Kreu i PD Fier, Luan Baçi ka falënderuar me një mesazh të gjithë mbështetësit, demokratët, koordinatorët dhe të gjithë ata që punuan gjatë fushatës dhe e votuan PD. Baçi shkruan se këto ishin zgjedhje pa zgjidhje dhe se misioni vazhdon, duke i dhënë mbështetje kreut të PD Lulzim Basha.

Teksa akuzon maxhorancën për vjedhjen e zgjedhjeve, ai thekson se rezultati në qarkun Fier, ishte inkurajues, me rikuperim të ndjeshëm, dy mandate më shumë nga 2017, pavarësisht presioneve.

POSTIMI I PLOTË
Zgjedhje pa zgjidhje!
Shumë të dashur bashkë qytetarë të Qarkut Fier!
Falënderim dhe mirënjohje, për çdo demokrat, për çdo simpatizant dhe votues të Partisë Demokratike.
Nderim për ju drejtues të Grup seksioneve dhe seksioneve, ju ishit gjeneralët e betejës!
Falënderim dhe respekt, për komisionerët, vëzhguesit, numëruesit dhe koordinatorët për punën e pa lodhur, korrektësinë dhe përkushtimin.
Nuk gjej fjalë falënderimi për ju të mrekullueshëm të forumit rinor, nuk ka më të mirë se ju!
Jeni të pa krahasueshme ju zonja të nderuara të LDG, jeni heroina të vërteta!
Respekt dhe mirënjohje për ju miq, dhe kolegë të biznesit dhe qytetarë të pa angazhuar, kontributi juaj është vlerë e shtuar!
Faleminderit qytetarë të Fierit, të Dërmenasit, Frakullës, Mbrostarit, Cakranit, Topojës, Libofshës, Qendrës, Portëzës, Levanit!
Mirënjohje, qytetarë të Lushnjës, Divjakës, Patosit, Roskovecit dhe Mallakastrës!
Rezultati në qarkun Fier, ishte inkurajues, me rikuperim të ndjeshëm, dy mandate më shumë nga 2017!
Zgjedhjet mbaruan, zgjidhje nuk ka!
Zgjidhje nuk ka, se zgjedhjet u vodhën përsëri, i filluan përgatitjet dy vjet para!
Administrata nën presion!
Drejtuesit e korruptuar rilindas, vunë shtetin në shërbim të pushtetit!
Punësime të shumta të pa ligjshme me militantë!
Investime elektorale gjatë fushatës!
Policia në shërbim të fushatës së Ramës!
Para të shumta në shumë familje të varfra, që shpërndaheshin nga drejtues të institucioneve, natën!
Ndihma dhe çdo lloj shërbimi, në shkëmbim të votës.
Vaksina e Covid-19 në funksion të votës!
Pushtetin me çdo çmim!
Zgjedhjet u bënë, zgjidhje nuk ka!
MISIONI VAZHDON, NE NUK NDALOJME!
Ne do të vazhdojmë të luftojmë, për demokracinë, për lirinë e votës dhe për një Shqipëri Europiane!
PARTIA DEMOKRATIKE DEGA FIER dhe unë personalisht si KRYETAR i saj, do të vazhdojmë betejën nën drejtimin e KRYETARIT tonë LULZIM BASHA!
Misioni i LULZIM BASHËS, vazhdon, ne jemi këtu të gjithë bashkë, ne nuk ndalojmë, ne do të vazhdojmë betejën deri në fitoren e Partisë Demokratike!
I ftojmë të gjithë të na bashkohen!
Pavarësisht se janë pak, por përsëri vlejnë!
Edhe ata që gjatë 8 viteve opozitë, bënin opozitën e opozitës!
Edhe ata që nuk folën një fjalë të vetme kundër Ramës!
Edhe ata që u gëzuan për rezultatin dhe kanë si qellim të vetëm të marrin drejtimin e partisë!
Edhe ata që emërohen përkohësisht dhe interesoheshin më shumë për ofiqet që do të merrnin në pushtetin e pritshëm dhe jo punën që duhej bërë!
Edhe të ngjashmit e tyre në degët e rretheve!
Këto zgjedhje nuk dhanë zgjidhje, nuk janë të pranueshme!
Misioni vazhdon me Lulzim Bashën, ne jemi bashke me të!
MISIONI VAZHDON!

Përmes një postimi në facebook, nënkryetari i PR-së Blendi Sulaj, shkruan se pas rezultatit në zgjedhje nuk është koha për të gjetur fajtorët, por për t’u bashkuar.

Ndërsa mbështet kreun e PD, Sulaj thekson se Lulzim Basha si askush tjetër ka luftuar krimin e organizuar, korrupsioni ka propozuar programin më të mire përpara shqiptarëve.

Postimi i plotë:

Lulzim Basha si askush tjetër ka luftuar krimin e organizuar, korrupsionin, ka propozuar programin më të mire përpara shqiptarëve dhe personalisht mendoj që është i vetmi lider apo individ i cili mund ta udhëheqi opozitën në luftën e fortë që e pret kundra këtij pushteti të egër i cili cdo ditë dhe më shumë do ta varfëroj Shqipëërinë dhe shqiptarët.

Nuk është koha të gjejmë fajtorët është koha të bashkohemi dhe vetëm të bashkuar mund dhe do t’ja shkurtojmë jetën kësaj qeverie. bw

Presidenti i Shqipërisë, Ilir Meta ka përcjellë një mesazh ngushëllimi për 45 viktimat e tragjedisë në festivalin Lag B’Omer në Izrael.

Meta thotë se tragjedia është një trishtim dhe hidhërim i madh, teksa thekson mbështetjen për popullin mik të izraelit.

Ai gjithashtu i uron shërim të shpejtë 150 të plagosurve të tjerë.

STATUSI NGA ILIR META

Trishtim dhe hidhërim i madh për tragjedinë e rëndë, që ndodhi gjatë festivalit Lag B’Omer në Mount Meron, në Izrael.

Ngushëllimet më të ndjera për familjet dhe të afërmit e viktimave.

Bashkë me lutjet tona i gjendemi pranë popullit mik izraelit dhe urojmë shërim të shpejtë dhe të plotë të të plagosurve.

Analisti Genc Burimi i ftuar në rubrikën ‘’Opinion’’ në News24 ka komentuar rezultatin e zgjedhjeve të opozitës, lëvizjet e fundit të PS, PD dhe LSI apo ndikimin amerikan.

Burimi thotë se Meta po luan si Trump, duke fituar kohë nëpërmjet rinumërimit të votave. Ai thotë se PS u nxitua me nismën për të shkarkuar Metën, pasi humbi një ‘aleat’ që do të njihte zgjedhjet.

Sipas tij nëse PS nuk e heq tani Metën ng President, nuk ka për ta bërë dot me parlamentin e ri të shtatorit.

‘’Jemi në situatë të cilën e prisnim, e prisnin këtë situatë disa analistë, kështu edhe ambasadorja amerikane, thirrjet, dukej se e kishte parashikuar që PS do të fitonte, dhe opozita do të refuzonte. Kjo po ndodh.

U pa në një fare mënyre se një ditë pas zgjedhjeve, Ilir Meta kërkoi të luajë kartën e qetësimit, por të nesërmen kur PS u hodh në mësymje, sot Meta hoqi maskën dhe tha që zgjedhjet

Po kërkon si Trump, që gjithçka të rinumërohet. PD është pak më e tërhequr. Basha ishte i qartë kur tha se beteja vijon, zgjedhjet u vodhën, u ndryshuan në mënyrë të pandershme Kodi Elektoral, u përdorën koncesionet për blerje votash. Basha priti momentin e deklarimit të humbjes nga KQZ për të thënë që zgjedhjet s’janë të ndershme. PD e tërhequr, nuk e di nëse do luajë kartën e mosnjohjes së zgjedhjeve duke hyrë në konflikt me SHBA, apo do të kërkojë rinumërim.

Jemi apo s’jemi në krizë politike. Nëse PD nuk nje zgjedhjet, do të thotë që mos hyjë më në parlament, të shtyhet sërish tryeza e parë ndërqeveritare për çeljen e negociatave. Kjo mund të jetë drama e radhës.

E qartë që kur themi opozitë, janë 3, PD, LSI, dhe brenda PD është Basha. Është opozita e Bashës që thotë zgjedhjet u vodhën, si Rama më 2009 që thoshte asojkohe dhe Blushi i kujtonte se nëse do humbte zgjedhjet do largohej.

Këtë kartë po luan Basha, nuk i humba zgjedhjet, por mi vodhën. Ke brenda PD që i thonë ti humbe, largohu, dhe PD të bëjë një Kryesi të re për të përballuar Ramën në 2025.

Thelbësore është ngutja e PS që të largojë sa më parë Ilir Metën. Po u mblodh parlament i ri, s’ka shans të largojë Metën. Nuk i ka 2/3 e votave me parlamentin e ri. PS nëse e humb dritaren, goditjen për të hequr Metën e humb atëhere. S’ka më vota për të hequr Metën, tani mund ta heqë.

PS duke u nxituar të heqë Metën, humb një aleat. Meta tregoi se i njihte zgjedhjet, por pas kësaj jo.

Rama s’ka nevojë për aleat, ka rezultatin e zgjedhjeve. Ka aleatin numër 1 që është SHBA. Problemi i vetëm i Ramës është hapja e negociatave. Konfrontimi me këto dy parti do e çojë Shqipërinë në fazë të rrezikshme.

Po nuk u hapën negociatat tani, ashtu siç e ka ngutshmërinë PS për të hequr Metën, ashtu e ka dhe Franca me Gjermaninë për të futur tani Shqipërinë.’’- tha Burimi.

Analisti thotë se SHBA e dinin rezultatin e këtyre zgjedhjeve, dhe madje janë të kënaqura prej tyre, teksa shton se nëse PD dhe LSI njohin zgjedhjet atëhere hapen negociatat me BE.

‘’Nëse PD dhe LSI vendosin mos njohin këto zgjedhje, nëse i njohin këto zgjedhje hapen negociatat. As ju, as unë, nuk e kanë marrë ende vendimin, prandaj ishte veprimi shumë i zgjuar i Ilir Metës, vetë SHBA numëroi votat.

Meta po luan bukur në drejtimin e tij, të numërohen votat. S’po thotë as PD, s’po thotë as nuk njoh zgjedhjet. Duhet të mbarojë numërimi, të dalë rezultati, të vijojnë ankesat. Imagjinoni rinumërim, do 2-3 muaj. Këto do shërbejnë për negociatat, Meta do negociojë me ndërkombëtarët, ok do njoh zgjedhjet por më lini President, edhe PD për njohjen e zgjedhjeve do të vendosë ndonjë kusht.

SHBA janë të kënaqur. Amerikanët janë mbrapa, i çuan mesazhe opozitës që jemi të gatshëm për bashkëqeverisje. Nuk doli nga hiri, jo nga Rama, ishte Palmer dhe amerikanët mbrapa. Ishte ide e bukur, mund të vijë prap në tavolinë.

Presionin e ka Rama, ose thotë s’më bëhet vonë fare hapen apo jo negociatat. SHBA duan patjetër negociatat, pasi Shqipëria ngelet preh e joshjeve ruso-kineze.

Duhet se s’bën, përndryshe është e rrezikshme. Kjo luhet tani deri në maj.

S’ka nevojë për rezistencë, që të jetë Biden apo Trump në fuqi, politika amerikane është shumë e atashuar në Shqipëri. Është tepër e rëndësishme për amerikanët. Nuk lejojnë më amerikanët këto njohim apo jo zgjedhjet.

Këtë po luan Meta, nuk bën negociata thotë, zbatoj ligjin si në Amerikë, siç donte Trump rinumërim dhe denoncoi. Meta fiton kohë 2-3 muaj, dhe amerikanëve kjo iu përshtatet.

Për amerikanët është e përshtatshme, do të donin të njiheshin menjëherë, por mjafton. Basha e ka marrë një kërcënim, vendi po hyn një krizë politike. Basha dha një mesazh të qartë që nuk i njeh këto zgjedhjet. Por tani është tërhequr, PD dhe LSI duan rinumërim, kanë dyshime, por nuk ia heq njeri këtë të drejtë. ‘’- tha ai.

Më tej, Burimi shprehet i sigurt se PS do të tërhiqet edhe kësaj radhe nga nisma për të shkarkuar Metën, teksa kërkon që Basha të largohet nga drejtimi i PD si fajtor i humbjeve në këto 8 vite.

‘’Për mendimin tim PS do të tërhiqet edhe këtë herë nga shkarkimi i Metës. Pasi pastaj Meta s’hyn në parlament. Por pikëpyetja është a do e ndjekë Basha apo jo. Se LSI 4 deputetë ka.

PD duhet të fillojë reformimin e brendshëm, Basha duhet të largohet. Ai është fajtor i humbjes. Nëse kjo parti nuk ndahet nga e kaluara, si Rama me Nanon në 2005. Kur Rama mori në dorë PS, u distancua nga Nano.’’- përfundoi Burimi.

(BalkanWeb)

Presidenti Ilir Meta ripërsërit thirrjen për hetimin e votave të pavlefshme të 25 prillit, ku dolën mbi 83 mijë fletë të pavlefshme.

Përmes një mesazhi në “Facebook”, Meta thekson se hetimi i këtyre votave me qetësi dhe transparencë maksimale është më i vlefshëm se kurrë.

Sipas Kreut të Shtetit, “Çdo votë të numërohet dhe rinumërohet deri në fund sipas Kodit Zgjedhor!”

Mesazhi i Metës:

Falenderoj të gjithë qytetarët shqiptarë, të cilët morrën pjesë masivisht në zgjedhjet e 25 prillit.
Referuar të dhënave zyrtare të institucioneve shtetërore, përllogaritet që nga rreth 2.242.147 qytetarë me të drejtë vote, kanë votuar 1.661.885 qytetarë.
Duke patur parasysh pamundësimin e ushtrimit të së drejtës së votës edhe përmes akteve të njëanshme normative, pjesëmarrja rekord më 25 prill e mbi 74% të qytetarëve rezidentë në Shqipëri me të drejtë vote, është shprehje e qartë e përgjegjësisë së lartë qytetare për fatet e vendit.
Ndërkohë që procesi zgjedhor vazhdon, e gjithë vëmendja duhet të jetë e përqendruar në evidentimin dhe hetimin e çdo parregullsie, që ka cenuar procesin dhe deformuar vullnetin e shprehur të qytetarëve.
Numri rekord i më shumë se 5% të votave të pavlefshme, nga të cilat shumica absolute qartësisht nuk ka qenë e shprehje e vullnetshme e pavlefshmërisë, kërkon një hetim urgjent dhe serioz.
Asnjë zhvendosje fokusi, deri në fund të procesit!
I vetmi hetim i vlefshëm tani është hetimi i votave të pavlefshme!
Shashkat e provokatorëve kanë vetëm një qëllim, shpërqëndrimin nga ajo që ka ndodhur në kutitë e votimit dhe gjatë numërimit.
Më i vlefshëm se kurrë, hetimi i votave të pavlefshme, me qetësi dhe transparencë maksimale!
Çdo votë të numërohet dhe rinumërohet deri në fund sipas Kodit Zgjedhor! 🇦🇱

Sekretari i Përgjithshëm i LSI, Endrit Braimllari, tha në një deklaratë për media se “po faktohet moment pas momenti masakra zgjedhore që ka ndodhur në 25 prill me autori mafien e Rilindjes në pushtet”.

Lidhur me këtë, Braimllari tha se ka depozituar kallëzim në SPAK “për manipulime të rënda të procesit zgjedhor nga komisionerët dhe drejtorët e Rilindjes që manipulonin votat duke bërë shënime dhe duke i bërë të pavlefshme”.

Deklaratë për mediat e Sekretarit të Përgjithshëm të LSI, Endrit Braimllari:

Të nderuar qytetarë është shume e qartë dhe po faktohet moment pas momenti masakra zgjedhore që ka ndodhur në 25 prill me autor mafian e Rilindjes në pushtet.
Të gjitha manipulimet, e pafund të procesit zgjedhor janë evidentuar dhe po evidentohen një për një.

Ndonëse KQZ nuk ka nxjerrë akoma rezultatet përfundimtare pas të cilit lind edhe e drejta e ankimimit kemi bërë tashmë gati një sërë denoncimesh.
Këto denoncime do të depozitohen menjëherë pas daljes së rezultatit përfundimtar.
Por, ndërkohë kemi depozituar kallëzim në SPAK për manipulime të rënda të procesit zgjedhor nga komisionerët dhe drejtorët e Rilindjes që manipulonin votat duke bërë shënime dhe duke i bërë të pavlefshme.
Do të depozitohet ankimimi për përsëritjen e zgjedhjeve në Qarkun e Gjirokastrës, për përjashtim antikushtetues dhe të paligjshëm, masiv të zgjedhësve nga e drejta për të votuar.
Do të depozitohet ankimimi për pavlefshmërinë të një sërë qendrash votimi në Berat.
Do të depozitohet ankimimi për Qarkun e Durrësit ne respect te parashikimeve ne kodin zgjedhore.
Do te depozitohet kërkesa për rinumërim në disa qarqe të vendit për shkak të manipulimeve dhe parregullsive të rënda në procesin e numërimit.
Si dhe vlerësimin e pavlefshmërisë së votave që lidhen me këtë process.
Kërkojmë nga KQZ, administrim me përgjegjësi absolute të të gjithë materialeve të votimit. Kërkojmë bllokimin e të gjitha materialeve të votimit dhe ruajtjen e tyre në respekt të ligjit dhe nën vëzhgim dhe monitorim me kamera.
Ndërkohë, do të vijojnë ankimimet në të gjitha qarqet pas kqyrjes së pamjeve filmike.
Ky evidentim dhe ky proces do të vazhdojë më përgjegjësi deri në fund për të zbardhur të vërtetën të masakrës dhe manipulimit që i është bërë vullnetit të shqiptarëve dhe votës së tyre.
Faleminderit.

TIRANË

Sekretari i përgjithshëm i PD-së Gazment Bardhi akuzoi sot kryeministrin Edi Rama dhe ministren e Infrastrukturës Belinda Balluku si personat në krye të operacionit kriminal të vjedhjes së zgjedhjeve duke përdorur legalizimet ne këmbim të votave.

Bardhi publikoi foto të bisedave të një grupi në whatsapp, i hapur sipas tij me urdhër të Belinda Ballukut drejtuar nga Këshilltarja e saj në Kabinetin e Ministrit Laureta Omeri.

“Përmes këtij personi, Belinda Balluku ekzekuton skemën e blerjes së votave, duke legalizuar banesa në këmbim të votave.” u shpreh Bardhi, ndërsa theksoi se ndonëse këto prova i janë vënë në dispozicion prokurorisë prej darës 12 prill, organi i akuzës nuk ka vepruar.

Deklarata e plote: 

Çdo ditë dalin në pah fakte, prova dhe dëshmi të veprimeve të Ramës/Doshit dhe bandave të tyre për të vjedhur zgjedhjet.

Provat që do të ekspozojmë sot faktojnë masakrën zgjedhore. Ato janë vënë në dispozicion të Prokurorisë prej datës 12 Prill dhe ajo deri në këtë moment nuk ka vepruar.

Kjo që shikoni në ekran është grupi i whatsapp i hapur me urdhër të Belinda Ballukut dhe drejtuar nga Këshilltarja e saj në Kabinetin e Ministrit Laureta Omeri. Përmes këtij personi, Belinda Balluku ekzekuton skemën e blerjes së votave, duke legalizuar banesa në këmbim të votave.

Kjo bisedë në whatsapp fakton se për më shumë se 1 muaj administrate publike është vënë në funksion të blerjes së zgjedhjeve.  Provat tregojnë se si PS jep leje legalizimi në këmbim të votës.

Në këtë bisedë ka detaje të ndërtesave dhe adresave përkatëse për të cilat shtabet elektorale të Partisë Socialiste urdhërojnë legalizimin e menjëhershëm para zgjedhjeve, në këmbëim të votës. Aty dalin në pah hartat e banesave, emrat e punonjësve të administratës publike në vënë në shërbim të kësaj skeme kriminale të blerjes së votës, emrat e votuesve, por edhe shumë informacione të tjera.
PD ka bërë kallzim kundër ministres Balluku dhe stafit të saj për krime elektorale, shpërdorim detyre dhe grup të strukturuar kriminal që prej datës 12 prill 2021.

Prokuroria nuk ka bërë asgjë as për ta ndalur, as për ta parandaluar dhe as për ta ndëshkuar këtë skemë të pastër kriminale të blerjes së votës në këmbim të legalizimit të banesës.

Kjo është një provë flagrante që provon se si Edi Rama dhe Belinda Balluku janë në krye të operacionit kriminal të vjedhjes së zgjedhjeve, duke shkelur ligjin dhe duke përdorur burimet shtetërore për të deformuar vullnetin e qytetarëve dhe rezultatin e zgjedhjeve.

Të gjithë shqiptarët janë të vetëdijshëm se se si kanë vepruar Rama-Doshi dhe bandat e pushtetit për të vjedhur dhe blerë rezultatet e zgjedhjeve të 25 prillit. Të tjera fakte dhe të dhëna do të publikohen në ditët në vijim.

Deklaratat sa për të larë gojën se prokurorët duhet të hetojnë krimet zgjedhore nuk mjaftojnë. Sot Prokurori i Përgjithshëm dhe Drejtuesi i SPAK kanë përpara tyre një krim të dyfishtë, atë të vjedhjes së zgjedhjeve dhe atë të mosveprimit të organit të prokurorisë për të parandaluar e ndëshkuar krimet zgjedhore të provuara. Ky rast flagrant është një provë sesa të përkushtuar janë vërtëtë këto organe për të përmbushur detyrën e tyre, sic pret opinion publik shqptar dhe partnerët tanë ndërkomëbtarë.

Një gjë është e sigurtë. Ne do të luftojmë me gjithë fuqinë dhe besimin e madh që qytetarët na dhanë në këto zgjedhje, që ta rrëzojmë regjimin Rama-Doshi.

TIRANË

Sapo kanë mbërritur 25 mijë doza të vaksinës ruse Sputnik V.

Prej fillimit të vaksinimit janë kryer në total 453,255 doza të vaksinës ndaj COVID-19, prej të cilave 353,491 vaksinime për persona mbi 60 vjeç. bw

Kryeministri i Kosovës, Albin Kurti, pretendon se dokumentet “non paper” të publikuara në ditët e fundit nga mediat në Ballkan, mund ta kenë prejardhjen nga Beogradi dhe Moska.

“Nuk besoj që autorët e këtyre janë kryeqytetet perëndimore, sigurisht që jo SHBA-ja dhe as ato evropiane. Besoj që kjo vjen nga Beogradi dhe verilindja. Është interes i Federatës Ruse ta përdor Ballkanin Perëndimor për të sulmuar Bashkimin Evropian dhe NATO-n”, tha Kurti në një intervistë për një grup gazetarësh të cilët po e përcjellin vizitën e tij në Bruksel.

Që nga mesi i muajit prill e deri më tash, në media janë publikuar dy të ashtuquajtur “non-paper”, si dokumente të pretenduara, në të cilat flitet për qasje të ndryshme për zgjidhjen e kontestit Kosovë-Serbi. “Non-paperi” i parë, i publikuar më 15 prill, pretendohet të jetë i kryeministrit të Sllovenisë, Janez Jansha, i dërguar për Këshillin e Evropës. Ai përmban propozimin e supozuar për ricaktimin e kufijve në Ballkanin Perëndimor, si një mënyrë për të zgjidhur problemin kronik ndërmjet gjashtë vendeve në rajon.

Këto pretendime janë hedhur poshtë nga Jansha, por edhe nga zyrtarë të Bashkimit Evropian.

Më 27 prill, në disa media në Kosovë është publikuar një “non-paper” tjetër, i cili është pretenduar të jetë hartuar nga Gjermania dhe Franca dhe i cili flet për themelimin e të ashtuquajturit “distriktit autonom të Kosovës së Veriut” dhe për njohjen e integritetit dhe sovranitetit territorial mes Kosovës dhe Serbisë.

Gjermania e ka hedhur poshtë vërtetësinë e “non-paperit” që u tha se është hartuar nga ajo dhe Franca.

I pyetur lidhur me këto dokumente, Përfaqësuesi i Lartë për Politikë të Jashtme dhe Siguri i Bashkimit Evropian, Josep Borrell tha se ai nuk punon me ‘non paper’ dhe i quajti dokumente fantazmë.

Borrell këto komente i bëri të enjten pas takimit me kryeministrin e Kosovws, Albin Kurti në Bruksel.

Në anën tjetër, presidenti i Serbisë, Aleksandar Vuçiq, ka deklaruar më 27 prill se “non-paper” i publikuar nga mediat në Prishtinë, e ka bërë dikush që është “shumë shumë i mençur”.

“Ka gjëra të cilat do iu kishin pëlqyer serbëve, por aty është edhe një gjë, të pranohet pavarësia e Kosovës, e që është shumë e keqe për serbët”, ka deklaruar Vuçiq gjatë një vizitë në jug të Serbisë.

Ai po ashtu shtoi se publikimi nuk është bërë pa arsye. Vuçiq tha se do t’i analizojë porositë për palën serbe dhe palën tjetër, por shtoi se për Serbinë është e papranueshme njohja e pavarësisë së Kosovës.

Çfarë është “non-paper”?
Në gjuhën e institucioneve evropiane, “non-paper” është dokument joformal, zakonisht pa theksim të qartë, i cili ekspozohet në negociata të mbyllura brenda institucioneve të BE-së, veçanërisht në Këshillin e Ministrave, në mënyrë që të kërkohet marrëveshja për ndonjë çështje të kontestuar procedurale ose politike.

“Non-paper” është formë e zakonshme komunikimi e një ose më shumë anëtareve të BE-së rreth një çështjeje të caktuar./REL/

Analisti Arjan Vasjari, i ftuar në emisionin “Real Story” në “News 24” deklaroi se kauzat e Ramës, të tilla si pandemia dhe rikuperimet nga tërmeti ranë.

Vasjari thekson se zonjat e nderuara në krye të listës së PS nuk u votuan sa duhet, duke shtuar se në fushatë janë involvuan personazhë të krimit.

“Shikoj konfuzitet në këto zgjedhje. Kryetarët e partive kanë dështuar në listat që kanë hartuar. Kauzat e Ramës si pandemia dhe tërmeti kanë rënë. Dy zonjat e nderuara nuk u votuan aq sa duhet. Rama u tregua i rafinuar, duke besuar se kauzat e tij do fitojnë, duke besuar se zonjat do merrnin vota, por nuk ndodhi kështu.

Nga këta zgjedhje ne si votues morën vetëm pikëpyetje. Elektorati ka asgjësuar kauzat që na promovoi Rama. Zonjat e nderuara nuk janë ata që Rama i vendosi aty, në sytë e elektoratit. Në fushatë janë involvuar shumë personazhë të krimit. Lehtësia për të korruptuar pjesë shumë të mëdha të shoqërisë është alarmante. Si ka mundësi që këta kandidatë marrin kaq shumë vota? Kjo gjë mua më shqetëson”, u shpreh Vasjari.

TIRANË

Fatos Lubonja ka sjellë sot në “Real Story” në News24 analizën e tij për fitoren e disa kandidatëve në zgjedhjet e 25 prillit dhe humbjen e disa të tjerëve. Lubonja tha se analiza e votës tregon që fiton kush ka më tepër para. Duke u ndalur tek fitorja e Fatmir Xhafajt në Tiranë, e parë në referimin si një njeri simbol i PS, sipas tij nuk qëndron, pasi e tregon humbja e Pandeli Majkos.

“Disa fenomene që janë për t’u komentuar. Gjëja që më tërhoqi më shumë vëmendjen ishte fakti se Ervin Bushati kryetar i PS të Tiranës, njeri që e kemi pasur nëpër studio, njeri që e njeh publiku është i rrezikuar.
Analizat më çojnë tek disa konkluzione. Konkluzioni i parë është që këtu kemi të bëjmë me fitoren e një partie socialiste dhe social demokrate, në kuptimin e programeve politike nënkupton partitë e pjesës së brishtë të shoqërisë. E djathta konsiderohet parti e më të pasurve dhe e majta përgjithësisht janë parti që përfaqësojnë shtresat më të brishta, ose dhe administratë, shkollat, mësuesit. Këta personazhet që më dalin këtu përgjithësisht janë njerëz të pasur. Analiza e votës tregon që fiton kush ka më tepër para. Paratë janë dy llojesh, para private të fituara privatisht, për mendimin tim ka dhe para të krimit sepse kemi ca personazhe në Durrës, të përfolur.
Kjo çon e para tek një parti që nuk përfaqëson atë që duhet të përfaqësojë si parti. E dyta tek momenti i diskutueshëm nëse këto zgjedhje kanë qenë të lira apo të blera. E treta, po marr dhe një fenomen tjetër që prapë është interesant. Pashë Fatmir Xhafën, thanë që fitoi kaq shumë se është vërtetë nga socialistët. Dhe unë kështu e mendova në fillim. Por edhe ne hetojmë. Hetimi i parë vjen nga një pikëpyetje, ore po ky Pandeli Majko pse kaq pak? Për mua lepuri fshihet pas tij. Unë e hedh si ide, po bëj analizë, ti ma shpjego mua. Ose ka marrë kaq shumë sepse ishte njeri simbol i PS ose ka diçka tjetër. Për simbol nuk më rri sepse është Majko më simbol i PS. Për mua lepuri fle diku tjetër. Le të hetojë OFL, unë nuk jam OFL. Unë i mëshoj tezës sime që këtu ka skema kush ka më shumë para, është organizuar, ka mobilizuar paratë dhe ka fituar, favore, tenderime, nuk e di. Edhe Luçiano Boçin unë nuk e njoh. Me logjikën që kam unë, me njohjen që kam unë, me aparencën që kam unë mund të ishte më mirë Bardhi se sa Boçi. Dyshimi im, mund të shkojë prapë tek kjo skema. Duhet gjetur diku se nga buron leku dhe për mua kjo është një gjë që është evidente.
Kush ka fituar më shumë dhe po të bësh një hetim të thjeshtë, ore çfarë biznesi ka ky, do gjesh shumë gjëra, për mua.
Unë kam parë ujkun ti më flet për gjurmën. Unë kam parë duke shpërndarë paratë me lista. Doli lista e Elbasanit, fenomen i përhapur tek të gjitha partitë”, tha Lubonja.

Duke u ndalur tek tkurrja e LSI, Lubonja bëri një shpjegim tjetër.
“LSI kishte 20 deputetë, mori 4. U kthye thonë në origjinë, kur lindi. Pse mori 20 LSI, sepse ishte parti pushteti, kishte drejtorë, kishte pas lidhje. Tani që iu hoqën të gjitha këto me operacione kirurgjikale nga PS dhe këta shkuan tek këta të tjerët, tek pushteti. Kjo shpjegon 20 në 4”, tha ai.

Jozefina Topalli njoftoi se do të largohet nga drejtimi i partisë Lëvizja për Ndryshim që krijoi pak kohë para zgjedhjeve të 25 prillit.

“Lëvizja për Ndryshim nuk ia doli për t’u bërë faktor në këto zgjedhje. 

Por unë dëshiroj të falënderoj stafin, secilin prej kandidatëve që sfiduan klasën politike aktuale; të falënderoj të gjithë ata që besuan.
Duke u larguar nga drejtimi i kësaj Lëvizje uroj që njerëz patriot dhe të pakorruptuar të vazhdojnë Lëvizjen për reformimin e së djathtës shqiptare”, shkruan Topalli.

Partia Lëvizja për Ndryshim nuk arriti të kalonte pragun në zgjedhjet parlamentare, duke marrë 7049 vota, ose 0.45% në rang vendi.

TIRANË

Presidenti i Republikës ka reaguar sot pas disa denoncimeve nga ish-deputetë dhe persona të tjerë për mesazhe fyese të marra nga Kreu i Shtetit. Zëdhënësi i Presidentit Meta, Tedi Blushi tha se këto akte vënë në rrezik sigurinë kombëtare dhe do kërkohet hetim i menjëhershëm.

Në një deklaratë për mediat, Blushi tha se këto akte të dëshpëruara, kanë për autor të gjithë ata që i blenë dhe i vodhën mandatet e deputetëve më 25 Prill dhe tani nuk po i gëzojnë dot.

Duke ju kërkuar ndjesë të gjithë qytetarëve, të cilët kanë marrë mesazhe të tilla, Presidenca iu kërkon ta venë në dijeni menjëherë.

“Në emër të Presidentit të Republikës Sh.T.Z Ilir Meta dënoj me forcë konsumimin e veprës penale të keqpërdorimit të mesazheve telefonike, gjoja në emër të Kryetarit të Shtetit, nga disa persona të identifikuar, që sipas të dhënave të siguruara, kanë dërguar këto ditë mesazhe me përmbajtje fyese dhe kërcënuese në adresë të disa qytetarëve.
Këto akte të dëshpëruara, kanë autorësinë e atyre të cilët i blenë dhe i vodhën mandatet e deputetëve më 25 Prill dhe tani nuk po i gëzojnë dot.
Duke ju kërkuar ndjesë të gjithë qytetarëve, të cilët kanë marrë mesazhe të tilla, ju lutemi të na venë dijeni menjëherë.
Për këtë skandal kriminal të keqpërdorimit të numrit të Presidentit të Republikes do kërkohet hetim i menjëhershëm edhe ndërkombëtar, pasi nëse institucionet tona do të ishin funksionale askush nuk do të guxonte të bënte akte të tilla të çmendura dhe të dënueshme ligjërisht, që mund të venë në rrezik serioz edhe sigurinë kombëtare të Republikës së Shqipërisë, vend anëtar i NATO-s.
Falenderojmë ish-kryetarin e Bashkisë Berat, z.Petrit Sinaj, ish-kryetarin e Bashkisë Skrapar z.Nesim Spahiu, deputetin Lefter Maliqi, ish-deputeten Silva Caka dhe shumë të tjerë, që na informuan menjëherë.
Edhe njëherë ju kërkojmë ndjesë të gjithë qytetarëve për shqetësimet, që u kanë krijuar mesazhe të tilla, që kanë vetëm një përgjegjës: Organizatën Rilindja.
Është pikërisht kjo organizatë, që në mënyrë mafioze dhe të paligjshme rrëmbeu të dhënat personale të të gjithë qytetarëve për qëllime survejimi politik elektoral dhe shantazhimi.
Kur guxojnë të bëjnë një krim të tillë duke guxuar të fabrikojnë numrin zyrtar të telefonit të Presidentit të Republikës, ç’mund t’u bëjnë këta banditë qytetarëve të thjeshtë?”, deklaroi Blushi.

Ambasadorja e SHBA, Yuri Kim i bashkohet thirrjes së Prokurorit të Përgjithshëm që prokurorët të hetojnë krimin zgjedhor.

Znj.Kim, thotë se SHBA e mbështet fort thirrjen e Çelës, teksa thekson se askush nuk është mbi ligjin.

Ajo po ashtu thekson se Reforma në Drejtësi kërkon që prokurorët të kryejnë detyrën me pavarësi e integritet.

Sot Prokurori i Përgjithshëm i bëri thirrje të gjithë prokurorëve të rretheve që të nisin hetimet për kallëzimet e bëra pranë KQZ e institucioneve të tjera lidhur me zgjedhjet e 25 prillit.

STATUSI NGA YURI KIM

Prokurori i Përgjithshëm Çela u ka kërkuar të gjithë prokurorëve në Shqipëri që të intensifikojnë hetimin dhe ndjekjen penale të krimeve zgjedhore. Supports e mbështet fuqimisht këtë thirrje. Reforma në Drejtësi kërkon që prokurorët të kryejnë detyrën e tyre me pavarësi dhe integritet. Askush nuk është mbi ligjin.

Kryeprokurori Oslian Çela i ka kërkuar të gjitha Prokurorive të Rretheve Gjyqësore në vend që të hetojnë çdo krim zgjedhor.

Kryeprokurori Çela thekson që prokurorët të marrin në trajtim të gjitha kallëzimet e bëra pranë KQZ apo institucionet e tjera dhe të nisin hetimet e nevojshme.

Shkrimi i plotë:

Në fazën e hetimeve paraprake, vlerësimi dhe trajtimi me prioritet dhe në afate optimale i cdo referimi apo kallëzimi për veprat penale që prekin zgjedhjet e lira dhe sistemin demokratik të zgjedhjeve, ose çdo vepre tjetër penale që dëmton procesin zgjedhor, i ekzistencës së kushteve/kritereve ligjore për regjistrimin e procedimit penal, i bashkërendit me KQZ për kallëzimet e paraqitura prej tij, dhe/ose me agjencitë ligjzatuese të specializuara për kryerjen e hetimeve proaktive, duke përdorur mjetet e posaçme të hetimit dhe rritjen e interesit të hetimeve për këto vepra penale.

1.1. Prokurorët i delegojnë veprimet hetimore të oficerëve të policisë gjyqësore të seksionit dhe/ose të shërbimeve policore në strukturat hetimore përkatëse, duke urdhëruar, si kryerjen e veprimeve intensive hetimore të nevojshme, ashtu dhe përcaktojnë afate kohore të përshpejtuara për kryerjen e tyre dhe mbikëqyrin periodikisht zbatimin e urdhërimeve të tyre, deri në përfundim të hetimeve paraprake për secilin procedim për këto vepra penale.

2. Prokurorët të rrisin prioritetin dhe intensitetin e veprimet procedurale, për të siguruar: -hetime të plota, gjithëpërfshirëse dhe afate sa më të shkurtra të çështjeve;- ngritjen e akuzës së në gjykatë bazuar në rrethanat e faktit të provuara dhe në ligjin material penal, e procedural të zbatueshëm, – përfaqësimin e akuzës/çështjes në gjykatë me pavarësi, profesionalizëm dhe integritet, duke garantuar mbrojtjen e zgjedhjeve të lirua dhe sistemin demokratik të zgjedhjeve, ashtu dhe liritë personale dhe interesat e ligjshme të shtetasve

3. Prokurorët në kërkesat për caktimin e masave të sigurimit personal dhe për caktimin e masave të dënimit për këto grupvepra penale, të ashpërsojnë kërkimet, si për llojin e masave të sigurimit personal, ashtu edhe për llojin e masat e dënimit për veprat penale, në fushën e zgjedhjeve më të përhapura me tendencë në rritje në shkallë vendi, apo në njësitë administrative në kompetencë tokësore të gjykatës pranë të cilës ushtron funksionet prokuroria.

4. Drejtuesi i prokurorisë, i cili përgjigjet për mbarëvajtjen e hetimeve të këtyre veprave penale, kur e vlerëson të nevojshme për mbarëvajtjen e ecurisë së procedimit/çështjes nxjerr udhëzim jo të detyrueshëm për shkarkim për prokurorin përkatës, për kryerjen e detyrave specifike për të garantuar një hetim të plotë e të gjithanshëm dhe në afate të përshpejtuara në kuadrin e procedimit të drejtë dhe të rregullt ligjor, si dhe ndjek në dinamikë veprimtarinë e procedimeve, duke kërkuar informacion nga prokurorët për ecurinë e procedimeve dhe verifikuar përfundimin e secilës çështje, dhe/ose duke nxjerrë udhëzime me shkrim sipas ligjit në rastet kur vlerësohet e nevojshme kryerja e veprimeve të mëtejshme procedurale, përpara se të merret vendimi për mënyrën e përfundimit të hetimeve paraprake nga prokurori.

5. Struktura përkatëse në Prokurorinë e Përgjithshme, drejtuesit e prokurorive dhe prokurori për marrëdhëniet me publikun, të marrin të gjitha masat administrative të nevojshme për bashkërendim dhe koordinim institucional, për të siguruar dhe shkëmbyer informacionet dhe dërgimin Komisionit Qendror të Zgjedhjeve, sipas ligjit dhe udhëzimit të përgjithshëm nr.3/2019 i ndryshuar. Me këtë qarkore të njihen të gjithë prokurorët, drejtuesit e prokurorive me juridiksion të përgjithshëm dhe oficerët e policisë gjyqësore të seksioneve të shërbimeve që ushtrojnë funksionet pranë strukturave hetimore përkatëse. Drejtuesit e prokurorive me juridiksion të përgjithshëm dhe struktura përkatëse në Prokurorinë e Përgjithshme, të marrin masat e duhura organizative dhe ligjore për zbatimin, mbikëqyrjen dhe informacionin për zbatimin e kësaj qarkore e lidhur me udhëzimin e përgjithshëm nr.4/2019 i ndryshuar.

Kandidati për deputet në listën e PD, Mark Marku ka paralajmëruar se ditën e nesërme do të dalin përgjime për blerjen e votës në zgjedhjet e 25 prillit. Marku tha se votat janë blerë me para në dorë ndërsa ka pasur edhe dhunim të komisionerëve e personave të administratës publike.

“Ka 3 deputetë të blerë të futur në parlament. Mos e bëni me përdhunimin, fakti është brenda. Na kërkoni neve faktet, i kemi të gjitha faktet. Ju mendoni se PSD mund të merrte 3 deputetë. 4 i ka marrë në kohën e Gjinushit dhe duke ia falur. Ajo është parti e shitur, ia ka blerë Skënder Gjinushit. E dinë sa lekë, 400 deri në 1000 euro familja. Do dalin të gjitha të përgjuara dhe të faktuara.

Kemi video që ua kemi marrë policëve. Votat janë blerë me vende pune, janë blerë me para në dorë, nesër dalin videot. Para Ka dhunim të komisionerëve, ka pushime nga puna të personave të administratës publike” – tha Marku në emisionin “Open”. ©LAPSI.al

TIRANË

Kryetari i KQZ-së Ilirjan Celibashi, ka deklaruar se cenimi i votës së çdo kandidati do të ketë për pasojë, sanksion penal, me një dënim prej shtatë vjet burgim.

Celibashi thekson se KQZ disponon pamjet filmike të vlerësimit e çdo vote, të bërë në fazën e nxjerrjes së rezultatit për partitë dhe koalicionet.

“Cënimi i votës së çdo kandidati do të ketë si pasojë sanksion penal deri në 7 vite burgim, për këdo nga numëruesit apo komisionerët e përfshirë.

KQZ disponon pamjet filmike të vlerësimit e çdo vote, të bërë në fazën e nxjerrjes së rezultatit për partitë dhe koalicionet”, deklaroi Celibashi. bw

25 prilli, dite e zeze ne historine e demokracise ne Shqiperi!

Zgjedhjet jo demokratike!

Mandat mbi drogen, krimin, blerjen dhe abuzimin me pushtetin!

Vota e lire e shqiptareve u ekzekutua para se te hidhej ne kuti!

Te dashur miq, zgjedhjet apo me sakte farsa e tyre perfundoi. Gjate fushates dhe keto dite me eshte rikujtuar viti 2000. Ne tetor te atij viti do zhvilloheshin zgjedhjet lokale. Ish presidenti i SHBA Xhimi Karter dergoi nga Qendra e tij, qe ne gusht te atij viti, nje mision faktmbledhes per te marre persiper vezhgimin e zgjedhjeve.

Misioni i Presidentit Karter pas dy jave qendrimi u largua nga Shqiperia dhe vendosi te mos i vezhgonte zgjedhjet pasi konstatoi se qeveria socialiste i kishte ekzekutuar ato para se te zhvilloheshin.

E njejta gje ndodhi pas 20 vitesh me zgjedhjet e 25 prillit te vitit 2021. Vota e lire e shqiptareve u dhunua para se te hidhej ne kuti per asrsyet qe vijojne.

1- Nga droga

Viti 2020, pra viti para zgjedhor ishte viti ne te cilen me ftese te kreut te narkoshtetit Shqiperia u mbulua me kanabis de juro medicinalis kurse de facto ‘electoralis’.

Ne keto zgjedhje me shume se ne te gjitha tjerat vetem droga medicinale u kthye te pakten ne 12 mandate dhe mandatet ne nje rreth vicioz do kthehen ne droge.

2- Narkoshteti

Ne keto zgjedhje me shume se ne çdo fushate tjeter narkoshteti u shnderrua ne makineri elektorale te Kreut te Meduzes.

Parlamenti ne shkelje te konsensusit te vendosur mes forcave politike beri ndryshime kushtetuese ligjore, me te cilat favorizohej me disa mandate partia e qeverise.

KQZ, Kolegji, Policia e shtetit, Porkuroria dhe gjykatat e partise ne 98% te vendimeve qendruan besnike te palekundura te partise shtet. Po ndalem ketu vetem ne ngjarjen tragjike te 14 Marsit ne Elbasan.

Banda e personave ne shoqerim te Edi Rames sulmoi shtazerisht e keqtrajtoi fizikisht para kamerave dhe ne prani te bossit te tyre mbeshtetes te opozites.

Asnje nga keta bandite nuk u penalizua nga policia, prokuroria e partise sepse duheshin te vazhdonin misionin tyre kriminal te terrorizimit te popullates dhe blerjes se votes.

Ndaj dhe me 21 Mars kjo bande kishte dale publikisht dhe e armatosur per blerje votash, gje qe solli pergjakjen e Elbasanit.

Pas ngjarjes narkopolicia dhe narkoprokuroria fshehen ne menyre kriminale provat qe faktonin se ne makina u gjeten materiale per blerje te votes.

Perveç kesaj, dispozitat e kodit elektoral por dhe nenet e Kartes se Kopenhegenit per zgjedhjet e lira qe ndalojne perdorimin e burimeve te qeverise dhe shtetit per ndikim ne procesin zgjedhor, u shkelen me urdhera, ligje, vendime dhe akte te gjitha publike me qindra here nga Edi Rama dhe zyrtaret e tij.

Nuk po ndalem ketu ne perdorimin e mjeteve shteterore dhe administrates per fushate nga Edi Rama dhe ministra e narkozyrtaret e tij as tek qindra tendera dhe prokurime publike ne funksion te zgjedhjeve, as ne dhjetra e dhjetra inaugurime elektorale po po jap ketu vetem nje fakt;

Vetem bashkia e Durresit ka levruar pas dates 25 Mars transferta nga Thesari per individin (te demtuarit nga termeti) 83 here me shume se sa ka levruar nga 1 dhjetori i vitit 2019 deri me 25 Mars te vitit 2021.

Pengmarrja e votes me te dhenat personale te qytetareve

Dergimi nga Edi Rama i te dhenave personale te 1 milion qytetarve mbrojtura me ligj dhe kushtetute ne çdo vend demokratik te botes nga e-Albania ne seline e partise socialiste perben megakrimin elektoral me te madhin ne histori, perben aktin me te rende pas burgosjes politike qe nje shtet mund te kryej ndaj qytetareve te tij.

Ky akt de fakt shenon jo vetem deligjitimin e zgjedhjeve por edhe te shtetit bandit qe kryen ate.

Edi Rama pajisi patronazhistet e tij me te dhena qe dikur sigurimi i shtetit pajiste patronazhistet e partise shtet qe te merrnin peng dhe te konfiskonin voten e qytetareve shqiptar.

Po ne kete kontekst, narkoshteti me kontrollin e tij te rrepte ndaj mediave dhe blerjen e polleve per manipulimin e opinionit, shenon ne çdo aspekt nje rekord te zi ne pabarzine e paraqitjes se fushtes elektorale te paleve ne gare.

Keshtu, me shnderrimin e narkoshtetit ne makineri elektorale u asgjesua barazia midis paleve, kushti i te gjitha kushteve per zgjedhje te drejta sipas standarteve nderkombetare dhe vota e lire u fut ne agoni.

3-Blerja e votes ne zgjedhjet e 25 Prillit ishte me masive se kurre me pare

Ajo u shnderrua ne nje mega treg pothuaj publik.

Partia Doshi eshte vetem nje shembull i “industrializimit” te blerjes se votes per llogari te Edi Rames sepse makineria me e madhe e blerjes se votes e ketij megakrimi elektoral qendron ne Partin Socialiste.

Keshtu nga klanet Gjici, Frroku, Beqaj, Sterkaj, Ndreu, Ndreca, Malaj, Rraja, Ahmeti, Manstirliu, Balluku, Koka, Çyrbja, Balla, Gjiknuri, Brace, Peleshi, Klosi, Çuçi, etj jane shpenzuar per blerje votash me euro, ushqime, dhe favore te tjera se paku dhjetfishi i shumave te shpenzuara nga Doshi per kete qellim.

Me keto shuma jane blere me se paku 10-12 mandate.

Per te gjitha sa me siper dhe te tjera per te cilat nuk po ndalem, dua te them se vota e lire si shprehje e vullnetit te qytetareve te lire vdiq pa u futur ne kuti dhe natyrisht ne kuti nuk mund te kishte fat tjeter nga ai para kutise.

Ne keto rrethana, me te drejte shtrohet pyetja: A duhej opozita te ndiqte kete farse elektorale? Pergjigja ime eshte e prere Po.

Kjo sepse ajo duhet ti permbahet e palekundur parimit te saj themelor te ardhjes ne pushtet me voten e qytetareve dhe se dyti duke mos marre pjese ne zgjedhje ajo humbiste te drejten per te qene avokate e besueshme e votes se lire tek shqiptaret dhe miqte dhe partneret tane nderkombetar.

Keshtu qe pavaresisht nga te gjitha mendoj se ajo veproj drejte qe mori pjese ne keto zgjedhje.

Duke mos mohuar rendesine e padiskutueshme dhe detyrimin e pashmengshem e nje analize te thelle per nxjerrjen e pergjegjesive per rezultatin e ketyre zgjedhjeve nga cilido dhe te drejten e pamohueshme te gjithsejcilit per te kerkuar ne gje te tille, mendoj se e nje rendesie jetike per qytetaret, opoziten, militantet dhe mbeshtetesit e saj qe sakrifikuan aq shume ne keto zgjedhje si dhe per vendin ne teresi eshte mbledhja, administrimi dhe sistemimi i çdo dokumenti, fakti, argumenti dhe pregatitja me seriozitet e objektivitet e Librit te Zi te zgjedhjeve jo demokratike te vitit 2021 ne Shqiperi.

Ky liber duhet ne kohen me te shkurter tju dergohet institucioneve te shtetit njepartiak, OSBE ODHIR, misioni vezhgues i te cilit ka bere nje raport paraprak te paanshem dhe objektiv per keto zgjedhje.

Libri duhet tju dergohet dhe te gjitha institucioneve nderkombetare, Keshillit te Europes, Komisionit Europian, Parlamentit Europian, Kongresit te SHBA, Bundestagut, parlamenteve, ministrive te jashtme, qeverive te vendeve anetare te BE dhe NATO-s dhe menjehere per te gjitha shkeljet e tmerrshme te Konventes Europiane te te Drejtave te Njeriut te paprecedent ne historine e Keshillit te Europes duhet drejtuar Gjykates Nderkombetare te te Drejtave te Njeriut ne Strasburg. Kjo nuk eshte nje beteje e lehte por nisur dhe nga precedenti eshte beteje qe fitohet plotesisht.

Zyrtaret, qeveritaret qe qendrojne per voten e lire mirepresin Librin e Zi te zgjedhjeve 2021 te Shqiperise si nje perpjekje serioze, legjitime te opozites shqiptare. Ky eshte nje mision i larte sa shqiptar aq dhe nderkombetar per te gozhduar para botes Lukadrogen e Shqiperise dhe per tju rikthyer shqiptareve voten e lire. sb

TIRANË

Presidenti Ilir Meta reagon pas paralajmërimit të Taulant Ballës se PS do të nisë procedurat për shkarkimin e tij.

Me tone të ashpra, Kreu i Shtetit thekson se kërcënimi që vjen nga Balla, bandat e Elbasanit dhe të gjithë Shqipërisë ka vetëm një përgjigje: Presidenti do të firmosë dekretin për mbrojtjen e vendit.

Reagimi i Metës:

Kërcënimi i fundit, që vjen përmes Tao Taos, nga bandat e Elbasanit dhe të gjithë Shqipërisë ka vetëm një përgjigje: Presidenti, gati për të firmosur Dekretin për mbrojtjen e Republikës!
Shqipëria e Shqiptarëve! 🇦🇱 Vdekje tradhëtarëve! 👎

TIRANË

Kreu i KQZ-së Ilirjan Celibashi ka nxjerrë sot të dhënat për pjesëmarrjen në zgjedhjet e 25 prillit. Celibashi tha se 46.32% e qytetarëve të thirrur në votime kanë dalë për të votuar.

Duket se burrat kanë qenë në shumicë për të votuar. Kjo, pasi 47.6 % ka qenë pjesëmarrja e grave dhe 52.34 % pjesëmarrja e burrave.

“Pjesëmarrja, janë shifrat të cilat bazohen në tabelat e rezultateve ose procesverbalet e Qendrave të Votimit”, tha Celibashi.

Sa i përket votimit dhe numërimit tha se ka pasur disa kërkesa nga institucione dhe subjekte zgjedhore për të marrë pamje filmike të procesit të numrit të fletëve të votimit. Ka këkruar komisariati i policisë numër 1, komisariati i policisë numër 2. PD dhe LSI kanë kërkuar gjithashtu pamjet filmike të VNV”, tha Celibashi.

Gjykata e Posaçme vendos sekuestrimin e pasurive të tre ish-gjyqtarëve të lartë. Bëhet fjalë për ish-kreun e Gjykatës Kushtetuese Bashkim Dedja, ish-anëtarin e Gjykatës Kushtetuese Fatos Lulo dhe ish-anëtarit të Gjykatës së Lartë Shkëlzen Selimi.

Vendimi erdhi pas kërkesës së SPAK, bazuar në hetimet për fshehje pasurie ndaj tre ish-gjyqtarëve të lartë.

Prokuroria e Posaçme Kundër Korrupsionit dhe Krimit të Organizuar në datën 7.5.2020 regjistroi procedimin penal nr.137 për veprën penale të “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim” të parashikuar nga neni 257/a/2 të Kodit Penal.

Duke qënë se shtetasit Fatos Lulo (ish – gjyqtar në Gjykatën Kushtetuese), Bashkim Dedja (ish – Kryetar në Gjykatën Kushtetuese) dhe Shkëlzen Selimi (ish – gjyqtar në Gjykatën e Lartë), janë hetuar, për kryerjen e veprës penale të parashikuar nga neni 257a/a/2 të Kodit Penal, dhe për këtë arsye në bazë të nenit 3/1, gërma (d), të ligjit nr.10192 datë 03.12.2009 “Për parandalimin dhe Goditjen e Krimit të Organizuar dhe Trafikimit Nëpërmjet Masave Parandaluese kundër Pasurisë”, ata janë dhe subjekte të këtij ligji.

Nga hetimi penal i kryer, rezultuan të dhëna që këta subjekte kishin në pronësi pasuri të paluajtshme, të cilat nuk i justifikonin me burime të ligjshme, apo pasuri që i kanë fshehur. Për këtë arsye, Prokuroria e Posaçme Kundër Korrupsionit dhe Krimit të Organizuar, paraqiti në Gjykatën e Posaçme të Shkallës së Parë për Korrupsionin dhe Krimin e Organizuar, kërkesat përkatëse për sekuestrimin e pasurive në zotërim/pronësi të këtyre tre subjekteve.

I. Gjykata e Posaçme e Shkallës së Parë për Korrupsionin dhe Krimin e Organizuar, me vendimin nr.7, datë 20.4.2021, vendosi:

• Pranimin e kërkesës së Prokurorisë së Posaçme Kundër Korrupsionit dhe Krimit të Organizuar Tiranë.
• Vendosjen e sekuestros mbi pasurinë në zotërim të shtetasit Fatos Lulo, me sipërfaqe 172 m2, e llojit Njësi/Dyqan, e ndodhur në rrugën e Durrësit, Tiranë.

II. Gjykata e Posaçme e Shkallës së Parë për Korrupsionin dhe Krimin e Organizuar, me vendimin nr.8, datë 20.4.2021, vendosi:

• Pranimin e kërkesës së Prokurorisë së Posaçme Kundër Korrupsionit dhe Krimit të Organizuar Tiranë.
• Vendosjen e sekuestros mbi pasurinë në zotërim të shtetasit Bashkim Dedja, e llojit apartament, me sipërfaqe 60 m2, e ndodhur në zonën Kryemedhenj, Njësia Administrative Golem Kavajë.

III. Gjykata e Posaçme e Shkallës së Parë për Korrupsionin dhe Krimin e Organizuar, me vendimin nr.10, datë 23.4.2021:

• Pranimin e kërkesës së Prokurorisë së Posaçme Kundër Korrupsionit dhe Krimit të Organizuar, duke vendosur, masën e sekuestros mbi pasuritë në pronësi/zotërim të shtetasit Shkëlzen Selimi, si vijon:

1. 1/2 (50%) e pasurisë e llojit truall 432 m2 dhe objekt 132.25 m2 Karburant/Pikë Tregëtimi, me vendodhje Shetitore Lungomare, Vlorë, në pronësi të shtetasit Shkëlzen Selimi
2. Pasuria e llojit truall, me sipërfaqe 2400 m2 (pasuri e përbërë nga bashkim pasurish), e ndodhur Jonufër, Vlorë, në pronësi të shtetasit Kujtim Selimi.
3. 55% e pasurisë e llojit truall, me sipërfaqe 764 m2 dhe godinë me sipërfaqe 57 m2, Karburant, e ndodhur në Rrugën Transballkanike, Vlorë, në pronësi të shtetasit Kujtim Selimi.

Kryetarja e Lëvizjes Socialiste për Integrim, Monika Kryemadhi ka reaguar për herë të parë pas shpalljes së rezultatit të zgjedhjeve, që e nxori këtë forcë politike me 4 mandate në të gjithë vendin.

Kryemadhi ia faturoi humbjen një strategjie të gabuar të LSI, duke nisur nga djegia e mandateve e përfunduar në mospjesëmarrja në zgjedhjet lokale të 2019-ës. Ajo tha se shqetësimi i Presidentit Ilir Meta ishte i drejtë, e kjo sipas saj, u ilustrua dhe në rezultatin e zgjedhjeve.

“Zbatuam një strategji që pati pasoja në këtë rezultat dhe që nuk reflektoi vullnetin e qytetarëve për ndryshim. Patëm strategji të gabuar, duke nisur nga djegia e mandateve, mosmarrja pjesë në zgjedhjet lokale duke ia dhënë në dorë të gjithë pushtetin Ramës dhe bandave.

Kjo gjë dhe koha e rezultati tregoi që shqetësimi i Presidentit ishte i drejtë. Dua që në emër të LSI dhe timin personal t’i kërkoj falje për këtë fakt, veprim dhe qëndrim që nuk solli gjë tjetër vetëm 70% të ndryshimit, por solli rrëmbimin dhe fitoren e zgjedhjeve nga bandat kriminale dhe oligarkët”, tha Kryemadhi.

Kryetarja e LSi, Kryemadhi ka pranuar humbjen e zgjedhjeve të 25 prillit duke uruar oligarkët, bandat dhe Presidentin Vuçiç për sondazhet e sakta.

Kryemadhi thotë se nga 81 mojë vota të pavlefshme, 70% ishin të LSI. Ajo thotë se fituesit e vërtetë të zgjedhjeve dhe të parët që duhen uruar janë oligarkët dhe bandat.

”Të dashur miq, ju falënderoj për suportin që ju keni dhënë kandidatëve të LSi dhe LSI.

Dua të uroj fitoren e oligarkëve dhe bandave, janë fituesi e vërtetë të zgjedhjeve, të parët që duhen uruar.

Së dyti uroj Presidentin Vuçiç për sondazhet e sakta për zgjedhjet në Shqipëri.

Sot u mbyllën rezultatet të zgjedhjeve për mandatet, dua të falënderoj 107 mijë votuesit e e LSI, dua të falënderoj 81mijë votuesit, ku 70% e tyre janë të LSI.”- tha Kryemadhi.

Kryetarja e LSI-së Monika Kryemadhi e ka cilësuar të gjithë procesin zgjedhor një manipulim industrial. Në daljen e parë publike pas rezultatit që nxjerr PS fituese dhe LSI-në të tkurrur në 4 mandate, Kryemadhi jo pa emocione foli për tradhti dhe zhgënjim për shifrat, por siç tha ajo e kthjellët për atë që kishte ndodhur.

“LSI dhe qytetarët ishin përballë këtyre zgjedhjeve, përballë një pabesie të madhe që deformoi thellë vullnetin e tyre, e vuri Shqipërinë në një udhëkryq të rrezikshëm. I dha hapësirë bandave, krimit, mundësi lëvizjeje oligarkëve dhe mediave të kapura nga oligarkët për të shformuar çdo qëndrim të qytetarëve shqiptarë. Mbetemi të palëkundur në këtë proces. Jo vetëm që nuk do të tërhiqemi, por do ta vazhdojmë betejën tonë dhe më tutje. LSI nuk do të jetë vetëm në parlament, do të jetë në sheshe, në çdo shtëpi të qytetarëve shqiptarë. LSI do të vazhdojë denoncimet për çdo manipulim dhe tjetërsim vote në këtë proces. LSI do të vazhdojë në mënyrë të pashtershme duke filluar që sot betejën e procesit zgjedhor. Iu bëj thirrje numëruesve të jenë vigjilentë sepse në Durrës ku Edi Rama merr mandatin e Elona Gurit, kanë dalë mbi 15 fletë të pavlefshme të numëruara për PS. Në Berat, në Durrës, kudo numëruesit dhe komisionerët të numërojnë çdo votë të LSI për kandidatët, të PD për kandidatët dhe të PS. Tradhtia më e madhe vjen në tre mandatet e Korçës, Beratit dhe Durrësit. Mandate që i janë grabitur LSI për të nxjerrë Edi Ramën në Durrës. Për 140 vota i hiqet mandati dhe i jepet Edi Ramës. Për 140 vota i hiqet Endrit Braimllarit dhe i jepet Niko Peleshit. I hiqet Ardit Çelës dhe i jepet Blendi Klosit. Numëruesit tanë, të vazhdojnë betejën deri në fund, jo vetëm për të delegjitimuar të gjitha grabitjet e votave të LSI.

Ky proces i manipuluar, para, gjatë dhe pas votimit, që nga ndryshimet e njëanshme kushtetuese, në dhunimin e Kushtetutës në mënyrën më flagrante, në përdorimin e policisë dhe prokurorisë, sa dhe për të blerë bukën mbështetësit e LSI nuk kishin para në xhep. Mjafton të shohësh manipulimin mediatik të dy mediave kombëtare.

Administrata publike, mjafton të shikoni proceset e numërimit, do të shikoni administratën publike që janë vëzhgues dhe mbajnë shënim votat e patronazhistëve të tyre. I gjithë procesi ishte një manipulim industrial. Ne jemi si feniksi, nga hiri ynë do të ringrihemi dhe do ta çojmë më tej betejën tonë. Beteja jonë nuk është një betejë për një karrige kryeministri apo një karrige ministri, beteja jonë është për ju të rinjtë që të mos ikni nga Shqipëria por të rrini këtu. Është një betejë që Shqipëria të jetë shtëpia e shqiptarëve dhe jo e Bangladeshit. Beteja jonë të mos ndalojmë për asnjë sekondë për të ardhmen e shqiptarëve. Zhgënjimin e kam pasur shumë të madh në numra, por një gjë e kam pasur të kthjellët. Ky sistem është një sistem që i doli boja. Mjafton të shikosh që LSI me 107 mijë vota merr 4 mandate dhe një parti me 35 mijë vota merr 3 mandate. Ky është sistemi kriminal. Beteja jonë vazhdon, nuk do të ndalet”, deklaroi Kryemadhi.

Kryetarja e LSi, Monika Kryemadhi shprehet e bindur se si 70% e votave të pavlefshme nga 83 mijë në total janë të partisë së saj.

Kryemadhi fton të gjithë shqiptarët që duan t’i bashkohen LSI-së, teksa paralajmëron se do të dalin fakte se si të shtunën makinat me xhama të errëta shpërndanin paratë e drogës e krimit.

Ajo shprehet e bindur se LSI do të ringriet.

‘’Dua të falënderoj 81mijë votuesit e pavlefshëm, ku 70% e tyre janë të LSI.

Mejgithatë, beteja jonë vazhdon, nuk ndalemi, jemi me qytetarët shqiptarë që duan ndryshimin. Bujrum në partinë tonë, në parrtinë e të rinjve e të rejave.

Në partinë e të rinjve dhe të rejave, dhe jo në atë parti që mendojnë se mund të bëjnë

Kemi nevojë për të shkuar pranë komisionerëve e numëruesve, për të çuar deri në fund procesin. Për të evidentuar çdo parregullsi e manipulim. Fakte të tjera do të vijnë, do të dalin, se si të shtunën makinat me xhama të errëta lëviznin duke shpërndarë paratë e krimit, betonit, nga Londra, Berlini, Kolumbia, Venezuela. Këto janë helmi që helmon të ardhmen e shqiptarëve. Megjithatë të rinjtë e të rejat janë për të ardhmen, kundër helmit.

Zoti i bekoftë shqiptarët, zoti ju ruajtë ju, djemtë e errësirës janë më të shpejtë se të dritës, por djemtë e dritës gjithmonë fitojnë. Prandaj për të gjithë ju që besoni, edhe Krishtin kur e kryqëzuan, s’dihet sa herë u rrëzua, por shkoi në të djathë të zotit shkoi. Ne do të ringrihemi. Faleminderit. ‘’- tha Kryemadhi.

Ish-Sekretari i Përgjithshëm i PD, Arben Ristani ka kërkuar dorëheqjen e Lulzim Bashës nga kryetar pas humbjes së zgjedhjeve të 25 prillit.

Ristani thotë se kur humb zgjedhjet, tërhiqesh me dinjitet dhe ndihmon partinë të rimëkëmbet.

Ai thotë se Basha pas dy humbjeve për pushtetin qëndror e lokal, nuk ka shans që herën e tretë të udhëheqë PD-në drejt fitores.

Deri më tani dorëheqjen e Bashës nga brenda PD-së e kanë kërkuar Fatbardh Kadilli dhe Bujar Nishani.

STATUSI NGA ARBEN RISTANI

PD humbi ne keto zgjedhje.

Demokratet jane krenare se kane duruar me dinjitet nje opozite te veshtire 8 vjecare.

Kane zhvilluar me vitalitet nje beteje te forte opozitare.

Garuan dhe menaxhuan nje proces zgjedhor nga i cili, pavarsisht se nuk fituan, treguan se PD eshte parti e madhe, e dashur dhe e mbeshtetur fuqishem nga shqiptaret.

Kjo humbje do te thote edhe 4 vjet te tjera opozite.

Manipulimet zgjedhore te kundershtarit do kene me siguri pasoja ligjore, por beteja kunder tyre nuk e ndryshon faktin se tashme, ka filluar nje 4 vjecar tjeter opozite.

Eshte momenti dhe kemi nevoje per reflektim.

Lulzim Basha qe na udhehoqi dy here ne humbje te pushtetit qendror dhe atij lokal, nuk ka asnje shans qe heren e trete, te na udheheqe ne fitore.

Humbja erdhi sepse ai beri gabime tashme te njohura dhe te perseritura, ne menyren se si drejtoi opoziten dhe per me teper, nuk i bindi shqiptaret, se ai do te ishte per ta kryeministri i duhur.

Politika eshte moral.

Mbi te gjitha te ky moral eshte bazuar edhe tradita e PD.

Kur humb zgjedhjet ne menyre te perseritur, terhiqesh me dinjitet dhe ndihmon partine te rimekembet.

Keshtu mendoj se duhet te ishte nje sjellje me moral ne nje parti demokratike dinjitoze.

Ndryshe vazhdon e mban dyqan per perfitime personale.

Një kuti mban ende të hapur rezultatin përfundimtar të zgjedhjeve të 25 prillit. Bëhet fjalë për një kuti votimi në qarkun e Lezhës.

Gazetari Elidon Ndreka raportoi për “BalkanWeb” se numërimi për të 249 kutitë që ka gjithsej ky qark ka përfunduar, por se rezultati i kutisë së fundit që i përket njësisë administrative të Kallmetit ka kontestime nga ana e demokratëve për parregullsi.

Me sa duket në Kallmet PD ka dalë forcë e tretë. PS ka siguruar 160 vota, LSI 97 dhe PD 84.

Kreu i Vetëvendosjes në Tiranë, Boiken Abazi ka shprehur dyshimet e tij për vjedhje të votave në Qarkun e Tiranës. Përmes një mesazhi në ‘Facebook’, Abazi thekson se duhet të vendoset drejtësi për krimin elektoral.

Mes të tjerash ai shtoi se do të kërkojë hetim të plotë dhe rinumërim në Qarkun e Tiranës.

REAGIMI I ABAZIT
Pas vjedhjes industriale që na kanë bërë, i kemi tashmë rreth 3.000 vota në Qarkun Tiranë sipas rezultateve paraprake të KQZ-së. Ne do të kërkojmë hetim të plotë dhe rinumërim në të gjithë Qarkun e Tiranës për të gjitha qendrat e votimit! Drejtësia duhet të veprojë ndaj atyre që kanë vjedhur vullnetin e qytetarëve. Ekipi ynë ligjor ka dalë në përfundimin se ekziston realisht mundësia ta kemi fituar mandatin në Tiranë.bw

Kandidati për deputet i PD në qarkun e Lezhës, Mark Marku reagon përmes një postimi në facebook lidhur me rezultatin e arritur në zgjedhjet e 25 prillit.

Ndërsa flet për milionat e parave të hedhura nga pushteti i korruptuar i kryeministrit sipas tij, Marku shkuan se Partia Demokratike nuk do ti njohë kurrë këto zgjedhje, dhe do punojë që shumë shpejt pushteti nga duart e bandës grabitëse të Rilindjes të kalojë tek populli.

“Paratë që u janë vjedhur juve nga qeveria më e korruptuar në botë, pra nga Rama, dhe llumi i krimit na i vodhën zgjedhjet në shkallë vendi.

Ju garantoj se Partia Demokratike nuk do ti njohë kurrë këto zgjedhje, dhe do punojë që shumë shpejt pushteti nga duart e bandës grabitëse të Rilindjes të kalojë tek populli. Jam i bindur se SHBA, BE dhe gjithë bota demokratike nuk do ta njohin Lukashenkon e Ballkanit, Edi Rama dhe zgjedhjet e tij.
Shumë shpejt e gjithë Shqipëria do bëhet si Qarku jonë, zonë e lirë dhe demokratike.”- shkruan Marku.

Postimi i plotë:
Të dashur qytetarë të Lezhës, Kurbinit, Mirditës.
Të dashur vellezër dhe motra.
Falë mbështetjes tuaj, ne arritëm një fitore të madhe në gjithë qarkun (5900 vota plus) më të madhe, në gjithë historinë e pluralizmit.

Me gjithë milionat e parave të hedhura nga pushteti i korruptuar i Ramës, me gjithë llumin e krimit që përmbyti si asnjëherë tjetër Lezhën, Kurbinin dhe Mirditën, ju treguat në mënyrë shembullore se asgjë nuk e mposht karakterin, dinjitetin dhe shpirtin e lirë të qytetarëve të zonës sonë, asgjë dhe askush nuk e përdhos krenarinë tonë.

Si drejtues politik i qarkut bashkë me kolegët ju falenderoj përzemërsisht dhe ju garantoj se do të jemi në lartësinë e gjestit tuaj fisnik. Shumë prej jush me lot në sy, sot më kanë shprehur deshpërimin për faktin se ajo që nuk ndodhi në Lezhë apo diku tjetër ndodhi në Shqipëri.
Paratë që u janë vjedhur juve nga qeveria më e korruptuar në botë, pra nga Rama, dhe llumi i krimit na i vodhën zgjedhjet në shkallë vendi.

Ju garantoj se Partia Demokratike nuk do ti njohë kurrë këto zgjedhje, dhe do punojë që shumë shpejt pushteti nga duart e bandës grabitëse të Rilindjes të kalojë tek populli.
Jam i bindur se SHBA, BE dhe gjithë bota demokratike nuk do ta njohin Lukashenkon e Ballkanit, Edi Rama dhe zgjedhjet e tij. Shumë shpejt e gjithë Shqipëria do bëhet si Qarku jonë, zonë e lirë dhe demokratike.
Miqësisht, Mark Marku.

Një sherr është regjistruar sot në KZAZ nr.21 në Durrës, ku po vijon procesi i numërimit të votave. Gazetarja Klodjana Haxhiaj raporton për ‘BalkanWeb’ se kreu i PD-së në Durrës, Ferdinand Xhaferri ka debatuar me ish-kryebashkiakun Vangjush Dako.

Pasi Xhaferri është futur në pallatin e sportit, i është afruar podiumit ku qëndronte i ulur Dako, ndërsa i ka thënë me ironi: “Dako je bo politikan. Vangjush Dako je bo politikan. Bravo të qoftë!”. Ndërkohë që simpatizantët e PS-së kanë nisur në ovacion; ‘fitore, fitore!’. Më pas, duke iu afruar shtabit elektoral të PS-së, Xhaferri iu drejtohet; “Jeni zagarët e Dakos”.

Shkëmbimi i fjalëve në distancë ka bërë që një prej simpatizantëve të PS-së t’i hidhte një shishe me ujë në drejtim të Xhaferrit, dhe i por kanë ndërhyrë disa persona të tjerë, për të qetësuar situatën, pasi ka pasur edhe shtyrje fizike mes palëve. Madje simpatizanti e kërcënon, duke i thënë; “Po ti ça zagari je? O ti o unë këtu!”.

TIRANË

Përmes sekretarit për cështjet zgjedhore, Ivi Kaso PD i është drejtuar përmes një shkrese KQZ ku i kërkon t’i vihen në dispozicion të dhënat teknologjike.

Në letrën dërguar kreut të KQZ, Ilirjan Celibashi, Kaso shkruan se përmes numëruesve dhe vëzhguesve në terren ka grumbulluar dhe është duke grumbulluar të dhëna lidhur me parregullsi të rënda në procesin zgjedhor, vecanërisht gjatë fazës së numërimit. Lidhur me këto pretendime PD kërkon nga KQZ t’i vihen në dispozicion:

Pamjet filmike në cdo qendër votimi, pamje filmike të numërimit të fletëve të votimit, të dhënat e grumbulluara nga pajisjet e identifikimit, të dhënat e kryëqëzuara ndërmjet pajisjeve të identifikimit elektronik dhe listave të zgjedhësve të nënshkruar mekanikisht.

Ambasadorja e SHBA-ve, Yuri Kim ka reaguar në lidhje me njoftimin e SPAK, ku njoftonte se kishte nisur procedimin për 33 raste që lidhjen me denoncim për zgjedhjet e 25 prillit.

Përmes një reagimi në Twitter, Kim thekson se kush pengon qytetarët për të votuar lirshëm, duhet të ndiqet penalisht.

“Shumë gjë e mirë që të shohësh njoftimin e SPAK për hetimet e krimeve elektorale. Unë e kuptoj që prokurorët do të bëjnë të njëjtën gjë. Ata që shkelin ligjin dhe pengojnë të drejtën e qytetarëve për të votuar lirshëm dhe në paqe duhet të ndiqen penalisht. Askush nuk është mbi ligjin.”, -tha Yuri Kim.

TIRANË

Kreu i Partisë Demokratike, Lulzim Basha, do të zhvillojë pasditen e sotme një takime drejtuesit politikë të qarqeve.

Mësohet se takimi i kryedemokratit me drejtuesit e PD në qarqe do të zhvillohet në orën 18:30.

Nuk dihet ende çfarë do të diskutohet, por numërimi i kutive të votimit është drejt fundit dhe rezultatet e deritanishme nxjerrin fituese Partinë Socialiste.

Më herët, gjatë ditës së sotme, Basha ka zhvilluar takim dhe me dy aleatët e tij, Shpëtim Idrizin e PDIU dhe Fatmir Mediun e PR.

SPAK ka bërë publike faktin se subjektet politike kanë bërë kallëzime pranë këtij institucioni, ndërkohë që vetëm për 33 prej tyre ka nisur procedimi penal.

Sipas SPAK, nga keto procedime, 27 procedime jane për veprën penale “Korrupsioni aktiv në zgjedhje”.

NJOFTIMI I SPAK
Prokuroria e Posaçme kundër Korrupsionit dhe Krimit të Organizuar njofton se është duke ushtruar me përparësi ndjekjen penale për rastet që lidhen me veprat penale në fushën e zgjedhjeve, “Korrupsioni aktiv në zgjedhje” dhe “Korrupsioni pasiv në zgjedhje”, apo ndaj subjekteve të ndryshëm, që janë kompetencë hetimi të kësaj prokurorie.
Për të gjitha rastet që janë në hetim, garantojmë subjektet që kanë paraqitur kallëzimet, si dhe opinionin publik se, deri tani janë hetuar dhe në vijim do të vazhdojnë të hetohen me përparësi, me metoda proaktive, objektivitet dhe pa asnjë hezitim, deri në sqarimin e plotë të rrethanave të fakteve të pretenduara dhe vënien para përgjegjësisë penale të personave që mund të jenë të përfshirë në veprimtari të kundraligjshme që lidhen me veprat penale të korrupsionit aktiv dhe pasiv në zgjedhje.
Kushdo që ka të dhëna, fakte apo çdo gjë që mund të ndihmojë në sqarimin e rrethanave të fakteve të kallëzuara është i mirëpritur t’i paraqesë në Prokurorinë e Posaçme, duke i garantuar se do vlerësohen me seriozitetin e duhur dhe do i nënshtrohen hetimit të plotë.
Aktualisht në Prokurorinë e Posaçme janë në hetim 33 procedime penale, të cilët janë regjistruar :
• 27 procedime penale për veprën penale “Korrupsioni aktiv në zgjedhje”, parashikuar nga neni 328 Kodi Penal.
• 2 procedime penale për veprat penale “Korrupsioni aktiv në zgjedhje” dhe “Korrupsioni pasiv në zgjedhje”, parashikuar nga nenet 328 dhe 328/b Kodi Penal.
• 2 procedime penale për veprën penale “Përdorimi i funksionit publik për veprimtari politike ose zgjedhore”, parashikuar nga neni 328/a Kodi Penal. (E lidhur me subjekte në kompetencë të Prokurorisë së Posaçme)
• 1 procedim penal për veprat penale “Shpërdorim detyre” dhe “Korrupsioni aktiv në zgjedhje”, parashikuar nga nenet 248 dhe 328 Kodi Penal.
• 1 procedim penal për veprat penale “Korrupsioni aktiv në zgjedhje” dhe “Përhapja e sekreteve vetjake”, parashikuar nga nenet 328 dhe 122 Kodi Penal.

Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë, deri në datën 03.05.2021.

Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, vijon të jetë e mbyllur.

Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve. bw

Ambasadorja e SHBA-ve, Yuri Kim pas inspektimit në terren të qendrave të numërimit në Tiranë, është nisur drejt Elbasanit. Mësohet se diplomatja amerikane ka vizituar një qendër të numërimit të votave në Pallatin e Sportit ‘Tomorr Sinani’, për të parë nga afër këtë proces.

Kim ka takuar komisionerë dhe numërues, ku i ka inkurajuar për të vijuar me përpikëri punën e tyre.

Përmes një statusi në ‘Twitter’ ambasadorja lajmëroi se edhe gjatë natës së sotme stafi i ambasadës do të vizitojë disa qendra votimi në Tiranë.

“Sapo përfundova vizitën time të dytë sot në qendrën e numërimit në Tiranë # 39. Mirë për të parë një bashkëpunim më të mirë midis të gjithë sporteleve dhe stafit, ritëm më të shpejtë të numërimit. Stafi i Ambasadës Amerikane po viziton qendrat gjatë natës për të brohoritur për ata që punojnë shumë në mënyrë që votuesit të shohin votat e tyre të llogaritura ASAP,”- shkruan Kim.

Kandidati i PD në Lezhë, Mark Marku tha sot se Partia Demokratike ka korrur fitoren më të thellë të pluralizmit në Qarkun e Lezhës. Marku u shpreh se ka pasur tentativa të shumta për shit-blerje votash nga mazhoranca.

Ndër të tjera, kandidati i PD tha se PD ka marrë katër mandate në këtë qark, ndërsa akuzoi se mandati i pestë i është vjedhur.

“Ne kemi fituar qytetet, kemi fituar në çdo qendër. Vetëm në Lezhë 4 apo 5 kuti votimi kemi dalë me minus. Ky është një nga rezultatet më të thella që kemi pasur historikisht në Mirditë. Kjo ka ardhur nga mënyra se si ne kemi komunikuar me qytetarët, si e kemi bërë fushatën, dhe padyshim nga aktivizimi i gjithë strukturave të PD. Ka qenë një mobilizim i përgjithshëm për të rrëzuar Ramën. PD është fituese më 1200 vota. Sipas projeksioneve, në Laç shkojmë te mbi 3 mijë vota, në Lezhë mbi 2 mijë vota. Praktikisht ne kemi të garantuar mandatin e katërt. Në rang kombëtar, mendoj se po mashtrohet opinioni publik.

Numërimi ka filluar nga zonat, ku ata e dinin që janë të humbur. Ka pasur tentativa shumë të mëdha për abuzime shit-blerje vote. Jam i bindur që ka qenë gjithë pushteti lokal i angazhuar në shit-blerjen e votës, paratë janë shpërndarë nga zyrat e bashkive. Jam i bindur se neve na është blerë mandati i pestë. I kemi filmuar duke hyrë e duke dalë, krerët e bashkive ishin shefat e operacioneve të shit-blerjes së votës. Megjithatë paratë që kanë hedhur në fushatë, prapë ne kemi fituar mandatin e katërt”, tha Marku. gsh