VOAL

VOAL

Please Wait ...
0%

Serbët e Bosnjes dekorojnë Karaxhiçin dhe kriminelë të tjerë të luftës

By | October 26, 2016
blank

Komentet

blank

Vuçiq pas takimit me Erdogan: Diskutuam tema të rëndësishme për rajonin

Vuçiq zbuloi se Presidenti i Turqisë mbështet dialogun midis Beogradit dhe Prishtinës dhe se ai beson se është e rëndësishme të arrihet një zgjidhje kompromisi

Lejla Biogradlija   |18.09.2021
Beograd

Presidenti serb Aleksandar Vuçiq tha se kanë diskutuar tema të rëndësishme për gjithë rajonin me presidentin turk Recep Tayyip Erdoğan në Stamboll sot, transmeton Anadolu Agency (AA).

Erdoğan dhe Vuçiq u takuan në Pallatin Vahdettin të Stambollit, kurse pas vizitës në Turqi, presidenti serb për agjencinë Tanjug tha se Turqia është një mik i Serbisë dhe se ai është i bindur se marrëdhëniet midis dy vendeve mund të jenë edhe më të mira.

“Ne mund të bëjmë më shumë përpjekje për t’i bërë këto marrëdhënie edhe më të mira dhe për të shtuar besimin. Kjo është një nga gjërat e mëdha dhe të rëndësishme për ne, një kusht pa të cilin nuk mund të ruajmë stabilitetin në rajon”, theksoi Vuçiq.

Vuçiq më tej zbuloi se Presidenti i Turqisë mbështet dialogun midis Beogradit dhe Prishtinës dhe se ai beson se është e rëndësishme të arrihet një zgjidhje kompromisi.

Duke theksuar se marrëdhëniet miqësore me Turqinë janë një lloj garantues i sigurisë dhe stabilitetit në Ballkanin Perëndimor, Vuçiq njoftoi se Erdoğan do të vizitojë Serbinë deri në fund të vitit.

“Ne folëm gjithashtu për ekonominë dhe investimet turke në Serbi. Diskutuam tema rajonale dhe bilaterale. Turqia është një fuqi e madhe në rajon”, tha Vuçiq.

Duke rikujtuar se qëllimi është rritja e tregtisë së jashtme midis Serbisë dhe Turqisë nga 1,3 miliard në dy miliardë dollarë, Vuçiq tha se ai gjithashtu bisedoi me Erdoğan se si të sigurohet që kufijtë e të dy vendeve të kalohen sa më lehtë dhe me sa më pak dokumente të jetë e mundur.

“Bisedimet e mia me Erdoğan janë gjithmonë të dobishme. Edhe sot dola nga takimi shumë i kënaqur”, përfundoi Vuçiq.

blank

Florian Bieber: Merkel në Ballkan, asgjë më shumë se një vizitë lamtumire

Kancelarja gjermane, Angela Merkel ka nisur një tur vizitash në rajonin e Ballkanit.

Sipas rrjetit publik gjerman, ARD, disa thonë se kjo vizitë mund të sjellë lëvizje për disa konflikte të ngrira në rajon. Të tjerët thonë se është thjesht një vizitë lamtumire.

“Lista e problemeve në Ballkanin Perëndimor është e gjatë. Korrupsioni, abuzimi i pushtetit, gjyqëori i dobët dhe mungesa e lirisë së medias,” raporton ARD.

Studiuesi politik, Florian Bieber thotë se turi i kancelares nuk është asgjë përveçse një udhëtim lamtumire. Sipas tij, asgjë nuk ka ndryshuar në problemet themelore.

Bieber thotë se kancelarja gjermane nuk ka qenë në gjendje të ofrojë një të ardhme të qëndrueshme për rajonin dhe ky është dështimi i saj.

“Merkel nuk është në gjendje që të ofrojë një vazhdimësi mes saj dhe qeverisë që do e pasojë. Pra nuk është e qartë nëse do ketë vazhdimësi. Prandaj unë e konsideroj vizitën më shumë si një sinjal se Gjermania do të vazhdojë të jetë e interesuar për këtë rajon,” thotë Bieber.

blank

Nëse nuk shkarkohen ministri i Brendshëm dhe shefi i policisë, Abazoviç kërcënon të rrëzojë qeverinë në Mal të Zi

Zv/kryeministri malazez Dritan Abazoviç kërcënoi të enjten se do të rrëzonte qeverinë e koalicionit, nëse ministri i brendshëm Sergej Sekuloviç dhe shefi i policisë Zoran Brdjanin shkarkohen, siç kanë kërkuar partnerët e tij në qeveri.

Me katër vende në parlament, koalicioni i Abazoviçit, “E zeza në të bardhë”, është anëtari më i vogël i koalicionit qeverisës prej 41 anëtarësh, i cili ka një shumicë prej vetëm një anëtari në parlamentin e përbërë nga 81 vende.

“I kam thënë kryeministrit dhe kolegëve të mi në qeveri disa herë që ata po e teprojnë. Ka mundësi të mos kemi një ministër të ri të brendshëm, por do të kemi një kryeministër të ri. Unë do të rrëzoj qeverinë”, tha Abazoviç për televizionin lokal Vijesti. “Nuk do ta mbështes më qeverinë, nëse nëse mendoj se ata po bëjnë diçka që është e padrejtë”, shtoi ai.

Kriza e fundit politike në kampin e shumicës qeverisëse erdhi pas protestave të dhunshme në Cetinje, kryeqytetin e vjetër mbretëror të Malit të Zi, të dielën e kaluar, pasi përkrahësit e opozitës dhe grupet e vetëshpallura patriotike u përleshën me policinë, duke u përpjekur të ndalonin emërimin e një serbi të ri në krye të mitropolitit të Kishës Ortodokse.

Ndërsa policia përdori gaz lotsjellës për të shpërndarë protestuesit dhe për të hequr barrikadat që ishin ngritur pranë Cetinjes, Patriarku Ortodoks serb Porfirije dhe Mitropoliti i ri, Joanikije, u desh të transportoheshin në Cetinje me helikopterë të ushtrisë.

Protestuesit pretenduan se vendi i inaugurimit në Cetinje ishte një fyerje për luftën e Malit të Zi për sovranitetin dhe pavarësinë nga Serbia, me të cilën ai u bashkua nga fundi i Luftës së Parë Botërore deri në 2006.

Abazoviç e bëri kërcënimin e tij pasi kryeministri Zdravko Krivokapiç akuzoi ministrin e brendshëm dhe shefin e policisë për hezitim për të shpërndarë protestat kundër emërimit të mitropolitit të ri serb.

Më 7 shtator, Krivokapiç njoftoi një hetim të brendshëm në polici, duke paralajmëruar se “askush nuk do të kursehet, pavarësisht se çfarë pozicioni kanë apo se cila parti politike e mbron atë”.

“Nëse dikush mendon se policia malazeze duhet të menaxhohet në një mënyrë që ne të mund të kemi përfitime politike, kjo nuk do të ndodhë në kurrizin tim,” u përgjigj Abazoviç.

Por dy blloqet e tjera në qeveri kanë kërkuar një hetim, duke akuzuar ministrin e brendshëm dhe kreun e policisë se kanë refuzuar të zbatonin vendimet e qeverisë për protestën në Cetinje.

Partneri më i madh në qeverinë e koalicionit, Fronti Demokratik pro-serb, i bëri thirrje kryeministrit të shkarkojë Sekuloviçin dhe Brdjanin.

Një tjetër parti partnere, Mali i Zi Demokratik, e sfidoi Abazoviçin të rrëzonte kryeministrin, nëse guxonte. “Forca! Rrëzojeni qeverinë, nëse keni guxim. Sigurisht që nuk keni guxim dhe kërcënimet tuaja janë thjesht një blof, si shumë herë më parë”, tha ajo në një deklaratë për shtyp të premten.

Koalicioni i lëkundur i Malit të Zi u përball me telashe më parë kur Fronti Demokratik e akuzoi Krivokapiçin për bashkëpunim të dobët me partitë në pushtet gjatë emërimit të zyrtarëve të policisë dhe propozimeve të ligjeve.

Qeveria u formua më 4 dhjetor të vitit të kaluar, pasi tre blloqe, Për të ardhmen e Malit të Zi, Paqja është kombi ynë dhe E zeza në të bardhë, fituan një shumicë të ngushtë në parlament në zgjedhjet vendimtare në gusht që i dhanë fund sundimit prej tri dekadash të Partisë Demokratike të Socialistëve./Reporter.al/

blank

Angela Merkel sot dhe nesër në vizitë lamtumire në Ballkanin Perëndimor

Kancelarja gjermane Angela Merkel do të shfrytëzojë ditët e fundit të mandatit të saj për të vizituar Ballkanin Perëndimor, ku do të zhvillojë takime me udhëheqësit e vendeve të rajonit në Beograd dhe Tiranë, transmeton Anadolu Agency (AA).

Merkel do të qëndrojë sot në Beograd, ku do të takohet me presidentin serb Aleksandar Vuçiq, kurse një ditë më vonë, më 14 shtator, në Shqipëri.

Fokusi i bisedimeve me Presidentin e Serbisë do të jenë marrëdhëniet dypalëshe, marrëdhëniet ekonomiko-politike dhe çështjet nga perspektiva evropiane, u njoftua më herët nga zyra e kancelares gjermane.

Merkel do të vazhdojë vizitën e saj në Ballkanin Perëndimor në Tiranë, ku do të ketë një takim dypalësh me kryeministrin shqiptar Edi Rama të martën, me të cilin do të diskutojë gjithashtu çështje bilaterale dhe ekonomike, si dhe qasjen e vendit ndaj Bashkimit Evropian.

Pas kësaj, kancelarja do të marrë pjesë në një drekë me kryeministrat e të gjitha vendeve të Ballkanit Perëndimor, në të cilën tema kryesore do të jetë bashkëpunimi rajonal, e ndjekur nga një konferencë shtypi.

Para se të kthehet në Berlin, Merkel do të ketë takime dypalëshe me krerët e qeverive të Kosovës, Maqedonisë së Veriut, Bosnjë dhe Hercegovinës dhe Malit të Zi, njoftoi Ambasada e Gjermanisë në Tiranë.

Angela Merkel do të largohet nga politika pas 16 vitesh si kancelare nga fundi i muajit. Tre kandidatët kryesorë për të pasuar kancelaren gjermane janë Armin Laschet, kandidati i bllokut konservator CDU/CSU, të cilit i përket edhe kancelarja aktuale, Olaf Scholz, kandidati socialdemokrat (SPD, qendra e majtë) dhe Annalena Baerbock e të gjelbërve.

blank

Gjukanoviç: Vuçiçi e do Kosovën pa shqiptarë e Malin e Zi pa malazezë

Presidenti i Malit të Zi, Milo Gjukanoviç, ka thënë se presidenti i Serbisë, Aleksandar Vuçiç, do të dëshironte që në projektin e “Serbisë së Madhe” ta kishte Kosovën por pa shqiptarë dhe Malin e Zi por pa malazezë. Sipas tij, Vuçiqi e konsideron kthimin e Malit të Zi në Serbi kompensimin e vetëm për Kosovën.

Mali i Zi kohëve të fundit është përballur me turbulenca politike e etnike, që nxitën frikën për luftë civile me pushtetin aktual që po akuzohet se po punon në mohim të shtetësisë dhe kombit malazias. Javën e shkuar, Mali i Zi ishte pranë konfliktit me qytetarë që ishin kundër inaugurimit të mitropolitit të Kishës Ortodokse Serbe në Mal të Zi në qytetin historik të Cetinës. Pala malazeze që është kundër ndërhyrjeve serbe po e akuzon presidentin serb Aleksandar Vuçiç për destabilizimin. Këtu bën pjesë edhe Gjukanoviq që e ka cilësuar shumë serioze situatën e fundit.

Në një intervistë për “Jutarnji”, Gjukanoviç ka thënë se Serbia dhe Rusia po duan ta vënë nën kontroll Malin e Zi, në çfarëdo mënyrë që mund të bëhet.

“Serbia sepse mendon se është koha e duhur për të bërë rivizatim kufijsh në Ballkan e Rusia që të dërgojë mesazh për NATO-n, BE-në e shtetet në rajon”, ka thënë ai.

Duke i konsideruar jo të sinqerta deklaratat e Vuçiqit se Serbia e njeh pavarësinë e Malit të Zi, Gjukanoviç ka thënë se Mali i Zi për Serbinë është një lloj kompensimi në mënyrë që të pranojë Kosovën e pavarur.

Megjithatë, ai ka thënë se Serbia do të donte kthimin e Kosovës, por pa shqiptarët, e kthimin e Malit të Zi, por pa malazezët si kombe.

“Ata do të donin ta kishin Kosovën, por pa shqiptarët. Siç do ta donin Malin e Zi, por pa malazezët. Është e qartë se për Beogradin, Mali i Zi do të ishte kompensimi i vetëm real për Kosovën”, ka thënë ai.

Gjukanoviç megjithatë ka shtuar se pa Malin e Zi në “botën serbe” projekti i Serbisë së Madhe është “përgjithmonë i vdekur”.

“Do të sigurohemi për këtë”, ka deklaruar ai./koha.net

blank

Ambasadori amerikan në Athinë: Konflikti Turqi-Greqi nuk është në interes të SHBA

Athinë

Ambasadori i SHBA-së në Athinë, Geoffrey Pyatt, duke theksuar se “ai nuk e pranon mendimin se një konflikt mes Turqisë dhe Greqisë është i pashmangshëm”, tha se një gjë e tillë nuk do të ishte në interes të Washington-it, transmeton Anadolu Agency (AA).

Pyatt, në fjalimin e tij në panelin online “Kushtet e Ndryshuar: Gara për Fuqinë e Madhe në Mesdheun Lindor”, të organizuar nga Qendra Evropiane për Analizën e Politikave, vlerësoi zhvillimet në Mesdheun Lindor dhe çështjet rajonale.

Sipas tij Greqia është një aleat i rëndësishëm për Shtetet e Bashkuara të Amerikës në Mesdheun Lindor, ndërsa ai tërhoqi vëmendjen në marrëdhëniet e afërme që Greqia ka krijuar me Izraelin, Libanin, Emiratet e Bashkuara Arabe (EBA), Jordaninë, Egjiptin dhe Libinë në vitet e fundit.

Duke vënë në dukje se ata mbështesin aleancën e formulës 3+1 të krijuar në rajon me Greqinë, Izraelin, Administratën Qipriote Greke dhe SHBA-në, Pyatt argumentoi se Athina në mënyrë të përsëritur ka deklaruar se është e hapur për pjesëmarrjen e Turqisë në Forumin e Gazit të Mesdheut Lindor.

Pyatt theksoi se Korridori Jugor i Gazit, i cili lidhet me marrëdhënien midis Gazsjellësit Trans Adriatik të Gazit Natyror (TAP) dhe Turqisë, është një nga shembujt më të mirë të bashkëpunimit rajonal në fushën e energjisë në Evropë. “Kjo është një fushë që mundëson krijimin e kanaleve të reja të bashkëpunimit dhe fito-fito. Unë nuk e pranoj mendimin se një konflikt midis Greqisë dhe Turqisë është i pashmangshëm dhe sigurisht që kjo nuk është në interesin e SHBA-së”, u shpreh Pyatt.

Ambasadori amerikan pretendoi se vitin e kaluar SHBA-ja ka punuar bashkë me Gjermaninë dhe Francën për të ulur tensionin e rritur vitin e kaluar mes Greqisë dhe Turqisë në Mesdheun Lindor, duke shtuar se aleatët e NATO-s mund të bashkëpunojnë gjithashtu edhe në çështje të tilla si zhvillimi ekonomik, luftimi i pandemisë, krizës klimatike dhe zjarreve pyjore.

blank

Gjeloshaj: Joanikije të distancohet nga ata që kënduan për Kosovën

Kryetari i Tuzit, Nik Gjeloshaj.

 

RFE/RL

Kryetari i Komunës së Tuzit në Mal të Zi, Nik Gjeloshaj, i bëri thirrje mitropolitit të Kishës Ortodokse Serbe në Mal të Zi, Joanikije, që të distancohet nga ata që kënduan këngë nacionaliste me vargjet “Kur ushtria të kthehet në Kosovë”, gjatë shugurimit të tij, më 5 shtator.

Këto vargje mund të shihen në kontekstin e thirrjes për luftë, tha Gjeloshaj.

Deklarata e tij, e cila u transmetua nga mediat, u konfirmua të martën për Radion Evropa e Lirë nga zyra e tij.

“Unë e shoh këtë si abuzim me fenë, sepse nuk është më politikë. Kosova është shtet i pavarur. Për mua është e pakuptueshme që dikush nga kisha të thërrasë ushtrinë; domethënë, bën thirrje për luftë. Unë mendoj se ka elemente për hetimin e prokurorisë”, tha kryetari i Tuzit, komunë me shumicë shqiptare.

Kreu i Kishës Ortodokse Serbe në Mal të Zi, Joanikije, është shuguruar të dielën në qytetin e Cetinës.

Në mediat sociale është shfaqur një video që tregonte priftërinj dhe besimtarë në oborrin e brendshëm të Manastirit të Cetinës, duke kënduar një këngë që përmban vargjet “Kur ushtria të kthehet në Kosovë”.

Shugurimi i Joanikijes ka shkaktuar incidente edhe midis malazezëve dhe serbëve të Malit të Zi.

Cetina është qendra kulturore dhe historike e këtij vendi dhe simbol i identitetit shpirtëror dhe shtetëror për malazezët, por, në të njëjtën kohë, qyteti është seli e Mitropolisë së Kishës Ortodokse Serbe në Mal të Zi.

blank

Kush ishte Amfilohije, për të cilin sot priftërinjtë serbë kënduan “Kur ushtria të kthehet në Kosovë” (VIDEO)

Ish-mitropoliti Amfilohije Radoviq, për të cilin priftërinjtë serbë sot në Cetinje të Malit të Zi kënduan për kthimin e ushtrisë serbe në Kosovë, ishte idoli i nacionalistëve e kriminelëve serbë. Një pjesë e mirë e popullit malazez e kujton atë si nxitës të luftës. Amfilohije mbahet mend gjithashtu për mikpritjen që ia kishte bërë kriminelit të luftës Zheljko Raznatoviq – Arkan në manastirin në Cetinje, ku sot mes kaosit u shugurua kreu i ri serb i Kishës Ortodokse, raporton agjencia kroate e lajmeve, Index.hr, transmeton Gazeta Express.

Mitropoliti Amfilohije ishte gjithashtu i njohur për mallkimet e tij. Në një nga më të cituarat, në prag të pranimit të Malit të Zi në NATO, ai tha: “Kushdo qoftë kundër Rusisë dhe Ortodoksisë me një gjak, një besim dhe një gjuhë, mishi i gjallë i rëntë nga trupi! Mallkuar qoftë ai tre herë, dhe tre mijë herë!”.

Ndikimi i Amfilohije në Malin e Zi ishte aq i madh sa besohet se ai bashkoi koalicionin pro-serb “Për Ardhmërinë e Malit të Zi”, ku bën pjesë edhe shqiptari Dritan Abazoviq në pozitën e zëvendëskryeministrit. Thuhet se ishte po ai që në krye të këtij koalicioni e caktoi Zdravko Krivokapiqin, i cili sot është kryeministër i Malit të Zi.

blank
Amfilohije Radoviq

Në fund të shtatorit, në prag të seancës konstituive të parlamentit malazez, Amfilohije mblodhi drejtuesit e qeverisë së re në manastirin e Ostrogut, duke u kërkuar atyre ta mbështesin Krivokapiqin si kryeministër.

Siç vërehet në një video të “Vecernji novostit” serb, priftërinjtë në manastirin e Certinjes kënduan këngën “Ječam žela”, tekstet e së cilës përmbajnë pjesë ku thuhet “Kur ushtria të kthehet në Kosovë”.

Shqiptari Dritan Abazoviq, zëvendëskryeministër i Malit të Zi, e ka përkrahur shefin e tij proserb në qasjen ndaj protestave të qytetarëve malazezë kundër shugurimit të kreut të Kishës Ortodokse Serbe në Cetinje. Derisa malazezët që kundërshtojnë ndikimin serb dhe mbrojnë identitetin e tyre kombëtar protestonin, brenda Manastirit në Cetinje po mbahej ceremonia ku, ndër të tjera, po këndohej “kur ushtria të kthehet në Kosovë”. Para kësaj ceremonie,  dolën pamjet ku Abazoviqi ishte takuar me krerët e Kishës Serbe.

Abazoviq, përmes një postimi në Twitter ka thënë se njerëz të afërt të presidentit malazez, Milo Gjukoniviqi qëndrojnë prapa protestës, duke shtuar se “gjithçka është e qartë për këdo”.

Para dy ditësh, ai tha se është krijuar atmosferë e tillë, pra kundër ceremonisë së shugurimit të kreut të Kishës Serbe, “vetëm që të ngadalësohet luftimi i krimit të organizuar”, raportonte Vijesti.me.

Mitropoliti Joanikije u shugurua të dielën në mëngjes në kryeqytetin historik fetar të Malit të Zi, pavarësisht kundërshtimit nga mijëra protestues që i mbajtën rrugët e bllokuara për në Cetinje për dy ditë rresht.

Mitropoliti Joanikije dhe Patriarku serb, Porfirije arritën në Cetinje me helikopter dhe të shoqëruar nga një njësi speciale e policisë, ndërsa forcat e policisë thyen barrikadat dhe protesta u përshkallëzua në zemër të kryeqytetit malazez dhe në rrugë.

Protestat e fundit tregojnë qartë tensionet në Malin e Zi midis banorëve që mbrojnë lidhjet e ngushta me Beogradin dhe malazezët patriotë që e kundërshtojnë këtë, trasmeton Express.

Ceremonia u parapri nga incidentet në të cilat, sipas të dhënave zyrtare, shtatë policë u plagosën dhe dhjetëra protestues kërkuan ndihmë mjekësore. Po ashtu, 14 persona u arrestuan, në mesin e të ciëve edhe këshilltari i sigurisë i presidentit të Malit të Zi Milo Gjukanoviq, Veselin Veljoviq.

Kryeministri malazez, Zdravko Krivokapiq tha se sulmi ndaj policisë ishte sulm ndaj shtetit.

Në një reagim të jashtëzakonshëm pas situatës kaotike në Cetinje dhe shugurimit të mitropolitit të ri të Kishës Ortodokse Serbe, Joanikije II, presidenti i Malit të Zi, Milo Gjukanoviq tha se “vetëm një njeri pa dinjitet do ta lejonte veten të futej në manastirin e Cetinjes me helikopter”.

“Sot në Cetinje, ne ishim dëshmitarë të turpit të madh të Kishës Ortodokse Serbe dhe Qeverisë së Malit të Zi, një turp i paparë në historinë e gjatë të shtetit malazez, dhe njëlloj në historinë e ortodoksisë së përgjithshme”, tha presidenti malazez.

Protestat e fundit tregojnë qartë tensionet në Malin e Zi midis banorëve që mbrojnë lidhjet e ngushta me Beogradin dhe malazezët patriotë që e kundërshtojnë këtë.

Mali i Zi u shkëput nga Serbia në vitin 2006, por kisha e saj nuk është bërë autoqefale dhe është nën kujdesin e Kishës Ortodokse Serbe, të cilën kundërshtarët e shohin si simbol të ndikimit të Serbisë në Malin e Zi të pavarur.

blank

Piloti akrobatik italian thyen rekordin botëror për fluturimin më të gjatë me avion përmes tunelit

“E morëm shpërblimin e kësaj pune të madhe. Për mua kjo është dëshmi se me të vërtetë mund të keni ëndrra të mëdha dhe se mund arrini sukses nëse bëni përpjekje”, tha piloti Costa

Elif Ferhan Yeşilyurt   |05.09.2021
Stamboll

Piloti italian i Red Bull, Dario Costa ka hyrë në librin e rekordeve Guinness duke thyer rekordin botëror “për fluturimin më të gjatë me avion përmes tunelit”. Ai kaloi për 43.44 sekonda në tunelet T1 dhe T2 në autostradën Marmara Veriore në rajonin Çatalca në Stamboll, raporton Anadolu Agency (AA).

Në një deklaratë nga Red Bull thuhet se sportisti i Red Bull, Dario Costa, një nga pilotët akrobatikë më kryesorë në botë ka thyer rekord botëror me kalimin nga tunelet T1 dhe T2 me një kohë 43.44 sekonda. Piloti italian në tunelin e parë të rrethuar plotësisht me beton bëri një ngritje me mjeshtëri dhe kaloi në hapësirën boshe që ndodhet mes dy tuneleve. Costa arriti një shpejtësi mesatare 245 kilometra në orë në tunelin e dytë dhe arriti të kalojë me sukses edhe tunelin e dytë me një fluturim në një lartësi të ulët prej më pak se 1.6 metra.

Piloti Costa, për shkak të lartësisë së kufizuar brenda tunelit zhvilloi fluturimin deri në lartësinë 110 deri në 140 centimetra ndërsa arriti të menaxhojë me sukses një distancë të ngushtë prej rreth 4 metra mes dy majave të krahëve dhe mureve të tunelit.

Ndërsa Costa përgatitej të hynte në grykën e ulët dhe të ngushtë në tunelin e dytë avioni u tij u përball me erërat anësore. Pavarësisht kësaj Costa nuk e humbi kontrollin dhe duke përfunduar pa gabime performancën e tij ai këtë sukses të arritur e festoi me një rrotullim 360 gradë.

Mentorimin e Costa-s në projektin e emërtuar “Tunnel Pass” e mori përsipër sportisti i Red Bull, piloti i garave dhe shfaqjeve akrobatike, hungarezi legjendar i aviacionit Peter Besenyei.

Gjithashtu në deklaratë përfshihen edhe fjalët e pilotit Costa, i cili duke bërë të ditur se më parë askush përfshirë edhe ai vetë nuk ka provuar të fluturojë brenda një tuneli.

“Për këtë arsye në kokën time kishte një pikëpyetje nëse çdo gjë do të shkonte apo jo ashtu siç pritej. Kur ndeza motorin e dija që këtë punë duhet ta kryeja ashtu si duhej. Ndoqa të gjitha hapat që kisha projektuar në mendjen time. Kur hyra në tunel për shkak të erës anësore avioni lëvizi djathtas. Në atë moment për mua u ngadalësua çdo gjë. U përqendrova të kthej avionin në pozicionin e mëparshëm dhe çdo gjë më pas vazhdoi të shpejtohet në mendjen time”, tha Costa duke vazhduar:

“Ky projekt ishte një udhëtim i pabesueshëm, shumë emocionues. Ky ishte një projekt që u vendos në zbatim me një ekip prej 40 personash dhe jo vetëm nga Dario Costa. Në performanca të tilla mund të arrini sukses duke punuar shumë. E morëm shpërblimin e kësaj pune të madhe. Për mua kjo është dëshmi se me të vërtetë mund të keni ëndrra të mëdha dhe se mund arrini sukses nëse bëni përpjekje”.

Piloti 41-vjeçar Dario Costa, është piloti i parë italian i cili ka fituar kategorinë më të lartë të Kampionatit Akrobatik Italian dhe që ka arritur fitore duke marrë pjesë në Red Bull Air Race Challenger Class. Me mbi 20 vjet përvojë fluturimi dhe arritje në panumërta në aviacion, Costa deri më sot ka qëndruar në ajër mbi 5 mijë orë.

blank

Protestat në Mal të Zi, raportohet për dhjetëra të plagosur

Dhjetëra persona janë plagosur në protestat që u mbajtën në Mali të Zi më 5 shtator kundër ceremonisë së shugurimit të kreut të Kishës Ortodokse serbe në Mal të Zi, Joanikije në qytetin e Cetinjes.

Policia përdori gaz lotsjellës për të shpërndarë qindra protestues, disa prej të cilëve hodhën gurë, shishe dhe fishekzjarre në drejtim të policisë. Disa njerëz dogjën goma dhe u ulën në rrugë.

Zëvendësdrejtori i policisë në Mal të Zi, Dragan Goroviç, tha për televizionin shtetëror se 20 pjesëtarë të policisë janë plagosur, ndërsa një klinikë shtetërore në Cetinje tha se rreth 30 civilë kërkuan ndihmë mjekësore.

Kryeministri malazez, Zdravko Krivokapic i cilësoi sulmet ndaj policisë si terrorizëm. Ai fajësoi Partinë Demokratike të Socialistëve të presidentit Millo Gjukanovic për organizimin e protestave.

Krivokapiq vjen nga Fronti Demokratik pro-serb, parti kjo që udhëheq me qeverinë malazeze, pasi vitin e kaluar rrëzoi Partinë Demokratike të Socialistëve, pas 30 vjetësh në pushtet.

Gjukanovic, i cili kundërshtoi ceremoninë, akuzoi policinë për forcë të tepruar. Sipas tij, në Cetinje u dëshmua “turpi i madh i Kishës Ortodokse Serbe (KOS) dhe Qeverisë së Malit të Zi”.

Ambasadat e Gjermanisë, Italisë, Francës, Britanisë, Shteteve të Bashkuara dhe Bashkimit Evropian dënuan dhunën.

Forca Të Sigurisë Përcjellin Patriarkun Portfirije Dhe Peshkopin Joanikije Në Një Helikopter Pranë Manastirit Në Cetinje, Mali I Zi, 5 Shtator 2021.
Forca Të Sigurisë Përcjellin Patriarkun Portfirije Dhe Peshkopin Joanikije Në Një Helikopter Pranë Manastirit Në Cetinje, Mali I Zi, 5 Shtator 2021.

Mali i Zi shpalli pavarësinë më 2006, por kisha e tij mbeti nën kishën serbe.

Në Mal të Zi ka ndasi të thella sa i takon lidhjeve të vendit të tyre me Serbinë dhe Kishën Ortodokse Serbe. Rreth 30 për qind e popullsisë prej 600,000 banorësh të vendit identifikohen si serbë dhe e përkrahin Kishën Ortodokse Serbe.

Malazezët tjerë dëshirojnë një kishë ortodokse të ndarë nga ajo serbe. Kundërshtuesit e ceremonisë së zhvilluar në Cetinje e shohin atë si një simbol të “pushtimit” të Malit të Zi.

Ata kërkuan që ajo të mbahet në çdo qytet tjetër malazez, përveç Cetinjës. Ky qytet nga malazezët konsiderohet si qendër kulturore dhe historike.

 

blank

Dritani i Qeverisë proserbe krah krerëve të Kishës Serbe që sot kënduan “kur ushtria të kthehet në Kosovë”

Dritan Abazoviqi e ka përkrahur shefin e tij proserb në qasjen ndaj protestave të qytetarëve malazezë kundër shugurimit të kreut të Kishës Ortodokse Serbe në Cetinje. Derisa malazezët që kundërshtojnë ndikimin serb dhe mbrojnë identitetin e tyre kombëtar protestonin, brenda Manastirit në Cetinje po mbahej ceremonia ku, ndër të tjera, po këndohej “kur ushtria të kthehet në Kosovë”. Para kësaj ceremonie,  dolën pamjet ku Abazoviqi ishte takuar me krerët e Kishës Serbe, për t’u koordinuar.

Dritan Abazoviq, partner dhe zëvendës i kryeministrit malazez, Zdravko Krivokapiq, që vjen nga linja politike proserbe, ka qenë kundër prostestave para Manastirit të Cetinjes, ku kundërshtohej shugurimi i kreut të ri të Kishës Ortodokse Serbe, në qytetin që dikur ishte kryeqendra e malazezëve.

Dritan Abazoviq është shqiptari me detyrën më të lartë shtetërore. Ai është zëvendëskryeministër në qeverinë më proserbe të Malit të Zi, në 30 vjetët e fundit.

Mali i Zi këto ditë është përballur më trazira, pasi protestuesit kundërshtonin që ceremonia e shugurimit të kreut të ri të Kishës Ortodokse Serbe të bëhej në qytetin e Cetinjes. Këta protestues kanë kundërshtuar ndikimin dhe fuqinë serbe në Mal të Zi, duke mbrojtur identitetin e tyre shtetëror, të ndarë prej Serbisë.

Mirëpo, këto protesta, Abazoviq i ka konsideruar të shtyra politikisht nga presidenti Milo Gjukanoviq, i linjës properëndimore. Para dy ditësh, Abazoviq ka thënë se deputetë të partisë Socialdemokratike kanë për qëllim rritjen e tensioneve, e jo sigurinë e qytetarëve, kur u kërkua anulimi i ceremonisë së shugurimit në Manastirin e Cetinjes.

Në media është publikuar një fotografi nga Podgorica, ku shihet zv.kryeministri Abazoviq me krerë të Kishës Serbe.

blank

Ndërkaq sot, kur u bë ceremonia e shugurimit dhe u rritën tensionet, Abazoviq, përmes një postimi në Twitter ka thënë se njerëz të afërt të Gjukoniviqit po qëndrojnë prapa protestës, duke shtuar se “gjithçka është e qartë për këdo”.

Para dy ditësh, ai tha se është krijuar atmosferë e tillë, pra kundër ceremonisë së shugurimit të kreut të Kishës Serbe, “vetëm që të ngadalësohet luftimi i krimit të organizuar”, raportonte Vijesti.me.

blank

Me gjithë kundërshtitë, ceremonia e shugurimit u krye sot paradite, ndërsa krerët e Kishës Serbe u larguan të përcjellë nga forcat anti-terror, deri te helikopteri që i çoi në Podgoricë.

Protestuesit kishin vënë barrikada në rrugë për të penguar ardhjen e krerëve të Kishës Ortodokse Serbe në manastirit e qytetit të Cetinjes, që dikur ishte kryeqytet i Malit të Zi.

Përveç protestuesit me Polici, janë përplasur edhe udhëheqësit më të lartë të shtetit malazez.

Kryeministri malazez, Zdravko Krivokapiq, që vjen nga linja politike proserbe, ka akuzuar se këto protesta ishin të porositura për veprime terroriste. Ndërkaq presidenti Gjukanoviq, partia e së cilit e ka humbur pushtetin vitin e kaluar, i ka përkrahur protestat.  /Express/

blank

Një ceremoni fetare shkakton trazira në Cetinje të Malit të Zi

RFE/RL

Në një situatë të tensionuar, në Cetinje të Malit të Zi është mbajtur ceremonia e shugurimit të Kreu i Kishës Ortodokse Serbe në Mal të Zi, Joanikije.

Patriarku i Kishës Ortodokse Serbe, Porfirije, shkroi në rrjetin social Instagram se ka bërë shugurimin e Joanikijes duke u lutur për paqen e të gjithëve, paqen e të gjithë botës, dhe mbi të gjitha për paqen e këtij qyteti.

Më 4 dhe 5 shtator protestuesit kanë kundërshtuar mbajtjen e kësaj ceremonie në qytetin e Cetinjës.

Ata dolën në rrugë dhe vendosën barrikada në hyrje të qytetit për të penguar arritjen e krerëve të Kishës Ortodokse Serbe nga Podgorica në Cetinje.

Por Porfirije dhe Joanikije u transportuan me helikopter deri në Manastirin e Cetinjës.

Janë raportuar edhe përleshje me policinë malazeze. Forca të shumta të sigurisë janë vendosur në qytet.

Përveç ndasive brenda përkrahësve të Kishës Ortodokse Serbe dhe asaj të Malit të Zi, ceremonia ka nxitur përplasje edhe mes udhëheqësve shtetëror.

Kryeministri i Malit të Zi, Zdravko Krivokapiq tha se ngjarjet në Cetinje janë një përpjekje për veprime terroriste dhe porositësit dhe organizatorët janë udhëheqja më e lartë e Partisë Demokratike të Socialistëve në bashkëpunim me grupet e organizuara kriminale.

“Sulmi ndaj policisë është një sulm ndaj shtetit”, shkroi Krivokapiq në rrjetin social Twitter.

Krivokapiq vjen nga Fronti Demokratik pro-serb, parti kjo që udhëheq me qeverinë malazeze, pasi vitin e kaluar rrëzoi Partinë Demokratike të Socialistëve, pas 30 vjetësh në pushtet.

Presidenti i Malit të Zi, Millo Gjukanoviq, nga Partia Demokratike e Socialistëve, arriti në Cetinje më 4 shtator. Ai kishte thënë më herët se do të shkonte në protestë nëse Kisha Ortodokse Serbe nuk heq dorë nga ceremonia. Ai u ka bërë thirrje qytetarëve që të kontribuojnë në ruajtjen e paqes, stabilitetit dhe harmonisë shumëetnike.
Pse u kundërshtua ceremonia e shugurimit në Cetinje?

Kisha Ortodokse e Malit të Zi është nën Kishën Autoqefale të Serbisë. Ajo synon pavarësimin nga Kisha Ortodokse Serbe.

Qyteti Cetinje, dikur ka qenë kryeqendra e Malit të Zi ndërsa sot konsiderohet si kryeqyteti kulturor dhe historik i këtij vendi.

Vlladimir Veljkoviq një historian nga Serbia që merret me studimet e fesë i tha Radios Evropa e Lirë se pretendimet e Kishës Ortodokse Serbe (KOS) dhe Kishës Ortodokse Malazeze kryqëzohen në Cetinje.

“Në radhë të parë Cetinje është kryeqyteti i vjetër i Malit të Zi dhe nga ana tjetër është gjithashtu selia e peshkopëve malazezë, gjegjësisht Mitropolia e Malit të Zi, dhe tani padyshim që kemi dy koncepte të ndryshme lidhur me simbolikën e Cetinjës”, thotë Veljkoviq.

Kjo nuk është hera e parë që ka pasur tensione në këtë qytet.

Më 1992, Mitropoliti i atëhershëm Amfilohije dërgoi anëtarë të armatosur të formacioneve paramilitare nga Serbia, të udhëhequra nga Zheljko Raznatoviq (i njohur si Arkan), në ambientet e Manastirit të Cetinjës, me arsyetimin se duhet të mbrohet nga “separatistët malazezë”.

Në 30 vjetët e fundit, festat fetare në atë qytet, shënohen në praninë e forcave të shumta policore, pasi përkrahësit e Kishës Ortodokse Serbe dhe asaj malazeze jo-kanonike festojnë të ndarë.

Në fillim të marsit, një grup qytetarësh qëndruan në rrugë derisa delegacioni i Qeverisë së Malit të Zi, vendosi një kurorë me lule mbi varrin e mbretit Nikolla, sovranit të fundit malazez. Qytetarët thërrisnin “çetnikë!” dhe “Mali i Zi nuk do të jetë kurrë bregdeti i detit serb”.

Sesioni i parë pranveror i Parlamentit të Malit të Zi më 25 mars, i cili zakonisht mbahet në Cetinje, u zhvillua nën masa të rrepta sigurie. Derisa zyrtarët po mbërrinin në qytet, rreth dyqind qytetarë u mblodhën dhe brohoritën “Kjo nuk është qeveria jonë” dhe “Tradhti”.

Cetinja ishte i vetmi qytet në Malin e Zi me shumicë ortodokse, në të cilin nuk u organizuan tubime protestuese të Kishës Ortodokse Serbe kundër Ligjit për Liritë Fetare gjatë vitit 2020.

Miratimi i këtij ligji pati shkaktuar tensione të larta në Mal të Zi.

Kisha Ortodokse Serbe ka mbështetjen e një pjese të elitës politike në Mal të Zi dhe pretendon pronësinë e shumë kishave dhe manastireve të cilat i konsideron si të vetat.

Ligji për liritë fetare, ishte miratuar në vitin 2019, në kohën kur në pushtet ishte partia e Gjukanoviqit, dhe kërkonte nga komunitetet fetare të dëshmojnë se janë pronarë të pronave para vitit 1918.

Qeveria e re – që doli pas zgjedhjeve të gushtit 2020 – e ndryshoi ligjin me qëllim që të sigurohet se pronat do të mbeten në dorën e Kishës, që selinë e ka në shtetin fqinj, Serbi.

Kush e kundërshtoi ceremoninë në Cetinje?

Shoqatat kombëtare malazeze, pothuajse e gjithë opozita e udhëhequr nga Partia Demokratike e Socialistëve (DPS) e presidentit Millo Gjukanoviq dhe përfaqësuesit e komunës së Cetinjës e kundërshtuan ceremoninë e marrjes së detyrës së mitropolitit të Kishës Ortodokse Serbe në Mal të Zi, Joanikije.

Ata e shohin ceremoninë si një simbol të “pushtimit” të Malit të Zi dhe një përpjekje për ta futur Malin e Zi në të ashtuquajturën “botë serbe”.

Këtë ide e shfaqi për herë të parë ministri i Brendshëm i Serbisë, Aleksandar Vulin.

Vulin tha në një tubim të partisë së tij më 18 korrik, se “detyrë e këtij brezi politikanësh është të krijojë botën serbe” dhe “t’i bashkojë serbët kudo që jetojnë”.

Kundërshtuesit e ceremonisë kanë kërkuar që ajo të mbahet në çdo qytet tjetër malazez, përveç Cetinjës.

Ky qytet nga malazezët konsiderohet si qendër kulturore dhe historike.

Mitropoliti Joanikije i tha Radios Svetigora më herët se “Mali i Zi nuk është vetëm Cetinje”.

“Ata ende nuk kanë krijuar shtetin e tyre të quajtur Cetinje”, tha Joanikije.

Komuniteti Ndërkombëtar kërkoi uljen e tensioneve

Shtetet e Bashkuara u kanë bërë thirrje të gjithë aktorëve, veçanërisht udhëheqësve politikë në Malin e Zi, që të ndihmojnë në uljen e tensioneve.

Kështu është thënë në një përgjigje të Departamentit të Shtetit për Zërin e Amerikës.

“Të gjithë, veçanërisht udhëheqësit politikë, duhet të bëjnë pjesën e tyre për të ulur dhe jo për të tensionet pasi siguria publike është thelbësore”, ka thënë një zëdhënës i Departamentit të Shtetit.

Më parë, Zyra e Kombeve të Bashkuara në Malin e Zi dhe Bashkimi Evropian shprehën shqetësim sa i takon tensioneve në rritje, retorikës përçarëse dhe mungesës së tolerancës.

“Ne i bëjmë thirrje të gjithëve, veçanërisht atyre që mbajnë pozita me autoritet dhe ndikim, të ofrojnë kontribut të drejtpërdrejtë në qetësimin e tensioneve dhe ndërtimin e besimit”, ka thënë koordinatori i Përhershëm i OKB-së, Peter Lundberg, në emër të ekipit të OKB -së në Mal të Zi.

Zëdhënësja e Komisionit Evropian (KE) Ana Pisonero tha se nxitja e ndarjeve etnike dhe fetare dhe mungesa e tolerancës janë “të rrezikshme për sigurinë dhe mirëqenien e të gjithë qytetarëve”.
Çfarë thonë ekspertët?

Paul McCarthy, nga Instituti Republikan Ndërkombëtar, fajëson të gjitha palët për përshkallëzimin e tensioneve në prag të ceremonisë së organizuar nga Kisha Ortodokse Serbe, e cila, siç thotë ai, duhet të zbusë retorikën, shkruan Zëri i Amerikës.

Ndërsa Edward Joseph, nga Universiteti Johns Hopkins, e sheh situatën aktuale si vazhdim të përpjekjeve për të ndryshuar orientimin pro-perëndimor të qeverisë malazeze, me mbështetjen e Beogradit dhe Moskës.

Serbia dhe Mali i Zi kanë qenë pjesë e një federate deri më 2006, kur Mali i Zi shpalli pavarësinë.

Mali i Zi është pjesë e NATO-s dhe aspiron që të bëhet anëtar i Bashkimit Evropian.


blank
blank
blank
blank
blank
blank
blank
blank
blank
blank
blank
blank
Send this to a friend