Fondi Botëror i Monumenteve, e ka rënditur Burgun e Spaçit mes 50 objekteve të cilat rrezikojnë të shkatërrohen.

FBM ka bërë apel që të merren sa më parë masat për mbrojtjen e këtij objekti, i cili është një vend modern i përkujtimit.

Sipas FBM-së, Burgu i Spaçit është drejt shkatërrimit, prandaj qeveria duhet të marrë menjëherë masa për rikonstruksionin e tij.

Burgu i Spaçit njihet si një nga burgjet më mizore të diktaturës komuniste, ku kanë vuajtur dënimin politik shumë intelektualë shqiptarë. Prej vitesh ai është shpallur si një monument i rëndësisë së veçantë dhe mbrohet me ligj, por asnjë qeveri nuk ka vënë dorë për mbrojtjen e tij.

Prokurori i cili ka hetuar ish-ministrin e Transportit, Lulzim Basha, aktualisht kreu i PD-së, për Rrugën e Kombit, do të hetoj edhe kallëzimin penal të KLSH-së, ndaj ministrit të Energjetikës Damian Gjiknuri.

Burime nga institucioni i akuzës, bëjnë të ditur se, prej të hënës ky kallëzim është regjistruar dhe aktualisht po kryhen verifikime nëse ka apo jo element të veprës penale.

Të njëjta burime, shtojnë se kjo dosje është në duart e prokurorit Arben Kraja, i cili ka hetuar edhe ish-ministrin Lulzim Basha.

Prifti: Meta, Braho dhe banda tyre e kanë vendin në burg

Pas botimit të letrës së plotë të Spartak Brahos që akuzonte Tom Doshin dhe Dritan Priftin për një skenar destabilizimi të vendit, duke akuzuar Ilir Metën, ka ardhur edhe reagimi i parë.

Ish-deputeti Dritan Prifti, njërit prej emrave të përmendur nga deputeti i LSI-së, në një reagim për SYRI.net, Prifti thotë se “Spartak Braho është ekspert për montim akuzash”.

Në këtë reagim, Prifti zbulon edhe faktin se në Tiranë për të hetuar çështjen CEZ-DIA dhe disa çështje të tjera, kanë ardhur nga SHBA-ja 3 ekspertë të FBI-së.

“Letra e Spartak Brahos është një rast i pastër i shpërdorimit të detyrës dhe pushtetit. Bëhet për presion e shantazh ndaj drejtësisë që mos të guxojë të hetojë korrupsionin e Metës. Braho është ekspert për montazhe akuzash dhe skenarë destabilizimi. Dita e të vërtetës po afron shpejt. Meta, Braho dhe banda tyre e kanë vendin në burg për abuzimet me miliarda lekë me paratë publike”, tha Prifti për SYRI.net.

Më pas ai tregon se “tre ekspertë të FBI-së kanë ardhur në Tiranë dhe besoj do ndihmojnë në hetimin e akuzave të mëdha që janë bërë. Nëse Braho dhe të tjerët kanë kumbarë dhe kontrollohet me para, ekspertët e huaj kanë ligjin dhe të vërtetën si busull të tyre. Sot unë jam më optimist se dje që gjërat do hetohen dhe zbardhen”.

Rreth dy javë pas publikimit të lajmit se kryetari i Komisionit për Sigurinë Kombëtare, Spartak Braho, i dërgoi një letër krerëve të shtetit ku pretendonte për një skenar destabilizues të vendit me organizatorë Tom Doshin dhe Dritan Priftin, televizioni “News24”, ka zbardhur letrën e plotë të deputetit të LSI-së.

Në letër, Braho thotë se deputeti dhe ish-ministri i Energjetikes, komunikojnë me familjarë të biznesmenit Kastriot Ismailaj duke bërë presione që ky i fundit të dëshmojë kundër Ilir Metës në procesin gjyqësor mes CEZ dhe DIA-s.

LETRA E PLOTË:

I nderuar Z. Naco

Në cilësinë e Kryetarit të Komisionit të Sigurisë Kombëtare në Kuvendin e Shqipërisë dua t’ju informoj se nga burime të sigurta më konfirmohet se ekzistojnë dhe janë duke u ndërmarrë përpjekje serioze për realizimin e një skenari ogurzi që synon shkaktimin e kaosit dhe destabilitetit politik në vend dhe që ka për autorë kryesorë deputetin në gjykim Tom Doshi dhe ish¬deputetin Dritan Prifti, gjithashtu nën hetim Tom Doshi dhe Dritan Prifti janë dy të njohur të vjetër të Kastriot Ismailaj, i cili ndodhet I arrestuar nën akuzën e pastrimit të parave, por njëkohësisht edhe personazhi kryesor në çështjen CEZ-DIA.

Ata kanë kontaktuar dhe vazhdojnë të jenë në komunikim të vazhdueshëm me familjarë të sipërpërmendurit dhe në veçanti me bashkëshorten e tij Vojsava Ismailaj, për të përfshirë këtë të fundit përmes një skeme mashtrimi, shantazhi dhe me premtimin për të liruar nga akuza Kastriot Ismailajn, në këmbim të deklaratave ose intervistave që synojnë implikimin e Kryetarit të Kuvendit në skandalin CEZ-DIA dhe vazhdimin e skenarit të mëparshëm destabilizues. Këto burim më konfirmojnë se takimi më i fundit mes Tom Doshit, Dritan Priftit dhe Vojsava Ismailajt është zhvilluar në Hotel Sheraton, ditën e Mërkurë, datë 23 Shtator 2015, duke filluar nga ora 14.31.

Të njëjtat burime konfirmojnë se Tom Doshi dhe Dritan Prifti i kanë thënë Vojsava Ismailajt se bashkëshorti i saj mbahet i arrestuar me porosi të Kryetarit të Kuvendit.

Sipas burimeve, Tom Doshi dhe Dritan Prifti i kanë dhënë garanci Vosjava Ismailajt në emër të Kryeministrit Edi Rama dhe kryetarit të opozitës Lulzim Basha për lirimin e bashkëshortit në këmbim të deklaratave apo intervistave të saj apo të bashkëshortit të saj që do të implikonin Kryetarin e Kuvendit, madje duke përmendur edhe Ambasadën e Shteteve të Bashkuara të Amerikës si të interesuar në eliminimin politik të Ilir Metës.

Këto burime më bëjnë gjithashtu të ditur se pasi dështuan të ndikojnë përmes avokatit Vladimir Meçi, i cili mbron çështjet e Tom Doshit dhe Kastriot Ismailajt, këto ditë Tom Doshi i ka kërkuar Vojsav Ismailajt të takohen jashtë qytetit të Tiranës për të konkluduar marrëveshjen e tyre, duke i premtuar edhe largimin e saj dhe të familjes jashtë Shqipërisë.

Në këto kushte, duke patur parasysh precedentin e skenarit të dështuar kriminal që po gjykohet nga organet kompetente, i cili synonte të përfshinte dhe akuzonte Kryetarin e Kuvendit si porositës të ekzekutimit të dy deputetëve Tom Doshi dhe Mhill Fufi, me protagonist të pandehurin Durim Bami dhe deklarimin e dhënë nga ky i fundit nën kërcënimin e armëve, si dhe rrezikshmërinë e lartë shoqërore që paraqet Tom Doshi, në cilësinë time si Kryetar i Komisionit të Sigurisë Kombëtare në Kuvend dhe i ndërgjegjshëm për pasojat që mund të kenë për sigurinë dhe stabilitetin e vendit, presionet dhe veprimet kriminale të personave të përfshirë në këtë përpjekje për destabilitet dhe kaos, kërkoj:

Marrjen e masave për mbrojtjen fizike të Vojsava Ismailajt dhe familjes së saj, për të shmangur kërcënimet apo edhe më rëndë akoma, pengmarrjen e saj, për ta detyruar për të dhënë deklarata apo intervista që do të zhvendosnin vëmendjen apo devijonin qëllimin e hetimit të aferës CEZ¬DIA.

Paralajmërimi për këtë skenar që është duke u zhvilluar nuk duhet neglizhuar pasi Tom Doshi dhe Dritan Prifti, janë edhe protagonistët kryesorë të vetëdeklaruar sit ë tillë të ngjarjeve që prodhuan dhunën e 21 Janarit 2011.

Me respekt
Spartak Braho
Kryetar i Komisionit të Sigurisë Kombëtare

Biznesmeni Kastriot Ismailaj, i akuzuar për pastrim të parave të përfituara nga kontrata për mbledhjen e borxheve të ish-kompanisë CEZ, tha dje se nuk tërhiqet nga padia ndaj Shqipërisë në Arbitrazh. Personazhi i lakuar gjatë në media këto kohë ishte i pranishëm në seancën e radhës në Gjykatën e Krimeve të Rënda ku po zhvillohet procesi për konfiskimin e pasurisë së tij.

Në seancën e djeshme, Vladimir Meçi, avokati i biznesmenit, paraqiti provat shkresore me të cilat kërkoi rrëzimin e kërkesës së Prokurorisë për konfiskimin e pasurive të Kastriot Ismailajt. Avokati mes provave të tjera dorëzoi edhe vendimin e pushimit të çështjes së Ismailajt nga Prokuroria e Tiranës, në vitin 2012.

Duke qenë se është transferuar në paraburgim në Tiranë, biznesmeni Ismailaj ishte i pranishëm dje në sallën e gjyqit. Më herët në disa seanca, ai është përfaqësuar vetëm nga avokati për shkak të largësisë, duke qenë se mbahej në paraburgimin e Fierit.

DEKLARATA NË GJYQ
Gjatë seancës së djeshme, Kastriot Ismailaj bëri një deklaratë të shkurtër para Gjykatës. Ai theksoi se ka hapur gjyq me Shqipërinë në gjykatën e Arbitrazhit për prishjen e padrejtë të kontratës që kompania e tij, DIA, ka nënshkruar me ish-CEZ-in.

“Nuk tërhiqem nga çështja në Arbitrazh”, tha Ismailaj para Gjykatës. Ai bëri me dije se kohët e fundit nuk e kanë lejuar të takohet me bashkëshorten e tij dhe me avokatin mbrojtës, në përmbushje të të drejtave që i jep ligji. Gjykata e shtyu seancën e djeshme, pasi i kërkoi avokatit të paraqiste dokumentet origjinale nga lista e provave të cituara prej tij. Në maj 2015, Prokuroria urdhëroi arrestimin e biznesmenit Kastriot Ismailaj.

Ai u akuzua se kishte mashtruar në dy kontrata të lidhura nga kompania e tij DIA me CEZ-in për mbledhjen e faturave të papaguara të energjisë në vite. Pas dy kontratave të kompanisë DIA me CEZ-in dhe akuzave për mashtrim e përfitim të paligjshëm fondesh, më 28.10.2011, “CEZ Shpërndarje” i ka dërguar një njoftim zyrtar kompanisë “Debt International Advisory” Ltd – Dega Shqipëri, për zgjidhjen e kontratës së shërbimit, datë 01.02.2011, për mbledhjen e borxhit.

Më pas, Kastriot Ismailaj ka paraqitur një padi në Arbitrazh, në bazë të së cilës kërkon dëmshpërblim në shumën 130 milionë euro nga shteti shqiptar.

Thellohet përplasja mes Presidentit Bujar Nishani dhe ministrit të Jashtëm, Ditmir Bushati për lirimin ndaj detyra të ambasadorit të Shqipërisë në OSBE.

Edhe pse Nishani nuk e ka dekretuar lirimin nga detyra të Spiro Koçit, mësohet se ky i fundit është kthyer në Tiranë. Shkak për këtë është bërë vendimi i ministrit të Jashtëm për t’I ndërprerë pagesën dhe qeranë e shtëpinë në të cilën jetonte në Vjenë ambasadori.

I kontaktuar nga Panorama, Koçi ka konfirmuar se ndodhet në Tiranë dhe se është larguar nga funksioni si diplomat në selinë e OSBE-së në Vjenë.

Ish-kryeministri Sali Berisha deklaroi në emisionin “Studio e Hapur” në “News 24”, se kreu i Partisë Demokratike mban përgjegjësinë për humbjen në zgjedhjet.

I pyetur për analizën e humbjes së Partisë Demokratike, Berisha  u shpreh se ajo është e nevojshme edhe pse po kryhet me vonesë, ndërsa theksoi se bojkoti i zgjedhjeve nuk ishte një mënyrë e zgjuar për të vepruar.

“Kjo është një faturë. Mirë apo keq është kryetari ai i cili mban përgjegjësinë, por zgjedhjet nuk u bënë në një mjedis të lirë dhe të ndershëm”, u shpreh Berisha.

Më tutje ai flet edhe për debatet që kanë qenë të shpeshta mes grupit të demokratëve, duke nënvizuar se ka një tendencë për të patur debat në PD. Megjithatë, për Berishën asnjë demokrat nuk duhet të sulmojë një tjetër. Sulmi është një gjë ndryshe nga kritika, thotë ish-kreu i demokratëve.

Duke justifikuar zërat brenda PD-së të cilat jo pak herë kanë shprehur kritika mbi mënyrën e drejtimit të partisë nga Basha, Berisha thotë se “të drejtosh opozitën është më e vështirë se sa të drejtosh qeverinë, pasi presionet mbi të janë të mëdha”.

Shpartallohet klani italo-shqiptar, i trafikut ndërkombëtar të drogës me lidhje të ngushta me mafian kalabreze ‘ndrangheta.

Mediat italiane raportojnë finalizimin e operacionit July 2014”, i cili përfundoi me arrestimin e 24 personave, sekuestrimin e mbi 94 kg kokainë, automjeteve luksoze e 200 mijë euro cash.

Sipas policise, pas hetimeve u arrit në identifikimin e piramides së aktivitetit të klanit, qe administronin trafikun e drogës nga Spanja e Hollanda.  Klani italo-shqiptarë ishtë përbërë kryesisht nga nënshtetas shqiptarë që vepronin në lidhje të ngushta me persona të familjeve të fuqishme të Ndraghetas kalabreze.

Policia italiane njofton se për trafikun dhe shpërndarjen e kokainës perdoreshin karroca femijesh, ose vende te fshehta neper makina te modifikuara.

Presidenti i Republikës, Bujar Nishani ka pritur ditën e sotme lojtarët e Kombëtares Shqiptare të Futbollit, trajnerin e saj, stafin teknik dhe përfaqësues të Federatës.

Shqiptarët festojnë në aeroportin Nëna Tereze derisa e presin aeroplanin me lojtarët e kombëtares futbollistike

Tifozët kuqezinj do t’u duhet të presin deri në orën 13:00 të ditës së sotme për të takuar heronjtë e tyre. Stafi i Kombëtares shqiptare ka vendosur që kthimi të bëhet në mesditë. Mijëra shqiptarë pritet të dalin në aeroportin e Rinasit për t’i pritur futbollistët he stafin e Kombëtares. Por ndërkohë në Erevan, futbollistët shqiptarë kanë nisur festimet. Ata kanë postuar foto, ndërsa të gjithë bashkë kanë bërë shqiponjën me duar.

Ndërkohë në një lidhje telefonike për News24, Mërgim Mavraj tha se synimi i gjithë futbollistëve pas humbjes me Serbinë ishte pikërisht kjo fitore.

“Nuk përshkruhen emocionet. Ishin të veçanta këto emocione. Më vjen keq që nuk jam afër skuadrës dhe që nuk jam në Tiranë për të shijuar këtë fitore. E prisnim këtë fitore. Pas humbjes me Serbinë e kishim të gjithë këtë synim”, tha Mavraj.

Voal – Giani De Biasi thotë se nuk na besuan në fillim që mund të kualifikohemi. “Dikush qeshi, por tani po na vijnë pas”, u shpreh De Biasi.

“Po flisnim në mëngjes, përgatitëm ndeshjen në mënyrën më të mirë. Bëmë menjëherë gol dhe pastaj e dyfishuam.

Djemtë luajtën shumë mirë. Ia dedikoj familjes time në radhë të parë dhe gjithë shqiptarëve.

Një gjë që e thashë para ndeshjes me djemtë. Kush ishte me ne, pak. Kishim pak lojtarë kur debutuam. Nëse ndiqni kërkesat e mia dhe nëse besoni në një mundësi, mund të ja arrijmë.

Dikush qeshi kur e dëgjoi, por këta tani vijnë pas nesh. Është kontributi i të gjithëve”, u shpreh trajneri i kombëtares, Giani De Biasi.

Presidenti Bujar Nishani ka vlerësuar Ekipin Kombëtar të Futbollit të Shqipërisë me Dekoratën “Nderi i Kombit” pas fitores 3 me 0 në Armeni, që i siguroi kualifikimin për në kampionatin Europian Francë 2016.

“Presidenti i Republikës, Sh.T.Z. Bujar Nishani vlerëson Ekipin Kombëtar të Futbollit të Shqipërisë me Dekoratën “Nderi i Kombit” me këtë motivacionin:

“Në vlerësim të arritjes historike të kualifikimit për në fazën finale të Kampionatit Europian ‘Francë 2016’, për rezultatet e shkëlqyera sportive që mundësuan këto fitore si dhe për lartësimin e imazhit të Shqipërisë dhe shqiptarëve në botë duke na bërë më krenarë e të bashkuar se kurrë”, thuhet në njoftimin e Presidencës.

Edhe gjatë pushimit të pjesës së parë, Presidenti Nishani shkruajti në Facebook duke uruar futbollistët shqiptarë: “Rrugë të mbarë në Europian SHQIPE”!

Voal – Nuk është më një ëndërr, por një realitet i prekshëm.

Për herë të parë në historinë e futbollit shqiptar, Shqipëria merr pjesë në një kampionat Europian.

Për herë të parë në historinë e futbollit shqiptar, Shqipëria do të jetë midis skuadrave të Europës që do të garojnë në France 2016 për titullin Kampion.

Tash Shqipëria ka një ëndërr të re. Ëndërra e re e Shqipërisë është të fitojë trofeun e Kamponatit Europian!

Flm Zot që i mbështete shqiptarët,

flm trajnerit Gani Abazi, zotit Gianni De Biazi,

flm Kombëtare,

flm djem,

emër për emër,

se jeni djemtë e shqipes,

flm ju Tifozët Kuq e Zi,

që besuat –

flm Shqipëri.

Një ndeshje që vlen sa një histori. Në Erevan, Shqipëria do të luajë sot ndeshjen më të rëndësishme të Kombëtares në 80 vjet ekzistim.

Në Armeni, në ndeshjen që fillon nga ora 18:00, për kuqezinjtë ekziston vetëm një mundësi për të arritur Francën, dhe ajo është fitorja.

Kombëtarja shqiptare, me triumfin Erevan, përballë Armenisë, iu siguron futbollistëve kuq e zinj një shpërblim prej dy milionë eurosh.

Lajmi ishte bërë zyrtar nga Federata Shqiptare e Futbollit.

“Në rast se Shqipëria fiton sot ndaj Armenisë dhe siguron kualifikimin për në Euro 2016, atëherë ajo do të marrë plot 2 milionë euro nga FSHF-ja”, thuhet në njoftim.

Kështu kuqezinjtë do të kenë një stimul më shumë për të luajtur më fort sot ndaj Armenisë. Megjithatë, 2 milionë euro nuk janë asgjë krahasuar me 12 milionë eurot që Shqipëria i merr nga UEFA në rast kualifikimi.

Shqipëri, operacioni i qeverisë kundër ekonomisë informale dhe forcimi i ndëshkimeve, sipas Dhomës “kanë një efekt penalizimi të tejskajshëm që sjell falimentin e tyre”

Në Shqipëri Dhoma Amerikane e Tregtisë shprehur shqetësim për ndikimin e operacionit të ndërmarrë nga qeveria për të luftuar informalitetin e ekonomisë dhe masat e rrepta ndëshkuese të parashikuara të cilat sic theksohet në një deklaratë të saj “kaluan pa një diskutim paraprak me organizatat e biznesit”. Sipas Dhomës Amerikane të Tregtisë “efektet anësore të këtij aksioni kanë filluar të ndihen te biznesi duke dhënë një efekt të kundërt nga sa pritej”, ndërsa shton se “shqetesimi ynë është se ky plan masash në vend që të bëhet një nxitje për formalizimin e ekonomisë do të kthehet në një “shkop ndëshkues” për biznesin duke i prerë rrugëtimin bizneseve të cilat kanë paqartësi dhe probleme të riparueshme, por dhe iniciativave të reja të cilat nuk munden të lulëzojnë në një klimë të tillë”.

Që prej muajit shtator autoritetet kanë nisur një operacion të shtrirë në të gjithë vendin, duke e shoqëruar ata me ndryshime në Ligjin për Procedurat Tatimore të cilat parashikojnë masa shumë të forta ndëshkuese, përmes gjobave të rënda. Dhoma Amerikane e Tregtisë vlerëson se “masat penalizuese në ligj nuk tentojnë të edukojnë dhe të korrektojnë gabimet e biznesit por kanë një efekt penalizimi të tejskajshëm që sjell falimentin e tyre. Gjobat dhe penalitetet duhet të jenë në proporcion me nivelin e biznesit. Në të gjithë botën gjobat përcaktohen si një përqindje e caktuar mbi nivelin e xhiros apo totalit të taksave të paguara, që do të thotë se një biznes me xhiro vjetore 8 milion lekë nuk mund të gjobitet 10 milion lekë, sepse shkakton falimentin e menjëhershëm të biznesit”. Sipas saj “bëhet fjalë për kategori biznesi të cilat nuk kanë edukimin e mirëfilltë fiskal, nuk kanë mundësinë financiare të kenë ekspertizë në dispozicion, dhe ndryshimet e bëra në Ligjin për Procedurat Tatimore janë zbatuar pa ju lënë kohën e nevojshme që t’i njohin dhe t’i zbatojnë”.

Dhoma Amerikane vëren se “në ligj nuk parashikohen po të njëjtat masa drastike për punonjësit  tatimore të cilëve ndërkohë ju është lënë një liri e autoritet i pakufishëm në interpretimin dhe zbatimin e këtyre masave duke rritur ndjeshëm rrezikun e abuzivitetit dhe të korrupsionit dhe duke ndikuar, për rrjedhojë, negativisht në luftën kundër informalitetit”. Në deklaratën e saj shpjegohet se dhe më herët në kërkesat për Paketën Fiskale 2016, “Dhoma Amerikane ka argumentuar se lufta kundër informalitetit fillon si një reformë e menduar mirë, mbështetur në politika fiskale lehtësuese, me taksa të ulëta që e nxisin biznesin të bëhet pjesë e ekonomisë formale, krijojnë një klimë të qëndrueshme duke rritur investimet e huaja, hapin tregjet vendase duke u bërë të konkurrueshëm në Rajon, dhe për rrjedhojë i japin ekonomisë impulse pozitive”.

Po fole pa lejen e Bushatit, ikën

Në rregullore është e përcaktuar që një diplomat duhet të marrë leje tek ministri i Jashtëm, me qëllim që të shprehë qëndrimet e tij në lidhje me incidentet apo çështje të caktuara.

Nëse ndodh që diplomatët të flasin pa leje, atëherë ata do të përjashtohen nga shërbimi i diplomacisë shqiptare, shkruan syri net.

Ndërsa Voal pyet, a nuk është kjo censurë, a mos vcall censura ka brirë  ?

VOAL – BERLIN, 9 TETOR – Në Republikën Federale të Gjermanisë gjatë muajit shtator 2015 kanë kërkuar azil 6741 shtetas të Republikës së Shqipërisë. Kjo është shifra zyrtare që u dha sot për mediat.

Ndërkohë numri i përgjithshëm i azilkërkuesve në këtë vend gjatë të njëjtit muaj është 43 471 ose 126 për qind se në vitin 2014.

 Voal – Rreth orës 03:00 të së premtes, kombëtarja serbe e futbollit ka lënë tokën e Shqipërisë nga aeroporti i Rinasit për në Serbi.

Policia e Shtetit ka bërë të ditur se gjatë shoqërimit të autobusit, nga “Elbasan Arena” deri në aeroportin e Rinasit, nuk ka pasur asnjë incident të shënuar.

Mësohet se para se të largoheshin në drejtim të Rinasit, ambasadori i Serbisë në Tiranë, Miroljub Zariç dhe Shefi Sigurisë së Federatës Serbe, ish-gjeneral i Policisë Serbe, Milivoj Mirkov, kanë zhvilluar një takim falënderimi me Drejtorin e Policisë së Shtetit, Haki Çako dhe Drejtorin e Përgjithshëm për Sigurinë, Altin Qato. Në këtë takim, Zariç ka falënderuar drejtuesit e Policisë së Shtetit për masat perfekte.

“I befasuar nga masat e Policisë Shqiptare. Plan masash dhe organizim e zbatim perfekt. Kam qenë në shumë vende, por masa të tilla nuk kam parë. Faleminderit për angazhimin tuaj personal mbrëmjen e djeshme të incidentit me autobusin, por masat e marra nga policia e bënë atë incident të izoluar e pa pasoja”, mësohet t’i ketë thënë Shefi Sigurisë së Federatës Serbe Drejtorit të Përgjithshëm të Policisë së Shtetit.

Ndërkohë, Çako i është drejtuar zotit Milivoj Mirkov: “Unë e fitova ndeshjen time si polici. Si shqiptar keqardhje që humbëm. Angazhim e seriozitet i punonjësve të policisë për 48 orë rresht, mirënjohje e falënderim për ta. Falënderim edhe për tifozët për qytetarinë që treguan në shkallët e “Elbasan Arena”-s, por dhe jashtë tij. Bashkëpunuam me të gjitha agjencitë e zbatimit të ligjit. Punuam një muaj rresht për ta përmbyllur me sukses”. /TCH/

Jo vetëm tifozët shqiptarë por edhe trajneri Gianni De Biasi kërkon me ngulm fitoren ndaj Serbisë, duke ju besuar fomacionin atyre që anë luajtur më shumë minuta me kombëtaren e tyre.

Berisha, Cana, Lenjani, Agolli dhe Xhaka janë të vetmit futbollistë të cilët janë stabël në formacion, për sa i përket pjesë tjetër ka goxha ndryshime.

Në mbrotje është rikthyer Hysaj, duke spostuar në qendër të mbrotjes të riun Gjimshiti. Në krahë të tij është i padiskutueshmi Lorik Cana, ndërsa në krahë të majtë të mbrojtjes do të luajë Ansi Agolli.

Para mbrojtjes do të rikthehet Migjen Basha duke lënë në stol Blerim Kukelin. Në krahë të majtë do të luajë Emir Lenjani, në krahë të djathtë Andi Lila, duke lënë në stol Shkëlzen Gashin.

Në qendër të mesfushë do të luajnë Taulant Xhaka dhe Armir Abrashi, dhe në sulm do të rikthehet Bekim Bala.