VOAL

VOAL

Copyright © 2022

VOAL

Rajon

Edi Rama: Trepça nuk mund të importohet në Beograd, ajo është e qytetarëve të Kosovës

Kryeministri i Shqipërisë Edi Rama në Beograd ka folur edhe për minierën Trepça, raporton Koha Ditore.

Nuk duhet harruar se po flasim për njerëzit e jo për historinë, çfarë patriarku dëshiron, ka thënë ai.

Trepça është në shpirtin e Kosovës, çfarë doni të bëni? Ta importoni?, ka pyetur në vazhdim kryeministri shqiptar.
U takon qytetarëve të Kosovës, shqiptarë apo serbë. Ajo nuk duhet politizuar sepse është për zhvillim ekonomik.

Si duam te lëvizim para, i kuptoj argumentet, por nëse dikush e kalon dhjetë here kufirin, si mund të arrestohet. T’i bëjmë njerëzit të lumtur, t’i bëjmë serbët e veriut të Kosovës të lumtur, sikurse edhe shqiptarët në jug të Serbisë. Nuk brengosem se çka thonë njerëzit, do të vazhdojë të vij, kur erdha në fillim më trajtuan si hero, tani si tradhtar. Pas shekujsh ndarjesh nga lumenj gjaku, ne jemi këtu, ka përfunduar Rama.

Vuçiq iu kundërpërgjigj me këto : E dija se do të bëje gjëra politike, pasi ka media shqiptare.
Flasim për Trepçën, nëse thotë se në pyetje është ekonomia, Prishtina ndërmori hap të gabuar për zhvillimin e Trepçës. Gjema një serb që do te pajtohet me atë qe u bë. Ata anashkaluan të gjitha procedurat, nuk respektuan vullnetin e serbëve.

Vuçiç dhe Rama nesër në Nish, rritet shkëmbimi tregtar midis Serbisë dhe Shqipërisë

Forumi i biznesit të Serbisë dhe Shqipërisë, në të cilin do të marrin pjesë kryeministrat e të dyja vendeve Aleksandër Vuçiçi dhe Edi Rama, të premten më 14 tetor në Nish

NISH – Forumi i biznesit të Serbisë dhe Shqipërisë, në të cilin do të marrin pjesë kryeministrat e të dyja vendeve Aleksandër Vuçiçi dhe Edi Rama, të premten më 14 tetor në Nish, do të sjellin së bashku biznesmenë nga sektorë të ndryshëm.

Dhoma Serbe e Tregtisë, në bashkëpunim me Shoqatën “Business Albania” janë organizatore të kësaj ngjarje. Njoftohet se në forum do të drejtohen që të dy kryeministrat, por edhe drejtoresha rajonale e Bankës Botërore për Ballkanin Perëndimor, Ellen Goldstein, e cila do të bëjë një prezantim të aktiviteteve rajonale të BB-së për lehtësimet tregtare dhe të transportit.

Fjalime përshëndetëse do të mbajnë edhe kryetari i Dhomës Serbe të Tregtisë Marko Çadezh dhe kryetari i Shoqatës “Business Albania” Luan Bregasi.

Me këtë rast do të zyrtarizohet edhe puna e Dhomës së Tregtisë Serbo-Shqiptare, selia e së cilës do të jetë në Tiranë, dhe më pas gjatë seancës së punës do të mbahen bisedime midis biznesmenëve të dy vendeve të cilët duhet të krijojnë kushte për rritjen e tregtisë së jashtme mes dy vendeve.

Sipas Institutit Shqiptar të Statistikave INSTAT, të parashtruara nga Dhoma rajonale e tregtisë në Nish, për tre muajt e parë të këtij viti Shqipëria në Serbi ka eksportuar mallra me vlerë prej 650 milionë lekë (4.74 milionë euro), nga të cilat 76 përqind janë minerale, lëndë djegëse dhe energji.

Serbia në të njëjtën periudhë në Shqipëri ka eksportuar mallra me vlerë prej 5.5 miliardë lekë (14.1 milionë euro), më së shumti energji elektrike dhe grurë.

Forumi, ku pritet pjesëmarrja e mbi 200 përfaqësuesve të kompanive do të mbahet ditën e dytë të vizitës shtatë-ditore të qeverisë së Serbisë në Nish.

Forumi dhe ardhja e kryeministrave të Shqipërisë dhe Serbisë në Nish do të mbahet në masa të forta të sigurisë, kështu që të premten trafiku në dy rrugë plotësisht dhe pesë rrugë të tjera pjesërisht, të cilat rrethojnë vendin e mbajtjes së forumit, do të pezullohen që nga ora 07:30.

Përndryshe, ndërtesa e Klubit të Oficerëve në Nish, ku është planifikuar mbajtja e takimit që do të fillojë në ora 10, është ndërtuar në vitin 1890 dhe është shpallur monument kulture me rëndësi të madhe. aa

Rama në Beograd: Integrimi, rruga që të mos jemi peng i së kaluarës

Kryeministri Edi Rama në Forumin për Sigurinë mbajtur në Beograd, ka deklaruar se integrimi është e vetmja rrugë që vendet e Ballkanit Perëndimor të dalin një herë e përgjithmonë nga rruga e një historie jo shumë bujare tha ai.

 

“Pastaj ne do jetojmë atje, BE do jetë atje dhe kjo është dicka që ne s’mund ta parashikojmë jo për shkakun tonë por për shkakun e atyre që janë atje, dhe të dalim nga mënyra fëminore për të qenë peng i së kaluarës”, tha Rama.

“Jemi ndryshe me Serbinë kur vjen fjala te integrimi në BE se ne s’jemi në mes dy dashurive të mundshme, kemi vetëm një, drejt Perëndimit dhe kjo ndihet e tillë. Është e lidhur me të kaluarën tonë që ka qenë dëshira për të takuar Perëndimin, dëshira e zgjatur e Shqipërisë për të qenë pjesë e BE. Kemi qenë të aftë për të bërë reforma që s’janë bërë kurrë në vendin tonë se njerëzit janë kuptuar se kjo është mënyra për të qenë pjesë e kësaj familje të madhe evropiane. Është beteja jonë si lider që njerëzit të kuptojnë se integrimi në BE s’ka të bëjë me zgjedhjen mes dy dashurive të mundshme por për të zgjedhur mes të ardhmes dhe të kaluarës”.

Integrimi

Vuçiç: Ne kemi vetëm një dashuri, ajo është Serbia, qëllimi ynë është rruga në BE dhe atë cka disa njerëz janë përpjekur të bëjnë me Serbinë, mendoj se shumë njerëz duhet të respektojnë qëndrimin tonë të Republikës së Serbisë, po themi që duam marrëdhënie tradicionale me Rusinë dhe s’gënjejmë për këtë por e theksoj që qëllimi ynë është rruga në BE.

Rama: Kur Aleksandri tha s’kemi dy dashuri u duk sikur ne s’kemi dy zgjedhje, dashurinë për veten dua ta bëj të qartë se ka një dallim të madh mes Shqipërisë dhe Serbisë, në Shqipëri s’ka dyshim, e dimë kush është zgjedhja, në Serbi është ndryshe, s’po them se është keq por po them se zgjedhja është ndonjëherë e rrezikuar nga dy dashuri, në nivelin e opinionit publik, s’e kisha fjalën për zgjedhjen e qartë të kryeministrit.

Refugjatët

Rama: Vetëm imagjinoni nëse Merkel s’do ishte aty për të shpëtuar fytyrën e Evropës cfarë do ishte bërë, dhe nëse Berlini do kishte një vëlla apo motër si Viktor Orban cfarë do ndodhte. Pra e them me krenari që mund t’i themi BE po ne ndoshta s’jemi të aftë për të përmbushur kriteret e standartet për të qenë anëtar por jemi të gatshëm të mbushim detyrimet me vlera që me vjen keq s’po i shohim. Nëse një ditë shohim një vend që nuk sillet evropian për kuotat për peshkimin, më vjen keq. Ne kemi pritur rreth 3 mijë refugjatë politikë iranianë që janë vrarë në kampet në Irak dhe askush s’donte ta prekte këtë temë. Ne kemi një histori që kemi shpëtuar hebrenj në Luftën e Dytë Botërore. Kur shohim flukset e emigrimit sot 3 mijë s’duken shumë por po them për shkak se u organizua në mënyrë shumë të mirë askush s’pati problem. Nëse Evropa do ishte organizuar në mënyrë të duhur e s’do kishte ping-pong ndoshta ky 1 milion që ishte në Evropë s’do ishte parë në mënyrë të tillë.  …Kur ja lë grekëve menaxhimin e fluksit sigurisht që do kemi rrëmujë.

Nëse Merkel s’do ishte më Kancelare?

Vucic: Jam një djalë i vogël nga Ballkani dhe do e respektoj vullnetin e popullit gjerman por them se nuk shqetësohemi sot se ajo ka qenë një faktor vendimtar që u kujdes në mënyrë të duhur për rajonin. Si Edi dhe unë mund të flasim në mënyrë të qetë dhe normale me njëri-tjetrin e mund të biem dakord për shumë çështje por nëse do kishte probleme në rajon kush është ai djalë që do kapte telefonin dhe të thoshte do bësh këtë do bësh atë, kush do e bënte këtë me kroatët? Unë di një emër që është Merkel dhe po them të vërtetën…do ishte një lloj kam frikë ta them por një çrregullim evropian se ajo ka investuar shumë nga koha e saj… Edi tha diçka, dhe ne qeshim kur flasim për të, se përpjekjet e saj për të na bashkuar ne…

Rama: Jam dakort me Vucic mund të them thjesht se ajo do jetë kancelarja e ardhshme dhe Trump s’do jetë president i SHBA.

Vucic: Unë nuk e di këtë, ai e di atë. (Qeshin të gjithë)

SHBA: Turqisë t’i lejohet vendosje e trupave në Irak

Pamje e një makine të blinduar turke në kampin Bashiqa

Shtetet e Bashkuara kanë kërkuar nga Turqia dhe Iraku t’i kapërcejnë mospajtimet për afro 2 mijë ushtarë turq, të vendosur në pjesën veriore të Irakut dhe thanë se ata atje mund të jenë vetëm me miratimin e Bagdadit.

Përpjekja për ndërmjetësim ndërmjet dy aleatëve të rëndësishëm të Shteteve të Bashkuara, u bë pasi presidenti i Turqisë, Recep Tayyip Erdogan, ka vlerësuar mbrëmë se “ne nuk na duhet leja” për mbajtjen e trupave turke në kampin Bashiqa, në pjesën irakiane të kontrolluar nga kurdët dhe se trupat do të marrin pjesë në fushatën e pritur për çlirimin e Mosulit nga grupi ekstremist, Shteti Islamik.

Por Departamenti amerikan i shtetit tha se forcat e jashtme mund të jenë në Irak vetëm me ftesën e Bagdadit dhe ato duhet t’i bashkohen koalicionit kundër Shtetit Islamik, që aktualisht po operon dhe po përgatitet për sulm kundër Mosulit.

“Forcat turke, që janë vendosur në Irak nuk janë atje si pjesë e koalicionit ndërkombëtar…Është e domosdoshme për të gjitha palët të bëjnë koordinime të afërta gjatë ditëve dhe javëve të ardhshme, për të siguruar unitet të përpjekjes për t’i shkaktuar disfatë Daeshit”, tha zëdhënësi i Departamentit amerikan të shtetit, John Kirby.

Sipas tij, “situata në Bashiqa është çështje që duhet ta zgjidhin qeveritë e Irakut dhe Turqisë”.

Greqi: Arrestohen dy femra – trafikonin emigrantë sirianë në Shqipëri

Pamje e një kampi të përkohshëm të emigrantëve në Greqi

Policia në pjesën veriore të Greqisë thotë se i ka arrestuar dy femra greke të dyshuara për përpjekje për trafikim të një grupi të refugjatëve sirianë, nëpër kufirin malor me Shqipërinë.

Të dyshuaret janë zbuluar dje, duke i drejtuar dy makina me gjithsej 18 sirianë, përfshirë 6 fëmijë, në rajonin kufitar verior, Kastoria.

Policia tha se refugjatët kishin planifikuar ta vazhdonin udhëtimin nga Shqipëria kah një vend i paspecifikuar i Evropës lindore.

Afro 60 mijë refugjatë dhe migrantë të tjerë, janë të bllokuar në Greqi, pasi disa kufij të së ashtuquajturës rrugë ballkanike, janë mbyllur në fillim të këtij viti.

Të gjith ata kanë hyrë nga Turqia dhe fillimisht kishin planifikuar të kalonin në vendet e zhvilluara evropiane.

Shumë prej tyre i pagujanë bandat për kontrabandimin e tyre në pjesën veriore nëpër Maqedoni ose Bullgari, ndërsa Shqipëria ishte opsion më i rrallë.

Grabar-Kitaroviçi mandaton Plenkoviçin për krijimin e qeverisë kroate

Presidentja kroate, Grabar-Kitaroviç pranoi në pallatin presidencial kryetarin e HDZ-se Andrej Plenkoviç, i cili i paraqiti 91 nënshkrime dhe u bë mandatari i ri i qeverisë kroate

ZAGREB (AA) – Presidentja kroate Kolinda Grabar-Kitaroviç pranoi në pallatin presidencial kryetarin e Bashkësisë Demokratike Kroate (HDZ) Andrej Plenković, i cili i paraqiti 91 nënshkrime dhe u bë mandatari i ri i qeverisë kroate.

Presidentja Kolinda Grabar-Kitaroviç, pas takimit me Andrej Plenkoviç ka konfirmuar se Plenkoviç ia paraqiti 91 nënshkrimet e përfaqësuesve të cilët do të formojnë parlamentin e ri kroat.

Presidentja vuri në dukje se ajo pret një qeveri të qëndrueshme dhe konstruktive që do të punojnë për zgjidhjen e çështjeve të rëndësishme si ekonomia dhe zhvillimet demografike. aa

Thaçi para Gjykatës Speciale në Beograd hedh poshtë akuzat për “terrorizëm”

Drejtori rajonal i Policisë së Kosovës për rajonin e Mitrovicës, Nehat Thaçi, është dërguar nga burgu i Nishit në Beograd, ku është marrë në pyetje në Gjykatën Speciale.

Avokati i tij, Sead Spahoviq, i tha Radios Evropa e Lirë se Thaçi i ka mohuar të gjitha akuzat që e ngarkojnë atë me veprën e ‘terrorizmit’.

“Fillimisht e kanë pyetur nëse është anëtar i UÇK-së. Ai e ka mohuar dhe i ka thënë prokurorit se është një listë e anëtarëve të UÇK-së dhe se lehtë mund të shihet se emri i tij nuk figuron aty, dhe kjo është çështja thelbësore me të cilën ngarkohet. Meqë për këtë nuk ka dëshmi, ai menjëherë do të duhej të lirohej”, tha Spahoviq.

Ai thotë se kërkesa për heqjen e masës së paraburgimit për klientin e tij do t’i dorëzohet të martën gjykatësit, dhe shtoi se Thaçi është marrë në pyetje pas 15 ditë të arrestimit të tij.

“Nehat Thaçi është burgosur padrejtësisht. Gjykata në vendimin e saj pas arrestimit thotë se ai ka refuzuar që t’i përgjigjet thirrjeve të gjykatës, se ka ikur, se është fshehur dhe kështu me radhë. Por, ne sot jemi vërtetuar se në shkresa nuk ekziston asnjë dëshmi se ai është thirrur ndonjëherë në mënyrë të rregullt nga cilido organ i Republikës së Serbisë. Me këtë as që ka qenë ë mundur t’i vihet masa e paraburgimit”, tha Spahoviq.

Policia serbe e arrestoi Nehat Thaçin më 29 shtator në vendkalimin kufitar në Konçul dhe me vendimin e një gjykate të lartë në Nish iu shqiptua masa e paraburgimit prej 20 ditësh.

Arrestimi i Thacit u bë mbi bazën e një fletarresti të lëshuar nga organet serbe për, siç thuhet, kryerjen e veprës penale të ‘terrorizmit’. (REL)

Gjukanoviç – serbëve: Kosovën e keni humbur qëmoti, pranojeni realitetin

Kryeministri i Malit të Zi Millo Gjukanoviç, ka folur për miqtë e shtetit të tij në rajon. Ai ka thënë se, duke përjashtuar periudhën e ish-Jugosllavisë, marrëdhëniet mes Malit të Zi dhe Serbisë kurrë s’kanë qenë më të mira.

“Nuk e di nëse ndonjëherë marrëdhëniet mes Malit të Zi dhe Serbisë kanë qenë më të mira se sot. Nuk e llogarisë kohën e Jugosllavisë së madhe, pasi që asokohe ka qenë një kontekst krejtësisht ndryshe. Por si shtete të pavarura, nuk besoj”, u shpreh Gjukanoviq, transmeton Koha.net.

Ai ka thënë gjithashtu se ekonomia e Malit të Zi, edhe pse e vogël, është një prej partnerëve më të rëndësishëm të Serbisë.

Agjencia serbe e lajmeve Tanjug i ka përkujtuar kryeministri malazez se deklarata e tij se “Mali i Zi nuk ka dashur të lëndojë Serbinë me njohjen e Kosovës” ka ngjallur shumë komente. Ai ka thënë se këtë deklaratë e ka bërë për “t’u dëgjuar dhe për t’u vënë re” dhe se “këtë e kam thënë si mik i Serbisë”.

“E miqtë ndonjëherë thonë edhe gjëra që ndoshta nuk janë të mira për veshin. Por kjo është e vërteta. Dua të bëjë gjithçka është e mundur që rajoni të jetë i qetë. Dhe nuk do të jetë i qetë nëse nuk përmirësohen raportet mes Beogradit dhe Prishtinës. Për këtë arsye e kam thënë hapur këtë”, ka sqaruar kryeministri malazez, transmeton Koha.net.

Ai ka shtuar se beson që si Prishtina, ashtu edhe Beogradi, Malin e Zi e konsiderojnë si mik.

“Për këtë arsye mendoj se na takon neve që të themi ato gjëra që janë të vështira të thuhen. Pra, po e përsëris – e kuptoj emocionin e opinionit serb kur flasim për Kosovën. Por gjenerata e sotme nuk duhet të vazhdojë betejën e humbur shumë moti. Duhet koncentrik në atë që është e mundshme”, ka theksuar Millo Gjukanoviq.

Gjukanoviç: Rusia tenton të ndikojë me para në zgjedhjet e Malit të Zi

Kryeministri malazez, Millo Gjukanoviç, deklaroi se grupi i liderëve partiakë të bashkuar rreth Frontit të Koalicionit, tentojnë të ndikojnë në rezultatet nga zgjedhjet e ardhshme parlamentare në Mal të Zi, duke përdorur sasi të madhe të parave të marra nga Rusia përmes kanaleve sekrete.

“Ekzistojnë njerëz të cilët janë të gatshëm për një shumë të vogël parash të luajnë me interesat kombëtare, që është e papërgjegjshme, jopatriotike dhe jodinjitoze”, deklaroi kryeministri malazez.

Ai theksoi se gjeneratat e paraardhësve të popullit malazez edhe pse kanë jetuar në varfëri, nuk i kanë shitur interesat shtetërore.

“Edhe tani është gjetur një grup i liderëve partiakë të mbledhur rreth Frontit të Koalicionit, i cili siç duket me shumë të madhe parash të dorëzuara nga Rusia përmes kanaleve të fshehura, tenton të ndikojë në rezultatet nga zgjedhjet. Do të thotë se i sakrifikon interesat kombëtare, i shet interesat kombëtare të Malit të Zi për Rusinë, në matjen e tij të fuqisë me perëndimin, për ta treguar rëndësinë e tij”, vlerësoi Gjukanoviç.

Ambasadori serb në SHBA: Putini dëshiron të bëhet sundimtar i botës

“Deklarata ambasadorit serb në SHBA Gjergj Matkoviq se ‘Putini ka ego të madhe, se dëshiron të bëhet sundimtar i botës dhe se Rusia sërish ka qejf të bëhet superfuqi’, nuk është qëndrim i Serbisë”.

Kështu për gazetën “Veçernje Novosti”, ka thënë shefi i diplomacisë serbe Ivica Daçiq, duke reaguar ndaj paraqitjes të disa ditëve më parë të ambasadorit serb në Institutin politik të Çikagos.

Vlerësimet e Matkoviqit në llogari të liderit rus, shkruan kjo gazetë, transmeton Koha.net, shumë diplomatë i kanë karakterizuar ikje nga rregullorja e praktikës diplomatike, por edhe shkelje e kompetencave të përfaqësuesit diplomatik të Serbisë në njërin nga vendet më me ndikim në botë.

Serbia e konsideron Rusinë aleatin e vet më të madh, për siç thotë, ruajtjen e Kosovës.

Avokati i Thaçit: Askush nuk e ka marrë në pyetje, as nuk e di për çfarë akuzohet

Nehat Thaçi

Avokati i Nehat Thaçit, drejtorit rajonal të Policisë së Kosovës, që u arrestua në Serbi me akuzën për, siç thuhet, ‘terrorizëm’, Sead Spahoviq, i tha Radios Evropa e Lirë, se “Thaçi nuk është marrë në pyetje dhe ai nuk e di as se për çfarë akuzohet”.

Spahoviq, i cili e ka vizituar Thaçin në paraburgim në Nish, tha se “problemi qëndron në faktin se po vazhdon një debat ndërmjet Nishit dhe Beogradit se cila prokurori është “kompetente për rastin në fjalë”, përderisa ‘një person vazhdon të mbahet në paraburgim”.

Drejtori rajonal i Policisë së Kosovës, Nehat Thaci, u arrestua nga mesi i javës së kaluar në vendkalimin kufitar të Konçulit, ndërmjet Kosovës e Serbisë, me akuzën, sic thuhet. “të kryerjes së veprave të terrorizmit”.

Një Gjykatë në Nish, më 30 shtator i shpalli masën e paraburgimit prej 30 ditësh.

Avokati i Thaçit, tha se bazuar në shkresat e ofruara “prapa gjithë kësaj ngjarjeje qëndron një gjykatë në Prishtinë, e cila atje as nuk ekziston; përmendet gjykata e qarkut në Prishtinë, prokurori publik në Prishtinë, drejtoria e policisë në Prishtinë, dhe bëhet fjalë për vitin 2006”, por thotë Spahoviq, “është e qartë se janë një lloj ‘i para organeve fantome’ që në fakt janë në Nish dhe ‘aktrojnë drejtësinë në Kosovë’”.

”Askush nuk na ka thanë se për çfarë ngarkohet dhe as që i kanë thënë atij. Por kemi parë nga letrat, me të cilat gjykatësi i ka shpallë masën e paraburgimit; ai perifrazon se për çfarë ngarkohet. Ai ngarkohet se ka ardhur në shtëpinë e një personi dhe i ka thënë: ‘Unë jam pjesëtar i organizatës paraushtarake terroriste UÇK’. Kështu shkruan se është prezantuar. Kjo ka ndodhur në Lipjan. Ngarkohet se e ka përzënë këtë familje nga Kosova duke u prezantuar si “pjesëtar i organizatës paraushtarake terroriste UÇK”. Kështu shkruan. Ai ndiqet për ‘terrorizëm për veprat e kryera më 1 korrik 1999”, tha avokati Spahoviq.

Sipas tij “kjo procedurë është një ‘relikt i fushatës së harruar kur të gjithë shqiptarët kanë qenë të akuzuar se janë terroristë. Kështu edhe ka mbetur. Është arrestuar me inercion dhe mendoj se drejtësia tani ka një ‘patate të nxehtë në duar’, tha Spahoviq për Radion Evropa e Lirë.

Më herët gjatë ditës ndërkaq, ministri i punëve të brendshme të Kosovës, Skënder Hyseni, ka paralajmëruar “dërgimin e një shkrese zyrtare Beogradit me të cilën do të kërkohet lirimi i menjëhershëm nga paraburgimi i drejtorit të Policisë së Kosovës, Nehat Thaçi”, kanë bërë të ditur mediat në Prishtinë.

Ai tha vendimi i qeverisë së Serbisë për masën e paraburgimit prej 30 ditësh, është bërë “mbi rekomandim politik”, që sipas tij ‘është e papranueshme’. (REL)

Mediat serbe: Telekomi i Serbisë do të operojë në Kosovë sipas ligjeve të Kosovës

Përfaqësuesit e Prishtinës dhe Beogradit, duke përfshirë edhe delegatë nga Agjencia Republikane për komunikim elektronik dhe të Telekomit të Serbisë, dje kanë vazhduar negociatat për kodin telefonik i cili në të ardhmen do të duhej të përdorej në territorin e Kosovës, shkruajnë mediat serbe.

Edhe pse bisedimet nuk kanë përfunduar ende, një nga pikat kryesore të marrëveshjes për marrjen e licencës së Telekomit të Serbisë që të veprojë në gjithë territorin e Kosovës, është një nga parakushtet e Beogradit për miratimin e kodit telefonik për Prishtinën, transmeton Telegrafi.

Megjithatë, e përditshmja serbe Danas, shkruan se Telekomi i Serbisë do të funksionojë në territorin e Kosovës sipas ligjeve të Republikës së Kosovës.

Marrëveshja ndërmjet Prishtinës dhe Beogradit, parashikon që Telekomi i Serbisë nuk do të veprojë drejtpërdrejt por do të krijojë një kompani bijë-operator mobil, ngjashëm si funksionojnë degët e saj në Malin e Zi dhe në Republikën Srpska.

Kjo kompani do të ofrojë shërbime të komunikimit mobil në tërë territorin e Kosovës, ku fokus primar do të ketë konsumatorët e nacionalitetit serbe, dhe pasi që autoritetet e Prishtinës nuk e kanë ndërmend të lejojnë veprimin e Telekomit serb sipas ligjit të Serbisë, ky operator do të veprojë në bazë të ligjeve të Kosovës.

Në Maqedoni promovohet botimi “Faqet e zeza të UDB-së”

Drejtori i Arkivit, Filip Petrovski tha se edicioni paraqet dëshmi për një kohë në të cilën ka qenë e ndaluar secili mendim përparimtar që ka nuk korresponduar me pikëpamjet e elitave në pushtet

SHKUP – Arkivi shtetëror i Republikës së Maqedonisë ka promovuar të hënën botimin “Faqet e zeza të UDB-së”. Drejtori i Arkivit, Filip Petrovski tha se edicioni paraqet dëshmi për një kohë në të cilën ka qenë e ndaluar secili mendim përparimtar që ka nuk korresponduar me pikëpamjet e elitave në pushtet.

“Ka gjithsej 13.000 faqe në të cilat përmes raporteve të paautorizuara të policisë sekrete është përshkruar gjithçka që ka ndodhur në Maqedoni nga vitit 1945 deri në vitin 2000. Në këtë edicion ne nuk pohojmë se dikush ka qenë bashkëpunëtor apo viktimë. Në një sistem i cili përdorur metoda johumane është e vështirë që njeriu ti rezistojë presionit në mënyrë që të shpëtojë veten. Ka edhe raste kur UDB ka dyshuar se persona të caktuar që janë pajtuar të bashkëpunojnë e kanë bërë të njëjtën në mënyrë që të japin informacione dhe drejtime të gabuara. Nuk është punë e jonë të komentojmë, këtë do ta bëjë shkenca e historisë”, tha Petrovski.

Petrovski vuri në dukje se këto faqe janë tani në dispozicion të publikut, dhe në këtë mënyrë janë të mbrojtura nga zhdukja.

Ky edicion botimesh i cili është i përbërë nga 16 libra në nëntë vëllime të titulluara “Historia e ndaluar”, nga sot do të jetë në dispozicion të publikut në të gjitha bibliotekat në vend. aa

“Rreziku i vërtetë në Evropë është fashizmi”

Kryetari i Komunës së Lesbosit, duke kritikuar politikat e Evropës ndaj migrantëve, tha se “Ndërtimi i mureve është vetëm në dobi të rritjes së ksenofobisë, racizmit dhe fashizmit. Sot rreziku i vërtetë në Evropë është fashizmi”

LESBOS – Kryetari i Komunës së Lesbosit, Spyros Galinos, qytet ky i cili është një ndër ndalesat e para të udhëtimit të shpresës së emigrantëve, duke kritikuar politikat e Evropës ndaj emigrantëve, tha se “Ndërtimi i mureve është vetëm në dobi të rritjes së ksenofobisë, racizmit dhe fashizmit. Sot rreziku i vërtetë në Evropë është fashizmi.”

Galinos duke folur për Anadolu Agency (AA), theksoi se pas marrëveshjes për emigrantët të arritur mes Turqisë dhe Bashkimit Evropian (BE), në ishull janë mbajtur rreth 6 mijë emigrantë.

“Shumë qeveri në botë treguan se nuk arritën sukses në menaxhimin e krizës së refugjatëve. Jemi në një periudhë kritike dhe kemi nevojë për liderë. Por liderët, ngelën në klasë në trajtimin e krizës së refugjatëve. Ndërtimi i mureve është vetëm në dobi të rritjes së ksenofobisë, racizmit dhe fashizmit. Sot rreziku i vërtetë në Evropë është fashizmi”, tha ai duke tërhequr vëmendjen se Evropa ndërton mure duke refuzuar që të pranojë një numër të vogël të refugjatëve.

Galinos, duke treguar se Lesbos dhe Greqia përbëjnë shembull në qëndrimin e tyre në krizën e migrantëve, por janë duke përjetuar disa probleme për shkak të mbajtjes një kohë të gjatë të migrantëve në ishull, u shpreh: “Ka një atmosferë të frikës dhe shqetësimit mes qytetarëve dhe migrantëve për shkak të mbajtjes së refugjatëve dhe migrantëve në ishull. Kjo shkakton që gjendja të jetë e rrezikshme. Njerëzit nuk ndërrohen për një ditë. Nuk bëhen fashist për një ditë. Nuk ka vend për këtë ndjenjë në komunitetin tonë. Ngjarjet e fundit janë tregues se forca jonë ka përfunduar. Nuk mundemi më të mbartim ngarkesën e të gjithë Evropës.”

Athina, në “luftë” pas deklaratës së Erdoganit. “Greqia na mori ishujt”

Voal –  Kryeministri grek Alexis Tsipras, pas një mbledhjeje urgjente të Këshillit qeveritar për Mbrojtjen dhe Politikën e Jashtme, duke iu përgjigjur presidentit turk Erdogan, ka deklaruar se dyshimi që Ankaraja ka hedhur së fundmi mbi Traktatin e Lozanës, i cili vendosi përfundimisht dhe në mënyrë të qartë marrëdhëniet greko-turke dhe statusin e detit Egje, është i rrezikshëm si për të dy popujt, ashtu edhe për të gjithë rajonin.

Duke folur një ditë pasi Këshilli kombëtar i Sigurisë së Turqisë ka rekomanduar zgjatjen e gjendjes së jashtëzakonshme, Recep Tayyip Erdogan ka kërkuar në thelb rishikimin e Traktatit të Lozanës të vitit 1923, duke e kritikuar atë si një marrëveshje që ka përcaktuar në dëm të Turqisë kufijtë e sotëm, e duke thënë se ishujt e Egjeut iu dhanë atëherë padrejtësisht Greqisë.

Menjëherë ka reaguar diplomacia greke, që ka dënuar këtë deklaratë, Ministria greke e Mbrojtjes, të gjitha partitë politike, e po ashtu edhe mediat.

Edhe Komisioni Europian është pyetur nga një eurodeputet i konservatorëve grekë se, çfarë qëndrimi ka për deklarata të tilla sfiduese ndaj traktateve ndërkombëtare. Po ashtu, edhe Berlini zyrtar, nëpërmjet zëdhënësit të Ministrisë së Jashtme që është pyetur për këtë pozicionim të Erdoganit, ka theksuar në një deklaratë sqaruese se, nga këndvështrimi i Gjermanisë marrëveshja e Lozanës vazhdon të jetë në fuqi.

Traktati i Lozanës, i nënshkruar më 24 korrik të vitit 1923 nga Greqia, Turqia dhe vende të tjera që luftuan në Luftën e Parë Botërore, ishte një traktat paqeje që i ka dhënë fund luftës greko-turke dhe vendosi kufijtë e Turqisë moderne. Me një marrëveshje të veçantë midis Greqisë dhe Turqisë u vendos shkëmbimi i detyrueshëm i popullsisë midis dy vendeve dhe demilitarizimi i disa ishujve të Egjeut.

Shkëmbimi i pakicave shkaktoi lëvizje të mëdha të popullsisë, pasi nga Azia e Vogël (Anatoli apo Anadolu sipas grekut e turkut) u shpërngulën për në Trakën Lindore në Greqi rreth 1 milion e 650 mijë shtetas turq të krishterë, e nga Greqia për në Turqi rreth 670 mijë qytetarë grekë myslimanë, një pjesë e të cilëve ka qenë popullsi shqiptare.

/ Top Channel

Daçiç: Nuk do të ketë referendum në Vojvodinë

I pyetur të komentojë paralajmërimet e referendumit në krahinën autonome të Vojvodinës dhe në Kosovë për bashkim me Shqipërinë, Daçiç tha se ato janë gjëra joserioze

BEOGRAD – Duke komentuar mbi zgjedhjet e ardhshme të cilat do të mbahen në Bosnjë e Hercegovinë (BeH), Mal të Zi, Maqedoni dhe Austri, Zëvendëskryeministri i parë i Qeverisë së Serbisë, Ivica Daçiç deklaroi se nuk është me rëndësi se cili opsion politik do të fitojë në kuptimin ideologjik, por se a janë të gjithë të përcaktuar për stabilitetin e rajonit.

“Serbia vazhdimisht thekson se nga ana jonë ekziston qasje konstruktive ndaj dialogut për të zgjidhur të gjitha çështjet e pazgjidhura. Nga ana tjetër, nuk mund që çështjet e hapura të na mbajnë të lidhur me të kaluarën, dhe të mos shikojmë se çfarë është në të tashmen dhe të ardhmen”, ka thënë Daçiç, duke shtuar se gjithçka varet nga udhëheqësit, gjegjësisht nga gatishmëria e tyre për të “shtyrë një politikë të stabilitetit rajonal”. aa

Edhe Vojvodina kërkon referendum për statusin e saj

Me shembullin e Republika Srpska, edhe Vojvodina është e gatshme të shpallë e të mbajë referendum për rregullimin e statusit të vet.

Me pohimin se me referendumin në Republikën Srpska u dëshmua “vullneti i popullit” dhe se ai nuk bën të mbetet “vetëm shkronjë në letër”, presidenti i Serbisë, Tomisllav Nikolliç, edhe një herë ka turpëruar shtetin dhe qytetarët e tij duke e bashkuar me qëndrimin e vet me pjesët më ekstreme të shoqërisë sonë, ka thënë kryetari i Lidhjes Socialdemokrate të Vojvodinës, Nenad Çanak.

Nëse vendimet legale të institucioneve më të larta juridike të një shteti sovran mund të rrëzohen me referendume, që organizohen në pjesë të territorit shtetëror, atëherë edhe Lidhja Socialdemokrate e Vojvodinës propozon që kjo praktikë ta bëhet edhe në Serbi, citon FoNet t’i ketë thënë Çanak presidentit të Serbisë.

“Propozojmë që në Vojvodinë të shpallet referendumi nëse qytetarët e pranojnë vendimin e turpshëm për suspendimin e statutit të Vojvodinës dhe për atë se Novi Sad nuk mund të jetë kryeqyteti ynë. Nëse një praktikë e tillë zbatohet dhe lavdërohet në shtetin fqinj, propozojmë që edhe ne ta bëjmë këtë praktikë në vendin tonë dhe besojmë se Nikoliç me gëzim do ta presë propozimin tonë”, ka thënë Çanak.

Prokuroria e Bosnjës thërret Dodikun në seancë dëgjimore për referendumin

Milorad Dodik

Prokuroria e Bosnjës dhe Hercegovinës i ka dërguar presidentit të Republikës Serbe, Milorad Dodik, thirrjen për seancë dëgjimore në cilësinë e të dyshuarit në lëndën që ndërlidhet me referendumin në këtë entitet, u ka konfirmuar mediave zëdhënësi i Prokurorisë së BeH, Boris Grubeshiq.

Prokuroria e Bosnjë dhe Hercegovinës nuk ka dashur që të spekulojë se ‘çfarë do të ndodhë nëse Dodik e refuzon thirrjen dhe njëkohësisht as edhe sa gjatë do ta pres Prokuroria e BeH Dodikun që t’i përgjigjet thirrjes’.

Në prokurorinë e BeH thonë se e kanë ‘hartuar lëndën në lidhje me moszbatimin e vendimit të Gjykatës Kushtetuese të Bosnjë e Hercegovinës’.

Serbët e Bosnjës votuan me shumicë dërmuese për të shënuar 9 janarin si Ditën e Shtetësisë, në një referendum kundërthënës që u zhvillua më 25 shtator në kundërshtim të vendimit të Gjykatës Kushtetuese.

Referendumi u kundërshtua nga autoritetet në Sarajevë, që e cilësuan si anti-Dayton dhe një akt kundër kushtetues. Kundër referendumit janë shprehur edhe Këshilli Drejtues për zbatimin e paqes (PIC), Zyra e Përfaqësuesit të Lartë në Bosnjë dhe Hercegovinë, Ambasada e SHBA-së, Bashkimi Evropian dhe vendet fqinje Kroacia e Serbia. (REL)

Izetbegoviçi: Dodikun e pret fati i Huseinit, Gadafit dhe Millosheviçit

Kreu i Presidencës së Bosnjës dhe Hercegovinës, Bakir Izetbegoviçi ka lëshuar deklarata të ashpra ndaj kryetarit të Republikës Serbe, Millorad Dodik.

I frustruar nga referendumi i sotëm që 9 janari të jetë “Dita e Republikës”, ai ka thënë se Dodikun e pret fati i Saddam Huseinit, Gadafit dhe Millosheviçit, transmeton Koha.net.

Ai pret që nesër, 26 shtator, të reagojë bashkësia ndërkombëtare.

“Mendoj se do të reagojë bashkësia ndërkombëtare. Kemi parë se Saddam Huseini, Gadafi e Millosheviçi i ka sfiduar dhe shihet si kanë përfunduar”, ka thënë Izetbegoviçi.

Përfundon referendumi antikushtetues i serbëve të Bosnjës – vlerësohet i suksesshëm

Në bazë të shënimeve të autoriteteve në Republikën Serbe, referendumi në të cilin qytetarët janë deklaruar në pyetjen: “A e përkrahni që 9 janari të shënohet dhe kremtohet si Ditë e Republikës Serbe”, ka patur sukses.

Në bazë të të dhënave nga 30.76 vendvotimeve të numëruara, me ‘Po”, në pyetjen e referendumit, i janë përgjigjur 99.80 për qind e votuesve. \

Komisioni Republikan ka deklaruar se pjesëmarrja në referendum ka qenë ndërmjet 56 dhe 60 për qind

Është paralajmëruar që në ndryshimet e ardhshme të Ligjit për festat në Republikën Serbe qytetarët që nuk duan nuk kanë nevojë që ta festojnë 9 janarin si Ditë të Republikës Serbe.

Më herët Gjykata Kushtetuese e Bosnjë Hercegovinës pati marrë vendim për vendosjen e masës së përkohshme me të cilën ndalohet mbajtja e referendumit.

Në Republikën Serbe, janë mbyllur vendvotimet e referendumit për 9 janarin si ditën e këtij entiteti, të cilin e ka kontestuar si kundër kushtetues Gjykata Kushtetuese e Bosnjë dhe Hercegovinës.

Kryetari i Komisionit për mbajtjen e referendumit, Sinisha Karan, thotë se tashmë mund të thuhet se referendumi ishte i plotfuqishëm, marrë parasysh se deri në ora 17 dalja e qytetarëve në referendum ishte më e madhe se 50 për qind nga numri i përgjithshëm i të regjistruarve në listat e votuesve.

Deri në ora 17 në referendum kanë marrë pjesë 51.17 për qind e votuesve të regjistruar.

Me ligj është e paraparë që referendum është i plotfuqishëm nëse deklarohet më shumë se gjysma e shumicës së qytetarëve që kanë të drejtë vote dhe që janë të regjistruar në listë votuese.

Por përfaqësuesi i lartë në Bosnjë dhe Hercegovinë, Valentin Inzko, më herët ka deklaruar se askush nuk e konteston të drejtën e “Republikës Serbe që të shënoj ditën e saj, por duhet që njëkohësisht, vendimi i Gjykatës Kushtetuese të Bosnjë dhe Hercegovinës i nëntorit të vitit 2015, të zbatohet deri sa referendumi është i papranueshëm dhe nuk ka fuqinë kushtetuese dhe ligjore”.

Zyrtarët boshnjakë janë kundër referendumit, sepse konsiderojnë se është anti-Dayton dhe një akt kundër kushtetues.

Kundër referendumit janë edhe Këshilli Drejtues për zbatimin e paqes (PIC), Zyra e Përfaqësuesit të Lartë në Bosnjë dhe Hercegovinë, Ambasada e SHBA-së, Bashkimi Evropian dhe vendet fqinje Kroacia e Serbia.

Presidenti i Republikës Serbe, Milorad Dodik, tha se nuk “frikësohet nga sanksionet eventuale”.

Rriten tensionet ndërsa serbët e Bosnjës mbajnë referendum të ndaluar

Referendumi i së dielës ka çuar në debatin më të ashpër ndërmjet zyrtarëve myslimanë të Bosnjës dhe atyre serbë të Bosnjës, prej Marrëveshjes së Dejtonit në vitin 1995, të ndërmjetësuar nga Shtetet e Bashkuara.

Me këtë marrëveshje ishte krijuar Republika Serbe, si njëra nga dy entitetet përbërëse të Bosnjë Hercegovinës.

Në referendum është shtruar pyetja nëse dëshirohet që 9 janari të mbetet “Ditë e Shtetësisë”.

Në këtë datë është festa e Kishës Ortodokse Serbe dhe përvjetori i Deklaratës së ligjvënësve serbë të Bosnjës në vitin 1992, me të cilën ishte shpallur pavarësia nga Bosnja. Ky zhvillim e kishte shkaktuar luftën trevjeçare etnike në këtë vend.

Kritikët e referendumit thonë se ai i shton tensionet etnike dhe e forcon ndjenjën separatiste brenda këtij entiteti.

Joserbët, këtë datë e shohin si simbol të dëbimit të tyre nga territori i kontrolluar nga serbët e Bosnjës dhe si indikacion se Republika Serbe është vend ku do të jetojnë vetëm serbët.

Më 17 shtator, Gjykata Kushtetuese e Bosnjë Hercegovinës me seli në Sarajevë, e ka ndaluar referendumin, duke theksuar se festa e 9 janarit është ilegale dhe i diskriminon boshnjakët myslimanë dhe kroatët katolikë.

Dragan Llukaq, ministër i Brendshëm në Republikën Serbe dhe shef i komisionit zgjedhor, tha të dielën në një konferencë për shtyp në Banjallukë se, “çdo gjë ka shkuar mirë” dhe se nuk ka pasur raporte për incidente.

Ai theksoi se ka pasur mungesë të votuesve në hapësirat boshnjake të Republikës Serbe, dhe shtoi se më tepër se dhjetëra vendvotime as që janë hapur për votim.

Për këtë referendum më së tepërmi është angazhuar presidenti nacionalist i këtij entiteti, Millorad Dodik.

Kritikët e tij e akuzojnë atë se po përpiqet të krijojë kushte për referendumin e ardhshëm, me gjasë në vitin 2018, me pyetjen nëse Republika Serbe do të duhej të shkëputej nga Bosnjë e Hercegovina.

Një zhvillim i tillë, në mënyrë efektive, do të nënkuptonte përfundim të Marrëveshjes së Dejtonit, me të cilën pati përfunduar lufta në Bosnjë në periudhën 1992-95.

Raportohet se rezultatet e para të referendumit do të dihen gjatë natës.

Përgatiti: Fatmir Bujupi

Tekstet shkollore në Maqedoni plot fyerje për shqiptarët

Edhe këtë vit shkollor nxënësit shqiptarë në Maqedoni do të mësojnë nga tekste shkollore me gabime të shumta si në përmbajtje, ashtu edhe ortografike. Gabimet më të theksuara janë në librat e historisë, gjeografisë, shoqërisë, artit, por edhe në tekste të tjera.

Në librin e Gjeografisë gabimet vërehen që në kopertinën e librit, ku emri i lëndës është shkruar gabimisht. Edhe përkthimet e teksteve janë pa një strukturë të mirë gramatikore, ndërsa, janë të pranishme edhe shtrembërimet e ngjarjeve të rëndësishme historike. Në librin e historisë Shën Jan Kukuzeli, i cili në tekstet e historisë shqiptare njihet si një murg ortodoks nga Durrësi, himnograf, mjeshtër dhe teoricien i muzikës kishtare bizantine, tani ai përshkruhet si Jovan Kukuzeli, krijues i njohur i muzikës maqedonase.

Edhe shumë gabime të tjera, të evidentuara më parë, vazhdojnë të jenë të pranishme.

Nga Ministria e Arsimit përsërisin qëndrime të dëgjuara vite me radhë, për ndryshime ligjore me qëllim hartimin e teksteve të reja.

“Si ministër i Arsimit kam ndërmarrë masa dhe menjëherë kam reaguar duke formuar një grup ekspertësh të cilët do të merren me analizat dhe përpjekjet që këto tekste shkollore ti kemi në fund pas analizës së tyre një model në të cilin këto gabimet nuk do të përsëriten edhe në të ardhmen”, tha ministri i Arsimit Pishtar Lutfiu.

Premtime të tilla para gati dy viteve kishte dhënë edhe paraardhësi i tij Abdilaqim Ademi. “Ne jemi në fazën e ndryshimit të ligjit me qëllim që të krijojmë një bazë juridike të mirë dhe të gjegjshme zgjidhje sistemore”, pati deklaruar Abdilaqim Ademi, ish ministër i Arsimit.
Por ndërsa ministrat vazhdojnë të japin premtime gabimet në tekstet shkollore vazhdojnë të akumulohen.

Profesori Salajdin Salihu thotë se gjendja është alarmante pasi duke parë gabimet e shumta drejtshkrimore dhe përmbajtësore, sipas tij, nuk mund të themi se kemi shkolla shqipe, por shkolla të përkthyera.

“Të gjithë autorët duhet të jenë shqiptarë dhe t’i kenë parasysh specifikat e shqiptarëve këtu në Maqedoni sepse në fund të fundit nëse do t’i kemi këto tekste , ata do kenë pasoja dhe në të ardhmen si te fëmijët shqiptarë ashtu dhe te ata maqedonas dhe do të krijohen stereotipe. Për shembull në tekstet e historisë thuhet se shqiptarët kanë bërë krime, shqiptarët janë të ardhur në shekullin 18-17 paramendoni ai nxënës maqedonas kur do i mëson këto pallavra si do të reagon kundrejt shqiptarëve”, u shpreh profesori universitar, Salajdin Salihu.

Gabime përmbajtjesore të cilat vazhdojnë prej vitesh me radhë, fatkeqësisht shpeshherë nuk kanë as autorët e përditësuar. Ata ose janë në pension ose kanë ndërruar jetë, ndërkohë që në këto libra mbajnë funksionet bashkëautor ose lektor./Alsat.M/

Bosnjë: Po mbahet referendumi për Ditën e Republikës Sërpska

Me hapjen e qendrave të votimit në Republikën Sërpska sot nisi referendumi në entitetin e Bosnjë e Hercegovinës

BANJA LLUKË – Me hapjen e qendrave të votimit në Republikën Sërpska sot nisi referendumi në këtë entitet të Bosnjë e Hercegovinës (BeH) në të cilin qytetarët deri në ora 19:00 do të kenë mundësi t’i përgjigjen pyetjes “A e mbështesni që 9 janari të shënohet dhe festohet si Dita e Republikës Sërpska?”

Të drejtën për të votuar e kanë 1.219.399 qytetarë të RS nga të cilët kërkohet të kenë me vete një nga dokumentet e vlefshme, letërnjoftim, patentë shoferi ose pasaportë.

Qendrat e votimit në shkollën fillore “Branko Radiçeviç” në Banja Llukë janë hapur në kohë, ndërsa disa votues kishin ardhur para hapjes duke pritur fillimin e votimit. aa

Gjuriqi injoron institucionet e Kosovës: sot jam në Pejë

Gjuriqi i sigurt se do të jetë në Pejë sot, megjithë ndalesën e institucioneve të Kosovës.

Drejtori i Zyrës së Qeverisë së Serbisë për Kosovën, Marko Gjuriqi, ka paralajmëruar se do të jetë të shtunën në Pejë, edhe pse Ministria e Punëve të Jashtme e Kosovës refuzoi kërkesën e tij për vizitë.

Të mërkurën, Policia e Kosovës në Graçanicë e ka ndaluar automjetin në të cilin gjendej Gjuriq dhe kishte kërkuar nga ai që ta lëshonte Kosovën.  Kërkesa e policisë kishte nxitur një numër qytetarësh serbë që të mblidheshin në qendër të kësaj komune.

Të premten, një ditë pas incidentit,MPJ njoftoi se ka ndaluar Gjuriqin të vizitojë Kosovën, me arsyetimin se Gjuriq ishte përpjekur ta devijojë agjendën në Komunën e Gracanicës dhe se ka “penguar Policinë e Kosovës në kryerjen dhe zbatimin e detyrave të saj”.

Por, Gjuriq i ka thënë medieve serbe se të shtunën do të jetë në Patriarkanën e Pejës, duke shërfillur kështu vendimin e shtetit të Kosovës.

“Nesër do të jem në Patriarkanën e Pejës, por jo për shkak se ata janë përpjekur të ma ndalojnë por për shkak se unë jam përgjegjës për serbët në Kosovë”, ka thënë Gjuriq

OKB – Vuçiçi: 204 000 serbë duhet të rikthehen në Kosovë

Kryeministri i Serbisë, Aleksadar Vuçiçi, gjatë një fjalimi në Asamblenë e Përgjithshme të Kombeve të Bashkuara, ka deklaruar që shteti i tij refuzon të njoh pavarësinë e Kosovës, dhe është i vendosur në gjetjen e një zgjidhje politike përmes dialogut të ndërmjetësuar nga Bashkimi Evropian.

Ndër të tjera Vuçiq ka thënë që duke mbrojtur sovranitetin dhe integritetin territorial të saj Serbia jo vetëm që mbron ligjet ndërkombëtare, ofron siguri dhe paqe internacionale, ajo gjithashtu mbron edhe identitetin historik kombëtar. Ndërsa veprimet e njëanshme rrezikojnë paqen dhe rregullin ndërkombëtar, veçanërisht duke nxitur situatë të njëjtë tek shtetet që janë duke u përballur me shkëputje të tilla.

Për me tepër ai ka deklaruar që Kosova po përballet me problemin luftërave të huaja duke thënë që krahasuar me popullatën Kosova ka më së shumti ushtarë prezent në radhët e të ashtuquajturit Shteti Islamik dhe Levant.

Vuçiq gjithashtu kërkoi edhe rikthimin e personave të zhvendosur gjatë luftës duke theksuar që janë rreth 204,000 persona të zhvendosur nëpër Serbi, , njofton Klan Kosova.

Ndërsa dialogun në mes të Beogradit dhe Prishtinës cilësoi si të nevojshëm për të mbajtur stabilitetin në rajon dhe për të rregulluar marrëdhëniet në mes të këtyre dy shteteve.

Hercegovinë – në prag të zgjedhjeve lokale billborde me foton e Sheshelit

Zgjedhjet lokale në BeH do të mbahen më 2 tetor, ku për kryetarë bashkie, këshilltarë bashkie dhe këshilla komunale do të garojnë mbi 30 mijë kandidat, që është gati një përqind e numrit të popullsisë

GACKO/BILEÇA/ÇITLUK – Hercegovina lindore, posacërisht në pjesët rreth komunës dhe qendrës së Gackos dhe Bileçës, në prag të zgjedhjeve lokale në Bosnjë e Hercegovinë (BeH), të cilat do të mbahen të dielën, më 2 tetor, nga ajo që ka regjistruar ekipi i Anadolu Agency (AA) , është e mbuluar me posterë dhe billborde me fotot e kryetarit të Partisë Radikale Serbe (SRS) Vojislav Sheshel.

Në bilbordet e mëdha dhe posterët me fotografinë e kryetarit të SRS-së në hyrje të Bileçës shkruan: “Sërpska në duar të sigurta – SRS”. Në qendër të Bileçës nëpër rrugë është vendosur një billbord i madh me fotografinë e liderit të SRS, përndryshe deputit aktual të Parlamentit të Serbisë.

Gjithashtu edhe një pjesë e madhe e qendrës së Gackos është mbuluar me posterë të Sheshelit. Me këtë, qytetarëve të Gackos u thuhet se “Shesheli po vjen”.

Plagoset sulmuesi i ambasadës së Izraelit në Ankara

Izraeli thotë se një sulmues ka tentuar që të hyjnë në ambasadën e tij në Ankara por është plagosur nga një roje sigurimi.

Ministria e Jashtme izraelite ka thënë se sulmuesi kishte një thikë. Njoftohet se ai është qëlluar me armë zjarri dhe është kapur përpara se të arrinte në ndërtesën e ambasadës.

Më herët televizioni NTV ka raportuar se dy persona kanë tentuar që të hyjnë në ambasadën e Izraelit dhe njëri është “neutralizuar”. rel

Daçiçi: Beogradi do të mbrojë serbët e Bosnjës

Serbia ka paralajmëruar Bosnjë Hercegovinën se do të mbrojë serbët e Bosnjës nëse ata ndonjëherë do të sulmoheshin, përderisa tensionet janë ngritur para referendumit të planifikuar që të mbahet në Republika Sërpska, që zyrtarisht është ndaluar nga Sarajeva.

Ministri i Jashtëm serb, Ivica Daçiç ka thënë përmes një deklarate për media se Serbia “nuk do të lejojë shkatërrim apo sulm ushtarak” ndaj Republikës Sërpska në Bosnjë.

Komentet e Dacic vijnë pak kohë pasi komandanti i ushtrisë së Bosnjës në kohën e luftës, Sefer Haliloviç ka thënë se pa ndihmën e Beogradit, forcat e Republikës Sërpska nuk do të mund të qëndronin më shumë se 15 ditë ndaj forcave të Bosnjës.

Halilovic, i cili është i pensionuar, nuk mban asnjë pozitë zyrtare.

Dacic ka thënë se deklarata e Halilovic ishte “në lidhje me shkatërrimin e Republikës Sërpska e që paraqet kërcënim serioz për paqen dhe stabilitetin në rajon”.

Tensionet janë ngritur në Bosnjë Hercegovinë, përpara referendumit të caktuar më 25 shtator ku do të vendoset nëse Republika Sërpska do të festojë ditën e entitetit më 9 janar, ditën kur më 1992 deklaroi shkëputje nga Bosnja.

Gjykata Kushtetuese në Bosnjë ka thënë se kjo ditë feste është diskriminuese ndaj boshnjakëve dhe kroatëve të Bosnjës dhe ka thënë se referendumi është i jashtëligjshëm.

Qeveria malazeze mbron ndalimin e gazetarit Jovo Martinoviç

Qeveria e Malit të Zi po mbron vendimin e saj për të ndaluar një gazetar hulumtues nën akuzat për trafikim droge.

Në përgjigje të një letre nga tre grupe për të drejtat e njeriut dhe shtypit ku u kërkohej autoriteteve malazeze të lironin gazetarin Jovo Martinoviç, zyra e kryeministrit Milo Gjukanoviç tha se aktakuza dhe ndalimi i gazetarit nuk kanë të bëjnë me punën e tij profesionale, por janë rezultat i një hetimi kriminal.

Srdjan Kusovaç, këshilltar i kryministrit Gjukanoviç, thekson në përgjigjen e tij, se ndalimi i zotit Martinoviç ishte në përputhje me ligjin dhe ai do t’i nënshtrohet një procesi të drejtë gjyqësor.

Organizatat Human Rights Watch, Komiteti për Mbrojtjen e Gazetarëve dhe Gazetarët pa Kufij thanë të hënën në letrën e tyre se ndalimi dhe ndjekja penale e zotit Martinoviç “shkel të drejtat e tij të lirisë, të drejtën e tij për një proces të rregullt gjyqësor dhe shpërfill detyrimet e Malit të Zi ndaj respektimit të lirisë së shtypit.”

Letra e përbashkët u bën thirrje autoriteteve që të marrin parasysh faktin se raportimi hulumtues i zotit Martinoviç ofron një shpjegim logjik të arsyes se pse ai ishte në kontakt me trafikantët e drogës.

“Martinoviç, një gazetar i respektuar, i cili hulumton krimin dhe korrupsionin, ka kaluar 11 muaj në burg pa parë asnjë provë reale kundër tij,” tha Hugh Williamson, drejtor i organizatës Human Rights Watch për Evropën dhe Azinë Qendrore. “Në qoftë se akuzat janë të besueshme, atëherë prokuroria duhet t’ia tregojë ato zotit Martinoviç dhe avokatit të tij në mënyrë që ata t’i shqyrtojnë provat”, shtoi zoti Willimason.

Autoritetet malazeze më 22 tetor të vitit 2015 ndaluan gazetarin Jovo Martinoviç nën dyshimet për pjesëmarrje në një rrjet të trafikimit të drogës. Tani ai është në pritje të përfundimit të një hetimi kundër tij dhe 17 të dyshuarve të tjerë.

Më 8 prill të këtij viti, pasi ai kishte qenë i burgosur për gati gjysmë viti, Zyra e Prokurorisë Speciale ngriti një aktakuzë kundër tij dhe 13 personave të tjerë.

Zoti Martinoviç ka hulumtuar krimin dhe korrupsionin për media të ndryshme ndërkombëtare, duke përfshirë revistën The Economist, gazetën Financial Times dhe agjencinë e lajmeve CAPA.

Mali i Zi, vend anëtar i NATO-s që po kërkon anëtarësimin në Bashkimin Evropian, është renditur në vendin e 106 nga 180 vende, në raportin e vitit 2016 mbi lirinë e shtypit në botë, të publikuar nga organizata Gazetarët pa Kufij. za

Në Kroaci nis gjyqi kundër “kapitenit Dragan”

Split, 20 shtator 2016.

Një ish-komandant paraushtarak serb ka dalë në gjyq në Kroaci, nën akuzat se ka kryer krime lufte gjatë konfliktit të viteve 1991-95.

Dragan Vasilkoviq, po ashtu i njohur si “kapiteni Dragan”, u deklarua i pafajshëm në fillim të gjykimit të tij në Split.

Ai akuzohet për torturim dhe vrasje të ushtarëve dhe policëve kroatë, të zënë robër në Knin më 1991 dhe në Bruska më 1993.

Akuzat bartin dënimin prej 20 vjetësh burgim.

Vasilkoviq është arrestuar në vitin 2006 në Australi, ku ka punuar si instructor golfi me emrin Daniel Snedden.

Ai është dërguar në Kroaci në korrik të vitit 2015, pasi ka humbur betejën 9-vjeçare kundër ekstradimit.

Gjenerali i NATO-s: Ballkanin e presin përplasje ushtarake

Kryesuesi i Këshillit Ushtarak të NATO-s, gjenerali Petr Pavel ka deklaruar se Ballkani vazhdon të mbetet burim i mundshëm i përplasjeve ushtarake. Ai porosit që aleanca veri-atlantike duhet të ketë patjetër aftësi për kundërvënie ndaj kundërshtarëve dhe mbrojtjes së anëtarëve të saj, si dhe rol më të madh në luftën kundër terrorizmit, bën të ditur agjencia kroate e lajmeve “HINA”.

Pavel citohet të ketë thënë se situata në një pjesë të Evropës është “larg stabilitetit”, duke theksuar se “Ballkanit i kanoset terrorizmi islamik, por edhe ndikimi rus”.

Duke e konsideruar Bosnjën dhe Hercegovinën si vendi ku mund të mblidhen terroristë, gjenerali Pavel ka deklaruar se nuk pret valë të shtuara të refugjatëve në drejtim të Evropës.

Ankaraja i kërkon zyrtarisht Uashingtonit arrestimin e Gylenit

Ministria turke e Drejtësisë i kërkoi formalisht SHBA-së një arrestim paraprak të klerikut islamik, Fethullah Gulen, të cilin qeveria e Ankarasë e konsideron si organizatorin e grushtit të shtetit të dështuar të 15 korrikut, njoftoi sot agjencia zyrtare e lajmeve Anadoll.

Turqia ka kërkuar edhe më parë ekstradimin e Gulenit dhe ka nxitur SHBA-në ta arrestojë atë.

Guleni jeton në SHBA që prej vitit 1999.

Uashingtoni deklaroi nga ana e tij se “kërkon të shohë prova konkrete që kleriku është i përfshirë në puçin e 15 korrikut”.

Katalanasit në rrugë kërkojnë shkëputjen nga Spanja

Rreth 800 000 katalanas u mblodhën në disa rajone verilindore duke kërkuar shkëputjen nga Spanja

MADRID – Rreth 800 000 katalanas u mblodhën në disa rajone verilindore duke kërkuar shkëputjen nga Spanja.

Qytetarët në rrugët e Barcelonës, Berga, Lleida dhe Tarragona dolën me pankarte dhe flamuj. Katalonja, krahinë autonome spanjolle në verilindje të Gadishullit Iberik, kërkon mbajtjen e referendumit më 9 nëntor, ndërsa Qeveria e Spanjës nuk e aprovon dhe nuk lejon mbajtjen e tij. aa

48 të plagosur në qytetin Van të Turqisë

Policia në Turqinë juglindore, tha se nga shpërthimi i një makine bombë në qytetin Van janë plagosur të paktën 48 vetë.

Shpërthimi ndodhi në një zonë midis zyrave të partisë në pushtet AKP dhe zyrës së guvernatorit.

Ende nuk dihet se kush është përgjegjës për bombën.

Shpërthimi vjen një ditë pasi qeveria shkarkoi 28 kryetarë komunash në juglindjen kryesisht kurde, për shkak të lidhjeve të dyshuara me Partinë e jashtëligjshme të Punëtorëve të Kurdistanit.

Presidenti Rexhep Tajip Erdogan tha sot se zyrtarët duhet të ishin shkarkuar shumë kohë më parë.

Grabar -Kitaroviç: “Muajt dhe vitet para nesh, vendimtarë për të ardhmen e Kroacisë”

Në pyetjen nëse pret që qeveria e re kroate të jetë më stabile nga e deritanishmja, Grabar -Kitaroviç porositi: “Sot nuk do të flasim për këtë”

ZAGREB – Pres jehonë më të madhe të votuesve në zgjedhje sepse sot është dita kur ata vendosin, deklaroi presidentja kroate Kolinda Grabar-Kitaroviç, pas votimit në zgjedhjet e parakohshme në Kroaci në njësinë zgjedhore 1, në qendrën e votimit 21 në Donji Grad.

Grabar-Kitaroviç gjatë votimit shoqërohej nga bashkëshorti i saj Jakov.

“Muajt dhe vitet që janë para nesh janë vendimtarë për të ardhmen e Kroacisë. Sot duhet patjetër të jemi serioz, nuk mundemi pastaj të ankohemi nëse epilogu i zgjedhjeve nuk është ai që kemi dëshiruar ne. Prandaj, dilni, jepni votën tuaj, ndërsa unë besoj se procesi i cili do të pasojë do të sjellë qeveri e cila do të kujdeset për ardhmërinë e Kroacisë”, tha Grabar-Kitaroviç. aa

HRW raport për keqtrajtimin e fëmijëve të emigrantëve në Greqi

“BE-ja dhe Greqia duhet të tregojmë më shumë përpjekje, të sigurojnë kujdesin për këto fëmijë të pambrojtur”

ATHINË – Organizata Human Rights Watch (HRW) ka theksuar se duke u mbajtur në paraburgim për një kohë të gjatë në kushte të papërshtatshme fëmijët e pashoqëruar të emigrantëve në Greqi po shkelen të drejtat ndërkombëtare dhe ligjet greke.

Në një raport të përgatitur nga organizata me temë “Përse më Mbani Mua Këtu?”: Fëmijët e pashoqëruar në Greqi po mbahen në paraburgim”, krahas intervistave të kryera me 42 fëmijë emigrantësh të pashoqëruar flitet edhe për vizitat në dy komisariate të policisë dhe ambiente paraburgimi.

Studiuesja Rebecca Riddell në një deklaratë ka theksuar se “Greqia shprehet se për të mbrojtur fëmijët është e detyruar ti mbajë në paraburgim ato. Por mbyllja e fëmijëve në qelitë e tejmbushura dhe jo higjienike është gjëja e fundit që ato mund të kenë nevojë.”

Duke tërhequr vëmendjen se shumica e fëmijëve në fjalë janë larguar prej dhunës në vendet e tyre Riddell ka theksuar se “BE-ja dhe Greqia duhet të tregojmë më shumë përpjekje, të sigurojnë kujdesin për këto fëmijë të pambrojtur që kanë nevojë dhe e meritojnë.”aa

Pentagoni: Pastrimi i DAESH-it nga kufiri i Turqisë, zhvillim strategjik

Kapiteni Jeff Davis në një konferencë për mediat në Pentagon ka folur në lidhje me zhvillimet e fundit në Siri

UASHINGTON – Zëdhënësi i Departamentit Amerikan të Mbrojtjes, Jeff Davis, ka deklaruar se pastrimi i organizatës terroriste nga kufiri i Turqisë është një zhvillim i rëndësishëm dhe strategjik.

Kapiteni Jeff Davis në një konferencë për mediat në Pentagon ka folur në lidhje me zhvillimet e fundit në Siri. aa

Serbia dënon një kroat për spiunazh

Një gjykatë në Serbi ka dënuar një kroat me tre vjet burgim, i cili ka pranuar fajësinë për spinuazh.

Por Kroacia ka mohuar se personi i dënuar, Cedo Colovic ka punuar për Zagrebin.

Colovic, 57-vjeçar, që ka pasaport serbe dhe kroate u arrestua javën e kaluar. Prokurorët serbë nuk kanë treguar se për cilin shtet ka spiunuar ai. Ata kanë thënë se ai ka jetuar në Kroaci deri në vitin 1990 dhe më pas është zhvendosur në Serbi.

Në ndërkohë, mediat serbe kanë raportuar se Colovic ishte oficer në forcat rebele serbe gjatë luftës për pavarësi të Kroacisë në vitet e 90-ta, i cili më pas përfundimit të konfliktit u zhvendos në Serbi.

Raportet e mediave thonë se Colovic kishte dhënë Kroacisë informacione të inteligjencës ushtarake, që më pas janë përdorur për të ngritur akuza për oficerët serbë.

Por, presidentja e Kroacisë, Kolinda Grabar-Kitarovic ka dënuar se ky person ka punuar për shtetin kroat.

Gjukanoviçi: Demarkacioni është çështje e brendshme e Kosovës

Kryeministri i Malit të Zi, Millo Gjukanoviçi, ka deklaruar sot se Demarkacioni i kufirit ndërmjet Malit të Zi dhe Kosovës është “çështje e brendshme e Kosovës”.

“Problemi është i brendshëm dhe i përket politikës së brendshme të Kosovës”, tha Gjukanoviq në Ulqin, raporton agjencia Beta.

Ai mëtutje ka theksuar se Mali i Zi, sa i përket Marrëveshjes për demarkacion, i ka bërë të gjitha veprimet e duhura dhe nuk ka kurrfarë mospajtimi me autoritetet në Kosovë lidhur me vijën kufitare.

Javën e kaluar Qeveria e Kosovës e ka tërhequr nga debati në Kuvendin e Kosovës këtë marrëveshje, e cila kundërshtohet fuqishëm nga opozita në Kosovë.

Obama – Erdoganit: Puçistët do të dënohen

VOAL – HANGZHOU (KINË) 4 SHTATOR – Presidenti amerikan Barack Obama e ka siguruar presidentin turk Recep Tayyip Erdogan se Shtetet e Bashkuara janë të përkushtuara që autorët e grushshtetit të dështuar ndaj Ankarasë t’i dorëzohen drejtësisë.

 

Të dy presidentët kanë pasur, pak para fillimit të samitit të G20 në Hangxhou të Kinës, takimin e tyre të parë sy për sy pas grushtit të dështuar të shtetit në Turqi. ansa

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend