VOAL

VOAL

Copyright © 2022

VOAL

Poetë të mëdhenj me poezi kushtuar gruas Përktheu Ndue Lazri

March 28, 2022
Pablo Neruda
TRUP GRUAJE
Trup gruaje,kodra të bardha, kofshë të bardha,
i ngjason botës në gjestin tënd kur më jepesh.
Trupi im prej fshatari të vrazhdë të plugon
e arrin të nxjerrë birin që nga fundi i tokës.
Qeshë vetëm si një tunel.
Nga unë trembeshin zogjtë
dhe tek unë penetronte nata
me pushtimin e saj të fuqishëm.
Për të mposhtur vetveten të modelova si një armë,
si një shigjetë për harkun tim,
si një guriçkë për llastiqet e mia.
Por vjen ora e hakmarrjes dhe të dashuroj.
Trup prej lëkure,prej myshku,
prej qumështi dëshirash të ndezura.
Ah, kupat e gjirit! Ah, sytë e perënduar!
Ah,trëndafili i pubisit! Ah,zëri yt i lehtë dhe i trishtë!
Trup i së dashurës sime, do të mbes në hiret e tua.
Etja ime, ankthi im pa kufi, lëvizja ime e pasigurtë!
Burime të errëta ku mbetet etja e përjetshme,
ku mbeten lodhja dhe dhimbja e pafundme.
PËR ZEMRËN TIME
Për zemrën time mjafton gjoksi yt,
për lirinë tënde mjaftojnë flatrat e mia.
Nga goja jote do arrijë deri në qiell
ajo që rrinte e fjetur në shpirtin tim.
Është në ty ëndrra e një dite,
arrin si vesa mbi kurorat e luleve,
gërryen horizontin me mungesën tënde,
përjetësisht në ijke si dallga.
Kam thënë që këndoje në erë
si pishat dhe velat e anijeve.
Si ato je e lartë dhe e heshtur
e papritur trishtohesh si një udhëtim.
Mikpritëse si një udhë e vjetër,
që e popullojnë jehona zërash nostalgjikë,
unë jam zgjuar e herë-herë kam parë të enden
zogjtë që flinin në shpirtin tënd.
Çesare Pavese
VAJZAT NË DET
Vajzat në muzg zbresin në ujë,
kur hapësira e detit prehet,
në pyll çdo gjethe pëshpërit
kur ato dalin me përkujdesje mbi rërë
dhe ulen në breg.
Shkuma bën lojëra të trazuara
në ujin e paqëtuar.
Vajzat kanë frikë nga algat e varrosura
poshtë valëve që mbërthejnë këmbët e shpatullat:
sa i zhveshur është trupi.
Dalin shpejt në breg
duke thirrur emrat tek shohin përreth.
Edhe valët në fund të detit, në errësirë,
janë të mëdha e duken tek lëvizin të pasigurta,
si të tërhequra nga trupat e atyre që kalojnë.
Pylli është strehë më e qetë se bregu në perëndim të diellit,
por vajzave trupnxira ju pëlqen më shumë
të rrinë në ajër të hapur
mbi çarçafin e shtruar.
Rabindranat Tagore
JO VETËM VEPËR E ZOTIT
Grua, nuk je vetëm vepër e Zotit,
por edhe e burrave,që gjithmonë
të bëjnë të bukur me zemrat e tyre.
Poetët të thurin një rrjetë
me fije të arta fantazie,
piktorët i japin formës tënde
gjithmonë pavdekësi të reja.
Deti dhuron perlat e tij,
minierat arin e tyre,
kopshtet verore lulet shumëngjyrëshe
për të të zbukuruar e mbuluar,
për të të bërë gjithnjë e më të çmuar.
Dëshira e zemrës së burrave
ka shtrirë lavdinë e vet
përmbi rininë tënde.
Përgjysmë je grua e përgjysmë je ëndërr.
Frida Kahlo
TI MERITON NJË DASHURI
Ti meriton një dashuri që të të dojë të pakrehur,
me të gjitha arsyet që të bëjnë të ngrihesh me nxitim,
me të gjithë demonët që nuk të lënë të flesh.
Ti meriton një dashuri që të të bëjë të ndihesh e sigurtë,
në atë shkallë sa të kafshosh botën kur kalon pranë teje,
që të ndjejë se përqafimet e tua janë perfekte për lëkurën e tij.
Ti meriton një dashuri që të dojë të vallzojë me ty,
që të gjejë parajsën sa herë që shikon në sytë e tu
e që nuk lodhet kurrë duke lexuar shprehësitë e tua.
Ti meriton një dashuri që të të dëgjojë kur këndon,
që të mbështet edhe kur bëhesh qesharake,
që respekton qenien tënde të lirë,
që të shoqëron në fluturimin tënd,
që të mos ketë frikë se bie.
Ti meriton një dashuri që të flakërijë tej gënjeshtrat,
që të sjell ëndrrën,
kafenë
dhe poezinë.
Përktheu: Ndue Lazri
  • twitter
  • facebook
  • linkedin
Fjalë kyçe: , , ,

Komentet

Lajme të ngjashëm

LAMTUMIRË SHABAN NOKSHIQI!….- Nga TAHIR BEZHANI

  Jeta i ngjan një romani të cilin e lexon, shijon dhe vlerëson nga fillimi deri ne fund. Patjetër se fundi i vjen çdo fillimi. Gjithmonë fundi është i dhembshëm, si çdo ndarje në jetë. . . .

Teksti i këngës “Zjerm” (varianti i saktë)

Në këtë minut në këtë çast no paranoia pas shiut e ylbertë duket bota nëpër rrugë asnjë ambulancë kurrkush s’të flet me arrogancë edhe sot na thanë që s’prishet koha . Përfun . . .

Shtëpi, e ëmbla Shtëpi!- Poemë nga Përparim Hysi

“O shtëpi! O Shtëpi!” Të kem një varr si ti” Popullore Shtëpi! O e ëmbla shtëpi! A nuk thashë që do kthehem një ditë? Së shpejti,do jem aty; hap derën e dil e më prit. Në ika dikur e të . . .

ZËRI I NËNËS ( Nga varri) – Poezi nga TAHIR BEZHANI

ZËRI I NËNËS ( Nga varri) Një zjarrmi e etshme më zuri Mall i çmendur u fut në zemër Varri i nënës më vjen para syve Ka kohë që nuk e kam vizituar Rrëmujë mendimeve të mia Palë mbi palë . . .

EKZISTENCIALE- Poezi nga HASAN MUZLI SELIMI

Ju them të drejtën Një natë fjeta në stanisht breg detit Kujtoja të vdekurit, të gjallët i harrova Në heshtje ngjit me Butrintin, çati me vrima, numëroja yjet Të nëndheut shëti . . .

SURGITE,  MORTUI  ! (ÇOHI, TË  DEKUN !)- Nga AT GJERGJ FISHTA OFM.

      Shqyptarë, a ndiet ? Evropa, mrrutë e ndyt, Shkerdhye me Evrej t’ Parisit e t’ Londonit, ( Se cillës dreqi ia plasi të dy syt E marren ma s’ e sheh, njitash n’ e s’ vonit) . . .

ARBËRESHET- Poezi nga Neki Lulaj

(Për datëlindjën e Gjergjit) Nga matanë detit arbëreshët na erdhën të malluar. Sollën gëzimin nga shpirti i tyre hyjnor Për datëlindjen e Princit të Arbërit uruan Veshur bukur me kost . . .

Ndoshta kjo foto është shkrepur një ditë të diele. Musine Kokalari, si gjithmonë me libër në dorë

Ndoshta kjo foto është shkrepur një ditë të diele. Musine Kokalari, si gjithmonë me libër në dorë, në çaste pushimi me familjarët. Ndoshta ishte një ditë maji, kur në oborrin e s . . .

HISTORIA E PATHËNË E PAPËS SË SAPOZGJEDHUR, ROBERT PREVOST: PAPA LEO XIV- Nga Markon Eugenio Alat- Në shqip: Eda Zhiti

Mori një vendim befasues në vitin 1975: Ai refuzoi Fakultetin Juridik të Harvard-it për t’u shërbyer fshatrave më të varfra të Perusë Tani, ai është Papa i 267-të. • Flet gj . . .

SALI BERISHA MISIONAR NË MES TË MISIONARËVE- Nga HASAN MUZLI SELIMI

Thonë se Cicëroni, babai i gojëtarisë romake, fjalimet e veta i fillonte me një farë rrënqethje që dukej jo në formë, gati-gati belbëzonte. Fabi i pari i fisit Fabius  e arsyeton: “Ky ë . . .

PAQJA E ÇARMATOSUR QË ÇARMATOS… – Fjalët e para dhe ditët e para të Papës Leoni XIV – Përgatiti Visar Zhiti

  FLETORJA E PAPËS SË RI   Papa i ri, Leo XIV, kur u shfaq në ballkonin e Bazilikës së Shën Pjetrit për të përshëndetur popullin e mbledhur në sheshin më të bukur të botës katolike, pas . . .

NË NDERIM TË 9 MAJIT, DITËS NDËRKOMBËTARE TË NËNËS! NËNAT MBAJNË BOTËN NË DUAR- Nga Albert HABAZAJ

  HIMN PËR NËNAT SHQIPTARE si një tufëz me lule vjershërore për 9 Majin, Ditën ndërkombëtare të nënës –   Dashurinë më të ngrohtë Që për fëmjët ka nëna, Asnjë këngë dot s’e thotë E di z . . .

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend