Partia Socialiste ka dalë me të parin reagim zyrtar fill pas denoncimit të PD-së, për audion ku shfaqej në përgjim vëllai i ministrit Xhafaj me trafikantin e penduar.

Në një deklaratë për mediat, kreu i Grupit Parlamentar të PS-së, Taulant Balla ka theksuar se së pari duhet provuar nëse audio është një material autentik dhe PD duhet ta dorëzojë materialin e pretenduar direkt në Prokurori e kjo e fundit duhet të nisë urgjent hetimet.

“A është audio autentik dhe nëse do të ishte e vërtete atëherë kemi të bëjmë me një provë që implikon penalisht vëllanë e ministrit dhe moralisht këtë të fundit, por a është autentik, apo inskenim i radhës në përpjekje të vazhdueshme të Saliut dhe Lulit për të baltosur këdo që u del përpara në orvatjen e tyre për të penguar me cdo kusht çeljen e negociatave me BE dhe për të luftuar edhe drejtësinë e re prej të cilës kanë të drejtë të jenë shumë të tmerruar, kësaj pyetje i jep përgjigje vetëm prokuroria dhe askush tjetër, prej momentit kur ajo fillon hetimin”- tha Balla.

Sipas tij, “Në zbatim të ligjit disponuesit e këtij materiali, as të provuar e as si autentik duhet të depozitojnë materialin në Prokurori. Prej këtij momenti po ashtu nuk duhet tja lërë këtë cështje vullnetit të akuzatorëve të nisë hetimet kryesisht se jo vetëm ne por cdo shqiptar i zakonshëm në këtë vend duhet të dijë të vërtetën, për ne nuk është askush mbi ligjin dhe askush nuk e bën dot përvec organeve të drejtësisë. Presim me padurim të mësojmë të vërtetën me bindjen se ose duhet të ndëshkohet i akuzuari nëse është fajtorë, ose të ndëshkohen akuzuesit nëse janë regjisorë të kësaj shfaqjeje”.

TIRANË – Urdhri i Farmacistëve të Shqipërisë zhvilloi sot një tubim paqësor me kërkesat sipas tij për zgjidhjen përfundimtare të problemeve të sistemit farmaceutik në Shqipëri.

Farmacistë të mbledhur nga e gjithë Shqipëria të veshur me bluza të bardha marshuan përgjatë Bulevardit “Dëshmorët e Kombit” në Tiranë për zgjidhjen përfundimtare të çështjes së kontratës për barnat e rimbursueshme, listës së barnave të rimbursueshme dhe problemeve të tjera të sistemit farmaceutik.

Presidentja e Urdhrit të Farmacistëve të Shqipërisë, Diana Toma, pas takimit me përfaqësuesit e Fondit të Sigurimit të Detyrueshëm të Kujdesit Shëndetësor të Shqipërisë tha se gjatë takimit u hoq mundësia e penalitetit të farmacisë me ndërprerje të kontratës, nëse subjekti farmaceutik nuk ka arritur t’i dorëzojë dokumentet brenda afatit të parashikuar në kontratë.

“Jo të pakta janë problemet të cilat farmacitë kanë hasur gjatë aplikimit të recetës së rimbursueshme, qoftë me ndryshimin e kodit të barit, qoftë me njohjen e gjendjes së inventarit. Sot u la vendim që urdhri i farmacistëve do të paraqesë të tëra problemet e sistemit të IT-së të cilat vërehen në aplikimin e recetave të rimbursueshme”, tha Toma.

Ndërsa lidhur me koston e recetës elektronike, e cila i është hequr faturimit buxhetor të fondit dhe është shpërndarë në të gjitha subjekteve farmaceutike, Toma tha: “Kërkuam në takim që të bëhet një rimbursim në bazë të një vlere që mund të ketë receta, ndërsa sot kërkuam përgjigje për këtë dhe na shpjeguan se receta me printim do të shkojë drejt eliminimit. Shumë pak rajone kanë mbetur pa e aplikuar recetën elektronike. Pritet shumë shpejt që ajo të implementohet në këto rajone”.

Ndërsa lidhur me kërkesat nga Urdhri i Farmacistëve të Shqipërisë, drejtori i Fondit të Sigurimit të Detyrueshëm të Kujdesit Shëndetësor, Eduart Ahmeti dha një deklarate për mediat, ku u shpreh se palët arritën sot një marrëveshje lidhur me disa çështje kontraktuale, të cilat ishin kërkesa ndër vite të subjekteve farmaceutike.

“Sigurimi i barnave bëhet me qëllim që ato të jenë të sigurta për pacientët. Gjetëm dakordësi dhe mirëkuptim nga farmacistët. E rëndësishme është që palët të sqarohen dhe të kuptojnë qartë, të drejtat dhe detyrimet reciproke që rrjedhin nga kontrata. Ato nuk e kanë penguar procesin kontraktual, përkundrazi e kanë disiplinuar atë. Një pjesë të kërkesave të farmacistëve i kemi marrë parasysh”, tha Ahmeti.

Farmacitë në disa qytete të vendit sot kanë mbyllur shërbimin për qytetarët në formë proteste për kërkesat e tyre. aa

Ashtu si edhe kishte njoftuar per publikimin e fakteve tronditese, PD ka publikuar sot një audiomesazh përgjimi mes vëllait të ministrit të Brendshëm, Xhafajt dhe nje personi, i quajtur bashkepunetori X.

Ne audion e publikuar sot nga selia e PD-se, vellai i Xhafajt, Agroni, sipas deputetit demokrat, Ervin Salianji, eshte pergjuar teksa i pergjigjet ne telefon, me numrin e tij celular, me nje person tjeter, i cili i drejtohet atij per ndihme. I kerkon t’i siguroje ngarkesen me kanabis.

Biseda

Trafikanti – Erdha për të bërë atë rrugën
• Agron Xhafaj – trafikantit: Të jetë hera e fundit, se po na sulmojnë

Agron Xhafaj- trafikantit: Mos më bjer më në qafë se po më sulmojnë vëllain
• Agron Xhafaj-trafikantit: Më kanë nxjerrë emrin. Ata plehrat po na sulmojnë shumë.
• Agron Xhafaj-trafikantit: Ata në Itali janë zbërthyer komplet

Fjala e Alibeajt 

TRE FAKTET KUNDËR MINISTRIT TË BRENDSHËM FATMIR XHAFAJ

Ministri i Brendshëm Fatmir Xhafaj ka shfrytëzuar postin publik dhe pushtetin politik për t’i siguruar paprekshmëri nga ligji vëllait Agron Xhafaj, i dënuar në Itali për trafik ndërkombëtar droge me 7 vjet e 2 muaj burg.

Janë 3 fakte të rëndësishme sesi Fatmir Xhafaj, në detyrën e Ministrit të Brendshëm shkeli ligjin duke penguar cdo veprim për ekstradimin e të vëllait.

1. Agron Xhafaj nuk e vuan dënimin, nuk bën asnjë ditë burg, sepse Fatmir Xhafaj nuk përmbush përgjegjësitë ligjore të Ministrit të Brendshëm:

• Për të verifikuar dhe identifikuar identitetin e ri të Agron Xhafajt
• Për të njoftuar autoritetet italiane për vendndodhjen e tij në Shqipëri
• Për arrestimin dhe burgosjen e tij.

2. Fatmir Xhafaj nga pozicioni i tij si Kryetar i Komisionit të Ligjeve fallsifikoi dokumentet zyrtare për të pamundësuar me ligj ekstradimin e vëllait të tij Agron Xhafaj.

Fallsikimi pamundësoi edhe vuajtjen e dënimit në Shqipëri dhe Agron Xhafaj, i dënuar me vendim të formës së prerë me 7 vjet e dy muaj për trafik ndërkombëtar droge, nuk bën asnjë ditë burg.

3. Ministri i Brendshëm Fatmir Xhafaj nuk zbaton Ligjin Antimafia dhe pengon që ligji të veprojë ndaj tij dhe Agron Xhafajt. Aktiviteti kriminal i trafikut të drogës, që ka kryer vëllai i Ministrit të Brendshëm e bën, automatikisht, subjekt të ligjit vetë Ministrin e Brendshëm Fatmir Xhafaj.

Fjala e Salianjit 

II. AGRON XHAFAJ, VËLLAI I MINISTRIT TË BRENDSHËM VAZHDON TRAFIKUN E DROGËS

Me 7 Tetor 2010 Fatmir Xhafaj deklaroi se “e ka ndihmuar vëllanë t’i rikthehet jetës normale, pa asnjë rekord negativ përballë ligjit”.

Kjo është gënjeshtër.

Kjo është e pamundur përsa kohë Fatmir Xhafaj siguron nga posti i tij që Agron Xhafaj të mos bëjë asnjë ditë burg nga dënimi dhe të vazhdojë të jetojë me paratë e drogës, pasuri e cila nuk është sekuestruar sic kërkon ligji Antimafia.

Dje e pyetëm Ministrin e Brendshëm Fatmir Xhafaj:

A e vazhdon Agron Xhafaj aktivitetin kriminal të trafikut të drogës?

Kanë kaluar 24 orë dhe Fatmir Xhafaj nuk ka kthyer përgjigje.

Ne i dimë arsyet përse ai hesht. Arsyet janë se i vëllai i Ministrit të Brendshëm nuk bën një jetë normale, siç garanton Fatmir Xhafaj.

Ai është një nga bosët më të fuqishëm të trafikut të drogës në Shqipëri, që drejton dhe koordinon një grup kriminal me bazë në qytetin e Vlorës.

Partia Demokratike publikon sot një material audio që tregon se Agron Xhafaj e kryen aktivitetin kriminal të trafikimit të drogës edhe gjatë kohës që vëllai drejton Ministrinë e Brendshme.

Ndjekim materialin.
[PUBLIKOHET VIDEO]

Ta ndjekim edhe njëherë.

[RI-PUBLIKOHET VIDEO]

III. Qëndrim përmbyllës

Kjo që dëgjuam është e vërteta dhe realiteti.

Agron Xhafaj është bos i drogës në Shqipëri, por i pa prekshëm përsa kohë është vëllai i Ministrit të Brendshëm.

Fatmir Xhafaj është mbrojtja e Agron Xhafajt.

Fatmir Xhafaj i siguron vëllait trafikant droge mbështetjen e Policisë së Shtetit.

Ky është realiteti i qeverisjes së Edi Ramës:

Ministrat e tij të brendshëm mbështesin dhe lehtësojnë trafikun e drogës.

Pushteti i Edi Ramës e ka lidhur fatin e vet me atë të krimit të organizuar.
6

Ish-kryeprokurori Adriatik Llalla do të arrestohet shumë shpejt. Të paktën kështu shkruan gazeta “Koha Jonë”.
Sipas kësaj gazete është firmos fletë arresti për ish-prokurorin e Përgjithshëm, Adriatik Llalla.

Fillimisht dosja e tij shkoi në prokurorinë e Durrësit, e cila e shpalli për moskompetencë duke ia kaluar prokurorisë së krimeve të rënda.

Gjatë kohës që Donika Prela drejtoi prokurorinë e Durrësit kjo prokurori nisi dhe hetimet ndaj ish kryeprokurorit Llalla, dosje e cila tashmë është transferuar tek Krimet e Rënda, të cilat do të drejtohen po nga Donika Prela.

Me ardhjen në krye të prokurorisë së krimeve të rënda të Donika Prelës, po fillojnë fletë-arrestet.

“Mësohet se fletë arresti firmosur nga prokuroria e krimëve të rënda ishte bërë gati që dje, fill pas vendimit të gjykatës së krimeve të rënda nga ish-ministrit Tahiri. Por fletë arresti mbahet sekret dhe pritet dorëzimi i tij policisë së shtetit për ekzekutim, sapo gjykata e krimeve të rënda ta miratojnë. Burimet tregojnë se ish-prokurori i përgjithshëm nuk ndodhet në Shqipëri dhe po bëhet identifikimi i vendndodhjes së tij. I njëjti burim tha se javën e shkuar Adriatik Llalla ishte në Gjermani, por nuk është gjendur në vendin e deklaruar sot që po kërkohet nga shërbimet e specializuara”, shkruan gazeta “Koha Jonë”.

“Ministri i Brendshëm Fatmir Xhafaj është aryseja pse Agron Xhafaj i ka shpëtuar dënimit, pse Ligji Antimafia nuk vepron mbi Agron Xhafajn dhe atë vetë”.

Keshtu tha sot Gazmend Bardhi, teksa ka publikuar provat që sipas PD tregojnë se ministri i Brendshëm “nuk flet dot, sepse nëse flet i duhet të pranojë se e ka ndihmuar të vëllain që t’i shpëtojë drejtësisë”.

“1- Së pari, Fatmir Xhafaj nga pozicioni i Ministrit të Brendshëm ka shkelur ligjin për të ndihmuar vëllain e tij ti shpëtojë vuajtjes së dënimit duke penguar cdo veprim për ekstradimin e tij:
(i) për të verifikuar dhe identifikuar identitetin e ri të Agron Xhafajt;
(ii) për të njoftuar autoritetet italiane për vendndodhjen e tij në Shqipëri;
(iii) për arrestimin dhe burgosjen e tij.

Fatmir Xhafaj këtë e ka për detyrë ta bëjë për çdo qytetar shqiptar që ka një dënim të pa ekzekutuar.

Por për Agron Xhafajn, vëllain e tij, nuk është zbatuar.

Përkundrazi.

Policia e Shtetit nuk vepron. Policia e Shtetit është nën urdhrat dhe shërbimin e Familjes Xhafaj. Ajo është shndërruar nga Policia “Habilaj” në Policia “Xhafaj”.

2- Së dyti, Fatmir Xhafaj, nga pozicioni i tij si Kryetar i Komisionit të Ligjeve, falsifikoi dokumentet zyrtare, dhe trafikoi në mënyrë të paligjshme në Kodin e Procedurës Penale një dispozitë ligjore:
(i) Për të pamundësuar ekstradimin e vëllait të tij Agron Xhafaj të dënuar me vendim gjyqësor të formës së prerë nga Gjykata Italiane e Kasacionit,

dhe

(ii) Për të pamundësuar njohjen e vendimit nga drejtësia shqiptare në mënyrë që vëllai i tij Agron Xhafaj të mos bëj asnjë ditë burg as në Shqipëri nga dënimi i tij nga drejtësia italiane për trafik droge.

Fatmir Xhafa e bëri këtë në kundërshtim me Konventën Europiane të Ekstradimeve, fakt të cilin e pohoi edhe Ministri Italian i Drejtësisë, jo më larg se 6 muaj më parë.

3- Së treti, Ministri i Brendshëm Fatmir Xhafaj nuk zbaton Ligjin Antimafia. Nga pozicioni i tij si Ministër I Brendshëm Fatmir Xhafaj pengon Ligjin Antimafia të veprojë ndaj Agron Xhafajt dhe Fatmir Xhafajt.

Policia e Shtetit nuk ka ndërmarrë asnjë veprim për të zbatuar masa parandaluese ndaj Agron Xhafajt dhe rrethit të tij familjar, nëpërmjet sekuestrimit të pasurive, veprimtarive ekonomike apo tregtare, sic e kërkon Ligji Antimafia.

Kjo sepse aktiviteti kriminal i trafikut të drogës, që ka kryer vëllai i Ministrit të Brendshëm, automatikisht e bën subjekt të ligjit, vetë Ministrin e Brendshëm Fatmir Xhafaj.

Shqipëria është i vetmi vend në botë ku Ministri i Brendshëm, përgjegjës për zbatimin e Ligjit Antimafia, është vetë subjekt i Ligjit Antimafia.

Të tre këto prova tregojnë qartë sesi Fatmir Xhafaj është drejtpërdrejt i përfshirë nga pozicioni i Ministrit të Brendshëm dhe më parë i Kryetarit të Komisionit të Ligjeve për të mbrojtur të vëllain e dënuar për trafik ndërkombëtar droge”, tha Bardhi.

Ndërsa deputeti Ervin Salianji ngriti disa pyetje:

A E VAZHDON TRAFIKUN E DROGËS AGRON XHAFAJ, VËLLAI I MINISTRIT TË BRENDSHËM?

Duke i qëndruar deklaratës së 7 Tetorit 2010, Fatmir Xhafaj rikonfirmoi 3 ditë më parë, se “e ka ndihmuar vëllanë t’i rikthehet jetës normale, pa asnjë rekord negative përballë ligjit”. Por a mund të arrihet kjo, kur ai nuk ka bërë ansjë ditë nga dënimi dhe kur ka vazhduar të jetojë më paratë nga trafiku ndërkombëtar i drogës, pasuri e cila nuk është cënuar nga pengimi I ligjit Antimafia?

Është aksiomë se kur pasuritë e vëna përmes aktivitetit kriminal të trafikut të drogës nuk sekuestrohen, ato shërbejnë si burim financimi për vazhdimin e aktivitetit kriminal.

Prandaj Fatmir Xhafaj duhet t’i përgjigjet sot disa pyetjeve që bëjnë të gjithë: 

·         A e vazhdon Agron Xhafaj aktivitetin kriminal të drejtimit të organizatave kriminale të trafikut të paligjshëm të drogës?

·         A ka përgjegjësi ligjore, politike dhe morale Fatmir Xhafaj nëse Agron Xhafaj, pasi u bë “vëllai i Ministrit të Brendshëm”, koordinon veprimtarinë kriminale të trafikut të drogës në Shqipëri?

·         A është Agron Xhafaj një nga bosët e drogës në Shqipëri?

·         A e ka Agron Xhafaj nën urdhra Policinë e Shtetit, si strukturë ndihmëse që i lehtëson veprimtarinë kriminale?

Për gjerësinë e marrëdhënieve shqiptaro – turke, një pasqyrim të vlefshëm e ofron materiali arkivor i Ministrisë sonë të Punëve të Jashtme. Numri i lartë i shifrës, i raportimeve apo memove mbi këto marrëdhënie shfaqin larminë dhe gjerësinë e marrëdhënies. Trashësia e dosjeve vjetore pasqyron faktin se marrëdhënia shqiptaro – turke është ndër më të lëvruarat.

Përmes leximit të materialeve preket thellësia e tyre. Pasqyrohet aty raporti i posaçëm mes dy vendeve tona, uljet dhe ngritjet e saj. Pavarësisht kohërave dhe sistemeve të ndryshme shoqërore, në Shqipëri apo në Turqi, më së shumti hapur, por edhe në nëntekstin diplomatik të raportimeve gjen ashiqare respektin e ndërsjellët. Gjen pasqyrim të afinitetit njerëzor midis dy popujve tanë. Gjen interesa të përbashkëta.

Krahas tyre, të pranishme dhe me pasoja për vetë marrëdhëniet janë edhe veprimet individuale, emotive e në jo pak raste me pasojë frenimin e lirshmërisë në marrëdhënie. Janë të pranishme uljet dhe ngritjet. Uljet, në më të shumtën e rasteve e kanë vijën bashkuese te roli i unit politik, te puqja apo mospuqja e individëve të fortë në krye të shteteve tona.

Diagrama e marrëdhënieve shqiptaro – turke është edhe funksion i realiteteve përkatëse politike. Është fakt se realitetet politike, për periudhën 1929- 1990, janë karakterizuar nga kahja e kundërt. Triumfit të republikanizmit në Turqi i përkoi vendosja e mbretërisë në Shqipëri dhe pas Luftës së Dytë Botërore, instalimit këtu të diktaturës së proletariatit, në Turqi i korrespondoi sistemi kapitalist. Orientimit tonë kah lindja i përkonte orientimi pro perëndimor në Turqi dhe aderimi i saj në NATO. Ndryshësia e realiteteve la pasojat e saj mbi marrëdhëniet tona diplomatike.

Rrugëtimi 500-vjeçar në perandorinë otomane dhe shpërbërja e saj la pas për zgjidhje çështje të rëndësishme si, problemet e shtetësisë dhe të pronave të qytetarëve të një vendi në vendin tjetër apo problemi i Borxhit Publik Otoman, për shkak të së cilit administrata e re shqiptare u vendos shpesh përballë presionit për pagesë të tij nga vendet europiane kredidhënëse.

Veç problematikës së trashëguar u shtuan edhe pasojat e Marrëveshjes GrekoTurke të 30 janarit 1923, për shkëmbimin e popullsive. Marrëveshje, e cila prodhonte pasoja si për shqiptarët myslimanë të Çamërisë, edhe për shqiptarët ortodoksë që jetonin në Turqi. Shpopullimi i trevave shqiptare të ish- Jugosllavisë ishte një tjetër problematikë, për shkak të shkuarjes së tyre drejt Turqisë. Në pasojë u arrit Marrëveshja Jugosllavo – Turke e 11 korrikut 1938, të cilën Turqia nuk e ratifikoi. Shqipëria bëri e para hapin për vendosje të marrëdhënieve. U kurorëzuan më 17 shkurt 1926, Ministri Fuqiplotë i Turqisë paraqiti letrat kredenciale. Një muaj më pas, Rauf Fico i paraqiti letrat kredenciale Presidentit të Republikës Turke, Mustafa Qemal Ataturkut.

Fakt është që dy vendet tona edhe për t’i prishur marrëdhëniet nuk kanë përtuar. Nuk u përtua dy herë. Nuk përtoi as Ahmet Zogu dhe as Enver Hoxha. I pari, më 8 tetor 1929 tërhoqi përfaqësinë në Ankara dhe Konsullatën në Stamboll në kundërshtim të mosnjohjes mbret prej Ataturkut. I dyti, Enver Hoxha, pavarë- sisht se Turqia nuk e njohu okupimin e Shqipërisë, nuk e përtypi ndihmën turke dhënë Mbretit në ekzil dhe Konsulli turk u largua në 16 korrik 1945.

Ashtu si edhe për prishjen, nismën për rivendosjen e marrëdhënieve diplomatike e ndërmori pala shqiptare. Kërkesa për vendosjen e marrëdhënieve bëhet nga legata jonë në Paris më 4 shkurt 1958. Pranimi erdhi më 4 qershor të po atij viti. Mbushim tashmë gjashtëdhjetë vjetorin e ristartimit të marrëdhënieve tona. Edhe pse pa përfaqësi respektive, juridikisht marrëdhënia diplomatike rezulton të ketë qenë në fuqi. Trashëgimia e paraluftës konsistonte në katër akte, midis tyre edhe Traktati i Miqësisë. Në një udhëzim të ministrit të kohës, Behar Shtylla, evidentohet se: “Marrëveshjet e më- sipërme u shqyrtuan në dritën e vendimit nr.3, datë 27.5.1944, të Këshillit Antifashist Nacional Çlirimtar dhe për këtë qëllim doli vendim qeverie, në bazë të të cilit konsiderohen në fuqi të gjitha marrëveshjet e përfunduara me Turqinë, me përjashtim të atyre që kishin skaduar vetiu”. Duke vijuar se “…Qeveria jonë i konsideron gjithnjë në fuqi këto marrëveshje”.

Traktati i Miqësisë, i ratifikuar dhe përherë në fuqi, në nenin e dytë të tij i lidhte vendet në marrëdhënie diplomatike.

Rinisja u parashtroi diplomatëve respektivë një gamë të gjerë çështjesh për ndjekje dhe trajtim.  Edhe pse në një botë të polarizuar, me përkatësi në sisteme të kundërta shoqërore, Turqia dhe Shqipëria nuk patën tensione në marrëdhëniet e tyre të limituara.

Ndryshimi i sistemit hapi dimensione të reja bashkëpunimi. Përpos raporteve bilaterale, të dyja vendet tashmë ndajnë të njëjtin sistem, angazhohen, bëjnë pjesë apo synojnë të njëjtat organizata. Niveli i shkëmbimeve në të gjitha fushat kapi kulmet, vizitat e ndërsjella gjithashtu.

Marrëdhëniet shqiptaro – turke nuk kanë qenë kurrë periferike, kanë qenë përherë të rëndësishme, pse janë pasqyrë e interesave të ndërsjella. Rënia e perdes se hekurt i solli në qendër të vëmendjes, për secilën palë. Mbështetja e Republikës Turke ka qenë multidimensionale. Ka qenë në interes të Shqipërisë, ka qenë në interes të shqiptarëve. Mbështetja e Republikës Turke ka qenë dhe është e vlefshme në shumë sektorë të jetës shqiptare.

Mbështetja e Republikës Turke ka qenë pa pikë këputjeje në angazhimet e synimet ndërkombëtare të Shqipërisë apo të Kosovës. Mbështetja për anëtarësimin tonë në NATO dhe rrugëtimin tonë aty ka qenë pa mëdyshje dhe pa kushte. Në bisedime midis palëve dhe në realitet ka qëndruar dhe qëndron i pandryshuar angazhimi për forcim të marrëdhënieve miqësore dhe zgjerim të bashkëpunimit bilateral. Pasojë e angazhimit të dyanshëm është fakti që Turqia vitin e kaluar shënonte një nga pesë partnerët tanë tregtar më të mirë, me një volum tregtar prej 460 milionë USD.

Investimet serioze turke në sistemin bankar, në energjetikë dhe jo vetëm, apo të pritshmet në fushën e aviacionit civil kanë injektuar dhe injektojnë zhvillim ekonomik.

Nuk janë vetëm lidhjet e së kaluarës dhe leksionet e mësuara, është angazhimi për të ardhmen që i ka vendosur vendet tona në partneritetit strategjik. Është nevoja për një vend dhe rajon të sigurt e në paqe, që e ka përcaktuar këtë. Është edhe për këto arsye që pritet institucionalizimi i Partneritetit Strategjik midis Shqipërisë dhe Turqisë. Pritet nënshkrimi i aktit dhe bazuar në të, përparimi i mëtejshëm i marrëdhënieve midis vendeve tona. E kundërta nuk na shërben.

*Ish-zv.ministër i Jashtëm

Prokuroria për Krimet e Rënda kanë kërkuar sot masën e sigurisë arrest me burg për ish-ministrin e Punëve të Brendshme, Saimir Tahiri.

Pas kërkesës së organit të akuzës, Gjykata për Krime të Rënda ka vendosur masën e sigurisë arrest shtëpie, duke mos e pranuar të plotë kërkesën.

Mësohet se prokuroria ka treguar gjykatës prova të reja, por sipas informacioneve ende nuk dihet se çfarë provash janë.

Sipas informacioneve mësohet se provat e reja mund të kenë qenë në letër porositë  që mund të kenë ardhur nga Greqia dhe Italia.

Edhe pse ka pasur prova shtesë dhe është kërkuar arresti përsëri gjykata ka aprovuar vetëm masën e sigurisë, arrest shtëpie.

Tahiri vetëm para pak ditësh dorëzoi mandatin e deputeti dhe u shpreh se këtë e bënë për respekt të drejtësisë, dhe që hetimet për të vijojnë deri në fund.

Pas kësaj lëvizje nga Tahiri dhe prokuroria ka nisur lëvizjet e saj dhe tre ditë më vonë ka kërkuar arrestimin e tij.

Pas lënies së mandatit nga Saimir Tahiri, Prokuroria për Krime të Rënda ka kërkuar masën e sigurisë arrest me burg për ish-minitrin e Brendshëm.

Mësohet se prokuroria ka dërguar çështjen në gjykatë, por për Tahirin është dhënë masa e sigurisë arrest shtëpie.

Njoftimi nga Prokuroria

Gjykata e Shkallës së Parë për Krime të Rënda Tiranë pranoi caktimin e masës së sigurimit personal “Arrest në shtëpi”,  ndaj shtetasit nën hetim Saimir Bashkim Tahiri, i datëlindjes 30.10.1979, si person i dyshuar për kryerje të veprave penale “Trafikimi i narkotikëve”, në bashkëpunim, në formën e grupit të strukturuar kriminal, e parashikuar në nenet 283/a dhe 333/a, në lidhje me nenin 28 të Kodit Penal dhe, “Korrupsioni pasiv i funksionarëve të lartë shtetërorë ose i të zgjedhurve vendorë”, e parashikuar në nenin 260 të Kodit Penal.

Urdhërohet shtetasi nën hetim Saimir Bashkim Tahiri të mos largohet nga banesa e tij, ndodhur në Tiranë, Rruga “Kodra e Diellit”, Pallati Nr.3.

Numri i shqiptarëve që lexojnë duket se po pëson rënie.

Sipas të dhënave statistikore të kulturës nga INSTAT, numri i frekuentimeve në bibliotekën më të rëndësishme në vend pothuajse është përgjysmuar gjatë vitit 2017.

Numri i frekuentimeve në Bibliotekën Kombëtare zbriti në 88 mijë, nga mbi 150 mijë që kishte qenë në vitin 2016.

Ndërsa Eurostat raporton se në BE, banorët shpenzojnë mesatarisht 200 euro për frymë për libra, ndërsa rreth 20 % e popullsisë janë lexues të rregullt të librave, shkruan Monitor.

Në vendet perëndimore, rënia do të ishte tregues i sjelljes elektronike, që do të thotë se priren që të lexojnë në Web më tepër se sa libra fizik, pra e-libra. Por, në rastin shqiptar e-libri nuk është shumë i pranishëm sepse, sipas përfaqësuesve të shtëpive kryesore, pirateria dhe aksesi i pakët në faqe si Amazon, janë penguesit kryesorë.

Në vitin 2016, Eurostat përllogarit se të gjitha familjet në Bashkimin Europian (BE) shpenzuan 90 miliardë euro ose 1.1% të shpenzimeve totale të tyre të konsumit në libra, gazeta dhe shkrimi. Kjo përfaqëson 0.6% të GDP-së së BE-së ose rreth 200 euro për banor të BE-së. Nga ana tjetër, shpenzimet e familjeve për këto objekte ishin më pak se gjysma e shpenzimeve të tyre në shërbimet rekreative dhe kulturore.

Shpenzimet për libra, gazeta janë në rënie.

Në vitin 1995, 1.8% e shpenzimeve totale të konsumit të familjeve në BE ishte e përkushtuar ndaj këtyre artikujve.

Në Shqipëri mungojnë statistika të qarta mbi shumën e shpenzuar për libra, gazeta etj, por shifrat sugjerojnë se konsumimi i tyre në Biblioteka ka qenë në rënie, duke pësuan përgjysmim në 2017, nga një vit më parë, shkruan Monitor.

Eurostat tregon se përqindja e njerëzve që lexojnë libra në Serbi, është më e lartë se në Belgjikë, Austri, Rumani apo Francë. Ndërsa kryeson listën në Europë, Finlanda, pasuar nga Polonia dhe Estonia, me përqindjen më të madhe të njerëzve që lexojnë libra, përkatësisht 17 %, 16.5 % dhe 15 %.

Statistika më e fundit e realizuar në Shqipëri nga Shoqata e Botuesve tregonte se në 2015, 60 % e të rinjve lexojnë 1-3 libra në vit, shifër e ulët duke marrë në konsideratë se bashkëmoshatarët europianë shpenzojnë mesatarisht 200 euro në vit për libra.

Avokati i njohur Genc Gjokutaj i ftuar në “360 Gradë” në Ora News, duke komentuar shkarkimin e kreut të Krimeve të Rënda Besim Hajdarmataj, tha se largimi i tij mund të lidhet me kërkesën e arrestimit të Llallës.

“Mënyra se si nisi kjo histori me prokurorinë dhe përkohshmërinë e kësaj prokuroreje, kjo nuk është furtunë është ciklon. Prokuroria me ligjin e ri është një organ i decentralizuar, ndërsa me këtë lëvizje po vuloset centralizmi. Prokurorja e Përgjithshme në 2018-n, kjo vazhdon me dorë të hekur dhe emëron dhe shkarkon prokurorë. Është bërë një lëvizje antiligjore. Besim Hajdarmataj është një nga zyrtarët më serioz, është një prokuror që është përballur me politikën dhe u ndalua nga politika”, shprehet Gjokutaj.

Sipas tij “nuk ju dha arrestimi për ta çuar në Gjykatë zt.Tahiri dhe në momentin që Tahiri shkarkohet, lëviz edhe ky, sepse ky nuk lajthit në ligj dhe në prova. Dikush më thotë që ju e njihni se po kërkohet edhe arrestimi i Llallës. Hajdarmataj nuk mund e bën këtë. Llalla përplasjet nuk i ka bërë me dosjet, prandaj ambasadori e mbështet këtë lëvizje”.

VLORË – Vdes në klasë nxënësja maturante, ende mister shkaku. Një vajzë vetëm 18 vjeçe ka ndërruar jetë mëngjesin e së mërkurës në qytetin e Vlorës.

Ngjarja e rëndë ka ndodhur gjatë kohës kur Gerta Kasa, maturante në gjimnazin “Jani Minga”, ishte duke ndjekur mësimet. 18- vjeçarja ka humbur ndjenjat dhe pavarësisht dërgimit me urgjencë në Spitalin Rajonal të Vlorës, ajo nuk ka mundur të jetojë, shkruan “Panorama”.

Mësohet se ambulanca e ka gjetur pa shenja jete gjimnazisten, ndërsa mjekët shtojnë se në momentin që ka mbërritur në spital, nuk kishin se çfarë të bënin. Fillimisht u dyshua se vajza ka vuajtur nga epilepsia dhe kjo mund të jetë bërë shkak për vdekjen e papritur të saj.

Por një gjë të tillë e kanë mohuar babai dhe të afërmit e Gretës. Edhe vetë mjekët e spitalit të Vlorës konfirmojnë se vajza nuk ka vuajtur nga kjo sëmundje, duke shtuar se po ashtu krizat e kësaj sëmundjeje nuk sjellin vdekje të menjëhershme.

Mjekët dyshojnë se 18-vjeçarja mund të ketë pësuar atak kardiak, gjë e cila ka rezultuar fatale për jetën e saj. Por kjo mbetet ende në kuadër të dyshimeve, pasi do të jetë ekspertiza mjeko-ligjore, ajo që do të nxjerrë shkakun e vërtetë të vdekjes së gjimnazistes. Familjarët e saj kanë kundërshtuar kryerjen e autopsisë, duke fajësuar mjekët për humbjen e jetës së Gertës.

Ka qenë babai i 18-vjeçares, që ka lëshuar akuza jo vetëm për mjekët, por dhe për drejtuesit e shkollës që, sipas tij, nuk i kanë dhënë ndihmë të shpejtë vajzës. I irrituar për humbjen e vajzës dhe vonesën e ambulancës, babai i saj ka kërkuar shpjegime nga mjekët për shkakun e vdekjes.

Vetë mjekët kanë refuzuar të japin një përcaktim të prerë, duke i bërë të ditur se do të jetë ekspertiza mjeko-ligjore që do t’i japë përgjigje pyetjes së tij. I ati shprehet se kishte folur me vajzën në mëngjes dhe se nuk i kishte shfaqur asnjë shqetësim.

Gerta Kasa, ishte vajzë e vetme, e rritur nga gjyshërit, pasi nëna e saj kishte ndërruar jetë vite më parë. Sipas gjyshes, ajo nuk kishte shfaqur asnjë shenjë të problemeve shëndetësore dhe se gjithçka u ka ardhur papritur.

Mësohet se 18-vjeçarja ka përshkuar një distancë të largët në këmbë për të shkuar në shkollë, gjë të cilën e bënte dhe çdo ditë. Trupi i vajzës është në morgun e spitalit ku do të kryhen ekzaminimet e nevojshme për të përcaktuar edhe shkakun e vdekjes.

Ish-deputeti Mark Frroku është lënë i lirë nga burgu ku po qëndronte. Vendimi është marrë një ditë më parë nga Gjykata e Fierit, e cila ka vendosur t’i falë kohën e mbetur të dënimit prej 1 viti e 5 ditësh, duke urdhëruar lirimin e menjëhershëm të Frrokut.

Pavarësisht akuzave ndaj tij për “Fshehje të pasurisë” dhe “Ndërtim trë paligjshëm”, gjykata vendosi të lërë të lirë me kush ish-deputetin.

Ky i fundit ishte dënuar në prill të vitit të kaluar nga gjykata e shkallës së parë e Tiranës me 7 vjet e 6 muaj burgim për akuzat e fshehjes së pasurisë dhe ndërtim të paligjshëm.

Në janar të këtij viti gjykata e Apelit po në Tirane ia reduktoi dënimin ne 6 vjet, ndërsa gjykata e Fierit së fundmi ka vendosur lirimin para kohe të tij.

Përveç akuzave për të cilat u shpall fajtor, Frroku u dyshua edhe për vrasjen e shtetasit shqiptar Aleksander Kurit në vitin 1999 në Belgjikë, por këto dyshime nuk u provuan.

Kreu i shkarkuar i Prokurorisë së Krimeve të Rënda, e cili ishte gjithashtu dhe në krye të hetimeve për dosjen ‘Tahiri-Habilaj’, ka bërë reagimin e parë që pas vendimit të Arta Markut.

“Panorama”, ka kontaktuar me Hajdarmataj, i cili ka treguar se ai do të qëndrojë ende si prokuror në Prokurinë e Krimeve të Rënda.

I pyetur për motivacionet e këtij shkarkimit, Hajdaramataj u shpreh se nuk ka ndonjë koment.

Sipas Hajdarmatajt, shkarkimi nga posti i kreut të prokurorisë nuk sjell automatikisht heqjen e dosjes së Tahirit nga përgjegjësia e tij.

Hajdaramataj u shpreh për “Panorama” se ai do të vijojë që të jetë prokuror i dosjes Tahiri dhe se hetimi do të shkoj deri në fund.

Kryeprokurorja Arta Marku ka larguar nga detyra kryeprokurorin e Krimeve të Rënda, Besim Hajdarmatajn. Burimet thanë se në vend të Hajdarmatajt është komanduar prokurorja Donika Prela.

Hajdarmataj ishte prokurori qe kishte në dorë hetimin e dosjes “Habilaj-Tahiri”. Shkarkimi i tij erdhi vetëm një ditë pasi mori në pyetje ish-shoferin e ministrit Gentian Ceka.Por ndërkohë, pak muaj më parë Arta Marku mbështeti hetimet tërësore të Prokurorisë së Krimeve të Rënda për çdo çështje e në çdo nivel, kundër krimit dhe korrupsionit.

Zonja Marku i dha mbështetjen kreut të Prokurorisë së Krimeve të Rënda, Besim Hajdarmataj kur e priti në Prokurorinë e Përgjithshme paraditen më 22 janar 2018.

Marku kërkoi që Prokuroria e Krimeve të Rënda të vazhdojë pa hezitim dhe vendosmërisht punën dhe hetimet e filluara. Kryeprokurorja Marku garantoi bashkëpunim për hetime të vazhdueshme të çështjeve nga Prokuroria e Krimeve të Rënda ndaj kujtdo që shkel ligjin.

Prokuroria e Përgjithshme ritheksoi mbështetjen e nevojshme për çdo çështje, me çdo mjet dhe në çdo kohë, për të çuar përpara hetimet ndërsa pohoi se vë në dispozicion të Prokurorisë për Krimet e Rënda të gjitha burimet njerëzore dhe infrastrukturore për kryerjen me sukses të detyrave përputhshmërisht me ligjin.

Kryeprokurorja Arta Marku ka larguar nga detyra kryeprokurorin e Krimeve të Rënda, Besim Hajdarmatajn. Ne nje njoftim per mediat, kryeprokurorja e Pergjithshme sqaron se zevendesimin e Hajdarmatajt me Donika Prelen eshte bere se “kemi besim se ky ndryshim në drejtim do të sjellë si rezultat ndjekje penale më të shpejtë dhe më të efektshme të cështjeve me përparësi të lartë”.

REAGIMI

“Prokurorja e Përgjithshme Marku njofton emërimin e Znj. Donika Prela si kreu i Prokurorisë për Krime të Rënda. Kemi besim se ky ndryshim në drejtim do të sjellë si rezultat ndjekje penale më të shpejtë dhe më të efektshme të cështjeve me përparësi të lartë.

Ndjekja penale e krimit dhe korrupsionit mbetet prioriteti më i lartë për Kryeprokuroren Marku”.

Kryeprokurorja Arta Marku ka larguar nga detyra kryeprokurorin e Krimeve të Rënda, Besim Hajdarmatajn.

Vendimi i papritur u raportua këtë të mërkurë. Burimet thanë se në vend të Hajdarmataj është komanduar prokurorja Donika Prela.

Hajdamataj është prokurori që po heton dosjen “Habilaj-Tahiri” dhe largimi i tij vjen një ditë pasi u thirr për t’u marrë në pyetje Gentian Ceka, shofer i ish-ministrit të Brendshëm, Saimir Tahiri.

Ky i fundit dorezoi mandatin e deputetit pak dite me pare dhe tha se tani do te jete perballe drejtesise si nje qytetar i lire.

TIRANE- Izet Haxhia, ish truproja i Sali Berishës, i akuzuar për vrasjen e Azem Hajdarit do të ekstradohet sot në mbrëmje nga Turqia. “BalkanWeb” mëson se ai do të zbresë në Rinas, me një avion të “Turkish Airlines” sot rreth orës 20:00 të mbrëmjes.

Konfirmohet po ashtu se në aeroport atë do ta presë një punonjës i policisë së Tiranës dhe një grup i gatshëm i burgjeve, i cili do të bëjë edhe shoqërimin në ambientet e burgur 313.

Haxhia u vetëdorëzua tek autoritetet turke, ndërsa lajmin e njoftoi përmes faqes në Facebook. Pak ditë më pas ai zgjodhi në Shqipëri avokatin Fran Dashi.

Izet Haxhia u arrestua në vitin 2006 në Turqi, por drejtësia turke nuk ishte shprehur ende për ekstradimin e tij, ndonëse pala shqiptare kishte bërë kerkesa të vazhdueshme në kohën kur në pushtet ishte Sali Berisha.

Për 12 vjet me radhë gjykata turke kishte urdhëruar thjesht që ai të mos largohej jashtë vendit, ndërsa në shkurt të këtij viti befas u mor vendimi që ai të ekstradohet. Izet Haxhia është dënuar nga gjykata shqiptare me 25 vite burg për vrasjen e Azem Hajdarit, akuzë të cilën ai nuk e ka pranuar kurrë. Ekstradimi i tij në Shqipëri mund të çojë në hapjen e dosjes ‘Hajdari’.

Këshilli i Lartë i Drejtësisë ka vendosur që të rikthejë në detyrë gjyqtaren Shpresa Beçaj. Ish-kryetarja e Gjykatës së Lartë ka mundur të fitojë betejën ligjore me KLD, ndërsa ka rifituar me gjyq vendin e emërimit të saj si gjyqtare në Gjykatën e Apelit Tiranë.

Në mars të vitit 2013, Beçaj ka përfunduar mandatin e saj si kryetare në Gjykatën e Lartë, ndërsa më pas ka bërë në Këshillin e Lartë të Drejtësisë kërkesën për t’u emëruar si gjyqtare në Apelin e Tiranës.

Kërkesa e saj nuk është marrë parasysh nga KLD, çka e ka detyruar më pas Beçajn që të ngrejë një padi në Gjykatën Administrative.
Objekti i padisë së ish-kryetares së Gjykatës së Lartë ndaj KLD-së, ishte detyrimi i kësaj të fundit ta rehabilitojë Beçaj në statusin e saj si gjyqtare karriere dhe të nxjerrë aktin e emërimit të saj si gjyqtare e Apelit Tiranë.

Po ashtu, Shpresa Beçaj ka kërkuar shpërblimin e dëmit në vlerën 8.061.624 lekë, duke shtuar edhe dëmin progresiv të çdo dite deri në ekzekutimin e vendimit. Lidhur me këto kërkesa, Apeli Administratives në 7 prill 2017 i ka dhënë disa të drejta gjyqtares Beçaj. Në bazë të vendimit Beçaj ka përfituar 42 paga mujore si gjyqtare e Gjykatës së Apelit në Tiranë.

Gjyqtarja
Shpresa Beçaj ka punuar në gjykatat shqiptare që në vitin 1983. Me mbarimin e fakultetit ajo është emëruar kryesekretare në Gjykatën e Rrethit Gjyqësor Gramsh. Në vitin 1985 është emëruar Këshilltare Ligjore po në Gjykatën e Rrethit Gjyqësor Gramsh. Në vitin 1987 është emëruar si gjyqtare në Gjykatën e Rrethit Gjyqësor Gramsh detyrë të cilën e ka ushtruar deri në vitin 1990. Ndërsa në vitin 1990 është emëruar gjyqtare në Gjykatën e Rrethit Gjyqësor Tiranë. Katër vite më pas, Beçaj është emëruar gjyqtare në Gjykatën e Apelit Tiranë. Në vitin 2004, ajo është emëruar Anëtare e Këshillit të Lartë të Drejtësisë, detyrë të cilën e ka ushtruar deri në vitin 2006 ku ka dhënë dorëheqjen me daljen e ligjit “Për parandalimin e konfliktit të interesave në ushtrimin e funksioneve publike”. Me Dekretin nr. 5913 më datë 08 tetor 2008, të Presidentit të Republikës së Shqipërisë, Beçaj është emëruar Kryetar i Gjykatës së Lartë. Këtë detyrë, ajo e ka lënë në mars të vitit 2013.

Nga Artur ZHEJINë Shqipëri, dukshëm çdo gjë nuk ndryshon. Tashmë as në thelb dhe as në formë. Ose edhe kur ndryshon së jashtëmi, është një ndryshim për të “mosndryshuar” thelbësisht asgjë…
Ka disa ditë që mediat shqiptare u pushtuan nga vendimi që mori Tahiri, ish ministër i brendshëm, për t’u çliruar nga mburoja e imunitetit parlamentar.
Disa thonë që ishte një gjest trimëror prej labi, disa të tjerë mendojnë se ishte, thjesht një hap, në brendësi të një marrëveshjeje, që garanton mosprekjen e tij.
Ndërkohë Opozita shqiptare, pas shpërthimit popullor kuksian, që e shkundi për disa ditë shoqërinë shqiptare, e mbas gëzimit të pafshehur për gjestin e Sajmes, duket se nuk ka ndonjë ditar popullor pune.

Pikëpyetja e madhe është se inaktiviteti politik i Lulëzim Bashës, në lidhje me tubimet e njerëzve, lidhet thjesht me bioritmin e ngadaltë të natyrës së tij, apo është një strategji e tij, e paramenduar?
Një strategji përshembull e “shkollës Fabiane”, që thotë ndër të tjera: “Prit me durim dhe fshehurazi si ujku me lëkurë qingji, çastin e duhur dhe kur çasti mbrrin, vetëm atëhere sulmo fort e pa mëshirë!…”
Për të mirën e Opozitarizmit, do të donim të mendonim, se inaktiviteti ose më saktë aktiviteti i kufizuar i Bashës, lidhet më një doktrinë të caktuar strategjike, përndryshe, hamëndësimet konspirative, janë të lira të harlisen pa kurrfarë filtri.
Tani Basha, e rifitoi mandatin e tij më të ri kongresual dhe e bëri mënjanë përsëri “armikun e brendshëm”.
Çfarë pret sot ai, për të na bërë të ditur “Ditarin e betejave Opozitare”?
Sigurisht korri një fitore të mirë ndërkombëtare me deputetin gjerman Krichbaum, që dukshëm u ka besuar analizave të Bashës, mbi situatën shqiptare, pohuar kjo edhe nga vetë kryeministri, tek tha se: Krichbaum thotë në gjermanisht, ato që mendon Basha…”
Mirëpo njerëzit, gjithmonë e më të shumtë ata, që nuk e durojnë dot më, tiraninë e range rover – ave dhe mercedesëve të shtrenjtë të familjarëve të “pakorruptuar”, të qeveritarëve socialistë: gra, dashnore, djem e vajza dhe dhëndurë të përkëdhelur nga paratë tona, duan aksion opozitar.
Një aksion opozitar që nuk mbërrin nga askund.
Dhe duhet të nxitojnë nëse kanë ndërmend të bëjnë nonjë gjëkafshë, se është të porta Kampionati botëror i Futbollit dhe vapa e nxehtë mesdhetare shqiptare. Pastaj sigurisht është vonë dhe u duhet thënë njerëzve mirupafshim në Tetor.
Apo kështu është paravendosur?
“Të presim ndonjë gafë tjetër të kryeministrit tahmaqar dhe të lakenjve të tij, të famshëm për grykësinë e tyre, që po vendosin rekorde të reja…”/360grade.al/

DURRES- Dy ditë pas vrasjes së kosovarit Xhafer Osmani në fshatin Borizan të Fushë-Krujës, zbulohen të tjera detaje. Gazetarja Klodjana Haxhiaj referuar burimeve të policisë së Durrësit konfirmon për “BalkanWeb” se për vrasjen e tij është përdorur i njëti skenar si me eliminimin e ish-shefit të Kundërzbulimit të SHISH-it, Isa Çopa në 2015.

Por, ndonëse vrasja ish-shefit të SHISH nuk është zbardhur ende, blutë e Durrësit thonë se në vendin e krimit makabër në Fushë-Krujë kanë gjetur prova të shumta, për të arritur në gjurmët e autorëve.

Policia e Durrësit thotë se edhe shtetasi kosovar që kishte hyrë me mjetin e tij tip “VolksWagen Touran” me targa 02960SN në Shqipëri pesë ditë para se të gjendej i vdekur, fillimisht është torturuar e më pas djegur. Ka dyshime të forta se ai mund të jetë marrë peng për t’i nxjerrë ndonjë informacion, e më pas është eleminuar.

DYSHIMET PËR LIDHJE DASHURIE
Të njëjtat burime konfirmojnë për “BalkanWeb” se ky shtetas ka fjetur në disa hotele të ndryshme në qytetin e Durrësit, por ende nuk është arritur të zbulohet nëse ka pasur një raport të qëndrueshëm, lidhje dashure për një kohë të gjatë me një femër në Shqipëri. Burime pranë polcisë së Durrësit thonë se kanë hetuar në këtë drejtim dhe se do ishte e vlefshme për hetimet dëshmia e një personi që mund të ketë pasur raporte intime me viktimën, por deri më tani nuk kanë ende një emër.

VËLLAI VJEN ME URGJENCË NGA KOSOVA
Për të tërhequr trupin e kosovarit të masakruar dhe pastaj djegur në Fushë-Krujë ka ardhur në Shqipëri vëllai i tij. Ai ka deklaruar se Xhafer Osmani 57-vjeç ishte beqar dhe ka kërkuar me ngulm kryerjen e ekspertizës mjeko-ligjore. Pas insistimit të këtij të fundit, siç konfirmoi për “BalkanWeb” edhe gazetarja Klodjana Haxhiaj, pritet që ekspertiza të dalë sot.

NJË KURAN NË VENDIN E KRIMIT?
Ndërsa në media qarkullojnë informacione se në vendin e krimit është gjetur edhe një Kuran, mbi të cilin thonë se mund të jetë betuar kosovari para se të vrisnin, policia e Durrësit nuk e konfirmon një informacion të tillë. Burime pranë policisë thonë se provat e gjetura në vendngjarje janë të shumta dhe mund të çojnë në gjurmët e autorëve, pa saktësuar se çfarë janë ato konkretisht.

NGJARJA
Ngjarja e rëndë u raportua të shtunën më 5 maj rreth orës 14:00. Ka qenë një person, banor në fshatin Borizanë ai që ka parë makinën teksa digjej. Pak minuta më pas në vendngjarje kanë shkuar zjarrfikësit e policia. Pasi janë shuar flakët, brenda saj është konstatuar kufoma e shkrumbuar e një personi të seksit mashkull. Xhaferr Osmani hyri në Shqipëri nga pika kufitare e Morinës të dielën e datës 29 Prill 2018, dhe të shtunën më datë 5 Maj makina e tij u gjet në flakë me një person të vrarë dhe të djegur 5 kilometra larg qytetit të Fushë – Krujës, 250 metra larg rrugës nacionale.

VLORE– Një turiste austriake rezulton e humbur që prej mbasdites së sotme në pyllin e Llogarasë në Vlorë.

Gazetari Enrik Mehmeti raporton për ‘BalkanWeb’ se austriakja ishte bashkë me një grup turistësh që po vizitonin Shqipërinë, por është zhdukur papritur në pyll duke mos pasur asnjë mundësi komunikimi me të.

Turistja e identifikaur si Adelhat Wolper, 45 vjeç ishte duke bërë shëtitje në pyll, por nuk është kthyer duke alarmuar shokët e grupit që kanë njoftuar policinë.

Dyshohet se turistja ka humbur rrugën në pyllin e Llogorasë. Policia dhe forcat zjarrfikëse vijojnë kërkimet për gjetjen e saj.

Shoqata e transportit ndërqytetas të udhëtarëve paralajmëroi se do të nisë protestat, nëse autoritetet do të miratojnë një shtesë licensash me 43 linja të reja autobusash.

Përfaqësuesit e shoqatës thanë se kishin rënë dakord me qeverinë të bashkëpunonin për reforma në transport, por ministria e infrastrukturës ka bërë gati një listë lejesh shtesë me 43 linja ndërqytetëse.

Sipas marrëveshjes së shoqatës me qeverinë, ndryshimi në linja mund të kryhej pasi të merrej mendimi i tyre.

“Shoqata një vit më parë kërkoi shfuqizimin e 80 linjave, sepse rrjeti i autobusëve është tejet i fryrë dhe ato u hoqën, por tani nuk kuptohet pse 43 linja të reja po shtohen përsëri pa u dëgjuar mendimi i tyre. Transporti ndërqytetas i udhëtarëve po bëhet gati për protesta, nëse gjendja nuk ndryshon” – tha Kujtim Mema, përfaqësues i Shoqatës së Transportit Ndërqytetas të Udhëtarëve.

Shqetësim mbetet sipas tyre, pjesëtimi në 3 mini-terminale në bashkinë e Elbasanit i udhëtarëve, të cilët kërkojnë autobusat në 3 qoshe të ndryshme të qytetit.

Në Elbasan vijon, sipas tyre, konkurrenca e pandershme, me linja paralele drejt Tiranës, kur ligji thotë se për një linjë duhet të ketë vetëm një operator transporti.

Shoqata e transportit të udhëtarëve vërejti se prej 20 vjetësh e deri sot asnjë bashki në Shqipëri nuk po ndërton terminal për qytetet e veta, ku ndërtohen dhjetëra pallate e kulla, por jo terminal për pritjen dinjitoze të udhëtarëve.

Transporti i paligjshëm i udhëtarëve po dëmton rëndë linjat e rregullta, pohojnë drejtuesit e shoqatës, ndërsa policia nuk ndalon mjetet e paligjshme, por kap autobusat e rregullt për ndonjë biletë apo për ndonjë vonesë orari.

Shumë linja janë mbyllur, pohojnë ata, por firmat vazhdojnë punën me licencat e shfuqizuara dhe askush nuk i ndalon.

Problem janë mjetet nga Kamza, që nuk kanë as terminal dhe ngatërrohen me të tjerët.

Në Tiranë, sipas tyre, veprojnë mbi 250 vetura të parregullta, 100 për në Shkodër, 100 të tjera drejt Fierit dhe Vlorës dhe 50 që shkojnë në Korçë.

Krahas linjave me kryeqytetin, gjendja mbetet po ashtu e rëndë edhe midis qyteteve të ndryshme, ku bien në sy linjat mes Fierit dhe Vlorës, ato që shkojnë drjt Sarandës dhe ato drejt Shkodrës.

Shoqata prej shumë vitesh kërkon nga autoritetet të rregullohet gjendja, por ata nuk marrin masa për të vënë rregull në transportin e udhëtarëve.

Brenda një makine të shkrumbuar u zbulua nga Policia një kufomë e karbonizuar, i cili dyshohet se para se të digjej, është ekzekutuar me armë zjarri. Ngjarja e rende ndodhi mesditën e të shtunës në fshatin Derven të Fushë Krujës.

Kanë qenë banorë të fshatit që pikasën tymin në një zonë të thellë (në fundin e një are) dhe lajmëruan Policinë. Sot policia ka shoqeruar disa persona ne Komisariat, disa ne cilesine e personave qe kane dijeni per ngjarjen dhe te dyshuar per krimin te cileet po merren ne pyetje.

Burimet nga grupi i hetimit thanë për “Panorama” se janë kamerat e një karburanti që ndodhet në zonën ku u gjet i vrarë shtetasi kosovar në Fushë Krujë, të cilat kanë fiksuar edhe një person tjetër pranë vendit të ngjarjes.

Teksa dëshmitarët kanë parë një person të largohet me vrap nga vendi ku u gjet makina e djegur me trupin e karbonizuar brenda.

Nga hetimet paraprake, mjeti rezulton në emër të shtetasit Xhafer Osmani, 57 vjeç, nga Mitrovica. Do të jenë rezultatet e analizave të ADN-së, ato që do përcaktojnë saktë se kujt i përket trupi që u gjet i djegur brenda makinës me targa të Mitrovicës, 02 960 SN.

Ekipet mjekoligjore kanë marrë kufomën nga automjeti i djegur për t’i bërë ekspertizën dhe AND-në në morgun e QSUT-së në kryeqytet.

Burimet saktësuan se automjeti ka hyrë në Shqipëri pak ditë më parë përmes Pikës së Kalimit Kufitar të Morinës, konkretisht më datë 29 prill 2018. Mbetet e pakonfirmuar nëse viktima është vetë pronari i automjetit. Grupi hetimor i ngritur për të zbardhur ngjarjen e rëndë po verifikon të gjitha pistat e mundshme, ndërsa po përpiqen të gjejnë prova të mjaftueshme në vendin e ngjarjes.

Burime nga grupi i hetimit bënë të ditur mbrëmë se nga të dhënat e mbledhura, ka dyshime se ky shtetas mund të ketë mbërritur në Shqipëri pasi ai kishte krijuar një lidhje intime dhe për pasojë qëllimi i këtij udhëtimi mund të ketë qenë një histori e tillë, që më pas ka përfunduar në tragjedi.

Të njëjtat burime thanë se ka dyshime që i ndjeri ta ketë krijuar lidhjen në zonën ku u gjet trupi, por pasi është zbuluar lidhja, ai është vrarë e djegur.

Deputeti i PD Edi Paloka në një status të orëve të vona mbrëmjen e të shtunës, ka ndarë me ndjekësit në rrjetet sociale një fakt sic thotë ai rrëqethës për ata që zgjedhin të ikin nga Shqipëria dhe kërkojnë azil në Gjermani.

“Nje numer jo i vogel i shqiptareve , per te fituar azilin, po me raste edhe vetem per te shtyre disa muaj kthimin ne Shqiperi, jane shtyre deri aty sa kane shtruar bashkeshortet ne spital psikiatrik”, shkruan Paloka.

POSTIMI I PLOTE:

Ne spital psikiatrik ne Gjermani vetem per te mos u kthyer ne cmendinen e Rames.
Nje miku im , i sapo kthyer nga Gjermania ku tentoi te merrte azil sebashku me familjen , me tregoi nje fakt vertete renqethes per realitetin e atyre qe ikin nga Shqiperia per te kerkuar azil.
Nje numer jo i vogel i shqiptareve , per te fituar azilin, po me raste edhe vetem per te shtyre disa muaj kthimin ne Shqiperi, jane shtyre deri aty sa kane shtruar bashkeshortet ne spital psikiatrik . Miku im me tregon se si u perhap ne mase ky “variant” ne nje prej landeve sepse dikush kishte patur “sukses” me traumen psiqike te bashkeshortes ne marrjen e letrave. Sigurisht , burra e gra binin dakort per sakrifica te tilla vetem qe familja e tyre mos kthehej ne cmendinen qe e ka kthyer vendin Edvini i “Rilindjes”
Prandaj shqiptaret ikin njesoj me sirianet dhe qytetaret vendet e te cileve jane ne lufte, nga Shqiperia e Rames.

Në Muzeun Historik të Shqipërisë u publikuan dy libra me vlera për historinë e vendit: “Letra shqiptare” nga Arthur Evans dhe “Kosova – një Histori përmes Dokumentave”, që u përgatit nga Robert Elsie dhe Bejtullah Destani. Libri mbi Kosovën përmban një mori dokumentash nga Lufta Ballkanike deri në Luftën e Dytë Botërore.

Zoti Destani tha se, “me porosi të fundit nga i ndjeri Robert Elsie, ai do të përgatisë edhe vëllimin e dytë të librit Kosova përmes dokumentave nga viti 1945 deri në ditët e sotme”.

“Robert Elsie ishte një punëtor i madh i historisë së Shqipërisë. Pak para se ndërronte jetë, ai më tha se kishte ende edhe 50 libra për temat shqiptare. Ai u shkroi shumë institucioneve në Tiranë dhe Prishtinë, por nuk mori përgjigje” – tha zoti Destani, bashkëpunëtor për shumë vite i studiuesit Elsie.

Librat sjellin mundësinë për të studiuar mbi historinë e Shqipërisë dhe Kosovës mbi bazën e dokumentave origjinalë, duke lënë mënjanë mitet, spekullimet dhe legjendat.

Libri “Letrat Shqiptare” i Artur Evans përmban tema mbi nacionalizmin, pavarësinë dhe Lidhjen Shqiptare, dhe u përgatit nga Bejtullah Destani dhe Jason Tomas.

Librat janë të dy në gjuhën angleze dhe synojnë që të mbërrijnë auditorët e lexuesve dhe studiuesve anglishtfolës, dhe janë një nderim për autorët Artur Evans dhe Robert Elsie.

Librat përmbajnë prova dhe fakte të sakta, dokumenta origjinalë për disa nga ngjarjet më të rëndësishme të Ballkanit, Shqipërisë dhe Kosovës, material që forcon dhe ndihmon në seriozitetin e historiografisë shqiptare.

Plagosje me arme zjarri ne qytetin e Shkodres. Gazetari i “Panorama” ben me dije se eshte plagosur biznesmeni Xhevat Vataksi. Ai njihet si biznesmen ne kete qytet ne fushen e ndertimit.

Sipas te dhenave te para mesohet se ngjarja ka ndodhur ne njesine Berdice.

Nderkohe qe ne vendin e ngjarjes ka mberritur policia dhe kane nisur hetimet per zbardhjen e plote te ngjarjes.

Informacioni paraprak 

Me datë 05.05.2018 ora 12.30 jemi njoftuar se në fshatin Darragjat Shkodër, ka ndodhur plagosje me armë zjarri, ku ka mbetur i plagosur shtetasi Xh. V. 60 vjeç.

Menjëhere jane vënë në levizje të gjitha shërbimet e policisë duke rrethuar zonën dhe duke bërë krehjen e zonës për të bërë të mundur identifikimi dhe po punohet për kapjen e autorit, shtetasit A. L. 43 vjeç, banues në fshatin Berdicë.

Shtetasi Xh. V është dërguar në Spitalin Rajonal Shkodër, i cili ka marr plagë në kembë, momentalisht ndodhet jashtë rreziku për jetën

Në vendngjarje ndodhet grupi hetimor nën drejtimin e Prokurorisë Rrethit Shkodër për sqarimin e rrethanave të ngjarjes.

Raportuesi për Shqipërinë në Parlamentin Europian, Eduard Kukan nënvizon se diplomacia shqiptare duhet të bëjë ç’është e mundur për të bindur vendet skeptike të Unionit deri në vendimin e Këshillit të Qershorit për negociatat.

Në një intervistë për ABC News, Kukan thotë se qeveria shqiptare duhet të angazhohet konkretisht në marrëdhënien bilaterale me vendet e BE-së, për t’i bindur ata të votojnë pro hapjes së negociatave.

Eurodeputeti ndalet tek skepticizmi i Gjermanisë për të cilën thotë se është duke përgatitur qëndrimin e saj për Shqipërinë.

Po ashtu, Kukan thotë se veç Gjermanisë, edhe Holanda e Franca janë vende të vështira për të dhënë “OK” për negociatat.

“Këtu ka dy pika. Progresi në Shqipëri dhe Maqedoni ishte i dukshëm dhe mund të themi që Komisioni Europian vëzhgoi me shumë vëmendje situatën dhe rekomandimi i dhënë për të dyja vendet ishte pasqyra më e mirë, më objektive dhe më e ndershme ndaj situatës në Shqipëri dhe Maqedoni. Pika tjetër është që autoriteti që merr vendimin është Këshilli Europian, që përbëhet nga shtetet anëtare të Bashkimit Europian. Sipas përvojës, në përgjithësi, shtetet anëtare kur marrin vendime të tilla shohin së pari marrëdhëniet e tyre bilaterale me vendin në fjalë dhe jo nëse vendi ka përmbushur kriteret që janë përcaktuar në nivelin europian. Vendimi merret shpesh në bazë të marrëdhënieve bilaterale, që në këndvështrimin tim është diçka e gabuar, por ky është vendimi i shteteve anëtare sovrane. Siç i kam thënë edhe në Shqipëri kryeministrit dhe ministrit të Jashtëm, ata duhen të fokusohen tek vizitat në këto vende dhe të përdorin argumentet e tyre më të mira politike, por dhe sharmin e tyre. Sharmi në politikë është gjithnjë i rëndësishëm. Kjo po ndodh. Kam ndjekur që kryeministri ka vizituar Berlinin dhe është takuar me kancelaren Angela Merkel. Ne nuk e njohim ende qëndrimin zyrtar të Gjermanisë, por dimë jozyrtarisht se janë në fazën e përgatitjes, se cili do jetë vendimi i tyre për Shqipërinë. Pastaj është Franca dhe Holanda. Duhet thënë që Holanda tradicionalisht është shumë e vështirë në këtë aspekt, por për arsyet e duhura. Kur flasim me holandezët, ata tregojnë që investojnë shumë para për zgjerimin dhe duan të dijnë nëse këto para janë përdorur në mënyrën e duhur. Prandaj kanë një qasje të një kontrolli strikt. Por nëse paraqiten prova bindëse, ata bien dakord. Diplomacia shqiptare duhet të përqendrohet për kohën që mbetet deri në Këshillin e qershorit në intensifikimin e marrëdhënieve bilaterale me vendet skeptike dhe të bëjë ç’është e mundur për të bindur këto vende deri në vendimin e Këshillit të Qershorit” tha Kukan

Policia shqiptare ka konfirmuar lajmin për arrestimin në Gjermani të Arbër Cekajt, pronari i kompanise Arbri Garden e cila ishte porositesja e kontenierit me banane nga Kolumbia brenda te cilit u kap sasia rekord e kokaines ndonjehere ne vendin tone.

 

DETAJE NGA ARRESTIMI

 

Burime për ABC News thonë se ai kishte ndryshuar identitetin nga Arbër Çekaj në Arbër Jansen, duke marrë mbiemrin e bashkëshortes së tij me origjinë daneze.

Ai u gjet i fshehur në një banesë dykatëshe dhe gjatë momentit të arrestimit mësohet se nuk bëri rezistencë.

Burime nga grupi hetimor pohojnë për ABC News, se dy javë më parë në Berlin të Gjermanisë kishin shkuar oficerë të Krimeve të Rënda, të cilët bashkë me homologët e tyre, bënë të mundur lokalizimin e më pas prangosjen e Arbër Çekaj.

NJOFTIMI I POLICISE

Ne kuader te bashkepunimit me agjensite e huaja ligjzbatuese dhe konkretisht ate Gjermane eshte bere e mundur lokalizimi dhe arrestimi i shtetasit Arber Çekaj.

Arber çekaj eshte pronari i firmes Arbi Garden ku u sekuestruan 613 kg kokaine ne kiader te operacionit “last snow”.

U shkembye informacion ne kohe rekord midis Policise se Shtetit dhe agjensive te tjera si dhe me Prokurorine e Krimeve te Renda.

Ky shtetas eshte kapur ne nje province prane Dysedorfit

Arrestohet Arbër Cekaj në Gjermani, mëson “Panorama”. Ai eshte pronari i kompanise Arbri Garden e cila ishte porositesja e kontenierit me banane nga Kolumbia brenda te cilit u kap sasia rekord e kokaines ndonjehere ne vendin tone.

NJOFTIMI I POLICISE

Arber çekaj eshte pronari i firmes Arbi Garden ku u sekuestruan 613 kg kokaine ne kiader te operacionit “last snow”.

U shkembye informacion ne kohe rekord midis Policise se Shtetit dhe agjensive te tjera si dhe me Prokurorine e Krimeve te Renda.

HETIMET

Arbër Çekaj, pronari i ngarkesës me banane ku u zbulua 613 kg kokainë, është hetuar edhe rreth 2 vite më parë, si i dyshuar për përfshirjen në trafikimin e kokainës. Sipas burimeve nga Policia e Shtetit, mësohet se në dhjetor të vitit 2015, kompanisë “Arbri Garden” të Arbër Çekajt i janë kapur 90 kilogram kokainë në Ekuador.

Për këtë rast, Policia pati referuar materialet në Prokurorinë e Krimeve të Rënda më datë 22 dhjetor 2015, me numër protokolli 12041 dhe 12041/1. Ndërsa në janar të vitit 2016, pas referimit të materialeve, Çekaj është shoqëruar me iniciativën e Policisë për të dhënë deklarimet në lidhje me këtë rast trafikimi, që në fakt ishte parandaluar që në vendin e origjinës. Megjithatë, hetimet për këtë rast zgjatën vetëm disa muaj dhe më pas çështja mbeti pezull në Prokurorinë e Krimeve të Rënda, ku dosja u arkivua.

Por pas zbulimit të 613 kg kokainë, në magazinat e kompanisë së tij në Maminas, që kësaj here kishte ardhur nga Kolumbia, dosja e dy viteve më parë është hapur duke iu bashkuar procedimit të fundit, për të cilin Arbër Çekaj është shpallur në kërkim.

Për kokainën e kapur disa ditë më parë janë arrestuar menaxheri i kompanisë dhe shoferi. Vetë pronari i ngarkesës me banane, deklaroi disa ditë më parë se do të vinte në Shqipëri që të përballej me drejtësinë, por deri tani ende nuk është kthyer nga Gjermania, ku deklaroi se ndodhej.

Ish-ministri i Brendshëm Saimir Tahiri u përplas me analistin Andi Bushati këtë të enjte në emisionin “Të Paekspozuarit” në Top Channel. Duke iu referuar raporteve të palës italiane, Bushati akuzoi Tahirin se gjatë drejtimit të Ministrisë së Brendshme kanabizoi vendin. Tahiri mohoi akuzën.

“Shqipëria ka qenë e mbushur me kanabis! Ju keni gënjyer, ose keni mbyllur sytë. Nuk flasim vetëm për Lazaratin, kështu ka qenë Kruja, Berati, Malësia e Madhe, Tirana po ashtu.Jam i hapur për ballafaqim shifrash me ty dhe këdo. Në katër vite që kam qenë unë ministër janë më pak se një vit i Sali Berishës”, deklaroi Tahiri.

Bushati iu referua edhe mediave ndërkombëtare dhe disa shkrime në to në lidhje me kultivimin e hashashit.

“Mediat italiane, gjermane e franceze kanë shkruar që në Shqipëri po bëhet nami me kultivimin e hashashit”, tha Bushati.

Tahiri e mohoi këtë.

“Në mediat e huaja e dimë të gjithë sesi blihen artikujt se janë artikuj me pagesë”, tha ish ministri.

Bushati shpërtheu në akuza ndaj Tahirit, për trafikun e drogës, ku solli ne vemendje se shefi i Antimafias Italiane, Franko Roberti, ka thënë që vitet e fundit është trefishuar kultivimi i kanabisit në Shqipëri.

Por ish Ministri Tahiri e mohoi një gjë të tillë, duke e cilësuar Bushatin si një njeri të paguar nga Lulzim Basha. Kjo rriti tensionet në studio, duke kaluar në akuza të forta.

DEBATI

Bushati: Sot të gjithë e pranojnë, që kishte kanabis, e kanë dhënë mediat ndërmombëtare, dhe qeveria e pranoi dhe falenderoi opozitën, edhe Rama edhe Xhafa e kanë pranuar. Ndërkohë që ju thonit ska trafik e zhdukëm.

Tahiri: Unë pas Lazaratit kam thënë, nuk më tregm lufta në Lazarat por më tremb dita e nesërme, pasi do ketë një presion edhe për drogërat e foerta, dhe fenomeni u shtri në zonat që kultivoheshsin prej vitesh. Përsa i përket artikujeve në mediat e huaja, e them sepse e di pjesa e madhe e tyrë janë të paguara. Janë artikuj të blerë dhe ju e dini.

Bushati: U kthyen komisariatet e policisë që pallonin trafikanët. Të janë arratisur Drejtorët e Policisë që vendose vetë. E kthyet komisariatin në bordello trafikantësh.

Bushati: Unë e ndoqa fjalën e Tahirit dhe ajo që më bëri përshtypje ishte një çekuilibër në fjalën e tij. Sspse shumica e fjalës ishte nje raport, askush nga këta 139 deputetë,  nuk mund të hedhin baltë mbi mua sepse 30 vjet kanë prodhuar të njëjtat gjëra. Dredhimi është që, ju nuk jeni në pozitën që të thoni, ma kanë fajin ata të tjerët, apo po më bien në qafë Luli me Berishën apo Xhafaj. Ju keni një akuzë konkrete. Një njeri që do të sillet ndershmërisht edhe përballë organeve të drejtësisë dhe publikut, flet për atë që akuzohet, bashkëpunimi me trafikantët. Nëse ndiheni i pastër dhe i ndershëm, do të përgjigjeshit për këto pyetje. Kjo më bën të kem dyshimin e parë.

Tahiri: Të biem dakord mbi termat. Nëse mendoni se gjyqin tim ta bëj para jush refuzoj ta bëj këtë.

Bushati: Keni qene 4 vjet ministër.

Tahiri: Nuk do bëj gjyqin para jush. Po hetohem nga prokuroria, paarlamenti dhe italianët. Drejtësi do të ketë në të gjitha rastet. Po më kërkon të bëj gjyqin para jush, jemi në shina të ndryshme.

Bushati: Nuk po kërkoj gjyq.

Tahiri: Mos i fut në një thes të gjithë deputetët sepse ka burra dhe gra të mirë, që mundohen me mish e me shpirt.

Bushati: Merremi me thelbin , e lëmë propagandën. Cdo tentativë për t’iu shmangur thelbit nuk është mirë as për ju.

Tahiri: Sa i përket disbalancës, ka një standart moral. Jam ish minister, deputet. Dhashë dorëheqjen për tu përballur me drejtësine. Cfarë të bëj më shume? Po ka prova shkoj në burg.

Bushati: Nuk dua t’ju pyes a e morët varësen apo a i more lekët. Unë sot kam dyshimin, që ato që pretendon prokuroria janë të vërteta. Këtë nuk e mbroj duke pyetur Habilajt por duke ndjekur aktivitetitn tuaj politik 4 vjecar, që është në mbrojtje të trafikantëve të narkotikëve.

Tahiri: Po bën një akuzë, që është penale. Cohu shko në prokurori dhe jep faktet.

Bushati: Kemi qenë në nje studio kur keni thënë, nuk e kemi parë Berishën duke vrarë në 21 janar por mënyra politike e sjelljes na con në këtë deduksion. Njëlloj dhe me ju. Kur gjithë Shqipëria fliste për kanabizimi ju thoshit është përrallë. Kur njerëzit merreshin me atë që fliste për lidhjen tuaj me Habilajt, ju kërkonit burgosjen e tij. Filluat të merreni me mediat, me frontin e të keqës. Bëtë një show atje me shifra. Kjo është të mbrosh trafikantët. Nuk e di a keni marrë para dhe ndarë hashash me Habilajt, por keni qenë mburoja politike e këtij trafiku.

Tahiri: Ju e keni shumë kollaj të rrini në atë anë të banakut dhe ti bëni të gjithë njëlloj, nuk e di a e bëni për interes apo e bëni se kështu e mendoni. Nuk jemi të gjithë njëlloj dhe të jap fakte. Më the , që kur zotërote ke folur për kanabisin nuk është kështu. Ke gënjyer ose ke mbyllur sytë për kanabisin. Nëse mendon se kanabisin e solla unë, Shqipëria ka qenë e mbushur me kanabis.

Bushati: Ta ka thënë anti mafia italiane, që është shtuar kur erdhët ju. Anti mafia ka thënë, nga Shqipëria ka filluar të na vijë më shumë drogë se kurrë.

Tahiri: Ju gënjeni ose mbyllni sytë, se hashashi ka qenë gjithë kohën aty. Jo vetëm Lazarati. Kruja, Berati, Malësia e Madhe, Burreli. Përse nuk shkoni në ministri të merrni statistika? Unë jam shumë i hapur për një ballafaqim shifrash me ty dhe këto. Merr shifrat dhe mblidhi bashkë, janë më pak se një vit i Sali Berishës. Për cilën aryse duhet t’ju dëgjon gënjeshtrat që thoni? Përse nuk shkon të marrësh shifrat zyrtare? Nëse nuk është kështu, hajde të enjten tjetër të ballafaqohemi

Bushati: Ballafaqohemi që sot, jo të enjten tjetër.

Përplasje me Bushatin

Ai eshte perplasur edhe me analistin Armand Shkullaku, i cili e ka pyetur nese mban pergjegjesi qe kupola e policise se shtetit u perfshi e gjitha ne trafik droge dhe se emri i tij del ne pergjimet e Habiljave.

“Po me jep mend mua ti, genjen, minimumi lexo se cfare kam thene”, iu kthye Tahiri Shkullakut.

DEBATI

Shkullaku: Fjalimi juaj pati dy momente. E dhatë mandatin tuaj në një moment që nuk kishit rrugë tjetër. Parlamenti do të mblidhej prap, për ti dhënë leje prokurorisë për arrestimin tuaj. Hapja e negociatave me Shqipërine, kishte kushte. Kjo u tha edhe nga ministri gjerman edhe nga ambasadori Lu.

Tahiri: Për presionin ndërkombëtar do të arrestohem unë?

Shkullaku: Edhe këtë rradhë, i bëtë shërbimin e fundit Ramës. Ai tha nuk komandoj dot prokurorinë, le të më sjellin një provë dhe unë reagoj. Unë nuk them se është marrëveshje. E para sepse nuk ju quaj aq pak inteligjent për të besuar të garancitë e Rames. Fjalimi për mua ishte zhgënjyes. Nuk doli dikush kurajoz të pranonte cfare kishte ndodhur 4 vjet, por as viktima e kësaj politike që ka komplotuar kundër jush. Dëgjova të njëjtën histori, fornti i të keqesh, Luli, Visho Ajazi, Monika, Ilir Meta, Bujar Nishani. Kur jam përballur me ju ju kam thënë, kemi prova që në Ishëm është ngritur një pistë, avioni që ra me drogë. Ju nuk e shkarkuat drejtorin. Kur ju thoshin, në Vlorë ka kanabis, nuk shkarkuar ndonjë drejtor. Duhet të binit ju që të binte e gjithë kupola. Kur Zagani thoshte, makinën tuaj, që edhe me autorizim të posatshëm, bëhej trafik droge, ju e morët sërish vet dhe e përdorët. Gjatë 4 viteve nuk kam am përgjigje për këto gjëra që rezultuan të vërteta. Nuk ka ndodhur në Shqipëri që e gjithë kupola e policisë të jetë e përfshirë.

Tahiri: Ku e konstatuat?

Shkullaku: Janë të gjithë në arrati. Drejtori i Vlorës, ai i kufirit. Shefa të policisë.

Tahiri: E ke gabim.

Shkullaku: Kur ju thoshim a more masë për ata policë që lanë Mark Frrokun me trafikantin brenda. Keni qenë ministri më jetëgjatë. Jeni i pari që akuzoni për përfshirje në trafikun e drogës. Keni dalë në përgjimet e trafikantëve.

Tahiri: Kam dale unë ? Sa trafikantë mund të flasin për ju në telefon?

Shkullaku: Nuk doli emri i Niko Peleshit.

Tahiri: Tregon fiks modelin tënd, me të cilin jeni mësuar të gjithë. Të duket patjetër shërbim për Edi Ramën. Nuk e lexon dot si një gjest të një njeriu që thotë, ju duket se jam pengesë për integrimin? Po iki. Nuk jetoj për imunitet apo parlament, nuk fitoj para nga tenderat.

Shkuallku: Akuzohesh që makinën tënde ia dhe trafikantëve. Imagjinoni ministrin e brendshëm të Gjermanisë, që jep makinën dhe thotë dëgjo i kisha kushërinj ata po nuk e dija. E ka fajin media për këtë?

Tahiri: Më vjen keq që diapazoni të është zvogëluar

Shkullaku: Nuk ma përcakton ti diapazoni, sepse nuk kupton sa të shkurtër ke diapazonin tënd.

Tahiri: Sa i përket drejtuesve të policisë, njëri është i akuzuar. Nuk e di a ka faj apo jo. Do të shohim a ka pëgjegjësi. Nuk besoj së është kështu por do të paguaje faturën.