VOAL

VOAL

Rriten tensionet në Evropë, pasi Rusia dislokon raketa

October 12, 2016

Komentet

Dhjetë ditë në plazhin bosh – Nga Agim Xhafka

Nuk është punë çmimi. Është shkak varfërimi i shqiptarëve që plazhet janë thuajse bosh. Dhe po sjell një shembull nga Pogradeci. U bënë dy javë që çdo ditë udhëtoj nga Korça drejt gjolit. Kam gjetur një plazh të këndshëm midis vilave të qeverisë dhe Volorekës. Në këmbë të një hoteli të vogël,por me një lulishte para mbushur me gjelbërim,trëndafila dhe pemë pa fund. Si një pyll norvegjez. Sa mbërrij më del para një djalosh dhe më tregon ku të parkoj.

-Sa kushton?

-Pa leka,bre!-më thotë.

Afrohem te çadrat e nga që vij herët kam fatin të zgjedh një te rreshti i parë. Shoh që dyshekët janë të pastër si drita,shezlongët e drurit të lyer me ngjyrën e gjolit. Gjithë qejf bëhem gati të shtrihem e të ftoj rrezet e diellit mbi trupin tim.

-Sa kushtojnë dy shezlongë?-pyes sërish çunin.

-Tremijë,bre!

E ka me të vjetra. Në këtë zallamahi çmimesh më duket shumë i ulët. Ndaj e pyes përsëri e ai përsëri:

-Po tremijë bre. Tremijë.

Kaloj orë atje. Mes freskisë,notit,diellit e më pas shoh i çuditur që jam veç unë në plazhin e vogël. Majtas-djathtas askush. Më vjen çudi e me rroba banje gjoja shëtis bregut. Që të shoh plazhet ngjitur. Të bukur,të pastër,por njerëz me kokrra. Në drekë vendos të drekoj aty. Belushka si ta do zemra. Perime të avullit a zgarës. Shija e gatimit si poezia e Lasgushit. Dhe në fund për dy persona:

-Sa është fatura?

-Po njëzetmijë lekë,bre!-më thotë një çun që me siguri sa ka hyrë në gjimnaz,ama përdor lekun e vjetër kur flet.

Kaloj ditë kaq të bukura,me kaq pak shpenzime,me kaq aktivitet sa më shtrenjtë më shkon jeta në shtëpi se në plazh. Po pse nuk ka njerëz xhanëm? Pse? Se korçari është varfëruar. Ka ikur jashtë për punë dhe ata që ngelën i shkretoi rënia e euros. Me 200-300 euro të fëmijëve dhe guxonte të vinte ndonjë ditë në Pogradec. Tani me aq lekë nuk blen dot ilaçet. Gjoli aty është. Pret e pret njerëz… Do dhe ai britma fëmijësh e të rriturish. Dikur te ato valë pagëzoheshin të sapo martuarit. Tani rrotull nuk sheh as pleq. Se dasma s’ka më. Nga varfëria tani ka lindur bashkëjetesa,që po aplikohet masivisht. Gjoli rri e pret. Nuk mërzitet,pret…

 

Shqipëri, reagime për turizmin në bregdetin jugor

VOA/Raimond Kola

Zhvillimet e turizmit në bregdetin jugor në Shqipëri po shoqërohen edhe këtë vit me reagime sidomos në rrjetet sociale. Rritja e çmimeve në disa shërbime turistike duket se ka ndikuar, sipas operatorëve, në disa zona, në uljen e frekuentimit të plazheve. Faktorët janë kompleksë, thonë sipërmarërsit në Ksamil, ndërkohë që në portin e Sarandës edhe këtë vit vihet re një rritje e ardhjes së vizitorvë nga ishulli grek i Korfuzit.

Qyteza e vogël e Ksamilit në jug të Shqipërisë ka qenë një nga epiqendrat e reagimeve të shumta lidhur me zhvillimet e turizmit këtë vit në bregdetin jugor nga Vlora në Sarandë.

Reagimet më të forta, sidomos në rrjetet sociale, vijnë për një rritje të çmimeve të shërbimeve turistike që nga hoteleritë deri tek plazhet që duket se ka ndikuar në uljen e frekuentimit krahasur me një vit më parë.

Përparim Ahmeti, një nga sipërmarësit e parë të hoteleve në Ksamil thotë se turizmi nisi që në prill dhe në maj me një prurje të lartë të vizitorëve.

“Në prill dhe në maj pati një prurje të lartë të turistëve dhe shumë biznese menduan se do të ishte një fluks i paparë dhe rritën çmimet jashtë kuotave që duheshin dhe shohim për momentin që korriku është jashtë pritshmërive. Flas në përgjithësi, pasi në biznesin tim unë kam rritje të turizmit krahasur me vitin e kaluar falë edhe investimeve që kam kryer së fundi me ristrukturimin e hoteleve”, thotë ai.

Ka një sërë faktorësh që kanë ndikuar në rritjen e çmimeve, thotë më tej zoti Ahmeti.

“Faktori kryesor në rritjen e çmimeve është rënia e euros në kuota të paparashikuara. Po kështu rritja e pagës së punonjësve. Një sanitare tek unë paguhet 1300 euro, nuk flas për kuzhinierin dhe pozicione të tjera që janë paga shumë më të larta. Këtu ka një kosto tjetër të personelit pasi bizneset punëtorët i marrin nga rrethet e tjera dhe detyrohet tu krijojnë kushte ushqimi dhe strehimi përgjatë gjithë sezonit. Një arsye tjetër është edhe rritja e çmimeve bazike për hotelet dhe restorantet nga furnizuesit e shumicës”.

Ndryshe nga vitet e mëparshme këtë vit turizmi po mbëhteten më pak nga prodhimi vendas si bujqësor, por sidomos blegtoral.

Produktet dhe nënproduktet e e qumështit mbulohen kryesisht nga importet, ndërkohë që renia e sektorit blegtoral shtë më e dukshme në shume zona në jug të Shqipërisë dhe tregu turistik nuk arrin të furnizohet me prodhimet tradicionale shqiptare, sic ndodhte më parë.

Zoti Ahmeti që është edhe anëtar i këshillit të bashkisë së Sarandës thotë se në paketën fiskale të këitj viti ka pasur rritje të tatimit për bizneset . Si përfaqësues i opozitës ai thotë se e ka kundërshtuar këtë rritje pasi bizneset sipas tij duhen mbështetur.

“Në paketën fiskale gati janë dyfishuar taksat dhe detyrimet e bashkisë. Në mënyrë të padrejtë mendoj se janë rritur dhe si opozitë e kemi kundërshtuar këtë vendim-marrje”, thotë zoti Ahmeti.

Opozita thotë më tej zoti Ahmeti ka vlerësuar një seri investimesh në qytezën e vogël të kryera këtë vit në infrastrukturë, por ende mbeten problem sipas tij furnizimi me energji elektrike dhe me ujë.

“Në jemi opozitë në këshillon bashkiak por e kemi vlerësuar maksimalisht ndërhyrjen që është bërë në Ksamil me investimet në vitin 2024. Është bërë një rrugë këmbësorësh shumë e mirë, janë shtruar të gjitha rrugët e brendshme. Por ka përsëri mangësi si ajo me problemet e rrjetit të energjisë elektrike, mangësi ka me furnizimin me ujë, probleme kanë plazhet që shteti duhet të ndërhyjë për t`i zgjidhur”

Në plazhet e Ksamilit sipërmarrjet ofrojnë shërbime në një perimetër që duket se është mjaft i kufizuar në raport me ngarkesën e lartë të mbindërtimeve që Ksamili kë përjetuar dhe që vijojnë të shtohen dita ditës.

Rexhep Korbi thotë se prej 32 vitesh merret me turizëm duke ofruar shërbimet në një plazh që frekuentohet nga vizorë nga e gjithë bota. Sipas tij turizmi është në kuota optimale këtë vit.

“Turizmi është në rritje, aspak në rënie .Edhe sivjet që predikohet që s’ka turizëm unë jam në të kundërt asaj që thuhet. Turizmi është në kuotat optimale në Ksamil”.

Zoti Korbi flet për cilësitë e turzmit dhe sfidat, në këndvështrimin e tij.

“Ujë është shumë i pastër, rendi dhe siguria është shumë mirë dhe sivjet ka një cilësi më të madhe dhe janë shtuar edhe forcat e sigurisë. Edhe rojet kufitare i kanë sistemuar mjetet e vogla të lundrimit. Problem mbeten motorët e ujit që janë pak afër dhe shkaktojnë zhurmë të madhe dhe na janë ankuar turistët. Por sivjet është pak më mirë se vitet e tjera. Vjet ishte një probem me trafikun mjeteve në rrugën nga Saranda në Ksamil që vijon edhe këtë vit dhe pengon ardhjen normale të pushuesve, pasi radha e aotomjetve në pjesë të ditës bëhet e gjatë”

Një nga kërkesat e sipërmarrësit për autoritetet është rritja e perimetrit të sigurisë për mjetet e lundrimit.

“Mjetet e lundrimit të shpejtësisë së lartë duhet të jenë në një perimetër më të largët se ky që është tani, të paktën edhe 100 metër dhe ta zhvendosin aktivitetin në det të hapur. Kjo sepse Ksamili duke pasur ishujt afër, shumë pushues notojnë drejt tyre dhe mjetet e lundrimit përbëjnë kërcënim për jetën e tyre”

Zoti Korbi flet edhe për nevojën e shtimit të furnizimit me ujë pasi shumica e sipërmarrjeve në plazhe e blejnë çdo ditë ujin që përdoret për dushet, apo për nevojat e shërbimeve të tjera.

“Duhet të ketë më shumë ujë. Deri tani furnizimi me ujë është katër orë në mëngjes dhe një orë e gjysëm pasdite. Ne e blejmë ujin çdo ditë për nevojat e shërbimeve në plazh. Problem është edhe furnizmi me energji, janë bërë disa përmirësime me vendosje të kabinave të reja dhe është ndryshuar disi situata”.

Ndërkohë të dhënat e portit të Sarandës flasin se gjashtë muajt e parë të këtij viti prurjet turistike nga ishulli i Korfuzit vlersohen rreth 23 % më të larta se e njëjta periudhë e vitit të shkuar që konsiderohet si viti me i mirë turistik i Shqipërisë në dekadën e fundit.

Hatixhe Ismaili, specialiste në portin e Sarandës thotë se rreth 166 mijë pasagjerë u përpunuan nga janri në qershor nga rreth 135 mijë që ishte numri i pasagjerëve për të njëjtën periudhë të një viti më parë.

Zonja Ismaili thotë se një porti synon një projekt të ri për terminalin e udhëtarëve që duhet mbështetur me financime për shkak të rritjes vit pas viti të numrit të vizitorëve.

Rritja e numrit të pasagjerëve me tragetet turisitke ka çuar në domosdoshmërinë e zgjerimit të ambjenteve të përpunimit të pasagjerëve sepse të gjitha shërbimet tani bëhen në një terminal që u projektua 15 vite më parë.

Diskutimet dhe debatet si për rritjen e çmimeve edhe për numrin e vizitorëve pritet të jenë pjesë e zhviimit të sektorit turistik që sipas analistëve të turizmit është ende i pamaturuar në shumë zona në Shqipëri dhe ka nevojë sidomos për investime nga shteti në mjetet bazë si infrastrukturë, transport, ujë dhe energji.

Turizmi në Shqipëri: Mangësi nga brenda apo sulme nga jashtë

Jetmira Delia-Kaci

Bumi turistik që përjetoi Shqipëria një vit më parë, e rriti pritshmërinë që këtë sezon të ketë edhe më shumë turistë.

Sipas të dhënave të fundit të publikuara nga Qeveria shqiptare, nga janari i këtij viti deri në qershor, këtë vend e vizituan 4.5 milionë turistë, ose 34 për qind më shumë se në të njëjtën periudhë të një viti më parë.

Por ajo që tërhoqi vëmendjen kohëve të fundit, ishte publikimi i disa fotografive dhe videove në rrjetet sociale, që, sipas atyre që i shpërndanë, ishin të plazheve shqiptare me shumë pak njerëz ose të boshatisura.

Për kryeministrin e Shqipërisë, Edi Rama, publikimi i këtyre imazheve është “një sulm i organizuar” për të dëmtuar turizmin shqiptar.

Por ekspertë të turizmit nuk e shohin ashtu situatën. Sipas tyre, ka disa mangësi që lidhen me shërbimin dhe infrastrukturën, si dhe me rritjen e çmimeve.

Sulm apo dështim?

Në një adresim më 17 korrik, Rama shprehu bindjen se bëhet fjalë për një sulm të organizuar, me qëllim të dëmtimit të turizmit shqiptar.

“Kam folur me krerët e bashkive bregdetare që janë të habitur nga shumë video, lajme e komente të rreme, të manipuluara, të bëra me qëllim e që duan të thonë se këtu s’ka ardhur njeri. Sulmi vjen nga disa anë”, tha Rama, pa specifikuar më shumë.

“Sistemet tona të sigurisë kanë ndezur dritën e kuqe, të sigurisë kibernetike. Ka shumë profile false që përdoren për këtë sulm”, shtoi ai.

Për ekspertin e turizmit në Shqipëri, Leonard Maçi, kjo deklaratë e Ramës është përpjekje për të justifikuar dështimin për të tërhequr turistë.

“Unë do të bëja një krahasim: nëse një njeri ka probleme me një nga organet e trupit, atëherë preken edhe organet e tjera. Pra, kjo vjen nga brenda dhe jo nga jashtë. Ajo që dua të them, është se nuk ka asnjë sulm apo sabotim të huaj”, thotë Maçi për Radion Evropa e Lirë.

“Këto janë teori konspirative për të justifikuar veten, mungesën e kontrolleve sa i takon rritjes abuzive të çmimeve apo mosmarrjes së masave për të përmirësuar shërbimin dhe infrastrukturën”, shton ai.

Sipas tij, një nga arsyet përse turistët zgjodhën Shqipërinë vitin e kaluar, ishin dhe çmimet e lira, që këtë vit janë rritur.

“Çmimet, sidomos në jug, janë rritur në mënyrë joproporcionale dhe të pashembullt. Dhe, pritshmëria ndaj çmimeve të ulëta ka rënë bashkë me reklamën që i është bërë këtij fenomeni. Pra, kemi efektin bumerang. Duhen masa paraprake para se të bësh turizëm, duhet të kesh siguruar njëherë asete dhe produkte, e më pas t’i shesësh”, thotë Maçi.

Problemin me rritjen e çmimeve, kryesisht në jug të Shqipërisë, e pranoi edhe Rama, pak ditë më parë.

Duke iu drejtuar kryebashkiakëve të Vlorës dhe Sarandës, ku raportohen çmime të larta krahasuar me një vit më parë, Rama kërkoi nga ta që të bisedojnë me operatorët turistikë për këtë problematikë.

“Duhet t’u thuhet se kjo është jo vetëm e padrejtë, por është strategjikisht vetëvrasje për vetë ata”, tha Rama në takimin me kryebashkiakët.

Maçi, në anën tjetër, shton se është e patolerueshme që pikërisht në kulmin e sezonit turistik në Shqipëri, kryhen punime në infrastrukturë, të cilat, siç thotë, shkaktojnë trafik dhe ndotje.

Kjo problematikë, sipas tij, është një tjetër arsye që sivjet numri i turistëve do të jetë më i ulët.

Asaj i shton edhe, siç thotë, mungesën e pjesëmarrjes së Shqipërisë me atë që ofron, në panairet ndërkombëtare.

Rezerva për shifrat e turistëve

Besnik Vathi, një operator turistik në Shqipëri, thotë se ka rezerva në lidhje me shifrat që i deklarojnë institucionet shqiptare për numrin e turistëve.

“Ne i raportojmë hyrjet në kufi, e që nuk janë të gjithë turistë”, thotë ai.

“Në mesin e tyre janë edhe turistë, edhe ata që quhen vizitorë të së njëjtës ditë… E, për shkak të rëndësisë që po merr Aeroporti i Rinasit për rajonin, janë me qindra mijëra udhëtarë nga Kosova, Mali i Zi apo Maqedonia e Veriut që e përdorin atë, për të kapur fluturime direkte, pasi krahasuar me vendet e tyre, janë 3-4 herë më lirë”, thotë Vathi.

Sipas tij, duhet parë nëse ata që hyjnë nga një kufi tokësor, dalin brenda orësh apo qëndrojnë.

“Nëse nuk raportojmë në këtë mënyrë, vihet në dyshim saktësia sa u përket shifrave të turizmit”, thotë Vathi.

“Nëse u referohemi hyrjeve nga Kosova”, thotë ai, asnjëherë nuk është saktësuar se sa prej tyre janë pushues në Shqipëri, e sa e shfrytëzojnë territorin e Shqipërisë për të kaluar në Mal të Zi.

“Mund të jenë edhe qytetarë me pasaporta zvicerane apo gjermane, që mund të futen në Shqipëri nga kufiri me Malin e Zi, të kalojnë dhe të shkojnë në Kosovë, ose anasjelltas. Dhe ne, me këtë mënyrë matjeje, i llogarisim si turistë të huaj, e në fakt duhen klasifikuar si vizitorë transit”, thotë Vathi.

Më pak a më shumë kosovarë?

Kryeministri shqiptar, në takimin me kryebashkiakët, tha po ashtu se pretendimi i disa ekspertëve të turizmit se shtetasit e Kosovës e kanë “braktisur” Shqipërinë, është i pabazë.

“Nga janari në qershor janë 1.7 milion hyrje të qytetarëve të Kosovës ose 25 për qind më shumë se vjet”, tha Rama.

Por, edhe për këtë çështje, ekspertët ndajnë një mendim tjetër.

“Institucionet shtetërore thonë se në gjashtë muajt e parë të këtij viti kanë ardhur 1.7 milion turistë, ndërkohë që popullsia e Kosovës është 1.6 milion banorë. Nuk mund t’i llogarisësh si turistë, sepse duhen ndarë udhëtarë, turistë, vizitorë…”, thotë Maçi.

Vathi, në anën tjetër, pret të ketë rritje të numrit të kosovarëve që do të hyjnë në Shqipëri, por turistët, sipas tij, do të mbeten në nivelet e një viti më parë ose më pak.

“Numri i kosovarëve, nëse do t’i qëndrojmë kësaj metodologjie, do të ketë rritje, për shkak se liberalizmi i vizave [për Kosovën] dhe çmimet e ulëta që ofron Aeroporti i Rinasit përmes linjave ‘low cost’, u japin atyre mundësi të kalojnë përmes territorit tonë, për të shkuar në destinacionet që zgjedhin”, thotë Vathi.

“Pra, do të kemi më shumë udhëtarë kosovarë, por nuk mund ta them të njëjtën gjë për numrin e turistëve kosovarë”, thekson ai.

Gjatë vitit 2023, Shqipëria regjistroi një numër rekord turistësh – prej 10.1 milionësh.

Për një raportim të Radios Evropa e Lirë më 23 qershor, Mehdi Olluri nga Lipjani i Kosovës, që kishte zgjedhur Shëngjinin e Shqipërisë për të pushuar, tha se krahasuar me një vit më parë, çmimet janë më të larta.

“Ka rritje të [çmimeve të] ushqimeve në dyqane, në restorante, e gjithashtu edhe banesa është më e shtrenjtë se vjet”, tha ai. Radio Evropa e Lirë

Si po eliminohet Shqipëria nga harta e turizmit europian

Ditët e fundit Shqipëria është përfshirë nga një debat i ndezur mbi ecurine e sezonit turistik të këtij viti.

Një numër gjithmonë e më i madh zërash janë duke artikuluar se sezoni po shkon drejt dështimit, teksa shpesh në rrjetet sociale qarkullojnë edhe pamjet e plazheve bosh.

Por qeveria vazhdon të trumbetojë se Shqipëria po përjeton një bum turistik, që sipas saj dëshmohet nga statistikat e hyrjeve të të huajve në pikat kufitare të vendit.

Por si qëndron e vërteta?

Kapitali konsultoi statistikat e platformës booking për rezervimet e periudhës 1 deri në 15 gusht, që përkojnë me pikun e sezonit turistik në Shqipëri dhe vendet fqinje konkurrentë në fushën e turizmit.

Shqipëria

Sipas të dhënave zyrtare nga booking, për periudhën nga 1-15 gusht Shqipëria ka gjithsej rreth 18 mijë prona të listuara në booking. Nga këto aktualisht janë të lira rreth 4782 prona, të cilat janë të disponueshme për t’u rezervuar. Për të njëjtën periudhë rezulton se norma e padisponueshmërisë në rang kombëtar është 73 për qind.

Image

Kjo do të thotë se 73 për qind e pronave të listuara në booking nga shqiptarët janë të rezervuara për periudhën 1 me 15 gusht dhe në shifër absolute kjo përkon me rreth 13.3 mijë prona.

Greqia

Fqinji jugor i Shqipërisë ka aktualisht të listuara 10457 prona të disponueshme në platformën booking për periudhën 1 me 15 gusht. Sipas të dhënave të booking, në rang kombëtar Greqia rezulton të ketë një normë padisponueshmërie prej 89 për qind.

Image

Që do të thotë se për periudhën 1 me 15 gusht, Greqia ka të rezervuara 89 për qind të pronave që qytetarët grekë kanë listuar në booking.

Mali i Zi

Mali i Zi është një tjetër konkurrent direkt i Shqipërisë në tregun turistik. Sipas platformës booking, për periudhën 1-15 gusht Mali i Zi ka aktualisht 2246 prona të lira të listuara në booking. Norma e padisponueshmërisë në rang kombëtar rezulton 83 për qind.

Image

Që do të thotë se në Mal të Zi janë të rezervuara 8,3 nga 10 prona të listuara në booking për periudhën 1-15 gusht.

Italia

Fqinji perëndimor i Shqipërisë rezulton se ka një normë rezervimesh prej 86 për qind për periudhën 1 me 15 gusht. Italia ka ende 42 mijë e 985 prona të disponueshme për rezervim në platformën booking gjatë kësaj periudhe.

Image

Italia është një superfuqi turistike, e cila pret mesatarisht rreth 60 milionë turistë në vit.

Maqedonia e Veriut

Maqedonia e Veriut nuk hyn tek destinacionet më të nxehta të turizmit. Vendit i mungon vija bregdetare, por ai konkurron në treg me disa atraksione turistike liqenore.

Image

Sipas të dhënave nga booking, Maqedonia e Veriut rezulton të ketë një normë rezervimi prej 79 për qindësh, ndërkohë që ky vend ka ende 786 prona të disponueshme për rezervim në periudhën 1 me 15 gusht.

Kroacia

Kampioni i padiskutueshëm i turizmit në vendet fqinje me të cilat Shqipëria konkurron është Kroacia. Shteti ballkanik ka një normë rezervimi prej 96 për qind të pronave të listuara për periudhën 1-15 gusht, ndërkohë që ka ende të lira rreth 4352 prona.

Image

Kroacia është një vend, i cili kohët e fundit po ndërmerr politika për të dekurajuar flukset turistike për shkak të problemeve me mbishfrytëzimin e burimeve, por edhe efekteve anësore që turizmi shkakton për banorët lokalë.

Image

Megjithatë Kroacia mbetet kampionia e padiskutueshme e turizmit në rajon, të paktën sipas platformës booking duke shënuar normën më të lartë të rezervimeve, ndërkohë që Shqipëria mbetet e fundit në grup duke rrezikuar eliminimin nga Champions League siç thotë kryeministri./ Kapitali.al

Ujërat e Malit të Zi në shënjestër të kontrabandistëve të thesareve nënujore

Pamje nga hulumtimi arkeologjik i shtratit të detit malazez, në të cilin ka marrë pjesë Qendra Rajonale e Zhytjes për Çminim Nënujor dhe Trajnim të Zhytësit (RCUD). Foto: RCUD

 

Jasna Vukiqeviq

Mali i Zi, me një vijë bregdetare prej 300 kilometrash të gjatë dhe me 2.440 km² det, nuk ka rregulla që i mbrojnë ujërat e tij dhe pasuritë nënujore.

“Kjo është arsyeja përse Mali i Zi është bërë El Dorado për grupe dhe individë që mund të zhyten në pjesën e tij të Adriatikut pa asnjë kontroll, të nxjerrin eksponate arkeologjike, t’i qesin jashtë vendit dhe t’i shesin në tregun e zi”, thotë zhytësi Vesko Mijajlloviq për Radion Evropa e Lirë.

Ai është drejtor i Qendrës Rajonale të Zhytjes për Çminimin Nënujor dhe Trajnimin e Zhytësve (RCUD), e cila merret edhe me kërkime arkeologjike nënujore.

Qendra është themeluar nga Qeveria e Malit të Zi.

Vesko Mijajlloviq

Vesko Mijajlloviq

Mijajlloviq thotë se, ndryshe nga vendet ku pasuria nënujore mbrohet nga departamente të ndryshme të specializuara, Mali i Zi nuk ka ligj për zhytjen apo rregullore për aktivitetet nënujore.

“Kjo është arsyeja përse njerëzit shpesh nuk besojnë, kur na pyesin se çfarë lejesh u duhen për t’u zhytur në Mal të Zi, dhe ne u themi: nuk kanë nevojë për asgjë”, thotë ai.

E, kjo është edhe pikërisht arsyeja përse disa individë dhe grupe të organizuara të zhytjes vijnë në Mal të Zi për të grabitur thesare nënujore, shton Mijajlloviq.

Si shembull të aktiviteteve të tilla kriminale, ai përmend shkatërrimet e vendeve arkeologjike, të zbuluara në kërkimet e fundit sistematike nënujore.

Bëhet fjalë për disa rrënoja nga Gjiri i Kotorrit deri në Budvë, të epokave të ndryshme, e madje edhe të periudhës para erës së re.

Ato eksponate janë me vlerë të jashtëzakonshme dhe në tregun botëror arrijnë shuma enorme, thotë drejtori i RCUD-së.

Zhytësit RCUD gjatë një sondazhi në një nga rrënojat. Foto: RCUD

Zhytësit RCUD gjatë një sondazhi në një nga rrënojat. Foto: RCUD

Ai shton se informacioni për vendndodhjen e tyre do të duhej të ishte një sekret i ruajtur mirë, por se, mesa duket, ka arritur tek ata që e kanë keqpërdorur.

RCUD-ja ka ngritur vazhdimisht kallëzime penale për prishjen e shtratit të detit, por pa rezultat.

“Ne duhet ta mbrojmë urgjentisht trashëgiminë tonë kulturore nën det”, apelon Mijajlloviq.

Radio Evropa e Lirë pyeti në Drejtorinë e Policisë në Mal të Zi për rastet e kontrabandës dhe të tregtisë ilegale të eksponateve nënujore.

“Zyrtarët e policisë nuk kanë regjistruar raste, në të cilat ka pasur persona të privuar nga liria, për shkak të tregtisë ilegale dhe kontrabandimit të eksponateve arkeologjike nënujore”, thuhet në përgjigje.

Infrastruktura nënujore është e pambrojtur

Amfora të shekullit IV para Krishtit, të gjetura në detin e Budvës.

Amfora të shekullit IV para Krishtit, të gjetura në detin e Budvës.

Edhe pse Mali i Zi ka nënshkruar Konventën e UNESCO-s për Mbrojtjen e Trashëgimisë Kulturore Nënujore në vitin 2008, ai nuk ka miratuar ligje që e rregullojnë këtë fushë, e që do t’i përcaktonin në mënyrë institucionale përgjegjësit për zbatimin e tyre.

Sipas Mijajlloviqit, rregulloret për aktivitetet nënujore duhet të miratohen sa më shpejt që të jetë e mundur, sepse ato mbrojnë jo vetëm trashëgiminë kulturore, por edhe sigurinë e zhytësve, objektet e infrastrukturës nënujore dhe objektet ujore.

“Për shembull, Mali i Zi ka kabllo nënujore për ndërlidhje me Italinë. A nuk duhet të kujdeset shteti për mbrojtjen e objekteve të tilla dhe të kontrollojë se kush, kur, ku dhe pse zhytet?”, pyet Mijajlloviq.

Radio Evropa e Lirë pyeti Ministrinë e Kulturës në Mal të Zi se si e mbron trashëgiminë kulturore nënujore dhe sa para ndan për këtë qëllim dhe për kërkimet nën det, por nuk mori përgjigje.

Çfarë është hulumtuar deri tani?

Një pjesë e madhe e shtratit të detit malazez është ende e paeksploruar.

Deri më tash, janë lokalizuar rreth 30 vende arkeologjike nënujore, ndërsa më të vjetrat datojnë nga shekulli i katërt dhe i tretë para erës së re, thotë për Radion Evropa e Lirë arkeologu nënujor, Darko Kovaçeviq.

Ai është udhëheqës i Laboratorit të Arkeologjisë Detare në Fakultetin Detar të Kotorrit, i cili është themeluar dy vjet më parë dhe është njësia e parë kërkimore shkencore në Mal të Zi nga kjo zonë.

Darko Kovaçeviq.

Darko Kovaçeviq.

Laboratori, aktualisht, punon vetëm për dokumentimin e vendeve tashmë të zbuluara, thotë Kovaçeviq.

Harta e tij e digjitalizuar mbështetet kryesisht në rezultatet e kërkimeve të kryera që nga viti 2009 nga Qendra për Konservim dhe Arkeologji e Cetinjës, në bashkëpunim me RCUD-në dhe Fondacionin Detar RPM nga Florida në SHBA.

Atëkohë, për pesë vjet, anija amerikane Hercules ka eksploruar bregdetin nga Gjiri i Kotorrit deri në Budvë, duke përdorur hidrolokatorë në një thellësi prej 30 deri në 150 metra, zhytës të mekanizuar me telekomandë dhe kamera nënujore me rezolucion të lartë.

Ata kanë mbledhur të dhëna për vendndodhjet e eksponateve në zonë dhe kanë krijuar Sistemin e Informacionit Gjeografik (GIS) – një hartë e bregdetit malazez.

“Që nga zhytjet e para është gjetur vendi i një nëndetëseje nga Lufta e Parë Botërore dhe në katër sezonet në vijim janë zbuluar gjithsej 22 rrënoja. Dhjetë vende antike janë gjetur gjithashtu midis hyrjes në Gjirin e Kotorrit dhe Gjirit të Budvës”, thuhet në arkivin e Fondacionit Detar në SHBA.

Në hartë figurojnë gjashtë rrënoja nga Lufta e Dytë Botërore.

Në mesin e tyre janë katër anije të fundosura përgjatë Platamunit – kep midis Tivatit dhe Budvës. Ato janë kryesisht anije mallrash italiane.

Nëndetësja e mbytur britanike H-3 gjendet në Gjirin e Kotorrit, ndërsa afër Ulqinit është vendi ku është mbytur nëndetësja franceze Frenel.

Kovaçeviq shton se ndër vendet e famshme është edhe ai i anijes austro-hungareze, Zenta, në një thellësi prej rreth 70 metrash, e cila është fundosur në betejën e parë detare, gjatë Luftës së Parë Botërore.

Zhytjet virtuale

Dhe, këto mund të shihen edhe pa u zhytur. Në Fakultetin Detar në Kotorr, trashëgimia kulturore nënujore është e disponueshme në një dhomë të realitetit virtual, nga ku mund të shihen anijet e fundosura.

Nëpërmjet një simulimi 3D, vizitorët mësojnë për historinë e tyre, si dhe për anije të ngjashme në Kroaci dhe në Bosnje e Hercegovinë, me institucionet e të cilave Universiteti i Malit të Zi ka bashkëpunuar për ta realizuar këtë projekt.

Një pjesë e projektit të quajtur “Wrecks4All” është bashkëfinancuar nga Bashkimi Evropian përmes fondeve të bashkëpunimit ndërkufitar. Radio Evropa e Lirë

Përgatiti: Valona Tela

Mbi turizmin në Shqipëri, patriotët kujdestarë, për ata që e duan me zemër dhe ata që e shohin dhe e ndjejnë nga distanca vlerën e turizmit Nga Musa Sabedini

 

Ditëve të fundit është bërë çështje problematike krejt e panevojshme dhe madje për mua humbje kohe, mbi turizmin në Shqipëri, mbi propagandat e ulëta dhe mbi gjendjen reale në Shqipëri, dhe mbi faktet e pamohueshme që Shqipëria në të ardhmen duhet të përballet me gjendjen reale. Meqë brenda vitit sigurisht frekuentoj mbi 12 herë bregdetin shqiptar, e njoh mirë situatën atje dhe asnjë lajm, kronikë, apo dokumentar nuk mund ta dëmtojë apo pengojë shkuarjen e kosovarëve në Shqipëri. Kosovarët mund të pengohen, dëmtohen, torturohen vetëm nga sjelljet e vendasve, çmimet e pakontrolluara dhe lojërat e shpeshta me ndjenjat e pushuesve. Pra, Shqipëria duhet ta ndryshojë strategjinë mbi turizmin, sidomos ndaj kosovarëve, sepse nëse njëherë e ke mashtruar apo gënjyer kosovarin, ai nuk të harron lehtë ose anasjelltas. Vëllezërit tanë në Shqipëri duhet ta kuptojnë se ne bëjmë nga 4 deri në 8 orë rrugë të lodhur e me rreziqe të shumta për ta shijuar ujin e ngrohtë të bregdetit shqiptar. Liberalizimi i vizave e ka frenuar në një masë të madhe frekuentimin masiv të kosovarëve drejt bregdetit shqiptar, por kjo nuk zgjat shumë, sepse vlerat që i ka deti i Shqipërisë nuk i ka asnjë vend përreth. Krejt çka duhet të investohet nga shteti shqiptar është cilësia, vlera dhe mikpritja më e ngrohtë për pushuesit kosovarë. Kjo nuk do të thotë se ka munguar ose mungon mikpritja, por koha e sezonës kërkon një përkushtim dhe përgjegjësi më të avancuar, kundrejt kërkesave të pushuesve kosovarë.

Politikanë, gazetarë, qytetarë, vëzhgues pasivë, komentues të kotë në rrjetet sociale e të tjerë, ditëve të fundit janë marrë me një fenomen, që në dukje të parë duket shumë i ulët dhe pa asnjë fitore të taborëve të ndryshëm.

“Plazhet bosh”, “Mungojnë pushuesit kosovar”, “Çmimet e larta largojë pushuesit”, “Shezllonet me çmime astronomike”, pra janë vetëm disa nga titujt që u pushtuan nga portalet, duke mos e pasur asnjë fitim nga ky muhabet shterpë.

E vërteta është se mbi turizmin në Shqipëri duhet të flitet, duhet të debatohet shtruar dhe pa asnjë ngarkesë sepse Turizmi mendoj unë, pak a shumë është brengë e përbashkët, në këtë rast të kosovarëve si pushues dhe të vendasve si mikpritës.

Pra çështjen e trajtoj ose do ta orientoj në këtë pikë. Se turizmi në Shqipëri lëngon prej shumë vitesh nga gjëra të thjeshta, por shumë të domosdoshme për një pushues, kushdo qoftë ai dhe ky shpjegim imi as është ndërtuar nëpër laboratorët e Rusisë e Serbisë, siç kanë dëshirë ta përshkruajnë “patriotët kujdestarë” të të gjitha kohërave, që nuk pajtohen asnjëherë me ndonjë vlerësim, që ata mendojnë se dëmtohet Shqipëria.

Unë asnjëherë s`jam pajtuar edhe me këto videolojërat e momentit që bëhen virale në situata të ndryshme në bregdetin shqiptar.

Pushues do të ketë gjithmonë në Shqipëri dhe këtë fakt se ndalon askush, por ne mund të flasim për ngritjen e cilësisë së shërbimeve në Hotelierit, apartamentet private, plazhet që shpesh janë të papastra, mungesa e energjisë elektrike deri në 8 orë në ditë, mungesa e infrastrukturës, etj.

Kam frekuentuar ose qëndruar edhe në Hotele të 200 eurove për një natë, po edhe në Hotele nga 70 euro e tutje dhe asnjëherë se pash ose nuk e takova tek dera e Hotelit, një person apo shoqërues që do të thotë “Mirëserdhe zotëri”. Pse mungon ky gjest mikpritjeje asnjëherë se kam kuptuar.

Do të duhej që në rate të tilla një shoqërues të shprehet: ”Mirë se erdhe vëlla dhe kaloni çaste të mira në ambientet tona”, mungon ky detaj në çdo cep të bregdetit.

Duhet ta keni parasysh se pushuesi kosovar zgjohet në 5 të mëngjesit për të mbërri në plazh, vjen i lodhur, i rraskapitur dhe momenti i parë ose kontakti i parë atij i kërkohet pagesa dhe netët e qëndrimit.

Janë elemente dhe cikërrima periferike, por që kanë peshë tek pushuesit.

Më rastisi të jem natën finale të kampionatit evropian në Shëngjin. Një Hotel bukur luksoz ku hyra për të pirë kafe, mezi më shërbyen me arsyetimin se janë të rezervuara tavolinat. Ngula këmbë dhe qëndrova derisa e përfundova kafenë. Përballë ose në hyrje të Hotelit luksoz ishin hiç më pak se 30 thasë mbeturina, ndërsa ngjitur pothuajse pushuesi kosovar, që ishte me familje po kryente ushqimin e pasditës. Kjo nuk është propagandë as diçka që e dëmton turizmin, përkundrazi ua hap sytë pronarëve, që kujdesi ndaj klientëve duhet të jetë maksimal dhe jo të shihen apo trajtohen si punë leku.

Pa humbur kohë turizmin në Shqipëri mund të dëmtohet e lëndohet vetëm nga vendasit, pra nga personat e parë që kanë kontakt me pushuesit, këtu hynë kamerierët, stafi i Hotelit, mbikëqyrësi i plazhit, kuzhina dhe pjesa e ushqimit.

Shqipëria po ec shpejt, por krahas kësaj ajo duhet të kujdeset urgjentisht për cilësi në ushqime, cilësi në sjellje e mirësjellje, cilësi e shtim të sigurisë, kujdes maksimal në urgjenca mjekësore, shmangie e tollovi të trafikut, balanci i çmimeve ose ruajtja e tyre, sigurimi i energjisë elektrike, kujdestari 24 orë të largimit të mbeturinave nga kontejnerët, që kundërmojnë erë të tmerrshme.
Atëherë pse mos t`i debatojmë hapur këto situata absurdi dhe situata që me pak përgjegjësi institucionale dhe kujdes shtetëror mund të eliminohen.

Nuk besoj që ka ndonjë kosovar, me përjashtim të Agjencive Turistike, që tek e fundit e kanë biznes vajtje ardhjet në Shqipëri, dëshirojnë apo i gëzohen situatave kur plazhet mund të duken të zbrazëta.

Unë takova disa pronar të Hoteleve dhe më thanë me shqetësim se sivjet ka rënie të numrit të turistëve, krahasuar me vitin e kaluar dhe kjo dukej qartë.

Tjetër janë dronët e Edi Ramës, i cili pa pikë nevoje mundohet të tregojë situatën ndryshe, në vend që Edi Rama, të investoj miliona në ngritjen e cilësisë së shërbimeve, të paktën në trotuaret publike, që duken jo të mirëmbajtur sa duhet dhe të krijoj e mundësoj rend e rregull edhe në trafik.

Më pëlqeu kolegu nga Tirana, Lutfi Dervishi i cili me shembuj konkretë kishte ngritur shqetësimin serioz të siç është shprehur ai :“Shkatërrimit të turizmit në jug” pikërisht nga pasoja e ngritjes së çmimeve.

E dëgjova edhe këtë teori se biznesmen nga Vlora kishin ardhur në Shëngjin dhe u kanë bërë presion Hoteleve të atjeshme që të ngrenë çmimet e dhomave dhe kjo më është argumentuar nga disa pronarë shumë seriozë.

Tani, a duhet të brengosemi për mungesën e pushuesve, që mund të jetë e përkohshme apo duhet të brengosemi për të gjitha ato shqetësime, e dilema që i prezantova më lart.

Bindja ime bazohet vetëm në gjetjet faktike që turizmi në Shqipëri ka nevojë për reforma hoteliere, komunikim modern dhe qasje në komunikim në të gjitha platformat.

Tani dhe një shembull shumë periferik, por që pushuesit kosovar i kushton shumë. Shumë Hotele kanë mungesë të recepcionistëve ose kanë mungesë stafi. Dhe nëse t`i thërret në tel ose viber apo whatsap, në 90% të rasteve nuk e hapin telefonin dhe të sugjerojnë që të shkruash mesazh.

Mungesa e kamerierëve profesionist është shumë evidente dhe ata përbëjnë një pejzash të rëndësishëm të asaj që quhet turizëm me nivel cilësor. Kamarierët janë shumë “agresivë” dhe nuk kanë dëshirë të humbin shumë kohë me ty, sepse nuk e kanë mendjen fare aty, ata e shohin vetën të përkohshëm dhe jo si pjesë e pandashme e Hotelit, ku punon e paguhet.

Nga ky mal problemesh tani në sfond na dalin “mbrojtësit kujdestarë” ata patriotët me baterija që sulmojnë çdo personalitet, që jep një mendim ndryshe ose të paktën tregon gjendjen reale.

Unë nuk i thash, e as i përshkrova as 20% të defekteve, që ka turizmi në Shqipëri sepse për mua si do që të jetë gjendja atje, unë e dua e përjetojë dhe e ndjej bregdetin shqiptar.

Nëse pushuesi kosovar ose kushdo qoftë ai del herët në mëngjes, për të ecur skaj plazhit qysh në start do të bëhet nervoz sepse e sheh se asnjë nga plazhet nuk janë të pastruara, veti kjo shumë e dëmshme dhe neveritëse.

Ose kur në mbrëmje ke dëshirë për të ecur trotuareve publike, do të kënaqesh me kundërmimin e kontenjerëve të papastër. Të bëhemi real këto bashkitë e ato kompanitë publike, që paguhen nuk e kryejnë as 10% punën e tyre.

Jam i lidhur me atë hapësirë shqiptare dhe dëshirojë që ta shoh të ngritur e të avancuar çdo pjesë të bregdetit në Shqipëri, duke lejuar këtu edhe mendime ndryshe dhe ide e propozime, që mund të ndikojnë pozitivisht, për ta ndryshuar rrëmujën që po shkaktohet nga vetë vëllezërit tanë.

Unë kam përjetuar edhe momente e situata të pakëndshme, gjatë këtyre 24 viteve dhe nuk i takojë kategorisë së kolegëve të mi, që ngarendin pas reklamave dhe detin e shijojnë vetëm nga kafiteritë, thjesht flas nga përvoja ime e përjetuar, por pavarësisht kësaj bregdeti shqiptar për mua mbetet prioriteti kryesor sepse e dua me zemër, e dua me shpirt dhe nuk më bëjnë përshtypje tek e fundit finesat e vogla, anipse me pak syqeltësi ato mund të evitohen nga vëllezërit tanë.

Autori është themelues në Rajonipress dhe ligjërues në degën e Media dhe Komunikim në UBT

PERËNDIMI NË DËSHTIM- Nga PAOLO MIELI- Përktheu Eugjen Merlika

 

Çështje e një milimetri. Po të kishte shkuar në shenjë goditja e Thomas Matthew Crooks, Shtetet e Bashkuar do të ishin zhytur në një luftë civile. Me gjasë, me çështjen Biden ende në hava do të kishin dështuar edhe zgjedhjet presidenciale të parashikuara për 5 nëndorin e ardhshëm. E me sistemin e Shteteve të Bashkuar të paralizuar, i gjithë Perëndimi do të ishte gjunjëzuar. Më shumë se sa është tani. E pamundur, në gjëndjen e tanishme, që të dalë në dritë diçka e sigurtë rreth identitetit të “fshehtë” (duke hamendësuar që të jetë një) i shtënësit. Do të na furnizoheshin tregues të përkatësive të tij të shkuar për ditë të tëra. Për vite, për dhjetëvjeçarë. Mbetet e panjohura se si Crooks, i pajisur me një shënjestër shumë të mirë e një aftësi të padyshimtë të përdorimit të armëve, ka mundur të avitet i patrazuar në një distancë prej njëqindenjëzet metra nga shenja e shënuar, të vihej në pozicion zjarri e të shtinte. Edhe këtu do të gjejmë, siç ndodh gjithmonë, dhjetra njerëz që do të thonë se kanë parë, parashikuar, lajmëruar e nuk i kanë dëgjuar. Një skenar i stërnjohur, që secili prej nesh do t’i a përshtasë lehtësisht bindjeve të tij të hershme, shumë përpara sesa veprimi të kryhej.

Ndërsa ai që na duket i qartë është kuadri i përgjithshëm që qëndron në sfondin e atentatit ndaj Donald Trump-it. Prej vitesh një Perëndim i mbetur pa drejtues – duke bërë një përjashtim për Joe Biden pa marrë parasysh problemet e njohur – është në vështirësi kundrejt Kinës, Rusisë dhe Iranit që fitojnë idhtarë të grabitur në t’ashtuquajturin Jugë të botës. Kemi përmëndur fillimisht Kinën sepse është me Vendin e drejtuar nga Xi Jinpingu që do të arrihet në bejlegun përfundimtar. Pekini ndan letrat, blen zona të tëra ekonomike në çdo pjesë të globit, i hap dritën jeshile luftërave nga të cilat mendon se ka leverdi. Ka, veç të tjerave, në gjithë botën atllantike personalitete, që në mënyrë pak a shumë të hapur (gjithmonë në mënyrë të dukëshme, sidoqoftë) janë vënë në shërbim të saj. E ka përcaktuar takimin strategjik të ndeshjes së shekullit që qëndron në ripushtimin e Taivanit brënda e jo më larg se viti 2049. Mundësisht shumë më parë. Pa shprazur asnjë fishek nëse gjërat do të shkojnë siç janë duke shkuar.

Brënda asaj date Perëndimi dhe partnerët vartës të Kinës do të jenë përgjakur në luftëra pa mbarim, të tilla që kur të kërcasë ora e Taivanit, askush nuk do të dojë të dijë për luftime, raketa, ploja, as për Vënde ndërmjetës. Evropa ka treguar buzë ndodhisë ukrainase, se nga çfarë brumi është gatuar. Ndonjë e papritur e mirë ka ardhur nga Vendet fqinj të Rusisë, ka patur një qëndresë thelbësore të Britanisë së Madhe, pjesërisht të Gjermanisë e paparashikueshmërisht të Italisë (por deri pak ditë më parë). Për të tjerët lloqe, shtyrje dhe mungesë gatishmërie për të shpenzuar në armë të reja. Duke plotësuar gjithshka nga thirrje korale për paqë (pra për dorëzim), të pritura nga Putini me dashamirësi e ndonjëherë me ndonjë shenj talljeje.

Duke mbetur në kontinentin tonë duhet të përmendim pozitivisht figurat në krye të BE e të NATO-s, që janë treguar në lartësinë e kohëve. Të kompensuar nga dy drejtues, Orbani (në shoqëri të sllovakut Robert Fiko) për më tepër Erdogani (vetëm NATO), që me qejf kanë luajtur në spondë me trekëndshin e sipërpërmendur. Ndeshja, t’a themi sinqerisht nuk është mirë. Por mbetet e panjohura më e rëndësishme, ajo e Shteteve të Bashkuar. E këtu përqëndrohemi. Bideni, me të gjithë problemet mbi të cilët po kthehemi për herë të tretë, është treguar një shkëmb edhe se ndoshta tejet i matur në dërgimin e armëve Zelenskit në kohët kur i shërbenin. Me arsye shumë të mira, ju lutem. Nuk donte që t’i ngarkohej shpërthimi, qoftë edhe për shkak të ndonjë rrëmbimi ukrainas, të një lufte të vërtetë e vetiake me Rusinë.

Por Trumpi është e panjohura m’e madhe. Putini në çdo deklaratë të tij mundohet t’a paraqesë si një kukull të tij, sikur të ishte një lloj Marine Le Peni ose ndonjëri nga ata evropianë që kemi zënë në gojë e që prej kohësh janë vënë në dispozicion të kinezëve. Por njeriu, me trillet e tij mund të zbulohet një befasi. Nuk është e thënë që – duke u kthyer në Shtëpinë e Bardhë – do të kthehej në një zbatues të bindur të urdhërave ruse , iraniane e kineze. Vetëkuptohet: për sa na përket e quajmë Bidenin të besueshëm e Trumpin jo, absolutisht jo. Por për të shkuar në të sigurtën, në Moskë, Pekin e Teheran, një luftë civile që të përmbysë Shtetet e Bashkuar leverdis në çdo rast shumë më tepër se sa paparashikueshmëria e Trumpit.

Me këtë të jetë e qartë se nuk kemi ndërmënd të pohojmë se ata tre Vende ose të tjerë të lidhur me ta kishin diçka për të ndarë me atentatin e Butlerit në Pensilvani. Duam të themi se sikur e shtëna e Crooksit të kishte shkuar në shenjë, Kina, Rusia, dhe Irani do të kishin arsye për t’u gëzuar. Mundet që një kaos i madh në Washington të jetë më shumë i parapëlqyer edhe se vetë Donaldi.

PS. Debati politik mbi atentatin Trumpit këtu n’Itali u monopolizua nga një diskutim i zjarrtë mbi volinë e spostimit të një gazetari nga drejtimi i një emisioni të veçantë të kanalit 1 mbi rastin e ditës. Kjo po është një mënyrë për t’u treguar në lartësinë e kohëve në të cilat jetojmë.

“Corriere della Sera”, 14 korrik 2024 Përktheu Eugjen Merlika

VIDEO- Gazetari: Altin Dumani ‘urdhëron’ fshirjen e emisionit të kushuririt të tij me 12 vrasje!

“Ta shikojnë familjet të cilëve u ka vrarë djemtë se në çfarë kushte mbahet ky vrasës me pagesë nga SPAK-u, më saktë nga prokurorët Altin Dumani dhe Behar Dibra!” –  Këtë mesazh ka përçuar sot gazetari Flamur Vezaj duke publikuar një video dhe fotografi, të shfaqura kohët e fundit në Top Channel dhe që dëshmojnë kushtet reale në të cilat po jeton sot dhe po vazhdon edhe aktivitetin e tij kriminal duke vrarë, famëkeqi Nuredin Dumani.

Pamjet më poshtë nuk shfaqen më pas publikimit të tyre të parë dhe duket se një sy i mprehtë ka ndikuar që ato të zhduken nga sytë e publikut. Por gazetari me përvojë e ka një ide: “Këtë video e ka publikuar “Top Channel” por e kanë fshirë nga sistemi me ndërhyrjen e SPAK-ut dhe prokurorëve Dumani dhe Dibra besoj”, shkruan Vezaj. Ndiqni gjykimin e tij në vazhdim bashkë me skenat që i kanë drithëruar familjet e viktimave të vrasësit dhe jo vetëm ato.

“Ky që shikoni është Nuredin Dumani, vrasësi me pagesë i 12 personave! – shkruan Flamur Vezaj. – Po, po, ka vrarë 12 persona dhe ka tentuar të vrasë 4 të tjerë! Këto krime janë ato që ai ka “rrëfyer” vetë, pasi prokurorët ende nuk kanë zbuluar të tjerat pas zbardhjes së SkyEcc etj.!

Ta shikojnë familjet të cilëve u ka vrarë djemtë se në çfarë kushte mbahet ky vrasës me pagesë nga SPAK-u, më saktë nga prokurorët Altin Dumani dhe Behar Dibra!

Pra, për shkak të bashkëpunimit me drejtësinë, ky vrasës me pagesë, që nuk është treguar i sinqertë në disa raste, në qelinë e tij të paraburgimit 313, ka kompjuter, biseda Skype, telefon, kondicioner, gira, shtanga, televizor me programet e Digitalb etj.!

Me gjithë këto kushte luksoze, ai ka rrahur të burgosur tjerë dhe ka mundësi edhe të komunikojë me femra, t’i zërë “dashnore”, të kërcënojë apo të detyrojë të bëjnë punë për të, të vendosë gjoba, por edhe të flasë lirshëm me persona jashtë burgut!

Për të gjitha këto, ndaj tij ka një kallëzim në SPAK ku është denoncuar, e çfarë po bëhet me këtë kallëzim?!?

Pra, njeriu që ka bërë 12 vrasje kundrejt parave, ka ekzekutuar 12 të rinj, jeton në kushte luksi vetëm se ka pranuar t’i tregojë prokurorëve Dumani dhe Dibra krimet e tij! Përveç kushteve të luksit, ai do të përfitoi edhe një dënim të ulët në fund të gjykimit dhe do të dërgohet në një vend të sigurt për të vazhduar jetën i qetë!

Këtë video e ka publikuar “Top-Channel” por e kanë fshirë nga sistemi me ndërhyrjen e SPAK-ut dhe prokurorëve Dumani dhe Dibra besoj!

P. s. Unë kam një kërkesë: duke qenë se është shumë vapë, dërgojeni në një resort në jug ku ka edhe pishinë që të ndihet më i relaksuar që të kujtojë krimet që ka bërë e më pas t’i rendisë në letër!” përfundon gazetari.

Image

Image

Duaje Shqipërinë edhe kur atë e drejtojnë hajdutët e ‘Rilindjes’ – Nga Kim Mehmeti

Duaje Shqipërinë edhe atëherë kur treqind kilometrat nga Shkupi deri në Milot i kalon për tre orë, e njëzet kilometrat nga Miloti deri në Lezhë për dy orë, sepse atë e drejtojnë njerëz që nuk e kanë kuptuar se rrugët janë ‘damarët’ e tokës. Dhe se kur ato mbyllen, siç ndodhë shpesh në Shqipëri, atëherë shteti përjeton ‘infarkt’.

Vazhdo ta duash Shqipërinë edhe kur e dinë se gjysma e qeveritarëve të saj janë në burg. Dhe mos ia dëshiro zvogëlimin e numrit të pushuesve as kur e dinë se në bregdetin e saj jugorë ndërtojnë hotele e shtëpi luksoze edhe narko-mafiozët dhe hajdutët e Bashkisë së Tiranës, edhe atë jo pse duan ta zhvillojnë turizmin, por që t’i pastrojnë parat e pista dhe t’i fshehin ato që ia kanë vjedhur popullit.

Shqipërinë duhet dashur edhe më shumë sot kur ajo ka elita mjerane të pandjeshme ndaj fatit kolektiv të shqiptarëve. Pra sot  kur ‘mendimtarët” e saj të ‘pavarur’ i kalojnë pushimet në jug, ku japin nga njëqind euro për një shezllon, ngaqë Piktori ua paguan shtrenjtë heshtjen e të vërtetave si dhe, rolin e ‘vajtojcave’ të shtirura të përnatshme nëpër ekranet televizive.

Duaje pa kushte Shqipërinë edhe kur nuk mund të pushosh në bregdetin e saj jugorë, por në Velipojë, aty ku nuk të shoqërojnë djemtë me makina të shtrenjta që ua kanë blerë baballarët hajdutë, e as bukuroshet që në trup kanë më shumë silikon e botoksë se sa muskuj.
Pra Shqipërinë duhet dashur gjithmonë, edhe kur pushon mes   gjyshërve ‘skamnorë’ që asaj ia kanë dhuruar rininë, e që tani kujdesen për nipërit e mbesat e tyre si dhe, mes djemve e vajzave që i mbajnë për dore prindërit e tyre pleq, e të cilët nuk i freskon gjithaq uji i detit, sa kujdesi dhe dashuria e pasardhësve të tyre.

Duaje dhe ndihmoje edhe më shumë Shqipërinë e sotme, këtë që e drejtojnë hajdutët e ‘Rilindjes”, e të cilët ndaj saj sillen si piratët ndaj anijes që u ka rënë në duar: pasi ta plaçkitin, të duan edhe ta fundosin. Që kurrë as ata vetë të mos e marrin vesh se cili prej tyre çka dhe sa ka vjedhur prej saj.

Ish-kryegardiani: Trajtimi i Faton Hajrizit në burg që 15 vjeç në kohën e UNMIK-ut ishte abuziv!

Në foto, Faton Hajrizi i vrarë dje nga policia serbe

 

Prishtinë – Ish-drejtori i Shërbimit Korrektues të Kosovës, Emrush Thaçi në “Lajmet e fundit” në RTK ka thënë se Faton Hajrizi nuk ka pasur ndonjë objektiv të caktuar apo ndonjë prapavijë në Serbi, por me gjasë pas arratisjes nga burgu i Smrekornicës është joshur nga të tjerët për të shkuar në një shtet evropian, duke kaluar përmes rrugëve të trafikimit të qenieve njerëzore, por që ka përfunduar siç është më se keqi.

Sipas Thaçit, trajtimi i Faton Hajrizit pasi është burgosur ka qenë abuziv. “Fatoni u arrestua rreth vitit 2000, në moshë të mitur, pasi vrau një ushtar rus dhe u dënua me shtatë vjet burg. Si i mitur ai duhej të trajtohej në Qendrën Korrektuese për të Mitur, por fatkeqësisht në atë kohë menaxhimin e ka bërë UNMIK-u dhe stafi vendas, që përbëhej kryesisht nga gardianët e ish-Jugosllavisë, të cilët në kuadër të shërbimit të tyre nuk kanë ditur se  çfarë nënkupton risocializim apo integrim në shoqëri, për shkak se vet sistemi i ka mësuar që ata të përdorin dhunën dhe në një farë forme përmes përdorimit të dhunës normal që nga një i mitur ka kaluar në një formë kriminalizimi. Ai ka qëndruar me të rritur, me njerëz që kanë qenë të dënuar me vite të tëra”, ka theksuar Thaçi.

Thaçi gjithashtu shpjegoi se Fatoni vuajti dënimin në qelitë e ngushta të Dubravës, ku qëndroi për tre vjet në qeli me përmasa 2 metra me 2.5 metra. “Institucionet pas luftës, misionet e huaja dhe njerëzit kompetent të kohës janë faktorë që ndikuan jo vetëm te Fatoni, por edhe te shumë të tjerë, ku përdorimi i dhunës dhe maltretimi ishte i përhapur. Si mund të qëndrojë një i mitur 15-16 vjeçar tri vite në qeli? Abuzim më të madh nuk ka”, shtoi Thaçi.

Sipas tij për dallim me trajtimin abuziv të Fatonit në atë kohë, në kohën e tij të shërbimit si drejtor por edhe tani regjimet aktuale korrektuese kategorizojnë të burgosurit në mënyrë të përshtatshme; femrat shkojnë në qendra për femra, të miturit në Qendrën Korrektuese në Lipjan dhe të burgosurit e rrezikshmërisë së lartë në Burgun e Sigurisë së Lartë në Dyz.

‘Black Eagle’- Qeveria Rama ‘njësh’ me krimin, kush janë 2 bosët shqiptarë me lidhje politike

Dalin detaje të reja nga dosja e shumëpërfolur “Black Eagle” (Shqiponja e zezë), që ka çuar në shkatërrimin e një prej organizatave më të mëdha shqiptarë të trafikut të kokainës, ku mes të tjerash janë përmendur edhe lidhje politike dhe qeveritare në Shqipëri.

Në artikullin e sotëm, media belge “L’Echo” flet për dy prej shqiptarëve të dënuar me 9 vjet burg secili dhe zbulon emrat e tyre, pikërisht Indrit Kulaj 34 vjeç e Alfredo Hamzai 52 vjeç. Sipas mediave belge një tjetër gjyq do të zhvillohet për organizatën në Palma de Mallorca të Spanjës ku do të shihen edhe lidhjet e organizatës kriminale me personalitete të larta të politikës shqiptare.

Një natë korriku 2018, në portet e terminalit të qymyrit të Montoir-de-Bretagne, një komunë franceze pranë Saint-Nazaire. Doganat franceze inspektojnë një konteiner që mbërrin nga Surinami dhe bëjnë një zbulim: një mur të brendshëm të dyfishtë. Aty u gjetën 120 kilogramë kokainë të ndarë në pesë bukë, një telefon celular BlackBerry, një trap dhe një fener të blerë në dyqanin lokal Decathlon.

Drejtësia urdhëron hapjen e një hetimi flagrant dhe identifikon praninë e një Ford Kuga që i përket një farë Indrit Kulaj, mbajtës i një distinktivi vizitor të lëshuar nga porti i Dunkirkut. “Terminali” i tij GSM edhe në hotelin Ibis në qytet.

Prandaj, autoritetet franceze janë në kërkim. Ndaj këtij shqiptari të lindur në vitin 1990, me banim në Antwerp dhe tashmë i njohur për drejtësinë belge, lëshohet një urdhër arresti ndërkombëtar. Ai, në fakt, u dënua në vitin 2010, kur ishte 19 vjeç, me katër vjet burg për importimin e 23 kilogramëve kokainë nga një konteiner me banane në portin e madh flamand. Ishte një epokë krejtësisht tjetër, kur trafiku i kokainës në Antwerp ishte një zanat i brishtë. 14 vjet më vonë, kilogramët janë bërë ton dhe sasitë vjetore të kapjes së kokainës në Antëerp janë shumëzuar me më shumë se tridhjetë.

Afera “Shqiponja e Zezë”

Që nga ajo kohë, Indrit Kulaj është rikthyer në radarët e forcave policore europiane, si drejtues i një organizate të madhe kriminale, e cila importonte tonelata kokainë në Europë nëpërmjet Belgjikës, për përfitime kolosale. Në fund të qershorit, ai u dënua me nëntë vjet burg nga gjykata penale e Brukselit për një çështje të titulluar “Shqiponja e Zezë” nga prokuroria federale, përgjegjëse për çështjen. Kjo organizatë u orkestrua nga Indrit Kulaj dhe me ndihmën e të afërmve dhe togerëve të tij, nga qelitë e burgut në Barcelonë, më pas në Saint-Gilles, nëpërmjet kriptofonit të tij Sky ECC, thyerja e kodit të të cilit bëri të mundur ndriçimin e porosive të kësaj droge.

Fati i Kulaj ndryshoi pas zbulimit të 441 kilogramëve kokainë në një anije peshkimi marokene, e hipur nga policia në brigjet e Porto Rikos, në Karaibe , më 25 nëntor 2019. Policia spanjolle, në vendngjarje dhe në lidhje të përhershme me homologët e tyre belgë, është në dijeni të një takimi për dorëzim në një qendër tregtare në Tarragona, në jug të Barcelonës. Më 19 janar 2020, aty u arrestua Indrit Kulaj me një valixhe me para cash. Në furgonin e tij, të parkuar aty pranë, lëndë narkotike e fshehur në një fund të dyfishtë.

Shoh për Kulajn, burgosur para se të dënohej me katër vite burg nga Gjykata Penale e Barcelonës? Aspak .

Nga njëra anë, ai e di se mund të mbështetet te gruaja e tij Khesi, e cila megjithatë shqetësohet në një bisedë telefonike se shtypi e cilëson bashkëshortin e saj si një “zot droge”. “Po pse e kanë shkruar kështu zemër?”, shqetësohet ajo. “Po ç’di unë, i ekzagjerojnë gjërat për të bërë lajme”, përgjigjet i shoqi. Në telefonin e tij Sky-ECC, Kulak i dërgoi gruas së tij një foto të pesë pistoletave që i përkisnin, që besohet se kishin mbetur të fshehura në banesën e familjes. “A janë në shtëpi?” e pyet ajo burrin e saj. “Duhen zemër. U duhen djemve. Tani qe jam larguar kane filluar vjedhjet. Sa isha aty nuk kishte shanse te me vidhnin gjë , por jo me. Është për te mbrojtur veten dhe për punë, zemër.”

Mish i ngrirë dhe ngjitës ndërtimi në Paraguaj

Nga qelia e tij në Barcelonë, Kulaj planifikon edhe për të ardhmen. Dhe në veçanti rrugët e reja të importit. Një tjetër i burgosur me kombësi paraguajane i tha atij për një plan. Mjaft e shtrenjtë, sigurisht: kërkon një investim prej 250,000 eurosh në Paraguaj , në një fermë. Objektivi: të lidheni në terren me një anëtar të një ambasade për të krijuar nga e para një kompani importi/eksporti për sojë, qymyr dhe duhan, mish të ngrirë dhe ngjitës ndërtimi. Dy produktet e fundit kanë avantazhin që nuk bëjnë që skanerët e portit të reagojnë. Ai përfshin gjithashtu blerjen e një stacioni karburanti në tokë, i cili do të përdoret për të paketuar drogën dhe përzierjen e tyre me produktet e eksportuara në Evropë.

Megjithatë, planet faraonike të Indrit Kulajt prishen. Sepse policia belge po i jep një goditje të rëndë rrjetit të tij dhe po interesohet shumë më tepër për emrin e tij. Dhe kjo në veçanti më 30 shtator 2020, kur, në avenue Henri Conscience në Evere , u krye një kontroll në kutitë e garazhit ngjitur me kafenenë “Au Vieux Comptoir” , tashmë e mbyllur. Aty u gjetën 13 kilogramë kanabis, uniforma false policie, një tank zhytjeje dhe mbi të gjitha një seri e tërë kimikatesh për përpunimin e kokainës. Kutitë janë marrë me qera me emra të rremë, por aty pranë është thirrur një numër telefoni, ai i një farë Indrit Kulaj…

Një laborator përpunimi i kokainës i vihet flaka nga një cigare e fikur keq

Ajo që pasoi ishte një hetim veçanërisht i gjatë nga policia gjyqësore federale dhe zyra e prokurorisë federale, të quajtur “Shqiponja e Zezë”. Do të marrë një kthesë tjetër kur, në shkurt 2021, një përgjim i kryer ndaj Kulaj zbulon se lideri i organizatës kriminale i ka dhënë kodin e tij të kriptofonit Sky EÇ një bashkëpunëtori. Në gjendje për të “thyer” këtë kod, policia tani ka akses në të gjitha bisedat e tij, madje edhe më të vjetrat. Dhe mund të zbulojë të gjitha funksionet e organizimit të saj.

Për të organizuar trafikimin e tij, Kulaj kërkoi shërbimet e një prej bashkëpunëtorëve të tij të përjetshëm: Alfredo Hamzai . Gjithashtu shqiptar, burri ishte ai që kishte kontrollin e grupit në mungesë të drejtuesit të burgosur. Hamzai nuk është një njeri për t’u shqetësuar me detaje: ai u përgjua edhe përmes kriptofonit të tij Sky ECC, ai i sugjeroi një bashkëpunëtor të vriste partnerët e tij brazilianë: “Mbarojini, jam i turpëruar me brazilianët”.

Ishte ai që shpërtheu tërbimin e tij edhe ndaj një prej vartësve të grupit kriminal, një farë Emiliano, i cili shkaktoi në gusht 2020 zjarrin e një laboratori të përpunimit të kokainës në 244 rue Grey, në Ixelles, e gjithë kjo për një shuarje të dobët të një cigareje, në fund të natës.

Është edhe Hamzai që organizon pritjet e kokainës, herë me sukses, herë më pak, si kur në tetor 2021, një ton kokainë e hedhur në det do të humbasë për shkak të motit të keq… Përsëri ai që duhet të njohë dështimin. i kimistit të organizatës që shkaktoi zhdukjen e 35% të një importi të bazës së kokainës në një operacion të dështuar të transformimit të produktit, ndërsa humbja është zakonisht 12%. Rreziqet e një biznesi të rrezikshëm…

“Sapo u kapën…Më shumë se pesë tonë…”

Por më e keqja nuk ka ardhur ende. Më 3 qershor 2021, ishte konfiskimi më i madh i bërë ndonjëherë në portin e Antëerpen. Gati shtatë ton kokainë u zbuluan në një kontejner me banane të transportuar nga MSC Anisha R, e cila mbërriti nga Guayanaquil (Ekuador) më 31 maj. Bëhet fjalë për 93 pako të zeza që përmbajnë gjithsej 5779 bare kokainë, gjithsej 6889.6 kilogramë, me vlerë shitje më shumë se 200 milionë euro…Hamzai përmend sekuestrimin në Signal: “Sapo u kapën një orë më parë. më shumë se pesë tonë…” Një pjesë e madhe e këtij importi kokaine i përkiste grupit kriminal. Për ta, kjo është një humbje e vdekur.

Konfiskimet e njëpasnjëshme i vënë në teh baronët belgo-shqiptarë. Dhe para së gjithash Kulaj. Megjithatë, ai kishte arsye për t’u gëzuar. Më 7 tetor 2021, ai u ekstradua përfundimisht nga Spanja dhe qelia e tij e burgut në Barcelonë , duke u kthyer përfundimisht në Belgjikë. Për të, do të jetë burgu i lashtë i Saint-Gilles, në ekzekutimin e një dënimi me katër vjet burg të dhënë nga Gjykata e Apelit të Antëerpen.

Mikrofonat e vendosur në qelinë e tij të burgut lejojnë hetuesit ta ndjekin atë edhe më afër. Shokut të tij të qelisë, Kulaj hapet dhe shqetësohet për operacionet e policisë që po godasin komunitetin e trafikantëve të drogës. Por ai nuk dorëzohet: ai i thotë shokut të tij të burgosur se “pavarësisht se është në burg” , ai arrin të mbajë “50% deri në 60%” të aktivitetit të tij të zakonshëm . E gjithë kjo ndërsa përshkruan planet e saj të zgjerimit në Kolumbi dhe Ekuador.

Leja nga burgu monitorohet nga afër nga policia

Jashtë “puna” vazhdon , me Hamzain në krye. Më 8 tetor 2021, një ditë pas ekstradimit të Kulaj, bashkëpunëtori i tij mori një kontenier me “300 copë” në “188 Belfruco”, dok i specializuar për fruta dhe perime në portin e Antëerpen. Kontejneri me të vërtetë do të transferohet me kamion në Roterdam, kokaina do të shitet.

Megjithatë, rrjeta e thurur nga policia federale do të mbyllet së shpejti. Një nga laboratorët e nxjerrjes së kokainës të organizatës kriminale, me qendër në Zutendaal, në zonën e vogël artizanale të këtij qyteti të Limburgut, u çmontua në nëntor 2021. Por dita vendimtare ishte 14 shkurti 2022. Dita e pushimit të parë nga burgu i Inndrit Kulaj. Mezi duke u fshehur, ai pritet në këtë ditë të Shën Valentinit nga bashkëpunëtori i tij i preferuar, Alfredo Hamzai, i cili e pret para burgut Saint-Gilles në timonin e Renault Tëingo-s së tij. Së bashku, ata shkojnë në Antëerp për të bërë një turne në qytet dhe bashkëpunëtorë të ndryshëm. Pa e kuptuar se po ndiqen nga afër nga policia.

Ishte të nesërmen që ajo vendosi të aktrojë. Dhe për të kryer, këtë 15 shkurt 2022, rreth dhjetë kërkime të ndryshme. Në shtëpinë e Hamzait, policia ka zbuluar 198.450 euro para të gatshme. Te Xhesi, partneri i Kulajt, 74.900 euro cash, Rolex, 17 kilogramë kokainë, armë zjarri dhe një fletore e çmuar kontabiliteti , të fshehura në një dhomë sekrete me hyrje të fshehur. Gjithashtu vizitohen kutitë dhe laboratorët. Po atë ditë, policia spanjolle veproi në bashkëpunim, me mbështetjen e Europolit. Në total, 600 oficerë policie u vendosën për të arrestuar 45 persona. Një operacion i madh.

“Kur burgjet janë sitë, nuk janë përgjigjja”

Dy vjet më vonë, Indrit Kulaj dhe Alfredo Hamzai, të shoqëruar nga rreth pesëmbëdhjetë bashkëpunëtorë, u dënuan me nga nëntë vjet burg, ndërsa prokuroria federale kërkoi njëzet vjet burg. Ishte në fund të qershorit dhe zyra e prokurorisë federale që atëherë ka apeluar, tha zëdhënësi i saj për L’Echo. Kryetari i gjykatës ka marrë parasysh “rrëfimet” dhe “keqardhjet” e bashkëpunëtorëve, duke rrëfyer shumicën e fakteve, ndërkohë që ata do të duhet të gjykohen edhe në Spanjë, në Palma de Mallorca, në një seksion që ka të bëjë me një shikim më nga afër të lidhjeve të supozuara midis organizatës kriminale dhe personaliteteve të larta politike shqiptare.

Ndaj Dimitri de Beco , avokati i Indrit Kulaj, pret të përjetojë një gjyq të dytë. Ai përshëndet punën e një gjyqtari “i cili zgjodhi një dënim të matur përballë rritjes mbresëlënëse të dënimeve të kërkuara. Burgu nuk është përgjigja për këtë fenomen, veçanërisht kur ato janë sita që nuk i pengojnë trafikantët të vazhdojnë punën e tyre atje. padyshim që duhet të rimendojmë dënimin,” thotë ai.

Nathalie Gallant , avokatja e Alfredo Hamzait, nga ana e saj mirëpret “gjykimin e matur të një gjyqtari që e njeh çështjen e tij dhe nuk e lejoi veten të tërhiqej në rrëshqitjen Sky-EÇ, duke mos kërkuar të bëjë një shembull”./ faktor.al

Presidenti Biden përballë ‘izolimit’ fizik dhe politik

VOA/Patsy Widakuswara

I infektuar me COVID-19, Presidenti Joe Biden po përballet me izolim fizik dhe politik në një moment kritik të fushatës së tij për një mandat të dytë presidencial. Siç njofton korrespondentja e Zërit të Amerikës, Patsy Widakuswara, më shumë demokratë po i kërkojnë që të tërhiqet nga gara.

Republikanët u zotuan për unitet dhe mbështetje ndaj kandidatit të tyre për Shtëpinë e Bardhë, ish Presidentit Donald Trump, ndërsa i dhanë fund kuvendit kombëtar në Miluaki.

Për Presidentin Biden është një skenë më e vetmuar. Ai është izoluar në shtëpinë e tij në Dalauer pas ifektimit me COVID-19. Ndërkohë ligjvënës të lartë demokratë i kanë bërë thirrje zotit Biden që të tërhiqet nga gara. Analistët thonë se shanset e presidentit janë të zymta.

“Madje, demokratët nuk mund të vendosin nëse Biden-i është në një situatë problematike apo jo. Dhe nëse po, ta largojnë nga gara dhe në çfarë mënyre. Kjo është një çështje themelore. Nga ana tjetër, republikanët janë bashkuar dhe realizuan një kuvend të mirë. Donald Trump-i, pjesërisht për shkak të atentatit ndaj tij, ndoshta ka më shumë mbështetje publike sesa ka patur më parë”, thotë analisti Larry Sabato me Universitetin e Virxhinias.

Në rrugë private thuhet se presidenti po i dëgjon shqetësimet ndërsa publikisht po u reziston thirrjeve për t’u tërhequr nga gara.

“Kam treguar se di si t’i bëj gjërat për vendin, pavarësisht se u është thënë se ne nuk mund t’i realizonim. Por kemi ende për të bërë, dhe unë hezitoj të tërhiqem”, tha Presidenti Biden gjatë një interviste në kanalin televiziv BET.

65% e demokratëve thonë se zoti Biden duhet të largohet nga gara, sipas një ankete nga AP-NORC.

“Është kulmi i marrëzisë dhe injorancës të pretendosh se e di se kush do të fitojë dhe kush do të humbasë, bazuar në anketa që ndryshojnë vazhdimisht. Dhe t’i detyrosh kandidatët të tërhiqen, vetëm sepse mendoni se ata nuk mund të fitojnë”, thotë profesori Alan Lichtman me Universitetin Amerikan.

Sistemi “Keys to the White House” nga historiani presidencial Alan Lichtman ka parashikuar me saktësi që nga viti 1984 të gjitha rezultatet e zgjedhjeve, me përjashtim të një rasti. Ai thotë se demokratët duhet të qëndrojnë me zotin Biden.

Sistemi i profesorit Litchman nuk i merrr parasysh anketat. 70% e amerikanëve thonë se nuk janë të sigurtë që zoti Biden ka kapacitetin mendor për të qenë president ndërsa 51% mendojnë të njëjtën gjë për zotin Trump.

Nëse zoti Biden pranon të largohet, një skenar i mundshëm do të ishte që ai të mbështesë një kandidat tjetër. Nënpresidentja Kamala Harris do të ishte një zgjedhje logjike, të paktën nga ana financiare, sepse si pjesë e dyshes Biden-Harris, ajo do të trashëgonte fondet e mbledhura për fushatën presidenciale.


Send this to a friend