Kandidatët për deputet në listat e partive politike për aq sa mund të kenë dallime, kanë edhe ngjashmëri në mes tyre. Megjithatë, një kandidat për deputet është më i veçanti, që dallon skajshmërisht prej kandidatëve të tjerë.
Është kandidati numër 95 në listën zgjedhore të LDK-së, pra fjala është për Fetah Rudin, intelektualin dhe veprimtarin më të përkushtuar, ushtarin e lirisë dhe më besnikun i vizionit rugovian për shtetin e Kosovës.

Kush është Fetah Rudi!?

Fetah Rudi ka lindur me 10.08.1964 në fshatin Rud, komuna Malishevës.
Shkollën fillore e ka kryr në fshatin e lindjes, ndërsa shkollën e mesme në Qamo “Marshalli Tito” në Gllogovc (Drenas) përgjatë viteve të 80-ta. Si nxënës i shkollës së mesme, vitin 1982 regjimi okupues i Serbisë e burgos Fetah Rudin për pjesëmarrje në demonstrata për Republikën e Kosovës, duke e dënuar me 3 muaj burg dhe masën shtesë ndëshkimore, përjashtim nga shkolla.
Pas një viti Fetahu vendosë të regjistrohet në QAMO “Luigj Gurakuqi” në Klinë, ku edhe aty e përcjellë i njëjti “fat”, ku pas tre muajve përjashtohet nga shkolla për të njëjtat motive, të pjesëmarrjes në demonstrata.
I përndjekur nga regjimi pushtues i kohës, detyrohet të emigroj në Slloveni, ku punon si punëtorë krahu deri në vitin 1984, por edhe aty nuk e lënë të qetë.
Në vitin 1984 detyrohet të shkojë në shërbimin ushtarak në Tuzëll dhe Banjallukë. Peripecitë e viteve 1984/85 gjatë shërbimit ushtarak ishin të shumta e të panumërta, ku disa herë mirret në pyetje dhe maltretohet fizikisht nga sigurimi i shtetit jugosllav.
Më të kryer shërbimin ushtarak, pas një qëndrimi të shkurtër në shtëpi, Fetahu përseri shkon në Slloveni për shkaqe ekonomike, për të vazhduar punën si punëtorë krahu deri në fund të vitit 1990.
Vlenë për të theksuar, se gjatë qëndrimit në Slloveni, krahas punës fizike, Fetah Rudi ka qenë i angazhuar me veprimtari atdhetare në shoqatën “Migjeni” dhe “Alternativa” në Lubjanë.
Pas kthimit nga Sllovenia në vitin 1990, Fetahu i vazhdon studimet në SHLP “Bajram Curri” në Gjakovë. Pas studimeve angazhohet si mësimdhënës në shkollën “Asim Vokshi” të fshatit Rud, ku punon me zellë e përkushtim deri më 15 dhjetor të vitit 2000, ku bandat kriminale i ndalin përkohësisht rrugëtimin pishtarit të dijes në fshatin BYTYQ (të Ura e Bytyqëve) me një sulm qyqarë.
Pas kuorimit një vjeçar në Itali, Fetah Rudi në karrocë i kthehet përseri aktiviteve dhe jetës publike në Kosovë.
Në vitin 1991 zgjedhet Kryetar i nëndegës së LDK-së për fshatrat Panorc, Rud e Llapqevë.
Në vitin 1992 zgjedhet Kryetar i FR të LDK-së dega në Malishevë, post të cilin e ka mbajtë deri në vitin 1998.
Fetahu ishte pjesëmarrës aktiv nga formimi i Ministrisë së Mbrojtes dhe UÇK-së nga fillimi deri në mbarim të luftës, duke dhënë kontribut të çmuar në unifikimin e frontit të luftës kundër pushtuesve serb.
Fetah Rudi ishte anëtarë i Këshillit të Përgjithshëm të LDK-së për disa mandate deri në vitin 2010, si dhe anëtarë i Kryesise së LDK-së dega në Malishevë, post të cilin e mbanë aktualisht.

Të rrallë janë veprimtarët siq është Fetah Rudi, i urtë e i guximshem, i sinqertë dhe i vendosur, besnik dhe i pathyeshem ne vizionin e tij, që ka moralin dhe ndërgjegjën e pastër, që ka vetëdijen e shëndoshë dhe shpirtin fisnik.
Suporti më i madh në rrugëtimin politik dhe atdhetar të Fetahut janë familja e tij, vëllau Shaipi, djali dhe nipat e tij.
Edhe pse Fetahu jeton në kushte minimale, asnjëherë nuk e kemi dëgjuar të ankohet per diçka.
E kemi dëgjuar të jetë mirënjohës dhe falenderues për ndihmat dhe mbështetjen e bashkatdhetarëve nga mërgata e jonë.
Fetah Rudi me karrocën e tij është shndërruar në simbol të qëndresës dhe heroizmit, të sakrificës dhe guximit në denoncimin e vazhdueshem të krimit dhe kriminelëve që gjymtuan qenjën tonë kombëtare.

Fetah Rudi bartes moral i listës së LDK-së

Nëse e dëshironi ndryshimin në LDK dhe mbarë Kosovën, përzgjedhjen e kandidatëve për deputetëve në listën e LDK-së duhet ta filloni nga numri 95 deri në 110. Pra kësaj radhe lista e kandidatëve të sinqertë për deputet nga radhët e LDK-së fillon nga numri 95!
-Në numrin 95 e keni vlerën më sublime të LDK-së rugoviane,
-Në numrin 95 e keni atdhedashurinë,
-Në numrin 95 e keni heroizimin dhe sakrificën njerëzore,
-Në numrin 95 e keni dëshmorin e gjallë të LDK-së rugoviane,
-Në numrin 95 e keni forcën intelektuale të ushatrit të lirisë,
-Në numrin 95 e keni pastërtinë e shpirtit fisnik të një atdhetari,
-Në numrin 95 e keni njeriun e guximshën dhe të pathyeshëm në sfidat e kohës.
-Në numrin 95 e keni bartësin e listës së qindra veprimtarëve të vrarë për motive politike gjatë dhe pas luftës në Kosovë.
-Numrin 95 në ulësen e Kuvendit të Republikës së Kosovës, do ta keni ndërgjegjën më të pastër kombëtare i cili në çdo seancë të kuvendit do t’i thërret ndërgjegjës së fjetur të drejtësisë vendore dhe ndërkombëtare për zbardhjen e vrasjeve enigmatike të veprimtarëve më të guximshëm dhe më të devotshëm të LDK-së rugoviane.

Vota për Fetah Rudin, do të jetë votë edhe për të ndëshkuar ndërgjegjën e vrarë të LDK-së post-rugoviane, e cila dy herë radhazi, pa e dhënë asnjë shpjegim e largoi nga lista për deputet.
“E treta e vërteta” e thotë një fjalë e urtë popullore, mëgjithatë kësaj radhe të njëjtit drejtues të LDK-së, më shumë nga frika e humbjes dhe ndëshkimit në zgjedhje sesa respekti për të, e vendosën Fetah Rudin në listën zgjedhore në numrin 95!
Nuk e kam as idenë më të vogël, sipas cilës logjikë e vendosen në numrin 95 njeriun më besnik, më të dëshmuar, më të vendosur dhe më të guximshëm, personalitetin më të spikatur nga 110 kandidatët për deputet në listën e LDK-së.
Kandidatët për deputet duhet vlerësuar sipas aftësive dhe meritave që posedon individi, e jo në bazë të meritave të prindit, vëllaut, dajës apo dikujt tjetër nga lidhja familjare apo farefisnore.
Renditja dhe darja e deputetëve në listën zgjedhore sipas shijes dhe interesave personale, e jo sipas kontributit dhe meritave të kandidatëve, do t’i vë në lajthitje votuesit e rinjë.

Ja pse duhet votuar numri 95 në listën zgjedhore të LDK-së

Fetah Rudi për më tepër se deputet, do të jetë përfaqësues i familjarëve të qindra veprimtarëve të LDK-së të vrarë tinëzisht pas shpine, në kurthe e prita me urdhër të shpirtëzinjëve shqiptarë.
Vota për Fetah Rudin nga zgjedhësit kosovarë, do të jetë ndëshkimi më i madh për ideatorët dhe urdhëdhënësit e vrasjeve politike në Kosovë.
Vota për Fetah Rudin do të jetë pak më tepër se ndëshkim edhe për ndërgjegjën e vrarë të drejtësisë kosovare, përkatësisht gjykatësve dhe prokurorëve, policëve dhe avokatëve që heshtën vrasjet më makabre kriminale ndaj gjakut më të pastër shqiptarë.
Fetah Rudi me karrocë në Parlamentin e Kosovës, qoftë edhe pa e folur asnjë fjalë të vetme, ka për të dëshmuar ekopën më të errët të pasluftës, atë të vrasjeve politike në Kosovë.
Fetah Rudi me përkushtimin dhe guximin e tij është shëmbulli më i mirë i një idealisti të përbetuar, të cilit as plumbat e tradhtarëve nuk i ndalën rrugëtimin në misionin e shënjtë të lirisë dhe pavarësisë së vendtit të tij.
Njeriu me karrocë në Kuvendin e Republikës së Kosovës do të jetë dëshmia më e fuqishme e sakrificave dhe sfidave nëpër të cilat kaluan atdhetarët dhe idealistët në këto 20 vjetët e pas çlirimit të Kosovës
Karroca e Fetah Rudit në Parlamentin e Kosovës do të jetë denoncimi më i ashpër për kriminelët, urdhëdhënësit dhe projektuesit e vrasjeve poltike, do të jetë mallkimi më i madh për prokurorët, gjykatësit, policët hetimor dhe gjithë ata që heshtën krimet e pasluftës.
Prezenca e karrocës së Fetah Rudit në Parlamentin e Kosovës do të jetë ndërgjegje e vrarë edhe për bashkëpartiakët e tij që ishin në pushtet dhe nuk e bën as hapin më të vogël për zbardhjen dhe dënimin e kriminelëve…
Fetah Rudi në karrocë në sallën e Parlamentit të Kosovës do të shihet si simbol i sakrificës dhe guximit që i thërret ndërgjegjë së pastër kombëtare dhe ndërkombëtare për zbardhjen e të gjitha krimeve të pas luftës në Kosovë.

Vota për Fetah Rudin, votë për çlirim shpirtëror

Prandaj vota për numrin 95, është votë për ndryshim substancial dhe pozitiv, është votë që sjellë freski dhe risi në Parlamentin e Kosovës, që sjellë frymë dhe kulturë të re të zhvillimit të debateve përmbajtësore në kuvend.
Prapa numrit 95 në listën e fitores së LDK-së është emri i Fetah Rudit, njeriut që dha gjithçka për lirinë e Kosovës, që ushqeu dhe shpërndau frymën rugoviane për afro tri dekada gjithandej Kosovës, trojeve etnike dhe diasporës shqiptare.
Pa kontributin e Fetah Rudit, fryma rugoviane e LDK-së do te ishte e mangët dhe e jo kuptimplotë.
Sikurse në luftë, ashtu edhe pas saj Fetah Rudi asnjëherë nuk u gjunjëzua para kërcënimeve dhe shantazheve. Pas atentatit kriminal të vitit 2000 Fetah Rudi doli akoma më i fuqishëm. Edhe pse në karrocë invalidore, asnjëherë nuk e ndali aktivitetin politik dhe atdhetar.
Të gjithë ata që përcaktohen që me 6 tetor të votojnë numrin 95 në listën e LDK-së, jo vetëm që votojnë për frymën rugoviane të LDK-së, do të ndihmojnë ndryshimin e mentalitetit qeverisës në vendin tonë.
Kuvendit të Kosovës i duhen njerëz dhe personalitete të guximshme siq është Fetah Rudi dhe shumë të tjerë që janë të zotët të përballen me sfidat e kohës nëpër të cilën po kalojmë.
Fetah Rudi me karrocë në kuvend, përveqse do të jetë përfaqësues i denjë i frymës rugoviane dhe zë i elektoratit rugovian, do të jetë zë i fuqishëm i të gjithë dëshmorëve të vrarë pas shpine nga bandat kriminale.
Fetah Rudi me karrocë në kuvend, do të jetë thirrje e vazhdueshme për sistemin e drejtësisë, për zbardhjen e të gjitha vrasjeve politike të pas luftë në Kosovë.
Qytetar të Republikës së Kosovës, forca e ndryshimit është në dorën e juaj, ju jeni ata që më votën e lirë dhe demokratike më 6 tetor mund të përcaktoni kahet e zhvillimit politik dhe ekonomik të vendit jo vetëm për katër vitet e ardhshme, por mbase për disa dekada.
Vota për Fetah Rudin me 6 tetor 2019, do të jetë votë për dinjitet njerëzor dhe çlirim shpirtëror, të ngulfatur për dy dekada rresht në Kosovë.

(Është e çuditëshme dhe e papranueshme mos shkuarja e Vjosa Osmanit në këtë debat)

Një verifikim i mire i të gjithë kandidatëve qe synojnë postin e kryeministrit është edhe debate,përkatesishtë ballafaqimi public në TV.Debatet dhe ballafaqimet publike sy me sy me njeri tjetrin janë praktikë në Amerikë,ku te gjithe kandidatët shpalisin programet dhe synimet e tyre hapatas para publikut.Në këtë menyrë publiku me së miri i vrenë programet,synimet dhe aftësitë e tyre përsonale për ta drejtuar shtetin.

Kjo mënyrë e debatimit public midis kanditatëve u tentu sot te organizohet edhe në Kosovë më nisjativën e Kongresit të Dytë Kombëtar të të rinjeve për ti shpalos idet,programet dhe synimet e kandidateve që me së shumëti u interesojnë të rinjeve.

Debatimi dhe ballafaqimi publikë midis kandidatëve për kryeministër është shumë I rëndesishëm,bile një debat dhe ballafaqim I tillë do ta kishte peshën me te madhe se sa nja dhjete tubime te mbajtuara rrugicave,oda salla te ndryshme ne te cilat ata veç flasin,rrejnë premtojnë pa kurrfare mbulese.
Debatin dhe ballafaqimin public të kandidateve për kryeministër do të udhëheqëte gazetarja shpatë me dy teha Jeta Xharra.Por debate nuk ndodhi i plotë,por vetem pjesërishtë.

Pse nuk ndodhi debate dhe ballafaqimi i plotë,a mos u fregësuar,nga kush?!

Sepse ne debatë nuk shkuan të vegjelit Ramush Harajdinaj,Kadri Veseli dhe Fatmirë Limajkandidat për kryeministër të përballën më te madhin Albin Kurtin.
Këta nuk shkuan,apo e refuzuan debatin,pra ballafaqimin public midis tyre, sepse nuk janë të afët të përballën me forcën e argumenteve në debat nga së nuk janë të dijshëm,por edhe nuk kanë programe dhe ide te çarta të shpalosin para publikut.Këta janë mësuar të gjuajnë fjalë vetem pas shpine,duke premtuar,duke mashtruar popullin së unë jamë ai qe do ta nxjerrë Kosovën nga lloqi ne te cilin e kanë futë vetë,sespe tanime është pa puna e tyre qe këta kandidat punojnë vetem për vehte e jo për shtet.

Këtu i ka rrenjet edhe ikaj e tyre nga debati, nga ballafaqimi sy me sy midis tyre,sepse nuk kanë së çka ti ofrojnë popullit,pos qe të rrejnë dhe mashtrojnë perseri si herave tjera për të vazhdu avazin e vjetër te tyre ne keqpërdorime dhe keqtrajtimin e shtetit.

Por ,pos kësaj Ramush Hrajdinaj,Kadri Veseli dhe Fatmirë Limaj nuk e paten guximin te ballafaqohën me Albin Kurtin e patrembur,nga se nuk kanë dije dhe peshë te ballafaqohën me njeriun e pakorruptuar,më njeriun e pa kompromiseve,me njeriun qe lufton për shtetin e vetë dhe jo për nxjerrjën e tij nepër pazare te botës.

Po pse deshtoi Vjosa Osmani?!

Por,krahas tyre është shumë e quditëshme se pse këtij debate dhe ballafaqimi I iku edhe kandidatje e LDK Vjosa Osmani.Më këtë sjellje Vjosa e ka befasuar shumë kendë,dhe kjo mosshkuarje ne debat është një mangësi e sajë gjatë kësaj fushate,apo e konsideron vehten aq te zonjën sa qe i ka nenëqmuar ballafaqimin me kandidatët tjer në këtë debat,apo ka pas frugë nga vegësat e partisë së sajë.Por sidoqoftë Vjosa Osmani është dashtë qe te ballafaqohet me argument e kundërragumente në këtë debat,e jot e gjuhën me shiza nga kendet e ndryshme të fushatës me kandidatet tjerë,e posaçerishtë më Albin Kurrtin.Arësyetimi i sajë se gjoja paska pas agjendë te ngjeshur nuk është me vendë,sepse me i rendesishëm për te dhe publikun është ballafaqimi sy me sy me kundërkandidatet se mbajtja e ndonjë tubimi tjeter,sepse publiku me shumë i çmonë debatet e tilla sy me sy se fjalimet nëpër rrugl dhe rrugica te Kosovës.

Lëvizja Vetëvendosje ka hapur fushatën zgjedhore për zgjedhjet e përgjithshme të 6 tetorit në Mitrovicë.

Kjo parti ka hapur fushatën me intonimin e Himnit Kombëtar, por jo edhe atë shtetëror, për çka në parafushatë Vetëvendosje dhe kandidati për kryeministër nga kjo parti, Albin Kurti, janë kritikuar nga rivalët.

Albin Kurti, kandidat i Vetëvendosjes për kryeministër, në hapjen e fushatës elektorale për zgjedhjet e 6 tetorit, ka thënë se ka ardhur dita për ndryshim në vend.

Në hapjen e fushatës, në Mitrovicë, Kurti ka thënë se “pas 6 tetorit do të lindë një diell i ri, mbi Kosovë e për Mitrovicë”.

“Thellë në zemrat tuaja, ju s’keni ardhur vetëm për Lëvizjen dhe mua, por për veten tuaj dhe fëmijët tuaj. E dini se është momenti i fundit për të shpëtuar vendin nga politikanë të pangopur e të paditur që na varfëruan. Keni ardhur sepse e dini se me këta ‘panikat’ që shkojnë në mëngjes si të akuzuar për korrupsion në gjykatë, e pasdite s’bëjnë asgjë. Ka ca që po habiten me rritjen e lëvizjes sonë. Por më mirë se askush tjetër ju e dini se rrugëtimi jonë s’ishte i lehtë as i shkurtër. Momenti jonë s’është befasi e çastit, por realitet i vonuar. Disa po dyshojnë akoma kush do të fitojë zgjedhjet. Po prodhojnë sondazhe e përqindje për të hutuar, por neve s’na duhet asnjë sondazh për të treguar se ka ardhur koha jonë, se erdhi dita për lëvizjen. E dini se erdhi dita për Vetëvendosje, se ndryshimi po vjen, se një diell i ri do të lindë pas 6 tetorit, mbi Kosovë e për Mitrovicë”, ka thënë ai.

Ramush Haradinaj në zgjedhjet e 6 tetorit do t’ia mësyjë përsëri postit të kryeministrit. Duke qenë se sot ka filluar edhe zyrtarisht fushata për zgjedhjet e parakohshme, ish-kreu i Qeverisë ka publikuar disa prej zotimeve të tij.

Një prej tyre është edhe ai për ruajtjen e integritetit territorial të Republikës së Kosovës, kauzë me të cilën Haradinaj është marrë pothuajse më shumë se një vit gjatë kohës sa ka qenë kryeministër.

Në këtë zotim Haradinaj thotë se Kosova nuk do të ndahet as në tavolinë, as prapa shpine e as në front.

“17 shkurti është i paprekshëm thotë Haradinaj”, raporton Gazeta Express.

Ndër të tjera Haradinaj përmend edhe miqësinë me perëndimin e SHBA-në duke thënë se çdo shqiptari “i rreh zemra me urimin, Zoti e bekoftë Amerikën”, ka thënë Haradinaj.

Tutje ai përmend edhe fushën e shëndetësisë, pasi, sipas tij, kosovarët meritojnë trajtim dinjitoz.

Premton edhe investime në ekonomi, luftim të korrupsionit dhe çështje të tjera.

Në fund thotë se do të luftojë për njohje reciproke me Serbinë, duke shtuar se “sovraniteti i Kosovës, kufijtë e Kosovës, çështja e të zhdukurve nuk janë për negocim”, ka thënë tutje Haradinaj.

Kosova eshtë nê njê hap tê ri dhe pêrspektiv, rruga nepêr të cilen rrugêtoj eshtê mê plotë hidhrrime! Pêr të ardhur deri ketu ku jemi i kushtoj mê humbje dhe trathti shekullore, duke iu burgosur dhe pushkatuar mê qindra dhe mija trima e trimeresha, duke vrare e masakruar femije dhe pleq, si dhe duke i larguar nga trojet stergjyshore dhe duke i shperndare në të kater anët e botës! Planet e akademive serbe dhe miqve te saj beri që ti realizojne shumë e shumë ide që ishin të demshme për Kosoven dhe mbarë kombin shqiptarë. Ne e kemi të çartë se deri me sot fatin e Kosovës nuk e kishim ne duart tona , dhe pêr ne vendosnin të tjeret(armiqet tanë) , e qe na kushtoj më se keqi nga gjithë popujt e botës! Të nderuar Lidere të Kosovës ,sot Kosova eshtë shtet fale atyre gjeneratave që me shekuj derdhen gjakun për liri dhe spaten fatin ta shijojnë lirinë, si dhe fal atyre qe moren armet dhe dolen ne male.

Sot, Kosova më mbi 13000 të vrare dhe mbi 1700 të pa gjetur eshtë në njê fushate zgjedhore , e qe ka pêr qellim ta zgjedh një njeri dhe një elite fisnike qê ti dergoi proceset pêrpara dhe në interes te vendit ! Sot ,Kosova më mbi 30.000 femra të poshtruara nga kriminelet serb i duhet të eci drejt fitoreve të reja pêr një liri të plotë të ketij populli të stervuajtur. Pra, eshtë koha dhe dita qê dora dorës të ecim drejt një zgjidhje dhe drejte një fotore të pêrbashket pêr hir të deshmoreve dhe të rëneve në fushë beteja, eshtë koha qê ta ndihmojmë njeri- tjetrin dhe në gjuhë paqe dhe akademike ti perafrojmë mendimet dhe mbeshtetjet ndaj njeri -tjetrit! Ju, duhet ta dini se sot jeni pasqyra e botës dhe jeni pêrballê saj, dhe a ka gjë më të shemtuar sot se tek Ju tê theksohet pêrqarja dhe pêrbuzja? Pastaj, tê shperfaqet një luftë lidershipi duke pêrdorur gjuhen më primitive dhe pêrqarse njeri ndaj tjetrit , si dhe duke e trajtuar trathtare dhe kriminele njeri -tjetrin! Kam njê pyetje pêr Ju të nderuar Lider? Ku mund tê na çoj dhe çka mund të na sjellë kjo retorikë e juaja, dhe ç’fare suksesi i sjelle në rend të parë Kosovës? Kur dihet fare mirë se në kohen e Shaban Polluzhes dhe Mehmet Gradicês pêrqarja vorroset dhe fillon miqesia e re mes dy trimave qê një kohë ishin të perqarë, dhe atê gjê e bejnë burrat pêr hir të kombit fal ndermjetsuese Marie Shllakut.

Ky qendrim burrnor të benë të mburremi edhe ne sot.Prandaj, kujdes në qendrime të nderuar Lider se jemi në betejen mê të madhe ne jetë! Lider tê nderuar dua tua them vetem edhe një gjê: Nê kohen e Mbretit Italia ishte në një krizë të thellë dhe raportet në mes Garibaldit dhe Mbretiti ishin tejet të kêqia dhe e terê bota ishte pêrqendruar kah Garibaldi se si te veproj.! Dhe ja se si deklarohet Garibaldi: “Pêr ta nxjerrur nga kriza shtetin tim jam i gatshem të bashkêpunoj edhe me djallin” Dhe e terë bota befasohet me veprimin atdhetar të Garibaldit! Prandaj , të nderuar Lider eshtë hapi historik që Kosova sot të jetë zot i vetevetes, dhe e têra mvaret nga Ju se populli e beri të veten si në luftë poashtu edhe ne paqe! Unê si një qytetar i vendit tim jam tejet i shqetsuar me veprimet e lidereve dhe me gjuhen e tyre tejet arrogante qe nê prag fushate pêrdorin ndaj njeri -tjetrit! Kombi eshtë mbi të gjitha! Uroj qe populli im të jetë në përspektivë dhe në rrugë të mbarë!

Vota per Arben Gashin eshte vote per Kosoven! Kandidati per deputet nga radhet e LDK-se , Arben Gashi sigurisht se e meriton voten e sovranit. Ai edhe deri tash ishte kreativ dhe e zeshem në paraqitejn e problemve ne legjislaturat e kaluara ne Kuvendin e Kosoves.

Nese kthehemi te biografia e familjes Gashi, ajo e ka dhëne provimin në mbrojtën e çështjës kombëtare më breza të tërë. Babai i Arbenit, Xhemajl Gashi ishte veprimtaër i pa epur i çështjes kombëtare. Ishte udhëheqës i demonstrave të vitit 1968 në Pejë, për çka edhe ishte burgosur. Djali i Xhemajlit, Flamuri qysh i ri ishte brumosur më patriotizem nga paraardhësit e tij. Bashkë më Anton Çeten e madh , Zekeria Canën e shumë veprimtarë të kohës, mori pjesë pa ndalshem në pajtimin e gjaqëve.

Madhështia e gjithë kësaj kulmoi te Verrat e Llukës, ku ndodhi pajtimi i madh më përmasa kombëtare, pas shumë dekadash.Shtrinë dorën e pajtimit më qindra familje të cilat falën gjaqe dhe plagë. Në ketë vend të shejtë u bë edhe uniteti kombëtar qw pati ndikim edhe pavarwsimin e Kosovws nga Serbia. ..Ka edhe shumë për të thënë për këtë familje atdhetare …Sigurisht së edhe Arbeni ka dhënë kontribut të çmuar në ketë drejtim, dhe kontribut të madh edhe në LDK-en rugoviane, por edhe në Kosovë, për ngritjën e institucioneve të shtetit.

Prandaj, të gjithë ata të cilët e votojnë Arben Gashin nuk gabojnë me numer 14.E votojnë njeriun e qëlluar , e votojnë njeriun meritor …

Gjatë takimit me sekretarin e Shtetit të Selisë së Shenjtë, Pietro Parolin

Presidenti i Kosovës, Hashim Thaçi, ka thënë se njohja formale e Kosovës nga Selia e Shenjtë do të kurorëzonte gjithë angazhimin e saj për sigurimin e paqes dhe stabilitetit në Ballkanin Perëndimor dhe Evropë.

Ai i bëri komentet gjatë një takimi me sekretarin e Shtetit të Selisë së Shenjtë, Pietro Parolin.

“Populli i Kosovës gjithmonë është udhëhequr nga vlerat e Shën Terezës, vlera të tolerancës, paqes dhe bashkëjetesës. Jemi mirënjohës për mbështetjen që Selia e Shenjtë i ka dhënë popullit të Kosovës. Krejt çfarë ka mbetur është njoha nga Vatikani”, ka shtuar presidenti Thaçi.

Në një komunikatë nga zyra e presidentit Thaçi, thuhet se ai e ka informuar sekretarin Parolin, për harmoninë fetare në Kosovë, për bashkëjetesën ndërmjet komuniteteve si vlera mbi të cilat është ndërtuar shteti i Kosovës.

Nga ana tjetër, sekretari i Shtetit të Selisë së Shenjtë, Pietro Parolin ka thënë se Selia e Shenjtë është e përkushtuar për paqen, tolerancën dhe stabilitetin në Kosovë.

Takimi është zhvilluar në Nju Jork ku po i mban punimet Asambleja e Përgjithshme e Kombeve të Bashkuara.

Më herët gjatë ditës, presidenti Thaçi takoi edhe kryeministrin e Greqisë, Kyriakos Mitsotakis, me të cilin ka biseduar për forcimin e raporteve dypalëshe.

Greqia është një nga pesë vendet e BE-së që nuk e kanë njohur pavarësinë e Kosovës. rel

Gani Geci dhe Sami Lushtaku mbrëmë ishin të ftuar për një intervistë ekskluzive në Pressing të televizionit T7. Aty u biseduan shumë gjëra që për publikun nuk ishin të njohura.

Që në fillim të emisionin ish-deputeti i LDK-së, Gani Geci, ka vendosur të ulet në anën e djathtë në studio.

“Jam djathtist edhe me pikëpamje politike, ndërsa miku im Samia është majtist pasi që e ka dashur Enver Hoxhën. Mirëpo përkundër pikëpamjeve unë Saminë e kam mik të mirë”, ka thënë Geci, duke bërë që Sami Lushtaku t’i përgjigjet “Unë jam djathtist. Mirëpo gjithmonë e kam dashur Shqipërinë dhe Enver Hoxhën, ndërsa nuk e kam dashur Jugosllavinë dhe Titon”.

Gjatë intervistës, ish-komandanti i UÇK-së në Drenicë, Sami Lushtaku, ka treguar për herë të parë se në vitin 1991, presidenti Ibrahim Rugova e ka pritur në Zvicër komandantin Adem Jashari.

Lushtaku thotë se më herët nuk është përmendur ky rast, por në fillim të ’90-tave Rugova e Jashari janë takuar në Zvicër.

“Kemi shku në Zvicër me Adem Jasharin. Atje e kemi taku qeverinë edhe Ibrahim Rugovën. Unë jo, por Ademi (Jashari) e ka taku Rugovën në vitin ‘91”, ka thënë Lushtaku në Pressing.

Por edhe pse kundërshtar politik, Lushtaku e ka pranuar se në një kohë të caktuar ka qenë përkrahës i Ibrahim Rugovës dhe LDK-së.

“Po, po pa dyshim se e kam votuar Ibrahim Rugovën në vitin 1992, bile e kam pasur edhe fotografinë e tij në lokal në Skenderaj”, ka thënë Lushtaku.

Por si ndodhën aksionet e para antiserbe në Drenicë. Për këtë, Geci dhe Lushtaku rrëfyen se si që nga viti 1991, aksionet e tyre antipolicore kishin filluar.

“Ishte viti 1991 kur jemi gju në Skenderaj, ata më njihnin pak a shumë sepse për shkak të protestave dhe demonstratave… Isha duke shkuar te një shok i imi dhe isha i armatosur. Policia tentoi të më ndalonte e unë nuk kam pranu. Unë kam gjuajtur me revole në drejtim të tyre, unë isha me revole e edhe ata gjithashtu”, theksoi Lushtaku, duke e theksuar disa herë se ka qenë nën shoqërinë e Gani Gecit.

Por si ishin raportet e politikanëve të sotshëm me Adem Jasharin?

“Kam dëgjuar zëra por nuk kam qenë dhe nuk flas për diçka që dëgjoj por kam dëshirë të flas me fakte dhe argumente. Ka pasur mospajtime jo veç me ata të dy po të gjithë. Por rëndësi të madhe ka që nuk ka pasur tradhti mes neve. Pasi po të kishte tradhti në atë periudhë kohore secili ka mundur me dal në pritë tjetrit”, tha Lushtaku duke shtuar se gjithsesi, deri në vitin 1994 raportet mes Jasharit me Thaçin dhe Selimit kanë qenë të shkëlqyera.

Tutje Geci pastaj ka treguar se së bashku me Lushtakun kishin rrahur persona që jepnin intervista për televizione serbe, dhe se ishin ata dytë që bënë aksionet e para guerile në rajonin e Drenicës.

Por si u njohën ata me presidentin e sotshëm të Kosovës, Hashim Thaçin?

“Unë e kam njoftë moti Hashim Thaçin, por dua të përmendi aksionin e vitit 92’ ku kemi marrë pjesë bashkë në Drenas “Te stacioni”, ka thënë Lushtaku.

Ndërsa Geci tha: “Unë me Hashim Thaçin kemi qenë shokë të gjeneratës, ai ka qenë në drejtimin ‘Kimi-teknologji’. Ai ka qenë anëtar i forumit rinor në kohën kur Ademi shkoi në ushtrime Thaçi u bë kryetar, deri në mbledhjen tjetër”.

Ndërsa, Gani Geci tutje tregoi se pse Lushtaku e quajti lloj luftëtari paramilitar.

“Kam qenë më i miri. Pse me ardhë Rexhep Selimi kur unë kam qenë aty para tij. Komandant e kam pasur vetëm Adem Jasharin. Të dytin e kam shënuar veten”, tha ai.

Në fund të emisionit, të dy u përplasën për politikën e sotshme. Vjosa Osmani ishte emri që nxiti debat mes tyre. Përderisa Geci kishte vlerësime të larta për të, Lushtaku jo edhe aq.

“Një grua e martuar, me fëmijë, e përgatitur më shumë se kushdo. Me logjikë të Evropës, ajo ka me fitu”, ka thënë Geci, ndërsa Lushtaku tha “Kjo gruaja [Vjosa Osmani] duhet të shkojë t’i pyesë të tjerët për të marrë një vendim”.

Krejt në fund, Gani Geci dha edhe kalkulimet e tij se si do të mundë të bëheshin koalicionet në bazë të asaj se kush del në vend të parë.

“Nëse PDK-ja del e para, sigurt do të futet në koalicion me Nismën dhe AKR-në… Gjithashtu edhe LDK-ja nëse del e para, mundësitë janë që të futet në koalicion me Nismën dhe AKR-në… E nëse VV-ja del e para, përsëri ju jeni në opozitë sepse VV-ja bën koalicion me LDK-në”, tha Geci. /GazetaExpress/

Dialogu për normalizim të raporteve ndërmjet Kosovës dhe Serbisë është bllokuar që nga nëntori i vitit të kaluar për shkak të vendimit të Qeverisë së Kosovës për taksë ndaj produkteve serbe. Ndërkohë vazhdimisht është pretenduar se përveç takimeve zyrtare në Bruksel, janë duke u zhvilluar edhe bisedime sekrete, shkruan Gazeta Express.

Lidhur me këtë temë në një intervistë për ‘Danas’, ka folur ish-ambasadori amerikan, Camron Munter, teksa ka shpjeguar deklaratën e tij të bërë në televizionin N1 për “diplomaci të heshtur”.

Teksa ka folur për negociata sekrete, ka thënë nuk e di nëse ka diçka të tillë pasi që nuk është zyrtar i shtetit, por thotë se është e nevojshme që të ketë diskutime ku njerëzit lirshëm mund të japin idetë e tyre.

“Kur shohim se ka një diplomaci të hapur, atëherë situata është e qetë. Por kur shohim se ka diçka sekrete, atëherë njerëzit ngacmohen sepse mendojnë që ka ndonjë lloj plani. Por unë nuk punoj për qeverinë, e as nuk e di nëse ka ndonjë lloj plani sekret. Por unë e di se ka nevojë për “biseda të qeta”, ku njerëzit përpiqen të vijnë në tryezë dhe të japin idetë”, është shprehur Munter.

Sipas tij, diskutimi i heshtur do të mundësonte një eksplorim më të gjerë të ideve, të cilat më pas mund të konkretizohen në marrëveshje.

“Nëse i diskutojmë në heshtje idetë, mund të jetë më mirë për dy palët, por jo edhe për fqinjët. Diplomacia e heshtur lejon njerëzit që të ndërtojnë një besim, të eksplorojnë rreth ideve dhe pastaj të kthejnë ato në një marrëveshje të vërtetë. Kjo është ajo që shpresoj”, ka sqaruar tutje Munter.

Në këtë intervistë Munter është pyetur edhe rreth asaj nëse ish-presidenti amerikan, Bill Clinton, është i përfshirë në negociata, pas vendimit të Serbisë për t’i dhuruar 2 milionë dollarë fondacionit të tij.

“Ka shumë njerëz, siç është edhe ish-presidenti Clinton, që do të ishte një gjë ideale të përfshihej në bisedimet me Kosovën, por nuk di asgjë për diçka të tillë”, ka thënë Munter. /GazetaExpress/

Ish-ambasadori i Shteteve të Bashkuara të Amerikës në Beograd, Cameron Munter, thotë se presidenti i Serbisë, Aleksander Vuçiq, është i gatshëm për të zhvilluar bisedime me Kosovën por jo edhe për të nënshkruar një marrëveshje.

Këtë konstatim Munter e ka nxjerrë pas takimit që ka pasur me kreun e shtetit serb gjatë vizitës disaditore në Beograd, ku ka takuar edhe zyrtarë të tjerë shtetërorë, përfshirë këtu edhe shefin e diplomacisë serbe, Ivica Daçiq, shkruan Gazeta Express.

Në një intervistë për ‘Danas’, Munter ka thënë se presidenti i Shteteve të Bashkuara të Amerikës, Donald Trump, është i interesuar që të ndihmojë dy palët që të ecin drejt një marrëveshjeje, pa përjashtuar ndihmën që mund të japin Gjermania e kancelares Merkel dhe Franca e presidentit Makron.

Teksa ka ndarë detaje për takimin me Vuçiqin, Munter ka thënë se kanë biseduar për perspektivën e dialogut dhe rreth asaj se çfarë negociatash mund të priten në muajin dhjetor.

“Meqenëse bisedimet kanë ngecur, ne nuk folëm për atë që ka ndodhur në të kaluarën, por folëm më shumë për planet dhe për perspektivën e dialogut Kosovë-Serbi dhe çfarë lloj dialogu do të mund të kemi në dhjetor, mbase mund të zgjidhim disa prej çështjeve. Sigurisht që nuk e dimë se kush do ta përfaqësojë Kosovën, por e dimë që presidenti Vuçiq është i interesuar. Ne gjithashtu duam të sigurohemi që amerikanët dhe evropianët të jenë të përfshirë. Ne jemi të shqetësuar për disa gjera të cilat s’kishin ekzistuar para dhjetë vjetësh kur unë isha ambasador. Kinezët janë këtu, turqit gjithashtu janë të interesuar, rusët po ashtu kanë një grup idesh të ndryshme. Ne duhet të kuptojmë pozicionin e secilit, sepse kjo është në planin tonë afatgjate”, ka thënë Munter në cilësinë e kreut të Institutit East-West.

I pyetur nëse Vuçiq ia ka prezantuar ndonjë plan për Kosovën gjatë takimit, Munter ka mohuar një gjë të tillë, pasi siç ka thënë ai nuk ka qenë një debat i tillë.

“Jo, nga mënyra se si kemi diskutuar nuk ka pasur diçka të tipit “ky është plani im”, por cila metodë mund të jetë më e përshtatshme. Kemi folur për planet afatgjate, dhe cilat janë problemet e zakonshme”, ka thënë Munter për “Danas”, transmeton Gazeta Express.

Përveç tjerash Munter-it i është kërkuar edhe të japë sqarime rreth deklarimeve të bëra në televizionin N1, ku ka folur për nevojën e një “diplomacie të fshehtë”, dhe është pyetur nëse ka negociata sekrete për zgjidhjen e problemit ndërmjet Kosovës dhe Serbisë.

“Kur shohim se ka një diplomaci të hapur, atëherë situata është e qetë. Por kur shohim se ka diçka sekrete, atëherë njerëzit ngacmohen sepse mendojnë që ka ndonjë lloj plani. Por unë nuk punoj për qeverinë, e as nuk e di nëse ka ndonjë lloj plani sekret. Por unë e di se ka nevojë për “biseda të qeta’, ku njerëzit përpiqen që të vijnë në tryezë dhe të japin idetë”, është shprehur Munter.

Ai ka thënë se në debatin publik që është bërë, liderët e dy shteteve, Kosovës dhe Serbisë, kanë folur rreth asaj se nëse japin diçka atëherë çfarë do të marrin në këmbim, dhe se deklaratat kanë qenë rreth asaj se kush do të dal fituese dhe kush do të humbas.

“Nëse i diskutojmë në heshtje idetë, mund të jetë më mirë për dy palët, por jo edhe për fqinjët. Diplomacia e heshtur lejon njerëzit që të ndërtojnë një besim, të eksplorojnë rreth ideve, dhe pastaj të kthejnë ato në një marrëveshje të vërtetë. Kjo është ajo që shpresoj”, ka sqaruar tutje Munter.

Munter në këtë intervistë është pyetur edhe rreth vizitës së dy senatorëve amerikanë, Chris Murphy dhe Ron Johnson, dhe deklaratave të tyre rreth asaj se Vuçiq është i gatshëm të nënshkruajë një marrëveshje.

“Interesante, nuk nuk kam marrë pjesë në ato takime, kështu që nuk kam informacione se çfarë ka thënë Vuçiq, por ajo që unë di është që Vuçiq është i gatshëm të flasë, por jo edhe të nënshkruajë marrëveshjen. Unë mendoj se Vuçiq është i gatshëm të flasë, sepse ai e di që e ardhmja e Serbisë është e ndërlidhur në thelb me të ardhmen e Kosovës. Nuk shkojnë pa njëra tjetrën”, ka thënë ish-diplomati amerikan, transmeton Gazeta Express.

Në këtë intervistë Munter është pyetur edhe rreth asaj nëse ish-presidenti amerikan, Bill Clinton, është i përfshirë në negociata, pas vendimit të Serbisë për t’i dhuruar 2 milionë dollarë fondacionit të tij.

“Ka shumë njerëz, siç është edhe ish-presidenti Clinton, që do të ishte një gjë ideale të përfshihej në bisedimet me Kosovën, por nuk di asgjë për diçka të tillë”, ka thënë Munter.

Në fund derisa ka folur për vendimin e Sekretarit Amerikan të Shtetit, për emërimin e Matthew Palmer në pozitën e Përfaqësuesit Special për Ballkanin, Munter ka thënë se Palmer është një person i cili e njeh rajonin dhe që do të ndihmojë procesin. /GazetaExpress/

Ky është komandanti i Luftës heroike të Kosharës LEGJENDARE , Rrustem Berisha. Shpërbërja e dhunshme e ish –Jugosllavisë, Berishën e zuri në luftën e pavarësisë së Kroacisë, ku kishte luftuar në anën e kroatëve. Biografia e Rrustem Berishës njerit ndër bijët më të shquar të kombit është e gjatë dhe e bujshme , plotë sakrifica në mbrojtje të kombit dhe atdheu. Lufta për çlirim nga okupatori serb , komandant Berishën e zuri në frontet e luftës madhshtore të Kosharës .

Ne ketë vend të shejtë për shqiptarët ,ku u shkrua liria dhe pavarësia më germa të arta, Rrustemi, bashkë më komandantët Sali Çekaj , Agim Ramadani etj, duke thyer kufirin e hekurt deri atëherë shqiptaro-shqiptare , bashkë më bashkëlufetarët e shumtë, për herë të parë në histori, përmbysën ëndrrat për Jeruasalemin , si logjikë mesjetare serbe.Thyen keq armikun serb duke i shkaktuar dëme të mëdha në njerëz dhe mjete luftarake, duke e detyruar soldateskën serbe , të ikë më bisht ndër shalë…Rrefimi për luftën e Kosharës dhe madhështinë e saj është e gjatë sa është i gjatë vargu i atyre që luftuan për liri dhe pavarësi në kufij dhe gjithandej Kosovës…Berisha pas luftës kishte shumë funksione shoqërore politike .Ai është anëtar i AAK-së së liderit të saj, Ramush Haradinaj, një përsonalitet tjetër që qysh në ri ishte brumosur së bashku më famljen për atdhetarizëm dhe trimeri, të treguar si lufetarë i madh në shumë fronte të luftës në Dukagjin dhe në çdo cep të Kosovës.

Rrustem Berisha si Ministër i Forcave të Sigurisë, punoi drejtë një bashkëpunimi mes Forcave të Armatosura të Republikës së Shqipërisë (FARSH) dhe the Forcave të Sigurisë së Kosovës (FSK), e cila gjatë mandatit të tij , u shendrrua pas një kohe të gjatë në USHTRI .Këto janë sigurisht pak rreshta, se ka njeriu shumë për të thënë dhe për të shkruar për përsonalitetin e Rrustëm Berishës.Në zgjedhjet e radhës nacionale , Rrustemi është kandidat për deputet nga radhët e AAK-së, dhe asnjë njeri i cili e don atdheun dhe kombin , secili njeri që e vlërson punën dhe vyrtitin e lartë njerëzor, të Rrustemit , duhet ta voton Rrustem Berishën me numer .Vota për z. Berisha është votë për popullin dhe të mirën e tij…

Para 21 vjetesh u vra në pritë ne pabesi nga te pabesit Koloneli Ahmet Krasniqi Minister i FARK dhe I Presidentit Ibrahim Rugova.

U vra nga ata qe nuk deshten qe ai te jetoje. U vra sespe ia drejtoi pushken shkaut armikur e jo vlazërve te vetë të një gjaku. U vra nga at ate cilet nuk donin qe te luftonin fyt për fyt me Serbin, sepse ata ishin te shitur dhe të stërshitur të Serbisë, ishin lajkataret e tyre, bashkëpunëtorët e tyre. U vra nga ata qe edhe sot e pas 21 vjetesh janë në pushtet dhe ne Parlamentin e Kosovës.

Prishtinë

Ambasadori i ri i Britanisë së Madhe në Prishtinë, Nicholas Abbott, teksa ka folur për vazhdimin e dialogut ndërmjet Kosovës dhe Serbisë, ka ripërsëritur qëndrimin britanik kundër lëvizjes së kufijve ndërmjet Kosovës dhe Serbisë, si mjet për arritjen e një marrëveshjeje finale mes dy palëve.

Këto deklarata Abott i ka bërë në një intervistë për portalin Kosevv, duke thënë se i përket Kosovës dhe Serbisë që të determinojnë të ardhmen e tyre dhe jo komunitetit ndërkombëtar.

“Ne duhet të jemi të kujdesshëm. Nuk i përket komunitetit ndërkombëtar që të përcaktojë të ardhmen e Kosovës dhe Serbisë, por vetë atyre”, ka thënë Abott.

Megjithatë, ai thotë se Britania e Madhe nuk do të mundë të pranojë çdo gjë për të cilën mund të merren vesh Prishtina dhe Beogradi.

“Unë nuk mendoj se ai është pozicioni ynë. Ne aktualisht kemi një qëndrim parimor sa i përket idesë së korrigjimit të kufijve. Si shumica tjetër, ne nuk mendojmë se është mënyrë e duhur për të lëvizur përpara, por qartësisht duhet parë që negociatat do të zhvillohen brenda disa parametrave”, ka shtuar tutje Abott, transmeton Gazeta Express.

I pyetur nëse kjo nënkupton që Britania e Madhe ka vija të kuqe sa i përket vazhdimit të dialogut, Abott ka thënë se shprehja ‘vijë e kuqe’ është e vrazhdë, ndërkohë ka shtuar se preferon që një shprehje të tillë të zëvendësojë me fjalën parametra. /GazetaExpress/

Sot, në moshën 32 vjeçare, u nda nga jeta gazetarja e transmetuesit publik, Radio Televizionit të Kosovës (RTK), Ardita Sylejmani –Bllaca. Lajmin e kanë bërë të ditur vetë transmetuesi publik, sindikata e këtij transmetuesi dhe Asociacioni i Gazetarëve të Kosovës.

Drejtori i përgjithshëm i RTK-së, Ngadhnjim Kastrati e ka lëshuar një telegram ngushëllimi, përmes të cilit ka thënë se lajmi për ndarjen nga jeta të gazetares Ardita Sylejmani –Bllaca është mjaft pikëllues dhe “humbje e madhe për RTK-në”.

Asociacioni i Gazetarëve të Kosovës ka shkruar në rrjetin social Facebook se “me trishtim të thellë ka pranuar lajmin për ndarjen e parakohshme nga jeta të gazetares Ardita Sylejmani-Bllaca”.

Sipas këtij Asociacioni, vdekja e gazetares Sylejmani-Bllaca, e cila la pas vetes 3 fëmijë, ka ardhur si pasojë e komplikimeve gjatë lindjes.

Sot ndjeva keqardhje për aktin e shemtuar , që një dorëzi ka vjedhur bustin e deputetit dhe një Komandantit të shquar të Rugovës dhe Kosovës z. “SMAJL HAJDARAJ”.

E turpshme tej mase dhe shumë e rendë për institucionet shtetrore, të ndodhë një gjë kesi soji! Në oborrin e Shkollës vjedhet busti i një njeriu i cili pêr tri brezni jete i kushtoj jetë atdheut! Unë kam vetem tri pyetje për institucionet e dy niveleve duke mos pêrjashtuar pêrgjegjsitë e deputetit dhe rugovistit flakadan?: 1-Smajl Hajdaraj ishte Komandant Shtabit Rajonal “Rugova” në Rugovë, dhe nê shtepinë ku u emrue Shtabi i UÇK’sê pêr Rugovë nuk u muer asnjë iniciativë dhe as veprim i struktures dhe subjektit që i takonte Smajli. 2- Shkolla fillore në Haxhaj gjatë pêriudhes se luftës duke filluar nga Nentori i vitit1998 /99 ishte shendrruar në Shtab ku kryheshin ushtrime të rregullta dhe në të njejten kohë mbahej mesimi i rregullt,plus ishte e vendosur një ushtri e rregullt prej qindra ushtarve rugovas , të cilet ishin ne sherbimin e popullit.

Ndersa sot eshtë shendrruar në nje germadhë kohe dhe fermë lopesh , dhe askujt nuk ia vret ndergjegjen qoft intelektual qoft politikolog i rugovizmit. Dhe nga kjo neglizhencë udhëheqëse me detyron të them dhe shkruaj , se në çdo vend Kosove ku eshtë pirë një kafe dhe eshtë folë për luften janë vendos pllaka dhe i janë berë vizita më përjashtim të kesaj shkolle që të vie turp t’ia leshosh vetem syrin! 3-Kjo Shkollë në murin e saj ka vetem një pllakë të deputetit dhe Komandantit , e cila tani e tutje séshtë e sigurt nga dorziu e asgjê tjeter!

Duke e ditur se në vitet më të egra për herë të parë fillon iniciativa për Kosoven Republikë nga veprimtaret rugovas, po nga kjo Shkollë, pa u friguar fare nga dora Millosheviqjane me obligon ndergjegjeja ime që sot të shprehi revoltë dhe mosknaqësinë time ndaj papagajve të pa vlerë të cilet ketë Krahinë e duen vetem për hirë të votës! Ne e dim se gjatë vitit 1998/99 , po në ketë objekt janë vendosur qindra ushtar dhe refugjatë të Dukagjinit duke u lidhur plagë dhe duke i ndihmuar me mish dhe shpirt siç thot populli, dhe asnjë fjalë nuk shkruhet e nuk thuhet nga ta! Duhet ditur fare mirë e gjthë elita kosovare se po nga kjo Qerdhe kanë dalur poet e aktor, revulcionar dhe patriot të cilet në të kater anët e botës ka jehuar zeri i tyre nga Londra ne Berlin dhe nga Haga në Shtepinë e Bardhë,pa i anashkaluar ata burra qê rininë e tyre e kaluen kazamateve serbosllave vetem pse kerkuan barazi nacionale në Jugosllavinë e Titos! Pra, ky eshtë fryti i kesaj shkolle qe doli dhe sakrifikoj pêr lirinë dhe pavarësinë e Kosovës! Nga terë kjo që them kjo Krahinë Rugove kurorzohet me një ushtri të rregullt dhe në ballë të saj emrohet Komandant SMAJL HAJDARAJ i cili thirret në institucine të shtetit duke respektuar Presidentin si Komandant Suprem dhe Ministrinë e Mbrojtjes, të cilit sot i vjedhet busti në oborrin e Shkollës! Turpi raftë mbi atë dorë dhe atë farë të ndyer!

Regjimet dhe politikat e mbrapshta në Ballkan, kan bërë që gjithnjë e më shumë të zvoglohet nataliteti, se problem po bëhet jeta. Nese dikur shqiptarët kishin natalitetin më të lartë në Evropë, tash po bie drastikisht. Po zvoglohet nataliteti edhe nga politikat dështuese , nga njerëzit që kan ardhë në krye të shtetit pa pregaditje të duhur profesionale . Kan ardhë në krye të shteteve ballkanike më shumë forcat retrograde .

E përbashkëta dhe karakteristika e këtyre regjimeve është stimulimi I panikut moral, që është duke shkatërruar çdo vlerë shoqërore.Kur bëhët fjalë për Kosovën që neve na intereson , duket së ne po “ vdesim “ ngadalë , nese urgjentisht nuk bëhet diqka që kjo të ndalohet.Mbrapa nesh po mbetet toka e zbrazët. Kosova e cila në fakt është vend atraktiv për të jetuar , po zbrazët së njerëzit po ikin nga papërspektiva e krijuar më vite të tëra. Duket së kjo ikje sipas të gjitha gjasave do të vazhdon më ritem edhe më të madh .

Kjo për faktin së nuk po ndalën rrenat e këtyre strukturave të njejta politike edhe në këtë fushatë zgjedhore. Asgjë nuk po ndëgjojme për shpalosjën e programeve konkrete zhvillimore, veq po ndëgjojme retorika boshe sikur I kemi ndëgjuar deri më tash. Kjo është e turpshme dhe dëshpruese .

Duket së këto mashtrime po gjejnë mbështetje ende të ky popull më vetëdije të ulët për shtetndërtim dhe mirëqenje! Ata që na sollen gjendjen e mjerueshme ekonomike dhe e futën vendin edhe në gjendje të keqe politike , nuk ka mundësi të ndryshojnë kurrë për të mirë. Si nuk kan turp që sërish të na servojnë debate pa asnjë vlerë, debate shterpe , sa për të fituar vota dhe pushtet. A nuk kan pak ndjenja dhe moral karshi shumicës e cila po jeton keq ?

A nuk e kan ndijesinë së qytetet dhe katundet e tëra po zbrazën ? Po largohen kategoria e re dhe më productive e banorëve të Kosovës. Njerëzit nuk po largohen vëtem për një standard më të lartë , por në pyetje është edhe dhe statusi tjeter shoqëror,që nuk mvaret nga partitë politike, dhe as nuk mvaret as nga ideologjia . Të gjitha pushtetet kan bërë që trendet negative të marrin përmasa shqetësuese .

Nga këto regjime po na vjen edhe katastrofa demografike, si problem , e jo zgjidhje e këtij problemi . Sa të do të zgjasë ky problem , ne do të mbetemi edhë më pak në Kosovë. Sipas rrjedhave të ngjarjeve dhe sipas retorikave të sterperseritura që po ndëgjojme , nuk do të ketë ndryshme pozitive dhe as zgjedhje të problemeve të grumbulluara aq të pritura .Dhe , shtrohet pyetja logjike: a ka kush i del Zot kësaj toke dhe popullit të saj…?!

Edhe disa ish-luftëtarë të Ushtrisë Çlirimtare të Kosovës pritet që së shpejti të jenë “mysafirë” të prokurorëve të Tribunalit Special në Hagë. Janë dhjetëra ftesa që u janë dërguar së fundmi ish-pjesëtarëve të UÇK ‘së nga Haga. Kështu ka deklaruar për Express, të mërkurën kreu i OVL’UÇK’së, Hysni Gucati.

GAZETA EXPRESS

Ish-eprori i lartë i Ushtrisë Çlirimtare të Kosovës Naim Maloku e ish-deputetja e Kuvendit të Kosovës nga radhët e AAK-së, Time Kadrijaj, janë dy personat që së fundmi kanë dhënë deklaratat e tyre në zyrat e prokurorit të specializuar si të ftuar si dëshmitarë në Gjykatën Speciale.

Por këta dy nuk do të jenë të vetmit të cilët do të ulën në bankë përpallë prokurorëve të speciales.

Rendin tash e ka ish-ushtruari i UÇK’së nga rajoni i Dragashit, Lulzim Kabashi. Ai më datë 24 të këtij muaji pritet që të intervistohet nga prokurorët specialë rreth veprimtarisë që e ka kryer gjatë luftës së fundit në Kosovë.

Lajmin për ftesën e ka konfirmuar për Express të mërkurën kreu i OVL’UCK’së, Hysni Gucati.

“Është një ftesë e re që ka mbërri në Dragash të një bashkëluftëtar i joni. Të premten i ka mbërri ftesa. Kanë ardhë edhe ftesa të tjera. Emrat ende nuk i dimë por ka edhe të reja. Janë disa që kanë ardhë. Lulzim Kabashi me datë 24 do të shkojë të lajmërohet”, ka deklaruar Gucati.

Ai tutje është shprehur se intervistimin e ka kryer ish-kreu i komunës së Klinës, Sokol Bashota.

“Sokol Bashota sot kthehet pas intervistimit”, thotë ai.

E ndërkohë intervistimi i fundit i ish-ushtarëve të UÇK’së sipas Gucatit do të bëhet më 2 tetor ku do të merret në pyetje një ish-luftëtarë nga rajoni i Suharekës.

“Më dy tetor do të intervistohet personi i fundit i cili është thirrur nga specialja. Ai është një veteran i UÇK’ së nga komuna e Suharekës”, thotë ai.,

Është tërhequr shorti për numrat e partive politike në këto zgjedhje të jashtëzakonshme që mbahen me 6 tetor, raporton Express.

Në shortin që është tërhequr në KQZ janë përcaktuar edhe numrat që secila parti dhe koalicionet do t’i bartin në këto zgjedhje të jashtëzakonshme.

Lista e plotë dhe numrat e partive në këto zgjedhje:

Partia e Ashkalinjëve për Integrim kanë numrin 113

Partia Demokratike e Kosovës kanë numrin 112

PZG kanë numrin 117

Partia Liberale Egjiptiane 111

KNRP kanë numrin 130

Koalicioni AAK-PSD kanë numrin 119

Kandidat i pavarur Esmir Kasi kanë numrin 132

Partia Euroatlantike e Kosovës kanë numrin 129

GIG kanë numrin 133

JGP kanë numrin 123

Partia FJALA 125

Koalicija VAKAT 124

PKS kanë numrin 115

Lista Serbe kanë numrin 135

Iniciativa e Re Demokratike e Kosovës kanë numrin 131

Lëvizja Vetëvendosje kanë numrin 126

NISMA-AKR-PD kanë numrin 122

SDA kanë numrin 114

KDTP kanë numrin 127

Partia Rome e Bashkuar e Kosovës kanë numrin 128

Lidhja Demokratike e Kosovës kanë numrin 134

SLS kanë numrin 121

SLOBODA kanë numrin 120

NDS kanë numrin 118

Partia Demokratike e Ashkalinjëve të Kosovës 116.

Nominimi për kryeministre nga radhët e LDK-së, e ka shtyrë Universitetin e Pitsburgut që t’i bëjë publicitet ish-studentes së tyre, Vjosa Osmanit. Në një komunikatë të publikuar në faqen zyrtare të këtij universiteti, i është bërë një profil Osmanit, për aktivitetin e saj dhe punët që ka bërë sa ka qenë pjesë e këtij universiteti.

“Universiteti i Pitsburgut në Pensilvani të Shteteve të Bashkuara të Amerikës, ku i ka kryer studimet e magjistraturës dhe doktoratën, Vjosa Osmani, e ka mirëpritur dhe përkrahur kandidaturën e saj për kryeministre të Kosovës nga radhët e Lidhjes Demokratike të Kosovës (LDK)” thuhet në njoftimin e Universitetit.

Ky Universitet ka treguar se Vjosa Osmani ka përfunduar studimet në nivelin master dhe doktoratë në këtë institucion, madje duke u angazhuar edhe si ligjëruese e jashtme.

“Përmes një deklarate për medie ky universitet ka thënë se “Dr.Vjosa Osmani ka përfunduar studimet e magjistraturës LL.M. dhe ato të doktoratës S.J.D. me nderime të larta dhe më pas është angazhuar si ligjëruese e jashtme” në këtë universitet” thuhet në njoftim.

Osmani vlerësohet si gjithashtu edhe për rolin e saj për trajnimin e ekipit të Universitetit të Prishtinës në garën gjyqësore në të drejtën ndërkombëtare dhe për arritjet e saja në sfera të ndryshme.

““Për më shumë se 15 vjet, znj. Osmani ka trajnuar ekipin e Universitetit të Prishtinës në garën gjyqësore në të drejtën ndërkombëtare tregtare dhe arbitrazhin – VIS. Në vitin 2018, asaj iu dha çmimi Sheth International Award për arritjet e saj në Kosovë dhe në mbarë botën dhe gjithashtu u vlerësua si Kampione e Përfshirjes Sociale nga Programi i Kombeve të Bashkuara për Zhvillim UNDP”, thuhet në deklaratën e Universitetit të Pitsburg-ut” thuhet në njoftim.

Universiteti i Pitsburgut e vlerëson se ishte pikërisht angazhimi i saj që bëri që të jetë fituese e çmimeve ndërkombëtare dhe Osmani tashmë është e përkushtuar për paqe dhe zhvillime pozitive në vend.

“Ishte angazhimi për qytetarët që bëri që ajo të fitoj Cmimin Sheth International Award. Ajo është qartazi e përkushtuar për një të ardhme pozitive, paqësore dhe të zhvilluar për Kosovën” thuhet në fund të deklaratës së lëshuar nga ky Universitet” përfundon njoftimi, transmeton GazetaExpress

Kandidati i Lëvizjes Vetëvendosje për kryeministër, Albin Kurti, ka vizituar Besianën, me ç’rast është takuar edhe me qytetarë të kësaj komune.

Sipas Kurtit, vendimi i parë që do të bëjë në qeveri, është zvogëlimi i numrin të ministrive, derisa ka shtuar se nuk ka nevojë për tre zëvendës dhe 35 këshilltarë në qeverinë e tij.

Vetëvendosja u zotua se do të luftojë pabarazinë, papunësinë, si dhe padrejtësinë.

“Përmes shtetit social, zhvillimor dhe të së drejtës Lëvizja do ta luftojë edhe pabarazinë, edhe papunësinë edhe padrejtësinë. Tashmë, ka ardhur dita që qytetarët e shumtë që po na bashkohen e dinë se Kosova nuk mund të vazhdojë më kështu, e duan ndryshimin e kësaj gjendje dhe do ta votojnë masivisht Lëvizjen.”

Zëvendëskomandanti i Shtabit të Përgjithshëm të UÇK-së, Sokol Bashota, dhe ish-eprori i UÇK-së, Naim Maloku, do të intervistohen nga prokurorët e Gjykatës Speciale. Bashota intervistohet sot në Holandë, derisa Maloku ka bërë të ditur se do të intervistohet në Lubjanë për shkak të gjendjes së tij shëndetësore, shkruan Gazeta Express

Bashota ka bërë të ditur se është nisur dje për në Holandë, derisa shtoi se do të intervistohet sot, ashtu siç e kanë paralajmëruar për tri orë rresht.

Para nisjes për Hagë ai tha se është i lumtur që i është dhënë mundësia – nga historia dhe nga bashkëveprimtarët e parë – që të japë kontribut në shërbim të atdheut gjatë luftës së shenjtë të UÇK-së dhe pas saj për ndërtimin e institucioneve shtetërore të vendit tonë.

Po ashtu, tha se “edhe pse është bërë përpjekje që sa vjet të njolloset, lufta e UÇK-së nuk ka nevojë të mbrohet nga askush, sepse është e pastër, se atë e mbron lavdia e saj dhe gjaku i dëshmorëve të rënë për ta fituar lirinë. Ndërkaq, atdheut dhe popullit do t’i shërbej sa herë që kanë nevojë për mua. E ata që dyshojnë, për luftën e drejtë tonën, njerëzore dhe të pastër të UÇK-së, do të shkoj të dëshmoj kudo që më thërrasin”.

Atë do ta mbrojë në Hagë, avokati Taulant Hoda.

Nesër nga prokurorët e Hagës do të intervistohet edhe Naim Maloku.

Maloku përmes një shkrimi në Facebook ka bërë të ditur se për shkak të gjendjes shëndetësore nuk mundet të udhëtojë për në Hagë derisa, intervistimi do të kryhet në ambientet e Gjykatës së Qarkut në Lubjanë.

“Me Gjykatën në fjalë do të përballem i vetëm dhe pa avokat. Tërë jetën, me mundësitë, dijen dhe aftësitë e mia profesionale dhe pa kurrfarë interesi personal, jam munduar të jem në shërbim dhe në të mirë të atdheut. I tillë jam dhe do të mbetem”, ka bërë të ditur ai.

Në Hagë këto ditë do të intervistohen edhe Time Kadrijaj dhe Safete Hadërgjonaj.

Kryetari i AAK-së, Ramush Haradinaj ka reaguar për vjedhjen e bustit të dëshmorit të UÇK-së, Smajl Hajdaraj në Pejë.

Ai përmes një postimi në Facebook ka thënë se ky akt është i shëmtuar dhe kërkoj nga organet e rendit që ta zbardhin këtë rast.

Shkrimi i plotë:

Vjedhja e bustit të luftëtarit të shquar të UÇK-së dhe veprimtarit të LDK-së, Smajl Hajdaraj në oborrin e shkollës qe mbanë emrin e tij, në Pejë, është akt i shëmtuar. Kërkoj nga organet e rendit dhe autoritetet përkatëse, që sa më parë ta zbardhin këtë vepër kriminale dhe t’i sjellin para drejtësisë kryesit e saj. Para familjes dhe miqve të Smajlit, zotohemi se Qeveria e vendit, do të angazhohet, që emri dhe vepra e Tij të çmohet dhe respektohet!

Ramush Haradinaj u është përgjigjur zyrtarëve të PDK-së, të cilët po e quajnë “dezertor” pas dorëheqjes nga Qeveria e Kosovës, ku për dy vite mbajti pozitën e kryeministrit.

Haradinaj ka thënë se njerëzit e PDK-së e quanin kështu edhe nga hoteli “Rogner” në Tiranë gjatë kohës së luftës. Ai ka thënë se përderisa ai luftonte kundër serbëve, zyrtarët e PDK-së e akuzonin nga Tirana.

“Këta kolegët e PDK-së, këta më quanin dezerter edhe prej Rognerit. Prej atëherë më quanin dezerter, a unë t’u luftu”, ka thënë Haradinaj. “Unë s’po them që është dezertor, se lufta është e vështirë. Dikush qëndron e dikush s’mun qëndron. Unë s’e kam pas armikun asnjëherë më larg se 300 metra. Këta më akuzojshin: s’po ngon e s’po merr vesh… e kështu”, ka thënë Haradinaj në emisionin n’Konak.

Haradinaj, tutje ka treguar se pse ka hyrë në politikë, pas lufte ku shërbeu si gjeneral.

“Kam pasë bindje politike edhe përpara. Bindja për liri dhe për të drejtë të vendit tonë. Mospajtimet mes brezave tonë, janë gjatë gjithë kohës. Edhe gjatë kohës së Titos. Kur i kam pa proceset e reja pas lufte. Polarizimet e atëhershme. Mendova që është me rëndësi që me u kyçë edhe në atë pjesë të re”, ka thënë Haradinaj.

Të gjitha pushtetet e pasluftës, e në veçanti këto të pas pavarësisë, më shumë kanë punuar për realizmin e interesave personale të grupeve të interesit të politikës sesa për realizmin e interesave të qytetarëve, të cilat e udhëhoqën shtetin me krim të organizuar dhe korrupsion të palejueshëm për standardet e shteteve demokratike.
Shpërndarja e legjislaturë së gjashtë të Kuvendit të Kosovës dhe vendimi për të shkuar në zgjedhje të reja të jashtëzakonshme, vetëm sa ka shtuar pakënaqësitë qytetare ndaj klasës së tejkonsumuar politike, ngase këto zgjedhje do të jenë vetëm një farsë dhe maskaradë zgjedhore e radhës për sigurimin e shumicës në kuvend për miratimin e marrëveshjes Kosovë-Serbi dhe asgjë më shumë.
Shkuarja edhe kësaj radhe në zgjedhje pa reformë zgjedhore do t’u shkojë për shtati partive që kanë qeverisur deri më tani, të cilat në parlamentin e Kosovës do t’i delegojnë të njëjtat fytyra të stërvjetëruara, të korruptuara dhe inkriminuara politike.
Sikurse në zgjedhjet paraprake, edhe këto zgjedhje do të manipulohen, vjedhen dhe kontrabandohen nga nëntokat e partive politike

Emrat e rinjë në listat zgjedhore, kozmetikë mashtruese

Edhe pse janë futur njerëz të rinjë në pjesën e fundit të listave zgjedhore, në parlament do t’i kemi të njëjtit njerëz me mendësi të vjetër dhe udhëheqje të njëjtë.
Sikurse koalicionet para zgjedhore, ashtu edhe ato pas zgjedhore do të jenë vetëm marrëveshje interesi për përfitime personale pa asnjë strategji zhvillimore për vendin.
Futja e emrave të rinj në listat zgjedhore nga ana e partive politike është vetëm një kozmetikë mashtruese për opinionin publik kinse kanë bërë ndryshime dhe reforma brenda partiake, ku përveç kuotës gjinore nuk ka shans që emrat e rinj të dalin fitues karrshi betejës brenda llojit me “veteranët” e pasuruar për dy, tre e katër mandate.
“Veteranët” me nga tre-katër mandate janë përseri uzurpatorët e pjesës më të madhe të listave kandiduese në secilën parti politike.
Klanet mafioze të partive të njëjta politike do të jenë përseri “boshti kurrizorë” i kuvendit.
“Juniorët” do të jenë vetëm numra që do të përdorën për interesa klanore për votimin e agjendave partiake, që i bie se deputetët e rinjë do të dirigjohen nga “veteranët” dhe liderët partiak.
Shprehur në mënyrë figurative, deputetët e rinjë do të jenë “rrota” të reja të “karrocës” së kuvendit e cila do të drejtohet nga “timonierët” e vjetër.
“Ujqit e vjetër” do të vazhdojë me tenderomaninë, korrupsionin, skemat e njëjta kriminale që kanë kapur çdo institucion, kanë krijuar monopole antiligjore në çdo kompani publike dhe private.
Nga parafushata shihet qartë se partitë politike edhe në këto zgjedhje do ta ndërlidhin mitin e UÇK-së dhe rugovizimit, me klientelizmin, nepotizmin dhe veteranomaninë për grumbullim të votave.
Siq ka ndodhur në fushatat tjera, edhe në këtë parafushatë partitë politike dhe kandidatët për kryeministra po proklamojnë të njëjta premtime. Dikush e ka në gojë ç’kapjen e shtetit, dikush taksën, e dikush tjetër luftën kundër korrupsionit e krimit të organizuar.
Luftimi i korrupsionit dhe krimit të organizuar, kapja dhe ç’kapja e shtetit do të bëhen sllogan neveritës i këtyre zgjedhjeve.
Zgjedhjet e 6 tetorit nuk do të mund të prodhojnë një stabilitet afatëgjatë politik e aq më pak stabilitet të qëndrueshëm ekonomik, për shkak se tashmë dihet qëllimi i tyre “madhorë”.
Prandaj rikthimi i subjekteve politike tek votuesi për të rimarrë një mandat të ri, është sigurimi i 2/3 së votave në kuvend për miratimin e marrëveshjes Kosovë-Serbi e jo ndëshkimi për keq-qeverisjen 11 vjeçare siq duhej të ndodhte realisht.
Marrja me tema të „mëdha“, edhe kësaj radhe do ta lë anash zhvillimin ekeonomik dhe mirëqenjën qytetare.
Ata ose ato që tani po vëjnë vija të kuqe, pas zgjedhjeve do t’i largojnë nga vokabulari i tyre, si gjithnjë për të “mirën” e qyterarëve dhe vendimeve të “mëdha” për vendin.
Politikanët e papërgjegjshëm thirren pikërisht në tema të mëdha vetëm sa për ta hipnotizuar votuesin me gënjeshtra dhe mashtrime, për shkak se vendimet e mëdha për Kosovën nuk i marrin palët dialoguese, por i marrin fuqitë e mëdha, siq i kanë marrë në Rambuje dhe në Vjenë.
Pra, do të jenë fuqitë e mëdha në Bruksel e Washington, në Paris e Bruksel që do të vendosin për fatin e Kosovës, përkatësisht ndarjen përmes shkëmbimit të territoreve apo bosnjëzimin përmes “Zajendincës”, e cila “De facto” e shënon zgjidhjen finale (fatale) për Kosovën.
Servimi i temave të mëdha në fushatë zgjedhore nga ana e subjekteve politike, s’është gjë tjetër veqse demagogji e pastër politike e cila do të shfrytëzohet vetëm për akuza të ndërsjella për korrupsion, për krim të organizuar, për vrasje politike dhe për tradhti kombëtare.

Çfarë do të ndodhë pas zgjedhjeve!?

Të njëjtin politikanë do t’i shohim së bashku dhe në përqafim të njëri-tjetrit në koalicone pas zgjedhore, duke e luajtur rolin e shpëtimtarit, e dikush tjetër duke e luajtur rolin viktimës zgjedhore.
Do të ngelën të mashtruar ata që harrojnë se këto zgjedhje janë të kurdisura për të siguruar shumicën në kuvend që voton marrëveshjen Kosovë-Serbi e kurrgjë më shumë e as më pak.
Ashtu siq është i gatshëm skenari për përmbylljen e dialogut Kosovë-Serbi, është duke u përgatitur edhe skenari krijimit të qeverisë së re dhe përbërjes së Kuvendit të Kosovës për ta filluar dialogun me Serbinë dhe për ta votuar edhe marrëveshjen e dalë nga ky dialog, me shumicën e nevojshme në Kuvendin e Kosovës.
Edhe përbërja e re e deputetëve, do të jetë kryesisht përbërje e cila paraprakisht do të jetë e siguruar për kalimin e vendimeve të mëdha, të cilat vendime do të sjellin edhe ndarjen e Kosovës sipas orekseve serbe.

Nadie Ahmeti

Organet e hetuesisë në Kosovë thonë se ende janë duke i vazhduar hetimet për ndriçimin e vrasjes së politikanit serb nga Mitrovica, Oliver Ivanoviq. Sipas tyre, hetimet nuk po përfundojnë me sukses, për shkak të mungesës së bashkëpunimit me autoritetet përgjegjëse të Beogradit.

Prokurori i rastit në Prokurorinë Speciale të Kosovës, Sylë Hoxha, ka thënë për Radion Evropa e Lirë se në asnjë moment nuk kanë pushuar angazhimet për të sjellë para drejtësisë vrasësit e politikanit kosovar të nacionalitetit serb, Oliver Ivanoviq.

“Jemi duke i zhvilluar hetimet. Jemi duke grumbulluar prova me dëshmitarë të ndryshëm të mundshëm dhe në asnjë moment nuk ka pushuar asnjë veprim për rastin konkret, e kam fjalën për veprime procedurale që i kemi për këtë rast”, ka thënë Hoxha.

Politikani serb, Oliver Ivanoviq, ishte vrarë më 16 janar 2018, para selisë së partisë së tij në Mitrovicën Veriore. Ai ishte kryetar i Iniciativës qytetare “Liria, Demokracia dhe Drejtësia”.

Millan Radoiçiq, nënkryetar i Listës Serbe, sipas autoriteteve të Kosovës është i dyshuari kryesor për vrasjen e Ivanoviqit.

Prokuroria Speciale e Republikës së Kosovës ka kërkuar nga Gjykata Themelore në Prishtinë, që të lëshojë urdhër-arrest për Millan Radoiçiqin.

Për kompletimin e dosjes për fletë-arrestim ndërkombëtar, kishte folur më herët ministri në largim i Drejtësisë në Qeverinë e Kosovës, Abelard Tahiri. Por, me gjithë faktin se Tahiri kishte konfirmuar kompletimin e dosjes, fletë-arrestimi nuk është lëshuar ende.

Këtë e ka konfirmuar për Radion Evropa e Lirë, Izmi Zeka, zëvendësministër në largim i Punëve të Brendshme. Ai ka thënë se kjo procedurë shumë shpejt do të përmbyllet.

“Deri më tani nuk është lëshuar fletë-arrest ndërkombëtar për Radoiçiqin. Ne shpresojmë se shumë shpejt do të ketë fletë-arrest ndërkombëtar”, ka deklaruar Zeka për Radion Evropa e Lirë, duke mos dhënë më shumë detaje.

Presidenti i Serbisë, Aleksandar Vuçiq, më herët kishte deklaruar se Radoiçiq është intervistuar nga prokurorët në Beograd dhe se është vërtetuar se ai nuk ka marrë pjesë në vrasje. Ai, madje, kishte thënë se “mendon se e ka emrin e vrasësit të Oliver Ivanoviqit”, por po përpiqet të sigurojë prova materiale.

Në anën tjetër, prokurori Sylë Hoxha ka thënë se mungesa e informacioneve nga autoritetet e Beogradit, po ndikon në mungesën e përparimeve rreth ndriçimit të vrasjes së politikanit serb, Ivanoviq.

“Bashkëpunimi nuk ka qenë korrekt, ato (autoritetet serbe) nuk i kanë sjell provat e kërkuara. Ne kemi kërkuar t’i kemi në dispozicion bisedat që janë zhvilluar përmes telefonit të të ndjerit Ivanoviq dhe personave të tjerë, për të cilët ne kemi dyshuar. Ata (Beogradi) na kanë dhënë disa numra, por jo bisedat. Pasi dihet se pjesa veriore e Kosovës mbulohet nga Telekomi i Serbisë. Kjo ka qenë një ndër pengesat që ka ndikuar. Edhe disa gjëra që janë gjetur në vendngjarje, nuk janë përcjellë në mënyrë korrekte”, ka sqaruar Hoxha.

Pak ditë pas vrasjes së Ivanoviqit, Ministria e Drejtësisë në Qeverinë e Kosovës ia kishte dërguar katër kërkesa Qeverisë së Serbisë.

Edhe autoritetet në Serbi kanë kërkuar nga Prishtina shkëmbim të informatave rreth hetimeve.

Megjithatë, kërkesat në të dyja adresat në fund dolën se u kthyen më shumë në fajësime reciproke sesa në bashkëpunim.

Në nëntor të vitit të kaluar, Policia e Kosovës kishte arrestuar tre persona në veri të Mitrovicës, nën dyshimet se kanë lidhje me vrasjen e Ivanoviqit, ndërsa Radoiçiq, i cili është i kërkuar po ashtu, nuk është gjetur në banesën e tij.

Por, lidhur me këto arrestime, organet në Serbi kanë shprehur dyshime nëse bëhet fjalë për personat që me të vërtetë mund të jenë të dyshuar për këtë rast.

-Ky titull është thënje e Marin Barletit

Më dashur vendin tënd , është ndjenjë që njeriun fuqishem e mban zgjuar dhe e mbanë fuqishem edhe në jetë.Ma dashur është diçka e bukur, por që në diplomaci , nuk është sqaruar shumë kjo,në krahasim më njerëzit e shkrimit, të cilët dashurinë e sqarojnë mirë . Dihet së krijuesit edhe e kan ndijesin për të dashur.Krijimtaria dashurinë e paraqet në forma të ndryshme të mendimit karshi asaj që duhet vërtetë dashur.Njerëzit e politikës dhe të diplomacisë në hapësirat gjithshqiptare , duket së nuk kan mësuar shumë së çka është më dashur dikend , e veqmas atdheun dhe kombin . Nuk kan mësuar së për të qene në krye të politikës , nevoitet edhe ky komponent . Kjo çka është duke ndodhë më shtetin e Kosovës ,nuk është më politikë dhe as diplomaci.Shqiptarët që herët kan pasur ndërgjgegje për atdheun, kan shfaqur dashuri e krenari , kan ndjerë dhembjen, kan jetur dhe vepruar me idealin e atdheut. E kan mbrojtur atdheun duke sakrifikuar edhe jetën. Këtë e vërtetuan edhe në luftën e fundit çlirimtare .Sakrifica, bujaria dhe besnikeria , nuk na kan munguar kurrë , e sot shumë po na mungojnë.
Vetëdija dhe ndjenja shkojnë bashkë.Vetëdijesimi për origjinën , për vlerat sublime karshi etnisë , janë kushte esenciale për ta dashur atdheun , që nënkupton edhe flijimin për të. Sigurisht së për ta dashur atdheun ndikon edukimi famijarë , ndikon edhe rrethi ku jetojmë dhe veprojmë .Ta duam njeri-tjetrin, por mos ti urrejmë edhe të tjerët .Shëmbulli më I keq I urrejtjës , janë serbët dhe Serbia, që nuk duken aspak normal.Këta e duan vetën , duke I urrejetur të tjerët. Kjo nuk ka lidhje më njerëzorën dhe aq më pak më dashurin e mirëfillitë. Sikur serbët janë popull më kod gjenetik të prishur.Te vrasësh dhe të masakrosh njerëz të pafajshëm , vetëm pse ata e duan atdheun e tyre, e duan lirinë e vet, kjo është krim , dhe nuk ka emërtim tjetër.Gjeneratave të reja , duhet tua kultivojmë më shumë dashurinë e ndërsjellë, dashurinë ndaj Atdheut dhe Kombit. “Dashuria për atdheun ia kalon çdo dashurie tjetër”-Marin Barleti…

Nuk eshte kurrë shumë të shkruash disa rreshta për mikun dhe veprimtarinë e shquar të çeshtjës kombëtare , dhe anëtarinë e devotshëm të LDK-së, Ruzhdi Shehun. Ne plejadën e konceptit politik rugovian pa dyshim që zënë vend të rwndësishem edhe Ruzhdi Shehu. Ai qysh moti është përcaktuar që karrierën politike ta lidhë si kocka mw ashtin , më LDK –në dhe ideatorin dhe themeluesin e saj dr. Ibrahim Rugovën, ku I ka mbetur besnik edhe sot. Kur njeh bëmat e njerëzve të mirëfilltë, kur sheh ecjët dhe përkushtiminm e tyre për atdhe dhe komb, e ndjen detyrimin të shkrush qoftë edhe pak nga këta rreshta.

Sigurisht mbi të gjitha shkruan të vërteten , shkruan për tiparët njerëzore çfarë I posedon edhe kandidati për deputet nga radhët e LDK-së , të dëgës së Junikut, Ruzhdi Shehu. Ai është ndër të përët nga kjo trevë që shtë inkuadruar në LDK , dhe të gjithë flasin në superlativë për te. Përveq I papërtuar edhe I përkushtuar, si dhe bamirës , është I dashur për të gjithë. Andaj , jo vëtem për anën nga vjen, por Ruzhdi Shehu e meriton votën e të gjithëve , së ai përfaqëson edhe interesin e tyre . Ky është model I një njeriu profesionist dhe një politikani, që gjithmonë është në shërbim të qytetarëve. Një model kudo ndodhur pranë njërzëve. Sinqeriteti, burreria edhe prej politikani që e kam takuar , më gjitha këto virtyte të çmuara , janë dëshmi e një integriteti të lartë , i cili meriton votën Tuaj për zgjedhjet e 6 tetorit…

Lëvizja Vetëvendosje po kërkon mbështetje financiare nga qytetarët për zgjedhjet e 6 tetorit.

Kjo u bë e ditur në faqen zyrtare në Facebook të kësaj partie. Nga VV thonë se nuk pranojnë financime nga persona apo biznese të dyshimta.

“Të dashur miq e mbështetës të Lëvizjes VETËVENDOSJE!. Si në çdo zgjedhje, ne i drejtohemi qytetarëve për mbështetje financiare. Si subjekti më transparent në Kosovë, ne e kemi patur një mbështetje financiare në rritje, e cila është përkthyer edhe në rezultat më të mirë elektoral”, thuhet në postimin e VV-së në Facebook.

Postimi i plotë:

Ta ndihmojmë fitoren për të mirën e vendit

Të dashur miq e mbështetës të Lëvizjes VETËVENDOSJE!. Si në çdo zgjedhje, ne i drejtohemi qytetarëve për mbështetje financiare. Si subjekti më transparent në Kosovë, ne e kemi patur një mbështetje financiare në rritje, e cila është përkthyer edhe në rezultat më të mirë elektoral. Kësaj radhe fitorja jonë është e domosdoshme, për ta çliruar shtetin e Kosovës nga kapësit e korruptuar e kriminalë.

Ne nuk pranojmë financime nga persona apo biznese të dyshimta. Nuk pranojmë shuma të mëdha. Fuqia jonë bazohet në ndihmat e vogla, që na i jepni shumë prej jush.

Andaj, me rastin e zgjedhjeve të 6 tetorit, ku Lëvizja VETËVENDOSJE! do të fitojë, ne duhet të bëjmë një fushatë perfekte. Për ta arritur këtë, është e nevojshme ndihma juaj. Cilado shumë që keni mundësi, pa ju ngushtuar e pa ju vënë në vështirësi, neve na ndihmon që ta sjellim më pranë kthesën e madhe. Qeveria Kurti do të jetë momenti i kthimit të Kosovës kah e mbara, për të gjithë qytetarët e saj.

Udhëzimet mund t’i gjeni në faqen: https://donacion.vetevendosje.org

Një qytetar ka humbur jetën gjatë një fluturimi me parashutë në Prizren të shtunën rreth orës 13:00. Lajmin e ka konfirmuar për Radion Evropa e Lirë, togeri i Policisë së Kosovës për rajonin e Prizrenit, Shaban Osmanolli.

“Rreth orës 13:00, policia është njoftuar për një incident që ka ndodhur në Prizren, në zonën ku bëhen fluturimet me parashutë, ku ka qenë duke ushtruar grupi që bën fluturime. Nga informatat e para, një 45 vjeçar ka vdekur në vendin e ngjarjes, ndërsa një person është lënduar”, ka thënë Osmanolli.

Osmanolli ka shtuar se në vendin e ngjarjes janë policia e hetimeve rajonale dhe po merren me rastin. Sezoni i fluturimeve me parashutë është hapur zyrtarisht në Prizren më 5 korrik.

Qytetarët e Kosovës më 6 tetor të këtij viti do t’i kenë para vetës pesë emra që po pretendojnë ta marrin në dorë “timonin e shtetit”: Albin Kurti, Fatmir Limaj, Kadri Veseli, Ramush Haradinaj dhe Vjosa Osmani. Janë këta pesë kandidatë për kryeministra që posedojnë pasuri të mëdha dhe para të majme në xhirollogaritë e tyre bankare.

Sikurse një liderë partiak milionerë që nuk e përfillë vullnetin e elektoratit, ashtu edhe një kandidat i pasur për postin e kryeministrit nuk mund t’iu shërben interesave të shtetit dhe qytetarëve të vendit.
Sikurse kandidatët për kryeministra nga radhët e pushtetarëve që thirren në shtet ligjor dhe që zotohen për luftë të pakompromis kundër korrupsionit dhe krimit të organizuar, ashtu edhe kandidatët nga opozita po thirren në shkapjen e shtetit. Por as njërës dhe as palës tjetër nuk po iu pëlqen të flasin hapur për nepotizmin dhe punësimet familjare në institucione.
Për shkak se kapja e shtetit fillon pikërisht nga punësimet familjare, uzurpimet e pronave, granteve qveritare dhe tenderëve për vete dhe familjarët e tyre.

Pasurimi i paligjshëm i kandidatëve për kryeministra

Bazuar në pasurinë e pesë kandidatëve për kryeministra të deklaruar në Agjencinë Kundër Korrupsionit, tre kandidatët për kryeministra nga radhët e pushtetit na dalin jenë shumë të pasur, madje milionerë, mirëpo as dy kandidatët nga radhët e opozitës nuk qëndrojnë edhe aq keq nga pasuria në vlerë prej qindramijëra eurosh.
Arsyeja pse dy kandidatët për kryeministra nga kampi opozitarë janë më pak të pasur sesa ata të pushtetit, qëndron në faktin se nuk e kanë pasur mundësinë ose nuk kanë guxuar, se ndoshta do të ishin pasuruar akoma më shumë…!
Kur kësaj pasurie të deklaruar të kandidatëve për kryeministra i shtohen edhe pasuritë e padeklaruara, të fshehura në “Parajsat Fiskale” apo në emra të familjarëve dhe farefisit të gjërë, atëherë qytetarët e varfër të vendit duhet të ndjehen të “privilegjuar dhe me fat” që do të votojnë për kandidatët milionerë!
Edhe pse nuk ka dhe nuk nuk mund të ketë pasurim të ligjshëm brenda një kohe të shkurtër, vota e qytetarëve po e përligjë pasurinë e milionerëve në Kosovën e pas luftës dhe pas pavarësisë.

Parafushatë e lodht e kandidatëve

Hiq më e mirë dhe më vlerë nuk na delë edhe parafushata e pesë kandidatëve për kryeministra.
Albin Kurti: “Nga takimi me banorët e fshatit Vllahi e dha premtimin se ditën do ta zgjasë nga 24 në 25 orë”,
Fatmir Limaj: “I bindur në fitore premton punësime dhe shtet ligjor”,
Ramush Haradinaj: “Me taksë nën sqetull dhe demarkacionin në qafë, premton liberalizimin dhe mbrojtjen e kufijve”,
Kadri Veseli: “Me premtimin këmbëngulës për ta ç’rrënjosë korrupsionin (me korrupsion) nga institucionet shtetërore”,
Vjosa Osmani: “Premtimet e saj janë të fokusuara në shkarkimin e Hashim Thaçit dhe shkapjen e shtetit dhe pikë, pikë, pikë…
Sikurse që është iluzive të pritet shkarkimi i Hashim Thaçit nga ata që e kanë zgjedhur president, ashtu është iluzive të pritet luftimi i korruspsionit nga ata që e kanë instaluar korrupsionin në jetën institucionale dhe shoqërore.
Nëse vërtetë “zgjatet” dita në “25 orë”, atëherë edhe viti do të zgjatet për 365 orë dhe të papunët më shpejtë do të dalin në pension, ndërsa ata që punojnë do të pensionohen më vonë!
Qytetarët që po vrapojnë pas partive dhe kandidatëve për kryeminsitra sikur po e harrojnë një fakt, se të nesernën pas 6 tetorit, kandidatët e tyre të preferuar i fillojnë pazaret politike për pushtet, duke i harruar të gjitha premtimet e dhëna gjatë fushatës zgjedhore, për të kontrabanduar kështu vullnetin e shprehur me votën e lirë.

Kosovës i duhen udhëheqës shtetërorë siq i kanë shtetet e zhvilluara të Bashkimit Evropian, që për nga pasuria janë të përafërt me qyetarët e rëndomtë. Një liderë i përmasave qytetare i kupton më lehtë hallet dhe dertet e qytetarëve, nuk i duhen trupërojet dhe xhipat e zi.

Zëvendëskryeminisri në largim i Kosovës, aktualisht nënkryetar i Partisë Demokratike të Kosovës, Enver Hoxhaj, ka thënë se tërheqja e parë e njohes së Kosovës ka qenë nga Surinami në 2017, para se dikush të fliste për korrigjim të kufijve.

Ai thotë se një shtet i rajonit iu ka thënë se Serbia është duke përgatitur fushatë për tërheqjen e njohjeve, dhe sipas tij janë përmendur edhe mjetet të cilat do të përdoren për tërheqje të njohjeve.

Hoxhaj në “Rubikon” të KTV-së ka thënë se për të, tërheqja e njohjeve nuk ka qenë situatë e re.
“Janë 13 vende të cilat i kanë tërhequr njohjet. Ne duhet ta kuptojmë njëherë karakterin e shtetësisë tonë. Nëse ne do të ishim anëtarë i OKB-së, njohja do të ishte universale. Në këtë situatë kur një vend e njeh Kosovën duhet të vendosen marrëdhëniet diplomatike. Ka disa të vërteta që janë të lëndueshme”, ka thënë ai.

Ai tutje ka shtuar se kanë informata që edhe 10 vende tjera mund ta tërheqin njohjen.

“Unë kam informata të besueshme dhe në raportin diplomatik kjo është serioze. Ne e kemi përdorur dialogun për me marrë njohje”, ka thënë ai.

Ai thotë se Kosovës i duhet një politikë e jashtme që ka plan operativ dhe mendim strategjik, derisa ka shtuar se kanë mundur të parandalohen tërheqjet e njohjeve.
Më tej ka shtuar se duhet të koordinohen me partnerët që të rikthehen njohjet dhe të kërkojnë nga Serbia ta ndalë fushatën për tërheqjen e njohjeve.

“Ne mund të flasim për korrigjim të kufijve por jemi larg të vërtetës, sepse asgjë nuk ka të bëjë”, ka thënë ai.

Hoxhaj, ka thënë se Vetëvendosja ka dashur t’i jap më shumë të drejta serbëve.
Ai thotë qasja e VV-së që duhet të ketë dialog të brendshëm më serbët e Kosovës dhe jo me Serbinë, ka qenë e gabueshme dhe e pamenduar.
“Qasja juaj që duhet të ketë dialog të brendshëm me serbët e suspendon kapitullin 35”, ka thënë ai.

Ambasada e Shteteve të Bashkuara të Amerikës në Prishtinë ka dhënë lajmin e madh. Duke filluar që nga data 1 tetor 2019 në ndërtesën e re të kësaj ambasade në kryeqytet do të jepen të gjitha llojet e vizave.

Në një video të publikuar nga faqja zyrtare e kësaj ambasade në ‘facebook’, jepen të gjitha instruksionit për ata që ia mësyjnë kësaj ambasade për të marrë ndonjë vizë, shkruan Gazeta Express.

Një zyrtarë i lartë i kësaj ambasade, James Finan, përmes videos tregon të gjithë hapat dhe këshillat që duhet ndjekur një person që vendos të aplikojë për vizë.

Në fillim thuhet që nuk duhet marrë me vete asgjë tjetër përveç gjërave që kërkohen gjatë intervistimit, në mënyrë që të mos ketë vonesa gjatë procesit të verifikimit brenda ambasadës.

Pastaj aplikantët kalojnë në dhomën e intervistave brenda ambasadës.

Para ndërtimit të kësaj ambasade të re, shtetasit e Kosovës ishin të detyruar t’i drejtoheshin Shkupit për të aplikuar për viza.

Një person ka vdekur dhe tre të tjerë janë plagosur të enjten në Prishtinë, si pasojë e të shtënave me armë zjarri, ka konfirmuar Policia e Kosovës. Qendra Klinike Universitare e Kosovës ka konfirmuar vdekjen e njërit prej të plagosurve.

“Katër persona janë sjellë në emergjencë, përkundër kujdesit maksimal nga stafi mjekësor njëri ka vdekur, pasi që nuk ka arritur t’iu shpëtojë plagëve, kurse tre të tjerët janë duke u ekzaminuar nga stafi mjekësor i Klinikes Emergjente”, ka thënë Shpend Fazliu, zëdhënës në Qendrën Klinike Universitare të Kosovës.

Në njoftimin e Policisë është thënë se ngjarja ka ndodhur ne rrugën Muharrem Fejza në Prishtinë, ku policia ka pranuar informata se ka të shtëna me armë zjarri. “Menjëherë në vendin e ngjarjes kanë dalë njësitet policore, të cilat kanë hasur në katër persona të plagosur. Të njëjtit janë dërguar për tretman mjekësor”, është thënë në njoftimin e Policisë.

Zyrtarët e Policisë së Kosovës kanë konfirmuar për mediat se tashmë kanë arrestuar dy persona lidhur me rastin dhe kanë konfiskuar dy armë zjarri, një me tytë të shkurtër dhe një me tytë të gjatë. Siç kanë thënë ata, në incident dyshohet se janë përfshirë dy familje, të cilat pretendohet se banojnë në të njëjtën ndërtesë.

Zyrtarët e Policisë së Kosovës kanë thënë se hetimet për këtë rast janë duke vazhduar. /rel/