Është protokolluar në Kuvend drafti i ligjit që shpall ujërat që lagin zonën e Sarandës dhe bregut si “historike” dhe që ndikon fort në paktin e ujërave me Greqinë.

Drafti është paraqitur nga deputeti i opozitës parlamentare Kostaq Papa, i cili e paraqiti një muaj më pas, por më pas e tërhiqi për ta ripunuar.

Sipas draftit, theksohet se ky ligj ka “për qëllim shpalljen e ujërave të detit të Gjirit të Sarandës, Butrintit, Ksamilit, Himarës, Borshit, Qeparoit dhe Palasës, Ujëra të Detit të ‘Gjireve Historike’ të Republikës së Shqipërisë dhe përfshirjes së tyre në Ujëra të Brendshëm”.

Ky përkufizim e vendos edhe pjesën e Gjirit të Korfuzit, si një pjesë që nuk lejohet që të bëhet pakt që cenon këtë pjesë, shkruan gazeta Shqip.

Në nenin 1 të draftit theksohet se “Ujërat e Brendshme të Republikës së Shqipërisë, janë ujërat e detit në drejtim të tokës, nga vija bazë nga ku fillon të matet gjerësia e Ujërave Territorial të Republikës së Shqipërisë, sipas nenit të 8 të Konventës së Detit të vitit 1982, ratifikuar nga Republika e Shqipërisë në vitin 2003.

Drafti do të nisë menjëherë të diskutohet në komisione e më pas të dërgohet në seancë. Miratimi i këtij projekti shikohet nga Kostaq Papa si i rëndësishëm pasi “blindon” nga ana ligjore pjesën detare që pritet të jetë pjesë e negociatave me Greqinë.

Athina dhe Tirana kanë vendosur që ta zgjidhin këtë çështje në Gjykatën e Hagës ç’ka shkaktuar mjaft diskutime në politikën shqiptare.

Shtyhet takimi i ministrave të Jashtëm dhe Çështjeve Evropiane i parashikuar të mbahej në 10 nëntor, për shqyrtimin e kuadrit negociues për Shqipërinë dhe Maqedoninë e Veriut për në 17 nëntor.

Në një lidhje live për ABC News, gazetarja Erisa Zyka është shprehur se hapja zyrtare e negociatave për Shqipërinë bëhet e pamundur, pasi 5 shtete anëtare të BE-së argumentojnë se Shqipëria nuk i ka përmbushur parakushtet për mbajtjen e konferencës së parë ndërqeveritare.

Sipas Zykës, Holanda, Danimarka, Gjermania, Spanja dhe Franca, konsiderojnë si kusht reformën elektorale, e cila nuk është përmbushur. Po ashtu, dhënia e një vlerësimi pozitiv është e kufizuar nga mosplotësimin e dy parakushteve lidhur me mosfunksionimin e Gjykatës Kushtetuese dhe Ligjin për Median.

Këto shtete, sipas gazetares, konsiderojnë se kanë një vlerësim më realist se Komisioni Europian për reformat kyçe në Shqipëri dhe, se për mbajtjen e konferencës e parë ndërqeveritare duhet të plotësohen të gjitha parakushtet.

Pikat që kërkojnë më tej të zbatohen 5 shtetet në fjalë:

-Respektimi i opinionit të Komisionit të Venecias për ndryshimet kushtetuese në Kodin Zgjedhor.

-Garantimi i transparencës së financimit të partive politike, për të cilën ka vetëm një udhërrëfyes, por jo një plan zbatimi.

-Gjermania, Franca, Danimarka, Holanda dhe Spanja janë dakord me Komisionin Evropian, se kushti për funksionimin e Gjykatës Kushtetuese nuk është përmbushur. Por ato bëjnë dallimin për Gjykatën e Lartë, duke cilësuar se Gjykata e lartë me 3 nga 19 gjyqtarë nuk mund të konsiderohet si funksionale.

-Edhe pse mirëpritet ngritja e SPAK, vihet theksi tek mungesa e një gjurme provash për hetime, ndjekjeve penale dhe dënime të zyrtarëve të lartë.

-Vlerësohet se për BKH nuk ka asnjë tjetër emërim përveç drejtorit dhe se është e rëndësishme që të zhvillohen rekrutimet e mëtejme, në mënyrë që kjo strukturë të jetë plotësisht funksionale.

-Mbështetet vlerësimin i Komisionit Evropian lidhur me ligjin për median ndërsa kërkohet përparimi në fushën e lirisë së shprehjes nëpërmjet ndjekjes së rekomandimeve të Komisionit të Venecias.

-Kërkohet vijimi i zbatimit të planit të veprimit për adresimin e rekomandimeve të Task Forcës së Veprimit Financiar dhe bashkëpunimin me autoritetet përkatëse të vendeve anëtare.

-Vihet në pah po ashtu se numri i përgjithshëm i kërkesave të azilit, edhe pse është ulur mbetet i lartë dhe nevojiten përpjekje të vazhdueshme nga autoritetet shqiptare.

Interviste plote e Romeo Gurakuqit per Gazeten Panorama me daten 25 tetor 2020

PYETJE: Si e gjykoni vendimin e Komisionit te Perzgjedhjes se deputeteve te PD?
ROMEO GURAKUQI: Duke qene se procedura e zhvilluar bazohet ne statutin e PD dhe udhezimet e kryetarit, kam verifikuar me kujdes aktet e ndermarra nga Komisioni dhe i kam ballafaquar me rregullat.
Dua te deklaroj se unë njoh vetem vendimin e kryetarit të PD- se dhe te Kryesise ne lidhje me proceduren e rikandidimit. Vendimarrja e fundit e komisionereve, ne qofte se ka ndodhur, me rezulton se eshte realizuar ne shkelje te plote te tagreve te dhena atyre nga udhezimet respektive. Kesisoj eshte nul. Ato kane marre nje vendim kur tagri u kishte perfunduar. Vleresimi perfundimtar i komisionereve mbyllet ne momentin kur kandidatet dergohen ne dege. Neni 25 i Udhëzimit e ka të përcaktuar qartë se faza e vlerësimit të kandidatëve është faza e dytë dhe jo faza e tretë; “Komisioni i Vlerësimit bën vlerësimin përfundimtar të kandidatëve sipas metodologjisë së përcaktuar paraprakisht. Në përfundim të procesit të vlerësimit hartohen listat e kandidatëve të mundshëm, që do të përfshihen në provesin e konsultimit nga anëtarësia në secilen Degë”. Thënë në gjuhën shqipe: vendimarrja vlerësuese për kandidatët mbyllej këtu.

Me datë, 30 shtator 2020, në degën e PD Shkodër u zhvillua faza e tretë, ajo e konsultimit, e parashikuar nga Udhëzimi, në përfundim të së cilës, unë, kam rezultuar me vota më me pak kundër të anëtarësisë (ma pak se 3%), nga të gjithë kandidatët potencialë, që do të kalonin për shqyrtim në fazen e katërt (lexo nenin 18) në Kryesinë e PDSH.

Ne procedim të Udhëzimit nr. 60, në tagret mbetëse të Komisionit të Vlerësimit përfshihej zbatimi i detyruar i nenit 31., gjegjësisht, çertifikimi i listës finale të dalë nga konsultimi i anëtarësisë, d.m.th. rankimi mbi bazën e votës dhe dhënia e vlerësimit për kandidatët që kishin marr kontestime mbi 20% të votës së anëtarësisë. I gjithë ky procedim formal, do të duhej të realizohej mbi bazën e leximit të proces-verbaleve zgjedhore dorëzuar nga Komisionit, duke bashkëngjitur më pas vlerësimin e përgjithshëm të kandidatëve realizuar fazën e dytë, që konsiderohej i protokolluar në Protokollin e Selisë Qendrore të PDSH në Tiranë.
Çuditërisht, në vend të çertifikimit të rezultateve dhe marrjes së vendimit për kandidatët që nuk ishin aprovuar nga anëtarësia, Komisioni ndërhyn në faze të trete, ndërkohë që tagret ndërhyrëse u kishin përfunduar në fazë të dytë dhe Raporti për secilin kandidat duhej të ishte i protokolluar dhe i pandryshueshëm. Në vend të kesaj, anëtarët e Komisionit krijojnë një listë përjashtuese, “kandidatësh të shtyrë”!!!???

E përsëris: e drejta e komisionereve per te shqyrtuar kandidatet ka perfunduar diten qe emrat i kane shkuar anetaresise per konsultim ne Shkoder, me date, 30 shtator 2020.
Vendimarrja e fundit e anëtarëve komisionereve ështe realizuar në shkelje të plotë te tagreve të dhëna atyre nga Udhëzimi nr. 60. Ato kane marrë nje vendim kur tagri u kishte perfunduar. Vlerësimi përfundimtar i komisionerëve mbyllet në momentin kur kandidatët dërgohen në degë (neni 25). E drejta e komisionerëve për të shqyrtuar kandidatët ka përfunduar ditën që emrat i kanë shkuar anetarësisë për konsultim në Shkodër, me datë, 30 shtator 2020. Pika 32 e udhëzimit e përcakton krejt qartë këtë: “Kryesia e Partise përzgjedh kandidatet zyrtare te PD ne zgjedhje nga Lista e Kandidateve te konfirmuar nga anetaresia”.

Mirepo Komisioneret tane gabimisht i jane referuar nenit 31, duke bërë të paditurin, mbasi ajo pikë qartazi përdoret nga komisioni vetëm për ata kandidatë, të cilët janë konfirmuar fillimisht, por janë skualifikuar nga kontestimi i anetarësisë.

Mbi te gjitha, pretendimi se është bërë vlerësim bazuar në kritere, siç kam dëgjuar nga disa ligjerime të pa-autorizueme nga PD nga disa anëtarë të komisionit në media, rezulton i pavertetë, i paprotokolluar dhe shumë fyes në deklarimin diferencues Sipas deklarimeve të besueshme, komisionerët kanë realizuar vetëm votim të fshehtë mbi emra, pa pasur parasysh çertifikatat e pastërtisë së figurës, të pasurisë, CV – te, rezultatet e arritura në procesin e konsultimit në bazë, punën shumëvjeçare të deputetëve në Aulen parlamentare dhe në terren, në fazën e trete, ndërkohë që neni 25 e saktëson atë shumë qartë detyren e tyre.

Targetimi i deputeteve te Shkodres eshte i paragjykuar kulturalisht dhe i paramenduar, sipas opinionit tim personal. Arsyet e kesaj nderhyrjeje te targetuar jam duke i shqyrtuar me shume kujdes, per te kuptuar nderhyresin extra institucional.

Njohja e udhezimit dhe shkeljeve procedurale me imponon qe une te njoh tanime vetem vendimin qe i përket kryetarit të PD- se. Do ta respektoj 100% ate vendim kur te vije, duke qendruar ne linjen themelore te PD- se dhe anetaresise, qe ka vuajtur persekutimin e regjimit te Edi Rames, ka qene e angazhuar ne betejen per voten e lire, nuk ka qendruar ne poltronet e korrupsionit te kastes qe tallet me popullin ne ikje te frikshme nga skamja dhe pasiguria prej vitesh. Po ashtu me lejoni t’ju them se do te bej gjithshka ne fuqine time konsultative si deputet i zgjedhur, qe Shkodra te kete perfaqesine e vet me te mire, sikurse e kerkojne mijera shkodrane ketu dhe neper bote.

PYETJE: Pra ju njihni vetëm vendimin e kryetarit të PD dhe institucioneve zyrtare të PD?
ROMEO GURAKUQI: Une njoh vetëm vendimin e kryetarit të PD, Lulzim Basha, dhe kryesise qe do te bazohet ne rankimin e realizuar nga votimi i bazes. Për mua ka rëndësi që kam qenë më i përkrahuri nga anëtarësia e PD në Shkodër dhe jam shumë i surprizuar dhe falënderues ndaj demokratëve shkodrane. Do vazhdoj të je, ne kryesimin e puneve ne Qarkun e Shkodres. Njelloj do te jem ne aksionin e PD edhe sikur une te mos jem kandidat per deputet per shkak te vendimarrjes sime, ose te drejtimit racional te Kryesise se PD.

Ka pasur nje keqinterpretim mbi tagret e komisionit. Duhet te sqaroj se ato tagre kane qene vetem konsultative dhe asnjehere vendimarrese. Ato tagre kane perfunduar per kete komision tanesisht me daten 10 tetor 2020. Unë kam marrë votëbesimin e antarësisë për të qenë në drejtues i grupit të deputetëve demokrat në Shkodrës me 30 shtator 2020. Asnjë lloj gjykimi nuk mund te realizoje komisioni kinse për staturën intelektuale, qytetare dhe per integritetin duke u nisur nga mendja e vet, pa prova zyrtare dhe pa autorizim te specializuar. Per te gjykuar mbi integritetin me se pari duhen marre certfikatat nga autoritetet dhe per kete ka nje radhe nga ku nis puna. Une jam certifikuar nga autoritetet shteterore per pastertine e figures ne muajin shtator 2017 para marrjes se mandatit te deputetit me kerkesen time dhe ky eshte nje fakt i njohur publikisht. Pyetja eshte: a munden te pa certifikuarit te shqyrtojne pastertine e figures te te certifikuarve?!

Pyetja më e detajuar është: sa ishin kompatibel për të qenë pjesë e strukturës verifikuese dhe shqyrtuese konform me kërkesat e Udhëzimit për Pastërtinë e Figurës, të gjitha ato anëtarë të Komisionit që janë te thirrur nga ligja për marrë çertifikatën respektive para autoriteteve zyrtare (Autoritetit për Informim) ?

Une sugjeroj qe dikush duhet te me kerkoje falje per fyerjet aluduese publike te bera, me dashje ose prej mungeses se maturise. Po ashtu kerkoj qe vendimi i ndermarre ne kundershtim me Udhezimin e kryetarit te anullohet, brenda kesaj jave, perndryshe do t’i drejtohem Komisionit te Apelimit per ta gjykuar.

PYETJE: Jeni takuar të premten me kryetarin e PD
ROMEO GURAKUQI: Po jam takuar. Kam raporte miqesore dhe institucionale me kryetarin e PD. Jam ende deputet per PD dhe elektoratin e djathte, deri në zgjedhjet e ardhshme dhe e kam edhe këtë akses ne cdo moment qe me nevojitet per te realizuar detyrat perfaqesuese, organizative dhe konsultuese deri me date, 25 prill 2021

Një sasi lënde shpërthyese është vendosur rreth orës 01;00 të mëngjesin të së premtes në portën e jashtme të banesës së gazetarit Elidon Ndreka në fshatin Balldre të Lezhës.

Nga shpërthimi nuk ka patur të lëduar, por vetëm dëme materiale. Në momentin e shpërthimit, gazetari Ndreka gjendej në banesë bashkë me prindërit, gruan dhe dy fëmijët e tij.

Policia ka shkuar në vendin e ngjarjes duke konfirmuar se “në pjesën e jashtme të hyrjes së banesës së shtetasit E.N, ka shpërthyer një sasi e vogël, dyshohet lëndë plasëse, ku si pasojë ka vetëm dëme të vogla materiale”, por pa dhënë detaje të mëtejshme rreth ngjarjes.

Gazetari Elidon Ndreka prej dy vitesh mbulon Qarkun e Lezhës për TV News 24, por ai ka një përvojë 15 vjeçare në fushën e gazetarisë televizive.

I pyetur nga “Zëri i Amerikës”, gazetari Ndreka tha se nuk ka dijeni rreth autorit apo autorëve të shpërthimit, por ka dyshime se vendosja e lëndës shpërthyese në portën e banesës së tij lidhet me profesionin si gazetar.

Policia vendore ende nuk ka dhënë detaje në lidhje me këtë ngjarjes dhe pistat e hetimit.

Në Shqipëri, rreth dy vite më parë u sulmua me bresheri kallashnikovi banesa e prindërve të gazetares se kronikës, Klodiana Lala, ndërsa kërcënimet verbale ndaj gazetarëve janë të shpeshta.

E ftuar virtualisht në Komisionin e Edukimit në seancën e parë dëgjimore si ministre e arsimit, Evis Kushi deklaroi se me përkeqësimin e situatës së koronavirusit është gati skenari i mësimit në distancë dhe mësuesit po përgatiten për këtë metodë.

Po trajnohen 1200 mësues për mësimin online. Jane 47 mije klasa virtuale janë hapur llogaritë personale te nxenesve me platformën akademia .al

Për këtë arsye do të ketë edhe një rritje të buxhetit për arsimin, që do të shkojnë edhe për pagat më të larta të mësuesve vitin e ardhshëm si dhe për rindërtimin e 92 godinave arsimore të dëmtuara nga tërmeti.

Pse nuk bëhet testimi i të gjithë stafit pedagogjik ishte në fokus edhe të këtij diskutimi. I mësuesve pse nuk është bere?

Strategjia e tamponimit është sipas kontakteve te afërta. Depistimi masiv nuk është e duhura . Kur identifikohen nxenesit izolohen një grup i afërt kontaktesh jo e gjithë klasa kështu janë udhëzimet.

Një total prej 352 makinave të vjedhura janë konfiskuar teksa kanë qenë në rrugë për destinacionin e tyre final, si rezultat i një operacioni të mbështetur nga Agjencia e Bashkimit Evropian për Sundim të Ligjit (EUROPOL).

Në kuadër të këtij operacioni janë konfiskuar edhe 1,077 pjesë të vjedhura të makinave bashkë me dhjetëra dokumente të falsifikuara.

Në periudhën 12-24 tetor të këtij viti, është thënë se janë kryer rreth 44,548 kontrolle të bazave të ndryshme të të dhënave.

Operacioni i kërkimit, që është udhëhequr nga Agjencia Evropiane për Kufij (FRONTEX), është fokusuar në kontrollet nëpër pikëkalime kufitare dhe aktivitete tjera tokësore në 17 vende të Bashkimit Evropian dhe pesë shtete të rajonit të Ballkanit.

Vendet e përfshira në këtë operacion kanë qenë: Kosova, Shqipëria, Mali i Zi, Maqedonia e Veriut, Bosnje-Hercegovina, Bullgaria, Kroacia, Estonia, Franca, Gjermania, Greqia, Hungaria, Italia, Letonia, Lituania, Holanda, Polonia, Portugalia, Rumania, Sllovakia dhe Spanja.

“Në bashkëpunim të ngushtë me industrinë private, përfshirë industrinë e makinave, prodhuesit e anijeve, dhe kompanitë që japin makina me qira, bashkë me të dhënat e EUROPOL-it, zyrtarët për kontrolle kufitare në kufijtë e jashtëm të BE-së kanë parandaluar kontrabandimin e shumë makinave dhe anijeve më tej kufirit”, është thënë në një komunikatë për media të EUROPOL-it.

Aty është thënë edhe se aktivitetet e fokusuara në kontrollet e veturave dhe anijeve, kanë rezultuar edhe në kapjen e 2,965 migrantëve ilegalë në rrugë drejt BE-së, përmes rrugëve tokësore dhe ajrore.

Si pasojë, 17 persona që kanë shërbyer si ndërmjetësues të kontrabandimit të emigrantëve janë lokalizuar dhe janë arrestuar.

“Destinacioni i fundit i emigrantëve kanë qenë Gjermania apo Italia. Ndërmjetësuesit kanë transportuar emigrantët përmes rrugëve tokësore, mirëpo edhe përmes anijeve të vogla në Detin Adritatik”, është thënë mes tjerash në njoftim.

Tiranë

TIRANË

Presidenti i Republikës Ilir Meta i ka quajtur shpifje të sponsorizuara akuzat për dhënien e shtetësisë dhjetëra shtetasve, ndër të cilët emra të njohur. Kreu i Shtetit tha se ka pasur dy procedura dhe se shtetësinë e jep vetëm Presidenti i Republikës. “Pse Baton Haxhiu e ka marrë me procedurë të përshpejtuar dhe Kim Mehmeti nuk mundet”, pyeti Meta.

Ai solli dhe shembuj të tjerë si ish-ministrja e Arsimit Besa Shahini që pa procedurën e posaçme nuk mund ta kishte marrë dot nënshtetësinë dhe jo më të bëhej ministre.

Presidenti kujtoi dhe fikjen e radarëve apo avionët e drogës.
“Të gjitha shpifjet që sponsorizohen nga…se s’dua të përmend fjalën rilindje sepse jemi në Korçë…Të gjitha këto janë shpifje për arsye se Kushtetuta e të qartë që shtetësinë e jep vetëm Presidenti i Republikës. Ka pasur dy procedura që ta dinë të gjithë qytetarët, që sipas tyre është normale që kolegu juaj gazetar, Batoni e ka marrë me procedurë të posaçme nënshtetësinë por është anormale që Kim Mehmeti ta marrë me procedurë të posaçme. Pse? Sepse Kim Mehmeti mbron dhe Shqipërinë dhe kufijtë e Kosovës.
Zonja Besa Shahini që ka qenë ministre për dy vite nuk do të kishte marrë dot nënshtetësinë shqiptare dhe jo më të ishte bërë ministre. Si ky rast ka dhe shumë të tjera ku qeveria ka kërkuar procedurë të posaçme për shumë qytetarë të ndryshëm. Këta shqetësohen, më vjen keq që e përmend se pse e ka marrë me procedurë të posaçme, bashkëshortja e Ylli Pangos, që jeton me të prej 8 vitesh. Ajo duhet ta kishte marrë prej 3 vitesh. Kam pyetur Shërbimin Informativ të Shtetit, dhe nuk përbën rrezik për terrorizëm. Ndërkohë, që fikjet e radarëve se cenojnë sigurinë kombëtare. Avionët që bëjnë ato punët e tjera….”, tha Meta.

KORÇË

Nga Korca ku komentoi zhvillimet e fundit politike në vend, Presidenti i Republikës, Ilir Meta komentoi edhe dakordësine e arritur me shtetin grek, për të dërguar në Hagë, çështjen e detit. Meta tha se Rama nuk është konsultuar me Presidentin e Republikës, për këtë cështje dhe se më shumë mbi të është informuar nga mediat greke.

“Unë për këtë çështje duhet të falënderoj mediat greke dhe përfaqësuesit e Greqisë nga të cilët marrim më shumë informacion. Nuk është konsultuar me mua, por me ndonjë president tjetër vërdallë. Nuk e ka marrë vesh akoma që president i Shqipërisë është një dhe vetëm një, që është Ilir Meta”, tha Presidenti.

Princ Leka Zogu II reagon për herë të parë pas lajmeve për ardhjen në jetë të vajzës së tij. Ai konfirmon edhe njëherë emrin, trashëguar nga Mbretëresha Geraldinë.

Si për rastësi, Geraldina II erdhi në jetë në përvjetorin e 18-të të ndarjes nga jeta të Mbretëreshës së Parë shqiptare.

Princ Leka ka shpërndarë në rrjet njoftimin zyrtar për lindjen e vajzës, duke u shprehur se si ajo ashtu edhe e ëma, Elia Zaharia gëzojnë të dyja shëndet të plotë.

Presidenti i Republikës, Ilir Meta mori pjesë sot në takimin tradicional të “Mëngjesit të Lutjeve” të Jeruzalemit, të organizuar nën kujdesin e veçantë të Presidentit të Izraelit Reuven Rivlin, nëpërmjet një video-konference.

Në këtë takim të rëndësishëm, mori pjesë Sekretari Amerikan i Shtetit, Michael Pompeo, Kryeministri i Izraelit Benjamin Netanyahu, si edhe shumë përfaqësues të lartë shtetërorë e personalitete politike nga vende të ndryshme.

Në fjalën e tij përshëndetëse, Presidenti Meta, duke ju bashkuar lutjeve për paqe jo vetëm për Jeruzalemin, por për mbarë botën, theksoi se Shqipëria dhe shqiptarët ndihen shumë krenarë për harmoninë ndërfetare unike, si model frymëzues për të gjitha vendet.

Kreu i Shtetit, pasi vlerësoi marrëdhëniet miqësore me Izraelin, vuri në dukje krenarinë e kombin shqiptar që në periudhën më të errët të njerëzimit, Luftën e Dytë Botërore, mikëpriti dhe mbrojti hebrenjtë, duke mos dorëzuar asnjë prej tyre.

FJALA E PLOTË E PRESIDENTIT META
Shalom (Paqe) nga Tirana, nga Shqipëria!
Të dashur miq të Kneset-it (Parlamentit izraelit) nga Jeruzalemi dhe nga mbarë bota gjithashtu!

Dëshiroj t’ju përcjell përshëndetjet e mia më të ngrohta, si dhe gjithashtu ato në emër të popullit shqiptar!
Sot, teksa jeni mblidhur në atë qytet të shenjtë, do të dëshironim t’ju bashkoheshim lutjeve tuaja për paqe jo vetëm për Jeruzalemin, por botën mbarë!

Kombet tona janë të lidhura me një nyje historike dhe miqësi që është përçuar dhe trashëguar nëpër shumë e shumë breza.
Megjithëse jemi vende dhe kombe relativisht të vegjël, ne gjithmonë kemi luftuar për të drejtën që të jetojmë të lirë në truallin tonë.
Ne gjithashtu ndajmë së bashku angazhimin tonë të plotë për shumëllojshmërinë fetare si një element thelbësor i demokracive tona.

Ishte pikërisht kjo lidhje që i bëri shqiptarët t’i ofronin mikpritje, strehim dhe mbrojtje bashkësisë hebreje shqiptare, si dhe gjithëve atyre hebrenjve që po arratiseshin nga vendet e tjera evropiane për t’i shpëtuar asgjësimit pothuajse të sigurt nga Holokausti gjatë territ të dhunshëm dhe tmerreve të Luftës së Dytë Botërore.

Shqipëria ishte i vetmi vend në Europë që doli nga ajo periudhë e errët duke numëruar një popullsi më të shumtë hebreje se sa kishte para fillimit të Luftës së Dytë Botërore.

Në Shqipëri nuk u vra asnjë hebre i vetëm, madje as edhe një prej tyre nuk iu dorëzua pushtuesve nazistë nga populli ynë.
Shumë familje shqiptare rrezikuan jetën e tyre në përmbushje të misionit fisnik të mbrojtjes së jetëve hebreje.

Dhe për këtë jemi shumë krenarë!
E gjithë bota duhet të jetë krenare për shembullin tonë si dhe për kodin e nderit dhe mikpritjen shqiptare!

Ne jemi gjithashtu shumë krenarë për harmoninë ndërfetar unike që mbizotëron në Shqipëri.
Që nga kohë të vjetra, të cilat nuk mbahen mend, shqiptarët kanë jetuar krah për krah njëri-tjetrit në paqe, në një “vëllazërim fetar”, duke i shpalosur kështu botës mesazhin e bashkëjetesës dhe dialogut midis feve të ndryshme.

Kujtimi i trimërisë së “Njerëzve të drejtë mes kombeve” duhet të mbahet mend dhe të çmohet si një shenjë e mbrojtjes nga ana e Zotit të Plotfuqishëm për popullin e tij të zgjedhur.

Ka një thënie të shenjtë se: Ai që shpëton qoftë edhe një jetë njerëzore, ka shpëtuar botën mbarë!
Ç’është e vërteta, Zoti është treguar dashamirës për kombet tona tona dhe na ka bekuar me paqe dhe liri në tokat tona.
I kemi mirëpritur zhvillimet më të fundit mes Shtetit të Izraelit dhe vëllezërve tanë në Kosovë.
Do të donin ta shfrytëzonim këtë rast për të falënderuar edhe udhëheqjen e miqve tanë të përbashkët në Shtetet e Bashkuara për arritjen e kësaj marrëveshjeje historike.

Në librin e profetit Jeremia, shkruhet se ne duhet të “Kërkojmë paqen në qytetin, në të cilin ju kam caktuar të jetoni si dhe t’i falemi Zotit për të; sepse në paqtimin e qytetit ju do të gëzoni edhe paqen tuaj!”

Zoti i Plotfuqishem le ta bekojë Izraelin, Shqipërinë e të gjitha kombet dhe t’i sjellë paqe dhe mirëqenie qytetit të Jeruzalemit si dhe të gjitha qytetet ku ju ka përcaktuar të jetoni! Paqja qoftë mbi ju të gjithë!

Koloneli i njohur Myslim Pashaj, që denoncoi marrëveshjen e ndarjes së kufirit detar Shqipëri-Greqi në vitin 2009, e cila më pas u rrëzua nga Gjykata Kushtetuese komentoi në një intervistë për Abcnews.al vendimin e ri të dy vendeve për t’iu drejtuar Hagës për të zgjidhur përfundimisht këtë çështje.

Ai u shpreh se vizita e ministrit të Jashtëm grek sot në Tiranë ishte me interes, por shton se nuk arrin që të kuptojë se përse u shkua kaq shpejt në Hagë, ndërsa dy vendet vijuan negociatat për dy vite.

“Vizita e ministrit të Jashtëm grek Nikos Dendias në Shqipëri pritej me interes. Por nuk e di se përse nuk u ezauruan të gjitha shkallët, pasi u negociua për më shumë se dy vite për çështjen e kufirit detar, por palët shkuan në Gjykatën Ndërkombëtare të Hagës” tha ai.

Tashmë që përballja nuk do të jetë më direkte mes palëve, por do të jetë gjykata e Hagës që do të vendosë, Pashaj pikën e dobët e shikon te grupi i teknikëve shqiptarë.

“Domosdo më shumë besim kam te teknikët e gjykatës së Hagës, që bazohen te e drejta ndërkombëtare, sesa te teknikët që do të përbëjnë grupin shqiptar. Plus që një rol të rëndësishëm luan edhe avokati, por edhe lobimi. Duhet të mbrohet vendimi i gjykatës Kushtetuese që rrëzoi marrëveshjen me Greqinë në 2009”, tha ai.

Por a do të kërkojë kjo shumë kohë? “Jo, puna është te njerëzit, teknikët dhe materiali që ata do të paraqesin. Një problem në vete për shembull është Gjiri i Sarandës.

Grupi që do të përfaqësojë Shqipërinë duhet të përbëhet nga njerëz shumë të aftë që e njohin çështjen, por duke parë atë që ka ndodhur nga viti 2009 dhe këtej në këto 11 vite nuk kam besim” tha ai.

I pyetur nëse është e nevojshme një ekspertizë nga një palë e tretë për të ndihmuar, ai e mohoi. “Fokusi duhet të jetë te teknikët dhe avokati që do të na përfaqësojë në Hagë, ku tashmë do të vendoset përfundimisht për detin” përfundoi ai.

Kryeministri Edi Rama dhe ministri i Jashtëm grek Nikos Dendias e njoftuan sot vendimin që për zgjidhjen e çështjes së kufirit detar do i drejtohen Gjykatës Ndërkombëtare të Hagës.

Dakordësi e kushtëzuar, kështu e ka cilësuar Ksenofon Krisafi, profesor i të Drejtës Ndërkombëtare hapin e ndërmarrë nga Greqia dhe Shqipëria për të çuar çështjen e detit në Gjykatën Ndërkombëtare të Hagës. I ftuar në studion e abcnews, Krisafi tha se ka besim se çështja do të marrë zgjidhje në këtë gjykatë pasi kemi të bëjmë me një organ ndërkombëtar të pakorruptueshëm ndërsa theksoi se Shqipëria është në të drejtën e saj pasi kufijtë janë tashmë të përcaktuar ndërsa e vetmja çështje në tryezë është zona ekonomike ekskluzive.  Ai u shpreh se nëse preket kufiri shtetëror të dy palët do të kenë pretendime dhe kjo do të sillte precedentë të tjerë.

“Nuk ka barazi palësh. Rruga e negociatave bilaterale nuk e dha rezultatin e pritshëm. Në këto kushte mbetet faktori i tretë, Gjykata Ndërkombëtare ose një palë e tretë. Nisur nga fakti se nga kush përbëhet Gjykata e Hagës, nga njerëz të pakorruptueshëm, unë gjykoj se çështja atje duhet të marrë një zgjidhje. Shqipëria është në të drejtën e saj pasi kufijtë e saj i ka të përcaktuara. Mbetet të caktohet vetëm zona ekonomike ekskluzive.

Marrëveshja e vitit 2009 kishte bërë pikërisht këtë gabim duke prekur ujërat e brendshme territoriale. Nëse do preket kufiri shtetëror të dy palët mund të kenë pretendime të shikojnë edhe pjesë të tjera të kufirit duke krijuar precedentë të tjerë. Do duhet të hetohet përvoja e të tjerëve që pala shqiptare të shkojë në Hagë me argumente për të mbrojtur të drejtën e vendit të vet”, tha Krisafi.

Krisafi theksoi se tashmë kjo çështje është në dorën e presidentit Ilir Meta pasi vetëm ai mund të japë miratimin, ndërsa palët do duhet të nënshkruajnë një marrëveshje për ta dërguar çështjen e detit në Gjykatën Ndërkombëtare.

“Unë atë që tha sot Rama dhe Dendias e marr si një transmetim që vjen nga pala greke për ta çuar në Hagë dhe jo si vendim. Këto janë çështje që kanë të bëjnë me territore. Nuk mundet të kenë ata vendimmarje për ta çuar në Hagë. Janë një sërë punësh për t’u bërë para. Nuk mundet të vendosë vetëm kryeministri sepse Haga do të bëhet kompetente kur palët të çojnë një marrëveshje. Miratimin për këtë marrëveshje e jep kryetari i shtetit i cili konsultohet me disa hallka para se të shkojë në vendimmarrje.

Gjykata e Hagës nuk është si gjykatat e vendit. Palët duhet të bien dakord dhe të nënshkruajnë një marrëveshje. Nëse gjykata konstaton se ka dhe probleme të tjera, gjykata duhet të abstenojë. Unë jam i bindur që për çështje të tilla presidenti dhe kryeministri bëhen një dhe prevalojnë mbi interesat personalë. Shqiptarët janë të interesuar për fatet e kësaj Shqipërie. Ata që janë në krye të shtetit e kanë për detyrë të bien dakord“, tha Krisafi.

Prof. Krisafi komentoi edhe deklaratën e Dendias lidhur me palën turke ditën e sotme në konferencë me kryeministrin shqiptar, ndërsa u ndal edhe në konfliktin mes dy palëve. “Nuk është gjë e çuditshme që greku ka folur për Turqinë sepse para ca vitesh kanë folur për ne nga Prishtina. Mendoj që shtetet janë të interesuar të kenë sa më pak konflikte dhe të zgjidhin problemet me mjete paqësore. Konfliktet zgjidhen me marrëveshje dhe jo me luftë. Shqipërinë në Hagë do ta përfaqësojnë shqiptarët”, u shpreh ai.

Diplomati Agim Nesho, i ftuar në rubrikën “Opinion” në “News 24”, duke folur për vizitën e ministrit të Jashtëm grek në Tiranë dhe deklaratën e kryeministrit Edi Rama se çështja e detit do të shkojë në Hagë, deklaroi se kemi marrëveshje të sforcuar.

Nesho theksoi se politika e Edi Ramës ka treguar dështim, duke shtuar se kjo qeveri nuk ka konsistencë për çështjen e detit.

“Ministri grek është i  mirëpritur, duke qenë se Greqia është një vend aleat strategjik i Shqipërisë. Vendi ynë ka marrëdhënie strategjike si me Greqinë, por edhe me Italinë, duke qenë se kemi interesa integrimi, por edhe se në këta shtete jetojnë shumë shqiptarë. Pati nota dakordësie mes dy palëve.

Kryeministri përdori retorikë ma culpa. Vizita ishte e vonuar. Marrëveshja duket e sforcuar. Rama dikur çoi në Kushtetuese çështjen e detit, kurse sot thotë se patriotët janë bezdisës. Duhet të kenë guxim pas 8 viteve e të thonë se kanë dështuar të kenë atë që i takon Shqipërisë. Ka dështuar politika e jashtme, nuk ka qenë konsistente. Patriotizmi duhet përkrahur”, tha Nesho.

Agim Nesho nënvizoi se politika e gabuar e Edi Ramës tregoi dështim.

“Ministri i Jashtëm sfidoi Ramën, duke i përmendur konfliktin mes Greqisë dhe Turqisë.  Duhet të shikojmë një qeveri që mbron të drejtat e shqiptarëve deri në fund. Kur ka vizita të vullnetit të mirë, nuk jam pro protestave. Por në këtë rast, mirëkuptoj protestën e PDIU-së.

Ata janë të zhgënjyer, sepse janë viktimë e propagandës së PS-së. PDIU është partia me zhgënjime të mëdha,. Nuk ka profesionalizëm në politikë të jashtme. Politika e jashtme tregoi dështim të plotë. Ishim ne që provokuam Greqinë. Politika e gabuar e Ramës tregoi dështim”, u shpreh Nesho.

Më tej, duke folur për zgjedhjet në SHBA, Nesho vlerësoi se Shqipëria dhe Kosova kanë interes të mbajnë marrëdhënie të mira me Uashingtonin, pasi është aleati strategjik i dy vendeve tona.

“Ne si Shqipëri dhe Kosova kemi pasur dhe duhet të kemi marrëdhënie të mira me SHBA-të, për shkak se është aleati ynë më i madh strategjik. Për ne nuk ka rëndësi shumë se kush fiton zgjedhjet, ajo që na intereson është të mbajmë raporte të mira me Uashingtonin. Kam shkruar një libër në kohë pandemie, për zhvillime politike ndërkombëtare. Kosova duhet të jetë e kujdesshme në bisedimet me Serbinë, që të mos humbë atë që i takon”, përmbylli Nesho.

Akademiku Artan Fuga ka komentuar deklaratën e kryeministrit Edi Rama dhe dakordësinë mes qeverisë shqiptare dhe asaj greke për të shkuar në Hagë për çështjen e detit.

Fuga shprehet se qytetarët janë të shqetësuar pasi Shqipëria nuk ka asnjë qëndrim kurse Greqia e ka të qartë çfarë do. Një tjetër çështje e diskutueshme, sipas Fugës është dhe fakti se kush do ta përfaqësojë Shqipërinë në gjykatë. Ai thotë se Shqipëria duhet të përcaktojë qendrimin e vet, ta aprovojë me referendum, ose nga Gjykata Kushtetuese, nga Kuvendi që do dali pas 25 prillit, pastaj me këtë pozicion të paraqitet në Gjykatë. “Prandaj në Kuvendin e 25 prillit mos çojmë zara të fortë lagjesh, servila, apo pula të struktura në pendët e kryetarëve,- thotë Fuga- por njerëz që të jenë figura kombëtare”.

Fuga ngre pikëpyetje dhe çfarë do ndodhë nëse vendimi i gjykatës ndërkombëtare është i padrejtë.

Postimi i profesor Artan Fugës:
Ne qytetarët nuk jemi fare të qetë sepse u ra dakord që Greqia dhe Shqipëria të shkojnë në instancat e drejtësisë ndërkombëtare për të zgjidhur çështjen e detit.

Sepse ne shohim që ne nuk kemi asnjë pozicion paraprak politik dhe juridik që edhe peshqit, delfinët, peshkaqenët, bretkocat, yjet e detit, kandidalët e detit, mjellmat janë të shqetësuara.

Për tre arsye:
E para, sepse në një gjykatë ti shkon me një qendrim: Akuzon, mbrohesh, ankohesh, kërkon drejtësi, je dakord me palën tjetër, apo si? Ne nuk kemi asnjë qendrim, Greqia më ja lumsha e ka të qartë! Nëse je dakord me atë qendrim, atëhere pse na çon në gjykatë? Për t’u justifikuar pastaj? Asnjë justifikim nuk ka!

E dyta, kush do ta përfaqësojë Shqipërinë në gjykatë ka shumë rëndësi. Shqipëria duhet të përcaktojë qendrimin e vet, ta aprovojë me referendum, ose nga Gjykata Kushtetuese, nga Kuvendi që do dali pas 25 prillit, pastaj me këtë pozicion të paraqitet në Gjykatë.

Prandaj në Kuvendin e 25 prillit mos çojmë zara të fortë lagjesh, servila, apo pula të struktura në pendët e kryetarëve, por njerëz që të jenë figura kombëtare.

Mos çojmë individë që janë të mirë për këshilla bashkie a Komune!
E treta, gjykata nuk është vendimtare. Nëse vendimi është i drejtë dhe na shkon për shtat atëhere në rregull, por nëse vendimi është i padrejtë, ne duhet që tani të themi se mbi vullnetitn e popullit shqiptar nuk ka Gjykatë që del. Sepse ka OKB, ka Nato, ka, Parlament europian. Në çështje kufitare ka jurisprudencë ndërkombëtare, por ka edhe vullnet politik shtetror. Vendimet e padrejta shqiptarët nuk i kanë njohur kurrë, që nga Ismail Qemali dhe drejtues të tjerë të shtetit shqiptar!

Prandaj dakordësia për të shkuar në Gjykatë ndërkombêtare është një vërë në ujë, miku grek, përfaqësues i një vendi mikpritës ndaj shqiptarëve, vend i bukur në admirim, me tradita të lashta, me të cilët duhet të jemi miq, kot paska ardhur. Sepse këtë dakordësi mund ta kishin bërë me një sms ose me një mesazh në whatsapp.
Deklaratat telegrafike mos na bëjnë idiota!

identiteti

Replikë e detyruar me shqipfolësit që e fyejnë veriun shqiptar nga kompleksi i inferioritetit

Kam qenë e jam gjithmonë i mendimit se jemi pak për tu përçarë e bëheni shumë nëse bashkohemi rreth vlerave aq të çmuara të historisë, kulturës, të drejtës zakonore e modelit të shtetformimit që na kanë lanë që nga lashtësia e deri tek shekulli i XX-të korifejtë e Kombit tonë.
Përçarjet e aq më tepër ngritja në sistem ideologjik të denigrimit të pjesës më të madhe, më vitale, e më të rendësishme të kombit siç është veriu shqiptar, apo gegët siç i njeh historia është krimi më i shëmtuar i diktaturës komuniste, e cila në shkallë me të lartë se të gjithë pushtuesit që kanë kaluar në shekuj nëpër trojet shqiptare e adaptuan parullën “përça e sundo”!
Po kush janë në të vertetë gegët apo malokët të cilët i bezdisin kaq shumë politikanët mercenarë të vënë në sherbim të UDB-së, asfalisë, sherbimit të fshehtë rus e ideologjisë panortodokse e neootomane.
Toskët e jugut dhe gegët e veriut kanë kufij ndarës lumin Shkumbin, gegë pra janë edhe durrsakët, tiranasit e elbasanasit.
Treva Shqipëria e mesme është emëruar me djallëzi nga diktatura hoxhiste shteti i së cilës pengoj lëvizjen edhe të veriorëve ashtu si të jugorëve drejt saj ku jetojnë gjysma e popullsisë së shtetit shqiptar dhe ku realizohet 70% e prodhimit të përgjithshëm bruto, apo GDP- së..
Gegnia si territor e popullsi përbën 70% të asaj që quhet Shqipëria etnike.
Tani duhet të analizojmë në dritën e historisë se çfarë kanë bërë nga lashtësia e deri sot për të ardhmen e tyre gegët, mbretërit, princërit e personalitetet që kanë dalë nga gjiri i tyre.
Në lashtësi gegët krijuan dy mbretëri të fuqishme atë të dardanëve dhe ilirëve me Agronin dhe Teutën.
Mbreteresha Teutë, e cila zotëronte flotën ushtarake më të fortë të Mesdheut dhe një ushtri të madhe e të disiplinuar u shtri praktikisht në kufijtë e një perandorie përgjatë bregdetit të viseve të brendshme nga Dalmacia e deri në Gjirin e Ambrakisë në jug.
Në mesjetën e hershme princërit arbërorë Progoni me të bijtë Gjinin dhe Dhimitrin krijuan shtetin e parë nacional që njeh historia jonë.
Dinastia e fuqishme e Balshajve në kohën e princit Gjergji i Dytë Balshaj shtrihej në një territor prej 100000 km katrorë, mbi tre herë më të madh se Shqipëria e sotme Londineze.
Dukagjinët u fuqizuan aq shumë sa e lanë kryeqytetin Ulpianën me 30000 banorë sipas Barletit, e zotërimet e tyre përfshinin një territor të gjërë nga Kosova (Dardania) e deri në Lezhë.
Një gegë tjetër Gjergj Kastrioti krijoj Besëlidhjen apo konfederatën e princërve arbërorë, Shtetin e Përqendruar Arbërorë me një fuqi të tillë ekonomike dhe ushtarake sa për 25 vjet u theu brinjët superfuqisë tokësore me të madhe të kohës Perandorisë Otomane e asaj detare Venedikut në një betejë të vetme duke e detyruar ti paguante për gjithë jetën një shumë prej 1400 monedhash ari në vit.
Ky kolos që gjithë Europa u përul para madhështisë së tij ishte veç të tjerash një ikonë e iluminizmit e humanizmit, i cili para 600 vitesh e hoqi denimin me vdekje për nënshtetasit e tij.
Rilindasi europian Pjetër Bogdani udhëheqësi i kryengritjes së vitit 1689 kundër perandorisë Otomane është gegë sigurisht.
Dinastia e Bushatllinjëve nga Shkodra e Gegënisë ishte për disa dekada tmerri i kanibalëve ortodoksë pansllavë malazezo- rusë, e këtu do të veçoja “Buallin” Kara Mahmud Pashën, i cili i zënë në pusi u martirizua duke ia prerë kokën dhe mbeti simboli i dinastisë famëmadhe, e cila është eklipsuar me dashje në historiografinë komuniste për shkak të lidhjes organike të diktaturës më ortodoksizmin.
Ti hedhin një veshtrim të shkurtër tani juridiksionit, të drejtës zakonore, kulturës dhe artit.
Qytetet e Gegënisë Drishti e Shkodra qysh në shekullin e 15- të kishin statutet e tyre, një korpus juridik i denjë për çdo popull të civilizuar të Europës, ndërkohë që hapsira e madhe malore qeverisej nga Kanuni i Lek Dukagjinit, Kushtetuta e Parë e Europës.
Nga Gegnia janë disa nga personalitetet me të mëdha të historisë si Diokleciani simboli administrativ i Perandorisë Romake, Kostandini i Madh, i cili çertifikoj krishtërimin si fe zyrtate me Ediktin e Milanos në vitin 313 pas Krishtit, Justiniani kodifikuesi i të Drejtës Romake, Moisiu Ynë Gjergj Kastrioti e Shenjtorja Nënë Terezja.
A mund të na thonë randokopët shkurtabiqë, trutharë, barkfryrë e kokëgdhe se ç’do të ishte Gjuha Shqipe pa Buzukun, Bardhin e Bogdanin, historia pa Barletin, letërsia pa Fishtën, Mjedën, Koliqin e Camajn?!!
Ç’do të ishte Muzika pa Zadenë, Preng Jakovën e Femi Ibrahimin, etnomuzikologjia pa “Nderin e Kombit” Ramadan Sokolin, kënga pa Vaçe Zelën e Nexhmie Pagarushën, fotografia pa Marubët e famshëm, vallja pa Besim Zekthin e Liljana Cingun, për të kaluar tek teatri e kinematografia ku artistët gegë janë ikonat e saj?!!
Në trojet e Gegënisë janë zhvilluar të gjitha kuvendet kombëtare që kanë vendosur fatet e Atdheut që nga Besëlidhja e Lezhës, Kuvendi i Arbërit, Kuvendi i Kuçit, Konfederata lirike, Lidhja e Prizrenit, Besëlidhja e Pejës, Konferenca e Pezës, Marrveshja e Mukjes, Konferenca e Bujanit.
“Historiani” Mustafa Nano kur analizon toskët dhe gegët bërtet fort:
“Eureka”!
“Me gegët bën komb, me toskët bën shtet”
Para se të ndalemi tek shteti që ndërtuan toskët për 45 vjet i themi Nanos, Lubonjes e analistëve të tjerë deri tek pushtetarët e sektit të rilindjes që kanë në zhargoninë e tyre të pavërteta të mëdha të tërheqim menjëherë etiketimet, shpellarë, malokë, çeçenë ndaj gegëve.
Sa për kombin, ai është i bërë, por sot imperativ historik panshqiptar është Shteti Komb, të cilin për hir të së vertetës nuk mund ta bëjnë toskët z Mustafa Nano.
Kthejeni kryet pas në të kaluarën e afërt e shikoni çfarë shteti ndërtuan toskët.
Junta e Hoxhës, Shehut dhe Kapos e divani me gjithë sadrazemët e këtij regjimi kriminal të pashembullt në historinë mijëvjeçare të Shqipërisë ishte 99% toskë, ashtu si elita ushtarake, Ministria e Brendshme e sigurimi i shtetit, institucionet kulturore e shkencore dhe sherbimi diplomatik.
Po ta kishin ndërtuar gegët këtë fare diktature kanibaleske që ndërtoj junta e toskërisë, apo modelin neodiktatorial që ka ndërtuar toska i gjatë Zhupani Edi Rama, gegët do të ishin anatemuar për 1000 vjet dhe ata që sipas Nanos bëjnë shtet do të kërkonin gjygj historik ndaj tyre.
Gegët nuk e ngatërrojnë kastën kriminale të diktaturës hoxhiste as bandën e “Rilindjes” se Ramës me popullin e vëllezërit e Labërisë e Toskërisë.
Bolli më me ndarje e përçarje si në kohën iliro – epiriote.
Korifeu i letrave shqipe Ndre Mjeda e ka paraparë një shekull më parë rrezikun e përçarjes kombëtare nga armiqtë e jashtëm e shqipfolësit e vënë në sherbim të tyre.
“Kjoftë mallkue kush qet ngatërrime
Ndër k’ta vllazën shoq më shoq
Kush e ndan me fjalë e shkrime
Çka natyra vetë përpoq”
Gegë e toskë, Malësi jallia
Janë një komb me u da s’duron
Fund e majë një është Shqipëria
E një gjuhë t’gjithë na bashkon”
Identiteti ynë është iliro- dardano- arbërorë, pasardhës të pellazgëve.
Jemi shqiptarë të pandarë.
Gegët në ballë e toskët e labët në krah të tyre do ta bëjnë Shtetin Komb, për inat të armiqëve të Atdheut e kelyshëve që lehin në akord me ta për të penguar finalizimin e endrrës panshqiptare.
Bashkimi kombëtar e shteti komb i shqiptarëve është i pandalshëm.
E ka bekuar vetë Zoti.
S’ka forcë nëntokësore as mbitokësore që mund ta ndalojë.

Rezistencë për ekzistencë

Mbaroi teatri politik në Partinë Demokratike

Nuk mbulohet dielli me shoshë

Pas përfundimit të seleksionimit, skualifikimit, të kanditaturave si në Big Brother nga mubashët blu dhe kontestimit nga baza e Partisë Demokratike në mënyrë dermuese të “përzgjedhurve” të imponuar sidomos të atyre që e mbanin veten për lidership dhe përpjekjeve të stërmundimshme e grotekse për ta mbuluar këtë kataklizmë politike duke urdhëruar strukturat që të terhiqen nga kjo farsë politike dhe shpallja e rezultatateve qesharake si psh në Qarkun e Tiranës ku nga 140 kandidatë u eleminua vetëm 1 të kujton kohën e diktatorit Enver Hoxha dhe votimin 99.99%, por pavarësisht ketij aktrimi të sforcuar mediatik nuk mbulohet dielli me shoshë.
Natyrshëm lind pyetja?!
Kur baza e partisë të konteson kaq masivisht po populli nesër?!
Humbja e identitetit të partisë misionare të Kombit Shqiptar të Partisë Demokratike me slloganet utilitare “bashkëvuajtës e bashkëfajtorë” apo “me ne ftojnë të gjithë”, apo apo ai me absurdi “edhe njëherë votoni për Doktorin”.
Zevendësimi i idealistëve, i qëndrestarëve që sakrifikuan fort e bënë rezistencë për ekzistencë gjatë tre dekadave me inkuiziorët e gestapos rozë, të diktaturës dhe neodiktaturës, me ikanakët që udhëtuan si Megelani nëpër botë, me puthadorët e kundërshtarëve të përdorur si kontraceptivë nga Sulltan Rama që u kthyen tani pasi e nuhatën prag pushtetin është panorama me e dhimbshme e këtyre viteve të vështira në shtëpinë e lirisë të cilën Erion Velia merr guximin ta quaj “Big Brother”.
Demokratë e demokrate të Shqipërisë:
Unë personalish bëj përgjegjes për këtë situatë z Sali Berisha, i cili është kthyer shembëlltyrë e shëmtuar e Ayatollah Khameneit.
Doktor, po ju drejtohem edhe njëherë publikisht pas tre dekadash nga kur ju morët timonin e Partisë Demokratike, partisë së parë antikomuniste në historinë e Shqipërisë, e që në fakt nuk rezultoj ashtu!
Ishte levizja historike e dhjetorit 90- të, e studentëve idealistë (e jo e atyre që genjejnë tash 30- vite duke veshur padrejtësisht mantelin e saj), e cila gjeti përkrahjen e fuqishme nga qytetarët e punëtorët, të përsekutuarve të regjimit komunist e populli shqiptar, nga SHBA- ja e Europa demokratike, një lëvizje e cila në fillim kishte karakter thjesht ekonomik e social që u shnderrua shpejt në lëvizje politike për demokraci e pluripartitizëm.
Kjo lëvizje ua mundësoj ju dhe shumë kolegëve si ju të merrnit në dorë frenat e saj e të rreshtoheshit në një front të ri këtë herë ballë për ballë partisë shtet e regjimit të saj diktatorial të cilit ju i kishit sherbyer me devotshmëri e kishit njohur vetëm privilegje.
Shtrohet pyetja, a ishte kjo një ndarje e sinqertë me të kaluarën, e për më tepër një përpjekje e vendosur për të çmontuar në çdo hallkë të tij pushtetin e ideologjinë e sistemit kriminal e për ti hapur me në fund rrugën demokracisë, shtetit të së drejtës, mirëqenies ekonomike e progresit në vendin me të vuajtur, më të varfer e të shtypur në kontinentit tonë??!!
Demokracia e sotme si një sistem politik i kombeve të civilizuara të botës euroatlantike është e iluminuar nga filozofët e shquar francezë, anglezë e gjermanë të shekujve 17- 18- 19 dhe nga parimet e ideologjisë kristiane në themel të të cilave qëndron individi, të drejtat, liritë dhe dinjiteti i tij.
Demokracia del kështu në fund të fundit një sistem rregullosh e ligjesh kundër absolutizmit, tiranisë, oligarkëve e kastave të cilat duan një sundimtarë të përjetëshëm!
Qëndrimi ndaj krimeve të diktaturave nacional fashiste e komuniste e denimi i krimeve të tyre ishte alfa dhe omega e demokracive europiane pas Luftës së Dytë Botërore dhe atyre të Europës Lindore e saj Juglindore të pas viteve 90- të.
Asnjë sistem demokratik nuk mund të jetë i shëndetshëm dhe i sigurtë në rrugën e tij pa denuar me vendosmëri e ligj krimet e diktaturave dhe pa e realizuar dekomunistizimin.
A i bini mohit djallit?!
Kjo është pyetja që të drejtojnë në kisha e katedrale priftërinjtë përpara se të japin dokumentin e pagëzimit.
Ju zoti Berisha, akoma pa marrë frerët e pushtetit përmes parullës” bashkëvuajtës e bashkëfajtorë” bëtë dashur apo padashur pakt me djallin duke i barazuar xhelatin me viktimën.
Është njësoj si të mbyllësh në një kafaz ujkun me qengjin, e tu thuash të dy jeni fajtor.
Zoti Berisha!
“Miku i mirë njihet në ditë të vështira” thotë një fjalë e urtë popullore”.
Duke e hedhur prapa krahëve modestinë jam i detyruar të ju kujtoj se në momentet me të vështira për ju në vitin 1997- kur Shqipëria digjej flakë e shumë njerëz, madje edhe ish kolegu juaj, pedagogu i mjeksisë, i ndjeri Zabit Brokaj kërkonin kokën tënde së unë së bashku me Sali Lushën, Mustaf Tahirajn, (vëllain e deshmorit, komisarit Adem Tahirajt rënë në krye të detyrës) e disa demokratë të tjerë qëndrestarë kemi dalë e të kemi pritur 15 km larg Qytetit të Bajram Currit, në guroren e Fierzës dhe të ofruam sigurinë tënde fizike, kur shteti se bënte dot e ministri i brendshëm i asaj kohe Belul Çelo të bënte thirrje të kthehesh në rrugë.
Pas mitingut elektoral të tensionuar së bashku me ish pushtetarët lokal, përfaqësues të PD të kam percjellur shendoshë e mirë për kryeqytet duke shmangur përplasjet e dhunshme.
Të njëjtën gjë kam bërë edhe në vitet 2009 dhe në vitin 2013 duke të pritur me qindra artistë në sheshet e qytetit të Bajram Currit të cilët kishin ardhur në Sofrën Dardane.
Të prita me qindra artistë dhe mijëra qytetarë duke ju bërë thirrje qytetarëve të Malsisë së Gjakovës të votonin Partinë Demokratike megjithëse mi kishe rënë dy herë vizë emrit dhe mbiemrit tim, por duke mbrojtur kauzën për të cilën kisha sakrifikuar pa asnjë hatërmbetje.
I kishe rënë vize emrit tim, ish deputetit që ishte votuar në mënyrë plebishitare ndonëse ndodhj në qeli dhe doli deputet me pranga në duar.
E kështu veprove në të gjitha ciklet zgjedhore në vijimësi të përzgjedhjes së kandidatëve për kryetar bashkie e për deputet të Kuvendit të Shqipërisë.
Hakmarrja juaj arriti deri aty sa sehitët e besnikët tuaj pas ardhjen në pushtet e larguan edhe bashkëshorten time nga puna.
Ju dhe emisarët tuaj u sulët ndaj kujtdo që mbante mbiemrin Haklaj pa dallim bindjesh politike për ti fshirë si Shurdhahun apo burbonët nga faqja e dheut por nuk ia arritët.
I deshpëruar e i trishtuar nga deshtimi që nuk i shuajte si farë.
Në panik të madh zbrazët këtë ditë gjithë mllefin dhe urrejtjen patologjike të akumuluar ndaj familjeve e fiseve të Malësisë së Gjakovës ( Tropojës) e u munduat të ndezni përsëri konflikitin.
Doktor, nuk besoj se ka shqiptar që është ndier mirë pavarësisht bindjeve politike kur dëgjoj ligjeratën tuaj në emisionin opinion në televizionin Klan:
“Azemin e vrau shteti, Haklajt i vrau shteti në kombinim, bashkëpunim me familjet e viktimave”, pra duke i shitur lirë edhe këto të fundit.
Ish Presidenti i Shqipërisë, ish Kryeministri i saj deshmoj publikisht se shteti shqiptar ka ushqyer e bërë vetëgjygjësi duke bashkëpunuar herë me njërën palë e herë me tjetrën, pra publikisht deshmove se ke dijeni për ngjarjet.
Ku ishte shteti juaj z Berisha që nuk zbardhi Dosjen Tropoja dhe vrasjen e shekullit të Azem Hajdarit, megjithëse kishit premtuar publikisht disa herë?!
Ku është shteti i sotëm?
A të dëgjoj Sulltan Rama?
Ku janë organet ligjzbatuese?
Por po kthehem edhe njëherë tek hakmarrje juaj politike ndaj meje në parti!
Edhe pse ju jeni hakmarrë në vijimësi ndaj meje delegatët e kuvendeve kombëtare të Partisë Demokratike me zgjidhnin vazhdimisht anëtar të Këshillit Kombëtar të Partisë Demokratike.
Paradoksi qëndronte këtu se edhe pse isha zgjedhur në organin me të lartë të demokratëve familjarisht ishim pa punë, por në të gjitha fushatat elektorale mbeshtetëm fort Partinë Demokratike në Malësinë e Gjakovës ( Tropojë), Tiranë e kudo nëpër Shqipëri.
Nuk jam penduar aspak, por më duhet të ju kujtoj z Berisha se e mora PD- në e Tropojës të shpartalluar, inekzistente fare dhe ia dolëm ta çojmë në rezultatin 8 me 0.
E mbani mend Doktor, edhe mua me patët keshilluar si Azem Hajdarin të largohesha për disa kohë për të shpëtuar por nuk ika!
Qëndrova fort doktor, përmes plumbave, tankeve e blindave dhemb për dhemb me segmentet kriminale të shtetit.
Pagova një kosto të lartë personale e familjare, për faktin se gjithmonë në pushtet apo opozitë kam qenë ndër frymëzuesit e drejtuesit e të gjitha fushatave elektorale vendore e parlamentare në Tropojë i etiketuar nga kundërshtarët politikë si demokrat fanatikë e perkrahës i vendosur i Sali Berishës.
U përballa me disa atentate të menyrave të ndryshme deri tek tritolet duke humbur në këto beteja qëndrestarin Syl Lushaj, simbolin e fjalës së lirë Shotë Haklaj, por nuk u tërhoqa doktor, nuk ika si mbatharakët zvarranikë sherbëtorë të diktaturës që tani keni zgjedhur.
Nuk jam penduar aspak sepse gjithçka e kam bërë me ndergjegje e vullnet të lirë pa kërkuar asgjë si shpërblim.
Sot pas dy dekadash pas atyre kohërave të vështira shoh se PD e Tropojës, e Kukësit dhe e disa qarqeve të tjera për fat të keq është e përçarë por i kënaqur sepse baza e Partisë hodhi poshtë oligarkët politikë të deleguar nga qendra.
Në pranverë mbushen plot 8- të vite që ju dhatë dorëheqjen si Kryetar i PD- së së Shqipërisë Doktor, por e verteta qëndron me fakte të qarta e kokëforta se de fakto ju jeni shnderruar në një Ayatollah Khamen të PD-së dhe me qëndrimin tuaj po e lehtesoni mbajtjen e pushtetit nga Sulltan Rama.
Keni infiltruar në vite në parlament, në pushtetin lokal e strukturat e larta të PD-së njerëzit tuaj sepse synymi juaj nuk është rrezimi i Sulltanit që ka instaluar regjimin absolutist por mbajtja nën kontroll të rreptë të Partisë Demokratike sepse vazhdon të mbetet në fuqi pakti që ju keni bërë me djallin.
Doktor nëse deshironi vertet fitoren e PD-së ikni dhe shijojeni rrëzimin e Sulltan Ramës.
Degjoma këtë këshillë e mos më mbaj inat që nuk ika unë kur më thatë ju mbathja.
E ke të vështirë të ikësh Doktor por, bëje të deshmosh se e deshiron triumfin e Partisë Demokratike dhe të Kryetarit të saj Lulzim Bashës.
Beje për hatër të demokratëve të Shqipërisë Doktor!
Ik Doktor.
Këto ditë një demokrate, intelektuale qëndrestare e shquar në një status të saj shprehej:
“Edhe luanin kur mplaket e hanë hienat apo çakejtë”
Ndosha nuk e ka patur për ju Doktor.
Larg qoftë.
Allah Allah.
Amen.
Ju, ashtu si diktatori Enver Hoxha e adhuroni Robespierin.
Nëse nuk e dini fundin e këtij revolucionari që ju inspiron në politikë po jua kujtoj se Asambleja Kombëtare dhe populli i Francës e çoj në gijotinë këtë revolucionar që shembi tiranisë por u shnderrua në diktator gjakatar dhe e përgjaku në emër të lirisë popullin e tij, u bë vrasës në emër të drejtësisë e la pas qindramijëra viktima të pafajshme.
Kurse unë besoj dhe kam dishepull Washingtonin, Xhefersonin, Linkolnin, Kenedin, De Gasprin, Adenauerin, Shumanin e Havelin.
I urrej modelet si Lukashenko, Putin, Asad, Erdogan të cilët janë gati të vdesin me armë në dorë e të mos e leshojnë pushtetin.
Doktor, egoja juaj për të sunduar në prapaskenë si lideri suprem i Iranit është jo vetëm e rrezikshme por edhe qesharake, kur ta mendosh se jemi një vend në mes të Europës, anëtar i Natos e kandidat për në BE.
Kjo ego e juaja është sponsorizuar nga Sulltan Rama të cilit i shërben për ta mbajtur gjatë pushtetin.
Aleatët e Shqipërisë i kanë të gjitha mjetet, menyrat e arsenalin e nevojshëm për tu hequr spaletat ayatollahëve e sulltanëve të vetëshpallur, por e vetmja mënyrë për ta lënë pushtetin në demokraci janë zgjedhjet e lira e demokratike.
Nëse deshironi që Sulltan Rama të ikë dhe Lulzim Basha të çertifikohet si Kryeministër i Shqipërisë hape ti i pari krahun Doktor sepse vetëm kështu i hap rrugë Partisë Demokratike e opozitës së bashkuar të permbysë qeverinë kriminale të sektit të rilindjes!
Kur të ikësh ti Doktor ik edhe Gramoz Ruçi.
Filozofi i lashtë grek Heraclitus na ka lanë si postulat ligjin e unitetit dhe luftës së të kundërtave, të cilin Hegeli e ka quajtur kontraditë e ndërveprimit.
Dua të ju sjell në kujtesë se në një kongres të Partisë Demokratike kur përballë si kundërkandidat për kryetar kishit Genc Pollon patriarku i PS Dritëro Agolli bëri thirrje publike për të votuar për ju.
Pak më sipër theksova se ka 15 vite që emisarët e tu të hapur e të fshehtë me parti e pa parti e kanë bllokuar kanditaturën time.
Të njëjtën gjë bënë dhe së fundmi në Tropojë, por demokratët e kësaj treve ju treguan me votë sa ju vlen lekura kanditaturave tuaja preferenciale.
Po ju them publikisht se isha i gatshëm të sfidoja ballë për ballë këdo në në mejdanin politik, jo vetëm në Tropojë por në çdo zonë të Shqipërisë por Sulltani ynë me miratimin e kodit zgjedhor duke burgosur verdiktin e sovranit edhe 4 vite të tjera dhe parandaloj renien e sfidantëve në fushë për të mundur kakistokratet dhe oligarkët politikë.
Forca ime nuk qëndron tek pushteti, pasuria e intriga.
Janë me mijëra demokratë e demokrate nga veriu në jug, njerëz të thjeshtë, intelektualë, artistë me të cilët u rrita në protestat e betejat për demokraci.
Njerëzit e lirë e patriotë të këtij vendi janë frymëzimi dhe aseti më i çmuar që kam në jetë pas familjes time.
Edhe njëherë ju bej thirrje të ikni z Berisha, e ta lejoni PD-në dhe z Basha të vijë në pushtet.
Sulltan Rama në timon e ju në prapaskenë nuk mund të jeni zotër të përjetshëm të këtij vendi.
Koha e Ayatollahit dhe Sulltanit po perëndon.
Sovrani do ta thotë fjalën e tij.

Ish-ministri i Shëndetësisë dhe kryetari i Partisë Demokristiane, Nard Ndoka ka ironizuar me Edi Ramën dhe vendimin për maskën e detyrueshme në ambientet brenda dhe jashtë.

Ndoka i kujton Ramës se sot është dita botërore për shëndetin mendor dhe sot në vend të një urdhëri duhet të jepte një shenjë shërimi.

Por si gjithmonë me mesazhet epike Ndoka thotë se Rama ësthë rëndë fare.

STATUSI NGA NARD NDOKA

O KM, sot është dita botërore për shëndetin mendor!

Sot e gjete të japësh “urdhër” për mbajtjen e maskës edhe në natyrë!

Sot duhet të jepje një shenjë sherimi, por ti qenke rende fare!

Gjergj Vlashi, “Artist i Popullit” dhe “Nderi i Kombit”, është përcjellë sot me nderime të mëdha nga bashkëqytetarët e tij të Durrësit, kolegë të punës dhe përfaqësues të artit e kulturës. Regjisori dhe shkrimtari Gjergj Vlashi u nda nga jeta 3 ditë më parë në moshën 92 vjeçare, por sot janë zhvilluar homazhet për nder të tij në hollin e qendrës kulturore “Aleksandër Mosiu”.

Kolegë të tij që e kanë njohur nga afër dhe kanë punuar prej vitesh me të shprehen se vdekja e tij është një lajm i keq për kulturën, pasi nëpërmjet një karriere të gjatë ai ka spikatur në regjisurë, krijimtari dhe përkthime.

Që nga krijimi i estradës së Durrësit në vitin 1960, Gjergj Vlashi u caktua regjisor i saj derisa doli në pension, ndërkohë që ka punuar me shumë trupa të tjera estradash në Tiranë, Shkodër, Korçë, Lushnje Pogradec si dhe në estradën e ushtarit. Ai është mjaft i njohur si përkthyes e shkrimtar me rreth 30 libra të publikuar në letërsi origjinale dhe përkthime nga gjermanishtja, italishtja, rusishtja, portugalishte spanjisht. Është përkthyesi i parë i disa prej veprave të Franc Kafkës, si “Metamorfoza”, “Dera e gjyqit” dhe “Procesi”.

Mos bëjmë koka turku deputetët “opozitarë” që votuan ndryshimet në Kodin Zgjedhor!
Ata janë jeniçerë
Skllevër!
Nuk kanë faj!
Nuk është problemi i këtij Kuvendi. Ai dihej se çfarë ishte dhe si u katandis. Puna është se ai infektoi edhe Kuvendin e ardhshëm. E transmetoi gjenetikisht sëmundjen e vet.
Duhet vaksina si e Covid19 për ta dizinfektuar! Ndryshe ka mbaruar qysh tani. Kuvendin e ardhshëm e bën Kodi elektoral mbi të cilin votohet. Pra, e pjell ky Kuvend!

Listat e mbyllura as mua nuk më pëlqejnë, por si studjues kam një kënaqësi të hidhët.
Si autor i librit shoqëria piramidale, botuar nga Papirus (brenda botimit ORIGJINAT E PUSHTETIT,PRONËS, PASURISë, në Shqipërinë pastotalitare), kam agumentuar se i gjithë sistemi politik, ekonomik, kulturor, social, në Shqipëri, pas vitit 1997, është kthyer gradualisht në një shoqëri piramidale.

Eshtë lidershipi i ngushtë, maja e piramidës, që i ka uzurpuar të gjitha pushtetet, pasuritë, të drejtat!
Të tjerët, ne qytetarët jemi skllevër. Edhe deputetët e gjoja opozitës që e votuan nuk kanë faj, edhe ata kanë qenë dhe janë skllevër! Mos u merrni me skllevërit. Ndofta ata janë më të sinqertët nga të gjithë!
Se mirë mazhoranca vulosi listat e mbyllura që caktohen nga shefi i saj, po partitë e tjera a nuk janë ndërtuar me kultin e njëshit? A doni prova?

Kush i pengon ato të organizojnë primaret e drejtpërdrejta si duhet me militantët dhe antarët e tyre, per të nxjerrë kandidatët e duhur për deputetë sipas vullnetit të bazës të partisë? Kush i pengon? Pra, t’i ndërtojnë listat e hapura vetë ato!

Ambasadat i pengojnë, apo Turgut Erdogan, apo nuk e di kush andej nga Nagrni Karabaku!!!
Aaaaaa, na krijohen çarje në partiiiii? Cfarë argumenti qesharak !!! Kështu mund të thotë edhe kryetari i mazhorancës : Më përçahet grupi parlamentar!!!
Unitet i celniktë, grusht bashkuar rreth partisë, me në krye Komitetin Qendror, dhe kryetarin në krye!

Cfarë keni me Stalinin atëhere?
Armiqtë le të plasin!
Uniteti qendron mbi demokracinë! Kjo është kultura politike sot në Shqipëri pas 30 vjet mbijetese e totalitarizmit!
E kam argumentuar, por disa nuk duan të dëgjojnë. Ecin me iluzione. Ecin me atë që të kap ndonjë gjë unë, pa pastaj poqese nuk kap, atëhere nis dhe kritikoj. Hëpërhë nuk bëj zë!
Kap ç’a të kapç në politikë!

Këta e kanë përgjegjësinë, jo ata deputetët jeniçerë që si skllevër nuk kanë fare përgjegjegjësi sepse nuk kanë lirinë e zgjedhjes. Ata janë me fisnikë sesa pjesa tjetër. Unë i kam urryer saherë i kam dëgjuar në komisione. Mjeranë! Por, sot i fal, sepse nuk dua t’i bëjë njeri kokë turku, kur koka e turpit është gjetiu!
Po pse o njerëz të mirë, dhe ju o budallenj naivë, o batakçinj mendjengushtë, vërtet mendoni se mund të ketë lista të hapura, zgjedhje demokratike, Kuvend të dalë nga populli në një vend ku cdo vendimmarrje dhe pasuri e pushtet është ndërtuar sipas kontrollit piramidal?

Kësaj i thonë që qytetarët t’i mbash katër vjet nën thundër, dhe për katër sekonda në votim t’u japësh të drejtën të prishin piramidën në parti, ekonomi, Kuvend, zgjedhje!
NJêsoj si t’i jepje Moisiut të drejtën të votonte a e donte Faraonin në Piramidë apo jo?
Faraoni vdiq, rroftë Faraoni! Kemi njëqind e ca vjet Shqipëri e mosvarme që rrutullohemi vërdallë!
Demokratët e vërtetë të mërzitur sigurisht. Por, unë dje pashë disa opozitarë që fërkonin duart! Rrofsh o Ramë – u gufonte shpirti – që na e bëre këtë të mirë, na e betonove vendin në listën e kandidatëve se kishte ca miza përqark që na pickonin.
Rrofsh o babe, mos u mërzit se të shajmë! Ti e ke thënë vetë! Eshtë vesi i çilimiut që shan atë që adhuron!

Ja bëni një provë! Mos vendosni ndonjë drejtues partie në listën për kandidatë për deputetë! Do të shikoni se ku i çon idealet! I mbledh në një qese plastike dhe i hedh në koshin më të parë. Nuk i keni parë se çfarë bëjnë pasi u ikin privilegjet dhe postet komanduese jo pak prej tyre!
Nuk mundet pra që një funksion i sistemit të vejë në të kundërt të sistemit në tërësi! Nuk mundet që Kodi Zgjedhor të shkojë kundër sistemit politik!

Budallenjtë dhe batakçinjtë e besojnë, por jo intelektuali që thotë atë që kanë gjetur në studimet e tij.
Pra, i gëzuar shumë sot! Librat e mi do të jenë aktualë dhe për katër vjet të tjera. Me ndonjë ripunim të lehtë. SI autor jam në haré pavarësisht se si qytetar qaj për vete, por më shumë për të tjerët!

Tiranë

U nda nga jeta Gjergj Vlashi një tjetër ikonë e qytetit të Durrësit dhe kulturës shqiptare, Nderi i Kombit.

Gjergj Vlashi ishte një emër i madh i kulturës shqiptare. Ai ishte shkrimtar, autor i 45 librave, regjisor, përkthyes, krijues i varietesë.

Ai u lind në Durrës më 13 korrik 1928.

Shkollën fillore dhe të mesme e kreu në qytetin e lindjes.

Që në vitet e para të pas luftës u mor me teatrin amator dhe debutoi në disa shfaqje si “Nën gështenjat e Pragës’, “Prefekti”, “Çani hoxhë”, etj.

Pas shërbimit ushtarak punoi si regjisor ne klubin e portit detar dhe në vitin 1957 u emërua regjisor në shtëpinë e kulturës.

Më 5 maj të vitit 1960 u krijua trupa e estradës profesioniste dhe u caktua regjisor, detyrë që e mbajti deri në vitin 1990, kur doli në pension.

Ndërkohë ka punuar me shumë trupa të tjera, duke vënë shfaqje në Tiranë, Shkodër, Korçë, Lushnje, Pogradec, me Estradën e Ushtarit, etj.

Ka punuar për disa vite si pedagog i jashtëm në Institutin e Lartë të Arteve në Tiranë.

Ka marrë pjesë me trupën e Durrësit në shumë festivale, duke fituar disa çmime të para.

Gjithashtu ai është autor i librit “Si vihet në skenë një shfaqje estradë” dhe i shumë artikujve e studimeve për estradën dhe teatrin.

Krahas punës si regjisor ka zhvilluar një veprimtari të dendur letrare, si shkrimtar dhe përkthyes.

Regjisori dhe shkrimtari Gjergj Vlashi është nderuar nga presidenti i Shqipërisë Bujar Nishani me Urdhërin “Nderi i Kombit”.

Gazeta e qytetit ku lindi, Durrës Lajm, jep lajmin duke shkruar si më poshtë:

“Gjergj Vlashi lindi në Durrës me 13 korrik 1928.

Në harkun kohor të 92 viteve, Gjergj Vlashi shpalosi portretin e një njeriu të jashtëzakonshëm.

Një kolos të tillë, Durrësi ynë mund ta lindë një herë në 100 vite.

Në 92 vite jetë, Gjergji shkroi biografinë e një njeriu të kompletuar, ku barti treguesit më të arrirë,

në atë që quhet qytetaria durrsake ku spikati portreti i një gjigandi të artit, letërsisë, përkthimit,

të ngritjes së humorit durrsak në piedestal, të raportit ekselenc që krijoi me njerëzit, duke sintezuar më të mirën e shoqërisë tonë.”

Botuesit e Voal.ch, Elida dhe Skënder Buçpapaj i shprehin ngushëllimet më të thella Familjes Vlashi, miqve, të afërmëve, gjithë durrësakëve dhe qytetarëve të Durrësit e po ashtu gjithë shqiptarëve.

——–

In memoriam voal.ch po sjell një intervistë të Gjergj Vlashit me rastin e 90 vjetorit të lindjes për gazetën Shqiptarja.

Tiranë

TROPOJA

Anëtarësia e PD në Tropojë ka përzgjedhur 5 kandidatët e saj për fazën tjetër të procesit të përzgjedhjes.
BalkanWeb mëson se sipas votave renditja është e tillë:

1-Isuf Çela
2- Xhem Neza
3-Mimoza Hajdarmata
4-Lush Susaj
5- Feride Rrahmani

Ndërkohë bie në sy se si në Kukës dhe në Tropojë, janë skualifikuar ish-kryebashkiakët e PD. Anëtarësia e Tropojës ka skualifikuar Besnik Dushaj si më të papëlqyerin në bazë të votave.