoni kyç i Donbasit.

“Ideja është të krijohet një problem i madh për të na shpërqendruar dhe për të na detyruar të devijojmë trupat,” tha Arestovych. “Unë mendoj se do të ketë një përshkallëzim të situatës.”
Qyteti ‘ferr’: Beteja për kontrollin e Severodonjeckut
Fotogaleri
Qyteti ‘ferr’: Beteja për kontrollin e Severodonjeckut

Ndërsa forcat ruse lëvizën për të rrethuar dy qytete kyçe në Donbas, ku Moska ka përqendruar fuqinë e saj ushtarake, Ukraina e përshkroi situatën në qytetin industrial lindor të Severodonjeckut si si “ferr”.

Ndërkohë, forcat ruse kanë arritur të marrin vendbanimet Loskutivka dhe Rai-Oleksandrivka në jug të dy qyteteve të Ukrainës, Lisiçanskut dhe Severodonjeckut, të cilat janë fokusi i ofensivës ruse në rajon, deklaroi të enjten guvernatori i Luhanskut, Serhiy Gaidai.

Forcat ukrainase vazhdojnë mbrojtjen e Severodonjeckut dhe vendbanimeve aty pranë të Zolote dhe Vovchoyrovka, tha ai.

Sulmet e shumta ajrore dhe të artilerisë së Moskës kanë për qëllim shkatërrimin e të gjithë rajonit të Donbasit, tha presidenti ukrainas Volodymyr Zelenskyy teksa u ka kërkuar aleatëve të Ukrainës që të përshpejtojnë dërgimin e armëve të rënda për t’i bërë ballë Rusisë në fushën e betejës.

“Në Donbas ka sulme masive ajrore dhe artilerie. Qëllimi i pushtuesve në këtë drejtim mbetet i njëjtë – ata duan të shkatërrojnë të gjithë Donbasin hap pas hapi. Lisichansku, Sloviansk, Kramatorsk – ata synojnë të kthejnë çdo qytet në Mariupol. Plotësisht të shkatërruar”, tha Zelenskyy.

“Kjo është arsyeja pse ne vazhdimisht theksojmë përshpejtimin e dërgesave të armëve në Ukrainë. Ajo që nevojitet shpejt është barazia në fushën e betejës për të ndalur këtë ushtri djallëzore dhe për ta shtyrë atë përtej kufijve të Ukrainës,” shtoi ai.

Skandal në qeverinë e re të Macron, ministrja me origjinë greke akuzohet se përdhunoi një grua kur punonte si gjinekologe

Një ministre e sapoemëruar në qeverinë e re të Emmanuel Macron po hetohet pas akuzave për përdhunim që rëndojnë ndaj saj dhe që kanë lidhje me karrierën e saj të mëparshme si gjinekologe.

Chrysoula Zacharopoulou, ministrja 46-vjeçare e Shtetit për Zhvillimin, është subjekt i dy ankesave nga një grua që mediat ndërkombëtare nuk ia përmendin emrin për arsye ligjore. Një burim në zyrën e prokurorit publik të Parisit të mërkurën i tha gazetës Marianne se rasti i fundit lidhej me kohën e zonjës Zacharopoulou si gjinekologe.

“Është hapur një hetim për dy akte të dyshuara përdhunimi të cilat dyshohet se janë kryer në detyrat mjekësore të të dyshuarit. Ankesa e parë u bë më 25 maj dhe hetimi u hap dy ditë më vonë për të përcaktuar nëse faktet ka të ngjarë të hyjnë në sferën e kriminalitetit. Ankesa e dytë është bërë më 16 qershor. Magjistratët hetues po punojnë tani për hetimin me një brigadë të specializuar policie, që do të thotë se zonja Zacharopoulou tashmë është intervistuar gjatë, ka thënë burimi.

Zacharopoulou, një ish-deputete e lindur në Greqi, iu bashkua qeverisë franceze më 20 maj përpara rezultateve katastrofike të zgjedhjeve të së dielës së kaluar, të cilat panë që Macron humbi shumicën parlamentare.

Ashtu si kryeministrja e re, Elisabeth Borne, Zacharopoulou konsiderohet të jetë një nga politikanet femra më të fuqishme në qeverinë e Macron. Emri i saj u rrit në vitin 2015, teksa ajo bëri fushatë për ndërgjegjësimin më të madh të publikut për endometriozën së bashku me aktoren Julie Gayet, e cila këtë vit u martua me ish-presidentin francez Francois Hollande.

Pavarësisht akuzave, ajo ka ruajtur rolin e saj në qeveri, e cila përtej Zhvillimit mbulon edhe Frankofoninë (vendet frëngjishtfolëse) dhe Partneritetet Ndërkombëtare.

Ndonëse nuk kishte asnjë koment në lidhje me akuzat nga Zacharopoulou, apo ndonjë nga kolegët e saj të qeverisë, ky skandal pason një seri skandalesh seksuale në administratën e Macron, me këtë të fundit që akuzohet se është shumë i qetë në lidhje me akuzat e rënda kriminale dhe refuzon të shkarkojë anëtarët e kabinetit të tij.

Edhe Damien Abad, Ministri i Francës për Solidaritetin dhe Personat me Aftësi të Kufizuara, po përballet gjithashtu me një shqyrtim intensiv pas akuzave për përdhunim nga dy gra, të cilët pretendojnë se 42-vjeçari i detyroi ato të kryenin marrëdhënie seksuale pa dëshirë. bw

Raketat Harpoon- Ukraina shkatërron anijen rimorkiator të Rusisë

Forcat ukrainase kanë përdorur me sukses raketat anti-anije Harpoon, të dhuruara nga Perëndimi për t’u angazhuar në betejën detare kundër Rusisë.

Lajmi është konfirmuar nga burimet e inteligjencës britanike.

Objektivi i sulmit të 17 qershorit ishte anija-rimorkiator e Rusisë, Spasatel Vasily Bekh, e cila po dërgonte armë dhe personel në Ishullin e Gjarpërinjve në veriperëndim të Detit të Zi.

Ukraina thotë se shkatërrimi i anijes ruse në mision rifurnizimi është një dëshmi e vështirësisë me të cilën po përballet Rusia kur përpiqet që të mbështesë forcat e saj.

Kjo ëhtë e fundit në një seri anijesh të shkatërruara nga Ukraina. Mes tyre spikat kryqëzori flamurmbajtësi Moskva.

Aftësia e mbrojtjes bregdetare të Ukrainës ka neutralizuar aftësinë e Rusisë për të vendosur kontrollin në det.

syri.net

Donbasi po përballet me “sulmet më të ashpra” prej nisjes së luftës

Forcat ruse kanë vazhduar të bombardojnë rajonin lindor të Donbasit, teksa zyrtarët ukrainas kanë thënë se e gjithë situata në front të luftës është “jashtëzakonisht e vështirë”, dhe presidenti ukrainas, Volodymyr Zelensky, ka paralajmëruar se Moska është “shumë nervoze” për vendimin që do të marrë Këshilli Evropian rreth garantimit ose jo të statusit të shtetit kandidat për Ukrainën.

Forcat ukrainase kanë vazhduar të mbrojnë Lisiçanskun dhe Severodonjeckun, ku janë duke u zhvilluar luftimet më të ashpra, kanë thënë guvernatori ushtarak i Luhanskut, Serhiy Hayday.

Hayday ka thënë në televizionin kombëtar se forcat ushtarake ruse kontrollojnë pjesën më të madhe të Severodonjeckut, mirëpo jo edhe fabrikën e lëndëve kimike Azot, ku janë duke u strehuar qindra civilë tash e sa javë.

Ai ka thënë se rruga që lidh Severodonjeckun dhe Lisiçanskun me qytetin Bahmut, është nën bombardime të vazhdueshme.

“Lisiçansku është përballur me bombardime masive ruse gjithë ditën. Është e pamundshme të kuptojmë numrin e viktimave”, ka thënë ai, duke shtuar se bombardimet mund të kenë qenë më të ashpra në këtë qytet ndonjëherë.

Megjithatë, ushtria ruse nuk ka arritur të rrethojë gjithë ushtarët ukrainas, të cilët janë duke i shkaktuar “humbje të mëdha”, ka thënë ai.

Teksa Rusia është koncentruar në luftimet në Donbas, sistemet e avancuara të armatimit të prodhuara në Perëndim, që i janë dhënë donacion Ukrainës, kanë nisur të vërehen në front të luftës, ka thënë inteligjenca britanike në përditësimin e saj të fundit më 21 qershor.

Forcat ukrainase kanë raportuar për përdorim të suksesshëm të raketave anti-anije Harpoon, ka thënë Ministria britanike e Mbrojtjes.

“Shënjestra e sulmit ka qenë pothuajse me siguri anija ruse Spasatel Vasily Bekh, e cila ka dërguar armë dhe personel në Ishullin e Gjarprit në veriperëndim të Detit të Zi”, ka thënë inteligjenca britanike, duke shtuar se Ukraina ka neutralizuar dukshëm kapacitetin e Rusisë për të mbajtur kontrollin e rajonit veriperëndimor të Detit të Zi.

Në portin më të madh ukrainas, Odesa, i cili është bllokuar nga marina ruse, një raketë ruse ka shkatërruar një magazinë ushqimore më 20 qershor, ka thënë ushtria ukrainase.

Lideri i rajonit të Krimesë së aneksuar nga Moska, Sergey Aksyonov, ka thënë më 20 qershor se tre njerëz janë plagosur dhe shtatë tjerë janë të zhdukur, pasi forcat ukrainase kanë sulmuar platformat e shpimit të naftës në brigjet e Krimesë.

Ky informacion nuk është verifikuar në mënyrë të pavarur.

Ndërkohë Zelensky ka parashikuar që Moska do të rrisë sulmet, para mbajtjes së samitit të Bashkimit Evropian këtë javë.

“Hap pas hapi ne jemi duke ecur drejt një jave kritike dhe jemi duke bërë gjithçka që mundemi ashtu që askush të mos ketë dyshime që Ukraina meriton” statusin e kandidatit për anëtarësim në BE’, ka thënë ai.

“Ne jemi duke dëshmuar çdo ditë se ne jemi pjesë e një Evrope të bashkuar”.

Ukraina ka aplikuar për anëtarësim në BE, pas nisjes së pushtimit rus më 24 shkurt.

Moldavia dhe Gjeorgjia kanë vepruar njëjtë disa ditë më vonë, për shkak të kërcënimit rajonal që përbën lufta e Rusisë në Ukrainë.

Liderët e 27 vendeve anëtare të BE-së do të shqyrtojnë tri aplikacionet në një samit që do të mbahet më 23 dhe 24 qershor.

Zelensky ka thënë se Rusia “është shumë nervoze për aktivitetin tonë” dhe ka bombarduar sërish qytetet e mëdha sikurse Harkivi dhe Odesa më 20 qershor, si dhe ka vazhduar ofensivën në rajonin Donbas.

“Kjo është një e keqe që mund të mposhtet vetëm në front të luftës”, ka thënë Zelensky.

“Pushtuesit janë duke marrë përgjigje për veprimet tona ndaj nesh”.

Kremlini ka thënë se dy amerikanë të arrestuar në Ukrainë këtë muaj – teksa kanë qenë duke luftuar për forcat ukrainase – kanë qenë mercenarë që nuk mbulohen nga Konventat e Gjenevës.

Komentet e zëdhënësit të Kremlinit, Dmitry Peskov, konfirmojnë për herë të parë raportimet se dy burrat amerikanë të identifikuar si Andy Huynh, 27-vjeçar dhe and Alexander Drueke, 39-vjeçar, kanë qenë në mbajtje.

Peskov ka thënë se të dy duhet të mbajnë përgjegjësi për “krimet” e tyre.

Qeveritë e Perëndimit kanë thënë se burrat janë zënë teksa kanë qenë duke luftuar për forcat ushtarake ukrainase, andaj duhet të trajtohen si të burgosur të luftës, sipas Konventës së Gjenevës.

Po këtë muaj, dy britanikë dhe një maroken janë dënuar me vdekje nga një gjykatë separatiste, pas janë zënë duke luftuar për Ukrainën.

Përgatiti: Krenare Cubolli

“Artileria e rëndë” e Perëndimit në aksion, ja si e shkatërrojnë ukrainasit tankun rus me M777 anglez

Armët e reja që Perëndimi po i siguron Ukrainës duket se janë shumë efektive pasi në pamjet më të fundit që janë publikuar nga mediat ndërkombëtare, shihen trupat ukrainase duke zhdukur me një goditje një tank rus dhe dy automjete luftarake të këmbësorisë.

Pamjet supozohet se tregojnë Brigadën e 81-të Ajrore të Ukrainës duke përdorur armë me rreze të gjatë për të synuar automjetet ruse dhe më konkretisht në këtë ofensivë ushtarake kanë përdorur obusët britanikë M777.

“Ushtarët e Brigadës 81 të DShV [Forcat Sulmuese Ajrore të Ukrainës] shkatërruan një tank dhe dy automjete luftarake këmbësorie të pushtuesve rusë. Videoja tregon punën e suksesshme të ushtarëve të artilerisë së Brigadës së 81-të Ajrore të Forcave të Armatosura të Ukrainës, të cilët, duke përdorur obuset britanike M777 155 mm, shkatërruan pajisjet dhe fuqinë punëtore të rusëve. Në veçanti, një tank dhe dy automjete luftarake të këmbësorisë të pushtuesve rusë së bashku me ekuipazhet e tyre u kthyen në skrap. Vdekje pushtuesit rus! DShV – Gjithmonë i pari! Lavdi Ukrainës!”, thuhet në njoftimin e Komandës së Trupave Sulmuese të Forcave të Armatosura të Ukrainës.

Ndërkohë, kjo është goditja e fundit për forcat ruse që kanë pësuar humbje të mëdha në personel dhe pajisje ushtarake në pushtimin e tyre të kushtueshëm katër-mujor.

Ukraina pretendon se Rusia ka humbur 33,800 personel, 1,477 tanke, 3,588 automjete luftarake të blinduara, 749 njësi artilerie, 235 sisteme raketash të shumëfishta, 98 sisteme të mbrojtjes ajrore, 216 avionë luftarakë, 181 helikopterë, 601 dronë, 25 raketa, 130 anije luftarake, 25 raketa, 130 cisterna karburanti, dhe 55 njësi pajisje speciale. bw

Kreu i Ushtrisë Britanike Patrick Sanders: Nevojë urgjente për një ushtri për të mposhtur Rusinë!

Kreu i ri i ushtrisë britanike, Patrick Sanders, ka bërë thirrje për një ushtri të aftë për të mposhtur Rusinë.

“Ka një nevojë urgjente për të krijuar një ushtri të aftë për të luftuar me aleatët tanë dhe për të mposhtur Rusinë në betejë,” – citon The Independent atë të ketë thënë.

Franca ia jep një shpullë Macronit

VOAL- Një shpullë e fortë dhe ndërgjegjësimi i papritur se Macron II nuk do të ketë asnjë lidhje me periudhën pesëvjeçare që sapo ka përfunduar.

Në fakt, 224 janë vendet që do t’i kalonin Ansamblit!, aleancës së drejtuar nga Macron, shumë larg nga 350 e 5 viteve më parë dhe gjithashtu nga 289 të shumicës absolute që do të garantonte qeverisjen.

Grupi i dytë në Assemblée Nationale do të jetë ai i Nupes, aleanca e së majtës, e cila duhet të mbledhë rreth 150 vende dhe e treta, çuditërisht, Rassemblement National of Marine le Pen me 89 vende, një shfrytëzim i paprecedentë. E djathta Gaullist duhet të prekë 80 vende

Të dhënat përditësohen në kohë reale

Pasi u bë presidenti i parë i republikës së pestë dy muaj më parë që u rizgjodh pa kaluar në bashkëjetesë, Macron tani është gjithashtu i pari që nuk ka arritur shumicën në Assemblée Nationale pasi zgjedhjet legjislative pasojnë zgjedhjet presidenciale, d.m.th. , për më shumë se 20 vjet.

Dhe rezultati duket se nuk ka një motiv thjesht politik: sipas sondazheve, 70% e qytetarëve nuk donin t’i jepnin kompetenca të plota presidentit në largim dhe të shihnin një fotokopje të Macon I, si dhe votuesit që e zgjodhën atë si kryetar. të shtetit, ata vendosën të dielën të preferojnë forcat e tjera politike në vend të dhomës së ulët, qendrës nervore të pushtetit legjislativ.

Ndoshta shumë “vertikalitet” në qeverisje, shumë “arrogancë” në ushtrimin e pushtetit, siç kanë goditur prej pesë vitesh kundërshtarët e tij më të ashpër në të majtë dhe në të djathtë, dhe dëshira për të parë prerogativat e tij të kufizuara, e vënë në dyshim, sot mund të kishte luajtur shumë.

Do të jenë anketuesit ata që do ta sqarojnë këtë, por fakti mbetet që nga kjo mbrëmje Macron e di se do të duhet të gjejë votat e nevojshme për të miratuar reformat në pallatin Bourbon duke bërë kompromise, duke kërkuar aleanca të qëndrueshme ose në kohë. A do të ketë sukses?

Nëse sondazhet konfirmohen dhe presidentit i mungojnë shtatëdhjetë vende, vetëm Les Républicains mund t’i japë mbështetje Ansamblit !, por partia Gaulliste e ka bërë të ditur tashmë se nuk do të ketë marrëveshje legjislative apo koalicioni. Megjithatë, është e besueshme se mbështetja do të arrijë edhe nëse çmimi për t’u paguar do të jetë shumë i lartë për presidentin, i cili vitet e fundit ka bërë gjithçka për t’i zhdukur ato. Dhe një nga efektet me siguri do të jetë që Macron II të kthehet djathtas.

Në parlament jeta nuk do të jetë e lehtë. Insoumise France e Jean-Luc Mélenchon luftoi si pak formacione të tjera gjatë Macron I, gjithashtu me kaskada ndryshimesh për të bllokuar avancimin e ligjeve. Në vitin 2017 kanë pasur 17 deputetë, sot janë shumëzuar me 10 dhe efekti i tyre do të ndihet.

Rassemblement National do të sulmojë më pas në krahun e djathtë. Marine le Pen ka thënë tashmë se dëshiron të bëhet kryetare grupi në Dhomën e një partie që këtë mbrëmje prek me gisht 90 deputetë.

Me pak fjalë, ajo e Macron mund t’i ngjajë një fitoreje të Pirros. Pas rizgjedhjes në postin më të lartë të shtetit, qytetarët e tij tashmë kanë hequr shumicën, duke e detyruar atë në një mandat të dytë pesëvjeçar të kompromisit politik.

Një dush përulësie? E mundshme. Një bumerang? Do të duket. Pasi i ka bërë partitë e moderuara (socialiste dhe goliste) pothuajse të zhduken dhe ka bazuar shumë nga propozimet e tij politike në veprimin si një antidot ndaj partive të mbetura në ekstrem (Franca Insoumise dhe Rassemblement National), të dielën në mbrëmje Emmanuel Macron i gjen në një pozicion fuqie në dhomë. Macron II nuk do të ketë asnjë lidhje me atë që kemi parë deri tani. rsi-eb

Vargje nga llogorja në front; artisti nga Donbasi përshkruan jetën në luftë

Pavlo Vyshebaba hyri në ushtri që ditën e parë që forcat ruse nisën sulmit në Ukrainë edhe pse nuk kishte asnjë lloj eksperience ushtarake. Poeti dhe aktivisti i mirënjohur mjedisor tashmë ndodhet në lindje të vendit në Donbas. Siç njofton korrespondentja e Zërit të Amerikës, Lesia Bakalets, ai i shfrytëzon ato pak momente të qeta në front, për të shkruar e rrëfyer përjetimet e tij.

Pavlo Vyshebaba dhe vajza e tij nuk e kanë parë njëri-tjetrin që nga fillimi i luftës në Ukrainë. Aktivisti mjedisor ukrainas iu bashkua ushtrisë kur filloi sulmi i forcave ruse. Ai ka në dispozicion disa ditë për t’i kaluar me familjen përpara se të rikthehet në front.

“Shkova në një dyqan dhe kërkova një kuti të madhe, më pas shkova tek një dyqan lulesh dhe mora disa fjongo. Përgatita gjithçka dhe prita. E paralajmërova bashkëshorten që të mos frikësohej, por për vajzën time ishte tërësisht befasi!”, thotë zoti Vyshebaba.

Përpara se të fillonte lufta, zoti Vyshebaba ishte aktivist për mjedisin dhe për të drejtat e kafshëve.

Pasi u regjistrua në ushtri, ai u dërgua në Donbas, vendin ku lindi dhe u rrit.

“Është shërbimi më i mirë që mund të imagjinohet – të mbrosh atdheun“, thotë ai.

Në momentet e rralla të paqes, zoti Vyshebaba shkruan poezi, të cilat janë shpërndarë vazhdimisht në rrjetet sociale.

Ai i kushtoi një poezi vajzës së tij.

“Vetëm mos më shkruaj për luftën. Më thuaj – a ka një kopsht të vogël pranë teje? A mund të dëgjosh gjinkallat? A i shikon kërmijtë e vegjël ndërsa i ngjiten hardhisë?”, lexon ai poezinë.

“Mendoj se poezia mund të bëhet një lloj ure lidhëse nga fronti. Shumë nga miqtë e mi e shohin këtë në këtë mënyrë – ata ua përcjellin poezitë e mia grave të tyre për të shprehur se si ndihen, sepse shpesh u mungojnë fjalët“, thotë ai.

Përveç kompozimit të vargjeve, zoti Vyshebaba regjistron pjesë komedie për luftën, për të qetësuar të afërmit dhe miqtë.

“Kur të telefonon gruaja, nëna ose e dashura, duhet të vësh menjëherë syzet e diellit dhe të shtrihesh në bar. Pastaj thua: ‘Është mirë këtu, është si një vend pushimi!’,” interpreton ai.

Pas disa ditësh në shtëpi, zoti Vyshebaba rikthehet në front. Qëllimi i tij është të mbijetojë dhe mbi të gjitha të mbetet njeri.

“Sigurisht, është e rëndësishme të ndjekim zhvillimet e fundit. Të dimë se çfarë po ndodh, të ndjekim lajmet, për të ndihmuar forcat e armatosura të Ukrainës. Por kjo nuk do të thotë që ne duhet të refuzojmë gjithçka që është njerëzore, gjithçka që përbën jetën tonë të përditshme. Gëzimet e thjeshta të jetës”, thotë ai.

Diçka për t’u mbajtur në mendje gjatë kohërave të vështira.

Scholz: G7 do të mbështesë Ukrainën për aq kohë sa të jetë e nevojshme

Kancelari gjerman Olaf Scholz thotë se Grupi i Shtatë vendeve kryesore demokratike (G7) do ta bëjë të qartë në samitin e tyre të ardhshëm se Ukraina mund të presë të marrë mbështetjen që i nevojitet “për aq kohë sa të jetë e nevojshme”.

Në një intervistë me agjencinë gjermane të lajmeve DPA të botuar të shtunën (18 qershor), Scholz tha se dëshiron të përdorë takimin e javës së ardhshme me liderët e tjerë të G-7 në fshatin bavarez të Elmau për të diskutuar perspektivat afatgjata të Ukrainës, raporton Independent.

Kancelari gjerman tha se është “absolutisht e nevojshme” që disa liderë të flasin drejtpërdrejt me presidentin rus Vladimir Putin mes përpjekjeve për t’i dhënë fund luftës në Ukrainë, dhe ai dhe presidenti i Francës do të vazhdojnë ta bëjnë këtë.

Scholz dhe presidenti francez Emmanuel Macron kanë zhvilluar disa biseda telefonike me Putinin, veçmas dhe së bashku, që nga fillimi i pushtimit rus më 24 shkurt. Këto kontakte kanë tërhequr disa kritika – duke përfshirë edhe presidentin e Polonisë, i cili kohët e fundit tha se ato nuk arrijnë asgjë dhe i shërbejnë vetëm legjitimimit të liderit rus.

“Ne do të vazhdojmë të mbështesim Ukrainën për aq kohë sa të jetë e nevojshme”, citohet të ketë thënë Scholz. “Ne duam të sigurohemi që llogaritjet e presidentit rus (Vladimir Putin) të mos funksionojnë”.

“Putin padyshim shpreson se gjithçka do të bjerë në vend pasi të ketë pushtuar mjaft tokë dhe komuniteti ndërkombëtar do t’i kthehet biznesit si zakonisht,” shtoi ai. “Ky është një iluzion.”

Komisioni Evropian rekomandon statusin kandidat për Ukrainën dhe Moldavinë

Komisioni Evropian ka rekomanduar dhënien e statusit të vendit kandidat për Ukrainën, bëri të ditur presidentja e këtij institucioni, Ursula von der Leyen.

“Ne rekomanduam që t’i japim Ukrainës statusin e vendit kandidat, duke nënkuptuar që vendi duhet të kryejë një sërë reformash të rëndësishme”, tha ajo.

“Ukraina ka treguar përkushtim për të respektuar vlerat dhe standardet evropiane”, shtoi von der Leyen.

Presidentja e KE-së tha se rekomandimi për Ukrainën ka ardhur pas një shqyrtimi të thellë të gatishmërisë së këtij shteti për statusin e kandidatit, përfshirë edhe kriteret politike dhe ato ekonomike. Sipas von der Leyen, Ukraina ka dëshmuar se ka një sistem të duhur politik dhe funksional, teksa viteve të fundit ka përafruar legjislaturën e saj me BE-në.

Ajo tha se Ukraina ka bërë shumë në sundimin e ligjit dhe tani fokusi do të jetë në gjyqësor dhe në mënyrën e emërimit të gjykatësve.

Në takimin e mbajtur më 17 qershor, Komisioni Evropian ka rekomanduar edhe dhënien e statusit të vendit kandidat për anëtarësim në BE edhe për Moldavinë, por nuk i ka dhënë këtë rekomandim edhe Gjeorgjisë.

Në rastin e Gjeorgjisë është vlerësuar aspirata e këtij shteti për integrim në bllok, por KE-ja ka rekomanduar vetëm dhënien e “perspektivës evropiane” për Gjeorgjinë.

Ndërkaq, disa burime me të cilat ka biseduar Radio Evropa e Lirë, thanë se disa çështje mbeten të hapura, sikurse mundësia për të tërhequr statusin e vendit kandidat në rast se nuk ka përparim ose kushtet nuk plotësohen. Po ashtu ka bisedime nëse duhet ose jo të ketë hapa të caktuar politikë që duhet të ndërmerren nga shtetet para se të fitojnë statusin e kandidatit.

Rekomandimet e 17 qershorit të KE-së do të diskutohen nga liderët e BE-së gjatë takimit më 23 dhe 24 qershor në Bruksel, ku do të merret vendimi përfundimtar për rekomandimet e Komisionit Evropian.

Asnjëherë më parë një mendim i tillë nuk është dhënë kaq shpejt për anëtarësim në Bashkimin Evropian, vendim që duhet të miratohet nga të 27 shtetet anëtare.

Ky takim i Komisionit vjen një ditë pasi katër liderë evropianë vizituan Ukrainën dhe shprehën mbështetjen e tyre për dhënien e “menjëhershme” të statusit të kandidatit, teksa Kievi po përballet me pushtimin e paprovokuar të Rusisë.

Franca, Gjermania, Italia dhe Rumania janë në favor që Ukraina të marrë “menjëherë” statusin e vendit kandidat, tha më 16 qershor në Kiev, presidenti i Francës, Emmanuel Macron.

Vizita e liderëve evropian në Kiev kishte një simbolikë të fuqishme se BE-ja mbështet Zelenskyn, i cili i ka bërë thirrje bllokut evropian që t’i ofrojë shtetit të tij anëtarësim përmes procedurave të shkurtuara, duke argumentuar se një gjë e tillë do të ishte “përgjigje e fuqishme” ndaj pushtimit të paprovokuar rus.

Zelensky ka dorëzuar aplikacionin e Ukrainës për anëtarësim në BE pak kohë pas nisjes së pushtimit rus më 24 shkurt, ndërkaq Moldavia dhe Gjeorgjia kanë bërë një gjë të tillë pak kohë pas Kievit.

Macron më 16 qershor po ashtu premtoi se Franca do të rrisë dërgesat me armatime për Ukrainën, në mënyrë që Kievi të mund të përballet me pushtimin rus.

Dërgesa e re do të përfshijë dhe gjashtë armë të fuqishme të artilerisë, tha Macron, duke shtuar se liderët “po bëjnë gjithçka që Ukraina e vetme të mund të vendosë për fatin e saj”.

Scholz tha më 16 qershor se Gjermania mbështet dhënien e statusit të vendit kandidat për Ukrainën dhe Moldavinë.

“Kolegët e mi dhe unë kemi ardhur në Kiev sot për të dhënë një mesazh të qartë: Ukraina i përket familjes evropiane”, tha Scholz.

Kjo ishte vizita e parë e Scholzit në Kiev që prej fillimit të luftës. Ai ka qenë nën presion që të vizitojë kryeqytetin ukrainas dhe të shprehë solidaritetin e tij me Ukrainën.

Ndërkaq, kryeministri italian Draghi, shprehu shqetësimet lidhur me me drithërat e Ukrainës, të cilat nuk po mund të eksportohen për shkak të bllokadave të Rusisë në portet e Detin të Zi. Ai tha se bllokada mund të sjellë “katastrofë në mbarë botën”.

“Ne duam që mizoritë të ndalen dhe ne duam paqe”, tha Draghi. “Por, Ukraina duhet ta mbrojë veten dhe do të jetë vetë Ukraina që do të zgjedhë paqen që do”.

Si Macron ashtu edhe Scholz po ashtu thanë se Ukraina duhet të përcaktojë kushtet e çdo marrëveshjeje të mundshme të paqes me Rusinë.

Luftime dhe bombardime të ashpra në lindje të Ukrainës

Luftime të ashpra po vazhdojnë në Donbas, me forcat ukrainase që po përballen me bombardime masive në qytetin kyç të Severodonjeckut, teksa forcat ruse po tentojnë që ta përfundojnë rrethimin e zonës dhe të bllokojnë mbrojtësit dhe civilët që gjenden në këtë qytet.

Ministria britanike e Mbrojtjes tha më 17 qershor se në 24 orët e fundit, ushtria ruse ka të ngjarë që ka tentuar që ta rifitojë momentumin në aksin e Popasnës, rreth 55 kilometra në jug të Severodonjeckut, prej ku ata po tentojnë që ta rrethojnë qytetin.

Shtabi i Përgjithshëm i forcave të armatosura ukrainase tha në orët e vona të 16 qershorit se luftimet kanë qenë të ashpra veçmas në dhe përreth Severodonjeckut dhe Lisiçaskut. Lisiçansku është nën kontrollin e Ukrainës dhe ndahet me një lumë nga Severodonjecku.

Për javë të tëra po zhvillohet beteja për Severodonjeckun dhe sipas presidentit ukrainas, Volodymyr Zelensky, luftimet për këtë qytet mund të përcaktojnë fatin e Donbasit. Moska do të kontrollonte të gjithë rajonin e Luhanskut nëse trupat e saj arrijnë të marrin Severodonjeckun dhe Lisiçanskun.

Guvernatori ushtarak për rajonin lindor të Luhanskut, Serhiy Hayday, tha se afër 10,000 civilë gjenden të bllokuar në Severodonjeck dhe furnizimet me gjërat elementare janë duke u harxhuar. Shumë civilë janë strehuar në bunkerët nën fabrikën e kemikateve, Azot, që gjendet në këtë qytet.

Kryetari i Severodonjeckut, Oleksandr Stryuk, i tha një televizioni ukrainas më 16 qershor se janë afër 500 civilë të bllokuar në bunkerët e kësaj fabrike.

Kombet e Bashkuara thanë se numri i civilëve të bllokuar në qytet është 12,000.

“Luftimet dhe bombardimet e vazhdueshme po ndodhin për pothuajse një javë rresht tani”, tha Stryuk, duke paralajmëruar se granatimet mund të dëmtojnë një depo të amoniakut, duke nxitur një katastrofë kimike.

“Është mrekulli që i gjithë qyteti nuk është prekur”, tha ai.

Një sulm ajror goditi një ndërtesë në Lisiçansk më 16 qershor, ku strehoheshin civilët.

Nga ky sulm u vranë të paktën tre persona dhe u plagosën shtatë të tjerë, tha Serhiy Hayday.

Ushtarët ukrainas kanë arritur të ndalin përparimet ruse në zonat e tjera përgjatë vijës së frontit, ndërkaq në Harkiv, trupat ruse kanë ndalur avancimin e forcave ukrainase, duke i sulmuar me artileri.

Në rajonin verilindor të Sumit, Rusia ka kryer sulme me raketa duke vrarë katër persona dhe duke plagosur gjashtë të tjerë, tha përmes Telegramit kreu i administratës rajonale të Sumit, Dmytro Zhyvytskiy.

Ministri i Mbrojtjes së Ukrainës, Oleksiy Reznikov, citohet të ketë thënë se numri i ukrainasve që kanë vdekur qëkur Rusia nisi pushtimin e Ukrainës më 24 shkurt me gjasë është dhjetëra-mijëra. Reznikov ka thënë se “shpreson” që kjo shifër është nën 100,000.

Reznikov dhe zyrtarë të tjerë u takuan me përfaqësuesit e rreth 50 shteteve që bëjnë pjesë në Grupin e Kontaktit për Ukrainën. Takimi u mbajt më 16 qershor në selinë e NATO-s në Bruksel. Gjatë këtij takimi, Ukraina kërkoi më shumë armë të rënda.

Ndërkaq, inteligjenca britanike tha më 17 qershor theksoi se ka mospajtim në publikun rus lidhur me mbështetjen për luftën.

“Pavarësisht se sondazhet tregojnë se shumica e rusëve mbështesin ‘operacionin e posaçëm ushtarak’, elemente të popullsisë në mënyrë aktive dhe pasive shprehin kundërshtimin e tyre” për luftën, u tha në njoftim.

Inteligjenca britanike po ashtu përmendi ekzistencën e grupit për rekrutimin e rusëve të quajtur “Legjioni për Lirinë e Rusisë” që me gjasë “është dislokuar në luftime përkrah ushtrisë ukrainase”.

Përgatiti: Mimoza Sadiku

Shtohen tensionet, dalin pamjet e rralla të avionëve të NATO-s “që puthen” me ata rusë mbi qiellin evropian

Pamjet e rralla nga kabina e avionëve të NATO-s kanë zbuluar afrimin jashtëzakonisht me avionët ushtarakë rusë mbi qiellin evropian.

Këto ngjarje, kanë shtuar tensionin mes Rusisë dhe NATO-s. Kujtojmë se marrëdhëniet janë përkeqësuar që kur Moska pushtoi Ukrainën në shkurt.

Sipas BBC, ekziston frika se një gabim në ajër mund të çojë në një përshkallëzim të rrezikshëm. bw

Ata janë dy europianë – Një përqafim dhe disa fjalë në vesh, fotoja e Zelenskyt me Macron bën xhiron e rrjetit

Presidenti ukrainas Volodymyr Zelensky priti në një vizitë në Kiev liderin francez, gjerman, italian dhe rumun.

Një foto e Zelenskyt dhe presidentin francez Emmanuel Macron ka bërë xhiron e mediave sociale.

Të përqafuar dhe disa fjalë që Macron duket se po ia thotë në vesh Zelenskyt.

Presidenti ukrainas ka pasur një marrëdhënie të tensionuar me secilin prej tre liderëve në muajt e fundit, duke i akuzuar ata se nuk kanë mbajtur një qëndrim mjaft të ashpër gjatë konfliktit me Rusinë.

Megjithatë, udhëtimi në Kiev synohej si një mundësi për të treguar unitet dhe mbështetje për Ukrainën.

Dy veteranë amerikanë zhduken në lindje të Ukrainës

RFE/RL

Dy veteranë amerikanë, të cilët kanë qenë duke iu ndihmuar forcave të armatosura ukrainase në luftën kundër Rusisë, është raportuar të jenë zhdukur në rajonin lindor ukrainas të Harkivit, dhe besohet se janë zënë nga trupat ushtarake ruse.

Familjarët e Andy Huynh, 27-vjeçar dhe Alexander Drueke, 39-vjeçar, të dy nga Allabama, kanë thënë se 15 qershori ka qenë dita e fundit kur kanë kontaktuar me ta.

Familjarët dhe një zëdhënës i Departamentit amerikan të Shtetit, kanë thënë se ende nuk është konfirmuar dyshimi nëse dy burrat janë në duart e forcave ruse.

Zëdhënësja e Ministrisë së Jashtme ruse, Maria Zakharova, ka thënë më 16 qershor se Uashingtoni nuk e ka kontaktuar Moskën sa u përket dy shtetasve amerikanë.

Nëse Huynh dhe Drueke janë zënë, ata do të bëhen dy rastet e para të konfirmuara të shtetasve amerikanë që janë zënë nga forcat ruse, prej nisjes së pushtimit të paprovokuar të Rusisë në Ukrainë më 24 shkurt.

Zëdhënësi i Shtëpisë së Bardhë për Siguri Kombëtare, John Kirby, ka thënë se nëse raportimet konfirmohen, Uashingtoni do të bëjë “gjithçka që mundet për të kthyer dy burrat”.

Javën e kaluar, dy britanikë, Aiden Aslin dhe Shaun Pinner, si dhe një shtetas maroken, Saaudun Brahim, janë dënuar me vdekje nga separatistët e mbështetur nga Rusia në lindje të Ukrainës, për shkak të “aktiviteteve mercenare”.

Të tre kanë qenë duke shërbyer për ushtrinë ukrainase, kur janë zënë nga separatistët pro-rusë.

Britania e Madhe, Kombet e Bashkuara, Ukraina dhe Gjermania, kanë dënuar këto vendime.

Familja e Aslinit, ka thënë se ai dhe Pinner, kanë qenë duke jetuar në Ukrainë kur ka shpërthyer lufta në muajin shkurt dhe “si anëtarë të forcave të armatosura ukrainase, ata duhet të trajtohen me respekt, sikurse të burgosurit e luftës”.

Babai i Saaudun Brahim, ka thënë më 13 qershor se djali i tij ka pasur po ashtu shtetësi ukrainase, andaj duhet të trajtohet siç e meriton.

Rusia ka kryer 10,000 krime lufte në Ukrainë

Në foto Oleksandra Matviichuk që drejton Qendrën për Liritë Civile (Ukrainë)/ është vlerësuar më 2016 nga OSBE-ja me Çmimin: Mbrojtës i demokracisë

Pas më shumë se 100 ditë lufte, autoritetet ruse vazhdojnë të mohojnë se forcat e vendit kanë kryer ndonjë krim lufte në Ukrainë.

Por kjo kundërshtohet nga hetues të pavarur ukrainas, si Oleksandra Matviichuk, një avokate e të drejtave të njeriut.

Që nga fillimi i pushtimit rus më 24 shkurt, Matviichuk – së bashku me një ekip vullnetarësh, avokatësh dhe paralegalësh – ka regjistruar krimet e luftës dhe krimet kundër njerëzimit të kryera nga ushtria ruse në Ukrainë.

Vullnetarët udhëtojnë çdo ditë në qytetet dhe fshatrat e Ukrainës të çliruara së fundi për të dokumentuar çdo veprim të ushtrisë ruse që mund të binte ndesh Statutin e Romës, një traktat ndërkombëtar që përcakton krimet e gjenocidit, krimet kundër njerëzimit dhe krimet e luftës, si dhe krimin ndërkombëtar.

Matviichuk thotë se ekipi i saj – puna e të cilit është pjesë e një nisme më të gjerë të njohur si “Tribunali për Putinin” – ka regjistruar aktualisht 9,685 krime që i atribuohen ushtrisë ruse. Ajo thotë se në të ardhmen, autoritetet ruse dhe personeli ushtarak mund të gjykohen nga Gjykata Penale Ndërkombëtare.

“Një gjykatë do të thotë fjalën e fundit”, thotë Matviychuk, për veprimet e ushtrisë ruse në Ukrainë

“Kam përshtypjen se ne po shuajmë mijëra zjarre çdo ditë,” tha Matviichuk për Verstka, një media e pavarur ruse, për OpenDemocracy dhe median çeke Deník N. “Ndërsa je larg, thjesht mund t’i fikni lajmet dhe të vazhdoni rutina e perditshme. Shumë njerëz nuk e kanë më atë mundësi.”

“Rusia po përdor krimet e luftës si një metodë lufte… ka një numër të madh të tyre, të gjitha shumë të ndryshme. Ne arrijmë vetëm t’i dokumentojmë. Për ta bërë këtë, ne ndjekim ngjarjet – këto janë përshkrime të shkurtra të ngjarjeve që na japin një kuptim të asaj që ndodhi.”

“Qëllimi i këtij terrori ishte të mposhtë rezistencën ukrainase përmes vuajtjeve të civilëve, të frikësojë njerëzit aq shumë sa të kenë frikë të rezistojnë”.

Pas procesit të shqyrtimit, thotë Matviichuk, ekspertët do të analizojnë rastet për të filtruar se cilat janë të përshtatshme për një gjykatë ndërkombëtare, cilat do të hetohen në nivel kombëtar dhe që kanë vlerë për arkivat e ardhshme muzeale.

“Shumë nga krimet që ne regjistrojmë do të jenë të vështira për t’u hetuar,” thotë ajo, për shkak të vëllimit të madh të akuzave. “Sistemi ynë ligjor nuk mund ta përballojë kaq shumë.” Zyra e Prokurorit të Përgjithshëm të Ukrainës ka raportuar deri më tani 13,000 hetime të hapura në lidhje me pushtimin rus.

Në të njëjtën kohë, vë në dukje Matviichuk, fakti që lufta e Rusisë është në vazhdim, dhe “që krime të reja po kryhen çdo ditë”, i bën hetimet edhe më të vështira.

“Prioriteti është shpëtimi i njerëzve, ndihma e tyre që të kthehen në normalitet pas asaj që kanë kaluar”, thotë ajo, në vend që të hetojë dhe analizojë atë që ka ndodhur.

Kërkon një gjykatë ndërkombëtare

Sipas iniciativës së Tribunalit për Putinin, Rusia ka kryer të paktën 720 sulme kundër monumenteve historike, spitaleve, shkollave dhe objekteve fetare në Ukrainë. Gjithashtu janë regjistruar 605 raste të përdorimit të armëve pa dallim nga Rusia. Në tre raste, ushtria ruse ka përdorur gjithashtu armë kimike, duke përfshirë fosforin.

Këto armë kanë dëmtuar infrastrukturën në një numër qytetesh si Izyum, Chernihiv dhe Mariupol, thotë Matviichuk. “Njerëzit në thelb mbetën pa ngrohje, ujë, energji elektrike dhe gaz në shkurt. Ata shkrinin borën për të pirë diçka.”

Matviichuk vazhdon: “Banorët duhej të kalonin natën në bodrume, sepse shtëpitë e tyre po qëlloheshin. Ata nuk mund të merrnin ndihmë mjekësore. E mbani mend se si bombardoheshin spitalet?

“Situata në disa qytete arriti deri në atë pikë sa njerëzit thjesht nuk mundën të mbijetojnë. Në të njëjtën kohë, askush nuk lejohej të largohej”.

Gjykata për Putin ka dokumentuar gjithashtu 432 raste të rrëmbimit të civilëve në Ukrainë dhe 173 raste të vrasjeve të civilëve – qoftë nga forcat në terren apo nga dronët – në sulme të dëshmuara nga civilë të tjerë. Ka gjithashtu rreth 800 raste kur dëshmitarët raportuan se kishin parë njerëz që vdisnin gjatë bombardimeve ose sulmeve ajrore ruse.

Nisma ka dokumentuar gjithashtu tre raste të dhunës seksuale, megjithëse Matviichuk thotë se grupi i tyre nuk “fillimisht u fokusua” te përdhunimi. “Shumica e njerëzve me të cilët ne punojmë nuk kanë kaluar një trajnim të veçantë për të intervistuar ata që kanë përjetuar dhunë seksuale,” shpjegon ajo.

Kur trupat ruse u dëbuan nga rajoni i Kievit në fund të marsit, një gjurmë dhune brutale u la pas në qytete si Bucha, Irpin dhe Motyzhin, pak në distancë kryeqytetit ukrainas. Më 13 qershor, një varr i ri masiv me shtatë trupa u gjet pranë Bucha: të gjitha kufomat kishin shenja se ishin qëlluar në kokë dhe se duart e tyre ishin të lidhura, sipas policisë rajonale të Kievit.

Matviichuk thotë se “një gjykatë do të thotë fjalën e fundit” për atë që ndodhi në këto zona, por se veprimet e ushtrisë ruse duhet të cilësohen si “terror”.

“Siç e kuptoj unë, qëllimi i këtij terrori ishte të mposhtte rezistencën [ukrainase] nëpërmjet vuajtjeve të civilëve, të frikësonte njerëzit aq shumë sa të kishin frikë të rezistonin,” thotë ajo.

Nisma e Tribunalit për Putinin po planifikon të dorëzojë të dhënat e saj në Gjykatën Penale Ndërkombëtare dhe kërkon që një gjykatë ndërkombëtare të mbahet për të pandehurit rusë. Gjykata Ndërkombëtare Penale tashmë ka hapur një hetim për konfliktin në Ukrainë.

“Nëse sistemi ndërkombëtar nuk është i aftë të ndalojë regjimin rus, atëherë duhet bërë diçka me këtë sistem ndërkombëtar, i cili tani është në gërmadha, ashtu si Mariupoli,” thotë Matviichuk. “Ai sistem u krijua pas Luftës së Dytë Botërore për të parandaluar që ajo luftë të përsëritej. Por tani po ndodh para syve të mi.”/opendemocracy.net/Përgatiti voal.ch

Ndizen sirenat: Alarm ajror gjatë vizitës së tre liderëve të BE-së në Kiev

Tre liderët e Bashkimit Europian, Emmanuel Macron, Olaf Scholz dhe Mario Draghi kanë mbërritur në kryeqytetin ukrainas, Kiev.

Por gazeta BILD shkruan se sirenat e alarmit ajror janë ndezur pak pasi ata kanë mbërritur në Kiev.

Tre liderët e fuqishëm të BE ishin në hotel kur u ndezën sirenat.

Më herët, kryebashkiaku i Kievit, Vitali Klitschko kishte paralajmëruar se kjo vizitë mund të bëhej e rrezikshme.

Ndërkohë qytetarët nuk janë alarmuar pasi kjo është hera e katërt kur ndizen sirenat e alarmit.

Kujtojmë se Rusia ka provokuar vazhdimisht Kievin gjatë vizitave të nivelit të lartë.

syri.net

NATO: “Tani më shumë armë për Ukrainën”

Ushtarët ukrainas të gatshëm për të luftuar në një fushë me grurë në lindje të vendit

Sekretari i Përgjithshëm Stoltenberg shpjegoi se Aleanca Atlantike ka rritur dërgesat e armëve në Kiev, ndërsa Moska u bën thirrje ukrainasve që të dorëzohen në Severodonetsk.

VOAL- NATO duket e prirur të angazhohet më shumë në mbështetje të Ukrainës, tani duke luftuar kundër pushtuesve rusë në betejat e vazhdueshme në Donbass, në lindje të vendit. Ky orientim vjen pas javësh të kërkesave të Kievit për armatim më të rëndë për të kundërshtuar fuqinë dërrmuese të Rusisë në këtë zonë, të cilën komandanti i përgjithshëm i ushtrisë ukrainase Valery Zaluzhny e vlerësoi të hënën në një raport 10 me 1.

“Po, Kievi duhet të ketë armë më të rënda,” siguroi Sekretari i Përgjithshëm i NATO-s, Jens Stoltenberg, të martën në mbrëmje në prag të një takimi në Bruksel të Grupit të Kontaktit të NATO-s për Ukrainën, së bashku me Sekretarin e Mbrojtjes të SHBA-së, Lloyd Austin. NATO ka filluar të “rrisë” dërgesat e armëve në Kiev, shtoi lideri i Aleancës Atlantike, duke vënë në dukje se ukrainasit janë “absolutisht të varur nga furnizime të tilla për t’u marrë me agresionin brutal të Rusisë”.

Në prag të takimit, kryeministri holandez Mark Rutte dhe homologja e tij daneze Mette Frederiksen pritën Stoltenberg dhe disa liderë evropianë, përfshirë kreun e qeverisë polake Mateusz Morawiecki. “Ne nuk kemi bërë mjaftueshëm për të mbrojtur Ukrainën, për të mbështetur popullin ukrainas, lirinë dhe sovranitetin e tyre,” tha Morawiecki. “Kjo është arsyeja pse unë ju bëj thirrje të bëni shumë më tepër për të dorëzuar armë dhe artileri të rëndë në Ukrainë. Kievit i duhen ato për të mbrojtur vendin,” tha politikani polak, duke vënë në dukje se shtetet perëndimore do të prishnin “besueshmërinë” e tyre në rast të një disfate. të Ukrainës.

Grupi i Kontaktit për Ukrainën do të takohet në Bruksel të mërkurën për të diskutuar një përshpejtim të mundshëm të këtyre dërgesave të armëve, i cili është planifikuar në margjinat e një takimi ndërministror të vendeve të NATO-s.

Moska fton ukrainasit të dorëzohen në Severodonetsk

Ndërkohë, Rusia u ka bërë thirrje ukrainasve që t’i japin fund “rezistencës së tyre absurde” në Severodonetsk dhe të mërkurën propozoi një korridor humanitar për evakuimin e civilëve, pa asnjë përgjigje nga Kievi, i cili në vend të kësaj u bëri thirrje atyre të “mbahen”. Autoritetet e Moskës u kanë bërë thirrje ukrainasve që të ngrenë flamurin e bardhë për të sinjalizuar se e pranojnë këtë propozim dhe i japin fund “rezistencës absurde”.

Por larg pranimit, të martën në mbrëmje, presidenti ukrainas Volodymyr Zelensky u bëri thirrje bashkatdhetarëve të tij që të “mbahen” në Donbass, një rajon në sytë e tij “jetik” dhe në të cilin lufta e nisur nga Moska më 24 shkurt kundër vendit të tij vazhdoi. “Është thelbësore të qëndrosh në Donbass”, deklaroi kreu i shtetit në fjalimin e tij të përditshëm drejtuar kombit, “mbrojtja e rajonit është thelbësore për të dhënë një tregues se kush do të dominojë në javët në vijim”. Ndërkohë, të mërkurën në mëngjes, ushtarët ukrainas zmbrapsën sulmet ruse në Severodonetsk.

Severonetsk dhe Lysychansk, qytetet binjake me rreth 100,000 banorë, janë vënë në lojë për disa ditë në një betejë të ashpër. Rënia e këtyre dy qyteteve do të lejonte forcat ruse të synonin Sloviansk, në rajonin e Donetskut, rreth 70 km në perëndim. Dhe, përveç kësaj, do t’i lejonte Moskës të merrte kontrollin e të gjithë Donbasit, një rajon minierash kryesisht rusisht-folës, pjesërisht në pronësi të separatistëve pro-rusë që nga viti 2014.

Megjithatë, zyrtarët ukrainas mohojnë çdo rrethim të forcave të tyre në këtë fazë. “Qyteti nuk është i izoluar, ka rrugë komunikimi edhe nëse janë mjaft të ndërlikuara”, tha një ekzekutiv lokal. Për të frenuar përparimin rus, Kievi vazhdon t’i kërkojë Perëndimit armë. Por tani për tani “ne kemi marrë vetëm rreth 10%” të armëve që “i nevojiten” Ukrainës dhe pa të cilat “ne nuk do të mund ta fitojmë këtë luftë”, tha zëvendësministrja e Mbrojtjes Anna Maliar.

Gjithashtu të martën, ushtria ukrainase njoftoi krijimin e një “Legjioni të Lirisë” nga Rusia, i përbërë nga qytetarë të lirë që kundërshtojnë pushtimin e kërkuar nga Kremlini. Në krye do të shfaqej ish-zëvendëspresidenti i Gazprombank, Igor Volobuyev. rsi-eb

Oleksandra Matviichuk: U prehsh në paqe hero i Ukrainës, Roman Ratushny!

Oleksandra Matviichuk @avalaina drejtuesja e Qendrës për Liritë Civile (Ukrainë) / fituese e Çmimit të OSBE-së 2016 si mbrojtëse e demokracisë lajmëron me disa tweets vrasjen e 24 vjeçarit Roman Ratushny, aktivist i guximshëm kundër korrupsionit, që vdiq duke mbrojtur #Ukrainën duke luftuar kundër pushtimit rus. Ai ishte vetëm 24 vjeç. Ky është çmimi që populli ukrainas po paguan për kufirin evropian, për paqen tonë, për lirinë tonë dhe për demokracinë tonë. Ai ishte elita e vërtetë e Ukrainës. Ai duhej të punonte për ta kthyer vendin tonë në një demokraci të zhvilluar mirë. Dhe ai dha jetën në luftën me rusët dhe ne do të kemi një shans për ta bërë Ukrainën. Ne do të kemi sukses, Roman. Të premtova. Është gjithmonë e vështirë të gjesh fjalët e duhura. Romanin e njoh personalisht. U prehsh ne paqe hero 🇺🇦 “ Kur ai ishte 16-17 vjeç – mbrojti Maidan; kur ishte 20-22 vjeç – mbrojti Protasiv Yar dhe në 2022 vetëm 24 vjeç – ai shkoi në luftë! Roman, ke bërë kaq shumë për të gjithë ne në më pak se 25 vjet.” ( Fotot Angelina Koryakina)

Zelensky i bën thirrje Gjermanisë të ketë qëndrim më të qartë për luftën në Ukrainë

RFE/RL

Presidenti ukrainas, Volodymyr Zelensky, i ka bërë thirrje kancelarit gjerman, Olaf Scholz të ketë pozicion më të qartë për luftën e Rusisë në Ukrainë.

“Neve na duhet që kancelari Scholz të sigurojë që Gjermania mbështet Ukrainën. Ai dhe Qeveria e tij duhet të vendosin”, ka thënë Zelensky në një intervistë për transmetuesin gjerman, ZDF.

Gjermania nuk duhet të tentojë të gjejë një balancë në marrëdhënien me Ukrainën dhe lidhjet me Rusinë, ka thënë presidenti ukrainas.

“Gjermania ka nisur të dërgojë armë më vonë sesa shtetet fqinje. Ky është fakt”, ka thënë Zelensky.

Në fillim, Gjermania dhe Franca kanë mbështetur Ukrainën vetëm në aspektin politik dhe retorik, ka shtuar ai.

Scholz ka hedhur poshtë kritikat se Gjermania është duke vepruar shumë ngadalë në dërgim të armëve të rënda në Ukrainë.

“Ne do të dërgojmë të gjitha armët për të cilat jemi pajtuar”, ka thënë Scholz të hënën, duke shtuar se forcat ukrainase duhet të trajnohen për përdorim të armëve.

“Janë armë tejet të rënda. Duhet të mësoheni t’i përdorni, duhet të trajnohen”, ka thënë Scholz, duke shtuar se ushtarët ukrainas janë duke kryer trajnime në Gjermani për këtë gjë.

Forcat ruse në qendër të Sievierodonetskut

Një zyrtar ukrainas tha se trupat ruse kanë hyrë në qendër të qytetit lindor të Sievierodonetskut dhe po vazhdojnë të bombardojnë një fabrikë kimike, ku janë strehuar qindra ushtarë dhe civilë.

Guvernatori rajonal Serhiy Haidai tha të hënën në rrjetin Telegram se trupat ruse kontrollojnë rreth 70 për qind të qytetit dhe i kanë larguar forcat ukrainase nga qendra e tij.

Ai tha se fabrika Azot në këtë qytet, ku janë strehuar qindra civilë, po “bombardohet rëndë”. Rreth 500 civilë mbeten në fabrikë dhe ushtria e Ukrainës po përpiqet t’i largojë ata në një vend të sigurt.

Rusia thotë se të gjitha urat e qytetit janë shkatërruar. Zyrtarët ukrainas thonë se ka ende një rrugë tjetër për të dalë nga qyteti, por është e dëmtuar rëndë.

Presidenti ukrainas Volodymyr Zelenskyy tha se beteja për rajonin e Donbasit “me siguri do të mbetet në historinë ushtarake si një nga betejat më të dhunshme në Evropë”.

“Për ne, çmimi i kësaj beteje është shumë i lartë. Është thjesht e frikshme”, tha presidenti Zelenskyy të hënën vonë.

Ai përsëriti thirrjet për vendet partnere që t’i dërgojnë Ukrainës artileri moderne për t’u përdorur kundër forcave ruse.

Këshilltari i presidentit Zelenskyy, Mykhailo Podolyak, shkroi në Twitter të hënën se për t’i dhënë fund luftës Ukraia ka nevojë pëer armë të rënda”. Ai renditi disa kategori armësh, duke përfshirë 1,000 topa obus, 300 sisteme raketash, 500 tanke, 2,000 automjete të blinduara dhe 1,000 dronë.

“Takimi i Grupit të Kontaktit të Ministrave të Mbrojtjes mbahet në Bruksel më 15 qershor”, tha këshilltari Podolyak. “Ne presim një vendim”.

Sekretari amerikan i Mbrojtjes, Lloyd Austin, do të drejtojë takimin në selinë e NATO-s. Një takim virtual i grupit muajin e kaluar, mblodhi përfaqësues nga 47 vende.

Sekretari Austin tha pas bisedimeve të muajit maj se grupi po “intensifikonte përpjekjet” dhe po punonte për të thelluar bashkërendimin me Ukrainën “në mënyrë që Ukraina të mund të forcojë operacionet e saj në fushën e betejës”.

Ministria e Mbrojtjes e Britanisë tha të hënën se ditët e fundit beteja rreth Sievierodonetsk “ka vazhduar të bëhet e furishme”.

Rusia pretendon se tashmë kontrollon 97 për qind të të provincës Luhansk ku ndodhet Sievierodonetsku. Por pushtimi i qytetit industrial të Sievierodonetskut, me një popullsi prej 100,000 banorësh sa kishte para luftës, mbetet vendimtar për qëllimin më të gjerë të Moskës për të kontrolluar rajonin lindor të Donbasit, i cili përfshin provincat Luhansk dhe Donetsk.

Rusia aneksoi Gadishullin e Krimesë në vitin 2014 dhe forcat e Kievit që atëherë kanë luftuar me separatistët pro-rusë në rajonin e Donbasit.

*Disa pjesë të këtij artikulli janë marrë nga agjencitë e lajmeve Reuters, Associated Press dhe France-Presse.

‘I dashur Zot, merre Putinin mbrapsht’- Lutja e vëllezërve Klitschko

Vetëm një muaj ka zgjatur qetësia në Kiev. Rusia ka rikthyer sulmet edhe mbi kryeqytetin ukrainas.

Kryebashkiaku i këtij qyteti, Vitali Klitschko dhe vëllai i tij, legjenda tjetër e boksit, Vladimir Klitschko, kanë folur për gazetën BILD.

Vitali tha se Rusia nuk po sulmon objektivat ushtarakë. “Qëllimi i tyre është që Ukrainë dhe gjithë Europa të vdesin për bukë,” tha Vitali.

Kurse Vladimiri tha: “Qielli mbi kokat tona nuk është i sigurt. Europa duhet të kuptojë këtë”.

Më tej Vitali thotë se Zoti duhet ta marrë Putinin.

“Putini ka shkatërruar jetën e miliona njerëzve. Ai e nisi këtë luftë, ai mund ta mbarojë. Ka shumë spekulime nëse Putini e nisi këtë luftë sepse është sëmurë dhe nuk i ka mbetur edhe shumë për të jetuar. Nuk kam informacione për këtë. Por miliona njerëz, jetët e të cilëve janë shkatërruar nga Putini, kanë vetëm një dëshirë: Ose të zhduket Putini- ose Zoti ta marrë mbrapsht”.

I pyetur nëse ukrainasit shpresojnë se Putini mund të vdesë, Vladimiri thotë: “Është shpresa e mbarë botës që kjo luftë të mbarojë- me çdo mjet! Nuk ka rëndësi se si, për shkak se shumë njerëz, përfshi fëmijë,po vuajnë. Mbi një mijë fëmijë janë plagosur ose janë vrarë në këtë luftë”.

Jeta jonë në duart e një të çmenduri. Dhe ne që bëjmë sikur nuk shohim Nga Dmitry Glukhovsky

Dmitry Glukhovsky, shkrimtari më i shitur në Rusi, autori i Trilogji e Metrosë ndiqet nga një urdhër-arresti: në këtë artikull ai shpjegon se si një brez që nuk kishte përjetuar tmerret e spastrimeve po përjeton një lëvizje fashiste pa gjetur guximin për të protestuar.

“Brezi im nuk i njohu represionet dhe spastrimet masive, nuk dëshmoi në gjyqet në të cilat turma e zemëruar kërkonte pushkatimin e tradhtarëve të atdheut, nuk mori frymë nga atmosfera e tmerrit universal, nuk mësoi të ndryshonte, brenda natës, bindjet e tij, për të besuar në komandë si në pabesinë e aleatëve të djeshëm ashtu edhe në qëllimet e mira të armiqve historikë, me të vetmin qëllim për të justifikuar një luftë vëllavrasëse.

Brezi im nuk ishte i pranishëm gjatë prodromeve morale dhe ushtarake të dy luftërave botërore.

Bashkimi Sovjetik që ne kemi njohur tashmë ishte shndërruar në një pakidermë të qetë: tanimë ai nuk i dënonte më me vdekje ata që refuzonin të besonin gënjeshtrat e tij themelore, përkundrazi, i lejonte qytetarët të hapnin debate private mes tyre, të ulur të qetë në kuzhinë. As nuk kërkoi më brohoritje kur u rrotulluan kokat e atyre që ishin akuzuar si “armiq të popullit”.

Megjithatë, të gjithë ata që e kishin njohur të kaluarën nuk ishin aspak të kënaqur duke e kujtuar atë, dhe tani e kuptojmë pse. Sepse mbijetesa, në rrethana të tilla, kërkonte mbi të gjitha një kompromis me veten, me ndërgjegjen e tij.

Po, na u desh të kthenim shpinën, po, duhej të duartrokitnim, madje dikush u detyrua të kryente dënime me vdekje, deshire, për të mos përfunduar vetë në trekëmbësh. Njerëzit nuk duan t’i mbajnë mend këto gjëra, dhe më konkretisht, nuk duan të pranojnë se kanë ndodhur. U desh guxim jo vetëm për të protestuar, por edhe për të abstenuar, dhe duhet guxim për të kujtuar më vonë se si edhe ti një herë – dhe ndoshta më shumë se një herë – zgjodhët të veproni për t’i shpëtuar kërcënimit që ju rëndoi në kokë.

Dhe sot, për ne, për ata të brezit tim, ndodhin gjëra drejtpërdrejt në televizion që nuk do ta kishim imagjinuar kurrë t’i shihnim.

Po grumbullojmë një përvojë befasuese: një mundësi për të kuptuar pse gjyshërit dhe stërgjyshërit tanë heshtën dhe duruan, pse kombe të tëra ranë në humnerën e çmendurisë, pse popujt mbyllën të dy sytë para tiranëve që bënin luftëra. kampionatet botërore, pse disa janë ngjitur në varje pa thënë asnjë fjalë dhe të tjerë kanë pranuar detyrën e uljes së tehut.

Sot ne shohim me sytë tanë se si t’i çnjerëzojmë qeniet e tjera njerëzore përpara se t’i asgjësojmë: përmes talljes, shpifjes, gjymtimit të fjalëve dhe motivimeve të tyre, duke u mohuar atyre dinjitetin për t’u ndjerë dhe vepruar si njerëz.

Ne e dimë mirë se si grabitqarët kamuflohen: ujku i heq qethin e deleve që sapo e ka bërë copë-copë dhe e përdor për t’u maskuar. Ne po mësojmë të kultivojmë në shpirtin tonë indiferencën ndaj padrejtësisë kur kjo po ndodh qartë nën sytë tanë: kjo nuk na shqetëson dhe mbase nuk do të vuajmë pasojat, thjesht mbajmë distancën dhe mos luajmë me zjarrin. Në fund të fundit, si ndjeni ndjeshmëri dhe dhembshuri për të gjitha qeniet njerëzore në këtë tokë! Po mësojmë të mos simpatizojmë viktimën, por agresorin. Nëse merrni anën e grabitqarit, atëherë do të ndiheni sikur jeni në anën e tij, pranë tij, pranë tij. Është si të qëndrojmë të lidhur me peshkaqenin: nuk ka asgjë për t’u frikësuar, në të vërtetë, ne mund të përfitojmë nga një copë mishi që i shpëton dhëmbëve të tij të mprehtë.

Ne po mësojmë të mbyllim sytë para spiralës së çmendurisë që ka pushtuar pushtetarët tanë dhe të ndajmë pozicionet e tyre.

Ashtu si rregulltari në “Ushtari i mirë Schweik” i Jaroslav Hašek, i cili thithi marrëzitë e komandantit dhe i bëri të tijat, edhe ne i kemi pirë teoritë e tyre perverse konspirative në atë masë sa jemi mësuar me shijen e tyre, saqë sot bërtasim për ta. një dozë e re .

Dhe në fund të fundit, nëse nuk i besoni, kujt duhet t’i besoni?

A nuk është më mirë të hani mut sesa të shkoni në shtrat duke menduar se jeta juaj është në duart e një të çmenduri të lëshuar?

A ekziston ndoshta një fenomen i quajtur çmenduri kolektive?

Po, tani dimë të mbajmë gojën mbyllur, të kthejmë shpinën, të përkulim kokën dhe t’i mbajmë mendimet fort, por duhet të mësojmë se si t’i largojmë ato me forcën tonë. Për të mos jetuar me frikë, për të mos u ndjerë frikacakë apo skllevër, duhet të mësojmë të besojmë fort në atë që deri vonë të gjithëve na dukej si një gënjeshtër. Ne duhet të mësojmë të marshojmë së bashku, të duartrokasim me komandë, plotësisht të bindur, duke brohoritur kur armiqtë e kombit vriten dhe të ndjejmë një entuziazëm kënaqësie kur dëgjojmë fjalimet e pushtetarëve tanë. Ne duhet të gëzojmë luftëra, të festojmë gjakderdhjen. Gjetja e shpjegimeve dhe e justifikimeve, të dehur nga tradhtia e vëllezërve tanë dhe raprezaljet brutale të nisura ndaj tyre. Duke u shtirur se nuk e vërejmë, dhe mbase vërtet nuk e kuptojmë më, sesi vendi ynë është nisur drejt diktaturës fashiste, duke ndjekur gjurmët e veta, drejt një fati që, mjerisht, ne e dimë shumë mirë.

Nuk kemi dashur të hetojmë të kaluarën, sepse jemi të sigurt që e kemi lënë pas. Menduam se ato ndjesi mizore dhe të tmerrshme do të mbeteshin përgjithmonë të varrosura në faqet e librave të historisë. Megjithatë, numri i fantazmave që ushqehen me mëri, i shmangen ligjit dhe bëjnë pretendime kundër nesh po rritet dita-ditës. Ata grisin faqet e atyre librave dhe nga e kaluara e vdekur dhe e varrosur zvarriten përpara për të minuar botën e të gjallëve. Ata pretendojnë gjak dhe ujiten me gjakun e atyre që jetojnë këtu dhe tani. Me gjakun tonë, të kuq e të nxehtë, në vend të atij të zi e të tharë. Ne do të duhet të mësojmë të mendojmë në unison dhe të ecim të kornizuar, të frikësuar nga kurioziteti i fqinjit dhe zhurma e një makine në mes të natës; mësoni të puthni duke pështjelluar ikonat dhe portretet e udhëheqësve tanë, duke besuar me besnikëri në gjithçka që do të shpallet nga Solovievët dhe Tolstojtë e kësaj bote si e vërtetë e pastër dhe legjitime, duke mbajtur kokën ulur në tmerrin e vazhdueshëm të jojetës sonë: të mësojmë të bëj gjithçka këtë…

Ose mësoni të bëni të kundërtën: të ruajmë kujtesën tonë dhe të mendojmë për të ardhmen, duke hequr dorë nga ndryshket dhe duke refuzuar të jetojmë të burgosur të së shkuarës.

Të mos besosh gënjeshtrat dhe të pretendosh gjithmonë të vërtetën.

Të ngrenë zërin, të argumentojnë, të besojnë dhe të luftojnë për dinjitetin tonë.

Deri tani nuk kemi mësuar asgjë nga përvoja e atyre që jetuan dhe vdiqën para nesh, që të mund t’i bëjmë gjërat ndryshe. Kjo është pikërisht arsyeja pse ne kemi ende kaq shumë për të mësuar./cds

Scholz tha se Serbia duhet të njohë Kosovën/ Ischinger: Bravo kancelar!

Deklarata e kancelarit të Gjermanisë, Olaf Scholz në Prishtinë, se dialogu mes Kosovës dhe Serbisë duhet të zgjidhë edhe çështjen e njohjes së Kosovës, ka nxitur reagime të forta, ndërsa në Beograd e kanë pritur me zemërim këtë qëndrim.

Ndërkohë ish-përfaqësuesi i Bashkimit Evropian për Kosovën, Wolfgang Ischinger, ka thënë se një deklaratë e tillë e Scholz është për t’u duartroktiur, raporton Gazeta Express.

Diplomati gjerman ka thënë se një gjuhë e tillë e qartë drejt Serbisë është për t’u vlerësuar, ndërsa shton se do të ishte e dobishme nëse të gjitha shtetet anëtare të BE-së do ta njohin pavarësinë e Kosovës.

Ischinger thotë se ende ka shumë punë për t’u bërë.

“Bravo kancelari Scholz.: Gjuhë e qartë për Beogradin për temën e njohjes së Kosovës nga Serbia! Megjithatë, fillimisht do të ishte e dobishme nëse të gjithë anëtarët e BE-së do ta njihnin Kosovën: ka ende shumë për të bërë!”, shkruan Ischinger.

syri.net

Komisioni Evropian mbështet anëtarësimin e Ukrainës në BE

RFE/RL

Komisioni Evropian pritet të mbështesë dhënien e statusit e vendit kandidat për anëtarësim në Bashkimin Evropian për Ukrainën gjatë javës së ardhshme, pavarësisht nga kundërshtimet e Danimarkës dhe Holandës, raportoi më 10 qershor Bloomberg, duke cituar burime anonime.

Bloomberg tha se persona të njoftuar me këtë çështjen, thanë se rekomandimi, i cili duhet të debatohet dhe më pas të miratohet nga kolegji i komisionarëve të Bashkimit Evropian, do të bëhet me kushte që lidhen me sundimin e ligjit dhe ligjeve kundër korrupsionit.

Miratimi nga Komisioni Evropian kërkon marrëveshje me shtetet anëtare, që sipas Bloomberg, mund të paraqesë problem me Danimarkën, e cila ka lëshuar një notë diplomatike duke paralajmëruar se Ukraina nuk ka plotësuar mjaftueshëm kritike që lidhen me stabilitetin e institucioneve që garantojnë demokraci, sundim të ligjit, të drejta të njeriut dhe respektim dhe mbrojtje të minoriteteve.

Holanda po ashtu ka shprehur kundërshtime, raportoi agjencia.

Presidenti ukrainas, Volodymyr Zelensky, i ka bërë thirrje Bashkimi Evropian që t’i ofrojë shtetit të tij anëtarësim përmes një procedure më të shkurtuar, duke shtuar se kjo do të ishte “një përgjigje e fuqishme” ndaj pushtimit rus të Ukrainës.

Liderët e bllokut pritet që të bisedojnë për këtë çështje më 23 dhe 24 qershor.
Bashkimi Evropian me 27 anëtarë nuk është zgjeruar për pothuajse një dekadë për shkak të mbështetjes së dobët nga shtetet kyçe.

Filorusët dënojnë me vdekje dy britanikë dhe një maroken që luftonin përkrah ushtrisë ukrainase

VOAL- Një gjykatë në republikën separatiste të Donetskut në Ukrainën lindore dënoi sot me vdekje dy shtetas britanikë dhe një maroken, të zënë rob ndërsa luftonin kundër ushtrisë ruse.

Gjykata i shpalli të tre burrat – britanikun Aiden Aslin dhe Shaun Pinner dhe marokenin Brahim Saadoun – fajtorë për “veprimtari mercenare dhe për kryerjen e veprimeve që synonin marrjen e pushtetit dhe përmbysjen e rendit kushtetues” të republikës separatiste.

Zëdhënësi i kryeministrit britanik Boris Johnson tha se, sipas konventave të Gjenevës, të burgosurit e luftës kanë të drejtën e imunitetit, ndërsa sekretarja e jashtme e shtetit, Liz Truss, foli për një “dënim farsë pa asnjë legjitimitet”.

Në javët e fundit, zyrtarët pro-rusë kanë lënë të kuptohet se ushtarët ukrainas të kapur, përfshirë ata të batalionit Azov, mund të gjykohen dhe dënohen me vdekje.

Që nga viti 1997, një moratorium mbi dënimin me vdekje është vendosur në Rusi, por jo në dy territoret e shkëputura të Ukrainës lindore. rsi-eb

Duda kritikon liderët e Francës dhe Gjermanisë: Të bisedosh me Putinin është si të bisedosh me Hitlerin

RFE/RL

Presidenti i Polonisë, Andrzej Duda, kritikoi liderët e Francës dhe Gjermanisë për bisedat e tyre telefonike me presidentin rus, Vladimir Putin, duke thënë se këto telefonata i duken sikurse të bisedonin me Adolf Hitlerin gjatë Luftës së Dytë Botërore, raportoi e përditshmja gjermane, Bild.

Kancelari gjerman, Olaf Scholz, dhe presidenti i Francës, Emmanuel Macron, kanë mbajtur biseda të ndara telefonike me Putinin, qëkur Rusia nisi pushtimin e Ukrainës.

Macron veçanërisht ka zemëruar ukrainasit, kur ka deklaruar se Rusia nuk duhet të “poshtërohet” në mënyrë që të ruhen shanset për zgjidhje diplomatike të konfliktit.

Duda gjatë një interviste për Bild tha se diskutime të tilla vetëm kanë legjitimuar luftën e paligjshme në Ukrainë.

“A ka folur dikush kështu me Adolf Hitlerin gjatë Luftës së Dytë Botërore?”, tha Duda.

“A ka thënë dikush që Adolf Hitleri duhet të dalë faqebardhë? Se duhet të veprojmë në atë mënyrë që të mos e poshtërojmë Adolf Hitlerin? Unë nuk kam dëgjuar diçka të tillë”, shtoi presidenti polak.

Lufta në Ukrainë, që Moska e cilëson “operacion të posaçëm ushtarak”, ka lënë të vdekur mijëra civilë dhe mbi 7 milionë të tjerë janë detyruar të largohen nga vendi.

Ukraina dhe aleatët perëndimorë thonë se Rusia ka nisur luftë të paprovokuar për të pushtuar vendin.

Në një telefonatë të përbashkët me Putinin më 28 maj, Scholz dhe Macron i bën thirrje atij që të lirojë 2,500 luftëtarët ukrainas të fabrikës Azovstal në Mariupol, dhe të bisedojë direkt me presidentin ukrainas, Volodymyr Zelensky.

Muajin e kaluar, Zelensky hodhi poshtë sugjerimet e bëra nga disa shtete perëndimore se Kievi duhet të japë territor dhe të bëjë koncesione të tjera në mënyrë që t’i jepet fund luftës, duke thënë se këto ide i ngjasojnë me përpjekjet e bëra gjatë Luftës së Dytë Botërore për të bindur Gjermaninë Naziste që t’i jepte fund luftës.

BE: Do të shiten vetëm makina elektrike

VOAL- Seanca plenare e Parlamentit Evropian miratoi propozimin e Komisionit Evropian për t’i dhënë fund shitjes së makinave të reja me benzinë dhe naftë nga viti 2035.

Michael Bloss, deputeti i të Gjelbërve, shpjegoi se vendimi është marrë “në favor të së ardhmes së Evropës si sedilje makine”, duke synuar të bëhet qendra e prodhimit të makinave dhe baterive më të mira elektrike. Gianmarco Giorda, drejtor i Shoqatës Kombëtare të Industrisë së Industrisë së Automjeteve në Itali, megjithatë, argumenton se pas kësaj zgjedhjeje “70,000 vende pune do të jenë në rrezik në industrinë e lidhur me prodhimin e komponentëve që nuk janë të dobishëm për industrinë elektrike”.

Projektligji, procesi legjislativ i të cilit nuk është përfunduar ende, është pjesë e paketës klimatike të quajtur “Fit for 55” të Bashkimit Evropian që synon të reduktojë emetimet me 55% deri në vitin 2030 krahasuar me nivelet e vitit 1990, si dhe të arrijë neutralitetin klimatik me 2050. rsi-eb

Zelensky bisedon me Scholzin për të burgosurit e luftës

RFE/RL

Presidenti ukrainas, Volodymyr Zelensky, tha se ka biseduar me kancelarin gjerman, Olaf Scholz, për shqetësimet lidhur me trajtimin e të burgosurve të luftës nga Rusia.

“Diskutova për rritjen e mbështetjes së mbrojtjes për Ukrainën dhe për t’u siguruar për sigurinë globale të ushqimit. Ngrita çështjen e respektimit të ligjeve ndërkombëtare të Rusisë në trajtimin e të burgosurve të luftës. Theksova rëndësinë për vendimet për integrimin e Ukrainës në Bashkimin Evropian”, tha Zelensky përmes një postimi në Twitter më 8 qershor.

Zelensky nuk dha më shumë detaje për këtë bisedë telefonike.

Media shtetërore ruse TASS raportoi më 7 qershor se mbi 1,000 ushtarë ukrainas, të cilët janë dorëzuar në qytetin-port të Mariupolit, tani po mbahen në territorin rus dhe po hetohen.

Qëkur Rusia nisi pushtimin e Ukrainës më 24 shkurt, Rusia ka bllokuar portet ukrainase, duke penguar që të eksportohen mijëra tonë drithë nga Ukraina, një prej prodhuesve më të mëdha në botë të drithit. Zyrtarët ukrainas e kanë akuzuar Rusinë se po vjedh stoqe me drithëra nga Ukraina dhe po i dërgon në Rusi.

Ministri i Jashtëm rus, Sergei Lavrov, po qëndron në Turqi në bisedime për zhbllokimin e eksporteve e drithërave nga Ukraina.

Merkel: Lufta e Rusisë në Ukrainë, tragjedi e madhe

RFE/RL

Ish-kancelarja gjermane, Angela Merkel, tha se ajo ishte përpjekur shumë për të parandaluar që situata në Ukrainë të shndërrohej në një konflikt të plotë.

Duke folur në intervistën e parë qëkur u largua nga posti i kancelares, Merkel tha më 7 qershor se ajo ndiente “trishtim të madh” që përpjekjet gjermano-franceze rreth marrëveshjes së paqes të Minskut me Rusinë nuk funksionuan, por ajo nuk e fajësoi veten.

“Diplomacia nuk është gabim për faktin që nuk funksionoi”, tha ajo gjatë intervistës për ARD. “Pra, nuk e kuptoj pse duhet të them se ishte gabim dhe të kërkoj falje për këtë”.

Marrëveshjet e paqes të Minskut, të arritura më 2014 dhe 2015, kishin për qëllim të zgjidhnin konfliktin në lindje të Ukrainës midis separatistëve të mbështetur nga Rusia dhe forcave qeveritare ukrainase. Liderët e Ukrainës, Rusisë, Gjermanisë dhe Francës u takuan nën të ashtuquajturin Format të Normandisë, duke kërkuar që t’i jepnin fund konfliktit. Por, këto pakte nuk u zbatuan plotësisht.

Duke folur për situatën aktuale, Merkel tha se nuk ka asnjë justifikim për “mospërfilljen brutale të ligjit ndërkombëtar” nga Rusia.

Ajo tha se sulmi ndaj Ukrainës ishte një gabim i madh dhe e pyeti veten se çfarë do të mund të bënte ndryshme.

“A kemi mundur të bëjmë më shumë që të parandalojmë këtë, që unë tani po e quaj tragjedi të madhe. Prandaj ju vazhdoni të pyesni pse, dhe unë natyrisht që vazhdoj t’i bëj këto pyetje”, tha ajo.

Merkel tha se ka qenë kundër planit për të lejuar Ukrainën të anëtarësohej në NATO sepse ajo dëshironte të shmangte një përshkallëzim me Rusinë dhe sepse Ukraina nuk ishte e gatshme t’i bashkohej aleancës.

Ajo po ashtu tha se nuk ka qenë naive lidhur me “urrejtjen” e presidentit rus, Vladimir Putin, për modelin e demokracisë perëndimore, duke thënë se i ka paralajmëruar disa herë kolegët e saj se Putin dëshironte të përçajë Bashkimin Evropian.

Merkel ishte kancelare e Gjermanisë nga viti 2005 deri më 2021.

Sukses i Ukrainës kundër flotës ruse të Detit të Zi, spostohet me 100 km

Nga Karen von Guttenberg, BILD

Numerikisht, banditët e Putinit janë superiorë. E megjithatë, Ukraina ka arritur t’i japë goditje të mëdha dhe të papritura ushtrisë ruse.

Më 14 prill, ushtria ukrainase fundosi anijen e flotës ruse të Detit të Zi, Moskva. Tani ajo ka arritur ta largojë flotën ruse më shumë se 100 kilometra nga bregu i Detit të Zi.

Flota ruse është privuar nga kontrolli total mbi veriperëndimin e Detit të Zi, tha të hënën Ministria e Mbrojtjes e Kievit.

Megjithatë, Rusia po përpiqet të rimarrë kontrollin e zonës detare dhe qytetet në bregdet janë ende të kërcënuara nga sulmet me raketat ruse. Përveç kësaj, flota ruse vazhdon të bllokojë transportin civil, tha ministria.

Në përgjigje të sukseseve të Ukrainës në Detin e Zi, forcat ruse duhet të kishin vendosur sisteme mbrojtëse bregdetare në gadishullin e Krimesë dhe në zonën e kontrolluar nga Rusia rreth qytetit Kherson.

Përveç kësaj, sipas Ministrisë së Mbrojtjes së Ukrainës, forcat shtesë ruse u vendosën në Ishullin e Gjarpërinjve të pushtuar nga Rusia. Anijet luftarake të marinës ruse kanë mbajtur një bllokadë detare pranë Ukrainës për javë të tëra.

Megjithatë, në betejën për qytetin e rëndësishëm strategjik të Severodonetsk në Ukrainën lindore, situata e forcave ukrainase duket të jetë gjithnjë e më e vështirë. “Ne po rezistojmë, por ata janë shumë dhe janë më të fortë,’ tha të hënën presidenti ukrainas Volodomyr Zelensky.

Zelensky e përshkroi situatën në qytetet fqinjë Severodonetstk dhe Lysychansk duke thënë se ato janë ‘qytete të vdekura’. Sipas tij, rreth 10 deri në 15 mijë civilë kanë ngecur mes zjarrit të artilerisë ruse.

Nga ana tjetër, guvernatori rajonal ukrainas, Serhiy Gaiday tha se situata për ushtrinë ukrainase është përkeqësuar sërish pas sukseseve të fundit. Severodonetsk është qyteti i fundit i madh në rajonin e Lunanskut në Donbas që nuk është pushtuar ende nga Rusia.

syri.net

Rusia godet Kievin me raketa për herë të parë që prej më shumë se një muaji

Rusia goditi me raketa Kievin, duke pretenduar se shkatërroi tanke dhe automjete të tjera të blinduara të dhuruara nga Evropa për Ukrainën. Që nga 28 prilli kryeqyteti i Ukrainës kishte rënë në qetësi, ndërsa presidenti rus Vladimir Putin të dielën paralajmëroi perëndimin se furnizimi me armë i Ukrainës do të zgjaste konfliktin. Ai tha se Moska do të godiste objektivat që nuk ishin goditur ende nëse Perëndimi do të do të vazhdonte me dërgesa të sistemeve me raketa.

Forcat ruse sulmuan me raketa kryeqytetin e Ukrainës. Që nga vizita e Sekretarit të Përgjithshëm të OKB-së, Antonio Guterres në 28 prill në Kiev nuk ishin kryer sulme.

Sipas autoriteteve ukrainase raketat ranë në lagjet Darnytskyi dhe Dniprovskyi, në periferi të Kievit. Të paktën një person u shtrua në spital dhe fatmirësisht nuk ka viktima, tha kryebashkiaku Vitaly Klitschko.

Serhiy Leshchenko, një ndihmës i shefit të shtabit të Presidentit Volodomyr Zelenskiy, tha se raketat kishin si qëllim të godisnin infrastrukturën hekurudhore në kryeqytet. Nga ana tjetër ministria ruse e Mbrojtjes tha se sulmet me raketa nga distanca kishin shkatërruar tanket T-72 dhe automjetet e blinduara që i ishin dhënë Ukrainës nga vendet e Evropës Lindore.

Në një intervistë për mediat ruse, Presidenti Vladimir Putin paralajmëroi se çdo dërgesë e sistemeve të raketave nga perëndimi në Ukrainë do ta shtynte Moskën të godiste “objekte që ende nuk janë goditur.”

“E gjithë kjo bujë rreth dërgesave shtesë të armëve, për mendimin tim, ka vetëm një qëllim: të zvarritet konflikti i armatosur sa më shumë që të jetë e mundur”, tha zoti Putin.

“Nëse Kievi merr raketa me rreze më të gjatë”, shtoi ai, “Moska do të nxjerrë përfundimet e duhura dhe do të përdorë mjetet tona të shkatërrimit, të cilat i kemi mjaftueshëm, për të goditur ato objekte që nuk i kemi goditur ende”.

Analistët ushtarakë thonë se Rusia shpreson të marrë nën kontroll rajonin lindor të Donbasit, ku separatistët e mbështetur nga Moska kanë luftuar me qeverinë ukrainase për vite me radhë, përpara se të mbërrijnë në Ukrainë sistemet raketore me rreze të mesme veprimi.

Pentagoni tha në fillim të kësaj jave se do të duhen të paktën tre javë për të futur armët precize amerikane dhe trupat e trajnuara në fushën e betejës.

Shefi i shtabit të Përgjithshëm të Ukrainës akuzoi forcat ruse për përdorimin e municioneve me fosfor në rajonin e Kharkivit. Pretendimi nuk mund të verifikohej në mënyrë të pavarur. Po ashtu ai tha se forcat ruse nuk kanë përparuar shumë në qytetin Sievierodonetsk, një deklaratë kjo që u mbështet edhe nga inteligjenca britanike e cila thotë se luftëtarët ukrainas kanë zmbrapsur ditët e fundit forcat ruse.

Në frontin diplomatik, ministri i jashtëm rus Sergej Lavrov shkon në fillim të javës Serbi për bisedime me presidentin Aleksandar Vuçiç e më pas në Turqi, ku pritet të diskutojë për Ukrainën me homologun e tij turk.

Turqia është përpjekur të punojë me OKB-në dhe Ukrainën e Rusinë për të ndihmuar në hapjen e rrugës që gruri ukrainas të eksportohet në portet turke, megjithëse ende nuk ka marrëveshje për këtë çështje.

Agresioni rus në Ukrainë ka shkaktuar dhjetëra mijëra viktima, ushtarë dhe civilë si dhe ka shkaktuar krizën më të rëndë të refugjatëve në Evropë. Lufta po ashtu ka ndaluar eksportet e grurit dhe drithërave të tjera nga Ukraina përmes Detit të Zi, duke kufizuar aksesin në bukë dhe produkte të tjera në Afrikë, Lindjen e Mesme dhe më gjerë.

“Rusia të mos poshtërohet për pushtimin”, Ukraina i përgjigjet presidentit Macron: Po poshtëroni veten!

Ukraina nuk e ka pritur mire deklaratën e presidentit të Francës Emanuel Makron, i cili u shpreh një ditë më parë se është jetike që Rusia të mos poshtërohet për pushtimin e saj të Ukrainës. Ministri i Jashtëm ukrainas, Dmytro Kuleba tha se aleatët duhet të “përqendrohen me shume se si ta vendosin Rusinë në vendin ku meriton te jete”, pasi ajo ne fakt po poshtëron veten duke pushtuar një vend tjetër”.

Ministri i Jashtëm Kuleba tha në një postim në Twitter se “thirrjet për të shmangur poshtërimin e Rusisë mund të poshtërojnë vetëm Francën dhe çdo vend tjetër që do ta bënte atë”. Sipas Kievit Rusise nuk duhet t’i behën lëshime për te marre territore nga Ukraina. Nje dite me pare, Presidenti Francez tha se ishte e rëndësishme që Presidenti Vladimir Putin të kishte një rrugëdalje nga ai që ai e quajti një gabim themelor. Macron ka folur vazhdimisht me Putinin me telefon në një përpjekje për të ndërmjetësuar një armëpushim dhe negociata.

Përpjekjet franceze për të mbajtur një dialog me liderin e Kremlinit janë në kontrast me qëndrimet e SHBA-së dhe Britanisë së Madhe. Më herët, Macron u tha mediave franceze se lideri rus ishte “izoluar”. “Unë mendoj, dhe ia kam bere te qarte se Putin ka bere nje gabim historik dhe thelbësor për popullin e tij, për veten dhe historinë”, tha ai. bw

Spanja do të dërgojë raketa dhe tanke kundër-ajrore në Ukrainë

RFE/RL

Spanja do të furnizojë Ukrainën me raketa anti-ajrore dhe tanke luftarake Leopard në një rritje të mbështetjes së saj ushtarake për vendin, sipas burimeve qeveritare të cituara nga gazeta El Pais të dielën.

Spanja gjithashtu do të ofrojë trajnime thelbësore për ushtrinë ukrainase se si të përdorin tanket. Trajnimet do të zhvillohen në Letoni, ku ushtria spanjolle ka dislokuar 500 ushtarë në kuadër të operacionit të Prezencës së Përparuar të Përmirësuar të NATO-s.

Një fazë e dytë e trajnimit mund të zhvillohet në Spanjë, sipas burimeve të cituara nga El Pais.

Gazeta tha se ministria e mbrojtjes e Spanjës po finalizon një dorëzim në Kiev të raketave anti-ajrore të nivelit të ulët Shorad Aspide, të cilat ushtria spanjolle i ka zëvendësuar me një sistem më të avancuar.

Spanja deri më tani ka furnizuar Ukrainën me municion, pajisje mbrojtëse individuale dhe armë të lehta.

Burimet i thanë El Pais se oferta e rritjes së mbështetjes u ngrit kur kryeministri Pedro Sanchez vizitoi Ukrainën dhe u takua me Presidentin Volodymyr Zelenskiy më 21 prill, por ishte vonuar nga kompleksiteti i operacionit.

Ukraina thotë se bisedimet nuk kanë kuptim derisa trupat ruse nuk tërhiqen

RFE/RL

Ukraina hodhi poshtë të shtunën thirrjen e presidentit francez Emmanuel Macron për të mos “poshtëruar” Rusinë për hir të diplomacisë dhe tha se nuk ka asnjë kuptim të ketë negociata derisa forcat e Moskës të shtyheshen sa më shumë që është e mundur.

Macron, i cili ka vazhduar dialogun me udhëheqësin e Kremlinit, Vladimir Putin që nga pushtimi i Rusisë më 24 shkurt, ofroi të premten të ndërmjetësojë në luftë dhe paralajmëroi kundër poshtërimit të Moskës në mënyrë që të mbajë derën e hapur për një zgjidhje diplomatike.

Ministri i Jashtëm ukrainas, Dmytro Kuleba hodhi poshtë logjikën e Macron në Twitter, duke thënë se thirrje të tilla “vetëm mund të poshtërojnë Francën dhe çdo vend tjetër që e kërkon atë”.

“Sepse është Rusia ajo që poshtëron veten. Të gjithë më mirë të përqendrohemi se si ta vendosim Rusinë në vendin e saj. Kjo do të sjellë paqe dhe do të shpëtojë jetë,” tha ai.

I pyetur në lidhje me ofertën e ndërmjetësimit në televizionin kombëtar, këshilltari presidencial ukrainas Mykhailo Podolyak tha: “…Derisa të marrim armët në sasinë e tyre të plotë, derisa të forcojmë pozicionet tona, derisa t’i shtyjmë ato (forcat ruse) sa më shumë që të jetë e mundur në kufijtë e Ukrainës, nuk ka kuptim të zhvillohen negociata.”

Ukraina, e cila thotë se Rusia ka pushtuar tashmë rreth 20% të territorit të saj, tani po merr armë më të fuqishme nga Perëndimi.

“Forcat tona të armatosura janë gati të përdorin (armët e reja)…dhe më pas mendoj se mund të fillojmë një raund të ri bisedimesh nga një pozicion i forcuar,” tha të premten David Arakhamia, ligjvënësi ukrainas dhe anëtar i ekipit negociator .

Ndër të tjera, Shtetet e Bashkuara do t’i japin Ukrainës sisteme precize raketash HIMARS, duke e lejuar atë të godasë pozicionet ruse nga një distancë më e madhe.

Autoritetet ukrainase: Kemi rimarrë territorin në Severodonjeck

RFE/RL

Ukraina tha se forcat e saj kanë rimarrë 20 për qind të territorit që kishin humbur në qytetin Severodonjeck, që ishte fokusi i një ofensive ruse për të marrë rajonin lindor të Donbasit.

Serhiy Hayday, kreu i administratës ushtarake rajonale të Luhansk, tha se ushtria ukrainase vazhdoi të mbante pozicionet e saj brenda Severodonjeck dhe po i shtynte forcat ruse në disa lokacione.

“Sapo të kemi mjaft armë perëndimore me rreze të gjatë veprimi, ne do ta largojmë artilerinë e tyre nga pozicionet tona”, tha Hayday.

Hayday tha më 4 qershor se forcat ruse po hidhnin në erë ura përgjatë lumit Seversky Donjeck për të parandaluar që Ukraina të sillte përforcime ushtarake dhe të dërgonte ndihma për civilët në Severodonjeck.

Ushtria e Ukrainës tha se Rusia ka përforcuar trupat e saj dhe ka përdorur artileri për të kryer “operacione sulmi” në qytet, i cili është bombarduar nga forcat ruse për javë të tëra.

“Armiku po ndërmerr sulme në qytetin e Severodonjeck me mbështetje artilerie, ai ka forcuar trupat e tij me rezervat e lëvizshme të korpusit të 2-të të ushtrisë, luftimet në qytet vazhdojnë,” tha ushtria më 4 qershor.

Ata megjithtë shtuan se forcat ruse ishin tërhequr pas përpjekjeve të dështuara për të avancuar në qytetin e afërt të Bakhmut dhe ndërprenë hyrjen në Severodonjeck.

Në rajonin jugor të Ukrainës, Odesa, një raketë goditi një njësi magazinimi bujqësor, duke plagosur dy persona në mëngjesin e 4 qershorit, shkroi zëdhënësi i administratës rajonale në Telegram.

Rusia ka rritur ofensivën e saj për të marrë terren më tej në zonat ku separatistët e mbështetur nga Moska tashmë kanë një bazë.

Ministria e Mbrojtjes e Britanisë tha në përditësimet e saj të rregullta se aktiviteti ajror rus mbetet i lartë mbi rajonin e Donbasit të Ukrainës me avionët rusë që kryejnë sulme të vazhdueshme.

Granatime të rënda në Ukrainën Lindore, plagosen dy gazetarë të Reuters, humb jetën shoferi që po i shoqëronte

Dy gazetarë të Reuters janë plagosur gjatë sulmeve ruse pranë qytetit Severodonetsk në Ukrainën lindore, konfirmoi një zëdhënës i Reuters për CNN.

Ndërsa shoferi i automjetit me të cilin po udhëtonin është vrarë.

“Gjatë raportimit, dy gazetarë të Reuters pësuan lëndime të lehta kur u sulmuan gjatë rrugës për në Sevierodonetsk. Ata po udhëtonin me një automjet të siguruar nga separatistët e mbështetur nga Rusia dhe të drejtuar nga një individ i caktuar nga separatistët. Shoferi i mjetit u vra”, tha zëdhënësi i Reuters.

Qyteti i Severodonetsk, në rajonin Luhansk të Ukrainës, ka parë disa nga granatimet më të rënda në ditët e fundit.

Ushtria ukrainase tha të premten se granatimet e pozicioneve mbrojtëse vazhdojnë dhe ka raportuar për sulme ajrore ruse në zonë. bw

Shefi i NATO-s: Përgatituni për një luftë të gjatë që mund të përfundojë vetëm në tryezë

Sekretari i përgjithshëm i NATO-s Jens Stoltenberg ka paralajmëruar vendet perëndimore se lufta do të vazhdojë për një kohë të gjatë.

Pas takimit me presidentin e SHBA-së Joe Biden në Shtëpinë e Bardhë, ditën e djeshme, Stoltenberg tha se NATO duhet të vazhdojë të mbështesë Ukrainën në atë që po shndërrohet në një konflikt të gjatë.

“Duhet të jemi të prgatitur për një kohë të gjatë, sepse ajo që shohim është një luftë e shndërruar në një luftë shkatërrimi me ukrainas që po paguajnë shtrenjtë për mbrojtjen e vendit të tyre dhe me Rusinë që po regjuistron shifra të larta të vrarësh,” tha ai.

Stoltenberg shprehet se kjo luftë ka gjasa të përfundojë në tavolinën e negociatave. Sipas tij vendet perëndimore duhet t’i mbështesin të dy vendet në tryezën e negocatave, pasi ajo lidhet ngushtë me atë që po ndodh në fushëbetejë.

“Kjo është e vetmja mënyrë që të dy palët të arrijnë një rezultat të kënaqshëm për këtë konflikt,” shtoji ndër të tjera Stoltenberg.

syri.net

Maryna 5-vjeçare kërkon ndihmë një protezë të mirë të këmbës

Maryna 5-vjeçare i është prerë këmba pasi një predhë goditi shtëpinë e saj në rajonin #Kherson.

Në shtëpi nuk kishte bodrum, kështu që familja u fsheh në dhomën më të sigurt, por predha goditi atje.

Predha thuajse e këputi këmbën e fëmijës, copa predhash goditën edhe gjymtyrët e sipërme të nënës të vajzës, Natalisë.

Fëmija është nxjerrë nga rrënojat nga gjyshi i tij.

Familjes iu desh të bënte 40 kilometra për të shkuar në spitalin më të afërt

Makina e tyre u qëllua pranë postblloqeve.

Maryna-s iu dha ndihma e parë nga ushtria ukrainase me një injeksion anestezik.

Nënë e bijë u dërguan në spitale të ndryshme, ndaj nuk u panë për më shumë se 3 javë.

Gjymtyrët e Natalias u shpëtuan – gruaja humbi një gisht.

Tani nëna dhe Maryna vazhdojnë të trajtohen në Spitalin Okhmatdyt.

“Kur e fashojnë, Marina mbyll sytë – jo prej dhimbjes, thjesht nuk dëshiron të shohë këmbën e saj”, – thonë mjekët.

Shikoni në sytë e kësaj vajze të vogël. Është Maryna.

Përhapeni këtë histori midis kompanive që mund t’i sigurojnë asaj një protezë të mirë të këmbës, në mënyrë që ajo të përjetojë fëmijëri normale pas gjithë këtyre tmerreve të luftës./Voal.ch

(Ky tekst është marrë nga Tweeti i Daria Kaleniuk)

Faqja 45 prej 115« Fillimi ‹ Prapa 41 42 43 444546 47 48 49 Para ›Fundi »

Statusi i miratuar i kandidatit për Ukrainën, Moldavinë… por jo për Gjeorgjinë

Përsëri zhgënjim i mundshëm për Ballkanin Perëndimor

Edhe sa shkallë deri te liberalizimi i vizave?

Bashkësia e re Politike Evropiane e Macronit

Idetë për Rusinë po mbarojnë

Përgatiti: Doruntina Baliu

Përgatiti: Krenare Cubolli

Përgatiti: Mimoza Sadiku

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL