VOAL

VOAL

Ushtria e Serbisë ka ngritur gatishmërinë luftarake në gjithë territorin

Mediat serbe raportojnë se Ushtria e Serbisë ka ngritur gatishmërinë luftarake në të gjithë territorin e saj, për shkak të të ashtuquajturave, tensione në Kosovë.

Pasi takimit të së shtunës, Këshillit të Sigurisë Kombëtare të Serbisë, gazeta serbe “Novosti”, shkruan se organet e sigurisë kanë rritur aktivitetet e tyre për të parandaluar “planet e autoriteteve në Prishtinë që të shkaktojnë trazira në Kosovë, por edhe veprimtarinë e qarqeve të caktuara në Serbi, të cilat me lajme të rreme po shkaktojnë shqetësim në mesin e popullatës serbe në veri të Kosovës dhe në jug të Ibrit”, përcjell Telegrafi.

Në të njëjtën kohë, duke cituar “burime të mirë-informuara”, gazeta serbe shkruan se “kreu shtetëror serb po shqyrton masat që do të merren për shkak të shkeljes së Marrëveshjes së Brukselit dhe refuzimit tash e pesë vite të shqiptarëve për të obligimin për të krijuar Asociacionin e Komunave me shumicë serbe”.

Gazeta shkruan se “Këshilli i Sigurisë Kombëtare të Serbisë u mblodh të shtunën paradite për gati dy orë, kurse konsultimet erdhën për shkak të zhvillimeve të fundit në Kosovë dhe informatave nga shërbimet e zbulimit, sipas të cilave shqiptarët po planifikonin të ndërhynin në veri të Kosovës, si pasojë e paralajmërimeve të rreme se serbët në mënyrë të njëanshme do të shpallnin formimin e Asociacionit të Komunave me shumicë serbe”.

Vuçiç: Janë miratuar disa masa për ngritjen e gatishmërisë luftarake

Vuçiç tha se ka patur aktivitete nga qendra të ndryshme nga Prishtina, Beogradi dhe qendra tjera të fuqisë për të krijuar përshtypjen se “diçka e tmerrshme po gatuhet”

BEOGRAD – Presidenti i Serbisë Aleksandër Vuçiç deklaroi sot se në Këshillin për Siguri Nacionale janë marrë disa masa që kanë të bëjnë për Qeverinë e Serbisë, ushtrinë dhe forcat tjera të sigurisë me qëllim të rritjes së gatishmërisë luftarake.

Vuçiçi tha se ka patur aktivitete nga qendra të ndryshme nga Prishtina, Beogradi dhe qendra tjera të fuqisë për të krijuar përshtypjen se “diçka e tmerrshme po gatuhet”.

“Me veprime shumështresore dhe të larmishme të agjenturave, jemi vënë në një pozicion për të mbrojtur veten nga thashethemet dhe sot jemi të lumtur që nuk ka ndodhur asgjë, që jemi gjallë, që nuk na kanë vrarë sot”, tha Vuçiçi për mediat pas takimit me kreun e Kishës Ortodokse Serb patriarkun Irinej.

Ai tha se për shkak të “thashethemeve” të tilla mbi konflikte të dakorduara, Serbia sot nuk mund të flasë për atë se 1930 ditë Prishtina nuk ka përmbushur obligimin e saj mbi formimin e Bashkësisë së Komunave Serbe.

Vuçiçi tha se Serbia do të japë gjithçka nga vetja për të ruajtur paqen “gati për çdo çmim”, po asnjëherë dëbimin e popullatës serbe.

I pyetur se çfarë pret nga bashkësia ndërkombëtare, Vuçiç tha se nuk pret asgjë.

“Çfarë të prisni prej njerëzve që Kosovën e përjetojnë si shtet të pavarur”, tha Vuçiç.

Presidenti serb tha se u ka bërë thirrje serbëve nga Kosova që të heshtin edhe disa ditë.

Ai gjithashtu u përqendrua edhe në takimin me Patriarkun Irinej, duke thënë se folën për serbët në Kosovë, Bosnjë e Hercegovinë, Mal të Zi dhe Kroaci, për pasojat e operacionit “Stuhia” të vitit 1995 në Kroaci dhe mbi demografinë. aa

Vuçiçi u drejton letër të hapur serbëve të Kosovës

Presidenti i Serbisë, Aleksandër Vuçiçi u është drejtuar me një letër të hapur qytetarëve serbë të Kosovës, përmes së cilës u ka thënë se përderisa ai të jetë në krye të shtetit të Serbisë, nuk do të lejojë dhunë të organizuar mbi serbët dhe shenjtërit e tyre, as përndjekjen e tyre.

Këtë letër, Vuçiq ua ka drejtuar serbëve një ditë para kalimit të afatit për draftimin e statutit të Asociacionit të komunave me shumicë serbe, duke thënë se “as kësaj here Prishtina nuk do të lëvizë as gishtin për të formuar Asociacionin e komunave serbe”.

Ai ka lutur qytetarët serbë që të mos ndërmarrin asgjë, ngase sipas tij, këtë do të mund ta shfrytëzonin shqiptarët ose një pjesë e bashkësisë ndërkombëtare si pretekst për të ndërmarrë çfarëdo aksioni ndaj tyre.

Ai ka thënë se ruajtja e paqes në Kosovë është detyrë parësore e NATO-s prej të cilës pret dhe kërkon që “ta ruajnë paqen në atë mënyrë që të pengojnë çfarëdo tentimi eventual të kujtdo dhe me çfarëdo preteksti që ta marrin dhe ta grabisin hidro-elektranën ‘Gazivoda’ (Ujman) dhe trafo-stacionin ‘Vallaç’ ose cilindo objekt kyç infrastrukturor prej të cilit varet mbijetesa e serbëve”.

Vuçiq është shprehur po ashtu se për hir të paqes e stabilitetit do të angazhohet për zgjidhje paqësore dhe kompromisi të marrëdhënieve në Kosovë dhe nuk do të ndalet derisa serbëve të mos u sigurohen të drejta më shumë sesa që kanë sot.

Turqia dhe SHBA-ja zotohen se “do t’i zgjidhin çështjet”

Ministri i Jashtëm turk, Mevlut Cavusoglu, dhe sekretari amerikan i Shtetit, Mike Pompeo – foto arkivi

Shtetet e Bashkuara dhe Turqia ranë dakord të punojnë nga afër për të zgjidhur çështjet midis tyre, tha ministri i Jashtëm turk, Mevlut Cavusoglu.

Ai i bëri këto komente pas një, siç e cilësoi, takimi konstruktiv me sekretarin amerikan të Shtetit, Mike Pompeo, në margjina të një samiti të ministrave rajonalë në Singapor.

Bisedimet midis tyre u zhvilluan pasi Uashingtoni vendosi këtë javë sanksione kundër dy ministrave turq, për shkak të mbajtjes në burg të një pastori amerikan në Turqi, nën akuzat për terrorizëm.

Turqia tha se sanksionet janë të papranueshme.

Dy vendet, aleate të NATO-s, nuk pajtohen as me politikat rreth Sirisë.

Pastori i krishterë, Andrew Brunson, 50 vjeç, është arrestuar qysh në vitin 2016.

Presidenti i Shteteve të Bashkuara, Donald Trump, e ka kërcënuar disa herë Turqinë me sanksione, nëse nuk e liron pastorin, të cilin ai e ka cilësuar si “njeri të pafajshëm”.

Sanksionet amerikane goditën ministrin turk të Drejtësisë, Abdulhamit Gul, dhe ministrin e Brendshëm, Suleyman Soylu. rel

Brnabiç: SHBA, e gatshme të dëgjojë qëndrimin e Serbisë për Kosovën

Kryeministrja e Serbisë, Ana Brnabiç, tha se administrata e tanishme amerikane “është e gatshme të dëgjojë qëndrimin e Serbisë në lidhje me zgjidhjen e çështjes së Kosovës”.

“Shumë herë kam pasur përshtypjen se kam para vetes një bashkëbisedues që nuk është i gatshëm të dëgjojë – sikur të flasësh me murin. Tani kemi bashkëbisedues që është i gatshëm të dëgjojë”, tha Brnabiq për Radio-Televizionin e Serbisë.

Duke komentuar synimin e Briatnisë së Madhe që të mos e fusë Kosovën në planin e punës gjatë kryesimit të këtij vendi me Këshillin e Sigurimit të OKB-së, në gusht, Brnabiq tha se fjala është për “qëllim të pasinqertë politik”.

“Realisht nuk ekzistojnë shumë gjëra që mund t’i bëjmë direkt, por do të vazhdojmë luftën diplomatike. Kombet e Bashkuara do të duhet të diskutojnë për situatën në Kosovë, siç kanë bërë deri tash”, tha Brnabiq.

Emigracioni në konferencën e përbashkët për shtyp Trump-Conte

Emigracioni ishte një ndër fjalët më të lakuara në konferncën për shtyp të Presidentit Trump me kryeministrin italian të hënën pasdite.

Pas një takimi kokë-më-kokë, Presidenti Trump dhe Kryeministri italian Giuseppe Conti bënë komente për gazetarët ku diskutuan tema të interesit të përbashkët, por ku spikatën edhe çështje të nxehta në politikën e brendshme të Shteteve të Bashkuara.

Presidenti Trump përshëndeti punën që po bën qeveria aktuale e Italisë për të vënë nën kontroll dyndjen e refugjatëve drejt Evropës. Presidenti Trump tha se është shumë i vendosur të tregohet aktiv për ta zgjidhur këtë problem në Shtetet e Bashkuara, duke ngritur një mur në kufirin me Meksikën:

“Po tallet bota me Amerikën,” tha presidenti duke folur për gjendjen aktuale të imigracionit dhe kalimin e paligjshëm të kufirit. Presidenti tha se do të përdorë çdo mjet për të siguruar miratimin e fondeve për ngritjen e murit. Zoti Trump tha se është i gatshëm të mbyllë qeverinë kur të skadojnë fondet për operimin e institucioneve federale, për t’i bërë presion Kongresit që të miratojë fondet federale për ngritjen e murit.

Presidenti përsëriti qëndrimin e tij kundër imigracionit zinxhir dhe lotarisë si mënyra për të sjellë shtetas të huaj në Shtetet e Bashkuara, duke thënë se ky sistem duhet zëvendësuar me një aplikim që përzgjedh në bazë të meritave të aplikantit.

Presidenti Trump foli për presionin që ka ushtruar që vendet e tjera të NATO-s të paguajnë detyrimet vjetore. Presidenti Trump tha se është i gatshëm të takohet me udhëheqësin iranian pa parakushte, për të diskutuar shqetësimet e përbashkëta.

Ai kritikoi marrëveshjet shumëpalëshe tregtare duke thënë se si rezultat Amerika është shfrytëzuar nga të tjerët. Ai përmendi se Shtetet e Bashkuara kanë një deficit tregtar me Italinë që ai e kishte diskutuar me zotin Conte.

Kryeministri Conte tha se kishte diskutuar me Presidentin Trump Tubacionin Trans-Adriatik si një projekt strategjik për furnizimin e Italisë dhe Evropës jugore me energji. Ai tha se e konsideron këtë projekt si faktor për të eliminuar përdorimin e qymyrgurit. Kryeministri tha se projekti ka hasur në rezistencë në disa komunitete lokale, ku parashikohet të kalojë tubacioni dhe se ai ka në plan të takojë personalisht kryebashkiakët e këtyre lokaliteteve për ta mundësuar zbatimin e projektit.

Kryeministri italian, Giuseppe Conte, është një ndër udhëheqësit evropianë që ka më shumë të përbashkëta me Presidentin Trump. Ai erdhi në post pas zgjedhjeve ku mbisundoi retorika populiste. Qeveria aktuale italiane ka marrë një numër masash për t’u shkëputur nga praktikat e qeverisë së mëparshme që po dëshmojnë qëndrimin e saj më izolacionist dhe më nacionalist.

Gjuriç: Vizitat e zyrtarëve kosovarë vetëm në përputhje me rregulloret ndërkombëtare

Drejtori i Zyrës për Kosovën në Qeverinë e Serbisë, Marko Gjuriç, tha se zyrtarët kosovarë mund të vizitojnë Serbinë qendrore nëse thirren në marrëveshjet për vizita dhe me kusht që funksioni i tyre ekziston sipas rregulloreve ndërkombëtare.

“Të gjithë zyrtarët që ekzistojnë sipas normave ndërkombëtare mund të thirren lirisht në marrëveshjet për vizita dhe të lëvizin në territorin e vendit të tyre. Por të tillë nuk janë i ashtuquajturi ministër i Jashtëm i Kosovës apo i ashtuquajturi ministër i Forcës së Sigurisë së Kosovës, sepse krahina e jugut nuk ka funksione të tilla”, tha Gjuriq duke iu refereuar Kosovës.

Ai i bëri këto komente për gazetën serbe Veçernje Novosti.

Autoritetet në Serbi, së voni, nuk i kanë lejuar hyrjen ministrit të Jashtëm të Kosovës, Behxhet Pacolli, i cili ka kërkuar të vizitojë Novi Pazarin, me ftesë të Këshillit Kombëtar Boshnjak.

Orbani sulmon shtetet ‘jodemokratike’ të Evropës Perëndimore

Kryeministri i Hungarisë, Viktor Orban ka sulmuar ato që ai i quajti shtete “jodemokratike” të Evropës Perëndimore dhe sërish ka shprehur qëndrimin e tij për një Evropë të krishterë dhe “joliberale”.

“Ka liberalizëm në Perëndim, por nuk ka demokraci”, tha Orban gjatë një tubimi me hungarezët etnikë në Rumaninë fqinje.

Ai tha se censura është “bërë e zakonshme” në Evropën Perëndomore dhe se vendet atje kanë imponuar “kufizime në lirinë e shprehjes”.

Orban, që është nacionalist i krahut të djathtë, në mënyrë specifike ka sulmuar Komisionin Evropian, të cilin e ka cilësuar si “simbol të dështimit”.

“Komisioni Evropian po shkon, ne po vijmë”, tha Orban për këtë institucion të Bashkimit Evropian që propozon legjislacion dhe zbatimin e vendimeve dhe traktateve.

Kryeministri hungarez tha se zgjedhjet që do të mbahen vitin e ardhshëm në Parlamentin Evropian do të dominohen nga “një temë serioze dhe e përbashkët – emigracioni”.

Orban u bëri thirrje partive të krahut të djathtë që të bashkojnë forcat dhe që të gjitha “të përqendrohen në zgjedhjet evropiane të vitit 2019” dhe që ta vënë migracionin në krye të agjendës së tyre.

“Demokracia e krishterë nuk është liberale… Është joliberale, nëse dëshironi ta quani kështu”, tha Orban, i cili në muajin prill fitoi mandatin e tretë radhazi, për të qeverisur me shtetin hungarez.

Një bilbord kundër migrantëve është vendosur nga Qeveria hungareze në rrugët e Budapestit. 4 prill, 2018.
Një bilbord kundër migrantëve është vendosur nga Qeveria hungareze në rrugët e Budapestit. 4 prill, 2018.

Kryeministri i Hungarisë tha se politikat “elite” të Bashkimit Evropian kanë dështuar që ta mbrojnë Evropën nga emigracioni mysliman. Ai tha se “demokracia e krishterë” kundërshton multi-kulturalizmin dhe emigracionin dhe se është anti-komuniste, por qëndron përkrahë vlerave të krishtera.

Orban, është njëri prej figurave qendrore që kundërshton migracionin në Bashkimin Evropian.

Hungaria ka ndërtuar një rrethojë me gjemba përgjatë kufirit të saj për të parandaluar hyrjen e migrantëve në vend dhe ka miratuar një sërë ligjesh kundër migrantëve. Ky shtet po ashtu kunëdrshton operacionet në ndihmë të migrantëve, që kryhen nga organizata të ndryshme.

Përgatiti: Mimoza Sadiku

Beograd: Vritet avokati që mbrojti Millosheviçin

Është qëlluar për vdekje në Beograd një avokat që dikur ka qenë pjesë e ekipit mbrojtës të ish-liderit serb, Sllobodan Millosheviç gjatë gjykimit të këtij të fundit për krime lufte.

Dragoslav Ognjanoviç, 57-vjeç, është vrarë jashtë ndërtesës ku jetonte në Beograd në orët e vona të 28 korrikut, ka njoftuar Ministria e Brendshme serbe.

Kjo Ministri, përmes një deklarate, ka thënë se edhe djali 26-vjeçar i avokatit Ognjanoviq, është plagosur me armë zjarri në krahë.

Policia ende është duke kërkuar për sulmuesin dhe nuk ka informacione për motivin e këtij sulmi.

Ognjanoviq kishte qenë pjesë e ekipit mbrojtës të Millosheviqit gjatë gjykimit të tij në Tribunalin për Krime Lufte në ish-Jugosllavi.

Ish-presidenti serb ishte arrestuar më 2001 dhe ishte dërguar për gjykim në Hagë, nën akuzat për gjenocid dhe krime të tjera të kryera gjatë shpërbërjes së Jugosllavisë në vitet e 90-ta.

Por Millosheviq vdiq përpara se të shpallej një vendim nga gjykata në Hagë.

Ognjanoviq ka qenë avokat në një numër të madh të rasteve të profilit të lartë të mafias në Serbi dhe Mal të Zi.

Disa pjesëtarë të njohur të rrjeteve kriminale serbe dhe malazeze janë vrarë në Beograd vitet e fundit.

Policia i ka përshkruar këto vrasje si pjesë e një lufte bandash mbi tregun e paligjshëm të drogës.

Në një deklaratë të përbashkët, të Shoqatës së Avokatëve të Serbisë dhe Shoqatës së Avokatëve të Beogradit, thuhet se vrasja e Ognjanoviq është “e fundit në serinë e sulmeve ndaj avokatëve”.

“Ne do të ushtrojmë presion maksimal karshi autoriteteve kompetente shtetërore për të gjetur autorët e këtij krimi sa më shpejt që të jetë e mundur”, thuhet në deklaratë.

Zjarret masive në Athinë, Tsipras merr të gjitha përgjegjësitë

ATHINË – 5 ditë pas zjarrit vdekjeprurës që i mori jetën 87 personave në Athinë, kryeministri grek Alexis Tsipras mori përgjegjësinë politike për katastrofën kombëtare.

Kreu i qeverisë helene u bëri thirrje edhe ministrave që tani për tani të fokusohen në zhdukjen e çdo problemi dhe kthimin e normalitetit në vend, por sapo çdo gjë të ketë përfunduar duhet të merren përgjegjësitë.

“Unë dua të marr përgjegjësinë politike përpara kabinetit e popullit për këtë ngjare të rëndë. E gjithë qeveria duhet të marrë përgjegjësinë e plotë për tragjedinë. Nuk u shmangëm kur morëm as vendin e falimentuar pas zgjedhjeve, në momente të vështira. Ne po qeverisim një vend që për vite me radhë ka pasur shtrembërime. Të gjitha komplekset e banimit janë ndërtuar pa asnjë dispozitë për sigurinë e banorëve. Por ky shtet tani qeveriset nga ne,” tha Tsipras.

Rreth 87 persona humbën jetën nga flakët e mëdha në Athinë, ndërkohë që qindra të tjerë janë plagosur apo zhdukur.

Autoritetet greke po punojnë për gjetjen e trupave të shuar nga zjarri.

Zjarret në Greqi – shqiptari Viktor Seko ndërroi jetë sot

UPDATE/ Tragjedia në Greqi la pas shumë viktima, mes tyre edhe shqiptarë.

Ambasada shqiptare në Athinë ka konfirmuar se Viktor Seko, nga Narta ka ndërruar jetë ditën e sotme, duke shkuar në 87 numri i konfirmuar i viktimave deri tani.

Në morgun e Athinës, është në përfundim procesi i dhënies së kampioneve të ADN-së, ndërsa ekspertët thonë se deri pasditen e së shtunës do të kenë mbaruar identifikimin e një pjese të mirë të 86 trupave të gjetur.

 

Dy ditë më parë ishte konfirmuar vdekja e një gruaje me origjinë nga Leshnica e Sarandës, Nica Leka, e cila mësohet se ka vdekur në banesën e saj, në vendin e quajtur Mati, shtetase kjo e cila ishte larguar nga vendi jonë në vitet 40′.

Ndërkohë që tragjedia thellohet më shumë për familjen shqiptare, pasi dhe bashkëshorti i saj grek ndodhet në gjendje kritike për jetën në spital.

Episodi më i tmerrshëm qëkur zjarret u përhapën me shpejtësi, është ai i regjistruar në Mati të Atikës, ku vullnetarët e Kryqit të Kuq gjetën 26 trupa njerëzish, shumë prej të cilëve nëna me fëmijë, të përqafuar me njëri-tjetrin.

Ringjallen shpresat për binjaket e humbura pas zjarreve në Athinë

Historia e dy motrave të vogla është një prej rasteve që i ka prekur të gjithë pas zjarreve në Greqi. Prindërit deklaruan se i panë në varkë në pamjet e transmetuara në televizion por një çift tjetër reagoi dhe tha se janë vajzat e tyre.

Ndërkohë, prindërit vijojnë kërkimet dhe shprehen ende të sigurt se vajzat që panë në pamje janë fëmijët e tyre dhe se mund të jenë rrëmbyer.

Familja Filipoupolos ka pajtuar një hetues privat për të kërkuar vajzat. Ai deklaroi se ka shpresë që ato janë gjallë.

Në një dëshmi, një grua ka thënë se ka parë dy vajza binjake në një varkë shpëtimi që ngjasojnë me motrat Filipopoulos.

“Është në fakt një situata tepër e paqartë, por ne nuk duam që të mendojmë skenarin më të keq. Ka një informacion të fundit nga një zonjë, e cila ishte në det bashkë me një grup, ku ishin edhe dy vajza binjake të vogla. Ne duam të shpresojmë, ndaj dua të jem optimist”, tha hetuesi.

Vuçiç dhe Rivlin në Beograd, historia nuk guxon të harrohet

Vuçiç theksoi se është shumë mirënjohës që Izraeli nuk e ka njohur Kosovën, kështu që Serbia gjithmonë do të kultivojë marrëdhënie miqësore me shtetin e Izraelit dhe popullin hebre

BEOGRAD – Historia nuk duhet harruar, as viktimat hebreje dhe ato serbe gjatë Luftës së Dytë Botërore, shprehën sot në Beograd mendimin e përbashkët të dy presidententët, ai izraelit, Reuven Rivlin dhe ai i Serbisë, Aleksandar Vuçiç.

Presidenti izraelit në konferencën e përbashkët për media me homologun e tij serb, tha se të dy vendet kanë shumë gjëra të përbashkëta, se të dyja janë përballur, por se ende janë duke luftuar për të mbrojtur pavarësinë e tyre.

“Marrëdhëniet midis popullit hebre dhe popullit serb janë duke u përballur me të kaluarën, por historia nuk duhet të harrohet. Ne si pjesëtarë të popullit hebre që vuajtën gjatë Holokaustit, jemi të vetëdishëm për vuajtjet e popullit serb. Shpresojmë se në të ardhmen do të shohim një vend ku do të nderohen viktimat e Luftës së Dytë Botërore, ku gjeneratat e reja do të mësojnë për vuajtjet e popullit hebre dhe atij serb”, tha ai.

Rivlin shprehu shpresë se vizita e tij e sotme do të ndihmojë në intensifikimin e marrëdhënieve midis dy vendeve dhe dy popujve.

“Komuniteti hebraik në Serbi është një urë shumë e rëndësishme midis dy kombeve”, tha ai.

Ai falënderoi Vuçiçin se Serbia miratoi Ligjin mbi Kthimin e Pronës së Viktimave të Holokaustit, duke theksuar se kjo duhet të jetë një model për vendet e tjera.

“Jam krenar që jam presidenti i parë i Izraelit që ka vizituar Serbinë dhe me të vërtetë do të jem i nderuar që presidenti i Serbisë Vuçiç të vij në Kuds”, tha ai.

Sipas tij, Izraeli sot është një ekonomi e fortë.

“Ne jemi krenar për numrin e madh të investimeve izraelite në Serbi, është detyra jonë dhe dëshira që të jemi partnerë të atyre që duan të ecin përpara”, tha presidenti izraelit.

Ndërkaq, presidenti serb theksoi se është shumë mirënjohës që Izraeli nuk e ka njohur Kosovën, kështu që Serbia gjithmonë do të kultivojë marrëdhënie miqësore me shtetin e Izraelit dhe popullin hebre.

“Pres përmirësimin e marrëdhënieve nëpërmjet marrëdhënieve ekonomike, nëpërmjet shkëmbimit tregtar”, tha ai, duke shprehur shpresë se më shumë turistë nga Izraeli do të vijnë në Serbi, si dhe një numër më i madh turistësh serb do të shkojnë në Izrael.

Presidenti serb gjithashtu tha se është rënë dakord që të krijohet një Komitet i Përzier Bashkëpunimi, i cili pritet të krijojë një ambient biznesi edhe më të sigurt në të dy anët. aa

Simiq: Presidenti Vuçiç nuk ka ofruar ndonjë zgjidhje

Foto nga takimi i mëhershëm – Presidenti serb Aleksandër Vuçiç me përfaqësuesit e Listës Serbe

Presidenti i Serbisë, Aleksandër Vuçiq ka zhvilluar sot në Beograd një takim me përfaqësuesit e Listës Serbe nga Kosova, i cili ka zgjatur rreth katër orë.

Pas takimit, zëvendëskryetari i Listës Serbe, Igor Simiq, tha se presidenti serb aktualisht nuk ka ofruar ndonjë zgjidhje për serbët e Kosovës.

“Për momentin, nga ajo që kemi mund të dëgjojmë nga presidenti Vuqiç, është se nuk ka ndonjë propozim të prekshëm që do të mund të prezantohej si zgjidhje”, tha Simiq.

Sipas tij, në takim është folur hapur për problemet aktuale me të cilat ballafaqohet komuniteti serb në Kosovë si dhe procesin e dialogut ndërmjet Prishtinës dhe Beogradit që po zhvillohet në Bruksel.

Sidoqoftë, ai ka deklaruar se përfaqësuesit politikë të serbëve nga Kosova, në çdo rast dhe për gjithçka po konsultohen me Beogradin. Ai tha se Lista Serbe ka besim të plotë te presidenti Vuqiç.

I jepet lamtumira udhëheqëses së Nënave të Srebrenicës

Hatixha Mehmedoviq

Qindra njerëz ndoqën funeralin e Hatixha Mehmedoviqit, udhëheqëses së një grupi të grave i njohur si Nënat e Srebrenicës, i cili lufton për drejtësi për viktimat e masakrës së vitit 1995.

Mehmedoviq u varros pranë Srebrenicës, në lindje të Bosnjës, vendit ku ka ndodhur masakra më e rëndë në Evropë që nga Lufta e Dytë Botërore.

Bashkëshorti i Mehmedoviqit, dy djemtë dhe vëllai i saj janë në mesin e rreth 8,000 burrave dhe djemve myslimanë që janë vrarë nga forcat serbe të Bosnjës, të udhëhequra nga gjenerali i atëhershëm, Ratko Mlladiq.

Vitin e kaluar, Tribunali Ndërkombëtar për Krime Lufte e ka dënuar Mlladiqin me burgim të përjetshëm për gjenocid dhe krime kundër njerëzimit, përfshirë ato në Srebrenicë.

Nënat e Srebrenicës janë vlerësuar për përpjekjet e tyre për t’i sjellë para drejtësisë përgjegjësit për masakrën.

Zjarret në Greqi, një nga fatkeqësitë më të mëdha në historinë këtij vendi

ATHINË – Është rritur në 81 numri i personave që kanë humbur jetën si pasojë e zjarreve pyjore në afërsi të kryeqytetit të Greqisë, Athinë, të cilat shkaktuan një nga fatkeqësitë më të mëdha të zjarrit në historinë e Greqisë.

  • Maqedonia dhe Shqipëria ndihma Greqisë për dëmet e shkaktuara nga zjarret

Zjarret pyjore të cilat veçanërisht ndodhin shpesh në muajt e verës, shndërrojnë mijëra dynymë toke në hi dhe shkaktojnë vdekjen e shumë personave.

Zjarret që shpërthyen në fushat pyjore në afërsi të rajoneve Rafina dhe Penteli, 20 kilometra në verilindje të Athinës u përhapën edhe në rajonet e banuara, duke shkaktuar një nga fatkeqësitë më të mëdha të zjarrit në historinë e Greqisë ndërsa shkaktuan vdekjen e më shumë personave deri tani.

Dhjetra persona humbën jetën pasi mbetën të bllokuar në shtëpitë dhe automjetet e tyre meqë zjarret u përhapën në një rajon të gjerë për shkak të erërave të forta që ndryshuan vatrat e zjarreve. Ndërsa disa prej tyre janë mbytur pasi kanë hyrë në det për t’i shpëtuar flakëve.

Zjarret në Greqi, një nga fatkeqësitë më të mëdha

Zjarret që shpërthyen në fushat pyjore në afërsi të rajoneve Rafina dhe Penteli, 20 kilometra në verilindje të Athinës u përhapën edhe në rajonet e banuara, duke shkaktuar një nga fatkeqësitë më të mëdha të zjarrit në historinë e Greqisë ndërsa shkaktuan vdekjen e më shumë personave deri tani.

 

Mbi 100 persona llogariten si të zhdukur në mesin e të cilëve edhe turistë të huaj. Nga zjarret mijëra dynymë zonë pyjore si dhe mbi 1.000 shtëpi dhe qindra automjete janë në gjendje të papërdorshme.

Zjarret më të mëdha në 20 vitet e fundit

Në zjarrin që ndodhi në vitin 2000 në ishullin Samos janë prekur shumë vendbanime. Në atë zjarr u dogjën 145 mijë dynymë tokë, ndërsa ishin dëmtuar 47 shtëpi. Të njëjtin vit në zjarrin përreth qytetit Korinth janë djegur 200 mijë dynymë tokë.

Ndërsa në zjarrin e muajit gusht të vitit 2007 në qytezën Zacharo të Gadishullit Mora humbën jetën 63 persona. Të njëjtin vit në zjarret në rajone të ndryshme qindra mijëra dynymë tokë ishin djegur, ndërsa gjithsej humbën jetën 84 persona.

Në zjarrin në ishullin Rhodos në vitin 2008 janë djegur 110 mijë dynymë tokë. Ndërsa më 21 gusht 2009 në Pandeli ishin djegur 175 mijë dynymë tokë.

Hulumtimet tregojnë se zjarret pyjore që ndodhin shpesh herë në Greqi shkaktohen nga neglizhenca dhe pakujdesia.

Bullgaria paralajmëron Greqinë dhe Turqinë për vërshime të mëdha

Autoritetet në Bullgari kanë paralajmëruar Greqinë dhe Turqinë se mund të përballen me vërshime pas reshjeve të mëdha që priten të përshkallëzojnë lumenjtë Arda dhe Maritsa.

Ky njoftim erdhi pas luftës për shuarjen e zjarrit në Greqi që la të vdekur të paktën 74 persona. Lumi Arda në lindje të Rhodope Mountains mund të dal nga shtrati në ditët e ardhshme për shkak të reshjeve që priten të ndodhin, deklaroi Ministria e Jashtme e Bullgarisë.

Lumi Arda mund t’i bashkohet lumit Maritsa në lindje të Greqisë në kufij me Turqinë. Autoritetet e Bullgarisë kanë shpallur gjendje të jashtëzakonshme. Një person ka vdekur të martën si pasojë e rrëmbimit nga vërshimet që kapluan qytetin Teteven.

Turqi, jahti me pamje të anijes kozmike filmohet nga afër

Jahti i biznesmenit Antony Marden i gjatë 42 metra dhe me vlerë prej 30 milionë dollarë një kohë po qëndron në ujërat e qytezës Bodrum, ndërsa me pamjen interesante tërheq vëmendjen

MUĞLA – Jahti me pamje të anijes kozmike “Adastra” i cili ankoroi në Bodrum të qytetit Muğla, u filmua nga afër.

Jahti i biznesmenit Antony Marden i gjatë 42 metra dhe me vlerë prej 30 milionë dollarë një kohë po qëndron në ujërat e qytezës Bodrum, ndërsa me pamjen interesante tërheq vëmendjen.

Jahti gjithashtu mund të arrijë një shpejtë të lartë të lundrimit.

Brenda tij ka 9 kabina si dhe tarracë për t’u rrezitur dhe xhakuzi ndërsa drejtohet nga 6 persona të ekuipazhit. Gazetarët e filmuan nga afër jahtin me pamje të anijes kozmike.

Antony Marden është pronar i Fenwick Shipping Services, një kompani e specializuar për anijet. aa

Dëshmitë nga Athina, deri tani 3 shqiptarë të vdekur. Ja çifti i parë që përfundoi në spital (foto)

UPDATE/ Situata në zonën e Atikës në Greqi është ende shumë e rrezikshme, ndërsa deri tani raportohet për të paktën 60 viktima dhe më shumë se 160 të lënduar.

Gazetarja Ira Londo raportoi nga Greqia për “News 24” se fatkeqësisht është konfirmuar se ka tre viktima shqiptarë, të cilët kanë qenë punonjës të një restoranti. Gjithashtu mësohet se janë djegur edhe disa shtëpi të shqiptarëve ne Greqi.

Ndërsa disa prej shqiptarëve qe jetojnë dhe punojnë atje kanë përfunduar në spital nga asfiksia. Një çift shqiptarësh, të cilët shkuan për ndihmë mjekësore në spital, folën për Top Channel:

“Përfunduam në spital nga tymi i tepërt. Bashkëshortja nuk merrte dot frymë. Pësoi akth. Nuk merrnim dot frymë”.

 

Gazetarja e News24 u shpreh se kjo zonë është shumë e populluar nga shqiptarët, dhe gjatë këtyre orëve ajo ka pasur kontakt me disa prej tyre.

Gazetarja tha se brenda makinës së një shqiptari është gjetur një viktimë, por ende nuk dihet nëse është trupi i një të riu nga Tepelena.

Ndërkohë, ajo është shprehur se nga dëshmitë që ka pasur nga shqiptarët që kanë mundur t’u shpëtojnë flakëve, i është pohuar se favori që ata kanë pasur, ka qenë njohja e mirë e zonës, pasi jetojnë aty edhe gjatë dimrit, dhe kjo i ka ndihmuar që të largohen përmes rrugicave dhe të dalin më shpejt në det.fire-870x418

Pjesa më e madhe e viktimave janë gjetur të shkrumbuar në makina, duke mos pasur mundësi të largohen.

Ndërkohë, “Report Tv” ka marrë një dëshmi nga një emigrant shqiptar, Mondi Sinaj, i cili në një lidhje telefonike nga Athina shprehet se në zonën që ka rënë zjarri kishte shumë shqiptarë që punonin në banesat që janë djegur, ndërsa nga informacionet e para janë 13 të lënduar.

Përsa i përket shqiptarit që dyshohet se ka humbur jetën, ai është nga Tepelena dhe sipas Sinajt, nuk arriti që të dalë nga makina, pas zjarrit.

“Në fakt në zonën e zjarreve ka pasur shumë shqiptarë të cilët punojnë nëpër shtëpitë e grekëve. Kemi informacion se 13 shqiptarë janë lënduar nga flakët. Kam folur me shumë prej tyre. Flitet edhe për një djalë nga Tepelena që dyshohet se është djegur në makinën e tij, por nuk e dimë 100% të saktë.

Kemi pasur shumë ndihmë nga ambasada. Janë interesuar deri vonë në orët e mbrëmjes. Zjarret kanë rënë kudo në Athinë në të gjitha anët. Kam parë gra dhe fëmijë që vuajnë dhe digjen, është diçka që nuk përshkruhet me fjalë, kam parë masakër me sy.

Ato që hoqëm dje nuk mund të përshkruhen dot. Njerëzit u hodhën në det për të shpëtuar. Është diçka e tmerrshme. Unë isha në shtëpi dhe u interesova për njerëzit që njihja. Zjarri ishte me shpejtësi për shkak të erës”, është shprehur ai.

Një tjetër emigrante shqiptare nga Athina, Drita Bushi në një lidhje telefonike për Report Tv thotë se janë djegur 10 banesa të shqiptarëve, ndërsa situata është mjaft e rëndë.

“700 banesa janë djegur, shumë njerëz humbën jetën, pashë një fëmijë dy muajsh, që humbi jetën nga zjarri. 10 banesa të shqiptarëve janë djegur nga zjarri. Një familje shqiptare erdhi më kërkoi ndihmë dhe më tha u dogj cdo gjë. Ajo tha u futëm në det dhe erdhën anijet na morën. Një burrë më tha po rrija në ballkon, u hodha në det për të shpëtuar. Në një party u dogjën 25 persona. Shqiptarë nuk e dimë akoma a ka të vdekur, nuk e kemi marrë vesh akoma. Skenat janë si në filma. Situata nuk është aspak e mirë, po gjenden shumë njerëz të vdekur. Thonë që janë 50 të vdekur, por numri është më i lartë. Nuk kemi kontakte me ambasadën shqiptare, nuk e di numrin e telefonit, po ndihmojmë njerëzit me ushqime dhe strehim ketu”, është shprehur ajo.

Panorama

Vetingu – Zaganjori mëson sot vendimin, nesër jepet për Rovena Gashin

Kreu i Gjykatës së Lartë, Xhezair Zaganjori, do të mësojë ditën e sotme vendimin e Komisionit të Pavarur të Kualifikimit nëse do të rikonfirmohet ose jo në detyrë. Ai u përball me KPK-në të premten në një seancë që zgjati tej parashikimeve gjithashtu.

Fillimisht, KPK vlerësoi se kreu i Gjykatës së Lartë pati bërë deklarime të pasakta të pasurisë dhe kontrata fiktive. Por ai u mbrojt duke thënë se kontratat ishin formale për pronën dhe brenda ligjit. Zaganjori ka deklaruar një apartament 293 metra katrorë në rrugën “Dedë Gjo Luli” në Tiranë; një dyqan i deklaruar si bibliotekë; një bodrum 65 metra katrorë dhe një zyrë prej 15 metrash katrorë.

Të gjitha këto pasuri ndodhen në të njëjtën godinë, e cila është ndërtuar nga gjyshi i bashkëshortes së tij. Zaganjori pranoi se kontratat ishin fiktive, por brenda ligjit.

Po kështu, ditën e nesërme në orën 9:30 do të jepet edhe vendimi për Rovena Gashin.

Prokurorja e Prokurorisë së Përgjithshme është pezulluar nga detyra pasi është nën hetim për mosdeklarim të pasurisë.

Ajo nuk u paraqit në seancën dëgjimore dhe as nuk dërgoi avokat. KPK vërejti shkelje për pasurinë e Gashit dhe deklaroi se ajo është munduar ta zvarritë procesin.

Zjarret në Athinë, Turqia e gatshme për të ndihmuar

Shefi i diplomacisë turke Çavuşoğlu i ka shprehur ngushëllime homologut grek Kotzias, duke potencuar se Turqia është e gatshme të ofrojë çdo lloj ndihme

ANKARA – Ministri i Jashtëm i Turqisë, Mevlüt Çavuşoğlu, ka thirrur në telefon homologun e tij grek Nikos Kotzias pas zjarreve katastrofale që shpërthyen pranë kryeqytetit Athinë, njoftuan burime diplomatike.

Sipas burimeve, shefi i diplomacisë turke i ka shprehur ngushëllime ministrit grek, duke potencuar se Turqia është e gatshme të ofrojë çdo lloj ndihme.

Ndryshe, të paktën 54 persona humbën jetën dhe mbi 100 të tjerë kanë mbetur të lënduar si pasojë e zjarreve nëpër pyjet pranë Athinës. aa

Vuçiçi: Ne serbët e kemi vulosur pavarësinë e Kosovës

BEOGRAD – Presidenti serb Aleksandër Vuçiç thotë se përfaqësuesit e Kosovës në çdo takim ia përmendin se vete Serbia ka kërkuar mendimin e GJND-së në rastin e pavarësisë së Kosovës, gjë që e ka “ngulitur” pozitën serbe në përpjekje për arritje të marrëveshjes.

“Ndërsa ne, idiotët, jemi obliguar që me çdo kusht ta pranojmë vendimin e Gjykatës Ndërkombëtare të Drejtësisë, cilado qofte ajo”- ka thënë Vucic.

Vuçiç thotë se kur Mali i Zi e braktisi shtetin e përbashkët, dhe e njohu pavarësinë e Kosovës, e pamundësoi Serbinë që më mos të ketë asnjë kontroll mbi Kosovën.

“Disa flasin për Rezolutën e Këshillit të Sigurimit të KB 1244, dhe se gjithçka duhet të jetë në përputhje me këtë dokument. E unë ju pyes përse nuk e kemi pranuar Rezolutën 1244? A kam pranuar unë bartjen e çështje së Kosovës nga Kombet e Bashkuara në Bashkimin Evropian? Ai ka përkujtuar se në Rezolutën 1244 askund nuk shkruan Serbia por Republika Federale e Jugosllavisë. A ishte Vuçiç ai cili e shkatërroi RFJ-në, dhe i dha krahë Malit të Zi të shkojnë. Jo, këtë e kanë bërë në vitin 2006 Jeremiç, Tadiç dhe Gjillas.

Si t’i quajmë njerëzit e papërgjegjshëm të cilët e kanë sjellë situatën që Mali i Zi të largohet. Ajo shkoi, dhe për çfarë tani ta lidhim Kosovën? I kemi çuar në të “s’amës“ Kombet e Bashkuara dhe kemi thënë “mirëserdhe Evropë” të negociojë me ne. Përveç gjithë kësaj, kemi marrë vendim ta dërgojmë atë pyetje ndaj Gjykatës Ndërkombëtare të Drejtësisë, me të cilën i kemi dhënë legjitimitetin pavarësisë së Kosovës, ne serbët e kemi vulosur pavarësinë e Kosovës”- ka sqaruar Vuçiç.

Policia malazeze arrestoi një të dyshuar për krime lufte ndaj shqiptarëve

 

BEOGRAD – Policia në Mal të Zi njoftoi se ka arrestuar një shtetas të Serbisë i cili, mes tjerash, dyshohet për krime lufte mbi shqiptarët gjatë vitit 1999.

Policia malazeze ka arrestuar personin me inicialet P.V nga Shapca për të cilin është shpallur fletarrest nga Interpoli, theksohet në njoftimin policor.

Dyshohet se ai ka qenë pjesë e grupit “Shakala”, ku nga 23 deri më 20 qershor të vitit 1999 sulmoi, vrau dhe torturoi civilët shqiptarë, ç’rast u vranë 41 persona.

Ai u arrestua në një lokacion për shkak të ndalesës për peshkim, ndërsa më pas u vërtetua se gjendet në fletarrest të Interpolit nga Beogradi. aa

Vuçiç: Kemi informacione operative mbi vrasjen e Ivanoviçit

BEOGRAD – Presidenti i Serbisë, Aleksandër Vuçiç, deklaroi se për herë të parë Serbia posedon informacione operative të cilat mund të “çojnë diku” në hetimet për zbardhjen e vrasjes së kreut të Iniciativës Qytetare SDP, Oliver Ivanoviç, e cila ndodhi në Mitrovicë në janar të këtij viti.

“Me gjasë kemi një gjurmë të vogël drejtë diçkaje serioze. Për herë të parë kemi disa njohuri operative, ndonëse nuk u lejuam të zbatojmë hetimin”, u tha Vuçiç gazetarëve në Beograd.

Ai tha se deri sot kanë marrë mbi 50 gjurmë të cilat “nuk kanë një logjikë dhe kuptim” dhe se kjo është hera e parë të kenë diçka të kuptimtë.

“Do të kontrollojmë saktësinë”, tha presidenti serb, i bindur se kryesit e veprës do të zbulohen.

Vuçiç komentoi edhe pohimet se Kosova ka arrestuar disa vrasës që kanë lidhje me Agjencinë për Siguri dhe Informacion (BIA), duke thënë se Serbia tashmë ka shpallur fletëarreste për disa prej tyre.

Kujtojmë se Ivanoviç u vra në janar të vitit 2018 në Mitrovicë, më saktësisht para godinës së selisë së SDP-së. aa

Kotzias opozitës: Dëshironi Maqedoni nën ndikimin e Turqisë apo Maqedoni mike?

“A dëshironi një FYROM që është nën ndikimin e Turqisë ose FYROM që ka marrëdhënie miqësore me ne?”, u shpreh Kotzias në përgjigje të kritikave të opozitës ndaj marrëveshjes rreth emrit

ATHINË – Ministri i Jashtëm i Greqisë, Nikos Kotzias, në lidhje me kritikat e opozitës ndaj marrëveshjes së emrit të arritur mes vendit të tij dhe Maqedonisë, pyeti atë nëse dëshiron një Maqedoni nën ndikimin e Turqisë ose një që ka marrëdhënie miqësore me vendin e tij.

“A dëshironi një FYROM që është nën ndikimin e Turqisë ose FYROM që ka marrëdhënie miqësore me ne? Duhet t’i japim përgjigje kësaj pyetjeje, e jo nëse vallë jemi duke u ngutur ose jo”, u shpreh ai në një intervistë për agjencinë shtetërore greke AMNA, në të cilën shefi i diplomacisë greke iu përgjigj pyetjeve rreth marrëveshjes së emrit të arritur me Maqedoninë dhe krizës diplomatike me Rusinë.

Kotzias theksoi se janë pjekur kushtet për marrëveshjen mes Maqedonisë dhe Greqisë për zgjidhjen e çështjes së emrit, ndërsa shtoi se dëshirojnë një fqinj që zhvillon lidhje gjeografike dhe ekonomike në vend të një “fundementalizmit sllav” në Maqedoni dhe përbërjes së një “lëvizjeje terroriste” të mundshme drejt Greqisë nga veriu i saj.

“Greqia është e vendosur t’i japë mesazhin lindjes, perëndimit, atyre që i kemi miq dhe nuk i kemi miq, se do të merren masat e përshtatshme ndaj atyre që shkelin respektin ndaj sovranitetit tonë dhe nesh. Periudha e diplomacisë kur mbylleshin sytë mbeti prapa”, tha Kotzias në lidhje me sanksionet e Greqisë ndaj katër diplomatëve rusë.

Ndërkaq, në lidhje me anulimin e vizitës së homologut të tij rus Sergey Lavrov në Athinë, Kotzias tha se “Është e drejtë e tij të mos vijë në rast se konsideron veten njësoj me personat e dëbuar dhe ata të cilëve u është ndaluar hyrja në vend”.

Më herët, Greqia ka vendosur të dëbojë dy diplomatë rusë dhe të ndalojë hyrjen në vend të dy diplomatëve të tjerë, me arsyetimin se “Kanë ndërmarrë hapa që kërcënojnë sigurinë kombëtare të Greqisë”.

Në lajmet në mediat greke pretendohet se diplomatët akuzohen për ndërhyrje duke inkurajuar rritjen e protestave dhe reagimeve në vend në lidhje me çështjen e emrit me Maqedoninë.

Nga ana tjetër, Rusia kishte njoftuar se është anuluar vizita e Lavrovit në Greqi.

Ndryshe, marrëveshja e arritur për zgjidhjen e çështjes së emrit mes Maqedonisë dhe Greqisë parasheh që vendi të ndryshojë emrin në “Republika e Maqedonisë së Veriut”. Me këtë hap, parashihet që Maqedonisë t’i hapet rruga drejt anëtarësimit në BE dhe NATO, megjithatë, disa grupe në Maqedoni dhe Greqi, përfshirë partitë opozitare, kundërshtojnë marrëveshjen. aa

Turqi, zbulohet tempulli helenistik 2.100 vjeçar

Tempulli 2.100 vjeçar u zbulua në lokalitetin arkeologjik Kinik Mound, që ndodhet në fshatin Yeşilyurt të qarkut Altunhisar, në provincën Niğde

NIĞDE – Një tempull i epokës helenistike që daton prej më shumë se dy mijë vitesh është zbuluar së fundmi gjatë disa gërmimeve arkeologjike në Turqinë qendrore.

Tempulli 2.100 vjeçar u zbulua në lokalitetin arkeologjik Kinik Mound, që ndodhet në fshatin Yeşilyurt të qarkut Altunhisar, në provincën Niğde.

Në lokalitetin në fjalë, që nga viti 2011 ka qenë i angazhuar në punime një ekip italian dhe një tjetër turk.

Profesori Lorenzo D’Alfonso, një akademik nga Universiteti i New Yorkut, tha në cilësi të kreut të ekipit për gërmime se tempulli i zbuluar daton nga koha helenistike.

“Kemi vazhduar me gërmimet mu në vendin ku është zbuluar tempulli, ku dhe zbuluam tempullin tjetër i cili daton nga periudha helenistike, 2.100 vjet më parë”, tha për AA profesori D’Alfonso.

Sipas tij, Kinik Mound me gjasë nuk ka qenë i banuar deri në vitin e 30-të para erës sonë.

“Kemi zbuluar edhe pjesë të një statuje të demit të ndërtuar nga qeramika”, tha D’Alfonso.

Drejtori i Departamentit për Turizëm dhe Kulturë në provincën Niğde, Basri Akdemir, nga ana e tij tha se që nga fillimi i gërmimeve në vitin 2011, kanë arritur të zbulojnë dhe të dërgojnë në muze 207 artefakte kulturore.

Gërmimet në fjalë janë pjesë e një projekti të përbashkët dhjetëvjeçar të Universitetit të Pavias, Institutit për Studime të Botës Antike dhe Universitetit të New Yorkut, me përkrahje të Univerzitetit të Erzurumit në Turqi dhe provincës Niğde.

Në lokalitetin e njëjtë, dy vite më parë u zbulua një tempull i cili daton nga 2.500 vjet më parë dhe i takon epokës perse.

Mali i Zi përgjigjet ndaj komenteve të presidentit Trump

Mali i Zi tha se “kontribuon për paqen” në përgjigje të komenteve të fundit të Presidentit Donald Trump, i cili la të kuptohet se “njerëzit shumë agresivë” të Malit të Zi mund të bëhen shkak për fillimin e Luftës së Tretë Botërore.

Në një deklaratë të publikuar të enjten, qeveria malazeze tha se “kontribuon për paqen dhe stabilitetin jo vetëm në kontinentin evropian, por në mbarë botën, së bashku me ushtarët amerikanë në Afganistan”.

Kjo çështje u shfaq kur zoti Trump kritikoi përsëri NATO-n gjatë një interviste me Tucker Carlson të kanalit Fox News, i cili e pyeti se pse djali i tij duhet të shkonte për të mbrojtur Malin e Zi nëse ky sulmohej.

Intervista u zhvillua të hënën pas takimit të Presidentit Trump me presidentin rus Vladimir Putin në Helsinki. Rusia nuk e priti mirë anëtarësimin e Malit të Zi në NATO në vitin 2017 dhe marrëdhëniet midis dy vendeve janë tensionuar ndërkohë që vendi ballkanik po krijon lidhje më të ngushta me Perëndimin.

Komentet u bënë kur gjatë intervistës në Fox News po diskutohej për Nenin 5, klauzola për mbrojtjen reciproke të NATO-s që thotë se një sulm ndaj një anëtari të NATO-s është një sulm ndaj të gjitha vendeve anëtare.

Kryeministri malazez Dushko Markoviç tha se komentet e zotit Trump nuk ishin “në kontekstin e justifikimit të ekzistencës së NATO-s, por të financimit të NATO-s”.

Turqia i jep fund gjendjes së jashtëzakonshme

Qeveria Turke i ka dhënë fund gjendjes së jashtëzkonshme që ishte vendosur dy vjet më parë, pas tentimeve të dështuara për grushtshtet, kanë thënë mediat shtetërore.

Gjatë kësaj periudhe, dhjetëra mijëra persona janë arrestuar dhe janë shkarkuar nga pozitat e tyre në punë.

Sidoqoftë Qeveria ka vendosur që të mos vazhdojë këtë gjendje më, thuhet në njoftim.

Vendimi vjen disa javë pasi presidenti turk, Recep Tayyip Erdogan ka fituar një tjetër mandat si president.

Gjatë fushatës presidenciale, kandidatët tjerë kanë thënë se vendimi i tyre i parë në rast të fitores, do të ishte dhënia fund e kësaj gjendje.

Më shumë se 107,000 persona janë shkarkuar nga puna dhe më shumë se 50,000 të tjerë janë burgosur, në pritje të gjykimit, është bërë e ditur nga statistikat zyrtare dhe organizatat joqeveritare.

Shumica e personave të shkarkuar dyshohet se janë mbështetës së klerikut fetar, Fethullah Gulen, i cili jeton në Shtetet e Bashkuara.

Turqia akuzon Gulenin dhe përkrahësit e tij për organizim të puçit të dështuar, derisa ai vazhdimisht mohojë këto pretendime.

Në tentimet e dështuara për grushtetet më 2016, më shumë se 250 persona kanë vdekur, si pasojë e përleshjeve.

(Foto) Kitaroviç: Shqipëria mike në kohë të vështira, luftuat për lirinë e Kroacisë

Nga godina e Presidencës, krah Kreut të Shtetit Ilir Meta, homologia e tij kroate Kolinda Grabar-Kitaroviç vlerësoi maksimalisht popullin shqiptar për mbështetjen gjatë luftës me Serbinë. E ndodhur në Shqipëri për një vizitë dy ditore, Kitaroviç u prit në një ceremoni zyrtare nga Meta dhe së bashku theksin në konferencën e përbashkët për shtyp e vendosën tek miqësia shekullore.

“Kroacia dhe Shqipëria kanë një miqësi mjaft të hershme dhe kjo vërtetohet nga shumë momente të rëndësishme historike. Falënderoj miqtë tanë kroatë, që na kanë mbështetur pa kushte në procesin e integrimit të Shqipërisë në BE”, tha Meta në konferencë për shtyp.

Në anën tjetër, duke kërkuar forcimin e bashkëpunimit dypalësh jo vetëm ekonomik, Kitaroviç kujtoi se ishin shqiptarët ata që i qëndruan në krah vendit të saj.

“Shqipëria ishte miku i Kroacisë, atëherë kur miqtë ishin të paktët. Dialogu ynë ka lindur që në vitet e para të pavarësisë tonë dhe ne sot diskutuam për të fuqizuar edhe më tej bashkëpunimin mes dy vendeve. Ju ishit aty gjatë luftës dhe mbrojtjes tonë ndaj agresionit në vitet e para të pavarësisë”, deklaroi Kitaroviç.

Ajo e vendosi fokusin te komuniteti shqiptar në Kroaci, duke thënë se janë shembulli i lidhjeve tona të forta dhe këtë e treguan kur luftuan për lirinë e Kroacisë.

“Në 18 mijë shqiptarët që jetojnë në Kroaci, 2500 prej tyre ishin vullnetarë në luftën e Kroacisë dhe disa humbën jetën e të tjerë u zhdukën. I jemi mirënjohës popullit shqiptar për kontributin në lirinë e vendit tonë”, theksoi Kitaroviç.

Presidentja kroate Kolinda Grabar-Kitarović vjen në Tiranë të enjten, fjalim në parlamentin shqiptar

Presidentja e Kroacisë, Kolinda Grabar-Kitarović, pritet të zhvillojë një vizitë zyrtare në Tiranë gjatë kësaj jave. Kitaroviç do të vijë në kryeqytetin shqiptar ditën e enjte, ku është parashikuar që të mbajë edhe një fjalim në Parlament para deputetëve.

Kitaroviç do të takojë krerët e shtetit shqiptar, Presidentin Ilir Meta, kryeministrin Edi Rama, me të cilin zhvilloi një takim edhe në samitin e NATO-s, kryetarin e Kuvendit, Gramoz Ruçi.

Presidentja kroate u mediatizua në rajon dhe Evropë gjatë kampionatit botëror të futbollit Rusi 2018. Kitaroviç u konsiderua si një nga politikanet më mbështetëse ndaj një ekipi, në këtë rast, ndaj ekipit kroat.

Tension në Ballkan, Rusia do bllokojë marrëveshjen Maqedoni-Greqi

Moska ka paralajmëruar se do të bllokojë në Këshillin e Sigurimit të OKB-së marrëveshjen për emrin e Maqedonisë.

Kjo lëvizje e saj i bashkangjitet dëbimit të diplomatëve grekë, si një lloj kundërpërgjigje ndaj vendimit të Athinës.

Mediat greke shkruajnë se ka patur një telefonatë të tensionuar midis ministrit të Jashtëm rus Sergei Lavrov dhe shefit të diplomacisë greke Nikos Kotzias.

Sipas tyre, Kotzias i ka treguar ministrit të Jashtëm rus vijat e kuqe që Athina nuk lejon të tejkalohen, si dhe i ka folur edhe për vendet e treta që janë angazhuar në sabotimin e marrëveshjes për çështjen e emrit.

Lavrov mësohet të ketë thënë se Rusia do ta bllokojë marrëveshjen në Këshillin e Sigurimit të OKB, por Kotzias i është përgjigjur se marrëveshja është transparente dhe nuk mund të ndalet.

Krerët e shteteve të Aleancës së NATO-s morën dje vendimin e tyre që Maqedonia t’i bashkohet kësaj aleance, me kushtin që të përmbyllë të gjitha procedurat e brendshme që lidhen me marrëveshjen e emrit.

Mostar, “kërcim i heshtur” në kujtim të viktimave të gjenocidit të Srebrenicës

Kërcimi u bë në orën 11:07 me kohën lokale, e cila përkon me 23 vjetorin e 11 korrikut 1995 kur njësitë serbe nën komandën e Ratko Mlladiç-it okupuan Srebrenicën dhe kryen gjenocidin

MOSTAR – Nga ura historike e Mostarit në Bosnjë e Hercegovinë është organizuar “kërcimi i heshtur” në kujtim të viktimave të gjenocidit të Srebrenicës.

Kërcimi nga ura u zhvillua në kuadër të aktiviteteve përkujtimore të 23 vjetorit të gjenocidit të Srebrenicës ku të paktën 8.372 civilë boshnjakë u masakruan dhe cilësohet si tragjedia më e madhe njerëzore në Evropë pas Luftës së Dytë Botërore.

Kërcimi u bë në orën 11:07 me kohën lokale, e cila përkon me 23 vjetorin e 11 korrikut 1995 kur njësitë serbe nën komandën e Ratko Mlladiç-it okupuan Srebrenicën dhe kryen gjenocidin. Shikuesit nuk duartrokitën.

Para kërcimit të anëtarit të Zhytësve të Mostarit, Ermin Sariç, në lumin Neretva u hodhën lule që përfaqësojnë pafajësinë e viktimave të Srebrenicës.

Sariç në deklaratën për AA tha se Srebrenica nuk duhet harruar dhe të gjithë gjeneratat duhet ta kujtojnë këtë. Ai tha se kërcimin e tij ua dedikon viktimave të luftës dhe ushtarëve që kanë humbur jetën në luftë.

Përfaqësuesi i Klubit “Mostari” Sasha Oruçeviç, duke treguar se aktiviteti në fjalë zhvillohet çdo vit, tha se Srebrenica nuk duhet të harrohet dhe një ngjarje e tillë të mos përsëritet në asnjë vend tjetër.

Krizë Greqi-Rusi – Greqia dëbon diplomatët rusë për spiunazh dhe ndërhyrje në punët e brendshme

Qeveria greke ka kërkuar dëbimim e dy diplomatëve rusë për shkak të implikimit të tyre në çështje spiunazhi dhe ndërhyrje në punët e brendshme.

Burime qeveritare i thanë gazetës “Kathimerini” se diplomatët rusë kanë kryer veprime të paligjshëm kundër sigurisë kombëtare, duke u përpjekur të marrin informacion përmes dhënies së rryshfetit zyrtarëve publikë.

Diplomatët rusë kanë ofruar stimuj financiarë për të ndikuar në disa bashki dhe mitropoli të vendit dhe për të shtrirë influencën në malin e Athosit.

U bënë përpjekje për të blerë zyrtarë, të cilat, sipas Kathimerini dështuan.

Ndërhyrjet synonin çështjet veçanërisht të ndjeshme kombëtare dhe interesat e Greqisë në Ballkan, ku përmendet kontesti i emrit me Maqedoninë.

Sipas “Kathimerini”, vendimi i Athinës nuk është një “rrufe në qiell të hapur”, por vjen si reagim pas një serie lëvizjesh të koordinuara të përpjekjeve për të zgjeruar ndikimin rus në Greqi.

Burimet diplomatike thanë se në këto lëvizje përfshihen aktivitete të qarqeve të ndryshme që përfaqësojnë interesat ruse si Bashkimi Perandorak Ortodoks i Palestinës.

Reagimi i Athinës është, ndër të tjera edhe një mesazh për Moskën.

Ky rast nxjerr në pah tensionet nën rrogoz që duket se ekzistojnë dy vitet e fundit midis Athinës dhe Moskës, për arsye që lidhen me mjedisin e përgjithshëm të sigurisë në rajon, shkruan Respublica.

Sipas burimeve të larta diplomatike, këto veprime minojnë miqësinë mes dy popujve dhe imazhin e Rusisë në Greqi, dhe janë pjesë e një përpjekjeje sistematike në shkelje vend të sovranitetit dhe të drejtës ndërkombëtare.

Pavarësisht kësaj, gazeta shkruan se Greqia ende dëshiron të mbajë marrëdhënie të mira me Rusinë, për të nxitur miqësinë mes dy popujve, bashkëpunimin e qeverive të tyre dhe të shoqërisë civile nga të dyja anët.

Megjithatë, kjo mund të bazohet vetëm në barazinë dhe respektin e ndërsjellë me kusht sovranitetin dhe pavarësinë e dy vendeve..

Athina ka qenë shumë e kujdesshme në administrimin e marrëdhënieve greko-ruse.

Në rastin e ish-agjentit Sergei Skripal qeveria greke nuk ndoqi shembullin e vendeve të tjera perëndimore që dëbuan diplomatët rusë, në shenjë solidariteti me Britaninë.

http://www.kathimerini.gr/974240/article/epikairothta/politikh/apelash-r…

Sot në Potoçari varrosen 35 viktima të Srebrenicës

Këtë vit, më i riu nga 35 viktimat që do të varrosen është 16-vjeçari Vesib Ibriç, kurse më i vjetri 71-vjeçari Shahin Haliloviç

POTOÇARI – Sot në Varrezën Përkujtimore në Potoçari të Bosnjë e Hercegovinës do të varrosen mbetjet mortore të 35 viktimave të gjenocidit të Srebrenicës, në të cilin u vranë të paktën 8.372 civilë boshnjakë dhe i cili konsiderohet si tragjedia më e madhe njerëzore në Evropë pas Luftës së Dytë Botërore.

Varrimi i 35 viktimave të identifikuar të vrarë më 11 korrik të vitit 1995 nga njësitë serbe të udhëhequra nga Ratko Mlladiç dhe të nxjerrë nga varre masive vite më vonë, do të bëhet pas namazit të drekës.

Mijëra persona nga brenda dhe jashtë vendit tanimë që nga orët e hershme të mëngjesit kanë filluar të vijnë në Potoçari.

Këtë vit, më i riu nga 35 viktimat që do të varrosen është 16-vjeçari Vesib Ibriç, kurse më i vjetri 71-vjeçari Shahin Haliloviç. Po ashtu, sot do të varroset edhe Remzija Dudiç, e cila ishte shtatzënë në muajin e gjashtë kur u vra në pyll së bashku me bashkëshortin e saj.

Viktimat që do të varrosen janë si në vijim:

Omer Aliç, Muhamed Aliç, Fahrudin Alisheviç, Suvad Avdiç, Hazim Beganoviç, Suad Begoviç, Kiram Bektiç, Ramo Boriç, Bajro Budoviç, Edin Buriç, Salem Çakanoviç, Aziz Dautbashiç, Nijazija Dudiç, Remzija Dudiç, Avdija Gusiç, Shahin Haliloviç, Ahmet Hasanoviç, Nesib Hasanoviç, Hamdija Hasiç, Sejad Husejnoviç, Vesid Ibriç, Saban Ikanoviç, Hazret Kadriç, Nijaz Kadriç, Senad Maliç, Feris Mehmedoviç, Safet Merxhiç, Hajro Muhiç, Nesad Mujçinoviç, Asim Mujiç, Kadrija Musiç, Salih Selimoviç, Hamed Smajiç, Ahmo Smajiç dhe Rizo Sulejmanoviç. aa

Mali i Zi, një proces gjyqësor dhe një hetim për krime lufte në Kosovë

PODGORICË – Në Mal të Zi, aktualisht është në procedurë një gjykim për krime lufte në Kosovë, ndërkohë që po kryhen hetime edhe për katër raste tjera të krimeve të luftës në teritorin e ish-Jugosllavisë, njëri prej të cilëve ka të bëjë me vrasjen e civilëve shqiptarë në Kosovë.

Në bazë të të dhënave të raportit të tretë periodik të komitetit për luftë kundër torturës në Mal të Zi, aktualisht në procedurë e sipër janë pesë lëndë që kanë të bëjnë me krime lufte.

Në lëndën “Zmajeviq”, procesi gjyqësor është në vazhdim e sipër, ku një i dyshuar akuzohet se në cilësi të ushtarit vullnetar të Ushtrisë së Jugosllavisë, më 30 mars të vitit 1999, ka kryer krime lufte ndaj popullsisë civile shqiptare në rajonin e Zhegrës, komuna e Gjilanit.

Në katër lëndët tjera, njëra prej të cilave ka të bëjë me Kosovën, personi me inicialet NN, hetohet për vrasje, ndërsa siç bëhet e ditur, provat po sigurohen përmes ndihmës juridike ndërkombëtare.

Siç njofton gjykata e Malit të Zi, ky vend ka zgjidhur të gjitha lëndët për kompensim të viktimave nga krimet e luftës, për çka Mali i Zi ka paguar kompensim në vlerë prej 5.714.656 euro. aa

Erdogani emëron dhëndrin ministër të financave

Ministër i Thesarit dhe Financave, zoti Berat Albayrak”. Kjo fjali e Presidentit Erdogan shkaktoi rënien e mëtejshme të monedhës vendase, lirës.

Vetëm pak orë pasi bëri betimin si President me pushtet të zgjeruar i Turqisë, zoti Erdogan caktoi në drejtimin e ekonomisë së vendit dhëndrin e tij.

Zoti Erdogan zhvilloi një fushatë të gjatë për zhvendosjen e sistemit kushtetues të Turqisë drejt një presidence ekzekutive. Ai tashmë premton një transformim të mëtejshëm të vendit, të cilin e ka dominuar politikisht prej 15 vjetësh.

Përzgjedhja e zotit Berat Albayrak për postin e ministrit të thesarit dhe financave ka ngjallur debate.

Mungesa në kabinetin qeveritar e emrave të mirënjohur pro-tregut shkaktoi një rënie të mëtejshme me 3% të lirës. Monedha e rifitoi vlerën e humbur brenda ditës së martë. Lira ka humbur këtë vit gati 1/5-tën e vlerës së saj përkundër dollarit.

Ndërkaq, ekonomia vazhdon të jetë çështja më delikate për zotin Erdogan.

Investitorët kanë qenë gjithnjë të shqetësuar prej tendencës së zotit Erdogan për një kontroll më të madh të politikave monetare. Caktimi i dhëndrit të tij në drejtimin e financave e përkeqëson më tej situatën.

Një ndër dekretet e para që zoti Erdogan nënshkroi sapo bëri betimin, ishte marrja e autoritetit për emërimin e guvernatorit të bankës qendrore dhe të anëtarëve të komisionit për politikën monetare.

Më parë, emërimet për këto poste bëheshin nga këshilli i ministrave.

Përgjaket gazetari serb që po heton vrasjen e Ivanoviçit: S’mund ta vrisni të vërtetën (Fotot)

Gazetari serb, Stefan Cvetkovic i cili po heton vrasjen e Oliver Ivanovicit në veri të Mitrovicës, është rrahur brutalisht në qytetin e tij, Bela Crkva të Serbisë.

Në njërin nga postimit e tij në Facebook, ai ka thënë se gjendet i sigurt jashtë Serbisë, pa bërë të ditur vendndodhjen, por ka publikuar fotot i gjakosur.

Gazetari i ka thënë agjencisë ‘Beta’ se ishte ulur në një lokal me miqtë e tij në Bela Crkva, kur një person i panjohur i është afruar dhe e ka qëlluar me një mjet të fortë në kokë. Cvetkovic ka deklaruar se ka ikur me vrap, ndersa autori ka tentuar ta shtype me automjet.

Prokuroria e Bela Crkves ka thënë se policia po e heton rastin bashkë me prokurorin kujdestar dhe janë duke mbledhur dëshmitë lidhur me ngjarjen.
stefan
Cvetkovic ka thënë ndër të tjera se “e madhe është forca me të cilën po përballem, por se e shenjte është shenjtëria me të cilën mbrohem. Mua mund të më vrisni, por jo edhe të vërtetën”.

Cvetkovici ka dhënë edhe një deklaratë në institucionet hetimore të Republikës së Kosovës për vrasjen e Ivanovicit.
gazetari serb
Gazetarë të tjerë që po e hetojnë vrasjen e Ivanovicit, kanë akuzuar direkt pushtetin në Serbi si përgjegjës për vrasjen e politikanit serb nga Kosova, poashtu edhe për trysnitë dhe kërcënimet që po ia bën pushteti atyre.

Para më shumë së 10 ditësh Cvetkovic u rrëmbye nga persona ende të panjohur në vendlindjen e tij në Bela Crkva, por ky rrëmbim ka lënë shumë dyshime.
hahhahahaahha

 

Erdogan prezanton kabinetin e parë të sistemit presidencial të përbërë nga 16 ministra

ANKARA – Presidenti i Turqisë, Recep Tayyip Erdoğan, shpalosi kabinetin e parë të sistemit presidencial të qeverisjes i cili përbëhet nga 16 ministra.

Kabinetin presidencial të cilin Erdoğan e shpalosi me anë të një konference për shtyp në Rezidencën Presidenciale në Ankara e përbëjnë këta emra:

Zëvendëspresident: Fuat Oktay

Ministër i Drejtësisë: Abdulhamit Gül

Ministre e Punës, Shërbimeve Sociale dhe Familjes: Zehra Zümrüt Selçuk

Ministër i Mjedisit dhe Urbanizmit: Murat Kurum

Ministër i Jashtëm: Mevlüt Çavuşoğlu

Ministër i Energjisë dhe Resurseve Natyrore: Fatih Dönmez

Ministër i Rinisë dhe Sportit: Mehmet Kasapoğlu

Ministër i Thesarit dhe Financave: Berat Albayrak

Ministër i Brendshëm: Süleyman Soylu

Ministër i Kulturës dhe Turizmit: Mehmet Ersoy

Ministër i Arsimit: Ziya Selçuk

Ministër i Mbrojtjes: Hulusi Akar

Ministër i Shëndetësisë: Fahrettin Koca

Ministër i Industrisë dhe Teknologjisë: Mustafa Varank

Ministër i Bujqësisë dhe Pylltarisë: Bekir Pakdemirli

Ministre e Tregtisë: Ruhsar Pekcan

Ministër i Transportit dhe Infrastrukturës: Cahit Turan.

Erdogani bën betimin në Parlamentin e Turqisë

ANKARA – Presidenti i parë i sistemit të ri presidencial të qeverisjes në Turqi, Recep Tayyip Erdoğan.

Me betimin e presidentit Erdoğan, pëfundoi sistemi parlamentar dhe zyrtarisht filloi sistemi presidencial.

Erdoğan, pas largimit nga parlamenti, tha para gazetarëve se “Çdo gjë ishte mirë para popullit. Shpresoj që edhe në të ardhmen do të jetë mirë”.

Me betimin e presidentit Erdoğan, pëfundoi sistemi parlamentar dhe zyrtarisht filloi sistemi presidencial

09.07.2018

Më pas Erdoğan u përcoll nga kryetari i përkohshëm i parlamentit Hakki Köylü me ceremoni zyrtare.

Qytetarët të cilët e prisnin në dalje të parlamentit, përshëndetën presidentin dhe mbushën automjetin e tij me karafilë.

Më 24 qershor, Erdoğan, njëherësh kryetar i Partisë për Drejtësi dhe Zhvillim (AK Parti), fitoi shumicën absolute në zgjedhjet presidenciale me 52,59 për qind të votave, ndërsa rivali i tij më i afërt Muharrem Ince mori 30,64 për qind.

Më 16 prill të vitit 2017, Turqia mbajti një referendum që kërkoi nga votuesit të vendosin për ndryshime kushtetuese në 18 nene për të kaluar nga sistemi parlamentar në sistem presidencial.


Send this to a friend