VOA
Instituti për Demokraci dhe Ndërmjetësim (IDM) publikoi sot në Tiranë Raportin e Vlerësimit të Sistemit Kombëtar të Integritetit për Shqipërinë, mbi efektivitetin e mekanizmave kombëtarë kundër korrupsionit.
Raporti, një bashkëpunim me Organizatën Transparency International, me mbështetjen e Bashkimit Europian, vëren një rënie në sektorin publik sa u takon mekanizmave kundër korrupsionit, një stanjacion në media dhe shoqërinë civile, ndërsa veçon si përparimin më të rëndësishëm atë në sistemin gjyqësor dhe në prokurori.
“Kuadri legjislativ i Shqipërisë mbetet i fragmentuar dhe efektiviteti i reformave është i kufizuar; shumë institucioneve publike u mungojnë kapacitetet, burimet dhe stafi i nevojshëm për detyrat e tyre”, thuhet në raport.
Lidija Prokic, këshilltare rajonale e organizatës Transparency International për Europën Lindore dhe Juglindore, tha për Zërin e Amerikës se reformat anti-korrupsion në Shqipëri duhet të vazhdojnë, se reforma në sistemin gjyqësor po kryhet me sukses, por edhe se ky Raport zbuloi se disa sektorë janë ende të brishta përballë korrupsionit.
“Një nga gjetjet më të spikatura nga Raporti është dobësia e rolit mbikëqyrës të parlamentit, prej nga rezulton që në disa fusha korrupsioni lehohet të vazhdojë. Nevojitet më shumë ndërveprim midis shoqërisë civile dhe institucioneve qeveritare në krijimin e një legjislacioni të vërtetë e funksional, që ta mbrojë shoqërinë nga korrupsioni. Kjo është e vetmja rrugë ku Shqipëria dhe vende të tjera në rajon mund të përparojnë drejt integrimeve europiane”, tha zonja Prokic për Zërin e Amerikës.
Në Raportin e Vlerësimit të Sistemit Kombëtar të Integritetit, një instrument i organizatës Transparency International, analizohen mirëqeverisja, transparenca dhe llogaridhënia tek Kuvendi, qeveria, partitë politike, gjyqësori, media, institucionet e pavarura, organizatat e shoqërisë civile si biznesi privat.
“Sektori publik i Shqipërisë është shtylla me pikët më të ulëta, sepse vuan nga standarte të paqarta profesionale, nga rreziku i korrupsionit dhe nga ndikimi politik”, thuhet në raport.
Sipas tij, përpjekjet për reforma dështojnë në krijimin e një sektori publik profesional dhe të përgjegjshëm, ku shkarkimet e padrejta mbeten një shqetësim me rëndësi.
IDM thekson në raport se në Shqipëri janë të pranishme forma të ndryshme korrupsioni, nga korrupsioni i vogël dhe nepotizmi deri te pastrimi i parave dhe kapja e shtetit, të cilat kanë marrë një rritje të konsiderueshme.
“Korrupsioni i madh dhe kapja e shtetit janë rritur ndjeshëm në dekadën e fundit, pasi Shqipëria ka rritur rreziqe të tilla nëpërmjet privatizimit, koncesioneve dhe partneriteteve publik-privat PPP. Këto mënyra të transferimit të parave publike dhe kapitalit në duar të privatit kanë qenë të prirura ndaj korrupsionit dhe pretendohet se kanë kontribuar në pasurimin personal të zyrtarëve qeveritarë”, thekson raporti.
Sektorët ekonomikë më të prekur nga korrupsioni i madh, sipas këtij raporti, kanë qenë energjia, transporti, ndërtimi, shëndetësia dhe turizmi.
“Pastrimi i parave dhe marrëveshjet e fshehta ndërmjet partive politike, zyrtarëve të qeverisë dhe grupeve të organizuara kriminale janë shqetësuese dhe janë përkeqësuar”, thuhet në raport.
Kuadri legjislativ kundër korrupsionit vlerësohet se është mjaft gjithëpërfshirës, por jo mjaftueshëm i qartë në përcaktimin e përgjegjësive institucionale për ta zbatuar atë.
“Mungesa e transparencës lehtëson vendimmarrjen e korruptuar dhe kapjen e shtetit”, thekson raporti.
Pavarësisht Ligjit për të Drejtën e Informimit dhe Ligjit për Njoftimin dhe Konsultimin Publik, institucionet publike, sipas raportit, ende nuk arrijnë të zbulojnë të dhënat përkatëse buxhetore dhe të prokurimit, ndërkohë që proceset e konsultimit publik priren të jenë formale.
Në të theksohet se “ndikimi i qeverisë mbi Kuvendin është i rëndësishëm dhe institucionet e pavarura si KLSH, ILDKPKI dhe Avokati i Popullit ushtrojnë presion të kufizuar thelbësor mbi ekzekutivin për të hartuar politika efektive kundër korrupsionit”.
Pavarësisht një ligji të ri për prokurimin publik, raporti thekson se “procedurat e prokurimit publik në sektorin shëndetësor dhe në infrastrukturë vuajnë nga një sërë çështjesh që variojnë nga ofertat fiktive deri te mungesa e mbikëqyrjes efektive”, ndërsa “nuk bëhen të ditura detajet në lidhje me zbatimin dhe ekzekutimin e kontratave të koncesionit/partneritetit publik-privat (PPP)”.
Në këtë raport theksohet se zbatimi në praktikë i ligjit për parandalimin e konfliktit të interesit dhe për mbrojtjen e sinjalizuesve mbetet i dobët.
Mjedisi i biznesit në Shqipëri vlerësohet se ka mbetur i prirur ndaj korrupsionit për shkak të sfidave si informaliteti, administrata publike joefektive dhe besimi i ulët në sistemin e drejtësisë. “Rastet e zyrtarëve publikë që marrin pagesa nga sektori privat janë të përhapura, megjithëse ka pasur iniciativa për të reduktuar kontaktet mes bizneseve dhe zyrtarëve publikë”, thuhet në raport.
Në të theksohet se shoqëria civile, mediat dhe partitë politike kanë shënuar rezultate të dobëta.
“Besimi tek partitë politike është shumë i ulët, sepse partitë politike kanë përqafuar klientelizmin, duke ofruar përfitime në këmbim të mbështetjes elektorale dhe financiare, duke shtuar dyshimet për përfshirjen e grupeve kriminale në këtë marrëdhënie”, thuhet në raport.
Në raport thuhet po ashtu se Komisionit Qendror të Zgjedhjeve ende i mungojnë burimet e mjaftueshme për të monitoruar financimin e partive politike dhe të ndëshkojë shkeljet e ligjit nga partitë politike, ndërsa “ka akuza për ndërhyrje të partive politike në burimet dhe dhënat shtetërore”, por “mekanizmat për të parandaluar keqpërdorimin e burimeve publike gjatë fushatave politike janë joefektive”.
Zonja Prokic, përfaqësuese e Transparency International, tha për Zërin e Amerikës se shoqëria civile ka një rol të rëndësishëm për të luajtur në luftën ndaj korrupsionit, dhe ajo po kurajohet nga TI, që të jetë më bashkëpunuese dhe më aktive në përpjekjet për të mbajtur nën kontroll korrupsionin.
“Qëllimi ynë është bashkëpunimi me qeverinë që ajo të marrë masa konkrete në kontrollin e korrupsionit së pari në sektorin publik, por Raporti vëzhgon korrupsionin edhe në sektorin e biznesit, i cili është po ashtu i lidhur me rolin e parlamentit, qeverisë, dhe drejtësisë. Secili ka një rol të madh për të luajtur, dhe nuk mund të shihen të shkëputura”, tha zonja Prokic.
Në të theksohet se organizatat e shoqërisë civile monitorojnë llogaridhënien e qeverisë me metoda të ndryshme, por ndikimi i tyre është i kufizuar, ndërsa përballen me vëmendje të kufizuar, me frikësime të vazhdueshme, ngacmime dhe sulme.
Sa i takon gazetarisë, në raport thuhet se materialet e përgatitura nga qeveria dhe reklamat e fshehura vënë në dyshim integritetin gazetaresk dhe rolin publik të medias.
“Pavarësia editoriale kushtëzohet nga interesat e pronarëve dhe vlerësohet se mediat promovojnë axhendat e qeverisë, biznesit dhe grupeve kriminale për përfitime personale në tregje fitimprurëse”, theksohet në raport, i cili veçon si problem kufizimet mbi informacionin për gazetarët investigativë, shoqërinë civile dhe profesionistët e medias.
“Krijimi i Agjencisë për Media dhe Informim në vitin 2021 ka centralizuar më tej kontrollin e përmbajtjes së informacionit që bëhet publike nga institucionet qeveritare”, thuhet në raport.
Ai thekson se “liria e medias në Shqipëri është përkeqësuar”, ndërsa “media priret të politizohet ndjeshëm dhe marrëdhënia midis qeverisë dhe pronarëve të medias duket se lidhet me një përfitim reciprok: mbulim pozitiv për qeverinë në këmbim të aksesit në fondet publike dhe lehtësimit të procedurave administrative”.
Në raport theksohet se linjat editoriale të mediave diktohen nga interesi vetjak ekonomik; fakti që pronarët e kompanive më të mëdha mediatike janë aktivë edhe në sektorë si ndërtimi, shëndetësia ose financa.
“Këto marrëdhënie zhvillohen më tej në rrjete klientele të plota thelbësore për korrupsionin e madh dhe mundësinë për të përfituar nga kontratat publike”, thekson raporti i IDM-së për vitin 2023, i cili vjen pas atij të fundit në vitin 2016.
Raporti vlerëson reformën në drejtësi, procesin e vetingut, si dhe ngritjen e një prokurorie të posaçme kundër korrupsionit dhe krimit të organizuar, por thekson se ende gjendja e qeverisjes demokratike është përkeqësuar, ndërsa gjendja e shtetit të së drejtës ka ardhur ngadalë në rënie.
Po ashtu regjistrohet përkeqësim edhe sa i takon mbrojtjes së drejtave njerëzore dhe qytetare, ku janë dokumentuar shkelje të së drejtës për tubim të lirë, ndalime të paligjshme dhe shkelje të së drejtës për strehim nëpërmjet dëbimeve me forcë dhe prishjes së pronës për t’i krijuar hapësirë projekteve të infrastrukturës në kryeqytet.
Edi Rama, Ilir Meta nuk kane lene shqiptare te varfer pa ja nxi jeten,megjithe kushtet ekstreme me nje jetese mizerje ,policia nuk ka menduar dy here per ti rras ne burg ata qe nuk kane paguar dritat , ujin o te ngjashme te ketije dimisionit ! Po bejm shtet na ka shurlluar çdo minut ne te gjitha ekranet TV e portalet on line servile. Kete maskarallek Edi e ka quajtur sukses,prandaj eshte fry si gjeli ne maje te plehut me rilindjen. Kur flota airore , detare e toksore eksportonte prodhimet bujqesore te hashashit drejt Italis dhe Europes ,Edi Rama na ka injoruar , Iilir Meta eshte tallur, se po beheshin sperkatje me avion te vegjel ! Kur avioni i fundit me droge u gjet ne airodromin klandestin ne Durres, vetem 16 km nga ministria e brenshme, nuk u merzit askush, as opozita nuk zbriti ne rruge per te gozhduar qeverin e droges.Perse? Opozita u mjaftua me rubriken e lajmeve .Asnje te denuar nuk pati nga drejtesia e kleptokracis per drogen .**Habilajt jane kapur ne Itali se ne shqiperi nuk do ti kishte kapur kush edhe per 100 vjete me kete politike dhe drejtesi te kalbur qe kemi! Balilin ketu e kemi ! Perse nuk e kap Xhafaj hetusi? Kush do ta kapin Edi,LLalla,Meta,Basha,Berisha ,Cako? Cili nga keta mundet te ngrei doren e te thone une jam i paster nga parate e droges dhe korrupsionit! *** Sa here kemi thene se , Peshku qelbet nga koka , po shohim se jane qelbur keta te vegjlit nga bishti ,mendoni sa qelbesira eshte ne Kryeministri , ne Presidence te Republikes e ne parlament .Jo per ndonje gje por disa fakte bejne ere te keqe , kishte mjaftuar qe ky Llalla te kishte hetuar si Italia dhe sot do te kishim realitete te reja ne politiken shqiptare. Ky Llalla e di mire se Edi Rama sipas OSBA ka depozituar ne nje kompani of shore 200 miljon euro . Ky Ilir Meta eshte kapur mat ne korrupsion por “drejtesia e ndritur ” ja ka mbyllur, edhe te tjeret nuk jane burra me te mire, Berisha ka 1 miljard dollar te fituara me korrupsion( kjo sipas dekleratave te ish senatorit Amerikan) , Basha ka marre 11.4 miljon euro sipas paktit me Ramen ne18 maj,plus 240 miljon dollar korrupsion nga rruga e kombit ,edhe ketije ja mbylli “drejtesia”.Por Berisha dhe Basha kane vrare njerez te pafajshem me 21 janar ,dhe disa te tjereve nuk ju dihet as varri!! Gjithnje Llalla ka heshte, sepse Ky Llalla nuk eshte Prokuror, eshte bere afarist miljarder!** Keta gangstera politik kane sajuar nje loje para miratimit te rreformes se drejtesis aq bukur saqe te Huajt vone e kane kuptuar. Basha -Berisha benin teater duke mashtruar shqiptaret me çadren e liris, Edi Rama dhe Ilir Meta modifikuan ligjin 449 , ky ligje fale krimet politike ne keto 27 vjet si ato qe citova me siper.Kete ligje e ka firmos Bujar Nishani i cili po na ben moral si burre i mire !Turperohuni **** Edi Rama , Lulzim Basha , Sali Berisha Ilir Meta jena bashkuar per te mbrojtur kauzen e humbur; Vjedhjet me miljarda euro, me te cilat kane varferuar popullin shqiptare !**Dje Llalla ka kerkuar takim ne Ambasaden Amerikane por i ka shkuar shtrembet, e dini perse? Pergjigjia eshte e thjeshte Llalla eshte i pabesueshem eshte bashkpuntor me politikanet e korruptuar,jo per kote ja ka hequr vizen per ne SHBA ! Politikanet tane , dhe drejtesia ne tersi jane njerez pa nder e pa moral ! Keta injorant duan te spiunojne SHBA; ha,ha ha. Mos u merzit Edi Rama ata Habilaj jane ne duart te sigurta, Avash,avash behen punet e mira! Keni mbjellur eren do te korrni stuhin!!** Shume gazetar maskarenj , e te shitur si Mero Baze po perpiqen te ndihmojne mafiozat politik per te ruajtur kleptokracin; Por kesaj here eshte ndryshe puna! Perdorni Propophol per te fjetur!
Përshëndetje,
A keni nevojë për një kredi urgjente ??? A jeni në Borxhi? A keni kredi të këqija? a jeni refuzuar nga bankat, a keni nevojë për një hua për të filluar një biznes tuaj? Ne u japim kredi Njerëzve pavarësisht rezultateve të tyre të këqija / keq. Ne japim të dy kreditë e biznesit dhe personale me një zgjatje afatgjate dhe afatshkurtër të zgjedhjes suaj me normë të ulët interesi në 2% për anulim për individë dhe kompani. Programeri ynë i kredisë është i shpejtë dhe i besueshëm, aplikohet sot dhe merr përgjigjen tuaj të menjëhershme. Kreditë janë të siguruara mirë, Garancia 100% dhe Klientët janë siguruar sigurinë maksimale. Për më shumë pyetje na kontaktoni përmes adresës sonë të emailit: ([email protected]) dhe merrni kredinë tuaj sot.
Email: ([email protected])
Znj. Magret james MD / CEO