Vendimi i përfolur për sjellë 600 mijë sirianë, veç të tjerash, prish edhe ekuilibrat fetarë në vendin e shqiponjave tashmë të zgërlaqura. Shqipëria me shtesën arabe 25 për qind humbet edhe elementin e fundit të krishterë, për tu bërë kështu një vend totalisht islamik, pjesë e botës turko-arabe. Shqipëria rrezikon të kthehet në një Kalifat Islamik në principet e Turqisë së vogël europiane, për të cilën është folur nga diplomacia e qarqet e vendosjes edhe në fillimin e shekullit të kaluar? Ky mund te duket dyshim i pabazuar, por nëse i hedhin një vështrim asaj çfarë ka ndodhur gjatë 100 viteve, pak mbetet për të dyshuar. Pse ta fshehim e kujt ja fshehim se krijimi i shtetit shqiptar është pritur me hezitime nga diplomacia europiane pikërisht për shkak të përqindjes së madhe të popullsisë me besim mysliman. Atëherë ai gjykim, i cili sot në fjalime konsiderohet paragjykim, por me nënkuptime vazhdon të përvijohet si mentalitet i diplomacisë. Mos i dëgjoni çfarë thonë, por nuhatni çfarë nënkuptojnë. Konservatorizmi europian tanimë është po aq në shfaqje e lulëzim sa në fillimet të shekullit të kaluar kur vendosej fati i Shqipërisë. Mund të themi, sipas simptomave, se ky zgjim i mentalitet konservator i Europës së krishterë, e plakur tashmë, që po shpartallohet nga dyndje e popullsive energjike arabe, nxitet pikërisht si reaksion e frikë e rifigurimit të popullsisë dhe humbja e traditave të krishtera.

2000 vjet krishterim e kanë ngulitur traditën fetare si pjesë e tipar të kulturës perëndimore. Edhe në botën arabe aziatike, në kahen tjetër, po ashtu. Aq më tepër se feja e krishterë është reformuar më së shumti nga nevoja për t’ju përshtatur zhvillimeve të reja ku shteti u be laik duke u ndarë nga kisha. Mbase për disa jo e plotë kjo ndryshueshmëri, kur në kahen tjetër kemi një radikalizëm të islamit( islami politik) e përdorimit të tij prej politikës, çfarë solli përmbysje e pështjellime në Turqi e vendet arabe. Gjithsesi, edhe pse duke qenë vend i lirive, mos prisni ta thonë se duan ta ruajnë identitetin e krishterë, jo nuk e thonë kështu. Do të gjejnë fjalë të tjera, por qëllimet mbetën të njëjta. Pranimi i emigracionit të kontrolluar ka qenë një rutinë nga nevoja për fuqi punëtorë, por me përmasat që ka marrë kjo dyndje, shumë shpejt europianët mund të ndodhen para faktit të kryer të Europës së zezë, në kuptimin e dominimit të popullsive arabe-afrikane që shumohen dhjetë herë më shpejt e më shumë se europianët. Asimilimi i ardhësve është i pamundur, për shkak të fesë është gjithashtu tepër i vështirë për tu përshtatur me kulturën e traditat dhe mendësitë europiane. Ka që lindin në Francë dhe vazhdojnë të jenë fanatikë fetarë islamike.

Krimet terroriste flasin edhe për një mësues me origjinë arabe, i lindur në Angli që papritur na u gjend terrorist kamikaz në Londër, duke masakruar njerëz të pafajshëm. Të çudit fakti se kanë mbaruar universitete europiane, por mbeten në mendësinë e urrejtjes fetare. Pa aspak tolerancë. Ky është një problem i madh që e shoqëron çdo lloj emigrimi nga vendet me fe të manipuluar politikisht e të mbetur në mendësitë e mesjetës e pa kurrfarë dëshire për t’ju përshtatur kushteve të reja e jetës se re në Europë. Në aspektin reformues as që flitet për vendet në kaos të origjinës. Pra prurjet e mëdha e të pakontrolluara, sjellin edhe eksese të mëdha. Dhe potenciali më i madh i rrezikut nuk është kultura, por pikërisht feja. Njerëzit e saj predikues që duhej të shërbenin për zbutje të urrejtjes e ndasive, përkundrazi bëhen shkak i fanatizimit si dhe radikalizimit të njerëzve të thjeshtë. Se fundja çfarë i bashkon, një sirian, një afganistanas, një irakian e një jordanez të bëjnë një aksion terrorist në Paris. Amalgama e tyre e ngjizur në mendësi është padyshim dogma fetare. Intifada. Lufta e shenjtë. Veprime që i kryejnë pa i kuptuar në brendësi e pa i vendosur në kohën kur kanë lindur. Te dogmat gjejnë alibinë e ngushëllimin por edhe përrallat e ndezura për parajsën ( xhenetin) që i pret me 40 virgjëresha për dashnore. Ata që përpiqen të thonë të kundërtën thjeshtë mashtrojnë, na paraqiten kinse kjo apo ajo fe është paqësore si pëllumbat dhe e butë si mëndafsh. Paqësore në letër sigurisht, por në predikime klerikësh injorantë dhe në mjedise sociale kemi një pamje tjetër të mjerueshme. Kemi djem të rinj shqiptarë nga Kosova, Shqipëria dhe Maqedonia e Veriut, që shkojnë në Siri dhe bëhen vrasës të përbindshëm. Sa shpejt i harruam kërcënimet ogurzeza të vrasësit Lavdrim Muhaxheri dhe të tjerëve, madje në gjuhën shqipe. Kemi me dhjetëra e qindra trupa njerëzorë të sakatuar duke përfshirë edhe fëmijë. Me thirrjen tradicionale fetare arabe, që nuk dua ta përmend se tashmë ka marrë nocionin e frikës.

Pse shkruaj kështu dhe a kam sadopak rezerva sa i përket feve? Nuk mendoj se inspiroj as prioritete dhe as urrejtje fetare. Kjo për shkakun se nuk jam fetar i ngulfatur dhe i përkas mendjeve të lira të kësaj bote. Aspak i përkushtuar në dogma. Respektoj institucionin fetar të cilit i përkas si trashëgim familjar( por edhe fetë e tjera sigurisht me të cilat familjarisht jam i lidhur). Por vetëm me një kusht, që të më ndihmojnë të dua Atdheu e popullin tim, historinë, traditat dhe sigurinë e të ardhmes së kombit ku fillon e mbaron qenia jonë individuale. Nëse ka një Zot të më falë. Nuk e skllavëroj dot mendjen as përpara atij që më ka krijuar. Sepse skllavëria e mendjes nuk është qëllimi i krijimit qoftë nga hyjnitë e qoftë nga natyra. Unë as e mohoj dot e as e konstatoj dot. Universi është një pjesë e vogël e enigmës së madhe që nuk mund ende të vërtetohet si u krijua e ku qëndron. Gjithë çfarë qoftë e vërteta, dogma nuk arrin të bind njeriun e shkolluar, por as ai i dituri nuk arrin ti jap zgjidhje enigmës. Prandaj u them shpesh atyre që lëshojnë insinuata, e keni gabim kur më klasifikoni siç më klasifikonte kompania e zullapërisë turko-memurë të fundamentalisteve islamikë në mars të vitin 2000 në pesëmbëdhjetë shkrime në shtyp kundër meje (marramendëse kjo), duke më konsideruar me termin e shpikur katoliko – centrik. Se shpejti do të keni një pasqyrë të polemikave fetariste të qerthullit fanatik të asaj kohe (që vazhdon mjerueshëm), si dhe përgjigjen dinjitoze që u dha Prof. Engjëll Sedaj (1943-2006) në faqet e gazetës “Bota sot” më 20-23 mars 2000 dhe ku ndër të tjera e mbrojti edhe idetë dhe parashtrimet në shkrimin tim që ndezi atbotë Abdi Baletën, “Çfarë i solli feja e pushtuesit kombit shqiptar?”.

Po pse reagoj unë, shpesh më pyesin? Heshtja është më oportune sipas tyre. Lehtë është ta mësojë çdo kush. Kur e shoh se si zullapëria me revansh osmanik po kërkojnë të na bëjnë synet në tru si komb e si popull, me zor e përdhunë, unë nuk mund të rri e të flladitem për nën hije të lisit. Tepër i madh ky luks për kohën tonë. Por më e keqja është kur kundërshtitë e reagimet e mia që kanë qëllime kombëtare, i marrin si agresivitet ndaj islamit. Jo, kurrsesi. Nuk cenoj asnjëri në bindjet e veta brenda vetvetes. Unë kam bindjet e mia, sigurisht, që ne shprehje e shfaqje publike nuk kanë fare të bëjnë me pozicione fetare por me ato kombëtare.

Kam reaguar ashpër kur kam parë se si feja manifeston në rrugë duke krijuar imazhin e një revanshi fetar, çfarë nuk ka ndodhur as nën kushtet e pushtimit osman që kishte pushtet dhe instrument fenë islame, kam reaguar kur politikanët tanë u bënë si bajgë në këpucën e Papës duke u ngutur të tregonin gjoja katolicizmin e tyre të përkushtuar. Një rreng e një rrenë kjo për të përfituar politikisht. Kam reaguar që herët kur e kanë futur Shqipërinë në Konferencën e Vendeve Islamike edhe pse në Kushtetutën shqiptare të vitit 1992, neni 7, dhe asaj të vitit 1998, neni 10, shprehte qartë laicitetin e shtetit; ndaj vazhdoj të shpreh edhe më tej mendimin se pjesëmarrja e Shqipërisë në këtë organizatë fetare ka qenë e vazhdon të mbetet antikushtetuese. Pse vallë asnjë forcë politike apo shoqatë e pavarur nuk e dërgon çështjen në Gjykatën Kushtetuese, apo asnjë deputet nuk merr iniciativën të propozojë një referendum popullor për këtë shkelje kushtetuese. Mos më flisni për opozitën se ajo vetë e futi Shqipërinë në këtë batak arabo – aziatik.

Gjithmonë kam reaguar sepse e shoh se çfarë spekulimesh bëhen me fenë për përfitime politike. Nga një anë e errët qeverisëse deklarohet se jemi një komb me rrënjë e degë islamike, madje edhe burim islam na bënë si komb. Çfarë nuk është aspak e vërtetë se ku do ti çojmë të krishterët ( katolikë e ortodoksë së bashku) që e mbajtën shpirtërisht e fizikisht këtë komb nëpër shekuj pushtimi. Çfarë ta bëjmë Gjergj Kastriotin? Dhe nga ana tjetër, na i rrokën katër krerët fetarë të Shqipërisë e i dërguan si dashi me këmborë për të parakaluar rrugëve te Parisit, kinse, për ti thënë qytetërimit perëndimor merrni shembull nga ne, se ne jemi kampion në botë për mirëkuptim fetar. Bla-bla-bla. Dëngla. Se ndërkohë në Mitrovicë e rrëzuan përmbys shtatoren e Nënë Terezës, myslimanët e Shkodrës nuk e pranuan monumentin e bamirëses së madhe në hyrje të qytetit dhe projektin e zhvendosen me imponim. Kishën e Shën Shtjefnit në kala që në kohën e Gjergj Kastriotit e duan sërish xhami siç e patën kthyer pushtuesit barbar e hordhitë e egra te Anadollit, a thua se këta myslimanë fanatike te Shkodrës qënkan përfaqësues e mercenarë të revanshit osman pan Ballkanik. Po ka dhe më. Ca islamikë të qorrollisur plasën që të mos bëhet Katedralja Katolike e Prishtinës si vizion paqësor e mirëkuptues i presidentit të ndjerë Ibrahim Rugova, përpara të cilit udhëheqësit e sotëm duken si liliputë. E me tej çfarë do politika e qeverisja që manipulon me festat fetare. Çfarë është kjo qeveri që shtron iftar e bën propagandë me fjalime dogmatike. Nuk ka shtruar(e mirë ka bërë) ndonjë drekë a darke për Krishtlindje apo Pashkë as për ortodokset e as për katoliket. Qeveritarët nuk kanë asnjë punë, madje bëjnë mirë ti zbojnë nga institucionet fetare e ti quajnë të padëshiruar sepse venë për tu dukur e dalë në media për përfitime elektorale.

Po pse duhen bërë mësime fetare në shkolla? Për ti treguar fëmijëve se nuk jemi krejt njësoj, se kemi besime të ndryshme, tu fusim në kokë dogma, apo tu nxisim luftën e shenjtë, këndej intifada andej kryqëzata. Nuk ka asnjë punë feja në shkollë. Kush do të bëhet fetar të shkojë në shkolla të posaçme që thënë të vërtetën ka më tepër seç duhet këtu ndër ne. Kemi prodhim klerikësh me shumë se na duhen. Aq me tepër se ne këtë fushë, importi po e konkuron vrullshëm prodhimin e vendit.

Edhe lajmet që jepen për mundësinë e ardhjes se 600 mijë sirianeve padyshim ka të bëjë me produktin shkatërrues të politikës në shumë pikëpamje. Por edhe efekti që do krijohet sepse ata 600 mijë do të jenë myslimanë, kjo bën që të shtohen institucionet fetare dhe të minimizohet përqindja e popullsisë se krishterë deri në zhdukje. A nuk tingëllon kjo si një dëshirë për të shfarosur autoktonët, ata më të rezistueshmit në histori, atë pjesë heroike të popullsisë që i qëndroi përballë pushtuesit pesë shekullor, jo vetëm si arbër me kulturën e traditat e veta stërgjyshore, por nuk u lëshuan as në pikëpamje fetare. Çfarë, si rezultante historike, solli që ky popull të merret në konsideratë dhe të vlerësohet si një identitet i fortë me tëra potencialet për të krijuar një shtet. Nëse popullsia do të ishte krejt islamike dhe të konsiderohej e tillë nga Europa, të jeni të bindur se nuk do të kishim pavarësi, do të konsideroheshim një province turke dhe do të copëtoheshim pa pasur kurrë një shtet, siç u tentua të bëhej prej qarqeve të diplomacisë në Londër, Shkaku dihet ani pse fshihet, nuk donin të krijohej një Turqi e re dhe e vogël në Ballkanin perëndimor. Ekzistenca e popullsive së krishterë ua zbuste këtë dyshim, por ishte dhe faktori Austro-Hungari, kjo perandori katolike që ndikoi në favor të shqiptarëve.

Nuk ka qenë e pakuptimtë as e paqëllimtë, që në momentin e aktit te madh të Pavarësisë, të ishin edhe dy shtyllat e forta të shqiptarisë, Luigj Gurakuqi (1879 -1925) dhe Dom Nikollë Kaçorri (1865-1917), madje ky i fundit zëvendëskryeministër, rangu i dytë pas Ismail Qemalit. Fakt që mjerisht në përkujtime shtetërore apo dhe shkrime anashkalohet. Shfaqje e mjerueshme e shoqëroi mbërritjen e eshtrave të Dom Nikollë Kaçorrit në Rinas ku u përcoll jashtë vëmendjes së qeverisë si të ishte një valixhe udhëtarësh. Asgjë nuk është rastësi dhe e kanë gjithsesi një kuptim. Pse bëjmë sikur nuk i dimë këto . Shqipëria u ruajt në identitet dhe u bë në saj të qëndresës së popullsisë së krishterë që i konsideronin të huaj pushtuesin osman. Përkundër mjaft shtresave të popullsisë që e konsideronin veten turq dhe ishin njësuar me pushtuesit deri ne atë masë sa kur u bë kryengritja e vitit 1911, kundër malësorëve i nisen trupa të rinisë myslimane të Shkodrës të luftonin kundër tyre. Këtë fakt historik e kanë mbuluar. Të mashtruar sigurisht nga pushtuesit turq, që lëshuan kushtrim kasnecësh në qytet, kinse malësorët kishin dalë kundër Dinit e Imanit. Dhe shkuan të veshur e të armatosur, por Dedë Gjon Luli i zuri rob sapo zbritën nga varkat në bishtin e liqenit, dhe, si i çarmatosi, i zhveshi dhe i nisi prapa për në Shkodër pa vrarë as dhe një.

Nuk mund të themi e të flemë gjumë se harmoninë e kemi të siguruar si byrek në tepsi, siç kuturisin shtetarët tek mburren nëpër kancelaritë e Europës. E di shumë mirë Europa çfarë jemi. Sepse edhe ka ndërhyrë kur kemi qenë në zgrip të luftës civile, kur qytetarët shkodranë për shkak të përçarjes fetare, që e nxiste valiu turk që nuk e kish per gjë të varte priftërinjtë katolikë ne mes të qytetit, u barrikaduan sipas përkatësisë fetare. U desh ndërhyrja energjike e Austro Hungarisë që nëse katolikët pësonin ndonjë gjë do ti shpallte luftë Stambollit. E di Europa shumë mirë se ende në Prishtinë shkojnë shqiptarët faqezinj e falen në tyrben e pushtuesve, Sulltan Muratit a Mehmetit dreqi po e di. E di Europa se disa renegat fanatikë fetare të shitur, shkojnë e marrin një historian teveqel turk që nuk lë gjë pa thënë për heroin tonë kombëtar atje në Katedralen e Shën Nikollës në Lezhes ku ishte varrosur Gjergj Kastrioti e barbarët e Anadollit e zhvarrosën dhe kockat ja trazuan e humbën. E di Europa çfarë po ndodh në këto troje me tërbim e fanatizëm vetëvrasës. Mirë Europa, po ju a e dini që në fjalorët e gjuhës shqipe ka qenë e mbetet përherë fjala dhe shpjegimi në negacion kryqëzatave të krishtera këtu e shekuj më parë, para se të shfaqeshin turqit në Ballkan? Por nuk gjen asnjë fjalë e asnjë nocion që ka të bëjë me “intifadën”, luftën e shenjtë të myslimanëve kundër te krishterëve, që u shfaq aq agresive me kokëprerje në shtetin makabër të ISIS në Siri dhe Irak.

Gjithë kjo lukuni që krijon kësisoj mysybetesh turko-memure, mendojnë mbase se njerëzit dinë të lexojnë por nuk dinë të kuptojmë. Dhe laj lesh me historinë, me traditat, me kulturën arbërore, e kërko e gërmo natë ditë në rrënjët e kombit për të gjetur aty vetëm islamizmin e shekullit te XV, sikur këto troje të mos kishin pas histori më parë, sikur gjithçka ka filluar me një ferman të sulltanit. Ta zëmë krijimi i Tiranës i atribuohet, me një monument skandaloz, një kopuk-qafiri që i shërbeu deri në përçudnim sulltanëve të Stambollit, kur populli shqiptar përgjakej me pushtuesit. A e kuptoni deri ku shkon poshtërsia e politikës dhe e ëndrrës se çmendur për të krijuar këtu një Shqipëri si pjellë e hordhive arabo-aziatike. Nuk ishte një shfaqje krejt e kotë e mizerabiliteteve që sot u thurin lavdi Esat Pash Toptanit, që u vra nga një shqiptar atdhetar, Avni Rustemi, që edhe atë e anatemojnë buburrecat e historisë. Por me heqjen nga skena të kerrmës antikombëtare, nuk u shua si ideal shkatërrues esatpashtoptanizmi, sepse ja ku i kemi edhe sot llapaqenët që i thurin lavdi. Po dale, të thonë, se kjo ngordhësirë historike na paska pas edhe ndonjë të mirë. Mirëzezë, thuaj. Lëre më Haxhi Qamilët e rinj, se ata janë një tjetër kapitull i ndyrë në histori që u instumentalizua nga politika moniste, por jeton ende nëpër dëlire anadollake të cilat edhe krejt pa rrezik nuk janë.

Ndaj duhet me çdo kusht që politika të rrijë larg instrumentimit të fesë. Loja e politikes me fenë është një zjarr që potencialisht i shkreton trojet shqiptare ndaj dhe nëpër shekuj ata që i kanë radikalizuar me së shumti shqiptarët në pikëpamje fetare kanë qenë armiqtë më të egër të Shqipërisë. Ata kësisoj e kanë parë përçarjen fetare si instrumenti më i mirë e më efikas për të shuar e harruar çështjen shqiptare në Ballkan, çështje që ende mbetet e pazgjidhur. Sa më shumë afron koha e zgjidhjes, aq më e stërholluar bëhet arma me të cilën e luftojnë armiqtë tanë kauzën shqiptare. Ndaj duhet përballuar zullapëria antikombëtare, e gjithsecili, pavarësisht se çfarë besimi i përket si trashëgim familjar, apo personal, mbi gjithçka të mendojë e të punojë për kombin, ku të lindim e të vdesim si kombtaristë – që të rrojë edhe me tej shqiptaria.

Prokuroria e Tiranës kërkon nga 1 vit burg për deputetin Tom Doshi, ish-deputetin Mark Frroku dhe Durim Bamin, të cilët akuzohen për “kallëzim të rremë” për të ashtuquajturin “atentat” ndaj Doshit. Ditën e djeshme u mbajt pas tre vjetësh zvarritje edhe pretenca në Gjykatën e Tiranës, shkruan “Panorama”.

Prokuroria, e cila përfaqësohej nga prokurorja Elsa Miha, kërkoi që Doshi, Frroku dhe Bami të dënohen me nga 1 vit burg për kallëzim të rremë dhe pas aplikimit të gjykimit të shkurtuar, masa e dënimit të vendosej përfundimisht në 8 muaj burgim për secilin. Në seancë munguan tre të pandehurit, por u përfaqësuan nga avokatët e tyre.

Nga dosja hetimore, ka qenë Mark Frroku i pari që ka dekonspiruar në një farë mënyre planin e Tom Doshit për “atentatin e supozuar”. Deklarimet e tij në Prokurori kanë bërë që të zbulohet se gjithçka ka qenë një sajesë e Doshit. Ky i fundit pati deklaruar që ishte Frroku ai që e njoftoi për atentatin. Seanca për konkluzionet e mbrojtjes do të mbahet më katër korrik, ku pritet edhe vendimi.

DOSJA E PROKURORISË

Në muajin gusht të vitit 2014, i pandehuri Tom Doshi ka qenë jashtë Shqipërisë me pushime, ndërsa ka marrë një telefonatë nga i pandehuri Mark Frroku, i cili i ka kërkuar një bisedë urgjente.

I pandehuri Tom Doshi i ka shpjeguar se nuk ndodhej në Shqipëri dhe për këtë arsye, ata e kanë lënë takimin, pasi ai është kthyer nga pushimet. Nga aktet e administruara, ka rezultuar se ky takim është zhvilluar nga fundi i muajit gusht 2014, në mjediset e hotel “Sh***” në Tiranë. Në këtë takim, i pandehuri Mark Frroku i ka bërë me dije të pandehurit Tom Doshi se ndaj tij po përgatitej të kryhej një atentat dhe këtë do ta ekzekutonte një shtetas me emrin Durim Bami.

Sipas Mark Frrokut, shtetasit Durim Bami i ishte ofruar shuma prej 500 mijë eurosh për të kryer vrasjen. I pandehuri Frroku ka marrë përsipër gjithashtu që ta prezantojë të pandehurin Tom Doshi me personin që do të kryente vrasjen (Durim Bami) me qëllim që ai të mësonte më shumë detaje për rrethanat e kryerjes së këtij atentati.

Me ndërmjetësinë e të pandehurit Mark Frroku, takimi mes tyre dhe Durim Bamit është zhvilluar disa ditë më pas. Lidhur me këtë takim, Tom Doshi ka shpjeguar se Durimi i ka thënë se porosia për të realizuar vrasjen ndaj tij ishte dhënë nga Ilir Meta, në atë kohë kryetar i Kuvendit të Shqipërisë, nëpërmjet një personi të quajtur F.S. Ky i fundit, administronte një lokal që ndodhej në zonën e “ish-Bllokut”.

Pretendohet gjithashtu që personi tjetër i përfshirë në këtë ngjarje është shtetasi R.S., kushëri i F.S., i cili në periudhën në fjalë ka pasur si detyrë të vëzhgonte lëvizjet e Tom Doshit. Sipas të pandehurit Tom Doshi, gjatë takimeve të mëparshme që ka realizuar me Durim Bamin, me ose pa praninë e Mark Frrokut, Bami ndër të tjera i ka thënë se në muajin qershor të vitit 2014, në afërsi të makinës së tij të parkuar pranë Gjykatës Kushtetuese, këta persona kishin vendosur një motoçikletë, nga ato që përdoren për shpërndarjen e picave, brenda së cilës gjendej një sasi eksplozivi që ishte paracaktuar të shpërthente në kohën që i pandehuri Tom Doshi do të hipte në makinën e tij.

Durim Bami i kishte thënë gjithashtu se ai nuk kishte pranuar që të realizohej shpërthimi, pasi kishte pasur frikë se mos dëmtoheshin edhe persona të tjerë. Në mbështetje të pretendimeve të tij, Tom Doshi ka dorëzuar para Prokurorisë një usb, e cila përmban një regjistrim audio dhe video prej 37 minutash, ku Durim Bami pohon para tij planin si më sipër.

I pandehuri Tom Doshi ka deklaruar gjithashtu se ka parë sasinë e eksplozivit të pretenduar se ishte vënë në motorin pranë makinës së tij, të cilën e ka fotografuar me aparat celular te mjediset e banesës së të pandehurit Durim Bami, e cila ndodhet në zonën e plazhit në Durrës. I pyetur, i pandehuri Mark Frroku ka shpjeguar dhe insistuar se nuk ka asnjë njohje me të pandehurin Durim Bami.

Në asnjë rast dhe për asnjë arsye nuk ka qenë ai që i ka dhënë këtë informacion deputetit Tom Doshi, për më tepër që të ketë prezantuar këtë të fundit me ndonjë shtetas me emrin Durim Bami. Të njëjtin qëndrim ka mbajtur lidhur me këtë rrethanë edhe i pandehuri Durim Bami, i cili është ndaluar më datë 03.03.2015, në tentativë për t’u larguar nga Shqipëria. I pyetur fillimisht si deklarues e mandej nën hetim, i pandehuri Durim Bami ka deklaruar si më poshtë.

Arsyeja e largimit të tij ishte si rrjedhojë e situatës së krijuar në media, ku deputeti Tom Doshi kishte thënë se personi që është paguar nga Ilir Meta për të vrarë atë është filmuar dhe është takuar me ministrin e Brendshëm. Për këtë fakt, atë e ka njoftuar bashkëshortja e tij në telefon që nga jashtë vendit. Ajo e ka sqaruar për të gjitha deklaratat e bëra nga Tom Doshi dhe gazetarë të ndryshëm. Të pandehurin Tom Doshi e ka njohur përmes shtetasit A.Sh., që është nipi i Doshit dhe njëkohësisht edhe njohje e tij e vjetër. Ka qenë i pandehuri Tom Doshi që e ka telefonuar dhe i ka kërkuar që të pinë kafe te lokali “A****”.

Gjatë bisedës, Tom Doshi i ka thënë që: “Kam qejf të të ndihmoj, por dua edhe ti të më ndihmosh për diçka që unë do të kërkoj”, dhe ai i është përgjigjur: “Nëse është diçka që bëhet, do mundohem që të ndihmoj”. Aty i pandehuri Tom Doshi i ka kërkuar që donte prej tij të bënte të besueshëm faktin sikur atë (Tomën) kanë dashur ta vrasin dhe personi që paguan për vrasjen e tij është Ilir Meta.

Ai ka shpjeguar se i është kërkuar që të bëhej dëshmitar dhe të thoshte në Polici që ai ishte personi i paguar për vrasjen e Tom Doshit. Gjithë kjo situatë, deklaron ai, do të ishte një gjë e sajuar mes Tom Doshit dhe tij. Pasi kanë rënë dakord për ta bërë këtë gjë, Toma i kishte premtuar se do t’i jepte një shumë parash. Shifrën konkrete ai nuk e ka përmendur, por ka thënë se ishte e madhe. Ka qenë Toma që i ka kërkuar të gjente një peron të tretë që do të bënte rolin e porositësit të vrasjes, pra lidhjen mes atij dhe Ilir Metës, pasi vetë Durim Bami nuk njihej me të.

Bami ka menduar se personi më i përshtatshëm ishte F.S., që kishte njohje me të. Po kështu, ka qenë i pandehuri Tom Doshi që i ka ofruar që të sajojnë një video sikur ndaj tij ishin bërë përpjekje për ta vrarë. Ai kishte rënë dakord me Doshin se sajesën e orvatjes së vrasjes së tij, do t’ia shpjegonte edhe ministrit të Brendshëm, në atë kohë Saimir Tahiri, me të cilin rezultoi se është takuar disa herë e në një rast edhe në prani të drejtorit të Përgjithshëm të Policisë së asaj kohe, Artan Didi.

Para ministrit, ai ka pohuar të njëjtat rrethana që ka deklaruar edhe deputeti Doshi, të cilat janë edhe në filmimin e bërë, por edhe pse i është ofruar mbrojtje konform të gjitha rregullave në fuqi, nuk ka pranuar të iniciojë procedurë hetimore, pra të bëjë deklarime para shërbimeve të Policisë Gjyqësore, sepse sikundër shpjegon ai, ajo çfarë ishte regjistruar mes tij dhe Tomës ishte thjesht një sajesë. Ka qenë Tom Doshi që në një nga takimet i ka kërkuar të sajonin sikur ishte përgatitur atentat ndaj tij.

Për këtë, ata do të sajonin sikur ishte vënë një motor me eksploziv te një lokal që është mbrapa dy kullave ku rrinte Toma. Motori do të vihej afër mjetit të Tomës dhe kur ai të dilte, do të realizohej shpërthimi. Për këtë qëllim kanë përfshirë edhe djalin e xhaxhait të F.S., shtetasin R.S.. Motorin e kishin blerë të vjedhur në Paskuqan. Të gjitha këto sajesa do t’i tregoheshin ministrit të Brendshëm, të cilit do t’i thuhej se shpërthimi nuk u realizua, se shoferi gjoja kishte lëvizur motorin, pasi kishte qenë shumë afër makinës së Tom Doshit. I pandehuri Bami ka deklaruar se personat që ai ka implikuar nuk kanë dijeni për këto rrethana.

Të njëjtin qëndrim ka mbajtur Bami edhe në pyetjen e tij në cilësinë e të pandehurit, ku ndërsa ka konfirmuar edhe një herë se plani i vrasjes së Tom Doshit është i gjithi një sajesë, e kryer për qëllime të këtij të fundit. Ai hedh poshtë çdo dyshim të ngritur nëse është kërcënuar ai apo familja e tij për qëndrimet e mbajtura në këtë proces.

PANORAMA

Historiani i njohur dhe deputeti i Parlamentit të Shqipërisë Romeo Gurakuqi komenton në faqen e tij në rrjetin social situatën aktuale:

“Ai ka vendosur ta bëjë karrrieren politike duke e hedhur Republikën në kaos dhe kombin ne shperberje.

Nga Kulla e Surrelit, ai zbavitet me dramën që po i sjell popullit.

Mireqënia dhe pasuria e tij,

e protagonistëve kryesore te Rilindjes Socialiste dhe e shpurës së tyre lepirese,

u ngrit dhe po perforcohet mbi gërmadhat e shkatërrimit të shtetit,

parlamentarizmit,

europianzimit, institucioneve të lirisë, rrënimit të demokracisë, shtetit të së drejtës, laicizmit dhe albanianizmit.”

KUKES- Gjykata e Kukësit ka vendosur të lirojë një nga katër protestuesit e “Rrugës së Kombit”, protestë e zhvilluar pak kohë më parë për të kundërshtuar vendosjen e tarifës për mjetet që kalojnë në këtë aks.

Protestuesi i liruar sot është Xhevahir Gashi, ndërsa pritet të nisë seanca për dy të tjerët. Gjykata e Kukësit pritet të japë masën për Elton Cengu 39 vjeç dhe Vasil Laçi, 31 vjeç.

Pak kohë më parë një tjetër i burgosur la qelinë për shkak të gjëndjes së tij shëndetësore. Florin Onuzi, 35 vjeç pësoi infarkt në burg dhe gjykata vendosi ta lërë të lirë.

Kujtojmë se Gjykata e Apelit Shkodër la të lirë pak kohë më parë 7 nga 11 protestuesit kuksianë, të arrestuar pas protestës në Rrugën e Kombit.

Masa për 4 personat që mbeten në qeli ngjalli reagime në sallë dhe para gjykatës ku qëndronin familjarë e mbështetës të protestuesve të arrestuar.

Prefekti i Kukësit, Zenel Kuçana i eshte pergjigjur thirrjes se Kryeministrit Edi Rama dhe sot nuk ka firmosur kërkesën e Këshillit Bashkiak të Hasit për dhënien e titullit “Qytetar Nderi” Gafurr Mazrekut. Pas shqyrtimit me kujdes te kërkeses se Këshillit Bashkiak për dhënien e titullit “Qytetar Nderi” për Gafurr Mazrekun, prefekti Kuçana tha se “vendosa të mos e konfirmoj këtë vendim pasi bie ndesh me ligjin 112 të vitit 2013 për dekoratat, titujt e nderit dhe titujt vendorë të nderit në Republikën e Shqipërisë.”

Prefekti nenvizon ne vendimin e tij se një person, që të shpallet qytetar nderi, duhet të mos jetë dënuar më parë për shkelje të rëndë të ligjit dhe nuk duhet të jetë nën hetim.

Kuçana i kërkoi Këshillit Bashkiak të jetë i kujdesshëm dhe të respektojë ligjet në rastet e propozimeve për shpalljen qytetar nderi të personave të caktuar.

Një ditë më parë Kryeministri Edi Rama e ka quajtur “provokim të papërgjegjshëm” të kujtdo që e ka propozuar dhe ka miratuar vendimin e Këshillit Bashkiak të Hasit për t’i dhënë titullin ‘qytetar nderi’, ish-deputetit socialist Gafurr Mazreku, i cili në dhjetor të vitit 1997 plagosi me armë në parlament Azem Hajdarin.

Kryeministri Edi Rama ishte më 16 Qershor në Lurë. Unë e përshëndeta dje dhe po e përshëndes sërish këtë vizitë të tij në vendlindjen time. Kam disa vjet, që jam në frontin e sulmuesve të qeverisë dhe Ramën e kam personazh kryesor. Dje e bëra pushim. Sot, në mëngjes, u ula të lexoj çfarë ka bërë ndonjë zullum qeveria nëpër atdhe dhe unë të vazhdoj avazin tim të preferuar, kritikën ndaj qeverisë dhe shefit të saj.

Por nuk të lë Luliiiiiiii! Shihni çfare lexova: “…Me anë të një njoftimi, Partia Demokratike, ka thënë se biznesi i Llesh Doçit, bujtina që ai ka në Lurë, është ndërtuar nga paratë e trafikut të drogës…”

Ky të acaron, por unë do ruaj pak qetësinë dhe të rrjeshtoj disa argumenta, në mënyrë që të shohim pak më qartë e të gjykojmë pak më kthjellët. I. Kryeministri dhe Lura Së pari, shtëpia e shqiptarit është e Zotit dhe e Mikut dhe Lura është një Krahinë-Kampion në këtë përkufizim elitar të civilizimit. Lura nuk e përmend bukën e dhënë, e jep dhe nuk e kërkon, thjesht të fut borxh. Së dyti, në këndvështrimin tim professional, kjo vizitë kishte, së paku, tre gjëra pozitive për Lurën: – Dje, në Lurë kanë qenë më shumë kamera, se kurrë në historinë e saj. Kjo “ushtri” kameramanësh, operatorësh e gazetarësh dje patën mundësinë të ri-freskojnë pamjet reale të mrekullisë natyrore shqiptare, e cila isht nxirë e vazhdon të nxihet me pamje të para 15 viteve nga cakenj të fondeve për mjedisin. Tashmë, nëpër televizione e rrjete sociale gjysma e pamjeve do të jenë të përditësuara dhe do te paraqesin realitetin e bukurisë së Lurës e kësisoj më shumë turistë do vërshojnë në Lurë, ani se nuk ka akoma një rrugë të hajrit. Sic vërshojnë në Theth a gjetkë. – Dje, në Lurë ka qenë i pari i vendit. Mbreti Zog ka qenë një javë në Lurë në vitet ’30 për pushime. As Enveri, as Saliu nuk qenë kurrë në Lurë. Kjo vizitë solli në vëmendjen e të gjithëve Lurën. Mbështetësit politikë të Ramës do vazhdojnë të thonë “bravo”, me një argument më shumë, Lurën, ndërsa kundërshtarët politikë të tij do vazhdojnë t’a sulmojnë atë, por tashmë do kenë një argument më shumë, Lurën. – Dje, në Lurë Rama bëri disa premtime. Po të isha Kryeministër, do t’i isha lutur të ma shkruante Rama fjalimin, aq i saktë ishte me ato që tha. Se sa do t’i mbajë premtimet, unë ndaj pesimizmin me një shumicë të madhe shqiptarësh. Cështja është se, edhe në politikë “E para është fjala”. I pari kryeministër që jep fjalën në Lurë dhe për momentin është një gjë e mire për Lurën. II. Emri Llesh Doçi dhe Lura Meqë emri Llesh Doçi u bë objekt diskutimi publik sot, po ju kujtoj, që Lura njeh në historinë e saj shumë burra me këtë emër, të gjithë nga e njëjta derë. Po të flas pak për tre prej tyre. – Llesh Nikollë Doçi, që jetoi në periudhën mes shek. XVI-XVII. Ishte prijësi i Betejës së famshme të Fushës së Shehrit në Dibër, e cila hyri në histori dhe u bë legjendë me emrin “Beteja e 300 duvakëve”. Pashai turk kishte kërkuar 300 vajza për ushtarët e tij dhe Paria e Dibrës, me në krye Llesh Doçin i bënë atij surprizën e madhe, djem të mbuluar me duvak, në vend të vajzave. Ja cfarë thotë kënga o Lul dibrani: “… Selim Pasha prej Stamollës kërkon bijën e Llesh Nikollës… …Një selam e pret Sulltani m’preu ushtrinë Llesh Dibrani Një selam ja cojmë na vetë një selam si nji tërmet… Selim Pasha moj herxhele t’mbet ushtria nër zabele si me ra ujku ndër dele…” Ky ishte një Llesh Doçi, o Luli. U vra në atë betejë. Mund të të duket si përrallë, por kjo është histori, është histori e Lurës, është histori e Dibrës. E Dibrës dhe në atë betejë mund të kenë qenë edhe të parët e tu, ndaj shko dhe pyet njëherë në Dibër, se cfarë iu thotë emri Llesh Doçi. – Llesh Zef Doçi, i cili jetoi në periudhën mes shek. XX-XXI. Kaloi nëpër tre periudha të historisë, Lufta II botërore, komunizmi dhe Lëvizjet demokratike. Ishte një etalon i inteluaktualizmës së kohës së vet, një simbol i qëndresës anti-komuniste, një nga mësuesit e pare të Lurës dhe të Dibrës. Jetoi e vdiq si Mësues. E njohin gjithë Dibra dhe shko pyet gjithashtu në Dibër për Llesh Doçin, pasi do të të tregojnë se cfarë iu thotë ky emër, gjithashtu. – Llesh Lekë Doçi, i cili ka lindur në vitet ’60 dhe jeton akoma. Mësues i gjuhës dhe letërsisë në Shkollën “Dom Nikollë Kacorri”, Lurë. I persekutuar, që fëmijë, por që kur u bë burrë u kthye në Lurë. Ai po ndjek traditën e të parëve të vet në mësimdhënie, që fillon me Kolë Bibë Doçin – Mësuesin e pare të Lurës (1908), Llesh Zef Doçi (1948), etj, etj. Për kujtesën tuaj, po ju them që është kushëri i Dom Nikollë Kaçorrit (Antar i Kongresit të Manastirit, Rilindas dhe Zv.Kryetar i Qeverisë së Vlorës) dhe kushëri i Gjokë Doçit (Hero i Popullit). Këtë Llesh Doçin e ri, qe e ke permendur sot, e njoh unë dhe do t’jua tregoj kush është dhe cfarë bën. III. Pastrimi i parave dhe Lura. Dy investime strategjike ka në Lurë, që të dyja hidrocentrale, të licensuara në kohën e qeverisë ku ju ishit ministër. Që të dyja këto investime janë në kohën dhe në vendin e vet dhe po punojnë shumë mire, krahasimisht me 90% të hec-eve të vendit. Unë po mbaroj një studim në lidhje me pastrimin e parave në energjitikë dhe emrat e tyre nuk më dalin askund. Dy investime familjare ka në Lurë, një hotel me 15 dhoma dhe një bujtinë me 2 dhoma. Që të dyve jua kam bërë unë personalisht planin e biznesit. I kam ndjekur në zhvillimin e këtij biznesi, që kur mbanin llac e tulla bashkë me fëmijët, deri sot. Hoteli është pasuri e Hasan Hotit nga Lura, i cili u mor me tregëti, që në fillimet e ’90-ës, ndërsa bujtina është e Llesh Doçit, i cili u kthye në Lurë para rreth 20 vitesh, në shtëpinë e të parëve të vet. Le të merremi pak me të dytin. Në vitin 2006 Kulla e Doçit, me të drejtë, u bë Muzeu Etnografik i Lurës.

Llesh Doçi, një mësues shembull e me reputacion të madh të trashëguar ishte kandidat i koalicionit të PD për zgjedhjet lokale në 2011-ën. Nuk fitoi, pasi PD e Dibrës nxorri një kandidat ”të pavarur”, i cili mori me orientim nga “lart” elektoratin e Lurës, në mazhorancë me PD.

Me vizionin e vet, me nxitjen e shumë amerikanëve e anglezëve e me nxitjen time personale, pavarësisht mundësive të limituara, punoi për hapjen e bujtinës. Se harrova t’ju them që në shtëpinë e tij flitet anglishtja si shqipja.

Por, sa ka kushtuar bujtina e mësues Llesh Docit?

Unë i kam shënimet e mia, por për momentin do t’ju them që ka kushtuar më pak se 1/30 e një apartamenti të atij pallatit në Vlorë, që lartësoi një pensionist – vjehërr i një kryetari partie. Pa llogaritur paratë e truallit, pasi Llesh Doçi e ka ngritur në token e vet, nuk i ka dhënë askujt përqindje. Ama, sa kushton bujtina e mësues Llesh Docit sot? Kushton shumë-shumë herë më shumë, pasi ajo është aty dhe do të trashëgohet në breza. Jo si pallati i atij pensionistit-vjehërr, që ka pastruar paratë e dhëndrrit-kryetar. Pallati kushtoi në ndërtim dhjetra milionë euro dhe tani nuk kushton asnjë qindarkë, është sërish rërë, kurse bujtina kushtoi në ndërtim qindra euro e tani kushton mijëra e do kushtojë akoma më shumë nesër.

A ka këtu pastrim parash? Kam dy shpjegime për këtë pyetje:

Djersa, që bëhet flori, nuk quhet pastrim parash, o Lul. Ka erë të keqe e është e pakëndshme, por e pasuron njeriun, e pasuron me flori dhe me nder. – Shpjegimin e dytë, atë me letra, do t’ia bëj gjykatës, asaj gjykate, që do t’ju thërrasë pas padisë për shpifje. Llesh Doci është mësues dhe besoj që do t’i drejtohet gjykatës, jo ndonjë forme tjetër për këtë shpifje të ndyrë që lëshuat këtë mëngjes vere. Të gjitha analogjitë me ngjarje, apo personazhe të familjes së Llesh Doçit nuk kanë asnjë lidhje me biznesin e tij të vogel, mënyrën e ngritjes dhe funksionimit të të cilit do t’a degjoni në gjykatë.

Për t’a mbyllur. Lura nuk ia përmend bukën mikut. Edi Rama ishte mik në Lurë dje dhe Lura e priti tek Kulla e Doçit. Krejt shqiptarët, ku janë, edhe në Labëri, edhe në Gjakovë, edhe në Dibër, kanë të njëjtin zakon mikpritje. Ndaj, po ta kujtoj, që nuk ke as kokë, as këllqe t’i tregosh Lurës se ku ta presë mikun. Je i ftuar në Lurë dhe tek Kulla e Doçit do të të presim edhe ty. Por, para ftesës, duhet të bësh një gjë tjetër: T’i kërkosh falje Lurës!

TIRANË – Kanë filluar punimet për ndërtimin e Rrugës së Arbrit, që konsiderohet si një ndër veprat e rëndësishme infrastrukturore të vendit.

Punimet filluan nëpërmjet një ceremonie të organizuar në Qarkun e Dibrës, ku i pranishëm ishte edhe kryeministri i Shqipërisë, Edi Rama, i cili theksoi se Rruga e Arbrit do të jetë një realitet.

“Është një takim i shumëpritur, një takim për një zotim. Një vizion që do të jetë tanimë një realitet dhe nuk do të jetë më një iluzion, Rruga e Arbrit. Për çdo shqiptar e bashkëkombës, kudo që është, Rruga e Arbrit është një çështje drejtësie. Drejtësi e historisë. Drejtësi që shteti shqiptar ka detyrën absolute dhe shtrëngim moral ta vërë dhe ta garantojë një herë e përgjithmonë”, tha Rama gjatë fjalimit të tij në një nga ceremonitë për fillimin punimeve.

Sipas Ministrisë së Infrastrukturës dhe Energjisë të Shqipërisë, Rruga e Arbrit, është një vepër infrastrukturore që do të kushtojë rreth 240 milionë euro, ku shteti shqiptar do të marrë përsipër të likuidojë kontraktorin brenda një periudhe 13 vjeçare.

Ndërtimi i Rrugës së Arbrit me një gjatësi rreth 74 kilometra do të shkurtojë rrugën ekzistuese që përdoret sot nga Tirana për në Dibër dhe do të jetë rruga më e shkurtër që lidh Tiranën me Dibrën, si dhe me disa qytete të Maqedonisë, si një rrugë lidhëse ndërkombëtare. aa

Partia Socialiste ka shtuar rradhët e saj me dy deputetë të tjerë.

Dy gratë e PDIU-së, të cilat morën mandatin e depuetetit në Dibër dhe Elbasan, Reme Lala dhe Elena Xhina prej ditës së sotme i janë bashkuar Partisë Socialiste.

“Unë dua të bashkohem me më të mirët, me Olta Xhaçkën dhe Lindita Nikollën. Dua të bashkohem me PS, se nuk jemi më të mirët, por më të mirë nuk kemi parë”, tha Reme Lala sot në Dibër.

Ajo nuk u ndal me kaq, por tha se në këtë ceremoni është e pranishme edhe Elena Xhina, deputetja çame e Elbasanit, e cila ka vendosur ti bashkohet Partisë Socialiste.

Xhina zuri vendin e Bujar Muçës, pasi ky i fundit u detyrua të lërë mandatin. Ne kete menyre PS ka zyrtarisht 76 deputete. Njekohesisht, ne votime te rendesishme PS-se i shtohen edhe votat e Robert Bitrit, i cili ka dale i pavarur pas largimit nga LSI dhe Tom Doshi.

Deputetja e çame, Reme Lala e falënderoi Ramën premtim e mbajtur per rrugen e Arbrit.

“Gjithmonë zemrën peshë ke për të na e mbajtur me këto surpriza zoti Kryeministër. Kjo është rruga e ëndrrës së çdo dibrani. Gëzimi i madh sot edhe për Dibrën e Madhe, ne këtej dhe vëllezërit e motrat tona andej kufirit. Në këtë shesh ku jemi sot, në çdo fushatë të çdo partie rruga e Arbrit ka qenë kryefjala e premtimeve dhe pas çdo zgjedhjeve kryefjala e zhgënjimeve. Faleminderit Edi Rama se ma shpëtove mandatin. Bravo të qoftë se përsa i përket Dibrës, i shpëtove nderin politikës, qeverisë dhe vetes”, tha Reme Lala.

Balancat ne Kuvend

Partia Socialiste e Shqipërisë 76 mandate

Partia Demokratike e Shqipërisë 40 mandate

PDK 1 mandat

LZHK 1 mandat

PDIU 1 mandat

Partia Lëvizja Socialiste për Integrim 18 mandate

Partia Drejtësi, Integrim dhe Unitet 1 mandat

Partia Social Demokrate 1 mandat

I pavarur

Robert Bitri

Për të dytën natë me radhë, artistët mbushën oborrin e Teatrit Kombëtar, duke protestuar për mbrojtjen e godinës dhe truallit të këtij institucioni. Këtë herë, protesta ishte ndryshe nga ajo e një ditë më parë apo javëve të shkuara; ishte konceptuar si një hapësirë reflektimi, me shfaqje artistike, me muzikë dhe pjesë recitimi.

Pjesë e kësaj atmosfere të ngrohtë dhe artistike u bënë dhjetëra qytetarë të Tiranës, mes tyre edhe fëmijë dhe siç pritej, pas performancave artistike, do të merrnin fjalën ata pak artistë që po i qëndrojnë kauzës. Fjala ishte sërish për regjisorin Robert Budina, aktorin Mehdi Malkaj e të tjerë të pranishëm. Aktorët kanë paralajmëruar përshkallëzim të protestave.

 

“Në rast se qeveria nuk do ketë tërheqje nga projektligji për ndërtimin në këtë zonë, ata do të intensifikojnë protestat pranë Kuvendit dhe Ministrisë së Kulturës dhe kanë paralajmëruar për protesta shumë më të forta. Në rast se sot qytetarët po kalojnë një kohë mjaft të bukur këtu tani duke dëgjuar këngë patriotike, qytetare, këngë nga të gjitha trevat e Shqipërisë, edhe nga Kosova, duke dëgjuar recitime, duke parë dhe performanca, ky është mesazhi që ata po marrin, sepse e gjitha kjo po bëhet që kjo hapësirë të mbrohet.

 

Për të gjitha komentet që janë bërë pas dëgjesës së ka pasur kryetari i Bashkisë me artistët, mesazhi më i fundit është ky: Nuk mund të quhen më dëgjesa publike me qytetarë apo artistë në rast se zhvillohen në kullat e oligarkëve, ashtu sikurse pretendojnë artistët se ishte dëgjesa e fundit.

Një koment tjetër që kanë bërë në këtë skenë ishte se nuk janë të përçarë, nuk kanë përdorur gjuhë raciste ndaj kolegëve që mendojnë ndryshe, por kanë mbajtur një qëndrim të prerë ndaj atyre personave që nuk kanë qenë koherentë gjatë gjithë kësaj periudhe të protestave në Teatrin Kombëtar, duke qenë protestues në fillim dhe duke ndryshuar qëndrimin gjatë rrugës”. Ndër ata që folën ishte dhe regjisori Robert Budina, i cili theksi se nëse qeveria nuk i dëgjon artistët, ata do gjejnë zgjidhje më të forta për të arritur qëllimin e tyre në mbrojtje të Teatrit Kombëtar. “Ne do të dalim në protesta derisa qeveria të tërhiqet”, vijoi ai.

Takimi i djeshëm i artistëve me kryetarin e bashkisë Erion Veliaj ka patur përplasje të shumta mes grupit të aktorëve. 

Por përveç revoltës që i shprehën kryebashkiakut, gjatë mbledhjes ka pasur edhe një përplasje mes aktores Marjana Kondi dhe ministres së Kulturës, Mirela Kumbaro.

Debati i tyre për pak sa nuk u kthye në një përleshje fizike, pas konfliktit të hapur të kësaj të fundit me drejtorin aktual Hervin Çuli, i cili e pushoi nga puna pas 30 vitesh kontribut në Teatër.
Siç e zbulon edhe vetë aktorja në një sms të siguruar nga “BalkanWeb” gjithçka ka ndodhur kur ministrja i afrohet për t’i dhënë dorën, duke iu drejtuar me emrin e gabuar, “ Si je Marjeta?”.

(Fotoja eshtë shkëputur nga biseda e aktores me një mikeshë)

Kondi thotë se ia ka hequr dhunshëm dorën duke iu përgjigjur “Hë mi Hajrie”, mëso emrat e punonjësve të tu një herë, debile, plehrë!”

Aktorja e revoltuar vijon: “Ju të hiqni nga puna natën e të qani ditën. Të jepni edhe dorën!”

Ndërkohë që ministrja, siç ajo thotë e ka tejkaluar situatën, i ka thënë të qetësohet dhe ka vijuar të takojë aktorët e tjerë.

BW

Ballkani Perëndimor zotëron vetëm 8 për qind të rrjetit europian rrugor më 2016, teksa Shqipëria disponon shumë më pak se vendet e tjera në rajon, edhe pse me një territor afërsisht të njëjtë.

Eurostat publikoi statistikat e transportit në vendet e zgjerimit dhe gjesti se gjatësia e rrugëve dhe autostradave në Shqipëri në vitin 2016 ishte 4090 kilometër, teksa vendet e tjera të zgjerimit kanë shumë më tepër kilometra.

Mali i Zi që ka sipërfaqe më të vogël se Shqipëria numëron gati dyfishin e kilometrave, më shumë se 8600 sipas Institucionit Europian të Statistikës.

Maqedonia që gjithashtu ka një sipërfaqe territoriale të ngjashme më të atë Shqipërisë, por numëron mbi 14 mijë kilometra rrugë ose me shume se trefishin e Shqipërisë.

Vendet me sipërfaqe më të mëdha të tilla si Serbia dhe Turqia zotërojnë më shumë kilometra. Serbia numëroi më 2016 mbi 46 mijë kilometra rrugë dhe autostrada, ndërsa Turqia 242, 5 mijë kilometra. Vetëm Kosova numëron më pak kilometra rrugë se Shqipëria me vetëm 2000 në fund të vitit 2016.

Shqipëria në raport me vetveten ka dyfishuar numrin e kilometrave në raport më vitin 2006.

Vendet e zgjerimit kanë një rrjet të kombinuar rrugor që ishte rreth 8% e gjatësisë së rrjetit të 28 vendeve të BE, ndërsa gjatësia e kombinuar e autostradave në vendet e zgjerimit ishte e barabartë me 5% të gjatësisë së rrjetit të autostradës të BE-së.

Ndërmjet 2006 dhe 2016 rrjetet rrugore dhe autostradat u zgjeruan në të gjitha vendet e zgjerimit, përveç Turqisë.

Sipas të dhënave kombëtare edhe pse Shqipëria ka çuar borxhin publik në rreth 70 për qind të PBB për shkak të kredive që ka marrë për përmirësimet infrastrukturore, sërish ajo paraqitet me deficitet më të mëdha në këtë aspekt.

Teksa nevojat për përmirësim të mëtejshëm janë ende të mëdha, Shqipëria i ka të limituara burimet e financimit. Aktualisht qeveria shqiptare është duke testuar një instrument të ri financimi, nëpërmjet kontratave me Partneritet Publik -Privat. i pari është rruga e re e Dibrës, e cila do të ndërtohet me PPP nga kompania Gjoka Kontruksion.

Por Fondi Monetar Ndërkombëtar ka shprehur rezerva për mënyrën se si po angazhohen këto investime si në aspektin e përfitueshmërisë që kanë projektet dhe për rreziqet që krijojnë në stabilitetin fiskal të vendit./monitor/

Deputeti i Partisë Demokratike, Flamur Noka në një deklaratë për mediat nga selia blu, tha se atentatori i Azem Hajdarit në Kuvend, Gafurr Mazreku me urdhër të Ramës do të bëhet “Qytetar nderi” i Hasit.

Noka ka publikuar dhe dokumentin ku është projekt vendim i Bashkisë Has, ndërsa shtoi se mbledhja për miratimin e tij do të bëhet ditën e hënë.

Deputeti i Kukësit, bëri thirrje që të ndalej kjo gjë pasi sipas tij, Azem Hajdari po vritet për herë të dytë.

Deklaratë e deputetit Flamur Noka

Dy dekada pas atentatit brenda në Parlament kundër Azem Hajdarit, atentatori, deputeti i Partisë Socialiste në atë kohë, Gafurr Mazreku propozohet nga Edi Rama per t’i dhënë titullin “Qytetar Nderi”.

Partia Demokratike disponon propozimin që Kryetari i Bashkisë së Hasit i ka bërë Këshillit Bashkiak për të nderuar një vrasës si Gafurr Mazreku me titullin më të lartë që mund të japë pushteti lokal.

Nderimi i një deputeti që ka përdorur armën brenda sallës së Parlamentit kundër Azem Hajdarit është modeli që Edi Rama ka ndjekur që kur ka ardhur në pushtet.

Është modeli që nderon dhe i jep pushtet kriminelëve në parlament, qeveri dhe bashki, siç është rasti i Elvis Roshit, Mark Frrokut, Arben Ndokës dhe të tjerëve si ata.

Është modeli që mbron krimin të lidhur me qeverinë, siç është rasti i saimir Tahirit dhe Agron e Fatmir Xhafës.

Mbledhja e Këshillit Bashkiak është parashikuar për të hënën, prandaj ne i bëjmë sot thirrje Edi Ramës të tërhiqet nga ky vendim skandaloz që vret për herë të dytë Liderin e Lëvizjes së Dhjetorit Azem Hajdari.

Kreu i PD-se, Lulzim Basha ka shprehur sot ngushellimet me te thella dhe ka ndare me gjithe ndjekesit e tij ne rrjetet sociale, dhimbjen e madhe per ndarjen nga jeta te uar, legjendes se bardheebluve dhe kryetarit për vite të degës së PD ne lagjen 8.

Mesazhi i Bashes 

Dje u nda nga jeta Perikli Dhales, futbollisti virtuoz dhe një nga legjendat e bardhebluve të Tironës, bashkëshorti i Donikës, të dy kundërshtarë të paepur të diktaturës mizore, pjesëmarrës në demonstratën e heshtur të Janarit 1990 pas të cilës u burgosën dhe u keqtrajtuan nga Sigurimi por nga ku dolën edhe më stoikë, sfidantë e të pathyeshëm, duke i dhënë kurajo të gjithë banorëve antikomunistë të Lagjes 3 (tani minibashkia 8), të cilët një vit më vonë lanë jashtë Kuvendit të parë pluralist drejtuesin e fundit komunist të vendit.

Ne kulmin e debatit te madh per shembjen e Teatrit Kombetar, kur qeveria ka gati projektligjin per kalimin e prones publike tek privati dhe teksa artistet i kane lene afat deri te premten te terhiqet, ne te kundert hyjne ne greve urie, vjen reagimi i forte i presidentit Ilir Meta.

Sipas projektligjit, qeveria do të krijojë një Komision Negocimi me kryesimin e kryetarit të Bashkisë Tiranë Erion Veliaj, i cili, pavarësisht titullit “komision negocimi” do të ketë për detyrë të përfaqësojë pronarin shtet të truallit të Teatrit Kombëtar si dhe t’ia kalojë këtë truall kompanisë “Fusha” sh.p.k.

Reagimi i Metes 

Presidenti i Republikës, Sh.T.Z Ilir Meta po ndjek me vëmendje të veçantë dhe në vijimësi shqetësimin e komunitetit të artistëve lidhur me problemin e godinës së Teatrit Kombëtar, të kthyer tashmë në një debat publik.

Presidenti i Republikës organizoi edhe një takim me një përfaqësi të artistëve kohë më parë dhe ka dëgjuar shqetësimet e sugjerimet e tyre për zgjidhjen e kësaj çështjeje të ndjeshme.

Presidenti i Republikës, bën thirrje për transparencë e dialog për këtë çështje dhe i bën apel Qeverisë dhe Bashkisë së Tiranës, të dëgjojnë sugjerimet dhe shqetësimet e komunitetit të artistëve e të dialogojnë në dobi të ruajtjes e promovimit të vlerave e trashëgimisë historike, kulturore e kombëtare.

Aktori i njohur Robert Ndrenika ka bere nje tjeter deklarate te forte sot teksa ishte i pranishem ne mbledhjen e Komisionit te Kultures, bashke me disa artiste te cilet kane paralajmeruar se nese deri diten e premte nuk do te kene nje pergjigje per pr ligjin qe e kane quajtur arbitrar i cili parashikon shembjen e Teatrit, do te uzurpojne godinen e tij.

“MOS pjesmarrja e PS-së.. Mos ardhja e tyre na le pa fjale. PPP ne kete rast me teatrin dhe token eshte vjedhje dhe grabitje. Jo veten une.. Por ti jepet toka nje firme eshte shqeto vjedhje..

Me keqardhje por këtu fillon lufta, s’na dëgjon kush, s’na përfill, na përbuzin, na braktisin, jo vetëm ne si komunitet por edhe ju po ju mashtrojnë, kjo është grabitje, ka 20 vjet kjo tentativë për grabitje. Ajo tokë vërtet është e shtetit por është e komunitetit teatror, kanë lënë kockat njerëzit atje, e te vije nje Fusha, Kodra apo Mali e ta grabisi…Me lind ne mendje se do te vjedh kryeministri, ministresha. Më falni per tonin por keto fjale i kam nga shpirti”.

Ne mbledhjen e sotme te Komisionit te Kultures, jane disa artiste te cilet kundershtojne projektligjin per shembjen e Teatrit Kombetar.

Ne vend te degjeses me ministren e Kultures Mirela Kumbaron, e cila kishte lajmeruar se nuk do te ishte kete jave, por javen tjeter per te dhene shpjegime per projektligjin e posaçem qe shemb teatrin dhe parashikon aty ndertimin e kullave, ne degjese jane artistet e mes tyre edhe Robert Ndrenika. Ata kane hartuar nje leter publike drejtuar Presidentit te vendit dhe zyrtareve te tjere shteterore.

“E ndiejme veten të tradhetuar e s’mund te futemi në asnjë dialog që parshikon shembjen e Teatrit kombëtar, është pr ligj arbitrar…

Nese nuk do kemi pergjigje deri te premten, trupa teatrore, artistët legjitimohemi të uzurpojmë godinën si të vetmen formë që zëri ynë të dëgjohet. Urojmë në mirëkuptimin tuaj dhe jemi në pritje të një përgjigje”, thuhej nder te tjera ne letren e hapur.

ERALD DELIU/ Kreu i Gjykatës Kushtetuese, Bashkim Dedja ka kaluar sot testin e Vettingut dhe Komisioni i Pavarur i Kualifikimit ka vendosur rikonfirmimin e tij në detyrë.

Javën e shkuar, ai u përball me KPK-në dhe sipas hetimit administrativ, Dedja kishte probleme me pasurinë.

Seanca ka nisur si ishte parashikuar ne oren 09:30 dhe kryesuesja e trupes ka deklaruar se me shumice votash ai rikonfirmohet ne detyre.

Seanca e shkuar 

Në seancën e shkuar, Dedja nuk ishte i pranishëm, por u përfaqësua në seancë nga avokati i tij, Maks Haxhia. Sipas KPK-së, Dedja ka paqartësi dhe para të pajustifikuara në deklaratat e pasurive. Ato kanë të bëjnë me huat për blerjen e një apartamenti në Tiranë, me sipërfaqe 146 metra katrorë.

Për këtë, Dedja ka deklaruar se ka marrë një kredi prej 120 mijë eurosh me afat 20 vjet. Gjithashtu, si burime për blerjen e apartamentit, ai ka deklaruar 35 mijë euro kursime dhe dy hua pa interes në vlerën totale prej 25 mijë eurosh të marra nga vëllai dhe kunati i tij. Mirëpo, sipas KPK-së, këto hua nuk justifikohen. Së pari, pjesa e huas prej 15 mijë euro pa interes që vëllai i tij i ka dhënë Bashkim Dedjes, sipas deklarimeve të tij, është e pajustifikueshme, pasi në të njëjtën kohë, ai ka marrë edhe një kredi prej 42 mijë eurosh për blerjen e një apartamenti.

Po ashtu, edhe 10 mijë euro të marra hua nga kunati i tij, nuk justifikoheshin sipas deklaratave noteriale që ka dorëzuar Dedja, pasi në datat e lëshimit të tyre ai ka qenë jashtë vendit. Më pas, Dedja ka paraqitur një kontratë tjetër, ku pretendonte se huaja është dhënë nga babai i kunatit të tij.

Probleme janë vërejtur edhe me pronësinë e një apartamenti 98 metra katrorë në Tiranë, i cili është deklaruar në vitin 2003 në bashkëpronësi mes Dedjes dhe njërit prej vëllezërve të tij, në masën 50 me 50. Më pas, Dedja, në deklaratën për llogari të vetingut, ka deklaruar se apartamenti është i tiji 100 %.

Edhe një apartament në Durrës u bë objekt diskutimesh në seancë. Ai rezulton në pronësi të njërit prej vëllezërve të Dedjes, i cili jeton në Dibër. Por kontratat për energjinë elektrike dhe ujin e pijshëm janë lidhur në emër të Bashkim Dedjes. Vëllai i gjyqtarit, gjatë fazës së verifikimeve, nuk ka dorëzuar dokumente që provojnë se kishte të ardhura për ta blerë apartamentin.

MBROJTJA

Sipas avokatit, të ardhurat e Dedjes në vitet ‘90-të përbëhen edhe nga ndihmat e vëllait të tij që punon në emigracion. Ai pretendon se lapsus me apartamentin 98 metra katrorë në Tiranë ishte për shkak të asaj që e quajti “marrëdhënie vëllazërore”. Kontrata e energjisë në emër të Dedjas ishte për të ndihmuar vëllain që të mos i duhej të vinte nga Dibra në Durrës për të paguar energjinë çdo muaj.

PANORAMA

Aktori i mirënjohur Robert Ndrenika ka ndërhyrë në një lidhje telefonike në emisionin “Studio e hapur” në News24, ku tha se  është ndjerë i fyer dhe i lënduar nga Rama kur nuk e la të fliste gjatë takimit në kryeministri, ku u prezantua dhe projekti i ri.

Pjesë nga intervista

Jeni ndjerë i fyer dhe i lënduar nga ai takim me Ramën?

Jam ndjerë shumë i lënduar, atë që më ka bërë ai njeri s’ma ka bërë njeri deri sot. Më turpëroi para të gjithë kolegëve të mi dhe të 100 vetëve që ishin aty. Kryeministrat venë e vijnë, jam i sigurtë që ky nuk është kryeministër i përjetshëm

Keni ndonjë gjë që për ti thënë?

Kam për të thënë jo personalisht për atë, por kam për të thënë për teatrin. Kryeministrat ven e vin, ky vend ka pasur dhe kryeministër 30-vjeçar dhe pësoi atë që pësoi. Besoj se dhe ky që është tani nuk është i përjetshëm.

Kjo duket si një rrugë pa kthim. Jeni i dëshpëruar?

Jam shumë i dëshpëruar sepse duket sikur po i bie murit me kokë. Ai vend është i shenjtë, e gjithë kultura e kryeqytetit aty e ka nismën. Ambasadori i SHBA-ve kërkon peshqit e mëdhenj, peshqit e mëdhenj i ka përpara syve, por zë cironga. Aty ka 20 vjet që tenton të bëjë një grabitje të mbetur në tentativë dhe askush nuk thotë gjë, as prokuroria, as qeveria. Mesa duket Rama do ta bëjë këtë punë.

Pse nuk e dëgjon zërin tuaj Rama?

Ka mendje fodulle dhe mendjemadhësi. Ai nuk dëgjon dhe ata që ka rrotull. Ai ka ofenduar të gjithë kolegët e mi, ka ofenduar dhe mua. Hajde more të flasim të ulemi.

Çfarë do të ndodh pas të premtes? Do ngujoheni dhe ju ata?

Nuk e di se çfarë do të ndodh, por di që ata po e grabisin me lidh dhe me Parlament. Mund të bëhet dhe një ndërtesë e re siç është kjo. Ata që pretendojnë se do bëjnë teatrin kanë thënë se bën 30 milion euro, por me 10 milion bëhet një teatër i mirë. Tiranë e meriton një teatër dhe këtë teatër.

TIRANE- Avokati Spartak Ngjela, njëherësh ish-ministri i Dretjësisë thotë se më 28 qershor vendet e BE-së do mendohen mirë pasi vota e tyre nuk do jetë thjesht për Shqipërinë. Duke besuar në hapjen e negociatave pikërisht në këtë datë, Ngjela thotë se vendet e BE-së do votojnë pro, duke pasur parasysh se kjo është edhe një votë pro SHBA-ve.

STATUSI I PLOTË
Çelja e negociatave të Shqipërisë me Bashkimin Evropian më 28 qershor, është një gjë e sigurt.
Cila është arsyeja politike që e garanton hapjen e negociatave të Shqipërisë me Bashkimin Europian?
Kurrë nuk duhet menduar se garancia që të gjitha vendet e Bashkimit Europian do të votojnë për Shqipërinë më 28 qershor, do të gjendet në situatën e brendshme të Shqipërisë.
Në këtë rast kjo nuk ka lidhje fare me këtë situatë.
Garancia që të gjitha vendet e Bashkimit Europian në mënyrë unanime do të votojnë më 28 qershor për çeljen e negociatave me Shqipërinë, është te politika aktuale amerikane për Ballkanin Perëndimor, prandaj vota e tyre, politikisht, nuk do të hidhet pro apo kundër Shqipërisë.
Kështu siç ka ardhur situata, vota e të gjitha vendeve të Bashkimit Europian për çeljen e negociatave me Shqipërinë, politikisht, kuptohet që do të jetë një votë pro ose kundër Shteteve të Bashkuara Amerikës.
Domethënë është e kuptueshme që do të jetë pro, sepse, natyrshëm, që të gjitha vendet e BE-së do të jenë pro Amerikës.
Gjithçka është e sigurt, prandaj korrupsioni i lartë në Tiranë kot e ka që çirret dhe kot e ka që shpreson te vota kundër.

Partia Drejtësi Integrim dhe Unitet ka hedhur akuza të forta këtë të shtunë ndaj qeverisë Rama, dhe konkretisht ndaj Partisë Socialiste.

Ka qenë kreu i PDIU-së Shpëtim Idrizi që në fjalën e tij në Këshillin Kombëtar të kësaj partie tha se partinë e tij tentuan që ta zhduknin në zgjedhjet e kaluara.

Idrizi akuzoi qeverinë duke thënë se çështja çame nuk është më pjesë e programit të qeverisë.

“Sido që të marrin votat, të na marrin mandatet, nuk mund të na zhbëjnë se nga veriu në jug. Do na kenë si një thumb, ngulur në trurin e tyre. Nuk e prishin dot këtë lëvizje, pasi kjo është partia e madhe. Ata mund të vjedhin mandatin e Idrizit, Takut, Mesilës, por nuk e vjedhin dot misionin tonë. Se vjedhin dot Çamërinë, sado që të flasësh për të, sado të përbetohesh për të. Pas një viti që u krye ai turp, siç ishin zgjedhjet, pasojat janë këto. Ata tentuan të lënë jashtë Kuvendit PDIU. Jo vetëm për të patur tepsinë me veten, por u bë e qartë kur çështja çame nuk përfshihet në programin e qeverisë”, tha Idrizi.

Fatmira Nikolli  – Tri ditë më parë, në mbledhjen e fundit të Këshillit të Ministrave u firmos marrëveshja mes qeverisë shqiptare dhe Komisionit Ndërkombëtar për Personat e Zhdukur (më tej: ICMP). Duke qenë se prej rënies së regjimit komunist familjarë të më shumë se 4000 të zhdukurve kërkojnë eshtrat e të afërmve, pritet që të nisë puna në terren, duke nisur fillimisht nga identifikimi i 13 mbetjeve njerëzore të gjetura 8 vite më parë në një varrezë masive në Dajt. Më pas, sipas të dhënave të siguruara ndër vite, do të kërkohen eshtra të tjera të pushkatuarisht gjatë regjimit, për të bërë të mundur mandej, identifikimin e tyre dhe dorëzimin e eshtrave tek familjarët.

Marrëveshja mes qeverisë dhe ICPM-së është iniciuar nga Genta Mara Sula vite më parë kur ajo ishte zëvendësministre e Çështjeve Sociale. Tani, kur ajo po finalizohet dhe Sula drejton Autoritetin e Dosjeve uron “ata që punuan për këtë standard të ri të mbrojtjes së dinjitetit njerëzor, sidomos familjeve që nuk kanë reshtur kurrë përpjekjet për t’i nderuar njerëzisht personat e humbur”.

Duket se Autoriteti i Dosjeve të ish-Sigurimit, do të ketë rol edhe për gjetjen e varreve të të zhdukurve. Pak ditë më parë, pranë Autoritetit, është paraqitur Hamz Kazazi. “Na tregoi me skicë e hartë për një vendvarrim të fshehtë, ku mund të gjenden eshtrat e të pushkatuarve nga diktatura komuniste. Këtë informacion të vyer do ta dërgojmë menjëherë tek IIPP dhe ICMP. Z. Hamza ende kërkon eshtrat e 7 pjesëtarëve të familjes së vet”, shkruan Sula.

BE i ka dhënë ICMP rreth 450,000 euro për të nisur punën. Shuma do të përballojë kërkimin në dy vendvarrime ku besohet se prehen viktima të paidentifikuara, por ka edhe dhjetëra vendvarrime të tjera në vend. Gërmimi i parë do të bëhet në një varrezë sekrete në zonën e njohur si Baraka 313 në afërsi të Malit me gropa në Tiranë, ku mendohet se shumë njerëz janë ekzekutuar e varrosur, ndërsa pika e dytë do të jetë një zonë në Ballsh.

MARRËVESHJA
Marrëveshja mes qeverisë dhe ICMP-së përcakton detyrat dhe përgjegjësitë e kësaj të fundit mbi gjetjen e të zhdukurve.
ICMP (Komisioni Ndërkombëtar për Personat e Zhdukur) do të ndërmarrë përpjekje për të asistuar autoritetet shqiptare në përpilimin e listës së personave që janë zhdukur dhe anëtarët e familjeve të tyre, duke përdorur Qendrën e Kërkimit Online të ICMP-së (OIC) dhe Sistemin e Menaxhimit të Identifikimit të të Dhënave (iDMS).

Ai do të sigurojë asistencë teknike në aspektin e arkeologjisë dhe antropologjisë mjeko-ligjore dhe do të sigurohet që familjet e personave të zhdukur të informohen rregullisht lidhur me përparimin në gjetjen dhe identifikimin e personave të zhdukur.

Komisioni do të shpërndajë informacione në lidhje me procesin e kërkimit, rikuperimit dhe identifikimit për publikun, në konsultim me autoritetet Shqiptare.
Ai do të kryejë vlerësime të nevojave për të përcaktuar kërkesat për gërmimin, rikuperimin dhe operacionet identifikuese në lidhje me personat e zhdukur. Nga ana tjetër, gjatë punës kërkimore, do të mbledhë të dhëna ante-mortem (para vdekjes) për personat e zhdukur dhe mostrat gjenetike referuese nga anëtarët e familjes në përputhje me politikat e saj të mbrojtjes së të dhënave. ICMP do t’i ofrojë Komisionerit Shqiptar për mbrojtjen e të dhënave kopjet e Politikat e ICMP-së mbi Përpunimin dhe Mbrojtjen e të Dhënave Personale, Politikën mbi Mbajtjen e të Dhënave, Të Dhëna dhe Prova Fizike dhe Politikën e ICMP-së mbi Konfidencialitetin.

Për identifikimin e eshtrave që gjenden, Komisioni do të kryejë testime të ADN-së së mostrave post-mortem të pranuara nga institucioni përgjegjës i Shqipërisë dhe të kërkojë që të përputhen profilet e ADN-së të marra prej tyre me mostrat e ADN-së të ofruara nga anëtarët e familjes së të zhdukurve në përputhje me Procedurat Standarde të Veprimit ICMP aktuale në kohën e testimit. Ai ka marrë përsipër të komunikojë në kohën e duhur, rezultatet e gjetjeve të saj me institucionin shqiptar përgjegjës për njerëzit e zhdukur, të përcaktuar nga Këshilli i Ministrave. Për çdo rast, Komisioni Ndërkombëtar i Personave të zhdukur do të dërgojë raportet e ADN-së në formatin e raportimit standard të ICMP-së tek institucioni Shqiptar përgjegjës për njerëzit e zhdukur, i cili pas marrjes së tyre, ua dërgon autoriteteve përgjegjëse gjyqësore dhe ekspertëve për kryerjen e identifikimeve ligjore dhe lëshimin e certifikatave të vdekjes dhe mundësimin e varrimit të denjë të mbetjeve mortore të të zhdukurve.

SHKODER-Bassania, një qytet i humbur, që daton më shumë se 2,000 vjet, u zbulua nga një grup arkeologësh polakë. Rrënojat ndodhen në veri-perëndim të Shqipërisë, në afërsi të qytetit modern të Shkodrës.
Studiuesit besojnë se rrënojat e zbuluara janë ajo që ka mbetur nga Bassania, një qytet i lashtë i sunduar nga ilirët – njerëz që banonin në Ballkanin Perëndimor në lashtësi – të cilat u përshkruan nga historiani romak Livy.

“Ne e dimë vendndodhjen e pjesës më të lartë të kalasë”, shtoi Prof. Dyczek, i cili ka qenë përgjegjës për gërmimet në zonë që nga viti 1987.

Përveç strukturave të gurit, arkeologët zbuluan një numër të objekteve interesante duke përfshirë një enë për sakrifica bronzi të ruajtur mirë. Ajo përmbante ende mbetjet e ofertave të fundit: fragmente të eshtrave të kafshëve dhe hirit.

Zona që gërmohet është e vendosur në brigjet e liqenit të Shkodrës. Është një nga vendet më të rëndësishme për historinë e Ilirisë, si dhe të gjithë zonën e Ballkanit. Që nga kohët neolitike ishte një vendbanim i rëndësishëm dhe i pasur në udhëkryqin e rrugëve të rëndësishme të tokës dhe ujit.

Mbretëria më e hershme e regjistruar ilire, Enchele, daton që nga shekulli i VIII para Krishtit.
Ekipi nga Qendra e Studimeve të Antikitetit të Evropës Juglindore të Universitetit të Varshavës ka punuar në këtë zonë që nga vitet 1960.

“Austria dhe Danimarka duan të hapin kampe të të dëbuarve në dyert e BE-së”. Me këtë titull, prestigjiozja franceze “Le Monde” shkruan se Danimarka dhe Austria, por dhe vende të tjera, po kristalizojnë idenë e tyre për ngritjen e kampeve për ata që kërkojnë azil në vendet e BE-së dhe atyre që u refuzohet kjo kërkesë.

AUSTRIA DHE DANIMARKA DUAN TË HAPIN KAMPE TË TË DËBUARVE NË DYERT E BE-SË

Sipas Kryeministrit danez, Kopenhagën është në diskutim me Vjenën dhe “vende të tjera” të Unionin për zbatimin e “rregullave të reja europiane të azilit”. Ndarjet e tyre dhe presioni i populistëve janë shkas për lindjen e ideve më mahnitëse midis udhëheqësve europianë në lidhje me trajtimin e kërkuesve për azil dhe largimin e atyre që u është refuzuar azili. Të martën, më 5 qershor, Kryeministri danez, Lars Lokke Rasmussen, njoftoi se vendi i tij ishte në diskutim me Austrinë, e cila së shpejti do të marrë presidencën e radhës së Bashkimit Europian dhe me “vende të tjera” për krijimin e “një sistemi të ri europian të azilit”.

Pika qendrore e propozimit është krijimi i “qendrave të përbashkëta të pritjes dhe dëbimit në Europë”, por jashtë territorit të BE. Është e qartë se bëhet fjalë për kampe të paraburgimit, ku do të ketë emigrantë, të cilët nuk mund të kërkojnë azil ose nuk mund të kthehen shpejt. Z. Rasmussen nuk përmendi vendndodhjen e mundshme të këtyre kampeve. Sipas tij, ato nuk do të jenë “në listën e destinacioneve të preferuara për emigrantët dhe kontrabandistët”.

Bëhet fjalë, në fakt, sipas disa burimeve, për Shqipërinë dhe Kosovën, kandidate për anëtarësim në BE. Kryeministri përmendi kontaktet “me udhëheqësit e tjerë europianë” dhe tha se ishte “optimist” rreth ngritjes së një projekti pilot deri në fund të vitit. Ideja e hapjes së kampeve në vendet europiane, jashtë BE-së, gjithashtu mbështetet nga ministri i Punëve të Brendshme të Austrisë, Herbert Kickl, pikë e fortë e FPÖ (ekstremi i djathtë) në koalicionin qeverisës në Vjenë. Bisedimet e para do të zhvilloheshin në fakt në Sofje, gjatë samitit midis 28 vendeve anëtare dhe 5 vendeve të Ballkanit Perëndimor, më 17 maj.

“SFIDAT PRAKTIKE DHE LIGJORE”

Socialdemokratët dhe populistët danezë të Partisë Popullore (Dansk Folkeparti, DF) – kjo e fundit mbështet z. Rasmussen në Parlament, pa marrë pjesë në qeveri, kanë thënë se ata mbështesin propozimin e Kryeministrit liberal. Formacioni populist kishte propozuar të transformonte një ishull të pabanuar të mbretërisë, që ndodhej jashtë territorit të Bashkimit, në një qendër paraburgimi për ata që ishin refuzuar. Ministrja liberale e Imigracionit, Inger Stojberg, u përgjigj se ishte “gjithmonë e gatshme të shikonte idetë e mira, edhe nëse ato paraqisnin sfida praktike dhe ligjore”. Duke vizituar Brukselin të mërkurën, Kancelari konservator austriak, Sebastian Kurz, paraqiti shtyllat kryesore të presidencës së tij të BE-së, e cila do të fillojë më 1 korrik.

Ai do t’i pëlqente të tërhiqte vëmendjen për dy prioritetet e tij: forcimin e kufijve të jashtëm të Bashkimit dhe propozimet e tij për buxhetin pas Brexit. I pyetur se çfarë i tha z. Rasmusen, atij iu desh t’i konfirmonte ato, duke shtuar i kujdesshëm se nuk ishte një projekt i sjellë nga presidenca e tij e ardhshme, por “një iniciativë nga një rreth i vogël, ku bënte pjesë Danimarka”. Cilat shtete të tjera anëtare do të preken?

Duket se do të preket Holanda, por diplomacia holandeze tha të enjten se nuk donte të komentonte mbi konkretizimin e projektit. Belgjika nuk do të ishte konsultuar, edhe nëse, të hënën, gjatë një takimi të ministrave europianë të Brendshëm dhe të Migrimit, sekretari i tij i shtetit, nacionalisti Flamand Theo Francken, kishte përmendur nevojën për të parandaluar zbarkimin e anijeve në Europë – “kthim pas” – dhe shpalli “vdekjen” e Rregullores së Dublinit, e cila detyron vendet e mbërritjes së parë (veçanërisht në Itali dhe Greqi) të regjistrojnë një emigrant përpara se të transferohet në një shtet tjetër anëtar. Gjermania do t’i ishte “afruar”, por një mik i ngushtë i Kancelares Merkel nuk e fshehu skepticizmin e saj.

Sa për Francën, duket se ka dalë lakuriq. Parisi po punon për një tekst për të nxjerrë dosjen e migrimit jashtë rrugës, por nuk mund ta pranonte idenë e kampeve të paraburgimit. “E paimagjinueshme”, ka thënë gjithashtu një burim diplomatik, të shohim vendet e Ballkanit t’u rreshtohen iniciativave të tilla, madje, edhe në këmbim të një ndihme financiare ose të lehtësimit të shqyrtimit të dosjes së tyre të anëtarësimit.

BRUKSELI U SHQETËSOHET PASOJAVE

Komisioni Europian është i zënë ngushtë. Ai i konsideron projektet në fjalë si “iniciativa kombëtare”, duke nënvizuar se do të ishte më mirë të kemi një qasje europiane, bazuar në “vlerat” e Bashkimit. Projektet e mëparshme që synonin krijimin e qendrave “pritëse”, veçanërisht në territorin libian, ishin hedhur poshtë me kujdes.

Brukseli është i shqetësuar veçanërisht për pasojat e debatit dhe u frikësohet shtimit të incidenteve gjatë presidencës së ardhshme austriake, që mund të bashkohen me zërat e Hungarisë, Polonisë dhe shteteve të tjera anëtare, armiqësore për pritjen e azilkërkuesve. Herbert Kickl njoftoi se vendi i tij nuk do të merrte pjesë, si shumica e vendeve në grupin e Vishegradit, në programin e shpërndarjes për refugjatët, që vinin në Greqi dhe Itali. Ai dëshiron që asnjë kërkesë për azil të mos diskutohet më mbi qiellin europian.

*”Le Monde”/ Perktheu PANORAMA

Pesticidi Methomyl me lëndë aktive 90 është i ndaluar të përdoret në Shqipëri por edhe te importohet. Po kimikati për të cilin toksikologët thonë se dëmton rëndë shëndetin deri në vdekje, hyn kontrabandë në Shqipëri, nga Kosova me çanta apo nga porti i Durrësit, si import nga Kina.

Arben shyti ish inspektor pranë AKU tregon se si ka arritur të gjejë rrugën e kontrabandës.

“Këto janë disa insekticide që përdoren në vendin tonë, por që janë të paligjshme. Unë këtu kam listën e PMV-ve të regjistruara këto nuk gjenden në këtë listën e miratuar nga Ministria e Bujqësisë. Këtu mbyllet problem janë të paligjshme. Këto futen në Shqipëri nëpërmjet doganave në mënyrë kontrabandë dhe qarkullojnë gjithë andej dhe përdoren. Se sa është masa e përdorimit ju besoj e keni parë vetë në farmacitë që keni qenë”, tregon ai.

Ish-inspektori i AKU i tregoi Top Channel se kishte zbuluar në janar të 2018 në pikën e kalimit kufitar Durrës kanë mbajtur një Proces-Verbal ku kanë kaluar 3 lloje pesticidesh: Hersan, Delfos, Fortin me origjinë kineze.

Të cilat as këto nuk duhet të lejohen. Inspektori i AKU në doganë ndryshon vendin e origjinës, nga Kinë në Spanjë. Ky ndryshim i bën ato që të kalojnë kufirin sepse ligji shqiptar lejon vetëm pesticide të regjistruara në një vend të Bashkimit Europian.

Pesticidi methomyl 90 lejohet në Kosovë, dhe mostrat që Top Channel gjeti në shumë farmaci bujqësore tregojnë se ato janë në Gjuhën Shqipe.

Arben Shyti ish-inspektori AKU-së thotë që këtë pesticid e ka gjetur në farmacitë bujqësore të vendit tonë dhe ka mbajtur proces verbal për këtë shkelje. Sot ai thotë që është I papunë pasi denoncoi këtë skandal

“Po ta marrim produktin e parë metanata 90 shumë i rrezikshëm, helmues, i papërdorshëm në sera. Në rast se ky përdoret duhet që domatja ose sallatori të rrijë 21 ditë pa u konsumuar. Produkti është silicon mix ky në fakt në terren përdoret si insekticid etiketën e ka pleh. Dhe duhet që përmbajtja e tij të njihet. Produkti tjetër është vapcomorë edhe ky nuk është në listë. Të gjitha këto produkte unë i kam trajtuar gjatë kohës që punoja në AKU dhe për inspektimet që kam bërë për këto më kanë pushuar nga puna. Unë kam bërë 2-3 gjoba për këtë methomylin kam bërë edhe për produkte të tjera edhe për silikonin edhe më pushuan nga puna. Kjo do të thotë që unë jam pushuar nga puna për llogari të kontrabandistëve”, shprehet Arben Shyti, ish-inspektor i AKU. /Top Channel

Kompania shqiptare e fluturimeve Air Albania parashikohet të krijohet brenda 10 ditëve. Vendimi për procedurat e krijimit të shoqërisë “Air Albania shpk” është publikuar në Fletoren Zyrtare dhe parashikon tre aksionerë; kompania shtetërore “Albcontrol” sëbashku me ortakun MDN Investment shpk dhe Turkish Airlines.

Pala shqiptare do të ketë 51 % të aksioneve në kompani.

“Shoqëria “Albcontrol” sh.a., autorizohet të përfaqësojë pronarin shtet për negociimin dhe nënshkrimin e marrëveshjes me ortakët e tjerë për krijimin e shoqërisë së përbashkët dhe përcaktimin e kuotave të ortakëve në këtë shoqëri, brenda 10 (dhjetë) ditësh nga hyrja në fuqi e këtij vendimi, bazuar në rezultatet e nxjerra nga vlerësimi i kapitalit dhe i të drejtave të ofruara nga shoqëritë gjatë këtyre negociatave.

Në përputhje me legjislacionin shqiptar në fuqi pronari shtet, përfaqësuar nga “Albcontrol” sh.a. së bashku me ortakun tjetër shqiptar “MDN Investiment”, sh.p.k., duhet të zotërojnë jo më pak se 51% të kuotave të shoqërisë së përbashkët “AIR Albania” shkruhet në vendim.

Referuar vendimit, marrëveshja e ortakëve për krijimin e shoqërisë së përbashkët “AIR Albania” duhet të përmbajë detyrimisht kërkesat e legjislacionit në fuqi, si më poshtë vijon:

a) Përkufizime, interpretime, natyrën dhe objektin e punëve që duhet të kryhen dhe shërbimet që duhet të jepen nga partneri privat;

b) Kohëzgjatjen e marrëveshjes

c) Pronësinë e aseteve dhe detyrimet e palëve;

ç) Qëllimin e aktivitetit të shoqërisë që do të krijohet;

d) Çështjet e kapitalit e të ndarjes së fitimeve;

dh) Çështjet e qeverisjes së shoqërisë sipas përcaktimeve të legjislacionit në fuqi;

e) Të drejtat dhe detyrimet e institucioneve përgjegjëse;

ë) Sanksionet në rast mospërmbushjeje të detyrimeve;

f) Të drejtat e institucionit përgjegjës ose të një autoriteti tjetër publik për të monitoruar punët që duhet të kryhen dhe shërbimet që duhet të jepen nga partneri privat;

g) Principet komerciale, financiare dhe ligjore;

gj) Çdo kufizim ose kusht të zbatueshëm për transferimin e të drejtave dhe të detyrimeve të partnerit privat, marrjen e vendimeve etj., sipas marrëveshjes dhe legjislacionit ndërkombëtar të aplikueshëm në Republikën e Shqipërisë;

h) Trajnimet e stafit, transferimin dhe ngritjen e kapaciteteve;

i) Çdo kufizim ose kusht për transferimin e një interesi kontrollues të partnerit privat;

j) Përkufizimin dhe pasojën e forcës madhore, ndryshimin në ligj dhe ndryshime të tjera në rrethana (duke përfshirë çdo të drejtë të palëve për të kërkuar kompensimin ose rishikimin e marrëveshjes);

k) Përgjegjësinë sociale;

l) Garancitë për t’u përmbushur dhe politikat e sigurimeve dhe të të drejtave të punonjësve që duhet të ndiqen nga shoqëria gjatë ushtrimit të aktivitetit të saj;

ll) Procedurat e rregullimit të shkeljes së bërë nga njëra prej palëve;

m) Kushtet dhe procedurat për ndryshimin dhe/ose përfundimin e marrëveshjes, të drejtat dhe detyrimet e palëve, me kalimin e afatit apo përfundimin e tij;

n) Ligjin e zbatueshëm dhe mekanizmat për zgjidhjen e mosmarrëveshjeve që mund të lindin ndërmjet institucionit përgjegjës dhe partnerit privat;

nj) Procedurat e largimit të partnerit privat nga shoqëria e përbashkët pas kalimit të një afati të caktuar ose për arsye të tjera.

Po ashtu, vendimi përcakton se shoqëria “Albcontrol” sh.a., paraqet për miratim tek organet e veta të shoqërisë, përkatësisht në Këshillin Mbikëqyrës dhe Asamblenë raport të detajuar për negociatat dhe për të gjitha elementet e marrëveshjes, përfshirë tekstin përfundimtar të marrëveshjes për krijimin e shoqërisë së përbashkët të sjellë në formën ligjore të kërkuar. Marrëveshja e nënshkruar hyn në fuqi pas miratimit në Këshillin e Ministrave.

Pas hyrjes në fuqi të marrëveshjes dhe me hartimin e akteve të tjera për krijimin e shoqërisë së përbashkët “AIR Albania”, autorizohet “Albcontrol” sh.a. të përfaqësojë pronarin shtet në procedurat ligjore të krijimit dhe regjistrimit si subjekt tregtar të “AIR Albania”, në formën e një shoqërie me përgjegjësi të kufizuar./SCAN

Fatmir Xhafaj priti në mesditë në zyrën e tij, Ambasadorin e SHBA në Tiranë, Donald Lu.

Takimi u fokusua në zhvillimet e fundit në vend dhe veçanërisht në përpjekjet e Ministrisë së Brendshme dhe Policisë së Shtetit, në luftën kundër krimit të organizuar dhe paligjshmërisë.

Ministri Xhafaj e njohu Ambasadorin me situatën aktuale dhe veprimtarinë e Policisë së Shtetit në këtë luftë.

Ambasadori amerikan vlerësoi punën dhe arritjet e Ministrisë së Brendshme dhe Policisë së Shtetit, duke theksuar se është shumë e rëndësishme që kjo e fundit të jetë e motivuar për të vijuar me vendosmëri luftën kundër krimit të organizuar.

Në këtë kontekst, ai shprehu mbështetjen e fortë të SHBA-ve si dhe vendeve të tjera partnere, për Ministrinë e Brendshme dhe Ministrin Xhafaj, në gjithë përpjekjet e tyre për t’ju dhënë qytetarëve më shumë rend e siguri.

Ambasadori Lu inkurajoi Ministrin Xhafaj dhe Policinë e Shtetit, për të vijuar edhe më me intensitet përpjekjet për më shumë rezultate në luftën kundër krimit të organizuar, pasi kjo sipas tij, është ajo çka qytetarët presin sot më shumë se çdo herë tjetër, nga Policia e Shtetit.

Ai konfirmoi edhe njëherë mbështetjen dhe asistencën e SHBA-ve dhe Agjencive ligj zbatuese, për thellimin e rezultateve të deritanishme.

Gjatë bisedës, ambasadori Lu shprehu dëshirën për të parë nga afër veprimtarinë e Task Forcës Speciale, të ngritur në kuadër të operacionit “Forca e Ligjit”.

Bashkë me ministrin Xhafaj u organizua një vizitë e shkurtër në ambientet e TFS.

Drejtuesit e TFS-së e njohën Ambasadorin me organizimin e kësaj strukture, veprimtarinë dhe rezultatet e deritanishme, bashkëpunimin ndërkombëtar, duke u ndaluar më gjatë tek operacionet e përbashkëta me vendet partnere të kryera deri sot, si dhe ato që janë në proces.

Ambasadori Lu, duke iu drejtuar të pranishmëve, në referencë të luftës që SHBA ka bërë dhe po bën ndaj kriminalitetit, u shpreh se “mënyra më efektive për të patur sukses, është ngritja e strukturave me përbërje oficerësh policie elitarë, prokurorë elitarë dhe bashkëpunim efektiv me Agjencitë e tjera ligj zbatuese”.

“Të njëjtën gjë, – vijoi Ambasadori, – jeni duke e bërë dhe ju këtu, në Shqipëri”.

Në këtë kuadër, Ambasadori inkurajoi efektivët e TFS-së për të vijuar me vendosmëri luftën kundër krimit të organizuar.

“Jam i impresionuar nga veprimtaria juaj dhe nga fakti se nuk po i tundoheni lidhjeve të elementëve kriminalë me politikën. Keni mbështetjen tonë të plotë, të misionit ICITAP dhe Agjencive të tilla si FBI dhe DEA. Shpejt, Ju do të ndiheni krenarë sesi Task Forca Speciale do të ndryshojë të ardhmen e vendit”, theksoi Ambasadori.

Ministri Xhafaj i vlerësoi mesazhet e Ambasadorit Lu si mbështetje për atë çka po bën Policia e Shtetit, si dhe shprehje e partneritetit tashmë të konsoliduar mes Shqipërisë dhe SHBA-ve.

Opozita i kërkon dorëheqjen, Xhafaj lëviz me makinën e Donald Lu

Ambasadori amerikan, Donald Lu ka zhilluar per me shume se 30 mintua nje takim me ministrin e Brendshëm, Fatmir Xhafaj, ne zyren e ketij te fundit.

Takimi i tyre vjen teksa në Parlament opozita i kërkoi sërish dorëheqjen ministrit.

Vetë Xhafaj nuk ishte i pranishëm në seancën e sotme parlamentare.

Sic duket edhe nga fotot e LSA-se, ne perfundim te takimit, Lu dhe Xhafaj kane dale se bashku nga ministria e Brendshme, madje kane levizur drejt Bulevardit “Deshmoret e Kombit” me makinen e ambasadorit.

TIRANË- Deputeti demokrat Florion Mima ka treguar arsyet që sipas tij pengojnë hapjen e negociatave të Shqipërisë me BE-në. Në komisionin e Medias në Kuvend Mima tregoi edhe për 3 klanet që siç thotë ai drejtojnë qeverinë shqiptare dhe Ministrinë e Brendshme.

Ai iu bëri thirrje deputetëve socialistë që sipas tij nuk janë me Rilindjen dhe duan ta mbajnë kokën lart të çlirohen urgjentisht nga Rilindja.

DEKLARATA E FLORION MIMËS
Ju po diskutoni sot për heqjen e aksesit në një portal dhe unë mendoj se kjo është shumë e rëndësishme siç është e rëndësishme heqja e aksesit të 30 mijë familjeve që janë përzënë nga skema e ndihmës ekonomike dhe nuk kanë akses për një kothere bukë, nuk kanë akses për të njomur buzën me ujë.
Kjo është po aq e rëndësishme sa heqja e aksesit të 380 mijë vetave që nuk u lejohet të vijnë në atdheun e tyre por përzihen me shkelma.
Po aq sa është e rëndësishme mbyllja e 5 mijë bizneseve në vetëm tre muaj.
5 mijë biznese janë minimalisht 10 mijë të punësuar, sot nuk kanë akses të marrin rrogën e tyre.
Njësoj sa mungesa e hapjes së negociatave.
Është e qartë për të gjithë tashmë që negociatat nuk hapen se nuk do PS, se nuk do PD, jo.
Unë kam bindjen se mes jush kolegë të mazhorancës ka njerëz që duan ta mbajnë kokën lart.
Një pjesë fare e vogël dhe ajo e lidhur specifikisht me Rilindjen, ata mund të kenë arsye për të mbajtur kokën poshtë.
Le ta mbajnë për këtë zarar të madh që i bëjnë vendit.
Kush janë klanet?
Shihni rotacionin e klaneve në Ministrinë e Brendshme.
Klani i marihuanës iku. Erdhi, kreu misionin e vetë e kanabizoi vendin dhe në xhiro vjetore thotë EUROPOL, 9 miliard euro, 4 miliard është buxheti i shtetit i Shqipërisë.
9 miliard euro dhe pjesa më e madhe vjen nga Shqipëria, thotë EUROPOL.
Në ikje e sipër është klani i kokainës.
2 miliard e gjysmë euro, thotë Kombet e Bashkuara.
Por krimi më i madh nuk është ky, krimi më i madh është se 2.5% e popullsisë është “addicted” (të varur) tek kokaina. Janë 80 mijë shqiptarë që nuk e dinë a e kanë jetën e sigurt apo jo.
Kanë rënë në kthetrat e kësaj droge dhe vështirë të dalin pa një përpjekje serioze të të gjithë ne.
Ka edhe një klan tjetër.
Klani i heroinës, siç do vijë shumë shpejt e do ikë edhe ai.
Prandaj nuk hapen negociatat.
Lexoni raportin e OSBE-së.
Janë ulëritëse. Klithmat e tyre për një vend që do të anëtarësohet në BE por nuk ka Gjykatë Kushtetuese. Nuk ka Gjykatë të Lartë. Në Partinë Socialiste ka njerëz të mirë, të ndershëm, që e duan këtë vend, duan edhe integrimin. Ju duhet të çliroheni urgjentisht nga Rilindja!

Ministri i Infrastruktures se Kosoves, Pal Lekaj, ka reaguar lidhur me pergaditjen e qeverise shqiptare per te rivendosur pagesen e rruges se kombit, te shtyre pas protestave te kuksianeve ne mars.

“Folem vetem pak sekonda ne samitin e Sofjes”, thote ai, duke iu referuar me gjase nje bisede qe paska bere me kolegun Gjiknuri ne mbledhjen e rendesishme te BE qe u mbajt ne maj ne Bullgari.

Tani na ngelet ta perfytyrojme ate shkembim seriozisht te shkurter.

Ministri i Kosoves terheq pak nga menga kete tonin, dhe i thote, a ka mundesi 1 minut. Ky i gjegjet rende; kam vetem disa sekonda. Ai i Kosoves nuk humb kohe, nis kundershtimin e pageses. Ky i joni me siguri nuk e ka shume mendjen, ndjek me sy se mos i shpeton i madhi shef, ose ndonje atraksion bullgar i ka marre gjithe perqendrimin.

Ja ashtu ne kembe, ne pak sekonda, ku njeri flet e tjetri nuk degjon, ky eshte konsultimi i dy qeverive per lidhjen me te forte dhe me te kushtueshme mes shqiptareve, qe eshte Rruga e Kombit.

Sjellja e Gjiknurit eshte tipike rilindase. Arrogance olimpike, nuk degjon, vetem flet. As nuk do tia dije se ca shqetesimi paska ky i Kosoves e krejt kosovaret po te duash.

Te vjen te qeshesh, kur mendon se pak dite me pare zyrat e qeverise kishin shperndare nje kasete te ketij ministri, ku ne nje takim ne Durres, paska kercenuar ata drejtore te patakt, qe nuk degjojne njerezit, qe mbyllin dyert per qytetaret, pra, ka kercenuar me shkarkim kedo qe aplikon gjegjesisht ate qe ky vete beri me ministrin e Kosoves ne Sofje.

Nje tipar i skalitur i Rames ky, ministrat vetem sa e kopjojne, sa me shume e sa me thelle, aq me mire.

Ketu ska me asnje te re. Nuk ka lajm ne sjelljen e Damianit.

Cka bie ne sy eshte se rrefenja e Pal Lekes nga Kosova tregon nje te vertete te trukuar fort gjithe keto vite

Pertej shfaqjes artistike me fryme heroike me flamuj kombetare hijerene ne salla solemne, ku mblidhen shpesh dy kabinetet e Tiranes dhe Prishtines, pertej ekskursioneve qe shpesh bejne bashke, me regji nga mbrapa se ky eshte synimi, pertej perqafimeve vellazerore para kamerave, ne fakt dy qeverite nuk paskan fare komunikim.

Vetem pak sekonda ne kembe.

Nese dy qeverite nuk konsultohen, nuk bisedojne, nuk arrijne nje akord per taksen e rruges se kombit, per projektin me te madh infrastrukturor mes tyre, atehere keto dy qeveri nuk jane ato qe shtiren, qe bejne dhe mbledhje te perbashketa. Madje nuk jane as qeveri mike.

Dhe kjo bie sidomos ne sy ne keto kohe kur Tirana zyrtare ka treguar pershembull nje perkushtim te madh ndaj fqinjeve jugore. Shihni sa te ndryshme jane takimet e Ditmir Bushatit me Kotziasin, ku nuk mungon festa, defrimi e dafrunga. Ndersa me te Kodoves, takimi zgjat disa sekonda ne kembe, ne nje koridor bullgar.

Ne nuk e dime mire si ka reaguar qeveria e Prishtines, a ka treguar energji, a ka ushtruar trysnine e duhur per te mbrojtur qytetaret e saj lidhur me rrugen e Kombit. Ndoshta dhe ajo eshte nje perzierje arrogante tipash e interesash qe nuk do tia dije per kosovaret.

Po nje gje ne e dime mire, se kjo e jona, eshte nje kaste pa asnje lidhje me njerezit, nje oligarki ne kuptimin e mirefillte te fjales qe nuk degjon, por vetem flet, nje strukture ilegjitime e zhytur ne korrupsion e krim, qe ndjek vetem qejfin dhe interesat e saj nje grusht burrash qe shkelin popullin dhe terhiqen vetem kur u vjen huri ne mendere, terhiqen nga frika se mos humbin pushtetin, kur njerezit reagojne si kuksianet ne mars.

Pavaresisht ngjashmerive e diferencave, kendej e matane kufirit, fare hapur e paster ka dale ne publik, se qeveria e Tiranes nuk flet me me qeverine e Kosoves.

Ata që kanë humbur jetën nga sëmundjet e aparatit të qarkullimit të gjakut (Ishemike të zemrës dhe tensioni i lartë i gjakut) u rritën me 2.4 për qind vitin e kaluar sipas të dhënave të INSTAT, por që nga viti 2005-2016, vdekjet nga simptoma zemra janë rritur më shumë se 19 për qind ( sipas të dhënave të Organizatës Botërore të Shëndetësisë).

Sipas të dhënave të INSTAT për shkaqet e vdekjeve në vitin 2017 humbën jetën nga sëmundjet e aparatit të qarkullimit të zemrës 11,926 persona ose 289 persona më shumë se vitin e kaluar, duke qenë shkaku kryesor i vdekjeve në Shqipëri.

Gjirokastra dhe Korça me te prekura, Durrësi dhe Tirana më pak

Prevalencën më lartë të jetëve të humbura nga zemra ( të vdekur/për 1,000 banorë) e ka qarku i Gjirokastrës, ku gjatë vitit të kaluar, kanë humbur jetën 5.8 persona për 1000 banorë, sipas të dhënave të INSTAT, të përpunuara nga Monitor në raport me popullsinë. Gjirokastra ka humbjet më të mëdha për shkak se ka popullsinë më të plakur se qarqet e tjera, e për pasojë nivelin më të lartë të vdekshmërisë për numër banorësh.

Qarqet e tjera më nivel të lartë të vdekjeve nga Ishemia janë qarku I Beratit me 5.7 vdekje për 100 banorë, qarku I Korçës me 5.3, i Shkodrës me 5.1, i Kukësit me 4.7, ndërsa qarqet me vdekshmërinë më të ulët nga sëmundjet Ishemike e kanë Durrësi me 3.4 jetë të humbura për 1,000 banorë, Tirana me 3.5, Elbasani me 3.6 dhe Lezha me 4.1.

 Ishemia, vdekjet në rënie për moshat e reja

Gjatë vitit 2017 vdekjet nga sëmundjet Ishemike ranë në moshat e reja nga 1-50 vjeç , teksa u vu re një rritje e dukshme në 50 vjeç e lart. Siç shihet nga të dhënat e INSAT ka  një rënie te dukshme të vdekjeve ne moshat nën 1 vjeç, ku gjatë vitit 2017 humbën jetën 25 foshnja nga këto sëmundje në raport me 49 foshnja më 2016. Por sipas eksperteve rënia i dedikohet më së shumti tkurrjes së numrit të lindjeve.

Rënie e vdekjeve nga sëmundjet Ishemike të zemrës u shënua në grup moshën 10-14 vjeç me 71 për qind , në grupmoshën  në grupmoshën 30-34 vjeç me 26 për qind , në grumoshën 35-39 vjeç me 14% dhe në grupmoshën 45-59 vjeç me 11 %.

Ndërsa rritje të numrit të vdekjeve nga Ishemia u vu re në moshën 60-64 vjeç  me 11 %, në grupmoshën 65-69 vjeç me 5.5 %.

Vdekjet më të larta nga kjo sëmundje i përkasin femrave, me 51% t ëtotalit, ku përqindja më e lartë është në Dibër, me 54%.

Shqipëria me vdekshmërinë më të lartë në rajon

Vdekshmëria nga sëmundja Ishemike e zemrës në Shqipëri është më e larta në rajonin e Evropës Juglindore (Barra Globale e Sëmundjeve), sipas të dhënave nga Organizata Botërore e Shëndetësisë. Gjithashtu, Shqipëria është vendi i vetëm në rajon i cili ka pësuar një rritje të nivelit të vdekshmërisë, nga sëmundja Ishemike e zemrës dhe sëmundjet cerebrovaskulare gjatë dy dekadave të fundit, duke dëshmuar për një fazë të hershme në evolucionin e epidemisë koronare, e cila ka qenë e pranishme shumë dekada më parë në vendet Perëndimore. Në fakt, sëmundja Ishemike e zemrës, sëmundjet cerebrovaskulare dhe Infeksionet e rrugëve të poshtme respiratore Ishin shkaqet kryesore të viteve të humbura të jetës si pasojë e vdekjes së parakohshme në Shqipëri.

Gjatë dy dekadave të fundit në Shqipëri, niveli total i vdekshmërisë për shkak të mbipeshës dhe obezitetit është rritur më shumë se dy herë, sipas OBSH. Në veçanti, niveli i vdekjeve nga sëmundja Ishemike e zemrës është rritur 2.5 herë, ndërsa niveli i vdekjeve nga diabeti është trefishuar. Niveli i vdekshmërisë nga sëmundja Ishemike e zemrës që i atribuohet hipertensionit është rritur dy herë në Shqipëri gjatë 20 viteve të fundit, kurse niveli i vdekjeve nga sëmundjet cerebrovaskulare për shkak të hipertensionit arterial është rritur me më tepër se 70%.

Faktorët

Sipas një raporti për shëndetin e popullatës të përgaditur nga Ministria e Shëndetësisë një grup faktorësh rreziku të parandalueshëm (duhanpirja, abuzimi me alkoolin, mbipesha, dieta jo e shëndetshme dhe mungesa e aktivitetit fizik) po kontribuojnë në mënyrë shqetësuese në rritjen e barrës totale të sëmundjeve kronike si kanceri, sëmundja e zemrës, sëmundjet e mushkërive dhe mëlçisë, si dhe diabeti. Parandalimi I rinisë shqiptare nga fillimi I duhanit, shmangia e abuzimit me alkoolin, shmangia e një diete jo të shëndetshme, si dhe promovimi I aktivitetit fizik, aktualisht janë ndër sfidat kryesore për Shqipërinë.

Monitor

Teksa në ‘Studio e Hapur’ po diskutohet rreth 367 mijë shqiptarëve që aplikuan këtë vit për llotarinë amerikane dhe 320 mijë shqiptarëve që kanë lënë atdheun gjatë pesë viteve të fundit, prof. dr Ardian Civici tha se Llotaria Amerikane është një barometër që tregon sa e madhe është dëshira për tu larguar.

Gjithashtu Civici tha se ky emigracion është emigracion mungese besimi dhe perspective për të ardhmen në vend.

“Janë jo vetëm vëndet e varfëra, por po vihet re edhe një emigracion nga vendet e pasura. Kur flasim për emigracionin shqiptar, duhet të themi që shkaku i emigracionit është mungesa e besimit. Kanë mungesë besimi për të ardhmen e vetes tyre, familjes, fëmijëve.

Emigracioni vjen gjithmonë si pasojë e një krize. Tani kemi një emigracion më të heshtur, por shumë herë më të rrezikshëm. Llotaria Amerikane është barometër që tregon se sa e madhe është dëshira për tu larguar. Për të përmbledhur mund të thoja që është emigracion mungese besimi dhe perspektive. Mungon besimi tek e ardhmja, e shohin të pamundur të ndërtojnë të ardhmen në Shqipëri”

BalkanWeb

Kryeministri Edi Rama ishte i pranishëm sot në Orikum të Vlorës, ku bëri çeljen e sezonit turistik dhe prezantoi strategjinë për turizmin, por ajo që tërhoqi vëmendjen e të pranishmëve ishte një mjet fluturues.

Të rinjtë e Forumit Rinor të Partisë Demokratike, kanë hedhur një dron me një pankartë ku shkruhej: “Mjaft i zgjodhi mafia dhe droga ministrat, ta zgjedhë edhe një populli”.