VOAL

VOAL

Please Wait ...
0%

Stoltenbergu: Rritja e ndërhyrjes ushtarake ruse është shqetësuese

Duke vënë në dukje se nuk do të mund të kritikojë Turqinë në lidhje me rrëzimin e avionit rus Stoltenberg u shpreh se “secili komb ka të drejtën e ruajtjes dhe të mbrojtjes së integritetit të tij territorial”

BERLIN – Sekretari i Përgjithshëm i NATO-s, Jens Stoltenberg, në lidhje me rrëzimin e avionit rus që shkeli hapësirën ajrore turke, ka deklaruar se pas kësaj është e rëndësishme që të reduktohen tensionet dhe të zhvillohen mekanizmat e nevojshëm për të shmangur situatat e ngjashme në të ardhmen.

Stoltenberg në një deklaratë në gazetën Welt am Sonntag tha se ndërhyrjet ushtarake në rritje të Rusisë sjellin shqetësime. “Vërejmë ristrukturimin e konsiderueshëm të pranisë ushtarake ruse që nga veriu e deri në Mesdhe. Edhe në ato rajone (skandinave dhe vendet Baltike) duhet të shmangim ngjarje të ngjashme të papritura si ato në Turqi” ka pohuar Stoltenberg.

Duke vënë në dukje se nuk do të mund të kritikojë Turqinë në lidhje me rrëzimin e avionit rus Stoltenberg u shpreh se “secili komb ka të drejtën e ruajtjes dhe të mbrojtjes së integritetit të tij territorial”.

– “Në Siri nuk mund të pranohet një zgjidhje si në Ukrainë”-

Stoltenberg duke theksuar se “Në Siri nuk mund të pranohet një zgjidhje e ngjashme me atë në Ukrainë” ka rikujtuar se pas krizës në Ukrainë Rusia aneksoi Krimenë.

Sekretari i Përgjithshëm i NATO-s, Jens Stoltenberg ka theksuar më tej se lufta kundër organizatës terroriste DAESH (ISIS) nuk do të mund të kryhet vetëm me sulme ajrore. Ai ka deklaruar se “është e rëndësishme që të përfitohet nga sulmet ajrore për të ndaluar përparimin e më tepërt të DAESH”.

Stoltenberg ka shtuar ndër të tjera se është kundër edhe ndërhyrjes tokësore në Siri dhe ka shtuar se “kjo nuk ndodhet në rendin e forcave të koalicionit dhe të NATO-s. Ka nevojë më shumë për forca lokale se sa për forcat tokësore. Muslimanët janë në ballë të kësaj lufte. Nuk mund ta realizojmë për ato këtë luftë”.

Një avion luftarak i prodhimit rus me nacionalitet të papërcaktuar më 24 nëntor nga hapësira ajrore e Sirisë pati kaluar në anën turke dhe u rrëzua nga avionët turq F-16 për shkak se vazhdoi shkeljen pavarësisht 10 paralajmërimeve të bëra. Pas ngjarjes Rusia deklaroi se avioni i përkiste asaj. NATO konfirmoi saktësinë e informacioneve të paraqitura nga Turqia në lidhje me shkeljen e hapësirës ajrore të avionit.

Edhe në fillim të muajit tetor avionët luftarakë të Rusisë patën shkelur hapësirën ajrore të Turqisë, ku pas ngjarjes autoritetet ruse duke kërkuar falje kishin njoftuar se të njëjtat situata nuk do të përsëriteshin. Ndërsa Turqia kishte ripërsëritur se ndaj shkeljeve të hapësirës ajrore do të zbatonte rregullat e angazhimit që përfshijnë kundërpërgjigjen ushtarake. aa

Gjermani: U dëbua australiani që luftoi kundër ISIS-it

Luftëtarët kurdë ku bënte pjesë edhe australiani Dyball

 

Gjermania sot e ka dëbuar një shtetas të Australisë, i cili u ishte bashkuar luftëtarëve kurdë në luftën kundër militantëve të Shtetit Islamik në Irak dhe Siri.

Ministria e jashtme e Australisë ka konfirmuar se shtetasi i saj, Ashley Dyball, ishte dëbuar pasi ishte arrestuar në Gjermani, gjatë një ndërprerjeje në luftimet, ku ai ishte pjesë e forcave kurde, të njohura si Njësitet e Mbrojtjes Popullore (YPG).

Ai pritet që në Australi të arrijë sonte vonë.

Dyball, i cili e përdorë edhe emrin, Mitchell Scott, më 4 dhjetor në rrjetin Facebook ka shkruar se është akuzuar si terrorist dhe se ishte dërguar në një qendër të paraburgimit afër kufirit të Gjermanisë me Poloninë.

Ky person thotë se ka luftuar kundër militantëve të Shtetit Islamik prej fillimit të vitit 2015.

Nuk është menjëherë e qartë se a do të jetë Dyball subjekt i akuzave sipas ligjeve të Australisë, kundër shtetasve që i bashkohen grupit militant, Shteti Islamik.

Por, legjislacioni i Australisë parasheh dënim për ata që luftojnë për forcat e jashtme militante.

Prindërit ne tij kanë bërë thirrje për amnisti të djalit të tyre.

Sulm terrorist në Londër, në një stacion metroje plagosen tre veta

“Rastin jemi duke e hetuar si akt terrorist. Në vend ekziston një rrezik i lartë terrorist, dhe ka shenja të mëdha se sulmi i mbrëmshëm të jet i kësaj natyre.”, tha një zyrtari i policisë

LONDËR – Policia e Londrës ka arrestuar sulmuesin me thikë të natës së kaluar, i cili plagosi të paktën tre persona, kurse nga policia deklaruan se rasti po trajtohet si sulm terrorist.

Sulmi ndodhi mbrëmë në stacionin e metrosë Leytonstone në Londër, ndërsa dëshmitarët okularë në rrjetet sociale kanë publikuar video që tregon se si policia ka arritur të arrestojë një njeri  me ngjyrë i cili më parë kishte kërcënuar udhëtarët, kurse më pas edhe i sulmoi me thikë.

Një person ndodhet në gjendje të vështirë, kurse dy janë me lëndime të lehta, dhe gazetat në Londër njoftuan se sulmuesi bërtiste “Kjo është për Sirinë”.

Komandanti i Departamentit kundër terrorizmit, Richard Walton, tha se sulmuesi u shtrua në spital dhe është në arrest policor.

“Rastin jemi duke e hetuar si akt terrorist. Në vend ekziston një rrezik i lartë terrorist, dhe ka shenja të mëdha se sulmi i mbrëmshëm të jetë i kësaj natyre. I bëj thirrje qytetarëve të jenë të qetë, por të kujdesshëm në këtë situatë”, ka thënë Walton.

Walton gjithashtu iu bëri thirrje qytetarëve të cilët dëshmuan sulmin që të tregojnë të gjitha informacionet në polici ose xhirimet të cilat i posedojnë të cilat mund të ndihmojë në hetime.

Parlamenti i Britanisë së Madhe të enjten miratoi përfshirjen e ushtrisë britanike në operacionet ajrore kundër organizatës terroriste ISIS në Siri, dhe disa orë më vonë avionët britanik u ngritën nga bazat në Qipro dhe kryen sulmet e para kundër pozicioneve të organizatës terroriste. aa

Një parti myslimane në Francë

Rreth një muaj pas sulmeve terroriste në Paris, francezët nesër do të marrin pjesë në votime. Ekspertët parashikojnë se partia e djathtë Fronti Kombëtar do të marrë rezultate të forta në zgjedhjet lokale, duke theksuar frikën ndaj terrorizmit dhe emigracionit. Por, një parti e re, Bashkimi i Myslimanëve Demokratë Francezë, është duke bërë fushatë për një përfaqësim më të mirë të myslimanëve në politikën franceze, si dhe për të treguar se Islami dhe laicizmi francez mundet të bashkëjetojnë.

 

Khalid Majid nuk ka dalë në pazar për rroba. Ai kërkon vota.

Partia e tij, Bashkimi i Demokratëve Myslimanë (UDMF), po merr pjesë për herë të parë në zgjedhje. Shumë njerëz kënaqen që shohin një fytyrë të re dhe dëgjojnë një mesazh të ri.

Partia UDMF nuk pret të fitojë shumë vota. Thjesht përfshirja e më shumë myslimanëve në politikë është një hap përpara:

“Duhet të bëhen faktor. Nëse nuk luajnë rol sot, atëherë të tjerët do të krijojnë legjislacion kundër tyre. E kemi parë këtë gjatë viteve të fundit.”

Ferroudja Ghersbousbele nuk beson se partitë e mëdha franceze reflektojnë shqetësimet e myslimanëve të zakonshëm, të cilët janë të shqetësuar nga kundërreagimi pas sulmeve terroriste:

“Pas atyre që ndodhën, nuk mendoj se na përfaqësojnë. Duan më shumë ta ulin fenë myslimane se sa ta mbështesin.”

Partia UDMF po bën fushatë rreth temave si mjedisi dhe vendet e punës. Gjysma e kandidatëve të saj janë gra, dhe shumë prej tyre nuk mbajnë ferexhe. Por, platforma e saj trajton shumë nga shqetësimet e myslimanëve, si ndalimi i ferexhesë në shkolla. Anëtarët e kësaj partie thonë si identiteti i saj mysliman nuk ka përplasje me laicizmin francez.

Partia kundër emigrantëve, Fronti Kombëtar, gjendet në kahun tjetër të spektrit politik. Sidomos pas sulmeve terroriste në Paris, pikëpamjet e saj për shtetin ligjor po zënë vend edhe tek disa myslimanë.

Në qytete shumë-etnike, si Montreuil, Fronti Kombëtar u bën thirrje votuesve të zgjedhin vendin e tyre, dhe se UDMF-ja nuk ka vend në politikën franceze:

“Të marrësh pjesë në zgjedhje me këtë lloj tematike fetare myslimane është e papranueshme.”

Ekspertët nuk bien dakort për efektet që do të ketë Partia Myslimane. A do të ndihmojë ajo për bashkimin e francezëve, apo do t’i përçajë më tej? Apo thjesht do të zvenitet gradualisht? Ky debat do të vazhdojë përtej zgjedhjeve të së dielës.

Paris, akujt e Groenlandës para Pantheonit do të shkrihen deri në fund të Konferencës së Klimës

Këto masa akulli në kuadër të projektit “Ice Watch” me qëllim të tërheqjes së vëmendjes për ndryshimet klimatike do të jenë të ekspozuar deri në fund të Konferencës

PARIS – Në kuadër të projektit “Ice Watch” të artistëve Olufur Eliassonit dhe Minik Rosingut, me qëllim të tërheqjes së vëmendjes për ndryshimet klimatike, para Pantheonit në Paris janë vendosur 12 pjesë të akullnajave të rënda 80 ton, të cilat kanë notuar në ujërat rreth Groenlandës.

Këto masa akulli janë sjellë nga qyteti Nuuk, në Groenlandë. Artisti vendosi për këtë hap në kohën kur në Paris po mbahet Konferenca e Kombeve të Bashkuara për ndryshimet klimatike (COP21), ku marrin pjesë përfaqësues nga më së paku 195 vende të botës.

Për të vërtetuar ndikimin e njerëzve në ndryshimin e klimës, pjesë të akullnajave do të jenë të ekspozuar ndaj faktorit njeri dhe kushteve të motit në Francë. Kalimtarët, si tregues simbolik të ndikimit të faktorit njeri në akullnaja, do të lejohen të prekin akullin gjë e cila shkakton shkrirjen edhe më të shpejtë të tyre.

Këto akullnaja janë vendosur në zonën përreth Pantheonit dhe aty do të shkrihen deri në fund të Konferencës, më 11 dhjetor.

Qëllimi i konferencës është arritja e një marrëveshjeje të obligueshme në luftën kundër ndryshimeve klimatike dhe uljen e emetimit të gazrave të dëmshëm.

Marrëveshjet ekzistuese në këtë fushë janë të vlefshme deri në vitin 2020, dhe për këtë arsye pritet që liderët e vendeve pjesëmarrëse të nënshkruajnë udhëzimet e reja të cilave do t’iu përmbahen në dekadën e ardhshme.

Marrëveshja kornizë e Konferencës së Parisit pritet të publikohet më 9 dhjetor, në gjashtë gjuhët zyrtare të Kombeve të Bashkuara. aa

Itali, ekonomia informale kapi shifrën 206 miliardë euro në 2013

ROMË– Ekonomia informale dhe veprimtaritë e jashtëligjshme në Itali përbënin në vitin 2013 një shumë të operacioneve ekonomike me vlerë rreth 206 miliardë euro, ku shumica dërrmuese, rreth 190 miliardë kishin burim nga komponenti i parë, bëri sot të ditur një raport i Institutit Kombëtar të Statistikave (ISTAT).

“E titulluar “Ekonomia e pambikëqyrur”, ky raport vë theksin tek rritja ekonomike gjatë viteve të fundit të ekonomisë informale.

”Ajo vlerësohej me rreth 190 miliardë euro në 2013 dhe përbënte rreth 11,9 për qind të PBB-së, kundrejt 11,7 për qind të PBB-së në 2012 dhe 11,4 për qind të PBB-së në 2011″, sqaroi ISTAT.

”Tërësia e ekonomisë ‘jo e mbikëqyrur’ përfaqësonte rreth 12,9 për qind të PBB-së në 2013”, saktësoi ISTAT.

Pjesa më e madhe e kësaj ekonomie “jo e vëzhguar” (47,9 për qind) është e përfaqësuar nga të ardhura të pa deklaruara në sektorë të ndryshëm si shërbimet profesionale, ndërtimi, tregtia, transportet dhe hoteleria.

Pjesa e dytë më e madhe (34,7 për qind) e kësaj ekonomie është e përfaqësuar nga pasuria e bërë në sajë të punës në të zezë, e treta (9,4 për qind) nga qiratë në të zezë dhe bakshishet dhe e fundit (8 për qind) nga veprimtaritë e jashtëligjshme.

Hollande sot në aeroplanmbajtësen ‘Charles-de-Gaulle’ në brigjet e Sirisë

PARIS – Presidenti francez François Hollande do të vizitojë sot aeroplanmbajtësen franceze “Charles-de-Gaulle”, e dislokuar në Mesdheun Lindor për të marrë pjesë në operacionet kundër grupit të Shtetit Islamik (ISIS) në Siri dhe në Irak, njoftoi pallati presidencial Elysee.

“Hollande do të jetë i pranishëm sot në aeroplanmbajtësen ‘Charles de Gaulle’, e dislokuar në brigjet e Sirisë. Ai do të takojë ushtarakët e përfshirë në operacionet për intensifikimin e sulmeve kundër ISIS-it në Siri dhe në Irak”, sqaroi presidenca franceze në një deklaratë.

Presidenti francez që pritet të mbërrijë në “Charles-de-Gaulle” rreth mesditës, do të jetë për herë i pranishëm në platformën e operacioneve ushtarake franceze kundër ISIS-it.

Vizita i tij përkon tre javë pas sulmeve të 13 nëntorit të kryera nga xhihadistët ku u regjistruan 130 të vdekur dhe disa qindra të plagosur në Paris.

Ai do të mbajë një fjalim gjatë pasdites në anije ku janë të punësuar rreth 2 000 persona. Ai do të asistojë, referuar Elysee-së, në misionin e avionëve “Rafale” dhe “Etendard”.

Ushtarë gjermanë në Siri – Bundestagu i jep driten jeshile ndërhyrjes ushtarake ndaj ISIS-it

VOAL – BERLIN, 4 DHJETOR – Në Berlin sot në mëngjes Bundestagu miratoi me shumicë të gjerë ndërhyrjen ushtarake në Siri kundër të vetëshpallurit Shtet Islamik – ISIS, shkruan Voice Of Albanians – voal.ch. Deputetët gjermanë mbështetën vendimin e Qeverisë së drejtuar nga Angela Merkeli për t’i garantuar një ndihmë Francës, pas atentatit në Paris para tri javësh.

Në favor të ndërhyrjes nga ana e Bundeswehrit dhe Luftwafes në operacionet ushtarake ndërkombëtare kundër ISIS-it në Siri votuan 445 nga 598 sa ka parlamenti gjerman, 146 ishin kundër dhe shtatë abseanuan. Parashikohet të dërgohen deri 1 200 ushtarë dhe gjashtë avionë zbulues Tronado, por në zonën e konflikit do të shkojë edhe një fregatë në mbështetje të aeroplambajtëseve franceze Charles-de-Gaulle e një aerocisternë për furnizimin e mjeteve ajrore.

Ekzekutivi gjerman gjithsesi ka përjashtuar kategorikisht mundësinë e bashkimit me SHBA, Rusinë, Britaninë dhe Francën për të kryer sulme ajrore në territorin sitian. Reuters/AFP/AP

Gjermania voton sot për misionin anti-ISIS

Parlamenti i Gjermanisë do të vendosë sot nëse do të ofrojë ose jo mbështetje ushtarake në luftën kundër militantëve të Shteti Islamik në Siri.

Korrespondentët raportojnë se ligjvënësit pritet të miratojnë planin.

Një avion zbulues Tornado, një fregatë detare dhe 1 200 ushtarë do të dërgohen më pas në rajon.

Por, forcat gjermane nuk do të angazhohen në luftime.

Pas sulmeve terroriste në Paris, kancelarja gjermane, Angela Merkel, ka pranuar kërkesën e Francës për të ofruar mbështetje për operacionet e saj kundër Shtetit Islamik në Siri.

Të enjten, avionët britanikë kanë kryer po ashtu sulmet e para kundër objektivave terroriste në Siri.

Sulmet në Paris, më 13 nëntor, kanë lënë të vrarë 130 persona.

Përgjegjësinë për to e kanë marrë militantët e Shtetit Islamik.

Kushtetuesja spanjolle i thotë ‘jo’ pavarësisë së Katalonias

VOAL – MADRID, 2 DHJETOR – Deklarata e Pavarësisë e Parlamentit të Katalonias u anullua njëzëri nga Gjykata Kushtetuese e Spanjës, e cila shqyrtoi ankesën e qeverisë së Madridit, paraqitur më 11 nëntor, shkruan Voice Of Albanians – voal.ch. Kështu bën të ditur El Pais online, duke nënvizuar se vendimi është ndër më të shpejtit në historinë e Gjykatës.

Synim i kryetarit të Gjykatës, Francisco Pérez de los Cobos, i cili u respektua, ishte që vendimi të merrje para së premtes, datë e fillimit të fushatës zgjedhore për zgjedhjet parlamentare të 20 dhjetorit.

Deklarata e Pavarësisë u miratua më 9 nëntor nga deputetët e koalcioni Junts pel Sì bashkë me komunistët e CUP të cilët së bashku kanë shmicën në Parlament.

BE-ja dhe Kolumbia nënshkruajnë marrëveshje për heqjen e vizave

Gjatë një ceremonie të mbajtur në Bruksel, Bashkimi Evropian dhe Kolumbia, kanë nënshkruar marrëveshje për heqjen e vizave për qëndrim të shkurtër për qytetarët e Kolumbisë në Evropë dhe për evropianët që duan të shkojnë në Kolumbi.

Në emër të BE-së, marrëveshja është nënshkruar nga Jean Asselborn, ministër i Emigracionit dhe Azilit në Luksemburg njëherazi kryetar i Këshillit si dhe nga Dimitris Avramopoulos, komisioner për Emigrim, Punë të Brendshme dhe Shtetësi.

Maria Angela Holguin, ministre e jashtme e Kolumbisë, ka qenë gjithashtu pjesë e nënshkrimit të kësaj marrëveshje.

Marrëveshja është nënshkruar në prani të presidentit kolumbian Juan Manuel Santos dhe shefes për politikë të Jashtme të BE-së, Federica Mogherini.

Me marrëveshjen e re, sipas një komunikate të lëshuar nga Këshilli i Evropës, qytetarët e BE-së mund të udhëtojnë drejt Kolumbisë dhe të qëndrojnë pa viza deri në 90 ditë brenda 180 ditëve. Një lehtësim i tillë është mundësuar edhe për qytetarët e BE-së.

“Kjo marrëveshje do ti sjellë më afër njerëzit e Kolumbisë dhe të BE-së”, ka thënë Jean Asselborn.

Rusia kërcënon Malin e Zi, SHBA e përgëzon

Bruksel, 2 dhjetor 2015

Ministrat e Jashtëm të NATO-s kanë rënë dakord që të ftojnë Malin e Zi për t’iu bashkuar aleancës ushtarake në vitin 2017.

Vendimi ka shkaktuar kërcënime të menjëhershme nga Rusia për masa të paspecifikuara hakmarrëse.

Zëdhënësi i presidentit rus, Vladimir Putin, ka thënë se Rusia ka paralajmëruar se “vazhdimi i zgjerimit të NATO-s dhe i infrastrukturës ushtarake të NATO-s në lindje nuk mund të mos çojë në përgjigje nga lindja, pra nga Rusia”.

Zëdhënësi Dmitry Peskov nuk ka pranar të japë shpjegime se për çfarë veprimesh bëhet fjalë, por ka thënë se ato do të mbrojnë interesat rusë të sigurisë dhe do të mbështesin barazinë midis Moskës dhe aleancës.

Sekretari amerikan i Shtetit, John Kerry, ka thënë se NATO-ja nuk është kërcënim për askënd, e as për Rusinë.

“Sot kemi marrë një hap tjetër drejt integrimit të plotë të Evropës, drejt mbrojtjes së përbashkët, duke ftuar Malin e Zi në aleancë dhe duke konsoliduar vendin e tij në komunitetin euro-atlantik të sigurisë, si dhe duke riafirmuar politikën e dyerve të hapura të NATO-s. Qeveria ime do të punojë me udhëheqjen e Malit të Zi në muajt e ardhshëm”, ka thënë Kerry.

Ministria e Jashtme e Rusisë ka paralajmëruar muajin e kaluar se hyrja e Malit të Zi në NATO do të ishte “një tjetër goditje për sigurinë evropiane dhe marrëdhëniet midis Rusisë dhe NATO-s”.

Moska po ashtu ka thënë se zgjerimi i NATO-s me vendet e Ballkanit do të ishte “provokim” dhe ka paralajmëruar se integrimi me Evropën nuk do të çojë në përparimin e Malit të Zi.

Agjencia ruse e lajmeve RIA ka cituar sot një anëtar të Dhomës së Lartë të Parlamentit rus të ketë thënë se Rusia do t’iu japë fund projekteve të përbashkëta me Malin e Zi nëse ai i bashkohet NATO-s.

Viktor Ozerov, udhëheqës i Komitetit për Mbrojtje dhe Siguri në Parlamentin rus, ka thënë se projektet që mund të anulohen, i përfshijnë edhe ato në zonat ushtarake.

Në javët e fundit, edhe partitë pro-ruse në Mal të Zi kanë organizuar protesta në rrugë, duke kërkuar dorëheqjen e kryeministrit malazez, Millo Gjukanoviq, dhe zgjedhje të parakohshme.

Gjukanoviq, i cili ka refuzuar të japë dorëheqje, ka akuzuar Serbinë dhe Rusinë për nxitje të trazirave, duke thënë se qëllimi i tyre është ta bëjnë Malin e Zi të duket i paqëndrueshëm.

Autoritetet malezeze i ka uruar sot edhe presidentja e Kosovës, Atifete Jahjaga.

“Përgëzime Malit të Zi për ftesën për t’iu bashkuar NATO-s. Është moment historik. Kosova synon t’ju bashkohet shpejt”, ka shkruar Jahjaga në Twitter.

Malit të Zi mund t’i duhen deri në 18 muaj për të hyrë formalisht në NATO. Kjo kërkon miratimin e ligjvënësve nga të 28 vendet anëtare të aleancës.

Zëvendëskryeministri i Malit të Zi, Igor Llukshiq, ka thënë se vendi i tij do të vazhdojë me realizimin e reformave, përfshirë luftimin e korrupsionit dhe përmirësimin e sektorit të mbrojtjes.

“Jemi plotësisht të vetëdijshëm se ftesa nuk është fundi i procesit, por fillimi i një procesi të ri”, ka thënë Llukshiq.

Vendimi i sotëm i NATO-s ka ardhur 16 vjet pasi aleanca ka bombarduar Malin e Zi, gjatë luftës në Kosovë, kur ai ende ka qenë pjesë e Jugosllavisë.

Mali i Zi, me rreth 650,000 banorë, ka një ushtri të vogël me rreth 2,000 anëtarë aktivë.

NATO, për herë të fundit, është zgjeruar në vitin 2009 me Shqipërinë dhe Kroacinë.

Përgatiti: Valona Tela

Në Detin Egje më 2015 janë mbytur 185 fëmijë të refugjatëve

Ky informacion u publikua nga Fondi Ndërkombëtar i Emergjencave të Kombeve të Bashkuara për Fëmijët (UNICEF) i cili pretendon se numri i fëmijëve të mbytur përbën30 përqind të numrit të përgjithshëm (590) të të mbyturve në Detin Egje

GJENEVË – Në vitin 2015, në Detin Egje ndërmjet Turqisë dhe Greqisë kanë humbur jetën 185 fëmijë të refugjatëve.

Ky informacion u publikua nga Fondi Ndërkombëtar i Emergjencave të Kombeve të Bashkuara për Fëmijët (UNICEF) i cili pretendon se numri i fëmijëve të mbytur përbën 30 përqind të numrit të përgjithshëm (590) të të mbyturve në Detin Egje.

Në shtator të këtij viti opinion botëror e kanë tronditur pamjet e fëmijës sirian, Aylan Kurdi i gjetur në brigjet e bregdetit turk të Bodrumit. Që nga atëherë, sipas zëdhënëses së UNICEF-it, Sarah Crowe, vetëm në tetor në Detin Egje janë mbytur 90 fëmijë. aa

Obama: E mbështesim të drejtën e vetëmbrojtjes të Turqisë

PARIS – Presidenti i SHBA-ve Barack Obama, pas takimit të tij me presidentin turk, Recep Tayyip Erdogan), në lidhje me avionin rus të rrëzuar i cili e kishte shkelur hapësirën ajrore turke ka deklaruar se: “E mbështesim të drejtën e Turqisë për të mbrojtur veten”.aa

Erdogani takon Obamën: Dëshirojmë të kontribuojmë për paqen e rajonit

Erdogan, pas takimit me Presidentin e Shteteve të Bashkuara të Amerikës, Barack Obama ka deklaruar se: “Kemi vlerësuar zhvillimet mes Turqisë dhe Rusisë”

PARIS – Presidenti i Turqisë, Recep Tayyip Erdogan, është takuar sot me presidentin amerikan, Barack Obama në Paris, i ndodhur në kryeqytetin francez në  kuadër të Konferencës së Kombeve të Bashkuara për Ndryshimin e Klimës (COP21).

Erdogan, pas takimit me Presidentin e Shteteve të Bashkuara të Amerikës, Barack Obama ka deklaruar se: “Kemi vlerësuar zhvillimet mes Turqisë dhe Rusisë. Qëllimi ynë këtu është se si të arrijmë në një rezultat nëpërmjet bisedimeve dhe temave diplomatike. Për shkak të tensioneve në rajon, edhe ne jemi të mërzitur”.

Presidenti Erdogan për marrëdhëniet Turqi-Rusi ka pohuar se: “Ne nuk kemi qëllimin të dalim të dëmtuar nga kjo, përkundrazi dëshirojmë që këtë ta shndërrojmë në paqe dhe të kontribuojmë për paqen e rajonit”. aa

Obama, Putin takohen në Paris

Presidenti amerikan Barak Obama i shprehu keqardhje presidentit rus Vladimir Putin për rrëzimin e avionit luftarak rus nga Turqia javën e kaluar dhe i bëri thirrje udhëheqësit të Kremlinit për të ulur tensionet me Turqinë.

Dy udhëheqësit u takuan për 30 minuta në periferitë e Samitit të Klimës jashtë Parisit. Turqia thotë se e rrëzoi avionin pasi kishte hyrë në hapësirën e saj ajrore. Njëri nga pilotët u vra gjatë përpjekjeve të mëvonshme për ta shpëtuar. Zoti Putin reagoi duke vendosur sanksione ekonomike kundër Ankarasë.

Presidenti Obama dhe Presidenti Putin diskutuan në hollësi edhe mbi luftën në Siri. Uashingtoni dhe Moska thanë se ata ranë dakord mbi nevojën e një zgjidhjeje politike të konfliktit që vazhdon prej 4 vjetësh e gjysmë ndërmjet grupeve kryengritëse që përpiqen të rrëzojnë Presidentin Bashar al -Assad dhe forcave besnike të qeverisë së tij.

Shtëpia e Bardhë tha se udhëheqësit diskutuan mbi nevojën e ngutshme për të bërë përparim në bisedimet e Vjenës, të cilat synojnë arritjen e një armëpushimi dhe të një zgjidhjeje politike. Por presidentët Obama dhe Putin kanë mosmarrëveshje mbi fatin e Asadit. Presidenti Obama i tha zotit Putin se Assadi duhet të largohet nga pushteti. Ndërkaq Moska vazhdon bombardimet ajrore ndaj grupeve që janë kundër Asadit.

Lunaçek: Arrestimi i Kurtit sipas procedurave, por në kohë të papërshtatshme

Ulrike Lunacek komenton situatën e fundit politike në Kosovë si dhe tensionet në rritje mes opozitës dhe Qeverisë lidhur me marrëveshjet për Asociacionin me Serbinë dhe demarkacionin me Malin e Zi.

Nënkryetarja e Parlamentit Evropian dhe raportuesja për Kosovën, Ulrike Lunacek, në një intervistë dhënë për KosovaPress, tha se arrestimi i deputetit Albin Kurti dhe aktivistëve të tjerë është bërë në kohë të papërshtatshme. Ajo ka porositur Qeverinë dhe opozitën që të gjejnë mënyra për tejkalimin e mospajtimeve, duke e parë propozimin pesë pikësh të Vjosa Osmanit e Ilir Dedës si alternativë për kalimin e kësaj krize.

“Duke i parë protestat e dhunshme në Kuvendin e Kosovës, unë edhe njëherë kërkoj nga partitë opozitare dhe Qeveria përgjegjësi politike që të mos ketë edhe më shumë përshkallëzime në dhunë. Arrestimi i deputetit të Lëvizjes Vetëvendosje Albin Kurti dhe dhjetëra aktivistëve të tjerë të shtunën, mund të jetë kryer sipas procedurave penale, por duke marre parasysh situatën e tensionuar, koha dhe shtrirja e këtij aksioni nuk ishin të dobishme për të përkrahur një fillim fuqimisht të nevojshëm për dialog në mes të opozitës dhe Qeverisë”, tha Lunacek për KosovaPress.

Raportuesja për Kosovën në Parlamentin Evropian, Lunacek ka porositur që dialogu të jetë mjeti i vetëm për zgjidhjen e mospajtimeve, duke bërë thirrje që të shfrytëzohen mundësitë e ndryshme për të ardhur tek dialogu.

“Në këtë mënyrë, e ripërsëris thirrjen time për dialog, si të vetmin mjet për të zgjidhur mos pajtueshmëritë. Po ashtu inkurajoj të gjitha palët që të shfrytëzojnë mundësitë e ndryshme për të dialoguar, përfshirë edhe propozimin e deputetëve Deda-Osmani”, ka thënë Lunacek në një intervistë për KosovaPress, të cilën të plotë do ta publikojmë

Paris: Është hapur samiti për klimën

Presidenti amerikan Barack Obama (në mes) duke u përshëndetur me sekretarin e përgjithshëm të OKB-së Ban Ki-Moon, pasi ishte pritur nga presidenti francez Francois Hollande (djathtas)

Shefat e shteteve dhe të qeverive të afro 150 vendeve sot në Paris e kanë hapur samitin për klimën, që synon arritjen e marrëveshjes afatgjatë për ndaljen e rritjes së temperaturës në Tokë.

Kjo konferencë e Kombeve të Bashkuara për klimën zgjatë deri më 11 dhjetor.

Samiti po mbahet nën masa të jashtëzakonshme të sigurisë, pas sulmeve terroriste në Paris, më 13 nëntor, nga të cilat u vranë 130 vetë dhe u plagosën qindra të tjerë.

Dje në qendër të Parisit kundër këtij samiti demonstruan mijëra njerëz.

Meqë protesta nuk ishte lejuar nga autoritetet, për shkak të gjendjes së jashtëzakonshme pas sulmeve terroriste, policia i ka arrestuar 208 njerëz, ndërsa prej tyre 174 vetë janë mbajtur në paraburgim, pas përleshjeve ndërmjet protestuesve dhe policisë.

 

 

Obama i përkujtoi viktimat e sulmit në Paris

Barack Obama, Francois Hollande dhe Anne Hidalgo (nga e djathta në të majtë) gjatë vizitës në sallëën muzikore Bataclan në Paris

Presidenti amerikan, Barack Obama, i ka nderuar viktimat e sulmit të fundit terrorist, në sallën muzikore Bataclan në Paris.

Zoti Obama, i shoqëruar nga presidenti i Francës, Francois Hollande, dhe kryetarja e qytetit të Parisit, Anne Hidalgo, mbrëmë vonë, ka vendosur lule në këtë sallë, ku më 13 nëntor janë vrarë 90 njerëz nga një sulmues vetëvrasës.

Vizita është bërë nën masa të shtuara të sigurisë.

Prej tragjedisë së 13 nëntorit, në Francë është shpallur gjendje e jashtëzakonshme.

Sallën e koncereteve Bataclan, e ka vizituar edhe kryeministri i Kanadasë, Justin Trudeau, i shoqëruar nga kryeministri francez, Marnuel Valls.

Aktualisht, Obama dhe liderët e tjerë botërorë në Paris marrin pjesë në samitin e Kombeve të Bashkuara për klimën.

Pas sulmeve të Parisit, dilemë dhe ankth në Evropën pa kufi

Në Bruksel, është kthyer një fare normaliteti me hapjen e disa shkollave dhe rivënien në funksionim të transportit publik. Por gjendja mbetet e tensionuar, ndërsa operacioni më masiv i sigurisë në kryeqytetin belg që nga Lufta e Dytë Botërore vazhdon dhe me lëshimin e një urdhri të ri arresti ndërkombëtar. Kolegia Keida Kostreci njofton se ngjarjet e fundit kanë rihapur debatet e vështira për hapat parandaluese që mund të ishin marrë, të ardhmen e Shengenit dhe sfidën e radikalizimit në Belgjikë dhe vende të tjera të Evropës.

Autoritetet e sigurisë në Bekgjikë, janë vendosur përballë kritikave të ashpra, pasi të paktën tre nga personat e përfshirë në sulmet e Parisit, përfshirë organizatorin Abdelhamid Abaaoud, vinin nga ai vend.

Por ambasadori belg në Shtetet e Bashkuara, Ohan Verbeke, thotë se e hedh poshtë idenë se gjithçka ishte planifikuar në vendin e tij.

“Ishte një përpjekje e përbashkët mes terroristëve radikalë ekstremistë që kanë bashkuar forcat në planifikimin dhe ekzekutimin e sulmeve”.

Megjithëse e pranon se ka vend për përmirësim, ambasadori Verbeke thotë se nuk kishte ndonjë sinjal në Belgjikë ose vende të tjera para sulmeve se diçka po kurdisej në Bruksel. Fakti që një sulm i tillë u planifikua dhe ekzekutua nga njerëz që qarkullonin lirisht nga një vend në tjetrin, ka ngritur pikëpyetje për zonën pa kufij të Shengenit.

“Zona e Shengenit, që më mirë ta quajmë me emrin e vërtetë, hapësira e lirisë, ku njerëzit qarkullojnë pa pengesa të mëdha, është një nga themelet e integrimit dhe ne nuk duhet të heqim dorë prej saj, për shkak të problemeve me të cilat përballemi aktualisht”.

Por të tjerë kanë më shumë dyshime për të ardhmen e zonës pa kufij me 26 vende.

“Është një çështje ekzistenciale për të ardhmen e Bashkimit Evropian”.

Ambasadori britanik në Shtetet e Bashkuara, Peter Westmacott thotë se disa ndryshime janë të nevojshme.

“Në vende si i yni që janë jashtë Shengenit, do të përpiqen edhe më shumë që kontrolli i kufijve kombëtar të jetë më rigoroz, në mënyrë që njerëz të tillë të kapen në kufi pa pasur mundësi të shkaktojnë dëm”.

Dy ambasadorët bien dakord se duhet të forcohet kontrolli në kufijtë e jashtëm të Shengenit, të përmirësohet shkëmbimi i informacioni dhe të shtohen rivendosen masat e kontrollit në kufijtë kombëtarë në raste urgjente.

Një problem më i vështirë dhe delikat është radikalizimi. Ambasadori Verbeke e pranon se disa komunitete kanë vështirësi, por thotë se problemi i radikalizimit është individual.

“Duhet ta shikojmë si një çështje ku të rinjtë për shkak të moshës së re, sepse jetojnë në një komunitet mysliman që janë në kushte më të vështira, janë më të ekzpozuar dhe për këtë arsye më të prirur për t’iu përgjigjur tundimit për aventurë”.

Ai thotë se Belgjika është një vend i hapur dhe kozmopolitan dhe nuk do të heqë dorë nga vlerat e saj, por e pranon se mund të bëhet më shumë për përmirësimin e gjendjes.

“Ne do të bëjmë përpjekje më të mëdha për të integruar komunitetin mysliman në shoqërinë tonë, në mënyrë që të jemi vërtet ajo shoqëri shumëtnike, shumëkulturore për të cilën jemi krenarë”.

Ambasadori britanik Westmacott thotë se është e rëndësishme që të mos stigmatizohen grupe të tëra për shkak të veprimeve të disa individëve.

Ndërkohë, vendeve evropiane u duhet të përballen me sfidën afatshkurtër të neutralizimit të personave të përfshirë në sulmin e Parisit dhe që ndoshta synojnë akte të ngjashme, dhe atë afatgjatë të integrimit të grupeve të izoluara në një pjesë të botës ku kufijtë e hapur – për një kohë të gjatë burim krenarie – janë kthyer të paktën për momentin në arsye për pasiguri dhe frikë.

Ukraina mbyll hapsirën ajrore për Rusinë

Ukraina mbylli hapësirën ajrore për të gjithë avionët rusë dhe ndaloi blerjen e gazit natyror rus pasi eksportuesi Gazprom njoftoi se do të ndalë dërgimin në gazit në Ukrainë.

Kryeministri pro-perëndimor ukrainas Arseniy Yatsenyuk në një takim të kabinetit sot tha se qeveria vendosi të ndalojë të gjitha fluturimet ruse në hapësirën ajrore të Ukrainës”, si një çështje e sigurisë kombëtare dhe si përgjigje ndaj veprimeve agresive të Rusisë.”

Muajin e kaluar, Ukraina ndaloi të gjitha linjat ajrore ruse të fluturonin në Ukrainë, por aeroplanët rusë lejoheshin të përdornin hapësirën e saj ajrore.

Erdogan: Askush të mos mashtrojë askënd, në atë rajon nuk gjendet ISIS-i, por Turkmenët

Erdogan i cili tha se Turkmenët e Bajırbucakut janë në përpjekje të mbrojtjes së tokave të tyre dhe i kanë dërguar familjet e tyre nëpër kampe, vazhdojnë të rezistojnë

ANKARA – Presidenti i Turqisë Recep Tayip Erdogan tha se, “Rajoni ku janë Turkmenët e Bayırbucak-ut nuk është rajoni ku ndodhet ISIS. Askush të mos e mashtroje askënd. Atje janë Turkmenët e Bayırbucakut, janë bashkatdhetarët tanë, janë të afërmit tonë dhe duke thënë se “Jemi duke goditur organizatën terroriste ISIS” godasin Turkmenët e Bayırbucak-ut”.

Presidenti Erdogan, i cili në kuadër të ditës së Mësuesve në Turqi dha një recepcion, bëri vlerësime në lidhje me ngjarjet e fundit.

Erdogan i cili tha se Turkmenët e Bayırbucakut janë në përpjekje të mbrojtjes së tokave të tyre dhe i kanë dërguar familjet e tyre nëpër kampe, vazhdojnë të rezistojnë.

Turkmenët e Bayirbucakut për shkak të afërsisë farefisnore me vendin tonë ashtu siç janë Turkmenët e Halepit, Humusit, Damaskut, Golanit kanë një vlerë të ndryshme për ne. Shumë mirë i dijmë qëllimet pas sulmeve të cilat i shënjestrojnë Turkemnët e Bayırbucakut​ nga ana e regjimit të Asadit dhe ata të cilët mbështesin regjimin. Qellimi i vetëm në këtë rajon ku gati se asnjë prani nuk ka ISIS-i është mbështetja e regjimit të Asadit. Turqia ka vendosur që linjën nga Cerablus​ e deri në Detin e Mesdheut ta pastroje nga organizatat terroriste. Ne si Turqi i mbështesim vëllezrit tonë që jetojnë në këtë rajon dhe do të vazhdojmë ti mbështesim” tha Erdoğan.

– “Mobilizojmë të gjitha mundësitë tona për ti ndihmuar vëllezërit tanë”

Presidenti Erdogan duke theksuar se populli asnjëherë nuk do ti falë ata që janë duke i sabotuar ndihmat e bëra për Turkmenët e Bayirbucakut vetëm për të krijuar një perceptim kundër tij dhe qeverisë tha se, “Mobilizojmë të gjitha mundësitë tona edhe në vendin tonë por edhe në anën tjetër të kufirit për ti ndihmuar vëllezërit tanë që janë duke luftuar në rajon në kushte të vështira”.

Erdogan i cili theksoi se së bashku me shtetet aleate së shpejti do ta zbatojnë praktikën rajoni i sigurisë në linjën Cerablus-Deti Mesdhe, tha se në njërën anë do ti parandalojnë dramat e reja njerëzore ndërsa nga ana tjetër do ti ofrojnë mundësi refugjatëve të cilët duan të jetojnë në atdheun e tyre. Erdogan në vazhdim tha: “Ata të cilët nuk do ti ndihmojnë ose do ta parandalojnë Turqinë në këtë përpjekje, do të jenë shkaktar të vdekjes të çdo njeriut në Siri”.

Presidenti turk në vazhdim tha: “Ne nuk kemi asnjë përpjekje tjetër përveç se ti sigurojmë popullit të Sirisë një të ardhme të sigurt dhe stabil. E dimë se edhe siguria jonë kalon nga kjo. Njësoj edhe shpëtimi i Europës nga kriza e refugjatëve dhe terrorizmit kalon nga stabiliteti i Sirisë. Shpresojmë që ditët e ndritshme për vëllezrit tonë janë afër. I uroj suksese vëllezërve tonë Turkmenë në luftën e tyre, lutjet dhe mbështetjet tona do të jenë deri në fund me ato”. aa

Merkel – Davutoglusë: Çdo shtet ka të drejtë të mbrojë territorin e tij

Merkel tha se ka bërë një bisedë telefonike me kryeministrin turk, Ahmet Davutoglu, dhe se ka kërkuar që të bëhet gjithçka për uljen e tensionit

BERLIN – Kancerlarja Gjermane Angela Merkel, në lidhje me rrëzimin e avionit luftarak rus i cili shkeli hapësirën ajrore turke, ka deklaruar se çdo shtet ka të drejtën për mbrojtjen e territorit të tij”.

Merkel në deklaratën e saj gjatë bisedimeve për buxhetit në parlament duke theksuar se zgjidhja e vërtetë për konfliktin në Siri do të ishte zgjidhje politike tha se: “Sigurisht rrëzimi i një avioni rus nga ana e Turqisë e ka përkeqësuar gjendjen. Duhet të bëjmë gjithçka që të mos kemi tensione. Sigurisht çdo vend ka të drejtën për mbrojtjen e territorit të tij”.

Ajo tha se ka bërë një bisedë telefonike me kryeministrin turk, Ahmet Davutoglu, dhe se ka kërkuar që të bëhet gjithçka për uljen e tensionit.

Merkel duke iu referuar bisedimeve për krizën e Sirisë në Vjenë tha se bashkimi shumë i shpejt i aktorëve të rëndësishëm për gjetjen e zgjidhjes për konfliktin sirian është premtuese, dhe se për shkak të ngjarjes së djeshme nuk duhet të ndikojë  ky zhvillim.

Francë: Rrëmbyesi u vra, bllokada përfundoi

Autoritetet e Francës thonë se policia e ka vrarë një person, pasi grupi i tij me armatim të rëndë i rrëmbeu disa njerëz në një qytet verior afër kufirit me Belgjikën, por ka precizuar se ky incident nuk ka pasur ndërlidhje me terror.

Grupi i armatosur mbrëmë është përpjekur ta rrëmbej një menaxher të një banke lokale në qytetin Rube dhe për hapjen e arkës me para, ka thënë prokurori, Frederic Fevre.

Menaxheri ia doli të ikte, pasi kishte arritur policia, ndërsa plaçkitësit e armatosur u bllokuan në një shëtpi dhe i morën peng gruan e tij, vajzën dhe fëmijën 11 muajsh.

Pas një bllokade dyorëshe, forcat e policisë speciale ia dolën të depërtojnë në shtëpi dhe i liruan të rrëmbyerit, e vranë një të dyshuar për sulm, dhe e arrestuan personin e dytë.

Sulmuesit e tjerë ia dolën të ikin nga vendi i ngjarjes, ka thënë prokurori Fevre, por nuk është e qartë se sa vetë ishin në këtë grup.

Nuk ka indikacion të menjëhershëm se ky incident ka lidhje me sulmet e 13 nëntorit në Paris.

“Ishte operacion kriminal dhe nuk ishte i lidhur me terrorizëm”, u tha Fevre gazetarëve.

Një jelek vetëvrasës u gjet pranë Parisit

Autoritetet franceze kanë bërë të ditur se kanë gjetur një jelek vetëvrasës, të ngjashëm me rripat vetëvrasës që janë përdorur gjatë sulmeve të 13 nëntorit në kryeqytetin francez.

Jeleku është gjetur i braktisur në një grumbull rrënojash në jug të Parisit.

Zyrtarët francezë kanë thënë se analizat e laboratorit kanë treguar se materiali shpërthyes në jelek, është i njëjtë me atë që është përdorur nga shtatë sulmuesit vetëvrasës në Paris.

Përgjegjësinë për këto sulme, që kanë lënë të vrarë 130 veta, e kanë marrë militantët e Shtetit Islamik.

Autoritetet franceze dhe belge janë ende në kërkim të njërit prej sulmuesve të dyshuar të Parisit, Salah Abdeslam.

Burime të sigurisë kanë thënë se është ende herët të konstatohet nëse jeleku i gjetur i përket Abdeslamit.

Brukseli është në qendër të hetimeve prejse është zbuluar se dy sulmues që kanë hedhur veten në erë në Paris, kanë jetuar në Belgjikë.

Brukseli është vënë nën alarmin më të lartë të kërcënimit të sigurisë, i cili pritet të vazhdojë edhe për një javë.

Pjesa tjetër e Belgjikës mbetet në nivelin e tretë të alarmit, çfarë do të thotë se sulmet shihen si të mundshme dhe të besueshme.

Belgjikë: Arrestohen edhe 5 të dyshuar, Abdeslam ende në ikje

Pamje e masave të shtuara të sigurisë në Bruksel

Policia në Bruksel ka ndërmarrë më tepër bastisje, me ç’rast i ka arrestuar edhe pesë persona të dyshuar, derisa po vazhdon kërkimi për një të dyshuar për sulmet në Paris, i cili është ende në ikje.

Autoritetet belge më sot më herët kanë shpallur se i kanë arrestuar 16 vetë në ndërhyrjet në Bruksel dhe qytetin tjetër, Sharlerua, mbrëmë vonë.

Zëdhënësi i Prokurorisë federale të Belgjikës, Eric Van Der Sypt, tha se i dyshuari kryesor në këtë rast, militanti i lindur në Francë, Salah Abdeslam, nuk “është në mesin e të arrestuarve gjatë kërkimeve të mbrëmshme.

Në sulmet terroriste të 13 nëntorit në Paris, janë vrarë 130 vetë dhe janë plagosur qindra të tjerë.

Pas këtyre sulmeve, në pjesën më të madhe të vendeve evropiane janë shtuar masat e sigurisë.

Schengen Fortesa – ja si duket

Qeveria e Holandës thuhet se ka ardhur me nje ide të krijimit të një “mini-Schengen” zone, për të vendosur kontrollin e pasaportave në çdo hyrje të pesë shteteve. Kështu do të dukej kjo iniciativë:

shengeni

Bruksel: 16 arrestime, Salah nuk gjendet

VOAL – BRUKSEL, 23 NËNTOR – I kërkuari numër një Salah Abdeslam nuk është e gjetur, shkruan Voice Of Albanians, voal.ch. Lajmin e jep prokurori federal belg Eric Van der Sypt. Gjashtëmbëdhjetë veta janë arrestuar përgjatë bastisejeve që janë zhvillluar natën e mbrëmshme në Bruksel.

Nuk janë gjetur armë apo lëndë shpërthyese gjatë këtyre bastisjeve. Policia ka bërë 19 bastisje në Bruksel, në lagjet Molenbeek, Anderlecht, Jette, Woluwe-Saint-Lambert e Forest. Tri bastisje të tjera u bënë në Charleroi. ansa

Fotot: Aksion në Bruksel, policia banorëve: Mos dilni në dritare!

Voal – Policia dhe ushtria belge po krehin zonën në qendër të Brukselit gjatë këtyre orëve, duke evakuar hotelet dhe restorantet dhe duke iu bërë thirrje banorëve të qëndrojnë larg dritareve.

Aksioni po kryehet pranë shesheve qëndrore të qytetit.

22-11-2015 22-21-0422-11-2015 22-21-4222-11-2015 22-22-3622-11-2015 22-23-15

 

Ministri i Brendshëm gjerman tërheq vëmendjen për fenomenin e luftëtarëve të huaj

De Maiziere në një intervistë për gazetën Bild am Sonntag theksoi se pas sulmeve në Paris edhe Gjermania është e rrezikuar nga sulmet terroriste

BERLIN – Ministri i Brendshëm i Gjermanisë, Thomas de Maiziere, ka deklaruar se 70 persona nga 1 e treta e rreth 760 personave të cilët janë nënshtetas të Gjermanisë dhe që janë kthyer në këtë vend pasi kanë marrë pjesë në luftë në Siri dhe Irak kanë marrë kurse të ndryshme ushtarake.

De Maiziere në një intervistë për gazetën Bild am Sonntag theksoi se pas sulmeve në Paris edhe Gjermania është e rrezikuar nga sulmet terroriste.

Ai në fjalën e tij vuri në dukje se instancat e sigurisë së Gjermanisë kanë konstatuar se rreth 760 shtetas gjermanë kanë shkuar në vendet e konflikteve si Siri dhe Irak. Ai vuri në dukje se rreth 120 persona janë kthyer përsëri në Gjermani dhe se 70 prej tyre kanë marrë kurse ushtarake në vendet e konfliktit ose kanë marrë pjesë në mënyrë aktive në konfliktet e armatosura.

Itali, protesta kundër akteve terroriste: “Ne myslimanët nuk njohim ekstremizëm dhe radikalizëm – Jo terrorizmit”

Presidenti Mattarella në mesazhin e tij theksoi se vrasësit e kanë shënjestruar solidaritetin dhe humanizmin, por ata kurrë nuk do të heqin dorë nga këto vlera

ROMË – Myslimanët të cilët jetojnë në Itali protestuan kundër sulmeve terroriste të ndodhura në kryeqytetin francez, Paris, dhe kundër identifikimit të terrorizmit me Islamin.

Myslimanët dhe italianët vendës të cilët e kundërshtojnë “identifikimin e terrorizmit me Islamin” që u mblodhën në Romë, Milano, Gjenova, organizuan një miting të quajtur “Not in my name (Jo në emrin tim)”, për ti dënuar sulmet e ndodhura javën e kaluar në Paris dhe përdorimin e Islamit në këto sulme.

– Porosi mbështetjeje nga presidenti dhe kreu i Senatit-

Mitingu i cili u mbajt në Romë pavarësisht nga shiu i madh ku morën pjesë myslimanë nga vendet e ndryshme, nisi me një minutë heshtje për të nderuar viktimat e sulmeve terroriste në Paris, dhe të vdekurit e sulmeve terroriste.

Në miting u lexuan porositë e mbështetjes të presidentit italian, Sergio Mattarella dhe Presidentit të Senatit të Republikës, Pietro Grasso.

Presidenti Mattarella në mesazhin e tij theksoi se vrasësit e kanë shënjestruar solidaritetin dhe humanizmin, por ata kurrë nuk do të heqin dorë nga këto vlera.

– “Ne myslimanët nuk njohim ekstremizëm dhe radikalizëm. Jo terrorizmit”-

Refugjatët në Evropë: Nuk jemi terroristë

Refugjatët, siç thonë, më herët shumë lehtë kalonin kufijtë e shteteve evropiane, ndërsa sot situata është shumë më ndryshe

VJENË – Mijëra refugjatë me prejardhje nga Siria, Iraku dhe Afganistani, të cilët gjenden në Evropë, pas sulmeve terroriste në Paris më 13 nëntor ku humbën jetën 129 persona, shqetësohen se për shkak të “etiketimit terrorist” mund të kthehen në vendet e tyre.

Refugjatët, siç thonë, më herët shumë lehtë kalonin kufijtë e shteteve evropiane, ndërsa sot situata është shumë më ndryshe. Pas sulmeve terroriste për të cilin përgjegjësinë e mori organizata terroriste ISIS, është ulur numri i kërkesave të aprovuara për azil, por edhe aksionet humanitare dhe ndihmat për refugjatët.

Siriani Ali Ferah, 54 vjeç, në Austri mbërriti me dy vajzat e tij. Siç rrëfen kur erdhën në këtë vend ishin shumë të lumtur, por edhe shumë njerëz u ofronin ndihmë. Megjithatë, pas sulmeve terroriste “komuniteti ndryshoi mendimin ndaj tyre”. aa

Cazaneuve: Traktati i Shengenit de facto është pezulluar, BE-ja të mbyllë kufijtë

Çdo qytetar që rihyn në Europë do të skedohet, teksa vendet e Bashkimit Evropian kanë vendosur që të blindojnë kufijtë e tyre mes frikës për sulme të mundshme terroriste pas masakrës së Parisit dy javë më parë. Mediat italiane shkruajnë se ka një dakordësi që kontrollet të jenë aktive në kufi në muajin Dhjetor, madje edhe më të shumta.

Do të skedohen të gjithë qytetarët që rihyjnë në shtetet e Bashkimit Evropian, edhe pse mund të jene komunitarë si edhe do të futen në bankën e të dhënave të gjitha informacionet për ata që udhëtojnë me avion, ku do të arkivohet kodi i pasagjerit për të paktën një vit.

Sipas “Corriere.it”, ministri i Brendshëm i Francës Bernard Cazaneuve ka nënvizuar: “Duhet jemi në gjendje të dalim nga vonesat, ndryshe do ta humbasim Evropën”.

“Parisi nuk kthehet pas, ka konfirmuar vendosmërinë e tij për të mbajtur kufijtë e mbyllur dhe do të detyrojë edhe BE-në që të bëjë të njëjtën gjë. Nuk ka asnjë deklaratë zyrtare, por traktati i Shengen është pezulluar de facto. Kontrollet në kufi tashmë janë aktive dhe në muajin e ardhshëm do të jenë shumë më tepër”,- tha ai.

Teksa ministri i Brendshëm italian Angelino Alfano ka përsëritur apelin se “shtetet e BE-së duhet të japin udhëzime për autoritetet kombëtare që të ndajnë informacione dhe të zhvillojnë një qasje të përbashkët në mënyrë që unioni të jetë gjithnjë i lidhur, siç kërkohet nga graviteti i situatës”.

corriere

Michael Steiner: Dayton ishte i domosdoshëm (Intervista)

Më 21.11.1995, pas diskutimeve trejavore, në bazën ushtarake amerikane të Daytonit (Ohio), u iniciua marrëveshja, përmes së cilës iu dha fund Luftës në Jugosllavi. Nënshkrimi zyrtar u bë më 14 dhjetor 1995 në Paris.

Deutsche Welle: Zoti Steiner, gjendja në Bosnje, edhe 20 vite pas nënshkrimit të marrëveshjes së Dayton-it, vazhdon të jetë shumë e keqe. Në Dayton u vendos ndarja në Republika Srpska nga njëra anë dhe në Federatën boshnjako-kroate nga ana tjetër. Ky vendim duket se është bërë pengesa kryesore për krijimin e një shteti funksional. A nuk mund të parashikohej kjo në 1995-ën në Ohio?

Michael Steiner: Ju duhet të keni parysysh se si ka qenë gjendja atëherë. Asokohe, objektivi kryesor i të gjitha palëve të përfshira – i Bashkësisë Ndërkombëtare, por edhe i njerëzve në Sarajevë – ka qenë paqja. Qëllimi ishte ky: që gjenocidi të marrë fund. Dhe kjo në një kohë, kur nga ana e Bashkësisë Ndërkombëtare kishte njëkohësisht edhe një farë ngurrimi për t’u angazhuar në Bosnje kundër vullnetit të palëve apo qoftë edhe kundër atij të vetëm njërës palë. Bashkësia Ndërkombëtare në këtë kohë nuk ishte e gatshme të ndërhynte me „boots on the ground“, pra me trupa tokësore, kundër vullnetit të palëve.

Ju keni marrë pjesë aktive në bisedat për marrëveshjen e Dayton-it. Luftës iu dha fund, por a nuk kishte asokohe një alternativë tjetër zgjidhjeje përveç asaj të krijimit të dy entiteteve brenda Bosnje-Hercegovinës.

Jo tamam, sepse ne kishim një problem thelbësor. Njëri problem ishin kundërshtitë përsa i përket asaj që donin palët në konflikt dhe deri diku ende edhe sot duan. Boshnjakët donin ta merrnin të gjithë shtetin, këtë donte edhe Bashkësia Ndërkombëtare. Kroatët donin një zgjidhje të ndërmjetme, një autonomi të zgjeruar. Ndërsa serbët donin të dilnin fare, pra donin shkëputjen e një cope mundësisht të madhe të tortës. Ne duhej t’i kapërcenim këto kundërshti, në një kohë, kur ne vareshim nga miratimi i të gjitha palëve. Dhe këto kundërshti mund të zgjidheshin vetëm deri në atë masë sa edhe u arrit me marrëveshjen e Dayton-it. As mua nuk më kanë pëlqyer ato ndërlikimet e tmerrshme, që duhej të ingranonim, megjithatë ne që atëherë kishim këtë përfytyrim: ky është hapi i parë dhe i vetmi i mundshëm për të arritur paqen. Dhe pas kësaj, reformat që do të lejonin një administrim më efektiv të vendit, ishin për mua të vëtëkuptueshme. Por ato nuk u bënë.

Por ndarja në Republika Srpska, nga njëra anë, dhe në Federatën boshnjako-kroate, në anën tjetër, e ka forcuar edhe më shumë ndarjen etnike të vendit.

Ne asokohe duhej të vepronim në botën reale. Cila do të kishte qenë alternativa? Alternativa do të kishte qenë që ky konflikt nuk do të kishte mbaruar kurrë, sepse Bashkësia Ndërkombëtare nuk ishte e gatshme të shkonte në Bosnje pa miratimin e të gjitha palëve, të cilat kishin këto qëndrime diametrikisht të ndryshme. 60.000 ushtarët, të cilët erdhën më pas, në 1996, erdhën vetëm me kushtin e pajtimit të të gjitha palëve në një linjë. Sigurisht, nëse ne do të kishim mundur të thonim: ose ju miratoni një kushtetutë që na pëlqen neve, ose ne vijmë dhe ju detyrojmë ta miratoni – atëherë do të kishim qenë në një situatë tjetër. Por ne nuk e kishim këtë mundësi.

Por unë besoj se thelbi i problemit nuk qëndron këtu. Kryesorja është që ne të palës ndërkombëtare, e ndoshta edhe ata të palës boshnjake, kishim idenë se: Kur të jetë vendosur së pari paqja, dmth, kur të kenë pushuar armët dhe të ketë ardhur demokracia, atëherë gjërat do të zhvillohen vetë në drejtimin e duhur. Ky sigurisht që ishte një gabim. Unë gjithmonë kam qenë i bindur që, që në fillim, në vend të asaj pranie të lehtë civile që ne kishim atje, ne duhej të kishim krijuar – asokohe flitej për një zgjidhje në formën e protektoratit – një administratë të përkohshme me kompetenca të gjera nga ana e Ndërkombëtarëve. Vetëm atëherë do të duhej të kishim ndërmarrë hapin e radhës, atë të organizimit të zgjedhjeve dhe të rikthimit të vetëadministrimit të vendit.

Ka qenë e gabuar të mendosh që më parë ndërtohet demokracia e më pas vjen rregulli, drejtësia dhe siguria – e kundërta funksionon. Ti së pari ke nevojë për një sistem të rregullt, ty të duhet së pari ndjesia e sigurisë së njerëzve dhe vetëm atëherë mund të zgjedhësh – jo anasjelltas.

Për mua dhe Carl Bildt (Përfaqësuesi i parë i Lartë për Bosnjen dhe Hercegovinën, Red.) kjo ishte shumë e qartë, kur luftuam me këmbë e me duar kundër organizimit aq të hershëm të zgjedhjeve. Por ky ishte një udhëzim ndërkombëtar, i cili sigurisht që rezultoi i gabuar. Sikur të gjithë angazhimin, që gjithsesi kemi treguar gjatë 20 viteve të fundit, si edhe shpenzimet, t’i kishim vënë masivisht në përdorim që në fillim, atëherë sot sigurisht që do të ishim një hap më përpara.

Nëse do të kishit në dorë të mund të ndryshonit diçka në Bosnje – çfarë do të bënit ju tani konkretisht?

Unë sigurisht besoj se është në interes të të gjithë njerëzve në Bosnje – pra të serbëve, të kroatëve dhe boshnjakëve – që vendi të ketë një kushtetutë funksionale. Marrëveshja e Dayton-it ishte një mjet për të arritur qëllimin, paqen, sepse nuk kishte mundësi tjetër. Por ajo është tanimë një anakronizëm. Dhe përveç kësaj, ka edhe një detyrim ligjor, pasi Gjykata Evropiane për të Drejtat e Njeriut, në 2009, ka kërkuar ndryshime. Pra është një detyrim ligjor, por edhe një detyrim politik në interes të njerëzve, që kushtetuta t‘i përshtatet asaj çka është e domosdoshme për një shtet, që ai të mund të funksionojë siç duhet. Përveç kësaj duhet gjithashtu, që propaganda ideologjike e jashtëzakonshme, që ekzistonte atëherë, që ka ekzistuar në 20 vitet e fundit dhe që ende ekziston, të ketë përballë, si kundërpeshë, raportimin objektiv në media.

Kush ka dështuar në Bosnje sipas jush? Bashkësia Ndërkombëtare, pasi nuk ka treguar kujdesin e duhur, apo boshnjakët, pasi, siç thuhej shpesh në Bruksel, nuk arrinin të binin dakord?

Secili këtu mban përgjegjësinë e vet. Unë besoj se Bashkësia Ndërkombëtare e di edhe sot, se ishte e gabuar që u përqendruam vetëm tek fundi i luftës dhe që, si të thuash, trajtimin e mëtejshëm e morëm pak lehtë. Por: ka një përgjegjesi vetjake edhe nga ana e njerëzve në Bosnje, nga të gjitha palët. Mentaliteti nacionalist ka dominuar mbi ndjenjën e përgjegjësisë ndaj një mirëqënieje të përbashkët funksionale. Këtu edhe boshnjakët kanë faj. Unë besoj se së bashku do të kishim ecur më përpara nga ku kemi arritur. Por nuk duhet të harrojmë edhe diçka: Në Dayton është siguruar paqja dhe në Dayton është arritur diçka të cilën shumëkush nuk e besonte: që atij horrori të viteve të mëparshme t’i jepej fund. Dhe kjo është një pasuri e çmuar. Natyrisht që duhet të arrihet më shumë, por as kjo nuk duhet nënvlerësuar. Sepse vitet paraardhëse kanë qenë një makth për njerëzit, dhe prandaj kjo asokohe kishte përparësi. Dhe në këtë këndvështrim ka funksionuar: lufta mbaroi.

Diplomati gjerman, Michael Steiner, ka koordinuar angazhimin gjerman në përpjekjet për vënien e paqes në rajonet e ish-Jugosllavisë në kohën e luftrave civile atje. Në këtë funksion ishte ai edhe gjatë bisedimeve për marrëveshjen e paqes së Dayton-it. Gjatë viteve 1996 dhe 1997, ai ka qenë zëvendës i Përfaqësuesit të Lartë të Bashkësisë Ndërkombëtare në Bosnje dhe Hercegovinë.

Një ish-i persekutuar i shkruan Komisionerit Hahn për hapjen e dosjeve dhe Ligjin e Lustracionit: I persekutuar kam qenë – i persekutuar jam

To Mr. Hahn Johannes, Commissioner for European Neighbourhood Policy & Enlargement Negotiations merr

 

 

 

Kerkese drejtuar Komisionit Europian per hapjen e Dosjeve ne Shqiperi dhe venies ne zbatim te Ligjit te Lustracionit

 

I nderuar Komisioner Hahn,

 

Unë që po ju shkruaj, jam një shqiptar ne emigrim. Jam ne emigrim qe nga viti 1989, i arrastisur nga Shqiperia para rrezimit te regjimit komunist.

 

Jam arratisur sepse jeta ime ne Shqiperi ne ate kohe u vu seriozisht ne rrezik nga Sigurimi i Shtetit. Familja ime ne ate kohe ishte e internuar dhe e deklasuar, e denoncuar nga regjimi komunist me titullin „Kulak“.

 

Gjyshi im nga ana e babait, Ali Cekani ka vdekur ne burg si anti komunist.

 

Daja im Nezir Muzhaqi i varur ne litar nga regjimi komunist, kur ishte vetem 27 vjeç .

Dy daja te tjere te pushkatuar pa gjyqe, etj.

 

Nena ime ka qene 5 vjet ne kampin famekeq te internimit në Bençë të Tepelenës ,qe eshte cilësuar si kampi i vdekjes.

 

Persekutimi komunist ne familjen time vazhdoi perjetesisht, gjë që nuk eshte ndalur edhe sot.

 

Në Shqipëri si shifra zyrtare nga regjimi komunist janë janë ekzekutuar 5 577 burra dhe 450 gra.

 

Janë dënuar 26 768 burra dhe 7 367 gra.

 

Kanë vdekur në burg 1 065 persona.

Kanë humbur aftësinë mendore 408 vetë.

 

Kanë vdekur në internim 7 022 vetë.

 

Në 50 vjet diktaturë komuniste, nga kjo shtresë janë kryer 914 000 vite burgu dhe 256 146 vite internim.Mijera te pushkatuar ne vende akoma sekrete nuk ju dihet varri, nuk dime ku janë eshtrat e te pareve tane, ku të paktën te kemi nje varr ku t‘i qajme.

 

Numri i te pushkatuarve dhe te vdekurve në internuar nuk eshte i sakte, sepse supozohet te jete shume me i larte pasi, pas rrëzimit të komunizmit nuk esht bere asnjehere nje studim i thelluar ne kete aspekt, pasi komunistet kanë penguar studimin e çeshtjes , ngaqë i kemi gjithmonë në pushtet.

 

Në Shqipëri nuk ka asnjë shenjë për të treguar se jemi populli të cilin diktatura e përçundoi.

 

Në Shqipëri nuk ka asnjë muzeum të krimeve të komunizmit, nuk ka asnjë ditë të kujtesës, nuk ka asnjë përmendore, ku qytetarët të vendosin lule dhe kurora.

 

Në Shqipëri nuk ka mbetur asnjë shenjë që të dëshmojë se në këtë vend shqiptarët janë futur në burgje, janë pushkatuar, varur në litar, janë dërguar familjarisht nëpër

 

Lagerat e diktaturës, ndërsa fëmijët e të dënuarve kanë mbetur pa shkollë, pa të ardhme, duke vuajtur ekskomunikimin nëpër kampe përqëndrimi ku ju mohohej e drejta e jetës.

 

Në Shqipërinë e tiranisë komuniste që e vrau elitën, dhe shqiptarët i ktheu në armiq të njëri-tjetrit nuk ka kujtesë, nuk ka memorie për të blatuar nderim ndaj viktimave të pafajshme të diktaturës. Janë sheshuar deri burgjet ku të dënuarit kanë vuajtur.

 

Klasa politike postdiktaturë është përgjegjëse e harresës kolektive për atë që ngjau në Shqipëri.

 

Në 3 Qershor 2008 me iniciativën e Vaclav Havel dhe Joachim Gauck u nënshkrua Deklarata e Pragës, e cila i bënte thirrje gjithë Europës t’i dënojë krimet e komunizmit. Por Shqipëria nuk e nënshkroi këtë Deklaratë.

 

Në 25 shkurt 2010 u nënshkrua po në Pragë Deklarata e Krimeve të Komunizmit, Por Shqipëria jo.

 

23 Gushti njihet si Dita e Memories jo vetëm nga shtete të BE-së por nga shtete jashtë BE siç janë SHBA, Kanadaja dhe Gjeorgjia.

 

Por jo nga Shqipëria!

Viktimat e komunizmit sot janë dyfish viktima, nga regjimi diktatorial dhe regjimi i tranzicionit postkomunist që nuk e ka dekomunistizuar ende as politikën dhe as shoqërinë.

 

Shoqëria shqiptare nuk e njeh veten se cila është.

 

Është pa ID!

 

Sepse s’ka memorie!

 

PS është vazhduese e Partisë Komuniste e cila pretendon të reformohet.

 

Por si mund të refomohet duke mbuluar me harresë atë që ka ndodhur.

 

E si mund të reformohet duke patur si gazetë të partisë Zërin e Popullit krijuar nga vetë diktatori stalinist.

 

Viktimat e komunizmit e kishte si obligim t’i kujtonte PD, sepse ky ishte misioni i saj, prandaj u mbështet prej popullit, që me rrëzimin e diktaturës, të rehabilitonte viktimat, të zbardhte krimet dhe të promovonte shtetin e së drejtës.

 

Ne jemi dëshmitarë sot se drejtësia si vlerë e Perëndimit ndëshkon të inkriminuarit e regjimit nazist, pa marrë parasysh se janë mbi 90 vjeçarë, ndërsa Europa ish-komuniste ndëshkon të inkriminuarit e regjimeve diktatoriale.

 

Por në Shqipëri jo.

 

Viktimat e djeshme të diktaturës Hoxhiste tani janë viktima të PS-PD.

 

Ne institucione kushtetuese, ne sistemin e drejtesise, dhe pista te rendesishme qeveritare, ashtu si edhe ne parlament, sot ka oficere te sigurimit, punetore dhe bashkepuntore te kesaj arme vrasese te se shkuares, e cila kontrollon segmente te rendesishme te pushtetit politik, ekonomik dhe mediatik.

 

Por kjo histori nuk mund të vazhdojë më i Nderuar Komisioner Hahn,

 

Demokracia ne Shqiperi eshte e cunguar dhe kjo shihet qarte ne çdo sfere te jetes atje, si me burgosjet pa motiv ,ikjen masive te shqiptareve ,kapjen e shtetit nga mafia komuniste ,kapja e drejtesise nga ish Gjykates e Prokurore nga koha e diktatures.

 

Ja pra pse e gjykoj se duhen të hapen dosjet e komunizmit; ja pra pse duhet Dekomunistizimi i shtetit ashtu si duhet dhe Dekriminalizimi.

 

E per kete ndihma Juaj eshte shumë e nevojshme.

Ju dergoj kete leter duke patur shprese dhe besim absolut qe do te na ndihmoni ne prurjen e demokracise ne vendin tim;

 

Shpresoj te me prisni ne nje takim per te diskutuar nga afer ne lidhje me kete çeshtje .

Edhe nje here Ju falenderoj duke Ju uruar pune te mbare .

 

Me respekt dhe mirenjohje

Kujtim Cekani

Mediat: terroristi Salah Abdeslam është parë në Bruksel me tjetër identitet

BRUKSEL – Terroristi Salah Abdeslam, i shpallur në kërkim që prej 13 nëntorit, pas kryerjes së sulmeve terroriste në kryeqytetin francez, mendohet se është parë mbrëmjen e djeshme në Anderlecht, 5 kilometra larg Brukselit, me një pamje dhe identitet të ndryshuar.

Mediat kanë publikuar një fotografi të terroristit, me syze dhe kapele, për të siguruar ndihmën e qytetarëve, në rast se ndeshen me të.

Sipas gazetës spanjolle “El Mundo”, terroristi Salah Abdeslam po lëviz me identitetin Yassine Baghli. Ndërkohë sipas “Daily Mail”, xhihadisti po tenton të fshihet edhe nga ISIS, që kërkon ta vrasë sepse ai nuk e ka përmbushur siç duhet misionin e tij në Paris.

Ndërkohë në Bruksel, policia dhe shërbimet sekrete janë mobilizuar dhe po vijojnë punën për të kapur të shumëkërkuarin Salah Abdeslam.

Franca projektrezolutë në KS të OKB-së për luftën kundër ISIS-it

Pas sulmeve terroriste në Paris, Franca e cila i rriti operacionet e saj ndaj objektivave të ISIS-it në Siri, gjithashtu që të fitojë mbështetje diplomatike nga Këshilli i Sigurimit të OKB-së përgatiti projekt rezolutë

OKB – Franca ka paraqitur projekt rezolutën në Këshillin e Sigurimit të OKB-së, në të cilën kërkon që të rritet dhe intensifikohet lufta kundër ISIS-it dhe të veprohet në koordinim.

Pas sulmeve terroriste në Paris, Franca e cila i rriti operacionet e saj ndaj objektivave të ISIS-it në Siri, gjithashtu që të fitojë mbështetje diplomatike nga Këshilli i Sigurimit të OKB-së përgatiti projekt rezolutë.

Në versionin përfundimtar të projekt rezolutës të cilën e paraqiti në Këshill, theksohet se janë dënuar me një gjuhë të saktë sulmet terroriste të ISIS-it në Tunizi, Ankara, Bejrut dhe Paris dhe aksionin për rrëzimin e avionit rus të pasagjerëve.

Në projekt rezolutën të cilën është paraqitur shprehen ngushëllime ndaj të gjithë qeverive dhe popujve të cilët janë dëmtuar nga terrori i ISIS-it, veçanërisht Tunizisë, Turqisë, Rusisë, Libanit dhe Francës. Gjithashtu kërkohet që shtetet anëtare të cilat kanë mundësi dhe kapacitet ti dyfishojnë përpjekjet e tyre dhe të veprojnë në koordinim në luftën kundër ISIS-in në Siri dhe Irak. aa

Francë, rriten sulmet dhe kërcënimet ndaj myslimanëve

Që nga 13 nëntori e këtej, duke përfshirë edhe aktet kundër femrave të mbuluara me shami në qytetet Marseille dhe Toulouse janë kryer 24 kërcënime dhe sulme

PARIS – Njoftohet se pas sulmeve terroriste në Paris, ndaj muslimanëve në Francë janë kryer 24 kërcënime dhe sulme të ndryshme.

Në një deklaratë me shkrim nga Observatorit Kombëtar Kundër Islamofobisë i Francës (CFCM), theksohet se që nga 13 nëntori e këtej, duke përfshirë edhe aktet kundër femrave të mbuluara me shami në qytetet Marseille dhe Toulouse janë kryer 24 kërcënime dhe sulme.

Në deklaratë ndër të tjera theksohet se informacionet në lidhje me sulmet bazohen në të dhënat e Ministrisë së Brendshme dhe në ankimet e bëra në polici.

Ndër të tjera theksohet se ankesat janë kryer për 6 sulmet të ndërmarra ndaj xhamive dhe ndërhyrje fizike ndaj personave, si dhe 18 kërcënime të kryera duke dërguar letër me përmbajtje urrejtjeje dhe duke kryer veprime ofenduese.

Në deklaratë janë përmendur edhe mendimet e kryetarit të CFCM, Abdallah Zekri, i cili ka pohuar se: “Falë Zotit ne nuk jemi në situatën në janar, ku pas sulmeve ndaj  ‘Charlie Hebdo’ brenda 5 ditëve u kryen njëkohësisht 50 sulme”. aa

Konfirmohet vrasja e organizatorit të sulmeve të Parisit

Personi i dyshuar si organizatori i sulmeve terroriste të Parisit është vrarë. Hetuesit francezë konfirmuan se Abdelhamid Abaahoud u vra gjatë një sulmi masiv dje në rrethinat e Parisit. Ndërkohë, ligjvënësit francezë votuan sot për të zgjatur gjendjen e emergjencës për tre muaj në përgjigje të sulmeve të së premtes.

Prokurorët francezë kanë konfirmuar se organizatori i dyshuar për sulmet e javës së kaluar në Paris ishte mes të vrarëve në operacionin e policisë të mërkurën.

Zyra e prokurorit të Parisit tha se trupi i Abdelhamid Abaaoud – shtetas belg me origjinë marokene – u gjet brenda apartamentit të sulmuar në përleshjet shtatë orëshe të policisë në Saint-Denis, në periferi të Parisit. Abaaoud, u identifikua nga shenjat e gishtrinjëve.

Të paktën tetë vetë u arrestuan gjatë sulmit. Një grua që u identifikua si kushërirë e Abaaudit, hodhi veten në erë. Tre policë u plagosën dhe u vra një qen i policisë.

Ndërkohë, ligjvënësit francezë votuan sot për të zgjatur gjendjen e emergjencës për tre muaj në përgjigje të sulmeve të së premtes.

Asambleja Kombëtare Franceze e miratoi vendimin, dhe senati pritet të votojë të premten.’

Para votimit, kryeministri  Manuel Valls foli para ligjvënësve dhe paralajmëroi për rreziqet me të cilat përballet vendi, përfshi mundësinë e kërcënimit të armëve kimike dhe biologjike.

“Kreativiteti makabër i organizatorëve të tyre është i pafund. Armë luftarake, prerje kokash, bomba njerëzore, të gjitha këto. Dhe sot nuk mund të përjashtojmë asgjë; ekziston një rrezik të mundshëm për armë kimike apo bakteriologjike.”

Presidenti François Hollande tha të mërkurën se zgjatja përfshin një nen që i mundëson autoritetet të mbyllin “çdo grumbullim” që përfshin xhamitë dhe grupet e komunitetit ku njerëzit “glorifikojnë terrorizmin” ose inkurajojnë kryerjen e akteve terroriste. Projektligji është kritikuar nga aktivistët e të drejtave.

Policia franceze tha sot se përsa kohë që është në fuqi gjendja e jashtëzakonshme, oficerët jo në detyrë lejohen të mbajnë armët e tyre për të mbrojtur civilët.

Kreu i agjencisë së koordinimit policor të Bashkimit Europian, Rob Wainwright, gjithashtu theksoi se sulmet në Paris shënojnë “një përshkallëzim shumë serioz” të terrorizmit në Evropë dhe janë një “deklaratë të qartë” e qëllimit të grupit të Shtetit Islamik për të sjellë markën e tij brutale të terrorit në kontinent.

Autoritetet belge nisën sulmet e tyre të enjten në disa pjesë të Brukselit në lidhje me Bilal Hadfin, i cili hodhi veten në erë jashtë stadiumit në Paris.

Kryeministri i Belgjikës, Charles Michel gjithashtu njoftoi një paketë prej 427 milion dollarësh të masave të reja të sigurisë, duke përfshirë edhe planet për të burgosur militantët që kthehen nga Siria, duke ndaluar predikuesit e urrejtjes dhe mbylljen e vendeve të paregjistruara të besimit.

Michel kundërshtoi kritikat për shërbimet e sigurisë të vendit të tij, pasi Presidenti Hollande tha se sulmet e Parisit ishin planifikuar në Belgjikë.

“Unë nuk e pranoj kritikët që kërkojnë të denigrojnë shërbimet tona të sigurisë, të cilët bëjnë një punë të vështirë dhe të rëndë,” tha ai në një fjalim në parlament.