Anna Nordstrom, vajza e biznesmenit të ndjerë Vehbi Veliaj, ka kallëzuar penalisht në prokurori 15 gjyqtarë dhe 7 prokurorë, duke i akuzuar ata si personat përgjegjës, të cilët, duke shpërdoruar detyrën, kanë penguar dhe zvarritur në mënyrë të qëllimshme proceset ligjore që ajo ka marrë për të fituar “Dëshminë e trashëgimisë” në masën ½ të babait të saj.

Kallëzimi i shtetases suedeze i është dërguar drejtpërdrejt kryeprokurores së re Arta Marku, të cilën Anna Nordstrom e ve në dijeni për këtë çështje, njëkohësisht me drejtuesen e ONM-së Ginovefa Calavera, drejtuesen e Komisionit të “Vettingut” Genta Bungo dhe dy ambasadorët të huaj në Tiranë: Donald Lu dhe Romana Vlahutin. Sipas kallëzimit, që Shqiptarja.com e disponon të plotë, mes personave të kallëzuar është dhe vëllai nga babai i Nordstrim, shtetasi Ferik Veliaj, ish-ministri i Drejtësisë Eduart Halimi, ish-drejtorin e antikorrupsionit Ivi Kaso.

Shqiptarja.com mëson se, mes gjyqtarëve të kallëzuar në prokurori, janë Shkëlqim Miri, i arrestuar për korrupsion, Agim Bendo, Elona Muça etj, ndërsa mes prokurorëve janë Sokol Malaj, Besim Hajdërmataj, Enkeleda Millonaj, Daniela Sula etj. Nordstrom kërkon nga prokuroria që ndaj këtyre njerëzve të drejtësisë të nisë hetim penal dhe disiplinor.

Kallëzimi i Suedezes

Në kallëzimin e saj drejtuar kryeprokurores Arta Marku, shtetësja Anna Nordstrom thotë se ”…po ju drejtohemi me këtë kallëzim, për një çështje civile me objekt “Padi trashëgimie” e cila zvarritet me dashje nga ana e gjyqtarëve në bashkëpunim me prokurorët, që nuk i hetojnë për arsye korruptive të dukshme. …unë, qytetarja Suedeze Anna Vebi Nordstrom duhet të sorollatem 7 vite për një “Dëshmi Trashëgimie” të babait tim. Një veprim i tillë mendoj se nuk ndodh as në Zimbabve, Zambia apo Kongo. Madje edhe vetë ligji i xhunglës e respekton të drejtën hyjnore për të patur një nënë dhe një baba, ndërsa gjyqtarët shqiptarë kanë 7 vite që më sorollatin, duke më mohuar babanë dhe për të më vjedhur pasurinë, që lind nga e drejta e trashëgimisë…”-thotë në kallëzim vajza e Vehbi Veliajt.“Asnjëherë prokuroria e shtetit nuk ka denjuar të hetojë këtë grup gjyqtarësh të korruptuar, të cilët, jo vetëm që e zvarrisin procesin, duke u dorëhequr njëri pas tjetrit, por japin edhe vendime në mashtrim të ligjit, kur ata i detyron Gjykata Kushtetuese”-thotë më tej Anna Nordstrom në kallëzimin e saj paraqitur kryeprokurores Arta Marku.

Në fund, kallëzimin e saj Nordstrom e mbyll duke pyetur se edhe sa vite jetë duhet të humbasë për njohjen e babait të saj, të cilin ia ka njohur Gjykata Suedeze në vitin 1973, por që, në vitin 2013 e në vazhdim, ja kanë mohuar gjykatat Shqiptare, pasi janë tërhequr me dhjetëra gjyqtarë nga gjykimi i kësaj çështje?

Fitimi i gjyqit e zvaritja në apel

Në 27 mars të këtij viti gjyqtari Artan Lazaj i Gjykatës së Tiranës ka vendosur të njohë Anna Nordstrom si vajzën e biznesmenit Vehbi Veliaj, i cili ka ndërruar jetë pak vite më parë. Nordstrom, që pretendon se është vajza ilegale e biznesmenit të njohur Vehbi Veliaj, ka mundur të fitojë gjyqin për njohjen e atësisë dhe futjen si trashëgimtare në pjesën 1/2. Përgjatë 7 viteve këtë çështje e kanë shqyrtuan 45 gjyqtare të ndryshëm të Gjykatës Kushtetuese, të Gjykatës së Lartë, Apelit dhe Gjykatës së Shkallës së Parë në Tiranë. Pas shumë seancash gjyqësore, Nordstrom ka arritur të fitojë në shkallën e parë gjyqin kundër shtetasit Ferik Veliaj, i cili është djali i ligjshëm i biznesmenit Vehbi Veliaj.

Suedezja Anna Nordstrom pretendon se ka ardhur në jetë nga një lidhje jashtëmartesore e biznesmenit dhe prej tij i është njohur atësia. Pas vdekjes së Veliajt, në vitin 2011, Nordstrom depozitoi një padi në Gjykatën e Tiranës kundër djalit të biznesmenit Veliaj, Ferik Veliaj. Përmes kësaj padie, ajo kërkon të njihej si trashëgimtare e biznesmenit Vehbi Veliaj, si edhe të njihej si bashkëpronare në një të dytën e pasurisë së lënë trashëgim prej tij. Në atë kohë, pas shumë seancash gjyqësore, “Gjykata e gjeti kërkimin e padisë për detyrimin e të paditurit Ferik Velija që të njohë paditësen Anna Nordstrom si trashëgimtare ligjore të Vehbi Velisë të drejtë”-thuhet në vendim. Por ky i fundit i është drejtuar Gjykatës së Apelit Tiranë, ky gjyqtarja Elona Stavri, sipas kallëzimit penal, po e shtyn në mënyrë të qëllimshme dhe zvarit me vendime të ndërmjetme procesin gjyqësor. Pavarësisht kësaj, Nordstrom i është drejtuar tashmë me një ankim vendimit të ndërmjetëm të Gjykatës së Apelit, me qëllim rrëzimin e tij.

Gjyqtarët e paditur

ILIR ÇELIKU

BLERINA MUÇA

ARBEN MULLAI

REZARTA VIGANI (BALLIU)

TEUTA HOXHA

KRESHNIK OMARI

AGIM BENDO

MANJOLA BEJLERI

ELBANA LLURI

ALAUDIN MALAJ

FATOS QATO

SHKËLQIM MIRI

ELONA TORO (STAVRI)

MARIE QIRJAZI

ARTAN BROCI

Kryetarja e Lëvizjes Socialiste për Integrim, Monika Kryemadhi në një lidhje të drejtpërdrejtë nga selia e LSI-së për “360 Gradë” në Ora News, bëri një deklaratë të fortë duke deklaruar se ish-ministri i Brendshëm Tahiri ka përdorur fëmijë deputetësh si transportues.

Pjesë nga deklarata:

Kryemadhi: Ka deputetë në Kuvend që fëmijët e tyre janë përdorur si transportues nga zt.Tahiri dhe të tjerë.

Gjokutaj: Kjo është shumë e rëndë!

Kryemadhi: Kjo është e vërtetë dhe e dinë shumë mirë ata. Prandaj duhet të sensibilizojmë të gjithë deputetët, mësues, gazetarë.

Myftaraj: Vajza e një zv/ministre.

Deputetja e PS-së, Ermonela Felaj, njeheresh kryetare e komisionit te Sigurisë ka reaguar pas nxjerrjes së mesazheve që ajo kishte shkëmbyer me bashkëshortin teksa ishte ne emsionin e gazetarit Blendi Fevziu, per te cilin perdori edhe etiketime fyese.

Ajo i dha pergjigje mbreme e ftuar ne “Debati në Channel One” të gazetarit Roland Qafoku, lajmit te publikuar per mesazhet në celularin e saj që ofendonin gazetarin Blendi Fevziu.

“Nuk ma merrte mendja kurrë që në vitin 2017 të të përgjonin nga vrima e çelsit”- tha Felaj.

Ja mesazhi ne celularin e saj 

Nga ajo që duket në foto Ermonela Felaj dhe bashkëshorti i saj, Bledi, shajnë gazetarin Blendi Fevziun.

Ermonela Felaj: He me se ndërhyn si plehre ky

Ermonela Felaj: Po kur të marr fjalën do të them

TIRANE– Ministria për Evropën dhe Punët e Jashtme ka reaguar pas kalimit të rezolutës në OKB kundër vendimit të Donald Trump për të njohur Jerusalemin si kryeqytet të Izraelit si dhe votës pro të Shqipërisë.

Ministria e Jashtme thotë se Shqipëria i është përmbajtur konsensusit ndërkombëtar mbi Jerusalemin bazuar në një numër te konsiderueshme dokumentesh të OKB-së si dhe është rreshtuar përkrah vendeve të BE.

“Vota jonë sot në Asamblenë e Përgjithshme të OKB-së reflekton pozicionin tonë të pandryshuar për këtë çështje. Shqipëria i është përmbajtur konsensusit ndërkombëtar mbi Jerusalemin, bazuar në një numër te konsiderueshme dokumentesh të OKB-së, përfshirë një numër rezolutash të Këshillit të Sigurimit, dhe i është bashkuar pozicionit të përbashkët të shumicës dërrmuese të vendeve anëtare të BE-së, duke i qëndruar koherente qëndrimit e saj te linjëzuar me Bashkimin Evropian”- thuhet në deklaratën e MPJ.

Shumë njerëz e vënë në dyshim ekzistencën e ndryshimeve klimatike apo ndikimin e njeriut tek klima. Por në zonat bregdetare të Shqipërisë banorët thonë se ka kanë prova konkrete që e dëshmojnë këtë problem. Avancimi i detit në zonat bregdetare ka gllabëruar dhjetëra metra plazh gjatë dekadave të fundit dhe po dëmton biznesin dhe mënyrën e jetesës së banorëve, siç vihet në dukje në materialin e përgatitur nga Agjencia Franceze e Lajmeve, AFP.

Ndërtesat prej betoni shtrihen përgjatë bregut të Adriatikut në qytezën turistike të Shëngjinit. Por në ujërat e detit sheh shumë ndërtime të mbuluara pjesërisht, provë e avancimit të vijës së detit që po gllabëron brigjet ranore. Nga 427 kilometra vijë bregdetare që ka Shqipëria, 154 kilometra janë të prekura nga erozioni.

Banorët lokalë fajësojnë ndërtimet pa leje që zaptuan bregdetin pas ndërrimit të sistemeve. Hotele, shtëpi pushimesh, restorante e ndërtime të tjera të ngritura buzë detit dëmtuan rryma e natyrshme të ujit, duke shkaktuar erozion të përshpejtuar, ankohen banorët e Shëngjinit.

Përveç vijës bregdetare që tërheq turistë gjatë sezonit të plazhit, zona frekuentohet edhe nga entuziastë të natyrës, pasi këtu gjendet Laguna Kune, e njohur për florën dhe faunën e pasur. Përmbytjet e shpeshta e të fuqishme po kërcënojnë mënyrën e jetesës për banorët lokalë.

Problemi vërehet në pika të ndryshme gjatë vijës bregdetare të Shqipërisë. Biznesmeni Asim Krasniqi ka vërejtur se vëllimi i punës ka rënë ndjeshëm me ngushtimin e zonës ranore pranë lokalit të tij në Qerret:

Autoritetet janë zotuar të pastrojnë bregdetin nga ndërtimet pa leje. Por specialistët thonë se këto masa nuk mjaftojnë dhe se duhen ndërtuar barriera mbrojtëse përgjatë bregdetit për të penguar erozionin. Struktura të tilla kanë kosto të lartë dhe praktikisht të papërballueshme për një ndër vendet më të varfra të Evropës, një vend nën mëshirën e detit që po tkurret fizikisht dita-ditës.

Ish-deputetja e Partisë Demokratike, Albina Deda vlerëson maksimalisht integritetin dhe aftësitë profesionale të Kryeprokurores së re, Arta Marku.

Në një intervistë për “Panorama”, Deda shpjegon lidhjen familjare me Prokuroren e Përgjithshme të Përkohshme duke nënvizuar se Arta Marku është investim dhe përzgjedhje e Shteteve të Bashkuara të Amerikës.

“Një gjë duhet të them me bindje, se kryeprokurorja e re Arta Marku nuk është prurja apo investimi politik i Edi Ramës. Arta është një investim dhe përzgjedhje e Shteteve të Bashkuara të Amerikës. Ka kryer shkollime dhe specializime në SHBA në shërbim të formimit të saj profesional dhe duke vlerësuar integritetin e treguar në detyrat që ka mbajtur, edhe është mbështetur nga SHBA në marrjen e kësaj detyre”- thote ajo për “Panorama”.

Sipas saj, “Marku ka qenë përzgjedhja e Shteteve të Bashkuara të Amerikës për shkak të formimit dhe integritetit të lartë profesional që ajo ka treguar”.

Viti 1976, 41 vjet më parë, do të ishte viti kur do krijoja dy lidhjet më të rëndësishme të jetës sime: punën në shërbimin e jashtëm të Shqipërisë dhe familjen time, që mbeten edhe sot të shenjta për mua: atdheu dhe familja. Në shërbimin e jashtëm, atdheu dhe familja marrin dimensione të veçanta, kthehen në motivin kryesor, që udhëheqin tërë punën dhe aktivitetin e një diplomati profesionist. E keni vënë re? Ngjyra e kuqe e flamurit është më e kuqe, kur jemi jashtë vendit dhe himni kombëtar, në ceremonitë e dorëzimit të kredencialeve, tingëllon shumë më bukur se zakonisht.

Në këto 40 vjet, kanë ndodhur ndryshime të mëdha në botë dhe në vendin tonë; vija e ndarjes midis dy blloqeve politike e ushtarake gjatë luftës së ftohtë para viteve 90, u spostua nga Adriatiku në Detin e Zi dhe vendi ynë për herë të parë në historinë e vet gjendet gjeografikisht në brendësi të bllokut politik e ushtarak dhe sistemit shoqëror, në të cilin natyrshëm na takon të jemi. Këto ndryshime sollën zëvendësimin e nevojshëm të sistemit tonë shoqëror nga ai totalitar në atë demokratik, në përputhje me sistemin ku duam të aderojmë. Ndërkohë që blloqet dhe situatat gjeostrategjike ndryshojnë, interesat kombëtare (atdheu) dhe ato të familjeve tona si diplomatë, mbeten po ato.

-Kontaktet e para me të huajt duken paksa naive, kur u kthehem kujtimeve të së kaluarës. Megjithatë, ato mbeten mbresëlënëse, sepse janë jo vetëm takime të para, por i përkasin një moshe dhe në kushte që çdo moshatar i imi në atë kohë i shikonte si një ëndërr. Vetëm të hyje në “Hotel Dajti” atëherë, konsiderohej si një kalim kufiri, të krijohej përshtypja sikur futeshe në një botë tjetër, plot të panjohura, larg realitetit të jetës sonë, në shëtitjet e mbrëmjes, që bëheshin çdo natë, përballë tij. Nga ana tjetër, ato do të linin mbresa të forta në formimin tim në raport me të huajt, si një eksperiencë jetike për të ardhmen dhe në veprimtarinë time, që do të kthehej në profesion.

Në vlerësimin tim, në 4 dekada, kam pasur fatin të ndodhem në vende, që në ngjarjet e kohës, kanë pasur ndikime direkte në zhvillimet e vendit tonë: Në vitet 70, deri nga mesi i viteve 80, në Amerikën Latine ende ndjehej jehona e hidhur e juntave ushtarake dhe fryma për liri e demokraci e lëvizjeve studentore të Evropës Perëndimore. Ishte e vetmja zonë, ku vendi ynë dhe partia në pushtet ishte mjaft e pranishme, me marrëdhëniet dhe ndikimet e saj reale në shumë prej këtyre vendeve, me partitë dhe lëvizjet e majta, një pjesë e të cilave ishin në parlament dhe sot edhe në pushtet.

Fundi i viteve 80 dhe mesi i viteve 90 ishte dekada e rënies së murit të Berlinit dhe ndryshimeve të mëdha, që përfshinë edhe vendin tonë. Roma u kthye në portën kryesore të Perëndimit për vendin tonë në të gjitha aspektet, që ndiqte me shqetësim e angazhim maksimal zhvillimet në bregun Lindor të Adriatikut, për të siguruar ndryshime të buta, pa pasoja tragjike për popullin tonë dhe rajonin në tërësi.

Fundi i viteve 90 dhe fillimi i viteve 2.000, shënoi bombardimin e Serbisë nga NATO dhe pavarësinë e Kosovës, si dhe lëvizjen e armatosur të shqiptarëve në Maqedoni. Nga Izraeli, ku Shqipëria hap ambasadën e saj për herë të parë, organizohen dërgesat e para të ndihmave për refugjatët shqiptarë dhe dy nga manifestimet më të mëdha në historinë e Izraelit, kundër gjenocidit serb.

Turqia, shkundet nga qetësia dhe qëndrimi i kujdesshëm i mos ndërhyrjes në Ballkan dhe mobilizon të gjitha forcat e saj diplomatike, ushtarake dhe ekonomike, në mbështetje të çështjes shqiptare në rajon. Ishte një eksperiencë e rrallë, për të parë qëndrimet ndaj vendit tonë nga Lindja, nga dy qendra të rëndësishme të filozofisë hebraike dhe islamike, në momente thelbësore për çështjen shqiptare.

Në Rumani konfirmohet edhe një herë, se politika e jashtme dhe interesat kombëtare në marrëdhëniet ndërshtetërore, nuk kanë asnjë ndryshim thelbësor, të paktën në 100 vitet e fundit, pavarësisht nga regjimet apo sistemet politike në fuqi në vendet tona.

Periudha 4-vjeçare në MPJ, nga mesi i vitit 2002 deri në mesin e 2006 në detyrën e Drejtorit të Drejtorisë së Përgjithshme të Rajonit, ishte një periudhë, kur problemet e Rajonit kishin marrë një prioritet të veçantë dhe veprimtaria e drejtorisë sonë ishte mjaft evidente dhe luante një rol tepër të rëndësishëm në tërë politikën e jashtme të vendit tonë, në raport jo vetëm me fqinjët, por edhe si një indikator në tërë marrëdhëniet tona ndërkombëtare, për çështjen shqiptare dhe atë të integrimit.

Koha e punës në MPJ ka qenë një periudhë e ngjeshur, mjaft interesante, duke fituar një eksperiencë të re në formimin tim profesional. Bashkëpunëtorët e mi përbëheshin nga një ekip djemsh e vajzash mjaft të përkushtuar dhe të përgatitur profesionalisht. Gjatë asaj periudhe u bënë shumë teza, u plotësuan dosje, u realizuan takime të shumta dy dhe shumë palësh, të cilat është e pamundur të përshkruhen në këtë përshëndetje të shkurtër. Për të reflektuar sado pak për këtë periudhë dinamike, mjafton të përmend faktin e ndryshimeve që u bënë në terminologjinë e përdorur nga drejtoria e rajonit, që nga çështjet e Ballkanit fillimisht, në atë të Evropës Juglindore më vonë, e deri në termin e sotëm Ballkani Perëndimor.

Politika Rajonale, marrëdhëniet me fqinjët, kanë qenë dhe mbeten pa dyshim një nga boshtet themelore të politikës së jashtme të vendit tonë. Fqinji ynë jugor zë një vend të veçantë e kompleks. 7 vjet në Greqi kërkon kohën e vet, për ta treguar më gjatë. Nuk është koha tani të flasim tani për këtë dhe do ta lë për një herë tjetër. Historia vazhdon.

-Një mesazh për ambasadorët në detyrë, në mënyrë të veçantë për ata të rinj, apo për ata që aspirojnë të bëhen ambasadorë. Dikur ambasadori ishte emblema e shtetit të vet, ishte me të vërtetë ashtu siç shkruhet në dekretin e Presidentit: Ambasador i Jashtëzakonshëm dhe Fuqiplotë. Sot, përveç këtij emërtimi, i ka mbetur shumë pak nga e kaluara. Kjo nuk ndodh vetëm në vendin tonë, është risi për të gjitha vendet në botë. Arsyet dihen, është normale me zhvillimet globale, hapjen e kufijve, gjithëpërfshirjen, integrimin, etj. etj. Dhe është shumë mirë. Dikur, në objektivat tona, kjo gjë ishte një nga synimet kryesore, hapja, shtimi i kontakteve, komunikimi i drejtë për drejtë. Kjo nuk e ul aspak rolin dhe rëndësinë e ambasadorit, përkundrazi, i jep më shumë rëndësi, dhe e bën në të njëjtën kohë edhe më të vështirë punën e tij; kërkon më shumë pasion, përkushtim, cilësi dhe vizion, sepse dinamikat kanë shpejtësi marramendëse, gara është bërë më e fortë, pasi tani të gjithë merren me politikën e jashtme, si gjysma e popullsisë që ndodhet jashtë, ashtu edhe ajo që ka mbetur brenda vendit.

Tani, gjithnjë e më shumë po promovohen ambasadorët e nderit, ku përfshihen personalitete të fushës së letrave, të artit apo të sportit, konsujt e nderit apo ndonjë personalitet i diasporës. Por asnjë prej këtyre, që, në fakt, janë pjesë e punës sonë, nuk e zëvendëson rëndësinë dhe plotfuqishmërinë e ambasadorit të shtetit… Njohjet dhe kontaktet e politikanëve tanë me homologët e tyre në botë, bëjnë që ndonjëherë të neglizhohet apo të anashkalohet roli i ambasadorit, në axhendën e autoriteteve tona, por kjo nuk e zbeh dhe nuk mund të zgjasë shumë, pasi axhenda dhe memoria e ambasadës është e vetmja, që ka plotfuqishmëri dhe jetëgjatësi.

Por ajo që e bën edhe më të bukur dhe më të fisshme punën në shërbimin e jashtëm, është se në sistemin e administratës civile, ku diplomatët bëjnë pjesë, janë më pak të prekshëm nga korrupsioni, megjithëse janë më pak të paguarit. Dhe meqenëse këtë realitet nuk mund ta ndryshojmë, për arsye objektive dhe subjektive, që lidhen me gjendjen ekonomike-financiare dhe mentalitetin që akoma mbizotëron, mund të bëjmë një gjë për veten tonë, duke ngritur vlerat e diplomatit në shërbim të vendit, nëpërmjet stimujve moralë, që kanë munguar këto 25 vjet dhe krijimit të kastës elitare të diplomatëve, që është e vetmja, që i mungon këtij vendi, ashtu siç janë akademikët, profesorët, doktorët, apo ushtarakët.

Me këtë rast, edhe njëherë dua të shpreh mirënjohjen dhe falënderimet e mia, për ministrin Bushati, për angazhimin dhe insistimin e tij për të nxitur dhe realizuar më së fundmi legjitimimin dhe realizimin e procesit të vendosjes së gradës së ambasadorit për diplomatët shqiptarë, si dhe për organizimin e kësaj ceremonie, që është jo vetëm një nder për mua dhe Boçkën, por edhe një lajm i mirë për diplomacinë shqiptare.

* Fjalimi i diplomatit të njohur në ceremoninë e zhvilluar me rastin e gradimit me titullin “Ambasador”

Pas ngjarjeve të ditës së hënë ku protesta e opozitës u shoqërua me dhunë si brenda dhe jashtë parlamentit, një pjesë e deputetë të djathtë përfunduan në ndjekje në gjendje të lirë nga policia e ndërsa një pjesë e protestuesve përfunduar të shoqëruar në komisariat.

Por çfarë do të ndodhë sot në kampin opozitar?

Partia Demokratike ka njoftuar mëngjesin e sotëm rreth aksionit që do të ndërmarrin disa deputetë për tu qëndruar afër protestuesve që janë shoqëruar në komisariat dhe sot [ritet të dalin para gjykatës.

Deputetët Gent Strazimiri, Myslym Murrizi, Klevis Balliu, Isuf Çela kanë shkuar mëngjesin e sotëm në Gjykatën Penale, pranë burgut të Tiranës, për të marrë pjesë në seancën gjyqësore të disa protestuesve të ndaluar 3 ditë më parë.

Po sot Byroja e Kuvendit do të mblidhet për të dhënë në vendim, në lidhje me kërkesën e PS për marrjen e masave për 10 deputetët të opozitës të cilët thyen rregulloren seancën e ditës së enjte duke tentuar të bllokonin votimin e kryeprokurores së re të përkohshme.

PD thotë se nënkryetari i Kuvendit, Edi Paloka, do të jetë në këtë mbledhje që nisë në orën 10:00, ku do të mbajë qëndrim në emër të partisë dhe më pas do të largohet.

Këto dy lëvizje nga kampi i djathtë janë njoftuar sot e ndërsa pa vendimit të Byrosë priten reagime nga palët e përfshira në protestën e së hënës.

Kryetari i opozitës Lulzim Basha i përcolli sot ambasadorit amerikan Donald Lu kundërshtimin e prerë të Partisë Demokratike për zgjedhjen antikushtetuese të një Prokurori të Përgjithshëm të Përkohshëm.

Në një takim në selinë e Partisë Demokratike, Zoti Basha bëri të qartë se mos krijimi i Këshillit të Lartë të Prokurorisë, uzurpimi i kompetencave të KLP-së nga parlamenti, zgjedhja e një prokurori të përgjithshëm me shumicë të thjeshtë, zgjedhja e prokurores pa kaluar vetingun, janë puç antikushtetues i cili ka futur në krizë sistemin e drejtësisë, ka shkatërruar procesin politik në vend dhe po prodhon një krizë destablizuese për vendin.
Zoti Basha pohoi se të gjitha këto veprime kanë qenë të paramenduara dhe të planifikuara nga Edi Rama për të zgjedhur një kryeprokuror që kontrollohet plotësisht prej tij, me qëllim shkatërrimin e hetimeve për dosjet kriminale të Saimir Tahirit, Vangjush Dakos dhe politikanëve të tjerë të lidhur direkt me vetë Ramën.

Kryetari i opozitës e siguroi ambasadorin Lu se në përputhje me parimet më themelore të demokracisë amerikane, opozita dhe qytetarët shqiptarë do të qëndrojnë me të gjitha mjetet dhe format demokratike në mbrojtje të Kushtetutës dhe demokracisë dhe kundër kapjes së drejtësisë nga Edi Rama, klanet e drogës dhe grupet kriminale që bashkëqeverisin me të.

Donald Lu i kërkon takim Bashës, 60 minuta bisedë në selinë e PD

Ambasadori Donald Lu ka zhvilluar nje takim prej 60 minutash me liderin e opozitës Lulzim Basha këtë mesditë në selinë blu. Mesohet se takimi eshte kerkuar nga vete ambasadori amerikan.

Ky takim vjen në një kohë kur kanë kaluar dy ditë nga protesta e organizuar prej opozitës të hënën, në Kuvend dhe jashtë tij, kur u votua kryeprokurorja e re e përkohshme Arta Marku, vetëm me votat e shumicës parlamentare. Këtë opozita e quan një puc kushtetues.

Protestën që degjeneroi në dhunë, Ambasada amerikane e dënoi dhe në deklaratën për media, ambasadori Lu shkruante:

Ambasada e Shteteve të Bashkuara dënon me forcë dhunën që ndodhi në protestën e sotme në Tiranë. Ne mbështesim të drejtën e qytetarëve për të protestuar paqësisht, por dëmtimi i pronës publike, hedhja e granatave tymuese në Parlament dhe dhuna nuk janë të pranueshme. Ne i bëjmë thirrje të gjitha partive që të tregojnë vetëpërmbajtje dhe të nxisin qetësi.
Populli shqiptar nuk duhet të habitet që politikanët e tyre po luftojnë njëri-tjetrin. Kjo do të thotë se reforma në drejtësi më në fund po zbatohet. Komisionet e Vetingut do të kenë së shpejti rezultatet e tyre të para. Prokurori i Përgjithshëm që refuzonte të ndiqte penalisht politikanë është i ikur. Së shpejti do të shohim krijimin e SPAK-ut dhe BKH-së, të cilat do hetojnë dhe ndjekin penalisht zyrtarë të korruptuar të nivelit të lartë. Qytetarët shqiptarë presin me padurim për drejtësi. Dhe politikanët kanë frikë.

Basha reagoi menjëherë pas kësaj në një postim në rrjetin e tij social Facebook ku përmendte Thomas Jefferson:

“Etërit Themelues të demokracisë më të fuqishme, demokracisë amerikane, na kanë mësuar se rreziku më i madh për lirinë është kur qeveria shkel Kushtetutën!”

Vendimi i Qeverisë Shqiptate për varrezat e ushtarëve grekë të rënë në Shqipëri, është një akt i turpshëm.

Si mund të pranohen varre ushtarësh grekë të rënë në luftë në Shqipëri, në një kohë që nuk i ka ftuar për ndihmë asnjë autoritet shqiptar?

Pyetje është: pse kanë Ardhur?

Si mund të lejohet për të pasur varreza në Shqipëri, një ushtri shoviniste që ka pushtuar me dhunë qytetin shqiptar të Janinës, në vitin 1913; dhe e detyroi Konferencën e Ambasadorëve që të linte jashtë Shqipërisë një qytet krejtësisht me popullsi shqiptarë?

Ç’janë këto varreza të një ushtrie që e ka përdorur truallin shqiptar si shesh luftimi me pushtuesit e Shqipërisë; sepse, ashtu siç pushtoi Janinën në vitin vitin 1913, ushtria greke deshi të pushtonte Korçën dhe Gjirokastrën në vitin 1940?

Pse varre për pushtues të paskrupullt do ngremë në këtu?

******

Qeveritë shqiptarë, jo që nuk duhet ta pranojnë, por as që kanë të drejtë të ulen në bisedime për këtë çështje, sepse ky është krim kundër pavarësisë territoriale dhe historike të Shqipërisë.

Për këtë arsye:

Qeveria Rama, urgjent duhet të tërhiqet nga vendimi i saj për varrezat e ushtarëve grekë në Shqipëri; sepse ndryshe duhet menjëherë të akuzohet për tradhëti kombëtare.

Pse, varre ushtarësh pushtues të paskrupullt do ngremë ne këtu?

Qeveritë shqiptarë, jo që të pranojnë, por as që të ulen në bisedime për këtë çështje, nuk duhet të lejohen.

Qeveria Rama, urgjent duhet akuzuar si bashkëpunuese me histerinë antishqiptare geke, nëse vetë nuk e shfuqizon vendimin e para ca ditëve në lidhje me këtë çështje.

Po ajo ditë feste që i paskeni lejuar Athinës, e dini se përse është kërkuar nga grekët?

Zoti kryeministër! a e dini ju se dita e festës që i paskeni lejuar Athinës shoviniste, do të quhet nga Athina politike si festa e të rënëve grekë për çlirimin e Vorio-Epirit?

Që Rama nuk e njeh historinë e Shqipërisë, kjo kuptohet nga formimi mediokër i tij, por që të mos kuptosh as kaqë, do të thotë që ky individ duhet eliminuar në çast si kryeministër.

Gjithsesi, vendimi i marrë nga qeveria për varrezat e ushtarëve grekë të vrarë në Shqipëri, duhet shfuqizuar në çast.

Në të kundërt; ai vendim do të jetë një akuzë për tradhëti kombëtare, e ngritur kundër të gjithë anëtarëve të qeverisë Rama 2 që e kanë votuar.

Qeveria shqiptare Rama 2 ose është krejtësisht amatore, si vetë kryetari i saj; ose ka hyrë si e shitur në hullinë e shitjes së interesit kombëtar, si të gjitha qeveritë antishqiptare që janë blerë në 100 vjet nga Athina dhe Beogradi.

OSBE vlerësoi sot se korrupsioni është një problem serioz për Shqipërinë dhe investimet e huaja, ndaj në Tiranë duhet bërë shumë më tepër për ta luftuar atë.

Kryetari i Prezencës së OSBE-së në Shqipëri, ambasadori Bernd Borchardt, tha se nevojitet përfundimi i hetimeve dhe dënimeve për zyrtarët e korruptuar.

“Ne ndihmuam në ngritjen e portalit “stopkorrupsioni”, falë të cilit mbi 100 raste korrupsioni u dërguan në prokurori. Po ku janë rezultatet? Ku janë paditë? Ku janë dënimet? E njëjta pyetje duhet ngritur për krimin zgjedhor. Rastet e blerjes së votës i janë referuar prokurorisë. Ku janë paditë? – pyeti ambasadori Borchardt.

Njëlloj ai pyeti për rezultatet e munguara edhe për transparencën e financimit të partive politike, ku bashkësia ndërkombëtare kërkoi të ngrihej një sistemi auditimi efektiv dhe llogaridhënës.

Në vende të tjera, institucionet e forta dhe të pavarura kundër korrupsionit janë një mjet mjaft i dobishëm për të luftuar korrupsionin, ndaj ai rekomandoi që të punohet për ngritjen e një organi të tillë edhe këtu në Shqipëri.

“Reforma në Drejtësi është me rëndësi kryesore. Por ajo nuk është gjithçka. Korrupsioni është kërcënim për çdo qytetar, çdo ditë. Ne e nxitim Shqipërinë të bëjë më shumë kundër tij. OSBE-ja mbetet e gatshme ta mbështetë Shqipërinë në këtë përpjekje. “Juve dhe vetëm juve ju takon vendimi nëse doni që zyrtarët publikë të japin llogari për korrupsionin” – tha ai.

Amb.Borchardt i bëri këto komente në veprimtarinë përmbyllëse të projektit dyvjecar “Për mbështetjen e masave antikorrupsion në Shqipëri”, i mbështetur nga Agjencia Italiane për Bashkëpunim e Zhvillim, Banka Evropiane për Rindërtim dhe Zhvillim dhe Shkolla Italiane e Administratës Publike.

Ai tha se pavarësisht mbështetjes ndërkombëtare, janë vetë shqiptarët që duhet t’i përdorin trajnimet dhe njohuritë, nëse dëshirojnë të sjellin ndryshim.

Shqipëria ka miratuar një Kod Sjelljee kundër Rryshfetit për komunitetin e biznesit, ka zhvilluar fushata ndërgjegjësimi dhe anketa kundër rrryshfetit dhe ndikimit të tij në klimën e investimeve, megjithatë korrupsioni është ende shumë i përhapur në shumë nivele të strukturave publike e private.

Shqipëria vlerësohet se ka bërë disa hapa me rëndësi në luftën kundër korrupsionit. Organizata Transparency International e ngriti Shqipërinë në 39 pikë nga 31 që kishte në vitin 2013, por gjendja është ende kritike dhe ende larg 100 pikëve për t’u quajtur e përmirësuar.

Sot rreth orës 16:00 të pasdites të gjitha portalet on line ranë sërish në “rrjetën” e thashethemeve dhe botuan një lajm për ndarjen nga jeta të Nexhmije Hoxhës, të vesë së diktatorit Hoxha, të akuzuar shpeshherë se fshihej pas vendimeve “monstruoze” të marra.

E ndërsa nuk dihet ende kush i përhap thashethemet, nusja e djalit të madh të diktatorit Teuta Hoxha flet rreth situatës së krijuar.

E kontaktuar nga “BalkanWeb” ajo thotë se nuk ka asnjë të vërtetë tek informacionet e përhapura.

“Këto janë thashetheme dashakeqe, s’ka asgjë të vërtetë. Nexhmije Hoxha nuk është shtruar as në spital, madje nuk është as e sëmurë”,- ka komentuar shkurt ajo.

Arta Marku, kryeprokurorja e sapozgjedhur nga Parlamenti, mes tymit, përleshjeve dhe kaosit, po i nënshtrohen Vetingut për ligjshmërinë e pasurisë, kontaktet e mundshme të papërshtatshme me krimin dhe aftësitë profesionale.

Vendimi për kryeprokuroren e re, nëse duhet apo jo të shërbejë në sistemin e drejtësisë, pritet të zyrtarizohet në ditët e para të muajit janar.

Zonja Marku është pjesë e një liste, e zbardhur nga Shqiptarja.com, me 57 prokurorët dhe gjyqtarët e parë që po kontrollohen. Kontrolli i zonjës Marku nuk ka lidhje me pretendimin e opozitës për kalimin e Vetingun dhe as me detyrën e saj të re, por është një rastësi, pra produkt i shortit. Në listë, zonja nuk referohet si kryeprokurore, por si prokurore në Shkodër. Konkretisht, në fillim të këtij muaji, Komisioni Kualifikimit, organi kryesor i Vetingut, ka përcaktuar me short emrat e 57 prokurorëve dhe gjyqtarëve të parë, të cilëve po u shqyrtohen dosjet nga katër trupa gjykuese, të përbërë nga tre anëtarë.

Përpos kryeprokurores së re të përkohshme Arta Marku, pjesë e listës është edhe paraardhësi i saj, Adriatik Llalla, për të cilin opozita kërkoi që të qëndronte në detyrë deri në vitin 2019. Gjithashtu, shorti ka përcaktuar hapjen e dosjeve të disa anëtarëve të Gjykatës Kushtetuese, të Gjykatës së Lartë dhe të kryeinspektores pranë Këshillit të Lartë të Drejtësisë, Marsida Xhaferllari. Gjithashtu, pjesë e listës është edhe prokurori Ramadan Troci, i cili futi në burg Ardian Fullanin si dhe Rovena Gashi, drejtoresha e Drejtorisë së Marrëdhënieve Juridiksionale me Jashtë. Ashtu siç edhe paralajmëroi dy ditë më parë Ambasada Amerikane në Tiranë, rezultatet e kontrollit të trefishtë, për të gjithë emrat, pritet të dalin shumë shpejt.

Disa ditë më parë, Shqiptarja.com publikoi edhe pasurinë e kryeprokurores së re. Duke iu referuar deklaratave të administruara nga ILDKP, Marku posedon një pasuri të zakonshme në raport me të ardhurat e ligjshme të deklaruara. Gjithsesi, do të jenë organet e Vetingut ata që do të përcaktojnë ligjshmërinë e pasurisë së saj.

Dosjet

Inspektorati i Lartë i Deklarimit dhe Kontrollit të Pasurive, Drejtoria e Sigurisë së Informacionit të Klasifikuar dhe Shkolla e Magjistraturës kanë çuar në Komisionin e Kualifikimit nga tre dosje për secilin gjyqtar dhe prokuror. Çdo dosje respektive përmban edhe rekomandimin e institucionit për gjyqtarin apo prokurorin. ILDKP jep rekomandimin nëse e kalon apo jo testin e pasurisë, DSIK për lidhjet me krimin dhe rekomandimi i tretë jepet për aftësitë profesionale. Ndërkaq, anëtarët e Komisionit dhe vëzhguesit ndërkombëtarë hetojnë dhe vlerësojnë të gjitha faktet dhe rrethanat e nevojshme për procedurën e rivlerësimit.

Vendimet e komisionit, shkarkimi

Në bazë të shqyrtimit dhe analizimit të provave, Komisioni i Vlerësimi, në përfundim të procesit mund të vendosë konfirmimin në detyrë të gjyqtarit apo prokurorit, pezullim nga detyra për një periudhë 1-vjeçare dhe shkarkimin nga detyra. Shkarkimi nga detyra i gjyqtarit apo prokurorit jepet si masë nga komisioni kur rezulton se ka deklaruar më shumë se dyfishi i pasurisë së ligjshme gjatë vlerësimit të pasurisë, përfshirë edhe personat e lidhur me të.

Kur rezulton me probleme serioze gjatë kontrollit të figurës, sepse ka kontakte të papërshtatshme me personat e përfshirë në krimin e organizuar që bën të pamundur vazhdimin e detyrës. Kur rezulton se ka bërë deklarim të pamjaftueshëm për kriterin e kontrollit të figurës dhe pasurisë. Kur rezulton si i papërshtatshëm nga vlerësimi i aftësive profesionale. Gjyqtarët dhe prokurorët e shkarkuar nga Komisionit, nuk mund ta ushtrojnë detyrën, por mund të ankohen në Kolegjin e Apelimit. Pas shqyrtimit të çështjes, Kolegji i Apelimit vendos lënien në fuqi të vendimit të Komisionit, ndryshimin e vendimit të Komisionit.

57 gjyqtarët dhe prokurorët që po u shqyrtohen dosjet

1. Altina Xhoxhaj Gjykata Kushtetuese

2. Bashkim Dedja Gjykata Kushtetuese

3. Besnik Imeraj Gjykata Kushtetuese

4. Fatmir Hoxha Gjykata Kushtetuese

5. Fatos Lulo Gjykata Kushtetuese

6. Gani Dizdari Gjykata Kushtetuese

7. Vitore Tusha Gjykata Kushtetuese

8. Xhezair Zaganjori Gjykata e Lartë

9. Adriatik Lalla Ish-Prokuror i Përgjithshëm

10. Alma Brati Gj. Shk. I, Tiranë

11. Artan Laze Gj. Shk. I, Tiranë

12. Artan Zeneli Gjykata e Lartë

13. Astrit Faqolli Gj. Shk. I

14. Besim Trezhnjeva Gj. Apelit Durrës

15. Bledar Abdullai Gj. Shk. I, Tiranë

16. Brunilda Kadi Gj. Shk. I, Tiranë

17. Brunilda Kasmi Gj. Shk. I, Tiranë

18. Dritan Hallunaj Shk. I për Krimet e Rënda

19. Ilir Toska Gj. Apelit Tiranë

20. Manjola Xhaxho Gj. Shk. I, Tiranë

21. Marcela Shehu Gj. Shk. I, Kurbin

22. Medi Bici Gjykata e Lartë

23. Nertina Kosova Apeli Krimet e Rënda

24. Adriatik Cama Prokuroria Tiranë

25. Anila Leka Prokurori e Përgjithshme

26. Antoneta Sevdari Prokuroria Tiranë

27. Arben Dopallaj Prok. Apelit Shkodër

28. Arben Nelaj Prokuroria Tiranë

29. Arta Marku Prokuroria Shkodër

30. Besa Nikehasani Prok. Apelit Shkodër

31. Besnik Cani Prokuroria Elbasan

32. Besnik Muci Prok. Krimet e Rënda

33. Bujar Hoti Prokuroria Durrës

34. Dritan Prenci Prokuroria Kukës

35. Dritan Rreshka Prokuroria Tiranë

36. Elison Sadiku Prokuroria Korçë

37. Gentjan Osmani Prok. Krimet e Rënda

38. Kostaq Beluri Prokurori e Përgjithshme

39. Luan Kaloçi Prok. Apelit Tiranë

40. Ramadan Troci Prokurori e Përgjithshme

41. Shpëtim Kurti Prokuroria Tiranë

42. Vat Staka Prokuroria Shkodër

43. Brikena Ukperaj Lubonja Gj. Apelit Vlorë

44. Ervin Metalla Gj. Apelit Tiranë

45. Fatjona Memçaj Prok. Apelit Tiranë

46. Gentjan Medja Gj. Adm. Sh.I Tiranë

47. Gentjan Trenova Prok. Apelit Tiranë

48. Kastriot Selita Gj. Adm. e Apelit

49. Rovena Gashi Prokurori e Përgjithshme

50. Admir Thanza Gjykata e Lartë

51. Ardian Dvorani Gjykata e Lartë

52. Artan Broci Gjykata e Lartë

53. Edmond Islamaj Gjykata e Lartë

54. Shkëlzen Selimi Gjykata e Lartë

55. Tom Ndreca Gjykata e Lartë

56. Artur Malaj Gj. Adm. e Apelit

57. Marsida Xhaferllari Insp. e Lartë e Drejtësisë

Kanceri është sëmundja që të gjithë i frikësohen dhe që fatkeqësisht po shndërrohet në vrasësin numër një. Edhe pse shkenca mjekësore ka avancuar, përsëri vështirë se mund të parashikohet apo të parandalohet.

Shqipëria mban rekord të vdekjeve në rajon për kancerin që prek sistemin nervor dhe trurin me 7.2 vdekje për 100 mijë banorë, ndiqet nga Bosnja me 7.1 vdekje në 100 mijë banorë. Kjo kategori kanceri shkakton më pak vdekje në Maqedoni, Serbi dhe Malin e Zi me përkatësisht 6.9 dhe 6.4 vdekje për 100 mijë banorë.

Kanceri i dytë që po vret më shumë shqiptarët se në të gjitha vendet e rajonit është kanceri i prostatës. Ky lloj kanceri prek vetëm meshkujt. Për 2016-n numri i vdekjeve në 100 mijë ishte 9.3. Numri i vdekjeve në Maqedoni ishte vetëm nëntë, ndërsa më të ulëtin e kishte Bosnja me 7.8 vdekje.

Për fat të mirë, numri i vdekjeve nga kanceri i gjirit në 2016-n ishte më i ulëti në rajon, ku për 100 banorë, 6.5 kishin vdekur nga kjo kategori. Kanceri i gjirit është vrasësi numër një i grave, e për këtë janë ndërmarrë fushata të shumta sensibilizuese qëgratë të kryejnë kontrolle të shpeshta për ta kapur sëmundjen në fazat fillestare të saj. Në Bosnje, numri i grave që vdiqën nga kjo sëmundje ishte 10.2 për 100 mijë banorë, ndërsa në Malin e Zi,  9.3. Në Maqedoni dyfish më shumë gra vdiqën prej kancerit të gjirit në krahasim me Shqipërinë, ndërsa në Serbi  14.1 për 100 mijë banorë.

Edhe të dhënat e mëparshme nga Instituti i Shëndetit Publik që u referohen raportimeve spitalore tregojnë se prevalenca për të sëmurët me tumor është rritur nga viti 2002 në vitin 2014 me mbi 70%. Nëse në vitin 2002, për 10 mijë banorë u diagnostikuan 41 persona me sëmundje tumorale, në vitin 2014 të diagnostikuarit me këtë sëmundje ishin 73 persona (për 10 mijë banorë) pa përfshirë diagnozat e vëna nga qendrat ambulatore. Me mbi 60% janë rritur sëmundjet kardiovaskulare, teksa shihet rritje e sëmundshmërisë për të gjitha llojet e diagnozave.

Monitor

Greqia duket se shumë shpejt do të heqë Ligjin e Luftës me Shqipërinë. Ministri i Jashtëm i Greqisë, Nikos Kotzias ka deklaruar se: “Kjo është çështja kryesore që duhet zgjidhur pozitivisht”. Madje Kotzias ka shkuar edhe më tej duke sqaruar procedurën e abrogimit të këtij ligji duke u shprehur se ai mund të rrëzohet me Dekret Presidencial. Me heqjen e këtij ligji hapet rruga për dëmshpërblimin e pronave të shqiptarëve e sidomos të popullsisë çame që cilësoheshin të konfiskuara nga shteti grek.

Këtë fakt për herë të parë nuk e ka refuzuar publikisht një zyrtar i lartë grek si ministri i Jashtëm që i pyetur nga gazetarët, posaçërisht për këtë çështje është shprehur se kjo do të rregullohet me një procedurë të veçantë. Këto deklarata ministri i Jashtëm i Greqisë i ka bërë të hënën në mbrëmje, në Televizionin Publik të Greqisë, ERT, ku ishte i ftuar në emisionin “Epomeni Mera”, përballë një paneli gazetarësh.

Dëmshpërblimet e çamëve procedurë e veçantë

Kotzias ka folur për shumë nga problematikat e politikës së jashtme greke, ku spikasnin ato me Turqinë pas vizitës së Presidentit Erdogan, të kufirit detar me disa vende, bisedimet me Maqedoninë për çështjen e emrit dhe normalisht nuk kishte se si të mungonte Shqipëria. Kotzias ka folur fillimisht për vendimin e qeverisë shqiptare për lejimin e ndërtimit të varrezave të tjera për ushtarakët grekë të rënë në vendin tonë në vitet 1940-41 gjatë luftës italo-greke, duke e quajtur atë një shprehje të vullnetit të mirë të palës shqiptare dhe një sukses të diplomacisë helene.

Kur u pyet për dëmshpërblimin e pronave të shqiptarëve që janë sekuestruar që nga koha e Luftës së Dytë Botërore nga Greqia, Kotzias zbuloi se pala greke po e shikon me përparësi çështjen e abrogimit të Ligjit të Luftës me Shqipërinë, ligj që mban peng edhe çështjen e dëmshpërblimit të popullsisë çame. i pyetur nga një prej gazetarëve në panel se: “A po bisedoni për dëshmpërblimet që kërkojnë për pasuritë e shqiptarëve që janë të bllokuara?” ministri Kotzias iu përgjigj se kjo është një çështje juridike e veçantë që do zgjidhet në kohë të dytë.

“Çështja kryesore që duhet zgjidhur pozitivisht është Gjendja e Luftës. Pasojat ligjore që do vijnë do të rregullohen më pas me një procedurë të veçantë”, deklaroi ministri i Jashtëm i Greqisë. Pavarësisht se Kotzias ka qenë tepër i kujdesshëm dhe nuk e ka përmendur popullsinë çame, dihet se kur bëhet fjalë për pronat e shqiptarëve në Greqi, ajo e popullsisë çame përbën pjesën dërrmuese.

“Ligjin mund ta abrogojë Presidenti”

I ngacmuar nga gazetarët ministri Kotzias e ka shtjelluar më tej mendimin e tij duke zbuluar pak a shumë procedurën se si do të hiqet Ligji i Luftës me Shqipërinë. “A do të bëhet me dekret nga Presidenti?” e pyet një nga gazetarët. Kotzias është përgjigjur se me shumë mundësi ligji do të abrogohet me një Dekret Presidencial. “Sipas këndvështrimit tim mënyra me të cilën Greqia i shpalli Luftë shqiptarëve u bë me Dekret Mbretëror. Ka dy mendime juridike për këtë. E para, dhe që unë jam më afër sepse i shkon mënyrën sime të të menduarit juridik, se në këtë periudhë Dekretit Mbretëror i korrespondon Dekreti Presidencial.

Është edhe një interpretim i dytë, i cili sipas mendimit tim nuk është aq i drejtë, por kjo do të hajë diskutimi kur t’i vijë koha, që thotë se Dekreti Mbretëror për Luftën është bërë në një kohë kur nuk kishte Parlament dhe si pasojë nuk mund të kishte një Dekret nga Parlamenti, prandaj tani që egziston parlamenti e ka ai të drejtën. Por Mbretiti nuk i korrespondon Parlamentit, ndaj…”, ka deklaruar Kotzias në emisionin “Epomeni Mera të televizionit grek ERT. Ministri i Jashtë grek ka htkesuar edhe një herë tjetër se qeveria e klryeministrit Tsipras dhe ai vetë kanë si objektiv zgjidhjen e të gjitha çështjeve të hapura me fqinjët, gjithmonë nëpërmjet dialogut e përfitimit reciprok.

Takimi i Kretës
Para disa ditësh kur “Shqiptarja.com” publikoi e para vendimin e Këshillit të Ministrave për ndërtimin e varrezave të reja për ushtarakët grekë të vrarë në vendin tonë gjatë luftës italo-greke 1940-41, u shprehëm se kjo ishte si rrjedhojë e takimit të Kretës midis dy ministrave të Jashtëm Bushati e Kotzias. Tashmë koha duket se po vërteton indicien e parë që dha Qeveria Rama me vendimin për varrezat. Pas lëshimit të parë nga pala shqiptare duke plotësuar një nga kushtet kryesore të grekëve, duket se këta do përgjigjen duke plotësuar një nga kushtet kryesore te Shqipërisë, atë të abrogimit të ligjit të Luftës.

Edhe pse të dyja palët po i bëjnë këto lëshime ndaj njëri-tjetrin në mënyrën më pak të bujshme të mundur, fakti është që Kreta ka dhënë frytet e saj duke sheshuar problematike historike midis dy vendeve. Të shpresojmë që në 20 janar në Korçë, prodhimi të jetë edhe më i mbarë.

d.c./shqiptarja.com

Amerikanët kërkojnë arrestimin e dhjetë deputetëve.

Saliu dhe trimat e tij kanë futur kokën strukur nëpër bodrume.

Kërkohet dhe arrestimi i Monikës.

Rama është në tension, dhe mendon të shkojë urgjent në Uashington që të thotë jo. Mund të jetë nisur, por nuk duhet t’ia varin. Asnjë lëshim nuk u duhet bërë bandave që kanë grabitur shqiptarët, edhe duan t’i vënë zjarrin Shqiprisë që të ikin me gjitha paratë e vjedhura.

Por e ka kot Rama. Amerikanët duhet të veprojnë në mënyrë drastike se këta bakalaro duan të destabilizojnë Shqipërinë.

Saliu me hordhitë e tij i kanë hedhur dorezën Amerikës.

Asnjë nga ata banditë nuk duhet falur, se, mbi të gjitha, kanë shkelur ligjin dhe kanë fyer popullin Shqiptar.

“Vendimi i opozitës për të vijuar valën e protestave në janar kundër qeverisë dhe kapjes së Kryeprokurorit, është vendimi i duhur”

Kështu është shprehur kryetari i Partisë Demokratike Lulzim Basha në një dalje për mediat, një ditë pas protestës së opozitës.

Në fjalën e tij, Basha theksoi edhe një herë se zgjedhja e Kryeprokurores së Përkohshme Arta Marku me vetëm 69 vota të mazhorancës, është anti-kushtetuese dhe se opozita është e vendosur ta kundërshtojë kapjen e këtij institucioni nga Kryeministri Rama.

Më e rëndë sipas Bashës është fakti se Kryeprokurorja nuk ka kaluar më parë procesin e Vettingut.

Për këtë arsye, Basha u bëri thirrje qytetarëve që t’i bashkohen valës së protestave të opozitës, që do të nisin në muajin janar.

“Qytetarët e dinë se Kushtetuta nuk i përket asnjë partie. Kur Kushtetuta dhunohet çdo qytetar, pavarësisht statusit që ata kanë. Protesta e djeshme, dhe protestat që do të vazhdojnë janë kundër mashtrimit të Edi Ramës për reformën në drejtësi. Por dje është vërtetuar katërcipërisht se Edi Rama kërkon vetëm anti-reformë. Parlamenti nuk është ai dje, është Kushtetuta. Aq më pak kartonat e drogës, apo siç e pamë dje të vjedhur.

Ka vetëm një shkatërrim, ka vetëm një dhunim, ai i Kushtetutës nga Edi Rama, që mund të ketë pasoja të rënda për stabilitetin e vendit.

Ka vetëm një standard, atë të Kushtetutës, atë të Bashkimit Europian, atë të Shteteve të Bashkuara të Amerikës.

Në çdo vend Perëndimor Saimir Tahiri duhet të ishte në burg, dhe Kryeministri duhet të kishte dhënë dorëheqjen.

E theksoj edhe një herë tjetër, se Kushtetua thekson se Kryeprokurori duhet të zgjidhet me 3/5 e votave. Kushtetuta e thotë qartë se KLP-ja duhet të ishte ngritur që në muajin Prill, pra 8 muaj më parë.

Komisioni i Ligjeve uzurpoi të drejtat që ja ndalon me Kushtetutë. Kushtetuta e ndalkon që të zgjidhet një Kryeprokuror që nuk kalon vettingun. Kryeprokurori dje u zgjodh me më pak vota edhe se shumica e parlamentit, duke u zgjedhur në mënyrë flagrante të dhunimit të Kushtetutës.

Të gjitha këto të çojnë në një drejtim, kapjen e Kryeprokurorit politikisht nga Edi Rama, dhe përdorjen e tij. Ngutja për të zgjedhur një prokuror pa vetting dhe në shkelje të Kushtetutës, ka për qëllim mos hetimin e personave të afërt të Edi Ramës dhe ministrat e korruptuar.

Zgjedhja pa vetting dhe anti-kushtetuese tregon faktin se kjo qeveri është e përfshirë në afera kriminale dhe Edi Rama e ka ditur prej kohësh.

Ndaj vendimi i opozitës për të nisur valë protestash nga Janari, është vendim i duhur, kundër një qeverie të bërë njësh me krimin dhe të krimit të bërë njësh me qeverinë.” tha Basha.

Politika amerikane e përshëndeti mënjëherë dje shkarkimin e prokurorit Llalla dhe mbështeti emërimin e prokurores së re Marku.

Akoma më do të këtë fuqi korrupsioni shqiptar që të shpresojë se nuk do të ndëshkohet?

Ambasada amerikane tha hapur dhe qartë dje se në Shqipëri u hoq nga posti i Prokurorit të Përgjithshëm mbrojtësi i korrupsionit të lartë shqiptar.
Ky ishte një sukses i madh për të ardhmen e Shqipërisë dhe të shqiptarëve.

Po revolta e pretenduar me sokëllimë nga korrupsioni, si i shfaq?

E gjithë “revolta” e korrupsionit rezultoi një flluckë sapuni. Kurse vetë Saliu u flak si një rreckë e vjetër në kanalin kullues të kohës.

Po, e gjithë kjo, la një shije të hidhur në opinionin publik shqiptar për të gjithë klasën politike: Shqiptarë! a e shihni se për kë votoni masivisht dhe me sy mbyllur?!
I patë vjedhësit në revoltë?
Historia do të tallet me këta trutharë që e kanë ditur vjedhjen e shtetit dhe të shqiptarëve intelekt të lartë drejtimi.

Por ama, që sot e tutje, kushdo që kërkon të hyjë në politikë, të
mendonohet mirë, se, Shqipëria, me ndihmën e Amerikës dhe Bashkimit Europian, do të hyjë në një vetëdisiplinim racional të qeverisjes së moralshme.

Po le ta analizojmë më thellë çështjen

l.
Gëzimi i Ambasadës Amerikane në Tiranë për rrëzimin e prokurorit që mbronte korrupsionin e lartë në Shqipëri; tregon dy arsye të cilat do ta rrisin optimizmin e shqiptarëve:
E para: që politika amerikane do ta çojë deri në fund vendosjen e drejtësisë dhe moralitetit në Shqipëri.
E dyta: që shumë shpejt do fillojë goditja penale e korrupsionit të lartë shtetëror.

Të dy këta aspekte, shqiptarët po i prisnin me padurim dhe me shqetësim të brendshëm, brenda pyetjes: a do ta çojë Amerika deri në fund luftën kundër banditizmit qeverisës në Shqipëri?

Akti i djeshëm i politikës amerikanë i ka bërë sot shqiptarët që të hedhin edhe një hap më tej në shpresën e tyre.

ll.
I patë sesi u ekzaltuan të korruptuarit e mëdhenj të opozitës dje në Parlament?
Ja, këta kanë qënë së brendshmi në historinë politike të Shqipërisë të gjithë pushtetarët hajdutë dhe shitës të interesit kombëtar në njëqind vjet.

Ajo që shfaqën dje me mjete primitive në Parlament grabitësit e jetës së shqiptarëve, nuk ishte një mllef i tyre kundër maxhorancës shqiptarë, por një mllef kundër Amerikës, për faktin që kjo është bërë me popullin shqiptar kundër sunduesëve, të tërë banditë dhe shitës të vazhdueshëm të interesit kombëtar te
fqinjët pushtues.

lll.
Por tani për korrupsionin shqiptar mori fund gjithçka.
Asnjë nga këta pushtetarë aktualë nuk është më i sigurt. Asnjë, në të dy krahët e politikës shqiptare.

Koha e spastrimit ligjor të imoralitetit shqiptar, dje, bëri hapin e vet themelor përpara.

Penguesit e vazhdueshëm të Reformës në Drejtësi, deje menduan që ta bllokonin përfundimisht Reformën, por dështuan sepse populli nuk i përkrahu.
Po, si ka mundësi që të vjedhurit të ngrihen e të mbrojnë grabitësit e mirëqënies së tyre?
Ende nuk janë në gjendje që ta bëjnë brenda vetes këtë pyetje këta politikanë trutharë?

lV.
Nuk ka gjë më qesharakë se të shohësh pushtetarët e korruptuar e të kapur në korripsion që duan të pushtojnë Parlamentin e të mos lejojnë votimin e progresit të popullit të tyre.

Të gjithë këta sot janë të mërzitur, se menduan që të mundnin Amerikën me 200 përkrahës të paguar që donin të hynin në sallën e Parlamentit.
Po ja dhe hynë; e pastaj? Do rrëzonin Uashingtonin këta në Tiranë kur në Shqipëri të gjithë shqiptarët janë me Amerikën?
Janë të vegjël nga mendja dhe të liq në ndërtimin e tyre shpirtëror këta të korrupruar.
Babëzia i degdisi dje në shëmtimin më karikaturesk të historisë politike të Shqipërisë.

V.
Po, më saktë, çfarë pamë dje?
Dje u tregua se më budallenjtë menduan ta zgjidhnin hallin e tyre me “revoltë popullore” përmbysëse, e cila ishte një pamundësi absolute. Kurse ata më të mençurit, domethënë maxhoranca, menduan që të përfitonin diçka me politikën e pranimit të politikës amerikane antikorrupsion edhe pse janë edhe vetë të rrezikuar nga kjo politikë.

Po, megjithatë, të dy krahët janë të trembur. Kurse politika amerikane dhe ajo gjermane sigurisht që do vijojnë të mposhtin çdo rezistencë të korrupsionit shtetëror shqiptar.

Politika amerikane tani duhet të hidhet në sulm real, sepse akti i djeshëm ka rritur shpresën shqiptare për progres të shpejtë. Sytë e të gjithë shqiptarëve sot janë të kthyer me shpresë të re nga Amerika, si asnjëherë tjetër, edhe pse 97 përqind të tyre gjithmonë ka 27 vjet rresht që janë proamerikanë.

Zotërinj që po përgjoni historinë e Shqipërisë nga dritaret e territoreve shqiptare të pushtuara prej jush!
Kujtohuni dhe binduni se, pas gjithë këtyre shekujve shtypës, erdhi më në fund dhe koha e shqiptarëve. Që nesër e tutje, të gjithë ju – mos kini më asnjë shpresë te korrupsioni shtetëror shqiptar, të cilin keni një shekull që e paguani!

Sepse, Fuqitë e Mëdha perëndimore, tani janë të gjitha me shqiptarët. Rusia juaj është shumë pak.

Deputeti i PD-së Enkelejd Alibeaj është shprehur i habitur me deklaratën e Ambasadës amerikane që deklaroi se reforma në drejtësi po zbatohet dhe se populli shqiptar nuk duhet të habitet që politikanët e tyre po luftojnë njëri-tjetrin.

“Une habitem nga një deklaratë e tillë, sepse ajo farsë duhej të kishte bërë përshtypje në një vend që kërkon drejtësi jo të kapur politikisht”, tha Alibeaj.

Më pas Alibeaj u shpreh se është dhunuar kushtetuta sot dhe se kryeministri është dhe Kryeprokuror tani, i cili do të mbyllë dosjet e krimit të qeverisë së tij.

“Ja arritëm ditës që kryeministrin ta kemi edhe kryeprokuror, sot kemi një kushtetutë të thyer, sot kemi një vend i cili i dha një goditje të fortë reformës në drejtësi, sepse për këdo do të ishtë fyerje nëse do të besonte që kryeministri është kryeprokuror dhe do të vendosi drejtësi. Dramë e madhe dhe sot tregoj qartë dhe saktë se cfarë synimi ka pasur. Kemi Prokuror të Përgjithëshm Edi Ramën i cili do të mbylli dosjen e Tahirit. Sapo filloi procedura e zgjedhjes së prokurorit patëm uzurpim. Që në momentin e parë dihej se cili do të ishte emri i Prokurorit të Përgjishëm “, tha Alibeaj për “Fax News”.

REAGIMI I PLOTË I AMBASADËS AMERIKANE:

Ambasada e Shteteve të Bashkuara dënon me forcë dhunën që ndodhi në protestën e sotme në Tiranë. Ne mbështesim të drejtën e qytetarëve për të protestuar paqësisht, por dëmtimi i pronës publike, hedhja e granatave tymuese në Parlament dhe dhuna nuk janë të pranueshme. Ne i bëjmë thirrje të gjitha partive që të tregojnë vetëpërmbajtje dhe të nxisin qetësi.
Populli shqiptar nuk duhet të habitet që politikanët e tyre po luftojnë njëri-tjetrin. Kjo do të thotë se reforma në drejtësi më në fund po zbatohet. Komisionet e Vetingut do të kenë së shpejti rezultatet e tyre të para. Prokurori i Përgjithshëm që refuzonte të ndiqte penalisht politikanët është i ikur. Së shpejti do të shohim krijimin e SPAK-ut dhe BKH-së, të cilat do hetojnë dhe ndjekin penalisht zyrtarë të korruptuar të nivelit të lartë. Qytetarët shqiptarë presin me padurim për drejtësi. Dhe politikanët kanë frikë.

Deputeti Ervin Salianji publikon një dokument ku duket se emri i tij dhe i deputeti tjetër demokrat Genc Pollo janë vendosur në listë sikur kanë votuar pro.

“Ndjekje penale për vjedhjen dhe tjetërsimin e votës së deputetëve!

Deputetë të maxhorancës vjedhin votën në sallën e parlamentit; në prani të kamerave, të fotografëve dhe të çdo shqiptari që ndiqte këtë seancë.

Mendoni çfarë kanë bërë me votën e qytetarëve.

Mendoni çfarë kanë bërë dhe bëjnë me tenderat dhe aferat korruptive që janë në dokumenta që nuk i sheh dot publiku.

De-legjitimimi i Parlamentit të Shqipërisë u vulos edhe me këtë akt mbyllës të pa ndodhur kurrë më parë.

Jo vetëm politika po mbarë opinioni publik, shoqeria civile dhe çdo zë i rëndësishëm duhet t’i japë vëmëndjen e duhur këtij akti që shemb plotësisht shtetin së drejtës”, shkruan Salianji.

Arta Marku është kryeprokurorja e re e Shqipërisë.

Ajo është zgjedhur me 69 vota pro, 2 kundër dhe 2 abstenim gjatë seancës së sotme.

Votimi është bërë kur deputetët e opozitës kanë hedhur tymuese dhe kanë qendruar në këmbë.

Pas 20 minutave pushim, Marku është betuar si kryeprokurore e re, në kushte ekstreme.

Sipas CV-së së publikuar nga kuvendi, Arta Marku ka mbaruar studimet universitare në vitin 1999 dhe shkollën e magjistraturës në vitin 2002. Ajo ka punuar në prokurorinë e Fierit dhe atë të Shkodrës.

Kush është kryeprokurorja e re Arta Marku

Arta Marku, 41-vjeçe nga Puka, ka punuar si prokurore pranë organit të akuzës në Shkodër.

Ajo ka një eksperiencë prej 15 vitesh si prokurore e këtij rrethi.

Marku ka mbarur në vitin 1999 studimet në Shkodër në degën e Drejtësisë, ndërsa Magjistraturën e përfundoi në 2001-shin, duke dalë brezin e parë të prokurorëve.

Arta Marku është nënë e dy vajzave të mitura, ndërsa bashkëshorti i saj punon si oficer i Policisë Gjyqësore për qarkun Lezhë.

Gjatë garës për vendin e prokurorit të përgjithshëm të përkohshëm, Arta Marku do të deklaronte në Komisionin e Ligjeve se Prokuroria është në kaos dhe se ajo është e aftë për t’i rikthyer normalitetin.

“E shoh Prokurorinë në kaos dhe kam aftësinë të kthej normalitetin.

Prokurorët janë të hutuar, të demotivuar, pasi emërimet nuk kanë lidhje me meritat.

Në sistem ka prokuror me integritet e moral, që mund t’i japin sistemit shumë. Do bëj të zbatohen drejt ligjet.

Do inkurajoj çdo prokuror që të trajtojë e zgjidh çdo çështje.

Do garantoj mbështetjen time në hetimin e çështjeve.

Do bëj të mundur ndryshimin e situatës aktuale që ka të bëjë me ruajtjen e sekretit hetimor”, deklaronte Marku gjatë prezantimit të kandidaturës.

Ish-ministri Saimir Tahiri nuk po hetohet nga prokuroria e Katanias. Lajmi bëhet i ditur nga mediat italiane. Sipas tyre hetimet janë mbyllur dhe në dosje janë 15 persona.

Mes personave që do të hetohen janë: Moisi Habilaj, Maridian Sulaj dhe Fatmir Minaj, të cilët dyshohen se kanë bashkëpunuar me shtetasit italianë Antonino Riela, Vincenzo Spampinato dhe Angelo Busacca për blerjen e lëndëve narkotike që vinin nga Shqipëria drejt Italisë.

Të implikuar janë edhe Florian Habilaj, (vëlla i Moisiut), Sabaudian Celaj, Seiti Nezar, Armando Sulaj, vëllezërit Giuseppe dhe Antonio Greco, Gianluca Passavanti, Rosario Giuliano, Massimiliano Brundo, William Patane, Enrico Giaquinta, Carmelo Bertolini si dhe Fabio Spampinato.

Qeveria shqiptare dorëzoi në Kuvendin e Shqipërisë një propozim për ndryshime në ligjin për turizmin, duke argumentuar faljen e shumëfishtë të taksave për “resortet turistike me status special” me argumentin se ky është modeli turk, malazez dhe maqedonas dhe, sipas relacionit, kjo do të sjellë investime, rritje të numrit të turistëve dhe rritje të punësimit. Në një rast, relacioni, i publikuar në faqen e internetit të Kuvendit, pranon haptazi se modeli i marrë nga këto vende përbën “diskriminim” të hoteleve me më pak se tre yje, të cilat në Shqipëri, ashtu si edhe në të gjithë botën, janë në pronësi të bizneseve familjare.

Pak javë më parë, qeveria ndryshoi disa ligje njëherësh duke dhënë mes kritikave për favoritizëm, falje të taksës së pronës, falje të tatimit mbi fitimin dhe falje të taksës për ndikimin në infrastrukturë të “hoteleve me 4 dhe 5 yje me status special” si dhe uljen e TVSH-së për të gjitha shërbimet në hotelet me 5 yje në masën 6 për qind, ndërkohë që në hotelet dhe restorantet e tjera të vendit paguhet TVSH në masën 20 për qind për të gjitha shërbimet me përjashtim të shërbimit të akomodimit. Ndryshimet u kritikuan si klientelizëm në një shkallë të paimagjinueshme, për shkak se nga kjo falje taksash nuk përfiton një sektor i ekonomisë, por vetëm një numër i vogël biznesmenësh që numërohen me gishtat e njërës dorë. Kjo lloj politike e ka bërë Shqipërinë një vend me dy standarde ligjore, një për një grusht të vogël të favorizuarish nga qeveria dhe një palë ligjesh të tjera për pjesën tjetër të popullsisë.

Qeveria në relacionin e saj nuk tregon të ketë kryer ndonjë studim të mirëfilltë mbi kostot dhe përfitimet e kësaj politike, por shprehet në terma përgjithësisht propagandistikë dhe jo sasiorë. Sipas qeverisë, heqja e taksave për disa biznese do të sjellë “rritjen e turistëve dhe të punësuarve”, pa dhënë ndonjë shifër konkrete, fjala vjen, sa është numri i turistëve të pritshëm në këto “resorte”, sa pritet të jetë numri i të punësuarve dhe me çfarë kushtesh do të punësohen këta njerëz. Nuk ka as ndonjë përpjekje për të shpjeguar se çfarë efektesh negative mund të kenë masa të tilla për pjesën tjetër të sektorit të turizmit.

“Përse të mos i akordohen disa lehtësi dikujt që do të kontribuojë shumë jo vetëm për rritjen e punësimit në një sektor jetik si turizmi, por mbi të gjitha do të përmirësojë imazhin dhe prestigjin e vendit?”, pyet në mënyrë retorike qeveria në relacionin e vet.

Në argumentet e qeverisë përmendet me shumicë “modeli turk”, i përbërë nga lehtësi fiskale të shumta për investime të caktuara si dhe dhënia e tokave publike falas. Qeveria harron të thotë se Turqia nuk është një vend demokratik, ka një histori ekonomike të dominuar nga interesat thuajse-feudale dhe kontrollin e procesit ligjvënës nga të pasurit në kurriz të pjesës dërrmuese të popullsisë. Gjithashtu, jepet edhe shembulli i Malit të Zi, vend ku, sipas relacionit të qeverisë, investimet e turizmit të luksit përfitojnë falje të taksave vendore e të tjera.

Shembulli më goditës duket se është marrë nga Maqedonia.

Në Maqedoni,-thotë qeveria shqiptare,- investitorët kanë mundësi të marrin tokë falas për investime në “zonat turistike”, por nuk shpjegon se çfarë zonash turistike ka në vendin tonë fqinj, i cili nuk ka dalje në det.

Biznesmenë shqiptarë me “Franchising”

Në relacion, qeveria pranon se përfituesit nga këto ligje nuk do të jenë vetëm “grupet hoteliere ndërkombëtare”, gjithmonë në rast se këto të fundit do të shprehin interes për të investuar në Shqipëri, por edhe investitorë të tjerë “të huaj ose vendas”, të cilët do të posedojnë “kontrata menaxhimi” apo “kontrata franchising”.

“Është e rëndësishme që të theksojmë se investime kaq të rëndësishme në struktura hoteliere me 4 apo 5 yje realizohen kryesisht në dy forma,”-shpjegon qeveria. Në formën e parë, investimi për ngritjen e strukturës akomoduese kryhet nga grupi hotelier i mirënjohur botërisht ose; “grupi hotelier i mirënjohur i huaj bashkëpunon me një investitor të caktuar, vendas apo të huaj, (nëpërmjet kontratave të qirasë, të tipit “management contract” apo “franchising” apo të ngjashme)”.

Ky shembull i dytë i dhënë nga qeveria do të thotë se një biznesmen “vendas apo i huaj” thjeshtë paguan një rrjet ndërkombëtar hotelerie për t’i përdorur markën dhe rrjedhimisht kjo pagesë i mundëson përfitimin e lehtësive të pafundme fiskale në Shqipëri. Kontrata të tilla të njohura si Franchising, ofrohen nga shumica e rrjeteve të hotelerisë, të tilla si Hilton apo Sheraton etj. Tarifa fillestare e përdorimit të emrit kushton vetëm 100 mijë euro ndërsa operimi i një hoteli nën një emër të tillë zakonisht kushton 8-13 për qind të të ardhurave bruto të hotelit.

Qeveria pranon haptazi kur flet për “shembullin malazez” se kjo politikë përbën “diskriminim” të hoteleve me më pak se 4 yje.

“Mali i Zi vendosi një taksë progresive me taksimin më të lartë për hotelet me 3 yje në zonat rezidenciale, duke i penalizuar ato në mënyrë që të favorizohen hotelet luksoze”,-thuhet në relacion.

Qeveria nuk shpjegon se mbi çfarë strategjie dhe mbi çfarë studimi apo konsultimi ka vendosur të ndjekë “modelin turk” të turizmit në vend të, fjala vjen, modelit italian, spanjoll apo grek, ku qeveritë mbështesin në veçanti bizneset familjare, të cilat sigurojnë mirëqenie shumë më të lartë për popullsinë vendëse se sa bizneset e mëdha.

Aktualisht bizneset në sektorin e turizmit vuajnë pasigurinë e titujve të pronësisë, mungesën e lejeve të ndërtimit apo të titujve të pronësisë të përfituar nga legalizimi si dhe mungesën e shërbimeve publike bazë, përfshirë furnizimin me ujë, kanalizime apo me shërbim të transportit publik. Të gjitha këto biznese i nënshtrohen taksave aktualisht, përfshirë taksën për ndikimin në infrastrukturë, e cila synon pikërisht mbulimin e kostove të shërbimit të infrastrukturës bazë si ujë, rrugë e kanalizime. Përkundrejt kësaj, “investimet strategjike”, të mbështetura nga qeveria do të përfitojnë këto shërbime pa paguar as edhe taksën e ndikimit në infrastrukturë.

BIRN zbuloi në nëntor se qeveria shqiptare ka shënjuar disa njolla në hartë përgjatë të gjithë bregdetit të jugut ku ka në plan të kryejë të ashtuquajturat “investime strategjike”, duke i dhënë bizneseve të ndryshme avantazhe të shumëfishta në krahasim me banorët vendas.

Dje në Reporter.al

Opozita e bashkuar nesër në orën 9 e 30 mban një protestë kundër qeverisë “Rama 2”.

Ish- kryeministri Sali Berisha fton gjithë qytetarët që të bëhen pjesë me qëllim rrëzimin e atij që e quan narko- shtet.

“Shqiperia neser ne ora 09:30 ne proteste para Parlamentit kunder:

-Norieges narko-prokuror i pergjithshem,

-Mbylljes se mega dosjeve

-Xibrakes per Olsi dhe Edi Rames,

-Saimir Trafikut,

-Mimi Trafikut

-Ilir Beqes dhe ndrikull Nushit

-Famozit Zho Zho

-Gjiknurit, narko-ministrave dhe narko-drejtoreve te narko-shtetit!”, shkruan Berisha.

Ka mbaruar mbledhja e kreut të PD-së Lulzim Basha me kryetarët e degëve të Partisë Demokratike në rrethe.

Mësohet se kryedemokrati iu ka kërkuar angazhimin për protestën e së hënës. Protesta e Partisë Demokratike kundër zgjedhjet së Kryeprokurorit do të mbahet ditën e hënë në orën 9:30, raporton “News 24”.

 

Mbledhja me krerët nuk është një mbledhje e momentit të fundit por e planifikuar, raporton “News 24”. Po ashtu mësohet se kreu i PD-së Basha ka zhvilluar një takim mbrëmjen e djeshme me personat e ngushtë në Partinë Demokratike.

 

Seanca për Kryeprokurorin/ Zbulohet skenari i PD-së e LSI, ja çfarë do ndodhë të hënën

Zbulohet levizja e radhes e Partise Demokratike diten qe Kuvendi i Shqiperise ka percaktuar ne axhenden e punimeve dhe zgjedhjen e Kryeprokurorit te ri te vendit, qe do te pasoje ne detyre, Adriatik Llallen. Levizje qe i bashkohet edhe LSI-ja.

Para mbledhjes urgjente qe PD-ja do të mbaje sot në orën 18:00 me grupin parlamentar, mesohet se kryedemokrakti Basha do te mbledhe kryetaret e degeve, nje ore me pare, per t’u komunikuar vendimin e rendesishem qe lidhet pikerisht me diten e hene dhe seancen per kryeprokurorin.

Burime per “Panorama” bejne me dije se para seances, rreth ores 09:30, PD-ja organzion nje proteste masive para Kuvendit te Shqiperise, ne te cilen ka ftuar jo vetem anetaresine dhe mbeshtetesit, por edhe gjithe shqiptaret qe duan nje kryeprokuror sipas ligjit e Kushtetutes.

Po sot, LSI ben me dije se “Neser ne oren 11.00 LSI mbledh Komitetin Drejtues Kombetar per organizimin e proteses se dites se hene”.

Mesazhi i Spahos 

“Panorama” zbulon mesazhin që kreu i grupit Edmond Spaho u ka dërguar deputetëve duke ju kërkuar të mos mungojnë nesër në mbledhje.

“Neser ne ora 18.00 zhvillohet mbledhja e grupit parlamentar. Asnje nuk duhet te mungoje”, shkruhet në mesazhin e dërguar nga Spaho.

Kjo mbledhje vjen pas përzgjedhjes së tre kandidaturave për prokuror të përkohshëm nga Partia Socialiste e cila ka vendosur që të zgjedhe ditën e hënë njërin nga këta kandidatë për këtë post të rëndësishëm. Edhe më ,herët opozita e ka quajtur si antikushtetues vendimin për zgjedhjen e një prokurori të tillë.

Kryetari i Partisë Demokratike i cili ndodhet ne Londër, ka zhvilluar takime te shumta me komunitetin shqiptar atje.

Një pikat e nxehta të bisedave ka qene aktualiteti ne Shqipëri, çështje e kryeprokurorit , krimi i organizuar, ndërkohë që pyetje ka patur dhe për vetë Partine Demokratike.

Kreu i PD –së Basha në fjalën e tij i ka premtuar komunitetin shqiptarë atje se nuk do ta lejojë Ramën që ta kthejë Shqipërinë në të njëjtën gjendje, ku një njeri i vetëm kontrollon me dorë të hekurt Parlamentin, Qeverinë dhe Drejtësinë.

“Ky është fundi i reformës në drejtësi dhe ky është hapi vendimtar i rrëshkitjes së vendit në diktaturë. Nëse në datë 18 dhjetor Edi Rama zgjedh me votat e tij kryeprokurorin, ky është fundi i shtetit ligjor, fundi i demokracisë dhe opozitës i lind detyra të japë përgjigjen e merituar”- tha Basha. Kreu i opozitës tha se e vetmja rrugë për një drejtësi të reformuar kalon përmes zbatimit të Kushtetutës siç u miratua në 22 Korrik 2016. I pyetur për situatën e kriminalitetit, lidhjet e qeverisë me krimin dhe alternativën e Partisë Demokratike, Basha tha se duke mbrojtur dhe promovuar kriminelët, Edi Rama e ka futur Shqipërinë në listën e zezë. Lulzim Basha tha se Partia Demokratike e ka treguar me prova, si në rastin e heqjes së vizave, se ka vullnet për ta luftuar krimin.

“Krimin do ta shtypim dhe Shqipërinë do ta bëjmë anëtare të Bashkimit Europian dhe shqiptarët nuk do të shkojnë më si refugjatë, por do të shkojnë të punojnë siç punojnë polakët, bullgarët, rumunët, me kokën lart me pasaportë shqiptare dhe të kenë të njëjtat të drejta si çdo qytetar europian. Ky është qëllimi im. Ky është objektivi qe i kam vënë vetes.” –tha Kryetari Basha. Me demokratët e Londrës kreu i opozitës diskutoi për demokratizimin e mëtejshëm të PD-së, në mënyrë që të tërheqë pranë vetes intelektualët dhe këdo që beson tek vlerat.

“Një prej këtyre vlerave është demokracia-tha Basha. Në Degën e PD-së Londër zbatohet parimi një anëtar një votë. Këtë formë duhet ta kemi në të gjithë PD-në”. Basha përfshiu këtu edhe zgjedhjen e deputetëve demokratë. “Pavarësisht rrethanave të zgjedhjeve të këtij viti, e kam thënë që deputetët e ardhshëm të Partisë Demokratike do të vijnë sipas parimit një anëtar një votë”- Basha. Kreu i opozitës u shpreh se “do të bëjë përpjekje që ky parim të bëhet realitet që në zgjedhjet bashkiake, për ta testuar në 2-3 qytete të mëdha dhe për ta shtrirë pastaj në të gjithë vendin”.

Basha tha se Partia Demorkatike është e vetmja forcë që mund të sjellë një ndryshim pozitiv për vendin dhe qytetarët, prandaj edhe beteja kryesore e saj është ajo për zgjedhje të lira e të ndershme. Gjatë qëndrimit në Londër, kryetari Basha u takua me parlamentarë dhe zyrtarë të lartë te Qeverisë Britanike dhe Foreign Office. Lulzim Basha ndodhet ne Londër me ftesë të Partisë Konservatore Britanike të Kryeministres Theresa May. Ai mori pjesë ne konferencën mbi “Sfidat në Ballkanin Perëndimor”. Konferenca e ardhshme e rrjetit të partive të qendrës së djathtë të Ballkanit Perëndimor dhe konservatorëve britanikë do të mbahet në Tiranë në Mars 2018.

Kryetari i Gjykatës së Lartë të Shqipërisë, Xhezair Zaganjori, fajësoi sot institucionet shtetërore dhe qarqet politike për ngarkesën e madhe të punës nëpër gjykata.
“Politika i ndryshon ligjet dhe njerëzit pas çdo rotacioni pushteti për qëllime elektorale dhe kjo mbingarkon gjykatat me dhjetëra mijëra procese, të cilat vonohen dhe gjykohen pa cilësi” – tha ai.
Zoti Zaganjori shtoi se mijëra nëpunës hiqen nga puna pa asnjë motiv dhe ata dynden nëpër gjykata, po ashtu pronarët, ushtarakët dhe pensionistët.

Ministri i Brendshëm i Francës Gerard Collomb deklaroi në konferencën për shtyp me kryeministrin Rama se 20 për qind e azilkërkuesve aktualë në Francë janë nga Shqipëria.

Rama deklaroi se kjo është një sfidë dhe qeveria është e qartë se nuk mund të tejkalohet duke ndenjur që ta sistemojnë vendet që presin azilkërkim.

“Natyrisht që e prekëm sic e thashë pak, temën e migracionit të paligjshëm dhe azilkërkimit, ku së bashku kemi punuar dhe do të vijojmë të punojmë… ne nga ana jonë jo vetëm me masat e marra, por edhe për të vazhduar që t’ja bëjmë të qartë të gjithë qytetarëve se rruga e azilkërkimit jo vetëm që përbën në vetvete një rrugë të paligjshme, por nga ana tjetër edhe një rrugë pa krye, pasi siç dëshmojnë vetë ata të cilët në fund të kësaj rruge, janë detyruar të rikthehen, përkthehet në kostot individuale e familjare, por edhe të natyrës financiare. Procesi i frenimit do të vazhdojë deri në fund, qytetarët shqiptarë janë të gjithë mirëkuptues dhe të qartë lidhur me faktin se kjo është pjesë e rëndësishme esfidës sonë të përpjekjes për çeljen e negociatave për anëtarësim… por këtë orë duhet ta përshpejtojmë ne, me reformat tona me rezultatet tona dhe nuk mund të presim që të na e përshpejtojnë të tjerët.”-tha Rama

Shifra të frikshme ato te numrit te personave qe humbasin jeten te vrare dhe ekzekutuar çdo vit në vendin tone. Viti 2017 shënon numrin më të ulët të vrasjeve të ndodhura në Shqipëri që nga viti 1990.

Që nga 1 janari deri sot, në të gjithë vendin janë vrarë 47 persona me armë zjarri dhe të ftohta në ngjarje që kanë ndodhur në të gjithë territorin e vendit.

Kjo është shifra më e ulët e regjistruar ndonjëherë në këto 27 vjet. Madje, ky vit ka më pak vrasje edhe se nga viti 2015 që mendohej si rekord i paarritshëm me 54 vrasje.

Ndërkohë që numri më i madh i vrasjeve është shënuar në vitin 1997 me 1542 të vrarë dhe 1998 me 573 të vrarë.

Viti 2017 është i gjashti në këto 27 vjet që shifra e të vrarëve është më poshtë se 100. Këto dhe shifrat e tjera vit pas viti u bënë publikë mbrëmë nga gazetari Roland Qafoku gjatë emisionit “Debati në Channel One” në të cilin ishin ftuar drejtori i Drejtorisë së Krimeve të Hapura Josif Shtëmbari, dy ish-drejtorët e Policisë së Shtetit Veli Myftari dhe Fadil Cana dhe gazetarët Apollon Baçe dhe Artan Cena.

Sipas Shtëmbarit, mes këtyre 47 vrasjeve, vendin e parë për arsyet dhe motivin e mban vrasje për shkak të konfliktit të pronësisë me 20 për qind.

Më pas vijnë vrasjet e rënda ose siç njihen vrasjet mafioze ku mes tyre vlerësohet si më e rënda vrasja e komisar Artan Cukut dhe e Aleksandër Ndokës dhe në vend të tretë krimi brenda familjes. Shtëmbari tha se zbulueshmëria e krimit gjatë këtij viti ka qenë 82.2 për qind.

Gazetari Roland Qafoku publikoi shifrat e vrasjeve vit pas viti që nga viti 1990 deri në 2017.

VRASJET QË KANË NDODHUR NË 27 VJET NË SHQIPËRI

VITI 1990/ 129 të vrarë

VITI 1991/ 205 të vrarë

VITI 1992/ 251 të vrarë

VITI 1993/ 268 të vrarë

VITI 1994/265 të vrarë

VITI 1995/ 210 të vrarë

VITI 1996/ 248 të vrarë

VITI 1997/ 1542 të vrarë

VITI 1998/ 573 të vrarë

VITI 1999/ 496 të vrarë

VITI 2000/ 275 të vrarë

VITI 2001/ 208 të vrarë

VITI 2002/ 179 të vrarë

VITI 2003/ 144 të vrarë

VITI 2004/ 119 të vrarë

VITI 2005/ 131 të vrarë

VITI 2006/ 87 të vrarë

VITI 2007/ 103 të vrarë

VITI 2008/ 88 të vrarë

VITI 2009/ 82 të vrarë

VITI 2010/ 118 të vrarë

VITI 2011/ 124 të vrarë

VITI 2012/ 126 të vrarë

VITI 2013/ 107 të vrarë

VITI 2014/ 98 të vrarë

VITI 2015/ 54 të vrarë

VITI 2016/ 71 të vrarë

VITI 2017/ 47 të vrarë

Kryetari i Grupit Parlamentar të LSI-së, Petrit Vasili, ka komentuar rreth akuzave për  dhënien me qira të 100 hektarëve tokë për Klement Balilin, të dhëna sipas deputetëve socialistë nga ministria e Bujqësisë e drejtuar asokohe nga Edmond Panariti. Vasili tha se këto 100 hektarët i ka firmosur Edi Rama. Këtë deklaratë Vasili e bëri në studion e “Report Tv” ku shtoi më tej se kjo është një çështje mes PS-së dhe Edi Ramës.

Vasili tha në Report Tv se përgjigje duhet të japë kryeministri i cili ka firmosur kontratat me vendim qeverie për t’i dhënë familjarëve të Balilit tokat në Delvinë.

“Është një çështje e ngritur nga PS, për të krijuar një fokus të ri, në betejë artificiale të re dhe akuza të reja. Kontrata e qirasë nuk është e ministrisë së Bujqësisë, por vendim i Qeverisë, i firmosur nga Rama dhe me zbatues Ministrinë e Bujqësisë. Autoritetin për të marrë një vendim të tillë e ka qeveria shqiptare. Mendoj se janë dhjetëra kontrata qiraje për toka të cilat nuk janë shfrytëzuar për t’u zhvilluar.

Ka një ligj antimafia që mund të sekuestrojë të gjitha pronat. Qeveria nuk mund të zhbëjë vendimet që ka marrë vetë. Kjo është një çështje mes PS dhe Edi Ramës. Ka një komendi që e zhvillon një deputet i vogël i PS që aspiron të kishte një vend në ministri…këto janë komedi të PS-së në qeveri.

Një pronë u tha sot se ia ka dhënë Lulzim Basha, një tjetër Edi Rama, tani doni me patjetër të përfshini edhe LSI-në? Le të përgjigjet Edi Rama për këtë”, tha Vasili.

Nuk janë përgjimet e anëtarëve të grupit të Moisi Habilajt, por dëshmitë e ish-oficerëve të policisë që implikuan prej vitesh ish-ministrin e Brendshëm.

Dëshmia kyçe pritet në ditët në vijim. Është një oficer italian që do të tregojë lidhjet e bandës së shqiptarëve me politikën dhe trafikun ndërkombëtar të drogës

Tashmë, historia e përgjimeve që kanë implikuar ish-ministrin e Brendshëm në trafikun ndërkombëtar të drogës ka kulmuar me bllokimin e pasaportës së tij dhe të kartës së identitetit. Madje, tashmë janë të lajmëruara edhe të gjitha pikat kufitare ku iu bëhet me dije se shtetasi Saimir Tahiri, edhe pse me imunitet është i ndaluar të dalë jashtë vendi. Ndonëse për tu larguar nga Shqipëria dhe për të hyrë njëherësh, nuk është ndonjë vështirësie e madhe, jo vetëm nga kufiri tokësor po madje edhe nëpër pika kufitare, pasi prej më shumë se dy dekadash ka rezultuar se policia jonë kudo është lehtësisht e korruptueshme. Tahiri, edhe kur u largua pak kohë më parë në drejtim të Gjermanisë, iu tha miqve të vet se ai s`kishte pse të arratisej, pasi ai është i pastër dhe do ta fitojë betejën me drejtësinë. Në fakt, Tahiri, për emrin dhe bëmat e të cilit kanë nisur hetimet në disa procedime penale njëherësh, që nga Katania e deri në Shqipëri, për aq sa mund të hetohet në vendin tonë, ka dalë në një sërë përgjimesh të prokurorëve të anti-mafies.

Dëshmitë që fundosën Tahirin

Ndaj tij ka dëshmi tronditëse të mënyrës se si instaloi mekanizmin e vënies në shërbim të kultivimit të kanabisit gjithë drejtuesit e lartë të policisë nëpër qarqet kryesore të vendit, për të mos thënë në të gjithë territorin e Republikës së Shqipërisë. Nuk janë vetëm përgjimet e Katanias, as dëshmitë e disa ish-oficerëve të policisë, të përndjekur nga policia dhe të braktisur nga Prokuroria që kanë dhënë dëshmi, por së shpejti kundër tij dhe gjithë aparatit drejtues të Policisë së Shtetit shqiptar do të dëshmojnë edhe eksponentë të lartë të Policisë Italiane.

Po ashtu, Tahiri, përveç gjurmëve të tij të shumta që ka lënë prej katër vitesh nëpër vendet ku edhe është tregtuar droga e kultivuar dhe trafikuar nga Policia e Shtetit, ai do të përgjigjet edhe për lidhjet e tij në Polici që janë pjesë e dosjes voluminoze prej më shumë se 10 mijë faqesh në Katania. Po ashtu nën statusin e penduar tashmë gjendet edhe një oficere karriere, e cila është mikeshë e kushëririt të Tahirit, kapos së grupit që ka mundur të hyjë në vendin e mafies italiane për të bërë trafik droge, një vend që në fakt prej më shumë se 70 vitesh nuk hyn as policia dhe italiane italiane. Dosja e bujshme që po plotësohet çdo ditë me emra dhe të dhëna të reja nga skuadra e prokurorëve në Katania, mësohet se ka të listuar me dhjetëra shefa të mëdhenj policie, që kanë qenë në dispozicion të trafikut të drogës.

Hetimet

Vendimi i gjykatës në të cilin u detyrua që ish-ministri i Brendshëm të dorëzojë mjetet e identifikimit. Sipas të dhënave bëhet me dije se deputetit pritet që këto dy ditë të mbërrijë në prokurori ku do të pyetet në lidhje me të dhënat e reja që kanë dalë nga verifikimi i procedimeve të shumta që iu kanë hapur por që iu kanë bashkuar në një të vetme; atë të “dosjes Habilaj”! Po ashtu, mësohet se prokuroria ka edhe fakte të reja që janë nxjerrë nga telefonat e të arrestuarit Orest Sota, djali i biznesmenit i cili u tha se transportonte nga Vlora para dhe patentat personale të Tahirit dhe të bashkëshortes së tij. Ndonëse arrestimi i Sotës u bë publik pas tri ditësh, çka iu dha mundësi të hartonin edhe “të vërtetën” e atij arrestimi, mësohet se tre aparatet telefonik të të riut kanë nxjerrë një sërë bisedash kompromentuese të tij me gruan e ish-ministrit. Edhe pse prokuroria refuzon të jap detaje konkrete për aktet që kanë dalë nga ekspertimet shkencore, bëhet me dije se një prej akteve më të rënda në të cilat është implikuar ish-ministri tashmë lidhen edhe çështjen Sota. Prokuroria është e bindur se valuta që u gjend në mjetin e tij është e Saimir Tahirit dhe se ende nuk është gjetur saktë vendi ku janë marrë paratë nga ana e Prokurorisë dhe e Policisë./shekulli

Rreth 80 bomba të Luftës së Dytë Botërore janë nxjerrë nga lumi i Bënçës në rrethinat e burgut të Bënçës ditën e sotme. Referuar burimeve zyrtare, gazetarja Brikena Metaj konfirmon lajmin për “BalkanWeb”. Mësohet se ditën e nesërme pritet të bëhet edhe asgjësimi i tyre nga forcat xheniere.

Dalin në dritë të tjera përgjime që rëndojnë pozitën e ish-Ministrit të Brendshëm Saimir Tahiri.
Bisedat e përgjuara janë pjesë e dosjes së dytë prej afro 2 mijë faqesh të mbërritur nga Guardia di Finanza në kuadër të hetimit që prokuroria ka çelur ndaj ish-ministrit.

Nga dokumenti rezulton se Tahiri, përmendet në tre përgjime, nga Moisi Habilaj dhe bashkëpunëtorët e tij në trafik, të cilët flasin hapur për dhuratat që ish-ministri ka pranuar prej tyre.

 

Këtyre provave të reja, iu referohet gjykata për Krime të Rënda, e cila vendosi të caktojë edhe masën shtrënguese për ish-ministrin e Brendshëm.

 

Gjykatësja Liljana Baku vendosi t’i bllokojë pasaportën të dyshuarit Tahiri, duke i kufizuar lëvizjen jashtë vendit, pas dyshimeve se mund të arratisej, nisur nga fakti që ai udhëtoi jashtë vendit, pak javë më parë.

Referuar dosjes konkretisht emri i ish-ministrit të Brendshëm përmendet në përgjimet e datës 10.10.2014 si dhe në dy përgjime të datës 13.01.2014.

Në orën 22:34 minuta, të datës 13 janar 2014, brenda automjetit tip “Mercedes Compressor” me targë IHP 26 90 në përdorim nga shtetasi Moisi Habilaj, është përgjuar biseda mes Enea Sulajt dhe një burrë shqiptar, identiteti i të cilit nuk bëhet i ditur. Makina thuhet në dosje, ishte në lëvizje.

Enea i shpjegon bashkëfolësit se bashkë me Moisi Habilajt, shkuan në një dyqan në Catania, menaxherin e të cilit ja kishte prezantuar Antonio Riela dhe më poshtë flitet sa Tahirit i kishte pëlqyer kostumi.

Enea Sulaj: Kur shkova atje më thoshte pronari, sepse kishte folur me Saimirin, që i kishte kështu…kostumin. Më tha zgjedhjet, por unë e kuptova sikur po thoshte leksionet.

Ndërsa ata me zgjedhje quajnë votimet. Dhe ai më tha, po zgjedhjet mirë? Dhe unë i thashë …po çfarë të tha që shkojmë në shkollë. Çfarë i the? Dhe ai më thoshte, po jo, jo, flet meqenëse ka folur me Saimirin dhe po pyet për zgjedhjet. Dhe unë i thashë, kam një lëmsh. I kanë vjedhur të gjithë votat.

Kështu fillova të flisja për politikë më atë…dhe Moisiu me thoshte, lërë këtë muhabet, sepse sikur të vijë ai, sepse e ka mbajtur numrin (aludon për faktin se Saimiri e ka ruajtur numrin e pronarit të dyqanit). Sikur të vijë për të blerë, sepse i kishte pëlqyer (kostumi).

Më tej, Enea i rrëfen bashkëbiseduesit për dhuratën që Moisi Habilaj, i kishte bërë bashkëshortes së Tahirit.

Enea: E more vesh çfarë i ka blerë bashkëshortes së atij? Një gjerdan që kushton 15 mijë euro.

Burri: Po çfarë po thu?

Enea: Tani për tani që u nis…përveç parave….

Burri: Kostumit dhe….

Enes: Jo, jo

Burri: Nuk jep asgjë për bashkëshorten

Enea: Përveç Sokolit që i mori paratë për punën, Saimiri nuk donte para.. Është e qartë…(fjalë të pakuptueshme) dhe i dha gjerdanin me diamante.

Përgjime mjedisore brenda automjetit tip BMV 320 me targë BZ 140 JR, në përdorim nga shtetasi Maridian Sulaj. Biseda është përgjuar në orën 06:46, datë 10.10.2014, ndërsa automjeti ishte në lëvizje.
Maridian Sulaj komenton me Avdul Sulajn dhe Klajdi Sulajn, i thirrur Mili, si edhe me një burrë shqiptar, për targat aktuale shqiptare.

Maridian: Presidenti e ka 01, kryeministri e ka 02…..03, pra është “Audi” që ka Artani…që e kishte ai…kushëriri ynë…vetëm ata e kanë.

Avdyli: E mirë janë targa të veçanta

Maridian: A targa të veçanta… (fjalë të pakuptueshme) 03 e ka Artani që ia ka dhënë ai…

Burri: Cili Artan?

Maridian: Ishte i kushëririt tonë, ai, kryeministri vëlla… si quhet? Çfarë është tani ai.

Maridian: Po ai është ministër i Brendshëm.

Avdul: Targat e qeverisë, u hiqen makinave të qeverisë kur shiten.

Maridian: Po ai ia ka dhënë Artanit me gjitha dokumentet, ta marrë dreqi! Çfarë thotë ky, shiten. Ua heqin, është e tij personale o vëlla.

Për “Audi”-n që Tahiri u shiti Habilajve, flitet edhe në një tjetër bisedë të përgjuar mes Enea Sulajt dhe burrit të paidentifikuar.

Burri e pyet Enean, nëse Moisiu, ka ndërmend të shesë “Audi”-n.

Enea i përgjigjet me pyetje: “Audi”-n? Jo, të nuk e shet… në fillim do të bëjë detyrën Saimiri dhe pastaj ….Saimiri ja ndryshon “S”… merr ndonjë tjetër për të marrë.

Enea vijon më tej, duke u shprehur se makina është e shtetit. Në vendim theksohet se bëhet fjalë për “Audi”-n A8 që Tahiri ua shiti Habilajve, por përgjatë muajve në vijim, ai udhëtoi me të në disa raste jashtë vendit.

Këto dhe dhjetëra përgjime të tjera, janë pjesë e dosjes voluminoze ndaj ish-ministrit, i cili dyshohet për akuzën e trafikut të narkotikëve në kuadër të grupit të strukturuar kriminal.

Sipas ligjit, brenda pesë ditëve nga marrja e vendimit, Gjykata për Krime të Rënda, duhet të marrë në pyetje Saimir Tahirin. bw