VOAL

VOAL

Please Wait ...
0%

SHBA fuqizon masat kundër terrorizmit

By | September 11, 2019

Komentet

“Çudia” – Galeria, Opera dhe Muzeu me plasaritje, Teatri Kombëtar pa asnjë dëm

Pas tërmetit të fuqishëm, Ministrja e Kultures Elva Margariti ka inspektuar disa nga institucionet kulturore, si Teatri Kombëtar i Operas dhe Baletit, Galeria Kombëtare e Arteve dhe Muzeu Historik Kombëtar.

Zyra e shtypit konfirmon për “Gazetën Shqiptare” se ka dëme sipërfaqësore, plasaritje dhe rënie suvash. Sipas ministrisë, muzetë u mbyllën më herët. Dje u inspektuan ndërtesat që paraqiten probleme. “Pasi të evidentohen të gjitha problematikat do vendoset se si do procedohet me hapjen e muzeve në vijim”, tha zyra e shtypit pranë MK. Ndërkaq dy godinat e Teatrit Kombëtar dhe atij Eksperimental nuk kanë pësuar asnjë dëm, çka konfirmohet nga qytetarët e artistët që i ruajnë nga vendimi i qeverisë për t’i shembur.

Radio Evropa e Lirë: Shqipëria pa qetësi, mbi 100 lëkundje të tokës

Gresa Kraja


Nata e së shtunës e ka lënë Shqipërinë pa qetësi, nga tërmete dhe lëkundje të vazhdueshme të tokës. 

Nga tërmeti 5.8 rihter që është ndjerë 7.5 ballë, në Shqipëri kanë rënë edhe 25 tërmete të tjerë me forcë rreth 3. Instituti sizmiologjik regjistroi mbi qindra lëkundje toke që nga goditja e parë.

Ministria e Shëndetësisë ka bërë një bilanc provizor të personave që kanë marrë ndihmë mjekësore si pasojë e lëndimeve që kanë marrë nga lëkundjet sizmike.

Sipas Ministrisë së Shëndetësisë 105 persona kanë marrë shërbim mjekësor për lëndimet që kanë pësuar, 74 prej të cilëve në spitalin e Traumës.Ministria ka bërë me dije se pjesa më e madhe e qytetarëve janë larguar nga spitalet pasi kanë marrë shërbimin dhe vetëm 10 prej tyre po qëndrojnë në spitalin e Traumës dhe 5 në atë të Durrësit.

Gjatë një mbledhjeje urgjente të qeverisë, u bën të ditura dhe të dhënat lidhur me pasojat e tërmetit.

Ministrja Olta Xhaçka, tha së janë mbi 500 banesa dhe mbi 30 pallate, kryesisht në Tiranë dhe Durrës, të cilat janë dëmtuar. Në pjesën dërrmuese, bëhet fjalë për plasaritje dhe krisje të mureve apo dëmtime në tavane.

“Dëmet materiale janë shumë më modeste se sa mendohej dhe më e rëndësishme është se nuk ka patur asnjë jetë të humbur dhe asnjë dëmtim serioz. Me fat që dëmet kanë qenë kaq të kufizuara”, deklaroi ministrja Xhaçka.

Kryeministri i Shqipërisë Edi Rama, përmes një postimi në Facebook në mëngjesin e së dieles ka bërë të ditur se qeveria ka vënë në dispozicion të plotë Sistemin e Emergjencave dhe se ekipet janë në terren për të ndihmuar qytetarët.

Në Durrës kryesisht, por edhe në Tiranë, shumë banorë e kaluan natën jashtë për shkak të frikës nga lëkundjet e forta të tokës.

Lëkundja e parë e fortë e tërmetit u regjistrua në orën 16:05 me një magnitudë 5.8 gradë të shkallës Richter dhe intensitet 7.5 ballë.

Tërmeti i së shtunës pasdite ishte më i madhi i rregjistruar në 20-30 vitet e fundit.

Ai u pasua nga të paktën 130 lëkundje me një intensitet më të ulët.

Tërmetet në vend, 44 persona të lënduar transportohen në Spitalin e Traumës

TIRANË

Pak orë pas tërmeteve një numër i konsiderueshëm i banorëve janë paraqitur për ndihmë mjekësore në Spitalin e Traumës në Tiranë.

Gazetarja e “Balkanweb”, Dorjana Bezat thekson se 44 persona kanë marrë dëmtime dhe si pasojë kanë kërkuar ndihmë mjekësore  në spitalin e Traumës. Qytetarët kanë marrë dëmtime në pjesët e ndryshme të trupit, por edhe në kokë.

Tërmetet kanë shkaktuar panik në qytetin e Durrësit, Tiranës, por edhe në qytetet e tjera të vendit. Deri tani nuk raportohet për jetë të humbura, por vetëm dëme materiale. Qytetarët kanë zbaritur me shpejtësi në rrugë, ndërsa shprehen se lëkundjet e tërmetit kanë qenë të forta.

E pabesueshme- Qytetarët: Tërmeti shkatërrimtar shemb “Shkëmbin e Kavajës” (Video)

Një tërmet i fuqishëm ka goditur sot vendin tonë duke sjellë edhe dëme të mëdha në objekte por edhe persona të plagosur. Sipas IGJEUM epiqendra ka qenë në Durrës. Pikërisht zona e Durrësit deri në Shëngjin është edhe më e goditura por edhe kryeqyteti, Tirana.

Ndërkohë qytetarë nga Kavaja raportojnë në “BalkanWeb” se tërmeti ka shkaktuar shembje tek Shkëmbi i Kavajës. Nuk ka ende informacion zyrtar për këtë gjë, por qytetari që ka dërguar edhe një video në “BalkanWeb” shprehet se për shkak të lëkundjeve të forta kanë rënë shkëmbinj dhe një re pluhuri është ngritur në zonë.

Të gjithë në rrugë! Shikoni videon që tregon panikun e njerëzve në Tiranë pas tërmetit

Një tërmet i fuqishëm prej 5.8ballësh ka goditur vendin tonë në orën 16:05 minuta. Godinat janë lëkundur nga themelet. Jane regjistruar deme ne Durres dhe tek nje pallat ne rrugen Don Bosko ne Tirane. Qytetarët kanë nxituar të dalin jashtë për të shmangur rrezikun. Ndërkohë në zonën e Bllokut një grua e cila ka qenë duke dalë nga banesa në momentin e lëkundjes ka pësuar dëmtime. Ajo është dërguar me ambulancë në spital.


Lëkundjet e tërmetit zgjatën për disa sekonda, ndërsa kjo shkaktoi dëme materiale në shumë banesa.

Mësohet se tërmeti i magitudës 5.8 me epiqendër në Detin Adriatik, 1 km nga qyteti i Durrësit është ndjerë në të gjithë qytetet e vendit.

27 të plagosur në Spitalin Ushtarak- Bilanci fillestar i tërmetit të tmerrshëm në Shqipëri

Gazetari i çështjeve sociale të “News 24”, Erjon Skëndaj raporton se në spitalin Ushtarak janë shtruar 27 persona të plagosur nga pasojat e tërmetit. Fatmirësisht, askush nuk ka humbur jetën.



Të gjithë të plagosurit janë nga zona Durrës-Tiranë. Tërmeti 5.8 shkallë Rihter që goditi Shqipërinë është më i forti i 30 viteve të fundit dhe e pati epiqendrën tek Kepi i Rodonit.

AZEM MESHI ME JETËN E VEPRËN E TIJ NJË SHEMBULL E BAROMETËR I KOHËS SHQIPTARE – Nga RAMIZ LUSHAJ

 

-Kumtim i mbajtur nga Ramiz Lushaj në Akademinë Përkujtimore për Dëshmorin e Policisë së Shtetit, Azem Meshi dhe Promovimin e Librit “Azem Meshi, Shqipe e Vendit të Vet”-

Ky libër kolektiv, “Azem Meshi, Shqipe e Vendit të Vet”, me firmat e 27 autorëve bashkëpunues me shkrimet e tyre, që krye-mban për bashkautorësi edhe emrin tim e të Ahmet Meshit, që ka një fond e galeri me 140 foto, faksimile, skema e grafika (nga të cilat 61 foto me ngjyra) në të 236 faqet e tij të botimit të dytë të plotësuar, i kushtimohet jetës e veprimtarisë së Azem Ali Meshit- “Dëshmor i Atdheut”, përndryshe dhe “Dëshmor i Policisë së Shtetit Shqiptar”, që ka rá në krye të detyrës për mbrojtjen, ndërtimin e lartësimin e shtetit, në një përpjekje trimnore e të përgjakshme me një bandë kriminale të armatosur në Yzberisht të Tiranës, para 20 vitesh, më 3 qershor 1999, në moshën 31 vjeçare, në ma të bukuren kohëmoshë të njeriut të ëndrrave të jetës, të krijimit të familjes, të rrugëtimit drejt lumturimit e lartësimit të vetvetës personale e familjare në shumanshmëri plotore në kohëjetën e tij.

Azem Meshi është një martir – një dëshmor, është “një hero”- siç e cilëson dhe ish-drejtori i Policisë së Tiranës, Mit’hat Havari (fq. 71-73), është një hero që po e jeton jetën e tij të heroit martir të kombit të vet me mesazhe të mira për kombin e vet, për kohën tonë, ndryshe nga disa heronjë të gjallë të paqes e luftës të dekadave të fundit në Rajonin Ballkanik Shqiptar që prej disa qëndrimeve e veprimeve me teprime, gabime e faje në politikë, në pasunime, në shoqëri, tashma po e përjetojnë jetën e anti-heroit.

Edhe sot, në këtë ditë të 20 shtatorit 2019, edhe dekorimi i Azem Meshit me titullin e lartë “Qytetar Nderi” i Kamzës, edhe botimi i këtij libri përkushtimor për Azem Meshin, flasin krejt qartë, plot dritë, se Azem Meshi po e jeton lartësisht jetën e heroit të kombit të vet shqiptar, se është i gjallë në mes nesh, brenda nesh, para nesh, edhe tek vajza e tij e talentuar Greta- gazetare në një televizion e me shoqërinë civile; edhe tek bashkëshortja e tij e fisme Loreta- punonjëse civile e administrative në Policinë e Shtetit; edhe tek vllaznit e tij: Zenuni, Ahmeti, Skënderi, Agroni, Guximi e Sabahi, motrat e tij Xhanja e Liria; edhe tek të gjithë të afërmit e pragut e gjakut, tek të gjithë ne pjesmarrësit në këtë Akademi Përkujtimore, edhe tek shoqëria, koha, historia krahinore e kombëtare shqiptare, prandaj edhe shkrimit tim në hyrje të librit, te parathania, ia kam vendos titullin: “Tungjatjeta, o Azem Ali Meshi”, prandaj ne të gjithë në këtë sallë të Tirana International Hotel i themi edhe sot e në motmote: “Mirë se erdhe, o Azem Meshi ynë 51 vjeçar”, në moshën e lartë të burrit tradicional e të heroit shqiptar, sepse e thotë dhe kanga e dy kangtarëve hasjanë Kastrati e Brati (fq. 171-173), e këndueme qysh më 2006: “Kush jep jetën, o për vend t’vet/Asht i gjallë, o kurrë nuk des!”.

(Tani, më lejoni t’iu ftoj të mbajmë një minutë heshtje për Dëshmorin Azem Meshi dhe të gjithë Dëshmorët e Policisë së Shtetit Shqiptar!). (I përjetshëm emri, vepra e kujtimi i tyre!)

Lisi e rrit lisin, me farën e vet, në tokën e vet. Lisat krijojnë lisnajën. Kështu dhe Vllaznia Meshi, e ardhun prej origjine nga Oroshi i Mirditës e me ngulim jete disashekullore në Kosturr të Hasit të Qarkut të sotëm të Kukësit, edhe kulla e të parëve të Azem Ali Meshit, kanë marrë pjesë aktive në kryengritje e luftëra rajonale e kombëtare nga Qafë Prushi deri në Shkup e Shkodër, nga Moraça në Plavë-Guci, Rrafshin e Dukagjinit etj. prej nga koha e Rilindjes Kombëtare Shqiptare, në Lidhjen Shqiptare të Prizrenit e të Pejës, në Shpalljen e Pavarësisë, Luftën e Dytë Botërore e Luftën e fundit të Kosovës. Gjyshi i Azem Meshit, Ukshin Adem Meshi së bashku me të vllanë Arifin, kanë marrë pjesë në Kryengritjen Kombëtare Shqiptare të Vilajetit të Kosovës të 1912-tës së Pavarësisë. Baba i Azem Meshit, i ndjeri Ali Ukshin Meshi, ka marrë pjesë në Luftën e Dytë Botërore në moshë krejt të re, mbi 15-vjeçare, me Çetën e me Batalionin e Hasit dhe në rradhët e Brigadës XXV-S të Tropojës deri në Kosovë e në Sanxhak. Kusherinj të afërt të Azem Meshit, si: Ram, Ali e Mehmet Meshi janë “Dëshmorë të Atdheut” të Luftës Antifashiste Nacionalçlirimtare. Kjo Vllaznia Meshi, Familja e madhe e Azem Meshit, në vitin 1999, brenda tre muajve kohor, kanë tre dëshmorë: më 24 mars 1999, në Istog të Pejës, në ditën e bombardimeve të NATO-s, të fillimit të Luftës së Kosovës, vriten trimërisht Bashkim e Afrim Meshi, të cilët janë “Dëshmorë të Kosovës” dhe më 3 qershor 1999, Azem Meshi- “Dëshmor i Shqipërisë”, vritet në Tiranë, në përballje me një bandë kriminale që kishin vrarë pak kohë përpara një shtetas shqiptar të Kosovës. Ish-drejtori i Përgjithshëm i Policisë së Shtetit, Hysni Burgaj (2009-’13), në shkrimin e tij (fq. 93-97) shkruan: “Mes shumë heronjve e kam njohur edhe Azemin, trimin që na la të kuptojmë të gjithëve se aspekti i këndvështrimit të tij ishte më i largët se një moment, ai luftoi për njerëzinë, për sigurinë, për të ardhmen e vendit”.

Rregjimi komunist i kohës, prej nga viti 1948, e shpalli e trajtoi babën e Azem Meshit, ish luftëtarin e atdhetarin Ali Ukshin Meshi dhe familjen e tij si “të deklasuar politik”, “të përndjekur politik” në katër dekada jete, e arrestoi dhe e dënoi Ali Ukshin Meshin për dyshime politike me 6 vjet burg politik, ia hoqi “Triskën e Frontit” për 3-vjet, e cilësoi “kulak”, ia sekustroi pasurinë, etj.

Tevona, me ndërtimin e HEC e të Liqenit të Fierzës iu përmbytën kulla, toka, pemët dhe as pasardhësit, si qindra të tjerë bregdrinas të Hasit, Kukësit, Tropojës e Pukës, nuk janë kompenusar ligjërisht e përfundimisht nga asnjë qeveri e asnjë kohe, pavarësisht premtimeve të përhershme e angazhimeve të pjesshme të tyre.

Familja e Ali Ukshinit u detyra të shpërngulej e të vendosj në Kam të krahinës së Bytyçit, në këtë qytezë të minatorëve në rrethin e Tropojës deri në vitet e Demokracisë, kur erdhën në Tiranë.

Azem Meshi, një nga 9 fëmijët e Ali Ukshinit, shkollen fillore e kreu në Kosturr të Hasit, për çka mësuesja e tij veterane, Bute Meshi, thotë se “kishte sjellje shembullore”, “i ndihmonte shokët e shoqet”, “në aktivitete ishte i pari”, “ngulmonte për dije të reja”, etj. (faqe 27-30). Shkollën 8-vjeçare e kreu në Kam të Tropojës, ku mësuesi i tij, poeti e studiuesi Shaban Geci, i ka kushtue dhe një poezi në këtë libër (fq. 174): “Kaçurrel me sy të zi/ Djalë serioz që në fëmijëri/ Djalë serioz me tipare burri /Azem Meshi prej Kosturri/”.

Av. Agron Isa Gjedia, kryetar i Shoqatës Mbarëkombëtare “Bytyçi”, Tiranë-Prizren, në shkrimin e tij kapitull libror më vehte, shkruan se Azem Meshi i bante disa orë rrugë nga Kami në Pac për të ndjekë me sakrifica, përkushtim e rezultate të mira shkollen e mesme; kishte zgjuarësi genetike natyrore e jetësore; ishte i traditës, me kulturë, me veti e virtyte të larta; lexonte libra jashtëshkollorë; i pasionuar e i dallueshëm në garat me kuaj; i dhanun pas notit në prrenj e lumenj të Bytyçit e Hasit, në Dri e Liqenin e Fierzës; merrej me peshkim për sport e ekonomi; i kishte qejf ecjet në natyrë e udhëtimet, etj. (fq. 55-66).

Azemi për shkaqe politike të kohës nuk mundi të ndiqte arsimin e lartë universitar, pavarësisht dëshirës e aftësive të tij.

Azem Meshi, në një kuptim të caktuar, është një “barometër” i Kohës së Demokracisë, i kësaj kohe me mundësi e hapësira të mëdha për të dëshmue vetëveten në jetë. E dëshmojnë faktet, sepse Azemi në këto vite, ky veprimtar aktiv e kontributor i PD-së në Tropojë, Has, Kukës e Tiranë, prej vitit 1992 filloi punë në Policinë e Shtetit në Tiranë, në Repartin e Ambasadave e në Komisariatin e Policisë nr. 4 në Kryeqytet; e ndoqi Akademinë e Rendit Publik (sot, Akademia e Sigurisë) e provimin e fundit e dha një javë para vrasjes së tij në qershor 1999 e atë vit do ta merrte edhe titullin “Oficer i Policisë Shqiptare”; e ndertoi një shtëpi “model Elbasani” aty në Zona “Yzberish 2” në Tiranë me krahët e tij e me ndihmë nga vëllezërit e miqtë e tij, familja e nderueme tiranase e Shyqyri Grecës; e krijoi familjen e tij të re e dinjitare; u kujdes duke e rregjistruar bashkëshorten e tij Loretën në kurse për italisht e kompjuter, etj.; punonte në dy punë, pas orarit të shërbimit në Policinë e Shtetit shkonte tek firmat private, etj. Greta Meshi, vajza e tij, te esseja “Babai im” fq. 115, viti 2016) shkruan: “Unë e di që ai është pranë meje kudo, ai është engjëlli im mbrojtës e në çdo hap që unë hedh, ai është aty duke më mbështetur, duke më brohoritur, e duke u ndjerë krenarë për vogëlushen që po rritet”.
Edhe nipi i Meshëve, djali i hallës së Azem Meshit, biznesmeni i mirënjohur shqiptar, Ram Geci, djali i një burri të lartë e të mirë – Ali At’hem Gecit të Bytyçit, që ishin “Oxhak” -“Derë e Madhe” e Bytyçit dhe në Malësi të Gjakovës, djali i një nane të fisme Razë Ukshin Meshit-Geci të Kosturrit, është një tjetër “barometër”- një shembull i mirë e i madh i kohës shqiptare, pronar i vetëm i Tirana International Hotel, ku po e bajmë këtë Akademi Përkujtimore e Promovim Libri), i kompanisë elitare “Geci”, një nga biznesmenët e humanistët e mëdhenj të ditëve tona, të cilit i shprehim mirënjohje të madhe.

Edhe nipi tjetër i Meshëve, djali i hallës së Azem Meshit, Rrustem Gjedia i antikomunistit, trimit, njeriut punëtor, Jakup Sali Gjediaj të Bytyçit (i cili, prej 1952-shit, emigroi në Kosovë e Amerikë) dhe i qëndrestares të fisme Gjylë Ukshin Meshi-Gjedia të Kosturrit , është një tjetër “barometër” i kohës panshqiptare, një biznesmen i njohur në Amerikë e Europë.

Azem Meshi është një nga 168 dëshmorët e Policisë së Shtetit Shqiptar (ku 86 prej tyre iu përkasin viteve të vështira 1997-1999) çka do të thotë se Azem Meshi është një nga dëshmorët e ringritjes së Shtetit, të ndërtimit të Shtetit, për nga rendi, qetësia e siguria publike, çka është dhe detyra e misioni kryesor i Policisë së Shtetit Shqiptar, se Policia është e para në sakrifica deri në vetmohim në mbrojtje e ndërtim të shtetit dhe rënia e Policisë e Gardës në kohë të jashtëzakonshme është vet rënia e Shtetit. Shqipëria ka dhe 56 policë të tjerë të rënë në krye apo për shkak të detyrës, të cilët janë në pritje të dhënies së titullit “Dëshmor i Atdheut”. Pra, Shqipëria ka gjithsej 224 policë të vrarë në tre dekada nga Ilir Gjyrdedi më 1990 e deri tek Artan Cuku më 2017, ndërkohë që shteti tjetër shqiptar, Kosova jonë, e porsa dalë nga Lufta e fundit (1997-1999), fitoi Lirinë më 1999 e Pavarësinë më 2008, në pothuaj dy dekada kohore, nga 2001 deri më 2018, i ka vetëm 20 dëshmorë të Policisë së Shtetit.

Unë, shqiptarisht, i bashkohem mendimit të doktor, gjeneral major Bajram Ibraj, ish-Drejtor i Përgjithshëm i Policisë së Shtetit (2002-’07) që: “Qeveritë Shqiptare, duhet që të nxjerrin sa ma parë, madje dhe shumë i vonuar, Vendimin e Këshillit të Ministrave për trajtimin financiar të familjeve të të rënëve në Policinë e Shtetit, minimalisht duke filluar që nga viti 1990” (fq 84 e librit). Pra, po e them: gjaku i policëve të rënë në krye e për shkak të detyrës për Kombin e vet nuk ka faturë, nuk ka çmim, prandaj dhe “fatura financiare” e Shtetit nuk duhet të bahet pengesë.

Edhe disa kërkesa të Shoqatës së Policëve në Lirim duhet të merren në konsideratë nga Shteti ynë, pasi ka disa pengesa ligjore të panevojshme apo të qëllimshme, që pengojnë policë të karrierës, të rritur me Policinë e Shtetit, me kontribute në Policinë e Shtetit, të rikthehen në detyrat e tyre të maparshme, të veshin uniformën e oficerit të Policisë së Shtetit Shqiptar.

Ish-Drejtori i Përgjithshëm i Policisë së Shtetit (2007-’09), poeti Ahmet Prençi (në faqen 91 të librit) fjalathotë: “Kujtojmë Azem Meshin e qindra heronj të Policisë për t’ju thënë që çdo gjë që bëjmë ne është shumë pak në krahasim më atë çka bënë ata për vendin e shoqërinë”.

Në këtë libër për Dëshmorin e Atdheut, Azem Ali Meshi, kanë shkruar drejtues të lartë të Policisë së Shtetit Shqiptar, Hysni Burgaj, Ahmet Prençi, Bajram Ibraj, Mit’hat Havari; prof. dr. Shefqet Hoxha i Kukësit – Mësues i Popullit; poeti Namik Selmani nga Çamëria me banim në SHBA; poete e shkrimtare Sherife Thaçi-Berisha nga Suhareka e Kosovës; i ndjeri dr. Ali Aliaj-ish pedagog në Tiranë e Kosovë; kolegu e shoku i tij, ish-polici, shkrimtari e poeti Besnik Meta në Tiranë; poeti Fran Ukcama në Fier; i ndjeri shkrimtari e studiuesi Isuf Meshi i Kosturrit -një disident e antikomunist i njohur; kushërini e shoku i tij Astrit Hasani-Meshi në Londër; shoku i tij, mjeku Shkelzen Ibra në Krumë të Hasit; studiuesi Ismet Avdiaj nga Berisha e Brigjeve- kufi me Has, Bytyç e liqenin e Fierzës; Isuf Rexhepi e Haki Memaj nga Tropoja e me banim në Tiranë; motra e tij, Xhane Meshi-Beraj e të tjerë, të cilëve iu shprehim mirënjohje.

Shprehim vlerësime të larta për punën e redaktorit të librit, dr. Fejzulla Gjabri i Kukësit, për shkrimtarin e poetin Mujo Buçpapaj i Botimeve “Nacional”; për artin grafik nga Xhina Palko të Studios “Patrigraf”, për shtypshkrimin nga Shtypshkronja “Mileniumi i Ri” në Durrës dhe, veçanarisht për biznesmenin Ram Geci, që e financoi botimin e dytë të plotësuar të këtij libri dhe këtë Akademi Përkujtimore për Azem Meshin – Dëshmor i Atdheut.

Një “Yll që nuk u shua”- thotë ish drejtuesi i lartë i Policisë së Shtetit, Hysni Burgaj, dhe vërtetë i tillë është ky dëshmor, ky heroi, Azem Meshi – i cili u shpall “Dëshmor i Atdheut” e Familjes së tij iu dha simboli “Familje e Dëshmorit të Atdheut” (2003); President i i Shqipërisë e ka dekoruar me “Medalja e Artë e Shqiponjës”(2000) e pesta në rendin ligjor klasifikues të dekoratave e titujve në Republikën e Shqipërisë; një rrugë në Tiranë, kah Yzberishi, prej vitit 2009, e mban emrin e tij; Bashkia e Kamzës, një nga bashkitë më të mëdha në Shqipëri, e ka shpallur “Qytetar Nderi” (2019); ka një film dokumentar “Mirënjohje Dëshmorit të Atdheut, Azem Meshi” (2009), ka kangë e poezi të shumta, kemi dhe, tani, e kemi dhe këtë libër: Azem Meshi, Shqipe e Vendit të Vet”.

Lavdi emrit, veprës e kujtimit të Dëshmorit të Policisë së Shtetit, Azem Meshi – Dëshmor i Atdheut!

Ramiz LUSHAJ

Tirana International Hotel, 20 shtator 2019

(Fotot: Kristaq Janushi & Ramiz Lushaj)

28 studente nga Kosova fillojnë studimet në SHBA (video)

Burim Goxhuli

Për dy vitet e ardhshme, Ajova do të jetë shtëpi e re për 28 vajza dhe gra të reja nga Kosova. Ato udhëtuan drejt SHBA-së për të studiuar aspekte të ndryshme të energjisë, në kolegjin e komunitetit në Des Moines. Ato fituan bursa të dhëna nga fondacioni Millenium, të financuara nga fondet e qeverisë amerikane. Vlera e investimit në projektin e quajtur “Gratë në Energji” kap shifrën e 1 milion dollarëve. Kjo shihet si thellim i bashkëpunimit midis Ajovës dhe Kosovës. Ajo që nisi si partneritet ushtarak tashmë është zgjeruar në shumë fusha tjera.


Pas dy viteve Kosovës do t’i shtohen 28 eksperte në fushën e energjisë.

Ky është numri i grave te reja dhe vajzave nga Kosova që filluan studimet në kolegjin e komunitetit në Des Moines të shtetit Ajova.

Ato janë pjesë e programit “Gratë në Eergji” i fondacionit Millenium, i financuar me fonde qeveritare amerikane.

Përfitueset e programit thonë se qëllimi është që përvojën e fituar nga studimi në SHBA ta dërgojnë në Kosovë.

“Energjia të cilën e përdorim më shumë në Kosovë, diku 97 për qind, vjen nga thëngjilli gjë që e dëmton shumë ambientin ku jetojmë. Arsye kryesore pse unë kamë zgjedhur energjinë e ripërtitshme është për shkak që të kontribuoj në ambientin tonw”, tha për Zërin e Amerikës Doruntina Shala, përfituese e bursës.

“Çka më pëlqen më shumë në DMACC është qasja në praktikë, laboratoret edhe sistemi që e kanë këtu. Shpresoj që pas studimeve 2 vjeçare që do t’i bëj këtu do të arrijë të kontribuoj në komunitet por edhe në vendin kur të kthehem vecanërisht në sektorin e energjisë solare”, thotë Fjolla Fazliu, përfituese e bursës.

Karriera në një fushë që dominohet nga burrat, nuk është rrugëtim i lehtë thonë studentet nga Kosova.

“Pavarësisht se sa profesioni jonë është një sektor që është i dominuar nga gjinia mashkullore, prap se prap në qoftëse ky profesion është ajo që dëshiron ta praktikosh atëherë duhet të përkushtohesh për të sepse është dicka që ia vlenë”, thotë studentja tjetër që mori bursë për studime në Ajova, Albiona Lalinovci.

“Përpara ka qenë shumë vështirë për gratë kosovare inxhiniere të gjejnë punë në Kosovë. Ato është dashur gjithmonë të jenë më të vendosura, më të përkushtuara dhe më të shkolluara sesa burrat për të gjetur punë në Kosovë”, thotë Erza Rama, studente.

Prandaj, ardhja e këtyre studenteve në Ajova u shënua me një ceremoni të vecantë në kolegjin DMACC. Aty mori pjesë edhe Presidenti i Kosovës, Hashim Thaci, i cili foli për rëndësinë e këtij projekti.

“Ofron përgatitje profesionale për këtë sector të rëndësishëm në Kosovë. E dyta përkrah përfshirjen më të madhe të gruas në sektorin e energjisë duke kontribuar kështu në fuqizimin e përgjithshëm të gruas në shoqërinë kosovare dhe e treta shënon zgjerimin e bashkëpunimit mes ajovës dhe Kosovës në një sector të rëndësishëm, atë të energjisë”, tha Presidenti i Kosovës Hashim Thaci.

Guvernatorja e këtij shteti si-motër të Kosovës, tha se ky moment frymëzon gra jo vetëm në Kosovë.

“Ju jeni pioniere trimëresha që po u tregoni grave të reja dhe vajzave në botë që gjithcka është e mundur nëse keni synime dhe punoni për to”, tha Guvernatorja e Ajovas, Kim Reynolds.

Petrit Selimi nga fondacioni Millenium tha se sukesi i këtyre studenteve është sukses i madh për Kosovën.

“Do të jetë shumë e rëndësishme që kur të ktheheni pas dy viteve, të frymëzoni gratë në Kosovë. Ju keni një detyrë shumë të rëndësishme jo vetëm për ekonominë. Femrat e pavarura dhe të fuqishme në ekonomi dhe shoqëri do ta bëjnë Kosovën vërtetë të suksesshme” tha Petrit Selim inga fondacioni Millenium.

I pari i këtij kolegji Rob Denson tha se ndihet krenar që po ndihmon shtetin më pro-amerikan në botë.

“Jam i lumtur t’u drejtohem si President I kolegjit më pro-Kosovë, I shtetit më pro-Kosovë dhe vendit më pro-Kosovë”, tha Presidenti I kolegjit DMACC, Rob Denson.

Ky nuk ishte aktivitetiiI vetëm në Ajova ku u fol për Kosovën. Më herët të enjten, Presidenti i Kosovës Thaçi vizitoi Gardën Kombëtare të Ajovës dhe Asamblenëe Përgjithshme të këtij shteti amerikan, ku edhe zhvilloi një takim me guvernatoren, Kim Reynolds.

Atalanta Pasko: Tirana ka 20 orë pa ujë! Turp për gazetarinë tonë që nuk arrin të vlerësojë se çfarë do të thotë të rrijë kryeqyteti 20 ora pa ujë!

Tirana ka sot gjithë ditën pa ujë. Nëpër televizione shfaqet vetëm fytyra e vrerosur e kryeministrit, nuk jepet asnjë informacion.

Ja si e përshkruan Aalanta Pasko ditën e sotme:

“Pa ujë! Që në mëngjes, roje për të pritur ujin dhe ujë s´ka!

UKT nuk përgjigjet.

Me sa duket nr. i gjelbër do jetë tharë nga mungesa e shiut…

Më duhet një muslluk.

Ku është shitorja e musllukëve? Këtë pyetje do desha t´i bëj UKT-së. Të tjerat i di. Edhe një medalje nga unë, Bashki e Tiranës!

MUSLLUK : Lëfyt i metaltë, që hapet e mbyllet, i cili vihet në anë ose në fund të një ene për të nxjerrë prej saj ujin a ndonjë lëng tjetër; enë teneqeje me këtë lëfyt, në të cilën mbajnë ujë për të larë duart, për të larë pjatat etj. Muslluk prej tunxhi (prej metali, prej druri, prej plastike)…”

Tani në pasditen e vonë zonja Pasko përsëri komenton në rrjetin social:

“Po bëhen 20 orë, Tirana pa ujë dhe ende nuk na është thënë emri i difektit.

Se fjala “difekt” nuk mjafton.

Jemi konsumatorë, pagues të rregullt, dhe duhet ta dijmë konkretisht, teknikisht se çfarë ka ndodhur. Të mos harrojmë se para pothuaj dy vitesh u dyfishua tarifa e shërbimit!

Ku janë gazetarët me pyetjet e tyre?

Janë shpërndarë me mikrofonët gati, selive të partive, duke mbledhur lajme partiakësh për veprimtari partiake…. Lajmi i ujësjellësit mbetet i fundit në edicionin e lajmeve, atje ku këtë lajm e japin. Por në shumicën e tyre, mungon.

Turp për gazetarinë tonë që nuk arrin të vlerësojë sa e rëndë është të mbetet kryeqyteti i vendit mbi 20 orë pa ujë!”

SHBA: Shkurajues dënimi për Tahirin, por tregon pavarësi në rritje të gjyqësorit

Ambasada amerikane në Tiranë e quajti shkurajues dënimin që iu dha ish-Ministrit të Brendshëm Saimir Tahiri, por tha se kjo sinjalizon një hap përpara për pavarësinë e gjyqësorit në Shqipëri.

Në deklaratë thuhet:

“Vendimi i djeshëm kundër ish Ministrit të Brendshëm Saimir Tahiri demonstron pavarësinë në rritje të gjyqësorit dhe fillimin e fundit të pandëshkueshmërisë për personat me lidhje të forta.

Ndërkohë që dënimi i zotit Tahiri për akuzën e shpërdorimit të detyrës sinjalizon një hap të rëndësishëm përpara, dënimi është shkurajues, duke pasur parasysh se sa të rënda ishin akuzat.

Ata që shpërdorojnë besimin publik dhe shkelin ligjin duhet të përballen me pasoja domethënëse.

Shtetet e Bashkuara do të vazhdojnë të mbeten partnerë të Shqipërisë, në mbështetje të përparimit të mëtejshëm të reformës në drejtësi, transparencës dhe qeverisjes së mirë.” za

Nga grafisti i shquar Avni Delvina: Grafike nga cikli “Reforma e Shekullit drejt WC-es”.

Piktori i shquar Avni Delvina sjell grafikën e rradhës me titull:

“Grafike nga cikli “Reforma e Shekullit drejt WC-es”.
Nje reforme e vleresuar nga nderkombetare te shumte dhe me perspektive PLANETARE, qe nga Shqiperia, MAQEDONIA, etj”