VOAL

VOAL

Please Wait ...
0%

Negociatat – CDU/CSU: Asnjë kusht i plotësuar, Bundestagu do vendosë në shtator

Grupi Parlamentar i CDU/CSU ka reaguar pas publikimit të Progres Raportit për Shqipërinë.

Në një qëndrim zyrtarë dy ky grupim i deputetëve gjerman thekson se Shqipëria nuk ka përmbushur asnjë kusht për të qenë pjesë e BE-së. Grupi i CDU/CSU-së thekson se Bundestagu gjerman nuk do të jetë në gjendje të vendosë për hapjen e negociatave të pranimit deri në fund të shtatorit.

Ndërkohë që gjermanët rekomandojnë dialog mes qeverisë dhe opozitës për të kapërcyer atë që e quajnë krizë shtetërore.

Shqipëria nuk ka përmbushur asnjë kusht

Grupi parlamentar i CDU/CSU do të analizojë me kujdes raportet e progresit mbi Shqipërinë dhe Maqedoninë e Veriut dhe do t’i krahasojë atë me analizat e tjera në dispozicionin e tij. Vetëm në këtë mënyrë mund të marrim një vendim të përgjegjshëm nëse janë plotësuar kushtet për nisjen e bisedimeve të pranimit me dy vendet. Megjithatë, një shqyrtim i tillë nuk duhet bërë me ngut. Kjo nuk do ishte e pranueshme për popullin gjerman dhe do të ishte e padrejtë edhe për vendet në fjalë. Në këtë kuptim, Bundestagu gjerman nuk do të jetë në gjendje të vendosë për hapjen e negociatave të pranimit deri në fund të shtatorit- siç u pajtuam me kolegët e grupit parlamentar të SPD-së.

Një analizë fillestare tregon se Shqipëria deri më tani nuk ka arritur të përmbushë asnjë nga kushtet për hapjen e negociatave për anëtarësim, siç u kërkua nga ministrat e Jashtëm të BE më 28 qershor të vitit 2018. Nuk ka një sistem gjyqësor funksional. Nuk funksionojnë as Gjykata Kushtetuese dhe as Gjykata e Lartë. Nuk janë krijuar as njësia antikorrupsion SPAK dhe as Byroja Kombëtare e Hetimit. Ka përparime në nivele të ulëta dhe të mesme në luftën kundër korrupsionit. Por ka shumë pak raste të procedimeve për korrupsion në nivele të larta dhe as dënime. Në mënyrë të ngjashme janë të dobëta përpjekjet për të luftuar krimin e organizuar. Përveç kësaj, nuk është nisur asnjë procedurë ligjore ndaj politikanëve dhe kriminelëve të përgjuar në fillim të vitit për blerje të votave. Në fund të fundit, ligji i ri zgjedhor i kërkuar nga Ministrat e Jashtëm nuk është miratuar akoma”.

“Në këtë drejtim, Shqipëria ka nevojë për më shumë kohë për t’u përgatitur për negociatat e pranimit. Vendi duhet të bëjë çdo përpjekje për të përmirësuar kushtet për një vendim pozitiv të BE-së në shtator. Kjo përfshin një dialog të vërtetë mes qeverisë dhe opozitës për të kapërcyer krizën shtetërore. Grupi parlamentar i CDU/CSU është ende i gatshëm që të ndihmojë. Të dyja palët duhet, megjithatë, të përgatiten për një dialog të tillë pa parakushte. Asnjë temë nuk mund të përjashtohet që nga fillimi”./PANORAMA

Riaktivizohet vullkani Etna në Itali

Madrid

Vullkani Etna, në Sicili të Italisë përsëri është aktiv. Etna është vullkani më i madh në kontinentin evropian, ndërsa ka filluar të nxjerrë lavë dhe hi nga krateri në pjesën juglindore dhe verilindore.

Drejtori i Institutit për hulumtime gjeografike dhe vullkanike, Eugenio Privitera, tha se kjo është një fazë e re e shpërthimit të vullkanit.

“Kjo mund së shpejti të përfundojë, por mund të zgjasë disa muaj. Aktualisht nuk ka rrezik për njerëzit të cilët jetojnë në zonë, por, për shkaqe sigurie duhet të kontrollohet fluksi i turistëve”, tha Privitera.

Aktualisht gjendja e vullkanit nuk vështirëson fluturimet drejt aeroportit në Katania. aa

Skocia kërkon referendum të ri për pavarësi

Londër

Ministrja e Parë e Skocisë, Nicola Sturgeon ka deklaruar sot se kanë hartuar një projektligj që mundëson mbajtjen e një referendumi të ri për shkëputjen e Skocisë nga Britania e Madhe, raporton Anadolu Agency (AA).

Sturgeon tha se referendumi për pavarësinë deri në vitin 2021 u ka dhënë skocezëve mundësinë të deklarohen nëse duan që Skocia të jetë një vend i pavarur evropian ose të pajtohen me Brexit-in e imponuar, apo largimin e Britanisë së Madhe nga Bashkimi Evropian.

Projektligjin për referendumin e ri e publikoi Partia Kombëtare (SNP) e cila në krye me Sturgeon fitoi 38 për qind të votave dhe fitoi në zgjedhjet parlamentare evropiane të javës së fundit në Skoci.

“Më shumë se kurrë më parë e kemi të rëndësishme të mbajmë të hapur mundësinë për Skocinë, ashtu që njerëzit të kenë mundësinë të përcaktohen për të ardhme më të mirë”, ka thënë Sturgeon.

Ajo gjithashtu tha se është e rëndësishme që dhe qeveria britanike të kuptojë se do të ishte e turpshme që të përpiqen për të bllokuar një referendum të tillë dhe shtoi se çdo përpjekje e tillë është e destinuar me dështim.

Skocia në vitin 2014 mbajti referendumin për pavarësi, ku shumica prej 55 për qind e votuesve refuzuan largimin nga Mbretëria e Bashkuar. Kryeministrja e Britanisë së Madhe, Theresa May pati thënë më parë se ky ishte një referendum që organizohet njëherë dhe ku votuesit sollën një vendim afatgjat.

Dy vite më vonë, në vitin 2016, votuesit në Britani të Madhe me shumicë votuan largimin nga Bashkimi Evropian, por votuesit në Skoci votuan për të qëndruar në BE, ose më saktë, 62 për qind e votuesve në Skoci votuan për qëndrimin e Britanisë në BE.

Sturgeon dhe udhëheqësja e SNP-së argumenton se votuesit në Skoci janë të mashtruar me politikën zyrtare të Londrës gjatë referendumit të parë për pavarësi.

Ajo pret që projekt-ligji për referendumin deri në fund të vitit të miratohet në formën e një ligji në Parlamentin skocez. Vendimi i Parlamentit skocez më pas duhet të miratohet në Parlamentin britanik.

BE, cilët do të jenë zyrtarët më të lartë të bllokut?

Udhëheqësit evropianë janë mbledhur në Bruksel për të zgjedhur kandidatët për postet kryesore të BE-së, pas zgjedhjeve të parlamentit evropian javën e kaluar. Qysh tani, ata kanë qëndrime të ndryshme se kush duhet të jetë presidenti i ardhshëm i Komisionit Evropian, që shërben si dega ekzekutive e bllokut prej 28 vendesh.

Mandati i presidentit aktual Jean-Claude Juncker, nga Luksemburgu, mbaron në muajin tetor. Por Gjemania dhe Franca, dy nga ekonomitë më të mëdha të kontinentit, kanë pikëpamje të ndryshme se kush duhet ta zëvendësojë zotin Juncker. Emërimi duhet gjithashtu të ratifikohet në korrik nga parlamenti evropian prej 751 anëtarësh.

Kancelarja gjermane Angela Merkel mbështet kandidaturën e gjermanit Manfred Weber, i cili ka udhëhequr që nga viti 2014 grupin e Partisë Popullore Evropiane (PPE), grupimi më i madh politik në parlamentin evropian. Megjithëse humbi terren gjatë zgjedhjeve të fundit, PPE-ja përfaqëson ende bllokun më të madh të deputetëve. Mbështetja e Kancelares Merkel përputhet me praktikën e përzgjedhjes së presidentit të Komisionit Evropian nga radhët e partisë kryesore në parlamentin evropian.

Por grupimet më të mëdha në parlamentin evropian do të humbasin shumicën, ndërkohë që nacionalistët dhe të gjelbrit po fitojnë terren. Kjo do të sjellë një parlament evropian edhe më të segmentuar si dhe më shumë vështirësi për zgjedhjen e një kandidati konsensual për president të komisionit, i cili propozon ligjet e BE-së dhe i zbaton ato.

Presidenti francez Emmanuel Macron u tha gazetarëve se ai mbështet një kandidat me “eksperiencë në vendin e tyre ose në Evropë dhe që ofron më shumë besueshmëri dhe me kapacitetin e duhur”, një koment kritik ky për 46-vjeçarin Weber, i cili nuk ka shërbyer në poste qeveritare apo institucione kryesore, si Komisioni Evropian.

Zoti Macron sugjeron dy kandidatura të tjera alternative: danezen Margrethe Vestager, komisionere për Konkurencën që nga viti 2014; si dhe francezin Michael Barnier, i cili udhëheq bisedimet deri tani të pasuksesshme të BE-së me Britaninë, për procesin e daljes së këtij vendi nga unioni.

Kryeministri spanjoll Pedro Sanchez sugjeron socialistin hollandez Frans Timmermans, për të cilin thotë se “ka cilësitë dhe eksperiencën” e duhur.

Udhëheqësit evropianë janë duke përzgjedhur gjithashtu udhëheqësin e ri të Këshillit Evropian, forum i cili përcakton drejtimin e përgjithshëm politik të BE-së, dhe që deri më tani është udhëhequr nga polaku Donald Tusk. Do të zgjidhet gjithashtu kreu i ri i Bankës Qendrore Evropiane, e udhëhequr deri më tani nga italiani Mario Draghi, si dhe shefi i ri për politikën e jashtme, funksion të cilin aktualisht e mban italiania Federica Mogherini. za

Hahn: Komisioni rekomandon hapjen e negociatave për Shqipërinë

BRUKSEL

Komisioni Europian rekomandon hapjen e negociatave për Shqipërinë dhe Maqedoninë e Veriut. Ndërsa prezantoi  paketën vjetore të zgjerimit, e cila përcakton përparimin që kanë bërë vendet që synojnë integrimin evropian, eurokomisioneri Jonahes Hahn tha se Komisioni rekomandon që Këshilli të hapë negociata me këto dy vende të Ballkanit Perëndimor. “Duhet ti përmbahemi angazhimeve tona” tha Hahn, ndërsa njohu progresin e bërë nga vendi ynë sa i përket reformave.

“Ne kemi folur për strategjinë e zgjerimit të Ballkanit Perëndimor. Raporti i këtij viti parashtron progresin që kanë bërë vendet e Ballkanit perëndimor. Mbeten shumë sfida. Ne do paraqesim të njëjtin rekomandim për Shqipërinë dhe Maqedoninë e Veriut. Zbatimi i ligjit dhe stabiliteti mbeten disa nga pikat që duhet të zbatojnë këto vende. Sfida e tretë për këto vende është ekonomia. Vendet duhet të zbatojnë reforma në sajë të përmirësimit të ekonomisë

Shteti ligjor, qëllimi kryesor i politikës së zgjerimit është të eksportojmë stabilitet, është nevojë që Ballkani Perëndimor të bëjë më shumë progres në pajtim, fqinjësi të mirë. Sfida kryesore mbetet ekonomia, e cila përballet me dobësi. Duhet të reformohen. Çështjen e papunësisë duhet zgjidhur, çështja e emigracionit dhe lindjet e ulëta janë problem. Standardet e jetesës duhet të rriten pasi janë të ulëta”, tha Hahn.

“Jam i kënaqur se si Shqipëria e Maqedonia e Veriut kanë ndjekur reformat. Shqipëria ka çuar përpara reformat, veçanërisht një transformim të madh të sistemit të Drejtësisë, përfshirë një proces të paprecedentë rivlerësimi të gjyqtarëve dhe prokurorëve.” -vijoi më tej Hahn.

“Maqedonia e Veriut jo vetëm që vijon reformat e saj ambicioze, por arriti dhe një marrëveshje historike me Greqinë, duke zgjidhur problemin e gjatë të emrit. Kjo marrëveshje, së bashku me atë të arritur me Bullgarinë, është një shembull për forcimin e marrëdhënieve fqinjësore në rajon, është një shembull i shkëlqyer për vendet e tjera, dhe dëshmon fuqinë tërheqëse të perspektivës europiane. Të dyja vendet kanë bërë përpara me reformat, vecanërisht në fushat e përcaktuara nga Këshilli në Qershor 2018. Për këtë arsye Komisioni europian i rekomandon Këshillit hapjen e bisedimeve tani, si me Shqipërinë dhe me Maqedoninë e Veriut. Që të mbetet i besueshëm, Bashkimi europian duhet t’i përmbahet angazhimeve të veta dhe t’u përgjigjet qartë dhe pozitivisht, kur vendet i përmbushin detyrimet e tyre”- u shpreh Hahn.

Këto dy çështje do të diskutohen më vonë në nivel të ministrive të punëve të jashtme të vendeve anëtare të Bashkimit Evropian, pasi vendimi i fundit për hapjen e negociatave merret nga udhëheqësit e shteteve dhe qeverive të vendeve anëtare të BE-së përmes një samiti të rregullt.

Raport i këtij viti gjithashtu është i rëndësishëm për Bosnjë e Hercegovinën, e cila këtë herë merr zyrtarisht dokumentin e quajtur Avis, që është mendimi i Komisionit Evropian për gatishmërinë e vendit që të bëhet kandidat për anëtarësim të plotë në BE.

Ky është një dokument, i cili do të përcaktojë gjendjen e përgjithshme të vendit dhe gatishmërinë e saj për t’u bërë anëtare potenciale e BE-së.

Sonte zgjidhet pasardhësi i Junkerit – Merkel e Macron kanë mospajtime

Para samitit ku do të diskutohet për rezultatin e zgjedhjeve të Bashkimit Evropian, presidenti francez dhe kancelarja gjermane nuk janë pajtuar për mënyrën e zgjedhjes së presidentit të ri të Komisionit Evropian. Emmanuel Macron ka thënë se ky proces nuk duhet të jetë automatik.

Duke folur para samitit special të BE-së, kancelarja gjermane, Angela Merkel, tha se Gjermania vazhdon ta përkrahë zgjedhjen e kandidatit kryesor nga partia fituese e zgjedhjeve të së dielës si president të ri të Komisionit Evropian.

Liderët e BE-së do të takohen të martën në mbrëmje në Bruksel për të diskutuar për rezultatin e zgjedhjeve për Parlamentin Evropian dhe për nisjen e procesit të nominimit për pozitat kryesore të institucioneve të bashkimit Evropian.

Të hënën në mbrëmje, Merkel tha se liderët e BE-së duhet ta marrin vendimin shpejt. “Ne duam ta gjejmë një zgjidhje sa më shpejt që është e mundur, sepse Parlamenti Evropian do të mblidhet në fillim të qershorit. Është e dëshirueshme që deri në këtë kohë ta kemi një propozim nga Këshilli Evropian”, tha ajo.

Kancelarja tha se koalicioni i saj konservator CDU-CSU dhe partnerët e koalicionit nga SPD-ja e mbështesin procesin e zgjedhjes së presidentit të ri në bazë të partisë fituese.

Ndonëse pësoi humbje të konsiderueshme të dielën, Partia Popullore Evropiane dhe kandidati i saj nga Gjermania, Manfred Weber, dolën fitues të këtyre zgjedhjeve.

Edhe presidenti francez, Emmanuel Macron, gjithashtu dëshiron marrëveshje të shpejtë për të nominuarin, por tha se sistemi i zgjedhjes nuk duhet të jetë automatik. Partia e tij, “En Marche”, vazhdimisht e ka kundërshtuar sistemin e ashtuquajtur “Spitzenkandidat”, shkruan “Deutsche Welle”.

Zgjedhja e kreut të KE-së mund të ngjallë përplasje brenda BE-së

Presidenti i Parlamentit Evropian, Antonio Tajani tha se kreu i ri i Komisionit Evropian (organi kryesor ekzekutiv i BE-së) duhet të zgjidhet nga kandidatët e paraqitur prej grupeve parlamentare.

Kjo mund të ngjallë përplasje mes parlamentit dhe disa udhëheqësve të BE-së që kanë kërkuar një mundësi të zgjedhjes më të gjerë të pasuesit të Jean-Claude Juncker, kreut të deritashëm të Komisionit Evropian.

Sipas rregullave, liderët e BE duhet të marrin në konsideratë rezultatet e zgjedhjeve për të zgjedhur një president të ri të Komisionit Evropian, por nuk do të thotë që duhet të zgjedhin kandidatët që i propozojnë grupet në parlamentin Evropian.

Infographic translated in Albanian.

Parlamenti Evropian megjithatë do të duhet të miratojë presidentin e ri dhe kjo mund të çojë në një periudhë të gjatë të përplasjeve midis ligjvënësve dhe udhëheqësve të BE-së.

Gjatë muajve të ardhshëm, BE-ja gjithashtu duhet të zgjedhë liderë të rinj për Këshillin e BE-së, parlamentin, Bankën Qendrore Evropiane dhe një shef-e të politikës së Jashtme.

Tradicionalisht, zgjedhjet për ato pozita gjithmonë janë të ndërlidhura dhe i nënshtrohen debatit midis grupeve politike.

Ndërkohë të martën në mbrëmje udhëheqësit e Bashkimit Evropian do të diskutojnë rreth asaj se kush duhet të udhëheqë institucionet kyçe të bllokut të 28 shteteve për pesë vitet e ardhshme

Kartëmonedhat e reja 100 dhe 200 euro vihen në qarkullim

Berlin

Banka Qendrore Evropiane (BQE) njoftoi se ka vënë në qarkullim kartëmonedha të reja prej 100 dhe 200 euro me karakteristika të reja teknologjike, transmeton Anadolu Agency (AA).

Sipas deklaratës së BQE-së, kartëmonedhat e reja me karakteristika më të reja të sigurisë në krahasim me seritë e mërparshme nga sot janë vënë në qarkullim.

Kartëmonedhat e reja prej 100 dhe 200 euro, gjithashtu përdorin teknologjinë inovative “dritare portret” që më parë ishte përdorur në kartëmonedhat prej 20 eurosh. Kur bankënota mbahet në dritë, dritarja në hologram bëhet transparente dhe shfaqet në të dyja anët e bankënotës portreti i “Europe”, figurës mitologjike. Gjithashtu kur mbahet në dritë, në shirit shfaqen simbole të vogla të euros.

Bankënotat e reja kanë edhe veçori të tjera të sigurisë të cilat mund të detektohen nga makinat.

Madhësia e këtyre bankënotave është shndërruar si në atë të 50 eurove, për të mundësuar përdorim më të lehtë. Por gjatësia e tyre nuk u ndryshua.

Kancelari austrikak humb mocionin e votëbesimit

Kancelari austriak, Sebastian Kurz, ka humbur mocionin e votëbesimit, duke detyruar qeverinë e tij të dorëhiqet, si pasojë e skandalit të ndërhyrjes ruse pavarësisht fitores së partisë së tij në zgjedhjet evropiane.

Kjo erdhi pasi ish partnerët e koalicionit nga e djathta ekstreme, partia FPO thanë se do ta mbështesin mocionin e votë-besimit të iniciuar nga opozita Social Demokratëve(SPO).

Liderja nga partia social-demokrate, Pamela Rendi-Wagner tha se ka qenë në dorën e presidentit austriak Alexander der Bellen të ftojë parlamentin për të gjetur zgjidhje për një kabinet të ri qeveritar.

“Çfarë nuk duhet të ndodhë është një qeveri tjetër që betohet dhe nuk ka shumicën në parlament si pasojë edhe jo stabilitet”, tha Rendi Wagnar.

Kjo erdhi disa orë pasi Partia Popullore e kancelarit Kurz, doli e para në zgjedhjet për Parlament Evropian, duke fituar 8% më shumë se në vitin 2014.

Por koalicioni qeverisës, është bllokuar, që kur gazetat gjermane hodhën pamjet kur shfaqën liderin e partisë së të djathtës ekstreme Heinz-Christian Strache duke i ofruar kontrata publike një zyrtareje ruse në shkëmbim për përkrahje të fushatës.

Strache, i cili ishtë zëvendës kancelar i Kurz, dha dorëheqje pasi dolën pamjet e videos, shkruan “EuroNews”, transmeton Gazeta Express.

Intervistë e Arba Kokalarit:

Voal.ch po sjell intervistën e Arba Kokalarit, pesë vite më parë kur edhe atëherë kandidoi për Parlamentin Evropian. Ishte vetëm 27 vjeçare!

Po ta shihni në foto ajo ngjan shumë me Musine Kokalarin, pasi vjen nga familja e saj. Me të njëjtat sy dhe në faqe kur qesh i krijohen gropëza tamam si në një fotot të Mysinesë kur nuk kishte nisur ende kalvarin e jetës të saj.Arba Kokalari është e para eurodeputete shqiptare!

Pastë këmbën e mbarë!

Bildergebnis für arba kokalari musine kokalari

Ju ftojmë ta lexoni intervistën:

ARBA KOKALARI – 27 VJEÇARJA SHQIPTARE QË KANDIDON PËR ANËTARE TË PARLAMENTIT EVROPIAN

 1.maj.2014

Fotografia e Arba Kokalari

 

 

E pashë që në Shqipëri s’kishte liri, erdha në Suedi dhe pashë që kishte liri dhe të drejta. Ikëm si familje në vitet ’90, kur unë isha 5 vjeç. Unë aty ndërtova jetën time. Por një pjesë të zemrës e kam këtu në Shqipëri, dhe për shqiptarët. Mendoj se jam europiane. Unë ndihem europiane, kur jam në Suedi nuk ndihem 100% suedeze, kur vij këtu po ashtu.


Shumë të rinj dhe të reja shqiptare kanë shkëlqyer nëpër botë me talentin e tyre, dhe aspiratat e tyre sa vijnë e rriten. Një prej tyre është edhe 27-vjeçarja Arba Kokalari, e cila synon që të jetë pjesë e Parlamentit Evropian.

Shqiptaro -suedezja, vajza e një diplomati shqiptar, u shpërngul për të jetuar në Suedi në moshën 5-vjeçare. Ajo flet një shqipe të pastër, kjo falë kulturës së saj në familje, pasi të afërmit e saj i ruajnë me fanatizëm traditat shqiptare, e sidomos gjuhën Shqipe.

Edhe pse e re në moshë, Arba synon që të angazhohet në politikë, pasi e sheh këtë të fundit si të lidhur ngushtë me jetën e saj. Ajo ka mbaruar studimet për Politikë Evropiane, dhe dëshiron që profesionin e saj mos ta lërë për të punuar në ndonjë punë tjetër, por ta shohë të ardhmen e saj pikërisht në atë fushë ku dhe ka investuar disa nga vitet e jetës së saj.

27-vjeçarja Kokalari është në listën e partisë së qeverisë suedeze, e quajtur “Partia Moderate” si një kandidaturë për deputete në Parlamentin Evropian.

Në pamje të parë të duket si nordike, e gjatë, flokë bjonde dhe sy bojëqielli. Por jo, ajo është shqiptare nga Gjirokastra. Ishte vetëm 16 – vjeç kur nisi të merrej për herë të parë me politikë, ndryshe nga shumë bashkëmoshtarë të saj.

 

Po flasim për shqiptaro – suedezen, Arba Kokalari. E bija e një diplomati shqiptar u shpërngul për të jetuar në Suedi në moshën 5 – vjeçare. Bjondja simpatike flet një shqipe të pastër, kjo falë kulturës së saj në famije e cila i ka ruajtur me fanatizëm tradita tona.

Megjithëse është shumë e re në moshë ajo e shikon politikën si të lidhur ngushtësisht me jetën e saj, pasi edhe studimet i ka mbaruar pikërisht për Politikë dhe Politikë Europiane. 27 – vjeçarja Kokalari është në listë nga partia që qeverisë Suedinë, Partia Moderate si një kandidaturë shumë serioze për deputete në Parlamentin Europian.

Kokalari premton se do të jetë një zë i fortë edhe për integrimin e Shqipërisë në Bashkimin Europian. Prandaj shqiptarët që jetojnë në Suedi kanë një arsye më shumë për ta votuar atë të jetë një deputete në PE.

Arba, mund të na tregoni kur dhe si keni mbërritur në Suedi?

Unë kam vajtur në Suedi në vitin 1992 kur isha vetëm 5-vjeç pasi babai u emërua ambasador i Shqipërisë në shtetet nordike dhe balltike.

Nga sa anëtarë përbëhet familja juaj? Çfarë profesioni kanë prindërit tuaj?

Përveç prindërve unë kam edhe një motër dhe një vëlla. Babai është inxhinier ndërtimi, ka punuar si senior konsulent rreth 12 vjet dhe sot punon në Shërbimin Suedez Publik të Punësimit, ku merret kryesisht me kontaktet me biznesin suedez. Mamaja është e punësuar si farmaciste.

Çfarë arsimi keni? Për çfarë keni studiuar?

Kam mbaruar shkollën e mesme për kanto. Por që kur isha 16-vjeç jam fokusuar tek studimi dhe thellimi i dijeve të mia në Ligjin Ndërkombëtar, Studime Politike dhe Politikë Europiane në Universitetin e Stokolmit.

Si jeni bërë pjesë e politikës në Suedi? Ka qenë e vështirë të integroheshit në këtë fushë atje?

Fillova angazhimin aktiv në forumin rinor të Partisë Moderate në Suedi që 16 vjeç dhe vit pas viti kam ngjitur shkallët e partisë. Nuk ka qenë e vështirë pasi atje të rinjtë e kanë rrugën e hapur për t’u integruar më shumë brenda strukturave të partisë nëse ata i përkushtohen asaj. Rinia atje është shumë e rëndësishme për partinë tonë, pasi ata janë forca që bën ndryshimet e mëdhaja. Partia është shumë e hapur dhe shumë ide diskutohen dhe rinia ka mundësi që në një farë mënyre, ta monitorojë partinë që të mos i largohet vlerave ideologjike dhe gjthashtu të monitorojë zbatimin e politikave.

Ju tashmë jeni edhe anëtare e Këshillit Bashkiak në pushtetin lokal në vendin ku jetoni, si u përzgjodhët? Është e vështirë për një femër për të arritur diçka të tillë në moshën tuaj?

Unë pata mbështetjen e anëtarëve të partisë për të kandiduar. Ne kemi një proces ku anëtarët nominohen nga forume dhe organizata të ndryshme brenda partisë dhe pas nominimit votohen brenda saj për t’i përfaqësuar. Kjo metodë zgjedhjeje e kandidatëve është transparente dhe demokratike. Asnjëherë nuk është e lehtë kur je e re dhe femër për të arritur pozicione politike dhe kjo është arsyeja pse unë luftoj çdo ditë e më shumë.

Jeni personazh i njohur në Suedi? Jeni pjesë i debateve apo mediave atje?

Brenda strukturave të Partisë Moderate unë jam një emër i njohur. Suedia është ndryshe nga Shqipëria pasi politikanët nuk janë shumë të njohur. Ekspozimin tim në media unë e kam pasur nëpërmjet shpalosjes së bindjeve të mia duke shkruar artikuj. Jam intervistuar dhe për të dhënë opinionin tim mbi çështje të ndryshme ne vend.

Prisni që komunitetit shqiptarë në Suedi t’ju japë votën për në Parlamentin Europian?

Unë dua që komuniteti shqiptar në Suedi ta dijë që kandidoj. Dua që ta dinë që nëpërmjet angazhimit tim ata do kenë një zë, një person që e kupton çdo të thotë të vish nga një vend tjetër dhe të integrohesh në shoqerinë suedeze, një njeri që lufton për të drejtat e tyre dhe vendeve të tyre, jo vetëm në Suedi por edhe në Europë. Shpresoj që ata të më mbështesin në zgjedhjet e ardhshme për Parlamentin Europian.

Nëse do të përzgjidheni deputete në Parlamentin Europian, do të loboni edhe me kolegët e tjerë të vendeve anëtare të BE që janë skeptik për anëtarësimin e Shqipërisë?

Mendoj që Shqipëria dhe Kosova meritojnë të jenë pjesë e familjes europiane. Do të mundohem të bind të gjithë skeptikët që zgjerimi i Bashkimit Europian është i rëndësishëm dhe i vlefshëm. Politikat e zgjerimit të deritanishme kanë bërë që Ballkani Perëndimor të jetë i stabilizuar pas një periudhe të vështirë historike

Kjo gjë nuk duhet të ndalojë që ky stabilitet dhe projekt për një Ballkan më të zhvilluar të mos cënohet. Por nga ana tjeter të gjitha vendet, si Shqipëria dhe Kosova duhet të kuptojnë që demokracia dhe institucionet duhet të konsolidohen para se ky integrim të ndodhë.

Steinmeier: Ia vlen të luftohet për Evropë të bashkuar

Berlin

Presidenti gjerman, Frank-Walter Steinmeier, tha sot se ia vlen të luftohet për një Evropë të bashkuar dhe në këtë kontekst të votohet në zgjedhjet parlamentare evropiane, raporton Anadolu Agency (AA).

Në mbarë Bashkimin Evropian sot mbahen zgjedhje për përbërjen e re të Parlamentit Evropian, ndërsa presidenti Steinmeier votoi në vendvotimin në Berlin.

Steinmeier votoi në shoqërim të bashkëshortes së tij, Elka Budenbender, ndërsa pastaj u tha gazetarëve se është i lumtur se Gjermania është një vend demokratik dhe pjesë e Evropës së bashkuar.

“Kjo është arsyeja pse ia vlen të luftojmë dhe të shkojmë në votime, shpresoj që votuesit do të përgjigjen në numër të madh”, tha Steinmeier.

Kancelarja gjermane Angela Merkel më herët votoi me postë.

Të drejtë vote në zgjedhjet për Parlamentin Evropian kanë 74.7 milionë votues në Gjermani, e cila jep gjithsej 96 deputetë.

Referendum në Rumani për reformat në gjyqësor

Rumunët po votojnë në një referendum mbi përpjekjet e koalicionit qeverisës të majtë, për të përmbysur reformat anti-korrupsion, në vendin, që konsiderohet si ndër më të korruptuarit në Bashkimin Evropian.

Referendumi, që po mbahet së bashku me votimet për Parlamentin e ri Evropian, u thirr nga presidenti rumun, Klaus Iohannis, i cili mbështetet nga opozita e qendrës së djathtë.

Votuesit do t’i përgjigjen dy pyetjeve në këtë referendum.

Pyetja e parë është: A mbështesni ndalimin e amnistisë dhe faljes në rastet e lidhura me korrupsionin? Ndërkaq, pyetja e dytë: A mbështesni ndalimin e miratimit nga Qeveria e urdhrave të jashtëzakonshëm, në fushën e krimeve, ndëshkimeve dhe organizimit gjyqësor dhe zgjatjen e të drejtës për ankesë drejtpërdrejt në Gjykatën Kushtetuese?

“Drejtësia është çështje e interesit kombëtar dhe njerëzit kanë të drejtë të vendosin nëse duan apo jo që korrupsioni të bëhet politikë shtetërore”, deklaroi presidenti Iohannis, kur shpalli mbajtjen e referendumit.

Në muajin shkurt, mijëra qytetarë kishin protestuar në Rumani, pasi Qeveria e majtë kishte miratuar masat emergjente – pa bërë fillimisht një debat publik për to – masa të cilat, sipas kritikëve, kufizojnë pavarësinë e prokurorëve.

Këto masa ishin në vazhdën e disa ndryshimeve legjislative që ka bërë Qeveria e udhëhequr nga Paria Social-Demokrate, e cila erdhi në pushtet dy vjet më parë. Ndryshimet e bëra nga kjo qeveri, nxitën shqetësim në Bashkimin Evropian dhe në Shtetet e Bashkuara, mbi sundimin e ligjit në Rumani.

Partia Social-Demokrate kundërshton referendumin dhe miratoi një dekret që ndryshoi pragun e votimit, duke bërë që referendumi të jetë i vlefshëm vetëm nëse në votime marrin pjesë 30 për qind e votuesve të regjistruar në listat kombëtare.

Dita e fundit e zgjedhjeve për Parlamentin Evropian

Zgjedhjet për Parlamentin Evropian në Rumani.

Dhjetëra miliona votues në 21 shtete të Bashkimit Evropian, mund të votojnë sot, në ditën e fundit të zgjedhjeve për Parlamentin Evropian.

Gjermania, Franca, Italia, Bullgaria, Rumania, Kroacia dhe Hungaria, janë në mesin e shteteve, që sot mund të zgjedhin përfaqësuesit e tyre në Parlamentin Evropian prej 751 ulësesh.

Shtatë shtete të BE-së tashmë kanë votuar, në zgjedhjet, që nisën më 23 maj, dhe rezultatet preliminare pritet të dalin sot pasi të përfundojnë votimet në të gjitha shtetet.

Sondazhet sugjerojnë se partitë e ekstremit të djathtë, populistët euro-skeptikë nuk do të kenë rezultate të mira, ashtu siç kishin parashikuar disa vëzhgues.

Qindra milionë qytetarë votojnë në zgjedhjet për Parlamentin Evropian

Bruksel, 24 maj, 2019.

Qindra milionë evropianë pritet të zgjedhin anëtarët e rinj të Parlamentit Evropian, teksa rezultat e para tregojnë se partitë e ekstremit të djathtë nuk do të kenë rezultate të mira, ashtu siç kishin parashikuar disa vëzhgues.

Votimi për zgjedhjet evropiane nisi më herët gjatë kësaj jave, ku votuesit në Irlandë dhe Republikën Çeke votuan më 24 maj.

Tri shtete të tjera anëtare të Bashkimit Evropian pritet të votojnë sot, ndërkaq shtetet e tjera do të votojnë më 26 maj.

Një sondazh në Holandë tregonte se votuesit atje kishin mbështetur partitë që janë të angazhuara ndaj BE-së. Rezultate të ngjashme janë parashikuar edhe për një Irlandë, ku sugjerohej se partia e kryeministrit Leo Vardakar po udhëhiqte zgjedhjet.

Në Gjermani, sipas sondazhet parazgjedhore sugjerojnë se Kristian-demokratët e kancelares gjermane, Angela Merkel do të dalin në vendin e parë, pasur nga të Gjelbrit. Partia e Merkelit është një forcë dominuese në një bllok politik në BE, që njihet si grupi EPP.

Mbi 400 milionë njerëz kanë të drejtë vote në këto zgjedhje. Ata pritet të zgjedhin 751 anëtarë të rinj të Parlamentit Evropian.

Rezultatet e para zyrtare pritet të publikuan në orët e vona të 26 majit, kur votimi në 28 shtetet anëtare të BE-së të ketë mbaruar.

Votuesit në vendet anëtare të Bashkimit Evropian (BE) në Sllovaki, Maltë dhe Letoni, që në orët e para të mëngjesit kanë filluar të votojnë për zgjedhjet e Parlamentit Evropian (PE), transmeton Anadolu Anadolu Agency (AA)

Në Sllovaki mbi 4.4 milionë votues që kanë mbushur moshën 18 vjeç kanë nisur të votojnë në orën 07.00 me orën lokale për zgjedhjet e PE-së. Procesi i votimit në vendin i cili dërgon 13 deputetë në PE përfundon në orën 22.00 me orën lokale. Në vend çdo parti që kalon pragun prej 5 për qind mund të dërgojë deputet në PE.

Në zgjedhjet e PE-së të mbajtura në Sllovaki në vitin 2014, arritën të kalonin pragun katër parti dhe me një pjesëmarrje prej 13 për qind Sllovakia tregoi një pjesëmarrje shumë të ulët në krahasim me vendet e tjera anëtare të BE-së.

Malta

Në Maltë ku nuk ka prag zgjedhor ka filluar procesi zgjedhor në orën 07.00 për qytetarët të cilët kanë mbushur moshën 16 vjeç. Në vendin me rreth 350 mijë votues votimi përfundon në orën 22.00.

Në PE, Malta ka 6 vende dhe në vend nuk ka prag zgjedhor. Në zgjedhjet e PE-së të mbajtura në vitin 2014 ku pati një pjesëmarrje prej 74.8 për qind e cila ishte shumë më e lartë se mesatarja e BE-së nga ky vend janë dërguar në PE 6 deputetë nga 3 deputetë për dy parti.

Letonia

Po ashtu si në dy vendet e tjera edhe në Letoni e cila ka të drejtën të dërgojë 8 deputetë në PE, procesi zgjedhor ka nisur në orën 07.00 për rreth 1.4 milionë votues të cilët kanë mbushur moshën 18 vjeç. Ndryshe nga Sllovakia dhe Malta, votimi në Letoni do të përfundojë në orën 20:00.

Në zgjedhjet e vitit 2014, pragun zgjedhor prej 5 për qind e kaluan 5 parti të cilat dërguan 8 deputetë në PE dhe shkalla e pjesëmarrjes ishte 30.2 për qind.

Pas mbylljes së votimeve, mund të njoftohen vetëm rezultatet e “exit-poll”. Rezultatet e numërimit do të shpallen në të gjitha vendet në mbrëmjen e së dielës. Ndërsa rezultatet zyrtare do të shpallen më 31 maj.

Më 23-26 maj shkojnë në votime 374 milionë qytetarë të BE-së për të zgjedhur deputetët e PE-së. Në zgjedhjet e PE-së, të cilat pas Indisë llogariten si zgjedhjet demokratike me pjesëmarrjen e numrit më të madh të votuesve, këtë vit do të garojnë 8 grupe politike.

Parlamenti Evropian, i cili është organi legjislativ i Unionit, me Këshillin e BE-së pranon ligjet e Unionit dhe miraton buxhetin e saj.

Sot dita e parë e zgjedhjeve për Parlamentin Europian, çfarë duhet të dimë

Sot është dita e parë e zgjedhjeve për Parlamentin Europian, të cilat do të zgjasin deri në datë 26 maj. Të gjithë qytetarët e vendeve anëtare të BE që janë mbi 18 vjeç, mund të votojnë për të zgjedhur 751 europarlamentarët që do ti përfaqësojnë ata  në 5 vitet e ardhshme.

Sa përfaqësues ka cdo shtet?

Shpërndarja e vendeve në Parlamentin Europian është e përcaktuar në Traktatin e Lisbonës. Numri i popullsisë së çdo vendi përcakton edhe se sa vende do të ketë ai vend në parlament, por parimi i proporcionalitetit nuk zbatohet në mënyrë strikte duke favorizuar më shumë vendet me popullsi më të vogël. Për momentin, numri i europarlamentarëve varion nga 6 që kanë Malta, Luksemburgu, Qipro dhe Estonia, deri në 96 që ka Gjermania.

Sistemi elektoral

Sistemi elektoral është ai proporcional, i cili synon shpërndarjen e vendeve në varësi të përqindjes së  votave që ka marrë një parti. Megjithatë, shtetet janë të lira të vendosin vetë nëse do ta ndajnë vendin në disa zona elektorale apo do ta trajtojnë të gjithë vendin si një zonë të vetme.

Kur votohet?

Vende të ndryshme kanë zgjedhur ditë të ndryshme votimi brenda periudhës 23-26 maj. E enjtja është dita kur zakonisht voton Holanda dhe Britania e Madhe ndërsa shumica e vendeve votojnë të dielën. Vetëm Republika Ceke voton në dy ditë, të premten dhe të shtunën.

Kush kandidon në zgjedhje?

Gara elektorale zhvillohet mes partive kombëtare të çdo vendi, ku secila nominon kandidatët e saj. Por kur deputet të zgjidhen, ata bëhen pjesë e grupimeve politike mbikombëtare, ose ndryshe parti transnacionale. Pra çështja kryesore pas zgjedhjeve është se, kush grupim politik do të ketë influencë më të madhe në legjislativin europian. Duke filluar që nga zgjedhjet e kaluara të 2014, partitë politike evropiane ushtruan për herë të parë të drejtën për të dominuar presidentin e Komisionit Europian, krahu ekzekutiv i BE. Kandidati i Partisë Popullore Europiane mori postin e presidentit të Komisionit pasi mori mbështetjen e shumicës së Parlamentit.  Fakti që parlamenti ka të drejtë të zgjedhë presidentin e Komisionit Europian i bën këto zgjedhje akoma edhe më të rëndësishme.

Grupimet politike europine

Këto grupime formohen zakonisht nga partitë e vendeve anëtare që kanë ideologji dhe projekte politike të ngjashme.

Partia Popullore Europiane është aktualisht grupimi më i madh në parlament me 217 vende. Kandidatura e tyre për presidencën e komisionit pas këtyre zgjedhjeve do të jetë politikani gjerman dhe njëkohësisht lideri i kësaj partie, Manfred Weber.

Kujtojmë se në këto zgjedhje europiane kandidojnë edhe disa deputetë me origjinë shqiptare dhe kosovare. Adnand Dibrani kandidon si deputet socialist nga parlamenti Suedez. Amet Gjana kandidon nga Belgjika si pjesë e Partisë Socialiste Belge. Nga vendi fqinj i greqisë, kandidon si pjesë e partisë PASOK, Eda Gemi.

Zgjedhjet zhvillohen në një kohë kur po rritet mbështetja për nacionalistët dhe populistët, që duan t’i frenojnë përgjegjësitë e BE-së, ndërsa fuqitë tradicionale, si Franca dhe Gjermania, këmbëngulin se uniteti është opsioni më i mirë përballë sfidave ekonomike dhe të sigurisë.

Shpëton burri që u ngjit dje në Kullën Eiffel

VOAL – Ekipet e shpëtimit arritën dhe kapën njeriun që u ngjit me Kullën Eifel me duart bosh dje pasdite dhe pothuajse arriti majën e monumentit parizian.

Një njeri që rri pezull mbi Kullën Eifel

Individi, një 40 vjeçar, i cili qëndroi pezull në zbrazëti për orë të tëra dhe kërcënoi të bënte vetëvrasje, tani është “nën kontroll” dhe është “marrë nga ekipet e ndërhyrjes”, sipas një burimi policor të raportuar mbrëmë nga kompania e menaxhimit të monumenteve, e cila u rihap për vizitorët të martën në mëngjes në orën 09.30.

Shpëtuesit në veprim

Alarmi, i shkaktuar rreth orës 15.00, u ndoq në pak minuta nga ndërhyrja e zjarrfikësve e forcave të policisë dhe nga evakuimi i plotë i kullës.

AFP / ANSA

Ministrat e ekstremit të djathtë braktisin Qeverinë e Austrisë

Kancelari austriak, Sebastian Kurz

Partia e ekstremit të djathtë e Austrisë FPO tha se ministrat e saj do të largohen nga qeveria e koalicionit.

Kriza politike në Austri shpërtheu javën e kaluar, për shkak të një videoje që thuhet se tregon udhëheqësin e FPO-së, Heinz-Christian Strache, duke i ofruar kontrata një përfitueseje potenciale ruse, në këmbim të donacioneve politike.

Strache dha dorëheqje nga pozita e zëvendëskancelarit, ndërsa kancelari Sebastian Kurz i kërkoi presidentit të shkarkojë ministrin e Brendshëm, Herbert Kickl, po ashtu i partisë FPO, duke thënë se ai është pengesë për hetimet transparente të skandalit.

FPO u hakmor duke i tërhequr ministrat e tjerë nga qeveria dhe duke e lënë Kurzin pa ministër të Jashtëm, të Mbrojtjes, të Punës dhe të Infrastrukturës.

Presidenti i Austrisë, Alexander van der Bellen, kërkoi që zgjedhjet e parakohshme të mbahen në shtator.

Në videon e publikuar nga mediat gjermane, më 17 maj, gruaja flet rusisht dhe e identifikon veten si mbesa e një biznesmeni të pasur rus.

Një tjetër zyrtar i FPO-së duket duke përkthyer nga gjermanishtja në rusisht.

Takimi dyshohet se u zhvillua në ishullin spanjoll të Ibizës, në korrik të vitit 2017, tre muaj para zgjedhjeve që e sollën FPO-në në qeverinë e koalicionit dhe e bënë Strachen zëvendëskancelar.

Kremlini e mohoi përfshirjen në skandal.

“Kjo nuk ka të bëjë me Federatën Ruse, as me presidentin e saj, as me qeverinë e saj”, tha Dmitry Peskov, zëdhënës i presidentit rus, Vladimir Putin.

“Ne nuk e dimë se kush është kjo grua, nëse ajo është ruse apo jo”, tha Peskov.

Në vitin 2016, FPO nënshkroi marrëveshje bashkëpunimi me partinë e Putinit, Rusia e Bashkuar.

Zbrazet dhe mbyllet Kulla Eiffel pasi një njeri shihet duke u ngjitur në të

Kulla e famshme Eiffel në Paris është zbrazur pasi një burrë është parë duke u ngjitur në njërën anë të strukturës së saj të hënën në mëngjes, i kanë thënë autoritetet CNN-it.

Vizitorët nisën të postonin fotografi dhe video të individit derisa ngjitej, e e cila është 324 metra e lartë.

“Kulla Eiffel është mbyllur dhe është në procesin e zbrazjes sepse një person po ngjitet në të,” ka thënë zëdhënësja.

Zjarrfikësit janë në vendin e ngjarjes dhe thuhet se po komunikojnë me burrin që po ngjitet në kullë.

Gati 7 milionë njerëz e vizitojnë Kullën Eiffel çdo vit, e e cila u ndërtua më 1889.

Dhjetëra mijë gjermanë manifestojnë kundër nacionalizmit

Një javë para zgjedhjeve për në Parlamentin Europian, mijëra mbështetës të Bashkimit Europian manifestuan në disa qytete gjermane në mbështetje të unitetit europian dhe kundër nacionalizmit.

Protestuesit në Berlin dhe Këln mbanin flamurë të BE-së dhe pankarta, ku kërkonin një Europë solidariteti në vend të një Europe nacionaliste.

Të paktën 50 000 pjesëmarrës ishin në Berlin, të cilët manifestuan nën moton ”Europë për të gjithë – zëri yt kundër nacionalizmit”.

Nga 23-26 maj zhvillohen zgjedhjet për në Parlamentin Europian, ku pritet që kandidatët e së djathtës ekstreme të mobilizojnë votuesit nacionalistë.

Austri, Kancelari Kurz thërret zgjedhjet e parakohëshme

Kancelari austriak Sebastian Kurz bëri thirrje për zgjedhje të parakohëshme pas dorëheqjes së zëvendës kancelarit, që i dha fund koalicionit të tij qeverisës.

Zëvendës kancelari i Austrisë Heinz-Christian Strache dha dorëheqjen të shtunën, pasi dy gazeta gjermane, “Der Spiegel” dhe “Sueddeutsche Zeitung”, publikuan pamje filmike ku ai shfaqej tek i ofronte kontrata shtetërore një investoreje të dyshuar ruse, gjatë një feste në Ibica të Spanjës.

Kancelari Kurz tha se nuk mundi të arrinte një marrëveshje me udhëheqësit e Partisë së Lirisë mbështetës të politikave kundër-emigracionit të zotit Strache, për të çuar përpara koalicionin me Partinë Popullore të qendrës së djathtë.

Ai tha gjithashtu se një koalicion i mundshëm me socialdemokratët nuk do ta lejonte qeverinë austriake të zbatonte politikat e saj për uljen e borxhit e të taksave.

Dorëheqja e Heinz-Christian Strache konsiderohet një goditje për forcat populiste e nacionaliste që janë pro politikave më të forta ndaj emigracionit në Evropë. Ajo vjen vetëm pak ditë para zgjedhjeve për Parlamentin Europian të parashikuara të mbahen në datat 23-26 maj në 28 vende të BE-së.

Heinz-Christian Strache njoftoi dorëheqjen të shtunën dhe nuk pranoi pyetje nga gazetarët. E përditshmja gjermane “Sueddeutsche Zeitung” dhe e përjavshmja “Der Spiegel” publikuan të premten pjesë nga një video e fshehtë që tregonte zotin Strache tek i ofronte kontrata të qeverisë austriake një shtetaseje ruse që pretendonte se ishte e interesuar të investonte sasi të mëdha parash në Austri. Politikani 49-vjeçar tha se kishte qenë nën efektin e fortë të pijeve alkoolike dhe ishte ”sjellë si një adoleshent” në një përpjekje siç tha ai, për “t’i bërë përshtypje organizatores tërheqëse” të festës në një vilë në Ibica.

Më herët të shtunën, disa mijëra protestues të opozitës bënë thirrje për zgjedhje të reja përpara zyrës së kancelarit Kurz në Vjenë./VOA

Luvri nderon arkitektin e piramidës prej xhami

Muzeu i Luvrit nderoi dje arkitektin e piramidës prej xhami në hyrje të Luvrit. Arkitekti I.M. Pei i cili vdiq këtë javë në moshën 102 vjeçare në banesën e tij në Nju Jork.

FILE – Architect I.M. Pei speaks after being honored with an Ellis Island 2004

Dhjetëra punonjës të Luvrit ishin mbledhur nën piramidën që shërben si hyrja e muzeut të famshëm. Në shenjë nderimi për veprën e arkitektit ata duartrokitën për një minutë.

Piramida me lartësi 22 metra fillimisht hasi në rezistencë të fortë. Presidenti i atëhershëm francez, Francois Mitterrand, i cili ishte në përurimin e piramidës, u bë vetë objekt kritikash kur u zbulua vepra e re prej xhami. Presidenti Miterrand e kishte zgjedhur personalisht arkitektin me origjinë kineze I.M. Pei për të kryesuar punimet restauruese në një kohë që Luvri ishte në nevojë urgjente riparimesh.

I.M. Pei para veprës së tij

Shumë francezë ishin kundër ndryshimeve në Luvër, pasi e konsideronin të paprekshëm këtë simbol të kulturës kombëtare.

Por Luvri, ashtu si i gjithë Parisi dhe Franca e pranuan ndryshimin që sjell koha. Sot piramida prej xhami mirëpret miliona vizitorë që vijnë për të parë muzeun çdo vit. Pasi vizitorët futen në piramidë, ata zbresin shkallët për tek salla qendrore ku fillojnë vizitën në Luvër.

I.M.Pei është autor i një numër ndërtesash të famshme edhe këtu në Uashington. Ashtu si në Luvër, edhe këtu u desh pak kohë që qyteti të mësohej me krijimet e tij.

Dorëhiqet zëvendës kancelari austriak

Zëvendës kancelari i Austrisë Heinz-Christian Strache dha dorëheqjen të shtunën.

Vendimi vjen pasi dy gazeta gjermane, “Der Spiegel” dhe “Sueddeutsche Zeitung”, publikuan pamje filmike ku ai shfaqej tek i ofronte kontrata shtetërore një investori të dyshuar rus, në shkëmbim të mbështetjes për fushatën zgjedhore.

Heinz-Christian Strache tha të shtunën se ishte “viktimë e një sulmi politik”, por pranoi se veprimet e tij në video ishin “gabim dhe një budallallëk”.

Analistët politikë thonë se skandali vë në pikëpyetje koalicionin qeverisës mes Partisë së Lirisë me qasje kundër emigracionit të zotit Strache dhe Partisë Popullore të qendrës së djathtë të Kancelarit Sebastian Kurz.

Asnjë nga politikanët nuk kanë bërë komente mbi të ardhmen e aleancës së tyre.

Sebastian Kurz i jep fund bashkëpunimit me Heinz Christian Strache, nënkancelari u filmua duke bërë ujdi me një manjate ruse (video)

VOAL – Kancelari austriak Sebastian Kurz i jep fund bashkëpunimit me nënkancelarin dhe liderin FPÖ Heinz-Christian Strache. Kështu njofton DPA. Kancelari për këtë do të japë një koncerencë për shtyp në orën 12.00.

Heinz Christian Strache njihet si kundërshtar i rreptë i Kosovës.

Vendimi merret një ditë pas publikimit të videos komprometuese për nënkancelarin. Skandali plasi në qeverinë austriake pas transmetimit të pamjeve të marra me një telekamer të fshehte nga Der Spiegel e Sueddeutsche Zeitung. Bëhet fjalë për një takim në Ibiza me një të ashtuquajtur mbesë të oligarkes ruse Aljona Makarowa, që oftonte një investim rreth 250 milionë euro për të marrë aksionet shumicë në shtypin austriak, sidomos në të përditshmen “Kronen Zeitung”, me para të zeza të një prejardhje të paditur. “Nënse e blini Kronen Zeitung tri javë para zgjedhjeve dhe ne marrim shumicën, mund të flasim për gjithçka,” thotë Strache në video.

Femra në fakt ishte një joshëse dhe takimi në Ibica ishte një kurth.

Shtypi austriak tani pret shkarkimin e Heinz Christian Strache si nënkancelar. Pas kësaj pritet një riformim i qeverisë ose kalii në zgjedhje. Më shumë pritet që Sebastian Kurz të parapëlqejë këtë të fundit, edhe spese sondazhet e fundit e japin partinë e tij në ngjitje.


 

Videoja u botua të premten në një artikull të përbashkët nga revista gjermane e lajmeve Der Spiegel dhe e përditshmja Süddeutsche Zeitung.

Ish-presidenti francez Sarkozi në gjyq lidhur me fushatën e vitit 2012

Në Francë Gjykata Kushtetuese hapi rrugën të premten që ish-presidenti Nicolas Sarkozy të gjykohet për financimin e dyshuar të paligjshëm të fushatës së tij të dështuar për t’u rizgjedhur, në vitin 2012.

Zoti Sarkozi e kishte apeluar vendimin në këtë gjykatë, duke iu referuar atij që njihet si parimi i “rrezikut të dyfishtë”, pasi ai ishte dënuar në vitin 2013 dhe ishte urdhëruar të paguante një shumë prej 360 mijë eurosh për shkelje të rregullave mbi financimin e fushatës.

Por të premten, gjykata vendosi se dënimi për të cilin zoti Sarkozi ishte urdhëruar të paguante një shumë parash në vitin 2013-të, kishte të bënte me një tjetër shkelje.

Rasti tani varet nga gjykata më e lartë e apelit në vend (Cour de Cassation) ku zoti Sarkozi, ka paraqitur një ankim tjetër. Nëse edhe ky ankim refuzohet, çështja do t’u kthehet prokurorëve, të cilët do të vendosin nëse ai duhet të gjykohet apo jo.

Nëse po, 64 vjeçari Nicolas Sarkozi do të ishte presidenti i parë francez në bankën e të akuzuarve që nga koha e Jacques Chirac-ut, paraardhësi i tij që drejtoi vendin nga 1995 deri në 2007. Në vitin 2011 Jacques Chirac u dënua për keqpërdorim të fondeve publike dhe iu dha një dënim me kusht.

Kancelarja Merkel përshëndet unitetin e BE-së kundrejt Iranit

Kancelarja gjermane, Angela Merkel ka thënë se Evropa duhet të “ripozicionohet” në një botë që po ndryshon vazhdimisht dhe është duke mirëpritur unitetin e fuqive të Bashkimit Evropian kundrejt Iranit, në krahasim me ndasitë e thella lidhur me luftën 16-vjeçare në Irak.

Merkel ka thënë në një intervistë për të përditshmen gjermane, Sueddeutsche Zeitung se Evropës i duhen arguemente më largpamëse, pasi sipas saj vetëm duke “përmendur shtatë dekada të paqes nuk është mjaftueshëm për të arsyetuar Evropën”.

Pak para mbajtjes së zgjedhjeve në Parlamentin Evropian më 23-26 maj, ajo ka thënë se “nuk ka dyshim se Evropës i duhet të ripozicionohet në një botë që po ndryshon”.

Sipas saj, është “vlerë në vete” që Evropa nuk është e ndarë sa i përket Iranit.

Fuqitë evropiane kanë thënë ditë më parë përmes një deklarate se nuk pranojnë “ultimatumet” e Iranit sa i përket marrëveshjes bërthamore që Teherani ka nënshkruar me fuqitë botërore më 2015.

Deklarata e tyre ka ardhur pasi Irani ka hequr dorë pjesërisht nga kjo marrëveshje, duke iu bërë thirrje vendeve nënshkruese që të mbrojnë interesat e Iranit kundrejt sanksioneve amerikane.

Shtetet e Bashkuara në anën tjetër i janë kundërpërgjigjur paralajmërimeve iraniane me sanksione të reja, për dallim nga ato të gati një viti më parë dhe kanë pozicionuar një aeroplanmbajtëse në Lindje të Mesme, duke cituar aktivitetet e dëmshme të Iranit.

Presidenti amerikan, Donald Trump ka thënë të jetë tërhequr nga marrëveshja bërthamore, pasi kjo e fundit ka pasur shumë mangësi.

5 Maj 1949, Këshilli i Evropës feston 70 vjetorin

Më 5 Maj Këshilli i Evropës feston 70-vjetorin e tij. KE me 47 anëtarë shihet si më e fuqishmi për mbrojtjen e të drejtave të njeriut në kontinent e jashtë tij. Shpesh Këshilli i Evropës ngatërrohet me Këshillin e BE.

Ishin 10 shtete evropiane ato që më 5 Maj 1949 në Strasburg vendosën të bashkoheshin me qëllimin “e ruajtjes së trashëgimisë së përbashkët evropiane.” Rivendosja e paqes, demokracisë, stabilitetit në Evropë pas tmerrit të Luftës së Dytë Botërore ishte prioriteti kryesor evropian – në të njëjtën kohë planifikohej thellimi i bashkëpunimit ekonomik dhe ndihma për çështjet sociale. Këshilli i Evropës ka për detyrë të zhvillojë afrimin mes vendeve anëtare, thuhet në statutin e organizatës.

Detyrimi për një bashkim evropian nuk është fat pësues për Evropën. Por më shumë një impuls krijues, që i përgjigjet madhështisë së traditës evropiane.” Kështu është shprehur kancelari i atëhershëm gjerman, Konrad Adenauer (1876-1967) më 10 dhjetor 1951 para Asamblesë këshilluese të Këshillit të Evropës, vit kur Gjermania u bë anëtare e tij.

Këshilli i Europës dhe Këshilli i BE – struktura të njëjta?

Sot Këshilli i Evropës ka 47 anëtarë. Vetëm tre shtete në hapësirën gjeografike të Evropës nuk janë anëtarë të tij. Kosova, Vatikani dhe Bjellorusia. Këshilli i Evropës ka dy organe të rëndësishme: Asamblenë Parlamentare me funksion këshillues, ku janë të përfaqësuar deputetë të vendeve anëtare dhe Komiteti Ministror që përbëhet nga ministrat e Jashtëm dhe përfaqësuesit e përhershëm diplomatikë të vendeve anëtare.

Ky institucion u shërben shkëmbimeve diplomatike dhe vendos për pranimin e anëtarëve të rinj, pezullimin e përkohshëm të anëtarësisë si edhe zbatimin e vendimeve të Gjykatës Evropiane për të Drejtat e Njeriut. Gjykata Evropiane për të Drejtat e Njeriut u krijua si institucion i pavarur nga Këshilli i Evropës në vitin 1959 dhe financohet prej tij. Simbolet e Këshillit të Evropës si flamuri dhe himni përdoren nga viti 1986 edhe nga Bashkimi Evropian.

Këshilli i Evropës nuk është i lidhur institucionalisht me BE. Shpesh ndodh që Këshilli i BE-së të ngatërrohet me Këshillin e Evropës. Por Këshilli i BE është instancë e BE, që bashkon krerët e shteteve dhe qeverive të BE. Bashkimi Evropian dhe Këshilli i Evropës dallojnë mes tyre jo vetëm në numrin e anëtarëve – BE ka 28 anëtarë, kurse KE 47, – por edhe në ndikimin politik. BE ka kompetencë ligjore në tregun e brendshëm dhe mjedisit, kurse Këshilli i Evropës përgatit marrëveshje apo konventa ndërkombëtare si Konventa e Stambollit për luftimin e dhunës kundër gruas.

Ndër arritjet më të mëdha të Këshillit Evropës të vitit të kaluar konsiderohen zbatimi i shpejtë i vendimeve të Gjykatës Evropiane të të Drejtave të Njeriut. Përveç kësaj Këshilli i Evropës ka krijuar një platformë ku mund të publikohen kërcënimet ndaj gazetarëve.

Sfidat e ardhshme të Këshillit të Evropës

Në deklaratën e përbashkët të Sekretarit të Përgjithshëm të Këshillit të Evropës, Thorbjorn Jagland, presidentes së Asamblesë Parlamentare, Liliane Maury Pasquier dhe kryetarit të Komitetit Ministror, Timo Soini të publikuar me rastin e 70-vjetorit të krijimit të theksohet se “70 vjet pas krijimit, Këshilli i Evropës është organizata më e rëndësishme për mbrojtjen e të drejtave të njeriut.

Por deklarata e vë theksin tek sfidat e sotme. “Tek ato renditen krahas revolucionit të inteligjencës artificiale, edhe robërimi i skllavërisë moderne e rritja e pabarazisë në shumë nga shoqëritë tona, dhe ne ende nuk e dimë, se cilat lloj problemesh do të duhet të zgjidhim në vitet e ardhshme. Një Këshill i fortë i Evropës me mbështetjen e Komitetit Ministror dhe Asamblesë Parlamentare – do të shfrytëzojë aftësinë e sistemit tonë konvencional dhe vendosmërinë e shteteve anëtare – për të ofruar zgjidhje multilaterale, nga të cilat të përfitojnë të gjithë qytetarët në kontinent.

Një nga temat më të debatuara në Këshillin e Evropës është aneksimi i Krimesë. Deputetët rusë bojkotojnë nga viti 2015 Asamblenë Parlamentare. Kurse nga viti 2017, Moska nuk e paguam në kontributin e saj disamilionësh për këtë organizatë. Gjermania dhe Franca punojnë për një zgjidhje, sepse ato e duan Rusinë anëtare aktive të Këshillit të Evropës.

Sekretari i Përgjithshëm i Këshillit të Europës, Thorbjorn Jagland

Maas: Nuk ka vend për neonazistët as në rrugë, as në internet

Ministri gjerman i Punëve të Jashtme, Heiko Maas paralajmëroi se neonazistët nuk duhet të kenë hapësirë në rrugët e qytetit, pasi ekstremistët e ekstremit të djathtë marshuan veshur me uniformë nëpërmjet qytetin lindor të Plauenit për ditën e 1 Majit.

“Nëse neonazistët marshojnë sërish në rrugët tona dhe ka më shumë se 12 000 ekstremistë të dhunshëm të ekstremit të djathtë, atëherë nuk duhet thjesht ta injorojmë këtë fakt”, tha ai për “Funke Media Group”.

 “Ne nuk duhet të nënvlerësojmë potencialin e terroristëve të ekstremit të djathtë. Këto janë shifra të hidhura për vendin tonë. Nuk duhet të lëmë rrugët dhe internetin tonë për radikalët e djathtë”, theksoi ministri gjerman.//ATSH

Betohet komandanti i ri i forcave të NATO-s për Evropë

Gjenerali amerikan, Tod D.Wolters, është betuar si Komandant Suprem i Forcave Aleate të NATO-s në Evropë.

Në një ceremoni të mbajtur në Mons të Belgjikës, Sekretari i Përgjithshëm NATO-s, Jens Stoltenberg, tha se komanda evropiane është “një nga pozicionet më sfiduese dhe më të rëndësishme ushtarake në botë”.

Gjenerali Wolters do të jetë gjithashtu komandant i forcave amerikane për Evropë. Ai e pason në këtë pozitë gjeneralin tjetër amerikan, Curtis Scaparrotti.

Gjenerali Wolters e merr këtë pozitë në kohën kur Aleanca Veriatlantike është duke u përgatitur për prishjen e mundshme të Traktatit të Forcave Bërthamore mes SHBA-së dhe Rusisë, një pakt i çarmatimit që e ka mbrojtur Evropën për tre dekadat e fundit.

Wolters kishte shërbyer si komandant i forcave ajrore amerikane në Evropë në bazën ajrore Ramstein në Gjermani. Ai është një pilot i aeroplanëve luftarak me karrierë ushtarake gati 32-vjeçare.

Policia gjermane shpartallon një nga platformat më të mëdha kriminale në internet

Berlin

Policia gjermane, në një aksion të zbatuar bashkë me autoritetet amerikane dhe holandeze, kanë shpartalluar një nga platformat më të mëdha të trafikimit në internet, transmeton Anadolu Agency (AA).

Zyra e policisë kriminalistike federale, sot tha se ka arrestuar tre gjermanë me akuzat se kanë zhvilluar platformën e ashtuquajtur “Wall Street Market” në internet të thellë, përmes së cilës kanë ofruar kokainë, heroinë dhe droga tjera, si dhe të dhëna dhe dokumente të rreme në llogaritë e 1.15 milionë klientëve.

Prokurorët pohojnë se pagesat janë kryer përmes kriptovalutave, ku të arrestuarit kanë marë një provizion me 2 deri në 6 për qind të shumës.

Në disa bastisje të kryera të enjten, autoritetet kanë konfiskuar serverin bashkë me 550.000 euro para të gatshme, si dhe kriptovaluta, disqe, dhe prova tjera materiale.

Siç bëhet e ditur, autoritetet amerikane kanë arrestuar dy furnizues droge në Los Anxhelos, me ç‘rast kanë konfiskuar rreth 1 milion dollarë para të gatshme, armë dhe droga të ndryshme.

Aktualisht nuk ka detaje për identitetin e personave të arrestuar.

Qipro: Plas skandali pasi kapiteni ushtrisë pranoi se është vrasës serial i shërbyeseve të huaja shtëpiake

VOAL –  Ministri qipriot i drejtësisë, Ionas Nicolau, dha dorëheqjen pas polemikave mbi hetimet e kryera keq që përfshinin një vrasës serial, një kapiten ushtrie që pranoi se kishte vrarë 5 gra – të gjitha ndihmëse të huaja shtëpiake – dhe dy vajza të vogla , vajza (6 dhe 8 vjeçe) të dy prej viktimave. Hetimi mund të sjellë në dritë një numër shumë më të madh viktimash: deri në 30, sipas disa mediave ndërkombëtare.

Historia ka terrorizuar banorët e ishullit dhe u kthye në qendër të vëmendjes në një sistem shfrytëzimi që i detyron mijëra gra emigrante të punojnë si punëtore shtëpiake në kushte të skllavërisë substanciale.

Nicolau tha se ai mori vendimin për “bazën e ndërgjegjes dhe parimit”, por mohoi përgjegjësinë për “mangësitë e dukshme” nga policia në trajtimin fillestar të rasteve të grave të vrara brutalisht. Ministri pastaj vuri në dukje “qëndrimet dhe perceptimet” e shoqërisë qipriote, dukshëm ndaj të huajve, “të cilët nuk e nderojnë” vendin.

Ky është rasti i parë i një vrasësi serial në Qipro. Vrasësi i njihte viktimat e tij në një vend takimesh online dhe pasi i ndoqi për një kohë, i vrau pa mëshirë.

E gjitha filloi më 14 prill, kur disa turistë gjetën aksidentalisht një trup të lidhur të një gruaje – një filipinase 38 vjeçare – në një pus të minierave të përmbytur, pranë liqenit artificial toksik të Kokkinopezoulas, 32 km në perëndim të Nikozisë, që është pjesë e një ish minierë bakri pirit. Nga këtu u krye hetimi që çoi në arrestimin e kapitenit, përpara zbulimit të një trupi të dytë, të një filipinaseje tjetër, që u gjet në të njëjtin pus më 20 prill. Vrasësi serial u arrestua falë mesazheve të shkruar nga një viktimë në një vend takimi: të dy ishin takuar për 6 muaj, para zhdukjes së gruas dhe vajzës së saj 6-vjeçare (trupi i të cilëve ende nuk është gjetur) , në maj 2018.

Kapiteni pranoi se kishte hedhur tre nga viktimat e tij në liqen: të dielën e kaluar u gjet një valixhe që përmbante një trup në gjendje dekompozimi (identiteti i kësaj viktime ende nuk dihet), ndërsa pak ditë më parë një trup tjetër – ndoshta ajo e një nepalezje – u zbulua në një distancë ushtarake rreth 15 km larg.

ATS

Bruksel, ekspozohen tramvajë të vjetër 150 vjet

Bruksel

Kompania e transportit publik (STIB) në kryeqytetin e Belgjikës, Bruksel, në kuadër të 150 vjetorit të vënies në shërbim të tramvajëve, i ekspozoi vagonët më të vjetër, raporton Anadolu Agency (AA).

Rreth 40 modele historike dhe të reja të tramvajëve të ekspozuar në Rrugën Mbretërore, hasën në interesim të madh nga qytetarët dhe turistët.

Disa qytetetarë në rrugë ishin veshur me veshje tradicionale të asaj kohe, para tramvajëve të përdorur për herë të parë në vitin 1869.

Gjatë aktivitetit qytetarët patën mundësinë të hyjnë brenda tramvajëve historik pa pagesë.

Silvio Berlusconi shtrohet me urgjencë në spital

Silvio Berlusconi shtrohet me urgjencë në spital. Lideri i Forza Italia nuk është ndier mirë dhe mëngjesin e së martës është shtuar në spitalin e San Raffaele në Milano shkruan Tgcom 24.

Nuk dihet ende gjendja shëndetësore e ish-kryeministit italian. Kujtojmë që në vitin 2016 është operuar në zemër. Silvio Berluconi pak kohë më parë bëri me dije se do të kandidojë për deputet në Parlamentin Europian, zgjedhje të cilat do të zhvillohen më 26 maj të 2019-ës.

Ditën e sotme rreth ore 14: 00, 82-vjecari do të dilte në një konferencë për shtyp ku do të bënte prezantimin e kandidatëve të Forza Italia-s

Merkel e Macron: Sonte do të diskutojmë zgjidhjen, nuk do të imponojmë asgjë

Kancelarja gjermane, Angela Merkel, nga Berlini, gjatë një konference të përbashkët me presidentin francez, ka thënë se vendim për zgjidhjen e çështjes Kosovë-Serbi sonte nuk pritet të ketë, por tha se “pret zgjidhje mes dy vendeve”.

“Jemi të përkushtuar për perspektiven evropiane të vendeve të Ballkanit, por kjo s’ka të bëjë me zgjerimin. Gjermania e Franca duan të tregojnë se është në interes të përbashkët që të shohim zhvillimin e Ballkanit. Në darkë do të diskutojmë se si mund ta gjejmë një zgjidhje për Kosovën dhe Serbinë. Ideja jonë është që të shohim se si të pajtohemi për t’i lehtësuar e jo vështirësuar gjerat. Nuk do të ketë ndonjë vendim sonte”, tha Merkel.

Ndërsa, presidenti Francez, Emmanuel Macron, ka thënë se takimi i sotëm është joformal dhe si i tillë në të s’do të flitet për çështje të hapura të vështira.

“E kemi parë që ka mundësi të zgjidhjeve siç është rasti i Greqisë dhe Maqedonisë së Veriut. Kjo ndodh kur njerëzit janë të guximshëm. Çështja kryesore e diskutimit do të jetë Kosova dhe Serbia. Duam që të vazhdojnë dialogun. Nuk duam të imponojmë zgjidhje për Kosovën e Serbinë. Shpresojmë që të mos ketë emocione në rrugën përpara dhe vështirësi të reja. Ku ka tensione, duam t’i adresojmë”, deklaroi Macron.

Ky është orari i takimeve sot në Berlin

Liderët e Ballkanit Perëndimor sot në Berlin do të kenë një agjendë të ngjeshur me takime. Sipas orarit që ka siguruar Gazeta Express, mësohet se takimet me liderët do të fillojnë nga ora 16:00, derisa do të vazhdojnë deri në orën 19:30.

Siç ka raportuar Gazeta Express, ditë më parë, kancelarja gjermane, Angela Merkel do të takohet sot fillimisht me kryeministrin e Maqedonisë Veriore, Zoran Zaev.

Takimi do të jetë i shkurtë, e do të fillojë në orën 16:00.

Një bisedë të shkurtë Merkel pas Zaevit, do të zhvillojë me kryeministrin e Shqipërisë, Edi Ramën.

Në orën 17:00, pasi që Merkel përfundon takimet me Zaevin e Ramën, ajo do të shihet me presidentin e Francës, Emanuel Macron në orën 17:00, teksa gjysmë ore më pas ata do të dalin në një konferencë për media.

Pas këtyre takimeve me Zaevin, Ramën e Makronin, Merkel do të takohet në një takim pune me liderët e përfaqësuesve të Bosnjës e Hercegovinës, Kroacisë, Kosovës, Malit të Zi, Serbisë, Sllovenisë dhe përfaqësuesve të lartë të BE-së për Punë të Jashtme dhe Siguri, të cilët do të arrijnë në Berlin në orën 17 e 30.

Ky takim pune do me liderët e Ballkanit Perëndimor do të fillojë në orën 17 e 45 dhe do të zgjas deri në orën 19 e 30.

Brenda kësaj kohe do të ketë edhe një darkë pune.

Sipas agjendës ky takim do të shërbejë për të shkëmbyer pikëpamjet për stabilitetin e rajonit, në mënyrë të veçantë për raportet ndërmjet Serbisë dhe Kosovës.

Në orën 19 e 30 më do të realizohet fotografimi ‘familjar’. Megjithatë nuk dihet ende nëse do të ketë takime bilaterale me liderët e Kosovës dhe Serbisë.

 

Jörg Lüer: Në Shqipëri mungoi ndjekja penale për krimet e komunizmit

Deutsche Welle: Nëse afër 30 vite pas rrëzimit të diktaturës një vend nuk e ka gjetur dot gjuhën e përbashkët për t’u ballafaquar me të,  – çfarë ka shkuar keq?

Jörg Lüer: Fillimisht duhet thënë, se kjo bën pjesë tek problemet tipike të vendeve që kanë kaluar dhunë masive, ato kanë nevojë për shumë kohë derisa ta gjejnë një gjuhë të përbashkët. Nuk bëhet dot si duhet, në kuptimin që, kjo kohë të merrte fund pas 5 vjetësh. Duhet të kuptojmë, se ka viktima, ka fajtorë, kundrues, ka deformime të shumëllojta të personave e të personaliteteve për shkak të përvojës së dhunës. Shkaktarët përpiqen, si rregull nga ana politike në pozicion më të mirë, siç mund ta shohim shpesh, të hedhin pas historinë e të mos ballafaqohen me të. Viktimat sigurisht janë të lidhura me këtë histori, ajo është një prerje jashtëzakonisht e thellë në jetën e tyre. E kur viktimat fillojnë të artikulojnë historinë që u ka ndodhur, e dimë se kjo u sjell stres shkaktarëve e familjeve të tyre.

Në rastin e Shqipërisë, e njohur si diktatura më e ashpër staliniste, një vend ku dosjet u mbajtën me dekada të mbyllura, ku sipas medias, ende sot, gjenden individë të ish-Sigurimit në institucione të ndryshme. Cila do të kishte qenë rruga në përballimin me të shkuarën, që të mos kishim këto zvarritje e vonesa?

Do të isha i kujdesshëm t’i jepja këshilla Shqipërisë nga jashtë, se çfarë duhet të kishte bërë më mirë. Ajo që do të thoja, e që u bë shumë vonë në Shqipëri është vëmendja e duhur që duhej t’u kushtohej vendeve, ku u bënë krimet. Tani ka ndryshuar diçka, po mund të bëhej më shumë. Ndoshta duhet edhe më shumë angazhim nga diaspora për të mbështetur proceset në Shqipëri. Sidoqoftë, rrugët e përballjes më të shkuarën janë gjithmonë shumë të gjata, ne nuk flasim për 3 vjet, por të paktën për 3 breza. Ajo që shoh tani në Shqipëri më inkurajon.

A ka të bëjë polarizimi dhe zvarritjet në përballjen me diktaturën edhe me atë që Shqipëria në masë të madhe pati një vazhdimësi elitash, ju e njihni Shqipërinë nga disa projekte bashkëpunimi për të shkuarën?

Natyrisht ka pasur një masë të madhe të kontinuitetit të elitave, kjo është shokuese kur e sheh, në të njëjtën kohë  po e marrin përgjegjësinë brezat e rinj në këtë vend duke e zbutur kështu këtë kontuinitet. Por përballja me çështjet e së shkuarës është edhe një konfrontim masiv me këtë kontuinitet elitash. Por ajo duhet bërë. Nëse një vend do të krijojë një ndjesi për të drejtën dhe drejtësinë, perspektivën për pajtimin duhet të ndodhë më shumë.

Çfarë është në këtë rast “më shumë”?

Ajo që nevojitet është zbardhja siç duhet e diktaturës, akcesi tek dosjet, këtu janë bërë përparime, nevoja për shoqërimin siç duhet të ish-burgosurve politikë, duhen mbledhur historitë e këtyre krimeve, ose ndoshta thjesht Institutin e Studimeve të Krimeve të Komunizmit ta pajisin me më shumë fonde, me më shumë mundësira. Ajo që mungon qartë është ndjekja penale. Deri më tani, me sa di unë, asnjëri nga autorët e krimeve, qoftë në Shqipëri, qoftë në vende të tjera nuk ka dalë para drejtësisë.

Por personat përgjegjës që kishin kompeteneca të caktuara në kohën e diktaturës thonë se kemi bërë detyrën. Si do mund të bëhej kjo juridikisht?

Në rastin e ballafaqimit juridik me të shkuarën nuk bëhet fjalë nëse e gjen apo jo veten fajtor i akuzuari. Konstatimi i fajit është kompetencë e gjykatës. Me këtë merret në konsideratë një instancë objektive, e ajo që është e rëndësishme, viktimave u jepet vend në diskursin publik të paraqesin historitë e tyre. Justifikimi, se kemi bërë vetëm detyrën është justifikimi tipik që dëgjohet e kjo është e gabuar. Detyrimi i parë që kemi ne është të jemi humanë. Kush e shkel këtë nocion, e për këtë kemi zhvilluar edhe nocionin e krimeve kundër njerëzimit, kush nuk e respekton këtë detyrim i ka borxh shoqërisë, të tjerëve, në një farë mënyre edhe  vetes.

Kush do ta ngrinte këtë akuzë e mbi cilën bazë ligjore?

Ne e dimë që sistemi i drejtësisë në Shqipëri ka ende rrugë para vetes. Por faktikisht akuzën duhet ta ngrinin ish-të burgosurit politikë. Kështu ndodh në një shtet të së drejtës. Por për shkak se pala tjetër nuk është e dobët, do të thoja që ish-të burgosurit politikë duhet të mendohen mirë dhe të bashkohen, ku t’i bëjnë aktakuzat, si të organizohen.

Nuk e njoh kuadrin ligjor të Shqipërisë, por shpresoj që edhe në Shqipëri, vrasja të mos parashkruhet, edhe në vetë regjimin komunist ajo ka qenë vepër penale. Që nga proceset e Nurembergut e drejta ligjore njeh toposin e krimeve kundër njerëzimit, që kundrejt nazistëve pati efekt prapaveprues. Ky topos është edhe në bazë të së drejtës ndërkombëtare. Sipas mendimit tim, fuqia shëruese e ndjekjes penale qëndron si tek krijimi i opinionit dhe bërja publike e krimeve ashtu edhe tek gjykimet. Prandaj elitat e djeshme i tremben proceseve të tilla kaq shumë, sepse ato grisin atë perden e gjoja normalitetit.

Aktualisht në Shqipëri zhvillohet një debat i madh për trajtimin e historisë së Luftës Nacionalçlirimtare. Një libër i Institutit të Studimeve të Krimeve të Komunizmit, ISKK me titull “Krimet e komunistëve gjatë luftës në vitet 1941-1945” është në qendër të debatit. Aty ndodhet një listë me 265 emra, që sipas autorit janë përgjegjës ose të paktën kishin dijeni për krime të kryera gjatë luftës partizane për çlirim. Kjo temë i ndan frontet në Shqipëri. Për njërën palë lufta është e lavdishme, për palën tjetër, si rastin e ISKK, duhen bërë publike edhe krimet që janë bërë aty. Si mund të zhvillohet një vështrim i diferencuar për historinë për temat kaq polemizuese?

Këtë konstelacion konfrontimi, veçanërisht me partizanët komunistë e kemi parë edhe në vende të tjera, në ish-Jugosllavi psh. Në Slloveni psh. shoqëria është po ashtu e përçarë përgjatë kësaj linje. Mendoj, se baza për të filluar një dialog është respekti i përbashkët për të gjitha viktimat. Nëse ngjitesh në pozicionin, ne jemi të mirët e nuk ka rëndësi se kë eliminojmë, atëherë nga ana humane çështja është e humbur. Aftësia që duhet të zhvillojmë në këtë rast është ajo e empatisë. Të dalim e të përulemi para atyre që u vranë, pavarësisht, se cilat ishin arsyet. Kjo do të ishte baza. Ne kemi një përvojë të mirë në Bosnje, ku me përfaqësues të grupeve të ndryshme kemi vizituar vende të ndryshme. Shenja bashkuese është respekti. Por kjo nuk është e lehtë.

A mundet që një komision ekspertësh për shembull me historianë shqiptarë e të huaj të diskutonte çështjet e hapura e të kontestuara, pra zgjidhje shkencore për të qetësuar gjakrat ? Këtë vit në Shqipëri përkujtohet 75 vjetori i luftës çlirimtare. Madje edhe data e çlirimit është politizuar…

Është mirë të kesh edhe shpjegim shkencor për këto çështje. Ne në Gjermani pas rënies së Perdes së Hekurt dhe bashkimit krijuam një komision “Enquete” – për zbardhjen e diktaturës së SED, partisë së unitetit socialist që për vite me radhë u mor me analizimin e mbledhjen e çështjeve të ndryshme. Nuk e di nëse në Shqipëri këtë mund ta bënte parlamenti, por sipas vlerësimit tim, Instituti që drejton Agron Tufa është një vend që mund të merret shumë me trajtimin e këtyre çështjeve. Por sigurisht do të ndihmonte edhe tërheqja e personave nga jashtë për këtë. Jo për të gjykuar për Shqipërinë, por për të sjellë një perspektivë tjetër e për t’iu kundërvënë polarizimit.

E ky polarizim është i aq ashpër në Shqipëri, debati aktual e tregon këtë, e në media gjen herë pas here një gjuhë që ende reflekton luftën e dikurshme të klasave, ne dhe ata, në këtë polaritet zhvillohet diskursi. A mundet të krijohet një kulturë e kujtesës, kur ende nuk është gjetur një gjuhë e përbashkët?

Më duhet të them diçka shumë qartë – jam skeptik për sa i përket gjeneratës së shkaktarëve dhe partisë komuniste të asaj kohe. Unë do ta kisha shpresën tek brezi i mëpasëm, që ndodhet në një konlikt luajaliteti me atë se si duan të jetojnë vetë e me bashkëmoshatarët, si edhe me luajalitetin kundrejt familjeve të tyre apo kontekstet nga të cilat vijnë. Por me ata duhet folur, duhet kërkuar dialogu, e ndoshta të nxisësh edhe atë ndjesinë, se gjuha pllakative e post-komunistëve nuk i përgjigjet dinjitetit të njeriut. Njerëzit e kuptojnë këtë, ajo është një farë forme dëshpërimtare, e marrë dhe nuk ndihmon aspak për të kuptuar historinë.

Fondacioni, ku jeni zëvendësdrejtor “Maximilian Kolbe” ndihmon në Shqipëri në drejtim të krijimit të kulturës së kujtesës pajtimit në shoqëri. Çfarë projektesh keni aty?

Ne kemi një përvojë që për të arritur drejt pajtimit nuk duhet folur aq shpejt për pajtimin. Sidomos viktimat fjalimet që mbahen për pajtimin shpesh i ndjejnë si fyese. Para pajtimit duhet të flitet më parë për mospajtimin dhe lëndimet. Ajo që duam të bëjmë ne është që t’i mbështesim partnerët tanë, por edhe t’i afrojmë me diskursin europian. Ajo që bën Shqipëria në drejtim të zbardhjes së krimeve të diktaturës nuk është vetëm një problem shqiptar. Ai është kontribut për projektin europian. Ajo që mund të bëjmë ne është që të dëgjohet zëri i Shqipërisë në Europë. Edhe diçka të rëndësishme: Duket sikur gjërat nuk ndryshojnë, sepse ajo që kemi ne në dorë janë “mundësitë e buta”, por kjo është si ajo lufta e ujit me gurin. Për sa kohë që uji rrjedh, guri nuk ka asnjë shans.

Dr. Jörg Lüer është drejtor i Komisionit Gjerman “Justitia et Pax” – “Drejtësi dhe Paqe” si edhe zëvendësdrejtor i Fondacionit gjerman “Maximilian Kolbe”.

Intervistën e zhvilloi Lindita Arapi

Malm kryetari i ri i akademisë suedeze të çmimeve Nobel

Akademia suedeze, që përzgjedh çmimin Nobel, emëroi Mats Malm, si shefin i ri të saj.

Malm është profesor i teorisë së letërsisë në Universitetin e Gotenburgut.

Ai do të pasojë Anders Olsson si sekretar i përhershëm më 1 qershor.

Sekretari i përhershëm vepron si zëdhënës i akademisë dhe bën shpalljen vjetore të zgjedhjes akademike të çmimeve Nobel.

Malm, 54 vjeç, premtoi se do të “vazhdojë punën rinovuese vitale që ka filluar tashmë, referuar përpjekjeve për të rikthyer besimin në akademi pas polemikave që përfshinë atë vitin e kaluar’’. (Atsh)

Hoyt Yee: Takimi në Berlin nuk është ‘tani ose kurrë’ për Kosovën e Serbinë

Takimi i presidentëve të Kosovës dhe Serbisë me kancelaren gjermane, Angela Merkel, dhe presidentin e Francës, Emmanuel Macron, nuk është vendimtar për dialogun midis Prishtinës dhe Beogradit, por është një shans për të biseduar, tha ish-zëvëndësndihmësi i sekretarit amerikan të Shtetit, Brian Hoyt Yee.

Presidenti i Kosovës, Hashim Thaçi, dhe ai i Serbisë, Aleksandar Vuçiq, do të takojnë Merkelin dhe Macronin më 29 prill në Berlin.

“Librat e historisë në Ballkan janë plot me momente ‘tani ose kurrë’. Mendoj se takimi në Berlin nuk është një prej tyre, por është një shans. E vlerësoj Gjermaninë dhe vendet e tjera që vazhdojnë të organizojnë takime të tilla, në të cilat flitet për hapat e ardhshëm”, tha Hoyt Yee në një diskutim në Institutin Ndërkombëtar Republikan në Uashington, me temën: “Zgjidhja e së pazgjidhurës në Ballkanin Perëndimor”.

Hoyt Yee tha se shpreson se në Berlin do të diskutohet sinqerisht dhe në detaje për hapat e ardhshëm të Serbisë dhe Kosovës dhe se do të bëhet përparim.

“Mendoj se ideja për ndarje të territoreve në vija etnike nuk është e mirë, as pragmatike, as politike, as diplomatike. Nuk është diçka për të cilën duhet folur”, tha Hoyt Yee, transmeton Zëri i Amerikës në gjuhën serbe.

Diplomati amerikan po ashtu tha se Serbia duhet të vendosë “nëse do që të ulet në karrigen ruse apo atë evropiane”.

Anëtarësimi i disa vendeve të Ballkanit Perëndimor në Bashkimin Evropian deri në vitin 2025 nuk është real, tha Hoyt Yee.

Ai shtoi se se bashkësia ndërkombëtare momentalisht nuk ka strategji të qartë për Ballkanin Perëndimor dhe se as BE-ja, as SHBA-ja nuk po ia kushtojnë rajonit rëndësinë që do të duhej.

BE-ja ia përsërit Britanisë: Nuk e rihapim marrëveshjen e Brexit-it

Komisioni Evropian sërish përjashtoi mundësinë e rihapjes së marrëveshjes së Brexit-it të dakorduar me britanikët në fund të vitit të kaluar.

BE-ja e përsëriti qëndrimin pas informacioneve se kryeministrja britanike, Theresa May u kishte kërkuar këshilltarëve të saj të rishikojnë marrëveshjen në pjesën që ka të bëjë me kufirin irlandez.

“Përjashtojmë mundësinë që të rinegociojmë ose rihapim marrëveshjen sepse tashmë kemi zgjidhjen më të mirë të mundshme”, tha një zëdhënëse e Komisionit Evropian.

Ndërkohë, nga Londra bëhet e ditur se bisedimet mes qeverisë dhe opozitës do të vazhdojnë pas pushimeve për festën e Pashkëve.

Ministrat e kabinetit do të takohen me figura të larta të opozitës në një përpjekje për të zgjidhur bllokimin për një marrëveshje të Brexit-it që mund të fitojë mbështetjen e deputetëve.

Parlamenti britanik nuk i ka miratuar disa versione të marrëveshjes së Brexit-it të cilat kryeministrja Theresa May i kishte propozuar për votim.

Kjo bëri që kryeministrja May, dhe udhëheqësit e Bashkimit Evropian të pajtohen për shtyrjen e datës së Brexit-it, apo të daljes së Britanisë nga BE-ja, deri më 31 tetor.

Britania ka vendosur për largimin nga BE-ja në një referendum të mbajtur në vitin 2016.

Ekspertët kanë paralajmëruar se Brexit-i pa marrëveshje do të shkaktonte kaos ekonomik në Britani, por edhe në BE.

Politikani gjerman kritika Mogherin-it: Nxiti planet për shkëmbim terrritoresh

Përfaqësuesja e lartë e BE-së, Federica Mogherini “ka nxitur planet e rrezikshme për shkëmbimin e territoreve mes Serbisë dhe Kosovës”, tha për “Der Tagesspiegel” nënkryetari i grupit parlamentar të CDU/CSU-së, Johann Wadephul.

Në prag të samitit të organizuar nga Kancelaria gjermane, Angela Merkel, dhe presidenti francez, Emmanuel Macron, me delegacione nga Prishtina e Beogradi, të udhëhequra nga presidentët Hashim Thaçi e Aleksandar Vuçiç, e përditshmja gjermane bisedoi me disa anëtarë të parlamentit, të cilët theksuan qëndrimin e palëkundur të Gjermanisë sa i takon idesë së shkëmbimit të territoreve.

Vuçiç dhe Thaçi kanë folur hapur mbi mundësinë e një skenari të tillë, të konsideruar një opsion për normalizimin e marrëdhënieve mes dy vendeve.

“Der Tagesspiegel” kujton se ka pasur fjalë që edhe Mogherini është e hapur ndaj një ideje të tillë, për të cilën Berlini zyrtar ka rezerva të forta.

“Nuk ekziston absolutisht asnjë garanci, se një ndryshim i kufijve apo një shkëmbim i territoreve do të kufizohej vetëm te Serbia dhe Kosova”, deklaroi Wadephul, sipas të cilit një lëvizje e tillë do të rindizte paqëndrueshmërinë dhe konfliktet etnike në Ballkanin Perëndimor, e nuk do të përjashtonte as gjasat e një konflikti ushtarak.