Ish-kryeministri i Shqipërisë, njëherësh ish-president i vendit, Sali Berisha, i është përgjigjur presidentit të Kosovës, Hashim Thaçi, pas ftesës së tij për një debat publik mes tyre.​

Thaçi ka kërkuar të enjten ballafaqim televiziv me Berishën, pasi ish-udhëheqësi i Shqipërisë javëve të fundit ka paraqitur një sërë argumentesh kundër idesë së presidentit kosovar për korrigjimin e kufijve mes Kosovës dhe Serbisë.

E, në një prononcim ekskluziv për Gazetën Express, Berisha ka bërë të ditur se e refuzon ftesën e Thaçit për debat televiziv me të.

Teksa ka thumbuar Thaçin, Berisha ka thënë se më përpara do të dilte në debat me presidentin e Serbisë, Aleksandar Vuçiq.

Udhëheqësin serb, Berisha e ka cilësuar “patron” të Thaçit.

“Po të jetë për debat, para një argati shqipfolës albanofob, dhe një patroni të tij në Beograd, për ballafaqim do të preferoja këtë të fundit”, ka deklaruar Berisha për Gazetën Express.

“Këtë e kam shprehur edhe më parë”, ka thënë ish-udhëheqësi shqiptar.

Gjatë një interviste në emisionin “Pressing”, në televizionin T7, muajin e kaluar, Berisha e kishte sulmuar ashpër Thaçin për idenë e tij për kufijtë.

Berisha kishte vlerësuar se plani i Thaçit për kufijtë parasheh ndarjen e Kosovës.

Ai kishte thënë po ashtu se Thaçi po i ndjek planet e Serbisë për Kosovën.

Ish-udhëheqësi shqiptar kishte deklaruar në T7 se më përpara do të takonte një serb, sesa Thaçin. /Express/

Presidenti i Kosovës, Hashim Thaçi, ka biseduar sot në telefon me John Bolton, këshilltar për Siguri Kombëtare i presidentit amerikan, Donald Trump.

Lajmin e ka bërë të ditur vetë Thaçi, nëpërmjet një shkrimi në llogarinë e tij zyrtare, në rrjetin social Facebook, në internet.

“Këtë pasdite kisha një bisedë telefonike me Këshilltarin për Siguri Kombëtare në Shtëpinë e Bardhë, ambasadorin John Bolton”, ka shkruar Thaçi.

Presidenti kosovar ka thënë se me Boltonin ka diskutuar për “dialogun ndërmjet Kosovës dhe Serbisë, si dhe për partneritetin e përhershëm në mes të Kosovës dhe SHBA-së”.

“Ambasadorin Bolton e sigurova se Republika e Kosovës mbetet e përgjegjshme për vazhdimin e dialogut dhe do të flasë me një zë, ashtu siç ka kërkuar Presidenti Trump”, është shprehur Thaçi.

“Ne jemi të bindur se dialogu do të fillojë së shpejti dhe do të përfundojë me një marrëveshje gjithëpërfshirëse, që siguron njohjen reciproke dhe anëtarësimin në NATO, BE dhe OKB”, ka shtuar ai.

“Kosova ka ecur gjithmonë përkrah Shteteve të Bashkuara të Amerikës dhe miqësia do të jetë e përhershme”, përfundon shkrimi i Thaçit./Express

John Bolton është Këshilltari Nacional për Siguri i Presidentit të
SHBA-ve Donald Trump. Arsyet së pse Presdienti e zgjodhi bash këtë
figurë kontraverze për Këshilltarë është çështje e tij.

Por unë e di së John Bolton është një figurë kontraverse,është një mik
i madh i Serbisë por njkohsishtë është edhe antishqiptar.Ai ishte
gjithëmonë kundër Kosovës dhe pro Serbisë,po del së John Bolton është
mik i Serbisë,por njkohësishtë po delë se ështe edhe antishqiptar dhe
kundër Kosovës.Ai u shprehë hapur kundër pavaresiësë së Kosovës
përderisa ishte zyrtar i SHBA ne OKB. dhe kurr nuk e ndrroi qendrimin
për pavarësin e Kosovës,anipse SHBA ishin te parat qe e njohën
pavarësin e Kosovës.

Nuk e di poashtu së çka i”përshpërit” John Bolton Presidentit Donald
Trump për Kosovën apo për Serbinë.Nuk jam profet ta di.Por e di një
gjë se sentenca e përfolur së po u demtojkan interesat nacionale te
SHBA ne Ballkan nese Kosova nuk e heç taksën ndaj Serbisë.Unë nuk po
marrë vesh së çka kanë lidhje interesat strategjike dhe gjeopolitike
të Amerikes ne Ballkan me taksën e Kosovës.Taksa e Kosovës nuk duhet
të lidhët me këto interesa . Taksa është si pasojë e sjelljesë
arrogante,diskriminuese e Srbisë ndaj Kosovës e ekupimit te Veriut te
Kosovës,kurse askush nuk reagon nga nderkombetaret e as nga John Bolton
i cili kur është ne pyetje Serbia ai i mshel syt dhe i mbyll veshet.

Apo mos vallë kjo puna e taksës është ndonje”përshpëritje” e Jon
Boltonit ne vesh te Presidentit,për ti ndihmuar mikut te vetë Serbisë
e cila ka renë ne gazep me taksen e Kosovës,e cila edhe ua shprishi
zorret pushtetarëve serbë në krye me A.Vuçiq kundër te cilit është qu
ne proresta populli i vetë përgjatë tërë Serbisë.

Kryetari i Kuvendit të Kosovës, Kadri Veseli, njëherësh kryetar i Partisë Demokratike, tha se partneriteti i Kosovës me Shtetet e Bashkuara të Amerikës do të jetë i përjetshëm.

Gjatë homazheve që i bëri te shtatorja e ish-komandantit të UÇK-së, Zahir Pajaziti, në Prishtinë, Veseli tha se qytetarët e Kosovës duhet të jenë të sigurt se sovraniteti dhe shteti mbrohen me politika të mençura.

“Në të njëjtën kohë, Shtetet e Bashkuara të Amerikës janë vetë Kosova. Ne jemi një dhe aty ku është Amerika, është Kosova dhe anasjelltas”, tha Veseli.

Komentet e tij pasojnë kërkesën e përsëritur të SHBA-së për pezullimin e tarifës doganore 100% që Kosova u ka vënë mallrave të importuara nga Serbia dhe Bosnje e Hercegovina.

Por, me gjithë këtë kërkesë që po përsëritet disa herë, Qeveria e Kosovës nuk ka marrë ndonjë vendim për pezullim të tarifës.

“I rëndësishëm është partneriteti me SHBA-në dhe i gjithë orientimi im politik është drejt kombit tim dhe fuqizimit të kombit tonë me SHBA-në. Nuk ka sovranitet dhe mbrojtje të territorit të Kosovës pa politika të mençura euroatlantike, pa Shtetet e Bashkuara të Amerikës dhe partnerët ndërkombëtarë”, tha Veseli.

Ai është pajtuar që tarifa të pezullohet për 120 ditë, për t’i dhënë mundësi vazhdimit të dialogut për normalizimin e marrëdhënieve me Serbinë, ashtu siç ka kërkuar edhe SHBA-ja, dhe BE-ja.

Mediat raportojnë se ambasadori i Shteteve të Bashkuara të Amerikës, Philip Kosnett, ka lënë takimin me liderët vendas duke shfaqur nervozizëm nga refuzimi i Kryeministrit Ramush Haradinaj për pezullimin e taksës dhe rifillimin e Dialogut.

Burime të RTK-së thonë se Ambasadori Philip Kosnett është ngritur demonstrativisht dhe ka përplasur derën, teksa është larguar nga takimi që kishte për qëllim diskutimin për zgjidhjen e kësaj çështje. Kjo është edhe arsyeja pse liderët kosovarë sot mbeten më gjatë në takim, e nuk dolën përnjëherë me ambasadorin e SHBA-së,

Në këtë takim me Presidentin Hashim Thaçi, Kryeparlamentarin Kadri Veseli dhe Kryeministrin Ramush Haradinaj, siç mësohet, ambasadori Kosnett ka bërë të qartë se ekzistojnë vetëm dy rrugë. E para, pezullimi i taksës, që nënkupton qëndrimin e SHBA-së përkrah Kosovës deri në fund. E dyta, vendosja e menjëhershme e sanksioneve të SHBA-së për Kosovën, që nënkupton dëmtimin serioz të raporteve mes dy vendeve. Qeveria e Kosovës, më 21 nëntor, ka vendosur taksë 100% për mallrat nga Serbia dhe Bosnje Hercegovina.

Që nga ajo ditë, Kosova është duke u përballuar me presionin e SHBA-së dhe BE-së për pezullimin e taksës dhe shfrytëzimin e mundësisë për arritjen e një marrëveshjeje gjithëpërfshirëse mes Kosovës dhe Serbisë për normalizimin e plotë të marrëdhënieve mes këtyre dy vendeve.

Për t’i bërë presion për heqjen e takës, kryeministrin Haradinaj e ka telefonuar këshilltari kryesor i presidentit Trump. Haradinaj në paraqitjet e sotme për media nuk ka bërë asnjë koment rreth telefonatës, ndërsa as John Bolton nuk ka bërë publike asgjë rreth telefonatave që nga Shtëpia e Bardhë i ka bërë në Ballkan.

John Bolton, këshilltari që llogaritet si një nga njerëzit kryesorë të Presidentit amerikan, Donald Trump, ka telefonuar dje gjatë ditës kryeministrin Ramush Haradinaj.

Tema kryesore e telefonatës ishte taksa prej 100 për qind ndaj produkteve serbe dhe boshnjake, të cilën Haradinaj po refuzon ta heq.

Pas disa takimeve me ambasadorin amerikan, Philip Kosnett, kryeministrin që s’po i bindet thirrjeve të SHBA-së e kontaktoi Bolton.

Këshilltari i Trumpit nuk ka dhënë asnjë shenjë se ka biseduar me shefin e qeverisë kosovare. Dje është raportuar e Bolton ka folur edhe me Thacin ndërsa edhe Edi Rama ka bërë me dije në Twitter se ka folur për Kosovën me vartësin e Presidentit të SHBA’ve.

Por, në profilin e tij në Twitter, Bolton ka shkruar rreth çështjeve të tjera me të cilat po merret administrata Trump.

As Zyra e Kryeministrit nuk ka dalë me njoftim zyrtar rreth asaj se çka kanë biseduar Haradinaj e Bolton.

Haradinaj ka refuzuar të përgjigjet në pyetjet rreth kësaj telefonate, duke e mbajtur sekret se çka i tha njeriu i Trumpit.

Gazeta Express ka raportuar se Haradinaj po priste telefonatën e këshilltarit të Trumpit, ndërsa bisedën mes tyre e kishte konfirmuar në mbrëmje nënkryetari i AAK-së, Ardian Gjini. Express/

Qeveria e Kosovës, pas takimit të liderëve të partive të koalicionit qeverisës, ka njoftuar se liderët në pushtet kanë biseduar për zhvillimet e fundit, me theks të veçantë për çështjen e taksës doganore ndaj produkteve të Serbisë dhe Bosnjës, për platformën e dialogut me Serbinë, miratimin e Projektbuxhetit për vitin 2019 dhe pakon e ligjeve përcjellëse.

“Partnerët e koalicionit janë dakorduar që ditëve në vazhdim t’i intensifikojnë veprimet dhe aktivitetet drejt harmonizimit të vendimmarrjes për sa u takon temave të sipërpërmendura. Gjatë takimit është biseduar kryesisht për aspektet kryesore që ndërlidhen me platformën e dialogut, e cila pritet të miratohet së shpejti në Kuvendin e Kosovës”, është thënë në komunikatën e Qeverisë.

Në takim morën pjesë, kryeministri Ramush Haradinaj, kryetar i Aleancës për Ardhmërinë e Kosovës, Kadri Veseli kryetar i Partisë Demokratike të Kosovës, Fatmir Limaj kryetar i Nismës Socialdemokrate dhe Behgjet Pacolli, kryetar i Aleancës Kosova e re.

Megjithatë, asnjë nga liderët nuk është deklaruar për media, pas takimit.

Megjithatë, Qeveria ka njoftuar se partnerët e koalicionit janë zotuar “për intensifikimin e hapave dhe bashkërendimin e vendimeve me partnerët strategjikë të Kosovës, SHBA-së dhe BE-në”.

“Është vlerësim i përbashkët se koalicioni është funksional dhe stabël. Do të vazhdohet me përkushtim në arritjen e qëllimeve në përputhje me objektivat programore qeverisëse”, është thënë në fund të komunikatës.

Ndryshe, mospajtimet brenda koalicionit qeverisës në Kosovë janë shfaqur në ditët e fundit, lidhur me çështjen e pezullimit ose jo të taksës doganore ndaj importeve nga Serbia dhe Bosnjë e Hercegovina.

Këto mospajtime, po vlerësohet se janë duke rrezikuar edhe vetë ekzistencën e këtij koalicioni.

Bazuar në qëndrimet publike, kryetari i PDK-së, Kadri Veseli ka kërkuar që tarifa të pezullohet për 120 ditë, për t’i dhënë mundësi vazhdimit të dialogut me Serbinë, siç po kërkon Uashingtoni dhe Brukseli.

Por kundër pezullimit të kësaj mase është kryeministri i Kosovës, Ramush Haradinaj.

Kryetari i Partisë Demokratike të Kosovës, Kadri Veseli.

Partia Demokratike e Kosovës, ka shprehur shqetësimin e saj për siç ka thënë mungesën e theksuar të bashkërendimit dhe bashkëveprimit institucional për çështjet e interesit shtetëror të Kosovës.

Kjo parti ka thënë përmes një deklarate për media, se konsideron që një gjë e tillë është duke e dëmtuar partneritetin me Shtetet e Bashkuara të Amerikës dhe pozicionin e Kosovës në rrafshin ndërkombëtar.

Sipas saj, duhet të hiqet dorë nga qasja dhe protagonizmi i njëanshëm politik, i cili po e shpie Kosovën në krizë politike, në kohën kur siç është shprehur PDK, sfidat me të cilat përballet Kosova kërkojnë unitet kombëtar.

Kuvendi i Republikës së Kosovës, është thënë në deklaratë është institucioni më i lartë i shtetit dhe asnjë vendim nuk ka vlerë pa marrë miratimin e deputetëve të tij.

Prandaj kjo parti ka kërkuar që të hiqet dorë nga deklarimet për korrigjimin e kufijve si dhe nga deklarimet e thirrjes së një Konference Ndërkombëtare për Kosovën.

“Kosova shkon në dialog (me Serbinë) vetëm për normalizimin e plotë të marrëdhënieve me Serbinë, njohjen reciproke, ulësen në OKB dhe përshpejtimin e anëtarësimit në BE dhe NATO”, është thënë në deklaratë.

Sipas kësaj partie çdo vendimmarrje e arritur në përfundim të dialogut me Serbinë duhet të legjitimohet nga vullneti i drejtpërdrejtë i popullit të Kosovës me referendum dhe nga Kuvendi i Republikës së Kosovës.

Drejtori i Zyrës për Kosovën në Qeverinë e Serbisë, Marko Gjuriçi

Drejtori i Zyrës për Kosovën në Qeverinë e Serbisë, Marko Gjuriq qëndroi të martën në Zveçan, ku u takua me përfaqësuesit e serbëve të Kosovës.

Takimi ka qenë i mbyllur për media.

Më pas, Gjuriq njoftoi se ka biseduar për problemet me serioze që ballafaqohet populli serb në Kosovë.

Ai vuri në dukje se janë intensifikuar përpjekjet “nga jashtë dhe nga brenda” të thyhet uniteti institucional dhe politik i serbëve në Kosovë, në mënyrë që “populli serb të dobësohet përmes metodave të ndryshme të presionit”.

Gjatë takimit, përmes linjës telefonike është kyçur edhe presidenti i Serbisë, Aleksandar Vuçiq, i cili ka përcjellur mesazhin e bashkimit dhe sesi të ruhet paqja dhe qetësia gjatë periudhës së ardhshme.

Gjuriq gjithashtu njoftoi se në takim me përfaqësuesit serbë të Kosovës është diskutuar edhe për 141 projekte të cilat Serbia po i realizon në Kosovë që përfshijnë, shkolla të reja, rrugë dhe spitale.

Kryetari i Listës Serbe, Goran Rakiq, tha se serbët e Kosovës dëgjojnë çdo ditë “kërcënimet e pakuptueshme prej përfaqësuesve politikë në Prishtinë mes të cilave edhe për bashkimin e Mitrovicës” duke shtuar se “ qëllimi nuk është bashkimi ekonomik i Mitrovicës por pastrimi etnik i serbëve nga veriu i Mitrovicës”.

“Ne ramë dakord të qëndrojmë unik, siç edhe dëgjuam nga presidenti Vuçiq, pasi shteti i Serbisë është i fuqishëm dhe është me ne” tha Rakiq.

Kryeministri i Kosovës, Ramush Haradinaj tha se nëse prishet koalicioni qeverisës dhe shpallen zgjedhjet e parakohshme, atëherë taksa do të mbetet deri në verë.

Haradinaj këto komente i bëri në një konferencë për media pas mbledhjes së qeverisë.

“Sa i përket prishjes së koalicionit dhe shkuarjes në zgjedhje i bie që taksa të mbetet deri në qershor. Sepse nëse shpallen zgjedhjet i bie nja 45 ditë deri sa të mbahen, derisa të krijohet parlamenti dhe 30 ditë tjera, kështu që hyjmë në verë. Bëhuni gati se në verë do të hyjmë me taksë”, ka thënë Haradinaj.

I pyetur se si i ka raportet me LDK dhe VV-në, ai tha: “Kam komunikim dhe me LDK dhe me VV. Nëse njëra nga kushtet që kam nxjerr unë më prish me dikë nuk ka dert, du me ndejt mirë me të drejtën time. Nëse dikush ka problem me kërkesat që kam vendos atëherë jemi të prisht apriori, nuk kam arsye me hap veten më”.

Shkrimin po e filloj me një rrëfim ëndrre të pazakontë në qytetin e lindjes, të pasuar nga një realitet i hidhur në vendin ku i kalova 24 vitet e jetës time prej mërgimtari.

Akti i parë

Ashtu siç isha duke ecur në sheshin e “Qarshisë së Gjatë” në Pejë, përpara më del një njeri i gjatë, i bukur dhe pedant i veshur me kostume ngjyrë të kaltër. Fillimisht më përshendeti, pastaj filloj të prezentohet; “Unë jam një biznesmen i pasur, jam në kërkim të njerëzve të mirë, atdhetarëve e mendjendriturve që i duan të mirën vendit të tyre, e për të cilët e kam vënë në dispozicion e gjithë pasurinë që kam!
Duke tentuar të flas me të, papritmas u zhduk njeriu misterioz!

Akti i dytë

Në të njëjtin vend, pra në “Qarshinë e Gjatë” në Pejë, derisa isha duke biseduar me një mik timin, me një veprimtar të shquar të mërgatës shqiptare, përseri përpara nesh u shfaq njeriu misterioz, por kësaj radhe me një çasje krejt tjetër.
“Unë i ndihmoj vetëm ata që i përkasin dhe besojnë fesë time,…Zoti i don dhe i ndihmon vetëm ata që i përkasin besimit tim fetar,…ndërsa ata që nuk i përkasin fesë tonë nuk janë të adhuruarit e Zotit”!
Na e kthejë shpinën dhe kur filloj të zhduket para syve tonë, unë i bërtita me sa zë që kisha; “Kthehu këndej o ti njeri i mirë, pak ka rëndësi feja të cilës i përkasim, rëndësi dhe vlerë ka kombi ynë, origjina jonë pallazgo-ilire, besimet fetare, janë imponim i dhunshëm i pushtuesve,…ndihma jote o ti njeri i pasur nuk na bënë nder ne të varfërve me shpirtë të pastër”!
Këtu përfundon akti dytë i ëndrrës befasuese.

Realiteti më i hidhur se ëndrra

Ishte pranverë e vitit 1998, kur flakët e luftës kishin mbërthyer disa pjesë të Kosovës, familja ime bënin jetë prej refugjati, duke i ndjekur flakët e luftës nga një vend në tjetrin,…ndërsa unë bëja përpjekjet titanike për t’i sjellur në Itali.
Mirëpo, përpara qëllimit tim fisnik, befasisht u shfaq një pengesë e paparashikuar. Edhe pse me ndërmjetësim dhe garanci të forta nga firma ku punoja, tri banesa i humba shkaku i përkatësisë fetare. Pas humbjes së banesës së tretë, që ishte ideale për familjen time, pronares së firmës i thashë këto fjalë; “bëjë ç’të duash vet pa prezencën time”.
E zhgënjyer edhe ajo në bashkvendasit e saj, pronarja e firmes e kishte përdorur një strategji tjetër sigurimin e banesës, duke i thënë pronarit të shtëpisë, se banesa i duhet për një familje nga Kroacia!
Ndërsa unë këtë fakt arrita ta kuptoj vetëm pas 6 muajve të qëndrimit tim me familje në atë banesë, ku në një rast kortezie, erdhi pronari i banesës për disa fatura,…derisa bisedonim për situatën në Kosovë, ai në një moment m’u drejtua me fjalët; “Si po e njeh ti nga Kroacia kaq mirë situatën në Kosovë”!?

Në kërkim të (pa)fajësisë për konseguencat e përjetuara

Kush janë fajtorët e përcaktimit tim fetar, origjina ime apo pushtimet e gjata!?
Fajtorë për këtë nuk janë prindërit dhe as gjyshërit e mi pse unë jam musliman, fajtorë nuk jam as unë që nuk e prejudikoj fenë muslimane, sikurse që nuk e ndjej vetën fatorë pse nuk munda të konvertohem brenda ditës në një fe tjetër!
Edhe përkundër konseguencave të sipërpërmendura në shtetin italian shkaku i përkatësisë fetare, asnjëherë nuk më ka shkuar mendja të ndërrojë fe apo të urrejë besimtarët katolik në shtetin italian.
Për shkak se, tek unë parim bazë është dashuria e jo urrejtja, komunikimi e jo mbyllja, toleranca e jo diskriminimi njerëzorë.
Si rezultat i parimeve të shëndosha, 10 vite më vonë, si përfaqësues i të huajëve në shkollat e 8 komunave të pjesës veriore të Italisë (në “LA RETE interistituzionale”), me ligjeratat e mia para nxënsësve italianë, arrita të thejë mitin serb “mbi luftërat fetare në ballkan”, e në veçanti të kinse “luftës fetare” në Kosovë.
Kësaj historie të gjatë do t’i kthehem me një libër autorial, për shkak se, jo një shkrim, dy apo më shumë, nuk do mund e përmbledhin odiseadën e gjatë të përjetimeve të mia në shtetin italian.

Historia e tri feve shqiptare

Historikisht shqiptarët i kanë pasur dhe kanë tri fe kryesore: Katolike, Ortodokse dhe Muslimane. Asnjëra nga fetë e sipërpërmenduar nuk erdhën si dëshirë e shqiptarëve, por si imponim i pushtuesve shekullorë, të cilët i përdorën fetë për zhbërjen e identitetit tonë kombëtar.
Pushtuesit i përdorën format më çnjerëzore për ta zhdukur ç’do element që lidhej më kulturën dhe traditën tonë mijëravjeçare, duke e paraqitur veten si “Zot” të trojeve tona.
Pushtuesit shekullorë përmes fesë u munduan t’i përçajnë shqiptarët dhe identitetin e tyre ta paraqesin si romak, turk e sllav, varësisht prej fesë që i takonin.

Përçarësit e sotëm, më shumë janë intelektualë të dështuar se sa klerikë fetarë

Liria nga zgjedha e pushtuesit serb në njërën anë dhe zhgënjimi i madh në politikanët vendorë, ka bërë që shqiptarët të zhvendosen lehtësisht nga besimet e tyre tradicionale.
Investimet e shumta nga jasht për instalimin e sekteve të reja fetare, kanë çuar më shumë në kundërthënjet brenda të njëjtit besim fetar se sa të përçarjeve ndërfetare në përgjithësi.
Të pa nevojshme dhe të pa arsyeshme janë publikimet me ngjyrime partiake të disa intelektualëve në rrjetet sociale, duke e paraqitur si të rrezikuar njërin sekt fetar në Kosovë.
Kështu ndodh, kur intelektualët nuk po e kryen punën që u takon, kur politikanët dështojnë në qeverisjen e vendit dhe kur klerikët dalin jashtë fushës së religjionit.
Shqiptarët asnjëherë gjatë historisë mijëvjeçare nuk kanë pasur konflikte ndërfetare, andaj e kanë të kotë armiqt që të shkaktojnë konflikt ndërfetar në mes shqiptarëve në ditët e sotme.
Për shkak se fërkimet e lehta ndërfetare janë të papërfillshme në raport me rrënjët e thella të një gjaku e të një ashti të shqiptarëve. Atdheu për shqiptarët është mbi ideologjitë fetare dhe partiake.
Ndalja e fërkimeve ndërfetare mbetët në dorën e intelektualëve të mirëfilltë, politikanëve dhe klerikëve atdhetarë, që t’ju bëjnë thirrje të sinqerta popullatës për unitet kombëtar para atij fetar.
Ideologjitë shkojnë e vijnë, kombi është përjetshëm.

Ish-kandidati i Lidhjes Demokratike të Prishtinës, Arban Abrashi, ka thënë se Shpend Ahmeti është bërë pjesë e grupit të dialogut vetëm që të largohet nga problemet dhe dështimet me të cilat po përballet kryeqyteti.

“Për z.Ahmeti kjo ka qenë një tentim me u largu prej dështimeve në Prishtinë, duke thënë se tashmë po merrem me probleme më të mëdha. Ndërkohë dështimet po ndodhin edhe në Prishtinë edhe në Bruksel”, ka thënë Abrashi në FRONTAL të T7, raporton Gazeta Express.

Ndërkohë deputeti i LDK-së, ka folur edhe rreth dialogut të Brukselit, dhe takimit të sotëm që delegacioni kosovar i prirë nga Limaj e Ahmeti kanë pasur me zyrtarë të BE-së.

Sipas Abrashit ky do të jetë edhe udhëtimi i fundit i këtij delegacioni drejt Brukselit, pasi që këto takime të tilla janë qesharake dhe sa për sy e faqe.

“Unë besoj që ata pasi të kthehen sot nga Brukseli nuk do të shkojnë më, sepse janë takime sa për sy e faqe. Ata me qenë të mençur nuk e bëjnë fare publik këtë takim, sepse është qesharake se për çfarë kanë shkuar aty”, ka thënë ndër të tjera zyrtari i LDK-së, Arban Abrashi në FRONTAL, raporton Gazeta Express.

Ai thotë se dialogu i Brukselit ka stagnuar, dhe ky delegacion nuk ka se çfarë kërkon më në takime të tilla.

Në udhëtimin e parë të këtij delegacioni,, në Bruksel janë pritur nga përfaqësuesja e lartë Federica Mogherini. Ndërsa në takimin e sotëm, ata janë pritur nga një përfaqësuese e BE’së dhe zëvëndëse e Mogherinit.

Kreu i Lëvizjes Vetëvendosjes, Albin Kurti, bashkë me nënkryetarin Besnik Bislimi, kanë takuar sot, numrin një të SHBA-së në Kosovë, ambasadorin Philip S. Kosnett.

Takimi u mbajt në Ambasadën e Shteteve të Bashkuara të Amerikës në Kosovë, ku ishte e pranishme edhe zyrtarja politike, diplomatja Emma Lomax.

Sipas njoftimit për media të LVV-së, “takimi kaloi në një frymë shumë konstruktive dhe u diskutua për çështje që aktualisht dominojnë interesat nacionale të vendit”.

Gjithnjë sipas Vetëvendosjes, “ambasadori foli për rëndësinë që ka Kosova në politikën e jashtme të SHBA-së dhe për nevojën që pala kosovare paralelisht të kultivojë raporte shumë të mira edhe me Bashkimin Evropian, anëtarësimi në të cilën përbën aspiratën kryesore të Kosovës”.

“Po ashtu u shkëmbyen edhe qëndrimet e dy palëve për dialogun dhe tarifën doganore ndaj importeve nga Serbia dhe Bosnja e Hercegovina, për dëmet që po i shkaktohen vendit nga nepotizmi dhe korrupsioni në sektorin publik dhe për domosdoshmërinë e reformimit të administratës publike në Kosovë”, thuhet në njoftimin e VV-së.

Aty thuhet se kryetari Kurti e njoftoi më gjerësisht ambasadorin Kosnett për qëndrimet e Lëvizjes Vetëvendosje në raport me dialogun; fazat që duhen përcjellë me synim ndërtimin e një platforme dhe ekipi negociator që do të garantonte një përfaqësim serioz në dialog; për arsyet se pse qeveria nuk duhet të heqë dorë nga tarifa doganore; por edhe për vizionin e Vetëvendosjes rreth vendosjes së sundimit të ligjit e luftimit të korrupsionit, prioritizimin e gjenerimit të punësimit si synim kyç makroekonomik si dhe reformimin e sistemit arsimor dhe atij shëndetësor si burim me rëndësi për mbështetjen e rritjes ekonomike të Kosovës.

“Në veçanti u potencua roli i diasporës sonë e cila me kapitalin human dhe financiar të akumular në Evropë dhe Amerikë mund të shndërrohet në një katalizator të fuqishëm të zhvillimit ekonomik në vend”, thuhet në njoftim.

Të dy palët, thuhet në njoftim, u dakorduan mbi nevojën e kultivimit të marrëdhënieve të rregullta si mekanizëm i rëndësishëm për avancimin e interesave të përbashkëta.

Dy bashkëkryesuesit e Ekipit Negociator të Kosovës për bisedimet me Serbinë, Fatmir Limaj dhe Shpend Ahmeti, arritën në Bruksel, ku pritet të zhvillojnë një takim me përfaqësues të zyrës së ndërmjetësueses së dialogut, Federica Mogherini.

Zyrtarë nga kabineti i zëvendëskryeministrit Limaj konfirmuan për Radion Evropa e Lirë se në këtë takim do të diskutohet për modalitetet e mëtutjeshme të dialogut me Serbinë.

Është bërë e ditur se bashkë me dy bashkëkryesuesit e Ekipit Negociator kanë udhëtuar edhe përfaqësues të tjerë të institucioneve.

Ky është takimi i dytë i Ekipit Negociator me zyrtarë të BE-së.

I pari është zhvilluar po ashtu këtë muaj, kur është thënë se është diskutuar për fazën e ardhshme të dialogut Kosovë-Serbi, si dhe tarifën doganore 100%, të cilën Qeveria e Kosovës ua ka vënë prodhimeve të importuara nga Serbia dhe Bosnje e Hercegovina.

Prishtinë, 29 janar 2019.

Rreth 22 mijë shërbyes civilë në administratën lokale dhe qendrore në Kosovë të martën filluan grevë njëorëshe, duke kërkuar nivelizim të pagave me sektorë të tjerë publikë.

Kryetari i Sindikatës së Shërbimit Civil të Kosovës, Mursel Zymberi, tha për Radion Evropa e Lirë së shërbyesit civilë ndjehen të diskriminuar dhe nuk trajtohen të barabartë sa i përket nivelit të pagave.

Zymberi tha se nëse Qeveria ë Kosovës nuk reflekton karshi kërkesave të shërbyesve civilë, greva mund të mbahet gjatë orarit të plotë të punës, nisur nga e mërkura.

Paga mesatare e shërbyeseve civilë në Kosovë është 340 euro.

Sistemi i arsimit në Kosovë tashmë ka hyrë në javën ë tretë të grevës, duke kërkuar rritjen e koeficientit të pagës për 30%.

Në grevë për më shumë së një muaj janë edhe mjekët kirurgë në Kosovë.

Ligji për pagat është në fazën e shqyrtimit parlamentar, kurse më 31 janar pritet që të procedohet në Kuvend për miratim.

Kryetari i Kuvendit të Kosovës, Kadri Veseli, tha se Kosovës nuk i duhet kursi i konfrontimit me SHBA-në dhe as me Bashkimin Evropian.

Veseli i bëri këto komente në një postim në Facebook, pas takimit që zhvilloi me ambasadorin e Shteteve të Bashkuara të Amerikës në Prishtinë, Philip Kosnett.

“Kosovës nuk i duhet kursi i konfrontimit me SHBA-në e as me BE-në. Përkundrazi! Gjuha e kushtëzimeve ndaj partnerëve tonë kryesorë strategjikë, si SHBA dhe BE, nuk do ta ndihmojë Kosovën as në mbrojtje të sovranitetit dhe integritetit territorial, e as në rrugën e saj drejt integrimeve euroatlantike”, shkroi Veseli.

Ai e ndërlidhi shkrimin e tij me çështjen e taksës doganore prej 100% që u ka vënë Kosova prodhimeve të importuara nga Serbia dhe Bosnje e Hercegovina.

“Qëndrimi im është që taksa duhet të mbetet si vendim i drejtë i Republikës së Kosovës, por pezullimi i përkohshëm, me kohëzgjatje prej vetëm 120 ditësh, duhet të ndodhë si masë mirëbesimi ndaj SHBA-së dhe BE-së”, tha Veseli.

Ai përmendi disa arsye për qëndrimin e tij, ku, ndër të tjera, tha se Kosova duhet të jetë e përkushtuar për përfundim të suksesshëm të dialogut për normalizimin e marrëdhënieve me Serbinë.

BE-ja dhe Shtetet e Bashkuara kanë kërkuar vazhdimisht nga Qeveria e Kosovës që të pezullojë tarifën doganore.

Veseli i bëri komentet pasi kryeministri i Kosovës, Ramush Haradianaj, paraqiti një sërë kushtesh për heqjen e tarifës, e cila është në fuqi qysh në nëntor të vitit të kaluar.

Kryeministri i Republikës së Kosovës, Ramush Haradinaj u ka dërguar sot një letër ambasadorëve të Quintit dhe atyre të BE-së në Kosovë.

Përmes letrës, Haradinaj sqaron pse e ka marrë vendimin për taksën ndaj produkteve të Serbisë dhe Bosnjës. Shefi i qeverisë së Kosovës, në letër ka shkruar se taksa do të hiqej nëse SHBA-ja dhe BE-ja organizojnë një konferencë, ku do të sigurohej njohja e Kosovës nga Serbia.

“Shtetet e Bashkuara të Amerikës (SHBA) dhe Bashkimi Evropian (BE), pas marrjes së hapave praktik për inicimin dhe mbështetjen e një konference ndërkombëtare (“Konferenca”) me qëllim të arritjes së një marrëveshje gjithëpërfshirëse dhe ligjërisht të detyrueshme ndërmjet Kosovës dhe Serbisë për zgjidhjen e të gjitha çështjeve të pazgjidhura ndërmjet dy vendeve – konferenca duhet të fillojë sa më parë që është e mundur pas plotësimit të rrethanave të përshkruara në paragrafët 2 deri në 5 më poshtë dhe duhet të përfundojë brenda 14 ditëve”, thuhet në letrën e Haradinajt.

Letra e plotë:

Pas marrjes së vendimit të Gjykatës Ndërkombëtare të Drejtësisë (GJND-së) se shpallja e pavarësisë nga ana e Kosovës në vitin 2008 nuk ishte e paligjshme, Asambleja e Përgjithshme e OKB-së miratoi Rezolutën nr. 64/298 (2010), e cila njohu përmbajtjen e Opinionit të GJND-së dhe mirëpriti “gatishmërinë e Bashkimit Evropian për të lehtësuar procesin e dialogut ndërmjet palëve”.

Ne kemi bindje të thelle që mund të arrihet në vitin 2019 një marrëveshje gjithëpërfshirëse dhe ligjërisht e detyrueshme ndërmjet Kosovës dhe Serbisë, e cila do t’i adresojë të gjitha çështjet e pazgjidhura, duke përfshirë reparacionet e luftës, të drejtat e minoriteteve në të dyja vendet, si dhe çështjet e ndryshme ekonomike, sociale dhe kulturore – duke shpjer në njohjen e ndërsjellë dhe anëtarësimin e Kosovës në Organizatën e Kombeve të Bashkuara.

Më 21 nëntor 2018, Qeveria e Kosovës vendosi një taksë prej 100% (‘taksa’) mbi importin e mallrave me origjinë nga Serbia si dhe nga Bosnja dhe Hercegovina. Taksa ka ardhur si përgjigje ndaj shkeljeve të vazhdueshme të Marrëveshjes për Tregti të Lirë me Evropën Qendrore (CEFTA) dhe akteve të vazhdueshme të agresionit që kanë për qëllim dëmtimin e shtetit të Kosovës.

Qeveria e Kosovës do të pezullojë menjëherë tarifën në rast se plotësohen rrethanat e mëposhtme:

1. Shtetet e Bashkuara të Amerikës (SHBA) dhe Bashkimi Evropian (BE), pas marrjes së hapave praktik për inicimin dhe mbështetjen e një konference ndërkombëtare (“Konferenca”) me qëllim të arritjes së një marrëveshje gjithëpërfshirëse dhe ligjërisht të detyrueshme ndërmjet Kosovës dhe Serbisë për zgjidhjen e të gjitha çështjeve të pazgjidhura ndërmjet dy vendeve – konferenca duhet të fillojë sa më parë që është e mundur pas plotësimit të rrethanave të përshkruara në paragrafët 2 deri në 5 më poshtë dhe duhet të përfundojë brenda 14 ditëve:
2. SHBA-të dhe BE-ja do të japin zotime publike dhe do të garantojnë që në Konferencë nuk do të ketë:

Faqe 2 nga 2

(i) Çfarëdo rivendosje të kufijve ekzistues të Kosovës, ose ndarje të Kosovës, ose shkëmbime territoriale të çfarëdo natyre. (ii) Dhënie të kompetencave ekzekutive të çfarëdo forme për asociacionin e komunave serbe në Kosovë ose ndonjë marrëveshje tjetër që është në kundërshtim me Kushtetutën e Kosovës. (iii) Masa të çfarëdo natyre të bazuar në koncesione që shkojnë para datës 17 shkurt 2008.

3.BE-ja do të jep zotime shtesë publike dhe do të garanton se: (i) Do të hyj në fuqi liberalizimi i vizave për qytetarët e Republikës së Kosovës para fillimit të Konferencës. (ii) Do të zbatohet dhe do të jetë plotësisht funksionale Marrëveshja për Energji e arritur në Bruksel ndërmjet Kosovës dhe Serbisë para fillimit të Konferencë

4. Është verifikuar se Serbia ka larguar të gjitha barrierat jo-tarifore të shkaktuara ndaj lëvizjes së mallrave nga Kosova, si dhe të gjitha kufizimeve të paligjshme në tregtinë e shërbimeve dhe lëvizjen e njerëzve nga Kosova në Serbi.
5. Presidenti, Kryeministri ose Ministri i Punëve të Jashtme të Serbisë konfirmojnë publikisht se janë ndaluar në mënyrë permanente të gjitha politikat dhe veprimet e çfarëdo lloji të drejtuara kundër aspiratave të Kosovës si shtet sovran qoftë nëse ato aplikohen në nivel lokal, rajonal apo ndërkombëtar.

Tarifa do të ri-vendoset menjëherë nëse Konferenca nuk përfundon me një marrëveshje gjithëpërfshirëse të detyrueshme mes Kosovës dhe Serbisë, e cila siguron, ndër të tjera, njohjen reciproke dhe anëtarësimin e Kosovës në Organizatën e Kombeve të Bashkuara. Tarifa do të ri-vendoset në një datë të mëvonshme nëse nuk arrihet të zbatohet marrëveshja gjithëpërfshirëse e detyrueshme e arritur në Konferencë.

Ministri i Drejtësisë në Qeverinë e Kosovës, Abelard Tahiri, e ftoi shtetin e Serbisë që të reflektojë seriozisht dhe t’i marrë përgjegjësitë e veta për zgjidhjen e çështjes së personave të zhdukur nga lufta në Kosovë.

Ai i ftoi edhe vendet e Bashkimit Evropian që ta trajtojnë me prioritet këtë çështje.

“Kjo nuk duhet parë si temë politike, por si një përkushtim mbi bazën e humanizmit, sepse është e drejtë themelore e familjarëve për të ditur mbi fatin e më të afërmve të tyre dhe Republika e Serbisë ka përgjegjësi ndaj kësaj çështjeje”, tha Tahiri në një postim në llogarinë e tij në Instagram.

“Personat e zhdukur nga lufta në Kosovë janë plagë e rëndë jo vetëm për familjarët, por për gjithë shoqërinë tonë dhe kjo temë duhet të marrë një epilog. Në referencë të kërkesës sime drejtuar homologëve të vendeve të Bashkimit Evropian, për ta shtuar presionin ndaj Serbisë që t’i hapë arkivat dhe të japë çdo informacion në lidhje me fatin e personave të zhdukur, sot kam pranuar një letër nga ministrja e Drejtësisë e Francës, znj. Nicole Belloubet, përmes së cilës kam marrë mbështetje të plotë në kërkesën time”, tha Tahiri.

Në Kosovë janë ende mbi 1 600 persona të zhdukur nga lufta.

Lideri i Lëvizjes Vetëvendosje, Albin Kurti ka paralajmëruar protesta të mëdha, nëse do të nënshkruhet ndonjë marrëveshje që prek territorin e Kosovës.

“Presidenti Thaçi dhe njerëzit e tij po këmbëngulin me pazaret me territor. Le ta dinë nëse vendosin të na sjellin para një akti apo fakti të kryer me një marrëveshje që prek territorin e Kosovës, protesta jo vetëm që do të përsëritet, por do të jetë edhe më e madhe, shumë më e madhe”, u shpreh Kurti.

Këto komente ai i bëri në në mbledhjen e 36-të të Këshillit të Përgjithshëm të Lëvizjes Vetëvendosje.

Ai tutje ka hedhur akuza ndaj krerëve qeveritarë, ku këta të fundit, sipas tij, po punojnë vetëm për të rehatuar vetën dhe militantët e partive të tyre.

Teksa ka folur për shumë probleme të cilat ballafaqohen qytetarët, ai ka përmendur edhe luksin që bëjnë krerët e institucioneve.

Në mesin e luksit ai tha se është blerë edhe një pjesë e opozitës, të cilën e quajti pseudo opozitare.

Sipas Kurtit, Qeveria ka rritur rrogat vetes dhe nuk po merret me problemet që kanë punonjësit e administratës publike, mësimdhënësit dhe mjektët.

Ai thotë se nëse Lëvizja Vetëvendosje do të jetë në krye të Qeverisë, nuk do të ketë pabarazi mes punëtorëve në vend.

“Qeveria ia rrit rrogat vetes që nuk punojnë dhe nuk ia rrit atyre që punojnë. Sigurisht ne nuk duam që mësuesit e mjekës të ndërprejnë punën sepse nxënësit kanë nevojë ëpr shkollim dhe pacientët për shërim. Mirëpo ne e kuptojmë mirë gjendjen e atyre që punojnë në administratë publike e sidomos të mjekëve dhe të mësuesve. Kur Qeverinë ta udhëheqë Lëvizja Vetëvendosje ne do të kujdesemi që pabarazia mes tyre dhe qeveritarëve të zvogëlohet shumë”, tha Kurti, raporton Ekonomia Online

Kryetari i Vetëvendosjes, tha se në këto kohë, mbizotërojnë bora dhe i ftohti, duke shtuar se në ditë dimri, qytetarët po mbesin pa energji elektrike.

Teksa foli për ngujimin e minatorëve ditë më parë dhe mbetjen pa energji elektrike të qytetarëve të Komunës së Mitrovicës, ai fajtorë lë qeverisjen aktuale.

“Po e nis me një problem që është shumë i prekshëm, bora dhe i ftohti. Ndërkohë që kushtet atmosferike dhe moti ka qenë i vështirë, gjatë javës që shkoj ka pasur ndërprerje të gjata dhe të shpeshta të energjisë elektrike për ditë me radhë në disa komuna dhe sidomos në Mitrovicë. Për shkak të defekteve në rrjet dhe trafostacion mbetën të bllokuar nën dhe mbi 100 minatorë, e kështu edhe në këtë ftohtë në Komunën e Mitrovicës. Ne duhet të shqetësohemi nga problemet e tona që na shkakton kjo qeverisje”, tha kreu i VV-së.

Në mesin e kritikave ndaj Qeverisë, Kurti vlerësoi lartë punën që bëhet në partinë të cilën e drejton.

Ai tha se Lëvizja Vetëvendosje po rritet çdo ditë, ku sipas tij, janë grumbulluar 496 pika gjithsejtë të kësaj partie në Kosovë.

Barazia gjinorë në këtë parti, sipas Kurtit, është një pikë e fortë e Vetëvendosjes.

“Vetëm një herë kemi pasur rast në vitin 2013 por atëherë nuk ishte konsideruar si ngacmim”, pohoi Kurti.

Në varrezat e kryeqytetit, të dielën u varros zëvendësministri i Ministrisë së Diasporës dhe Investimeve Strategjike, Arian Daci, i cili humbi jetën nga një ortek në Brezovicë të shtunën në mesditë.

Në hollin e Kuvendit të Kosovës janë bërë homazhe për të ndjerin.

Kryeministri i Kosovës, Ramush Haradinaj, i shoqëruar nga kabineti qeveritar, pas homazheve nënshkroi në librin e zisë me fjalët “Arian i dalluar për vlera njerëzore. Do të na mungosh!”.

Pas homazheve, nën patronatin e kryeministrit, u mbajt një mbledhje komemorative në kujtim të të ndjerit.

I ndjeri është biri i kryetarit të Akademisë së Shkencave dhe Arteve të Kosovës, Nexhat Daci.

Liderët institucionalë si dhe ata të partive politike në Kosovë kanë shprehur ngushëllime ndaj familjes Daci.

Në mbledhjen komemorative e cila po mbahet për të nderuar jetën dhe veprën e ish-zv.ministrit të Diasporës, Arian Dacit i cili vdiq të shtunën si pasojë e një orteku në Brezovicë, po marrin pjesë figura të larta shtetërore

Me këtë rast, Kryeministri i Kosovës, Ramush Haradinaj është shprehur Ariani kishte vlera të larta njerëzore dhe se ai i shërbeu Kosovës me devotshmëri.

“Qeveria ka humbur një zyrtar të zellshëm, Prishtina e humbi një djalë të ri një qytetarë shembullor. Ariani e ka dashur këtë vend dhe i ka shërbyer me devotshmëri. Shpirti i bardhë i Arianit u nda nga ne në bardhësinë e borës. Ai ishte i dalluar për vlera të larta njerëzore, i jemi përjetësisht mirënjohës për shërbimin ndaj atdheut, lamtumirë Arian”, ka thënë Haradinaj në fjalimin e tij.

Ngushëllime për vdekjen e Arian Dacit, kanë shprehur edhe Ministri i Diasporës dhe Investimeve Strategjike, Dardan Gashi, Ministri i Diasporës së Maqedonisë, Edmond Ademi.

Arian Daci, 40 vjeçar, djali i vetëm i Kryetarit të Akademisë së Shkencave dhe Arteve të Kosovës, ka vdekur të shtunën në Brezovicë, pas një incidenti që kishte pasur me një ortek bore, gjatë skijimit atje.

Ariani ishte i apasionuar pas skijimit derisa ishte pjesë e organizimeve të tilla në këtë fushë. Daci ishte Zëvendësministër i Ministrisë së Diasporës dhe Investimeve Strategjike derisa pas vetes ka lënë dy fëmijë.

Bashkë me Arianin në Brezovicë me rastin e aksidentit ishte me Ardian Bakallin, i cili ka shpëtuar. Për shkak të hetimeve që po zhvillohen në Brezovicë, për dy ditë, është mbyllur pista e skijimit.

Ndërkohë, ish-zëvendësministri i Diasporës, varroset sot në orën 13 në lagjen Arbëria, në Prishtinë, me nderime shtetërore./GazetaExpress

Presidenti ynë Hashim Thaçi e bani hi e pluhur, mjegull e tymnaj në
dialogun e tij shtatëvjeçar me serbin,por edhe në diskutimet e tij,
dhe në paraqitjët e tij publike që një vit e gjysë nuk po e heqë nga
goja aspiratat,tezën Serbosllave për mundësinë e coptimit,ndarjës së
Veriut te Kosovës në favor te Serbisë.Për këtë ai e senzibilozoi bukur
shumë edhe opinionin botëror,me kete temë antishqiptare,çfarë edhe i
solli bile deri me tash mjegulli dhe hamendje ne opinionin boteror për
dhe rreth Kosovës më ç’rast u reflektua ne mos njohje te reja,me
çnjohje,refuzimin ne pranimin ne organizmat ndërkombëtar.Kjo sentence
e Presidenti e bani rremuja edhe jetën politike në Kosovë por edhe ne
vetedijen refuzuese te kësaj teze shumë te rrezikshme nga ana e
popullit qe ky popullin nuk e meriton te futet përseri ne telashe
sepse boll ka vuajtur nga regjeimi shovenist serb.

Por për çdo njeri i cili i ka dy fije mend nuk ia vlenë te kembehet
Veriu i Kosovës me Luginën e Preshevës,jo vetem me Luginën e
Presheves,por sikur Serbija te pranonte ti këthente prapa trojet dikur
etnikishte te pastërta Shqiptare deri te Molla e Kuqi.

Dikur krahinat shqiptare shtriheshin deri te Nishi.Pra Krizës së
Lindjës(1877-1878)rajoni I Toplicës ishte banuar më shumicë absolute
shqiptare.Kështu,per shembull Nishi(Nissus) ne ate kohë numronte diku
ka 52% me popullsi shqiptare,Krushumlija ishte 100% shqiptare,Prokupla
80% shquptare.Atje çdo gjë frymonte shqip,edhe muzika edhe kenga,edhe
ritet dhe dokët,etj.Por,se shpejti erdhi katastrofa,furtuna
serbo-sllave,fillojë e ashtuqujtura Kriza e Lindjës(1877-1878)më
terheqjen e Turqeve nga këto troje shqiptare.Si duket serbet ishin
marr vesh me Turqit ne terhjekje e sipër nga këto troje qe te banin
spastrimin etnik të këtyre trojeve.

Serbet si bishat e egra u versuln mbi popullatën shqiptare me dhunë e
terror te paparapar dhe me një shpejtesi marramendese për spastrimin
etnik të ketij teritori I cili ishte I madh gadi sa dy Kosova.Së
shpejti u spastruan etnikisht mbi 700 fshatra e qytete me mbi 300 mijë
shqiptarë duke I deportuar me dhunë për ne Turqi dhe në Kosovës,ku sot
njihen si muhaxher,kurse sot e kësaj dite ne këtë teritor mund to
shohish shumë lokalitete,fshatra me emra shqiptar.Por,kronikat e kohës
flasin se nga dhuna ushtarake-policore e Mbreterisë Serbe te
Obranoviqeve u debuaj jo 300 mijë por rreth 830 mijë shqiptare etnik.

Kjo ështe e verteta për këtë teritor gadi sa dy here Kosova,e cila u
spastru me dhunë nga shovenistet serb duke i debuar për në
Turqi(llogaritet se sot ne Turqi jetojnë mbi 5 milion shqiptar te
debuar nga te gjitha trojet shqiptare).Nga ky teritor tipik shqiptar,
per pak dite u sapstruan,u rrafshua tereni thue se ne këtë teritor nuk
ka pasë asnjëherë banor,ska pas pastrim etnik,per ti kallxuar botes se
këtu nuk ka ndodhë asgje.Kjo është Serbija terroriste,fashiste
aremikja me e madhe e shqiptareve e cila donte qe t’i çrrenjëoste
shqiptarët nga trojet e veta etnike.Kjo është serbija e maskakrave dhe
gjenocidit te Sllobodan Millosheviqit i cili e dogj dhe poq Kosovën
duke vra,masakruar,perëdhunar popullatën shqiptare.Kjo ështe Serbija e
Aleksandër Vuçiqit te cilit aksidentalisht i ra hise te negocojë me
Kosovën me një njeri te shantazhuar,jo të përkushtuar për ta mbrojtë
teritorin e vet.

Në këto biseda makabre ne dialog me Serbinë në te cilin Kosova nuk do
te kishte dështë ti pranojë assesi,bile pa ia vu Serbise do “kushte të
rënda” si separacionet e luftes,te pa gjeturit,te përdhunuarat,me
kërkim falje për krimet e bame ne Kosovë,ne mos pranimit ne asnjë
menyre te diskutohet për tezen e moçme serbe për ndarjën e Kosovës te
ciën Thaçi s’po e lëshon nga goja.Por këto asnjera nuk kanë ndodhë nga
Hashim Thaçi ne dialog,u ba dorëshlirë dhe u rras ne dialog pa kushte
nga i cili do te del i djegur i bamë prush.Por,përgjegjesin do ta
marrë edhe Parlamenti,Qeveria,Partit politike,por edhe populli i “urtë
si gjingji qe thith gji”të cilët nuk bane gjë,bile asgjë për ta ndalë
këtë njeri qe te mos jetë ne krye të dialogut.

Dhe në fund te pranosh qe Veriu i Kosoves,të cilit ia kanë lakmi
Amerika,Britanija,Gjermania,Rusia e shumë shtete tjera te botës, sepse
kjo eështe e pasur me pasuri prrallore xehesh,ar dhe argjend e shumë
te tjera qe do te ia zgjasnin jeten Kosovës për hiq më pak se 16
shekujsh.Mu për këtë është e intersuar Serbija.Serbis nuk ia ndinë
fare për nje grushte serbë qe jetojnë ne Veri,ata i përdor veç për
mjet manipulimi për ta marrë Veriun e Kosovës.Por edhe se Serbija nuk
ka nevojë për teritor,sepse në Serbi janë mbi 1700 vendbanime(aq sa ka
vendbanime krejtë Kosova)janë te shprasta nuk jeton askush ne to,sepse
Serbia po shpopullohet dhe deri me 2050 do te bije ne 3,5 milion
banor,por Serbise ne Kosovë i nevojitet jo teritori por xehet qe janë
ne Veri te Kosovës,ajo ato i done më çdo kusht,do te bejë çmos për ti
marr,e ndoshta edhe do ti merr kur e dijmë faktin së kush po udheheq
me dialogun.

Nuk ia vlenë te behet një kembim jo ekuivalent.Të kembehet Veriu i
Kosovës me Luginën e Presheves ne te cilën nuk ka asgje te hajrit,pos
do arave dhe xhamijave te cilat i kemi me bollek ne Kosovë.Por ështe e
dhembshme për popullin tone qe jeton atje nenë presion dhe dhunë te
vezhdeshme nga Serbet,për te colët doren ne zemer Kosova e as
Shqiperia nuk beri asgje për keta ne këto 20 vite të lirisë.

Nuk ia vlenë te këmbehet Veriu I Kosovës i praruar ne arë me Luginën e
Preshëves,edhe për shkak te dhembjes sonë qe e kemi për ate populate
atje.Nuk ia vlen qe Veriu I Kosovës te shkembehet,jo vetem me Luginën
e Preshevesë por nuk ia vlenë edhe sikur Serbia te pajtohet qe te ia
bashkanigjë Kosovës teritorin e dikurshëm te sajë deri te Molla e
Kuqe.Nuk ia vlenë sepse Veriu I Kosovës me pasurit e sajë prrallore
është dy here me I vlefshëm se krejtë Serbia.Nuk ia vlenë sepse nese
Kosova e humbë Veriun e saj do te mbetët si një trup pa kokë,e trupi
pa kokë nuk jeton,edhe Kosova nuk mund te jetoj pa Veriun e sajë,sepse
Veriu është çdo gjë për Kosovën,është jeta e sajë,frymëmarrja e
sajë,zemra e sajë.

Zyrtarë të Policisë së Kosovës kanë konfirmuar për Gazetën Express se djali i Nexhat Dacit ka humbur jetën në Brezovicë. Kanë thënë se personi tjetër ka shpëtuar.

Policia e Kosovës ka konfirmuar për Gazetën Express se djali i Dacit, Ariani ka humbur jetën nga orteku në Brezovicë. Ndërsa, personi tjetër ka shpëtuar.

“Mund të konfirmoj se nga orteku i borës një person ka vdekur, mjekët e kanë konstatuar vdekjen e tij. Bëhet fjalë për personin me inicialet A.D. Personi tjetër ka shpëtuar”, tha policia për Express

Edhe zyrtarë të Qeverisë së Kosovës kanë konfirmuar për Express vdekjen e Arian Dacit në Brezovicë për shkak të një orteku bore.

Arian Daci ishte emëruar Zëvendësministër në Qeverinë e Kosovës.

Në Brezovicë, familja Daci ka një vilë.

Lajmin për vdekjen e Arainit ka nisur të shpërndahet edhe në rrjetet sociale. I fundit që ka shprehur ngusllëshime është Ben Islami.

Nënkolonel Basri Shabani nga policia në rajonin e Ferizajt ka konfirmuar që ky ortek ka zënë dy persona.

Ilir Morina, drejtori i Agjencisë për Mbrojtje të Mjedisit në Kosovë, ka thënë se nga orteku që ndodhi në Brezovicë, një person ka vdekur.

Kryeministri i Kosovës, Ramush Haradinaj, përmes një postimi në Facebook, ka përgëzuar Operatorin e Sistemit të Transmisionit dhe Tregut të Energjisë në Kosovë (KOSTT), për certifikim nga Komuniteti Rregullativ i Energjisë (ECRB), me të cilën KOSTT-it i njihen të gjitha asetet ndërkombëtarisht.

“Çertifikimi nga Sekretariati i Komunitetit te Energjise ka rëndësi për njohjen e KOSTT si Operator i Sistemit Transmetues nga Rrjeti Europian i Operatorëve të Sistemit Transmetues të Energjisë Elektrike, si një ndër parakushtet themelore për anëtarësim në ENTSO-E, dhe institucionet tjera europiane, që do t’i mundësonte operim të pavarur nga Serbia”, tha Haradinaj.

Kryeministri i Kosovës Ramush Haradinaj pak pas mbledhjes së qeverisë deklaroi se nuk ka ndërmend të tërhiqet nga vendimi për taksën ndaj mallrave serbe.

I pyetur nga gazetarët për mundësinë e pezullimit të këtij vendimi, Haradinaj ka thënë se një gjë e tillë ndodhë vetëm nëse ka marrëveshje të gatshme për njohje nga Serbia.

“Jemi në gjendje të pezullojmë taksën nëse është bërë gati marrëveshja për njohje. Ata thonë ‘nikada’ (kurrë) nuk do ta njohim Kosovën, edhe ne po themi kurrë”, deklaroi Haradinaj.

Ish-kryenegociatorja Edita Tahiri është shprehur se ideja e shkëmbimit të territoreve mes Kosovës dhe Serbisë ka për synim krijimin e “Serbisë së Madhe” dhe mund ta çojë Ballkanin në luftë.

BE deri te kjo fazë finale ka shkuar mirë, por Mogherini duke hapur hapësirë për prekje kufijsh ose nuk i njeh mirë gjërat ose janë çështje të tjera. Prekja e kufijve çon në luftë, sepse nuk mund të prekësh një kufi në Ballkan dhe të mos ketë efekt domino në vendet e tjera.

Ne e kemi problemin në shtëpi dhe nuk ka nevojë me mbërrit tek Mogheri. Kjo është një ide e vjetër e nacionalistëve serbe. Ajo që unë po theksoj se këta dy figura Rama dhe Thaçi një ditë historia i vendos diku.

Amërikanët kurrë nuk kanë thënë që janë pro ndryshimit të kufijve. Gjaku i shqiptareve është në kufijtë e Kosovës dhe nuk i prek askush. Thaçi doli me një entuziazëm sikur po fliste për një biznes familjar të tij. Kosova është shtet demokrat dhe nuk vendos vetëm Predidenti”.

Më tej ajo është shprehur se bashkimi i Kosovës me Shqipërinë ndodh vetëm atëherë kur këto dy shtete të forcohen.

“Edhe Veriu i Kosovës edhe Lugina e Preshevës janë toka shqiptare. Serbia e ka marrë gjysmën e Bosnjes dhe do të marrë toka shqiptare. Ne e kemi shtri shtetin e Kosovës në Veri me drejtësi dhe me polici.

Kur Serbia e pa se me dialog Kosova u integru në Veri hapi synimet gjeopolitike.  Por ne shqiptarët nuk jemi më të shtypur por jemi një komb i fuqishëm. Thaçi dhe Rama thonë se nëse bëhet ky shkëmbim ne bashkohemi. Çfarë i duhet Kosovës Pavarësia kur thuhet se do bashkohet me Shqipërinë?!

Me ndryshimin e kufijve Shqipëria i bien të bashkohet me një Kosovë të cunguar dhe ky nuk është bashkim. Bashkim është kur preken gjithë kufijtë e Ballkanit dhe bashkohen gjithë shqiptarët. Shqipëria dhe Kosova bashkohen vetëm atëherë këto dy shtete forcohen. Serbia dhe Rusia duan të ndikojnë në Ballkan. Kundërshti ka të bëjë me atë se ne jemi në aleancë me Amerikën dhe Europën”./abcnews.al

Për hir të së vërtetës e përgënjeshtroj publikisht informatën e pavërtetë që ka publikuar Gazeta Express dhe gazeta Insajderi, me dt. 1/20/2019, me titull: ‘Presidenti i përfshirë në grevën e arsimit, sabotazh ndaj Qeverisë, ku thuhet se: “Sindikata e Arsimit, Shkencës dhe Teknologjisë vazhdon t’i shërbejë Hashim Thaçit prej kohës kur në krye të këtij institucioni ishte Agim Hyseni, i cili më vonë ishte bërë Zëvendësministër i Arsimit.”

Me këtë rast njohtoj opinionin se kam qenë themelues dhe kryetar i Sindikatës së Bashkuar, të Arsimit, të Shkencës dhe të Kulturës deri në vitin 2004; Poashtu kam qenë Këshilltar i Organizatës Botërore ‘Edukimi Internacional ‘– me seli në Bruksel; Këshilltar i UNHCR-së për Kosovë përkatësisht i KEDP-së… Deri në këtë kohë Hashim Thaçi nuk ka qenë në asnjë pozitë në Qeveri të Republikës së Kosovës.
Jam emëruar Zëvendësministër në MASHT (2008-2011), në baza profesionale, në periudhën kur nuk kam pasur asnjë funksion në SBASHK dhe nuk kam qenë anëtar i asnjë partie, pa dashur të vazhdoj më tej. Në jetë nuk i kam shërbyer askujt përveç interesit të përgjithshëm të vendit. Kam bashkëpunuar me secilin, për aq sa e kanë respektuar në praktikë interesin e vendit. Ndihem krenar për punën që e kam kryer me përgjegjësi.
Është për të ardhur keq që dy gazeta relativisht të besueshme (gazetar anonim) e keqpërdorin pozitën e tyre në raport me fjalën, duke publikuar të pavërteta, pikërisht duke kopjuar modelin të cilin e apostrofojnë, dhe duke mos patur forcë që të ngriten mbi vetvehten e të kërkojnë falje për gabimet e mundshme – përveç nëse janë të paramenduara. Sjellja e ‘Express’ dhe ‘Insajderi’, përnga papërgjegjësia ndaj ‘Republikës së e fjalës’, siç do thoshte Lasgushi, ngjan me sjelljen e të apostrofuarit ndaj Republikës së Kosovës – jo vetëm në raport me taksen e Qeverisë të vendosur me të drejtë.

Agim Hyseni, Prof.Dr.

Bosnja dhe Kosova kanë paraqitur qëndrimet e tyre në lidhje me tarifën ndaj mallrave të Bosnjës të vendosur nga Qeveria e Kosovës, gjatë një takimi që delegacionet e të dyja vendeve kanë pasur të enjten në Sajarevë.

“Të dyja palët kanë paraqitur qëndrimet e tyre. Pozicionet para këtij takimi kanë qenë shumë të kundërta” ka thënë pas takimit, zëvëndësministri për Tregti të Jashtme dhe Marrëdhënie Ekonomike të Bosnjës, Midhat Saliq.

“Pala kosovare ka kërkuar nga Bosnja të njohë dokumentet e Kosovës, pasaportat dhe tabelat e veturave si dhe të heqë regjimin e vizave”, tha Saliq.

“Ne në plan të parë kemi potencuar pyetjet ekonomike. Gjithashtu thamë se në këtë mënyrë shkelet marrëveshje e CEFTA-s për tregti të lirë. Ajo që pala kosovarë ka potencuar gjatë bisedimeve ishte se Bosnje dhe Hercegovina po pamundëson lëvizjen e kapitalit, njerëzve dhe shërbimeve për shkak të regjimit të vizave dhe mospranimit të dokumenteve të Kosovës” tha më tutje zëvëndësministri Saliq.

Kërkesë e delegacionit të Bosnjes, ishte që menjeherë dhe pa kushte të shfuqizohet tarifa ndaj mallrave të saja nga ana e autoriteteve në Prishtinë, përderisa delegacioni kosovar ka kërkuar që para se të shfuqizohet tarifa Bosnja të njohë pavarësinë e Kosovës, dokumentet e saja dhe të heqë vizat.

“Ne kemi ofruar maksimumin nga ana jonë. Kërkuam që Kosova të tërheq tarifën në afat prej gjashtë muajsh dhe gjatë kësaj periudhe të zgjidhen çështjet e paraqitura. Megjithatë pala kosovarë këtë nuk e pranoi” tha anëtari delegacionit të Bosnjës, Midhat Saliq.

Ai përmes një postimi në Facebook, tha se tarifa u vu një ditë pasi Qeveria dështoi ta anëtarësojë Kosovën në INTERPOL.

“Tarifa mbuloi çdo gjë, i mbuloi të gjitha dështimet dhe po vazhdon t’i mbulojë edhe më tutje. LDK-ja nuk e ka propozuar tarifën, nuk ka ngarendur të marrë merita dhe LDK-ja nuk konsideron se i takon asaj të shprehet se çfarë duhet të bëjë Qeveria me tarifën”, ka shkruar Mustafa.

Qeveria e Kosovës më 6 nëntor të vitit që lëmë pas ka vendosur taksë doganore 10 për qind për produktet e importuara me origjinë nga Serbia dhe Bosnje e Hercegovina. Kjo taksë doganore është ngritur në 100 për qind më 21 nëntor.

Përveç kësaj, më 28 dhjetor, Qeveria e Kosovës ka marrë vendim që të vendosë taksë doganore 100 për qind edhe për produktet e importuara nga brendet ndërkombëtare që prodhohen në Serbi dhe Bosnje e Hercegovinë.

Mekanizmat ndërkombëtarë, si Komisioni Evropian dhe Shtetet e Bashkuara të Amerikës janë duke kërkuar në vazhdimësi heqjen e kësaj mase.

Prokuroria Speciale ka lëshuar urdhërarrest për Milan Radojciqin, i cili dyshohet për përfshirje në vrasjen e politikanit serb Oliver Ivanoviq. Ndërsa pritet që brenda ditësh, të lëshohet edhe urdhërarrest ndërkombëtar.

Prokurori i rastit, Sylë Hoxha ka konfirmuar për Gazetën Express se në fillim të kësaj jave është lëshuar urdhërarrest ndaj nënkryetarit të Listës Srpska, Milan Radojiciq.

“Po mund të ju konfirmoj që Prokuroria Speciale e Kosovës më datë 21 janar ka lëshuar urdhërarrest vendor për Milan Radojciqin, si të dyshuar për përfshirje në rastin e Oliver Ivanoviqit”, ka thënë Syla.

Ndësa, brenda pak ditësh pritet që ndaj nënkryetarit të arratisur të Listës Srpska, të lëshohet urdhërarrest ndërkombëtar.

“Prokuroria në bazë të kompetencave të saja pritet që së shpejti të lëshojë urdhërarrest ndërkombëtar”, ka thënë Syla.

Radojciq, i cili konsiderohet si njeriu më i fuqishëm i Veriut, ka qenë target në një operacioni të kryer nga njësitë speciale të Kosovës në orët e para të mëngjesit të 23 nëntorit.

Zyrtafri i lartë i Listës Srpska, që cilësohet si i dyshuari kryesor në rastin e Ivanoviqit, ishte arratisur, ndërsa policia arrestoi tre të tjerë, të cilët po mbahen në paraburgim.

Në mesin e të arrestuarve është Marko Rosiq, pjesëtar i Policisë së Kosovës, dhe Ndeljko Spasojeve e Dragisha Mirkoviq.

Ndërsa dy ditë pas kësaj bastisjeje, Radojçiq u shfaq në publik nga Beogradi dhe tregoi se ndodhej në Serbi.

Tutje, ai po organizonte disa tubime në fshatrat me shumicë serbe në Kosovë, mirëpo vetë nuk u duk asnjëherë.

Ditë më parë, prokurori Hoxha ka thënë në Televizionin 7 se të gjitha provat e siguruara nga Prokuroria Speciale tregojnë se Radojciq është përfshirë në vrasjen e Ivanoviqit.

Oliver Ivanoviq, ish-ministër dhe ish-deputet në Kuvendin e Kosovës ka udhëhequr SDP’në, ndërsa u vra më 16 janar të vitit 2018.

Lidhja Demokratike e Kosovës, ka kritikuar Qeverinë e Kosovës, për siç ka thënë, mosveprim në veri të Kosovës.

Shefi i Grupit Parlamentar të LDK-së, Avdullah Hoti, tha sot se Qeveria e Kosovës me mosveprimin e saj, po kontribuon në krijimin e rrethanave në veri të vendit, “të cilat i dëshirojnë kundërshtarët e shtetit të Kosovës që po angazhohen për copëtim të Kosovës”.

Hoti në një postim në rrjetin social Facebook, theksoi se duke mos u marrë në mënyrë institucionale me situatën në veri, Qeveria, që udhëhiqet nga kryeministri Ramush Haradinaj, po krijon situatë të rrezikshme në veri, në aspektin ligjor dhe kushtetues.

Çështja e dorëheqjeve të kryetarëve të katër komunave me shumicë serbe në veri të Kosovës, Mitrovicës Veriore, Leposaviqit, Zubin Potokut dhe Zveçanit, vazhdon të mbetet pezull dhe e pa definuar ligjërisht.

Zyrtarët e Qeverisë së Kosovës patën theksuar se problemi qëndron te përdorimi i termit “Kosovë e Metohi”, në dorëheqjet e ofruara nga kryetarët e këtyre komunave dhe se kjo formë e dorëheqjes, sipas tyre, ka qenë jo e rregullt, me adresim jo të saktë dhe se mbetet çështje e diskutueshme.

Më 27 nëntor të vitit 2018, kryetarët e katër komunave me shumicë serbe në veri të vendit, kanë dhënë dorëheqje nga postet e tyre, pas vendimit të Qeverisë së Kosovës për tarifën prej 100 për qind për produktet e importuara nga Serbia.

Sa herë që vijnë përvjetorët e lindjes dhe vdekjes së presidentit historik Ibrahim Rugova, përpara më dalin fjalët e fqinjit tim në përvjetorin e parë të shkuarjes në amshim, po citoj; “Sikur të ish kanë adet me ia lanë pak jashtë “bilbilin” Rugovës, sa herë që të ishin përulur ia kishin puthur nga pak”!

Nderimi ndaj të vdekurëve është vyrtyt i lartë njerëzorë, ndërsa urrejtja për së gjalli dhe “nderimi” për së vdekuri është akt çnjerëzor. Nga njerëzit që shkojnë e përulen tek varri i Rugovës, unë do i ndaja në tri kategori:
1). Ne kategorinë e parë hyjnë adhuruesit e vertetë të Rugovës, të cilët në asnjë rrethanë nuk e harruan idolin e tyre shpirtëror, e që më gjithë shpirt mundohen ta ruajnë vazhdimësinë e tij si vlerë e si koncept politik.
2). Kategoria e dytë janë gjithë ata që per së gjalli nuk arriten në asnjë rrethanë të pershtatën me Rugovën, dhe tani pas vdekjes është një mundësi e mirë perfitimi nga emri, nga vepra e të bëmat e tij, për realizimin e ambicieve të vjetra karrieriste për interesa personale apo grupore.
3.Ndërsa kategoria e tretë, janë kategoria e atyre njerëzve që për së gjalli jo vetëm që nuk e kanë dashur e respektuar, madje gjithmonë e kanë mbajtur në shënjestër të likuidimit moral e fizik.
Tani pas vdekjes së rivalit të tyre, sa here që e ndijnë vetën ngushtë apo të rrezikuar nga diçka, si shpëtim e gjejnë po atë emër ( Ibrahim Rugova ), si mburojë dhe si forcë mbrojtëse . Pas shkuarjes në amshim të presidentit historik Ibrahim Rugova, para dhe gjatë fushatave zgjedhore na ka rënë shpesh t’i shohim oponentet e dikurshëm politik, të shkojnë të varri i tij me përulje duke u shndërruar në lepirësit më të mëdhenjë të mermerit mbi varrin e tij.

Të papërballueshme për të ndjerin Rugova janë fjalimet krejtësisht false

Aq demode dhe të neveritshme janë bër homazhet të varri i Rugovës i kundërshtarëve politikë dhe ideologjikë, sa që është shndërruar në torturë për qytetarët e vendit, e në veqanti për mbështetësit besnikë të filozofisë politike rugoviane.
Përuljet e pasinqerta të liderëve shtetëror e partiak, filluar nga lideri aktual dhe një pjese të kryesisë së LDK-së, janë sa të padinjitetshme, po aq janë edhe të pamoralshme.
Të papërballueshme për të ndjerin Rugova janë fjalimet krejtësisht fallso e të pasinqerta nga ata, që nuk e kanë respektuar për së gjalli, e deri tek ata që i ka gëzuar vdekja e tij.
Në këtë aspekt, përpara më del thënje sa kuptimplote po aq edhe profetike e profesor Zekeria Cana, po i citoj;
“Në dhimbje të vjen miku, në gëzime të njohurit, kurse në vdekjen tënde edhe armiqtë. I vetmi ofendim, të cilin nuk mund ta ndëshkosh është fjalimi para varrit tënd”.
Pasiqë nuk është aspak e drejt dhe e moralshme të përdhunohet për së vdekuri Rugova nga ata që e fyen dhe shanë për së gjalli, nga ata që e sabotuan projektin e tij për pavarësinë e Kosovës.
Nuk e kam as idenë më të vogël, se çfarë ndjejnë kundërshtarët e Rugovës në momentin e përuljes para varrit të tij, ndjejnë pendim apo kënaqësi deri në masturbim!?

Hipokrizi dhe mashtrim

Urrejtja për së gjalli dhe “respekti” pas vdekjes janë akte bizare të qyqarëve politikë.
Ngritja në politikë nuk arrihet duke u përulur para varreve, por duke punuar për të gjallët.
Ju liderë partiak, politikanë të mjerë, që për 20 vite rresht nuk arritët të krijoni mirëqënje për popullin dhe zhvillim ekonomik për vendin, ju lutem lëreni të qetë Rugovën në parajsën e tij.
Nderimi më i madh për Rugovën, është të mos i ofroheni pranë varrit, ndërsa ndihma më e madhe për popullin është të largoheni sa më parë nga skena politike, për t’i lëshuar rrugë një klase të re politike.
Përulja dhe lëpirja mërmerit mbi varrin e Rugovës e liderit antirugovist të LDK-së dhe sejmenëve të tij, kinse duke u betuar se do ta ndjekin “rrugën e Rugovës”, është pak më tepër se hipokrizi dhe mashtrim që i bëjnë elektoratit rugovian.
Lëpirja e mërmerit mbi varrin e Rugovës e kundërshtarëve politik, e liderëve të korruptuar dhe tejinkriminuar partiak e shtetëror është marrëzi politike dhe nënshtrim para hyjnorit Rugovë.
Nënshtrimi në këtë mënyrë para Rugovës është shprehje e politikanëve pa integritet personal dhe me aftësi të kufizuara intelektuale.
Nuk duhet harruar një fakt të rëndësishëm, këta që po përulen padinjitetshëm para varrit të Rugovës për çdo përvjetor, janë rrënuesit e më të mëdhenjë të frymës rugoviane në LDK, janë rrënuesit e vlerave demokratike në vend, janë uzurpatorët dhe rrënuesit e institucioneve shtetërore dhe thyerësit e shpresave të qytetarëve pë jetë në shtetin e Kosovës.

/Ekipi negociator është veç së një vegël ne duart e Thaçit/

Shpend Ahmeti Kryenegociator i Ekipit për dialog me Serbinë paska
thanë një të vertetë kur tha:”Ndoshta Hashim Thaçi di diçka që na të
ekipit s’po e dimë”.

Kjo është më së e vertetë Hashim Thaçi i cili është ne dialog kuturru
me Serbin që shtatë vite dinë gjithëçka rreth dialogut qoftë i hapur
apo sekret,kurse ju të Ekipit negociator nuk dini asgje së çka është
ba për këto shtatë vite diagolim,dhe kurr nuk do te dini,tu e njoftë
natyrën tinxakte te Thaçit,por do të merreni vesh vetem ne përfundim
kur ai i vetmuar do ta kryen misionin e vet për Kosovën dhe rreth
Kosovës.

Ti Shpend Ahmeti dhe Ti Fatmir LImaj me ekipin e Juaj jeni veç së një
lodër ne duart e Thaçit.Këtë e tregoi edhe fakti kur ai ne vend te
dokumenteve ju dorzoi vetem fatura te udhetimit dhe nje dokument me
prralla e rrena te tij,kurse te verteten e di vetem ai,e ruan për
vehte,derisa e verteta te shpërthej,atehre ju do te jeni jjo vetem te
përzhitur po edhe te djegur ne furren e druve si Gjordano Bruno.

Ti Shpend Ahmeti dhe Ti Fatmir Limaj nese i keni dy kokrra mend ne
kokë si po dukët veq e paket marr vesh fundin e Juaj.Së këndejmi nuk
ju mbetet gjë tjeter veç te largoheni nga ky dialog sa nuk jeni ba
prralla e zotit qe pastaj as uji i Drinit dhe Bistrices nuk do te Ju
lajë.

Ramush Haradinaj, sipas të gjitha gjasave, nuk do të shkojë në Uashtington për “Lutjet e Mëngjesit”, ndërsa refuzimi i vizës është raportuar të jetë arsyeja. Ambasada amerikane, e pyetur nga Gazeta Express, nëse SHBA po sanksionon Kryeministrin për shkak se nuk po i dëgjon në heqjen e taksës, është përgjigjur se nuk i “komentojnë rastet individuale të vizave”.

Kryeministri Ramush Haradinaj nuk do të jetë pjesë e “Lutjeve të Mëngjesit”, që organizohen të enjten e parë të shkurtit cdo vit në Uashington. Kështu ka thënë vetë Haradinaj, duke e ndërlidhur mosudhëtimin e tij me vendosjen e taksës.

Në Lutjet e Mëngjesit ftohen liderë nga e gjithë bota, dhe Haradinaj nuk do të jetë aty, ndonëse ka treguar që ka ftesë.

As pas takimit të fundit me ambasadorin e SHBA’së në Prishtinë Philip Kosnett, që është zhvilluar në Zyrën e Kryeparlamentarit Veseli, Haradinaj ka thënë se nuk do të hiqet taksa.

Ambasada amerikane në një përgjigje për Gazetën Express ka refuzuar të tregojë arsyen e pamundësimit të Haradinajt, që të shkojë sivjet në Amerikë.

“Për shkak të kufizimeve të privatësisë Ambasada nuk përgjigjet në pyetjet lidhur me rastet individuale të vizave”, thuhet në përgjigjen e ambasadës amerikane.

Al Jazeera e Ballkanit ka raportuar dje se kryeministrit Haradinaj, i është refuzuar viza amerikane për shkak të taksës ndaj Serbisë dhe Bosnjës dhe Hercegovinës.

Një burim i Departamentit Amerikan të Shtetit i ka thënë Al Jazeera Balkans se ky sanksion vjen pasi që Haradinaj po refuzon ta heqë taksën ndaj Serbisë

Vetë Haradinaj, në konferencën për media një javë më parë, e pranoi se me gjasë nuk do të mund të udhëtojë për në Uashington, për shkak të situatës së krijuar pas vendosjes së taksës.

“Qejf kam pasur, edhe kam. Me këtë klimën me taksën po më duket nuk shkoj kësaj here. Duhet me prit me shku ma vonë”, është shprehur Haradinaj gjatë konferencës për media, transmeton Gazeta Express.

Kryeministri Haradinaj është përballë edhe një vit më parë me probleme e vonesa të vizës amerikane.

Edhe atëherë raportohej se kryeministrit po i bëheshin vonesat e vizës për shkak se nuk po e përkrahte marrëveshjen e demarkimit të kufirit me Malin e Zi.

Megjithatë, Haradinaj në muajin shkurt, me bashkëshorten e tij, kishte udhëtuar në Uashington.

Pas votimit të demarkacionit në mars të 2018-ës, Kryeministri ka zhvilluar vizita të tjera në SHBA dhe takime me zyrtarët më të lartë shtetërorë, si sekretari amerikan i Mbrojtjes, James Mattis, i cili i dha leje për krijimin e ushtrisë.

Kryetari i Listës Serbe, Goran Rakiq

Deklarata e presidentit Hashim Thaçi se bashkimi i Mitrovicës është proces i pandalshëm, ka ngjallur reagimin e kryetarit të Listës Serbe, Goran Rakiq i cili e quajti këtë deklaratë si sulmin më të ri ndaj paqës në Kosovë.

Rakiq, përmes një deklarate, thotë se në emër të popullit serb e porosit Thaçin se serbët kurrë nuk do të lejojnë bashkimin e jugut dhe veriut të Mitrovicës, pasi siç thotë, kjo do të ishte një “parakusht për pastrim etnik nga qyteti i vetëm në të cilin serbët i shpëtuan pastrimit etnik në vitin 1999”.

Ai thotë se serbët janë gjithnjë e më të përkushtuar ndaj paqes, bashkëjetesës me të gjithë dhe se këtë e kanë dëshmuar duke ruajtur karakterin shumë etnik të qytetit në të cilin bashkë me serbët jetojnë boshnjakët, shqiptarët, romët, goranët, turqit dhe egjiptianët.

“Me punë dhe jo me fjalë kemi treguar se si duhet të respektohet diversiteti, por deklaratat që bëhen nga Thaçi, po përpiqen ta trembin popullin serb në këtë rajon dhe të njëjtat i kundërshtojmë me neveri” thekson në deklaratë, kreu i Listës Serbe Goran Rakiq, partisë më të madhe të serbëve të Kosovës.

Presidenti i Kosovës, Hashim Thaçi, ka thënë se bashkimi i qytetit të Mitrovicës, është proces i pandalshëm. Ai të marten, priti kryetarin e komunës së Mitrovicës së Jugut, Agim Bahtiri, i cili ia dorëzoi Thaçit një peticion me rreth 17 mijë nënshkrime të qytetarëve që kërkojnë bashkimin e qytetit të Mitrovicës.

Presidenti Thaçi përmes një postimi në Facebook, ka thënë se për bashkimin e qytetit të Mitrovicës tani e kanë radhën të veprojnë institucionet: Qeveria, Kuvendi dhe Presidenca.