Këngëtarja Mira Konçi dhe bashkëshorti i saj, Shpëtim Saraçi kanë braktisur përfundimisht Shqipërinë për një jetë më të mirë në SHBA.

Çifti është larguar nga Shqipëria për t’u vendosur në kontinentin tjetër për një jetë më të mirë. Lajmin e jep gazetarja Kozeta Zylo, që prej vitesh jeton atje.

“TV “Alba Life” ne Neë York me dy artiste te shquar shqiptare

Nje takim shume I kendshem me dy artiste te mirenjohjur shqiptare, me dy artiste te mrekullueshem Shpetim Saraci dhe Mira Konci. Biseda me ta ishte e natyrshme, e cilter ashtu sic eshte bota e artistit te vertete. Si nje cift me pervoje ne jeten amerikane ndame historite tona dhe inkurajimet per njeri-tjetrin. Te parin urim qe iu dhame ishte ashtu sic na kane uruar miqte tane kur shkelem per here te pare ne token e bekuar si:

Ju marrte Amerika me te mire!…

Eshte nje bekim si prej Zotit!…

Banoret e rinj te Ishullit tone ne Staten Island do ta kene te lehte sepse ky vend njerezit dhe artiste te tille I merr vetem me te mire…

Se shpejti do te jene ne studion e TV “Alba Life” ne Staten Island, Neë York.

Per me shume na ndiqni ne emisionet tona!”, shkruan ajo.

Greqia vazhdon kthimet e njëpasnjëshme të emigrantëve shqiptarë të cilët ka hyrë në këtë vend në mënyrë të paligjshme.

Policia e Shtetit zbardh detaje nga operacioni i përbashkët i policive të tre shteteve, Shqipërisë, Italisë dhe Malit të Zi qe sekuestruan mbreme një sasi të madhe rreth 1.9 tone dhe arrestuan dy trafikantet, skafistet qe ishin ne bord.

Informacioni nga policia

Finalizohet një tjetër Operacion ndërkombëtar antidrogë.

Bashkëpunim trepalësh i policive të Shqipërisë, Italisë dhe Malit të Zi me mbështetjen ajrore të Frontex.

Sekuestrohet një gomone në ujërat ndërkombëtare.

Arrestohen dy skafistët që ishin në bord.

Trafikantët janë duke eksperimentuar por pa sukses rrugë alternative për shkak të vështirësisë së hasur në ujërat shqiptare ku operojnë forcat e policisë së kufirit dhe të Guardia di Finanza të Nuklit të Kufirit Detar të Durrësit dhe Vlorës.

Informacionet kalojnë në kohë reale nga Italia, Shqipëria dhe Mali i Zi duke krijuar një rrjetë të pakalueshme për trafikantët.

Ndjekja e gjatë prej pothuaj 5 orësh, bëri të mundur bllokimin e  gomones së fuqisë  së lartë me tre motorë.

Dy trafikantët u ndaluan në det të hapur nga Guardia di Finanza e Termolit dhe Barit të drejtuar nga avioni i Frontex.

Forcat e policisë së kufirit të Shqipërisë me koordinimin e QNOD, NUFROM i Guardia di Finanza në Durrës dhe Vlorë dhe policia e kufirit të Malit të Zi kishin dalë në afërsi të kufirit Shqipëri -Mali i Zi ku edhe ishte drejtuar gomonia pasi i ishte afruar njëherë bregdetit të Termolit në Molizë nga ku edhe ka filluar ndjekja.

Gjatë ndjekjes trafikantët kanë hedhur në det ngarkesën duke e bërë më të vështirë ndjekjen.  Tashmë trafikantët dhe gomonia janë sekuestruar dhe i janë dorëzuar autoriteteve gjyqësore italiane.

Vijon rikuperimi i lëndës narkotike, ku ende nuk dihet pesha, pasi për shkak të errësirës është vështirë rikuperimi në det i lëndës narkotike.

Për shkak të sekretit hetimor rezervohen të jepen detaje.

FOTO/ Operacion antidroge në Adriatik, kapet skafi me dy trafikantë shqiptarë

Policia Shtetit ka finalizuar sot një tjetër operacion ndërkombëtar antidrogë. Operacioni ishte fryt i bashkëpunimit trepalësh të policive të Shqipërisë, Italisë dhe Malit të Zi me mbështetjen ajrore të Frontex.

Nga operacioni është sekuestruar një gomone në ujrat ndërkombëtare, si edhe janë arrestuar dy skafistët që ishin në bord.

Trafikantët janë duke eksperimentuar por pa sukses rrugë alternative për shkak të vështirësisë së hasur në ujërat shqiptare ku operojnë forcat e policisë së kufirit dhe të Guardia di Finanza të Nuklit të Kufirit Detar të Durrësit dhe Vlorës.

Informacionet kalojnë në kohë reale nga Italia, Shqipëria dhe Mali i Zi duke krijuar një rrjetë të pakalueshme për trafikantët.

Ndjekja e gjatë prej pothuaj 5 orësh, bëri të mundur bllokimin e  gomones së fuqisë  së lartë me tre motorë.

Dy trafikantët u ndaluan në det të hapur nga Guardia di Finanza e Termolit dhe Barit të drejtuar nga avioni i Frontex.

Forcat e policisë së kufirit të Shqipërisë me koordinimin e QNOD, NUFROM i Guardia di Finanza në Durrës dhe Vlorë dhe policia e kufirit të Malit të Zi kishin dalë në afërsi të kufirit Shqipëri -Mali i Zi ku edhe ishte drejtuar gomonia pasi i ishte afruar njëherë bregdetit të Termolit në Molizë nga ku edhe ka filluar ndjekja.

Gjatë ndjekjes trafikantët kanë hedhur në det ngarkesën duke e bërë më të vështirë ndjekjen.

Tashmë trafikantët dhe gomonia janë sekuestruar dhe i janë dorëzuar autoriteteve gjyqësore italiane.

Vijon rikuperimi i lëndës narkotike, ku ende nuk dihet pesha, pasi për shkak të errësirës është vështirë rikuperimi në det i lëndës narkotike.

Për shkak të sekretit hetimor rezervohen të jepen detaje.

VOAL – Tenori i shquar shqiptar Agim Hushi, në një postim të sotëm në faqen e tij në facebook, iu është përgjigjur sulmeve të komentuesve ndaj postimit të tij të djeshëm, ku Hushi bënte të ditur vendimin e tij për të braktisur përfundimisht Shqipërinë dhe shprehte neverinë për klasën politike të Shqipërisë dhe klimën e krijuar ndaj vlerave në Shqipëri, postim ky tejet të mediatizuar për shkak të famës së tenorit. Këtu poshtë postimi i plotë:

Te dashur Miq!
Vertet ngela i shtangur me kete shperthim online dhe menyren se si po lexohet nje zhgenjim njerzor, qytetar dhe te nje personi qe Shqiperine dhe familjen i ka gjerat me te shenjta te tij.
Jam mesuar gjith jeten te jem pre e cmirzinjeve dhe njerezve te parealizuar por sme ka ndodhur kurre qe nje mesazh i qarte qytetar te lexohet me koke poshte dhe ku njerez qe as e kam iden se egzistojne dhe me te cilet sjam pare kurre ne kete jete te futen ne profilin tim dhe me nje gjuhe viktimash te deshperuar shfryjne pezmin e tyre personal, pa llogjike, te verber jo per fajin tim natyrisht!
Une atdheun tim e dua dhe do ta dua sa te jete jeta, mbi te gjitha me vepra; perfshi dhe kete postim!
Une atdheun smund ta lidh me nje klase politike qe me ka zhgenjyer cdo dite timen!
Dhe teksa gjej dashurine dhe respektin njerzor ne nje vend te huaj ska se si mos te me vij turp qe i kam bashkekombas kete race maskarenjsh qe kemi mbi krye
Cka ketu tragjike ne kete qendrim?
Ju uroj nje fund jave te bukur dhe te lumtur me familjet tuaja!
Juaji
Agim Hushi

Prej ditës së sotme ka nisur prishja e shatërvanit te Zogu i Zi në hyrje të Tiranës.

Bashkia parashikon rikualifikimin e kësaj zone dhe nga një shatërvan i madh, do të kthehet në një minilulishte me një shatërvan të vogël.

Kjo zonë e Tiranës është kthyer shpesh në mollë sherri mes PD-së dhe PS-së.

Në vitin 2006, Bashkia e drejtuar nga Edi Rama nisi ndërtimin e një mbikalimi te Zogu i Zi, por që u bllokua dhe më pas u prish nga Ministria e Transporteve që në atë kohë drejtohej nga Lulzim Basha.

Në vend të mbikalimit aty u ndërtua një shatërvan i madh.

TIRANË – Gjatë Samitit të Kartës së Adriatikut në Malin e Zi, kryeminsitri i Shqipërisë, Edi Rama, është takuar me zëvendëspresidentin e Shteteve të Bashkuara të Amerikës Mike Pence.

Takimi është konfirmuar nga vetë Rama në një postim në profilet e tij në rrjetet sociale.

“Zv.shefi i Shtëpisë së Bardhë nënvizoi fort, interesin e Shteteve të Bashkuara për të forcuar bashkëpunimin me vendet e rajonit, si edhe domosdoshmërinë për të rritur ndërveprimin mes SHBA e vendeve të rajonit e po ashtu mes vetë vendeve të rajonit, në funksion të përballimit me sukses të sfidave të sigurisë, paqes e prosperitetit, në rajon e në Evropë” shkruan Rama.

Sipas kryeministrit të Shqipërisë, takimet bilaterale me Pence, si edhe me liderët e tjerë të rajonit, patën rëndësinë e tyre të posaçme për rikonfirmimin e vullnetit për të ecur më tej përpara, “të gjithë së bashku, në mbrojtje të interesave strategjike të popujve tanë.”

Rama ishte i pranishëm në Samitin e Kartës së Adriatikut në Podgoricë. Ai ka realizuar takime edhe me homologët e tij nga vendet e rajonit. aa

Vladimir Kristo dha sot dorëheqjen nga detyra e anëtarit të Gjykatës Kushtetuese, duke e lënë me 6 pjesëtarë këtë gjykatë pak javë para se ajo të shprehet mbi disa çështje gjyqësore, që lidhen me reformën në drejtësi.

Ai u emërua anëtar i kësaj gjykate në prill 2007 dhe ishte kryetar i kësaj gjykate në 3 vitet e para të mandatit, i cili ka afro 16 muaj që ka përfunduar.

Gjykata Kushtetuese përbëhet nga 9 anëtarë me mandat 9 vjet, të cilët emërohen nga presidenti me pëlqimin e Parlamentit.

Krahas dorëheqjes së zotit Kristo, edhe gjyqtarëve Ardian Dvorani dhe Vitore Tusha iu ka mbaruar mandati po ashtu.

Gjykata Kushtetuese e mbetur tashmë me 6 anëtarë, e cila sipas Kushtetutës, “merr vendime me shumicën e të gjithë anëtarëve të saj”, është vënë në vështirësi, edhe pse gjyqtari duhet të qëndrojë në detyrë deri në emërimin e pasardhësit.

Zoti Kristo ia ka njoftuar dorëheqjen Presidentit Ilir Meta, ndërkohë që Gjykata Kushtetuese është duke shqyrtuar aktualisht disa padi ndaj paketës së ligjeve të reformës në drejtësi.

Paditë​ e Unionit dhe Shoqatë​s së​ Gjyqtarëve ndaj ligjeve të reformës në drejtësi mund të miratohen me 5 vota pro nga 6 anëtarët e mbatur Gjykatës Kushtetuese.

Shanset që ligjet e reformës gjyqësore të rrëzohen janë edhe më të pakta me largimin e zotit Kristo, i cili ishte kritik i tyre, ndërsa të paktën dy kolegë të tij në trupën e mbetur kanë mbajtur më parë qëndrime kundër padive dhe pro reformës.

Institucionet e reja, që prodhohen nga ligjet e reformës në drejtësi, nëse nuk do të ketë pezullime apo padi të tjera në gjykatë dhe ajo do të shprehet për to në shtator, mund të nisin të formohen rreth muajit nëntor.

Kryeministri Edi Rama në një konferencë për media ka folur për sistemin shëndetësor dhe puna që është bërë.

Ndërsa nga ana tjetër ka ftuar drejtorët e spitaleve dhe institucioneve të shëndetit publik dhe ka kërkuar dorëheqjen e tyre me qëllim rritjen e cilësisë së shërbimit shëndetësor.

“Largimi i të gjithë drejtuesve aktualë të spitaleve e të institucioneve të shëndetit publik, dhe afirmim i një profili të ri drejtuesi menaxher në shërbimin spitalor përmes konkurseve publike për çdo drejtori spitali dhe institucion të shëndetit publik në Republikën e Shqipërisë”, tha  Rama.

“Asgjë nuk e justifikon dhe asgjë nuk e kapërcen dot ndjenjën e turpit për shtetin që spitalet të mos jenë shembuj pastërtie dhe higjiene. Kjo është A-ja për çdo mjedis të shërbimit publik. Dhe për spitale kjo është A-ja me e madhe. Përgjegjësinë për këtë e kanë drejtorët e spitaleve. Drejtorët e spitaleve pis dhe mjediset e spitaleve pis”, tha Rama.

Në pothuajse të gjitha dëgjesat që kryeministri Rama ka zhvilluar me qytetarët në disa zona të vendit, shqetësimi më i madhi është pikërisht situata me pronat dhe procesin e legalizimeve.

Pasditen e sotme, turi i kryeministrit Rama  është ndalur në qytetin e Korçës.

Nga fjalët që kanë marrë qytetarët e Korçës, shqetësimi më i madh i tyre është mbivendosja e pronësisë.
Një qytetarë thotë se pas 8 viteve nëpër gjykata ende nuk ka mundur të marrë hipotekën.

Ndërsa një tjetër grua thotë se shtëpinë e saj ia quajnë tokë shtet, duke mos ia njohur as vendimet e Gjykatës.

Rast tjetër i denoncuar, është ai i vajzës së Petro Fotografit, i cili ka fotografuar Ismail Qemalin në Vlorë në ditën e ngritjes së flamurit.

Ajo thotë se shtëpia e familjes së saj, i ka kaluar në pronësi personave të tjerë falë ndihmës nga hipoteka. Duke i kërkuar ndihmë kryeministrit Rama, ajo i bën apel që t’i jepet e drejta.

Mjekët në dy shtete u dorëzuan dhe i kthyen vajzën në shtëpi, por banori nga Funai i Elbasanit ka bërë mrekullinë.

“Vajza u identifikua me Leucemi. Mjekët në Shqipëri më thënë se nuk bëhet. Atëherë e nisa për në Greqi. E mjekuan, por edhe atje u dorëzuan. Më kishin hequr cdo shpresë, ai nisi betejen e tij thanë merre coje në shtëpi. Merret me mend se sa u dëshpëruam. E mora dhe e solla në shtëpi. Por nuk hoqa dorë”, transmeton infoelbasani.al.

Veli Dika tregon se pikërisht atëherë kur mjekët i hoqën shpresat nisi beteja e tij. “thashë do ti hyj vetë kësaj pune. Nisa terapinë sipas mënyrës sime. Kombinova mjekimin me ilace që më kishin dhënë mjekët me kurën popullore të produkteve të bletës dhe me besimin në Zot. Mu desh të vajzës sa vinte e përmirësohej. Vazhdova kështu për disa muaj. Derisa sëmundja e kobshme u largua nga trupi i vajzës sime.”

Më pas ai nuk e ka dërguar vajzën në asnjë mjek. “Nuk e dërgova më as për analiza. Ajo u bë shumë mirë. U be e shëndetshme dhe vazhdoi jetën normalisht”.

Banori vazhdon më tej tregimin e tij. “më pas e martova dhe ajo ka fëmijë. Punon me bashkëshortin e saj në Itali”.

Të gjithë këtë mrekulli Veli Dika ia dedikon bletëve. “Gjithë këtë mrekulli ia dedikoj mizës së bekuar. Nuk ka si bleta. Që të komunikosh me ato duhet të jesh edhe i pastër në shpirt. Dhe ato na e shpërblyen. Bleta është fiksimi i jetës sime”.

Ai kujdeset cdo ditë për kosheret e mbetura. Kanë krijuar një miqësi të patreguar dhe po i shton sërish nga dita në ditë.

Nga 1 janari deri sot në Shqipëri kanë ardhur 437 mijë turistë pushues, pa llogaritur vizitorët.

I ftuar në emisionin “Debati në Channel One” të gazetarit Roland Qafoku, Drejtori i Agjensisë Kombëtare të Turizmit, Ardit Çollaku deklaroi dje se shifra 1.5 miliardë euro nga të ardhurat e turizmit gjatë vitit 2016 pritet të rritet për vitin 2017 nga rritja e numrit të turistëve pushues por edhe vizitorëve. 

Një element i ri i turizmit këtë vit është edhe zgjerimi hartës së pushuesve që nis nga kontinenti aziatik deri në atë austrialian.

Por dyndja e rusëve në Shqipëri ka edhe një element jo pak të rëndësishëm. Sipas shifrave, në Sarandë janë afro 10 rusë që kanë blerë shtëpi.

A është ky një detaj për tu analizuar jo si një element pushimi por si një dyndje të krijimit të “bazave” ruse në Shqipëri?

Këtë nuk mund ta themi me siguri, por as nuk mund ta shpërfilim si një fakt kur synimi i ekspasionit rus në Ballkan nuk është më një teori në letër.

Akademiku Artan Fuga, me anë të një statusi në “Facebook”, shkruan dhe kërkon ndihmë nga bashkia e Tiranës, pasi njerëzit mbajnë hundët me dorë, ku sipas tij “Fekalet po rrëshkasin drejt bulevardit “Myslym Shyri” Tiranë!”

Statusi i plotë

Fekalet po rrëshkasin drejt bulevardit “Myslym Shyri” Tiranë!

Ndihmë, lutem bashkia të ndërhyjë.

Ora 22 e e 28 minuta!

Në moshën 107 vjeçare u nda nga jeta Gjok Nonaj, rapsodi më i vjetër i botës. Akademiku Vasil. S. Tole përmes një statusi shkruan se rapsodi më i vjetër në botë, 107 vjeçari Gjok Nonaj, u nda nga jeta në spitalin e Lezhës i rrethuar nga dashuria e familjes. “”Dy vdekje nuk ka dhe nga njëra nuk shpëtojmë dot” thotë populli, por Gjoka e sfidoi vdekjen deri në fund me lahutë në dorë e këngë në buzë. Ai, si lajmës i traditës, solli deri në kohët moderne magjinë e Eposit, kreshnikët tanë dhe bukurinë e bjeshkëve tona me gjithë forcën e shpirtit. Në moshën 105 vjeçare debutoi në vitin 2015 në Festivalin Folklorik Kombëtar të Gjirokastrës, duke thyer kështu çdo rekord të mëparshëm të këtij lloji. Ishte fat që të njoha, të dëgjova dhe që më pranove si mikun tënd! Tani që vdekja e mori, ai duhet trajtuar me nderimet që i takojnë një personaliteti kulturor, se i tillë ishte, se të tillë e bëri trashëgimia e madhe që ai barti dhe këndoi për ne. Pa shpërblim! Gjok! Shko lehtë-lehtë, ashtu siç hidhje hapin tek Muji e Halili e të parët e tu. Rapsodët i mirëpresin në botën e përtejme, se dhe në të gjallë vetëm një tjetër rapsod si Orfeu ja doli të zbriste nën dhe. Pas teje, nuk ka një të dytë si ty. Dhe për këtë do të kujtojmë! Amin! Ngushëllime familjes, të afërmve, bartësve dhe dashamirësve të trashëgimisë sonë kulturore”, shkruan akademiku Tole. Ish drejtoresha e Trashëgimisë Kulturore Zhulieta Sina Harasani ka postuar një foto, ku lahutari në majin e dy viteve më parë ishte në skenën e Gjirokastrës. “Gjok Nonaj, 105 vjeçar, në natën finale të Festivalit Folklorik Gjirokastër, 16 maj 2015”, shkruan Harasani. Ceremonia e varrimit do të bëhet sot në ora 13.00 në varrezat e Kodër Marlekaj, Lezhë. Para dy vitesh rapsodi Gjok Nonaj interpretoi këngën epike “Fuqia e Mujit” në festivalin e Gjirokastrës. “Fuqia e Mujit” është një fragment rapsodik i shkëputur nga eposi i Kreshnikëve. Eposi i kreshnikëve (ose Cikli i kreshnikëve) janë këngë epike, ku këngët kryesisht shoqërohen me lahutë. Ardhja e lahutarit ishte një risi e festivalit. Për herë të parë lahutarët e familjes Nonaj, Gjoka e Lumturija u bënë bashkë për të kënduar në Festivalin Folklorik të Gjirokastrës. Vlerat e Lahutës së eposit shqiptar vazhdojnë të ruhen me fanatizëm që nga më i moshuari e deri te më i riu i familjes Nonaj.

Me propozim të kryebashkiakut Erion Veliaj, Këshilli Bashkiak i Tiranës, miratoi rritjen e çmimit të ujit të pijshëm në kryeqytet me 20 lekë, nga 45 që është aktualisht, duke e çuar në 65 lekë.

Kryetari i Komisionit të Zgjedhjeve në PD, ish-minister i Berishes, Jemin Gjana shpërthen ndaj grupit të cilësuar kundër Bashës në Partinë Demokratike.

I ftuar në emisionin “Debati në Channel One” të gazetarit Roland Qafoku, Gjana e cilëson të pamoralshme thirrjen që kanë bërë Jozefina Topalli, Besnik Mustafaj, Astrit Patozi, Arben Imami dhe të tjerë në zgjedhjet e 25 qershorit për të mos votuar PD-në por edhe për të bojkotuar zgjedhjet për kryetarin e PD më 22 korrik.

Kryetari i Komisionit Qendor Elektroral për Zgjedhjet në Partinë Demorkatike, dhe një themeluesit e kësaj partie, ish-nënkryetar i PD, ish-kryetar i grupit parlamentar dhe pesë herë deputet tha: “Ajo që kanë pështyrë ndaj PD-së, një ditë do tu kthehet në fytyrë”.

Gjana vlerësoi momentin kur Sali Berisha votoi të shtunën dhe bëri një deklaratë duke e cilësuar procesin statutor dhe për ata ka qënë një mesazh shumë i qartë që ata duhet ti thërrsnin mendjes se këto zgjedhje nuk ishte një farsë.

Gjana e cilësoi prorcesin për zgjedhjen për kryetar tejet të rregullt por bëri një analizë për secilin ndaj kundërshtarëve të Bashës që sipas tij të vetmin problem që kanë është se nuk ishin pjesë e listës për deputetë.

Sipas Gjanës, askush nuk i mbajti Mustafajn, Topallin, Patozin dhe Bregun të vinin të bëheshin pjesë e garës.

Për Besnik Mustafajn:

“A e dini ju që Besnik Mustafaj nuk është anëtar i Partisë Demokratike. Unë nuk e kuptoj se si një njeri që nuk ka teseren e kësaj partie, nuk e ka emrin në asnjë dokument anëtarësie të saj deklaron se nuk do votojë në zgjedhjet për kryetar. Në të gjithë karrierën e tij politike Mustafaj më rezulton se nuk ka plotësuar asnjë formular. Më kujtohet se në vitin 1998 kur Mustafaj erdhi nga Franca ku ishte ambassador, Berisha i propozoi të ishte sekretar për Marrëdhëniet me Jashtë në PD, por kjo duhej të votohej në Këshillin Kombëtar përmes një rregulli që minimumi ai duhej të ishte anëtar i PD-së. Pasi ia thamë këtë, Mustafaj kundërshtori dhe nuk pranoi të ishte anëtar i PD-së dhe të merrte teseren. Atëherë për këtë arsye ne u detyruam të bëjmë një ndryshim në statutin e Partisë Demokratike që sekretarin për Marrëdhëniet me Jashtë ta emëronte vetë kryetari, pra zoti Berisha dhe nuk ishte e nevojshme që ai të ishte anëtar i PD”.

Për Jozefina Topallin

“Mua më vjen keq që zonja Topalli deklaron që gjatë zgjedhjeve për kryetarin e PD-së më 22 korrik janë mbushur kutitë e votimti. Për cilat kuti e ka zonja fjalën? Kush i mbushi kutitë? Tashmë zonja ka shpërthyer kundër PD dhe zotit Basha. Për çfarë? Sepse Topalli nuk është në listën për deputete. Por kështu e ka politika. Nuk do jesh përjetësisht deputete. Por zonja Topalli nuk e kupton kështu këtë. Përse? Për disa merita që zonja Topalli mendon se ka? Por edhe unë kam merita dhe nuk e mendoj kurrë të bëj si ajo. Ka qenë e persekutuar? Edhe unë kam qenë i persekutuar. Ka qenë shumë mirë me mësime? Edhe unë kamë qenë shumë mirë me mësime. Ka kontribute në PD? Edhe unë kam ëshumë contribute, amdje më shumë se zonja Topalli që u bë deputete në 1996. Unë mendoj se nuk është argument kjo. Në qoftëse nuk jemi mirë në një moment, duhet ti ktehemi me gur shtëpisë sonë? Apo të themi si francezët raftë qameti në këtë vend pasi të iki unë?

Për Arben Imamin

“Unë e vlerësoj Imamin si një nga themeluesit e PD. Por të gjithë i dimë marrëdhëniet e tij me zonjën Topalli dhe të tjerë. Gjatë qeverisjes së PD-së unë rastësisht isha në zyrën e kryeministri Berisha për çështje pune dhe befas hynë në zyrë zonja Topalli tepër e nxehur dhe i kërkonte Berishës se si kishte mundësi që ai kishte marrë si këshilltar Arben Imamin. Çfarë nuk tha Topalli, dhe më kujtohet që Berisha nuk foli fare. Atëherë çfarë i bashkon këta njerëz”?

Për Astrit Patozin

“Në vtiin 2013 zoti Patozi ishte nënkryetar i PD-së dhe kryetar i grupit parlamentar. Po si u hartuan listat për zgjedhjet parlamentare në atë kohë? Përse nuk u vendos në listë Jemen Gjana? Ka patur diskutime por asnjë nuk u votua në kryesi. Atëherë unë me të drejtë them përse një gabim që e ka bërë vetë nuk quhet dhe tani që listat i bëri Lulzim Basha u cilësoka skandal? Nuk mund të ketë dy standarte për të njëtën çështje. Përse zoti Patozi nuk foli për hartimin e atyre listave. Edhe unë nuk isha në listë. Natyrisht nuk u lumturova. Por ama bëra fushatë, shkova në Kamëz, Paskuqan, Shkodër dhe Pogradec. Isha I bindur që kjo ishte më e mira. i kemi dhënë PD-së por më shumë na ka dhënë ajo ne”.

Në Shqipëri Kryetari i ri i Shtetit, Ilir Meta, bëri sot betimin në parlament.

Pas një ceremonie të thjeshtë, ku u lexua betimi sipas Kushtetutës, Presidenti Meta u angazhua në detyrat e tij përmes një fjalimi, i cili përfshinte respektimin e Kushtetutës, reformat, marrëdhëniet me opozitën dhe rolin e Shqipërisë në rajon.

Zoti Meta u zgjodh në këtë post më 28 prill duke marrë 87 vota pro dhe dy kundër, në një seancë ku mungonte opozita e cila kishte bojkotuar parlamentin ndërsa protestonte duke kërkuar dorëheqjen e kryeministrit Edi Rama.

Zoti Meta, 48 vjeç, është ndër politikanët me një karrierë shumë të gjatë. Ai ka mbuluar pozicione të rëndësishme ndër vite duke qenë dy herë Zëvendëskryeministër dhe ministër i Jashtëm, ndërsa në vitin 1999 u bë kryeministër në moshën 30 vjeçare.

Në vitin 2004 së bashku me përfaqësuesë të tjerë socialistë, ai u shkëput nga kjo parti për të themeluar Lëvizjen Socialiste për Integrim, duke arritur të jetë i vetmi që të imponohet në skenën politike të vendit, me një parti të re, falë lëvizjeve shpesh herë të guximshme.

Në vitin 2009 ai befasoi me vendimin për të hyrë në koalicion me Partinë Demokratike. Ndërsa pak muaj para zgjedhjeve të 2013, ai do të dilte nga qeveria e ish kryeministrit Sali Berisha, për t’u bashkuar në koalicion me socialistët, duke u rikthyer sërish në pushtet me ta. Por dhe marrëdhëniet me socialistët pësuan një krisje të fortë, pas marrëveshjes që kryeministri Rama arriti me drejtuesin e opozitës Lulzim Basha, në 18 Maj, duke i dhënë fund krizës politike në vend. Kjo marrëveshje u pa si një përpjekje për reduktuar peshën e LSI-së e cila konsiderohej si një forcë përcaktuese në luftën për kontrollin e shumicës mes PS-ës dhe PD-ës.

Megjithëse dha dorëheqjen nga drejtimi i LSI-së, zoti Meta u përfshi në fushatën elektorale, duke sulmuar me tone të ashpra si socialistët me të cilët vazhdon të ndajë pushtetin, ashtu dhe opozitën e djathtë. LSI-ja mundi të marrë 19 mandate, 6 më shumë se në 2013, duke kaluar në opozitë pas ndarjes me PS-ën. Qëndrimet e zotit Meta gjatë fushatës kanë ngritur pikëpyetje mbi raportet e ardhshme mes qeverisë socialiste dhe Kreut të shtetit. Bashkëshortja e zotit Meta, Monika Kryemadhi u zgjodh pak javë më parë në krye të LSI-së.

Fjala e Presidentit Meta

Në këto momente solemne, duke përcjellë falënderimet për Kuvendin e Shqipërisë që më zgjodhi në këtë detyrë kaq fisnike, më lejoni që t’ju dëshmoj solemnisht vullnetin tim të hekurt për të respektuar në gërmë dhe në frymë Kushtetutën e Republikës së Shqipërisë, për të përmbushur të gjitha përgjegjësitë e mija Kushtetuese në interesin më të mirë të vendit, të kombit dhe qytetarëve shqiptar, pa kursyer në asnjë çast përkushtimin që kërkon lartësia e detyrës; integritetin, drejtësinë dhe pa-anshmërinë.

Kushtetutshmëria, asnjanësia politike, si dhe respektimi i shtetit të së drejtës, do të jenë referencat kryesore të vendimeve dhe akteve të mia Presidenciale.

Gjithmonë do t’i shërbej frymës së konsensusit, dialogut, bashkëpunimit e gjithëpërfshirjes në interes të forcimit të institucioneve e bashkëpunimit ndërinstitucional e sidomos të avancimit të reformave më jetike që e bëjnë Shqipërinë një vend më demokratik, më të qëndrueshëm, më të sigurt e plotësisht europian.

25 vjet më parë u zgjodha deputet në këtë kuvend e sot më duhet të ndahem me jetën time parlamentare për të përmbushur një përgjegjësi të re dhe shumë të lartë, por i bindur në rëndësinë e forcimit të bashkëpunimit me Kuvendin në të ardhmen.

Në 25 vjet kam qenë pjesë aktive e opozitës dhe mazhorancës, kam përfaqësuar dy forca politike në detyrat nga më të rëndësishmet, kam qenë në vijën e parë të ballafaqimit politik por edhe të përpjekjeve për konsensus për realizimin e marrëveshjeve të rëndësishme për stabilitetin e të ardhmen europiane të vendit.

Ashtu sikurse 27 vjet më parë isha pjesë e lëvizjes studentore, thirrja e se cilës “Ta bëjmë Shqipërinë si gjithë Europa” mbetet akoma një projekt i pambaruar.

Unë besoj se papunësia, varfëria dhe emigracioni shqetësues i rinisë mbeten akoma “armiqtë” tanë të përbashkët të vërtetë.

Këto janë sfidat e përbashkëta më të vështira që duhen fituar në emër të të gjithë qytetarëve tanë pa asnjë dallim e sidomos në emër të rinisë sonë dhe të ardhmes së vendit.

Reformat e qëndrueshme me rëndësi kombëtare, në funksion të forcimit të institucioneve dhe konsolidimit të pavarësisë së tyre, nuk mund të jenë produkt vetëm i një mazhorance, por i një sipërmarrjeje kolektive kombëtare, ku roli i opozitës është i pazëvendësueshëm dhe i domosdoshëm.

Një vit më parë në këtë Kuvend miratuam me konsensus të plotë ndryshimet kushtetuese për Reformën në Drejtësi, e cila është vendimtare për të ardhmen europiane të vendit.

Sot angazhohem edhe si President, për të mbështetur zbatimin e drejtë e transparent të kësaj reforme në interes të forcimit të shtetit të së drejtës, të luftës kundër korrupsionit e krimit të organizuar dhe përmirësimit të klimës së biznesit aq e domosdoshme për të rritur ekonominë tonë më tej e sidomos për të krijuar vende pune të mirëpaguara për të rinjtë tanë.

Përpjekjet tona demokratizuese dhe shtetformuese nuk do të kishin qenë të suksesshme pa mbështetjen e pakursyer të miqve dhe aleatëve tanë, të partnerëve ndërkombëtarë, sidomos të Shteteve të Bashkuara të Amerikës dhe të Bashkimit Europian.

Shqipëria jonë është prej disa vitesh anëtare e barabartë në NATO dhe pranë hapjes së negociatave për anëtarësim në Bashkimin Europian.

Faktori shqiptar në rajon është në kohët e veta më të mira.

Kosova është shtet i pavarur dhe ne besojmë se së shpejti do t’i gëzohet liberalizimit të vizave me BE-në dhe lëvizjes së lirë të qytetarëve të saj.

Shqiptarët në Maqedoni janë me mundësi shumë më të mëdha se në çdo kohë tjetër për ta çuar zbatimin e marrëveshjes së Ohrit në një stad të ri më cilësor.

Në Mal të Zi shqiptarët kanë qenë një faktor me peshë për ta orientuar shtetin e tyre drejt aleancave perëndimore.

Më shumë të drejta meritojnë shqiptarët e luginës së Preshevës, që do të kenë gjithmonë mbështetjen tonë të pakursyer.

Pavarësisht statusit të tyre brenda shteteve ku ndodhen, si shumicë apo pakicë, shqiptarët kanë luajtur e po luajnë rol stabilizues, konstruktiv dhe emancipues në gjithë rajonin tonë.

Unë jam besimplotë për të vazhduar angazhimet tona maksimale për respektimin e të drejtave të pakicave etnike e kulturore në Shqipëri, në pajtim të plotë me Konventën Europiane dhe atë Ndërkombëtare për të drejtat e njeriut.

Me të njëjtën përgjegjësi që respektojmë pakicat brenda vendit nuk do të rreshtim së kërkuari prej vendeve të tjera ku jetojnë shqiptarët respektimin e plotë të lirive dhe të drejtave të tyre.

Në botën e sotme, që shkon pandalshëm drejt proceseve globalizuese dhe ndërvartësisë së përgjithshme, oportunitetet, si dhe kërcënimet ndaj paqes dhe rendit botëror nuk njohin kufij gjeografikë.

Prandaj ne do të vazhdojmë t’u përgjigjemi pozitivisht detyrimeve tona për zgjidhje të përbashkëta.

Përkrah me partnerët tanë euro-atlantikë, ne do të luajmë rolin që na takon në sfidat e përbashkëta, të cilat, drejtpërsëdrejti a tërthorazi, prekin edhe sigurinë tonë kombëtare, dhe këtu kam parasysh në radhë të parë luftën kundër terrorizmit dhe krimit të organizuar.

Më 28 prill vendosa të kandidoja për President më shumë me mendje sesa me zemër sepse opozita nuk ishte këtu.

Por sot dua t’ju siguroj se betimin e kam bërë plotësisht me zemër dhe bindje të plotë se zgjedhja që bëra në atë moment dha kontributin e saj modest edhe për të evituar një krizë që vendi dhe e ardhmja e tij europiane nuk e meritonin.

Duke ju falënderuar të gjithëve dua t’ju siguroj se në ushtrimin e kësaj përgjegjësie kaq të lartë që Kuvendi i Shqipërisë më ka besuar do të udhëhiqem vetëm nga dashuria e pakufishme për Shqipërinë dhe gjithë shqiptarët, duke lënë pas bashkë me 25 vitet e mija në këtë kuvend çdo debat apo përkatësi politike që kam patur për t’iu përgjigjur lartësisë së re të detyrës së Presidentit të Republikës.

Vetëm Demokracia mund të më jepte mua mundësinë që të shërbeja edhe si Kryeministër, Kryetar Kuvendi e nga sot si President i Republikës.

Ndaj me ndjenjën e mirënjohjes për ju e për të gjithë shqiptarët kudo ku jetojnë të cilët presin më shumë nga ne, dua t’ju siguroj se për Presidentin e ri, Shqipëria dhe Demokracia do të jenë gjithnjë të Parat.

Gazetarja dhe psikologia e njohur Jeta Toçila ka reaguar ashpër me anë të një statusi në facebook, ku ngre shqetësimin për cilësinë e ushqimit që po na serviret çdo ditë. Ajo shpjegon se ushqimi që hamë çdo ditë është duke na helmuar dhe vrarë. Ja statusi i plotë i reagimit të saj:

“Ushqimi zë një vend të rëndësishëm të ditës sonë, të të menduarit tonë, të sjelljes sonë, të ndjesive tona. Ai është i rëndësishëm për shëndetin fizik e mendor. Ka një ndikim të madh në humorin tonë, në marrëdhëniet tona, në festat tona, në gëzime e hidhërime, në trishtime dhe hutime. Ai është kudo, në rrugë e në shtëpi, i lirë e i shtrenjtë. Organik ose jo. I pastër ose modifikuar. Ne flasim e shkruajmë shumë për të. Disa e duan, disa e refuzojnë, por të gjithëve na bashkon nevoja për të.

Ushqim, thërret me shaka im bir sapo shtrohet tavolina! Si person në dietë të vazhdueshme, unë nuk entuziazmohem si ai, megjithatë, nuk i shpëtoj dot konsumit të ushqimit. Por ja që është një nevojë fiziologjike, në pashmangshmërinë e së cilës ne të gjithë po helmohemi dita-ditës. Ju do thoni nuk janë vetëm ushqimet. Sigurisht që ka plot faktorë, por mos ta shpërndajmë vëmendjen siç ndodh me politikanët kur bëjnë ndonjë proçkë e sajojnë lajme rozë për të sfumuar problemin. Të bësh sot pazaret e më pas të gatuash është kthyer në merak konstant. Ku do blej, sa të sigurta janë produktet, çfarë t’i ndaloj ose jo fëmijës tim?

Bisedojmë me miqtë e shkëmbejmë informacione se ku të blejmë me garanci. Kemi përfunduar me blerje me porosi anë e mbanë vendit. Mjaltin e gështenjës në Tropojë, mjaltin e luleve në Kolonjë, mishin në Gramsh, reçelrat në Përmet, djathin në Gjirokastër, vajin në Berat, fasulet në Pogradec, patatet në Kukës, qumështin me ambalazhim austriak, kosin, gjalpin, gjizën i blejmë me tahmin në dyqane me marka jugu, gjithsesi me frikë i kemi. Mendohemi e i vimë rrotull fruta e perimeve në tregje duke i vëzhguar nëse janë bio apo jo. Harrojeni që të gjeni etiketë në ndonjë domate që të të informojë nëse është OMGJ apo BIO. Disa vende e kanë detyrim ligjor këtë dhe e zbatojnë. Gëzojmë kur shtohen miqtë meraklinj të shëndetit, të cilët mbjellin fruta e perime në baçet e tyre. Ata nuk investojnë më në shtëpitë e plazhit, por në ferma. Zemërgjerët për fat kanë edhe bollëk, furnizojnë hera-herës miqtë e ngujuar kullave të qytetit.

Por sërish problemi mbetet. Rrekesh t’u mbushësh mendjen fëmijëve që sallami është i rrezikshëm, apo çokokremi është i përbërë me qumësht pluhur apo soje joorganike dhe me sheqer sintetik, të cilët mund të shkaktojnë depresion, shkatërrim të qelizave të trurit, autizëm, apo se luleshtrydhet gjigande e të bukura janë me kimikate apo pesticide. Ti mendon se i ke shpëtuar fëmijët e tu duke mos ua blerë disa produkte të dëmshme, por në të vërtetë ke bërë një vrimë në ujë.

E vërteta është që ushqimet po helmojnë popullatën pa dallim moshe e gjinie!

Kudo ndodhen fëmijë të pasurish apo të varfërish, në çerdhet, kopshtet dhe shkollat e të cilëve ushqimet nuk janë bio. Nuk janë një e dy produkte, janë një koloni syresh. Ushqime të tilla po na rrisin fëmijët para kohe, njëlloj si domatet e kastravecët brenda natës, po rriten fëmijët në vendin tonë. Vajzat e vogla pa hequr ende nga dora kukullat bëhen zonjusha. Djemtë po dallohen nga pavëmendja dhe hiperaktiviteti i theksuar, për të cilët popullorçe thuhet “çuna të shkathët ose mistrec”. Fëmijët po hanë kopshteve bukë të gatuar me miell pa masën e duhur të proteinave, të gjalpuar me vaj palme. Studimet thonë se vaji i palmës shkatërron qelizat e pankreasit.

Edhe të rriturit, të pasur apo të varfër qofshin, me pushtet ose jo, kur shkojnë për të blerë, sado të shpenzojnë nuk do t’u shpëtojnë produkteve të modifikuara apo me përmbajtje të dëmshme për shëndetin. Ato gjenden supermarketeve e tregjeve, restoranteve e spitaleve.

Ato gjenden në shtëpitë e të moshuarve, burgje dhe qendrat sociale, pasi dyshoj që këto institucione të tenderojnë produkte cilësore. Nuk besoj se kanë luksin dhe interesin të zgjedhin produktet bio. Sigurisht që leverdia është tek produktet me kosto sa më të ulët. Tek mishi nga Brazili apo tek mielli nga Serbia.

Gjithë popullata në vendin tonë është në rrezik. Prandaj dhe vendi ynë është nënvijëzuar me të kuqe nga Instituti për Matjen dhe Vlerësimin e Shëndetit (IHME), autoriteti më prestigjioz në botë që mat problematikat e sëmundjeve në çdo vend. Sipas këtij, sëmundjet vdekjeprurëse në Shqipëri janë rritur frikshëm. Po ta mendoni e të ktheni sytë nga historiku i shëndetit të familjes apo fisit tuaj sot e në të kaluarën, jam e bindur se shumica prej jush do gjej raste në shtim të humbjes së të dashurve nga kanceri. E kam thënë që në fillim, nuk janë vetëm ushqimet faktorë risku, por ama janë.

Por ushqimet, as nuk dinë të shkruajnë e as të mbajnë fjalime. Ato thjesht janë ndër mjetet që ndikojnë në qarkullimin e parave në botë nga ATA që dinë edhe të flasin edhe të shkruajnë për të drejtat dhe liritë themelore, për garantimin e tyre, për mbrojtjen e jetës e të shëndetit.
Pfffff…..Po ATA me çfarë ushqehen dreqi ta hajë?!”

Policia shqiptare ka dhënë detaje, lidhur me kapjen e një gomoneje me rreth 1, 8 ton drogë në Itali, ku u arrestuan dy shqiptarët me inicialet Rr. A 30 vjeç dhe A.I. 44 vjeç. Sipas policisë shqiptare operacioni është zhvilluar në bashkëpunim me Guadia di Finanza. Gomonia me gjatësi 7.5 metra është bllokuar në orët e para të datës 23 korrik. Policia nuk tregon origjinën e drogës për shkak të hetimeve.

Njoftimi policise
Operacion i përbashkët i Policisë se Shtetit dhe Guadia di Finanza, kapet gomonen me lëndë narkotike në orët e para të mëngjesit ne Itali.

Si rezultat i operacionit gomonia me lëndë narkotike ra në ‘rrjetë’ pas bashkëpunimit mes Policisë së Shtetit dhe Guardia di Finanza.

Autoritetet sekuestruan 1 ton e 185 kilogramë lëndë narkotike Marijuanë.

U arrestuan në flagrancë dy skafistët shqiptare.

Policia e Shtetit në bashkëpunim me Guardia di Finanza të Pulias, kanë ndjekur në dinamikë gomonen në ujërat ndërkombëtare deri në afërsi të Termolit ku edhe është bllokuar nga njesia ROAN e GdF, e Termolit.

Gomonia me gjatësi 7.5 metra është bllokuar në orët e para të datës 23 korrik.

Në bordin e saj u gjetën dhe u sekuestruan 1 ton 185 kg Marijuanë.

Gjithashtu u kapën dy skafistët, shtetas shqiptarë të cilët u arrestuan në flagrancë:
– Rr.A. 30 vjeç
– A.I. 44 vjeç

Për shkak të sekretit hetimor, rezervohen të dhëna të mëtejshme në lidhje me origjinën dhe pikënisjen e gomones, duke theksuar se trafikantët janë duke shfrytëzuar rrugë alternative, jo më nga territori dhe ujerat shqiptare drejt Pulias, por në pjesën e sipërme te Adriatikut drejt Abrucos.

Policia e Korçës njoftoi sot se një burrë 60-vjeçar gjeti vdekjen pasi u hodh nga kati i 4 i pallatit ku banonte i vetëm në lagjen nr 2 të qytetit.

“Panorama” mëson se ai është Gjergji Kushe, ish-sportist, ish-portieri i Vllaznisë.

Burimet i thanë “Panorama” se ai jetonte prej disa kohësh i vetmuar në banesë dhe se ishte përdorues i rregullt i pijeve alkoolike.

Kohët e fundit mësohet se ai kishte rënë në depresion.

Ai lindi në Korçë, por për disa vite me radhë ka mbrojtur portën e Vllaznisë duke fituar disa trofe. Kushe ishte pjese e brezit të artë të kuqebluve në vitet 1980.

INFORMACIONI PARAPRAK NGA POLICIA:

Më datë 23.07.2017, jemi njoftuar se në Spitalin Rajonal të Korçës, ka shkuar i pajetë trupi i shtetasit Gj.K, rreth 60 vjeç.

Nga të dhënat paraprake dyshohet se ky shtetas, në gjendje të rënduar emocionale është hedhur nga kati i katërt i pallatit në të cilin banonte në lagjen nr 2 të qytetit të Korçës dhe për pasojë ka gjetur vdekjen e menjëhershme.

Nga veprimet e kryera, rezulton se shtetasi Gj.K, jetonte i vetëm dhe kishte lënë edhe një letër në të cilën sqaronte arsyet e vetëvrasjes së tij.

Grupi hetimor po punon për sqarimin e rrethanave të ngjarjes.

Lulzim Basha ka bere daljen e pare publike sot nga selia blu pas fitores ne zgjedhjet e 22 Korrikut, ku demokratet i dhane nje mandat te dyte per drejtimin e PD.

Ai foli per pjesemarrje rekord teksa tha se kjo ishte nje vote qe tregonte se demokratet jane te bashkuar dhe se kane besim tek partia e tyre.

“Pjesëmarrjen më të madhe, ka shenuar rekord në zgjedhjet nje anetar nje vote. Është dëshmia e besimit të demokratëve te partia jonë dhe vlerat e demokracisë, është shenjë se ata janë të fortë, janë bashkë por edhe tregues se demokratët janë të vendosur të punojnë për forcimin e PD dhe Shqipërisë, është mesazhi se e ardhmja e PD është e sigurtë”.

“Ne demokratet humbem zgjedhjet por nuk humbem besimin te partia jone dhe te vetja. S’kemi humbur forcen dhe kurajen, qytetarine, shpirtin tone europian. Me punen tone do fitojme besimin e shqiptareve dhe do japim kontributin tone per te ardhmen e Shqiperise”.

Ai ka lajmeruar se “PD do jete me demokratike duke i dhene pushte vendimmarresve te saj duke e kaluar vendimmarrjen ne duart e anetareve te saj. Asnje prej jush nuk do neperkembet”, tha Basha.

Teksa deren e PD tha se vota e djeshme nuk e mbyll per ata qe zgjedhin kauzen e drejte te zgjedhjeve te lira dhe te ndershme.

“Akti i djeshem s’eshte dere e mbyllur, cdokush qe vendos PD te paren, qe zgjedh kauzen e drejte te zgjedhjeve te lira dhe te ndershme, qe nuk zgjedh rehatine personale, eshte i mirepritur, jemi te gezuar ta kemi mes nesh edhe pse per nje moment ka humbur rrugen”.

Kryedemokrati ka falenderuar edhe Selamin qe sipas tij, “i vleresoi demokratet dhe shkoi para tyre me nje alternative”.

DEKLARATA E PLOTE: 

Partia Demokratike tregoi dje se është forca politike më vitale në vend, me afro 60 mijë anëtarë të cilët dolën dhe votuan duke shënuar me pjesemarrjen më të madhe deri më sot në Shqipëri, në zgjedhjet një anëtar një votë.

Kjo pjesmarrje masive në zgjedhjen e kryetarit, është dëshmia e besimit të demokratëve tek partia jonë dhe vlerat e demokracisë.

Është shenjë se ata janë të fortë, se ata janë bashkë. Por është edhe tregues se demokratët janë të vendosur të punojnë për forcimin e Partisë Demokratike dhe të Shqipërisë. Është mesazhi se e ardhmja e Partisë Demokratike është e sigurtë.

Dua të falenderoj të gjithë anëtarët dhe drejtuesit e Partisë Demokratike që morën pjesë masivisht dhe aktivisht në bashkëbisedimin dhe debatin e fushatës për zgjedhjen e kryetarit të Partisë Demokratike në të 68-të degët e saj anembanë vendit.

Dua të falenderoj komisionerët, numëruesit, vëzhguesit dhe të gjithë anëtarët e familjes tonë politike që kontribuan me përkushtim dhe integritet në administrimin e procesit zgjedhor.

Dua të falenderoj Eduard Selamin që i vlerësoi demokratët dhe shkoi para tyre me një projekt, me një alternativë, dhe ju bëri atyre thirrje të marrin pjesë e ta votojnë.

Sot jam i prekur dhe thellësisht mirënjohës ndaj të gjithë ju demokratëve për besimin që më dhatë. Vota juaj më bën të ndihem thellësisht i përunjur. Sepse unë i njoh shqetësimet tuaja për gjendjen ku jemi, i di brengat tuaja, i di vërejtjet dhe pritshmëritë tuaja ndaj meje, sikurse i njoh shpresat dhe dëshirat tuaja.

Ndaj dua t’ju them se vota juaj është për mua një borxh i madh, një detyrim shpirti ndaj çdo demokrati, borxh që do j’ua kthej duke punuar çdo çast, me përkushtim dhe vendosmëri, me ndershmëri dhe dinjitet, borxh që mund të shlyhet vetëm duke e kthyer Partinë Demokratike në drejtim të fateve të vendit.

Vota e 60 mijë demokratëve konfirmoi dje se kauza jonë e zgjedhjeve të lira, e çlirimit të vendit nga korrupsioni e droga, e kthimit të politikës tek qytetari, është kauza e drejtë e kohës, është kauza me më shumë mbështetës të lirë e të vendosur sot, dhe një kauze që do të shkojë përpara pa u ndalur.

Gara dhe mënyra qytetare dhe europiane e votimit për kryetarin e Partisë Demokratike treguan para të gjithëve se Partia Demokratike është parti e madhe, parti perëndimore, parti europiane.

Ne demokratët vërtet humbëm zgjedhjet por nuk humbëm besimin tek partia jonë dhe tek vetja. Ne nuk kemi humbur vlerat, nuk kemi humbur dinjitetin, nuk kemi humbur forcën dhe kurajon, nuk kemi humbur qytetarinë, nuk kemi humbur shpirtin tonë europian.

Me vlerat tona, me vendosmërinë dhe punën tonë, ne do të rifitojmë besimin e shqiptarëve dhe do të japim kontributin tonë të pazëvendësueshëm për të ardhmen e Shqipërisë.

Misioni ynë është mision kombëtar, dhe Partia Demokratike është garancia për përparimin e Shqipërisë, është forca që do ta çojë përpara vendin.

Që të përmbushim aspirat dhe pritshmëritë që ne kemi për veten, dhe që gjithë shqiptarët kanë ndaj nesh, ne duhet të shohim përpara, duke u përmirësuar, duke u demokratizuar, duke u modernizuar.

Sot dua të garantoj të gjithë se:

Partia Demokratike do të jetë më demokratike, duke i dhënë pushtet anëtarëve të saj dhe duke e kaluar vendim-marrjen për çështjet kryesore tek anëtarët.

Dua të siguroj të gjithë anëtarët e Partisë Demokratike se vendimmarrja do të jetë në duart tuaja se ju do të shpreheni, ju do të vendosni siç bëtë dje, çdo ditë në vijim, se kush do jenë përfaqësuesit tuaj, të zgjedhurit tuaj.

Ju garantoj se asnjë prej jush nuk do të nëpërkëmbet, por do të pyetet e do të shprehet, dhe çdokush që do marrë pushtet nga demokratët do ta dijë mirë këtë, e nuk do ta harrojë për asnjë çast.

Por po ashtu, akti i djeshëm, nuk është aspak një derë e mbyllur.

Përkundrazi tregon se çdokush që vendos Partinë Demokratike të parën, që zgjedh kauzën e drejtë të zgjedhjeve të lira e të ndershme, që zgjedh qytetarin e jo rehatinë personale, që vendos të luftojë drogën, krimin e korrupsionin, është i mirëpritur, është pjesë e jona, dhe jemi të gezuar ta kemi mes nesh edhe nëse për një moment ka humbur rrugën.

Vota dhe bashkimi i djeshëm është edhe një detyrë dhe kontratë e re, jo vetëm për demokratët, por për vendin, që na angazhon, e më angazhon mua shumëfish, me pergjegjësinë për ta bërë Shqipërinë një vend të mirë për të jetuar.

Një vend të sigurtë, të lirë, një vend ku sundon ligji, ku vendos qytetari, ku qeveria nuk shkel me këmbë por shërben, ku paratë dhe instrumentat e shtetit janë për njerëzit, e jo njerëzit instrumenta të pushtetarëve.

Për ta bërë Shqipërinë si gjithë Europa, siç kumton thirrja që lindi Partinë Demokratike.

Ky projekt u konfirmua dje dhe do të vazhdojë me çdo kusht.

Eduard Selami thote se e respekton votimin dhe se i ka uruar zotit Basha fitoren ne zgjedhjet per kryetarin e ri te PD.

“Pavaresisht rezultatit do kontribuoj per ngritjen e PD. Gara ishte e pabarabarte por do vijoj kontributin tim ne PD” u shpreh ai ne nje deklarate per mediat nga selia blu.

“Jam një hap para forcimit të PD. Më lejoni të falënderoj të gjithë ta që votuan në këto zgjedhje, që u morën me zgjedhjet, që u morën me vizionin tonë. Kjo është demokracia dhe ka një votim. E kam telefonuar zotin Basha sot dhe i urove fitoren. Jam gati për bashkëpunim.”, shtoi ai.

MESAZHI I SELAMIT NE FB:

I falenderoj të gjithë ata që na votuan, të gjithë votuesit e PD, të gjithë ata që votuan vizionin tonë, i cili mendoj se ishte vizioni më i mirë për ta ringritur PD, për ta bërë dhe një herë shpresë për demokratët, për të djathtët dhe për Shqipërinë.

Tashmë unë jam një demokrat krenar si gjithmonë, anëtar i seksionit të njësisë dy, dega Tiranë. Unë do të vazhdoj kontributin tim si anëtar i PD, që Partia Demokratike të kthehet dhe një herë shpresë për të gjithë shqiptarët.

Erjon Braçe ka reaguar sërish ndaj ministrit të Bujqësisë, Edmond Panariti.

Reagimi:

Edmond!

U be e disata here qe pa te permendur kush, gerdufesh!

Madje madje, e ben duke harruar qe je ende minister, te mbajne ende ne karrige per firmat e fundit, por duke e fshire kete fakt kercen te besh opozitarin me pushtet!

Na fakt, ty te kerkojne te pergjigjesh per tjeter gje;

Prej dy ditesh, per ceshtjen e 90 hektareve dhene Balilajve ne Permet, larg prej zones se tyre te influences.

Dhe jo vetem ato xhanem; jane edhe 60 hektare te tjera te shkolles se mesme bujqesore te Sarandes, te cilat, kane pesuar te njejtin fat!

Te te pyes Edmond;

Perse nuk flet ti per keto qindra hektare super toka bujqesore?

Se pertej tyre, jane 26 mije hektare qe tu besuan ty te beje ekonomi me to!!

Padiskutim merru me mua, por pergjigju per keto firmat e tua njehere.

Mua ketu me ke, ketu kam qene e ketu jam, ketu do jem.

Nuk kam as timon e as tepsi, kam thjeshte ate qe kam patur-nje kontrate pune si deputet ne nje zone bujqesore dhe, jam gati te deshmoj per favoret fiskale qe une, koleget e mi ne komision, te kemi dhene, madje pa i patur fare ti ne mendje;

Por edhe per parate, po po patjeter parate, vetem ato i interesonin ministrit tend vendimmarres dhe tys i firme!

Une nuk kam fituar gje, vec kesaj pune!

Ti po, ke fituar, ishe hic por per te firmosur, tani je deputet!

Ne ane tjeter, e kam te veshtire te flas me ju per bujqesine;

Ju e dini bujqesine lope dhe, cicat e lopeve frigorifer ku depozitohet qumeshti e nuk prishet, tamam kur fabrikat shpallin pushim per shkak te tregut te taposur nga bulmeti me niseshte apo qumesht pluhur, i pademshem per shendetin sipas teje.

Por ka edhe nje arsye tjeter; ti nuk je ministri i bujqesise, minister eshte ai tjetri!

Ai eshte per te vendosur, ti je per te firmosur, ai eshte per te ndare tokat, ti je per te heshtur, ai eshte per te ndare parate, ti je per tu ankuar per parate.

Kaq! Asgje me shume!

Ta kam thene, te kane lene pjesen me te poshter te rolit;

Parate nuk do mjaftojne kurre per bujqesine tone, por parate nuk i mjaftojne as hajdutit!

Ndaj e ke kauze te humbur kete;

E di pse?

Sepse keni shperndare 49 milion dollare, ai duke vendosur e ti duke firmosur;

Çfarë i keni bërë? Kujt ia keni dhënë?

Më trego vetëm një emër bujku në Divjakë e Lushnje të cilin ju e keni ndihmuar me këto para!

Vetëm një emër!

Emër të një bujku të zakonshëm, jo të një grumbulluesi aga nga ata me teserën e partisë tënde!

Kam kater muaj qe te kerkoj vetem nje emer!

Parate ishin, parate ju i keni shperndare, por kurre tek bujqit e zakonshem!

Ndaj ti nuk njeh kend nga ata, ti njeh thjesht agallaret;

Jane ata qe percaktojne cmimet pa asnje logjike ekonomike, nen kosto per bujqit, madje 50% nen kosto, duke i marre shpirtin bujkut prodhues, edhe parate per te mbjelle serish.

Ai duke vendosur e ti duke firmosur ne favor te nje grushti grumbulluesish te partise;

Kthyhet punen ne bujqesi ne nje pune ku bujku nuk fiton prej saj, por humbet dhe parate qe investon.

Do ta heqim TVSH per imputet Edmond;

Ti kurre nuk e propozove, madje dhe fushaten ti dhe kryetari yt e niset nga Petova me TVSH 10%, edhe kete si reflektim pas rrahjes nga bujqit per cmimet e domateve atje.

Por cmimet e kastes se grumbulluesve abuzive qe ti krijove, do ta kthejne ne fitim per vete dhe zero te ardhur per bujkun.

Sepse ky eshte sistemi qe ndertove!

Sistemi qe ju ka marre shpirtin bujqve!

Ne fund, keto mufkat si “lehtesi fiskale” qe i thua me lehtesine e te papergjegjshmit-shisni prodhimin pastaj paguani energjine, ndaji me ndokend qe rri e ben sehir sic ju, jo me ata qe punojne.

Nuk kane kohe te degjojne, kane pune.

Per punen kerkojne ndihme, kerkojne drejtesi, kerkojne tregje edhe te hapura, edhe te arritshme, edhe te ndershme, ketu e kudo ne Evrope.

Ti nuk e bere dot!

Ndaj hesht!

Deri diten qe letrat me vendimet e atij e firmat e tua, do jene te hapura e te kontrollueshme.

Bashke me emrat e perfituesve, te tokave e parave.

Patjeter me emrat e tyre, perputhur me ligjshmerine padiskutim!

Sot demokratët votojnë për të zgjedhur kreun e ri të partisë së tyre, ndërsa në garë marrin pjesë Lulzim Basha dhe Eduard Selami.

Nje ore pas nisjes se votimit, Komisioni i operacioneve elektorale njofton se procesi zgjedhor ka nisur në mënyrë të rregullt në të 73 komisionet e 68 degëve të Partisë Demokratike.

Gjithashtu mësohet se në selinë qendrore ku voton dega nr. 2 e PD Tiranë, kanë filluar të votojnë anëtarë të Këshillit Kombëtar dhe deputetë të PD-së. Në orën 8.00 të mëngjesit anëtarësia e PD-së i është drejtuar kutive të votimit.

Zgjedhja e kryetarit të PD do të bëhet me parimin një anëtar një votë, dhe mbahet pas një fushate intensive që kanë kryer kandidatët Lulzim Basha dhe Eduard Selami, në çdo degë të PD, në gjithë vendin.

Nis votimi 

Procesi i votimit ka nisur në orën 08:00 te mengjesit dhe ne te marrin pjese 103 mije anetare të PD-së.Numri i saktë i anëtarësisë së PD-së u nxor pas riorganizimit të listave

Lulzim Basha dhe Eduard Selami janë dy kandidatët e vetëm në garë. Përmes një shorti të hedhur në Komisionin e Organizimit Zgjedhor në PD, është përcaktuar edhe renditja në fletën e votimit, ku kryetari aktual, Basha, do të jetë i pari dhe sfiduesi i tij, Selami, do të ketë numrin 2.

Lulzim Basha kërkon një mandat të dytë në krye të Partisë Demokratike dhe gjatë gjithë fushatës ka premtuar se do t’i bashkojë demokratët që të arrijë ta sjellë PD në pushtet.

Edhe Eduard Selami kërkon një mandat të dytë si kryetar, por ndryshe nga Basha, mandatin e parë dhe të vetëm si kryetar, Selami e ka pasur në vitet ’92-’95. Pas 16 ditësh fushatë intensive, dy kandidatët përmbyllën turin në 68 degë të PD në të gjithë vendin, ku në 4 raste zhvilluan edhe takime publike mes njëri-tjetrit.

Gjatë gjithë ditës së premte, anëtarët e komisioneve të votimit, në 73 komisione të ngritura në të gjithë vendin, janë pajisur me bazën materiale dhe pasditen e djeshme është konfirmuar se është gjithçka gati për zhvillimin e zgjedhjeve në PD. Do të jenë 103.952 anëtarë të PD me të drejtë vote në të gjithë vendin, që do të zgjedhin kryetarin e ri të PD-së për katër vitet e ardhshme

***

Selia blu bëri dje me dije se të gjithë anëtaret e Partisë Demokratike janë të ftuar të marrin pjesë e të shprehin verdiktin e tyre se kush duhet ta drejtojë Partinë Demokratike në 4 vitet në vijim.

“Të gjithë anëtaret e Partisë Demokratike janë të ftuar të marrin pjesë e të shprehin verdiktin e tyre se kush duhet ta drejtojë Partinë Demokratike në 4 vitet në vijim. Votimi hapet ne orën 8 te mëngjesit dhe mbyllet në orën 19.00. Zgjedhja e kryetarit të PD është me parimin një anëtar një vote, dhe mbahet pas një fushate intensive qe kane kryer kandidatet Lulzim Basha dhe Eduard Selami, ne çdo dege të PD në gjithë vendin. Votimi nesër do të zhvillohet ne 68 qendra votimi në të gjitha degët e PD sipas listës më poshtë. Ftojmë të gjithë anëtaret e Partisë Demokratike të marrin pjesë në zgjedhjet e nesërme!

Belsh Ambient Privat Bardhul Tafani

Berat Selia e Degës

Bulqizë Selia e PD Bulqizë

Cërrik Ish-Zyra Elektorale, lokali i Sami Shtylla

Delvinë Hasan Alizoti

Devoll Qendra Kulturore e Fëmijëve Bilisht

Dibër Pallati Kulturës

Durrës Pallati i Kulturës

Elbasan Teatri “Skampa”

Fier Holli i Kinoteatrit Fier

Fushë Krujë Selia e Degës

Gjirokastër Kinoteatri “Zihni Sako”

Gramsh Selia e Degës

Has Selia e Degës

Himarë Pranë shkollës 9-vjeçare Himarë

Kamëz Pallati i Kulturës

Kavajë Qendra Kulturore ” Aleksandër Moisiu”

Këlcyrë Lokal Elton Ademi

Kolonjë Selia e Degës

Korçë Selia e Degës

Krujë Selia e Degës

Kuçovë Selia e Degës

Kukës Pallati Kulturës “Hasan Prishtina”

Kurbin Pallati Kulturës Laç

Lezhë Pallati i Kulturës

Librazhd Selia e Degës

Lushnje Selia e Degës

Malësi e Madhe Selia e Degës

Maliq Selia e Degës

Mallakastër Pallati Kulturës, Ballsh

Mat Selia e Degës

Memaliaj Selia e Degës

Mirditë Pallati Kulturës

Paskuqan Selia e Degës

Patos Pallati i Kulturës

Peqin Selia e Degës

Përmet Qendra Multikulturore (Shtëpia e Kulturës)

Pogradec Pallati i Kulturës

Poliçan Zyra elektorale, Bulevardi Kryesor

Prrenjas Selia e Degës

Pukë Selia e Degës

Roskovec Selia e Degës

Rrogozhinë Kinemaja

Sarandë Selia e Degës

Selenicë Fshati Peshkpi, Ambient Privat Daver Kuci

Shijak Pallati i Kulturës

Shkodër Selia e Degës

Skrapar Selia e Degës

Tepelenë Selia e Degës

Tirana 1 Selia e Degës

Tirana 10 Selia e Degës

Tirana 11 Selia e Degës

Tirana 12 Selia e Degës

Tirana 13 Selia e Degës

Tirana 14 Ambient privat në Tufinë

Tirana 2 Selia Qendrore e PDSH-së

Tirana 3 Selia e Degës

Tirana 4 Selia e Degës

Tirana 5 Zyra elektorale, pll Fratari, rr. Ismail Qemali

Tirana 6 Selia e Degës

Tirana 7 Selia e Degës

Tirana 8 Selia e Degës

Tirana 9 Selia e Degës

Tropojë Muzeu Historik

Ura Vajgurore Selia e Degës

Vau Dejës Lokali “Armando”, Stajkë, Nj.A Bushat

Vlorë Pallati Labëria

Vorë Ish-Zyra Elektorale, Rr. Rinia Qendër Vorë

Në Shqipëri drejtuesi i Partisë Demokratike Lulzim Basha po kërkon një mandat të dytë në krye të forcës kryesore opozitare në votimet që do të mbahen nesër. Pas humbjes së thellë në zgjedhjet e 25 Qershorit dhe kritikave të forta nga brenda, që e bëjnë atë përgjegjësin kryesor, zoti Basha gjatë gjithë fushatës i është përmbajtur qëndrimit se rezultati ishte diktuar nga shitblerja e votës. Ai nuk i është përgjigjur akuzave të shumta për mënyrën se si ka drejtuar partinë apo dhe organizimin e garës për kryetarin, ndërsa premton se në të ardhmen vendimmarrja do t’i kalojë anëtarëve të thjeshtë:

Fushata e zotit Basha u zhvillua e mbyllur, dhe për publikun u servirën vetëm pamjet dhe deklaratat e përzgjedhura nga stafi i tij. Mediat asnjëherë nuk u pranuan të ndiqnin takimet dhe as ato pak raste debati që zhvilloi me rivalin tjetër në garë Selami, pas kërkesës së këtij të fundit.

Në takimet e para të fushatës së tij zoti Basha deklaroi se “Marr përgjegjësitë e mia dhe pranoj përgjegjësitë e mia në këtë proces. Gabimet e mia janë të gjitha politike, sepse prej minutës së parë asgjë se kam bërë për veten time, për pushtetin tim, apo për karriken time, por gjithcka e kam vënë në funksion të Partisë Demokratike dhe demokratëve të thjeshtë”.

Por edhe gjatë vazhdimit të fushatës nuk u mësua se cilat ishin këto përgjegjësi dhe gabime. Opozita pësoi një nga humbjet e saj më të thella, por për zotin Basha rezultati ishte ndikuar nga shitblerja e votës: “Maxhoranca e dalë nga këto zgjedhje është një maxhorancë fiktive sepse nuk reflekton vullnetin e qytetarëve, por reflekton shtrembërimin e këtij vullneti përmes shit-blerjes së votës që tashmë është provuar katërcipërisht si varrmihësja e demokracisë tonë të brishtë”

Krahasuar me zgjedhjet e vitit 2013, opozita ka humbur mbi 200 mijë vota. Megjithatë sipas zotit Basha, edhe demokratët nuk kishin dalë për të votuar në këmbim të parave: “Në Tiranë, vetëm për të mos dalë në votime, plani ka qenë 5 deri 15 familje opozitare për qendër votimi, pagesa 200 mijë lekë për familjar, jo për votues”.

Pas tre muajsh protesta opozita vendosi të hyjë në zgjedhje pas marrëveshjes së zotit Basha me kryeministrin Rama, një marrëveshje që sipas tij ishte bërë nën trysninë ndërkombëtare, por që nuk mund të përsëritet: “Marrëveshja e 18 majit na diktoi provën nën presionin ndërkombëtar, me Edi Rama Kryeministër, prova dështoi. Ajo që ne kishim thënë u provua, nuk ka zgjedhje me Edi Ramën kryeministër, është armik i zgjedhjeve të lira e të ndershme. Kur flas për përballje totale, për zgjedhje të lira e të ndershme, sigurisht që s’ka asnjë shans lloj bashkëpunimi politik apo koalicioni me Edi Ramën. I vetmi shans është përballja dhe fitorja përmes përballjes”.

Ndonëse rrallë, të paktën në atë pjesë të bërë publike të fushatës së tij, zoti Basha ka sulmuar dhe kundërshtarët e tij të shumtë në parti, figura që u lanë jashtë listës së kandidatëve. “Çelësi është shpirti i pastër i demokratit. i atij që nuk pyet se kur me vjen radha për t’u bërë deputet por vjen në betejë sa herë ka betejë për vlerat për të cilat kemi lindur dhe luftojmë”

Zoti Basha ka mbrojtur projektin e tij të Republikës së Re e cila sipas tij nënkupton që fuqia e vendimmarrjes t’i kalojë anëtarëve të partisë: “Republika e Re është një raport i ri midis shtetit dhe qytetarit, se që këtej e tutje jo thjesht rekomandimet, por përcaktimet e përfaqësuesve për deputetë, për bashki dhe për këshilltarë bashkiakë, dhe çdo zyrë të zgjedhur publike apo brenda Partisë Demokratike duhet të vijnë me një anëtar-një votë nga anëtarët e PD”

Rivali në garë Selami është shprehur për një garë me kushte të pabarabarta. Kundërshtarët e zotit Basha kanë ndërmarrë një tur në disa qytete ndërsa flasin për një garë farsë me një rezultat të paracaktuar. Vetë zoti Basha i ka mëshuar shpesh idesë së bashkimit, por në rast fitoreje, ai rrezikon të ketë frenat e një partie të përçarë si kurrë më parë.

Hyrje

Po i vjen fundi debatit për zgjedhjen e kryetarit në P.D. më 22 Korrik. Mbas disa vitesh në PD po zhvillohet një “debat real” mes kandidatëve për kryetarë partie me takime të hapura në disa qytete të Shqipërisë. Para disa ditësh u zhvillua në Shkodër debati mes kandidatëve Basha-Selami.

Në politikë këto janë etapa të caktuara, të cilat kanë të bëjnë me demokracinë e brëndshme, interesat e caktuara në një parti politike në opozitë për kandidatë të caktuar.

Opozita ka një rol shumë të rëndësishëm në demokraci dhe në momentin aktual duhet të luajë rolin e saj, sic shprehet Zv/sekretari i shtetit të Sh.B.A.-ve, Zoti Hoyt Brian Yee: “Pa një opozitë të fortë, pa konkurrencë, në shumë raste nuk ka nxitje të mjaftueshme për të gjetur përgjigjet më të mira të mundshme”. Pakënaqësitë e firmëtarëve në P.D., kanë të bëjnë me intersat e tyre personale dhe janë të lidhura vetëm me qëllimet e tyre, jo të gjithë demokratëve dhe shqiptarëve, që duhet të duan më shumë Shqipërinë se Partinë dhe interesat e individëve të caktuar.

1.Zgjedhjet e fundit 2017, Gurakuqi, Spahija dhe “Era Basha” në Shkodër.

Zgjedhjet e fundit për parlamentin shqiptarë 2017 i dhanë P.D.-së në Shkodër pesë deputetë, të cilët do ta përfaqësojnë opozitën në vitet e ardhshme në parlament. E titullova e nëntitullin e opinionit tim: “Gurakuqi, Spahija dhe “Era Basha” në PD-në e Shkodrës”, mbasi shpresoj se këto përfaqësuses të Shkodrës do të dinë të ndërtojnë një politikë të re për kryeqendrën e veriut.

Më vjen keq që nuk dhashë një mendim ose nuk shtrova një pyetje në debatin Basha-Selami në Shkodër, por mendoj se që në këtë pikë Gurakuqi, Spahija dhe të gjithë drejtuesit e P.D.-së në Shkodër duhet të ndërrojnë të “menduarit politik” në këtë formacion politik.

Debati Basha-Selami ishte shumë demokratik dhe me parametra “real politik”, por reagimet e sallës të bëjnë “pesimist” për zhvillimet në këtë formacion politik! Megjithse ka shpresë nëse punohet edhe në këtë drejtim.

Takimi duhej të drejtohej nga një moderator dhe në debatin nga salla duhet të “sundonte” kultura dhe jo antikultura, dialogu dhe jo debate dhe të pyeturit e kandidatëve me nivel shumë të ulët.

Në këtë takim duhet të ishin të pranishëm më shumë intelektual, profesor universiteti dhe përfaqësues të qytetit të Shkodrës.

Në 27 vite P.D. e Shkodrës ka pasur uljet dhe ngritjet e saj, mbështetjen e elektoratit të demokrat dhe të djathtë në Shkodër, që është keqpërdorur shpesh nga lidershipi dhe përfaqësuesit e saj lokal dhe në parlament, për realizimin e qëllimeve të tyre personale dhe familjare, duke bërë pak për qytetin, duke e prezantuar Shkodrën keq, duke ja ulur nivelin e përfaqësimit politik dhe intelektual, “mendjen politike” të Shkodrës.

Shkodra sot ka një zhvillim të caktuar ekonomik dhe kulturorë, falë burimeve njerëzore dhe natyrore dhe natyrisht zhvillimi filloi në vitin 2005, falë mbështetjes së qeverisë së atëhershme dhe vemendjes së komunitetit ndërkombëtarë, “Fondit Amerikan të Zhvillimit”. Nuk do ta lenin Shkodrën të pa “zhvilluar” perëndimorët dhe amerikanët, për “inatë” të personazheve që e kanë drejtuar dhe përfaqësuar Shkodrën në pushtetin lokal dhe në parlament deri në ato vite. Zhvillimi ekonomik dhe kulturorë është i lidhur edhe me situata të caktuara gjeo-politike dhe ka prioritete e tij.

Shkodra ka rëndësi të madhe edhe për rajonin e Ballkanit Jug-Perëndimorë. Shkodra është rruga për në Europë. Infrastruktura u zhvillua, tenderat u fituan dhe sëbashku me ta edhe paratë.

Me “korrupsion”, pa “korrupsion” Shkodra e mori një zhvillim të caktuar. Kryetarja aktuale e Bashkisë së Shkodrës pati deklaruar para një viti: “Në Bashkinë e Shkodrës ka korrupsion”! Por se kush e ka bërë dhe si e kanë bërë nuk e tha!? Sic duket ja mbyllën gojën! Janë organet kompetente që i japin përgjigje këtyre ceshtjeve, sistemi i drejtësisë në të ardhmen, Vetingu!

Por shtrohet pyetja se si do të jetë e ardhmja e Shkodrës?! A do të vendosi politika partiake apo nevojat e Shkodrës për zhvillim ekonomik?! A do të bashkëpunojë  Kryetarja e Bashkisë me Kryeministrin Rama, apo do të vazhdojnë me “lojra fjalësh” dhe deklaratash mediatike boshe, me të cilat është “ngopur publiku” i Shkodrës!? Prandaj e titullova opinion: “Gurakuqi, Spahija dhe “Era Basha” në P.D.-në e Shkodrës”, duke pasur besim se Profesor Romeo Gurakuqi dhe Doktor Bardh Spahija do të krijojnë një “klimë” tjetër politike në P.D.-në e qytetit, pa nënvleftësuar kontributin e drejtuesve të tjerë politik për zhvillimin ekonomik, si kryesues të listës së P.D.-së, pse jo edhe me bashkëpunim me Ditmir Bushatin, Senidën e të tjerë që janë në qeverisje të P.S.-së!

Shprehi besimin se Gurakuqi ka për detyrë ta “dijësojë” dhe Spahija do ta “shërojë” P.D.-në nga politika e vjetër 27 vjecare! Por duhet pak “guxim”, bashkëpunim me grupe të caktuara shoqërore dhe intelektuale brënda dhe jashtë partisë dhe një mentalitet tjetër opozitarë që do të ndikojë për Shkodrën e viteve të integrimit, 2020-2022!

2.Ngjarjet politike në P.D.-në e Shkodrës 1992-1996.

Në vitet 1992-1996 ishin fillimet e demokracisë dhe natyrisht mungesa e eksperiencës ishte e kuptueshme. Në këtë plan ish-përfaqësuesit e P.D.-së janë të “falur”, por sistematikisht ka patur debate në P.D. dhe shpesh debatet ka qenë në nivele “hipokrite” dhe shumë të ulta dhe me inate të pa justifikuara. Zënka dhe debate shpesh shterpë për qëllime personale, kulturore, klanore, inate dhe “sundim” dhe shumë pak ide dhe projekte për zhvillim. Privatizimet dhe gjoja “dekomunistizimi” krijuan klane dhe grupe interesi të cilat i kanë bërë shumë dëm Shkodrës duke promovuar një mentalitet gjoja “ish-komunist” me “kostum” të djathtë. Duhet vlerësuar kontributi i të ndjerëve Pjetër Arbnori dhe Ali Spahija, por edhe këto drejtues shpesh patën gabimet e tyre në drejtimin e qytetit. Në këtë periudhë mënyrën e qeverisurit e kontestuan shumë ish-pronarët dhe ish-të persekutuarit. Një përfaqësi e tyre dhe drejtuesit politik të P.D.-së, i shitën interesat e këtyre shtresave, gjithmonë me pretendimin se mos kthimi i pronës ish-pronarëve do të zhvillonte kapitalizmin, e që në realitet e shkatërroi tregun e lirë dhe zhvillimin ekonomik të vendit.

Sot asnjë investitor serioz i huaj nuk investon në Shqipëri, mbasi nuk është i sigurtë për pronën private. Edhe një përfaqësi e ish-të persekutuarve i shiti interesat e tyre, biles ish-të persekutuarit janë nxjerrë nga greva e urisë me dhunë policore në Shkodër në vitet 1994-1995, me “mbështetjen” e ish të përsekutuarve që patën një interes, një punë në qeveri dhe bashki.

Ish pushteti demokratik i kohës e mbajti “nën kontroll” Shkodrën duke privatizuar ish-Hotel “Rozafën”, nga një pjesë e vogël e ish-të persekutuarve dhe “sunduar” dhe mbajtur nën kontroll pjesën tjetër, që ngelën me “gisht në gojë”.

Në vitin 1996 humbet në Shkodër kandidati për  Kryetarë Bashkie i P.D.-së Artur Luka dhe fiton e “Djathta e bashkuar”, që në realitet kishte të drejtë nga keqeverisja lokale 1992-96 për disa shtresa që i përmenda më lart dhe qytetarët. Humbja e Lukës u shfrytëzua shkëlqyer nga individë dhe grupe në Shkodër, që janë mësuar në vite me këtë mënyrë të sjelluri dhe menduari politik dhe një arësye tjetër ishte “largimi” i Pjetër Arbnorit nga drejtimi politik P.D.-së, që nuk ishte i pëlqyer nga drejtuesit e lartë të P.D.-së dhe natyrisht u shfrytëzua më vonë nga klani i Jozefina Topallit për të “sunduar” Shkodrën në të ardhmen mbas vitit 1998 “shkallë-shkallë”, por që ja arritën qëllimit të tyre në vitet 2005-2013.

Në vitet 1997-2001. Në vitin 1998 kemi debatin Berisha-Pollo në Shkodër, që do të shkruaj pak më poshtë. Në këto vite P.D. ishte në opozitë dhe Shqipërinë e qeveriste Fatos Nano, që në fillim e pati të vështirë të qeverisurit mbas viteve të “mbrapashta” 1997 shteti nuk ekzistonte. Më vonë Nano e ktheu Shqipërinë në vendin më të korruptuar në Ballkan dhe ekonomia pësoi rënie të madhe.

Në politikë ndodhin gjëra të cuditshme. Gjatë qeverisjes së tij, P.D. e bëri Nanon “kriminel”, të “poshtër” dhe “hajdut” dhe më vonë Berisha bashkëpunoi me Nanon për qëllimet e tija politike. Në këtë periudhë Shkodra u përdor shkëlqyer duke krijuar imazhin e “Nanos së poshtër” dhe të “korruptuar” dhe “antikomunizmit fallco”, duke shfrytëzuar gjendjen e rënduar ekonomike dhe ndenjat e vërteta antikomuniste të Shkodranëve.

Në periudhën Nano në vitin Shkurt 1998, u largua me forcë për interesa klanore, ish-prefekti Gëzim Podgorica dhe P.D. e Shkodrës mbështeti. Ndërkombëtarët në Shkodër në atë periudhë sinqerisht shprehnin habinë se si mund të mbështeteshin “lëvizje të tilla”, të cilat nuk kishin të bënin me demokracinë dhe shtetin ligjor.

Në vitet 2001-2005 përsëri u luajt shumë bukur me imazhin “Nano kriminel”, ku Shkodra luajti një rol të rëndësishëm për largimin e Nanos në vitin 2005. Ishte momenti kur SH.B.A ja besuan pushtetin, qeverinë Berishës.

2005-2009-2013. Në këto vite në Shkodër, pati zhvillime interesante. Në realitet pati një progres në planin politik, gjeopolitik ekonomik dhe zhvillues, por koalicioni me L.S.I.-në 2009 e dëmtoi imazhin e P.D.-së, pasojat e të cilit ndihen edhe sot. Duhen vite për të krijuar një stabilitet në politikën shqiptare si rezultat i këtyre “lojrave” politike pa asnjë argument, që në një artikull tjetër i kam quajtur “patologji politike”, e që ndikojnë shumë keq tek elektorati dhe zhvillimi.

Në 2005 u krijua Kopi, që në fakt pati një ndikim pozitiv për kohën, por sot janë pikërisht përfaqësuesit e ish-Kopit që e kontestojnë P.D.-në.

Se nga i gjetën disa personazhe pa asnjë “thelb demokratik”, këtë e dinë drejuesit e lartë të P.D.-së.

Mbas fitores në vitin 2015 P.D. mbylli zyrat dhe deputetët mbyllën celularët dhe larguan shumë individë me kontribute në P.D. në vitet e vështira 1997-2005. Nejse kjo është pjesë e historisë. Në vitet 2005-2013 luajti një rol shumë negativ në Shkodër Jozefina Topalli, që e shfrytëzoi këtë periudhë për qëllimet e saja dhe bënte sikur cdo gjë “po e bënte Jozefina”, gjoja për Shkodrën. Një rol negativ ka luajtur edhe ish-kryetari i P.D.-së Bushati me paaftësinë e tij totale dhe bashkëpunimin me “Klanin e Topallit”!

Në vitet 2013-2017, mbas dorëheqjes së Berishës P.D., shitjes së Shkodrës së majtës në vitin 2013 nga një “grupim” në P.D.-në e Shkodrës i drejtuar nga Jozefina Topalli për inate personale, P.D. në Shkodër u organizua nga kryetari aktual Ramzi Cobaj dhe fitoi Bashkinë e Shkodrës në vitin 2015 dhe së fundi 5 deputetë demokrat në parlamentin e vitit 2017. Një rol të rëndësishëm luajtën votuesit shkodranë demokrat, të djathtë dhe liberal dhe të rinjë e P.D.-së, të cilët duhet të kenë një vend krejt tjetër në P.D.-në e Shkodrës, duke marë pjesë në të gjithë aksionin politik në qytet dhe rritur nivelin e tyre politik dhe intelektual dhe strukturat e partisë.

3.Një këshillë për Firmëtarët e P.D.-së!

Debati politik i muajit të fundit në P.D, më kujton debatin dhe konkurrencën ndërmjet Sali Berishës dhe Genc Pollos në vitin 1998. Kanë kaluar vite dhe sinqerisht pak me vonesë fillova ta kuptoj se si funksionojë fenomenet politike. Në P.D.-në e Shkodrës konkurruan Astrit Bushati me Nesti Kirin. Unë isha kryetari i komisionit të votimit. Votimi u zhvillua në një klimë shumë të “ashpër” politike mes palëve, ose krijohej imazhi se po bëjmë debat të “ashpër”.

Në fillim ishim shumë të sinqertë me politikën! Si përfundim fitoi Astrit Bushati me 26 vota, i cili e drejtoi P.D.-në e Shkodrës për disa vite dhe ishte deputet në parlament për 8 vjet.

Votimet për kryeatrin e P.D.-së shkuan mirë, kurse për këshillin drejtues nga papërgjegjshmëria dhe paaftësia e drejtuesve të kohës në P.D., i manipuluan në selinë e PD-së  individë të cilët i kanë bërë gjithmonë dëm këtij formacioni politik. Mua dhanë një vërejtje dhe Berisha pak muaj më vonë i bëri bashkë Astrit Bushatin me Nestin Kirin, për të bashkuar klanet politike në partinë lokale.

Kështu funksionon politika. Paradoksale është se një ndër mbështetësit e Pollos në atë periudhë 1998, Nard Noka sot është në parlament sëbashku me Pollon. Kurse unë dhe shumë të tjerë vazhdojmë punët tona në specialitetet tona. Duke pasur një eksperiencë të madhe në politikë, po e ndjeki debatin aktual në P.D. me vëmendje të madhe, mbasi për mua opozita është shumë e rëndësishme dhe pastrimi i saj nga individë që nuk kanë pasur të bëjnë me P.D.-në asgjë të përbashkët është i domosdosëm.

Sejcili në demokraci ka të drejtë të kontestojë proceset politike brënda dhe jashtë partisë, por firmëtarët e P.D.-së për mendimin tim, ashtu sic erdhën në P.D., duhet të largohen nga ky formacion që ju dha shumë dhe i dhanë shumë pak ide dhe zhvillim. Sot lideri dhe drejtuesi me një profil të vërtetë perëndimorë është Lul Basha. Basha në debatin në Shkodër ju ofroi bashkëpunimin “firmëtarëve”, pra të vinë dhe të kontribojnë për opozitën, si gjithë anëtarët e tjerë në P.D., nëse janë demokratë dhe idealist.

Sinqerisht nuk kam lidhje personale me Bashën, por vlerësoj imazhin dhe profilin e tij politik perëndimorë. Biles jam optimist se të njëjtin vlerësim kishte edhe një prej opinionistëve më të shquar në Shqipëri, Pirro Prifti.

4. “Firmëtarë” të përjetshëm në parlament!

Nuk jam i sigurtë kush e gjeti apo shpiki këtë epitet firmëtarët, për disa personazhe të politikës në P.D., njerëz normal, që sikur të mos ishin përfaqësues të P.D.-së, do të ishin të pa njohur nga publiku, mbasi përfaqësojnë pak në planin intelektual, politik dhe njerëzorë. Duke shfytëzuar me të gjitha mjetet përfitimet që të jep politika dhe media, këto personazhe janë egërsuar këto ditë të nxehta, sepse P.D. nuk ju dha të drejtën të përfaqësojnë P.D.-në në parlament në të ardhmen.

Arben Imami, Ilir Rusmajli, Astrit Patozi, Jozefina Topalli, Ridvan Bode, Genc Rruli, dhe disa personazhe me profil shumë të ulët në P.D, si Endira Bushati ish-sekretarja e Ilir Rusmajlit, Edvin Kulluri, Arben Skënderi dhe disa emra të tjerë që nuk po më kujtohen, etj. etj.

E shkruaj që në fillim i gjithë preukopimi i tyre ka qenë dhe është marrja e P.D.-së dhe kryetari i saj aktual Basha. I vetmi qëllim i tyre ka qenë 22 Korriku, zgjedhjet në P.D. pë kryetar dhe jo fushata elektorale 2015-2017.

Në këtë plan jam dakord me deklaratën e saktë të Bashës në Shkodër. Këtë ide e kam kuptuar personalisht që para vitit 2013. Të gjithë këto personazhe nuk kanë profilin dhe imazhin e domosdoshëm për të drejtuar P.D.-në. Mendojnë se është e lehtë të jesh lider dhe harrojnë se duhet të plotësohen disa “kushte specifike” të cilat asnjëri nga këto zotërinj dhe zonja nuk i ka. Të gjithë i janë “vërsulur” Lul Bashës i cili ka përgjegjësitë e vehta, të cilat i mori përsipër për situatën në P.D.

Më duket se këto zotërinj, zonja dhe zonjusha nuk arrijë të kuptojnë vehten dhe profilin e tyre! Deklaratat e tyre janë të cuditshme!?  Ja si shprehet ish-nënkryetari i Partisë Demokratike, Astrit Patozi në një artikull: “Asgjë nuk do të jetë si më parë Lulzim”! Se cfarë do të bëjë Patozi, këtë e di vetëm ai!? Por punën më të mirë do ta bënte të bashkëpunonte me P.D.-në, për demokratizimin e saj politik, mbasi i ka borxhe të mëdha.

Kurse Jozefina pretendon se do të ngrejë në këmbë 250.000 demokratë! Jozefinën nuk e ka votuar lagja vet që në vitin 2009-2013.

Ja se cfarë i shkruan Rroku1 nga Shkodra Jozefinës, që don me ngritë 250.000 demokratë në një koment në internet:

Rroku Shkodër14/07/2017 16:30

1. Topalli ishe krenaria jonë. Na zhgënjeve. Pse? Pushtet..Kalorëse gjithmonë? Me tradhëti e more flamurin e Shkodrës. Se mban mend?! Një pedagoge e thjeshtë ishe kur i cove “Cakejt” e Malësis së Madhe (Sterkaj, Popaj, Spathari, Bajraktari etj.) ti punonin kundra Pjeter Arbnorit apo ke harruar. Sta fal Shkodra jo! Faleminderit për fondet por Lorenc Lukën e zgjodhe që fondet tuaja ti administronte. Afër boll të ndejti 10 vite: 2 vite Kryetar Qarku, 8 vite Kryetar Bashkie. Punoi për Shkodrën, për vete e për ty. Mos nxjerr vrer prej gojet, se ske vetëm ti vrer në goj, por sjena të tan aq të paepur e faqezi sa ti për të fol. Nuk din vetëm ti por edhe te tjerët. Mbylle gojën sa sjan hap “arkivat” për ty, se sje aq idealiste e hyjnore sa dukesh. Verë të mbarë nëpër pronat tuaja në dete, mal e liqen. ngado ku i ke!

Post-Scriptum!

5.Politika me “zemër dhe mendje”, neo-patriotizmi dhe Shqipëria.

Vendimet politike kërkojnë edhe bashkimin e zemrës me mendjen. Nëse politikën e merr me zemër shpesh je i humbur, por ka fituar Shqipëria. Por kur lideri bën bashkë zemrën dhe mendjen, fiton së pari Shqipëria, jo partia. Në debatin e Shkodrës, Basha përmendi vendimarrjet politike me “mendje dhe zemër”. Sinqerisht më bëri përshtypje deklarata e tij. Sejcili lider aktual në Shqipëri duhet të mendoj nganjëherë me zemër për të ardhmen e Shqipërisë. Natyrisht ka vend për një politikë për Shqipërinë dhe jo vetëm për partinë. Mendoj se neo-patriotizmi, dashuria për vendin duhet të sundojë tek sejcili politikan dhe militant. Personalisht kam mbështetur reformat, Vetingun dhe politikën perëndimore në partitë shqiptare, kryesisht në opozitë. Deklaratat e fundit të politikanëve amerikanë dhe europianë japin mesazhe të forta për të gjithë. Kjo duhet të jetë e qartë për të gjithë drejtuesit e politikës në Shqipëri, për pozitën dhe opozitën. Kjo duhet të jetë e qartë edhe për militantët në Shkodër, që kanë një rol të rëndësishëm, por drejtimin e bëjnë elitat politike edhe për Gurakuqin, Spahinë dhe të gjithë drejtuesit lokal politik dhe të gjithë ato që duan të marrin pjesë dhe konkurrojnë në politikë, me kontribut dhe meritokraci. Unë e titullova artikullin me emrat e përfaqësuesve të P.D.-së në Shkodër, mbasi jetoj në Shkodër! Por ky titull është mesazh për të gjithë ato që duan zhvillimin dhe integrimin e Shqipërisë, pozitën dhe opozitën.

Referenca

1.Komente nga F.B. në Internet.https://www.facebook.com

Referendumi blu me 22 Korrik dhe fitorja plebishitare e Bashës do të shpartallojë Kasandrën e narcistëve

Kur e pyetën Gëten se cila është vepra letrare më e shquar artistike ai u pergjig, pa mëdyshje e me pak fjalë, me një stil që e kanë vetëm gjenitë: “Tartufi tha, sepse nga ekspozimi dhe përmbajtja nuk ka vepër si ajo në botë”.  E zgjodha jo rastësisht titullin e këtij shkrimi, sepse komediani gjenial Molieri e ka shkruar këtë vepër për të gjitha kohërat, për të gjithë popujt. Ai na paralajmëron se çfarë janë në gjendje të bëjnë ata të cilët janë tē zvetënuar nga ndergjegja e karakteri, të zhveshur nga morali, mirënjohja dhe drejtësia, e në emër të ambicieve dhe etjes për tu ngjitur në majat e pushtetit e pēr ta mbajtur atë, gjithmonë në kurriz të të tjerëve. Ata janë gati të bajnë rolin e Kasandrës, Makiavelit, tē veshin mantelin e profetëve për ti treguar botës se vetëm ata dhe askush tjetër duhet të jenë lidër, prijës, pushtetarë, shtetarë, zotërinjtë e plotëfuqishëm të fatit dhe të ardhmes tonë të përbashkët. Emrat e bimbashëve, sanxhakbejëve, spahinjëve, kadive të mbetur jo vetëm pa mandate, grada e ofiqe por së fundmi dhe pa pikën e nderit dhe dinjitetit politik, moral dhe njerëzor, janë emra tē njohur jo vetēm për demokratët e PD-në e cila i pranoi në shtëpinë e vet tē lirisë, por edhe për opinionin publik. Keta narcistë kanē perqafuar dhe mbrojnë fort bestytninē se ashtu siç ndodhet toka mbi veshin e kaut te zi edhe Pd-ja mbahet në shtyllen kurrizore të tyre. Ashtu siç mund të shkaktojë termet kau i zi me levizjen e veshit, këta zotërinjë mendojnē se mund ta fshijnë PD-në me një të rënë të lapsit.

Kori i tartufëve e i kasandrave hyri dekada mē parë në PD ,sepse ajo ishte tempulli i lirisë, një kult i shenjtë e me dyer të hapura, siç janë sinagogat, kishat, xhamitë, teqetë, të cilat kanë gjithmonë dyert e hapura për të mirin dhe të keqin, bamirësin e bakeqin,të devotshmin e bukëshkalin, për tu lutur e penduar natyrisht.

Tani pas kaq vitesh, tartufët e kasandrat e PD-së që kanë thithur palcën e saj si ushunjëza, janë urdhëruar nga padrinot e tyre ,në hipotekat e të cilëve janë vendosur prej kohësh, të sulmojnë shtepinë e perbashkët tē demokratēve me artileri të randë ,të hapin disa fronte sulmi, në fakt në akord të plotë, në unison për të realizuar skenarin e ustallarëve te tyre. Tani pasi janë vetëdemaskuar shtrohet një pyetje që është me shumë rendësi jetike jo vetëm për demokracinë, menyrën e qeverisjes dhe tē bërit opozitë, per dhe për vetë historinë e Pd-së dhe të pluralizmit shqiptarë: Cili ishte misioni i tyre kur u bashkuan me Pd-në, dhe në vazhdim çfarë i bashkon në betejën e deshpëruar kundër Bashës, kundër platëformës se tij, modelit politik, projektit ekonomik, vazhdimit të kauzës për Republikën e Re, për një opozitië me transfuzion , me energji e vizione te reja, per platformën e kompromisit politik kur kerkon Atdheu e interesat kombtare, per një Shqipëri Evropiane e të integruar me shpejtësi e plotësisht në strukturat Euro-Atlantike. Shqipëria vendi qe vuajti për 45 vjet, diktaturën më të egër të botës, në modelin e stalinizmit, nuk e pati as fatin, as mundësinë te krijonte një elitë disidente si vendet e tjera të lindjes komuniste, si Polonia,Hungaria, apo Çekosllavakia. Lëvizja e dhjetorit 90-të dhe lindja e PD-ke, si parti antikomuniste e propërendimore u dha mundësi qindra e mijra njerëzve, besnikë fanatikë të regjimit të vjetër të ndërronin këmishën e kuqe me atë blu dhe pa u varrosur akoma kufoma e diktaturës të vetëshpallen demokratë. Më të suksesshmit u treguan pikërisht ata qē ngjitën shkallet e karrierës në Pd dhe nē qeveritë e djathta dhe sot në kohën e reformimit të thellë të Pd-së dhe konsolidimit të saj për të ndalur revanshin e rilindjes janë angazhuar në njē betejë të ethshme dhe deshpëruese kundēr Lulzim Bashës. Kjo simfoni uluritëse e tyre të kujton Kasandrën e Trojës 2700 vjet më parë se po nuk u debua Paridi nga keshtjella Troja do të digjet. Basha sipas tyre është rrembyesi, uzurpatori i Pd-së, simboli i humbjes, sjellësi i katastrofës dhe me tej akoma tradhtari se nuk i pyeti këta engjuj ,keta meleqë, senatorēt e përjetshëm ,orakujt blu kur Basha bëri marrëveshjen me kryeministrin Rama. Anatemimi i kësej marrveshje historike Basha -Rama të cilën për nga rëndesia për të sotmen e të nesermen panshqiptare nga interesi i publikut dhe monutorimi ndërkombtarë do ta quaja njē “Rambuje” shqiptare ,është çelsi që na ndihmon për të zbuluar kodin etik-moral dhe politik të grupimit antiBasha. Paradoksi i madh qëndron në faktin se grupimi anti Bashë që tani janë rreshtuar në krahë tē dyshes Rama-Meta ,në dhjetorin historik të 90-ës, evenimenti më i madh kombtarë pas shpalljes së pavarësisë ,ose ishin askushi, ose burokratë mediokër,të bindur të sistemit ,e nuk patën kurajo të bëheshin pjesë e kësaj lëvizje ,si Meta atë kohë student ,e Rama petagog. E kunderta ndodhi. Disa prej tyre, që sot duan ta shpëtojnë Pd-në ,formuan shoqatën e vullnetarëve të Enver Hoxhës, me bustin e tij në shpinë vershuan në sheshet e Shqiperisë për te mbrojtur regjimin e vjetër. Marrëveshja Basha-Rama e imponuar nga lideri i opozitës, me mbështetjen e përendimit,kryesisht të Amerikës ,i la me gisht në gojë regjizorët e Kremlinit, Basha ua la dopio gjashtën në dorë presidentit, Ilir Meta, kryeministrit Edi Rama,të gjithë atyre që projektuan asgjesimin e opozitës dhe përgjakjen e demokracisë shqiptare. Basha i bëri një sherbim të vyer e historik Atdheut, Kombit ,Shqiptarë, politikës, duke shkundur e rrezuar nga trupi i parlamentit, qeverisë, partive kryesore politike, banditët politikë, dallkaukë e karrieristë të cilët prej gati 3 dekadash kanë livadhisur si dikur emisarët otomanë në kazatë, vilajetet ,e pashalleqet shqiptare. Për këtë Basha ka meritë historike. Dritëshkurtrit që sot sulmojnë Bashën për tradhëti ndaj demokratëve, janë nxënës mediokër të historisë ,të cilëve u kanë mbetur vetëm dy armë të ndryshkura në fushëbetejë: Mashtriimi dhe shpifja. Historia e njerzimit dhe e kombeve na tregon se përballë rreziqeve të mëdha burrat e shtetit kanë ditur të bajnë marrëveshje e pakte historike me kundershtarët e tyre. E tillë ka qenë Aleanca Ballkanike në betejën e Fushëkosovës në vitin 1389, Lidhja e Shenjtë kundër Napoleonit në shekullin e 18-të, apo e Çurçillit-Ruzveltit me Stalinin kundër Hitlerit.

Në Italinë e pasluftës Dytë Botërore ishte aleanca e Demokristianëve te Aldo Mores me PK-te që e shpëtoi Atdheun e Dantes e Davinçit nga ekspansioni komunist rus dhe terrori i brigadave të kuqe. Aldo More për interesat e atdheut tē tij sakrifikoj gjithçka, edhe më të shtrenjtën, jetën…Ish ministrat, ish deputetët, diplomatët e dështuar që sabotuan edhe çështjen kombtare, drejtues medias, zhurnalistë politikë, tē promovuar e të mbajtur gjallë me dhjamin e PD-së, kujtojnë me deshpërim kohën kur ladronin e kalaronin në livadhin blu si iu donte qefi. Ata tani po kujtojnë me nostalgji, dhimbje e deshpërim kohën kur hartonin lista deputetësh, shisnin mandate në tregun e zi të politikës në këmbim te lumenjëve të parave, trojeve në bregdet, lejeve të ndërtimit, apo privatizimit për 5 astra të ndërtesave dhe pronës publike. Këta tartufë modernë kanë veshur lekurën e qengjit, marrin pa të keq poza tē persekutuarish e na hiqen si te tradhtuar nga Basha e kërkojnë mbështetjen e demokratëve!… A nuk kemi tē drejtë ti pyesim këta mercenarë,këta bashibuzukë: Çfarë përfaqësojmë ne të tjerët, studentët e dhjetorit 90-të, qindra-mijra të persekutuarit politikë, intelektualët, rinia, qëndrestarët e vërtetë të 97-s në të katër anët e Shqipërisë, që janë shpirti, qëndresa dhe kolona vertebrale e Partisë Demokratike!?

Referendumi blu i 22 korrikut do ti japë një mbështetje plebishitare Lulzim Bashës dhe do të shpartallojë endrrat e narcistëvë qe bëjnë Kasandrën. Koha e tartufëve ka mbaruar.

Po sjellim nga rrjeti social nga profili i zonjës Topalli  disa nga reagimet e rrjetit që kanë kritikuar statusin e saj.

Giovana Lisi Aman kush ti ben keto shkrime,jo per gje,po do te thuash dicke dhe nuk e artikulon si duhet.Nejse ,puna jote kjo,por aq na ke mashtruar ti,Bode,Ruli,Bregu saqe na ishte krijuar ideja se ne e kemi te detyruar te mashtrohemi.A te ka ngele ndonje shoqe qe nga klasa e pare e deri ne te larten pa e bere drejtoreshe?Ne ke zot mos na dil me te na flasesh per PD,se ate e kemi mbajtur ne idealistet deri ne momentin kur hipet dhe ju siper ,e keshtu na u be barra e rende dhe jemi te detyruar tju zbresim,madje e mira do ishte tju hidhnim…

Xhabir Zejnuni Zonja Jozefina Coba Topalli.
Duam apo nuk duam, Lulzim Basha do fitoje perseri te shtunen.
Zgjedhja e 22 korrikut eshte farsa e radhes dhe jo e fundit.
Keto qe shkruani sot Ju, duhej t’i kishit shkruar shume kohe me pare.

Mustaf Demushi Te gjithe e fundiste PD duke ma cdo dite nga nji “””””””t ne te!Rrnofte populli i thjeshte demokrat.Ju e ropet,edhe nuk po ndaloni.Njerezit jane lodhe me ju,prandaj nuk dalin te votojne.Kjo nuk don shume mend me e kuptue.

Vilson Tafa Jozefin unë jam demokrat që punoj pa interes për PD. Ndërsa ju soji juaj si patozi imami etj.nk meritojnë as respektin më minimal tonin.8vjet ishte pd në pushtet as që eu kthyet njeher nga në demokratët e thjeshtë që punojnë për PD jo për kryetarin apo deputetët por se e duan pd.ku ishit ju zonjë kemi katër vjet në opozitë nk ju kam dëgjuar në shesh nk ju kam par ne çadër jo e jo . vetëm se ju nk ishit pjesë e listës dolët kundra nesh po në që në tetë vjet në pushtet ju as që e kthyet kokën tek ne demokratët e përhershëm.dhe tani na bëni sikur na e doni shumë pd dhe në demokratët.jo zonjë partia nk është e juaja është e jona e të gjithë demokratëve që punuan për PD pavarësisht rezervat dhe pakënaqësitë që mund të kishim.prandaj unë them që koha e interescinjeve në pd duhet të marrë fund njëherë e përgjithmonë.boll me se ju dhe njerzit si ju po e shkatërrojnë pd

Liljana Zoto Sali Xhozefin kush fitoi me shume ju nga PD apo PD nga ju? Per sqarim ne 2013 ju e late PD e cuat ne humbje dhe megjthate PD nuk ja u hoqi kariget Po tani cfare kerkoni prap karige JO ME

Fari Xhediku Me falni, po qe te gjithe po i beni nje ndere te madh Rames, bravo te gjthve. Mjeshtra per tu ndere dhe jo per tu bashkuar. Sherbim me te madh nuk do ti bente askush “Sulltanit”

Miter Kolbucaj Zonja Topalli ti ja ke pa Hajrien P D dhe kur Luli te perzuni tani ke fillue tellallin Kjo do te thote se ti ke punuar vetem per iteresat tua prandaje largoju dhe shko tel Topi dhe ba sehir

Rapsodi ynë i vetëm, 107 vjeçari legjendar Gjok Nonaj, po lufton betejën e tij të fundit me bajlozin e zi, prej 5 ditësh në një spital privat në në Tiranë. Muzikologu Vaso Tole bën thirrje për ndihmë.

Ministri i Brendshëm, Dritan Demiraj, ka fituar betejën në Gjykatë më Ministrinë e Mbrojtjes, duke u rikthyer në detyrën që mbante në vitin 2014, atë të kolonelit në Forcat e Armatosura.

Edi Rama, edhe kësaj here, e ka disi të vështirë ta mbajë i vetëm “timonin” e kryeministrit të Shqipërisë, pavarësisht faktit se e ka sigurue shumicën parlamentare me 74 mandate. Atij, ndoshta, i duhet me e ndá “tepsinë” me të tjerët, me aleatë politik të vjetër apo të rinj.  Kjo nuk është e kushtëzuar vetëm nga “Reformat e mëdha” si: Kushtetuta e Re, Kodi Zgjedhor, ecuria e Reformës në Drejtësi, ndoshta rishikime në Ndarjen Administrative në bashki e rajone, etj. As nga ndonjë Marrëveshje e hapët apo e fshehtë Rama-Basha. As nga ndonjë porosi apo kusht i ndërkombëtarëve për antarësim në BE, etj.

Nga mungesa e kulturës financiare, tek ajo e tregjeve sekondare financiare janë ndër arsyet pse bizneset po shkojnë drejt gjetjeve të financimeve jashtë bankave. Për Presidentin e UET-së, Adrian Civici, rritja e këtij fenomeni është tejet negative. “Kemi të bëjmë me një fenomen shumë negativ dhe të rrezikshëm për ekonominë, bizneset dhe individët. Kemi të bëjmë me një fenomen, kundrejt të cilit duhet bërë çdo përpjekje për ta minimizuar dhe eliminuar, pasi pasojat e tij negative janë jo vetëm me natyrë ekonomike e financiare, por edhe sociale”, thekson ai në një intervistë për gazetën.

Nga ana tjetër, Civici e shikon edhe si “pozitive” rritjen e kërkesës për financim nga ana e bizneseve, edhe pse në afatgjatë ai thekson se ky fenomen duhet të ndalohet me të gjitha mënyrat. Banka e Shqipërisë raporton për një rritje të fenomenit të “gjetjes alternative të burimeve të financimit” nga bizneset. Si ndikon kjo në ekonomi?

Nga një këndvështrim afatshkurtër dhe strikt ekonomik, alternativat e reja të financimit dhe krijimi i mundësive për një përdorim më të gjerë të parasë në ekonomi, mund të thuhet se rritja e fenomenit të “gjetjes alternative të burimeve të financimit” është diçka pozitive. Në logjikën e kërkesë-ofertës monetare, ky fenomen “përkthehet” si një situatë në të cilën konvergon ekzistenca e likuiditeteve të ngurtësuara që kërkojnë mënyra alternative për t’u investuar dhe kërkesës aktive për para në treg. Është fakt që Shqipëria e ka përqendruar mbi 95% të kreditimit të individëve apo bizneseve vetëm te sistemi bankar duke mos gjetur akoma mënyra alternativa financimi që lidhen ngushtë me ekzistencën dhe funksionimin e tregjeve alternative financiare siç janë bursa, tregjet e aksioneve dhe obligacioneve, fondet e investimeve.

Pra, e thënë ndryshe, neve na mungojnë tregjet sekondare dhe terciare financiare që krijojnë dinamika aktive financimesh. Por, në rastin e shqetësimit më të fundit të Bankës së Shqipërisë, për rritjen e “alternativave të burimeve të financimit”, bëhet fjalë për një fenomen të rrezikshëm, të dëmshëm dhe me shumë të papritura. Bëhet fjalë për një treg informal të parregulluar dhe pakontrolluar financiar që funksionon jashtë rregullave formale të huadhënies, jashtë kontrollit dhe mbikëqyrjes së institucioneve financiare përgjegjëse për transparencën dhe rregullat bazë të marrëdhënieve monetare. Nga kjo pikëpamje, mund të thuhet pa asnjë hezitim se kemi të bëjmë me një fenomen shumë negativ dhe të rrezikshëm për ekonominë, bizneset dhe individët.

Kemi të bëjmë me një fenomen, kundrejt të cilit duhet bërë çdo përpjekje për ta minimizuar dhe eliminuar, pasi pasojat e tij negative janë jo vetëm me natyrë ekonomike e financiare, por edhe sociale. Shtrëngimi i kushteve të kreditimit mund të çojë në riaktivizimin e skemave piramidale? (Në rastin e individëve është gati gjysma që marrin para borxh jashtë sistemit bankar).

Natyrisht që shtrëngimi i kushteve të kreditimit ka ndikimin e tij në përhapjen dhe zgjerimin e skemave piramidale, por nuk mendoj se ky është shkaku themelor që po provokon një përhapje të tillë që e ka shqetësuar seriozisht Bankën e Shqipërisë. Mendoj se ka edhe disa arsye të tjera më të qenësishme.

Së pari, mungesa e kulturës dhe njohurive bazë financiare e bankare te një pjesë e madhe e popullsisë shqiptare, së cilës i duken mjaft të lodhshme dhe burokratike procedurat e bankave tregtare në dhënien e kredive dhe për pasojë kërkojnë rrugë “të lehta alternative” në tregun jo formal duke besuar gabimisht se aty e zgjidh më shpejt dhe më me leverdi kredinë e kërkuar;

së dyti, një pjesë e individëve apo bizneseve duke mos qenë në gjendje të ofrojnë plane biznesi cilësore e eficiente, garanci pagesash dhe kolateralin e duhur kundrejt shumës së kredisë që kanë nevojë të marrin nga bankat e kërkojnë zgjidhjen te tregu informal duke u mjaftuar me një marrëveshje-premtim jo formal, kontratë gojore në bazë të njohjes dhe miqësisë, apo më e shumta me një kontratë të thjeshtë noteriale.

Në këtë rast ju duket se shmangin detyrimin për të provuar aftësinë e tyre reale paguese, planin e detajuar të biznesit, bilancin e audituar të aktivitetit etj., kërkesa të cilat bankat nuk i tolerojnë; së treti, dhe këtu dëshiroj t’i rikthehem “kushteve të kreditimit që ofrojnë bankat”, në një pjesë të madhe të këtij tregu financiar jo formal me mjaft elemente të skemave piramidale, normat e interesit për “kreditë” e dhëna janë më të larta dhe me kushte më të rënda se sa ato të bankave tregtare.

Rreziku i iluzioneve monetare dhe mungesa alarmuese e kulturës dhe njohurive bankare e financiare, tipike në vendet e varfra dhe ato në zhvillim, janë një shtrat i rrezikshëm për stimulimin e skemave piramidale. Eksperienca e tmerrshme e vitit 1997 nuk është aq e largët sa të harrohet kaq lehtë. Si duhet të sillen bankat e nivelit të dytë në këtë klimë? Në lidhje me sjelljen e bankave tregtare, për këtë problem qarkullon dhe një mendim i gabuar, sipas së cilit “meqenëse ky fenomen po përhapet për faj të bankave që ofrojnë norma të larta interesi dhe kushte të shtrënguara kredidhënie, janë ato që duhet të reagojnë të parat duke ulur normat e interesit dhe lehtë- suar kushtet e kredisë”. Natyrisht që një veprim i tillë nga ana e bankave mund të ndodhë, por jo në mënyrë fiktive dhe aq më pak si reagim formal ndaj përhapjes së tregut informal të kreditimit e financimit.

Në mënyrë të veçantë, normat e interesit dhe kushtet e kredidhënies përcaktohen sipas rregullave të tregut të lirë, kushtëzohen nga niveli i perceptuar dhe studiuar i riskut nga ana e bankave, fiksohen sipas cilësisë së kredimarrësve dhe specifikave të tyre, orientohen nga “çmimi i parasë në treg” dhe gjendja e sektorëve kryesorë të ekonomisë. Në këtë sens, bankat e nivelit të dytë kanë shumë për të rregulluar e qartësuar në lidhje me hartimin e kontratave të kredisë, transparencën dhe qartësinë e tyre, lehtë- simin e procedurave burokratike, thellimin e kulturës bankare e financiare, vlerësimin e kolateralit etj., por kjo nuk ka lidhje me ndonjë detyrim institucional apo social të tyre që, në emër të luftës dhe eliminimit të fenomenit të tregjeve informale të kapitalit, të prishin apo devijojnë rregullat kryesore të funksionimit të sistemit të kredisë dhe financimeve të natyrave të ndryshme.

E nënvizoj dhe njëherë, problemi qëndron tek informimi i vazhdueshëm i publikut për rrezikun e financimit në tregjet paralele informale, te qëndrimet e qarta dhe të forta të Bankës së Shqipërisë në kuadrin e politikës së saj së komunikimit me publikun dhe te bindja e huadhënësve apo huamarrësve informalë se ky sistem jo formal mbart rreziqe të panumërta si për individët apo bizneset e përfshira në këtë veprimtari, ashtu dhe për stabilitetin financiar dhe ekonomik në përgjithësi.