VOAL

VOAL

Ata janë dy europianë – Një përqafim dhe disa fjalë në vesh, fotoja e Zelenskyt me Macron bën xhiron e rrjetit

June 16, 2022
blank

Komentet

blank

Ish-gjenerali Pavel prinë në garën për president të Çekisë

Ish-kryeministri çek, Andrej Babish (majtas) dhe gjenerali i pensionuar i NATO-s, Petr Pavel.

RFE/RL

Rezultatet preliminare të zgjedhjeve presidenciale çeke tregojnë se me rreth 80 për qind të votave të numëruara, ish-gjenerali i NATO-s, Petr Pavel, ka fituar 56.45 për qind të votave, kundrejt ish-kryeministrit, Andrej Babish, i cili ka marrë 43.54 për qind të votave, sipas Zyrës çeke të Statistikave.

Çekët votuan sot për të zgjedhur pasuesin e presidentit aktual, Milos Zeman, mandati i dytë i të cilit përfundon në mars.

Rezultatet e plota nga balotazhi dy-ditor priten të bëhen publike mbrëmjen e së shtunës.

Qendrat e votimit ishin hapur të premten në orën 14:00 dhe u mbyllën sot në të njëjtën orë.

Të drejtë vote kishin 8.3 milionë banorë.

Në Republikën Çeke, roli i presidentit është ceremonial, mirëpo presidenti i jep mandat qeverisë dhe është komandant i përgjithshëm i forcave të armatosura.

Tema dominuese në zgjedhje ka qenë lufta e Rusisë në Ukrainë.

Babish, 68-vjeçar, ka tentuar të portretizojë kundërshtarin e tij si luftënxitës dhe ka bërë thirrje për organizimin e një konference të paqes në Pragë.

Pavel, i cili është 61-vjeçar, ka qenë në favor të dërgimit të ndihmës në Kiev.

Në rundin e parë të zgjedhjeve, rezultati mes tyre ka qenë i ngushtë – të dy kanë fituar rreth 35 për qind të votave.

blank

Rusia po e drejton fokusin e luftës kah “NATO-ja dhe Perëndimi”

RFE/RL

Sekretari i Përgjithshëm i Bashkimit Evropian për Veprim të Jashtëm, Stefano Sannino, ka thënë të premten se Rusia e ka çuar luftën e saj në Ukrainë “në një nivel tjetër”, duke kryer sulme ndaj civilëve dhe shënjestrave joushtarake.

Ai po ashtu e ka kritikuar Moskën për nxitje të vendimeve që kanë marrë Shtetet e Bashkuara dhe Gjermania, për të dërguar tanke të avancuara në Ukrainë.

Duke folur në një konferencë në Tokio, Sannino ka thënë se Putin “ka lëvizur nga koncepti i operacionit special në konceptin e luftës kundër NATO-s dhe Perëndimit”.

Ai ka thënë se tanket gjermane dhe amerikane pritet t’iu ndihmojnë ukrainasve që të mbrojnë veten në luftë dhe nuk do t’i kthejnë ata në sulmues.

“Mendoj se zhvillimet e fundit, sa u përket furnizimeve me armë, janë përgjigje ndaj situatës dhe mënyrës se si Rusia e ka çuar luftën në nivel tjetër”, ka thënë Sannino.

Shtetet e Bashkuara dhe Gjermania kanë bërë të ditur të mërkurën se do të dërgojë tanke të avancuara në Ukrainë për t’i ndihmuar Kievit që të luftojë forcat ruse.

Komandantët e ushtrisë ukrainase kanë thënë se këto armë do të ndihmojnë në kundërofensiva, dhe do të zvogëlojnë numrin e ushtarëve ukrainas të vrarë në luftë.

Presidenti amerikan, Joe Biden ka thënë se shteti i tij do të dërgojë 31 tanke M1 Abrams, pavarësisht qëndrimeve fillestare të Uashingtonit se ato janë shumë sfiduese që të përdoren nga ushtarët ukrainas.

SHBA-ja e ka bërë të ditur këtë vendim, pasi Gjermania është pajtuar për të dërguar 14 tanke Leopard 2 nga inventari i saj.

Rusia e ka kritikuar vendimin e shteteve perëndimore dhe është zotuar se do t’i shkatërrojë këto tanke në fushëbetejë.

Lufta në Ukrainë ka nisur më 24 shkurt 2022.

Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

blank

Tanket ‘Leopard 2’, Suedia bashkohet në grupin e shteteve furnizuese për Ukrainën

Suedia aktualisht nuk ka në plan të dërgojë tanke ”Leopard 2” në Ukrainë, por nuk përjashton dërgimin e tyre në të ardhmen.

“Aktualisht nuk ka përgatitje për një dhurim tankesh nga Suedia, por nuk përjashtohet që kjo të ndodhë në një fazë të mëvonshme”, theksoi ministri i Mbrojtjes, Pal Jonson për gazetën ”Svenska Dagbladet”.

Gjermania dorëzoi sot 14 tanke ”Leopard 2” në Ukrainë.

Ushtria suedeze ka rreth 120 tanke ”Leopard 2”, të cilat në Suedi quhen ”Stridsvagn 122”.

Sipas raportimeve të mediave, Norvegjia po shqyrton gjithashtu dërgimin e tankeve ”Leopard 2” në Ukrainë.

Sipas gazetës ”Aftenposten”, qeveria e Oslos aktualisht është duke e vlerësuar çështjen, por ende nuk është marrë një vendim.

Gazeta ”Dagens Næringsliv” shkroi se do të ishte e mundur që Norvegjia të furnizonte Ukrainën me deri në tetë nga 36 tanket e saj ”Leopard 2”.

blank

Spanja është gati të dërgojë tanke Leopard në Ukrainë

E përditshmja spanjolle El Pais raportoi se Spanja pritet të dërgojë tanke luftarake Leopard 2 në Ukrainë.

Qeveria e kryeministrit Pedro Sanchez kishte rënë dakord më herët të dërgonte tanke luftarake të prodhimit gjerman për sa kohë që ekzistonte një plan i koordinuar në nivel evropian, shkruante e përditshmja.

Detajet e kontributit spanjoll janë ende duke u vlerësuar nga Ministria e Mbrojtjes dhe e Jashtme, si dhe zyra e Sanchez.

El Pais raporton se ushtria spanjolle ka 108 tanke kryesore luftarake Leopard 2, modeli që Ukraina dëshiron të ndalojë avancimin e Rusisë. syri.net

blank

Stuhi e dorëheqjeve në Ukrainë

Pas skandaleve dhe korrupsionit, zëvendësministri i Mbrojtjes dhe disa zyrtarë të tjerë të lartë të shtetit largohen nga zyra.

 

VOAL- Zëvendësministri i Mbrojtjes i Ukrainës, Viacheslav Shapovalov, i ngarkuar me mbështetjen logjistike për trupat, dha dorëheqjen të martën pas skandalit mbi furnizimet me ushqime për ushtrinë, të zbuluar nga një faqe lajmesh. Ministria thuhet se ka nënshkruar një marrëveshje për vitin 2023 për blerjen e produkteve ushqimore bazë për 13 miliardë hryvnia (324 milionë euro) me çmime dy ose tre herë më të larta se ato të tregut. “Akuza të pabaza” dhe një “pretekst i rremë”, sipas eprorit të Shapovalov, ministrit Oleksii Reznikov, por megjithatë dorëheqja u dërgua “për të ruajtur besimin e kompanisë dhe partnerëve të saj ndërkombëtarë”.

Së bashku me Shapolavovin – por për arsye të tjera – po largohen edhe një seri e tërë figurash të tjera pak a shumë të shquara në Kiev. Midis tyre, nënkryetari i administratës presidenciale Kyrylo Tymoshenko, një nga bashkëpunëtorët e rrallë të Volodymyr Zelensky për të punuar me të që nga zgjedhja e tij në 2019. I ngarkuar me mbikëqyrjen e rindërtimit të instalimeve të dëmtuara nga bombardimet ruse, ai kishte qenë në qendër. të disa skandaleve para dhe pas pushtimit. Në tetor, për shembull, ai u akuzua për përdorimin e një automjeti të dhuruar nga General Motors për qëllime humanitare për qëllime private.

Largohet edhe Oleksii Symonenko, Zëvendës Prokurori i Përgjithshëm. Shtypi kishte zbuluar pushimet e tij të fundit në Spanjë, kur udhëtimet jashtë vendit janë të ndaluara, përveç për arsye profesionale. Ndalimi u përsërit gjithashtu të hënën nga kreu i shtetit, i cili së shpejti mund të njoftojë një riorganizim të mëtejshëm të ekipit të tij, tashmë të amputuar ditët e fundit nga një sërë largimesh. Ashtu si ai i Zëvendës Ministrit të Infrastrukturës Vassyl Lozynsky, i arrestuar të dielën për grumbullimin e dyshuar të 400,000 dollarëve ryshfet për të lehtësuar blerjen e gjeneratorëve me çmime të fryra. Të hënën, Pavlo Galimon, kreu i partisë “Shërbëtori i Popullit” të Zelensky, u pushua nga puna pasi kishte blerë një pronë në Kiev, kostoja e së cilës tejkalonte të ardhurat e deklaruara të tij.

Korrupsioni është një e keqe endemike në Ukrainë, e cila është e 122-ta nga 180 vende në renditjen e Transparency International. Miratimi i masave kundër korrupsionit janë ndër kërkesat kryesore që BE-ja i ka bërë Kievit, nëse synon të përparojë në procesin e saj të integrimit evropian.rsi-eb

blank

Ministri i Jashtëm italian: Integrimi i Ballkanit në BE të përshpejtohet, mjaft me vonesa!

Ministri i Jashtëm italian Antonio Tajani, ka theksuar se ka ardhur koha që të përshpejtohet integrimi i Ballkanit në BE. Ai ka shtuar se ky është një proces që ka qenë shumë i vonuar dhe se për asnjë motiv nuk mund të shtyhet më.

Pritet që më 24 janar të zhvillohet Samiti në Trieste, ku theksoi se Italia duhet të luajë një rol të rol të rëndësishëm dhe dialogues me Ballkanin Perëndimor.

“Ne jemi dakord që Serbia dhe Kosova të normalizojnë marrëdhëniet mes tyre. Diplomacia italiane po punon së bashku me partnerët më të afërt për të arritur një rezultat me rëndësi historike, nga i cili do të përfitonte i gjithë rajoni. Që zgjerimi nuk ka ecur me ritmin e dëshiruar, dëshmon fakti se 20 vjet pas deklaratës së Selanikut që sanksionoi perspektivën evropiane të Ballkanit, vetëm Kroacia është bërë shtet anëtar i BE-së. Nuk mund të përballojmë vonesa të mëtejshme. Nëse BE-ja dëshiron të jetë një lojtar global, hyrja në Ballkan duhet përshpejtuar”, ka thënë më tej ai.bw

blank

BE-ja shqyrton mundësinë e përdorimit të aseteve të ngrira ruse për rindërtim të Ukrainës

Presidenti i Këshillit Evropian Charles Michel gjatë vizitës së tij në Kiev, Ukrainë, më 19 janar 2023.

RFE/RL

Bashkimi Evropian po shqyrton përdorimin e aseteve të ngrira të Bankës Qendrore të Rusisë, me vlerë prej 300 miliardë dollarësh, për të gjeneruar fitime për rindërtimin e insfrastrukturës së shkatërruar të Ukrainës.

Presidenti i Këshillit Evropian Charles Michel u ka bërë thirrje qeverive të Bashkimit Evropian që të vazhdojnë me konsultime se si mund të përdoren këto asete të ngrira, raportoi Financial Times më 23 janar.

Michel tha se do që të analizohet mundësia për të gjeneruar fitime, të cilat më pas mund të drejtohen drejt përpjekjeve për rindërtim, raportoi gazeta britanike.

Sipas Michel, asetet do t’i kthehen shtetit rus nëse nënshkruhet një marrëveshje paqeje.

Blloku evropian, i përbërë prej 27 shteteve anëtare, ngriu fondet ruse në përgjigje të pushtimit të paprovokuar të Ukrainës nga Moska.

blank

Kancelari Scholz: Jemi me Ukrainën! Bashkë, si evropianë në mbrojtje të paqes!

Kancelari gjerman, Olaf Scholz ka shprehur sërish se Gjermania do të vazhdojë të mbështesë Ukrainën.

Ky reagim i tij vjen disa ditë pasi aleatët perëndimorë ulën shpresat e Ukrainës për një dërgesë të shpejtë të tankeve luftarake në Kiev.

“Ne do të vazhdojmë të mbështesim Ukrainën – për aq kohë sa të jetë e nevojshme. Së bashku, si evropianë në mbrojtje të projektit tonë të paqes evropiane,” tha Scholz.

Franca dhe Gjermania synojnë të forcojnë aleancën e tyre për t’u përgatitur për sfidat e tjera të Evropës.bw

blank

Bosi i Cosa Nostras në pranga, kush mund të ketë marrë drejtimin e mafias italiane

Gazetari shqiptar në Itali, Arbër Agalliu, ka dhënë detaje interesante në lidhje me arrestimin e bosit të Cosa Nostras, Matteo Messina Denaro.

Agalliu tha se me arrestimin e superbosit, një tjetër person duhet të jetë zgjedhur me siguri në krye të kupolës së Cosa Notras.

Sipas gazetarit emri i drejtuesit të ri nuk dihet ende, por me shumë gjasa mund të jetë një person i afërt me Matteo Messina Denaron, si p.sh. kunati, por mund të jetë edhe nga klani i korleonezëve.

Agalliu zbuloi se gjatë arrestimit Denaros iu gjetën dy telefona.

Ndërkohë që në portofol mbante fotografinë e nipit të vdekur një vit më parë në aksident.

“Siç ka thënë dhe prokurori se kemi arrestuar numëin 1 të mafias, por kjo nuk do të thotë që kemi mposhtur mafian.

Struktura dhe kupola e Cosa Nostras drejtohet tashmë nga dikush tjetër, të cilin nuk e dimë se kush është.

Matteo Messina Denaro në momentin e arrestimit ka patur dy telefona celularë dhe në telefonin e tij është gjetur fotografia e nipit të tij të vdekur. Bëhet fjalë për Gaspare Alegra 37-vjeç që humbi jetën vjet në një aksident shumë të çuditshëm vitin e kaluar. Vetë Gaspere Alegra që ka qenë djali i motrës së Matteo Messina Denaro, ka qenë i proceduar për veprimtari të paligjshme të kumarit dhe lojërave të fatit.

Ndërkohë kunati i Matteo Messina Denaros, babai i Gaspera Alegra, ka qenë dhe njeriu më i afërt me të.  Por ende nuk e dimë ende se kush është pasardhësi i superbosit. Matteo Messina Denaro vepronte në zonën e Trappanit ndërkohë që edhe korleonezët vijojnë të kenë një peshë goxha të rëndë Brenda Cosa Nostras”, tha gazetari. syri.net

blank

Mafia italiane ka një xhiro mbi 40 miliardë euro në vit

VOAL- Arrestimi i bosit mafioz Matteo Messina Denaro ka rikthyer në qendër të vëmendjes krimin e organizuar ditët e fundit. Dhe sot mafiet e ndryshme italiane llogariten nga një studim i Shoqatës së Artizanëve dhe Bizneseve të Vogla Mestre CGIA, sipas të cilit ato kanë një xhiro prej 40 miliardë eurosh në vit, e barabartë me mbi 2% të PBB të Italisë. Kjo është një xhiro inferiore vetëm ndaj xhiros së Menaxherit të Shërbimeve të Energjisë (GSE), ENI dhe ENEL.

Hulumtimi përcakton gjithashtu “të turpshme” se si që nga viti 2014 BE-ja, me një dispozitë specifike legjislative, ka lejuar të gjitha vendet anëtare të numërojnë në PBB-në e tyre disa aktivitete të paligjshme ekonomike (prostitucion, trafik droge, kontrabandë cigaresh).

“Falë” kësaj mundësie, në vitin 2020 (të dhënat më të fundit të disponueshme) Italia “fryu” pasurinë kombëtare me 17.4 miliardë euro (pothuajse një pikë e PBB-së). Një vendim etikisht i papranueshëm. rsi-eb

blank

Ukrainë, ceremonia prekëse e lamtumirës për krerët e Mbrojtjes që u vranë në helikopter

“Respekt i përjetshëm për të gjithë ata që vdiqën në mbrojtje të atdheut” shkroi sot kryetari i Parlamentit të Ukrainës, Ruslan Stefanchu në Facebook krahas fotografive prekëse të funeralit që u mbaj për zyrtarët e lartë të Ministrisë së Mbrojtjes që humbën jetën në një rrëzim tragjik me helikopter afër Kievit, më i rëndë akoma nga fakti se u rrëzua mbi një çerdhe fëmijësh.

Ndër 14 viktimat, ishte edhe vetë Ministri i Brendshëm, Denys Monastyrsky, 42 vjeç. Zyrtarët ukrainas thanë se në bordin e helikopterit ishin gjashtë zyrtarë të ministrisë dhe tre anëtarë të ekuipazhit. Zëvendësministri i parë Yevhen Yenin vdiq së bashku me Sekretarin e Shtetit Yuriy Lubkovych, detyra e të cilit ishte të organizonte punën e ministrisë. Edhe Tetiana Shutiak, një ndihmëse e z. Monastyrskyi, gjithashtu vdiq në aksident.

“Ceremonia e lamtumirës…shumë e vështirë .. – shkroi ai. Ukraina ka humbur njerëz të ndershëm dhe të denjë që punuan për vendin e tyre dhe që e donin vendin e tyre. I përjetshëm kujtimi për ju miq. Nuk është e drejtë kur vdesin të rriturit, dhe nuk mund ta kuptosh kur vdesin fëmijë të pafajshëm…Ngushëllimet më të sinqerta familjes dhe miqve të të gjithë atyre që u vranë në rrëzimin e helikopterit në Brovary. Respekt i përjetshëm për të gjithë ata që vdiqën në mbrojtje të atdheut,” përfundon mesazhi i kryetarit të “Verkhovna Rada” të Ukrainës, Ruslan Stefanchuk.

Po ashtu, në ceremoninë shtetërore të përcjelljes së këtyre figurave të larta mori pjesë edhe Presidenti Volodymir Zelenskyy, i cili po ashtu publikoi pamjet dhe një mesazh.

“Dhimbja po mbush zemrën. Trishtimi i papërshkruar po mbulon shpirtin. Ukraina po humb çdo ditë bijtë dhe bijat më të mira. Faleminderit për punën tuaj të rëndësishme dhe të denjë në dobi të Ukrainës. Jeni pergjithmonë në zemrat tona. I përjetshëm kujtimi!”

 

blank

blank

Vendet baltike thirrje Gjermanisë: Dërgoni sa më shpejt tanket “Leopard” në Ukrainë

Ministrat e Jashtëm të tre vendeve baltike (Letoni, Estoni, Lituani) i kanë bërë thirrje Gjermanisë që të dërgojë menjëherë në Ukrainë tanket “Leopard”.

“Ne, ministrat e jashtëm të Letonisë, Estonisë dhe Lituanisë, po i kërkojmë Gjermanisë që t’i dërgojë Ukrainës sa më shpejt tanke Leopard ,” tha në Twitter ministri i Jashtëm letonez Edgars Rinkevics.

“Kjo është e nevojshme për të ndaluar sulmin rus, për të ndihmuar Ukrainën dhe për të rikthyer paqen në Europë”, shtoi ai, duke nënvizuar se “Gjermania, si fuqia e parë europiane, ka një përgjegjësi të veçantë në këtë drejtim”.

Aleatët e Ukrainës u takuan të premten në Ramstein, Gjermani për të diskutuar dërgesat e armëve megjithatë nuk arritën  të binin dakord për dorëzimin e armëve të rënda. syri.net


Send this to a friend