VOAL

VOAL

Copyright © 2022

VOAL

Kush e ngriti flamurin? – Nga Monika Stafa

November 28, 2022

Këto ditë, ndërsa studiues vendas e të huaj mblidhen për të festuar pavarësinë e Shqipërisë, pyetja se sa e njohim historinë tonë dhe sa e domosdoshme është që ajo të rishkruhet më vjen në mendje gjithmonë e më seriozisht.

Për më shumë se një gjysmë shekulli studimet shqiptare i ka dominuar mendimi se Shqipëria u shpall mbretëri për shkak të ambicies së shfrenuar për pushtet të A. Zogut. Mirëpo gjithë ky mashtrim historik përfundimisht rrëzohet prej një vështrimi sinkretik të historisë së sistemit politik të vendit, histori e cila ende në fakt mungon.

Një histori e mbështetur mbi faktet dëshmon se Fuqitë e Mëdha, pikërisht më 1913, kur pranuan deklarimin e pavarësisë së Shqipërisë, vendosën ta njohin shtetin më të ri të Ballkanit si një shtet monarkik.

Një nga arsyet pse I. Qemali dha dorëheqjen dhe mori udhët e mërgimit politik qe sepse pikërisht bashkëluftëtarët e vet e akuzuan se e kishte shpallur Shqipërinë të pavarur për t’u kurorëzuar vetë mbret. Vetëm një vit më pas po Fuqitë e Mëdha deleguan në Shqipëri një princ dhe e shpallën Shqipërinë një principatë të trashëgueshme, një monarki të rrudhur.

Një histori e mbështetur mbi faktet dëshmon se Fuqitë e Mëdha, pikërisht më 1913, kur pranuan deklarimin e pavarësisë së Shqipërisë, vendosën ta njohin shtetin më të ri të Ballkanit si një shtet monarkik.

Mos valle ka te drejte stërnipi i I. Qemalit kur e pohon këtë gjë ndër biseda mes miqsh?

Ndoshta.

Një nga arsyet pse I. Qemali dha dorëheqjen dhe mori udhët e mërgimit politik qe sepse pikërisht bashkëluftëtarët e vet e akuzuan se e kishte shpallur Shqipërinë të pavarur për t’u kurorëzuar vetë mbret. Vetëm një vit më pas po Fuqitë e Mëdha deleguan në Shqipëri një princ dhe e shpallën Shqipërinë një principatë të trashëgueshme, një monarki të rrudhur.

Gjatë gjithë periudhës deri tek shpallja formale e monarkisë (1928) Shqipëria kishte si institucionin më të lartë herë një “këshill shteti”, herë një “kryesi shteti”, e cila në fakt kryente funksionet e një sovrani polikratik pa kurorë. Kryesia polikratike, për habi, u rikthye edhe më 1945, kur funksionet e kryetarit të shtetit iu bartën Presidiumit të Kuvendit Popullor, me 16 anëtarë.
Ishin të njëjtat Fuqi të Mëdha që ndryshimin formal të formës së regjimit nga republikë në monarki e pritën me një indiferencë spektakolare.

I vetmi që kundërshtoi mbretin Zog në nismën e tij ishte themeluesi i Turqisë republikane M. Ataturk. Në fakt, A. Zogu shpalli me zë të lartë dhe via constitutio pikërisht atë që kishin vendosur më 1913 Fuqitë e Mëdha.

Gjatë një studimi historik vite të shkuara arrita në pohimin e disa fakteve historikë që provojnë jo vetëm se monarkia fillimisht ishte vullnet i jashtëm dhe vetëm më 1928 u bë dhe formalisht vullnet kushtetues i brendshëm, por, mbi të gjitha, zbulova arsyet historike thelbësore për paqendrueshmërinë e sistemeve politike deri më sot në Shqipëri.

Qeveria kombëtare e I. Qemalit, të paktën deklarativisht, u njoh nga disa prej Fuqive të Mëdha.

Po Shqipëria vetë ç’ishte në vështrimin e këtyre fuqive? Republikë? Monarki?

Kur i rreshtova me rend… u habita. Ishin në një kohë të shkurtër aq shumë dendur vendosur sistemet politike në Shqipëri, të ndryshueshme po aq gjithashtu. Aty kuptova pse ne nuk kemi një traditë solide shtetformuese.

E vetmja kohë e qëndrueshme politike jetëgjatë në qeverisja, ishte koha e totalitarizmit shqiptar.

Të ishte aq i zoti Enver Hoxha?
Ma thoni ju.

Por t’i lëmë mendimet këto ditë. Shqiptarët festojnë. Është një përvjetor i bukur.

110 vjetori i Pavarësisë së Shqipërisë.

Ndaj unë për kënaqësinë e një mençurie të urtë që kam dashur gjithmonë t’ia shoh burrit shqiptar, si ajo që e pati i vetmi shqiptar i mirë në politike, Ismail Qemali, zgjodha të mos e pyes më veten pas leximesh të panumërt dokumentesh arkivalë, se Kush e Ngriti Flamurin Shqiptar?

Ismail Qemal Vlora gjatë gjithë jetës u shqua si një lider i shkëlqyer. Një njeri i drejtë dhe i ndershëm, i cili besonte në atë që predikonte dhe në atë që bënte. Ai ishte i duruar, këmbëngulës dhe i qëndrueshëm.

Ai veproi në kohën e duhur dhe me stilin e tij të lidershipit arriti të themelonte një shtet.

Është fati ynë që kemi pikërisht atë, themeluesin e shtetit shqiptar dhe modelin par excellence ku mund të mësojmë e të frymëzohemi, për të tejkaluar sfidat e së ardhmes.

  • twitter
  • facebook
  • linkedin
Fjalë kyçe:

Komentet

Lajme të ngjashëm

Sa e rrezikojnë LDK-në tensionet në Prishtinë?

Selia qendrore e LDK-së në Prishtinë.

 

Në prag të zgjedhjeve të 7 qershorit, LDK-ja po synon ta bashkojë të djathtën, por marrëveshja e Përparim Ramës me PDK-në në Prishtinë ka nxjerrë në pah tensione dhe mungesë koordinimi brenda partisë. A rrezikon kjo përplasje ta zbehë narrativin e unitetit që po përpiqet ta ndërtojë LDK-ja? Analistët thonë se dëmi më i madh nuk vjen nga koalicioni lokal.

 

“Bashkimi i së djathtës” në Lidhjen Demokratike të Kosovës (LDK), i paralajmëruar si synim i kësaj partie deri tash opozitare, po sfidohet në prag të zgjedhjeve të parakohshme parlamentare, të cilat do të mbahen më 7 qershor.

Përderisa udhëheqësit e LDK-së po i finalizojnë bisedimet për një listë të përbashkët zgjedhore me ish-presidenten e Kosovës, Vjosa Osmani, në Prishtinë – ku pushtetin lokal e drejton kjo parti – këtë javë u shfaqën mosmarrëveshje të brendshme.

Përparim Rama, i cili në zgjedhjet lokale të tetorit të vitit të kaluar u rikonfirmua në krye të Komunës së Prishtinës nën logon e LDK-së, gjatë kësaj jave lidhi marrëveshje për koalicion të qeverisjes lokale me Partinë Demokratike të Kosovës (PDK).

Pasuan largimet e drejtuesve të disa drejtorive komunale nga radhët e LDK-së, në vend të të cilëve u vendosën ata të PDK-së.

Reagimi i LDK-së, e cila Prishtinën e konsideron si bastion të saj elektoral, ishte i menjëhershëm përmes një komunikate për opinion: partia e drejtuar nga Lumir Abdixhiku tha se strukturat e saj nuk kanë qenë pjesë e kësaj marrëveshjeje, dhe se ajo “nuk krijon obligime politike për LDK-në”.

A ka përplasje brenda LDK-së?

Rreth asaj se çfarë po ndodh në LDK e kemi pyetur nënkryetarin e partisë, Lutfi Haziri. Ja çfarë tha ai për Radion Evropa e Lirë (REL):

“Është një lloj moskoordinimi, një lloj tensionimi, por besoj që do të përballohet”.

Ai shtoi se, megjithatë, vendimi i Ramës për koalicion me PDK-në për qeverisje lokale “e ka prekur” nismën për bashkimin e së djathtës brenda LDK-së dhe të forcimit të saj para zgjedhjeve të parakohshme.

“Ia ka humbur shkëlqimin këtij procesi. Kështu do ta definoja, jo më tepër…”, u shpreh ai, duke shtuar se “për momentin, kjo është e tejkalueshme”.

Rama, ndërkaq, përmes një postimi në Facebook, u shpreh “kundër çdo retorike përçarëse”, dhe e arsyetoi marrëveshjen me PDK-në si diçka të mirë në interes të qytetarëve, duke thënë se “qytetarët nuk jetojnë në parti”.

Lutfi Haziri pranë grupit të LDK-së në Kuvendin e Kosovës.

Lutfi Haziri pranë grupit të LDK-së në Kuvendin e Kosovës.

Si shihen këto zhvillime?

Politologu Dritëro Arifi konsideron se pretendimi i LDK-së për një bashkim të së djathtës në prag të zgjedhjeve të majit është ambicie me mjaft sfida, por jo e parealizueshme.

Sipas tij, praktikat e deritashme kanë treguar se partitë kundërshtare lidhin koalicione për bashkëqeverisje lokale në komuna të ndryshme.

Në këtë drejtim, ai konsideron se koalicioni i Ramës me PDK-në në kryeqytet nuk e dëmton më shumë LDK-në sesa shpërfaqja e mosmarrëveshjeve në publik.

“Kjo po e shpërfaq një tjetër anë negative të LDK-së – nuk ka koordinim të duhur… Nëse nuk arrijnë ta menaxhojnë më mirë [situatën] dhe e përshkallëzojnë situatën me këto deklarata të palogjikshme, atëherë dëmtohet më shumë lideri i partisë. Ia humb një lloj kredibiliteti, panevojshëm”, tha Arifi për REL-in.

Ai shtoi se mosmarrëveshjet brenda LDK-së reflektohen edhe në komunikatën e saj lidhur me vendimin e Ramës.

“Kjo e dëmton partinë edhe në nivel qendror, sepse po vërehet se partia nuk e ka kontrollin edhe mbi degët e veta”, tha Arifi.

Në sytë e analistit Ylli Hoxha, LDK-ja aktualisht është gjetur përballë interesave të saj për zgjedhjet në nivel qendror dhe interesave të Ramës për krijimin e një shumice për qeverisje bashkë me PDK-në në nivel lokal në Prishtinë.

Por, ai pret që udhëheqësit e LDK-së dhe Rama të jenë të kujdesshëm për të ruajtur një minimum të unitetit në parti, para zgjedhjeve parlamentare.

“Do të ishte krejtësisht e papërgjegjshme që ta kthesh Vjosa Osmanin, dhe të pretendosh ta bashkosh të djathtën, ndërkaq ta humbësh kryetarin e komunës [së Prishtinës]. Besoj që do të ketë proces, i cili do ta parandalojë përshkallëzimin e mëtutjeshëm të kësaj krize”, tha Hoxha për REL-in.

Rama dhe Abdixhiku gjatë fushatës për zgjedhjet e nëntorit 2025.

Rama dhe Abdixhiku gjatë fushatës për zgjedhjet e nëntorit 2025.

Efekti në rezultatin e zgjedhjeve parlamentare

LDK-ja e sheh si të menaxhueshme situatën e krijuar nga, siç e kanë quajtur në parti, “moskordinimi” me Ramën, dhe nuk pret që kjo situatë të ndikojë negativisht në rezultatin e partisë në zgjedhjet e 7 qershorit.

Rama ka thënë se ashtu siç e ka “përkrahur pakusht LDK-në në zgjedhjet e kaluara, do ta përkrah edhe në këto zgjedhje”.

As politologu Arifi nuk pret që mosmarrëveshja e shpërfaqur ndërmjet LDK-së dhe Ramës të ndikojë në rezultatin zgjedhor të kësaj partie.

“Nëse dinë ta menaxhojnë këtë çështje, po besoj që do të dalin pa u dëmtuar, dhe pa u vërejtur fare që ka pasur ndonjë jokomunikim ose keqkuptime të këtyre dy niveleve”, tha Arifi.

Edhe analisti Hoxha mendon që LDK-ja do të arrijë ta menaxhojë situatën. Në të kundërtën, sipas tij, përshkallëzimi eventual i përplasjes ndërmjet udhëheqjes së LDK-së dhe kryetarit të Prishtinës do të ndikonte negativisht në rezultatin zgjedhor të partisë.

“Konsideroj se të gjithë këta aktorë kanë një pjekuri minimale se [një situatë konflikti] do të bëjë dëm”, tha Hoxha.

Ai dhe Arifi besojnë se një stabilitet brenda LDK-së do të ndikojë në një rezultat zgjedhor më të mirë të kësaj partie, krahasuar me zgjedhjet e dhjetorit të vitit të kaluar.

Në ato zgjedhje, LDK-ja doli si partia e tretë më e votuar, me 13.57 për qind të votave të fituara, që i siguroi 15 vende në Kuvendin e Kosovës.

Me minus 52 mijë vota në krahasim me zgjedhjet e shkurtit të vitit 2025, LDK ngeli me 5 vende më pak në Kuvend. REL

A do të sjellin zgjedhjet e 7 qershorit ringritje të ndjenjës kombëtare?- Vështrim nga Skënder MULLIQI

—– Jemi duke marrë kritika të vazhdueshme nga bashkësia ndërkombëtare pse nuk kemi një koncenzus  politik për dalje nga krizat.Po zhvillohen zgjedhje, por   ndryshimet në thelb  nuk po ndodhin.Partitë e deritshme shtetformuese kan rënë në provim, se nuk punuan mirë as për afër për  interesat e qytetarëve dhe të shtetit të Kosovës..!
Deri më tash kemi pasur pjesëmarrje të ulët në zgjedhje.Po të kishim pjesëmarrje të lartë sigurishtë së do të kishim një situatë shumë më të volitshme politike dhe institucionale .Dalja masive ka legjitimitet .Tjetër është kur njerëzit bësojnë se vota e tyre mund të vendosë dhe çfarë ndodhë në ato ku zgjedhjet vazhdojnë , por që nuk sjellin asgjë pozitive  ?Kjo e fundit edhe po ndodhë në Kosovë.Kur më shumë se gjysma e atyre që kan të drejtë vote nuk dalin në zgjedhje , donë të thotë së shumë çka nuk është në rregull , dhe se është humbur besimi në partitë politike shtetformuese.Ne letër, zgjedhjet janë të thjeshta.Ne realitet , shumë gjera vendosën përpara se pena të prekë letrën.Jo vetëm rezultati, por hapësira në të cilën lejohet rezultati në përgjithësi.Mashtrimi më i madh i njeriut nuk është se ai beson se është i lirë. Sepse një sistem që të jep siç duhet të drejtën për të zgjedhur, dhe në të njëjtën kohë nuk kemi ndryshim serioz hapë dilemën e daljës masive në zgjedhje . Pas zgjedhjeve po kemi krejt diqka tjetër , në praktikë nuk po lidhet më interesat e qytetarëve . Kosova  ka nevojë për korrektësi politike në zbatimin e premitimeve të dhëna gjatë fushatave elektorale .Dihet se çfarë po janë vendimet  e kësaj klase politike , kurrfare, më shumë janë vendime që nuk përkojnë më realitetin.Opsioni është , se çfarë është e arsyeshme , çfarë është e përgjegjshme , dhe se çfarë do të shënohet paraprakishtë si e papërgjegjshme , populliste , ekstreme ose thjeshtë e pa mundur.Zgjedhjet bëhën për të pasur zgjidhje konkrete , e jo të zhvillohet luftë për pushtet, çfarë edhe po shohim që një kohë të gjatë .Duhet bërë vija ndarëse e asaj konkretës dhe jo reales, që kjo e fundit është duke na dëmtuar rënd në të gjitha planët zhvillimore .Zgjedhjët e shpeshta të jashtëzakonshme nuk mund të prodhojnë stabilitet politike dhe të ecurive ekonomike -sociale, veq sa e thellojnë krizën gjithnjë e më shumë .Kan dalur hapur interesat për pasurime të pa ligjshme dhe kjo është duke i ngulfatur  keq të gjitha proceset edhe demokracinë e brishtë.E gjithë vëmendja është duke u përqendruar në atë së cili të merrë ma shumë pushtet se tjetri.Vendit i duhet stabilitet politik dhe institucional më shumë së kurrë.Kjo nuk ka mundësi të ndodhë më struktura të burokratizuara dhe të korruptuara politike , të cilat janë mësuar që në vend që më dhanë gjithqka për shtet, ata i marrin gjithqka shtetit!Kjo është absurditet e shekullit 21.Kësaj gjendje aspak të mirë politike , po I kontribuojnë një pjesë e mediave , të cilat jan vu në dispozicion të partive dhe lidërve të caktuar të politikës. Këtu  i kan futur duart thellë edhe oligarkët e ndryshem.Kjo klasë politike lirishtë mund të quhet klasë dilitante.Mediat po veprojnë më shumë si cenzurë të tipit të vjetër.Po hudhën poshtë argumentet.Njerëzit janë lodhur nga mos ndryshimi i gjendjës për të mirë.Dhe , kjo mund të jetë vendimtare që mos të kemi dalje masive edhe në këto zgjedhje.Gjithqka mund të përseritet dhe pastaj nuk ka së si gjendja të përmirësohet .Prap mund të provokohen zgjedhjet e radhës, dhe kështu mund të futemi në ciklin e krizave pa rrugëdalje .Kjo është pika ku demokracia humb forcën e saj.Jemi duke marrë kritika të vazhdueshme nga bashkësia ndërkombëtare pse nuk kemi një koncenzus  politik për dalje nga krizat.Po zhvillohen zgjedhje, por   ndryshimet në thelb  nuk po ndodhin.Partitë e deritshme shtetformuese kan rënë në provim, se nuk punuan mirë as për afër për  interesat e qytetarëve dhe të shtetit të Kosovës!Një ringritje e re kombëtare duhet medeomos të ndodhë , nese duam  të mirën e shtetit që nuk po e ndërtojmë ashtu si na ka hije.Nese nuk preferohet tolerancë zero për të gjithë keqëbërësit politikë në këto zgjedhje që vështirë të besohet,Kosovën  nuk do ta  presin ditë të mira…!

Antonov në Kosovë: Krejt çfarë dihet për fluturimin e avionit të madh transportues

Antonov An-124 duke u ulur në Aeroportin e Prishtinës, më 6 maj 2026.

 

Doruntina Baliu

Mbërritja e një avioni të tipit Antonov An-124 në Aeroportin Ndërkombëtar të Prishtinës “Adem Jashari”, më 6 maj, nxiti kureshtjen e shumëkujt në Kosovë.

Por, arsyeja e fluturimit drejt Kosovës të njërit prej aeroplanëve më të mëdhenj në botë për transportin e mallrave, përfshirë ato ushtarake, mbetet ende e panjohur.

Radio Evropa e Lirë (REL) ka kërkuar të enjten informacione nga Aeroporti i Prishtinës në lidhje me ardhjen e fluturakes së madhe të prodhimit ukrainas, por nuk ka marrë përgjigje.

Fluturimi i aeroplanit me regjistrimin UR-82008 nuk ka figuruar as në regjistrat e fluturimeve komerciale online.

Ministria e Mbrojtjes në Kosovë ka thënë se nuk ka informacione zyrtare lidhur me këtë fluturim.

Fotografi i njohur kosovar, Arian Mavriqi, e ka fotografuar dhe e ka xhiruar uljen e djeshme të aeroplanit gjigant, i cili në Kosovë është parë edhe në të kaluarën.

Avioni Antonov, i ndalur në Aeroportin e Prishtinës, më 6 maj 2026.

Avioni Antonov, i ndalur në Aeroportin e Prishtinës, më 6 maj 2026.

Edhe entuziastë të aviacionit, vendës e të huaj, po ashtu kanë publikuar fotografi e video të uljes së Antonov An-124 në aeroportin që ndodhet 17 kilometra larg kryeqytetit kosovar, duke aluduar se aeroplani është nisur nga një bazë ajrore në Gjermani.

Sipas tyre, ai mund të ketë sjellë pajisje ushtarake për misionin paqeruajtës të Organizatës së Traktatit të Atlantikut Verior (NATO) në Kosovë – KFOR.

Por, nga ky mision i NATO-s nuk iu përgjigjën pyetjeve të REL-it në lidhje me këtë çështje.

Ndërkaq, Ministria e Mbrojtjes e Gjermanisë i tha REL-it se, “si çështje parimore dhe pavarësisht nga pyetja specifike, nuk komenton transportet ushtarake”, si dhe që përgjigja e saj nuk përbën as konfirmim e as mohim në lidhje me këtë fluturim.

Ajo, megjithatë, tha se forcat e armatosura gjermane përdorin shërbimin e transportit të kompanisë Antonov.

“…Kapacitetet e Antonov Logistics SALIS GmbH [përdoren] për dërgimin dhe furnizimin e forcave gjermane në kontekstin e mbrojtjes kombëtare dhe mbrojtjes së aleancës, menaxhimit të krizave ndërkombëtare dhe menaxhimit të rreziqeve dhe krizave kombëtare”, i tha REL-it një zëdhënës i Ministrisë gjermane të Mbrojtjes.

Një helikopter duke u ngarkuar në një aeroplan Antonov, në Kanada, më 2016.

Një helikopter duke u ngarkuar në një aeroplan Antonov, në Kanada, më 2016.

Për çfarë përdoren aeroplanët Antonov?

Sipas të dhënave zyrtare, të publikuara nga vetë kompania ajrore, Antonov Airlines është një degë e Antonov Company, me seli në Kiev, Ukrainë.

Ndërmarrja shtetërore ukrainase operon një flotë të gjerë avionësh që transportojnë mallra, duke përfshirë pesë avionë të tipit An-124 Ruslan, që mund të bartin ngarkesa deri në 150 tonë.

Dy prej këtyre aeroplanëve përdoren zyrtarisht përmes kompanisë Antonov Logistic SALIS GmbH, për të ofruar shërbime transportuese për NATO-n dhe vendet e Bashkimit Evropian për dërgimin e “mallrave emergjente në situata të krizës”.

Sipas informacioneve në ueb-sajtin e kompanisë, shërbimet përgjegjëse për planifikimin e transportit dhe mirëmbajtjes së avionëve janë zhvendosur përkohësisht në Lajpcig të Gjermanisë, për shkak të luftës në Ukrainë.

Fluturimet e mëparshme në Kosovë

Aeroplani i kompanisë Antonov nuk erdhi për herë të parë në Kosovë të mërkurën.

Vetë Aeroporti i Prishtinës kishte publikuar fotografi të këtij aeroplani, kur ai kishte mbërritur në Kosovë më 2016.

Ndërkaq, grupi BBKRspotters, i cili publikon pamje të fluturimeve në Aeroportin e Prishtinës, kishte publikuar një video të uljes së këtij aeroplani në “Adem Jashari” në janarin e vitit 2024.

Radio Evropa e Lirë ka kërkuar informacione nga vetë kompania e fluturimeve Antonov për fluturimin e djeshëm, por deri në momentin e publikimit të këtij teksti nuk ka marrë përgjigje.

Haxhiu mohon ta ketë larguar flamurin dardan nga zyra e Presidentës: Është lajm i rremë siç po ndodh në vazhdimësi fatkeqësisht kohëve të fundit”

Haxhiu mohon ta ketë larguar flamurin dardan nga zyra e Presidentës: Unë nuk merrem me skenografi as me kuadër, por kjo nuk qëndron

Ushtruesja e Detyrës së Presidentes së Kosovës, Albulena Haxhiu është deklaruar në lidhje me raportimet se ka hequr flamurin dardan nga zyra e Presidentes.

Ajo para mediave ka mohuar se e ka bërë një gjë të tillë.

“Kjo nuk qëndron, nuk është e vërtetë. Unë nuk merrem me skenografi as me kuadër, kjo nuk është punë e imja dhe nuk mund ta bëj. Është vetëm një lajm i rremë siç po ndodh në vazhdimësi fatkeqësisht kohëve të fundit”, ka thënë Osmani.

Në një video që është publikuar më parë nga vetë Haxhiu ku ka ftuar mërgimtarët që të regjistrohen për të votuar, flamuri dardan nuk është parë në sfond. /Lajmi.net/

ERDHA NËNË E PO KTHEHEM QYQE Nga Meti Fidani

(I lutem parlamentit shqiptar, qe ne cdo 8 Mars, te perkujtoje edhe keto nenat tona te internuara, se edhe keto nena jane)

Meqense i perkas shtreses se perndjekur dhe i lindur ne internim, keto vargje ja kushtoj nje nene te internuar, Vathe Habili..

Djalin e madh Hamidin ja vrane komunistet.. I zhdukur pa varr..Ne internim asaj i vdiqen 4 femije te tjere, nga urija dhe semundjet..

Fatmira Habili foshnje

Nexhmije Habili. 3 vjece

Mukades Habili. 9 vjece

Xhevat Habili. 13 vjec

Ne foto:

Nena Vathe me Xhevatin dhe Mukadesin

ERDHA NËNË E PO KTHEHEM QYQE

S’kendon qyqja e as bilbili

Po ku je biro, Hamid Habili

Te vran’ bir , ty djal’ oxhakut

Kamunistat e Lym pezakut

&

Ngjallu bir,…bëje për mua

Mos rri posht’ , hedhur ne prrua

Në ke varr, shqyeje varrin

Se shqiptari, po vret shqiptarin

Në je n’qiell, atje në majë

Zbrit mblidh burrat në Kavajë.

&

Se kamunizma, kjo gangrenë

Na ka mbyllur, në Tepelenë

Në ktë kamp, kamp te flamosur

Na kan sjell’, per t’na shfarosur

&

Bir i nenes, njeher’ s’u ngjalle

Te te qaj, nje mal me halle

Me ka ngri gjaku ndër vena

M’ka marr’ fmijet, Tepelena

&

Tragjedi mbi tragjedira

E para më shkoj Fatmira

Fatmira, por fatkeqe fati

As gjasht’ muaj nuk i pati

Pas saj Nexhi, 3 vjecare

Në dy muaj, plot dy varre

&

Me pas Desi, e bukra e nenes

Dil te dal, i thoshte henes

Po me shkojne lotet gjol

S’na dhan’ as drasa, per arkivol

E vogl’ e nenes, Mukades

E varrosem mbeshtjell’ me thes

&

Biri i nenes, nuk ta them dot

Dhe Xhevati, me iku sot

Me iku, djal’ i paritur

Nga urija, i uritur

Buke ma..me gjysem zë

Buke ma,..dhe su ngrit më

&

Shkova bir, ne Syrja xhelati

Shef, i thashe, me vdiq Xhevati

Në ka vdekur, tha, mir’ ka bërë

Ashtu te vdisni që të tërë

Edhe ti, edhe gjith’ c’ke pjellë

Per te vdekur ju kemi sjellë

Komunist pa shpirt, pa fe

Mbulova djalin, direkt në dhe

&

Hall te rroj, hall te vdes fare

N’internim, lash’ kater varre

Kater varre pa sëndyqe

Erdha nënë, e po kthehem qyqe

Meti Fidani

Ndërron jetë themeluesi i CNN, Ted Turner, në moshën 87-vjeçare

Ted Turner, themeluesi i CNN, ka ndërruar jetë të mërkurën në moshën 87-vjeçare. Lajmi u bë i ditur nga kompania e tij, Turner Enterprises.

Biznesmeni nga Ohio ishte i njohur për karakterin e tij të fortë dhe deklaratat shpesh të drejtpërdrejta. Për këtë arsye ai kishte fituar nofkën “The Mouth of the South” (Goja e Jugut).

Turner krijoi një nga perandoritë më të mëdha në mediat amerikane. Ai ishte gjithashtu një figurë e rëndësishme në zhvillimin e televizionit kabllor.

Përveç medias, ai ishte edhe pronar i disa ekipeve sportive, përfshirë Atlanta Braves. gsh

Historia- Përplasjet e “Profesorit” Servet Pëllumbi me Nanon dhe Ramën në PS

Servet Pëllumbi, i cili u nda nga jeta këtë të martë në moshën 89-vjeçare konsiderohet si një nga figurat e rëndësishme të tranzicionit të Partisë Socialiste.

Pas viteve ’90, ai u përfshi në mënyrë aktive në jetën politike si një nga drejtuesit kryesorë të selisë rozë. Kulmi i karrierës së tij politike ishte periudha 2002–2005, kur shërbeu si Kryetar i Kuvendit.

Përplasjet e forta me Fatos Nanon

Emri i tij lidhet ngushtë me përplasjet e brendshme të Partisë Socialiste në vitet ’90 kur dhe fillimin e viteve 2000, veçanërisht me raportin e tij të ndërlikuar me Fatos Nanon. Kur kreu i socialistëve ishte në burgun e Bënçës, e akuzoi Pëllumbin si “marksist”.

Në librin e tij me kujtime, “Përvoja ime në Partinë Socialiste”, Servet Pëllumbi ka rrëfyer detaje të rëndësishme për marrëdhënien e tensionuar mes tyre. Pëllumbi e ka konsideruar Fatos Nanon si “naiv” në prag të arrestimit të tij në vitin 1993. Sipas ditarit të Pëllumbit, Nano besonte gabimisht se duke sulmuar publikisht ambasadorët e huaj (veçanërisht atë amerikan), do të mund të krijonte një mburojë politike që do ta shpëtonte nga burgosja që po i përgatiste pushteti i asaj kohe.

Gjatë kohës së burgimit, Nano dërgonte mesazhe dhe udhëzime të shpeshta, të cilat Pëllumbi i ka përshkruar si përpjekje për të mbajtur kontrollin absolut, shpesh duke injoruar realitetin e vështirë që po kalonin socialistët në terren.

Pëllumbi ka treguar gjithashtu se Nano u lirua përkohësisht nga burgu në mars të vitit 1995 për të marrë pjesë në varrimin e nënës së tij. Sipas “Profesorit”, Nano e shfrytëzoi atë moment pikëllimi për të zhvilluar një mbledhje të improvizuar kryesie, ku nxori njerëzit jashtë për të dhënë udhëzime politike.

Pëllumbi ka zbuluar se marrëdhënia e tyre u kris rëndë menjëherë pas daljes së Nanos nga burgu në vitin 1996. Nano i quajti drejtuesit e asaj kohe (përfshirë Pëllumbin) si “guralecë” që duheshin hequr nga rruga e partisë. Pëllumbi u ndje i fyer, pasi gjatë kohës që Nano ishte në burg, ai kishte mbajtur peshën kryesore të drejtimit të PS-së dhe kishte udhëhequr protestat për lirimin e tij.

Megjithatë, në periudhat e mëvonshme, Pëllumbi është shfaqur edhe si një zë më i moderuar, duke e vlerësuar Nanon si një nga figurat kryesore të tranzicionit shqiptar dhe duke theksuar rolin e tij në historinë politike të vendit.

Pas ndarjes nga jeta të Fatos Nanos (tetor 2025), Servet Pëllumbi e vlerësoi atë si një figurë qendrore të tranzicionit, duke i lënë mënjanë përplasjet e vjetra në mesazhin e tij të fundit të ngushëllimit.

Kritika për Ramën në opozitë dhe lëvdata pas ardhjes në pushtet

Nuk kanë qenë të pakta edhe kritikat që “Profesori” kishte bërë për Edi Ramën sidomos gjatë kohës që PS ishte në opozitë. Ato u theksuan pas humbjes së zgjedhjeve të 2009-ës dhe kur Rama nuk u largua nga drejtimi i PS-së.

Duke kërkuar në kronikat e kohës, Pëllumbi e ka akuzuar Ramën se me aksionet e dështuara që po ndërmerrte pas humbjes në zgjedhje po e tkurr elektoratin e majtë të cilët nuk ndihen më të përfaqësuar në programin e partisë së tyre.

“Ai që është i majtë duket sikur ka turp të thotë që jam i majtë. Pse? Sepse nuk iu referohet atyre shtresave, kategorive, njerëzve që janë të majtë dhe kërkojnë një program të majtë, nga vetë gjendja e tyre social ekonomike.

Se po të jetë se partinë e kë partinë në përgjithësi apo rreth një grupi njerëzish dhe pa referencë në hapësirat sociale, atëherë ajo nuk është parti në kuptimin e vërtetë të fjalës. Po të jetë se ti iu drejtohesh zgjedhësve, votuesve, në përgjithësi votuesve dhe jo shtresave që kanë nevojë për programin tënd, atëherë vetvetiu mos kërko të të votojnë dhe mos kërko që pse nuk mbështesin.

Që të mbështesin duhet ti mbështetësh, që të mbështesin duhet t’u japësh ato ide që kërkojnë ata” – deklaronte Pëllumbi në 2010-ën.

Pas ardhjes së PS-së në pushtet kritikat ishin të pakta, por mbahet mend një batutë e 2016-ës, pas publikimit të kujtimeve të tij, për të cilat Rama kishte thënë se “do të kishte bërë mirë që të mos i shkruante”.

“Zoti Rama do të bënte mirë të mos fliste për njerëz dhe ngjarje në Partinë Socialiste për kohën që vetë ishte në PD” – e kishte thumbuar Pëllumbi./Lapsi.al

Gjithçka niste me 500 euro investim në kripto! Media greke për call center-at shqiptarë: Si u ngrit struktura 50 mln euroshe që mashtronte europianët!

Operacionet ndaj call ceneter-ave në Shqipëri kanë tërhequr vëmendjen edhe të mediave greke. Protothema i ka kushtuar një artikull atyre që i ka quajtur si qendra mafioze që mashtrinin shtetasit grekë dhe ata europianë.

Aty theksohet se struktura e tyre ishte konmplekse dheqë operojnë me një staf të zgjeruar prej qindra punonjësish, elemente që kthejnë call center-at në vendin tonë sipas medias greke në një zinxhir unik.

“Tregues i kompleksitetit që karakterizon strukturën e këtij rrjeti të veçantë kriminal është se autoriteteve të prokurorisë iu deshën dy vjet të plota hetimi të plotë derisa të ishin në gjendje të shpërbënin organizatën dhe të arrestonin të paktën 10 të dyshuar.

Rrjeti i mashtrimit, me seli në Tiranë, i kishte shtrirë tentakulat e tij në vende të ndryshme të Evropës, përfshirë Greqinë. Edhe pse Europol dhe Eurojust nuk njoftojnë detaje, siç është numri real i viktimave të mashtrimit telefonik në lidhje me investimet në kriptomonedha, fitimet e çmendura etj., është e sigurt se një pjesë e konsiderueshme e fitimit prej 50 milionë eurosh që rrjeti shqiptar nxori vjen nga llogaritë bankare të qytetarëve grekë dhe europianë naivë.

Metoda e veprimit të mashtruesve është stereotipike dhe, paradoksalisht, e njohur mirë, kështu që është e habitshme se si viktimat vazhdojnë të joshen: Telefoni celular i shënjestruar bie. Ekrani tregon një numër ose grek (me kodin e vendit +30) ose nga një vend tjetër, që nuk ngjall dyshim, si Belgjika ose Britania. Në realitettelefonata bëhet nga Tirana. Një zë i sjellshëm prezantohet si përfaqësues i një firme shumëkombëshe këshillimi për investime. Ai premton fitime të menjëhershme dhe të mëdha, por kryesisht të garantuara.

Nëse viktima ka humbur tashmë para në investime të ngjashme, këshilltari i investimeve pretendon se, nën udhëheqjen e tij, jo vetëm që paratë e humbura do të rikuperohen, por do të bëhet edhe fitim shtesë. Sapo “investitori” kapet në karrem, hapet rruga për ta zhvatur. Pritja për të përfituar nga mashtrimet e mëparshme ka verbuar qindra grekë, të cilët po joshen gradualisht të transferojnë fonde te kompania ndërkombëtare e investimeve, e cila supozohet se është e besueshme, për blerjen e kriptomonedhave etj.

Grafiku organizativ i biznesit fillonte në nivelin më të ulët, “këshilltarët” ose “agjentët” e investimeve – zakonisht ata që gjuanin dhe peshkonin për viktima përmes telefonatave të rastësishme. Këta gjuetarë shpërblimesh paguheshin 800 euro në muaj plus komisione nga rastet kur viktima vazhdonte të transferonte para. Mashtruesit punonin në ekipe të përbëra nga 6-8 anëtarë. Secili prej tyre merrte përsipër një treg të caktuar, varësisht nga gjuha amtare e “këshilltarëve”.

Kështu, kishte ekipe që komunikonin me viktimat e mundshme në anglisht, gjermanisht, italisht, spanjisht dhe greqisht. Gjithashtu, çdo ekip agjentësh investimi ishte nën kontrollin dhe mbikëqyrjen e një shefi, i cili nga ana tjetër ishte përgjegjës ndaj eprorit të tij, drejtorit të qendrës përkatëse të call center-ave. Falë kësaj strukture klasike hierarkike, biznesi i qendrës së thirrjeve në Shqipëri operoi në mënyrë efikase për disa vite, ndërsa arriti të zgjeronte aktivitetet e tij, siç dëshmohet nga xhiroja totale prej 50 milionë eurosh.

Hapi i parë dhe vendimtar nga ana e viktimës ishte depozitimi i 500 eurove në një portofol dixhital kriptomonedhash. Të ashtuquajturit konsulentë, të cilët sigurisht përdornin pseudonime dhe kode, e interpretuan transferimin fillestar prej 500 eurosh si një sinjal kalimi të lirë për të “kafshuar” viktimat e tyre sipas dëshirës dhe praktikisht pa asnjë kufizim.

Megjithatë, ndoshta për shkak se mashtruesit besonin se kishin gjetur një venë të pashtershme për të shfrytëzuar, në qershor 2023 pati një përqendrim në rritje të ankesave nga viktimat e të njëjtit rrjet në zonën e Vjenës. Që atëherë, numërimi mbrapsht për çmontimin e rrjetit ka filluar në thelb. Shërbimet e ndjekjes penale të mashtrimeve kibernetike nga Austria dhe Shqipëria, në bashkëpunim të ngushtë me Europolin dhe Eurojust-in, ngritën një grup pune, i cili monitoroi nga afër aktivitetin e rrjetit të këshilltarëve të rremë të investimeve. Gjurmët dixhitale përfundimisht çuan në kryeqytetin shqiptar, si në 3 ndërtesa zyrash ashtu edhe në 9 shtëpi private, ku, përveç arrestimeve, u sekuestruan 443 kompjuterë desktop dhe 6 laptopë, 238 telefona celularë, media dixhitale për ruajtjen e të dhënave dhe 891,735 euro.

Megjithatë, për Europolin dhe për çdo agjenci kombëtare ose ndërkombëtare që ndjek penalisht mashtrimet elektronike, rrjeti shqiptar i qendrave të thirrjeve pritet të përdoret si model për studim dhe analizë. Për mënyrën se si një organizatë kriminale mund të strukturohet sipas standardeve të një biznesi ligjor, në zhvillim dinamik dhe shumë fitimprurës”, thuhet në artikull.

Tri arsye për brengë (nga zgjedhjet e parakohshme) – Më 6 mars, presidentja e vendit shpërndau Kuvendin, duke bërë shkeljen më të rëndë të Kushtetutës së RK Nga Veton Surroi

Tre arsye për brengë(nga zgjedhjet e parakohshme)

Ndonëse lista e arsyeve për brengë është më e gjatë po i shënoj tri prej tyre që marrin hapësirë madhore, që janë prodhuar në këta katër muajt e vitit dhe për të cilat mungon një konstatim i përbashkët në hapësirën publike:

1. Mungesa e konsensusit në një moment kritik global

Jetojmë në një botë që po përjeton ndryshimet më dramatike prej rënies së Murit të Berlinit. Në një moment të tillë, partitë politike do të duhej të zgjidhnin konsensusin në vend të garës. Ka munguar vullneti për konsensus; ka fituar vullneti për garë zgjedhore.

Qytetari i Kosovës ka arsye të jetë i brengosur kur gara partiake vihet mbi interesin e vendit.

2. Relativizimi i Kushtetutës në procesin e ndryshimit të saj

Më 5 mars 2026, Kuvendi i Kosovës diskutoi amendamentet kushtetuese për zgjedhjen e drejtpërdrejtë të presidentit të Repbulikës në bazë të propozimit të presidentes Osmani. Nisma mund të ketë pasur shtytje politike apo emocionale, por nuk kishte mbështetje të mjaftueshme procedurale dhe as konsensus politik. U bë shpejtë e shpejtë , brenda disa orëve, diçka që nuk i ndodhë as nismës më të parëndësishme legjislative. Megjithatë, Kuvendi e legjitimoi këtë proces, duke ulur pragun e seriozitetit për një çështje të rëndësisë parësore siç është ndryshimi i Kushtetutës.

Qytetari i Kosovës ka arsye të jetë i brengosur kur institucionet më të larta i qasen me joseriozitet aktit themelor të shtetit.

3. Normalizimi politik i shkeljes kushtetuese

Më 6 mars, presidentja e vendit shpërndau Kuvendin, duke bërë shkeljen më të rëndë të Kushtetutës së Republikës së Kosovës deri më tani. Ky akt u vlerësua nga Gjykata Kushtetuese e Kosovës si i pambështetur në Kushtetutë, pra pa efekt juridik, por kjo nuk evitoi efektin politik, ngase një veprim i këtillë nuk mori dënimin unanim të sferës publike e të partive politike në veçanti.

Qytetari i Kosovës ka arsye të jetë i brengosur me lehtësinë me të cilën një shkelje kaq e rëndë u legjitimua politikisht nga një pjesë e spektrit politik dhe nuk mori një dënim të qartë dhe të përbashkët.

Nëse këto tri zhvillime mbeten pa një reflektim të përbashkët dhe pa një vijë të qartë ndarëse mes të pranueshmes dhe të papranueshmes, atëherë zgjedhjet nuk do të jenë zgjidhje, por vazhdim i krizës me mjete të tjera. Demokracia nuk matet vetëm me faktin që votohet, por me respektimin e rregullave mbi të cilat votohet. Dhe pa një konsensus minimal mbi këto rregulla, pra mbi kufijtë e pushtetit, mbi rolin e Kushtetutës dhe mbi seriozitetin e institucioneve çdo cikël zgjedhor rrezikon të prodhojë të njëjtën që kemi sot.

Inteligjenca Artificiale gjeneruese, Shqipëria dhe Kosova, ndër vendet me përdorimin më të lartë në Evropë

Përdorimi i inteligjencës artificiale gjeneruese po përhapet me ritme të ndryshme në Europë, por Shqipëria dhe Kosova po shfaqen si ndër vendet më aktive në adoptimin e kësaj teknologjie në rajon dhe më gjerë.


Sipas të dhënave të Anketës Europiane për Kushtet e Punës, publikuar në fund të muajit prill, rreth 12% e punonjësve në Bashkimin Europian përdorin IA gjeneruese në punën e tyre.

Megjithatë, grafiku i publikuar tregon se disa vende jashtë bllokut, përfshirë Shqipërinë dhe Kosovën, renditen mbi këtë mesatare, duke u afruar me nivelet e vendeve më të zhvilluara. Kosova renditet e shtata në Europë, me 20% të punonjësve që përdorin IA gjeneruese, pas Luksemburgut (25%), Zvicrës (24%), Suedisë (21%), Norvegjisë (21%), Belgjikës (20%), Danimarkës po me 20%.

Ndërsa Shqipëria renditet e 11-a, me 18% të punonjësve që raportojnë se e përdorin IA gjeneruese, në nivele të njëjta me Gjermaninë, Austrinë e Finlandës dhe shumë më pak se Holanda (19%).

Në vendet e tjera të rajonit, përdorimi i IA gjeneruese është shumë i ulët, me Maqedoninë e Veriut, Serbinë e Bosnjë Hercegovinën, që renditen në fund të Europës, me vetëm 3% përdorim. Në Mal të Zi treguesi është pak më i lartë, në 10%.

Fqinjët, si Greqia e Italia, ku kanë emigruar pjesa më e madhe e shqiptarëve, e përdorin shumë pak këtë mjet, në vetëm 5%.

IA gjeneruese është një lloj inteligjence artificiale që jo vetëm analizon të dhëna, por krijon përmbajtje të re, si tekste, imazhe, kode apo audio, duke u bazuar në modele që ka mësuar nga të dhëna ekzistuese. Ndryshe nga sistemet tradicionale të IA-së që fokusohen te parashikimi apo klasifikimi, IA gjeneruese mund të prodhojë materiale të ngjashme me ato të krijuara nga njeriu, duke e bërë të dobishme në fusha si shkrimi, marketingu, programimi dhe dizajni.

Europa

Sipas raportit, që nga viti 2024, përdorimi i mjeteve të IA gjeneruese në punë raportohet nga 12% e punonjësve në BE. Megjithatë, ekzistojnë dallime të dukshme mes shteteve anëtare, me nivele më të larta në Luksemburg, Suedi, Belgjikë dhe Danimarkë, ku të paktën një në pesë punonjës deklaron se përdor IA gjeneruese në punën e tij. Vende të tjera, si Greqia, Italia, Portugalia dhe Rumania, kanë nivele shumë më të ulëta, në 5% ose më pak.

Mjetet e IA gjeneruese përdoren më shumë nga burrat sesa nga gratë dhe nga punonjësit më të rinj në krahasim me ata më të moshuar. Të rinjtë shpesh kanë një njohje më të madhe me teknologjitë e reja, përfshirë IA gjeneruese, për shkak se janë rritur në një mjedis dixhital.

Ndërsa ka gjithnjë e më shumë prova se IA gjeneruese mund të rrisë ndjeshëm produktivitetin në profesionet me bazë njohurish, ajo mund të kontribuojë edhe në rritjen e monotonisë në punë, për shembull duke gjeneruar volume të mëdha përmbajtjeje që kërkojnë kontroll dhe rishikim të vazhdueshëm. Megjithatë, një analizë paraprake e të dhënave të anketës së punës sugjeron të kundërtën: përdorimi i IA gjeneruese lidhet me një nivel më të ulët të detyrave monotone dhe me një probabilitet më të lartë që punonjësit të vlerësojnë vetë cilësinë e punës së tyre.

Ky model mund të lidhet me faktin se IA gjeneruese përdoret më shumë në profesione si menaxherët dhe profesionistët, të cilët zakonisht kanë nivele më të larta arsimimi dhe më shumë autonomi në punë. Të dhënat e Eurobarometrit të fundit tregojnë gjithashtu se të rinjtë (15–24 vjeç) kanë një perceptim më pozitiv për teknologjitë në vendin e punës, përfshirë IA-në, krahasuar me grupmoshat më të mëdha.

Ky trend, thekson raporti nxjerr në pah një ndarje dixhitale sipas brezave, ku punonjësit më të moshuar mund të përballen me vështirësi në adoptimin dhe integrimin e këtyre teknologjive në punën e tyre. Një diferencë sipas nivelit arsimor vërehet gjithashtu në përdorimin e IA gjeneruese, ashtu si edhe në përdorimin e teknologjive të tjera të përfshira në anketë.

Anketa

Anketa Europiane për Kushtet e Punës 2024, e publikuar në prill të këtij viti ofron një panoramë të plotë të cilësisë së punës në Europë, duke analizuar karakteristikat e fuqisë punëtore, vendet e punës, cilësinë e punës dhe cilësinë e jetës në punë.

Anketa është një instrument i rëndësishëm për politikëbërësit, pasi nxjerr në pah rolin e cilësisë së punës në arritjen e një rritjeje të qëndrueshme dhe gjithëpërfshirëse në Europë.

Gjetjet e anketës bazohen në 36,644 intervista ballë për ballë, të zhvilluara në 35 vende. Çdo intervistë zgjati rreth 45 minuta, duke ofruar një pasqyrë unike mbi gjendjen e punës në Europë.

Kjo anketë është zhvilluar në mënyrë të rregullt që nga viti 1990, duke ofruar një seri të krahasueshme të të dhënave për kushtet e punës në Europë në intervale pesëvjeçare./Monitor

1

 

2

Pronat në Beograd të Radulle Steviqit, njërit nga të akuzuarit për sulmin në Banjskë

Kompleksi luksoz banesor në Beograd, ku ka banesa të lidhura me Radulle Steviqin. 24 prill 2026.

Nevena Bogdanoviq

Radulle Steviq në Kosovë është person në kërkim pasi akuzohet për përfshirjen në sulmin e armatosur në Banjskë të Zveçanit.

Për Shtetet e Bashkuara të Amerikës, ai është nën sanksione për shkak të lidhjeve me Millan Radoiçiqin dhe Zvonko Vesellinoviqin, si dhe për akuza për krim të organizuar dhe korrupsion.

Ndërsa për Serbinë, ai është biznesmen, ka një kompani në veri të Kosovës dhe është pronar i apartamenteve luksoze në Beograd.

Kompania e Steviqit, Rad 028, është pronare e dy banesave dhe katër garazheve në lagjet Dedinje dhe Beogradi, tregojnë të dhënat nga kadastra, të cilat i ka analizuar Radio Evropa e Lirë (REL).

Banesa dhe garazhet, sipas një vlerësimi të bazuar në çmimet e tregut të pasurive të paluajtshme në Beograd, vlejnë më shumë se 1 milion e gjysmë euro.

Se kush banon në këto prona, REL-i nuk ka arritur ta përcaktojë.

Policia dhe Prokuroria e Lartë Publike në Beograd nuk u janë përgjigjur pyetjeve nëse kanë njohuri që Steviqi, i cili me kërkesë të Kosovës është në kërkim ndërkombëtar, ndodhet në Serbi dhe nëse është nën hetim për rastin e Banjskës.

Pyetjeve të Radios Evropa e Lirë, deri në publikimin e këtij teksti, nuk iu përgjigj as Steviqi.

Pyetjet janë dërguar në adresën elektronike të kompanisë Rad 028 dhe në numrin e telefonit të Steviqit, i regjistruar në Serbi, i cili ende është aktiv.

Kush është Radulle Steviq?

Steviqi është prezantuar në publik si biznesmen nga veriu i Kosovës, që ka kompani ndërtimi në Zveçan.

Këto kompani janë të regjistruara si në sistemin kosovar ashtu edhe në atë serb, ndërsa Steviqi, përmes tenderëve, për vite me radhë ka fituar kontrata në vlerë milionëshe – si nga Beogradi ashtu edhe nga Prishtina.

Ndërsa Kosova ka ndaluar dhënien e kontrata pas vendosjes të sanksioneve amerikane, tenderët nga Serbia kanë vazhduar.

Sipas aktakuzës së Kosovës për sulmin e armatosur në Banjskë, Steviqi përmes kompanive të tij e ka ndihmuar Millan Radoiçiqin në pastrimin e parave.

Do të thotë, siç thuhet në aktakuzë, që “të ardhurat e fituara nga aktivitetet kriminale të shndërrohen në pasuri” dhe të “fshihet origjina e tyre”.

Për pastrim parash, akuzë që rëndon ndaj Steviqit, në Kosovë parashihet dënim deri në dhjetë vjet burgim.

Aktakuza përfshin edhe kompanitë e Steviqit në Kosovë dhe në Serbi.

Thuhet se për funksionimin e kompanive të Steviqit vendoste Millan Radoiçiq, i cili përmes pastrimit të parave ka fituar fuqi të madhe dhe ka kontrolluar veriun e Kosovës përmes aktiviteteve kriminale.

Ndërsa Radoiçiq, i cili ka pranuar se ka organizuar sulmin ndaj Policisë së Kosovës në fshatin Banjskë në shtator të vitit 2023, në Kosovë akuzohet për terrorizëm dhe vepra të rënda kundër rendit kushtetues.

Pra, si “kreu i një grupi terrorist” që ka tentuar ta aneksojë veriun e Kosovës, të banuar me shumicë serbe, me forcë dhe armatim të rëndë, për ta bashkuar me Serbinë.

Në sulmin në Banjskë u vra një polic i Kosovës, ndërsa më pas në shkëmbim zjarri që pasoi u vranë edhe tre sulmues të nacionalitetit serb.

Në Kosovë më 24 prill është shpallur aktgjykimi i parë për rastin e Banjskës – dy të akuzuar janë dënuar me burgim të përjetshëm, ndërsa një tjetër me 30 vjet burgim.

Më shumë se 40 të akuzuar të tjerë nuk janë të arritshëm për drejtësinë kosovare.

Ndërtesa në lagjen luksoze të Beogradit ku ka apartamente të lidhura me Steviqin.

Ndërtesa në lagjen luksoze të Beogradit ku ka apartamente të lidhura me Steviqin.

Apartament në Beograd

Në katin e shtatë të njërës prej kullave në lagjen e quajtur Beogradi mbi ujë, ndodhet një apartament prej 54 metrash katrorë në pronësi të kompanisë Rad 028 të Steviqit.

Të dhënat kadastrale për apartamentin në lagjen Beogradi mbi ujë në pronësi të Rad 028.

Të dhënat kadastrale për apartamentin në lagjen Beogradi mbi ujë në pronësi të Rad 028.

Kompania në këtë ndërtesë ka edhe një garazh.

Ky kompleks luksoz, i ndërtuar mbi shtëpi të shembura pa leje përgjatë brigjeve të Savës, në vitet e fundit konsiderohet si një nga më të shtrenjtët në Beograd – me çmime për metër katror nga 4 mijë deri në 10 mijë euro.

Vlera e apartamentit dhe garazhit të Radulle Steviqit vlerësohet rreth 280 mijë euro.

Kompleksi luksoz në lagjen Beogradi mbi ujë.

Kompleksi luksoz në lagjen Beogradi mbi ujë.

Kompania e Steviqit, deri në shtator 2024, ka qenë pronare edhe e një apartamenti tjetër dhe një garazhi në këtë lagje.

Në kompaninë Rad 028 figuron një apartament rreth 90 metrash katrorë dhe një garazh.

Të dhënat nga kadastra në Serbi tregojnë se apartamenti tani ka një pronar të ri, por nuk është e qartë nëse është shitur apo dhuruar.

Apartament në Dedinje pranë vilës së Vesellinoviqëve

Si pronë e kompanisë Rad 028 është regjistruar edhe një apartament prej rreth 250 metrash katrorë si dhe tre garazhe në një ndërtesë në lagjen Dedinje.

Të dhënat kadastrale për apartamentin në Dedinje.

Të dhënat kadastrale për apartamentin në Dedinje.

Dedinja është një tjetër lagje luksoze e Beogradit, me shumë vila, ambasada dhe objekte nën mbrojtje shtetërore.

Ndërtesa në lagjen luksoze të Dedinjes.

Ndërtesa në lagjen luksoze të Dedinjes.

Rrjeti Ballkanik i Gazetarisë Hulumtuese (BIRN) ka raportuar se Millan Radoiçiq kishte vendbanim të regjistruar në këtë apartament, i cili zyrtarisht figuron në emër të kompanisë së Steviqit.

Në afërsi të këtij apartamenti ndodhet edhe një vilë me pishinë në pronësi të Zharko Vesellinoviqit, vëllait të Zvonko Vesellinoviqit, dhe bashkëshortes së tij.

Deri së fundi, kjo vilë ka qenë pronë e kompanisë Inkop, pronarë të së cilës janë vëllezërit Vesellinoviq.

Partneri i tyre i biznesit në Inkop ka qenë Millan Radoiçiq.

Ai u largua nga pronësia në kompaninë Inkopa dhe kompanive të tjera në tetor të vitit 2023, pasi publikisht e pranoi se kishte organizuar sulmin e armatosur në Banjskë.

Ai ia dhuroi pjesën e tij të aksioneve Zvonko dhe Zharko Vesellinoviq.

Edhe Vesellinoviqët, ashtu si Radoiçiqi dhe Steviqi, janë nën sanksione të SHBA-së, nën dyshimet se kanë lidhje me krimin e organizuar ndërkombëtar.

Megjithatë, Serbia nuk reagon ndaj këtyre akuzave, as ndaj sanksioneve ndërkombëtare.

Po ashtu, ajo injoron vendimin gjyqësor dhe aktakuzën në Kosovë për sulmin në Banjskë.

Ku është Radulle Steviq?

Për Radulle Steviqin në Kosovë është lëshuar fletarrestim ndërkombëtar.

Në këtë listë janë përfshirë të gjithë të akuzuarit për rastin e Banjskës, në krye me Millan Radoiçiqin.

Radoiçiq ndodhet në Serbi, dhe adresa e tij e regjistruar është në Beograd.

Autoritetet në Serbi refuzojnë ta ekstradojnë Radoiçiqin në Kosovë dhe thonë se do t’i gjykohet nga “gjykatat serbe”, ndërsa zyrtarët kosovarë i akuzojnë se po i ofrojnë mbrojtje.

Ndërsa nëse Radulle Steviqi ndodhet gjithashtu në Serbi, nuk ka ndonjë konfirmim zyrtar.

Megjithatë, firma e tij është gjetur në një dokument të dorëzuar në institucionet e Serbisë në gusht të vitit 2025.

Në atë kohë, Radulle Steviq paraqiti kërkesë në Agjencinë për Regjistrimin e Bizneseve për të hapur edhe dy degë të tjera të kompanisë së tij në Zveçan të Kosovës – për tregti me shumicë të produkteve kimike dhe drithërave.

Kërkesa e Radulle Steviqit në Agjencinë për Regjistrimin e Bizneseve në Serbi e bërë në gusht të vitit 2025.

Kërkesa e Radulle Steviqit në Agjencinë për Regjistrimin e Bizneseve në Serbi e bërë në gusht të vitit 2025.

Çfarë bën kompania e Steviqit?

Edhe pse Steviqi dhe kompania e tij Rad 028 janë pjesë e aktakuzës së Kosovës, ajo vazhdon të operojë në sistemin e Serbisë.

Gjatë vitit 2025, kompanisë i janë dhënë më shumë se 30 kontrata, me vlerë rreth 6.5 milionë euro – kryesisht të lidhura me projekte ndërtimore në zonat e banuara me shumicë serbe në Kosovë.

Kompania e Steviqit ka lidhur kontrata me organet e përkohshme komunale, të themeluara sipas ligjeve të Serbisë.

Këto organe kanë funksionuar në Kosovë, në zonat me shumicë serbe, deri në vitin 2024, ndërsa më pas janë mbyllur nga autoritetet kosovare, pasi Prishtina i konsideron ilegale.

Megjithatë, organet e përkohshme kanë vazhduar punën e tyre nga lokacione alternative në qytetet kufitare në Serbi.

Ata nuk i janë përgjigjur Radios Evropa e Lirë se sipas cilave kritere i ndajnë kontratat kompanisë së Steviqit dhe si realizohen këto projekte – duke qenë se autoritetet kosovare gjatë tri vjetëve të fundit kanë pezulluar projektet ndërtimore të financuara nga Serbia, me arsyetimin se nuk kanë leje nga institucionet e Kosovës.

Pyetjeve nuk iu janë përgjigjur as Qeveria e Serbisë dhe Zyra e saj për Kosovën.

Katër kontrata janë lidhur gjatë vitit 2026.

Përveç riparimit të një kishe në fshatin Zherovnicë, afër Zveçanit, kompanisë Rad 028 i është besuar edhe furnizimi me pako për Vitin e Ri për nxënësit e shkollave fillore në Kosovë, si dhe sanimi i një terreni sportiv dhe një këndi lojërash në Mitrovicën e Veriut.

Këto punë kanë vlerë mbi 520 mijë euro.

Dhe gjatë vitit 2025, me këtë kompani janë kontraktuar punë me vlerë rreth 6 milionë eurosh – ndërtimi i shtëpive për familjet në nevojë në disa komuna të Kosovës, rinovimi i një shkolle në Zveçan dhe i një spitali në Llapnasellë.

Institucionet arsimore dhe shëndetësore në vendbanimet me shumicë serbe vazhdojnë të funksionojnë në sistemin e Serbisë.

REL-i nuk ka mundur të verifikojë nëse të gjitha këto kontrata janë realizuar, përkatësisht, nëse shtëpitë janë ndërtuar me të vërtetë dhe objektet publike janë rinovuar.

Nga dokumentacioni i tenderëve që ka analizuar REL-i, shihet se Rad 028 ka bashkëpunuar me disa kompani që përmenden në aktakuzën e Kosovës për rastin e Banjskës, si dhe se para për pajisje të ndryshme – si makineri – kanë marrë të akuzuarit për sulmin ndaj Policisë së Kosovës dhe anëtarë të familjeve të tyre.

Në sistemin e Kosovës, Steviqi kishte dy kompani ndërtimi me emra të ngjashëm: RAD D.O.O. dhe RAD P.T.P.

Këto kompani fitonin tenderë deri në dhjetor të vitit 2021, kur Steviq, së bashku me to, u përfshi në sanksionet amerikane.

Në tenderët në Kosovë, nga viti 2018 deri në vitin 2021, ai ka fituar punë me vlerë rreth 5 milionë eurosh.

Shërbimet e kompanisë së tij atëherë i shfrytëzonin kryesisht komunat me shumicë serbe në veri, që funksionojnë në sistemin e Kosovës – Mitrovica e Veriut, Leposaviqi, Zveçani dhe Zubin Potoku.

Milosheviçi Batonit – Ti je yni! Deklarimet e Baton Haxhiut në Hagë, e zbuluan si spiun i UDB-së me pseudonimin “Bojnik” (Major)

 

 

Bojniku Baton Haxhiu /

Pas takimit me Shefin e Shërbimit Sekret të UDB për Kosovën, Baton Haxhiu, i besoi marrjen në mbrojtje të familjes së tij, duke e fshehur në një rezidencë sekrete të UDB në Prizren; ndërsa vetë, në atë kohë 32 vjeç, nëpërmjet UDB-së u arratis e u fsheh në një rezidencë sekrete në Maqedoni; dhe nëpërmjet propagandës së UDB-së që bënte sikur gjoja kërkonte për ta vrarë, shpalli vdekjen dhe zhdukjen e tij fizike…

Nuk është sajesë e Kryetarit të Bashkisë së Tiranës, se Baton Haxhiun e urrejnë në Kosovë dhe e kanë përzënë; por e kanë deklaruar, vërtetuar dhe denoncuar publikisht shqiptarët e Kosovës që ia dinë mirë historitë anti-shqiptare të tij e familjes së tij, deri në katër brezat para Batonit.

Ata e kanë damkosur si spiun rezident të UDB-së brenda shoqërisë, intelektualëve, mediave e politikës në Kosovë; madje banorët e fshatit Paklek dhe të Drenasit në Drenicë, e kanë përzënë familjen e Fazli Haxhiut (babai Batonit).

Sa herë që Baton Haxhiut, i kujtohet shërbimi si spiun i UDB-së kundër sovranitetit dhe interesave territoriale etnike të Kosovës, ai reagon, duke thënë se ka luftuar dhe ka rrezikuar jetën për shpëtimin dhe çlirimin e Kosovës nga regjimi i Milosheviçit.

Por e vërteta e aktivitetit të Baton Haxhiut si spiun i rëndësishëm e produktiv i UDB-së, del qartë nga dëshmia e tij në gjyqin e Sllobodan Milosheviçit ne Hagë, ku Miloshevici i tha: – “Ti Baton, ke qenë dhe je bashkëpunëtor i shërbimeve tona sekrete. A dëshiron të ta dëshmoj? Ndërsa Batoni qepi gojën e uli kokën.

Pyetje nga gjyqtari i Hagës: – Zoti Haxhiu! Keni qenë në një takim konfidencial në banesën e zotit Mahmut Bakalli në Prishtinë. Kur u bë ky takim?

Përgjigjet Baton Haxhiu: – Ky takim u zhvillua më 13, ose 14 nëntor 1997. Unë kisha të shkruara detajet e atij në një bllok shënimesh, por nuk e kam më.

Pyetje: – Si filloi kjo mbledhje?

Baton Haxhiu:  – Kur më arrestuan më 2 tetor, më morën në pyetje për 16 orë e gjysmë. Dhe meqë ishte situatë lufte, thashë se gjëja më e mirë do të ishte të ndalej konflikti dhe të takoheshin shqiptarët dhe serbët, me qëllim që të bisedonin si do zgjidhej ajo situatë krize.

Pyetje: – Zoti Haxhiu, Ju thatë se ishit arrestuar më 2 tetor. Në cilin vit?

Baton Haxhiu: – Po, isha i arrestuar më 2 tetor 1997.

Pyetje: – Zoti Haxhiu, Ju përmendët një të quajtur Zoran Stijoviç. A mund të shpjegoni, se kush është Zoran Stijoviç dhe çfarë qëndrimi mbajti në nëntor 1997, kur ju telefonoi juve?

Baton Haxhiu: – Zoran Stijoviç, ka qenë kryetar i “Lidhjes Rinore Socialiste të Prishtinës”. Ishte shtetas serb dhe ishte në marrëdhënie të mira me shqiptarët në rrethana normale.

Por nuk e dija, që Zoran Stijoviç, ishte zyrtar i rangut të lartë të UDB-së të Shtetit Serb, deri në momentin kur mora telefonatën e tij. (Shënim i “Pamfleti”-t: Në atë kohë, Zoran Stijoviç ishte Drejtor i Analitik i Operacioneve të UDB-së në Kosovë).

Pyetje: – Zoti Haxhiu, a mund t’i shpjegoni Gjykatës se çfarë do të thoni me deklaratën se Zoran Stijoviç që ju telefonoi dhe u takuat, ishte një zyrtar i rangut të lartë të Shtetit Serb dhe shërbimit të tij”? Kujt i referoheni me termin “Shërbim?

Baton Haxhiu: – Në takimin që bëmë në zyrën e Mahmut Bakallit, kuptova se ai person ishte një zyrtar i rangut të lartë në shërbimin sekret të Serbisë, sepse ishte në shoqërinë e dy personave kryesorë, zyrtarëve të shërbimit (UDB), një me mbiemrin Haxhiç dhe zotin Gajiç, të cilin e dija që punonte atje (në UDB) prej 20 vitesh, por nuk e dija se ky ishte emri i tij i vërtetë.

Pyetje: – Zoti Haxhiu! ku punonte zoti Gajiç në muajin nëntor 1997?

Baton Haxhiu: – Gajiç ishte Përgjegjës për Çështjet e Sigurisë, ose siç e quajmë në fjalorin e përditshëm, Shef i Shërbimit Sekret për Kosovën dhe ishte në Kosovë për një kohë të gjatë.

Pyetje: – Zoti Haxhiu! Ju përmendët një zyrtar tjetër që ishte bashkë me zotin Gajiç. A mund të na thoni emrin e këtij personi dhe ta shqiptoni me zë të lartë?

Përgjigje: – Nuk e di emrin e tij, por ai u prezantua si zoti Haxhiç dhe si ndihmës i zotit Jovica Stankoviç. Gjatë takimit, ai tha se së shpejti do të zëvendësojë zotin Gajiç dhe do të vijë me detyrë në Kosovë. Kjo ishte ajo që ai deklaroi në atë takim.

TRE FAKTE/ Pas takimit të fshehtë, me zotin Gajiç, Shefin e Shërbimit Sekret Serb të UDB për Kosovën, Baton Haxhiu i besoi marrjen në mbrojtje të familjes së tij, duke e fshehur në një rezidencë sekrete të UDB në Prizren.

Ndërsa vetë Batonin, në atë kohë 32 vjeç, UDB-ja e fshehu në një rezidencë sekrete në Maqedoni; dhe nëpërmjet propagandës së UDB-së që bënte sikur gjoja po e kërkonte për ta vrarë, sajoji e shpalli në media, vdekjen dhe zhdukjen e tij fizike.

Saktësojmë, se Zoran Stijoviç, Drejtor Operacioneve të UDB në Kosovë, ka qenë mik i ngushtë dhe koleg me Baton Haxhiun, në gazetën studentore serbe “Novi Svet”.(Vijon…)./Pamfleti

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend