Nuk thëmi më asgjë të re, nese themi së Kosova është bërë mjet, e jo që është atdheu I të gjithëve!Kosova vendi më I bukur në Ballkan është bërë monedhë për kusuritje .Pushteteve korrupcioni dhe kriminaliteti iu janë bërë ekzitencë.Shumë gjatë në Kosovë po mbretërojnë frika , shantazhi dhe nënçmimet .Gjenerata e re kështu po detyrohet masovikisht ta braktisë vendin . Kosova po mbetët gjithnjë e më me pak banorë. Si shoqëri , kemi punë më njerëz jo të civilizuar dhe më grupe të pamëshirshme politike e biznisore që kan monopolizuar qdo gjë , por edhe mediet.Kan krijuar mekanizma të presionit , kan krijuar një sistem parazit kapitulues.Qytetaret po I kryejnë të gjitha obligimet ,kurse profitin po e marrin strukturat në pushtet.Na duhet një model civilizues I veprimit kunder këtyre strukturave të deligjitimuara e jo patriotike .Edhe një mandate I ri për ta dhe satelitët e tyre në zgjedhjet që pritën shpejt të mbahen , pa reformë shumë të nevojshme zgjedhore, seriozisht do të rrezikon të gjitha proceset , kështu edhe shtetin e ri të Kosovës.Me zgjedhje të jashtëzakonshme të cilat po na ndodhin që shumë vite jo rastësisht ,qytetarëve nuk ju kan mbetur shumë solucione , veq edhe kësaj radhe të zgjedhin të “keqën më të vogël”, e që nuk është aspak premtuese për ndryshime pozitive…

Kryeministri i dorëhequr, Ramush Haradinaj, ka thënë se mediat e afërta me ish-ministrin e propagandës së kasapit të Ballkanit, Sllobodan Millosheviq, kanë filluar një fushatë shpifëse kundër tij.

Haradinaj e ka fjalën për presidentin aktual serb Aleksandër Vuçiq dhe mediat e afërta me të të cilat po thonë se e dinë arsyen e thirrjes së Haradinaj në Gjykatën Speciale në Hagë.

“Kanë dështuar në të kaluarën, po dështojnë tani dhe do të dështojnë gjithnjë”, ka shkruar Haradinaj në rrjetin social Facebook.

Kryeministri i dorëhequr është paraqitur para Gjykatës Speciale në Hagë si i dyshuar para disa ditëve ku ka vendosur të mbrohet në heshtje.

Ky është shkrimi i plotë i tij:

Mediat e afërta me ish-ministrin e propagandës së kasapit të Ballkanit Milosheviq, tash president i Serbisë, Aleksander Vuqiq, kanë filluar një fushatë shpifëse kundër meje. Kanë dështuar në të kaluarën, po dështojnë tani dhe do të dështojnë gjithnjë!

RH

/Gazeta Express/

-Më konsesusin mashtrues fiton vija e PDK dhe SHIK-ut në LDK.

Presidenti i Kosovës si qyqja në rremë po e pretë dhe vezhgon  së si do te rrjedhin punimet e 3 gushtit 2019.Ai për këtë arësye edhe nuk po hapë rrugë për situatën politikën në vendë.Po, e pretë Kuvendin e LDK së kush po fiton për ti nisë manipulimet e tij për te cilat është i njohur për shumë vite.

Por sot e paska mbajtë një mbledhje urgjente Kryesia e LDK e cila dominohet na “komandantet” e vjetër të korruptuar njësoi sikur ata te PDK.Hiç nuk dallojnë.Shumë media dhe portale dolën se Kryesia e LDK paska marrë vendim qe në zgjedhje te shkohet me një kryetar kosnsesual,pikërishtë me Isa Mustafes.

Ua paska qorry qyqëja syt.Tek janë ra dakortë që Isa Mustafa te jetë ai kandidati konsesual.Konsesus i turpit,i mjerimit moral dhe intelektual të LDK-së,sepse kështu uzurpohet partia për interesa.Nuk mund të vendos një gjysmë Kryesije së kush do te jetë kryetari i ardhshëm i LDK dhe se nuk mund qe LDK të jetë peng i LDK,nuk është pronar privat i sajë.Po,pse bash Isa Mustafa,kur në LDK ka njërez shumë herë më te mirë së ai.Po,pse bash Isa Mustafa i cili hiq nuk ka autoritet as te anetaresia e as te elektorati.Isa Mustafën qe shumë kohë te gjitha sondazhet e nxjeriin si njeriun më se paku te votuar.atehere psa ky njeri t’i imponohet me zor LDK për Kryetar,sepse ky njeri si duket e ka mision shkaterrimin e LDK-së.

Këshilli i Përgjithëshëmi LDK te shtundën duhet ta hudhë poshte zgjredhjen er Kryetarit me konsesus,kjo nuk është  e shendëtëshme për LDK sepse e gulfatë demokracin e mbrendshme në”stilin merre ose le”Konsesuesi do ti leverdis vetem PDK e cila po banë sehire për te ia zgjatë jeten asaj në pushte.Në Kuvend duhet te ekzistoj konkurenca e jo pykat e Kryesisë,e lila po mundihet me ia zgjatë jeteën vehtës,sepse po tutet nga PDK dhe SHIK sepse i kanë bisneset te perziera.

Nuk mund te zgjidhet më konsesus Isa Musafa për kryetar për se dyti,sepse nuk është i përshtatshëm për LDK dhe në te shumtën e herave e ka demtu LDK se sa qe i ka dalë në ndihmë.Të ia përkujtojm disa gjëra:

1.Isa Mustafa nuk është rugovist,ky është rugovist aq sa është edhe Hashim Thaçi rugovist.Ishte një kundërshtar,se bashku me Bukoshin,i Presidentit Ibrahim Rugova,duke e shantazhuar nga disapora,duke ia ndal ndihmat,telefanat sepse i mbante parat e popullit 3% te cilat ishin mbledhë për te mbijetuar pushtetn paralel qe ia kishte përballë Millosheviqit,

2.Erdhi si erdhi ,apo më mirë e uzurpoi LDK si një njeri i ardhur nga qielli.Erdhi duke e sharë PDK dhe SHIK gjatë fushates elektoral,që për asnjë sekond nuk i lëshonte nga goja.por edhe duke thanë se më pare do te bajë koalicion me dreqin se sa me PDK.Anëtarësia dhe elektorati i LDK i besoi.E banë opozitën e fortë VLAN.të cilës edhe e përkrahte populli si një opozitë e fuqishme.PDK me satelitet e saj nuk kishte shansë të formonte Qeverin.Si mjeshtër i dredhinave qe është Hashim Thaçi ia noi syrin Isa Mustafës i cili me dredhitë dhe lajkat e tij e bindi ne një mareveshje qe: Isa Mustafës te ia jepë pozitën e Kryeministrit,me kushtë qe Thaçi te zgjidhet Presidentë por për ti kryer edhe disa punë tjera te rendësishme për shtetin.Isa Mustafa e hangër.Iku e la ,e tradhëtoi VLAN-in,por edhe anëtarësinë dhe elektoratin të LDK i cili besonte ne fjalët e tij gjatë fushatës elektorale.Iku nga VLAN,bile as pa i njohtuar partitë tjera qe ishin në VLANË.

3.Isa Mustafa me bekimin e Hashim Thaçit u ba Kryeministër.Nisi çorba e Hashim Thaçit të cilën e përziente edhe Isa Mustafa.E la të shkojë me negocu me Serbinë për te ia lënë këmbët e arushës në dorë.Me Serbinë e nenshkroi Mareveshjen për Asociacionin për serbët e Veriut më kompetenca ekzekutive,te cilën Kushtetuesja ia qiti poshtë.Por,ajo edhe më e rëndësishmja,qe Isa Mustafa e pagoi shtrejtë,ishte aprovimi dhe nënshkrimi i Demarkacionit me Malin e Zi ku humbën 8200 hektar tokë sikur mos te ishin fare.Bani trysni qe LDK ta voton në Kuvend.Premtimi tjetër për çka ishin marrë vesh është zgjedhja e Hashim Thaçit për President të Kosovës.Edhe ketu Isa Mustafa e pagoi haraqin,qe kurr populli nuk ia falë,qe e zgjodhi Hashim Thaçin për President të Kosovës,më te cilin tashti po ka telashe jo vetem Kosova për te humbë teritor,por po ia sheh sherrin edhe krejtë bota.Hashim Thaçi,pra u bë President,e kreu punën e vetë.Ngadalë e pa se nuk po i duhet më Isa Mustafa,por e konsideronte penges si Kryeminister.Dhe një ditë kur Isa Mustafa nuk e kishte as idenë parë as në andërr përfundoi idila e tij më Hashim Thaçin i cili e hudhi në rrugë si limanin e shtrydhur.Dhe Hashim Thaçi si kalorësi i natës e vazhdoi rrugëtimin e tij i vetem në drejtim të shkaterrimit të sovranitetit te Kosovës.

4.Hashim Thaçi hala nuk ka zbritë nga foleja e qyqes duke e pritur për epilogun e zgjedhjes se Kryetarit të LDK.Si duket në këtë situatë të brishët politike ne Kosovë pas ramjës se Qeveris,prap i ka varë shpresat të Isa Mustafa,se a mos do te pranoj ndonjë kompromisë tjetër,per ndonjë Qeveri,që vendi te mos shkojë në zgjedhje sepse ai e dinë fare mirë së PDK po i afrohet katastrofa.Ndoshat me maniret e tij të dallaveshisë  brilante do ta mashtroi përseri Isa Mustafën që ta shpetoi PDK nga katastrofa.

Prandaj,Kuvendi i nendë i LDK qe do te mbahet me 3 gushtë 2019 duhet të jetë në nivel te detyrës,qe te mos e lejon që LDK të marr teposhtezën,sepse nese zgjidhet Krydetari i LDK me konsesus,dihet LDK-n e rrou dreqi,rrokullimin e saj s’ka kush e ndal më.Ju anëtarët e Këshillit të përgjithëshëm duhet të jeni në nivel te detyrës,mos lejoni qe te ju mashtrojë kjo gjysmë Kryesi te cilës qe moti i ka dalë afati i përdorimit.Merrne situatën në dorë,mos lejoni manipulime ne emer te strukturave te rrejshme,zgjidhe Kryetarin ne menyrë demokrati me me shumë kandidat dhe me votim te msheftë,po le te fitoi ai qe merr vota mës së shumti.Kjo është demokracia.

Shtëpitë që u ndërtuan për serbët, tani po shiten me pronë, me çmime marramendëse, raporton T7

Ishin rregulluar deri në enterier. 20 mijë euro kushtoi vetëm një. Por, tani këto shtëpi që u ishin bërë gati serbëve për t’u kthyer, janë demoluar plotësisht. Dhe jo vetëm.

Disa banorë shqiptarë, në këtë fshat kanë thënë për televizionin T7 që çmimet e pronave në këtë pjesë, janë rritur në mënyrë marramendëse.

Por nga Drejtoria e Pronës në Komunën e Ferizajt, kanë thënë se ligjërisht serbët mund t’i shesin ato shtëpi. Tregojnë dhe arysen.

Nga Ministria për Komunitetet dhe Kthim kanë thënë se i kishin rekomanduar kryeministrit që këto shtëpi t’u kthehen niveleve komunale.

Zëvendësministri Milazim Gashi tregoi se kur mund t’i shesin serbët shtëpitë.

Në kuadër të Ministrisë, ishin planifikuar të ndërtohen me vite shtëpi.

Bëhet fjalë për rreth 400 shtëpi, që do të ndahen në proporcion me numër të banorëve të çdo komuniteti. E të njëjtat të ndahen për nevoja sociale.

Ndarjët shoqërore janë duke e sjellur Kosovën në telashe të mëdha.Qendrime t dhe vendimet politike I kemi të ndryshme.Kjo vlenë më së shumti për politikanët , po nuk mund të përjashtohen këtu as intelektualët.Pak kush po e ndëgjohon kënd kur bëhët fjalë për temat e ndieshme politike .Nuk kemi kuptim të ndërsjellë, duke e ditur së në çfarë faze të vështirë po kalojmë si shoqëri dhe si shtete.Secili po ngreh në anën e vet, pa I llogaritur pasojat. Ka shumë kohë që po ndëgjojmë një fjalor politikë aspak të mirë, duke etiketuar njeri –tjetrin edhe si tradhëtar të kombit.Nese dikush ka mendime të mira politike , ato nuk po merren parasysh .Toleranca dhe intoleranca janë dy pole të kundërta.Ndasite e tilla tashmë janë bërë serioze dhe po na rrezikojnë edhe si dy shtete.Qe e mira ta mund të keqën ,unë besoj së është e mundur, më vullnetin e të gjitha palëve të konfrontuara politike .Ka një thënje sa domethënëse aq edhe e quditshme, kur I drejtohemi dikujt ”Behu bre njeri një herë në jetë”.
Duke kaluar koha dhe duke shikuar të gjithë ne vetën, dhe njerëzit që na rrethojnë , kuptojmë së kemi punë shumë të mëdha para veti. Dhe, thënja e më parshme nënkupton që ta braktisim të keqën, të kuptohemi si vëllezër, të përshendetemi miqësisht , të ndëgjohemi e të kuptohemi , të pajtohemi aty ku keqkuptohemi apo kundeshtohemi…e jo njeri- tjetrin ta largojme dhe urrejmë pa asnjë mirëkuptim…Çdo mirëkuptim nuk do të cenon integritetin e askujt, përkunder e forcon ate. Kjo ndarje dhe ky mos kuptim na i kujton ndarjët dhe përqarjët tona në “Partizanë” e “ Ballistë” , të cilat na kushtuan shumë historikisht. Kjo gjë sikur po na përseritet , e po na përseritët edhe sot , pas bukur do vitesh që I kemi lënë mbrapa. Dihet ,së koha e “Partizanëve” komunist, shqiptarëve u ka kushtuar me vëllavrasje, duke quar ujin në mullirin e armiqëve tanë . Shqiptarët ia panë sherrin më buquk identetiteve ideologjike , para Identitetit Kombëtar.Faktorit politik shqiptarë , intelektualëve, krijuesëve , artistëve dhe secilës kategori shoqërore I mbetet detyrë parësore që këto idenitetete, mos të thellohen.Identiteti ynë kombëtar është mbi të gjitha .Mos të bëhemi , ose mos të vazhdojmë të bëhemi tradhëtarë të historisë sonë të ndritshme, duke përqafuar anën e ërrët të saj. Duke hapëruar më Evropën e Bashkuar, ne bëhemi të ndërgjegjeshem para veti dhe para Zotit.
Bota identitare e Lindjës nuk iu duhet asgjë shqiptarëve.Të mirëkuptohemi dhe të punojmë bashkarisht, së koha nuk është ka punon për ne, së nuk jemi duke punuar ne mirë , që ajo të jetë në anën tonë.Pa vetëdije të lartë politike , proceset demokratike nuk avansohen, sikur nuk avansohen të gjitha proceset tjera zhvillimore.
Nese mbetemi më vetëdije politike ideologjike të ndara, e ardhme e keqe na pret, këtë po e dëshmojnë edhe vitet e kaluara e ato aktuale .Ka ardhë në pyetje edhe sovraniteti dhe territori I Kosovës.Kjo që ne sot më së shumti nuk po nënkuptohemi është identiteti politik, të cilit po I kushtohet rëndësi shumë më shumë nga së duhet të këtë. Pasardhesve tanë nese nuk arrijmë tu krijojmë ambient të sigurt dhe tolerant për të jetuar, nuk kemi krijuar asgjë të mirë…Si parkusht I njerëzorës , jetës së mirë dhe realës që është…

Pse nuk behemi?

Nuk behemi, sepse kur e kemi ndi veten gjalle ne, te tjeret e kane marre malin;

Sepse, edhe kur kemi dashte te lirohemi, s’e kemi pase pernjemend;

Sepse, princat dhe kapedanet tane, i kemi perbuze, kurse prijesit e rrejshem te botes i kemi dashte e i duam me shume se ata qe na kane bere koken.

Sepse, kurre s’e kemi dite sa duhet cmimin e lirise!

Sepse, ne njeren ane e kemi urrejte armikun, por jo dhe tabjatet e tij;

Sepse, deri vone i kemi degju me andje perrrallat per Mujin e Halilin, por kurre s’i kemi trajtu qysh duhet te bemat e heronjte tone te gjalle,

Sepse , kurrkush ne bote nuk peshurre ne permendoret e veta, ne po.

Sepse, kurrkush ne rruzull nuk e flet e nuk e shkruan gjuhen e nanes me keq se ne!

Sepse udherrefyesit dhe dritedhenesit e kombit, i kemi percmu dhe kurre si kemi dashte sa duhet dhe qysh duhet;

Sepse, me shume kemi pase qef( kemi hala) te jemi tjeterkushi, e me se paku arbnore.

Sepse,armikun me shume e keni luftu permes telave te ciftelise,e me se paku me dyfeqe:

Sepse, luftetaret dhe prijesit tone, me shume i kemi pa me dyshim, se sa qe i keni dashte…sepse kemi mendu qe pushket e tyre jane zezdita jone.

Sepse, burrat e medhenj te kombit, me shume jane respektu prej te huajve, e me se paku prej nesh.

Sepse, cobat i kemi ule ne balle te oxhakut, e burrat me te mire i kemi lene pas dere;

Sepse gjinine jomashkullore i kemi trajtu si robnesha, pa cka qe kurre s’na i kane lane djepat thate.

Sepse, ne edhe sot e kesaj dite me shume besojme ne nje perralle se ne njemije te verteta.

Dhe sepse, kurre s’kemi dite te orienotehemi kolektivisht nga bota perendimore. Gati gjithmone kemi dashte te jemi edhe me keta edhe me ata. Edhe edhe nuk ka. Pika dhe meridiani yne eshte Oksidenti, me

Lindjen nuk na lidhe asnje fije e asnje vegze!

Lexues te dashur, ju mos u deshperoni, sepse te gjitha keto prapesi qe i permenda me larte, me dashte ne e me ndihmen e Zotit, i kthejme shume shpejt ne mbaresi.

Koha dhe historia kurre s’kane qene me shume se sot ne anen tone.

Une besoj, dhe besoj fort se nje dite prej ditesh do te behemi shume me te mire , shume me te forte, se sa fqinjet tane, sepse ne kokat, ne zemrat dhe ne shpirterat tone ka shume drite, shume shprese, shume ideale, shume dashuri…!

Prodhuesit e mjedrës në Bullgari kanë thënë se është shënuar rënie drastike në shitjet e produkteve të tyre.

Industria këmbëngul se ky trend ka nisur vitin e kaluar dhe nëse shteti nuk ndërmerr masa urgjente, shumë kompani do të bankrotojnë. Arsyeja kryesore, siç raporton Televizioni Publik bullgar, është futja e mjedrave nga vende jashtë Bashkimit Evropian që, siç raporton ky televizion, në mënyrë agresive po futen në tregun evropian.

Prodhues bujqësorë të përfshirë në kultivimin e mjedrës në Bullgari janë pak më shumë se 1000 dhe plantacionet e tyre janë rreth 2,200 hektarë. Mjedrat e freskëta janë për tregun e brendshëm kurse të ngrirat janë për tregun evropian. Kultivuesit e mjedrës, megjithatë, brengosen se produktin e tyre do ta shesin me humbje këtë vit.

Bozhidar Petkov, kryesues i Shoqatës Bullgare të Mjedrës, thotë se në 2-3 vitet e fundit, vendet që s’janë marrë tradicionalisht me kultivimin e mjedrës, si Kosova, Ukraina, Mali i Zi e madje edhe Shqipëria, kanë nisur të shfaqen në këtë treg.

Me një çmim prej rreth 1.2-1.3 euro, Petkov thotë se ata ofrojnë mjedra të ngrira për tregjet gjermane.

Deri më tani, prodhuesit bullgarë kanë shitur mirë në tregun gjerman, në atë britanik dhe në Francë./Express/

Ministri i Drejtësisë dhe një nga njerëzit më të afërt të Kadri Veselit, Abelard Tahiri, ka dhënë sqarime rreth asaj se a është e gatshme PDK’ja të shkojë në zgjedhje.

Kjo pasi që në mbledhjen e sotme të Qeverisë, vetë Tahiri ka thënë se KQZ’ja nuk ka buxhet për të organizuar zgjedhje të reja këtë vit.

Por në saqrimin e dërguar mediave, ai thotë se zgjedhjet janë të pa shmangshme, dhe që patjetër që duhet të mendohet edhe për aspektet që ndërlidhen me to, respektivisht buxhetin.

“Përballë situatës në të cilën gjendemi, ka qenë e nevojshme që krahas zgjedhjeve të cilat janë të pashmangshme, duhet të mendojmë edhe për aspektet operative që ndërlidhen me to, rrjedhimisht buxhetin për zgjedhjet”, thuhet në reagimin e lëshuar nga zyra për media e ministrisë që drejton Tahiri, shkruan Gazeta Express.

Tahiri thotë se fakti që ka drejtuar pyetje rreth procedurave se si mund të shkohet deri tek ndarja e buxhetit për zgjedhje të reja, meqenëse se këtë vit nuk është planifikuar që të ndahen para për një gjë të tillë, është interpretuar si një qëndrim që PDK’ja nuk dëshiron të shkojë në zgjedhje të reja.

“Në këtë drejtim, kam ngritur një pyetje legjitime mbi atë se cilat janë proceduat që duhet ndjekur për të siguruar buxhetin për mbajtjen e zgjedhjeve, përderisa diçka e tillë nuk është e paraparë këtë vit në planin buxhetor për shkak se rëndom viti 2019 nuk është planifikuar si vit elektoral. Kjo është diçka që nuk mund të anashkalohet dhe verifikimi i mandatit të Qeverisë në dorëheqje për të siguruar buxhetin për zgjedhjet është më se i nevojshëm.Por, kjo pyetje legjitime në rangun e disa mediave është interpretuar si qëndrim i Partisë Demokratike të Kosovës, me pretekstin se PDK-ja po përpiqet t’i shmangë zgjedhjet. Realiteti që ndajmë aktualisht ka vetëm dy gjëra që janë të pashmangshme. Faktin se qeveria është qeveri në dorëheqje në njërën anë, dhe faktin se zgjedhjet janë të domosdoshme dhe pa alternativë në anën tjetër”, ka sqaruar Tahiri.

Në fund ai thotë se janë të gatshëm në çdo moment për zgjedhje, dhe për t’i ofruar vendit një qeveri të re.

Sot janë bërë një vit prej kur Adem Demaçi ka ndërruar jetë.

Në përvjetorin e parë është vënë gurthemeli për ndërtimin e shtatores së tij.

Shtatorja do të vendoset tek rrethi kryesor në Prishtinë.

Në këtë ngjarje ka marrë pjesë edhe Ramush Haradinaj, kryeministri në dorëheqje i cili e ka vlerësuar lartë figurën emblematike të Demaçit.

Kryeministri në detyrë, Ramush Haradinaj, mbrëmë është kthyer nga Haga pasi ka përfunduar intervistimin në Gjykatën Speciale, ndërsa sot menjëherë ka vazhduar me punët e tij.

Haradinaj ka bërë vizitë tek varri i Adem Demaçit, me rastin e një vjetorit të vdekjes së veprimtarit të çështjes kombëtare.

Sipas kreut të AAK’së, Kosovës sot i duhet qëndresa e Adem Demaçit për të mbrojtur interesin e vendit.

“Në një vjetorin e kalimit në përjetësi, me nderim dhe përkulje kujtojmë kolosin shqiptar, që guxoi të krijojë, Heroin Adem Demaçi. Popullit të Kosovës, që i është bashku popujve të lirë, sot i duhet përmasa e vendosmërisë së simbolit të rezistencës shqiptare, Adem Demaçi, për ta gjetur forcën për të qëndruar konsistent në mbrojtje të interesit nacional. Prehu i qetë, Baca i Kombit, Adem Demaçi, Heroi ynë!”, ka shkruar Haradinaj. /GazetaExpress/

Dy diplomatët amerikanë, Edward Joseph dhe Daniel Serwer, i shohin si të pashmangshme zgjedhjet e reja të parakohshme në Kosovë pas dorëheqjes së Ramush Haradinajt nga posti i kryeministrit, pas ftesës që ka marrë nga Gjykata Speciale.

Në një intervistë për Zërin e Amerikës, Jospeh ka thënë se qeveria nuk mund të vazhdojë të funksionojë në mënyrë gjysmake duke e zëvendësuar Haradinajn nga një figurë tjetër politike.

Sipas tij, duke parë këtë situatë zgjedhjet e reja janë jetike, për të zgjedhur një qeveri që përfaqëson vullnetin e popullit.

“Për një çështje tepër të rëndësishme si marrëdhënia e Republikës së Kosovës me Republikën e Serbisë, është jetike të ketë një qeveri të zgjedhur që përfaqëson në mënyrë të saktë vullnetin e gjithë popullit të Kosovës, shqiptarët dhe serbët. Mendoj se është e vështirë të vazhdohet në kushtet e një gjysmëboshllëku, ku pasi largohet një kryeministër, ai zëvendësohet me një tjetër, jo me procesin e duhur politik. Pra jo përmes funksioneve të rregullta parlamentare, por përmes faktorëve të jashtëm. Unë nuk i shoh zgjedhjet si pengesë. Dialogu ka ngecur për shkak të tarifës së vendosur ndaj mallrave serbe. Pra, unë nuk e shoh si pengesë mbajtjen e zgjedhjeve të parakohshme”, kishte thënë diplomati amerikan, shkruan Gazeta Express.

Se zgjedhjet e reja janë zgjidhje e ka thënë edhe Daniel Serwer. Sipas tij, pas dorëheqjes së Haradinajt, mundësia për të shkuar në zgjedhje është shumë më e madhe se sa kishte qenë kur ato i kishte kërkuar opozita.

“Do të duhet të presim të shohim nëse kjo do të çojë në zgjedhje të parakohshme, që opozita i kishte kërkuar gjithsesi dhe që mendoj se mundësia për to është më e madhe tani sesa ishte dje”, kishte deklaruar Serwer për Zërin e Amerikës.

Ndërkohë dje drejt caktimit të datës së zgjedhjeve ka lëvizur edhe presidenti i Kosovës, Hashim Thaçi. Megjithatë duket se kreu i shtetit do të kërkojë fillimisht një mandatar nga koalicioni PAN, për ta zëvendësuar Haradinajn.

E në rast se asnjë prej partive (PDK-NISMA-AKR+ tjerat) nuk do të ketë asnjë propozim, atëherë ai do të fillojë konsultimet me të gjitha partitë për të caktuar datën e zgjedhjeve.

Njohësit e Kushtetutës ndërkohë thonë se për të shkuar në zgjedhje të reja duhet shpërbërë Kuvendi i Republikës së Kosovës, me 2/3 e votave.

Ndërkohë Televizioni Publik i Kosovës i thirrur brenda burimeve të Presidencës ka raportuar se zgjedhjet mund të mbahen më 8 shtator. /GazetaExpress/

Fondi për Fëmije i Kombeve të Bashkuara vlerëson se rreth 38.000 fëmijë me aftësi të kufizuara në Kosovë, nuk do të vijojnë mësimin më 1 shtator.

Nga gjithsej, 43.000 fëmijë me aftësi të kufizuara, sa vlerësohet të jenë në Kosovë, vetëm 5.300 prej tyre vijojnë mësimet në shkollat e rregullta, thotë organizata.

“Meqenëse arsimi ndërlidhet ngushtë me vende më të mira pune, jetë të shëndetshme, siguri sociale dhe ekonomike dhe mundësi për pjesëmarrje të plotë në shoqëri, ne e dimë që fëmijët me aftësi të kufizuara, të cilëve iu mohohet e drejta për arsim, kanë gjasa të përjashtohen edhe nga shoqëria”, thuhet në një komunikatë të UNICEF-it.

Organizata thotë se “pavarësisht ndërtimit të vazhdueshëm të objekteve shkollore që janë të përshtatshme për personat me aftësi të kufizuara, një grup i konsiderueshëm i objekteve të vjetra pa tualete të duhura, me laboratorë në katin e dytë dhe pa pjerrina, mbeten pengesë për realizimin e të drejtës për arsim të fëmijëve me aftësi të kufizuara”.

Shefi i Zyrës së UNICEF në Prishtinë, Murat Sahin, i ftoi institucionet e Kosovës që të ndajnë burime të mjaftueshme për punësimin dhe trajnimin e më shumë mësimdhënësve dhe asistentëve, duke ofruar mbështetje shtesë për pajisje dhe hapësira të specializuara dhe përfundimisht duke lehtësuar hyrjen e personave me aftësi të kufizuara në tregun e punës.

UNICEF-i ka zhvilluar një anketim me më shumë se 5.000 të rinjë nga e gjithë Kosova mbi perceptimin e tyre për bërjen e arsimit të qasshëm dhe gjithëpërfshirës për fëmijët.

“59 përqind e të rinjve u përgjigjen se: shoqëria në Kosovë përgjithësisht nuk është gjithëpërfshirëse. Po ashtu, 39 përqind e të rinjve identifikuan mentalitetin përjashtues të shoqërisë si barriera më e madhe për gjithëpërfshirjen”, thuhet në komunikatën e UNICEF-it.

“Të gjithë hajdutët e rëndomtë vjedhin dhe ndalen derisa t’i harxhojnë paratë e vjedhura, por këta politikanët e Kosovës nuk u ndalen asnjëherë në vjedhjen e shtetit”, kështu e tha një mik i imi, pas një debati të hapur për situatën politike në vendin tonë.

Shteti i Kosovës tatpjetën e madhe e filloi ditën e rikonfirmimit të pavarësisë me 17 shkurt 2008. Shpallja “multietnik” e shtetit më etnik në kontinent dhe mveshja e simbolit (flamurit) antikombëtar dhe hymnit pa tekst e pa ndjenja kombëtare, ishte paralajmërimi më i keq i zhbërjes së shtetit. Nga ky moment fillon thyerja shpirtërore e atdhetarëve dhe idealistëve që kishin projektuar ndryshe themelet e shtetit të Kosovës.
Zhbërjen e shtetit të Kosovës e filluan këta liderë partiakë dhe kjo klasë kusarësh të pangopshën politik, që rropën e ç’ropën gjithçka nga pasuria shtetërore dhe publike.
Nga paslufta e deri më sot, kjo klasë e çoroditur politike në vazhdimësi dëmtuan shtetin duke ua thyer shpresat dhe bërë jetën ferr qytetarëve në shtetin e lirë e të pavarur, të larë në gjak në luftën e fundit çlirimtare.
Dy gjëra nuk shkojnë bashkë; edhe milionerë edhe patriotë, edhe çlirimtarë edhe hajdutë!
Politikanët e pasluftës duke vrapuar pas grabitjes së posteve pushtetore, pas pas interesit personal të përfitimit material dhe pasurimit enorm nga plaçkitja e shtetit dhe qytetarëve (mërgimtarëve), e sollën shtetin buzë greminës, ndërsa popullit i shkaktuan varfëri, mjerim dhe përçarje deri në përmasat e shkatërrimit të çdo vlere kombëtare dhe njerëzore.
Pushtetarët e inkriminuar të zhytur në luksin e pushtetit, pa asnjë të arritur në zhvillimin ekonomik të vendit, po mendojnë që ta mbajnë përjetësisht pushtetin, thuajse Kosova është pronë private e tyre.

Ndarja fatale në “krah të luftës” dhe “krah të paqes”

Ndarja e spektrit politik kosovar në krah të luftës dhe në krah të paqes, përkatësisht në çlirimtarë dhe pacifist, e ka shkaktuar përçarjen më fatale dhe të tmerrshme të popullatës.
Analizuar me qetësi periudhën e paraluftës, të luftës dhe pasluftës, është politika paqësore ajo që ndërtoi themelet e shtetit, është krahu paqësorë që bëri luftën çlirimtare, ndërsa i ashtuquajturi “krahë” i luftës i mori meritat e paqëna të luftës çlirimtare.
“Krah i luftës” dhe veteranë u bënë ata që nuk luftuan fare dhe ata që ishin në anën e kundërt, ndërsa ata që bënë më së shumti për vendin injorohen dhe përbuzen nga njerëzit e pushtetit.
Një grup njerëzish të papërgjegjshëm, duke u thirrur në emrin e luftës çlirimtare, abuzuan me fondet e luftës (me “3 përqindëshin” dhe “Vendlindja Thërret”), kapën pushtetin duke u thirrur në gjakun e dëshmorëve dhe sakrificat sublime të familjeve shqiptare, dhe përseri tani duan ta mbajnë në pafundësi pushtetin në emër të vlerave të luftës, në emër të vlerave sublime të kombit tonë.
Sikurse i ashtuquajturi “krahu paqes” i ditëve të sotme, i ish komunistëve të konvertuar në demokrat, që po mundohen të përvetësojnë vlerat e një lëvizje paqësore të viteve të ’90-ta, ashtu edhe i ashtuquajturi “krahu i luftës”, nga “komandant” largë vijave të frontit po mundohen të përvetësojnë meritat e luftëtarëve të vërtetë që u sakrifikuan për lirinë e vendit tonë.

Demoluesit e vlerave njerëzore dhe kombëtare

Të dy krahët e sipërpërmendur, i “luftës dhe paqës”, siq ishin bashk në vjeljen e fondeve të luftës, përseri pasluftës u bën bashk në qeverisje për vjedhjen e shtetit.
Në fakt, janë këta dy krahë që nuk mud të ndahen dot nga njëri tjetri. Edhe kur i ndan pushteti, i bashkon interesi personal në zhvatjen e milionave të shtetit në borde dhe agjenci, në tendere dhe komisione parlamentare.
Për të dëshmuar këtë që ceka më sipër, lexuesve po ua ilustroj një shëmbull praktik. Ish kryetari i Fondit të 3 përqindëshit për Itali, z. Arsim Berisha, gjatë qeverisjes Thaçi-Mustafa kishte ushtruar dy funksione njëkohësisht; këshilltarë i kryeministrit Isa Mustafa dhe kryesues i bordit të Autoritetit Rregullativ të Hekurudhave të Kosovës.
Mirëpo, edhe pas rënjes së ‘Qeverisë Mustafa’, i njëjti (Arsim Berisha), edhe pse jo ekspert në fushën e hekurudhave, mbeti deri në ditët e sotme kryesues i bordit të Autoritetit Rregullativ të Hekurudhave të Kosovës, mekanizëm ky i panevojshëm dhe aspak profesional, i shpikur për militantët dhe urithët e nëntokave partiake, jo për të kontribuar në sektorin e hekurudhave, por për të zhvatur milionat e “investimeve” në hekurudhat e vdekura të Kosovës.
Ky ishte vetëm një segment i shkurtër i kapjes së shtetit dhe një nga qindra raste të bashkëjetesës së drejtuesve të fondeve të luftës në borde dhe agjensi zhvatëse të buxhetit të shtetit.
Janë këta dy krahë të zi që zbrazën xhepat dhe abuzuan me djersën e mërgimtarëve, që shkelën mbi gjakun e dëshmorëve dhe tani po e zhbëjnë shtetin në themel për interesat e tyre personale dhe klaneve të tyre mafioze.
Përderisa dallimi mes “krahut të luftës” dhe “krahut të paqes” është shumë i vogël, dallimi me qytetarëve dhe pushtetarëve është i madh.
Përderisa qytetarët dhe mërgimtarët e ndershëm dhanë gjithçka patën për lirinë e vendit, kusarët politik morën gjithçka, pa dhënë asgjë nga vetja e tyre për shtetin e Kosovës.
Si pasojë e ndarjeve të thella mes politikanëve dhe qytetarëve, përkatësisht largimit të politikanëve nga interesat e qytetarëve, në Kosovën e pasluftës janë krijuar dy shtresa të skajshme të shoqërisë; shtresa supër e pasur e familjeve të pushtetarëve dhe shtresa supër e varfër e qytetarëve të rëndomtë që nuk janë pjesë e këtyre dy krahëve dhe oligarkisë kriminale.
Pra Kosova, është shteti që po zhbëhet nga politikanët dhe po zbrazet nga qytetarët e saj, thuajse ta ketë mallkuar Zoti!
Jo, kjo situatë dëshpruese në shtetin e lirë 20 vjet pas çlirimit, nuk është vepër e Zotit, por është vepër e maskarenjëve të veshur me petkun e pushtetit, e kriminelëve dhe hajdutëve që Kosovën e kanë kthyer në plaçkë lufte, derisa ta zhbëjnë në themel shtetësinë e saj.
Qytetarët që po largohen nga shteti i Kosovës, janë shpirtëra të thyer me shpresa të humbura, janë atdhetarë që iu rezistuan të gjitha situatave dhe stuhive të kohës gjatë pushtimit serbosllav, por që nuk po mund i përballojnë shkatërrimit të vendit nga klasa e kusarëve politik shqipfolës, të shndërruar në varrëmihës të ardhmerisë dhe demolues të vlerave njerëzore dhe kombëtare.

Politikania serbe nga Graçanica, Rada Trajkoviq ka thënë se Presidenti Hashim Thaçi është marrë në pyetje nga Prokuroria e Gjykatës Speciale për disa orë në zyrën e tij, në Prishtinë, kurse Kadri Veseli në Slloveni.

“E di sigurt që Kadri Veseli ka qenë i ftuar. Unë nga burime ndërkombëtare e kam informacionin që ai ka dhënë dëshminë e tij në Slloveni, por këtë duan ta fshehin nga publiku. Me Thaçin, teksa zhvilloheshin hetime, intervista me të ka zgjatur disa orë në zyrën e tij në Prishtinë. Më është thënë që Thaçi ka dalë i mllefosur nga mënyra se si i janë prezantuar argumentet e prokurorisë gjatë hetimit. Edhe për të thuhet se ka ftesë dhe se ka dhënë deklaratë, por kjo po fshihet”, ka thënë Trajkoviqi në një intervistë për N1.

Dje edhe deputeti i LVV-së, Xhelal Sveçla, tha se Kadri Veseli dhe Hashim Thaçi janë marrë në pyetje nga prokuroria e Gjykatës Speciale.

Ai tha se Veseli është intervistuar në Frankfurt ndërsa për Thaçin tha se nuk e di lokacionin, por se “është intervistuar dy herë”.

“E ka ditur se s’është qeveri me jetë të gjatë dhe ka dashur të faktorizojë vetveten, e ka dashur të qeverisë si kryeministër në detyrë. S’ka dallim nga kryeministri dhe ai në detyrë. Ka mundur të shkonte sikur siç po flitet, e duket se është e vërtetë, edhe Kadri Veseli është intervistuar në rolin e kryeparlamentarit. Tashmë edhe Thaçi është intervistuar. Veseli në Frankfurt, e Thaçi dy herë në raste të ndryshme. Vendndodhjen nuk e di. Është intervistuar dy herë. E vazhdojnë të jenë në këto pozita”, ka deklaruar ai në KTV.

Ambasadori i SHBA-së në Kosovë, Philip Kosnett ka kërkuar drejtësi për 14 serbët e vrarë pas luftës në Grackë të Vjetër të Komunës së Lipjanit, raporton Gazeta Express.

Përmes një shkrimi në rrjetin social Twitter, Kosnett ka thënë se në përvjetorin e 20-të të vrasjes së 14 fermerëve serbë të Kosovës, në fshatin Grackë të Lipjanit, viktimat e të gjitha etnive dhe familjet e tyre meritojnë derjtësi.

Today marks 20 years since the killing of 14 Kosovo-Serb farm workers in Staro Gracko/ Graçka e Vjetër village. Victims of all ethnicities, and their grieving families, deserve justice.
— Ambassador Philip S. Kosnett (@USAmbKosovo) July 23, 2019

Në një fshat 20 kilometra larg Prishtinës, në qershor të vitit 1999, ishin vrarë 14 serbë të Kosovës që kishin dalë në fushë për të korrur grurin, vetëm disa javë pas përfundimit zyrtarë të luftës në Kosovës, e pasi që vendi hyri në kontrollin e Kombeve të Bashkuara dhe të NATO-s.

Policia nga misioni i OKB-së në Kosovë, UNMIK, arrestoi një shqiptar të quajtur Mazllum Bytyqi nga fshati Hallaq i Madh në vitin 2007. Ai u lirua dy muaj më vonë për shkak të mungesës së provave.

Në vitin 2010, prokurorët e OKB-së ia dorëzuan dosjen e çështjes EULEX-it. Në vitin 2017, çështja u mbyll.

Mosmbledhja e Kuvendit të Kosovës pas dorëheqjes së kryeministrit Haradinaj, paraqet shqetësim dhe ngre dilema për abuzime të reja kushtetuese.

Ish kryeministri Haradinaj pas dorëheqjes së parevokueshme, menjëherë duhet të zavendësohet me njërin nga 5 zv. kryeministrat deri pas zgjedhjeve të jashtëzakonshme, gjegjësisht deri në zgjedhjen e kryeministrit të ri nga legjislatura e ardhshme e Kuvendit.
Çdo tendencë e Haradinajt për të manipuluar me postin e kryeministrit është antikushtetuese dhe antiligjore, për shkak se aktiviteti i tij politik si kryeministër i vendit ka pushuar në momentin e paraqitjes së dorëheqjes së parevokueshme me 19 korrik 2019 në kabinetin qeveritar dhe pak çaste më pas edhe para mediave.
Pas dorëheqjes së Haradinajt, të nesërmen është dashur të mblidhet Kuvendi në një seancë të jashtëzakonshme për emërimin e një ushtruesi të detyrës së kryeministrit, qoftë njërin nga 5 zv. kryeministrat apo një kandidat tjetër deri pas konstituimit të legjislatures së re të kuvendit.

Nuk është e largët dita kur Haradinaj e kumtoi lajmin se ka dhënë dorëheqje, me ç’rast e kishte thënë këtë fjali:

“Nderi i Kryeministrit dhe Shtetit duhet të ruhet dhe unë nuk e poshtëroj asnjëherë. Në Hagë si Ramush Haradinaj do t’i dal përball shpifësve, ashtu si e kërkon nderi i luftëtarit shqiptar”, tha ai.

Mirëpo deklarimet e Haradinajt tre ditë më pas, bien në kundërshtim të plotë me aktin e dorëheqjes së tij:

“Konfirmoj se deri në zgjedhjen e Qeverisë së re, do të kryej detyrën time Kushtetuese si Kryeministër dhe Qeveri në dorëheqje”, shkruan Haradinaj.

Me këtë shihet qartë se Ramush Haradinaj nuk ka qenë i sinqertë para qytetarëve kur tha se po jep dorëheqje të parevokueshme sepse nuk dëshiron të shkojë në Hagë si kryeministër, për intervistim nga Gjykata Speciale.

Pra, në fakt Haradinaj do të shkojë në Hagë si kryeministër në dorëheqje e jo si individ siq kishte paralajmëruar.

Kjo lojë e pasinqertë dhe dualizmi i vperimeve të Haradinajt, e bën akoma më të paqartë situatën politike në vend.

E din apo nuk din Haradinaj çka paraqt dorëhqja e parevokueshme?
E din apo nuk e din këshilltarët e tij çfarë duhet të ndodhë pas dorëheqjes së parevokueshme?
E din apo nuk e din fare partnerët e koalicionit PAN për obligimet që dalin nga dorëheqja e parevokueshme e kreyministrit.
I din apo nuk i din opozita, hapat që duhet të ndërmarrin pas dorëheqjes së parevokueshme të kryeministrit të vendit, apo janë fokusuar vetëm në caktimin e datës së zgjedhjeve!

Haradinaj nuk i kishte paraqit dorëheqje asnjë institucioni shtetërorë me 19 korrik 2019, por ishte tërhequr përmes aktit të dorëheqjes së parevokueshme, që nënkupton aktin e kryer e të pakthyeshëm të largimit nga posti shtetëror.

E drejtë apo e padrejtë, e parakohshme apo e vonuar, e dobishme apo e dëmshme për vendin, dorëheqja e Haradinajt duhet trajtuar ashtu siq është, e pakthyeshme.
Bazuar në përvojën e deritanishme të krijimit të qeverive, nëse zgjedhjet mbahen në fillim të shtatorit, formimi i instititucioneve të reja mund të zgjasë deri në fund të vitit shkaku i pazareve politike.
Prandaj për rastin e dorëhqjes së Haradinajt duhet të ndërhyjë Gjykata Kushtetuese për të sqaruar ligjshmërinë dhe kompetencat e “Qeverisë në dorëheqje” siq po e quan Haradinaj qeverinë më të madhe të pas Pavarësisë së Kosovës me 21 ministri dhe mbi 80 zëvendësministra, me qindra këshilltarë dhe mijëra të punësuar në objektin e qeverisë së Kosovës.
Gjykata Kushtetuese duhet ta përcaktojë qartë situatën, nëse duhet apo jo të vazhdojë punën një qeveri kaq megalomane në dorëhqje edhe për 4-5 muajt e ardhshëm apo të caktohet një qeveri teknike me 7-8 ministri kyqe deri në zgjedhjen e institucioneve të reja të shtetit.
Edhe pse Kushtetuta, përkatësisht Neni 95 [Zgjedhja e Qeverisë]5 e përcakton qartë se “Nëse Kryeministri jep dorëheqjen ose për arsye të tjera, posti i tij/saj mbetet i lirë, Qeveria bie, dhe Presidenti i Republikës së Kosovës, në konsultim me partitë politike ose koalicionin që ka fituar shumicën në Kuvend, mandaton kandidatin e ri, për të formuar Qeverinë”, ende nuk ka ndodhë asnjë veprim i presidentit të vendit.
Megjithatë, bazuar në vullnetin e partive politike, vendi do të shkojë në zgjedhje të jashtëzakonshme.
Prandaj Gjykata Kushtetuese duhet të përcaktojë qartë situatën, se a duhet të shkojë vendi në zgjedhje apo t’ua lë të lira duart matrapzëve politkë për manipulim me qytetarët në kundërshtim me kushtetutën dhe ligjet në fuqi.

Pas dorëheqjes nga posti i kryeministrit të Kosovës, Ramush Haradinaj thotë se ka marrë letra edhe nga kryeministra të rajoni.

“Unë kam marrë shumë letra personale prej kryeministrave të rajonit, nuk kam marrë një prej Edi Ramës. Kam marrë prej kryeministrave të tjerë të rajonit shkresa mbështetje, simpatie. Edhe nga personalitete si Presidenti Berisha, po se po, por edhe Presidenti Moisiu, Presidenti Meta ishte vetë këtu. Kam marrë prej Shqipërisë plot porosi përkrahëse, kam dëgjuar zotin Majko, kryetarin Basha… Vetëdija kombëtare e ka bërë të vetën atje. Ata i përcjellin këto tema” tha Haradinaj për T7 në Kosovë.

Ai tha se taksa dhe çështja e kufijve janë ato që e ndajnë me Edi Ramën. I pyetur nëse ndihet përgjegjës për prishjen e marrëdhënieve me kryeministrin e Shqipërisë ai tha se asgjë nuk ishte personale.

“Jam i detyruar të mbroj tërësinë territoriale të Kosovës. Nuk e kam këtë prej qejfit apo prej arrogancës. Unë jam i detyruar me mbrojt Kosovën si agjendë. Unë taksën nuk e kam tregti me Serbinë. Unë taksën e kam me shpëtu (Kosovën) prej ndarjes ose prej “Dodik Republikës”. Unë nuk i kam mbajt këto qëndrime për inat të Edit, Hashimit apo Kadrisë.

Unë besoj që nëse e heq taksën, e ke çel derën për njërin prej dy çmimeve, ndarje ose “Dodik Republikë”. Unë besoj që nëse e mbajmë taksën, ato të dyja nuk janë më temë dhe hapim derën për njohjen. Kaq e thjeshtë është. Kujt nuk i kam borxh në këtë rast që i shërbej këtij besimi” – tha Haradinaj.

Ambasadori Kosnett flet gjatë ceremonisë së vënies së gurthemelit për bustin e senatorit Dole.

Në shenjë respekti për kontributin e dhënë për lirinë dhe pavarësinë e Kosovës, në shënimin e ditëlindjes së senatorit amerikan, Bob Dole, në Prishtinë është vënë gurthemeli për ndërtimin e bustit të tij. Në këtë shënim, kanë marrë pjesë ambasadori amerikan në Prishtinë, Philip Kosnett, kryeministri në dorëheqje, Ramush Haradinaj dhe drejtori ekzekutiv i Odës Amerikane, Arian Zeka.

Për këtë nismë, institucionet e Kosovës kanë marrë edhe pëlqimin e senatorit Dole, u tha gjatë fjalimeve.

“Ishte viti 1990, kur u realizua vizita e parë e delegacionit të senatorëve të lartë amerikanë në Kosovë, e cila ishte një kthesë për ne”, tha Haradinaj, duke rikujtuar edhe takimin e senatorit Dole me liderin e atëhershëm politik të shqiptarëve të Kosovës, Ibrahim Rugova.

Kurse ambasadori i Shteteve të Bashkuara në Kosovë, Philip Kosnett tha se ai dhe senatori Dole ndihen shumë të nderuar me iniciativën për ndërtimin e bustit për senatorin amerikan.

“Të gjithëve do të na bënte mirë të ndiqnim filozofinë e Bob Dole. Në politikë ka kundërshtarë- jo armiq”, tha ambasadori amerikan.

Ndërtimi i bustit të senatorit Bob Dole do të bëhet nga artisti i njohur Luan Mulliqi.

Projekti do të financohet nga Oda Amerikane në Prishtinë.

Ish-presidenti Bill Clinton, ish-sekretarja e shtetit, Madeline Albright dhe tani Bob Dole, janë personalitetet të cilave u janë bërë apo bëhen shtatore, siç është rasti me Bob Dole, në kryeqytetin e Kosovës, në Prishtinë.

Kryeministri i në dorëheqje i Kosovës, Ramush Haradinaj përmes një letre i ka njoftuar krerët e institucioneve dhe liderët e partive politike të përfaqësuara në Kuvend, për vendimin e tij për dorëheqje të parevokueshme nga funksioni i Kryeministrit të Republikës së Kosovës.

“Në përputhje me Kushtetutën e Republikës së Kosovës dhe ligjet e aplikueshme, kam ftuar që të ndërmerren hapat e nevojshëm për shpalljen e zgjedhjeve të përgjithshme nacionale, në mënyrë që e drejta për të zgjedhur t’i kthehet sovranit. Deri në zgjedhjen e Qeverisë së re, do të vazhdoj kryerjen e detyrave kushtetuese si Kryeminister dhe Qeveri në dorëheqje”, ka shkruar Haradinaj në facebook.

Zyra për media e Kuvendit ka konfirmuar tashmë se Haradinaj e ka dorëzuar letrën e dorëheqjes.

“Letra e dorëheqjes u është proceduar menjëherë anëtarëve të Kryesisë së Kuvendit dhe kryetarëve të grupeve parlamentare”, theksohet në njoftim.

Kryeministri i Kosovës, Ramush Haradinaj, ka dhënë dorëheqje të premten nga pozita që ka pasi ka marrë ftesë për intervistim nga Gjykata Speciale në Hagë, në cilësinë e të dyshuarit.

Për të arritur zenitin e suksesit në çdo veprimtari sportive pos talentit të falur nga Zoti , nevoitet vullnet I qelikt dhe punë e madhe .Kjo vlenë edhe për sportin e shkathtësisë bujare –boksin.
Për tu bërë kampinon nuk janë bërë vetëm në palestrat sportive , kampionet janë bërë nga diqka që ata e kanë thëllë në mbrendin e shpirtit të tyre .Kanë një deshirë , një enderrë, një vullnet që duhet të jetë më I fortë së aftësia.
Plejadës së boksierëve të njohur më prejadhje shqiptare në boksin botëror profesionist , nga Strellci I Deqanit, janë duke iu bashkëngjitur edhe vellezërit James Kraft dhe Toni Kraft , të cilët për një ditë u bënë kampion bote për junior.Kjo ishte diqka spektakolare, mahnitëse që I bëri shumë të lumtur këta dy boksier të talentuar, e të cilët jetojnë dhe veprojnë në Gjermani.Kan lindur në Altotting . Jemes në bisedë më të është I qetë, por shihet së është shumë energjik dhe I shkathët në boks. Ai më rrefeu këtyre ditëve kur është në Kosovë, së si e kan filluar rrugëtimin më villain, Tonin në boksin amatore e profesionist.Vëllezërit Kraft-Avdimetaj mbemrin nga origjina, karrirën e tyre e kan filluar qysh në moshë shumë të re, duke arritur deri më tani suksese të mëdha , por nuk janë shumë të njohur deri më tash në Kosovë.James thotë së si amator I ka zhvilluar 87 meqe , prej tyre I ka 78 fitore .Në moshën 17 vjeqare vazhdon rrefimin Jamës, kam kaluar në boksin profesionist në kategorinë gjysëm të rëndë.Deri më tash thotë ai në vazhdim të bisedës nga 17 meqe te zhvilluara , kam 16 fitore dhe një barazim.10 ndeshje I kam fituar më KO për junior.Jamës dy herë ka arritur që të bëhët kampion bote për junior në verzionin WBC dhe IBEO.Titullin në verzionin ËBC e ka mbrojtur dy herë .Ishte shumë interesant për neve thotë Jamës, kur të njejtën ditë më 16-1.2016 në Mynhen u kurorizuam më vëllaun, Tonin më titujtë e kampionit të botës .Unë thotë Jamës mposhta boksierin shumë të fortë hungarez ,Pita Orleg duke e nokatuar në raundin e tretë. Nder emrat të njohur ndaj të cilt kam shënuar fitore është edhe gjermani , Aron Shvarc. Akutalisht Jamës mbanë dy tituj për junior deri në moshën 24 vjeqare. Sigurisht së në sukseset e deritashme tona meritor është menagjeri ,Flavio , kurse ne Kosovë menaxheri , Edonis Shabanaj.Synimi I këtij boksieri 22 vjeqar është të kurorizohet më titullin e kampionit të botës , por tash për senior , për tia rrembyer titullin suedezit, Sven Forni , I cili mban titullin në verzionin IBE-o .Duke më rrefyer për sukseset edhe të vëllait Tonit, Jamës thotë së vëllai I tij bokson deri në kategorinë 76 kg, Toni është kampion bottenë verzionin WBC -junior, kurse aktualisht eshte kampion ne verzioni IBF dhe IBO-Kontinental per senior ne Evrope .Mbanë gjithashtu titullin e të parit në Gjermani.
.
Në mbrëmjën kur jemi bërë bashkë kampion në Mynih në vitin 2016, Toni e ka mposhtur hungarezin e forte, Ferenc Albert duke u bërë kampion bote në verzionin WBC. Toni Kraft gjatë karrierës si amator ka shënuar 115 meqe , ku 109 prej tyre I ka fituar më nokaut, dy barazime e dy humbje.Ne karreiren si profesionit ka deri më tash 17 ndeshje, 16 fitore e një barazim.Toni si synim të radhës ka edhe tri takime paraprake për të ardhur deri takimi më anglezin ,Krys Jubenle , I cili mban titullin e botërorit në në verzionin IBO, të boksit profesionist. Ne. I uruam atë ditë pas bisedës tanë këta boksierë të talentuar në sukseset e deritshme pa dyshim të mëdha ,në boksin profesionist ,për të cilët nuk është shkruar dhe dëgjuar aq shumë në Kosovë, siq shprehet edhe Jamës, së Toni nuk ishte atë ditë prezent.Pa dyshim sportistët tanë në botë janë bërë krenaria e shqiptarëve.Janë bërë ambasadorët më të mirë të kombit, të cilët po na mbajnë në pedestal. Sigurisht së për Tonin dhe Jamës do ndëgjohet dhe shkruhet edhe më shumë ,siq I përfundojmë si zakonisht shkrimet e tilla…

Ish-Deputetja e Kuvendit të Kosovës nga komuniteti serb, Rada Trajkoviq, ka thënë se dorëheqja e Ramush Haradinajt nga posti i kryeministrit të Kosovës do të sjellë pasoja të mëdha për Serbinë. E këtë ajo e arsyeton me faktin se sipas saj kjo do ta shtyjë fillimin e dialogut edhe për 90 ditë, ndoshta edhe më shumë. E sipas saj, zgjedhjet e parakohshme në Kosovë dhe zgjedhjet e rregullta të vitit të ardhshëm në Serbi do të kenë pasoja negative në dialog.

Sipas saj, taksa ndaj mallrave serbe nuk do të hiqet, për shkak se qeveria teknike e cila mund të formohet në Kosovë nuk ka kompetenca për ta bërë këtë. Madje sipas saj, kushdo që vjen në krye të një qeverie teknike nuk mund të ndërmarrë një veprim të tillë, për shkak se rrezikon që ta humbasë popullaritetin para zgjedhjeve.

Trajkoviq, e cila është kryetare e Lëvizjes Evropiane të Serbëve të Kosovës, ka thënë se dorëheqja e Haradinajt ka bërë që institucionet të kenë presion që taksa të mos hiqet.

“Kjo është goditja e tij e fundit dhe më e forta sa i përket refuzimit për heqjen e taksës dhe nuk e shoh se dikush do ta pezullojë atë, se kjo do të thoshte rënie e popullaritetit. Ramushi, me strategji, ngriti pritjet e votuesve dhe në vend se të riformatohet qeveria, do të mbahen zgjedhje të jashtëzakonshme” tha ajo për gazetën serbe, Danas, transmeton Gazeta Express.

Trajkoviq gjithashtu shtoi se “duke qenë se zgjedhjet mbahen gjatë procesit të mbajtjes së negociatave, ka shumë gjasë që ato nuk do të mbahen as deri në fund të vitit”

Ndërsa sa i përket reagimit të presidentit serb, Aleksandër Vuçiq, ajo tha se deklaratat e tij nuk janë të vërteta por ai po tentonte që të ushtronte presion ndaj serbëve.

“Nuk ka presion ndaj të tjerëve, vetëm ndaj serbëve. Kështu flet të paktën publikisht Aleksandër Vuçiq, i cili erdhi në pushtet për shkak se i premtoi bashkësisë ndërkombëtare zgjidhje për çështjen e Kosovës” tha Trajkoviq duke shtuar se “Ai nuk ka guxim ta bëjë këtë”.

Kryeministri në largim Ramush Haradinaj sot pritet të dorëzojë edhe formalisht dorëheqjen tek presidenti i Kosovës, Hashim Thaçi.

Haradinaj njoftoi për dorëheqjen gjatë mbledhjes së qeverisë të premten, ndërsa më pas njoftoi se letrën për heqjen dorë nga posti i të parit të qeverisë do ta dorëzojë të hënën.

Dorëheqja erdhi pas një ftese nga Dhomat e Specializuara të Gjykatës Speciale, në të cilën kreu i AAK-së tha se do të paraqitet si qytetar i thjeshtë e jo si kryeministër sepse do të ishte e rëndë për vendin.

Ndryshe, pas dorëheqjes së Haradinajt pati reagime të shumta, ndërsa partitë politike tashmë kanë sytë nga presidenti për datën e re të zgjedhjeve.

Haradinaj po ashtu në vitin 2004, pati dhënë dorëheqje nga pozita e kryeministrit me të marrë ftesën nga Gjykata e Hagës.

Kreu i shtetit, Ilir Meta është takuar sot në Prishtinë me kryeministrin e Kosovës, Ramush Haradinaj, i cili dy ditë më parë dha dorëheqjen.

Takimin e ka bërë publik vetë Haradinaj përmes një postimi në Facebook, të cilin e shoqëron edhe me foto nga takimi.

“Kënaqësi e veçantë të takoj sonte në Prishtinë Presidentin e Shqipërisë, Ilir Meta, bashkë vajzën Borën. Rast i mirë për të këmbyër mendime rreth aktualitetit politik në Kosovë, Shqipëri dhe rajon. Në proceset që po kalon Kosova, angazhimi i përbashkët përballë sfidave e fuqizon faktorin shqiptar”, – shkruan Haradinaj.

Siç duket edhe nga fotot, takimi është bërë në një nga restorantet e Prishtinës. Vetë Presidenti Meta nuk ka bërë ende një koment për takimin, që vjen dy ditë pas dorëheqjes së Haradinajt nga posti i kryeministrit për shkak të thirrjes për të dëshmuar nga Gjykata Speciale në Hagë.

Meta ishte ndër të parët politikanë që reagoi pas dorëheqjes, duke besuar në pafajësinë e Haradinajt.

“Krenar për Ramush Haradinajn dhe i bindur në pafajësinë e tij! Nuk ka pabesi dhe presion që e thyen Burrin e Shtetit dhe Heroin e Kombit! Nga sot të gjithë duhet të flemë më pak, të shqetësohemi më shumë dhe të bashkohemi më fort që Kosova dhe rajoni ynë të jenë të pacenuar në paqen dhe sigurinë tonë, si dhe në të ardhmen europiane”, ka shkruar Meta.

1. Ramushin  si kryeministër s’duhet vajtuar askush, pērveç miqëve lokal dhe atyre global,të cilët u dakorduan për ta mos kontestuar si kryeministër (me shpresën se ai si demarkacionin, ashtu edhe  ndrrimin e kufijve do ta qonte deri në fund), si edhe deputetëve injoranta e konformista, të cilët me aktin e ngritjes së dy gishtave e votuan (formën më të sofistikuar të presionit mbi vlerat sublime të luftēs) Gjykaten Speciale. Tani, krej vajtimet pasuese viktimizuese, e mazohiste janē vetëm pjesë e një ikonografie e folklorizmi të kulluar kurtuaz qē do përdorën ekskluzivisht dhe me qëllim të konsumit të brendshëm. Sepse, ate, në dorëheqje e detyruan si “miqtë” global ashtu edhe “armiqët” e koalicionit lokal. Në fakt, këtë hap dy palët e ndërmorrën me një marrëveshje të pathënë dhe me “kushtin e premtimin”, se ai në Gjykatë do bëjë vetëm një “shetitje formale” në cilësinë e “dëshmitarit”. Dhe se rikthimi i tij “triumfal”, e me tepih të kuq në politikën kosovare do ndodhë njejtë sikurse ai i vitit 2005! 
2. Por, kjo nuk do ndodhë kështu, edhe nga shkaku se: as rrethanat politike e as konstelacionet gjeostrategjike më s’janë as të njejta e as në favor të gjëja shtetndërtimit të Kosovës; nuk do ndodhē kështu, edhe shkaku, i vetëkënaqësisë së brendshme për gjëja finalizimin e projektit të procesit tē përmbylljes sē ndikimit rus në Ballkan; Dhe se e gjithë kjo “dramë e dorheqjes dhe dëshmitarit” në Gjykatën Speciale, është vetëm një farsë për ta ridimensionuar presionin (lexo; zhbë shtetin e dytë shqiptar në rajon, të cilave ai me vetëdije u rezistoi deri në fund!) për koncesionet e reja, që Kosova duhet (përmes; idesë së trojkes Thaçi&Vuçiw&Rama, për korigjimin e kufijve) të ia bëjë Serbisë…
3. E krejt ky skenar, mund të ndodhē kështu shkaku; se e gjithë elita politike e pasluftës, gjatë gjithē kohës e ka improvizuar si shtendërtimin, ashtu edhe pavarësinë dhe sovranitetin e Kosovës. Natyrisht, krijimin e këtij perceptimi të rrejshëm dhe farse për gjëja; pavarësinē, sovranitetin, demokracinë (për çka nga paslufta e këndej, ua kam hapur sytē gjithë spektrit politik shqiptar),e kanë simuluar edhe miqët tanē lojal e jojal (!). Sepse atëbotë, ishte nevojë dhe interes i tyre gjeostrategjik, për t’a improvizuar si; pavarësinë (e paqenē), ashtu edhe sovranitetin (e cunguar) dhe demokracinë (e simuluar përmes folklorit tē pluralizmit, lirisë së qarkullimit, e sundimit të ligjit) e Kosovës, që tani ka pushuar së egzistuari.
4. Pra, Haga dhe Gjykata Soeciale, janë vetëm maskë provizore, për ta gjetur, jo at “formulën” e heqjes së taksës, por, për të gjetur “lojtar” të rinj për kompromiset tjera të dhimbshme (lexo; copëtimin e ri të Kosovës) që duhet të ndodhin në raport me Serbinë! Natyrisht, “Dorëheqjes”, s’duhet t’i gëzohet as opozita (Ldk-ja e VV), sepse, gama e kompromiseve shkaku i interesave të reja gjeostrategjike të miqve në Ballkan, ende s’ka marr fund. Kompromise dhe fakte këto, që ca politikan naiva dhe të shantazhuar të Kosovē, nuk e kanë kuptuar, sa dhe si duhet. Ata të zhytur në hedonizmin e tenderomanisë, dhe sidomos në “meritat” për krijimin e “klasës së re kapitaliste (lexo; oligarkinē politike) e kanë projektuar vetën si “lojtar”kyq, edhe në procesin e ritreshtimit të rajonit. Duke harruar kështu, që lotarët global, ata i kanë pëdorur sikurse limonin e shtrydhur me afat skadence! Dhe se kohës që po vjen i nevojitet një profili i ri i poltronizmit dhe konformizmit politik, në skenën politike kosovare.
5. Andaj, Ramushin s’duhet vajtuar me “lot krokodili”, e as me emocione politike, e aq më tepër me paradigma sociale, sepse, ai dhe garda e komandantave “misionin dhe obligimin” e tyre historik, e ka pêrmbush me faktin dhe aktin e; demarkacionit (ku 8000ha, iu dhanë Malit të Zi) dhe sidomos me formimin e Gjykatës Speciale. Duke gjykuar kështu, kujtoj se ai me të kuptuar lojën djallēzore të “lojtarëve” global, në historinë politike tē pasluftës kosovare do mbahet në mend si “mohikani” i fundit që i bëri rezistencē stoike tendencës së rikthimit të Serbisë, në Kosovë!

Ramush Haradinaj i ka pasur dhjetëra arsye më shumë për t’u tërhequr më herët nga qeverisja, por jo në këtë kohë kaq të ndjeshme për vendin. Pas vendimit të Gjykatës Kushtetuese të Kosovës, e cila e vlerësoi si antikushtetues vetë-emërimin e presidentit Hashim Thaçi si kryenegociator dhe Ekipin negociator krejtësisht antiligjor në bisedimet e Brukselit, me automatizëm dhe në bazë të Kushtetutës dhe ligjeve në fuqi, përfaqësues i Kosovës në bisedimet e Brukselit do duhej të ishte kryeministri i vendit, në këtë rast, ish kryeministri Haradinaj.
Dorëheqja e Haradinajt, duke e marrë si shkas ftesën nga Gjykata Speciale, nuk e amniston atë nga përgjegjësia politike për mospërfaqësim të Kosovës në dialogun me Serbinë, qoftë në Bruksel, Berlin apo Paris.
Ikja e Ramush Haradinajt para përballjes së mocionit të mosbesimit në kuvend, e bën atë akoma më përgjegjës për dështimet e shumta në qeverisjen e vendit, vargu i të cilave është i gjatë dhe i pafund.
Haradinaj mendoj që e kapi “momentin e duhur”, por gaboi shumë rëndë. Momenti i dorëheqjes si akt moral i Haradinajt do duhej të ndodhte pas mashtrimit të qytetarëve për liberalizim të vizave, ku Kosova, me mashtrimin në këmbim të këtij liberalizimi i i humbi mbi hiq më pak se 8200 hektarë.

Haga nuk e detyroi të dorëhiqet

Dorëheqja nuk është motivuar dhe as shkaktuar nga Haga, por është e motivuar nga thyrjet e mëdha në koalicionin PAN dhe presionit të madh ndërkombëtar për heqje të taksës.
Ramush Haradinaj dha dorëheqje nga pozita e kryeministrit me lotë ndër sy, duke dëshmuar para mediave dhe qytetarëve se “nuk po bie shi, por janë lotët e tij për Kosovën…”.
Porosia e Haradinajt që vendi të shkojë në zgjedhje, e dëshmonë prapavijën politike të dorëheqjes së tij.
Emërimi i komisionit të ri, kinse për rishikim të demarkimit të kufirit me Malin e Zi “pesë minuta” para dorëheqjes së tij, flet qartë për mungesën e sinqeritetit dhe mungesën e pragmatizmit politik të ish kryeministri Haradinaj.
Mosliberalizimi i vizave pas demarkimit të kufirit me Malin e Zi, do duhej të ishte momenti i parë i reflektimit për dorëheqje si akt moral para qytetarëve të vendit dhe si thirrje ndaj BE-së për mbajtje të premtimit të dhënë publikisht nga zyrtarët e saj, e jo tani të përdoret një ftesë e rëndomtë për intervistë nga dhoma e posaqme e Gjykatës Speciale në Hagë.
Ndryshe, “porositë” që la Haradinaj me rastin e dorëheqjes, si; “Kosova duhet të ruhet e pa prekshme, të mos ketë Republikë Serbe, (asociacioni) të mbetet taksa deri në njohjen nga Serbia, rishikimin e demarkimit të kufirit me malin e zi (duke emëruar komisioni e ri për demarkim të kufirit), s’janë gjë tjetër veqse agjendë e slloganeve të fushatës elektorale që do të përdoren nga zyrtarët e AAK-së dhe Haradinaj në veçanti.
Pra, këto porosi të Haradinajt, e dëshmojnë më shumë se asgjë tjetër prapavijën politike të dorëheqjes së tij. Duke e parë me sytë e tij shkarkimin e afërt në Kuvend, Ramush Haradinaj e përdori ftesën e Gjykatës Speciale për përfitime elektorale.
Se vërtetë dorëheqja e Haradinajt nuk është e ndikuar nga Gjykata Speciale, por nga lufta speciale brenda PAN-it kundër tij, e dëshmon edhe letra e dorëheqjes e përgatitur paraprakisht dhe me kujdes (ndoshta e shkruar ditë më parë nga këshilltarët e tij), në të cilën, më shumë bënte thirrje për zgjedhje sesa për ftesën e Gjykatës Speciale.
Pra, ftesa e Gjykatës Speciale u përdor vetëm si pretekst nga Haradinaj për të mbuluar arsyet e vërteta të dorëheqjes, e që janë produkt i thyrjeve të shumta në koalicionin PAN dhe presionit të madh ndërkombëtar për heqje të taksës.
Dorëheqja e (pa) pritur e Haradinajt konsiston edhe me një fakt tjetër të pakontestueshëm. Haradinaj duke e parë si të pashmangshëm shkarkimin në Kuvend, e përdori si alibi ftesën e Gjykatës Speciale për t’i ikur shkarkimit nga ana e deputetëve.
Haradinaj u vetëlargua nga drejtimi i qeverisë me “taksën nën sqetull”, si të vetmin ngushëllim pas dështimeve dhe skandaleve të panumërta, por iku edhe me përvojën e hidhur të qeverisjes me PDK-në, e cila do ta përcjellë edhe për një kohë relativisht të gjatë.
Mbetët të shihet si do ta quaj Haradinaj pas dorëheqjes “shkelqësinë e tij”, Hashim Thaçin, me të cilin dhe p”Kurbani nuk ushqehet natën e Bajramit” Ramush!r të cilin është e lidhur dorëheqja e (pa) pritur e “Rambos” nga posti i kryeministrit.

Besimi i humbur nuk kthehet për një natë

Çirrjet e Ramush Haradinajt se do ta mbrojë me çdo kusht dhe çdo mjet territorin e Kosovës nga demarkimi, përkatësisht korrigjimi i kufirit me Serbinë, janë demagogji politike.
Si t’i besohen këto fjalë njeriut që i fali Malit të Zi 8200 hektarë për dy vite kryeministër! Hipokrizinë e tij Haradinaj e dëshmoj, kur pak çaste para aktit të dorëheqjes e formoi një komision tër ri, “sa për sy e faqe”, siq thotë populli, kinse po bënë diçka pas të vjelave.
Me ardhjen në krye të qeverisë afërsisht dy vite më parë, Haraninaj e kishte rastin historik për ta dëshmuar vetën në qeverisjen e vendit, por nuk e bëri një gjë të tillë.
Abuzimet e tij me pushtetin nuk patën të ndalur që nga dita e parë, kur i rriti rrogën vetës, kabinetit qeveritarë dhe prokurorëve e gjykatësve për mospunën e bërë në luftimin e korrupsionit dhe krimit të organizuar.
Fryerja e kabinetit qeveritar me familjarë, miq dhe militant partiak vazhdojë deri në ditën e fundit të qeverisjes së tij, kur shpiku poste të reja në qeverinë që drejtojë, siq është rasti i fundit i hapjes së konkurseve të reja, Nënkoordinatorë dhe Asistentë të Nënkoordinatorëve Rajonalë.
Sjellja e Ramush Haradinajt më shumë si monark sesa si kryeministër i një Republike Parlamentare, është shëmbulli më i keq i qeverisjes së shtetit.
Nëse i analizojmë një nga një të gjitha veprimet e Ramush Haradinajt nga dita e parë e ardhjes në pushtet deri në ditën e fundit në Qeverinë e Kosovës, na delë të jetë kryeministri më i kushtueshëm dhe më i pakujdsshëm për vendin në këto 20 vjetët e fundit.
Shfrytëzimi i ftesës nga Gjykata Speciale për të manipuluar me ndjenjat popullore, duke menduar se qytetarët e Kosovës do të mërziten njëjtë si herën e parë, paraqet mashtrim në vetën e parë.
Duke qenë se është kështu, kësaj radhe për shkuarjen e tij (për të tretën herë) në Hagë, përveq familjarëve, do të bahkëndjejnë dhimbjen vetëm militantët partiak në poste shtetërore, parazitët dhe përfituesit e shumtë të punësuar në kabinetin qeveritarë dhe institucionet tjera shtetërore.
Sigurisht, që lotë krokodili për Ramushin do të derdhin edhe ata që votuan dhe mbështetën Gjykatën Speciale në kuvend dhe jashtë tij pesë vite më parë.

Dorëheqja e papritur e Ramush Haradinajt nga pozita e shefit të qeverisë, ka krijuar rrethana të reja politike në vend, duke përfshirë edhe negociatat me Serbinë.

Analisti politik Fisnik Halimi vlerësoi se zgjedhjet në Kosovës do të mund të mbahen brenda kësaj vere.

“Ashtu janë shprehur liderët. Vendi po shkon drejt zgjedhjeve. Duhet parë procedurat kur, ky është një realitet i pa paralajmëruar, i cili nuk i konvenon as Kosovës dhe është në shpërputhje me partnerët ndërkombëtar”, tha ai.

“Mendoj se tani negociatat do të kalojnë sërish në duart e Presidentit të Kosovës. Ai dhe ekipi i tij do të ta përmbyllin marrëveshjen finale me Serbinë, me ndërmjetësimin e akterëve ndërkombëtarë, si SHBA, BE dhe me garancat e Rusisë. Kjo do të jetë situata. Kuvendi i ri i Kosovës, i cili do të dalë nga zgjedhjet e reja, do të ketë si detyrë të parë ratifikimin e marrëveshjes me Serbinë”, tha Halimi sonte në një intervistë për RTK.

Sipas tij marrëveshja finale do të përshijë shkëmbimin e territoreve e cila do të zgjedhë mosmarrëveshjen shekullore.

Për koalicionet analisti Halimi tha se ato do të jenë të ndryshme, mes partive të mëdha dhe të vogla.

“Nuk do të ketë më koalicione, sikur ishte PAN”, tha ai.

Kryetari i Partisë Demokratike të Kosovës, Kadri Veseli pas dorëheqjes së Ramush Haradinajt nga posti i kryeministrit tha se zgjedhjet e parakohshme janë të pashmangshme.

Në një konferencë për media, Veseli tha se PDK-ja është e gatshme për zgjedhje.

“Vendimi i ish-kryeministrit për dorëheqje është vendim personal dhe si të tillë e kemi pranuar, pavarësisht se për këtë nuk pasur asnjë njoftim ose konsultë paraprake. Tashmë, zgjedhjet e parakohshme janë të pashmangshme. PDK është e gatshme për zgjedhje kurdo që të caktohen ato. Ajo që mund të diskutohet është vetëm koha kur duhet të mbahen”, tha Veseli.

Kreu i PDK-së tha se lidhur me caktimin e datës së zgjedhjeve duhet të ketë konsultime mes partive politike.

“Për këtë besoj se do të kemi konsulta dhe me partnerët e tjerë të koalicionit të deritanishëm dhe partitë e tjera politike, në pajtim me Kushtetutën dhe ligjet që kemi në fuqi”, tha Veseli.

Ramush Haradinaj më 19 korrik njoftoi për dorëheqjen e tij nga posti i kryeministrit, pasi tha se ka marrë ftesë për t’u intervistuar në Hagë. Ai tha se është thirrur në Prokurorinë e Posaçme për krime lufte në Hagë, ku siç thuhet mund të paraqitet javën që vjen. Haradinaj në konference e tij pas dorëheqjes, theksoi se nuk mund të lejonte që në Dhomat e Posaçme të paraqitej si kryeministër dhe për këtë arsye ka dhënë dorëheqje.

VOAL – Kryeministri i Kosovës Ramush Haradinaj, një ish-komandant i guerrilasve të UÇK-së, dha dorëheqjen të premten pasi u thirr nga drejtësia ndërkombëtare si një i dyshuar për krime lufte gjatë dhe pas konfliktit të viteve 1998-99.

“Kam marrë thirrjen e Gjykatës Speciale (e krijuar në vitin 2015 me mbështetjen e BE-së, dhe më është dhënë zgjedhja nëse do të pyes veten si kryeministër apo qytetar i thjeshtë), zgjodha opsionin e dytë”, shpjegoi 51 vjeçari në media.

Haradinaj vuri në dukje se për momentin nuk ka akuza kundër tij dhe se do të ri-kandidohet sapo kreu i shtetit Hashim Thaçi të ketë vendosur datën për zgjedhjet e ardhshme.

Në një intervistë dhënë më parë këtë vit, ai pati thëne se Prishtina do t’iu përgjigjej të gjitha kërkesave nga Haga, ku në janar filloi marrja në pyetje e dy ish-zyrtarëve të tjerë, Rrustem Mustafa dhe Sami Lushtaku. Akuzat e para duhet të mbërrijnë para fundit të vitit. Mediat kosovare supozojnë se ato mund të prekin jo vetëm Haradinajn, por edhe Thaçin dhe Presidentin e Kuvendit Kadri Veseli.
/ AFP

Isa Mustafa më në fund ka vendosur të tërhiqet nga gara për Kryetar të LDK-së. Burime të Express kanë thënë se lideri në largim i LDK-së u ka thënë në Kryesi se s’do të jetë kandidat. Të njëjtin qëndrim ua ka thënë edhe kryetarëve të Degëve me të cilët është takuar të enjten.

Nëse e mban fjalën që e ka dhënë në Kryesi të LDK’së atëherë Isa Mustafa s’do të jetë as kandidat për Shef të LDK’së.

Burime të Express kanë thënë se Mustafa u ka treguar anëtarëve të Kryesisë se nuk do të jetë kandidat edhe për një mandat për të udhëhequr partinë e themeluar nga Ibrahim Rugova.

“Ka thënë se do të mbikëqyr procesin deri në fund. Por na ka thënë se s’do të jetë kandidat për Kryetar të LDK’së”, ka thënë një anëtar i Kryesisë së LDK’së pa dashur t’i përmendet emri.

Njëra prej arsyeve për largim nga kreu i LDK’së, sipas burimeve, është edhe gjendja e tij shëndetësore.

Por edhe mungesa e përkrahjes e konfirmuar nëpër sondazhe të ndryshme.

Ndërkohë, në garë kanë shfaqur ambicie për të hyrë Agim Veliu dhe Lutfi Haziri.

Por në lojë po vazhdon të mbetet edhe Avdullah Hoti.

Sipas burimeve të Express Shefin e deputetëve të LDK’së përpos Isa Mustafës e përkrahin edhe Gazemend Muhaxheri, Imri Ahmeti dhe Kujtim Shala.

Ndërkohë, një pjesë e anëtarësisë së LDK’së po vazhdon ta përkrahin rikthimin e Fatmir Sejdiut. Nuk dihet nëse Fatmir Sejdiu ka përkrahjen edhe të delegatëve tjerë përpos Prizren, Gjakovë e Podujevë.

Express ka shkruar një ditë më parë se Agim Veliu s’po e fsheh më kandidaturën për Shef të LDK’së.

Edhe Lutfi Haziri ka muaj që e ka shpallur kandidaturën për pasardhës të Isa Mustafës.

Në zgjedhjet e fundit në LDK, Haziri kishte thënë se nuk po i hyn garës për ta marrë kreun e partisë pasi nuk po dëshiron ta rrëzojë Kryeministrin Mustafa nga pozita partiake.

Ndërsa, tash ka shfaqur ambicien për t’u bërë Shef i LDK’së por paraprakisht ka kërkuar një marrëveshje politike. Ka kërkuar unitet në parti për të mos pasur çarje pastaj. Ka shfaqur gatishmëri t’i bashkojë të gjitha grupet që aktualisht janë në parti, edhe t’i merr afër vetes themeluesit e partisë.

Vjosa Osmani, kohëve të fundit, ka refuzuar të flasë konkretisht se kur do t’i hyjë garës për Kryetare të Partisë. Në garën e fundit në LDK s’ishte lejuar as të kanidonte meqë nuk kishte kaluar garën në Këshill të Përgjithshëm të LDK’së.

Ndryshe, Isa Mustafa, kishte marrë LDK’në në fundin e vitit 2010, kur kishte mundur Fatmir Sejdiun. Prej atëherë, Mustafa ka shënuar tri humbje të zgjedhjeve nacionale, ka humbur Komunën e Prishtinës, por ka rikthyer disa komuna që me herët e kishte humbur LDK’ja përfshirë Pejën, Gjilanin e Lipjanin. Isa Mustafa ishte rizgjedhur Kryetar i LDK’së në mandatin e kaluar me aklamacion pasi nuk e kishin lejuar të kishte kundërkandidat. Vjosa Osmani kishte dështuar të mblidhte nënshkrimet për ta sfiduar Mustafën.

Vitin e kaluar, Shefi i LDK’së kishte pasur probleme shëndetësore derisa ishte trajtuar Gjermani. Gjatë gjithë kohës, LDK ishte udhëhequr prej Nënkryetarëve të Partisë. Aktualisht, LDK ka numrin më të madh të deputetëve në Parlament dhe numrin më të madh të Komunave.

Krejt këto zhvillime po ndodhin në kohën kur Ramush Haradinaj dha dorëheqje pasi tha se i erdhi ftesa nga Gjykata Speciale, e cila është krijuar për t’i ndjekur ish-udhëheqësit e UÇK’së të dyshuar se kanë kryer krime lufte.

Kohëve të fundit, Haradinaj prishi raportet me Liderin e PDK’së, Kadri Veselin, i cili nga Washingtoni tha se Kryeministri i Kosovës po flet me Amerikën sikur me Serbinë. Haradinaj tha se një deklaratë e tillë është servilizëm politik.

Haradinaj ka kërkuar të shkohet në zgjedhje të jashtëzakonshme dhe t’i kthehet vendimmarrja popullit. PDK ka mbetur e hutuar nga ky vendi. LDK e Vetëvendosje kanë kërkuar zgjedhje të jashtëzakonshme sikurse edhe PSD e NISMA e Fatmir Limajt.

Presidenti pritet gjatë ditëve të thërras partitë politike për t’u konsultuar për dy opsionet: themelimin e një Qeverie të re ose shkuarjen në zgjedhje.

Praktikisht, ekziston vetëm një opsion pasi askush s’ka numra për të ndërtuar Qeverinë e re, pasi askush s’mund të llogarisë as në votat e Listës Srpska, e cila ka braktisur koalicionin prej vitit të kaluar kur u vendos taksa 100 për qind ndaj produkteve serbe.

Qeveria e Ramush Haradinaj prej kur vendosi taksën mbeti Qeveri e pakicës e mbështetur për disa vendime nga PSD e Shpend Ahmetit.

Ramush Haradinaj është Kryeministri i gjashtë i Kosovës pas Bajram Rexhepit, Bajram Kosumit, Agim Çekut, Hashim Thaçit e Isa Mustafës.

Haradinaj kishte udhëhequr Qeverinë e Kosovës edhe një herë për 100 ditë kur ishte detyruar të jepte dorëheqje në mars të vitit 2005 për të shkuar në Tribunalin e Hagës si i akuzuar për krime lufte. Atje ishte shpallur dy herë i pafajshëm.

Asnjëri prej Shefave të Qeverisë prej pasluftës s’e ka përfunduar mandatin kushtetues.

Prej pasluftës janë mbajtur gjashtë palë zgjedhje nacionale.

Kryetari i Lëvizjes Vetëvendosje, Albin Kurti, në një konferencë për media të shtunën, tha se Kosova po vuan pasojat e votimit të Gjykatës Speciale nga ata që morën vendime të liga e kishin qëndrime të gabuara.

Kurti, para medieve ka ftuar presidentin e Kosovës, Hashim Thaçi që sa më shpejtë ta caktojë datën e zgjedhjeve.

Sipas Kurtit, Haradinaj është i lirë dhe se siç tha ai nga Gjykata Speciale vetëm do të intervistohet siç ka ndodhur edhe me komandantë të tjerë të ish-UÇK-së.

Lideri i Vetëvendosjes, tha se Kosova tashmë nuk e ka një Qeveri të pashpresë ashtu siç ishte e madhe.

“Nuk e kemi një Qeveri që ishte e mbrapshtë edhe e pashpresë ashtu siç ishte e madhe. Tash shpresa është te ndryshimi, të zgjedhjet, te liria, te demokracia te vetëvendosja”, tha Kurti.

Kurti theksoi se Vetëvendosje është e gatshme për zgjedhje të reja.

Kryeministri i Kosovës, Ramush Haradinaj, ka dhënë dorëheqje të premten. Këtë vendim ai e bëri publik në mbledhjen e rregullt të Qeverisë së Kosovës.

Arsyeja e dorëheqjes, siç tha Haradinaj, është sepse ai ka marrë ftesë nga Gjykata Speciale në Hagë, në cilësinë e të dyshuarit.

“Arsyeja e këtij vendimi është se kam marrë thirrje të paraqitem për t’u marrë në pyetje nga Dhomat e Specializuara në Hagë si i dyshuar”, tha Haradinaj.

Ai tha se nderi i postit të kryeministrit duhet të ruhet dhe se ai do të paraqitet në Hagë për intervistim.