Në tremujorin e dytë të këtij viti, numri i të punësuarve në administratë dhe sektorin publik arriti në 186 mijë vetë, niveli më i lartë i shënuar në mbi dy dekada, bëhet e ditur nga statistikat zyrtare.

Në vitin e largët 2001, Shqipëria kishte një popullsi rezidente prej mbi 3 milionë banorësh dhe një sektor publik, të konsideruar gjerësisht në atë kohë si të fryrë dhe me nevojën për t’u tkurrur, prej 186 mijë vetësh.

Në tremujorin e dytë të këtij viti, sipas shifrave zyrtare të publikuara nga Instituti i Statistikave, numri i të punësuarve në sektorin publik arriti në 185,734, me një rritje vjetore prej 2400 vetësh, duke shënuar kështu nivelin më të lartë që nga viti 2002. Ndërsa nëse merret parasysh se numri i popullsisë banuese këtë vit ka rënë në 2.36 milionë, të punësuarit në shtet në raport me popullsinë ka gjasa është sot më i lartë nga sa ka qenë ndonjëherë që nga rënia e komunizmit.

Të 186 mijë të punësuarit në vitin 2002 përballë popullsisë prej saktësisht 3.069 milionë banorësh, përbënin 1 të punësuar në shtet për çdo 16 banorë, ndërsa në nivelin e sotëm kemi 1 të punësuar në shtet në çdo 12 banorë.

Shtimi i të punësuarve në sektorin publik ka ngritur shqetësime të mëdha për gjendjen e demokracisë në vend, për shkak se gjerësisht pranohet se këto punësime bëhen në shkëmbim të votave të të punësuarve dhe të familjarëve të tyre.

Vëzhguesit ndërkombëtarë bënë të ditur në raportin e vet paraprak për zgjedhjet e 11 majit në Shqipëri se punonjësit e sektorit publik u vunë në këto zgjedhje nën presion dhe se aludimet dhe raportimet për presione ndaj sektorit publik ishin “të gjithëpërhapura”.

Shtimi i të punësuarve në shtet duket se është reflektuar edhe në nivelin e shpenzimeve publike. Sipas të dhënave të Ministrisë së Financave, fatura e pagave të sektorit publik u rrit me 20% gjatë gjashtëmujorit të parë të këtij viti në krahasim me të njëjtën periudhë të vitit të kaluar, në një kohë kur të ardhurat buxhetore u rritën me vetëm 6.7%./BIRN

Sot shënohet 27-vjetori i vrasjes së Azem Hajdarit, një prej figurave më emblematike të lëvizjes studentore të Dhjetorit ’90 dhe një nga themeluesit e Partisë Demokratike.

Në nderim të kësaj dite, eksponentë të Partisë Demokratike, të kryesuar nga kryedemokrati Sali Berisha, si dhe deputetë të tjerë nga radhët e opozitës, kanë zhvilluar homazhe pranë monumentit të Azem Hajdarit në qendër të Tiranës.

Pjesëmarrësit kanë vendosur kurora me lule dhe kanë mbajtur një moment heshtjeje në kujtim të tij, duke e cilësuar Hajdarin si simbol të rezistencës ndaj diktaturës dhe një figurë kyçe në rrugën drejt demokracisë në Shqipëri.

Azem Hajdari u vra më 12 shtator 1998, në një atentat pranë selisë së Partisë Demokratike. Ai mbahet mend si një prej figurave më të zëshme të tranzicionit politik dhe mbetet një emër i rëndësishëm në historinë e re të vendit. bw

Kuvendi do të zhvillojë sot në orën 10:00 mbledhjen e parë të Legjislaturës XI, në zbatim të dekretit të Presidentit të Republikës.

Në seancën e parë pritet të ngrihet komisioni i përkohshëm i verifikimit të mandateve. 140 deputetë të zgjedhur nga qytetarët do të betohen mbi Kushtetutën e Shqipërisë për përgjegjësitë përfaqësuese dhe ligjvënëse.

Megjithëse me moshën më të madhe, doktor Sali Berisha nuk do ta drejtojë seancën konstituive, pas një refuzimi. Një tjetër mjek do ulet në krye Parlamentit për pak orë në të drejtuarin seancën dhe betimit.

Ai është mjeku Vasil Lajo, një prurje e re në grupit parlamentar socialist. 67-vjeçari e pranoi këtë rol të përkohshëm, pasi dy deputetët më të moshuar se ai, Sali Berisha dhe Tritan Shehu të Partisë Demokratike refuzuan ta bëjnë këtë. Në Kuvend kanë nisur përgatitjet për seancën inauguruese të ditës së premte. 140 deputetët e legjislaturës së 11 do të hyjnë në Parlament paradite, teksa i mirëpresin rojet ceremoniale dhe himni kombëtar. Deputeti Llajo do të çelë seancën konstituuese dhe do të ngrihet një komision për verifikimin e mandateve.

Ai do të shqyrtojë dosjet e deputetëve të sjella nga Komisioni Qendror i Zgjedhjeve, proces ky me natyrë burokratike. Derisa komisioni të bëjë punën e tij, deputetët e rinj do të largohen dhe do të rikthehen pasdite. Në pjesën e dytë të seancës plenare, drejtuesi Llajo do të thërrasë një nga një emrat e 140 deputetëve për t’u betuar. Më pas, mazhoranca socialiste do të propozojë emrin për kryetar Kuvendi, i cili gjithsesi do të jetë mësuar një ditë më parë, kur kryesocialisti Edi Rama ta shpallë në mbledhjen e partisë. Kuvendi do të organizojë një votim të fshehtë me fletë votimi letre dhe kuti, ku votat do të numërohen një nga një.

Komisioni do të shpallë kryetarin e zgjedhur të Kuvendit dhe në këtë moment, Llajo do t’i lirojë vendin drejtuesit të vërtetë të Parlamentit, i cili do të mbajë fjalën zyrtare. Në të gjitha këto pjesë të seancës plenare të së premtes nuk lejohet debat me opozitën. Në një seancë tjetër, që parashikohet të jetë të hënën, Kryeministri Edi Rama do t’i parashtrojë Kuvendit qeverinë e tij dhe programin qeverisës. Vetëm pasi parlamenti të votëbesojë kabinetin, ministrat e qeverisë “Rama 4” do të shkojnë për dekretim dhe betim tek Presidenti i Republikës, Bajram Begaj.

Kryetarja e Kuvendit, Elisa Spiropali theksoi dje se Kuvendi është gati për të mirëpritur 140 deputetët e Legjislaturës XI. Spiropali ndau një video me disa detaje nga Kuvendi që pritet të nisë më 12 shtator. “Një kapitull i ri veprimtarisë parlamentare do të nisë me Legjislaturën e 11-të të Kuvendit, ku 140 deputetë të zgjedhur nga qytetarët do të betohen mbi Kushtetutën e Shqipërisë për përgjegjësitë përfaqësuese dhe ligjvënëse, thuhet në video. Prioritet kryesor mbetet anëtarësimi i Shqipërisë në Bashkimin Evropian.

Rezultatet e 11 majit prodhuan 83 mandate për Partinë Socialiste, 50 mandate për Partinë Demokratike, 3 mandate Partia Socialdemokrate, 2 mandate Partia Mundësia, 1 mandat Shqipëria Bëhet dhe 1 mandat Lëvizja Bashkë.

Nga 140 deputetë që ka Kuvendi i Shqipërisë, 72 ulen për herë të parë në karrigen e parlamentit.

Përfaqësimi në Kuvend gjatë kësaj legjislature pasqyron diversitetin e shoqërisë shqiptare.

Mosha mesatare e deputetëve është 47,5 vjeç, duke kombinuar përvojën me energjinë e re. 35% e deputetëve janë gra.

Të zgjedhurit vijnë nga profesione të ndryshme: 32 nga drejtësia, 31 nga ekonomia dhe të tjerë u përkasin fushave si mjekësia, shkencat natyrore, sociale, politike, po ashtu edhe nga inxhinieria, arti e sipërmarrja. 25 deputetë mbajnë gradën “Doktor i shkencave” dhe 5 deputetë mbajnë titullin “Profesor”.

Për një fillim sa më efikas të sesionit të ri, administrata e Kuvendit ka përgatitur materiale orientuese dhe sesione informuese. Zyra pritëse e deputetëve ofron asistencë për njohjen e institucionit dhe detyrave të parlamentarit.

Dhjetë deputetë të Parlamentit Evropian kanë dërguar një letër të plotë zyrtare drejtuar Përfaqësueses së Lartë për Politikën e Jashtme të BE-së, Kaja Kallas, dhe Komisoneve për Siguri, Demokraci dhe Zgjerim, duke protestuar kundër ndërhyrjes së Policisë Shqiptare tek ambientet e News24 dhe institucioneve të medias, e lidhur me mosrespektimin e lirisë së medias dhe kërcënimin ndaj pavarësisë së saj.

Sipas letrës së drejtuar zyrtarëve të lartë evropianë policia shqiptare rrethoi ndërtesën ku operojnë mediat News24, BalkanWeb, Panorama dhe Gazeta Shqiptare, ndërsa u ndërpre energjia elektrike dhe punonjësit nuk u lejuan të hyjnë në ambientet e punës.

Kjo veprimtari konsiderohet si sulm ndaj pavarësisë së medias dhe një shkelje serioze e të drejtave themelore, veçanërisht për një vend që aspiron anëtarësim në Bashkimin Evropian.

Nga të dhënat në letër rezulton se incidenti lidhet me një kontest pronësie mes Ministrisë së Ekonomisë, Kulturës dhe Inovacionit dhe Focus Media Group. Autoritetet pretendojnë se kontrata e qirasë për ndërtesën ka përfunduar në vitin 2022, ndërsa Gjykata Administrative Apelore dha vendim për lirimin e menjëhershëm të objektit në korrik 2025.

Eurodeputetët theksojnë se ndërhyrja ndodhi pa një vendim të publikuar gjyqësor që lejonte ndërprerje tingëllimi ose ndërhyrjen e ekipeve të sigurisë në mënyrë që të mos pengohet puna gazetareske.

Në letrën e tyre eurodeputetët i bëjnë thirrje Komisionit Evropian që të shqyrtojë me kujdes situatën dhe të dërgojë mesazh të qartë se shkeljet e lirisë së medias dhe të drejtave themelore nuk mund të tolerohen.

Ata vendosën në dukje se ky veprim i dyshimtë nga qeveria e Shqipërisë duket se rrezikon largimin e vendit nga standardet evropiane për sundimin e ligjit, pluralizmin mediatik dhe transparencën.

Letra e plotë:

Më 9 gusht 2025, Policia e Shtetit rrethoi ndërtesën në Tiranë ku ndodhen disa media, duke ndërprerë furnizimin me energji elektrike dhe duke penguar gazetarët dhe stafin të hynin në ambientet e punës. Kjo veprimtari e paprecedentë, e raportuar si e lidhur me një mosmarrëveshje pronësie mes Ministrisë së Ekonomisë, Kulturës dhe Inovacionit dhe grupit Focus Media, është dënuar gjerësisht nga organizatat që mbrojnë lirinë e shtypit si një sulm ndaj pavarësisë së medias. Bllokada ndaloi në mënyrë efektive transmetimin e News24 dhe pengoi rreth 230 punonjës të ushtronin detyrat e tyre profesionale, duke ngritur shqetësime serioze për respektimin e të drejtave themelore dhe shtetit të së drejtës në një vend që synon të anëtarësohet në Bashkimin Evropian.

Si anëtarë të Parlamentit Evropian, nuk mund të qëndrojmë në heshtje përballë këtij sulmi të fundit të Qeverisë shqiptare ndaj lirisë së medias. Sipas deklaratës së Misionit Ndërkombëtar të Vëzhgimit të Zgjedhjeve për Shqipërinë – Zgjedhjet Parlamentare, 11 maj 2025: mjedisi mediatik në Shqipëri mbetet shumë i kufizuar, me pavarësinë, diversitetin dhe integritetin e përmbajtjes së lajmeve të minuar nga financimi jo-transparent, përqendrimi i pronësisë, ndërhyrjet në autonominë redaksionale dhe ndikimi politik.

Ngjarja e fundit konfirmon të gjitha referencat e përmendura në Deklaratën Paraprake të Gjetjeve dhe Përfundimeve lidhur me lirinë e medias, dhe është një tjetër dëshmi thellësisht shqetësuese për sa larg ndodhet ende Shqipëria nga garantimi i të drejtave që janë të panegociueshme në çdo demokraci. Liria e shtypit nuk është luks – ajo është gur themeli i jetës demokratike.

Veprime të tilla, veçanërisht nga një vend që synon anëtarësimin, nuk mund të tolerohen. Kjo vendimmarrje nga administrata e Kryeministrit Rama shton një tjetër element në listën në rritje të masave që e largojnë Shqipërinë nga parimet e shtetit të së drejtës, acquis communautaire të BE-së dhe Aktit Evropian për Lirinë e Medias.

Rruga drejt anëtarësimit në familjen evropiane si një shtet anëtar kërkon respekt të plotë për të drejtat e njeriut, ndarjen e pushteteve dhe lirinë e shprehjes. Prandaj, ne i bëjmë thirrje Komisionit Evropian të shqyrtojë me kujdes këtë situatë dhe të dërgojë një mesazh të qartë se shkeljet e këtyre vlerave themelore nuk mund të pranohen.

Michael Gahler (EPP)

Tomáš Zdechovský (EPP)

Antonio Lopez-Isturiz White (EPP)

Alexandra Mehnert (EPP)

Geadis Geadi (ECR)

Sebastian Tynkkynen (ECR)

Lucia Yar (Renew)

Virginijus Sinkevičius (Greens/EFA)

Per Clausen (The Left)

Fredis Beleris (EPP) 

Pas mbi 2 orësh fjalim, Edi Rama mbylli punimet e Asamblesë së PS me fjalët: “Na priftë e mbara të gjithëve”!

Kreu i qeverisë prezantoi sot emrat e rinj të kabinetit qeveritar, ndërsa deklaroi se socialistët do të jenë në drejtimin e vendit për një kohë të gjatë.

“PS duhet të udhëheqë edhe për shumë e shumë vjet të tjera. Përrallat që në një demokraci duhen ndërruar partitë çdo 4 vjet, lëruani atyre që tregojnë përralla. Është detyrim që ta shohim PS në krye edhe në 2030, 2040, edhe 2050 në krye. Ne ta shohim, domethënë ju ta shihni”, u shpreh Rama.

Ministrat e kabinetit të ri qeveritar:

NIKO PELESHI, Kryetar i Kuvendit të Shqipërisë

KLODIANA SPAHIU, Nënkryetar i Kuvendit të Shqipërisë

TAULANT BALLA, Kryetar i Grupit Parlamentar të PS

BELINDA BALLUKU, Zëvendëskryeministër, Ministër i Infrastrukturës dhe Energjisë

ALBANA KOÇIU, Ministër i Punëve të Brendshme

ELISA SPIROPALI, Ministër për Europën dhe Punët e Jashtme

PETRIT MALAJ, Ministër i Financave

BLENDI GONXHJA, Ministër i Kulturës, Turizmit dhe Sportit

SOFIAN JAUPAJ, Ministër i Mjedisit

MIRELA KUMBARO, Ministër i Arsimit

EVIS SALA, Ministër i Shëndetësisë

DELINA IBRAHIMAJ, Ministër i Ekonomise dhe Inovacionin

BESFORT LAMALLARI, Ministër i Drejtësisë

PIRRO VENGU, Ministër i Mbrojtjes

ANDIS SALLA, Ministër i Bujqësisë

MAJLINDA DHUKA, Ministër i Shtetit dhe Kryenegociatore me BE

ERVIN DEMO, Ministër i Shtetit për Pushtetin Vendor

TONI GOGU, Ministër Shteti për Marrëdhëniet me Parlamentin

Teksa tanimë SHBA e identifikojnë Shqipërinë, si një vend të sunduar nga droga e krimi, e ngarkuara me Punë e SHBA-së në Tiranë, Nancy VanHorn, teksa foli në konferencën rajonale të OSBE-së për trafikimin e lëndëve narkotike, tha se: “Lufta kundër organizatave kriminale dhe trafikimit të drogës, është ndër prioritetet më të larta për Shtetet e Bashkuara, pasi të dyja minojnë sigurinë globale, paraqesin rreziqe për sigurinë dhe mirëqenien e qytetarëve , duke paraqitur një kërcënim për stabilitetin në mbarë botën.”

Sipas diplomates amerikane, grupet kriminale të Ballkanit janë në gjendje ndryshimi të përhershme dhe të adaptueshme; duke përdorur komunikime të koduara, financa të paligjshme dhe lidhje korruptive.

VanHorn, ndër të tjera, theksoi se shtrirja e këtyre grupeve kriminale shkon përtej Ballkanit; madje edhe pranë Amerikës, pasi janë gjithnjë e më të përfshira në trafikun e kokainës nga Amerika e Jugut.

‘Siç kanë treguar hetimet, kriminelët shqiptarë bashkëpunojnë me kartelet e Amerikës së Jugut – grupe që përmbytin Shtetet e Bashkuara dhe Evropën me droga të paligjshme. Krimi dhe drogat e paligjshme kërcënojnë sigurinë tonë kombëtare dhe Presidenti Trump ka kërkuar që çdo politikë dhe dollar ndihme të çojnë përpara interesat e sigurisë kombëtare të Shteteve të Bashkuara’, u shpreh VanHorn.

Fjalimi i të Ngarkuarës me Punë Nancy VanHorn

Konferencën e OSBE “Lidhja midis trafikimit të drogave të paligjshme dhe krimeve të dhunshme: Prirjet dhe kërcënimet e fundit kombëtare dhe rajonale”

Mirëmëngjes, Kreu i Prokurorisë së Posaçme Dumani, Drejtor Nallabati, Ambasadorë Tarran dhe Kamitsi, miq dhe të ftuar. Faleminderit OSBE-së, Departamentit Amerikan të Drejtësisë dhe Byrosë për Çështjet Ndërkombëtare të Narkotikëve dhe të Ligjzbatimit (INL) të Departamentit Amerikan të Shtetit për organizimin e kësaj konference. Jam e nderuar që jam këtu me ju sot.

Temat e kësaj konference – lufta kundër organizatave kriminale dhe trafikimit të drogës – janë ndër prioritet më të larta për Shtetet e Bashkuara dhe Shqipërinë, pasi të dyja minojnë sigurinë globale, paraqesin rreziqe për sigurinë dhe mirëqenien e qytetarëve tanë dhe kërcënojnë stabilitetin në mbarë botën.

Zbatimi i ligjit është një nga thirrjet më të larta të një shoqërie, dhe si oficerë policie, prokurorë dhe hetues me përvojë, ju e dini sa vendimtare dhe e vështirë është lufta kundër organizatave kriminale dhe trafikimit të drogës Ju falënderoj që rrezikoni jetën tuaj për të sjellë kriminelët para drejtësisë dhe që keni marrë kohë nga puna juaj e rëndësishme për të ndarë praktikat më të mira këtu sot.

Grupet kriminale të Ballkanit janë në gjendje ndryshimi të përhershme dhe të adaptueshme; ato përdorin komunikime të koduara, financa të paligjshme dhe lidhje korruptive.

Ashtu si grupe të ngjashëm në të gjithë botën, janë të dhunshëm, luftojnë për tregje dhe territore, rrezikojnë qytetarët dhe gërryejnë besimin në institucionet publike.

Shtrirja e këtyre grupeve shkon përtej Ballkanit; ato janë në fakt ndërmarrje globale. Grupet kriminale ballkanike janë madje edhe pranë Amerikës, pasi janë gjithnjë e më të përfshira në trafikun e kokainës nga Amerika e Jugut. Siç kanë treguar hetimet, kriminelët shqiptarë bashkëpunojnë me kartelet e Amerikës së Jugut – grupe që përmbytin Shtetet e Bashkuara dhe Evropën me droga të paligjshme.

Krimi dhe drogat e paligjshme kërcënojnë sigurinë tonë kombëtare dhe Presidenti Trump ka kërkuar që çdo politikë dhe dollar ndihme të çojnë përpara interesat e sigurisë kombëtare të Shteteve të Bashkuara.

Presidenti Trump gjithashtu ka udhëzuar qeverinë tonë të punojë drejt eliminimit të plotë të grupeve të krimit të organizuar, dhe ky është fokusi ynë. Për ta arritur këtë, ne do të thellojmë bashkëpunimin me qeveritë që përputhen me këtë nivel fokusi dhe angazhimi. Puna jonë do të bazohet në interesa të përbashkëta konkrete, jo në fraza boshe apo ideologji, siç ka theksuar Sekretari Rubio.

Programet tona të ligjzbatimit në Ballkan theksojnë rezultatet dhe ndarjen e barrës – duke pasqyruar politikën tonë të jashtme “Amerika e Para”. Por, “Amerika e Para” nuk është “Amerika e vetme”. Nëse do të mund të luftonim të vetëm krimin e organizuar dhe narkotikët, nuk do të ishim këtu sot, duke punuar për një zgjidhje rajonale.

Partneriteti ynë me SPAK-un, i ndërtuar mbi një themel besimi dhe angazhimi me Departamentin tonë të Drejtësisë, tregon ndikimin e bashkëpunimit efektiv. Përmes këtij partneriteti, SPAK shënjestron kriminelët këtu dhe në Amerikën e Jugut. Një hetim i muajit korrik çoi në kallëzimin penal të 16 të dyshuarve dhe sekuestrimin e gjashtë tonëve drogë me vlerë 411 milionë euro. Muajin e kaluar, SPAK-u shkatërroi grupe që trafikonin mbi 32 tonë kokainë nga Amerika e Jugut në Europë.

Puna e SPAK-ut trajton gjithashtu një aspekt tjetër të krimit të organizuar dhe trafikimit të narkotikëve: financat e paligjshme dhe pastrimin e parave. Shuma të mëdha të ardhurash të paligjshme të pastruara në të gjithë këtë rajon minojnë rritjen reale ekonomike. Këto përpjekje forcojnë sigurinë e Shqipërisë. Ato na ndihmojnë të luftojmë edhe kartelet në pragun e Amerikës që dobësojnë kufirin tonë, që përmbytin komunitetet me drogë dhe që kontribuojnë në emigracionin e paligjshëm në vendin tonë.

Kryeprokurori i Posaçëm Dumani ishte së fundmi në Uashington për të diskutuar me udhëheqjen tonë se si e luftojmë së bashku krimin këtu dhe në Shtetet e Bashkuara. Megjithatë, partneriteti i ligjzbatimit midis Departamentit tonë të Drejtësisë dhe SPAK-ut nuk u ndërtua brenda natës. Së bashku, duhet të mbrojmë atë që kemi ndërtuar.

SPAK-u është aq efektiv sa pavarësia e tij për të ndjekur kriminelët, pavarësisht se me kë janë të lidhur. Edhe SPAK-u i nënshtrohet ligjeve të Shqipërisë. Bazuar në ligj, Z. Dumani, sado efektiv që ka qenë, do të zëvendësohet, sepse mandati i tij ka përfunduar. Procesi i përzgjedhjes së pasardhësit të Z. Dumani duhet të jetë i paanshëm, transparent dhe i lirë nga ndikimet e jashtme.

Ata që dëshirojnë ta shohin Shqipërinë të vazhdojë luftën kundër krimit dhe korrupsionit, përfshirë partnerët ndërkombëtarë, janë shumë të interesuar për këtë proces dhe do ta ndjekin nga afër.

Shtetet e Bashkuara presin integritet në përzgjedhjen e Kryeprokurorit të ri të Posaçëm; ashtu siç presim për përzgjedhjen e Drejtorit të ardhshëm të BKH-së.

Ju falënderoj sërish për guximin dhe përkushtimin tuaj ndaj vendeve dhe qytetarëve tuaj. Besoj se kjo konferencë do të forcojë aftësitë tuaja dhe do t’ju ofrojë mjete të reja në luftën tuaj të vazhdueshme dhe të guximshme kundër krimit të organizuar.

sn

Kryetari i Partisë Demokratike Sali Berisha njoftoi gjatë fjalës së tij para Kryesisë së partisë ditën e sotme, se ndërkombëtarët do të nisin në pak muaj një Komision Hetimor për Shqipërinë, duke përfshirë edhe farsën elektorale të 11 majit, por edhe për situatën e krimit, korrupsionit dhe skandaleve të tjera.

“I falënderoj ndërkombëtarët për rezolutën e votuar. Vetëm një orë pas raportit ndërkombëtar qeveria nisi presionet. Ministri i Jashtëm me akt paturpësia flagrant i shkruan letër vëzhguesve, Edi Rama tentoi gjithashtu me vëzhguesit, por nuk ia doli. Përpjekjet tona në KE, KiE, OSBE, në sintoni me raportin e ndërkombëtarëve, u vlerëuan dhe sot janë disa institucione që do të nisin në muajt që vijnë edhe Komisionet Hetimore në Shqipëri (Finding Mission). Një punë e rëndësishme është bërë, por që duhet të thellohet. Por, tani secili nga ne ka në dorë dokumente ndërkombëtare. Në Komisionin e Këshillit të Evropës asnjë nga të dërguarat e Ramës nuk e çelën gojën, çfarë të thoshin, demokratë e socialistë dënuan qëndrimin ndaj mediave”, tha ai.

Ndërsa foli edhe për punën që bëri grupi i ngritur i PD-së për të grumbulluar provat e manipulimeve të zgjedhjeve të 11 majit, ai kujtoi numrin e madh të videove të zbuluara, apo edhe rastin e zhdukjes së 350 kutive të votimit para ditës së zgjedhjeve.

“U angazhuam për të mbledhur të gjithë dokumentacionin zyrtar për të denoncuar të gjitha aspektet e kësaj farse elektorale. Ky ishte detyrimi më madhor i joni, detyrimi ndaj demokratëve dhe shqiptarëve që besojnë se vota e lirë duhet të jetë procesi i tyre. Ishte detyrim edhe ndaj atyre miqve në rajon dhe botë, që vlerësuan denoncimin e këtyre zgjedhjeve. I denoncuam edhe me prova, me video, një gjë e veçantë analiza e videove, edhe pse Policia Politike e qeverisë veproi. Nuk u la përpjekje pa u bërë që të kontrollohen qytetarët dhe vota e tyre, ku pati votime edhe nga 2-3 herë. S’kishte ndodhur ndonjëherë, por u dokumentua fal punës tonë. Grupi i punës ka bërë një punë shumë të mirë”, u shpreh Berisha.

Dhe më pas tregoi rastin e zhdukjes së kutive:

“Janë ndërruar kuti votimi, u zhdukën 350 kuti votimi më 14 prill pa asnjë dokument. Dhe të gjitha këto shkuan në pallatin e Pilo Kerrit, famozit Pilo Kerri, që u ndoqën nga qytetari kurajoz. U gjetën kuti të firmosura vetëm nga komisionerë socialistë, të ndërruara, me diskordanca, të ardhura nga diaspora me rezultate 93% për Partinë e Punës. Deri në forma të tilla groteske shkoi manipulimi. Faktet janë aq të zeza, sa nuk mund të mbulohen me asgjë”.

Berisha nuk la pa denoncuar edhe grupet kriminale apo kartelet e drogës, për të cilat tha se i kanë denoncuar me fakte në Strasburg, Bruksel dhe më gjerë, ku ndërkombëtarët tashmë janë të informuar. Berisha vlerësoi edhe qëndrimin nga SHBA-të së fundmi, që mbështet gjetjet e PD-së.

“Një analizë që nuk mund ta bësh të plotë me kartelet e drogës, se ato i njeh qeveria, por ne i kemi mbledhur veprimtaritë e tyre dhe i kemi denoncuar dhe do i denoncojmë. Nuk janë emrat e zinj të një lagje në Elbasan, por janë emra të zinj në Strasburg, në BE dhe në të gjithë rajonin e botën. Qëndrim i drejtë dhe e falënderoj atë të SHBA-ve dhe Departamentit të Shtetit për qëndrimin e mbajtur”, tha kreu i selisë blu, duke falënderuar edhe grupin e punës për mbledhjen e fakteve dhe denoncimet. gsh

Në cilësinë e Drejtuesit të Strukturës së Posaçme kundër Korrupsionit dhe Krimit të Organizuar, Altin Dumani zhvilloi takime të nivelit të lartë gjatë vizitës zyrtare në Washington D.C, në Shtetet e Bashkuara, më 2 dhe 3 shtator.

Gjatë takimeve me zyrtarë të Departamentit të Shtetit, Departamentit të Drejtësisë dhe Byrosë Federale të Hetimit (FBI) u diskutua mbi rëndësinë e bashkëpunimit të ngushtë mes SPAK dhe agjencive ligjzbatuese amerikane për të goditur organizatat ndërkombëtare kriminale, për të ndaluar trafikun e paligjshëm të lëndëve narkotike dhe pastrimin e parave.

“Z.Dumani shprehu mirënjohjen e tij për mbështetjen e vazhdueshme të Shteteve të Bashkuara dhe theksoi rëndësinë e këtij partneriteti strategjik”, thuhet në njoftimin e SPAK.

Gjithashtu, drejtuesi i SPAK mori pjesë edhe në Konferencën e DEA-s në SHBA, më 26-28 Gusht.

Me ftesë të Agjencisë Amerikane Kundër Narkotikëve (DEA), Drejtuesi i SPAK, Altin Dumani mori pjesë në Konferencën Ndërkombëtare për Zbatimin e Ligjit për Narkotikët, e cila u zhvillua në Nashville të Tennessee më 26-28 Gusht.

Konferenca e titulluar, “Uniteti global për një të ardhme më të sigurt: Forcimi i aleancave kundër krimit transnacional” , u përshëndet nga Prokurorja e Përgjithshme e Shteteve të  Bashkuara, Pamela J. Bondi.

Gjatë konferencës, Dumani zhvilloi një takim me administratorin e DEA-s, Terrance Cole, ku u vlerësua bashkëpunimi ekzistues në luftën kundër trafikut ndërkombëtar të narkotikëve dhe rëndësia e vazhdimit dhe zgjerimit të tij në të ardhmen.

Drejtuesi i Prokurorisë së Posaçme pati takime edhe me drejtues të agjencive të rëndësishme të zbatimit të ligjit të vendeve pjesëmarrëse në konference, me të cilët diskutoi mundësinë e krijimit të urave të komunikimit si edhe forcimin e marrëdhënieve ekzistuese, për të luftuar trafikun ndërkombëtar të narkotikëve. BW

Gazetarja Klodiana Lala, ka hedhur dritë mbi një nga detajet më të rëndësishme të dosjes “McGonigal”, të cilën e cilëson si një njollë të zezë në marrëdhëniet mes Shqipërisë dhe Shteteve të Bashkuara të Amerikës.

Gazetarja u ndal veçanërisht te një fragment i aktakuzës, të cilin e cilësoi si elementin më të rëndë që implikon politikisht Kryeministrin Edi Rama.

“Në faqen 7 të aktakuzës, përmendet një episod i datës 9 shtator 2017, kur McGonigal i dërgon një foto të tij me Ramën një miku të tij dhe i shkruan një tjetër miku se ‘Rama po reformon drejtësinë në Shqipëri dhe kjo ofron shumë mundësi’. Ky është për mua akuza më e rëndë morale dhe politike që i bëhet Ramës,” tha ajo.

Lala pranoi mundësinë që Rama mund të mos përballet kurrë me ndonjë ndëshkim ligjor, të paktën në këtë fazë, por thekson se pasojat morale dhe politike të kësaj dosjeje do të mbeten gjatë në historikun e tij.

Klodiana Lala: McGonial, dosje që është një njollë e zezë në marrëdhëniet e vendit tojë me SHBA. Kjo dosje duhej hetuar dhe të tregonte integritetin e institucioneve shqiptare.

Ka një hetim të çelur për takimet me Ramën, janë pyetur dhe persona që përmendin në aktakuzë si Agron Nezha, Dorian Ducka, por ajo që më bëri përshtypje ishte që në faqen 7 në aktakuzë ishte një detaj që flitej për reformën në drejtësi.

Aty thuhet se më 9 shtator 2017 McGonigal i dërgoi një foto të tij dhe Ramës një mikut të tij dhe i shkroi një tjetër miku se Rama po reformonte drejtësinë në Shqipëri dhe kjo ofronte shumë mundësi. Kjo aktakuza më e rëndë që i bëhet për mendimin tim Ramës si kryeministër i vendit. Njeriu që duhet të hetonte, korruptohet.

Amerikanët nuk e falin kurrë faktin që një kryeministër të shkojë deri aty sa të shkojë e të ketë lidhje okulte me njeriun e tyre. Rama mbase kurrë nuk do të penalizohet ligjërisht por moralisht kjo është çështja që do ta rëndojë më shumë në jetën e tij politike apo jo. bw

Kryetarja e Komisionit të Medias, Ina Zhupa, ka reaguar pas konferencës së bërë nga qeveria për Kodin e ri Penal, në seancën e dytë dëgjimore.

Ligjvënësja demokrate shprehet se asnjë nga nenet problematike nuk është reflektuar me ndryshime në përputhje me standardet europiane.

“Riprezantimi i sotëm, i kamufluar si dëgjesë ku s’u dëgjua askush nga shoqëria civile, nuk kishte ndryshuar aspak qasje të kodit penal ndaj lirisë së medias. Nenet problematike që cenojnë drejtpërdrejtë lirinë e shprehjes, lirinë e ushtrimit të profesionit të gazetarët dhe fjalën e lirë, vazhdojnë dhe mbrohen me absurditete”, shprehet Zhupa mes të tjerash në reagimin e saj në rrjetin social Facebook.

Deputetja e PD liston nenet problematike dhe faktin se asgjë nuk është ndryshuar pavarësisht reagimit të Rrjetit të Gazetarëve të Sigurt, partnerë të Nismës për Reagim të Shpejtë për Lirinë e Medias  (MFRR) dhe organizatave të shoqërisë civile në Shqipëri.

Zhupa paralajmëroi se:

“Me konstituimin e legjislaturës së re të Kuvendit, do e ndjekë me prioritet absolut këtë çështje, duke përdorur të gjitha instrumentet kushtetues, për të dëgjuar grupet e interesit, për të ndjekur standardet europiane dhe për mos lejuar cenimin e lirisë së medias”.

Reagimi i plotë i Ina Zhupës në Facebook:

“Gazetarët do ndjehen të fyer po nuk i futem në burg; Gazetarët duhen mbajtur nën kërcënim penal; Gazetarët duhet të kenë frikë kur publikojnë lajme për qeverinë dhe për gjykatat; këto ishin disa nga postulatet e kodit të ri penal të Edi Ramës kundër lirisë së medias dhe gazetarëve.

Metodë represive dhe insistim djallëzor për të heshtur dhe kontrolluar gazetarët nëpërmjet kodit të ri penal, totalisht të papranueshëm me standartet europiane.

Riprezantimi i sotëm, i kamufluar si dëgjesë ku su dëgjua askush nga shoqëria civile, nuk kishte ndryshuar aspak qasje të kodit penal ndaj lirisë së medias.

Nenet problematike që cënojnë drejtpërdrejtë lirinë e shprehjes, lirinë e ushtrimit të profesionit të gazetarët dhe fjalën e lirë vazhdojnë dhe mbrohen me absurditete si në videon bashkëlidhur.

Neni 865 (Shpifja) rrit ndjeshëm dënimet, veçanërisht kur informacioni shpërndahet nëpërmjet kanaleve mediatike dhe përdoret si mjet kërcënimi i drejtëpërdrejtë për gazetarët.

Neni 863 (Fyerja) për fyerjet e rënda prezanton kritere të paqarta si “shqetësimi i opinionit publik” dhe “zakonet e mira”, duke mos pasur përkufizime të qarta dhe duke lënë mundësi për interpretim subjektiv dhe zbatim selektiv.

Neni 536 (Ndikimi në pavarësinë e gjykatës) është veçanërisht shqetësues pasi ndalon gjerësisht bërjen apo publikimin e komenteve mbi procedurat gjyqësore, duke ndërhyrë kështu drejtpërdrejt në rolin thelbësor mbikëqyrës të medias dhe duke minuar transparencën.

Neni 517 (Dhënia e Informacioneve) ndalon ‘dekonspirimin’ e operacioneve policore dhe hetimeve, duke prekur drejtpërdrejt punën e mediave, veçanërisht në rastet e investigimit. Kur një gazetar publikon informacion lidhur me një operacion ose hetim në proces, ligji tashmë e përkufizon si dekonspirim.

Për të gjitha këto kishte zero reflektim, përkundrazi një mbrojtje sharlatane për ti lënë të pandryshuara pavarësisht reagimit të Rrjetit të Gazetarëve të Sigurt, partnerë të Nismës për Reagim të Shpejtë për Lirinë e Medias  (MFRR) dhe organizatave të shoqërisë civile në Shqipëri.

Ndërkohë që do duhet të kemi një kod penal që e trajton cështjen e gazetarëve dhe lirisë së medias në përputhje me standardet e Këshillit të Evropës dhe rekomandimet e BE-së, dhe siç parashikohet në Udhërrëfyesin për Shtetin e së Drejtës dhe siç kërkohet nga shoqëria civile dhe komuniteti i medias.

Me konstituimin e legjislaturës së re të Kuvendit do e ndjek me prioritet absolut këtë çështje, duke përdorur të gjitha instrumentet kushtetues për të dëgjuar grupet e interesit, për të ndjekur standardet europiane dhe për mos lejuar cenimin e lirisë së medias”.

gsh

Vasili shprehet se sot se treçereku i Tiranës është pa ujë dhe nëpër lagje, autoboti është mundësia e vetme.

“Shikoni me sytë tuaj se si ka mashtruar Edi Rama pa ju dridhur qerpiku se do të sillte ujë 24 orë në ditë, që vite më parë”, ka shkruar ai.

Postimi i plotë

Treçereku i Tiranes pa uje!

Ne lagje te tera uji autobotet me uje jane mundesia e vetme per te marre ndonje bidon me uje

Edhe lagjet ne zemer te Tiranes torturohen per uje.

Shikoni me syte tuaj se si ka mashtruar Edi Rama pa ju dridhur qerpiku se do te sillte uje 24 ore ne dite, që vite me pare.

A votohet më një mashtrues ordiner si ky qe i ben sherbim pisllekut te cdo forme? gsh

Përfaqësuesi i Partisë Demokratike, Lisandër Hoxha, ka lëshuar akuza të forta ndaj zëvendëskryeministres dhe ministres së Infrastrukturës dhe Energjisë, Belinda Balluku, gjatë një interviste në News24.

Hoxha ka vënë në pikëpyetje mungesën e hetimit nga SPAK për çështjen e dy anijeve të marra me qira nga qeveria shqiptare, të cilat sipas tij, janë një skandal financiar i rëndë që ka kaluar në heshtje.

Lisandër Hoxha: Cili njeri pa parti pranon të paguajë një incinerator që nuk ekziston?

Cili njeri me parti e pa parti, pranon që 2 anijet e Belinda Ballukut për të cilat nuk ka guxim SPAK nuk ka këllqe ta hetojë, se është portofoli i stabilokracisë, i qirasë, nuk shkojnë t’i vënë prangat për dy anijet e Bangladeshit që i ka marrë kompania mëmë me 15 milionë dollar në Bangladesh. Ja ka dhënë shtetit shqiptar me 75 milionë dollar qira për 2 vite të cilat nuk janë ndezur kurrë dhe paguajnë kontrata, konsultime dhe paguajnë 600-700 mijë dollarë në vit. Këto janë të gjitha para të vjedhura.

Mbledhja e Kryesisë së Kuvendit të Kosovës, 1 shtator 2025.

Kreu i PD Sali Berisha deklaroi se presidenti amerikan Donald Trump shpalli George Soros kreun e organizatës kriminale ndërkombëtare.

Berisha u shpreh se Soros, si kreu i një organizate kriminale, ka tentakulat e veta dhe në Shqipëri. “Dhe se në Shqipëri kjo organizatë është e plotfuqishme, e stërfuqishme, e përfaqësuar nga Edi Rama dhe familjarët e tij më të afërt, ish-bashkëshortja dhe bashkëshortja, përfituese të miliona e miliona eurove”, tha Berisha.

Pjesë nga fjala e kreut të PD Sali Berisha përpara SPAK:

Sistemi i reformës në drejtësi i Xhorxh Sorosit, armikut të egër të lirisë së kombit amerikan, kreut të organizatës kriminale më të madhe ndërkombëtare, ka tentakulat e veta në Shqipëri.

Pra, ju e morët vesh se presidenti i SHBA shpalli me aktin RICO, Xhorxh dhe Aleksis Soros, organizatë të mirëfilltë kriminale.

Por ju e keni shumë të qartë se organizata kriminale e Xhorxh Sorosit është organizatë ndërkombëtarë, jo vetëm kombëtare.

Dhe se në Shqipëri kjo organizatë është e plotfuqishme, e stërfuqishme, e përfaqësuar nga Edi Rama dhe familjarët e tij më të afërt, ish-bashkëshortja dhe bashkëshortja, përfituese të miliona e miliona eurove.

Por dua të them se produkte mafioze të organizatës kriminale të Xhorxh Sorosit dhe Aleks Sorosit është pas Edi Ramës familjarisht, janë në sistemin e drejtësisë. Mos harroni se Altin Troplini u dekorua pas arrestimit të Sali Berishës nga Entoni Blinken, nga një i pafytyrë, anëtar i organizatës kriminale të Sorosit, që nuk hyn sot në zyrat federale të vendit të tij.

Ja ku për merita të veçanta do të dekorohej.

Prisni tani…

Tani jemi prapë këtu se problemi është këtu. bw

Moti i keq që ka përfshirë Tiranën dhe disa qarqe të tjera të vendit ka shkaktuar jo vetëm dëme materiale, por edhe pasojë në shëndetin e qytetarëve.

Gazetari Igli Çelmeta raportoi se në spitalin e Traumës janë paraqitur 20 persona me dëmtime të ndryshme, si pasojë e stuhisë që goditi kryeqytetin në disa minuta.

Ndërkohë, 10 prej tyre janë ende nën kujdesin e mjekëve, duke marrë trajtim të specializuar, ndërsa pjesa tjetër është larguar për në shtëpitë e tyre, pasi kanë marrë shërbim mjekësor. gsh

Më 28 gusht një ngjarje e turpshme është regjistruar në qendër të Tiranës, ku disa turistë janë filmuar duke bërë veprime fyese dhe të papërshtatshme me monumentin e heroit tonë kombëtar, Gjergj Kastrioti Skënderbeu.

Kjo skenë u zhvillua në mes të sheshit, para syve të kalimtarëve të shumtë, por fatkeqësisht askush nuk ka ndërhyrë për të ndaluar këtë sjellje fyese ndaj një prej simboleve më të shenjta të historisë dhe identitetit shqiptar.

Studiuesi Auron Tare ka reaguar ashpër pas incidentit të ndodhur në Sheshin “Skënderbej”, ku disa tifozë polakë kryen veprime ofenduese ndaj monumentit të Heroit Kombëtar, Gjergj Kastrioti Skënderbeu. Në një postim në rrjetet sociale, Tare ka kritikuar ashpër trajtimin nga ana e autoriteteve shqiptare të atyre që kundërvepruan.

Sipas Tares, tifozët shqiptarë që reaguan për të mbrojtur nderin e Shqipërisë, duhen liruar menjëherë dhe falënderuar për qëndrimin e tyre të guximshëm. Ai e ka cilësuar ngjarjen si një akt të turpshëm dhe thekson se, nëse do të kishte ndodhur në një vend tjetër të Evropës, nuk do të kalonte ashtu si në Shqipëri.

Tare ka kritikuar gjithashtu indiferencën e shoqërisë shqiptare ndaj këtij incidenti dhe ka theksuar se për këtë ngjarje askush nuk flet, ndërsa shoqëria ka më shumë interes për thashethemet dhe telenovelat. Ai ka shprehur mendimin se qëndrimi i autoriteteve shqiptare, të cilat ndaluan tifozët shqiptarë dhe i mbajti ata në burg, është i papranueshëm.

Tare ka përfunduar me një mesazh kritik ndaj dyfishtë: ndaj atyre që nuk reaguan për të mbrojtur dinjitetin kombëtar dhe ndaj institucioneve që, sipas tij, po shfaqin një hipokrizi të theksuar, duke përdorur imazhin e Gjergj Kastrioti për përfitime politike pa pasur një respekt të vërtetë për të.

Stuhia e erës së ditës së sotme ka shkaktuar zjarr në shkurret e ferrat e rrethimit të Bazës Ajrore të Natos në Kuçovë.

Zjarri, që u shkaktua nga shkëputja e kabujve të energjisë elektrike, rrezikoi edhe banesat e vilat përreth Aviacionit.

Stuhia e erës së ditës së sotme ka shkaktuar zjarr në Bazën Ushtarake të NATO-s në qytetin e Kuçovës. Era e fuqishme ka këputur kabujt e energjisë elektrike dhe si pasoje e kësaj, shkëndijat e kabllove kanë rënë në kontakt me barin e shkurret e thata përreth pistës së aviacionit, duke shkaktuar zjarr.

Zjarri është përhapur me shpejtësi të madhe përreth zonës, i favorizuar nga era e fortë, duke rrezikuar edhe banesat e vilat që ndodhen përreth Bazës Ajrore, në fshatin Moravë.

Në vendngjarje, në ndihmë të forcave ushtarake të kësaj baze ajrore, kanë shkuar 20 forca zjarrëfikëse dhe 4 mjete të Repartit tē MZSH-së Berat.

Në një kohë të shkurtër,zjarri është vënë nën kontroll, ndërkohë që për fikjen e plotë të zjarrit ka ndihmuar edhe shiu që ra me furi për pak minuta. bw

Tiranë, më 29.08.2025

Bashkëkryetari i “Lëvizjes për Zhvillim Kombëtar” Ekrem Spahiu ka dhënë një deklaratë për mediat, ku ndër të tjera ka theksuar: “Lëvizja për Zhvillim Kombëtar” shpreh mendimin e saj se, me gjeopolitiken e trazuar në rajon e më gjërë, do të ishte mirë që sa më shpejt të votohet edhe Qeveria e re e Kosovës, me bazë të një koalicioni sa më të gjerë, për të përballuar së bashku të gjithë sfidat e reja por edhe për të shpejtuar proceset zhvillimore dhe integruese të Kosoves në dobi të qytetarëve dhe në perputhje me aspiratat euroatlantike të vendit.
Deklarata e plotë për mediat

Po lejmë pas një stinë shumë të nxehte nga temperaturat e veres dhe të politikes dhe gjasat janë që në shtator “zjarret” të zhvendosen nga pyjet te politika.
Gjatë këtyre 3-4 ditëve të fundit kemi dy zhvillime pozitive që lidhen me zgjedhjet e 11 majit 2025 në Shqipëri dhe zgjedhjet e 9 shkurtit 2025 në Kosovë.
Komisioni Qendror i Zgjedhjeve në Tiranë, më në fund, pas më shumë se 3 muaj e gjysëm (109 ditë) nëpërmjet Komisionit Rregullator, ka çertifikuar dje rezultatin përfundimtar të zgjedhjeve parlamentare të 11 majit 2025.
Tashmë është e ditur se, këto zgjedhje janë kontestuar nga i gjithë faktori opozitar dhe nuk i njohin ato, ndërkohë që vezhguesit e OSBE/ODIHR-it kanë shprehur në Raportin paraprak problematika të mëdha për zgjedhjet.

Të gjithë, me sy e veshë janë te Partia Demokratike si partia kryesore e opozites, duke pritur se çfar do të bëje në shtator e në vazhdim!!??

Përballë këtij realiteti politik por edhe për zgjedhjet e pjesëshme në Bashkinë e Tiranës dhe në tre të tjera, “Lëvizja për Zhvillim Kombëtar” rikonfirmon qëndrimin e saj se është domosdoshmëri kombëtare bashkëpunimi politik në një front të përbashkët i të gjithë faktorëve dhe aktorëve opozitarë, duke përdorur të gjitha mjetet dhe mënyrat demokratike, për të rikthyer besimin e shqiptarëve te demokracia dhe fitorja nëpërmjet votës së lirë.

Mendojmë se aksioni radikal opozitar duhet të jetë, krijimi i një qeverie kalimtare me mandat të kufizuar për të realizuar:
⦁ Ndryshimet kushtetuese
⦁ Rishikimin e reformës territoriale
⦁ Reformën zgjedhore
⦁ Zgjedhjet e parakohshme

***

“Lëvizja për Zhvillim Kombëtar”, çështjen kombëtare e ka në ADN e programit të saj dhe në këtë kontekst i ndjekim me shumë vemëndje zhvillimet në Kosovë.

Deputetët e Kosoves, dalë nga zgjedhjet e 9 shkurt 2025 pas një procedure të zgjatur, në përpjekjen e 58-të të tyre, më 26 gusht votuan kryetarin e Kuvendit të Kosoves. Me këtë rast “Lëvizja për Zhvillim Kombëtar” i uron Kryetarit të zgjedhur, zotni Dimal Basha, suksese në detyrë dhe Kuvendit të Kosovës punë të mbarë.

Pikërisht në këtë datë më 26 gusht, Presidenti i Serbisë, Aleksandar Vuçiq, njoftoi se ka zhvilluar një bisedë telefonike me ministrin e Jashtëm të Rusisë, Sergey Lavrov, për thellimin e mëtejmë të bashkëpunimit mes dy vendeve dhe për situatën politike në rajon. Vuçiq tha se e ka njoftuar shefin e diplomacisë ruse për situatën në Kosovë për: “… përpjekjet e vazhdueshme për dëbimin e popullsisë sonë nga vatrat shekullore, si dhe për heshtjen e shumicës së bashkësisë ndërkombëtare”.
“Lëvizja për Zhvillim Kombëtar” shpreh mendimin e saj se, me gjeopolitiken e trazuar në rajon e më gjërë, do të ishte mirë që sa më shpejt të votohet edhe Qeveria e re e Kosovës, me bazë të një koalicioni sa më të gjerë, për të përballuar së bashku të gjithë sfidat e reja por edhe për të shpejtuar proceset zhvillimore dhe integruese të Kosoves në dobi të qytetarëve dhe në perputhje me aspiratat euroatlantike të vendit.

Kreu i PD-së, Sali Berisha e konsideron si një akt historik, vendimin e presidentit të SHBA, Donald Trump për të dënuar George Soros.

Duke iu referuar përfshirjes së Soros në zhvillimet politike në Shqipëri, Berisha theksoi se prej vitesh ka kërkuar ndërprerjen e aktivitetit të tij jashtë SHBA-së dhe e ka cilësuar atë si “armik të egër të demokracisë shqiptare”.

Berisha akuzoi gjithashtu Sorosin se ka mbështetur, sipas tij, një “organizatë kriminale që kryesohet nga Edi Rama” në Shqipëri, përmes politikave financiare dhe lobimeve të tij.

“Pas Nju Jorkut, kryeqyteti i dytë më i rëndësishëm për Soros ishte Tirana,” theksoi Berisha, duke shtuar se “me investime të pakufizuara dhe lobime kriminale” janë realizuar ndryshime në rendin demokratik dhe kushtetutën e vendit.

Sali Berisha: Në një akt historik, presidenti i SHBA, akuzoi dje bazuar në aktin ligjor të RICO-s, Xhorxh Sorosin dhe djalin e tij, ekstremist të majtë, Aleksis Soros si organizatë kriminale që kanë ushtruar një veprimtari intensive kundër rendit dhe sigurisë së SHBA.

Xhorxh Sorosi dhe i biri i tij janë sot mbështetja kryesore e grupeve kryesore dhe ideologjisë marksiste dhe post-marksiste në SHBA dhe në botë.

Unë vij sot edhe për të rikujtuar se 8 vite më parë e kam shpallur Sorosin një monstër të njerëzimit.

I kam kërkuar publikisht Senatit dhe Kongresit të SHBA që të ndalojnë me ligj veprimtarinë e tij kriminale, antidemokratike jashtë SHBA.

Të njëjtën kërkesë i kam paraqitur publikisht edhe Parlamentit Europian.

Për Shqipërinë, e kam konsideruar dhe e konsideroj atë një armik të egër të demokracisë shqiptare.

E vërteta është se po në këtë fjalë publike, unë kërkova shpalljen e tij non-grata.

Gjatë këtyre viteve ai përdori të gjithë fuqinë e tij politike, monetare kundër demokracisë në Shqipëri, në mbështetje të një organizate kriminale që kryesohet nga Edi Rama.

Por rikujtoj shqiptarët se Soros dhe i biri, pas Nju Jorkut, kryeqytetin e dytë më të rëndësishëm në botë kanë pasur Tiranën.

Në Tiranëm, ata, me investimet e tyre të pakufishme financiare, me lobimet e tyre kriminale, ata arritën të transformojnë rendin demokratik dhe Kushtetutën e vendit.

Për të konsoliduar pushtetin e krimit të Edi Ramës, Xhorxh Soros, fondacioni i tij dhe i biri i tij, u angazhuan në të ashtuquajturat reforma që kishin vetëm një qëllim: monizmin dhe narkoshtetin në Shqipëri.

Ata ndikuan shumë në administratën e Xho Bajden, por ndikuan edhe në kancelari të tjera.

Ata u bënë mbështetje kryesore e dhunimit të zgjedhjeve dhe pranimit të zgjedhjeve të dhunuara pa u numëruar ende votat siç ishte rasti i vitit 2021.

Ata u bënë mburojë e kanabizimit të plotë të vendit dhe më vonë hapjes së karteleve të drogës, më të fuqishme në Europë.

Shtoj këtu se ai dyshim i madh që ekziston për udhëtimet me çarter të Edi Ramës, 140 udhëtime në 2 vite, për të cilat ka indicie se janë transportuar para dhe drogë me valixhe diplomatike, dyshime shumë serioze ngrihen mbi vizitat 2-3 javore të viteve të fundit në Shqipëri të Aleksandër Sorosit.

Se cili ka qenë motivi i tyre, por këto vizita me avion në dispozicion dhe fluturime, kanë pa asnjë diskutim dyshime të mëdha.

Panorama

Këshilli Ndërfetar i Shqipërisë, si përfaqësues i pesë komuniteteve fetare të vendit bën apel të fortë për luftën në Gaza.

Përmes një reagimi, Këshilli Ndërfetar kërkon lirimin e menjëhershëm të pengjeve që mbahen në Bregun Perëndimor.

REAGIMI
Këshilli Ndërfetar i Shqipërisë, si përfaqësues i pesë komuniteteve fetare të vendit, ka ndjekur me vëmendje ndër vite çdo shqetësim kombëtar dhe ndërkombëtar, që ka cenuar paqen sociale dhe bashkëjetesën shoqërore. Sot, ne komunitetet fetare në Shqipëri, bashkojmë zërin tonë me thirrjet ndërkombëtare të organizatës Religions for Peace Europe, institucion ku ne bëjmë pjesë, thirrjes së fundit të Patriarkanës Latine dhe asaj Ortodokse të Jeruzalemit, thirrjes së 80 rabinëve ortodoksë nga e gjithë bota, komuniteteve islame dhe të krishtera nga mbarë bota, OKB së dhe institucioneve të tjera ndërkombëtare, ku me apelin e tyre, ata shprehin shqetësimin e thellë
për situatën dramatike humanitare në Gaza dhe Bregun Perëndimor, duke kërkuar përfundimin e menjëhershëm të luftës dhe lirimit të të gjithë pengjeve. KNFSH kërkon ndalimin e dhunës dhe garantimin e mbrojtjes së jetës së civilëve të pafajshëm, veçanërisht grave dhe fëmijëve, të cilët janë viktimat më të mëdha të këtij konflikti.
Shpërngulja e detyruar e popullsisë, pengimi i ndihmës humanitare dhe shkatërrimi i infrastrukturës bazë nuk mund të justifikohen në asnjë mënyrë dhe përbëjnë një shkelje të rëndë të dinjitetit njerëzor.
Në frymën e solidaritetit ndërfetar dhe të përgjegjësisë morale që feja mbart, Këshilli Ndërfetar i Shqipërisë riafirmon se paqja e qëndrueshme mund të ndërtohet vetëm mbi drejtësi, mëshirë dhe respekt të ndërsjellë. Ne u bëjmë thirrje udhëheqësve botërorë, institucioneve ndërkombëtare dhe të gjithë njerëzve të vullnetit të mirë të shtojnë përpjekjet për t’i dhënë fund konfliktit, për të siguruar menjëherë ndihmën e nevojshme humanitare dhe për të hapur rrugën drejt një paqeje të drejtë e të qëndrueshme në Tokën e Shenjtë dhe përreth saj.
Zoti i bekoftë paqendërtuesit!
Bordi i Presidencës

bw

Nga 15 shtatori, qarkullimi në tunelin e Llogarasë nuk do të jetë më falas. Ministria e Infrastrukturës dhe Energjisë, e drejtuar nga Belinda Balluku, ka vendosur të aplikojë një tarifë prej së paku 10 euro vajtje-ardhje për çdo automjet, duke rënduar më tej xhepat e qytetarëve dhe bizneseve që frekuentojnë bregdetin.

Ky vendim ka ngjallur reagime të forta në radhët e qytetarëve, për shkak të tarifës që konsiderohet e lartë në raport me të ardhurat mesatare në Shqipëri, veçanërisht për familjet që udhëtojnë shpesh drejt bregdetit. Kostoja totale e projektit për ndërtimin e tunelit të Llogarasë, sipas të dhënave zyrtare është 150 milionë euro.

INVESTIMI DYFISH

Investimi është prezantuar si një nga veprat më të mëdha infrastrukturore në vend, por edhe një nga më të shtrenjtat në rajon. Kritikat kryesore lidhen me faktin se pavarësisht kësaj shume kolosale, qytetarët do të paguajnë një tarifë shtesë për ta përdorur tunelin. Tuneli, me një gjatësi prej 5.9 kilometrash, është promovuar si një projekt që do të lehtësonte lëvizjen drejt jugut dhe do të kursente kohë, duke e reduktuar udhëtimin nga 45 minuta në vetëm 7 minuta nga Dukati drejt Palasës. Por ky “shërbim”, që u pagua me taksat e qytetarëve dhe u shoqërua me festime propagandistike nga qeveria, tani kthehet në një biznes fitimprurës për shtetin në kurriz të qytetarëve.

Sipas njoftimeve zyrtare, menaxhimi i pagesave dhe i të gjithë procesit do të bëhet nga Enti Kombëtar i Operimit Rrugor, një shoqëri aksionare me kapital shtetëror nën varësinë e Ministrisë së Infrastrukturës dhe Energjisë. Kjo kompani do të mbikëqyrë sistemin e tarifimit, mirëmbajtjen e portave automatike, si dhe shpërndarjen e biletave dhe aboneve mujore. Por, fakti që kjo strukturë kontrollohet direkt nga ministria e Ballukut, shton edhe më shumë dyshimet për abuzime dhe klientelizëm politik. Bashkë me tunelin e Llogarasë shkon në tre numri i segmenteve rrugore në Shqipëri me pagesë. Krahas akseve Milot-Morinë dhe ThumanëKashar tashmë do të jetë me pagesë edhe Dukat-Palasë. Me vendosjen e kësaj tarife, qeveria po e çon vendin drejt rrugëve private me taksa të larta, duke u kthyer në një barrë të re financiare për qytetarët.

AFERA KORRUPTIVE

Ky nuk është i vetmi problem me tunelin e Llogarasë. Ndërtimi i tij ka qenë në qendër të akuzave për korrupsion që prej fillimit. Në gusht 2024, kreu i grupit parlamentar të PD-së, Gazment Bardhi, kallëzoi në SPAK aferën e tunelit të Llogarasë, duke pretenduar se në këtë projekt janë abuzuar të paktën 50 milionë euro. Në prill 2025, SPAK nisi një hetim dhe sekuestroi dokumentet e kompanisë “Hill International NV”, e cila ka qenë e përfshirë në projekt. Ndërsa SPAK po heton abuzimet e mëdha me tenderat, qeveria vazhdon t’u kërkojë qytetarëve të paguajnë tarifa shtesë për një rrugë që është ndërtuar me taksat e tyre. Kjo nuk është vetëm një çështje e tarifës, por një model i qartë i grabitjes së qytetarëve përmes projekteve propagandistike, që në fund përfundojnë në kosto marramendëse për qytetarët.

Ministrja Belinda Balluku, e cila prej kohësh është në qendër të kritikave për mënyrën e menaxhimit të projekteve infrastrukturore po përballet me akuza të reja. Ajo akuzohet se ka shndërruar një vepër publike në mjet për të mbushur arkën e shtetit dhe për të favorizuar klientelën politike. Pavarësisht hetimeve të SPAK, Balluku nuk ka dhënë asnjë shpjegim për akuzat mbi abuzimet dhe nuk ka sqaruar pse qytetarët duhet të paguajnë për një tunel, që është ndërtuar me paratë e tyre. Nga ana tjetër, këta të fundit e konsiderojnë këtë tarifë një grabitje të pastër dhe kanë paralajmëruar reagime në rrjetet sociale. “Paguajmë taksa për rrugë, paguajmë akcizë për karburant, tani edhe 10 euro për një tunel”, – shkruajnë qytetarët e revoltuar./Gazeta Panorama 

Presidenti i Shqipërisë, Bajram Begaj, ka përshëndetur zgjedhjen e deputetit të Lëvizjes Vetëvendosje, Dimal Basha, në krye të Kuvendit të Kosovës, duke e cilësuar një hap të rëndësishëm për tejkalimin e ngërçit disa mujor politik në vend.

Urime, z. Dimal Basha, për zgjedhjen në krye të Kuvendit të Kosovës! Bashkëpunimi politik dhe institucional është një domosdoshmëri që uroj dhe shpresoj të vijojë në të mirë të Kosovës e qytetarëve të saj”, u shpreh kreu i shtetit shqiptar.bw

Deri sa ndodhi ajo që ndodh, në luftën e gjithë-humbur të jetës me vdekjen, kisha përshtypjen mistike apo fëminore se babai im, ndoshta ishte i “pavdekshëm”. Më pëlqente ta besoja këtë, ndonëse tronditjen e parë, thyese të këtij miti, e mora, kur pak muaj përpara Petros, humba Besën, Nanën time të paepur.

Në moshën që jam unë sot, Petro, bënte të paktën çdo fundjavë 40-50 kilometra ecje, pa pushim. Nuk refuzonte me hundën mbledhur asnjë ushqim, por mund të agjëronte si besimtar, edhe disa ditë pa ngrënë. Dhe nuk ankohej kurrë. As edhe njëherë! As edhe në Fund!

Të gjitha këto cilësi, të marrëdhënies së tij të mrekullueshme që Petrushka (edhe kështu i thërrisnim në familje përkëdhelësisht) kishte me trupin e tij, e bënin atë të pangjashëm me të tjerë.

Do kisha shumë për të shkruar për Babanë që më iku dhe më la “jetim”, pavarësisht se në moshën time “jetimët” janë kaq të shumtë, saqë nuk thirren më të tillë…

Por, duart ngecin dhe sillen si të ngrira. Ndoshta sepse janë tejet të përbaltura nga balta që të detyron të përpunosh, e përditshmja dhe gazetaria që përshkruan epopenë, skuthllëqet dhe bëmat e palavdishme por zhurmëmëdha, të horrave tanë udhëheqës.

Më del parasysh galeria e personazheve që janë ushqyer shpirtërisht dhe intelektualisht në divanin e tij, shumë pak prej të cilëve mirënjohës, ndonëse gatuajnë edhe sot në magjen e të përditshmes, miell nga mielli i tij.

Sepse kush e njihte auto-ironinë para viteve ’90 në Shqipëri?

Askush!

Kush i njihte parabolat, metaforat, kalamburet, nënshtresat e fjalëve, tre a më shumë kuptimësinë e fjalëve, të lëshuara me një goditje të vetme?

Askush ose 2 apo 3 veta gjithsej!

Ishte dhe është një lloj arti i madh, të dish të flasësh dhe jo të gërmëzosh, përmes fjalës.

Të dish të shprehësh çdo ngjyrë, çdo nerv, çdo dridhje apo puhizë ajri, që krijon edhe krahë-përplasja e një krahu dallëndysheje dhe që mund të shpërthejë uragane, në oqeanin e thellë të shpirtrave të ndjeshëm… të qenieve që kanë shpirt sigurisht…

Dhe në ato uragane, me shkas krahë-përplasjen, që për miliona të tjerë është e padukshme, e pandjeshme dhe e kurrëndodhur, por që për të Zgjedhurin, janë në të vërtetë rizgjime të brendshme, nga të cilat fillojnë Udhëtime dhe Fillesa Veprash, që e tejkalojnë jetën njerëzore… kalitet një cilësi e re, e rrallë dhe e pranishme vetëm në kombet e mëdha…

Ky dhe ishte një nga pasionet e mëdha të Babait tim, të krijuarit e Kombit tonë, të pangjizur ende.

Përmes kalitjes mendore dhe nxënies së diturive të thella, nga ca pak djem e vajza me dhunti të rralla dhe me dashuri të patradhëtuar, në kohë dhe hapësirë për Dheun tonë…

I gatuar me Biblën, njohës i Kuranit, qëmtues i Budizmit, recitues në gjermanisht i Gëtes që përkthente, rusisht folës me Dostojevskin që shqipëronte apo i vëllazëruar me Servantesin, me Don Kishotin dhe Sançon e të cilit bashkudhëtonte pa reshtur bisedave, por edhe udhëtimeve të vërteta që ndërthureshin me ato imagjinaret … I rritur me Petrarkën dhe Virgjilin, adhurimin më të madh e kishte për Lao Tze, lindur 600 vjet para Krishtit në Henan…

Petro pra, apo “Bushi”, e kultivonte dhe e shpërndante bujarisht Dijen e tij, të vetmen pasuri që kishte, për këdo që i trokiste në derë.

Dhe sot mund të them, se shumica shkonte aty për të vjedhur!

Dhe ja thoja Petros, “vijnë e të vjedhin o Bush! Të vjedhin dhe nuk e kthejnë më kokën pas!”

“Le të vjedhin! Libri dhe Dija vidhen, nuk mësohen! Edhe unë e kam vjedhur nga librat dhe nga njerëzit e mençur që kam takuar në jetë… Dituria është farë, biri im, nuk hahet dhe nuk pihet, herët a vonë ajo mbillet! Dhe kështu e realizon misionin e saj!”

Shumë nga personazhet që qarkullojnë me njëfarë emri sot në Shqipëri, kanë kaluar mjaft seanca nga “divani psikanalitik dhe diturifalës i Petros”.

“Unë besoj se do të vijë shpejt dita që shqiptarët, do të punojnë më së shumti si mësonjës të Gjuhës Shqipe, që herët a vonë, do të jetë shumë e kërkuar nëpër Botë” më thoshte ai.

Dhe uroj që kjo Profeci të bëhet jetë e vërtetë…

Mirëupafshim “Bush”, librat e tu kërkohen dhe lexohen.

Janë të thellë dhe të humnershëm dhe kërkojnë notarë të mirë dhe këta të mirët janë pak.

Por aní, le të jenë pak, pishtarmbajtësit, pak kanë qenë gjithmonë!…

Unioni i Gjyqtarëve ka reaguar ndaj deklaratave të përsëritura të kryeministrit Edi Rama kundër gjyqtarëve Hazbi Balliu dhe Klement Demiri, për shkak të vendimeve të marra prej tyre në çështje të ndryshme.

Kryeministri i ka akuzuar gjyqtarët për keqpërdorim të pavarësisë gjyqësore dhe ka paralajmëruar masa ndëshkuese.

Mirëpo, Unioni e ka dënuar këtë qasje, duke e cilësuar si ndërhyrje në punën e gjyqësorit dhe përpjekje për t’i ekspozuar gjyqtarët në gjyq publik përmes sulmeve personale.

Reagimi i plotë i Unionit të Gjyqtarëve:

Unioni i Gjyqtarëve ka ndjekur me vëmendje pakënaqësitë e shprehura publikisht nga ana e Kryeministrit ndaj disa vendimeve gjyqësore, duke anatemuar personalisht gjyqtarët për vendimmarrjet dhe kthyer ushtrimin e detyrës kushtetuese në një gjyq publik, ku njëra nga palët ndërgjygjëse për shkak të fuqisë, hapësirës mediatike dhe virtuale, jo vetëm denigron figurën e gjyqtarëve individualë, por ushtron presion të hapur ndaj trupës gjyqësore në tërësi, duke përcjellë mesazhin te gjyqtarët se nëse vendimmarrja e tyre nuk do të pëlqehet, do të jenë objektivat e radhës.

Pa dashur për t’u përfshirë në debate virtuale në periudhë pushimesh, dëshirojmë të theksojmë se UGJSH mirëpret dhe inkurajon çdo kritikë ndaj gjyqtarëve dhe punës së tyre, kur këto kritika janë brenda kornizës kushtetuese dhe ligjore, të cilat kanë për qëllim t’i shërbejnë rritjes së besimit të publikut tek gjykatat, forcimit të pavarësisë së gjykatave, të sundimit të ligjit dhe shtetit të së drejtës. Por, nga ana tjetër vërejmë se në mënyrë të përsëritur bëhen deklarata, komente dhe ndërmerren iniciativa, të cilat nuk janë aspak parimore, nuk kanë për qëllim forcimin e pavarësisë së vendimmarrjes së gjykatave dhe parimeve themelore të funksionimit të shtetit ligjor, por cënojnë drejtpërdrejt integritetin e gjyqtarëve, duke i fyer, deformuar dhe keqinterpretuar faktet, çështjet ligjore, apo procedurat e ndjekura, ndërkohë që vendimet jepen “NË EMËR TË REPUBLIKËS” dhe çdo palë që është e pakënaqur, ka të drejtën e ankimit në një gjykatë më të lartë, apo vendosë në lëvizje organet disiplinore për çdo shkelje të ligjit qe pretendon se ka kryer gjyqtari.

Këto deklarata me gjuhë dhe sjellje të papranueshme, të cilat nuk kanë aspak lidhje me shtetin e së drejtës dhe qeverisjen demokratike, vishen nën petkun e reformës së radhës dhe rreshtuar si gjithmonë gjyqtarët në llogoren e antireformës, kur vetë “Sistemi i drejtësisë”, ende nuk është maturuar pas reformës së thellë që kaloi dekadën e fundit!

Republika e Shqipërisë është një republikë parlamentare, ku ndarja e pushteteve e sanksionuar qartësisht në Kushtetute, është një ndër shtyllat kryesore, mbi të cilat është ndërtuar dhe qëndron demokracia jonë parlamentare dhe zhvillohet shoqëria jonë. Në këtë kuadër kushtetues funksionon edhe sistemi gjyqësor dhe ushtrohet vendimmarrja nga gjykatat. Është ky kuadër kushtetues dhe ligjor, sipas të cilit janë përcaktuar saktë subjektet, koha dhe mënyrat e kontrollit të një vendimi gjyqësor, i cili kursesi nuk lejon përfaqësues të pushteteve të tjera të anatemojnë vendimet e gjykatave e aq me keq, të kërkojnë ndëshkimin e gjyqtarëve, kur nuk u pëlqejnë vendimet e tyre.

Çdo veprim i kujtdo qoftë, që shmanget nga kuadri kushtetues dhe ligjor në fuqi në Republikën e Shqipërisë, jo vetëm që nuk i shërben forcimit të shtetit ligjor, por përkundrazi, është një hap prapa për pavarësinë e pushtetit gjyqësor, forcimin e shtetit të së drejtës dhe minon besimin e publikut te drejtësia.

UGJSH dëshiron të theksojë angazhimin maksimal kundër çdo fenomeni antiligjor të vërejtur në punën e përditshme të gjykatave, sikurse dhe angazhimin e plotë në mbrojtje të parimeve kushtetuese të ndarjes së pushteteve, pavarësisë së gjykatave, respektimit të të drejtave dhe lirive themelore të shtetasve dhe forcimit të sundimit të ligjit në vend.

Së fundmi, UGJSH i bën thirrje Këshillit të Lartë Gjyqësor si qeveri e gjyqësorit dhe organi i ngarkuar nga Kushtetuta dhe ligji për të garantuar pavarësinë dhe integritetin e gjyqtarëve, që të reagojë dhe mbajë qëndrim ndaj sulmeve që i’u bëhen gjyqtarëve për shkak të detyrës, pavarësisht se nga vijnë ato. bw

Këshilli i Evropës e cilëson bllokadën policore ndaj News24, një akt që bie ndesh me vendimin e Gjykatës e cila  urdhëroi kthimin e gazetarëve dhe dorëzimin e pajisjeve të tyre.

Në një reagim të saj, përmes platformës FOM (Freedom of Media in the Council of Europe) një mekanizëm që ka për qëllim mbrojtjen e lirisë së medias, KiE ka vlerësuar raportimin e Asociacionit të Gazetarëve të Shqipërisë AGSH-së mbi situatën e krijuar me News24, ku gazetarëve të saj iu privua puna me heqjen e sinjalit të transmetimit.

Gjithashtu, aksesi në godinë dhe moslejimi i tërheqjes së sendeve personale, kompjuterave dhe dosjeve të punës në godinën e rrethuar nga policia ushtarake, megjithëse vendimi i gjykatës ua lejonte këtë të drejtë.

Shprehje mbështetjeje për AGSH-në dhe Myzyrajn erdhën nga Federata Evropiane e Gazetarëve (EFJ), Sekretari i Përgjithshëm i së cilës, Ricardo Gutiérrez, të cilët mbështetën punën e AGSH në intensifikimin e përpjekjeve të saj për të dokumentuar dhe rritur ndërgjegjësimin rreth rastit Fokus Media Group .

“Ky qëndrim i AGSH-së, riafirmon ndihmën për gazetarët, duke inkurajuar ata të luftojnë në mbrojtje të lirisë së shtypit’, thuhet në reagimin e FOM ((Freedom of Media in the Council of Europe). bw

Në pjesën e parë të këtij viti u duk se eksportet po rikuperoheshin, pas tendencës rënëse të dy viteve të kaluara. Të dhënat zyrtare treguan se për 7 mujorin, eksportet në total ishin 238.5 miliardë lekë, me një rritje prej 2.6% në krahasim me të njëjtën periudhë të një viti më parë. Në korrik, eksportet ishin 35.2 miliardë lekë, me zgjerim 5.7%.

Një pjesë e madhe e rikuperimit lidhej me rritjen e fortë të shitjeve drejt Kosovës, të cilat u zgjeruan me 72.5% për 7 mujorin. “Monitor” ka mësuar se nuk kemi të bëjmë me rritje reale, por thjesht me ndryshimin e metodologjisë, pasi që nga 1 janari 2025 tranzitet e karburantit drejt Kosovës raportohen edhe si ri eksporte. Si rrjedhojë, kapitulli “Lëndët djegëse minerale, vajrat minerale dhe produktet e distilimit të tyre” drejt Kosovës ishte 26.4 miliardë lekë në janar-korrik 2025, nga 2.7 miliardë lekë në janar-korrik 2024, me një rritje prej 864%, ose 23.6 miliardë lekë më shumë. Nëse hiqet efekti i tranzitit, rritja do të ishte 12% dhe ky grup do të rezultonte vetëm 3 miliardë lekë.

Nga riklasifikimi i tranzitit edhe si eksporte, eksportet drejt Kosovës janë shtuar edhe me 23.3 miliardë lekë, që në fakt nuk është një rritje reale.

Nëse këtë shumë ia heqim totalit të eksporteve për 7 mujorin (që janë 238.5 miliardë lekë), ato do të zbrisnin në 215.3 miliardë lekë.

Për 7 mujorin 2024, eksportet në total ishin 232 miliardë lekë, sipas INSTAT.

Si rrjedhojë, duke hequr shifrën e tranzitit të karburanteve drejt Kosovës, për janar-korrik 2025, eksportet janë tkurrur me 7.4%, duke vijuar me tendencën negative.

Ndoshta INSTAT, kur raporton të dhënat duhet ta ndajnë, ose të bëjnë një shënim për shifrën e rieksporteve drejt Kosovës, pasi do të krijojë një ide të gabuar për ecurinë reale të shitjeve jashtë vendit, teksa institucionet zyrtare po reklamonin përmirësimin e situatës së eksporteve në vend! bw

Kreu i Asociacionit të Gazetarëve Shqiptarë, Isa Myzyraj, ka reaguar ashpër për situatën e krijuar me bllokadën e godinës së News24, duke paralajmëruar se ky rast do të bëhet objekt i misioneve faktmbledhëse ndërkombëtare.

“Do të kemi misione faktmbledhëse ndërkombëtare, të cilat ndër të tjera do të mbledhin fakte edhe për atë që po ndodh me News24,” tha Myzyraj.

Sipas tij, institucionet shqiptare do të paguajnë koston më të madhe të këtij aksioni, të cilin e cilësoi “kontrovers dhe të paligjshëm”.

“Kjo do të ndikojë drejtpërdrejt në rrugën e integrimit europian dhe do të jetë një sfidë e madhe për t’u tejkaluar, pasi Shqipëria do të duhet t’u përgjigjet institucioneve të huaja se pse ka reaguar në shumë momente në mënyrë banditeske,” shtoi ai.

Myzyraj theksoi se liria e medias po vihet në rrezik, ndërsa veprimet ndaj News24 përbëjnë një sinjal alarmi për gjendjen e demokracisë dhe shtetit të së drejtës në Shqipëri. bw

Postimi i gazetarit Osman Stafa:

SPITALI ONKOLOGJIK, 33 DITË PA BRAKITERAPI! KY ËSHTË ALARM!

Prej 33 ditësh me radhë, pajisja e Brakiterapisë në Spitalin Onkologjik është jashtë funksionit. Shkak është mosbërja e procesit të mirëmbajtjes.

Pse nuk iu bë, dhe pse nuk i bëhet mirëmbajtja e kësaj pajisjeje?

Kush është përgjegjës për mirëmbajtjen e kësaj pajisjeje?

Për shkak të mungesës së mirëmbajtjes teknike, nuk jepet shërbim për gratë që vuajnë nga kanceri gjinekologjik.

Kanceri nuk pret tenderat e ministrisë, nuk njeh burokracitë dhe as paaftësinë kriminale të atyre që e kanë kthyer shëndetësinë në çiflig personal.

Në çdo vend normal, ministri i Shëndetësisë do kishte dhënë dorëheqjen që ditën e parë.

Kjo situatë s’është normale.

Është kriminale.

A kështu ecën karvani përpara?

Turp!

Kreu i Partisë Demokratike, Sali Berisha, ka komentuar samitin e mbajtur në Alaska mes Trump dhe Putin, duke e quajtur takimin historik.

Sipas Berishës, nënkupton se samiti ka shënuar një kthesë të mundshme në rrugën drejt armëpushimit dhe marrëveshjes përfundimtare midis palëve.

Komenti i Berishës:

Miq, samiti i djeshëm në Alaska midis Presidentit të SHBA Donald Trump, njeriut më të fuqishëm të planetit, me Presidentin e Rusisë Vladimir Putin, ishte historik për këtë kohë lufte.

Samiti pas tre orësh bisedime përfundoi pa marrëveshje, por me ‘progres shumë të madh’ deklaroi Presidenti Trump në konferencën e përbashkët për shtyp me Vladimir Putin. Kjo nënkupton se Samiti ka shënuar një kthesë të mundshme në rrugën drejt armëpushimit dhe marrëveshjes përfundimtare midis palëve. bw

Ambasada amerikane në Tiranë ka ndarë në rrjetet sociale mesazhin e presidentit të SHBA Donald Trump, pas përfundimit të takimit në Alaska me presidentin e Rusisë, Vladimir Putin.

“Bëmë një përparim të madh sot… Patëm një takim produktiv dhe duhet të kemi shumë pika”, shkruhet në një postim me foto nga samiti, ndërsa në një postim tjetër “Standardi është gjithmonë paqja”. bw

Tiranë, më 15.08.2025

Ekrem Spahiu ka dhënë një konferencë për mediat, ku ka shprehur qëndrimet e ”Lëvizjes për Zhvillim Kombëtar”:

… ”Lëvizja për Zhvillim Kombëtar” shpreh qëndrimin e saj se, shteti e ka detyrë me ligj për zvogëlimin e riskut nga fatkeqësitë dhe realizimin e mbrojtjes civile për të garantuar mbrojtjen e jetës së njerëzve, të gjësë së gjallë, të pronës, të trashëgimisë kulturore e të mjedisit, nëpërmjet forcimit të sistemit të mbrojtjes civile. Prandaj shteti ka përgjegjësi shumë të madhe …

Deklarata e plotë për media

Shqipëria gjatë kësaj jave, si asnjëherë tjetër më parë është përfshirë nga zjarre masive, ku u dogjën me mijëra hektarë pyje, kullota dhe drufrutorë. Sikur të mos mjaftonte kjo katastrofë mjedisore, humbi jetën dhe një i moshuar, ndërkohë që shumë qytetarë pësuan djegie të shkallëve të ndryshme apo u plagosën. U dogjën shtëpi, objekte, stalla, gjë e gjallë, bletari e çdo gjë që mori zjarri përpara.

Natyrisht që janë edhe pasojat e grohjes globale, ku temperaturat gjatë këtyre viteve të fundit kanë qenë tmerrësisht të larta, si pasojë e të cilave mjafton një shkëndijë për të përfunduar në zjarr masiv. Edhe pakujdesia sjell pasoja shumë të rënda. Por ajo që nuk mund të tolerohet është se shumica dërmuese e tyre, rezultojnë të jenë zjarrvënie të qëllimshme, të organizuara për interesa kriminale, ku nga më kryesoret mund të veçojmë:

• Zjarrvënie për interesa ndërtimore të mafies së pronave, për të hapur rrugë të reja për ndërtime pa leje si vila, resorte, etj, veçanërisht në zonat turistike dhe malore.
• Zjarrvënie për të zgjeruar aktivitetin e nxjerrjes së gurëve apo materialeve ndërtimore.
• Zjarrvënie për ripërtëritje të kullotave.

”Lëvizja për Zhvillim Kombëtar” shpreh qëndrimin e saj se, shteti e ka detyrë me ligj për zvogëlimin e riskut nga fatkeqësitë dhe realizimin e mbrojtjes civile për të garantuar mbrojtjen e jetës së njerëzve, të gjësë së gjallë, të pronës, të trashëgimisë kulturore e të mjedisit, nëpërmjet forcimit të sistemit të mbrojtjes civile. Prandaj shteti ka përgjegjësi shumë të madhe.

”Lëvizja për Zhvillim Kombëtar” sugjeron që të marren këto masa:
• Kreu i shtetit të mbledhë urgjentisht Këshillin e Sigurisë Kombëtare.
• Të vendoset gjendja e fatkeqësisë natyrore në zonat më të prekura.
• Dëmshpërblimin e plotë për gjithshka, sipas ligjit për të gjithë të dëmtuarit nga djegiet.
• Qeveria të informojë Kuvendin e Shqipërisë për situatën e krijuar, rreziqet që paraqiten, masat e marra për menaxhimin e situatës, sidomos për masat rehabilituese për komunitetet e prekura
• Qeveria të informojë Kuvendin, opinionin publik dhe mediat se si po ecet me “Strategjinë kombëtare për zvogëlimin e riskut nga fatkeqësitë”, se ku përfundojnë fondet e alokuara për këtë qëllim, posaçërisht për fatkeqësitë e natyrës së zjarreve masive.
• Mobilizimin maksimal të kapaciteteve të emergjencës dhe mbrojtjes civile.
• Të zhvillohen hetime të thelluara për autorët dhe nxitësit.
• Të ashpërsohet ligji për dënimin e zjarrvënësve dhe nxitësve të tyre.

”Lëvizja për Zhvillim Kombëtar” mendon se shteti nuk duhet të mbetet thjesht apo vetëm te menaxhimi i fatkeqësisë, por të marrë rolin që i takon për të ndërtuar vizione dhe plane veprimi perspektiv që fatkeqësitë të parandalohen në maksimumin e mundshëm, duke këmbëngulur veçanërisht në zbatimin e ligjit “Për Pyjet”, për mbrojtjen e tyre si pasuri me rëndësi të veçantë, për vlerat e mëdha dhe të pazëvendësueshme në mbrojtjen e klimës, të tokës, ruajtjen dhe përmirësimin e potencialeve prodhuese, të ekuilibrave të mjedisit natyror, biodiversitetit, burimeve energjitike dhe regjimit hidrik, si detyrime me interes kombëtar dhe ndërkombëtar.

”Lëvizja për Zhvillim Kombëtar”, shpreh vlerësim e mirënjohje për të gjithë efektivët e Forcave Ushtarake, zjarrfikësit, pilotët si dhe ekipet e Urgjencave, të cilët u përballën me situatat shumë të rënda nga zjarret. Një falenderim të veçante kemi edhe për vendet mike që na ndihmuan me mjete ajrore për fikjen e zjarreve.

Në të njëjten kohë ”Lëvizja për Zhvillim Kombëtar”, nuk mund të hesht dhe të mos shpreh indinjatën e saj për trajtimin çnjerzor që j’u bëhet zjarrëfiksëve, ku pas shumë orëve në luftë me zjarrin, flenë rrugëve në tokë. Ato pamje që po bëjn xhiron e botës na turpërojnë si shtet.

OSBE ka reaguar ashpër në lidhje me sulmin e paprecedentë ndaj Focus Media Group dhe mediave të lidhura me të, News24, Panorama, Gazeta Shqiptare, BalkanWeb dhe Radio RASH.

OSBE shprehet se situata rreth ndëprerjes së papritur të oeracioneve të grupit mediatik është shqetësuese.

The situation surrounding the sudden disruption of operations of the Focus Media Group in #Albania is concerning. Property and business disputes should not lead to abrupt halting of media broadcasting.

— OSCE media freedom (@OSCE_RFoM) August 15, 2025

 

Në reagimin zyrtar OSBE vendos theksin duke u shprehur se mosmarrëveshjet pronësore dhe të biznesit nuk duhet të sjellin ndëprerje të menjëhershme të transmetimit mediatik.

“Situata që lidhet me ndërprerjen e papritur të aktivitetit mediatik të Focus Media Group në Shqipëri është shqetësuese. Mosmarrëveshjet mbi pronësinë dhe biznesin nuk duhet të çojnë në ndalimin e menjëhershëm të transmetimit mediati”, thuhet në reagimin e OSBE. bw