VOAL

VOAL

Ambasadori britanik në Tiranë: Jemi të shqetësuar nga rreziku rus në Ballkan

March 17, 2018

Komentet

Blushi: Nesër ora 11:00 në protestë, vendi i Erion Veliajt është në qeli jo në bashki

Sekretari i Përgjithshëm i Partisë së Lirisë dhe anëtari i Këshillit Bashkiak të Tiranës, Tedi Blushi ka bërë thirrje për pjesëmarrje nesër në protestën tek bashkia e Tiranës në orën 11:00.

Blushi shkruan se vendi i Erion Veliaj është në qeli dhe jo në bashki.

Thirrja e Tedi Blushit:

Të bashkohemi të gjithë nesër, në ora 11:00, para Bashkisë së Tiranës, monumentit të korrupsionit dhe pandëshkueshmërisë, për t’i treguar Erion Veliaj se vendi i tij është në qeli, që nga zyra që ka marrë peng me vota të vjedhura do të dalë me çdo çmim, se as mercenari ordiner Dum-Dumani, as McGonigalët, as antiplumbi, as badigardët, as atentatorët tartabiqë dhe as çingijet e propagandës mediatike nuk e shpëtojnë dot!

Erion Veliaj është i pashpresë!

Erion Veliaj do të paguajë për çdo lot të fëmijëve që ju shembi brutalisht shtëpitë, për çdo taksë djerse që vodhi, për çdo dhunë që ushtroi, për çdo hapësirë publike që shkatërroi, për çdo krim që ka kryer!

Kjo është betejë pa kthim!

Gjaku i Ardit Gjoklaj nuk falet! Korrupsioni skizofrenik me inceneratorin fantazmë dhe organizatën kriminale 5D nuk do të amnistohen kurrë! sn

Kalaja paralajmëron arrestimin e Erion Veliajt: Brenda korrikut! ‘Surpriza’ edhe më datë 27!

Aktivistja dhe avokatja e njohur Adriana Kalaja, drejtuesja e njohur e protestave kundër korrupsionit përpara bashkisë së Tiranës, ka paralajmëruar sot arrestimin e afërt të kryebashkiakut socialist Erion Veliaj, i cili, siç u shpreh ajo, e ka mbyllur tashmë historinë e vet, por brenda korrikut do ta mbyllë edhe ligjërisht. Madje, në datën 27 korrik priten edhe “surpriza” të tjera nga SPAK.

Zonja Kalaja ishte e ftuar sot në emisionin Kafe Shqeto në SYRI TV për çështjen e kullave që po projektohen të ndërtohen edhe në Shkodër dhe ndër të tjera, iu bënë edhe këto pyetje nga moderatori.

Flavio: A ka metoda të tjera për të pastruar parët përveç kullave? P.sh. gjysma e Italisë, është e pllakosur nga ndërtesa gjigante bosh.. lagje të tëra.

Kalaja u përgjigj: Po edhe Shkodra është thuajse me ndërtesa pafund bosh dhe po flasim për pallate që shkojnë në 5-6 kate. Shikojmë dhe në Tiranë. Në Tiranë, të deklaruara, 58 mijë apartamente bosh e tani janë bërë edhe më shumë. Por po vijohet çdo ditë: shikojmë si hapet një gropë aty, hapet një gropë këtu. Tani, kjo është një nga strategjitë e pastrimit të parave. Institucionet më te besueshme kombëtare kanë deklaruar që 60% e financimit është jo i ligjshëm. Pra, vetëm kjo shifër duhet të na zgjojë nga kjo apatia që themi se “hë, po e deshi Edi Rama e bën”.

Jo! Ne duhet ta ndryshojmë këtë mentalitet!e them me plot gojën që ne duhet ta ndryshojmë këtë mentalitet sepse me të vërtetë ne ishim një grusht njerëzish aty te Aleanca për Mbrojtjen e Teatrit, por… jo se kemi arritur shumë, por kemi arritur dy gjëra shumë të rëndësishme: kemi fituar betejën morale me pushtetin, kemi fituar edhe betejën ligjore!
Ne, nëse do ta kishim lënë këtë gjë, “se kështu do Edi Rama, se kështu do Erion Veliaj”, sot kullat do të kishin mbaruar. Të jemi koshientë! Sepse strategjia për kullat në qendër të Tiranës, te Teatri Kombëtar…

Flavio: Pra, po thoni që rezistenca duhet?

Kalaja:  Se sot, akoma, akoma, Erion Veliaj, që besoj se brenda këtij muaji do të marrim edhe habere shumë të mira, që do të shkojë aty ku e meriton, akoma nuk ka hapur gropën.

Flavio: Po thoni që brenda korrikut arrestohet?

Kalaja: Brenda korrikut Erion Veliaj (e ka mbyllur historinë me kohë) por brenda korrikut edhe ligjërisht! Do të shkojë aty ku…. Dhe unë e mbaj përgjegjësinë për këtë që deklaroj. Do të kemi surpriza edhe më datë 27, i nderuar!/SYRI.NET

I shfrytëzonin vajzën e mitur si prostitutë, flet nëna: Unë e çoja në shkollë, ata e merrnin me motor

Dëshmon nëna e vajzës 16-vjeçare që shfrytëzohej si prostitutë nga Marsel Baçi, 26 vjeç.

Siç ka dëshmuar nëna e vajzës, krejt ngjarjen e rëndë e ka zbuluar kur një fqinje i ka treguar se e kishin marrë adoleshenten me motor.

‘Më tha një grua në fshat që iku me motorr. Ajo nuk më tregonte se i ka thënë ai mos trego.

E ka kërcënuar. Më tha vajza që do mbytem, i thashë çfarë bëre ti që të mbytesh. E gënjente ai, unë e çoja në shkollë, ai e merrte me motorr.

E pashë që vinte këtej lart dhe i thashë mos hajde më. Më tha që më ngacmonte gjithmonë. Vinin këta nga Podgoria me motorr.

S’kam njeri tjetër, jetoj vetëm me mamanë. Vajza është në Tiranë, do vazhdojë shkollën atje. Do ta çonin te doktoresha’, ka thënë për mediat, nëna e vajzës 16-vjeçare që shfrytëzohej si prostitutë nga Baçi.

Në pranga bashkë me 26-vjeçarin Marsel Baçi është vënë edhe Selam Hyka 41 vjeç. sn

Bledar Koka: Jemi drejt një tjetër kasaphane! PD të refuzojë asgjësimin e koalicioneve

Gazetari Bledar Koka u shpreh se zgjedhjet në Shqipëri rrezikojnë të shkojnë drejt një tjetër kasaphane.

I ftuar në ‘Now me Erla Mëhillin’, Koka theksoi se Partia Demokratike nuk duhet të dalë nga Komisioni Zgjedhor pa zhbërë fillimisht nenin të cilin ai e cilësoi antidemokratik që eliminon koalicionet.

Koka: Ne duhet të flasim e të analizojmë situatën në vendin ku jetojmë e me problematikat që ka, me dramat që na raporton jo opozita, por raportet e OSBE. Pyetja që kam për opozitën është çfarë po bën në tryezë me Damian Gjiknurin, ai është i njëjti që bëri “tërmet” në Dibër, është i njëjti që bëri marrëveshjen.

Ti nuk e zgjedh dot kundërshtarin, por zgjedh dhe imponon kërkesat që ke për kundërshtarin. Nëse Parti Demokratike del nga reforma zgjedhore pa zhbërë nenin anti-demokratik që asgjëson koalicionet në Shqipëri ne po shkojmë drejt një kasaphane tjetër. Koalicionet janë të rëndësishme.

FOTOLAJM- A mban Erion Veliaj antiplumb

Në një foto te marrë dje gjatë mbledhjes së Këshillit Bashkiak të Tiranës, duket qartë se kreu i kësaj bashkie Erion Veliaj mban antiplumb.

Se nga kish trembet dhe nga çfarë ka frikë kreu i bashksië së kryeqytetit këtë nuk di njeri ta shpjegojë por në imazhin që po publikojmë duket se Veliaj ka një antiplumb poshtë xhaketës. sn

Policia e Korçës anulon gjobat- Fermerët: Nuk do t’i ndalim protestat

Policia e Korçës ka vendosur të anulojë të gjitha gjobat e vendosura ditën e djeshme për fermerët të cilët protestuan duke sjellë mjetet bujqësore në tubim.

Lajmi bëhet i ditur nga fermerët. të cilët kanë njoftuar për këtë tërheqje të policisë nga gjobat e majme që varionin nga 250 mijë lek të vjetra deri në 1 milion lekë të vjetra.

Ndër të tjera, ata thonë se do të vazhdojnë me kauzën e tyre sa i përket problemeve të shumta në bujqësi, duke thënë se do të vazhdojnë me protestat deri sa të merren parasysh nga qeveria për kërkesat e tyre. sn

Balliu: Nëse bëhet drejtësi për tragjedinë e 21 janarit, i pari që shkon në burg është Rama

Klevis Balliu, Koordinator i Rajonit të Tiranës dhe shef i organizimit të PD, tha se më 21 janar kishte protestues dhe me bombë dore.

Balliu theksoi se kryeministri aktual Edi Rama, atëherë shefi i opozitës, priste viktima. Sipas tij, nëse bëhet drejtësi për tragjedinë, i pari që shkon në burg është pikërisht Rama.

Klevis Balliu: 21 janari ishte shpikje për pushtet dhe Rama për pushtet të vret. Ata që kanë ardhur atje nuk kanë ardhur për Ramën, por besonin se qeveria nuk bën, ndërsa kryeministri i tanishëm ka qenë atje për hallin e vet. Rama ka qenë duke ngrënë biftek, për të pritur viktima. Pse e hapin 21 janarin? Nëse bëhet drejtësi për 21 janarin, i pari që shkon në burg është Edi Rama.

Të hetohet çdo çështje, por të bëhet drejtësi. Më 21 janar qan Taulanti, ndërsa më 22 janar nuk qan. Kishte protestues dhe me bombë dore. Sali Berishën e respektoj, sepse nuk iku nga Kryeministria më 21 janar. Tek spoti më 21 janar thoshin se do të vijë diçka, tek dera. Këta janë kriminelë në zemër, në shpirt, janë themeluar si parti e Popoviçit. 21 janari ishte programuar që të vdisnin protestues. bw

Arbian Mazniku në SPAK, Lubonja: Dosja 5D krim i gjerë. Gjurmët e paligjshmërisë janë të dukshme, të nxirren provat

Ministrit i Shtetit për Pushtetin Vendor dhe ish-nënkryetari i Bashkisë së Tiranës Arbian Mazniku është thirrur sot në SPAK, ku është pyetur për dosjen 5D.

Në lidhje me këtë zhvillim, analisti Fatos Lubonja, i ftuar në rubrikën Opinion në News 24, tha se dosja 5D është një krim i gjerë. Ai tha se gjurmët e paligjshmërisë janë të dukshme dhe SPAK-ut i takon të nxjerrë provat.

Fatos Lubonja: Krimi është i dukshëm, duhet të nxirren provat. Tiranës i është bërë masakër, duke shkatërruar shtëpitë, me sebep për të pastruar paratë e pista, është diçka kriminale, që nuk ka të bëjë me progresin. Ky është një projekt, që ka ‘kokën’ e vet kryeministrin Edi Rama. Ditë për ditë na paraqesin nga një gradaçelë, që nuk merret vesh se çfarë funksioni kanë, përpos pastrimit të parave. Dosja 5D ëshë krim më i gjerë.

Këtu kemi bashkëpunim të pushtetit me krimin për të mbajtur pushtetin dhe për të sunduar. Krimet janë aq të dukshme, sa SPAK nuk mund të mbyllë sytë. Duke parë atë që po ndodh, ka opinion publik dhe Strukturë të Posaçme. Ka vonesë në hetime, edhe me inceneratorët, e duhet thënë se banda ecën, edhe pse këta thirren. Bandat nxjerrin kullat e radhës, pas asaj të Shkodrës. SPAK duhet të hetojë dhe të veprojë shpejt.

(Balkanweb)

Tedi Blushi godet me letra Veliajn, Halit Valteri e shtyn, konfliktohen fizikisht

Mbledhja e Këshill Bashkiak të Tiranës është përfshirë nga tensione dhe përplasje verbale dhe fizike ndërmjet këshilltarëve dhe kryebashkiakut Erion Veliaj.

Sipas burimeve për SYRI-n, këshilltari bashkiak i PL-së, Tedi Blushi ka qëlluar me letra kryetarin Erion Veliaj pasi ky i fundit nuk i ka dhënë fjalën, ndërkohë që këshilltari socialist Halit Valteri i ka dalë në mbrojte kryebashkiakut, duke shtyrë Sekretarin e Përgjithshëm të PL-së.

Në këtë moment Blushi i është kundërpërgjigjur Valterit duke u konfliktuar fizikisht me njëri tjetrin.

Mbledhja e Këshillit Bashkiak u ndërpre pas incidentit. sn

Meta: SPAK po bën presion me dosjen e ‘21 janarit’, Basha përgjegjës direkt për vrasjet

Presidenti i Partisë së Lirisë, Ilir Meta sulmoi kreun e SPAK Altin Dumani duke akuzuar se po kërkon të mbajë në presion liderin e PD-së Sali Berisha.

Për Metën, Lulzim Basha i cili në atë kohë mbante postin e ministrit të Brendshëm është fajtor për ngjarjen e 21 janarit pasi u paralajmërua por nuk mori masa.

Ndërkohë si nxitës dhe frymëzues të 21 janarit quan Edi Ramën.

”SPAK është organizatë kriminale që drejtohet nga Dum Dumani.

E ka dëshmuar shumë qartë.

Pas dështimit spektakolar në kuvend ku përfaqësuesit e opozitës e diskretituan dhe deklaroi se krimi i inceneratorëve ishte krim shumë intelektual, kur qytetarët e dinë që është grabitje pa maska.

Drejtësia e me regji rihap 21 janarin, e gjen ditën sot gjoja për të fokusuar këtë cështje pësr të mbuluar diskretitimin e Dum Dumanit javën e kaluar në kuvend ku i mekej goja.

SPAK kërkon të mbajë në presion liderin e PD-së Sali Berisha dhe opozitën e vërtetë ndaj regjimit të narko trafikantit Edi Rama sepse është shumë e qartë se nëse ka përgjegjësi më 21 janar është përgjegjësi direkt ishte Basha.

Basha është paralajmëruar me letër e shkresë të gjithë skenarin, nuk mori asnjë masë as nga policia as nga garda, për të parandaluar vrasjen.

Edi Rama ishte nxitësi dhe frymëzuesi i 21 Janarit”, tha Meta. sn

Dokumenti me firmën e Maznikut në hyrje të SPAK: Si u prishën mbi 13 pallate nga 5D

Anëtari i Kryesisë së PD-së, Belind Këlliçi ka denoncuar sot me dokumente, se si bashkia e Tiranës i jepte punët kompanisë së drejtorëve të bashkisë, e quajtur ndryshe ‘5D’.

Por më herët kjo kompani quhej ‘Vas Construksion’.

Gjatë një deklarate për mediat, Këlliçi ka deklaruar se, kompania ‘5D’ ka shkatërruar dhjetëra pallate në Tiranë më justifikimin e tërmetit të vitit 2019, por në fakt shkatërrimet janë bërë vetëm për të larguar banorët nga ata zona dhe për të ndërtuar pallate të reja, që shiten me çmime të larta.

Kontratën e nënshkruar nga Arbjan Mazniku, të publikuar gjatë deklaratës, Këlliçi e ka ngjitur në dyert e SPAK që prokurorët ta shikojnë kur të hyjnë dhe të dalin e të kuptojnë se, çfarë dëmi u është shkaktuar qytetarëve të Tiranës nga bashkia e Tiranës.

Deklarata e plotë e Belind Këlliçit:

Të nderuar qytetarë,

Sot organizata partnere e “Rilindjes”, drejtuar nga Altin Dumani po zbaton porosinë e radhës së kolegut të tyre, hajdutit Erion Veliaj, duke thërritur në SPAK, Arbjan Nusret Maznikun.

Sipas vendimit të Gjykatave të Shkallës së Parë dhe të Apelit të Krimeve të Rënda, Klodian Braho nuk gjente dot, se kush ishte titullari që kishte firmosur tenderat e kompanisë së Grupit të Strukturuar Kriminal 5D Konstruksion. 

Jam sot përpara jush për të ndihmuar kolegët e Erionit. Ky dokument që shihni, është Akt-Marrëveshja e firmosur mes Bashkisë së Tiranës dhe kompanisë 5D, dikur e quajtur V.A.S Konstruksion.

Kjo Akt-Marrëveshje u firmos me qëllim prishjen e të paktën 13 pallateve në Tiranë, me justifikim e dëmtimit nga tërmeti i vitit 2019. 

Kjo Akt-Marrëveshje kriminale është firmosur nga vetë Arbjan Mazniku në cilësinë e Titullarit të Autoritetit Kontraktor.

Të nderuar qytetarë,

Me sa duket kolegët e Erionit, nuk e shohin pronarin tjetër të 5D, i cili jo vetëm ka firmosur këtë marrëveshje, por e ka shtyrë afatin e saj disa herë, për të favorizuar kompaninë 5D dhe pazaret e tjera për ndërtimet e radhës. 

Këtë Akt-Marrëveshje autentike po ia u lëmë sot kolegëve të Erionit përpara zyrave të tyre, që të kuptojnë se tentativa e tyre për amnistimin e Erion Hajdut Veliajt dhe Arbjan Nusret Maznikut, do të dështojë me sukses të plotë.

Ju faleminderit. 

Këlliçi publikon dokumentin e prishjes së 13 pallateve nga 5D: ‘Kolegët’ e Erionit të mos amnistojnë Veliajn e Maznikun

Anëtari i kryesisë së PD-së, Belind Këlliçi ka denoncuar në dyert e SPAK, dokumentin se si kompania ‘5D’, ka prishur dhjetëra pallate në Tiranë, pas një akt-Marrëveshja e firmosur mes Bashkisë së Tiranës, përfaqësues Arbjan Mazniku dhe kompanisë 5D, dikur e quajtur V.A.S Konstruksion, me përfaqësues Nestor Muhametllari.

Deklarata e plotë:  

Të nderuar qytetarë,

Sot organizata partnere e “Rilindjes”, drejtuar nga Altin Dumani po zbaton porosinë e radhës së kolegut të tyre, hajdutit Erion Veliaj, duke thërritur në SPAK, Arbjan Nusret Maznikun.

Sipas vendimit të Gjykatave të Shkallës së Parë dhe të Apelit të Krimeve të Rënda, Klodian Braho nuk gjente dot, se kush ishte titullari që kishte firmosur tenderat e kompanisë së Grupit të Strukturuar Kriminal 5D Konstruksion.

Jam sot përpara jush për të ndihmuar kolegët e Erionit. Ky dokument që shihni, është Akt-Marrëveshja e firmosur mes Bashkisë së Tiranës dhe kompanisë 5D, dikur e quajtur V.A.S Konstruksion.

Kjo Akt-Marrëveshje u firmos me qëllim prishjen e të paktën 13 pallateve në Tiranë, me justifikim e dëmtimit nga tërmeti i vitit 2019.

Kjo Akt-Marrëveshje kriminale është firmosur nga vetë Arbjan Mazniku në cilësinë e Titullarit të Autoritetit Kontraktor.

Të nderuar qytetarë,

Me sa duket kolegët e Erionit, nuk e shohin pronarin tjetër të 5D, i cili jo vetëm ka firmosur këtë marrëveshje, por e ka shtyrë afatin e saj disa herë, për të favorizuar kompaninë 5D dhe pazaret e tjera për ndërtimet e radhës.

Këtë Akt-Marrëveshje autentike po ia u lëmë sot kolegëve të Erionit përpara zyrave të tyre, që të kuptojnë se tentativa e tyre për amnistimin e Erion Hajdut Veliajt dhe Arbjan Nusret Maznikut, do të dështojë me sukses të plotë.

Ju faleminderit.


Send this to a friend