Pamje nga konferenca e sotme në Prishtinë.

Emërimet dhe punësimet mbi bazën e familjarizimit, dëmtojnë rëndë punësimin e kuadrove profesionale në Kosovë, ka deklaruar të hënën ambasadori i Britanisë së Madhe në Prishtinë, Ruairi O’Connell.

Ai i bëri këto komente, në konferencën për shënimin e trevjetorit të Memorandumit të Mirëkuptimit për rekrutimin e pozitave të larta drejtuese në mes të Ambasadës Britanike dhe institucioneve të Kosovës.

Ambasadori britanik tha se qasja e institucioneve të Kosovës në favor të nepotizmit ndikon në penalizmin e profesionalitetit, çka rrjedhimisht, sipas tij, dëmton punësimin mbi bazën e meritave në pozitat e larta drejtuese.

O’Connell tha se dështimi i këtij projekti është përgjegjësi e politikanëve në Kosovë.

“Vitin e kaluar në konferencën e njëjtë pata deklaruar se projekti po shkon më mirë se që kemi pritur. Për fat të keq, këtë vit nuk mund ta them të njëjtën gjë. Në fakt kemi kthim prapa. Kemi raportime shqetësuese për interferim në proces. Falsifikimi i dokumenteve për të përmbushur kriteret formale, konflikti i interesit mes panelit dhe kandidatëve të intervistuar apo thjesht në favor të një kandidati, zakonisht i paracaktuar ta fitojë pozitën”, tha O’Connell.

Memorandumi ishte nënshkruar në vitin 2016, nga Ambasada britanike në Kosovë me Kuvendin dhe Qeverinë e Kosovës, për siç thuhet, pavarësimin e bordeve të agjencive të pavarura.

Kryeministri i Kosovës, Ramush Haradinaj nuk e ka mohuar se gjatë proceseve të rekrutimit janë shënuar dëme.

“Duhet ta pranojmë që kemi edhe lëshime, kemi edhe dëme me të cilat duhet të përballemi, por e falënderojmë Ambasadën britanike për trajtimin e këtyre dëmeve. Deri tani 44 pozita të larta janë realizuar me partneritetin me ambasadën britanike dhe jemi pajtuar që të vazhdojmë edhe më tutje për pozitat që kemi para nesh”, tha Haradinaj.

Kryetari i Kuvendit të Kosovës, Kadri Veseli bëri thirrje për parandalimin e emërimeve jomeritore, pasi sipas tij, kjo po ndikon në largimin e të rinjve nga Kosova.

“Situatën nuk e kemi aq mirë me emërimet, për shkak se besimi i qytetarëve nuk është i duhur dhe kur nuk ka besim, kemi një ftohje të tyre dhe prirje për t’u larguar nga Kosova. Kjo nuk i duhet Kosovës, aq më tepër kur numri i popullatës po zvogëlohet dita e ditës. Unë inkurajoj shoqërinë civile, mediat, si dhe bartësit e institucioneve, që të bëhen më të zëshëm në ndalimin e tyre për shkak se do ta shkatërrojnë perspektivën tonë”, tha Veseli.

Emërimi i anëtarëve në bordet e ndërmarrjeve publike në Kosovë është një ndër proceset që vazhdimisht është kritikuar nga shoqëria civile në Kosovë, e së fundmi, edhe nga faktori ndërkombëtar.

Së fundi, Shtetet e Bashkuara të Amerikës, Britania e Madhe dhe Bashkimi Evropian kanë reaguar lidhur me emërimin nga Kuvendi i Kosovës, të Naser Shalës në pozitën e drejtorit të Sekretariatit të të Agjencisë Kosovare të Krahasimit dhe Verifikimit të Pronës.

Ambasadori i Britanisë së Madhe në Kosovë, Ruairi O’Connell ka dhënë dorëheqje nga pozita e kryetarit të Bordit të kësaj agjencie, në shenjë pakënaqësie për emërimin e Shalës, duke e konsideruar se ai nuk i ka përmbushur kriteret.

Kryeministri i Kosovës Ramush Haradinaj ka folur për “incidentin” që ka pasur me përfaqësuesen e Bashkimit Evropian, Federica Mogherini gjatë një takimi.
Në “Debat Plus” në RTV Dukagjini, Haradinaj tha se është e vështirë të arrijmë një marrëveshje finale me Serbinë në kohën kur Mogherini është në fund ta mandatit dhe në strukturat e BE-së ka zgjedhje.

“Kam pasur thyerjet e mia me zonjën Mogherini si kryetar i qeverisë së Kosovës. Në takimin e parë i kam përmend asaj rolin e Amerikës në negociata, ajo nuk ka dalë me mua në konferencë për shtyp. Më ka thënë ‘zoti Kryeministër, nëse ti mban këtë qëndrim ne nuk mund të dalim bashkë në konferencë’”.

“I kam thënë ‘në rregull zonja Mogherini shihemi në mbledhjen e ardhshme’. Unë kam kërkuar rolin e Amerikës në tavolinë. Nuk është krejt rastësi se si ka hyrë Amerika në bisedime. Ne jemi duke parë fatkeqësisht vetëm sot për sot”, tha ai.

Kryeministri ka thënë se zonja Mogherini e ka të lehtë të luajë rolin e saj në ndërmjetësimin mes Kosovës dhe Serbisë.
“Mogherini duhet të nxjerrë arkivat e veta dhe të thërrasë amerikanët, ata kanë një material… Le të vijë në Kosovë vetë e katërta dhe të sjellë një kontratë. Të thërrasë delegacionin shtetëror dhe ne shohim nëse duam të aprovojmë marrëveshjen. Nuk jam për të shtyrë aspak marrëveshjen, por jo të paguajmë një kosto”, tha ndër të tjera Haradinaj.

Prishtinë

Nepotizmi nuk është sqaruar sa duhet deri me tash si mardhënje familjare , kurse klienetela shpjegohet si fenomen i të fuqishmive , të cilët më çdo kusht e mbrojnë atë që e fitojnë pa marre parasysh së si arrihet kjo.Shteti shërben si mbulesë përsonale të pronës shtetërore. Makroekonomia është shume e pershtatshme për këto dy dukuri .Përdorën mjete dhe metoda ku qytetarët nuk I marrin vesh, në dukje të parë janë të sofistikuara dhe të buta.

Përdorën strategji dhe metoda indirekte të tjetërsimit të pronës shoqërore. Sigurisht së operohet me metoda të ndikimit politik dhe metoda tjera të veprimit.Ne këte kontest vjen në pyetje edhe shpërlarja e parasë në forma të ndryshme të ndërtimeve dhe në infrastrukturë, duke përdorë politikën ireale dhe metoda tjera despotike -klienteliste. Nuk planifikohet zhvillimi ekonomik , por bëhët fjalë për plaçkitje të legalizuar, si logjikë e pakontrolluar , duke ju mbetur borgj kështu gjeneratave të tëra dhe pushteteve të ardhshme .Pasuritë shoqërore i shmangën çdo kontrolli. Klientelizimi si strategji e shpërlarjës të mjeteve dhe parave aplikohet edhe për realizmin e interesave përsonale në BT të ndryshme, dhe në shumë sektore tjera publike .Kështu krijohet monopol në privatizim duke pasur ndikim negativ në të gjitha shtresat shoqërore.Si pasojë e nepotizmit dhe klientelizmit është deindustrializimi , duke krijuar parakushte për papunësi dhe shumë negativitete të cilat ndikojnë në nivelin e jetës dhe të zhvillimit të gjithmbarshem .Pasojat janë praktike , duke rrënuar klasën e mesme , pa të cilën nuk ka stabilitet ekonomik dhe politik të një vendi.Këto fenomene negative mbyllin kanalet vertikale të përparimit, duke prodhuar gjithnjë grupe të reja klienteliste , të cilat edhe për nga natyra e kan përkrahjen e pushtetit.

Kjo pa mundëson qdo reformë në sistemet kyqe të një shteti, dhe ka edhe pasoja të tjera zhvillimore. Në këto rrethana , secili lufton për ndonjë interes të vogël, por që në fakt , kjo është një faturë e rëndë që paguajnë mbi supët e tyre.Shteti mu për ate bëhët gjahë I strukturave të caktuara politike, duke homogjenizuar edhe njerëzit që I përkrahin, legjitimon edhe interesat përsonale si program politik. Shteti ndanë poste e pozita, premton punësime , përparime dhe karrierë.Nuk është më rëndësi niveli profesional I shkollimit, e as dija, sepse në sitemet e tilla ndërshemeria, demokracia dhe dija konsiderohen ireale…Institucionet janë të zbrazëta në formë dhe në përmbajtje.Politika konsiderohet konflikt interesi dhe ideologjie, e në fakt është konflikt midis klaneve dhe klikave të interesit. Në këtë kontest edhe rrënohet qdo ide e mirë, pa alternativa serioze për gjëra shumë serioze dhe të interesit të pëgjithshem. Mediat janë më shumë mënyrë e punës spektakulare. Institucionet kredibile themelin e kan në ndarjën e drejtë të punës, kontrollin hiearkik, përsonel të shkolluar dhe çasje të ndershme e profesionale karshi punës, duke flakur çdo diletantizëm.Shteti nuk mbahët në këmbë më ata të cilët kan diploma, magjistratura dhe doktoratura fallso.

Klientelizmi dhe nepotizmi e dukurit tjera negative janë deformime të rënda , të cilat bien ndesh më çdo vlerë shoqërore, më shtetin ligjorë ,dhe më demokracinë. Ndryshimet quhen modernizmi dhe shume vlera tjera evropiane…

Kryeministri Ramush Haradinaj dhe Përfaqësuesja e lartë e Bashkimit Evropian, Federica Mogherini

Kryeministri i Kosovës, Ramush Haradinaj ka kërkuar nga Përfaqësuesja e Lartë të Bashkimit Evropian, Federica Mogherini që të mos ndërlidh vazhdimin e dialogut me taksën doganore që Qeveria e Kosovës ka vendosur ndaj mallrave të Serbisë dhe Bosnjë e Hercegovinës.

Përmes një postimi në Twitter, Haradinaj ka thënë se “dialogu ka dalë nga binarët” para se të vendosej taksa doganore në nëntorin e vitit të kaluar.

“Dialogu kishte dalë nga binarët shumë kohë para se të vendosej taksa. Mungesa e transparencës, inkurajimi i propozimit për shkëmbim territoresh dhe dështimi i zbatimit të marrëveshjeve ekzistuese – këto janë arsyet. Dialogut mund dhe duhet të rikthehet pa u ndërlidhur me tarifën”, ka shkruar Haradinaj.

Dialogue was derailed long before tariffs were introduced @FedericaMog. Lack of transparency, encouraging land swap proposal & failure to implement existing agreements – those are the reasons. Dialogue can and should resume without relating it to tariffs. RH
— Ramush Haradinaj (@haradinajramush) March 13, 2019

Përfaqësuesja e lartë e Bashkimit Evropian, Federica Mogherini i tha të martën Këshillit të Sigurimit të OKB-së se “Kosova duhet të heqë tarifën ndaj mallrave serbe dhe të Bosnjës”.

Pasi të ndodhë kjo, Mogherini përsëriti se do të thërrasë menjëherë rundin e ri të dialogut ndërmjet Prishtinës dhe Beogradit në mënyrë që të arrihet marrëveshja ligjërisht obliguese për normalizimin e plotë të raporteve ndërmjet dy vendeve.​

Dialogu që ndërmjetësohet nga Bashkimi Evropian, ndërmjet Kosovës dhe Serbisë është bllokuar që prej se Kosova vendosi taksën doganore prej 100 për qind.

Presidenti i Serbisë, Aleksandar Vuçiq ka thënë se nuk do të marrë pjesë në dialog, pa u hequr taksa. Por, Haradinaj po këmbëngulë se taksa do të hiqet vetëm kur Serbia ta njoh pavarësinë e Kosovës.

Bashkimi Evropian dhe Shtetet e Bashkuara të Amerikës po kërkojnë nga Prishtina zyrtare që të pezullojë këtë taksë, në mënyrë që t’i jepet mundësi vazhdimit të dialogut në Bruksel.

-Të gjithë Presidentet e vendeve te botes më fanatizem i mbrojnë
kufijtë e shteteve të tyre.

-Kurse i vetmi President në botë është Hashim Thaçi i cili kërkonë ti
jipet teritor Serbisë për njohje. Por realishte as qe kemi nevojë me na
njoftë një shtet kriminel qe na i ka vra frmijt ne djep,bile as pa
kërkuar falje për gjenocid.

Ka disa vite që po vazhdon dialogu misis Kosovës dhe Serbisë,i cili
ashtu siç po ecë edhe nuk është dështë as të filloi.Por çdo gjë me
nisjën e dialogut filloj keq dhe dialogu ka has në çorrsokak pa
kurrfarë dalje.Deri te kjo erdhi se dialogun për shumë vite e udhëoqen
njerezit pa kredibil,te pa aftë,te padije bile edh te pa mençur të
cilët jo vetem qe nuk janë te dijshëm poe edhe më keq edhe nuk dinin
së për çfarë kanë shkuar atje,për çfarë aresye.Përsonat e tipit te
Hashim Thaçit i cili është në kyre te dialogut qe sa vite nuk është
dasht ta udhëheqin këtë dialog sepse po del se ao nuk i ka dy kokrra
mend në krye.Ky njeri i shantazhuar dhe i kapur deri ne fund nga
Serbija me dosje për dyshime në veprimtarin e tij krimineli si gjat
dhe pas luftes.Shkoi ne Brukses si siç thotë populli”Muça pas daive”
dhe na i la disa Mareveshje kopile te dera në damë të Kosovës,për te
Kosova qe tani po vuan nga to.

Dialogu ishte fund e krye i padefinuar mirë,i pa konceptuar mirë,nuk
kishte qellim te qartë,dhe si i till ky dialog edhe nuk do te duhej te
ndodhë.Por ky dialog nuk u ba sepse për te kishte nevojë Kosova,por u
ba sepse kishte nevojë Brikseli me shumë për ta ledhatuar serbin për
te mos lën te shkoj nga Rusija.Anipse intimisht ju thamë se Serbia
anon nga Evropa për para,kurse shpirtin e ka atje larg ne Malet e
Kaukazit.Mu oer këtë arsye gjatë gjithë dialogut Brukseli ia mbajti
anën Serbis me Mogherinin ne krye si pra ruso-serbe.

Thjeshtë mendoj së Kosova,sikur te kishte pas në dialog njerez
atdhetar,te dijshem,intelektual,akademik dialogu nuk do te nisej dhe
te shkonte në këtë menyrë.Nuk do te nisej dhe shkonte për arsye së
Kosova është viktimë e liftes e jo Serbia siç po e le përshtypjën
atmosfera gjatë gjithë dialogut,sepse Serbia atje po vepron sikur
dialogu ësht pronë e saj po e luan lojën e djallit gadi duke e lanë
fajtore për çdo gjë Kosovën.Ajo,po luan me dialogun,po e kushtezon
dialogun,ajo nuk i plotëson as ato mareveshje te arrijtura,thjeshtë
ajo në këtë dialog po kërkon andrrën e vetë shekullore për ta marr
veriu.Nuk mundi ta marr me luftë,por si dukët do ta marr në paq.Siç
përmenda dialogu me Serbin është nisë dallash.Kosoav kurr nuk do të
ishte dështë qe ta nisë dialogun pa këto kushte:Kërkim falja nga
Serbia për gjenocidin dhe krimet e bera gjat[ luftës ne
Kosovë,kërkesen për separacionet e luftës,te pagjeturit.Këto do te
ishin vetem disa nga ato kërkesa të Kosovës qe pa pranimine tyre as qe
do te duhej të ndodhë dialogu,por pasi qe e kemi njl udheheqes
fudull,te zapuem e te kapur nga Serbia ndodhi kjo qç ndodhi dhe jemi
fut si pyka ne dru.

Unë së kuptojë së pse duhet te jetë kaq e rënesishme njohja e Kosovës
nga Serbia kriminele dhe arëmiqesore.Dhe nuk e di sepse këta qyqarët
tanë insitojnë për njohjën e Kosovës nga Serbija nga shteti
kriminel,nga çetniket siç janë Vuçiq dhe Daçiq.Kosova as se si nuk
guxon që te insiston në këtë njphje nga Serbia,sepse një gjë e këtillë
është e kotë.Serbia kurr nuk do ta njohë Kosovën m[ deshirën e saj,pos
nese nuk është e detyruar ta bëjë këtë gjë.Thjeshtë njohja nga Serbia
nuk eështë e domosdoshme të ndoshë.Nuk na duhet një njphje e sajë nese
Kosova ështe e detyruar të jepë Tokë për këtë njohje ose për ndonjë
aderim të Kosovën ne organizmat boteror.Kjo është floskul
politike,sepse aderimi ne Organizatat e medha nderkombetare siç është
OKB nuk mvarën nga Serbia,na njohu ajo ose jo.Këtë nuk guxon as bire
nane te bajë në Kosovë.Njohja e Kosovës nga Serbia nuk është mall qe
te tregetohet të shitet e blihët në treg në treg,sepse nese dikush
vepron kësisoji e prek Kushtetutën,sovranitetin dhe integritetin
teritorial teritorial te cilat janë te pacenueshme.Po, Kosova mund te
jetojë lirshem edhe pa njohjën e Serbisë.Ka shum shtete në botë qe nuk
janë njohtë nga kojshit e tyre,nuk janë as ne OKB e kudo tjetër,siç
është Izraeli,por ai po jeton lirshëm,bile as qe kërkon njohje nga
shtetet arabe,por është ba një shtet i fortë ne rajon i cli edhe ua
luan gishtin shteteve arabe.

Në fundë nuk ka tregëti më Kosovën,ajo nuk është mall qe shitet e
blihet ne treg,ajo e ka qenjen e vet,integritetin e vet te
pacenushëm.Nuk luftuam,nuk na çliruan ata qe na ndihmuan në luftë për
te ardhë deri këtu se Kosova na u deshka te ndahet.

Dialogu Kosovë-Serbi aktualisht është bllokuar, pas situatës së krijuar me vendosjen e taksës dhe refuzimit të Kryeministrit Ramush Haradinaj për ta dëgjuar kërkesën e SHBA-ve për ‘ngrirjen’ e saj.

Por cili do të jetë qëndrimi i liderit të koalicionit qeverisës, Kadri Veseli, për zgjidhjen e kësaj situate?

“Qëndrimi im do të jetë ai që po e them publikisht – cili do të jetë qëndrimi i SHBA-së dhe i partnerëve perëndimorë, do të jetë edhe i imi. Dy ditë nuk rri në një Qeveri, e cila i dëmton këto raporte. Ky raport nuk ka të bëjë vetëm me disa shtete. Ka të bëjë në raport me të ardhmen e këtij shteti, e këtij kombi. Nuk mund ta imagjinoj zhvillimin e Kosovës, perspektiven e Kosovës, Ushtrinë e Kosovës, ta quaj të zhvilluar pa raportin me SHBA-në dhe BE-në”, ka deklaruar Veseli për Pista News.

Lideri i PDK-së, po ashtu, ka thënë se do të veprojë në momentin që sheh se mund të dëmtohen raportet me SHBA-të, shkruan RTK.

“Kur është interesi i Kosovës, kam me marrë vendim. Pastaj, le të ankohen ata të tjerët cila është vendimmarrja ime. Si dje që kam marrë vendime, edhe sot marr vendim. Edhe pardje, edhe nesër. Vendimi do të jetë çka është interesi i popullit tonë, qytetarëve të vendit tonë, shtetit tonë”, tha Veseli.

Veseli në vazhdim ka treguar se kur mund të priten zhvillime të reja.

“Nuk ia bëj qejfin Serbisë asnjëherë. Por qëndrimi i Kosovës, në momentin kur e shoh se mund të dëmtohet me partneret si SHBA-ja dhe partnerët perëndimorë, do të veproj”, ka deklaruar Veseli.

Kufiri Kosovë – Serbi në Merdare

Dogana e Kosovës njoftoi të martën se gjatë javës së kaluar ka konfiskuar mallra të kontrabanduara në vlerë prej 25 mijë eurosh.

Zëdhënësi i Doganës, Adriatik Stavileci, konfirmoi për Radion Evropa e Lirë se pjesa më e madhe e mallrave të konfiskuara është nga Serbia.

“Mallrat (e kontrabanduara) – pjesa më e madhe është nga Serbia, por ka mallra edhe nga vendet tjera. Ka edhe kundërvajtje, të cilat janë realizuar në pika të tjera kufitare. Sidoqoftë, nuk mund të themi se është një sasi shumë e madhe, por prapëseprapë, Dogana është vigjilente për t’i ndaluar të gjitha aktivitetet që ndërlidhen me kontrabandimin e mallrave në Republikën e Kosovës”, tha Stavileci.

Dogana ka zbuluar 18 raste të mallrave të dyshimta si kontrabandë, të cilat kanë qenë kryesisht pije alkoolike dhe jo-alkoolike, mallra ushqimore dhe teknikë e ndryshme.

Importet nga Serbia në Kosovë kanë rënë prejse Qeveria e Kosovës ka vendosur, në nëntor të vitit të kaluar, taksë doganore 100% ndaj mallrave të Serbisë dhe Bosnjë e Hercegovinës.

Para taksës, është vlerësuar se Serbia ka eksportuar në Kosovë mallra në vlerë deri në 1 milion euro në ditë.

Prishtinë

Avokati Besnik Berisha ka folur në Pressing rreth vizitës së sotme në Kosovë të dy këshilltarëve të kancelares gjermane Angela Merkel. Jan Heker dhe Matias Litenber takuan sot në Prishtinë udhëheqësit politikë vendas.

“Gjykoj se mesazhi gjerman është vetëm për të përçuar atë që është thënë më herët se Gjermania është kundër ndarjes së territoreve”, tha Berisha.

Berisha thotë se po në këtë takim mund të jetë diskutuar edhe çështja e taksës 100 për qind ndaj produkteve me prejardhje serbe dhe boshnjake.

Ndërkohë ai mendon se politika e SHBA’ve ndaj Kosovës ka ndryshuar.

“Dikur na kanë trajtuar si një fëmijë të cilin prindi dëshiron ta rrisë pa e lënë të rrëzohet e lëndohet”, tha Berisha.

“Tash e kanë lënë (Kosovën) që të rrëzohet dhe të çohet vetë”, tha ai.

Foto nga arkivi: Protesta e 29 marsit, 2018, në Prishtinë për dëbimin e shtetasve turq nga Kosova.

Ambasada e Shteteve të Bashkuara në Kosovë tha përmes një deklarate për media se “ka kaluar një vit qëkur Kosova i ka dëbuar gjashtë shtetas turq, pa një proces të duhur, duke pretenduar se kërcënonin sigurinë kombëtare”.

“Kemi qenë të lumtur për formimin e një komisioni hetimor parlamentar, i cili i ka ekspozuar shkeljet ligjore rreth incidentit, pavarësisht përpjekjeve për të penguar punën e tij. Gjetjet e komisionit, të cilat sugjerojnë 31 shkelje ligjore ose procedurale nga Agjencia e Inteligjencës e Kosovës, Ministria e Brendshme dhe institucionet e tjera, ngrenë shqetësime lidhur me mashtrimin e agjencive kryesore të sigurisë, si dhe ndjeshmërinë e sektorit të sigurisë ndaj manipulimit politik”, thuhet në deklaratë.

Përmes saj, ambasada u bëri thirrje institucioneve të Kosovës që të kërkojnë përgjegjësi të plotë nga kushdo që e shkel ligjin dhe i kujtoi liderët e Kosovës se “institucionet e sigurisë duhet të veprojnë vetëm brenda autoritetit të tyre kushtetues”.

“Problemi nuk është fajësia apo pafajësia e individëve, por shmangia e dukshme e proceseve ligjore të Kosovës nga politikanët e Kosovës”, thuhet në deklaratë.

“Presioni politik në sektorin e sigurisë për të thyer ligjin e Kosovës është një shkelje e egër e vlerave demokratike. Ne bëjmë thirrje për transparencë të plotë në sektorin e sigurisë dhe në udhëheqjen e çështjeve të jashtme, në mënyrë që të parandalohen ndërhyrjet e papërshtatshme të politikanëve kosovarë në të ardhmen”, thuhet në komunikatën e Amabsadës së SHBA-së në Prishtinë.

Dëbimi i gjashtë shtetasve turq nga Kosova, në mars të vitit të kaluar, është thënë se është bërë përmes një aksioni të koordinuar ndërmjet shërbimeve të inteligjencës nga Turqia dhe Kosova. Por, deputetët, presidenti, kryeministri dhe kryetari i Kuvendit të Kosovës patën thënë se nuk kanë pasur njohuri lidhur me rastin.

Për gjashtë shtetasit turq, Ankaraja dyshon se janë anëtarë të organizatës “Hizmet”, të udhëheqësit fetar turk, Fetullah Gulen. Këtë të fundit, autoritetet turke e fajësojnë për një përpjekje për grushtshtet në Turqi në vitin 2016.

Komisioni Hetues Parlamentar i Kosovës, muajin e kaluar, ka konstatuar se janë bërë shkelje gjatë dëbimit të shtetasve turq.

Është e vështirë të flitet në mënyrë hipotetike si do të ishte situata në vend sikur Lëvizja Vetëvendosje të mos bëhej pjesë e sistemit (pranimit të “Pakos së Ahtisarit” dhe kushteve të lojës parlamentare ), por jam i sigurtë se do ta kishim një forcë politike opozitare të gatshme jo vetëm për të protestuar, por edhe për t’u ballafaquar me sfidat e kohës nëpër të cilën po kalojmë.

Hyrja brenda kornizave të sistemit pamundëson opozitarizmin e vërtetë

Futja e të gjitha subjekteve në sistem, përkatësisht renditja e të gjitha subjekteve pas marrjes së pushtetit, ka bërë që ta lënë në harresë të plotë elektoratin pas përfundimit të procesit zgjedhor nga ana e partive politike, gjë e cila ka bërë që edhe popullata të pasivizohet dhe demoralizohet siq është më së keqi.
Nuk ka si të mos ndodhë pikërisht kështu për faktin se liderët e partive politike përveq pasurimit të skajshëm, kanë punësuar militantët partiakë dhe familjarët e tyre nëpër institucione e borde, nëpër agjensi e korporata tjera fitimprurëse…
Edhe të ashtuquajturat “OJQ”, po mendojnë vetëm si të pasurohen dhe vjelin para të buxhetit të shtetit me ca konferenca të mbajtura sa për sy e faqe dhe në koordinim të plotë me pushtetarët.
Duke e parë këtë situatë sa të dhimbshme po aq dëshpruese dhe vrastare për shtetin, qytetarët e zhgënjyer janë tërhequr nga të gjitha zhvillimet që po ndodhin në vend dhe rreth vendit tonë, duke u pajtuar në heshtje me të keqën e madhe që po i ndodhë këtij vendi, për shkak se e vetmja zgjidhje për qytetarët është që të ikin sa më larg, e për të mos u kthyer ndoshta asnjëherë në Kosovë.
Deri në këtë derexhe e kanë sjellë qytetarin kusarët politik të të gjitha llojeve e ngjyrave.
Nuk pritet gjë e mirë nga subjektet aktuale politike, e vetmja shpresë e vogël e qytetarëve të dëshpruar është ngjizja e një nisme të re nga Diaspora në bashkëpunim me kapacitetet e shëndosha intelektuale të vendit, me veprimtarët dhe atdhetarët e përkushtuar ndaj Kosovës martire, për ta ç’rrënjosur në themel të keqën që ka mbërthyer vendin tonë në këtë dhjetvjetshin e fundit.
Kjo është e mundur me vullnet e dashuri, me guxim e përkushtim, me besa-besë për një qëllim hyjnor për të dhënë gjithçka nga vetja për Kosovën dhe qytetarët e saj.

Shëmbulli i mirë i një proteste

Protesta e 25 shkurtit në qytetin e Pejës, kundër ndërtimit të hidrocentraleve në rrjedhën e lumit Lumbardh, protestë e cila e detyroi Qeverinë ‘Haradinaj’ që të pezulloj vendimin për ndërtimin e Hidrocentralit në lumin Lumbardh. Njëherësh kjo e dëshmoi më së miri se me unitet e vendosmëri është e mundur të ndalohen edhe gjërat më të këqija për vendin.
Sikur të protestohej kështu fuqishëm në mbarë Kosovën siq u protestua në Pejë për mbrojtjen e Lumbardhit, me siguri do të parandalohej edhe dhënja e 2500 hektarëve Maqedonisë, do të parandalohej ratifikimi i Demarkacionit me Malin e Zi në Kuvend,…dhe përseri pasojat do të ishin të njëjta; mungesa e liberalizimit dhe asgjë më shumë e as më pak.

Hiperbolizimi i taksës nuk e ndihmon Kosovën

Hiperbolizimi i situatave dhe problemeve nuk është një gjë e mirë, madje mund të prodhojë efekte shumë të dëmshme dhe me pasoja zinxhirore.
Hiperbolizimi i taksës ka neutralizuar në masë të madhe zërat kundër dialogut, përkatësisht zërat kundër ndarjes në prapaskenë që po i përgatitet Kosovës në emër të normalizimit të mardhënjeve dhe fqinjësisë së mirë me shtetin e Serbisë.
Pa dyshim, për ndaljen e procesit të ndarjes së veriut të vendit kërkohen veprime më energjike dhe më të unifikuara në nivel vendi.
Vendimet politike të cilat nuk përcillen edhe me veprime konkrete në terren, jo vetëm që nuk implementohen asnjëherë, ato bëhen pengesë ecjes dhe zhvillimit të mëtutjeshëm të proceseve.
Vënia e taksës 100 % ndaj Serbisë pa ndërmarrjen e veprimeve konkrete për zbrazjen e dyqaneve, supermarketeve dhe tregjeve të Kosovës nga mallrat serbe, jo vetëm që është shndërruar në lojë për konsum të brendshëm politik, e ka stimuluar kontrabandën dhe ndihmuar Serbinë në procesin e dialogut, duke u paraqitur kjo e fundit si “viktimë” në njërën anë, ndërsa në anën tjetër është duke e përdorur taksën si alibi për “fryerjen e zjarrit” në prishjen dhe tensionimin e raporteve të Kosovës me disa nga shtetet e BE-së dhe SHBA-të, aleatin tonë strategjik dhe jetik për mbrojtjen e shtetit tonë nga aspiratat grabitëçare të Serbisë.
Për faktin se edhe pas vënjes së taksës mallrat serbe janë me shumicë në Kosovë, dëshmon se taksa është futur në lojë jo për ta dëmtuar Serbinë, por që ta ndihmojë diplomacinë serbe kundër Kosovës.
Pra taksa e pa menduar mire, nga një masë sanksionuese ndaj Serbisë ka filluar të shndërrohet në masë me efekte negative dhe me rreziqe të sanksioneve ndërkombëtare ndaj vendit tonë.
Pezullimi i përkohshëm i taksës dhe zavëndësimi i saj me masa të reciprocitetit ndaj Serbisë do të ishte zgjidhja më e mençur dhe më pragmatike.
Për faktin se të gjitha partitë janë bërë përafërsisht të njëjta, zgjedhjet qofshin ato të rregullta apo të parakohshme, përveqse nuk ofrojnë zgjidhje të mirë për vendin, ato e vazhdojnë “Status Quon” e keq-qeverisjes dhe zbrazjen në heshtje të Kosovës nga qytetarët e saj.
Vetëm protestat masive dhe të pandërprera në të gjitha qytetet e Kosovës mund ta stopojnë dialogun vrastar të Brukselit, gjegjësisht procesin e ndarjes fatkeqe e tragjike të vendit tonë dhe jo vetëm.
Vetëm me protesta masive, demonstrata të fuqishme dhe padëgjueshmëri qytetare mund të vie deri të përmbysja totale e sistemit të instaluar tani e sa vite në Kosovë.

Kryeministri i Kosovës Ramush Haradinaj ka kajtuar demostratën e 11 marsit të 81, e cila sipas tij shënon një epokë vendimtare në historinë më të re të Kosovës. Përmes një postimi në faqen e tij të “Facebook”, kreu i ekzekutivit në Kosovë, Haradinaj, shkruan se kjo demostratë shënoi një epokë vendimtare në historinë e re të Kosovës.

“Demonstrata e 11 marsit ‘81 shënon një epokë vendimtare në historinë më të re të Kosovës.
Mijëra studentë zgjodhën rrugën e paqes për ta kundërshtuar shtypjen dhe pabarazinë.
Në përvjetorin e demonstratave studentore, kujtojmë të gjithë ata që guxuan të kërkonin atë që iu takonte, të drejtën e tyre, dhe që i dolën zot këtij vendi, në rrugën drejt çlirimit”, shkruan Haradinaj.

/Serbia hapatas i thot JO SHBA-ve, kurse Kosova palohet si lepuri/

Amerika i ka vu dy kushte, njerën Kosovës për taksën ndaj Serbis, dhe
kushtin tjetër Serbisë që të ndalon lobimin për çnjohjet për Kosovën.

1.Amerika përmes zëvendësndihmësit të Sekretarit të shtetit Mathew
Palmer i ka vu kushte Serbisë së nese Serbia deshiron qe Kosova ta
heçë taksen,atehere duhet të ndaloj fushatën e egër për terëhëqjën e
njohjeve të Kosovës nga vendet qe e kanë njohur.

Por Serbisë nuk i hanë palla së çka thotë dhe kërcnon SHBA.

Por,Beogradi zyrtar e ka hedhur kategorishtë poshtë ofërtën e
SHBA-ve.duke ia ba asaj më dije përmes Ministrit të punëve te jashte
Ivica Daçiq së SHBA shpresojnë kotë sepse procesi i çnjohjeve është i
panadalshem.(sic).

2.Kosova për këtë fushatë për çnjohjet qe po ia banë Serbia,asaj ia
vuri taksen 100%.Serbia u tranu,e alarmaoi krejtë botën për taksen dhe
i vuri kushtin se:Serbia nuk do ta vazhdoi dialogun pa u hequr taksën.

Dhe si përqudi krejte bota iu gjujtë Kosovës si arushes së duhet te
hiqet taksa nese don Mareveshje me Serbinë.U qua në kemb Evropa dhe
Amerika rrth kësaj pune duke ba trysni mbi Kosoven.Por diçka ketu nuk
shkon.

Pse Evropa dhe Amerika po bajnë trysni vetem mbi Kosovën për ta heq
taksen.Pse këto nuk bajnë trysni edhe ndaj Serbisë për ndaljën e
çnjohjeve kur ajo hapas e hodhi poshtë oferten e SHBA për ndalimin e
çnjohjëve.

Kjo nuk shkon tl jeshë për dikend nanë e për dikand njerkë.Nuk është
korrekte as nga Evropa as nga Amerika.

Ideja e Presidentit Hashim Thaçi për ndryshim të Kushtetutës në mënyrë që Lugina t’i bashkohet Kosovës, duket se është vështirë e realizueshme. Kjo për arsye se për këtë ndryshim kushtetues ekziston një pengesë ligjore dhe kushtetuese që ndryshimi i Kushtetutës të bëhet me 2/3 e shumicës së deputetëve dhe pakicës.

Juristi dhe profesori universitar, Mazllum Baraliu, në një intervistë thotë se për këto ndryshime në Kushtetutë duhen votat e Listës Serbe, të cilët tani më nuk janë pjesë e koalicionit të partive në pushtet.

“Çështjet të cilat mund të ndryshohen ose kërkohet të ndryshohen tani kanë dallime të mëdha, fakti tjetër është që atëherë ka pasë një koalicion të partive në pushtet, partive me shumicë shqiptare me Listën Serbe, ndërkohë tani afër një viti Lista Serbe është jashtë koalicionit qeverisës dhe e dyta kemi të bëjmë me ndryshime sipas pretendimeve të Presidentit që nuk i votojnë deputetë serb, ata nuk do votojnë që një pjesë e territorit që zyrtarisht është në sovranitet të Serbisë, të kalojë në sovranitet të Kosovës”, u shpreh Baraliu.

Këto barriera dhe këto kushte, Baraliu thotë se vetë pushtetarët i pranuan në Kushtetutën e Kosovës dhe se tani kur bëhet fjalë për Luginën është e pamundur që për këto ndryshime në Kushtetutë të sigurohen votat e Listës Serbe të cilët në asnjë mënyrë nuk votojnë për bashkim të Kosovës me Luginën.

“Është një pengesë ligjore dhe kushtetuese që ndryshimi i kushtetutës do bëhet me 2/3-tat e shumicës së deputetëve dhe pakicës, prandaj tejkalimi i këtyre barrierave që vetë këta të cilat këta zotërinj tanë i kanë pranuar në Kushtetutën e Kosovës, janë bllokadat dhe barrierat të cilat paraqiten në momentin kur ka nevojë të bëhet një ndryshim i tillë”, ka thënë Baraliu për Ekonomia Online.

Ai thotë se këto janë vetëm deklarata të politikave në Kosovës dhe ndryshimet nuk mund të ndodhin derisa janë mekanizmat bllokues të cilat kjo klasë politike i ka pranuar.“Gjitha këto janë më tepër hipoteza dhe presupozime të cilat jo rrallë herë politikanët tanë dinë t’i shprehin e pastaj t’i ndryshojnë deklaratat, ndryshime të tilla s’mund të ndodhin sepse janë mekanizmat bllokues të cilat kjo klasë politike i ka pranuar”, ka thënë Baraliu.

Ai shprehet skeptik se Serbia do ta njoh Kosovën, por ajo që mund të bëhet sipas tij është lidhja e një marrëveshje për stabilizim të marrëdhënieve ose normalizim me Kosovën e cila nuk është njohje e sovranitetit

“E tëra kjo do duhej të varej nga një marrëveshje gjithëpërfshirëse, tani në zhargonin politik, nëse një marrëveshje e tillë lidhet, e që dyshoj që Serbia do ta pranojë, në qoftëse Kosova nuk mund t’i pranojë ato kushte të cilat kanë dalë tani, atëherë kjo nëse ndodhë unë jam shumë skeptik që do ketë një marrëveshje dhe sidomos jo një marrëveshje siç po pretendohet nga institucionet e vendit që Serbia ta njohë Kosovën. Serbia me asnjë marrëveshje nuk do ta njohë shprehimisht Kosovën. Serbia mund të lidhë një marrëveshje për stabilizim të marrëdhënieve ose normalizim me Kosovën e cila nuk është njohje e sovranitetit”, ka thënë Baraliu.

Ai thotë se Serbia nuk e pranon në asnjë mënyrë Luginën si të tillë dhe Serbia nuk është e interesuar që të japë tokë, por të fitojë territore dhe synimi i saj është të marr veriun e Kosovës.

“Ndryshimi i Kushtetutës nuk mund të ndodhë fare pasi që Serbia nuk e pranon në asnjë mënyrë Luginën si të tillë dhe Serbia nuk është e interesuar që të japë tokë, por të fitojë territore dhe synimi i saj është të marr veriun e Kosovës, gjithë territorin dhe resurset ekonomike, t’i japë disa fshatra, e cila nuk është zgjidhje dhe është jo e pranueshme, as nuk është nga populli ynë në Luginë, por as e pranueshme për Serbinë. Gjitha këto deklarata që shpesh janë të papërputhshme me njëra-tjetrën mund ta ngatërrojnë dhe të krijojnë konfuzion para opinionit publik, duhet pasë kujdes për këto deklarata pasi përgjegjësia duhet të jetë shumë e madhe, llogaridhënia gjithashtu, ata duhet ta ruajnë kredibilitetin para Kushtetutës”, ka thënë ai për EO.

Ditë më parë, Presidenti i Kosovës, Hashim Thaçi,ka thënë se kërkesën e Luginës për bashkim me Kosovën do ta prezantojë edhe në Bruksel.

Ai tha se për t’u bashkuar me Luginën përkrah edhe ndryshimin e Kushtetutës së Kosovës.

Kryeministri Ramush Haradinaj ka shkruar se me Nënsekretarin amerikan për Çështje Politike, David Hale, ka folur për domosdoshmërinë e dialogut mes Kosovës dhe Serbisë. Ndërkaq Kryeministri nuk njofton se çka është folur për taksën.

“E ritheksova se ne jemi gati per dialog dhe ftojmë Serbinë që t’i kthehet tavolines e të diskutojmë të gjitha çështjet e hapura duke përfshirë edhe tregtinë e lirë dhe të arrijmë një marrëveshje që rezulton me njohje në kufijtë ekzistues”, ka shkruar Haradinaj.

Shkrimi i plotë i Haradinajt:

Pata nderin që sot në rezidencën e Ambasadorit Amerikan në Kosovë Philip Kosnett së bashku me Presidentin Thaçi dhe Kryetarin Veseli të zhvillojmë një takim të hapur dhe të sinqertë me Nënsekretarin për Çështje Politike, David Hale.

Në këtë takim paraqita qëndrimin se tash Kosova është më e gatshme se kurr, e unifikuar me një zë të vazhdojë dialogun me Serbinë dhe të kontribuojë në fqinjësi të mirë, paqe dhe stabilitet. Ky unitet është edhe me domethënës pas votimit të Platformës se Dialogut dhe Ligjit.

E ritheksova se ne jemi gati per dialog dhe ftojmë Serbinë që t’i kthehet tavolines e të diskutojmë të gjitha çështjet e hapura duke përfshirë edhe tregtinë e lirë dhe të arrijmë një marrëveshje që rezulton me njohje në kufijtë ekzistues.

Gjiganti metalurgjik “Trepça” është regjistruar si kompani në bazë të ligjeve të Kosovës. Këtë e ka barë të ditur kryeministri i Kosovës, Ramush Haradinaj përmes një statusi në Facebook. Para këtij vendimi, ka pasur kundërshtime nga ana e Serbisë që “Trepça” të mos regjistrohet në Kosovë si kompani

Kryeministri Ramush Haradinaj ka dhënë lajmin e madh përmes Facebook-ut, ku ka treguar se gjiganti metalurgjik në Mitrovicë është regjistruar si kompani në Kosovë.

“Më në fund lajmi i madh. Gjiganti Trepça, pas votimit në Kuvend të Statutit të saj, është regjistruar si kompani në bazë të ligjeve të Kosovës. Trepça do të rikthehet me shkëlqimin e dikurshëm dhe do të jetë krah i fuqishëm i ekonomisë sonë. Urime e me fat!”, ka shkruar Haradinaj në Facebook, transmeton Express.

Regjistrimi i “Trepçës” si kompani vjen pasi në Kuvendin e Kosovës muaj më parë, statuti i saj mori dritën e gjelbër për t’u regjistruar si shoqëri aksionare, ku 80 për qind e aksioneve janë të Qeverisë së Kosovës dhe 20 për qind janë aksione të punonjësve të “Trepçës”.

Miratimi i Ligjit për “Trepçën”, në tetor të vitit 2016 dhe statuti i “Trepçës” kishte nxitur reagimin e Beogradit zyrtar, pasi që këtë kombinat Serbia vazhdon ta konsiderojë si pjesë të ekonomisë së saj. Ata në vazhdimësi kanë kërkuar që çështja e “Trepçës” të futet në dialog me Serbinë. /GazetaExpress/

Veton Surroi, emër i përhershëm në ekipet negociuese të Kosovës me Serbinë përgjatë dy dekadave të fundit, është i bindur se SHBA’ja e ka seriozisht për bisedimet me Serbinë. Ai konfirmon se në një mënyrë tashmë është i përfshirë në proces duke takuar liderët politikë në Kosovë për t’i këshilluar, si më i vjetri në zanatin e negociatave. Dy vende në delegacionin shtetëror janë rezervuara për shoqërinë civile, e nuk përjashtohet që publicisti të jetë një nga ta. Ai thotë se është gati nëse e thërrasin: “Nëse mendohet se mund të ndihmojë në çfarëdo forme jam në dispozicion” thotë Surroi.

Shoqërisë civile i kanë takuar vende në secilin formacion të ekipeve negociuese të krijuara për dialogim me Serbinë, që nga bisedimet në Rambuje e në Vjenë.

Edhe ekipi negociator i udhëhequr nga Shpend Ahmeti dhe Fatmir Limaj ka dy vende të zbrazëta, të cilat i takojnë përfaqësuesve nga shoqëria civile.

Akoma nuk janë zgjedhur bartësit e këtyre pozitave, megjithatë publicisti Veton Surroi, i angazhuar në secilin ekip negociator që nga Rambujeja, po jep kontribut edhe në këtë fazë të bisedimeve me Serbinë.

Publicisti ditë më parë ka treguar se ka biseduar për dy muaj me liderët politikë në vend, e me ta ka arritur dakordim në disa pika për dialogun.

“Unë mund t’i sugjerojë edhe 5 edhe 10, por nuk i bëjë publike. Në bisedën që e kemi zhvilluar dy muajt e fundit me ta, me të gjithë liderët, kemi arritur deri te dakordimi mbi disa pika që mund të jenë mbi kornizat negociatore të së ardhmes”, ka thënë Surroi në një intervistë në KTV.

“Ia vlen që partitë të ulën t’i rivlerësojnë. Subjektet politike e kanë të gjitha një copë letër që e kanë shikuar dhe i kanë pajtuar me to”, ka shtuar ai.

Ai është i bindur se SHBA’të e kanë seriozisht për bisedimet.

“Shtetet e Bashkuara të Amerikës janë të vendosura, duhet kuptuar shumë seriozisht dhe përgjigja ndaj tyre duhet të jetë dinamizimi kosovar jo hajt se kalojmë edhe këtë javë edhe javën tjetër kur t’na vjen një diplomat tjetër” thotë Surroi.

Surroi ka vërejtje për mënyrën se si Thaçi po merret me bisedimet por nuk e kundërshton përfshirjen e tij në proces.

Ai komenton edhe mbi atë se pse spektri aktual politik nuk po bashkohet për të ndërtuar konsensusin.

“Mungesa e përvojë nuk ka aq shumë njerëz që kanë kaluar nëpër procese të tilla negociatare. Mund të jetë njëra prej arsyeve” thekson Surroi.

Ndërkohë që nuk kanë munguar as këshillat për Ramush Haradinajn se si të hiqet taksa që aktualisht po e mban të bllokuar procesin.

Në dhjetor, Surroi ka pasur disa takime të papritura në zyrën e Kadri Veselit dhe të Ramush Haradinajt. Më vonë për median e tij tregoi se takimet kishin të bënin me përgatitjet për dialogun me Serbinë dhe aty ka shkuar si përfaqësues i shoqërisë civile.

Partia Socialdemokrate, si subjekti që ka më së shumti anëtarë në delegacionin kosovar, ka thënë për Gazetën Express se ekipi negociator është në proces të emërimit të përfaqësuesve civilë.

Në përgjigjen e PSD’së thuhet se Surroi nuk e ka ndihmuar ekipin negociator në ndonjë punë të tyre, ndërsa nuk e përjashtojnë se emri i tij mund të jetë një nga përfaqësuesit e shoqërisë civile.

“z.Veton Surroi nuk ka qenë i përfshirë në punën e Delegacionit Shtetëror, rrjedhimisht as në procesin e përgatitjes dhe të përpilimit të Platformës shtetërore. Delegacioni Shtetëror nuk ka përjashtuar ndonjë emër të përveçëm të përfaqësuesve të mundshëm të nesërm të shoqërisë civile në përbërjen e Delegacionit, pra as z.Veton Surroi”, thuhet në përgjigjen e PSD’së.

Gazeta Express në dhjetor raportoi për një vizitë të Surroit në Kuvend. Atje takoi kryeparlamentarin Veseli, ndërsa kishte paralajmëruar takime të tjera edhe me liderin e Vetëvendosjes, Albin Kurtin të fliste për dialogun, pjesë e të cilit ai refuzon të bëhet.

“Sot u takova me Kadri Veselin dhe Ramush Haradinajn, si pjesë e projektit të KFOS-it për mbështetje në proces negociator. Nesër takohemi me Albin Kurtin dhe me Fatmir Limajn. Pra, bëhet fjalë për iniciativë të KFOS-it që si shoqëri civile të mbështet partitë e pushtetit dhe opozitës në procesin negociator, pa marrë parasysh a marrin pjesë a jo në ekipin negociator”, kishte deklaruar Surroi.

E, rreth pjesëmarrjes eventuale në procesin e bisedimeve, që po bëhet gjithnjë më i mundshëm për shkak të insistimit ndërkombëtar, Surroi thotë se është gati.

“Unë edhe ashtu jam duke ndihmuar për aq sa mundem në këtë pozicion i jam falënderuar PSD që nga fillimi kur më është ofruar përfshirja dhe të njëjtën përfshirje e kam edhe sot në momentin kur të krijohet konsensusi dhe nëse mendohet se mund të ndihmojë në çfarëdo forme jam në dispozicion.”

Prishtinë

Kryeministri i Kosovës Ramush Haradinaj e sheh taksën në Rrugën e Kombit si një barrierë të shtuar në marrëdhëniet mes dy shteteve shqiptare. Deklaratat e tij, Haradinaj i bëri në emisionin “Përballë” në RTSH, ndërsa theksoi se këtë mendim ia ka bërë me dije edhe kryeministrit Edi Rama.

“Mendoj që është një logjikë e gabum. Shqipëria e ka treg Kosovën e ka konsumator si për detin ashtu edhe për punë të tjera do të thotë ti për me pru konsumatorin duhet me e josh. Si e josh? Për shembull me thonë Shqipëria që çdo makinë e Kosovës që hyn ja japim një bonus për një kafe dikund dhe kështu ti rrit frekuentimin, shton njerëzit, rrit klientelën.

Më vjen keq që ka ndodh kjo me taksën, tarifën në Kalimash. Edhe ma keq kalojnë transportuesit, pagesa e skanerit që është shumë e shtrenjtë. Është e pashpjegueshme. I kemi fol, i kemi fol. Si nuk i kemi fol, por megjithatë. ne nuk mundemi tash me qit kushte Shqipërisë: po nuk e hoqe atë do të bëjmë këtë. Nuk bohet ashtu. Shpresoj që do të gjendet ndonjë zgjidhje, por zor është me imponu zgjidhje”, tha kryeministri Ramush Haradinaj.

Kryeministri i Kosovës, Ramush Haradinaj, e ka falënderuar të martën Britaninë e Madhe, për qëndrimin që ka shfaqur kundër ndryshimit të kufijve të Kosovës.

Duke folur për një marrëveshje mes Kosovës dhe Serbisë, ministri britanik për Evropë, Sir Alan Duncan, ka thënë se “arritja e marrëveshjes e bazuar në ndryshimin e kufijve, rrezikon stabilitetin në Kosovë-Serbi dhe rrezikon të vendos një precedent që mund të shfrytëzohet nga palët e treta në rajon dhe më tej”.

Nëpërmjet një shkrimi, të publikuar në llogarinë e tij, në rrjetin social Facebook, në internet, Haradinaj ka thënë se është “mirënjohës dhe falënderues për qasjen konsistente të Qeverisë së Britanisë së Madhe ndaj idesë luftënxitëse e destabilizuese të ndryshimit të kufirit të Kosovës me Serbinë, si pjesë e marrëveshjes gjithëpërfshirëse me shtetin fqinj”.

“Në debatin e sotëm për Kosovën në Parlamentin Britanik, Ministri për Evropë, Sir Alan Duncan e cilësoi si tejet të rrezikshëm për Ballkanin, debatin për ndryshimet e kufijve, që do të shfrytëzohej si presedan nga palët e treta”, ka thënë Haradinaj.

“Kufijtë në Ballkan nuk janë perfekt, dhe lëvizja e tyre është shumë e ndjeshme dhe e rrezikshme. E përsëris se Kosova është e interesuar për marrëveshje me Serbinë, e cila do të rezultojë me njohje reciproke brenda kufijve aktual të 17 shkurtit 2008”, ka thënë Haradinaj.

Për 20 vite u mbyt gjithçka që ishte njerëzore. E keqja, hajnit, kriminaliteti… janë bërë masë për jetën politike dhe për jetën ekonomike. Te jesh i pamshirshem, rrenacak, i pergatitur për qdo lloj marifeti është bërë rëcept për sukses. Morali dhe tupri janë kthyher në virtyte, janë bërë kategori të cilës po i përmbahën vetëm “budallenjët”, të cilët mu për këtë gjë paraprakisht janë ‘dënuar” të dështojnë. Korrupcioni, mito dhe nepotizmi janë bërë model i funksionimit të qdo sistemi të jetës dhe të punës në Kosovë. Mafiozët e të gjitha ngjyrave janë bërë njerëz të cilët kanë krijuar imazh tw mirw dhe të cilët po respektohen për fatin tonë të keq.Në këtë situatë çdo shpresë ka filluar të fundosët. Preukopim kryesor jo vetëm të të rinjeve por edhe njrëzve në moshë është bërë largimi nga Kosova. Njerëzit e kan humbur shumë besimin në vetë vete. Po zvetnohen gjasat që të arrihen suksese në shtetndërtim dhe mirëqenje. Në menyrë përmanente shoqëria jonë po ndahet, në shoqërinë e lirë të atyre të cilët kan bërë shtet për vete, dhe në shoqërinë shumicë e cila është abroguar nga të drejtat elementare te saj. Është krijuar gjatë këtyre viteve aparat shtetëror më shumë autokratik, janë krijuar shumë media të kontrolluara nga pushteti, janë krijuar magnat më djersën dhe mundin e popullit. Shumë njerëz sot u janë bashkuar të them ashtu qenëve endacak të cilët po i mbushin sheshet dhe rruget, si i vetëmi institucion i lirë. Qe 20 vite askush nga pushtetarët nuk zbriti në popull për të bashkëjetuar më hallët dhe problemet e tyre jo të vogla të jetës së keqe të cilën po e bëjnë. Për këta molionat nuk janë bërë problem fare për ti fituar! Po harrohen gjithnjë e më shumë vlerat kombëtare, po harrohen martirët dhe deshmorët e kombit të,cilët na sollën lirinë e shumë pritur. Nuk thëmë së të gjitha strukturat shtetërore po e luajnë vallën e djallit, së ka ende atdhetarë të cilët po e mbrojnë kauzën kombëtare karshi- Serbisë . Bashkimi I forcave shqiptare në Mal të Zi që ta drejtojnë komunën e Tuzit më shumicë shqiptare , është shëmbulli më I mirë së vetëm të bashkuar mund ti arrijmë objektivat tona politike e kombëtare. Rrefimi për Kosovën po bëhët ëndërr trishtuese. Po vihet në pikëpyetje ekzistenca e shtetit të Kosovës. Populli gjithnjë e më shumë po humb besmin në institucione. Policia po I ruan këto institucione dhe shumë njerëz mbrenda tyre , të cilët ka mundësi neser ti arrestojë për keqpërdorime të pozitës shoqërore, të cilët kanë mbetur legjitim me shume në letër… Sulltanët kan mbetur lakuriq… Ndoshta për këtë një ditë do të jenë të vetëdijshem…

Edicioni i dytë i të ashtuquajturit “Samit i Diasporës”, i organizuar nga kryeministri i Shqipërisë, Edi Rama, i mbajtur nga 28 Shkurt- 2 Mars 2019, përveçse fasadë e radhës, është njëra nga lojërat plot hipokrizi të pushtetarëve në Tiranë dhe Prishtinë në raport me mërgatën shqiptare.
Mërgata shqiptare asnjëherë në historinë e saj të gjatë nuk ka qënë më e injoruar, më e anashkaluar dhe abuzuar sikurse në dekadën e fundit nga dy qeveritë e shteteve shqiptare.
Në dekadën e fundit, Diaspora Shqiptare, nga qeveria e Tiranës dhe Prishtinës u përdor dhe u bë pjesë e agjendave politike vetëm në raste krizash politike, duke u përdorur si dekor festimesh dhe për dekorim me mirënjohje të ndonjë “emisari” të tyre në Diasporë, kinse për punën dhe veprimtarinë atdhetare.
Zyrtar të lartë shtetërorë nga Kosova dhe Shqipëria, ministra dhe ambasadorë gjatë vizitave mërgatës sonë, takojnë vetëm individ dhe grupacione të afërta me ta, duke asistuar në ndonjë aktiviteti të vockël kulturor, sa për të “mbajtur” lidhjet me “emisarët” e tyre, të cilëve ua hedhin nga një ashtë të fëlliqur në emër të financimit të ndonjë aktiviteti,…duke injoruar dhe anashkaluar shoqata dhe organizime të mirëfillta, duke injoruar veprimtar të shquar të çështjes kombëtare, duke injoruar kështu në tërësi trurin e kombit shqiptar në Diasporë.

Ndarjet e mërgatës sipas orekseve pushtetare

Me shfrytëzimin e disa mjeranëve, sahanlëpirësve të pushtetit ne rolin e “emisarit”, aq shumë kanë krijuar ndasi dhe përçarje në Diasporë, saqë shumica e mërgimtarëve ndihen të fyer dhe anashkaluar nga shtetet e tyre.
Krrekosjet e krerëve shtetërorë dhe shtirrja e tyre, se gjoja po e ndihmojnë diasporën në ruajtjen e identitetit kombëtar, janë hipokrizi e kulluar.
Rama e Thaçi sikur po harrojnë qëllimshëm se Shqipëria dhe Kosova nuk bëhet me “simite të tharbura” nga Diaspora, por me krijimin e kushteve të volitshme për kthimin në vendlindje të trurit kombëtar, krijimin e sigurisë për investime në vendin e tyre, me luftimin e korrupsionit dhe heqjen e haraçit qeveritar ndaj investitorëve shqiptar të mërgatës sonë.
Me të ashtuquajturat “Samite të Diasporës” dhe maskarada të llojit të tillë nuk forcohet shteti dhe as nuk ndihmohet mërgata jonë. Shteti forcohet dhe përparohet duke i krijuar kushtet mërgatës për pjesmarrje në vendimarrje, respektivisht pjesëmarrjen në votime dhe për të qënë e votuar e jo duke i diskriminuar mërgimtarët në baza partiake dhe ideologjike siq ka ndodhur deri më tani.

“Tre musketerët” e kombit shqiptar

Hashim Thaçi, Edi Rama dhe Ali Ahmeti, këta tre “musketerë” të kombit shqiptar u munduan të dalin më patriotë se çdo kush tjetër në historinë e kombit shqiptar.
Hashim Thaçi, Edi Rama dhe Ali Ahmeti, gjegjësisht tri shtetet që përfaqësuan këta “patriotë” të kombit shqiptar janë në gjendje mjaft të rëndë socio-ekonomike dhe të përfshira në kriza politike.
Nëse flasim për secilin veç e veç, atëherë Hashim Thaçi është shkaktar i shumë të këqijave në Kosovë; i ndarjes në vija etnike, decentralizimit, asociacionit të komunave serbe dhe rihapjes së statusit të Kosovës në dialogun e Brukselit.
Daklarata e Thaçit “Pa shkelur mbi trupin tim nuk do të mund ta cenojë kush 1 milimetër territorin e Kosovës…”, i ngjet patriotizmit të vonuar, për shkak se nuk tregoi, se mbi trupin (turpin) e kujt iu falen Malit të Zi 8200 hektarë të tokës së Kosovës!
Me qeverisjen e Edi Ramës, Shqipëria është kthyer në krizën më të madhe sociale dhe politike në këto dy dekadat e fundit. Për më keq se kaq, kryeministri i Shqipërisë, Edi Rama është bërë “mësiti” i Vuçiqit për ndarjen e Kosovës.
Me “pragmatizmin politik” të Ali Ahmetit, shqiptarët e Maqedonisë, edhe pse e përbëjnë rreth 40 % të popullatës e kanë humbur elementin shtetformues në shtetin ku jetojnë, pra, janë katandisur dhe tretur si asnjëherë gjatë historisë.

Ministrat e Diasporës me qëndrime të kundërta

I ashtuquajturi “Samit i Diasporës”, mund të quhet gjithçka tjetër por jo Samit i Diasporës. Mjafton t’i shikoni pamjet vizuele dhe fotot e “samitit”. Gjysma e të pranishmëve në sallë ishin struktura shtetërore e partiake sa të Shqipërisë, po aq edhe të Kosovës, pak të Maqedonisë e shumë më pak nga Mali i Zi.
Padrejtësitë dhe ndasitë fillojnë me shpërndarjen e ftesave.
Ftohen mbështetësit e pushtetarëve, emisarët politikë dhe sekserët e tyre në Diasporë, ftohen bisnesmenët që kohë pas kohe ua lagin fytin pushtetarëve, ftohen mik pas miku deri tek farefisi i ngushtë,…këto ishin kriteret e ftesave për të ashtuquajturin “Samit i Diasporës”.
Përgjatë 3 diteve të “Samitit të Diasporës” u vërejt qartë se ishte një organizim elektoral, i shndërruar në fushatë elektorale me fjalime të “zjarrta patriotike” dhe hakmarrje ndaj rivalëve politikë.
Fjalimi “patriotik” i Hashim Thaçit nga rreshtat e parë u përcjellë me duartrokitje të shkurtëra, fishkëllimat e gjata nga mesi i sallës e tutje e detyruan Ministrin e Diasporës së Kosovës, “të madhin” Dardan Gashi që ta vëjë dorën në bel për nxjerrjen e “Alltisë”, por fatkeqësisht gasi i kishte mbetur në Gjykatë!
Mirëpo nuk i shkoi mundi krejt huq, për këtë ngazëllim, ministri kosovarë i diasporës Dardan Gashi nderohet me titullin “Kalorës i Urdhnit të Skënderbeut” nga presidenti Meta, si kalorësin më të mirë të gjuajtjes me armë!
Për dallim nga ministri i Kosovës, ishte ministri nga Shqipëria, z. Pandeli Majko që i ngriu buzëqeshjen Edi Ramës me letrën lamtumirëse; “Edi Rama nuk di të ndalet, sepse ai është një pervers, që nuk e di çfarë është dashuria. Ai nuk ka gjak të pastër socialisti, as gjak të pastër shqiptari, por gjak të zi përbindëshi. Edi Rama është me keq se një terrorist. Ky birbo e ka ndarë mendjen të copëtoj gjysmën tjetër të kombit, Kosovën. Kosovën që e dua aq shumë, për të cilën kam luftuar me mish e me shpirtë. Sa të jem gjallë mbi dhe nuk e harroj vajin dhe gjakun e derdhur për Kosovën martire”, përfundon citati i Pandeli Majkos.
Pra, i ashtuquajturi ‘’ Samit i Diasporës’’, përveqse një tribunë e liderëve popullist shtetëror (të Kosovës dhe Shqipërisë) për të promovuar vetën e tyre si patriot pas veprimeve disa vjeçare antikombëtare, u tregua edhe si një fasadë e dështuar e pushtetarëve për mashtrimin e Diasporës Shqiptare.
Për dallim nga “samiti” i parë, kësaj radhe “Samiti i Diasporës” u bojkotua me refuzim ftesash nga shoqata e organizime të fuqishme, nga rrjete biznesesh dhe afarist të shquar, nga studiues, nga aktivist dhe veprimtarë, nga media dhe publicist si dhe krijues të shquar shqiptar nga mërgata jonë.

Presidenti i Kosovës Hashim Thaçi i cili dikur luante k..q..,dhe donte
te ia fuste Amerikës thikën pas shpine,këto ditë është në siklet të
madh sepse po i shtirret maska e zez në fytyrën e tij të vrazhdë dhe
shumë cinike.Këtij”burr shteti” këto ditë po i dalin rrentë për ledinë
kur këto ditë një delegacion nga Amerika e vizitoi Kosovën
deklaroi (sipas Ilir Dedes) se Hashim Thaçi vazhdimisht i paska genjyer
Amerikanet sa i përket qendrimit te SHBA për korrigjimin e
kufijve, duke theksu se e ka mbeshtetjën të mbi 90% të popullsisë së
Kosovës, por ne këtë ide te tij nuk e përkrahin as 5% të popullsisë.

Në takimet me këtë këtë delegacion të SHBA-ve u sqarue gjithëçka rreth
genjeshtrave qe Hashim Thaçi ua ka servu si të”verteta”miqeve tanë,dhe
se SHBA-ja tashti e ka te qartë situatën rreth kufinjve,duke theksuar
se SHBA nuk qendrojnë pas ides se Thçit dhe ekipit te tij misterioz
Vuçiq-Rama-Thaçi-Putin dhe bishti i tyre Baton Haxhiu. Po,kjo është e
çartë si loti sepse SHBA-të me aleatet e sajë në Evropë nuk e çliruan
Kosovën për ta copëtu. Dhe maska i Hashim Thaçit u hoç,ma ky njeri nuk
ka se më çka e mbulon fytyrën e tij.Është e mjaftueshme se më ne fund
SHBA-ja e kuptoi së më çfarë njeriu ka te bëjë.

Por,Gjarperi nuk do te ishte gjarpër nese nuk lakohet nga te gjitha
anet.I bani bashk bisht e krye dhe shkoi te tuxhari i tij Edi Rama në
Tiranë.

Harroi së është pa maskë.Në Tiranë në një tubim për diasporën deshti
te tregohet si patriot pa maskë.Në kët tubim më njfarë intezuiazmi të
madh deklaroi,duke shkelë nëpër gënjeshtrat e veta duke thanë
së:”ndarja,copetimi apo korigjimi i kufijve mund te bahet vetem mbi
trupin temë”,duke shtuar së idje e tij(Viçiqit dhe Ramës)mbi
korigjimin e kufijve është shumë e keqe dhe pazare me teritor nuk do
te ndodhë më asnjë çmim,por gjarpëri përseri e la bishtin vjerrur duke
theksuar së mudë te këtë korixhim kufijsh,sepse nuk e lanë rehat
premtinet qe ua kishte ba bosave te vetë te agjenturave te ndryshme
mafioze qe për qellim kanë ndarjeën e Kosoves.

Duke zbritë nga Tirana në Prizren ai aty u ndalë,iu këthy avazit të
tijë te vjetër duke thanë para masëse se mashtrueme duke thanë se
asnje centimeter tok Kosove nuk do te cenohet.E po mirë,a ka mundësi
bile edhe teorike që te mos cenohet asnjë centimeter tokë,kur edhe
tashi pa maska,angazhohet për korigjimin e kufirit.A ka ndokund në
botë te bahet korgjigjimi i kufirit pa u cenu asnje centimeter
tokë.Ndoshta ky e imagjinon këtë korigjim te kufijve ta bejë diku ne
qiell duke i shpërnda ret.

Por,ajo së çka është edhe më qesharake qe nuk ka as mundesi teorike te
ndodh është insistimi i tij ëndërr kur ai dje në Prizren theksoi se
do te ia bashkangjisë Luginën e Preshevës Kosovës,pa e cenu asnjë
centimeret teritor te Kosovës.Bile për këtë mundesi do te kërkojë edhe
ndryshimin e Kushtetutes se Kosovës,sikur te ishte pronë e tij.Do te
ishte më mirë qe vetë Kushtetuta te ia heq maskat Hashim Thaqit duke e
qitur jashtë loje.Edhe kjo është e pamundëshme,është një floskulë
politike,një rrenë e kulluar.Ai nuk thotë se si do ta fusë Luginën e
Presheves në Kosovë,duke e terhequr me buaj,me traktor apo me
buklduzher,por i duhet më parë qe ti largoj policiin e Vuçiqit nga
Kufiri.

Po,a e dinë ky njeri se ku gjendet Lugina e Presheveë,për besë nuk
ashtë këndej Muqi Babe,por është andej ne Serbi në shtetin e kolegut
te tij çetnik Aleksandër Vuçiq.Apo mos vallë Vuçiq po u bajka aq
dorëshlirë qe ti ia fal Luginën Kosovës.Kjo as në andërr nuk mund ti
ndodhë Hashim Thaçit.Por ai duhet ta dijë mirë së për me e
bashkangjitë luginën duhet me dhanë diçka Serbisë sepse tregetia me
troje nuk bahet veq më marrë pa dhanë asgjë,e Vuçiq ia ka nu syrin
Veriut te Kosovës,me Ujëman dhe Trepçë,te cilat Thaçi po thotë se
vetem mbi trupin tim do ti marrin,i marrin i marrin nese ti luan
bishtë me ta.

Ja pra,si me maska si pa maska ky njeri është plotësisht i çorientuar
ne mendje,i çoroditëshëm,është patriot më maskë,si ja hoqe maskën si
ja nove,te delë e njejta fytyr e mrrolët,cinike me mednje fudull që
për momentin as vetë nuk e di se çka po flet dhe si po vepron.Çprej se
SHBA ia hoqen maskën e vertetë të rrenave,ky ka fillu me u ba më
amerikan se vetë amerikanët në të shprasët.Ky njeri që te mos kemi më
shumë punë me te duhet ta hjekim qafe duke e shkarku na pozita ne
Parlament os me protesta te fuqishme te cilat nuk do te pushonin
derisa ai te rrexohet dhe…

Pranvera ka nisë më ardhë….

Kryetari i Kuvendit të Kosovës, Kadri Veseli, ka paralajmëruar se të gjitha qeveritë mund të bien kur janë në pyetje raportet me Shtetet e Bashkuara dhe prezencën amerikane në Kosovë.

I pyetur nga gazetarët lidhur me deklaratat e disa përfaqësuesve institucional se zyrtarët amerikanë kanë paralajmëruar mbylljen e kampit ushtarak amerikan “Bondstill”, Veseli tha se “gjitha qeveritë mund të bien por jo edhe të largohet amerikanët nga Kosova”.

“Gjitha qeveritë ecin para se të ecin amerikanët nga Kosova” tha Veseli gjatë një vizite në Mitrovicë.

Veseli udhëheq Partinë Demokratike të Kosovës që është pjesë e koalicionit qeverisës i cili ka mospajtime lidhur me taksën ndaj mallrave serbe dhe të Bosnjës, heqjen e të cilës po e kërkojnë tash e sa kohë Shtetet e Bashkuara.

Veseli ka propozuar kohë më parë që taksa të pezullohet për një periudhë 120 ditore, mirëpo kjo po kundërshtohet nga kryeministri Ramush Haradinaj i cili vjen nga partneri tjetër i koalicionit, Aleanca për Ardhmërinë e Kosovës.

Haradinaj ka thënë sot në Gjilan se taksa e vendosur do të mbetet derisa të ketë njohje nga ana e Serbisë për Kosovën në kufijtë ekzistues.

“Taksa nuk duhet të shërbejë si kushtëzim dhe se marrëveshja mes Kosovës dhe Serbisë brenda kufijve ekzistues është zgjidhja e të gjitha problemeve”.

Shtetet e Bashkuara dhe Bashkimi Evropian po i bëjnë thirrje institucioneve të Kosovës të shfuqizojnë ose pezullojnë taksën ndaj mallrave serbe në mënyrë që t’i hapet rruga vazhdimit të dialogut ndërmjet Kosovës dhe Serbisë, i cili, sipas Brukselit dhe Uashingtonit duhet të përmbyllet me një marrëveshje gjithëpërfshirëse mes dyja vendeve.

Halil Matoshi, këshilltar i kryeministrit të vendit, Ramush Haradinaj, ka reaguar ndaj nënkryetarit të Lidhjes Demokratike të Kosovës, Lutfi Haziri, pas deklaratës së tij, në një intervistë për Gazetën Express, se pret që qeveria e vendit të rrëzohet, bashkë me taksën që ka vënë ndaj Serbisë.

“Fati i Qeverisë, edhe heqja edhe rënia e kësaj Qeveria do të ndodhin bashkërisht me taksën. Po e konfirmoj atë që kam thënë më 21 janar se edhe tarifa edhe Qeveria do të shkojnë bashkë. Koha po e dëshmon se po shkohet në atë drejtim”, ka deklaruar sot Haziri.

Matoshi, nëpërmjet një shkrimi në Facebook, ka thënë se Qeveria mund të bjerë, nëse 61 deputetë të Kuvendit të Kosovës votojnë për një gjë të tillë.

“Qeveria mundet me ra në demokraci kurdo që mocioni përkrahet nga 61 vota në Kuvend, por vallë taksa ndaj produkteve të Serbisë pse iu ka pikë Lutës që të hiqet!???”, ka shkruar Matoshi në rrjetin social, në internet.

Më tej, Matoshi ka sulmuar Hazirin rreth kundërshtimit të tij për taksën ndaj produkteve serbe, që ka vënë Qeveria Haradinaj, sepse, sipas këshilltarit të kryeministrit, kjo masë “parandalon ndarjen e Kosovës, sipas hartave të tij turbofolk mentale”.

Matoshi madje e ka cilësuar Hazirin këshilltar të presidentit të vendit, Hashim Thaçi.

“Lutfi Haziri është një nga këshilltarët e Presidentit Thaçi në këtë çështje, në turrin antikushtetues, për hapjën e çështjes së sovranitetit dhe integritetit territorial, të Republikës së Kosovës, në raport me Serbinë, për çka estabilishmenti serb u angazhu plot 11 vjet!?”, është shprehur ai.

“Luta, siç i thonë votuesit e tij, e ka çmistue ‘Shefin’, siç i thotë ai Presidentit, për korrigjimin e kufirit dhe do të mbetët si një ndër rrënuesit në tentativë të Kosovës së 17 shkurtit”, ka vlerësuar Matoshi, ndër të tjera.

“Ai paguhet nga taksat tona për një post kushtetues dhe retorika e tij bie ndesh me atë Kushtetutë!? Një ditë, dikush duhet me mbajtë përgjegjësi politike e historike, por edhe penale për ndërmarrje antikushtetuese (Neni 1; 1.2 dhe 1.3.)”, përfundon shkrimi i Matoshit. /Express/

Prishtinë

Burime të Indeksonline bëjnë me dije bëhet fjalë për Xhevdet Thaçi i cili gjatë kohës së luftës ka qenë i angazhuar në Shtabin e Përgjithshëm për futjen e armatimit në pjesën e Hasit të Gjakovës.

Thaçi do të intervistohet nga Dhomat e Specializuara brenda pak ditësh.

“Nga Gjykata Speciale më kanë kontaktuar para 5 ditëve. Kam qenë ushtar i thjeshtë, por kam lëvizë me shtabin e përgjithshëm në futjen e armatimit në pjesën e Hasit të Gjakovës, kam qenë herët i kyqun në UÇK deri në plagosje që kam pas më 13 qershor të vitit 1998 në kufirin Kosovë- Shqipëri, pastaj jam kthyer përsëri”, ka thënë Thaçi.
Thaçi ka thënë se nuk i është bërë me dije nëse është ftuar në cilësinë e dëshmitarit apo të dyshuarit.

“Nuk e di, porse unë edhe më herët jam intervistuar nga UNMIK-u dhe EULEX-i, sigurisht që jam i pafajshëm”, ka shtuar tutje ai.
Thaçi më 13 qershor të vitit 1998 u plagos nga forcat ushtarake serbe në kufirin Kosovë- Serbi.

Kryeministri i Kosovës, Ramush Haradinaj ka ashpërsuar tonet me presidentin Thaçi në lidhje me çështjen e kufijve mes Kosovës dhe Serbisë. Ai iu përgjigj prerazi presidentit duke theksuar se kjo “lojë” nuk do të realizohet asnjëherë, ndërsa mes tjerash pohoi se një çështje e tillë ka hyrë thellë.

Sipas tij, asnjë pjesë të territorit të Kosovës nuk kontestohet dhe për ketë arsye nuk mund të ndodhë asnjë korrigjim i kufijve dhe se Kosova në kufijtë 17 shkurtit nuk kthehet prapa.

“Nuk ka budallenj më, njëherë na kanë befasuar, më jo”, tha ai. Kreu i qeverisë, gjithashtu përsëriti se nuk do të ketë “Republikë të Dodikut”, asociacion me kompetenca ekzekutive të komunave me shumicë serbe.

Ndërsa, sa i përket largimit të trupave amerikane, tha se ne dëshirojmë që ata të mbesin në Kosovë, sipas tij ata janë në shtëpi dhe të vet dhe asnjë veprim i Kosovës nuk do ta prish këtë marrëdhënie.

“Janë disa prej Kosovës që i thonë shtoja edhe qeta se e largon taksën. Ambasadorja e Kosovës në SHBA, nuk është e Kosovës është e Hashim Thaçit”, tha ai.

Këto komente Haradinaj i bëri gjatë mbajtjes së Kuvendit të tetë zgjedhor të Aleancës për Ardhmërinë e Kosovës në qytetin e Deçanit.

Presidenti i Kosovës, Hashim Thaçi, ka thënë se do të ketë korrigjim të kufirit me Serbinë dhe bashkëngjitje të Luginës së Preshevës me Kosovën. Ka thënë se ky është vizioni i tij dhe do të punojë për të ndryshuar Kushtetutën për ta bërë pjesë të Kosovës edhe Preshevën, Bujanocin e Medvegjën

“Korrigjimi i kufirit, po. Me një shtet të pavarur dhe sovran të Kosovës. Me përfshirjen e Preshevës, Bujanocit dhe Medvegjës me Kosovën. Do të punoj për të ndryshuar Kushtetutën. Ndryshimi i Kushtetutës nuk është fundi i botës”, ka thënë Thaçi nga Prizreni, shkruan Gazeta Express.

Shefi i Shtetit nuk është marrë me akuzat e Ramush Haradinajt se po e mashtron popullin kur po flet për ndryshim të kufijve.

Sidoqoftë, Thaçi ka thënë se me Serbinë s’do të ketë shkëmbim të territoreve dhe as asociacion të komunave serbe me kompetenca ekzekutive. Ka kundërshtuar edhe idenë për një Union Ballkanik.

“Ideja e shkëmbimit të territoreve është ide e keqe. Është pazar. Nuk do të lejoj të ndodh. Me asnjë çmim. Por, dua të potencoj gjithashtu, jo që do të shtrohet në tavolinë, por s’do të lejoj as që të diskutojë dikush për pavarësinë e Kosovës”, ka thënë ai.

Kreu i Kosovës ka thënë se kushdo që nuk respekton këshillat amerikane është në anën e kundërt të historisë.

“Respektimi i këshillave të SHBA’së thekson qartë drejtimin tonë të drejtë si vend e shoqëri. Anën e drejt të historisë. Çdo kryeneçësi tjetër është ana e gabuar e historisë”, ka shtuar ai.

Ministria e jashtme e Rusisë pretendon se në Reçak ka patur inskenime. Voal.ch po sjell qendrimin e zëdhënëses të MPJ të Rusisë bashkë me të dhënat reale të luftës dhe një qendrim të Ambasadorit Walker 20 vjet pas masakrës të Reçakut.

“Zëdhënësja e MPJ-së ruse Maria Zakharova thotë se propaganda perëndimore ishte vendimtare që NATO të bombardojë RF Jugosllavinë (Serbi dhe Malin e Zi) në vitin 1999.

Sipas Zakharovës, ka pasur një fushatë histerike në mediat perëndimore që vazhdonin prej muajsh, duke u përqendruar në shtypjen masive të shqiptarëve (kosovarë), ndërkohë që heshtnin për aktet terroriste të “luftëtarëve të Kosovës dhe krimeve të tyre, përfshirë rrëmbimin e njerëzve për qëllime të trafikut të paligjshëm të organeve “.

“Asnjë thriller nuk mund të krahasohet me tmerret që po ndodhnin në ato zona”, tha zëdhënësja e Ministrisë të Jashtme të Rusisë.

Zakharova shtoi se arsyeja (e deklaruar) për bombardimet ishte “vrasja e civilëve në Raçak, diçka e raportuar nga të gjitha mediat perëndimore dhe të gjitha strukturat e NATO-s dhe BE-së, edhe pse doli se ata nuk ishin aspak civilë , por luftëtarët e Kosovës (pjesëtarët e UÇK-së) u veshën (me rroba civile). ”

“Rezultati i kësaj fushate propagandistike – agresioni i armatosur kundër një shteti evropian (Serbia) dhe tjetërsimi faktik i një pjese të territorit të saj (Kosovë dhe Metohi) përmes përdorimit të forcës ushtarake. Ishte në vitin 1999 që NATO varrosi ligjin ndërkombëtar në Evropë, ” theksoi Zakharova.

Pas këtyre ngjarjeve, çdo pretendim nga vendet perëndimore se propaganda është përdorur diku, ose se liria e shprehjes nuk respektohet, mund të konsiderohet si “hipokrizi e hapur”, përfundoi Zakharova./Burimi B92

Bilanci zyrtar i Luftës së Kosovës 1998-1999: 11 840 të vrarë midis tyre vrarë ose zhdukur 1392 fëmijë, një milionë të dëbuar

Ambasadori William Walker reflekton 20 vjet pas masakrës së Reçakut: Masakra e Reçakut krim kundër njerëzimit!