Të dyshuarit për spiunazh deklarojnë se urdhrat për mbledhjen e dokumenteve i morën nga MPB-ja e Serbisë, raporton T7

Herët në mëngjes doli në terren. Bozhidar Dejanoviq nuk ndodhej në zyrën e tij në Komunën e Kllokotit.

Por për të njëjtin janë grumbulluar dokumente që destinacion kishin Serbinë.

Veçse dy bashkëkombës të tij nuk arritën që ato t’i qesin përtej kufirit të Kosovës.
VAZHDON INTERVISTIMI I “SPIUNËVE”

Prokuroria e Gjilanit ka marrë në pyetje dy serbët, nën dyshimin se dokumentet që posedonin Dalibor Dajiq dhe Trajan Trajkoviq ishin sekrete shtetërore.

Sipas informacioneve të siguruara nga T7, kjo dyshe ka pranuar se kishte presion nga Ministria e Punëve të Brendshme e Serbisë.

Madje, para prokurorit e kanë pranuar edhe vet të pandehurit.

“Nuk ka qenë dëshirë e imja, unë kam mundur ditën e nesërme ta dërgoj dokumentacionin në Vrajë, kanë kaluar më shumë se tre muaj dhe kam qenë i detyruar që ta dërgoj dokumentacionin përveç kërkesës nga MUP-i, udhëzimit me telefon të Departamentit të Arsimit, si dhe raportit të Inspektorit të Arsimit, ku ndër të tjera udhëzojnë që dosja e Bozhidarit të dërgohet në Vrajë”.

Madje, që këto dokumente të siguroheshin ka pasur edhe kontrolle nga shteti i Serbisë.

“Ne kërkesën nga MUP-i, e kemi marrë me datë 20 mars 2019 ndërsa kësaj kërkese iu kemi përgjigjur më 10 korrik 2019, pra gati katër muaj, ne e kemi pasur një frikë dhe kjo ka qenë arsyeja e vonesës”

Sipas të njëjtave burime të T7, Inspektorati MUP-it kishte vizituar shkollën “Mlladen Markiviq” në Mitrovicën e Veriut, ku Trajkoviq mban pozitën e ushtruesit të detyrës së drejtorit.

Aty ata kanë kërkuar edhe dokumente në këtë shkollë.

“Inspektori Asiq më ka thirrur mua në telefon disa herë se për se nuk po e dërgoni dokumentacionin e kërkuar, me që kërkesa e MUO-it ka qenë e datës 20 mars 2019, pra më shumë se tre muaj e gjysmë ne nuk ju kemi përgjigjur, dhe dyshoj se kontrolli i Inspektoratit të Arsimit në shkollën time ka ndodhur pikërisht për këtë arsye dhe ka qenë kërkesë e departamentit të Arsimit që na ta dërgojmë këtë dokumentacion dhe kjo sigurisht ka ndodhur për shkak të presionit të MUP-it që i ka bërë Departamentit të Arsimit në Mitrovicë. Inspektori Asiq a kam informata ka komunikuar edhe me Daliborin Dajiq, meqë Bozhidari punon në dy shkolla”

Nga organi i akuzës në Gjilan kanë konfirmuar për T7 pas intervistimit të pandehurit janë liruar me procedurë të rregullt.

Sipas tyre dokumentet të cilat këta të dyshuar kishin duhet të verifikohet se a bëhet fjalë për dokumente të klasifikuara me ligj.

Dosja, të cilën të njëjtit posedonin, e që kishin për qëllim të e dërgonin në Republikën e Serbisë, përmbante dokumentacionin e kryetarit të komunës së Kllokotit, duke përfshirë, dy diploma, kontrata kolektive dhe vendimin e fundit mbi marrëdhënien e punës. /Kaltrina Zymberi, T7.

Deputeti i Lidhjes Demokratike të Kosovës, Lumir Abdixhiku, i ftuar mbrëmë në emisionin DPT te Fidani në T7, ka folur për telefonatën që kryeministri i Maqedonisë së Veriut, Zoran Zaev, pati me dy komikët rusë, derisa ka komentuar edhe votat e mocionit për rrëzim të Qeverisë, shkruan Gazeta Express.

Abdixhiku duke folur në T7 tha se Zaev ka shpërfaqur një skenar të zi të Kosovës, që është i orkestruar nga presidenti i Kosovës, Hashim Thaçi, me asistencë të kryeministrit të Shqipërisë Edi Rama.

“Po besoj që kryeministri i Maqedonisë Veriore me kredibilitetin e vet ndonëse me një rast të gabuar e shpërfaqi një plan që padyshim e kemi dëgjuar si skenari më i zi i Kosovës, e skenari më i zi i Kosovës duket kështu, presidenti i Kosovës, Hashim Thaçi i asistuar nga kryeministri i Shqipërisë Edi Rama, është në bisedime të drejtpërdrejta me presidentin e Serbisë, Vuçiq dhe po asistohet nga Rusia e Turqia në ndarjen përkatësisht copëtimin e kufijve të pavarësisë së Kosovës që është më e thellë se diskutimi i demarkimit dhe skenari është frikësues jo vetëm të asaj që po diskutohet në tavolinë, po veç në ëndërr me e pa dikush që është në agjendë të Rusisë duhet me u shqetësu e me e bo temë nacionale, vetë fakti që presidenti i Kosovës e kryeministri i Shqipërisë për Kosovën është rast i paprecedent dhe i trishtueshëm”, ka deklaruar deputeti i LDK-së.

Tutje, Abdixhiku ka përmendur edhe rezolutën e propozuar nga LDK-ja e Vetëvendosja, me një pikë të vetme ajo për të mos negociuar me kufijtë e Kosovës.

“Kryeministri i Kosovës ka pasur disa herë raste që të ndërpresë presidentin dhe rasti i parë ka qenë në nëntor të vitit të kaluar ku si opozitë kemi propozuar rezolutën me një rresht të vetëm, kufijtë e Kosovës janë të negociueshëm. Haradinaj nuk e ka votu këtë rezolutë, idenë se kufijtë janë të panegocitueshëm dhe e ka lënë presidentin e vendit të merret me dialogun, ai kishte thënë se nuk merret me dialog se është sport i rëndë për të. Me këtë plasim ia ka mundësuar atij të diskutojë me një agjendë serbo-ruse”, tha deputeti, derisa ka shtuar se është një marrëveshje për qeverisje që është bërë nga presidenti e kryeministri.

“Kryeministri, presidenti, kanë marrëveshje të qeverisjes dhe të ndarjes së pushteteve. Janë bashkë hisenik në qeverisjen e Kosovës, Qeveria Haradinaj sot qëndron në këmbë falë votave që Thaçi i kontrollon te PDK po edhe te partitë tjera.

Dialogu për Haradinaj është sport i rëndë, kështu ka thënë me këto kontratat e mëdha unë mirren, t’i merru me këto ndarjen e territoreve, fakti që qeveria e Haradinaj varet prej votave të Hashim Thaçit ai është i pafuqishëm, që të votojë një rezolutë me vetëm një rresht që kufijtë e Kosovës nuk negociohen nuk ka guxu me votu, kaq është guximi politik i AAK-së”, ka shtuar tutje.

Sipas tij, presidenti ka motive pse është futur me një aventurë që i konvenon Rusisë.

“Thaçi i ka motivet e veta pse futet në një avanturë që i konvenon Putinit, zhvillon takim me të për ta njoftuar dhe për të marrë bekimin e Rusisë. Motivi i tij është shumë i rëndësishëm dhe lidhet drejtpërdrejtë me Gjykatën Speciale, theksoi ai.
DPT, Lumir Abdixhiku – 11.07.2019

Deputeti i Kuvendit të Kosovës nga radhët e Lidhjes Demokratike të Kosovës, Lumir Abdixhiku, ka deklaruar se partia e tij duhet ta udhëheqë vendin. Ai ka thënë se pjesë e qeverisë së ardhshme të vendit duhet të jetë edhe Lëvizja Vetëvendosje.

“Është momentumi që, 20 vjet pas çlirimit të Kosovës, të jenë në front LDK’ja dhe VV’ja”, është shprehur ai në emisionin “DPT Te Fidani”, në televizionin T7.

Ai ka thënë se, “përkundër dallimeve” që kanë këto dy parti, ato duhet të bëhen bashkë.

“Një aleancë e tillë do të ringjallte sado pak shpresat në Kosovë. Duhet numrat nuk po funksionojnë ndryshe, ne duhet të krijojmë një front një platformë politike që i ngjall qytetarëve shpresën se po ndodh një ndryshim, në momentin që ndodhë një gjë e tillë e kemi më të lehtë shkuarjen në zgjedhje. Duhet të ndodhë fillimisht afrimi i partive politike, kjo ka ndodhë sepse kemi pas një sërë takimesh ka pas takime me LDK e VV dhe kanë nisur një sërë takimesh mes LDK e PSD-së.

Për faktin që PSD përfundimisht del nga koalicioni. Ska diskutim që prej nëntorit ka qenë pjesë e koalicionit. Pa dashur mi thumbu ata kanë prodhu shkelje kushtetuese dhe rrjedhimisht i vetmi kontribut që kanë bërë kanë dhënë arsye se duhet të bjerë qeveria”, tha deputeti.

Deputeti i LDK-së ka thënë se opozita mund të dalë me një “test mocion” kundër qeverisë së Ramush Haradinajt para shtatorit. /GazetaExpress/

Ekzistojnë mendime të ndryshme , lidhur me Mos Ndëgjueshmerinë Qytetare. Disa këtë e elaborojnë si mos respektim të rendit dhe të ligjit, e shumica pajtohen se mos bindja qytetare është e domosdoshme në shtetet kur tentohet të instalohet autoritarizmi. Mos ndëgjueshmëria qytetare gjithnjë e më shumë duket së do të vjen në shprehje edhe në botën shqiptare. Ka mundësi të ketë radikalizim të gjendjës së gjerat nuk po shkojnë mirë.Mos ndëgjueshmëria qytetare në kuptimin e gjerë të fjalës , është mos bindja e pergjithshme karshi pushteteve të cilët pushtetin e shfrytëzojnë për interesa te veta , duke mos e pasur parasysh interesin e përgjithshem. Kjo mos ndëgjueshmëri qytetare , duhet të bëhët pa dhunë .Ky concept politik kërkon qytetarë aktiv dhe më mëndje të kthjelltë. Disa forma të mos ndëgjueshmerisë së qytetare janë edhe bojkotimi I institucioneve të shtetit, duke I ikur konfliktit të hapur më pushtetin. Mos ndegjueshmëria qytetare është bllokimi në një formë apo tjetër I atyre sistemeve ku qytetarët e konsiderojnë së nuk punohet si duhet, ose janë kunder interesave të tyre .Këto organizime qytetare duhet të bëhën në mënyrë të pa dhunshme , duke pasur gjithnjë para sysh jetën publike.Mos ndëgjushmëria qytetare sipas njohësve të kësaj lëmie ka gjasa për sukses nese bartësit janë njerëzit e ri, me ide të reja dhe creative, në mbrojtje të së drejtës së shkelur. Kjo arrihet gjithashtu duke pasur para sysh gjithmon synimin e dëshiruar, në të kundertën mos ndëgjueshmëria pak ka mundesi dhe gjasa për rezultate pozitive .Mos ndëgjushmëria qytetare konsiderohet si e drejtë apsolute, dhe mjet real në luftë për demokratizim të një shoqërie.Kjo nuk guxon të jetë punë stihike , iracionale , pa strategji dhe taktikë vepruese .Për një sukses të tillë janë të nevojshem edhe numrat. Sa më masovike që bëhët mos ndëgjueshmëria edhe gjasat për sukses bëhën reale.Sigurisht së këtë gjë duhet ta përcjellë edhe organizimi I mirë.Kemi shumë shëmbuj në histori të mos ndëgjueshmerisë qytetare si Rezitenca Paqësore e Gandit në Indi në luftën për pavarësi, që në shprehje ka ardhur mos ndegjushmeria në menyrë jo violente.Pastaj , kemi protestat e Nelson Mendelës në Afrikë kunder Aperteidit, Martin Luter Kingun në luftë për të drejtat e zezakeve , Revolucioni në Egjipt kunder okupimit britanik , e shumë shëmbuj tjerë në botë. Nga këndi filozofik , mos ndëgjushmëria qytetare ka për qëllim të bëhën korrigjime në ligje , si dhe të bëhën ndryshime përmbajtësore në funksionimin e institucioneve shtetërore. Ka edhe shumë interpertime të tjera. Edhe interpetimet mediatike kan ndikim në mënyren së si paraqiten kërkesat e qytetareve . Kjo nese nuk bëhët në menyrë korrekte e veshtirëson situatën në opinionin e gjerë public. Nismat e tilla të mos ndëgjushmerisë qytetare shumë lehtë mund të fragmentizohen duke u bërë të pakuptueshme për shumicën . Suksesi arrihet nese nuk kemi ngjyrime partiake e ideologjike.Potencialet e atyre që marin nisma të tilla nuk guxojnë të binë në kurtha të komoditetit .Fushata e mos ndëgjueshemerisë bëhët duke iu drejtuar qytetarëve në rrugë, në vende tjera publike , dhe duke trokitur derë në derë siq thuhet. Ne situata të tjera të metodave brutale , këto nisma futën në kurtha të lloj llojshme , edhe pushtetare .Pushteteve duhet bërë presion të madh më çdo formë demokratike të disponueshme për ndryshime pozitive …

Çprej së kanë dalë serbet nga shpellat e Karpateve dhe dhunshëm si bishat e egra janë versul në hapesirat e Ballkanit diku kah fundi i shekullit të XII, te cilët janë ndesh me vendasit Shqiptaret, ne këto hapesira kurr nuk ka pasë qetesi. Nuk ka pas qetesi për arsye sepse Serbet me ndihmën e fares së tyre të prishtë Ruset gjithëmonë ishin agresor ndaj Shqiptareve. Kështu ndodhi ne Krizën e Lindjes të vitit 1878, kur më terheqëjën e Turqeve nga Ballkani, Serbet iu versulën Sanxhakut të Nishit e cila ishte kryesishte e banueme me shqiptare (psh.ne këtë kohë Krushumlia ishte 100%e banueme me shqiptarë, Prokupla me 80%, Nishi me 60% etj.),dhe me një mareveshje edhe më Turqit u versulen dhe një teritor me të madh së sa Kosova e sotme e banë tingllim duke shfaros çdo gjë qe ishte shqiptare. U spastruan, u banë rrafsh me tokë mbi 630 fshatra shqiptare . Qe nga ajo kohë Serbet vazhdimisht ishin agresor në trojet shqiptare. Politika pansllaviste e kishte këtë qellim të grabitë tokat shqiptare dhe ti deboj sa më shumë shqiptaret. Qe nga ajo kohë shqiptaret janë në ndjekje të vazhdueshme, u ndoqën shumë në Turqi, ua ndrruan prejardhej, u ndoqen veç qe te largohën nga këto troje qe te mos kët më shqiptar. Kështu sot vetem në Turqi jetojnë mbi 5 milion shqiptar,pra me shumë se sa ne Kosovë e Shqiperi.

Politika serbomadhe vazhdimisht ka qenë agresive jo paqesore me Shqiptarët.Kështu me vonë  Shqiptaret edhe u ndanë më dhunëu ne disa shtete veq qe të mos jenë të bashkuar dhe të fortë në Ballkan.Politikë të këtillë ka qenë edhe në kohën e mbretesisë slave ku shqiptaret ishin në shënjestër të zhdukëse se tyre,por kjo vazhdoi edhe në ish-jugosllavisë ku shqiptaret vazhdimisht ishin në fokus të ndjekjes dhe zhdukes së tyre.Mjafton të përmrndet politika e Titos dhe e Aleksandër Rankoviqit e cila i presekutonte dhe vazhdimisht i ndiqete shiptaret që të shpërngulëshin për në Turqi,bile ka pas edhe Mareveshje më Turqin,por edhe projekte Serbo-Medha për debimin e shqiptareve nga trojet e veta.

Se sa ishte agresive dhe jo kurr miqesore politika pansllave ndaj Shqiptareve e tregon fakti edhe tragjedia dhe zullumi,vrasjet që i bani  Sllobodan Millosheviqi ne luften e fundit në Kosovës ku i masakroi mbi 13 shqiptare,Kosovën e bani tokë të djegur,prdhunoi me mije qe qindra vajza,motra dhe nat tona,i deboj nga Kosova mbi 800 mijë shqiptare,vetem për një qellim të caktuar ta mbajë Kosovën pa shqiptare.Por e pesoi keq erdhi deri të Kryengritja e shqiptareve me UÇK dhe me intervenimin e NATO ne krye me Amerikën dhe Kosova disi shpetoi duke u pavaresue dhe sot është shtet i pavarur.

Por,kjo pavarësi sikur është më bishtë,sepse duke e patur parasysh synimin shekullor të Serbisë për me grabitë toka shqiptare,si ne te kaluarën dhe synim të vetin shumëvjeçar e kishte që më çdo kusht të mos e leshoi Veriun e Kosovës për shkak të pasurive të mëdha që gjenden aty.

Mu për këtë arësye fillë pas luftës ndodhën dy ngjarje shumë të dhembshme për Kosovën.E para,me 2-3 shkurtë 2000 ndodhi tragjedija kur në Mitrovicë ndodhi e papritura kur Oliver Ivanoviqi kishte nisë luftën për spastrimin etnik të Mitrovicës.Ate natë bandat çetnike serbe vran me shtra shqiptar dhe plagosën me qindra të tjerë qe nuk donin ti leshonin shtepite e tyre.Por dhuna e bani të vetën me ndihmën e KFOR-it Françez qe ishte instalue qellimshëm ne Veri.Ate natë edhe u përzunë nga Veriu në jugun e Mitrovicës mbi 15 mijë shqiptar të cilët edhe sot e kësaj dite jetojnë si refugjat në shtetin e tyreTë nesermën u panë rojet e Urës në Mitrovicë e cila nenkuptonte edhe ndarjen e Veriut.

Kurse,e dyta ka te bajë së menjëherë pas luftës shumë shqiptare ia mesynë të këthehen në shtepiat e tyre në Veriun e Mitrovicës por u ndaluan nga KVOR-i Françesz,por kësaj i ndihmoj shumë edhe Hashim Thaçi dhe Kadri Veseli të cilët ishin prezent aty gjoja për ta çetesuar situatën,por ishte planë që mos te këthehn shqiptarët, ti pengonin shqiptarët te këtheheshin në shtepit e tyre.Kjo u ba ne mbikqyrjën e fort te Sherbimit sekret Françës DGSE nen derigjimin e Agjetit Françes Danjear Arnaudi i ndihmuar edhe nga Hashim Thaçi pasiqe Hashim Thaçi ishte agent i këtij sherbim,por edhe i UDB-ës.

Në këtë menyrë filloi ndarja e Veriut të Mitrovicëes,ajo së shpejti u mbush më serb te ardhur nga Serbia të cilët shumë prej tyre ishin edhe kriminel.Çdo gjë shqiptare u zhduk sa qelë e mshelë syt,aty u instalu edhe Car Llazari,nga aty u largu Aden Jashri,çdo gjë frymonte serbisht,me simbole,me mbishkrime,etj.njeriu kishte përshtypjën së je ne Serbi e jo në Kosovë.Aty filloi krimi i organizuar sepse ishte tokë qe nuk vepronin ligjet,por çdo gjë atje dirigjohëj nga Beogradi e jo nga Prishtina.Kështu,Bergradi nenmbikqyrën e çetnikut Presidentit të Serbisë Alesandër Vuçiq e mori mbikqyrjën e plotë te Veriu të Kosovës e cila tani po dirigjohet nga Lista Serpska.

Pse ndodhë kjo ne Veriun e Kosovës.Mbajtja dhe mndësisht shkeputja e Veriut të Kosovës ishte anderr e moçme serbe.Serbisë nuk i hanë palla për serbet e Veriut të Kosovës,por hallin e ka për pasurit e sajë qe janë më te mëdhajat ne Evrope e më gjertë.Sipas anlistvev dhe eksperteve ndërkombetar vlera e Veriut të Kosovës është më e madhe se sa dy herë e gjysmë krejtë Serbia.Pra,Serbija është ne gjendje të bejë çmos qe Veriun e Kosovës ta marr,për këtë u zhvilluan edhe bisedimet ne dialogun me Serbinë ku çarqet e caktuar pro slave ruse-serbe e shantazhuan Hashim Thaçin qe te bisedoj edhe për kufijt e Kosovës,pra për ndarjën e Kosovës .Hashim Thaçi për disa kohë nuk e lëshonte nga goja tërmet ndarje,copëtim dhe korigjim të kufijve.E bente këtë sepse ishte i shantazhuar më shumë dosje nga Serbia për të kasluarën e tij,pra më fjaë tjera Hashim Thaçi ishte rob i Serbisë.Por,shpresën për ndarjën e Kosovës ia shuajti Angela Mërkel ku i tha haptas së nuk ka korigjim e as ndarje të Kosovës.Por ky hala nuk bindet me këtë,fillon të vazhdoi të punoi në këtë drejtim.

Sërbija nuk heq dorë kollaj nga Veriu i Kosovës,ajo e luan lojën e djallit qe ti instrumentalizoi serbët e veriut me skena të ndryshme,protesta,venje e pengesa në rrugë,për mospërfilljën e ligjeve dhe Kushtetutës së Kosovës por vetm at të Serbisë,e pengon Kosovën qe te inkuadrohet dhe pranohet në instittucionet ndërkombetare etj.Mu për këtë arësye Qeveria e Kosovës u detyrua qe Serbisë të ia venë taksën 100% në mallrat qe hyjnë në Kosovë.Taksa edhe u ba mollë sherri midis Kosovës dhe Serbisë.Kosova nuk lëshon per në mbajtën e taksës kurse Serbia e bojktoton dialogun dhe e kushtëzon nisjen e sajë me heqëjën e takses.Bile i alarmaoi edhte të gjitha institucionet ndërkombëtare së pa u hequr taksa nuk ka dialog më Kosovën.Por Kosova nuk ëlëshonë pe.

Dua të theksoi këtu se taksa është vetem si preteksë,është vetem si pasojë,kurse shkaku dhe arësyeja qendron diku tjetër që ta tregoi Kosovën si problematike me te cilën nuk mund të bisedohet në dialog.Qellimi kryesor,siç theksova edhe m pare është jo taksa,por teritori i Veriut të Kosovës në te cilin të krijoj sa më shumë eksese,probleme për ta bindë Bashkësinë nderkombetare se i vetmi qe e vetmja zgjidhje është ndarje e Veiut të Kosovës.Këtu është qellimi i Serbisë dhe ky ka qenë përgjithëmon qe të krijojë situat dhe skenare të ndryshme për ta treguar gjoja gjendjen e mjerueshme të serbeve të jetojnë ne Veriune Kosovës.

Në këtë vazhdë në shenjë proteste Serbia e inskenoj edhe sihariqin e fundit protestën e serbeve për mungesën e mallërave ushqimore si pasojë e takëses 100%.U mbyllën,sipas direktives së Beogradit,të gjitha dyqanet ushqimore,kiosqet,furrat,pompat e benzinave,u mbyllën kafiterit,lojrat e shumë gjëra të tjera,jo pse nuk kishte mallra,sepse ato depërtonin gjithëlsesi nga Sërbia,por mallërat më qellim u hoqen nga shitorte dhe dyqanet,kiosket,për te kijuar situatën se Serbet e Veriut po vuajn edhe nga uria.Pra,më fjal tjera u paralizu e tërë jate në Veri për te dramatizu çeshtjën e taksës edhe më shumë.

Pra,nuk është hera e parë qe Serbia inskenon skena të këtilla.Këtyre skenarëve nuk u beson më askush,bile as ndërkombëtaret.Këtë tambulencë serbia e banë me qellim se a mos po mundet qe edhe në këtë mënyrë ta heqë taksën.Foret e Serbisë nuk i hanë më askush,ato janë sos,nuk kanë efekt.Nuk ësht taksa ajo e cila po e pengon serbin,sepse taksat doganore janë të zakonshme midis shteteve,por Serbija përmes takses mundohet më e zbutë situatën aspak situatën e vshtirë qe e ka,me plorë pritesta të përditeshme qe kërkojnë dorëhqjën e Vuçiqit.Udheheqëja e Serbisë e cila aspak nuk dallon nga ajo e Millosheviqit nuk e ka qellimin e takses por problemin e ka aty se nuk mund të pajtohet më humbjën e Kosovës,qe si preteks e ka se siç thoë Vuçiq n”nuk mund te arrijmë një mareveshje me shqiptarët pa marr diçka Serbia,pra pa e marr Veriun e Kosovës,dhe mu për këtë arsye lidershipi i Serbisë nuk mund te gjejë zgjidhje tjetër demokratike për një Maraveshje demokratike te njohjës së Kosovës në kufijtë ndërkombëtarisht të pranuar.Dhe Serbija me këtë lidership pasardhës të Millosheviqit nuk është ne gjendje këtë ta bëjë,dhe mu për këtë arësye edhe nuk guxon te vazhdoi deialogun

Historiani Jusuf Buxhovi, në një intervistë të emisionit Rubikon, u ftua të flas rreth disa temavë shumë të ndishme në opinionin publik. Kryesisht u diskutua rreth vrasjes së 102 anëtarëve të LDK-së pas luftës dhe marrja e pushtetit nga UÇK-së pas luftës ishte një puç.

Në intervistë e sipër, Buxhovi tha se UÇK-ja nuk ishte e pastër sepse janë vrarë mbi 100 zyrtarë të LDK-së

“UÇK-ja nuk ka qenë e pastër. Ka qenë e drejtë, por ka pasur shumë gjëra të këqija. Janë vrarë mbi 100 zyrtarë të LDK-së”, ka thën Buxhovi.

Shkrimtari Buxhovi gjithashtu ka komentuar edhe ndërkombëtarët dhe rezolutën 1244.

“Në Kosovë ka ndodh një fenomen shumë interesant sepse faktori ndërkombëtarë është kujdes që Rezoluta 1244 të sjellë një infrastrukturë demokratike në një shtet të lirë ku çlirimi të kthehet në liri dhe çlirimi të kapet nga çlirimtarët dhe për këtë fajin më të madh e kanë faktori ndërkombëtar”, ka shtuar Buxhovi.

Ish-eprori i UÇK-së, Naim Maloku, ka njoftuar sot se është ftuar nga Gjykata Speciale e Hagës në cilësinë e dëshmitarit. Këtë njoftim ai e ka dhënë nga Sllovenia, pasi atje është duke u rikuperuar pas një operacioni që ka pasur.

Teksa ka folur për situatën në Kosovë, Maloku ka treguar se tre dejmtë e tij janë detyruar që të largohen drejt shteteve të huaja, pasi nuk kanë arritur të gjejnë zgjidhje në Kosovë.

“Tre djemtë e mi janë jashtë Kosovës. Unë s’kam mujt me iu bo zgjidhje në vendin e vet, janë detyru me u largu”, ka thënë Maloku në infomagazinë.

Ndër të tjera ai ka thënë se e respekton vendimin e Kuvendit të Kosovës për themelimin e Tribunalit, dhe ka treguar se do t’i përgjigjet ftesës së Gjykatës Speciale.

“Unë e respektoj vendimin e Kuvendit të Kosovës për me e themelu tribunalin. Do ta respektoj dhe do t’i përgjigjem ftesës”, ka potencuar Maloku.

Ai ka treguar se momentalisht është duke u trajtuar në spitalin onkologjik në Ljublanë, duke shtuar se nuk ka mundësi të shkojë në Hagë.

“Aktualisht jam duke u trajtuar në spitalin onkologjik në Ljublanë, nuk kam mundësi me shku në Hagë, por jam i gatshëm me iu përgjigj atyre kurdo që e shohin të arsyeshme”, shton tutje Maloku.

Për Gjykatën Speciale thotë se është mirë që të fillojnë proceset sa më parë, dhe të mbyllet një herë e mirë ajo çështje. Sipas tij aty do të dalë e vërteta për luftën çlirimtare të UÇK-së.

“Gjykata Speciale tashmë masi është votu nga Kuvendi i Kosovës, mendoj që sa më parë të fillojnë proceset është më mirë. Që të dalë e vërteta për UÇK-në, ka qenë luftë clirimtare, sepse nuk kemik pasur rrugë tjetër, përvec rezistencës së armatosur. Kemi luftuar në vendin tonë, nuk kemi shkuar në ndonjë vend tjetër për t’i djegur kishat apo shtëpitë. Kemi luftu me e heq ushtrinë dhe policinë serbe nga Kosova”, ka thënë ndër të tjera Maloku./GazetaExpress/

Edita Tahiri, ish-kryenegociatorja e Kosovës për bisedimet me Serbinë, thotë se përfaqësuesja e lartë e BE-së, Federica Mogherini, deri para një viti ka mbrojtur parimet evropiane në Ballkan, përderisa së fundmi i ka shkelur pikërisht parimet e tilla, duke hyrë në aventura, të cilat do të mundë të sillnin luftë në Ballkan

Ish-kryenegociatorja e Kosovës për bisedimet me Serbinë Edita Tahiri disa herë është takuar në Bruksel me përfaqësuesen e lartë të Bashkimit Evropian për Politikë të Jashtme dhe Siguri, Federica Mogherini, me ç’rast ka krijuar vlerësime të ndryshme për punën pesëvjeçare të kryediplomates evropiane.

Sipas saj, deri para një viti Mogherini ka mbrojtur parimet evropiane në Ballkan, përderisa së fundmi i ka shkelur pikërisht parimet e tilla.

“Nga përvoja ime që kam pasur me zonjën Mogherini, deri para një viti ajo ka qenë në mbrojtje të parimeve evropiane në Ballkan e të cilat kanë qenë që gjashtë vendet e Ballkanit, duke përfshirë edhe Kosovën, të bëhen anëtare të BE-së. Mirëpo se çfarë ndodhi në vitin e fundit dhe pse ajo shkeli parimet evropiane e doli në disa aventura, të cilat do të mundë të sillnin luftë në Ballkan, këtë nuk e di”, thotë Tahiri për gazetën “Zëri”.

Pasardhësi i Mogherinit pritet të jetë kryediplomati spanjoll Josep Borrell.

Mbase me efektin e shkrimit autorial “Lidhja” që po e rrënon në themel LDK-në e Rugovës, të datës 23.06.2019, arrita të rikthejë tri shkronjat e arta në kuvendet e fundit zgjedhore të degëve të LDK-së, por jo edhe frymën rugoviane.

Aklamacioni, e kundërta e votës së lirë

Zgjedhja me aklamacion e kryetarëve nëpër degët e LDK-së, përveqse dhunim i demokracisë, paraqet shkelje statutore dhe shpërfillje të vullnetit te elektoratit.
Aplikimi i praktikave moniste në sistemin demokratik i ngulfati reformat dhe pengoi dryshimet aq të nevojshme në subjektin më të vjetër politik në Kosovë.
Vota e fshehtë si instrument demokratik, përveqse do t’i jepte ngjyrim të mirë procesit zgjedhor, do te krijonte besueshmëri më të lartë për kryetaret e rinjë (të vjetër) të degëve të LDK-së.
LDK-ja si parti më e vjetër e skenës politike, do duhej të ishte shembull për subjektet tjera dhe udhërrëfyese e zhvillimeve demokratike ne vend.
Jam i bindur se shumica e kryetarëve të sapozgjedhur do të fitonin edhe përmes votës së fshehtë, por jo edhe votat maksimale siq ndodhi me aklamacion.
Me këtë mënyrë antidemokratike të zgjedhjes, gjegjësisht të shmangies së votimit, aklamacionistët dhe puçistët në LDK frocuan akoma më shumë pozitat e tyre, duke u dëshmuar se janë vërtetë uzurpatorë të gjithëpushtetshëm në këtë subjekt politik.
Aklamacioni, përkatësisht shmangia nga vota e fshehtë është praktikë e regjimeve totalitare, gjegjësisht e diktatorëve dhe uzurpatorëve të pushtetit.
Mbrojta e “aklamacionit” duke u thirur në elasticitetin e statutit (të parenovuar) të partisë, është mbrojtje e klaneve mafioze dhe pengimit të reformave në këtë subjekt politik.
Zgjedhjet nëpër degë, dëshmuan se LDK-ja as kësaj radhe nuk arriti të reformohet, këndellet e forcohet ashtu siq e dëshironte elektorati i saj, përkundrazi u bunkerizua akoma më shumë pas liderit diktaorial të partisë.
Përfundimisht, me këtë produkt të zgjedhjeve të brendshme në LDK, më këto struktura udhëheqëse, më këto figura përverse politike, më shumë biznesmen milionerë sesa udhëheqës politikë, LDK-ja nuk ka gjasa të fitoj zgjedhjet në nivel vendi, kurdo që të mbahen ato (vjeshtë apo pranverë), për shkak se të sapo zgjedhurit janë figura të konsumuara, jo kredibile, të dështuara dhe të urryera nga elektorati rugovian dhe ai kosovar në përgjithësi.

“Ugiçët” ua zunë frymëm të rinjëve entuziast

Pothuajse në të gjitha degët e LDK-së u rizgjodhen kryetarët paraprakë, anipse shumica prej tyre janë humbës serik të zgjedhjeve komunale. Kjo rujatje e vazhdimësisë së humbësve serik të zgjedhjeve u bë për qëllime “madhore” të liderit të partisë, pasi edhe ai është humbës serik i katër plaë zgjedhjeve, por që i shërben atij për vazdimin e sundimit në parti dhe rritjen e ambicies për rikthim në pushtetin qendror.
Ndryshimet e vogla kozmetike që ndodhën në disa degë, po ashtu u bënë më direktivat e liderit të partisë, siq ishte rasti i Prizrenit. Në ishte kjo zgjedhje me marrëveshje apo pazar politik, mbetët të shihet më vonë.
Marrë në përgjithësi kryetarë të degëve u rizgjodhën “ugiçët” e LDK-së, duke ua zënë frymën të rinjëve entuziast, vullnetmirë dhe shpresëdhënës për këtë subjekt.
“Gjithçka u krye me aklamacion, pa asnjë lloj votimi…, gjithçka ishte përgatit për të penguar ndryshimin…, delegatët u ndanë të dëshpruar…, kështu e paska “demokracia”…, nuk na ka mbetur tjetër vetëm të shkojmë në Vetëvendosje…, t’i ndihmojmë Albinit, se i vetëm nuk mund të bëjë gjë, për shkak se strukturat e LDK-së nuk e duan ndryshimin, por vazhdimësinë e qeverisjes me partnerin e vjetër (PDK-në), përfundon rrëfimin delegati që nuk arriti ta bëjë ndryshimin e dëshiruar në një degë të LDK-së!
Deri në këtë situatë e kanë sjellë elektoratin rugovian grupet e interesit në LDK.
Kështu, LDK-ja, dikur parti e besës dhe shpresës së shqiptarëve të Kosovës, po zbehet e po zhbëhet shkaku i monopolit dhe privatizimit të kësaj partie nga grupet e interesit dhe urithët e nëntokës së saj.
Si produkt i kësaj situate, zgjedhjet e brendshme në LDK, përveq parregullsive dhe jo legjitimitetit për shkak të dhunimit të votës së lirë, janë shndërruar në maskaradë mashtruese dhe fyese për elektoratin rugovian.

Tradita e mashtrimit vazhdon…

Nga zgjedhjet në zgjedhje, kemi përseritje të së njëjtës “këngë”, pra kemi rizgjedhje dhe vetëm rizgjedhje me aklamacion të figurave të njëjta në krye të partisë, duke e privuar në tërësi elektoratin nga zgjedhja përmes votës së lirë.
Në kuvendet zgjedhore të degëve parregullsia e parë fillon zgjedhjen e kryetarit me aklamacion dhe pa asnjë kundër kandidatë, për të vazhduar me propozimet e kandidatëve për anëtarë të kryesisë dhe për delegat në Këshillin e Përgjithshëm, përkatësisht në kuvendin qendror zgjedhor, kur 70 përqind e të propozuarëve shkojnë drejtëpërdrejtë nga kryesitë e degëve, për të vazhduar me propozimet e njerëzve të tyre edhe për 30 përqindëshin e mbetur, duke i vendosur kështu delegatët para aktit të kryer.
Për të evituar kalimin eventual të ndonjë kandidati jashtë rrethit klientelist të kryetarit, pas kryerjes së votimit të fshehtë për kryesi dhe KP, bëhet po ashtu numërimi i fshehtë i votave, përkatësisht futja e listës nën tavolinë dhe nxjerrja e listës tjetër të përgatitur paraprakish nga grupet e interesit në kryesi.
Kjo është e vërteta e hidhur e ruajtjes së vazhdimësisë së kapjes dhe uzurpimit të LDK-së nga grupet e interesit. Për të qenë ironia edhe më e madhe, pas arritjes së cakut, eskponentët e sapozgjedhur dalin në opinion dhe tallen me elektoratin me slloganin e njëjtë “Tradita vazhdon” (tradhtia vazhdon)!
Për fund, kuvendi qendror zgjedhor i LDK-së, nuk do të jetë më shumë dhe as më pak sesa reprizë e kuvendit të VIII-të dhe përseritje e zgjedhjeve të fundit nëpër degë!

Tendenca e përfitimit nga vlerat e të tjerëve është njëra nga dukuritë më të shëmtuara të politikanëve (pushtetarëve) të pasluftës.
Ndarja dhe klasifikimi i intelektualëve jo për nga veprat dhe meritat, por nga përkatësia ideologjike, nga kundërshtia apo dëgjueshmëria është produkt i kusarëve politikë që nuk shohin përtej hundës së tyre.
Çdo ditë jemi dëshmitarë të organizimit të përvjetoreve nën patronatin e presidentit dhe kryeminstrit, kohëve të fundit edhe të organizimit të ceremonive të varrimit të familjarëve të njerëzve të pushtetit me para të shtetit, por asnjëherë deri më tani nuk janë bërë publike shumat e shpenzuara për rastet në vaçanti apo në përgjithësi nuk janë bërë publike lëvizjet financiare nga Ministria e Financave për këto destinacione.
Arka e shtetit është gjithnjë e hapur për njerëzit e pushtetit, ndërsa është e mbyllur për njerëzit që kanë kontribuar më së shumti për shtetin.
Kështu, pushtetarët me paratë e shtetit i ndajnë dhe diskriminojnë qytetarët e vendit; në qytetarë të rangut të parë, të dytë, të tretë e kështu më radhë.

Ndarja e intelektualëve, produkt i pushtetarëve

Brenda 10 ditësh na ikën nga kjo botë dy intelektualë të spikatur, dy atdhetarë të devotshëm, dy penda të krijimtarisë letrare dhe publicistike.
Mjerimi më i madh i një pushteti është ndarja e dëshmorëve dhe intelektualëve në baza partiake dhe ideologjike. Sikurse dëshmorët dhe heronjët që janë të popullit dhe vetëm të popullit, edhe intelektualët i përkasin popullit e jo pushtetarëve.
Pra vetëm brenda 10 ditësh në Kosovë u shuan tri figura të jetës politike, publicistike, letrare e kulturore (Rrok Berisha, Gani Sylaj dhe Xhemshit Duriqi), por që nuk u trajtuan njëjtë prej pushtetarëve, dy prej të cilëve janë pjesë e kësaj analize.
Njërit prej tyre (Rrok Berishës) ceremonia e varrimit iu krye vetëm prej familjes, por me pjesëmarrjen e shumë atdhetarëve, i injoruar nga mediat (e pushtetit) dhe pa pjesëmarrjen e pushtetarëve, ndërsa tjetrit (Gani Sylajt) nën patronatin e presidentit dhe mbështetjes së fuqishme mediale.
I pari është gazetari i njohur dhe publicisti Rrok Berisha, i cili ndërroi jetë më 26. 06. 2019, ndërsa i dytë është idealisti dhe politikani Gani Sylaj që ndërroi jetë më 04.07.2019.
Nëse i referohemi biografisë së këtyre dy figurave të shquara të kombit, kemi të bëjmë me dy profile intelektualësh të përmasave kombëtare.

Kush është Rrok Berisha!?

I pari, Rrok Berisha i lindur më 5 gusht të vitit 1956 në Gllogjan të Lugut të Baranit. Shkollën fillore e kreu në vendlindje, gjimnazin në Prishtinë, studimet në FSHNM, për Biologji – Kimi. Gjatë shkollës së mesme boton vargjet e para poetike, në gazetën e shkollës dhe në revistën “Zëri i Rinisë”. Gjatë studimeve ishte bashkëpunëtor aktiv i gazetës studentore “Bota e Re”. Nga viti 1978 – 1990 ka punuar gazetar në RTP ( Radiotelevizionin e Prishtinës). Rrok Berisha ka bashkëpunuar ngusht me QIK-un, gazetën “Bujku” dhe “Informatorin“.
Nga ajo kohë e deri në fund të jetës së tij, Rrok Berisha ishte marrë me gazetari dhe publicistikë, përkatësisht me shkrime politike të botuara kryesisht në gazetën “Bota Sot” dhe portalet e kohës.
Rrok Berisha, gazetar, politikan dhe poet, me pendën e tij luftoi të keqën dhe mbrojti interesin e popullit të tij.
Rrok Berisha ishte edhe ndër themeluesit e Partisë Shqiptare Demokristiane. Në zgjedhjet e marsit 1998, Berisha ishte zgjedhur deputet i Parlamentit të Kosovës (për zonën e Lugut të Baranit, nga PSHDK-ja).
Berisha kishte ndihmuar në sistemimin dhe organizimin e njësiteve operative të UÇK-së në Dukagjin, të oficierëve të FARK-ut. Ai ka qenë i caktuar drejtor për informim në Zyrën e Brigadës 131 të njësive operative të UÇK-së në Baran, përkatvsisht ushtar dhe shef i Zyrës për Informim i Njësive Operative të UÇK-së-Brigada 131 “Adrian Krasniqi”, Baran i Ultë (Pejë).
Rroku dha kontribut në ndërtimin e Institucioneve paralele të Republikës se Kosovës, që ishin e vetmja mënyrë e funksionimit të jetës e veçmas në segmentet e arsimit dhe shëndetësisë. Rroku dhe familja e tij shquhen edhe për në ndihmën humanitare, për mbijetesën fizike të kombit në aksionin e gjërë–familja ndihmon familjes dhe aktiviteteve të ndryshme dhe jo vetëm, shtëpia e tij në Gllogjan (Lugu i Baranit) ishte bazë e aktiviteteve-kombëtare e politike, i kishte gjithmonë dyert e hapura per aktivitete politike, kulturore dhe arsimore, ishte vend strehim i qindra e qindra te shpërngulurve nga vatrat e luftë.
Pas masakrës së Kralanit në shtëpinë e Rrokut për një kohë qëndruan mbi 55 gra e fëmijë nga fshatrat Brojë e rrethinë të Skënderajt.
Në këtë shtëpi gjetën strehim, ushqim dhe qetësi shpirtërore shumë familje shqiptare në përiudhën e parë të luftës, derisa forcat çetnike serbe e kallën me mjete djegëse, me 4 gusht 1998-të. Shtëpia e Rrokut ishte vendtakim i faktorit politik dhe ushtrarak i të dy krahëve të UÇK-së.
Më 3 korrik 2010, Rrok Berisha jep dorëheqje nga të gjitha postet partiake dhe i perkushtohet krijimtarisë letrare dhe publicistikës”.
Nga krijimtaria letrare e Rrok Berishës veçojmë si në vijim;
Vëllimet poetike: “Ti aty mbush ujë”; “Kërkimi i vetvetes”; “Vetmia e udhëtimit”; “Larg e Afër”; “Shpirti i dritës së amshuar” ( poezi kushtuar Nënë Terezës, shqip- anglisht); “Akuarelet e Shpirtit” “Kujtimet e varura” dhe “Pesha e Hapit”.
Vëllimet publicistike: “Krimbi në mollë”; “Bardh e Zi”; “Kukullat”; ”Shitësit e Mjegullës”; “Argatët e Dreqit”. “Letër Jo e Zakonshme” (memoare dhe pjesë ditari nga koha e kaluar dhe periudha e luftës); si bashkautor me Mikel Gojanin monografinë ”Anton Frrokaj – në piedestalin e përjetësisë”.

Kush është Gani Sylaj!?

I dyti, Gani Sylaj u lind me 14 janar 1952, në fshatin Kishnarekë, Komuna e Drenasit, ish Gllogoc. Shkollën fillore e ka nisur në Kishnarekë, ndërsa e ka përfunduar në Komoran. Në Prishtinë ka mbaruar Shkollën e Mesme Normale në vitin shkollor 1971/72. Në vitin 1973 regjistron degën e Filozofi-Sociologjisë në Fakultetin Filozofik, të cilin e ndërprenë në vitin 1974, kur i përkushtohet tërësisht organizimit ilegal në Grupin Revolucionar të Kosovës. Në vitin 1979 burgoset dy muaj për kundërvajtje, në Gjykatën komunale në Drenas, ish Gllogoc. Pa mbaruar këtë dënim, në Burgun e Prishtinës, dërgohet në Burgun e Shkupit, ku në vitin 1980 dënohet me 4 vjet burgim. Fillon vuajtjen e dënimit në Burgun e Idrizovës, në Maqedoni deri në shkurt të vitit 1982, kur Sigurimi jugosllav e transferon në Burgun e Prishtinës, për ta dënuar me 12 vjet burg, të cilat i mbajti në burgun e Mitrovicës dhe në Burgun Hetues të Somborit, në Vojvodinë. Nga burgu është liruar në vitin 1990.
Pas burgut, nga viti 1990 – 1994 ushtron disa funksione dhe merret me një sërë aktivitetesh: me iniciativën e kolektivit të shkollës fillore të fshatit të lindjes, zgjidhet drejtor i Shkollës Fillore. Kur u themelua Lidhja e Arsimtarëve Shqiptarë, u zgjodh kryetar për Komunën e Drenasit, ndërsa në kuadër të kryesisë së kësaj shoqatë ishte i ngarkuar edhe me detyra të tjera; në Lidhjen demokratike të Kosovës, anëtar i kryesisë së degës së Drenasit dhe delegat në kuvendin e saj; në Lëvizjen për Republikën e Kosovës, kryetar; Në Këshillin për Financim, anëtar i kryesisë së degës në Drenas dhe anëtar i komisionit të kontrollit në nivel të Këshillit. Një ndër redaktoret e Gazetës “Bashkimi” etj.
Ishte bashkëpunëtor i Ministrisë së Arsimit në mërgim; Anëtar i Kryesisë së Lidhjes së Arsimtarëve dhe Pedagogëve Shqiptarë në Zvicër; kryetar i Emergjencës për Zvicër; Kryetar i degës së Lidhjes së Bashkuar Demokratike në Zvicër etj.
Prill-qershor të vitit 1999, Zëdhënës i UÇK-së dhe Zëvendëskomandant për Zonën e Veriut; anëtar i Fondit Vendlindja Thërret; 1999-2000, në Qeverinë e Përkohshme të Kosovës, Zëvendësministër i Ministrisë për Emigracion; 2000-2001 drejtor i Agjencisë së Lajmeve “Kosovapress”; 2001-2002, ndjek kursin për organizimin e partive politike në kuadër të NDI-së, (Instituti Nacional Demokratik).
Gjatë viteve 2002-2005, ishte Kryetar i degës së Partisë Demokratike të Kosovës për Drenas dhe anëtar i Këshillit Drejtues i PDK-së; Kryetar i Komunës së Drenasit; i certifikuar për pushtetin lokal në Universitetin Georgetoën në Uashington, SHBA (2004);
2006-2011. Drejtues ekzekutiv në Shoqatën e ish-të Burgosurve Politikë; 2008-2011 anëtar i Bordit të Drejtorëve të PTK-së, etj.
Nga viti 2017 ka ushtruar detyrën e nënkryetarit të Komunës së Drenasit.

Konkluzioni i pavarur analitik

Pra, nga ajo që mësuam nga biografitë e këtyre dy intelektualëve, i pari, Rrok Berisha na del një profil i intelektualit të përmbajtur, të guximshëm dhe të qëndrueshëm në vizionin e tij, ndërsa i dyti, Gani Sylaj, asnjëherë nuk është mjaftuar me ato që i ka sjellur koha, gjithnjë ka kërkuar diçka ndryshe duke lëvizuar nga njëri skaj në tjetrin, nga njëri subjekt në tjetrin për të realizuar objektivat e tij personale dhe jo vetëm.
Ashtu sikurse në veprimtarinë e tyre atdhetare dhe politike, dallimi mes këtyre dy intelektualëve, përveqse në pikëpamjet ideologjike, është edhe tek qëndrimet dhe afërsia me pushtetin.
Përderisa i pari, Rrok Berisha asnjëherë nuk u pajtua me prapësitë e kohës, me devijimet dhe denigrimet e politikës, duke i mbajtur në thumb të kritikave politikanët (pushtetarët) e kohës, i dyti, Gani Sylaj u qëndroj më afër pushtetarëve të pasluftës, duke u rreshtuar në krahun ideologjik (PDK), u bë pjesë përbërse e pushtetit lokal dhe atij qendror.
Kjo qasje kontraverse, bëri që i pari, Rrok Berisha të injorohet në vazhdimësi nga pushtetarët deri në ditën e fundit të shkuarjes në përjetësi, ndërsa i dyti, më urtësinë e një intelektuali dhe elasticitetin e një politikani, përveqse pjesë përbërëse e pushtetit, u nderua edhe me “Dekoratë” nga presidenti Thaçi.
Në fakt, kjo flet më shumë se asgjë tjetër për rrugëtimin jetësor dhe politik të këtyre dy intelektualëve të spikatur të kombit.
Dy intelektualët e sipërpermendur janë shëmbull për gjeneratat e ardhshme. Sikurse njëri, ashtu edhe tjetri lanë pas vetës nga një veprimtari të bujshme politike, krijuese dhe atdhetare.
Por Rrok Berisha la diçka më shumë se kaq, një javë para se të largohet nga kjo botë, e la një testament të fuqishëm për drejtësisnë kosovare…
Modestia dhe sinqeriteti, pavarësia dhe guximi janë vyrtyte të njerëzve të mëdhenjë.
Liderët shtetëror që ndajnë heronjët e dëshmorët, që klasifikojnë intelektualët dhe krijuesit sipas bindjeve, dëshirave apo urrejtjes së tyre, nuk janë udhëheqës shtetëror por pushtetarë dhe uzurpatorë të institucioneve shtetërore.
Vdekja e intelektualëve e varfëronë kombin, gëzon politikanët injorantë!

Presidenti i Kosovës, Hashim Thaçi, është takuar sot me kongresmenin amerikan, Eliot Engel, të cilit i ka kërkuar të angazhohet që SHBA-ja ta ketë në fokus Kosovën deri në anëtarësimin e plotë të shtetit në instancat më të larta ndërkombëtare.

Ky takim i tyre vjen vetëm një ditë pasi Engel kishte vizituar Luginën e Preshevës, dhe prej atje kishte shprehur qëndrimin e tij të prerë kundër idesë për shkëmbim të territoreve.

Megjithatë nuk dihet nëse Engel e ka përsëritur qëndrimin e tij kundër pazareve me kufij edhe në këtë takim me Thaçin.

Përveç tjerash kreu i shtetit e ka falënderuar kongresmenin amerikan, për gjithë atë që SHBA-ja ka bërë prej vitesh për të ndihmuar Kosovën në shtetndërtim.

“Ju jam mirënjohës për angazhimin tuaj personal, prej dekadash, për Kosovën dhe popullin shqiptar në përgjithësi”, ka thënë Thaçi në takim, siç njofton zyra e tij.

Ndërsa kongresisti Engel ka thënë se është i gëzuar që është përsëri në Kosovë, veçanërisht për të qenë pjesë e shënimit të 4 Korrikut me inaugurimin e ambasadës së re amerikane.

Engel ka theksuar progresin e madh që Kosova ka bërë në vitet që nga pavarësia dhe ka shprehur shpresën e tij se vendi do të vazhdojë të përparojë në rrugën drejt prosperitetit, demokracisë dhe sundimit të ligjit.

Thaçi në fund i ka bërë thirrjes kongresmenit Engel që të angazhohet që SHBA-ja të mbetet e fokusuar në çështjen e Kosovës deri në përmbylljen e plotë të stories së Kosovës, me konsolidimin e plotë ndërkombëtar të vendit./GazetaExpress/

Asociacioni i Gazetarëve të Kosovës e ka marrë me shqetësim njoftimin e korrespondentes së televizonit regjional N1 në Kosovë, Zana Cimili, për kërcënimet me jetë që ka marr përmes rrjeteve sociale.

Personi që e kërcënoi gazetaren Cimili, në një fotografi të vajzës së saj të postuar në Instagram, ka shkruar një koment në gjuhën serbe duke thënë se gjithnjë e më shumë e ka dëshirë jetësore që ta vrasë një shqiptar.

“Bile, pa problem me dhëmbë do e kisha shqyer një fëmijë shqiptari. Është e pabesueshme kjo. Ndërsa ti me punën tënde ke kontribuar, të falënderohem për këtë.”- ka shtuar më tutje ai.

Për më tepër, personi në fjalë, identiteti i të cilit mbetet i panjohur, ka vazhduar me nxitje të gjuhës së urrejtjes duke shtuar:

“Shpresoj që një luftë e re do shpërthejë në Kosovë dhe që kësaj radhe terroristët dhe okupatorët shqiptarë të kenë mundësinë të ndjejnë gjithë atë zemërim të serbëve, dëshirën për drejtësi dhe liri!”

AGK bën thirrje për distancimin nga gjuha e tillë dhe kjo qasje e rrezikshme ndaj gazetarëve. Të gjitha kërcënimet ndaj tyre, posaçërisht thirrjeve për dhunë ndaj grave gazetare, janë të papranueshme.

AGK pret nga institucionet kompetente që në kohën më të shkurtër të zbulojnë se kush qëndron pas këtyre kërcënimeve.

“Duhet vepruar menjëherë sepse reagimi i ngathët bën që rastet e këtilla të marrin hov, duke pas si qëllim futjen e frikës tek gazetarët”, thekson AGK.

Kryeministrja e Serbisë Ana Bërnabiq ka reaguar ashpër ndaj nënshkrimit të marrëveshjes, për unifikimin e misioneve diplomatike mes Kosovës dhe Shqipërisë.

Ministrit i Jashtëm në detyrë i Shqipërisë, Gent Cakaj, dhe ministri i Jashtëm i Kosovës, Behxhet Pacolli, nënshkruan të martën marrëveshjen për unifikimin e misioneve diplomatike dhe konsullore dhe bashkëpunimin strategjik në fushën e politikës së jashtme.

Ministri Pacolli, shkroi në Twitter se “ishte i nderuar për nënshkrimin e një marrëveshje historike të bashkëpunimit strategjik”.

“Ky është një hap i madh përpara në integrimin tonë kombëtar, gjë që do të bëjë më të fortë veprimin e përbashkët global”, tha Pacolli.

Edhe homologu i tij, Gent Cakaj shkroi me të njëjtat tone, duke thënë se marrëveshja “hap horizonte të reja për veprime të përbashkëta institucionale”.

Kryeministrja serbe, Ana Bërnabiq e dënoi nënshkrimin e kësaj marrëveshje duke e quajtur atë të “tmerrshme”.

Ajo i tha televizionit Pink, se është skandaloze që deri më tani, nuk ka asnjë reagim nga Shtetet e Bashkuara, dhe se nënshkrimi i kësaj marrëveshje me qëllim është bërë në kohën kur po zgjedheshin udhëheqësit e rinj të BE-së, pasi në këtë mënyrë nuk do të kishte reagim nga Brukseli.

Zyrtarë të Ministrisë së Jashtme të Kosovës paralajmëruan se nuk do të lejojnë asnjë zyrtar nga Beogradi të vizitojë Kosovën dhe se kërkesat e tilla do të refuzohen derisa Beogradi nuk e ndryshon sjelljen.

Këshilltari politik i ministrit të Punëve të Jashtme të Kosovës, Jetlir Zyberaj, tha në një postim në Facebook se vendimi pason “kërcënimet hibride që Serbia bën ndaj Kosovës, propagandën e vazhdueshme dhe lajmet e rreme ndaj vendit dhe qytetarëve dhe përpjekjet e fundit për të inskenuar një të ashtuquajtur krizë humanitare në veri të Kosovës”.

Pas vendimit të Qeverisë së Kosovës për ndalimin e vizitave të zyrtarëve nga Serbia, ka reaguar deputeti Miroslav Lazanski, që vjen nga partia e presidentit serb, Aleksandar Vuçiq.

“Ky veprim i Prishtinës (që t’i ndalojë vizitat e zyrtarëve nga Serbia), paraqet një fazë rëndese të përkeqësimit të raporteve ndërmjet Beogradit dhe Prishtinës. Serbia mund të kundërpërgjigjet me veprime reciprociteti, që zyrtarëve me dokumente të Kosovës t’ua pamundësojë të kalojnë përmes territorit të Serbisë”, tha Lazanski nga Partia Përparimtare Serbe.

Ai ka thënë për Radion Evropa e Lirë se Serbia dispononin me një diapazon të gjerë të masave të reciprocitetit që mund t’i zbatojë në këtë rast.

“Veprimi i Prishtinës nuk është një veprim që paralajmëron vazhdimin e shpejtë të dialogut. A do të thotë tash kjo që edhe personat që punojnë në Zyrën për Kosovën në Qeverinë e Serbisë nuk do të mund të hyjnë në Kosovë, a do të thotë kjo që as përfaqësuesit e Kishës Ortodokse nuk do të mund të hyjnë, ngase edhe ata janë zyrtarë?”, tha Lazanski.

Në veri të Kosovës, të hënën dhe të martën, tregtarët i kanë mbyllur dyqanet, duke thënë se nuk kanë prodhime për të shitur.

Vendimi i tyre ka ardhur më shumë se shtatë muaj pasi Qeveria e Kosovës u ka vënë taksë 100% prodhimeve të importuara nga Serbia.

Dyqanet në veri janë rihapur të mërkurën, por tregtarët kanë thënë se vazhdojnë të kenë mungesa prodhimesh.

Qeveria e Kosovës ka hapur disa pika të shitjes atje dhe i ka mohuar pretendimet e Beogradit se në veri ka “krizë humanitare”.

KOSOVË

Përvjetori i 243-të i pavarësisë së Shteteve të Bashkuara të Amerikës do të kremtohet të enjten edhe në Kosovë. Sheshi kryesor në kryeqytetin e Kosovës është dekoruar me flamuj amerikanë dhe të Kosovës, në shenjë urimi dhe respekti për popullin amerikan.

Dita e Pavarësisë së SHBA-së në Kosovë shënohet çdo vit me aktivitete simbolike, duke përçuar mesazhin se shqiptarët nuk harrojnë të falënderojnë  SHBA për rolin që ka dhënë në shtetformimin e Kosovës.

Mesazhe urimi për Ditën e Pavarësisë së Shteteve të Bashkuara tradicionalisht dërgojnë edhe krerët e institucioneve më të larta të Kosovës.

Palestinezët nuk do të përkrahin Kosovës për anëtarësimin në Interpol, ka thënë i dërguari palestinez në Beograd, Mohamed Nabhan.

Ai ka takuar sekretaren e Shtetit në ministrinë e punëve të Brendshme të Serbisë, Biljana Popoviq e cila e ka informuar përfaqësuesin palestinez, lidhur me argumentet e Serbisë, kundër kërkesës së Kosovës për anëtarësim në Interpol.

Sipas një njoftimi të ministrisë së punëve të Brendshme të Serbisë, Popoviq, ka thënë gjatë takimit, se Serbia do të luftojë për ruajtjen e së drejtës ndërkombëtare, dhe për të parandaluar politizimin e një organizate profesionale policore siç është Interpoli.

“Popoviq kujtoi se vetëm shtetet anëtare dhe vendet me statusin e vëzhguesit në Kombet e Bashkuara mund të jenë anëtarë të Interpolit”, thuhet në njoftim.

Nabhan, gjatë takimit me zyrtaren serbe, ka thënë se edhe qëndrimi sa i përket mosnjohjes së Kosovës, mbetet i pandryshuar.

Ndërkohë, Komiteti Ekzekutiv i Organizatës Ndërkombëtare të Policisë – INTERPOL, tashmë ka vendosur në favor të dërgimit të dosjes së Policisë së Kosovës për votim në Asamblenë e Përgjithshme të kësaj organizate, e cila sivjet do të mbahet në Kili, kanë konfirmuar zyrtarët e Qeverisë së Kosovës.

Zëvendëskryeministri dhe njëherësh edhe ministri i Punëve të Jashtme i Qeverisë së Kosovës, Behgjet Pacolli, më 26 qershor, nëpërmjet një shkrimi në rrjetin social Facebook, ka theksuar që shumica e përfaqësuesve të 10 shteteve, të cilat, gjatë këtij viti e përbëjnë Komitetin Ekzekutiv të INTERPOLIT, “argumentuan në favor të aplikacionit të Policisë së Kosovës për të proceduar më tutje në Asamblenë e Përgjithshme”.

Më 20 nëntor të vitit 2018, Kosova nuk kishte arritur të anëtarësohet në INTERPOL, pasi nuk mori shumicën e nevojshme, prej dy të tretave të votave të vendeve pjesëmarrëse në Asamblenë e Përgjithshme të kësaj organizate, që u mbajt në Dubai.

 Në Kosovën e vogël, nuk është vështire me I njoftë së cilat janë familjet me nam, se cilët kan qenë pasanikët e vjetër ,dhe cilët janë ata, të cilët u pasuruan mbrenda natës .Sigurisht së paraja nuk është gjitheqka , por sigurisht është shumë e fuqishme, per ti ndryshuar gjerat per te mire, dhe per te keq ne kete bote .Paraja eshte fuqia , kush ka para behet njeri I fuqishem ,duke arritur keshtu ne majat e politikes ose te biznesit. Te ne ,lëmia e cila eshte duke u sjellur njerëzve nam dhe shumë para , eshte bere politika.Shume pantoll grisur ia pane hajrin inkuadrimit ne politike, duke krijuar keshtu pasuri marramendese.Sigurisht, se keta njerëz , na janë bere milionere hiq pa mund, duke e shfrytëzuar politikën, ose më mirë më thënë duke e keqpërdorur ate .Me parat e popullit kan arritur të bëhën sundimtar apsolut të këtij vendi ,të zhytur në mjerim social.E kan nënshtruar popullin me parat e tyre. Kan vu diktatin mbi shumë media elektronike dhe te shkruara.Me rrugë të errëta pasaniket e rinjë po e shfrytëzojnë paranë , kur eshte nevoja për ti shanatazhuar dhe frikësuar njerëzit, që ata mos të marrin guximin qytetarë të kundërshtimit. Kanë krijuar rrjet të gjerë ,duke e veshtirësuar mundësinë e përmbysjës së tyre nga postët e larta pushetetare. Na janë bere oligarkë të fuqishem , të cilët kan vu kontroll po thuaj gjithëkund dhe gjithëkah … Kësaj I thonë jo demokraci dhe jo shtet I se drejtës.Na kanë kapluar jo vlerat , po na mungon guximi qytetare per ti kundeshtur njerëzit te cilet kan bere para dhe pushtet.Ky lojalitet karshi ketyre njerëzve te cilet po e shembin Kosoven , si Kullen prej Kartoni, eshte shumë e frikshme për të ardhmen e brezave .Po lejojmë që ecim në rrugën njekahëshe . Po lejojmë grupe te caktuara politike, që të jetojnë më familjët e tyre në stilin më të lartë .Kjo nuk na falet.Mu per kete njerëzit e politikës po sillen dhe po veprojnë sipas interesave te tyre .Çka eshte edhe me keq, kur e gjithe kjo sjellje e tyre po shikohet krejt si diqka normale. Eshte e gjate lista e politikanve ku pasurimin e paligjshem e kan marre krejt si diqka si natyrale, si diqka që duhet tu takon.Kemi pasur tashme shumë afera të korrupcionit , të aferave gjyqësore dhe pa kush prej tyre ka marr denimin e merituar. Ky mos veprim po bën që hajnit dhe zhvatjët të vazhdojnë .Kur shumë burrshtetas të shteteve të mëdha dhe të zhvilluara ,jo vetem që largohen por dënohen më shumë vite heqje lirie, kjo gjë rralle po vjen ne shprehje te ne. Kjo ështe kur politika kuptohet si biznes si gjithë punet tjera.Një qasje e tillë në sferën e politikës është tepër cinike.Proklamimi I zyrtar I politikës gjithmon është i fokusuar në interesin e përgjithshem, e jo qe na është krijuar krejt fotografi tjetër . Dhe, nuk është e quditshme së kesaj elite politike pak kush po I beson? Qe të kthehet besimi , politika do të duhej të terhiqet nga aty ku nuk e ka vendin. Ky është nje problem I madh, qe vështirë është të arrihet edhe për një kohë të gjatë.Këta I kan vu rregullat e veta të lojës politike , nga të cilat veshtire do te heqin dorë . Jeta politike ne Kosovë duket së edhe për një kohë të gjatë ,do të jetë e komplikuar.Krahas kësaj sigurisht së do të rriten edhe paknaqësitë tona …

1.ALEKSANDËR VUÇIQ

Aleksandër Vuçiq është serb ishte Minister ne Qeverin e Millosheviqit.Ky i takon skuadrës vrastare të Milosheviqit dhe çetnikut Vojisllav Sheshel,të cilët edhe mund te mos jenë njërëz pos formës së tyre si njerëz,te cilët kanë ba krime ne gjihtë ish-jugosllavin.A.Vuqiç më të cilin po bisedon Thaqi është një rrugaq, rrencë i pabesë bile edhe fytyrën e ka të kriminelit,sepse është bashkëpjesemarrës i krimeve qe Shesheli me paralimitarët i kanë bërë në Kosovë.Aleksander Vuçoqin,çuditerishte Hashim Thaqi e quan njeri te paqes,kjo do te thotë se Hashimi po ia falka te gjitha krimet që Serbia i ka ba ne Kosovë,qe si duket Thaqi i paska harru apo nuk ka ndegju për to sepse gjate luftës ka qenë larg luftës,si ne stilin hajtë nuk është ba nami pse na kane vra,e djeg e përzhitë,tashti duhet ti falim dhe te pajtohem me ta.Kjo është logjika e njeriu qe nuk sheh më larg se deri te hunda e vet.Falë ky njeri sepse gjatë luftës nuk ju ka vra asnje pulë.
Aleksandër Vuçiq ai është Presidnet i Sërbisë, nuk është njëri i paqes,nuk është aspak paçësor,nuk dinë se çka është Demokracia Përendimore,por i përfaqeson vlerat Sllave,vlerat e urrjtjes nadj njërëzve.Ky njëri është i pa paskrupullt të cilit nuk duhet besuar asgje kur çshtë fjala për raportët e tij më Kosvën.Por ky njeri ne krahasim me Presidentin e Kosovës Thaçin,e donë vendin e vetë,lufton për vendin e vete.Ky njeri është më meritori qe Veriu i Kosovës është ne këtë gjendje që është qe pë 18 vjete e mbajti flakën ndezur ne veri,sepse me mendje dhe zemer ishte në Kosovë,hynte dhe delte nga ajo kur te doje.Këtij njeriut edhe nuk i interesojnë aq shume nje grusht serb ne Veri,por i intereson nentoka,pasuritë marramendëse nentokësore te Veriut,ky njeri është në gjendje të bajë çmos për te mos u largu nga Veriu,te cilin vete Hashim Thaqi ia la në dorë,dhe tashti po done edhe me ja marrë krejtë.Ky njëri është i pabesë,siç nuk kanë besë të gjithë serbet,ketij njeriut nuk duhet zenë besëKy njeri te pretë ne besë dhe ne çdo kohë me e pas rastin edhe te vretë prapë.Ky njeri është më zëmer ne Rusi,por i dëshiron parat e Përendimit,filtronë me ta,i rrenë i mashton deria sa te mundet për interesa te shtetit te vet.Këtij njëriut i ra rasti qe të bisedoj,diagoloj për çështjën e Kosovës.Erdhi deri te dialogu sepse vete na lejuam,sepse patem njerëz te padijshem,hajna të korruptuar ne pushtet,te cilët nuk e donë shtetin e vet,por luftojnë për pushte.Ky njëri gjithëhere ka pas deshirë qete diagoloj me Hashim Thaqin sepse e ka vrejte së mund ta lakoj kah te doje.
2.HASHIM Myfterem Thaqi

Hashim Thaqi është nga treva historike e Kosovës Drenica,por ky njeri edhe pse është nga treva historike dhe ka studju historinë nuk është aspak historik don me lanë gjurmë të keqe ne histori,nuk është njeriu qe mund te bëjë historin.Ishte njëri nga themeluesit e Shtabit te Rognerit ne Tiranë,i cili më shumë bante plane gjatë luftës së si ta mboshte ushtrin e Ibrahim Rugovës se sa ate te Aleksandër Vuçiqit,qe përpak siç thonë analistet nuk u shëndrru ne luftë vllavrasese. Ky njeri siç deklaron edhe vete ka nejtë larg luftës,nuk ia ka përzhitë lufta fytyrën si Anton Qunit me shok.Këta te Rognerit ishin më shumë te interesuar se si ti keqpërdorin parat e popullit dedikuar luftës,se sa te ballafaqoheshin ne luftë me ushtrin e A.Vuçiqit.Por,fal Zotit, UÇK-se dhe Nato-s Kosova u çliru,u liru,por liria e saj mbeti sakate,pa veriun,mbetë vjerrur as ne qiell as ne tokë siç thuhet,sepse kjo i konvenonte Sërbisë për ti rrasë këmbet sa më thellë ne Veriun e Kosovës.Për te gjitha këto vite Serbia shantazhoi me veriun,e lujati lojen e djallit.
Për veriun me 2011 filloj njefarë dialogu teknik me Serbin,i cili nuk ishte deshtë te ndodhë,sepse me këte edhe zyrtarishtë Serbia u fut në lojë në luftën për rrembimin e Veriut të Kosovës.Për shtatë vjetë u ba një dialog i pakumtimt,pa krrfarë rezultati pa kurrfarë transparence për Kosovën por me disa Mareveshje qe Hashim Thaqi si finok që është ,pa dijën e askujt dhe ne damë te Kosovës i bani më Serbin,siç ishte Demarkacioni me Malin e Zi te cilit ia dha 82.mije hektar tokë dhe Asociacioni i Komunave me shumicë Serbe të cilit po ia ven kulmin.

Këto ditë Hashim Thaqi në krye ne vehte,pa e pyet askend ne stilin e nje despoti,tha se do ta bajme nje Mareveshje histrike me Serbin pa kurrfare kushtesh,thuese Serbia ska ba asgje ne Kosovës,dhe tha do te kemi kompromise te dhembshme.Për cilat kompromise e kë fjaën z.President.Me sa di unë Kosova nuk i ka borxhe asgje Serbisë,por Serbia ka hy ne Kosovën e “çlirueme” dhe po don hala me marr diçka nga Kosova,po don me e marr ate për te cilën luftoi qe 19 vjet,pra me e marr mbikqyrjen e Veriu,përmes Asociacionit,për t’i marrë nënmbikqyrje pasuritë marramendese të Kosovës,pa te cilat Kosova do te ishte si një “lopë shterp”.Thjeshtë don te krijoj një”mini shtet”ne shtetin e Kosovës.

Hashim Thaçi i cili këto ditë shkoj te bisedoi me kriminelin Vuçiç pa kurrfarë autorizimi,pa kurrfarë te drejte as morale e as Kushtetuese,pa ndonjë konsnsesus te Partive Politike dhe Parlamentar,krejtë ne menyrë private e uzurpoi dialogun dhe u nis te takohet atje me kriminelin A.Vuçiq. Shkoj atje si harambash,me duar ne xhepa,dhe më kokë te shprazët pa ia ba me dije Serbisë për gjenocidin qe e ka bere ne Kosovë,për viktimat,për te pagjeturit,për te dhunuarat nena e motra tona,për kalljën e Kosovës e te bame krejte tokë e djegur,pa kuurfar kërkim falje,thue se për Hashim Thaqin gjatë luftës Serbia nuk na ka vra,por veq na ka”lemuar”.Shkoj atje te diagoloj me palën Serbe më kriminelin Vuçiq e cila ishte armatos me “argumete”plane e skica ne luftën e pakompromisë për ta marrë Veriun e Kosovës,e ky si qyqan rrinte krejtë i hutuar ne ate tavolinë pa asnje leter,skic,plateformë përpara tij.U qudite krejtë bota.
Më te këthye krejtë si një njeri i hutuar që ishte tha se biseduam për çeshtje te mëdha,te vështira me Serbinë,Tha së edhe Asiciacioni veq është pune e kryer,ndoshta ashtu siç janë marr vesh qe ne vitin 2015 dhe se për këtë kerkohet te bahet konsesione te dhimbshme ku duhet te bahën edhe ndryshime Kushtetuese për ti thanë Asociacionit kompetenca ekzekutive e qe është edhe kërkesa kryesore e Serbisë.Në këtë tokë te Kosovës askush nuk nuk ka te drejtë te bajë ndryshime Kushtetuese për interesa te shtetit tjetër,sepse me këtë,ne vend se te ruhet sovraniteti,atehere me këto ndryshime edhe zyrtarishte Kosova e ka humbur sovranitetin ne ate pjesë te sajë dhe kështu rrezikohet qe ngadal Veriu të rreshtet kah Serbia,sepse përmes Asociacionit ajo e kontrollon ate pjesë pa e pytur fare Kosovën.Ky do te ishte edhe fundi i sovranitetit dhe shteti te Kosovës por edhe fundi politik i Hashim Thaçit,sepse një shtet i cili nuk e kontrollon teritorin e vetë nuk është shtet.

Mu për këtë arësye sa hala nuk është vone,opozita dhe nje pjesë e pozitës,duhet të bajnë çmos qe kjo të mos ndodhë,dhe te ia baje me dije me fjalë e me shkrim Bashkesise Evropine se Hashim Thaqi nuk e ka atutoizimin te bisedojë me Serbin dhe sëçdo Mareveshje e arrijtur me te nuk do te pranohet,sepse Hashim Thaqi gjatë gjithë këtyre shtatë vjeteve te dialogolizimit ishte një lojtar i keq i cili me shumë i bane dame Kosovës duke i dhanë favare Serbisësikur ajo te ishte viktima e jo agresori.Pra,Thaqi duhet me çdo kushtë te ndalohet qoftë edhe me protesta te fuqishme popullore,dhe për te ia ba me dije se askush nuk ka të drejtë të luaj me fatin e Kosovës për disa interesa ndoshta krejtësisht përsonale

Është dhënë njoftimi se sot ka vdekur gazetari shumëvjeçar i të përditshmes “Bota Sot”. Ai është rikthyer në vëmendje të publikut pas intervistës ekskluzive që e ka dhënë ish-luftëtari i UÇK’së, Shefqet Kabashi në Pressing. Ai ka deklaruar se i është dhënë urdhri nga komandanti i tij për ta vrarë Rrok Berishën gjatë luftës. Gazetari një javë më parë ka dërguar në Gazetën Express një letër përmes së cilës ka konfirmuar deklaratat e Kabashit.

Pas dy viteve që po vuante nga një sëmundje e rëndë, familjarë të Rrok Berishës kanë njoftuar për vdekjen e tij në moshën 63-vjecare, shkruan Gazeta Express.

Emri i Rrok Berishës, së fundmi u rikthye në publik, kur ushtari i zonës së Dukagjinit, Shefqet Kabashi, tha në Pressing në T7 se nga ai kërkuan ta vrsite Rrokun.

Për këtë ka reaguar edhe vetë Rrok Berisha. Në versionin e tij rreth urdhrave për ta ekzekutuar atë, gazetari pohon se Kabashi e ka thënë të vërtetën.

Ky ishte reagimi i plotë i Rrok Berishës:

Të nderuar miq,

E ndjej të nevojshme që të jap një prononcim rreth asaj që e tha Shefqet Kabashi, i njohur si Shulci, javë më parë në emisionin Pressing në televizionin T7.

Historia e gjithë kësaj është më e thellë dhe fillon në kohën e unifikimit të të gjitha forcave të armatosura të Republikës së Kosovës, pa dallime të linjës partiake dhe ideologjike. Pas marrëveshjes që e arritëm në Rrafshin e Dukagjinit pason vizita e Hashim Thaqit ku gjithçka e arritur u shkatërrua! Bashkimi vëllazëror u shkatërrua nga hiena që atdheun e panë si mjet e jo si qëllim.

Shefqet Kabashi, është e vërtetë se gjithmonë duke u thirrur në referimin e tij që nga viti 1998 e këndej, i është kërkuar nga një i ashtuquajtur komandant Alush Agushi-Pipi, që ai të më vrasë. Me Shulcin kam pasur kontakt vetëm atë ditë kur ka ardhur tek unë dhe ka kërkuar që të largohem nga shtëpia pasi që jam i rrezikuar ngase një komandant nga ata të shtabit të Jabllanices-Dushkajës, i kishte dhënë urdhër që ai të vijë dhe të më vrasë mua si njeri i “dëmshëm” ngase isha në linjën politike të Dr. Ibrahim Rugovës. Pastrimet e figurave intelektuale vetëm sa kishin filluar përbrenda Shqiptarëve, nga Shqiptarët, derisa ne kishim vetëm një armik. Në këtë kohë isha edhe pjestar i UÇK-së, gjegjësisht Shef për Informim në brigadën 131 Zona Operative në Baran. Pas ngjarjes me Shefqet Kabashin kisha takim me të edhe në kohën e pas luftës, kur ai vetë është rrëfyer, në prezencën e axhës së tij, për të gjitha ato që i ka deklaruar edhe me vonë, por me një përjashtim. Unë për kërcënimin tim nga Pipi nuk e kam njoftuar askënd — por mos ekzekutimi i vrasjes ka lënë të kuptohet që urdhri nuk është zbatuar. Sa i përket pyetjes që shumë miq të mi në rrjete sociale e kanë bërë se a e njoh unë Pipin, përgjigja ime është Po, e njoh. Atë e njoh gjatë luftës dhe ka qenë njeri i krahut të ashpër kundër institucioneve të Kosovës. Për Pipin, Lahi Brahimaj dhe të tjerë, duhet të jap llogari përgjegjësi i tyre Ramush Haradinaj — të cilën gjë nuk e ka bërë për 20 vite (sepse me disa Haradinaj ka edhe lidhje familjare).

Unë personalisht të gjitha këto atentate dhe kërcënime të tjera që më kanë ndodhur, pas lufte i kam shprehur në shumë shkrime të mija. Madje, edhe rrëfimin e gjithë asaj që e shpreh Shulci e kam botuar në një fejton në gazetën Bota Sot. Unë s’kam dashur që të merrem drejtpërdrejtë me personat në fjalë, duke shpresuar që koha do ti shëroj plagët dhe se paslufta do ti zgjidhë problemet në një mënyrë paqësore. Andaj, bazuar në këtë, nuk i jam drejtuar gjykatës dhe as policisë, sepse siç thashë më herët gjërat veç kanë qenë publike.

Shefqet Kabashin unë e falënderoj nga zemra, jo pse nuk më ka vrarë mua por që nuk është bërë vrasës! Që nuk ka pranuar të zbatoj urdhra të “vrasësve”. E jap këtë prononcim pa ma kërkuar askush por vetëm si vërtetim të korrektësisë së Shulcit në interpretim të asaj çfarë ka thëne. Shefqet Kabashi ishte njëri nga njerëzit e porositur dhe paguar për të më vrarë, por jo i vetmi.

Për mu dhe bashkëluftëtarët e mi, preokupimet ishin më të mëdha se sa vëllavrasja! Armik kishim vetëm shtetin serb – unë i kam llogaritur si armiq pushtetin dhe okupatorin Serb. Banditët dhe individët si Haradinaj, Pipi, Lahi Brahimaj e të tjerë të ngjashëm, unë nuk i kam konsideruar si armiq sepse vëllavrasja ishte e ndaluar me urdhër të prerë nga Presidenti Ibrahim Rugova — dhe është kundër vlerave tona si shqiptarë dhe atdhedashës. Me çdo kusht dhe në çdo kohë iu kemi shmangur konfliktit.

Pas luftës vazhduan atentatet dhe kërcënimet deri edhe tek fëmijët. Në mënyrë të vazhdueshme mu është ofruar edhe mbrojtja e afërt nga UNMIK-u — të cilën mbrojtje e kam refuzuar kategorikisht, sepse nuk kisha bërë ndonjë krim apo tradhti ndaj vendit tim, të cilin vend aq shumë e donim dhe i besonim.

Shpresoj që të gjitha ato atentate, kërcënime dhe përcjellje tjera që i kisha për disa vite gjatë dhe pas luftës, të cilat familjes sime i sollën shqetësime të jashtëzakonshme, së paku edhe të tjerët të marrin guximin ashtu si Shefqet Kabashi të flasin. Sepse, siç e dijnë edhe Haradinaj, Thaqi, Veseli e shumë “komandanta” milionera tjerë të pasluftës, shumë njerëz të pafajshëm janë vrarë gjatë luftës dhe janë shpallur Heronj, pas luftës. Dhe, ata që nuk mund ti vrisnin gjatë luftës i vranë më pas. Unë nuk e pata fatin e tillë sepse ‘ai që nuk frigohet me fjalë nuk frigohet as me pushkë’. Dhe për të gjitha këto, herët apo vonë, llogari duhet dhe do të japin të gjithë.

O kurrë mos u lodhë për ndihmën dhe gjakun që i jep atdheut!

Ky vend nuk është pronë e askujt, por është e të gjithëve që e dhanë jetën për të dhe sakrifikuan djersë, gjak, gjymtyrë dhe gjithçka që patën. Ky vend është i nënave, motrave e vajzave, fëmijëve, e atyre që luftuan heroikisht, që u burgosen dhe u vranë mizorisht, që u helmuan në shkolla, që u masakruan, që… Është vend edhe i atyre që u tradhtuan dhe që pabesisht dhe në mënyrë tinëzare u vranë për interesa individuale-grupore.

Atdheu nuk është asgjë tjetër veçse dashuri për njeriun e dashuri për vendin!

Rrok Berisha

Ky pervjetor 24 me radhe i gazetes Bota Sot, eshte pak me ndryshe, sigurisht me prekes se nga kjo bote iku kolegu Rrok Berisha, njeri nder penat e shquara te kesaj gazete .Nje dite me pare ishte pervejtori i vrasjes se Bardhyl Ajetit kolumistit te guximshem .Sigurisht se Bota Sot kishte edhe gazetare tjere ne ze te cilet i kontribun shtendertimit , i kontrubuan lirise dhe pavaresise se Kosoves.Gazetaret e Bota Sot, ishin te paret te cilet e luftuan krimin e organizuar dhe korrupcionin.Ne kete pervjetor te rrugetimit te prestigjiozes Bota Sot, do te ishim te padrejte mos ti permendnim edhe gazetaret dhe pubicistet si Skender dhe Elida Buqpapaj , te cilet e udhehoqen gazeten ne menyren me te mire te mundshme, duke pasqyrar te verteten dhe vetem te verteten.Edhe ne planin kombetar bashkeshortet Buçpapaj u treguan te pa kalueshem.Pastaj , gjurme te pashlyera me shkrimet e tyre publicistike dhe analizat e thuketa politike ne pasqyrimin e gjendjes se shqiptareve ne trojet etnike , lane emrat eminent ne krijimtari, publicitike e analiza politike si;Abdi Baleta, Teki Dervishi,Rexhep Kastrati, Llukman Halili,Gani Mehmetaj, Naim Kelmendi,Skender Mulliqi,Nazmi Lukaj, Bajrush Morina ,Rrok Berisha , Sylejman Aliu, Agim Gjakova, Idriz Morina etj.Nuk kishte natyrisht si te ishte ndryshe , prandaj, Bota Sot per shume kohe ishte gazeta numer nje ne Kosove e diaspore.Natyrisht kjo gazete mu per ate ishte shume e dashur per lexuesit e shumte gjithandej ka flitet e lexohet shqip.Ketu do te ishim te padrejte te mos e permendim ne kete pervjetor edhe botuesin e gazetes, Xhevdet Mazrekaj , i cili asnjehere dhe kurre nuk u gjunjezua per ta plasuar realitetin e gjendjes politike dhe rrjedhave ekonomike -sociale ne Kosove, e gjetiu ku jetojne dhe veprojne shqiptaret. Urime botuesit dhe te gjitheve te cilet dhane mund dhe djerse qe kjo gazete mos ta ndale rrugen e saj deri me sot. Urime dhe suksese edhe per shume e shume mote…!

Drejtori i Zyrës për Kosovë në Qeverinë e Serbisë, Marko Gjuriç, dhe ministri i Arsimit serb, Mladen Sarceviç, të premten pritet të vizitojnë Kosovën.

Zyrtarëve serbë, Gjuriçit dhe Sarceviçit iu është aprovuar kërkesa nga ministria e Punëve të Jashtme të Kosovës. Këtë për lajmi.net e ka konfirmuar këshilltari i i Behgjet Pacollit, Jetlir Zyberaj.

“Kanë qenë kërkesa standarde jo të jashtëzakonshme. I kemi aprovuar të dyja dhe janë proceduar sipas rregullave dhe sipas marrëveshjes”, ka thënë Zyberaj.

Arsyeja e kësaj vizite, është festa e Vidovdanit e cila festohet më 28 qershor ku shumë qytetarë nga Serbia vijnë në veri dhe Gazimestan.

Lajmi.net gjatë ditës së djeshme ka raportuar, se në prag të kësaj feste në veri të vendit do të mbyllen dyqanet ushqimore ku qytetarëve të cilët vijnë nga Serbia të iu pasqyrohet “një gjendje e rëndë humanitare”.

Sot në Romë, Delegacioni i Kosovës i udhëhequr nga ish-presidentja Atifete Jahjaga në përbërje të të cilit do të jenë deputetët Mexhide Mjaku-Topalli e Saranda Bugujevci dhe Vasfije Krasniqi-Goodman, e mbijetuara e dhunës seksuale gjatë luftës në Kosovë, do të dëshmojnë në Parlamentin italian.

Komisioni për Punët e Jashtme i Dhomës së Deputetëve dhe Komisioni Parlamentar i Hetimeve mbi Feminicidin (vrasjen e grave) si dhe mbi të gjitha format e dhunës me bazë gjinore, në Senatin italian do të zhvillojnë seanca dëgjimore për të mbijetuarat e dhunës seksuale të luftës në Kosovë.

Seancat do të kryesohen nga Senatorja Valeria Valente, Kryetare e Komisionit Parlamentar te Hetimeve mbi Femicidin, si dhe mbi të gjitha format e dhunës me bazë gjinore dhe nga Marta Grande, Kryetare e Komisionit për Punë të Jashtme e Dhomës së Deputetëve.

KOSOVË

Kryeministri i Kosovës Ramush Haradinaj i ka ndarë medaljen ““Gjergj Kastrioti-Skënderbeu” Bylbyl Breçanit nga Tropoja.

Haradinaj shton se është përjetësisht mirënjohës ndaj malësorëve të Malësisë së Gjakovës që kanë kontribuar për lirinë e Kosovës.

Postimi i Haradinaj:

Shqiptarët kanë luftuar për të drejtën e tyre si një trup unik në të gjitha etapat e historisë sonë. Në nderim të sakrificës për liri, në 20-vjetorin e rënies, kam ndarë medaljen “Gjergj Kastrioti – Skënderbeu”, për Heroin e Kosovës, Bylbyl Breçani, nga Tropoja, post mortem. Përjetësisht mirënjohës për kontributin e pashembullt të Malësisë së Gjakovës, në luftën tonë për liri.

RH

Pasuria e kabinetit qeveritar, por edhe e deputetëve të Kuvendit të Kosovës kalon shifrën prej 1 miliard eurosh. Prej tyre vetëm një ministër dhe dy deputetë kanë deklaruar rreth 925 milionë euro pasuri, shkruan sot gazeta “Zëri”.

Deklarimi i pasurisë së zyrtarëve të lartë publikë në Agjencinë Kosovare Kundër Korrupsionit (AKKK) ka nxjerrë në pah faktin se sa të pasur janë politikanët e shtetit më të varfër në Evropë.

Sipas një kalkulimi të thjeshtë të deklarimeve zyrtare të pasurisë të bërë nga gazeta “Zëri” del se vetëm ministrat e qeverisë “Haradinaj” dhe 120 deputetët e Kuvendit të Kosovës kanë mbi 1 miliard euro pasuri.

Megjithatë, nga kjo shumë e madhe e pasurisë së zyrtarëve publikë vetëm një ministër dhe dy deputetë të Kuvendit të Kosovës i kanë deklaruar rreth 925 milionë euro pasuri.

Më i pasuri nga të gjithë zyrtarët publikë në Kosovë është zëvendëskryeministri dhe ministri i Jashtëm Behgjet Pacolli, i cili ka deklaruar mbi 203 milionë euro prona të paluajtshme jashtë Kosovës, mbi 10.5 milionë euro pasuri të luajtshme, duke përfshirë këtu një avion dhe disa vetura, rreth 500 milionë euro aksione në biznese të ndryshme, kryesisht jashtë vendit, si dhe rreth 5 milionë euro para të gatshme në banka komerciale. Pasuria e përgjithshme e Pacollit del të jetë rreth 720 milionë euro.

Pas Pacollit, i cili pasurinë e ka krijuar jashtë vendit, deputeti i LDK-së Ramiz Kelmendi është politikani i dytë më i pasur në Kosovë. Kelmendi ka deklaruar rreth 120 milionë euro aksione në kompaninë e tij “Elkos”, si dhe në prona të paluajtshme.

Ndërsa deputeti i AAK-së Gani Dreshaj është politikani i tretë më i pasur në Kosovë, i cili njëjtë si Pacolli pasuri të madhe të paluajtshme posedon jashtë Kosovës, përcjell gazeta “Zëri”.

Dreshaj ka deklaruar mbi 41 milionë euro pasuri të paluajtshme dhe mbi 44 milionë euro aksione të bizneseve të ndryshme jashtë Kosovës, por edhe në vend.

Pasuria e përgjithshme e Dreshajt arrin në rreth 85 milionë euro.

Vetëm këta tre politikanë, Pacolli, Kelmendi dhe Dreshaj, kanë deklaruar pasuri të përgjithshme në vlerë prej rreth 925 milionë eurosh, shkruan tutje gazeta “Zëri”.

Gjithashtu shumica e deputetëve, e ministrave, por edhe kryeministri Haradinaj kanë deklaruar pasuri në vlerë prej mbi 1 milion eurosh.

Presidenti i Kosovës, Hashim Thaçi, ka deklaruar pasuri të përgjithshme prej rreth 750 mijë eurosh, ndërsa kryeparlamentari Kadri Veseli e ka deklaruar një banesë në vlerë prej rreth 100 mijë eurosh e zero euro e ka deklaruar një lokal afarist prej 270 metra katrorësh, ndërsa për të njëjtin shkruan më poshtë në formularin e deklarimit të pasurisë se ka detyrime financiare në vlerë prej mbi 110 mijë eurove.

Përndryshe, Kosova është vendi më i varfër në Evropë, përderisa ka politikanë shumë të pasur, për të cilën gjë kanë raportuar disa herë mediet ndërkombëtare, duke e ndërlidhur pasurimin e shpejtë të politikanëve me shkallën e lartë të korrupsionit në vend, shkruan gazeta “Zëri”.

Sipas statistikave zyrtare, shkalla e papunësisë dhe e varfërisë në vend sillet rreth 30 për qind, përderisa shumë të rinj po ikin nga vendi për të punuar në vende të ndryshme të Evropës pasi po pajisen me viza pune në ambasadat e huaja në Prishtinë në mungesë të vendeve të punës në Kosovë./ZERI

Kreu i Vetëvendsojes, Albin Kurti hapi fjalimin e tij në konferencën “Zëri i Popullit rreth ‘Finales së Madhe’ duke falenderuar të gjithë ata që sipas tij i kanë rezistuar përpjekjes së Serbisë për ndarje të Kosovës, raporton Gazeta Express.

Në prani të presidentit Hashim Thaci që ishte ideator për korrigjim të kufijve, Kurti tha se tash ka arsye për gëzim mirëpo jo për festë.

“Projekti i Serbisë për ndarjen e Kosovës për ndarje të Kosovës ka dështuar ndonëse ideja nuk ka vdekur. Projekti në Serbi është quajtur kufiizim me shqiptarët për kufizim, ndërkaq në Kosovë është gjuajtur korrigjim i kufirit me kompromis të dhimbshëm. Mund të themi që kemi arsye për gëzim por jo edhe festë”, deklaroi ai.

Ai ka përmendur edhe letrën që dy vite më parë, më 6 korrik, ish-kryenegociatorja Edita Tahiri ia kishte dërguar përfaqësueses së BE’së Federica Mogherinit.

Kurti ka lexuar edhe letrën që ish’kryenegociatorja Tahiri i ka dërguar Mogherinit, derisa ka thënë se sa i përket bashkimit me Preshevën, Medvegjën e Bujanovcin, se pengesa për këtë është në Beograd.

“Është Vuciqi ai që i diskriminon shqiptarët, e jo Prishtina ajo që po e ndaloka bashkimin me këto komuna”, shtoi tutje Kurti.

Sipas Kurtit, duhet të bëhet fillimisht antarësimi në OKB, të njihet Kosova e Serbia, e pastaj mund të flitet për korrigjim.

“Na thanë le të bëhet demarkacioni bëhet liberalizimi, e bëm atë edhe liberalizimi nuk është askund”, deklaroi i pari i Vetëvendsojes./GazetaExpress

Transformimi paradoksal i LDK-së në “Lidhja”, paraqet shkëputjen nga vizioni politik i Ibrahim Rugovës, paraqet shkëputjen nga historia dhe tradita demokratike e tri shkronjave të arta LDK, ku vlerat u zavëndësuan më antivlera, morali më imoralitet, drejtësia më padrejtësi, besa më tradhëti.

“Lidhja” e Isa Mustafës është lidhje e djajve, është lidhje e grupeve të interesit, e matrapazëve dhe interesgjinjëve, është lidhje e urithëve të nëntokës politike që u pasuruan duke u thirrur në vizionin Ibrahim Rugovës, duke u thirrur në gjakun e aktivistëve dhe veprimtarëve të vrarë të LDK-së në periudha të ndryshme, duke i larguar njëkohësisht nga LDK-ja themeluesit e saj, si dhe duke nxjerrur nga konkurenca zgjedhore veprimtarët më të devotshëm, analistët dhe gazetarët që mbrojten më dinjitet linjën politike të Ibrahim Rugovës.

Shëmbullin më të keq të rrënimit të frymës rugoviane në LDK është duke e shpërfaqë procesi i brendshëm zgjedhor, i shoqëruar më pakënaqësi të shumta brenda elektoratit, shkaku i shkeljeve të njëpasnjëshme statutore.
Kthimi i karrigëve në kuvendet zgjedhore të degëve dhe nëndegëve të LDK-së, e shpërfaqi situatën e mjerë në të cilën e kanë sjellë LDK-në e Rugovës grupet e interesit.
Këto grupe të interesit, janë karrieristë e frikacak që nuk janë të zotët ta largojnë “miun nga mustaqet” siq e thotë populli.
Nga paslufta e deri në fund të vitit 2017 (me një pauzë të shkurtër), edhe pse (bashk)qeverisën me vendin, nuk e patën guximin të inicojnë zbardhjen e as të një rasti të vetëm nga vargu i gjatë i vrasjeve politike të veprimtarëve të LDK-së, premtim ky i dhënë gjatë fushatave zgjedhore nga lideri aktual i LDK-së.

Shtyerja e kuvendit zgjedhor, produkt i mosmarrëveshjeve në LDK

Procesi i brendshëm zgjedhor në LDK, i filluar në fillim të marsit, i paraparë të përfundojë në fund të muajit maj, për shkaqe “shëndetësore” të kryetarit Mustafa shtyhet për një afat të papërcaktuar, derisa të riaftësohet lideri diktatorial për vazhdimin e mandatit, sipas praktikave të Plenumeve të PKJ-së, për të ruajtur vazhdimësinë e pionerit të Titos në krye të LDK-së.
Po ashtu, mbështetësit më besnik të liderit diktatorial janë ish strukturat e sistemit komunist; ish sekretarë partie, ish policë, ish gjykatës e prokuror e deri tek filiala e neokomunuistëve të RIINVEST-it, organizatë kjo e themeluar nga vetë Isa Mustafa për të mbuluar vjedhjet e “Fondit të 3 përqindëshit”.
Lansimi i propagandës së klanit të RIINVEST-it, se kinse “rizgjedhja e Isa Mustafës e shpëton LDK-në nga ndarja”, është pikërisht e tendencë për të arritur kundërtën e saj.
Klani RIINVEST janë grup i interesit që nuk kanë asgjë të përbashkët me LDK-në rugoviane.
Klani uzurpues i RIINVEST-it, përveq kapjes së partisë, e ka zhvesh komplet LDK-në nga e kaluara e saj, jo vetëm në emër (“Lidhja”) por edhe në përmbajtje (antidemokratike) me privatizimin e partisë.
Klani i RIINVEST-it, i njohur si klani i Isa Mustafës, është klani më i rrëzikshëm që po pengon ndryshimet dhe reformat demokratike në këtë parti.
Këtë po e dëshmon procesi zgjedhor në LDK, i cili po shoqërohet me përleshje fizike dhe fluturim të karrigëve në kuvendet zgjedhore të degëve dhe nëndegëve në kryeqytet dhe qendra tjera të Kosovës.
Akoma më e rënduar është situata në nëndegët dhe degët ku nuk ka pasur përleshje fizike, por ka pasur tërheqje nga aktiviteti i veprimtarëve më të devotshëm të filozofisë politike rugoviane në shenjë pakënaqësie ndaj zgjedhjeve nepotike dhe klanore nëpër degë,…të cilët për të mos e dëmtuar imazhin e partisë po largohen në heshtje, me shpirtë të thyer dhe zemër të plagosur.
Veprimtarët e orëve të para të LDK-së, që kanë sakrifikuar shumë për Kosovën, që kanë humbur edhe anëtarë të familjes nga vrasjet kriminale, janë duke i përjetuar tepër rëndë përleshjet fizike në kuvendet zgjedhore.

Rrugëtimi politik i Isa Mustafës, më shumë komunist e më pak kombëtar

Për rifreskim të memories së elektoratit të LDK-së, kryetari aktual i LDK-së ka mbajtur pozita pasluftës si anëtar i Bordit të UP’së, kryetar i Prishtinës, këshilltar i Presidentit, kryeministër. Paradoksalisht, lideri i “Lidhjes” Isa Mustafa është emëruar edhe “Akademik” pa asnjë vepër shkencore!
Përderisa para luftës kishte mbajtur pozitën e Ministrit të Financave në Qeverinë e Bujar Bukoshit. Edhe para kësaj kohe, në kohën e sistemit komunist jugosllav, përveqse pioner i Titos, Isa Mustafa kishte mbajtur pozitën Kryetarit të Këshillit Ekzekutiv të Prishtinës prej vitit 1984-88. Më pas, ishte pjesë e Qeverisë së drejtuar nga Jusuf Zejnullahu, 1989-1990.
Isa Mustafa, në krye të LDK-së erdhi përmes puçit politik duke rrëzuar Fatmir Sejdiun dhe duke sharë SHIK-un dhe PDK-në, me të cilët më vonë kishte lidhur marrëveshje të “natës” për t’u bërë vetë Kryeministër dhe për ta bërë Thaçin president si dhe shefin e SHIK-ut, Kadri Veselin kryeparlamentar.
Siq dihet, më vonë Kryetari i PDK-së, Kadri Veseli përmes mocionit në Kuvend e rrëzon nga pozita e kryeministrit liderin e vogël të LDK-së.
Megjithatë, ambiciet e Isa Mustafës nuk përfundojnë këtu. Për arritjen e postit të presidentit të vendit, Isa Mustafa është i gatshëm t’i futet përseri nën sqetull klanit “Pronto” dhe listës “Srpska”.

Me lider invalid, LDK-ja do të mbetët patericë politike

Mbajtja në krye të partisë e një lideri invalid, përkatësisht e një njeriu me aftësi të kufizuara, përveqse shprehje e mentalitetit të kaluar komunist, është mendësi e primitive e dhunimit të demokracisë së brendshme partiake.
Për më tepër se kaq, mbajtja e mëtutjeshme në krye të partisë, e njeriut që e dëmtoi më shumë se askush tjetër LDK-në, është veprim sa i dëmshëm, po aq shkatërrimëtarë për subjektin më të vjetër të skenës politike kosovare.
Përderisa partitë më të vogla, me liderë analfabet dhe handicap politik po qeverisin me vendin, subjekti më i vjetër politik-LDK-ja, me liderë invalidë është bërë edhe patericë e opozitarizmit kosovarë.
Eshtë pak më tepër se irrituese për qytetarët e Kosovës, të shohin partinë shtetndërtuese (LDK-në) si patericë të partive të vogla dhe liderëve uzurpator të shtetit të Kosovës.
Në rrethana normale, një humbës (serik) i zgjedhjeve siq është Isa Mustafa do duhej të ndiqte shëmbullin e liderit të PD-së në Shqipëri, z. Sali Berisha, i cili lëshoj timonin e partisë si akt moral të humbjes së zgjedhjeve.
Ndërsa Isa Mustafa, si në rrethana normale, ashtu edhe në ato abnormale (shkaku i shëndetit të kufizuar) nuk e ka ndërmend të largohet i gjallë nga kreu i LDK-së!
Pas shkuarjes në amshim të liderit shpirtëror të LDK-së, presidentit historik Ibrahim Rugova, rrahagjoksët e frymës rugoviane, pushtetin e shfrytëzuan vetëm për interesat e tyre personale, asnjëherë nuk u moren me problemet e qytetarëve, e më së paku me zbardhjen e vrasjes së bashkëpartiakëve të tyre.
Ndryshimin pozitiv për vendin nuk do të sjellin ata që ishin dhe janë akoma suporti më i madh i Hashim Thaçit, përkatësisht ata që ngritën duart lartë për votimin e Thaçit president dhe marrëveshjeve fatkeqe për vendin të nënshkruara nga ai.
Pa reformim e thellë dhe përnbajtësorë të LDK-së, jo vetëm që nuk do të ndodhë asnjëherë ndryshimi në këtë parti, do të kemi vetëm vazhdimësi, rikonfigurim dhe riciklim të figurave politike të klanit të Isa Mustafës.

Shpëtimi i LDK-së, largimi i Mustafës dhe sejmenëve të tij

Shpëtimi i LDK-së qëndron tek largimi i kryetarit Mustafa me klanin e tij nga strukturat udhëheqëse, gjegjësisht largimin e udhëheqjes klanore e nepotike të partisë.
Prej 31 majit të këtij viti, Isa Mustafa është duke mbajtur pozitën e shefit të Partisë jo vetëm në kundërshtim më vullnetin e elektoratit, por edhe në kundërshtim me aktin më të lartë juridik të LDK-së, që është Statuti, i cili saktëson se mandati i organeve udhëheqëse është katërvjeçar.
Për të qenë ironia më e madhe dhe dëshmia më bindëse se LDK-ja është e kontrolluar nga strukturat e SHIK-ut, është fakti i aprovimit të kërkesës së klanit të Isa Mustafëas nga KQZ-ja e kontrolluar nga pushteti për shtyerjen e Kuvendit të Përgjithshëm Zgjedhor të LDK-së derisa Isa Mustafa të riaftësohet për të qëndruar ulur në karrigën e tij gjatë kuvendit deri në përfundim të procesit zgjedhor.
“Nuk digjet jorgani për një plesht”, e thotë një falë e urtë popullore, andaj logjika e thjeshtë e kësaj thënje popullore, duhet t’i thërrasë ndërgjejgjës së pastër të elektoratit rugovian për largimin sa më parë të “pleshtit”, për të shpëtuar shtëpinë (LDK) nga rrënimi total i RIINVEST-it!
Kthimi i karrigëve në kuvendet zgjedhore lokale, është paralajmërim i keq për Kuvendin e Përgjithshëm Zgjedhor të LDK-së!

Agjencia Turke për Zhvillim dhe Koordinim (TIKA), ka dhuruar sot 1050 koshere bletësh dhe pajisje ndihmuese për blegtori në Dumnicë të Ulët të Podujevës në Kosovë, raporton Anadolu Agency (AA).

Dhurimi i materialeve u bë në kuadër të Projektit për Zhvillimin e Bletarisë së Qëndrueshme dhe Produkteve të Bletës të implementuar nga TIKA si pjesë e Programit për Siguri të Ushqimit dhe Jetesës.

Ambasadori i Turqisë në Kosovë, Çağrı Sakar, tha se Turqia e ka një politikë të jashtme sipërmarrëse dhe humanitare, ndërsa këto projekte të TIKA-s, po e shtrojnë dorën vëllazërore të Turqisë.

Sakar tha se kjo mbështetje do të ndikojë në rritje ekonomike në Komunën e Podujevës me rreth gjysmë milioni euro në afat kohor prej tre vjetësh.

“Në këtë mbështetje të ofruar nga TIKA, në një afat tre vjeçar ekonomia e Komunës së Podujevës llogaritet që do të përkrahet me më shumë se gjysmë milioni euro. Me këtë përkrahje synohet që të mbështeten ekonomitë familjare të Podujevës, rritja e mundësive të punësimit, zbutja e papunësisë si dhe rritja e prodhimtarisë në zonat rurale”, tha Sakar.

Kryetari i Shoqatës së Bletarëve “E Bukura Mbretëreshë” në Podujevë, Hilmi Syla, duke e falënderuar TIKA-n për ndihmën tha se shoqata që udhëheq ai ka pasur një bashkëpunim të ngushtë me TIKA-n, ndërsa është privilegjuar edhe nga drejtoria e Bujqësisë së Podujevës.

“Kjo ndihmë, nga shoqata turke dhe nga populli turk nuk është vetëm në fushën e bletarisë, por në çdo pore të jetës”, tha Syla.

Drejtori i Bujqësisë në Komunën e Podujevës, Vezir Januzi, tha se ndihma e TIKA-s është mjaft me rëndësi për Komunën e Podujevës si dhe fermerët e kësaj ane.

Gjithashtu i pranishëm gjatë dhurimit të këtyre materialeve ishte i pranishëm edhe koordinatori i TIKA-s në Prishtinë, Hasan Burak Ceran.

“Të dashur fermerë, vërtetë meritoni një përkrahje edhe nga ne si institucione, por edhe nga donatorët tjerë, sepse përkushtimi juaj në vendin tonë, edhe në Podujevë, edhe në Kosovë është çdo ditë duke gjeneruar vende të reja të punës”, tha Januzi.

TIKA nga viti 2015 ka filluar të implementojë Programin për Siguri të Ushqimit dhe Jetesës, duke ndihmuar në fushën e bujqësisë dhe blegtorisë. Në këtë program i cili synon përfshirjen e 5.000 familjeve në gjithë rajonin e Ballkanit Kosova është përfshirë nga viti 2017.

Ish-Ambasadori i Kosovës në Austri, Sabri Kiçmari, i jep leksione presdientit Hashim Thaçi se çka duhet bërë kur kabineti i tij përfshihet në skandale. Ai përmend ish -kancelarin gjerman Willy Brandt, se si kishte dhënë kur në kabinetin e tij ka depërtuar një spiun. Shembull ky, i etikës politike.

Pas raportimit të televizionit T7, presidenti i Kosovës, Hashim Thaçi, ka vendosur që të shkarkojë nga posti i këshilltarit, Branislav Nikolicin, shkruan Gazeta Express.Televizioni T7 kishte raportuar se Nikolic kishte qenë pjesë e shërbimit të Inteligjencës së Serbisë (BIA).

Mirëpo, Kiçmari, thotë se nuk mjafton vetëm shkarkimi i këshilltarit. Ai ka dhënë një shembull se çka ndodhi me kancelarin gjerman Willy Brandt kur në kabinetin e tij kishte depërtuar një spiun.

“Më 6. Maj të vitit 1974 dha dorëheqje një nga kancelarët më të suksesshëm të Republikës Federale të Gjermanisë z. WiIly Brandt. Dorëheqja e tij ishte një akt i marrjes së përgjegjësisë, si shef i Qeverisë Federale, pasi që u vërtetua se në Kabinetin e tij kishte depërtuar spiuni i STAS-it Günter Guillaume. Ja edhe një shembull tjetër i etikës politike, nga i cili do të duhej të mësoj presidenti”, shkruan Kiçmari, transmeton Gazeta Express.

Nikolic ka punuar si këshilltar i presidentit Hashim Thaçi që nga viti 2016.

Në njoftimin për shkarkimin e tij, zyra e Thaçit thonë se nuk kanë pasur informacione paraprake lidhur me zyrtarin që ka këshilluar presidentin për tre vite rresht.

“Zyra e Presidentit të Republikës së Kosovës konfirmon se nuk ka pasur asnjë informacion paraprak dhe zyrtar nga institucionet e sigurisë në Kosovë për përfshirjen e mundshme të z. Branislav Nikolic në aktivitete të dyshimta, për të cilat është raportuar në media”.

Megjithatë nga zyra e Thaçit thonë se bazuar në raportimet e mediave, e kanë liruar nga detyra, Branislav Nikolicin.

“Përkundër kësaj, Zyra e Presidentit i merr seriozisht raportimet e mediave për përfshirjen e mundshme z. Nikolic në aktivitete të dyshimta, qofshin ato të natyrës kriminale ose që cenojnë sigurinë kombëtare.Nisur nga parimi i respektimit të ligjit dhe për t’i dhënë hapësirë autoriteteve të sigurisë që të kryejnë hetime të pavarura për këtë rast, Presidenti i Republikës së Kosovës, Hashim Thaçi, bazuar në kompetencat e tij kushtetuese dhe ligjore, ka liruar sot nga detyra e Këshilltarit Politik, z. Branislav Nikolic​”, thuhet tutje në njoftim.

“Presidenti Thaçi mbetet i përkushtuar në avancimin e të drejtave të komuniteteve joshqiptare dhe përfaqësimit të tyre në të gjitha nivelet e qeverisë qendrore dhe lokale, bazuar në Kushtetutën e Republikës së Kosovës. Rasti konkret është thjesht çështje e sundimit të rendit dhe ligjit”, thuhet në fund të njoftimit./Express/

Në pa lumturinë njerëzore ndikojnë shumë faktorë objektiv dhe subjektiv. Asgjë në këtë botë nuk mund ti bëjë të vuajtur fëmijët sa prindërit e pa lumtur. Kjo ndikon në gjendjën emocionale të tyre, në disponimin e tyre. Fëmijët shohin gjithçka, dinë dhe përjetojnë. Dhe, asgjë nuk i bën më shumë që ata të mos kan disponim të mirë, sa gjendja ekonomike në familje. Sado që prindërit mundohen të gjejnë fjalë ngushëlluese të fëmijët kjo nuk kalon, nuk ka mundësi të mashtrohen .Fëmijët janë të lumtur kur prindërit janë të lumtur. Lumturinë e tyre nuk e zëvëndësojnë as dhuratat e mira, as dalja në sheti dhe as koncertet …
Në Kosovë shumë prindër më fëmjët e tyre janë duke përjetuar gjendje të rënd shpirtërore, psikologjike, morale , materjale… Nuk po kan përjetime të mira së shumica nuk po i kanë gjerat elementare për jetë. Ku ta marrin disponimin e mirë prindërit e fëmijëve të cilët po jetojnë në gjendje të veshtirë materjale ? Ku të gjejnë ngushëllim dhe si kan të bëhën të lumtur fëmijët kur i shohin prindërit duke u rropatur që t’i sugurojnë ushqimin edhe për një ditë të vetme? Shumë kush këtë gjendje depresionuese është duke e paguar edhe më vdekje të para kohshme …
Profiterët e caktuar të grupeve të partive politike të cilët ishin ne pushtet për 20 vite, janë mësuar me iu bë duartrokitje e paten mirë ose jo. Të gjithë ata që po marrin guximin qytetarë t’i kundershtojnë po i paraqesin si kusling e çka mos tjetër. Këta po mendojnë së janë njerëz gjenial, e që tash e një kohë të gjatë Kosovën e kan futur në rrugë të rrezikshme , duke u pru në pyetje edhe kapitulimin e shtetit te ri të Kosovës.
Kapitulimi është nocion politik e ushtarakë, kur shteti apo formacionet ushtarake në kohë të luftës ose në rast të konfliktit apo edhe pas luftës, pranojnë kapitulimin para palës kundërshtare, duke u dorëzuar më njerëz dhe të gjithë pregaditjën ushtarake armikut në rrethana të caktuara. E vura këtë paralele edhe pse Kosova nuk është në luftë më Serbinë fizikisht, por së luftën e fituar kunder Serbisë më miqët tanë në botë, jemi duke e vu seriozisht në pëshore . Po na ndodhin ndryshime negative të karakterit tektonik, ti quaj ashtu.
Thënë shkurt po jetojmë në një shoqëri e cila pakica autoritare po e drejton shumicën. Ky rreshtim totalitarë, ka mbrapa edhe rreshtimin ideologjik. Kjo doktrinë na ka futur në telashe të mëdha. Vetëm ata që janë në shërbim të qytetarëve janë patriotët e mirëfilltë. Shërbimi karshi popullit bëhët kur gjerat vihen në rrugën e mbarë, e jo më fiksione te ndryshme negative …Koha nuk na pret…

Presidenti i Shteteve të Bashkuara, Donald Trump dhe sekretari i shtetit, Mike Pompeo e nënshkruan Marrëveshjen e Ekstradimit midis Kosovës dhe SHBA-së.

Lajmin e bëri të ditur, ministri i Drejtësisë së Kosovës, Abelard Tahiri i cili ka konfirmuar se institucionet e vendit e kanë pranuar dokumentin nga SHBA-ja.

“Kjo marrëveshje shënon një akt historik në marrëdhëniet dypalëshe mes Kosovës dhe SHBA-së dhe është garanci e mëtejme se sundimi i ligjit është i pa alternativë dhe lufta kundër krimit do shkojë deri në fund”, ka thënë Tahiri përmes një postimi në Facebook.

Në mars të vitit 2016 Kosova dhe SHBA-ja kishin nënshkruar marrëveshjen e ekstradimit. Me rastin e nënshkrimit ishte thënë se marrëveshja, përpos që shënon një hap të rëndësishëm në thellimin e marrëdhënieve bilaterale me SHBA-të, nënvizon përcaktimin e Kosovës për sundim të rendit dhe ligjit.

Marrëveshja, para nënshkrimit nga ana e presidentit Trump, kishte marrë pëlqimin edhe të Senatit amerikan.

Ekstradimi është një akt kur një vend dorëzon një person të akuzuar ose të dënuar për kryerjen e një krimi në juridiksionin e një vendi tjetër.