VOAL

VOAL

Padi të reja kundër Gruevskit dhe ish-ministrave të tij, përfshirë Osmanin

Prokuroria Speciale e Maqedonisë njoftoi të mërkurën për nisjen e hetimeve për raste të reja që kanë të bëjnë me shpërdorimin e detyrës zyrtare.

Në mesin e të akuzuarve janë ish-kryeministri, Nikolla Gruevski, ish-ministri i Financave, Zoran Stavreski, ish-ministri i Transportit dhe Lidhjeve, Mile Janakievski, ish-ministri i Shëndetësisë, Bujar Osmani, dhe shumë zyrtarë të tjerë të lartë dhe drejtues e anëtarë të komisioneve të tenderit.

Sipas Prokurorisë Speciale Publike, të akuzuarit dyshohet se kanë dëmtuar buxhetin e shtetit me rreth 80 milionë euro.

Ish-kryeministri dhe ish-ministrat akuzohen në gjashtë raste të veçanta të koduara me emrat: “Dhurata”, “Propaganda”, “Dizajni”, “Harmonia”, “Stacionet bazë” dhe “Pacienti”.

Hetimet përfshijnë periudhën nga viti 2010.

Nga personat e akuzuar, ish-ministri i Shëndetësisë, Bujar Osmani, në qeverinë e tanishme është zëvendëskryeministër për çështje evropiane dhe zyrtari i parë i partisë shqiptare Bashimi Dekomratik për Integrim që akuzohet nga Prokuroria Speciale për shpërdorime kur kjo parti ishte në pushtet me VMRO-DPMNE-në – tani parti në opozitë.

Ish-kryeministri, NIkolla Gruevski, është duke u gjykuar edhe për vepra tjera, ndërsa për një prej tyre është dënuar me 2 vjet burgim.

Akuzat e Prokurorisë Speciale kanë për bazë bisedat e përgjuara telefonike, të publikuara në shkurt të vitit 2015.

Dodik: Do të kërkoj njohjen e Krimesë si pjesë të Rusisë

Presidenti i serbëve të Bosnjës, Millorad Dodik.

Ambasada e Ukrainës në Bosnjë dhe Hercegovinë ka reaguar pas deklaratave të të sapozgjedhurit në presidencën tri palëshe të Bosnjës, Millorad Dodik, i cili ka thënë se pas marrjes së detyrës do të kërkojë njohjen e Krimesë si pjesë të Rusisë.

Ambasada ukrainase e ka quajtur jo miqësore këtë deklaratë duke theksuar se ajo mund të shkaktojë dëmtim të raporteve mes dy vendeve si dhe të vetë autoritetit të Bosnje Hercëgovinës në arenën ndërkombëtare.

Kreu i Social-Demokratëve të Pavarur, Millorad Dodik deklaroi se do të fillojë këtë iniciativë për ta njohur Krimenë si pjesë integrale të Rusisë.

“Natyrisht se do të filloj këtë inicativë dhe synoj që Krimea të njihet në nivel të Bosne Hercegovinës” ka deklaruar Dodik për të përditshmën ruse Izvestija, duke shtuar se bashkimi i Krimesë me Rusinë ka ndodhur pas një “referendumi legjitim”.

Lideri i serbëve të Bosnjës, Dodik ka thënë se është i interesuar, që sapo të krijohet mundësia, personalisht ta vizitojë Krimenë dhe se këtë do ta bëjë sapo të krijohet mundësia e parë. Ai po ashtu ka deklaruar se kurrë nuk do të përkrahë anëtarësimin e Bosnjës në Bashkimin Evropian dhe NATO.

Ai në këtë intervistë deklaroi po ashtu se është i interesuar që në Republikën Serbe të Bosnjës, të ndërtojë një qendër humanitare ruso-serbe, të njëjtë sikurse ajo që gjendet në Nish të Serbisë.

Daçiç: Serbia nuk do ta njohë Kosovën me asnjë çmim

Ministri i Jashtëm serb, Ivica Daçiç deklaroi se Serbia nuk do ta njohë Kosovën me asnjë çmim. Ai theksoi se zgjidhja mes dy vendeve duhet të jetë paqësore.

“Nuk do ta njohim Kosovën për asnjë çmim, sepse nuk është në pyetje BE-ja apo Kosova. Ne nuk duam të na shtrohet ashtu pyetja. Duam zgjidhje paqësore, por jo poshtërimin e Serbisë. Ka probleme në Ballkan, por ato nuk duhet të jenë bazë për luftëra. Kërkohet më shumë mirëkuptim nga bashkësia ndërkombëtare dhe në këtë drejtim ne po përpiqemi për të udhëhequr një politikë të ekuilibruar të jashtme, e cila respekton të gjitha qëllimet tona strategjike”, tha Daçiç gjatë një vizite në Timisoara të Rumanisë, raporton “FoNet”.

Sipas kryediplomatit serb, BE aktualisht ka probleme më të mëdha sesa anëtarësimi i vendeve të Ballkanit Perëndimor.

Greqia dëbon 966 të huaj, shumica shqiptarë

Greqia ka kthyer në vendet e origjinës 966 shtetas të huaj përgjatë muajit shtator. Ata janë cilësuar të paligjshëm për territorin grek, ndërsa janë depërtuar, shkruan gazeta greke “Zougla.gr”.

Më shumë se gjysma e tyre kanë qenë shqiptarë, pasuar nga irakenë, gjeorgjianë, pakistanezë, iranianë, turq, algjerianë dhe sirianë, shifra këto të policisë greke.

Numri më i madh i të kthyerve janë shqiptarë, 486 persona, nga Iraku 139, 79 nga Gjeorgjia, 69 nga Pakistani, 53 nga Irani, 20 nga Turqia, 18 nga Algjeria si dhe 12 nga Siria.

NATO dhe Serbia me ushtrime të përbashkëta të emergjencave civile

Mlladenovac, 8 tetor 2018.

Sekretari i përgjithshëm i NATO-s, Jens Stoltenberg, së bashku me presidentin e Serbisë Vuçiq, morën pjesë në ceremoninë e hapjes së stërvitjeve të emergjencave civile në qytetin Mlladenovac, 50 kilometra larg Beogradit.

“Është shumë kënaqësi të gjendem këtu dhe të shoh se si Serbia dhe NATO-ja punojnë së bashku. Ky është ushtrimi më i madh i këtij lloji dhe hera e parë që po mbahet në Serbi”, tha Stoltenberg.

Stërvitjet “Serbia 2018” organizohen bashkërisht nga NATO, Qendra Evropiane për Koordinimin e aktiviteteve në ofrimin e përgjigjeve ndaj emergjencave dhe Ministria e Brendshme e Serbisë.

Stoltenberg tha se ushtrimet “Serbia 2018” nuk janë ushtarake, por civile dhe një mundësi për testimin e teknologjisë së re.

“Ushtrimet janë në shërbim të NATO-s, Serbisë dhe rajonit. Ajo që mësojmë këtu, na ndihmon të jemi më të përgatitur”, tha Stoltenberg.

Në këto stërvitje civile marrin pjesë 2,000 shërbyes nga 38 vende.

“Më vjen mirë që njerëz nga 38 vende mund t’i ndihmojnë njëri-tjetrit. Bëhet fjalë për shpëtimin e jetës dhe ndihmën ndaj njëri-tjetrit. Vërshimet kanë treguar rëndësinë e bashkëpunimit ndërkombëtar dhe reagimit të shpejtë. Detyrë e jona është t’i ndihmojmë të tjerët nëse gjenden në situatë të njëjtë”, tha në hapje të ushtrimeve presidenti i Serbisë, Aleksandar Vuçiq.

Ai potencoi se Serbia “duhet të bashkëpunojë me NATO-n, pavarësisht së kaluarës”.

“Shumë kush ka pyetur: çfarë ju duhet NATO?! Serbia është neutrale në aspektin ushtarak, por ka dhe do të ketë bashkëpunim të mirë me NATO-n. Do të ketë raporte të mira, sikurse me Rusinë dhe vendet tjera”, tha Vuçiq.

Në vazhdim të vizitës në Serbi, të cilën e nisi më 6 tetor, Stoltenberg do të bisedojë në Beograd me presidentin Vuçiq për raportet e Serbisë me NATO-n në kuadër të dialogut që e organizon Forumi për Siguri.

Me të arritur në Beograd, ai bisedoi me studentë të Fakultetit Filologjik, ndërsa në një deklaratë për televizionin publik serb theksoi rëndësinë e vazhdimit të dialogut midis Prishtinës dhe Beogradit për normalizimin e marrëdhënieve.

“Dialogu është i nevojshëm për t’i kapërcyer dallimet dhe për të gjetur një zgjidhje politike. NATO e mbështet këtë dialog jo vetëm në aspektin politik, por edhe për arsye se kemi prezencë në Kosovë përmes KFOR-it, detyra e të cilit është ofrimi i sigurisë. Edhe më tutje do të jemi aty për t’i mbrojtur të gjitha komunitetet”, tha Stoltenberg.

Nacionalisti serb Milorad Dodik zgjidhet në presidencën e Bosnjës

Nacionalisti Milorad Dodik është shpallur fitues për ulësen e serbëve në presidencën tripalëshe të Bosnjës, derisa priten rezultatet përfundimtare më vonë gjatë ditës së hënë.

Ngritja e liderit të linjës së ashpër në zyrën kryesore, pozitë të cilën do ta ndajë me liderin mysliman dhe atë kroat, mund të shtrijë nacionalizmin në Bosnjën e cila është përballur me luftë dy dekada më parë.

Dodik, lideri prej kohësh i serbëve të Bosnjës në Republikën Serbe, ka kërcënuar më herët se do të organizojë votime për të ndarë këtë rajon, çka do të mund të komplikonte marrëveshjen që ka siguruar paqen në këtë rajon nga konflikti i viteve 1992-95.

Tani ai do të bashkudhëheqë shtetin, të cilit i është referuar si “koncept i dështuar”.

“Fitorja ime është e pastër”, ka thënë Dodik nga Banja Lluka, i cili njëherësh është kryeqyteti i subjektit me shumicë serbe.

Ai ka thënë se ka fituar 56 përqind të votave, duke mundur rivalin Mlladen Ivaniq, pas publikimit të rezultateve, kur janë numëruar 85 për qind të votave.

Komisioni Zgjedhor ka konfirmuar udhëheqjen e Dodikut, ndonëse rezultatet përfundimtare pritet të bëhen publike më vonë gjatë ditës.

Ivaniq në anën tjetër ka thënë se duhet pritur ende deri në shpallje të fitores.

“Ne do të presim raportin e vëzhguesve tanë për të parë nëse gjithçka ka shkuar mirë”, ka thënë ai në një adresim televiziv.

Dalja në këto zgjedhje ka qenë 53.3 përqind, në shtetin me ku 3.3 milionë persona kanë pasur të drejtë vote.

Sefik Gjaferoviq nga Partia për Aksion Demokratik, ka udhëhqur në garën për ulesën boshnjake në presidencë, duke fituar 38 për qind të votave.

Ndërkohë, social-demokrati Zheljko Komshiq, që ka shërbyer dy mandate në presidencë, ka udhëhequr me 49.5 për qind të votave, duke mundur kandidatin tjetër, Dragan Çoviq.

Çoviq, që ka fituar 38 për qind të votave, ka bërë thirrje për të ndarë kroatët si etni të veçantë në këtë shtet.

Ai ka pranuar humbjen mirëpo ka thënë se “nuk ka parë kurrë më parë” një krizë të tillë në këtë shtet.

Sistemi kompleks i Bosnjës, që për disa konsiderohet jofunksional, është rezultat i luftës në vitet e 90-ta, çka ka rezultuar me tensionim të marrëdhënieve në mes të serbëve, kroatëve dhe myslimanëve.

Në këtë konflikt kanë vdekur 100,000 persona dhe miliona tjerë janë zhvendosur edhe si pasojë e ekonomisë dhe infrastrukturës së dobët.

Marrëveshja për paqe, që ka ndalur luftimet, ka ndarë shtetin në dy pjesë, njërën të dominuar nga serbët dhe tjetrën në shtëpi të myslimanëve dhe minoritetit kroat.

Andaj Bosnja është e ndarë në tri etni, Republikën Serbe e dominuar nga serbët dhe Federata Myslimano-Kroate e boshnjakëve dhe kroatëve.

Të dyja subjektet janë të lidhura nga institucione të nivelit të njëjtë në presidencën tripalëshe.

Ata funksionojnë së bashku nga një administratë relativisht e dobët e udhëhequr nga presidenca tripalëshe, e cila ka sistem rotativ në mes të anëtarëve që kanë fituar pozita, çdo tetë muaj.

Përveç zgjedhjes së liderëve në presidencë, votuesit kanë zgjedhur më 7 tetor edhe ligjvënësit parlamentarë dhe ata në kantone.

Ndasi dhe udhëheqje

Para mbajtjes së zgjedhjeve, shumë politikanë kanë bazuar fushatën e tyre në retorikë nacionaliste.

Gjatë fushatës, Dodik ka përsëritur pretendimet se Bosnja “nuk është shtet” dhe se kryeqyteti i këtij vendi Sarajeva, është “territor i huaj”.

Pasi ka votuar në ditën e diel, lideri serb ka thënë se do të punojë me insititucionet boshnjake mirëpo “në interes dhe përfitim të Republikës Serbe”.

Një njeri kalon pranë një posteri ku shkruan “Nën flamurin e Sërpskas – për unitetin e Sërpskas”. Banja Lluka, 5 tetor, 2018.

Një njeri kalon pranë një posteri ku shkruan “Nën flamurin e Sërpskas – për unitetin e Sërpskas”. Banja Lluka, 5 tetor, 2018.

Dodik, i njohur si pro-rus, është pjesë e listës së zezë të Shteteve të Bashkuara, për kërcënim të integritetit të Bosnjës.

Si do të shfrytëzojë pozitën e tij, mbetet të shihet.

Analistja politike, Tanja Topiq ka thënë se skenari më ekstrem do të ishte ashtu që ai të punojë drejt “ndarjes së Bosnjës’.

Zhgënjmi

Në mesin e popullatës ekziston zhgënjim ndaj klasës politike, të cilët besohet se kanë fituar pozitat e tyre duke u bazuar në nacionalizëm, në vend të uljes së problemeve ekonomike.

Me një mesatare të pagave mujore rreth 430 euro, një e pesta e popullatës në këtë shtet është e papunë.

“Asnjë parti nuk përmbush pritshmëritë e mia si qytetare”, ka thënë Danica Odoviq, 47-vjeçare e cila ka votuar në Banja Llukë.

Ajo ka thënë se do të votojë vetëm për “ndryshime dhe jo sepse besoj se të tjerët janë më të mirë”.

Ekspertët në anën tjetër besojnë se struktura e tillë politike në Bosnjë pengon reformat dhe krijon hapësirë për më shumë ryshfet.

Sipas, Transparency International, korrupsioni është problem serioz “në të gjitha nivelet e Qeverisë”.

“Shumica e të rinjve e shohin të ardhmen e tyre jashtë Bosnjës”, ka thënë analisti Zoran Kresiq.

Dëgjimi i “tregimeve të njëjta, mesazheve të luftës dhe pamundësisë për të jetuar së bashku, është mjaftueshëm demotivues që njerëzit të mos qëndrojnë”, ka shtuar ai.

Përgatiti: Krenare Cubolli

Flisnin shqip në Serbi, rrihen barbarisht dy shqiptarët

Dy shqiptarë janë goditur në mbrëmjen e djeshme në një rrugë në Novi Sad, ndërsa gjendja shëndetësore e njërit prej tyre është e rëndë.

Siç raportojnë mediat kosovare, të rinjtë janë goditur për shkak se ata flisnin në gjuhën shqipe. Policia ka njoftuar se dy të rinjtë e dhunuar janë G.B dhe C.M të lindur në vitin 1999. Për këtë ka reaguar edhe Shoqata e Shqiptarëve me seli në Novi Sad dhe ka kërkuar që fajtorët të nxirren para drejtësisë, përcjell “rs.n1info.com”.

Shoqata njofton se i riu me inicialet C.M është ne rrezik për jetën pasi ka marrë dëmtime në eshtrat e kokës dhe ka pësuar gjakderdhje ne tru. I riu i është nënshtruar një operacioni. Policia ndërkohë po punon intensivisht për zbardhjen e plotë të ngjarjes së rëndë.

Zyrtarët turq: Një gazetar saudit është vrarë në konsullatën saudite në Stamboll

Zyrtarët turq kanë arritur në përfundimin se një gazetar saudit që kishte banuar në mërgim të vetëimponuar në Shtetet e Bashkuara, është vrarë në konsullatën saudite në Stamboll javën e kaluar, kur kishte shkuar për të marrë një dokument që i duhej për t’u martuar.

Megjithatë zyrtarët sauditë thonë se akuzat janë pa bazë.

E fejuara e Jamal Khashoggit, që po priste për të jashtë konsullatës të martën, thotë se ai nuk doli më nga ndërtesa.

Khashoggi, një shtetas saudit dhe bashkëpunëtor i gazetës Washington Post, shkoi në mërgim vitin e kaluar kur autoritetet saudite filluan të shtypin zërat e disidentëve. Gazetari kishte qenë kritik ndaj Princit saudit, Muhammad bin Salman.

I pyetur për njoftimet se gazetari ishte vrarë në konsullatën saudite, një zëdhënës i Departamentit të Shtetit tha se “nuk mund t’i konfirmojmë këto njoftime, por po e ndjekim me vëmendje situatën”.

Fred Hiatt, drejtori i faqes së editorialeve të gazetës Washington Post tha në një deklaratë se “nëse njoftimet për vrasjen e Jamalit janë të vërteta, është një veprim monstruoz dhe i paimagjinueshëm”.

Hatice Cengiz, e fejuara turke e Khashoggit i tha gazetës New York Times se zyrtarët turq nuk ia kanë konfirmuar vdekjen e tij. Ajo i tha gazetës se nuk mund të imagjinojë se si mund të ndodhë një incident i tillë në Turqi.

Historiani serb: Presheva me rëndësi për Serbinë, s’mund të shkëmbehet

Duke folur për mundësinë e shkëmbimit të veriut të Kosovës me me Luginën e Preshevës, historian serb, Milan Protic ka thënë se kjo është një alternativë e cila nuk do t’i shkonte për shtat Serbisë.

Në një intervistë për portalin serb “Blic”, Protic ka thënë se një ide e tillë do të ishte e dëmshme dhe njëkohësisht e dobët, transmeton lajmi.net.

Madje ai bën një krahasim mes serbëve të veriut dhe atyre të ‘Perëndimit të Egër’ në Amerikë.

“Veriu i Kosovës, është sikur të thuash një perëndim i egër në një krahinë të civilizuar, dhe ky është problemi më i madh”, ka thënë ai.

Megjithatë, Potric shton se vizioni i tij për marrëveshjen finale mes dy vendeve do të ishte pranimi i pavarësisë së Kosovës, e cila Serbisë do t’i siguronte anëtarësimin në BE, dhe që njëkohësisht sipas tij do të mundësonte lëvizjen e serbëve të veriut në Serbi, dhe të shqiptarëve të Jugut në Kosovë.

Sipas tij Serbia duhet të zgjedhë mes të dyjave ose asnjërës.

“Jugu, ose Lugina është shumë e rëndësishme për Serbinë sepse aty mund të kalohet në autostradë, dhe nëse Serbia e humb fushën e Vardarit-Moravës, ajo e ka humbur shtëpinë e saj të fuqishme”, ka thënë ai.

E megjithatë, sipas historianit serb është e pamundur që të dyja këto regjione të jenë pjesë e Serbisë.

Kujtojmë se kundër korrigjimit të kufijve tashmë është vetëm Gjermania.

Ndërkaq, nga zyrtarë amerikanë është thënë se Kosovës dhe Serbisë i duhet dhënë hapësirë për arritjen e një zgjidhjeje të qëndrueshme.

Jeremiç: Korrigjimi i kufijve shkëndijë për konflikt në Ballkan

Kryetari i Partisë Popullore, Vuk Jeremic, në hapjen e “Global Forum Pearson” që po mbahet në Universitetin e Çikagos, komentoi idenë e korrigjimit të kufijve mes Kosovës dhe Serbisë, dhe se çka do të sillte kjo për Ballkanin.

Ai tha se korrigjimi në bazë të vijave etnike në Kosovë do të mund të jetë shkëndija e një konflikti të ri në Ballkan, dhe i bëri thirrje ndërkombëtarëve ta parandalojnë një gjë të tillë, transmeton lajmi.net.

Jeremic, i cili është ish-ministri i Punëve të Jashtme të Serbisë, tha se Beogradi dhe Prishtina janë të inkurajuar ta arrijnë një marrëveshje përmes korrigjimit të kufijve.

“Është e sigurt se një precedent i tillë shkaktoi një zinxhir të ngjarjeve. Korrigjimi i kufijve mund të jetë shkëndija që nisë konflikte të reja në Ballkan,” tha ai.

Jeremic vlerësoi se demokracia në Ballkan po përkeqësohet nga indiferencën e Evropës.

Në Novi Pazar gjendet një varrezë e lashtë e përbashkët me të krishterë dhe myslimanë

NOVI PAZAR – Në afërsi të Kishës së Shën Pjetrit në Novi Pazar arkeologët kanë gjetur varreza të mesjetës, në të cilat, në bazë të analizave të para, janë varrosur të krishterë dhe myslimanë. Hulumtimet e deritanishme arkeologjike tregojnë se është një gjetje e rëndësishme dhe shembull i parë i këtij lloji në Ballkan.

Sipas arkeologëve nga muzeu “Ras” në Novi Pazar nga Instituti Arkeologjik në Beograd, të cilët po udhëheqin kërkimet arkeologjike në këtë vend, për herë të parë në këtë zonë, për këtë periudhë është identifikuar një mënyrë specifike për shënjimin e vendeve të varreve, duke vendosur një gur dhe një pllakë të bukur guri në vendin e kokës dhe këmbës së të vdekurit duke shënuar varrezën.

Arkeologët e angazhuar në këtë hulumtim, të mbështetur nga Ministria e Kulturës dhe Informacionit e Republikës së Serbisë përmes projektit, besojnë se “ose studiuesit nuk kanë regjistruar ende një mënyrë të tillë për të shënuar varre ose rezultatet e tyre nuk janë publikuar dhe publikisht janë të njohura”.

Ata mbështeten në vlerësimet e tyre, dhe në bazë të gjetjeve arkeologjike të gjetura në varret dhe rreth tyre, ky nekropol mund të vendoset në periudhën e shekullit të 14-të deri në shekullin e 18-të.

Vladan Vodosavljeviç, arkeolog i muzeut “Ras” në Novi Pazar, thotë se bazuar në orientimin e varreve në lokalitetin “thellë mbi shtëpi”, mund të konstatohet dhe të jepet një interpretim që, përveç të krishterëve, në varrezat e njëjta, është varrosur edhe popullsia muslimane.

“Ne gjetëm disa varre, orientimi i të cilave është e kundërta e të tjerëve. Këto skeletë janë të orientuara në drejtimin juglindje-veriperëndim dhe kjo neve na solli deri te konkluzionin të mendojmë se në këtë varrezë janë varrosur edhe banorë që kanë pranuar Islamin. Kjo me siguri, me analizë të AND-së mund të vërtetohet se ka ekzistuar ndonjë popullatë, se në një moment ka pranuar Islamin dhe se kanë vazhduar të varrosen aty ku janë varrosur paraardhësit e tyre”, tha Vidosavljeviç, duke theksuar se bazuar në hulumtimet e deritanishme arkeologjike nuk dihet se diçka e tillë shfaqet në varreza të tjera.

Më shumë se 120 varre u zbuluan në nekropol dhe nuk kishte një numër të madh gjetjesh arkeologjike. Deri tani, monedha, hallka metalike, unaza, enë qeramike, rroba, varreza të fragmentuara, varreza të thjeshta horizontale të zbukuruara, janë gjetur dy pllaka vertikale: njëra është një kryq dhe një tjetër performancë njerëzore.

Pasi të dërgohen skeletët në Institutin Arkeologjik në Beograd do të dalin përfundimet me të dhënat antropologjike mbi atë se si njerëzit kanë jetuar në këto vise, çfarë traditash kanë pasur, mosha mesatare e tyre, lartësia e tyre, nëse kanë vdekur në mënyrë natyrore ose nga sëmundje dhe të ngjashëm.

Vendndodhja me nekropolin u zbulua rastësisht në vitin 2011 gjatë ndërtimit të një rruge lokale nga kisha e Shën Pjetrit në varrezat e reja ortodokse në Novi Pazar.

Vuçiç: Kutinë e Pandorës e hapën ata që njohën Kosovën

Presidenti serb Aleksandar Vuçiç, ka deklaruar se asnjëherë nuk ka thënë se duhet të bëhet një lloj ndarje e Kosovës mbi baza etnike.

Siç transmeton “Beta” Vuçiç në një intervistë për “Russia Today”, deklaroi se “nevojitet një zgjidhje kompromisi midis serbëve dhe shqiptarëve dhe se nuk mund të ndodhë që shqiptarët të marrin gjithçka, kurse serbët asgjë”.

“Ky është pozicioni i vetëm i Serbisë, që nuk e kemi braktisur kurrë. Pastaj hasëm në reagime të ndryshme. Rusia tha: ‘Mirë, nëse Serbia pajtohet me këtë’, e cila është në përputhje edhe me të drejtën ndërkombëtare. Nga ana tjetër erdhi reagimi i disa vendeve të BE që ishin krejtësisht kundër kësaj, sepse Serbia do të hapte ‘Kutinë e Pandorës’”, tha Vuçiç.

Ai gjithashtu pyeti se kush në të vërtetë e hapi ‘Kutinë e Pandorës’ kur e njohën Kosovën e cila, sipas tij, e shpalli njëanshëm pavarësinë.

Telekomi i Serbisë, një hap afër blerjes së Telekomit të Shqipërisë

Telekomi i Serbisë ka ofruar 61 milionë euro për ta blerë Telekomin e Shqipërisë, që është edhe oferta më e madhe nga 4 të tilla. Mediat në Serbi raportojnë se oferta është bërë për qëllime politike e jo biznesore, pasi shuma është jashtëzakonisht e lartë. Madje, raportohet se oferta mbështetet fuqishëm nga autoritetet në Beograd, të cilët kanë intervenuar në “Dojçe telekom” dhe te qeveria shqiptare, për t’i bindur që ta pranojnë ofertën serbe.

Kompania serbe ka konfirmuar për Danas se kanë bërë ofertë për blerjen e Telekomit shqiptar.

“Kompania e Telekomit të Serbisë pasi dëshiron të pozicionohet si lider rajonal në tregun e telekomunikacionit ka bërë ofertën e saj për blerjen e Telekomit të Shqipërisë, në pronësi të Dojce Telekom”, ka thënë kjo kompani.

Ata nuk kanë dhënë detaje tjera pasi procesi është në zhvillim e sipër.

Po ashtu, bëhet e ditur se interesim për blerjen e kësaj kompanie kanë treguar edhe kompania “Eagle Mobile”, e cila është kompania e tretë për nga fuqia në tregun shqiptar, një kompani greke si dhe një investitor bullgar, Spas Rusev, që është edhe pronar i kompanisë më të madhe bullgare Vivakom.

Sipas Danas, afati për dorëzimin e ofertave ka qenë 17 shtatori, por përkrah këtyre tre kompanive është shfaqur edhe Telekom Srbija e cila sipas burimeve të kësaj gazete, ofertën e saj e ka bazuar në “motive jobiznesore pasi ka dhënë një ofertë shumë të lartë gati joracioanale”.

Madje, thuhet se Telekomi i Serbisë ka mbështetje të fortë të autoriteteve serbe, të cilët nëpërmjet intervenimeve në Dojçe Telekom kanë kërkuar të ndërhyjnë te Qeveria Shqiptare dhe autoritetet rregullatve që ta pranojnë ofertën serbe.

Siç thuhet oferta e investitorit grek ka qenë e lartë, por financimi i transaksionit të plotë nuk është siguruar. Ofertuesi serb thuhet se do të mundë të kishte problem ta marrë pajtimin e trupit për mbrojtjen e konkurrencës derisa oferta bullgare ka qenë më e ulëta.

Telekomi shqiptar ose T-mobile Shqipëria është pronë direkte e kompanisë greke COSMOTE (OTE), ku aksionet më të mëdha i ka Dojçe telekom (45 përqind) dhe shteti grek (5 përqind), derisa pjesa tjetër është pronë e investitorëve institucionalë.

Sheshel: 1000 ushtarë serbë të jenë të gatshëm për të hyrë në Kosovë

Kryetari i Partisë Radikale Serbe (SRS) Vojisllav Sheshel deklaroi se Serbia duhet të ketë 1000 ushtarë të gatshëm që të ndërhyjë me krizën e parë në Kosovë.

Gjatë fjalës së tij në Kuvendin e Serbisë, Sheshel shtoi se nuk ka kuptim që shqiptarët provokojnë gjithmonë krizë.

“Nëse duhet të bëhen përforcime, hyjnë përforcimet. Nëse keni nevojë për një forcë ajrore, hyjnë forcat ajrore”, tha ai, ndërsa shtoi se Rusia ka garantuar që mos ta lërë Serbinë në baltë.
(BalkanWeb)

Kotzias: Rezultati i referendumit në Maqedoni i kënaqshëm

ATHINË – Ministri i Jashtëm grek, Nikos Kotzias, ka theksuar se rezultati i referendumit në Maqedoni ishte i kënaqshëm pavarësisht nga pjesëmarrja e ulët e qytetarëve në votim.

Në një program në televizionin shtetëror të Greqisë (ERT), Kotzias, ka folur për referendumin konsultativ i cili u mbajt në Maqedoni më 30 shtator.

“Pjesëmarrja në referendum, fillimisht mund të konsiderohet e ulët për ata që nuk e njohin politikën në Ballkan dhe të vërtetën e Maqedonisë. Kjo është e logjikshme sepse po të vërehet sesa vota përbëjnë 38 për qind, sa vota janë përdorur në zgjedhjet e mëparshme dhe po të bëhet një analizë e drejtë do të vërehet se nuk është edhe aq e ulët. Zaev në referendum ka marrë votat më të larta që mund të merrte”, është shprehur kryediplomati grek.

Më tej Kotzias ka mbrojtur i idenë e tij se lista zgjedhore në Maqedoni nuk është përditësuar që prej një kohe të gjatë dhe se të paktën 400 mijë shtetas të Maqedonisë jetojnë jashtë vendit. “Numri i vërtetë i votuesve në vend është rreth 1 milionë e 200 mijë. Në këtë situatë Zaev konsiderohet se ka marrë vota mbi 50 për qind. Dhe kjo e përbën shumicën”.

Në lidhje me presidentin e Maqedonisë, Gjorgje Ivanov, i cili ka kundërshtuar ndryshimin e emrit të vendit, Kotzias ka pretenduar se Ivanov është zgjedhur me më pak vota se votat “po” të dala në refundim. Ai ka theksuar se “Ivanov, presidenti i keq i vendit fqinj është zgjedhur president me 520 mijë vota. Ndërsa numri i votave në referendum është 530 mijë”.

Shefi i diplomacisë greke, duke theksuar se nuk do të jetë i lehtë miratimi i rezultateve të referendumit në Parlamentin e Maqedonisë, ka pretenduar se Zaev do të fitojë sërish në rast se shkohet në zgjedhje të parakohshme.

“Referendumi është një preferencë e Qeverisë së Maqedonisë, është përfshirë në marrëveshjen e Prespës, por jo si parakusht për zbatimin e marrëveshjes”, tha Kotzias, duke vënë theksin se në çdo rast, rezultati i referendumit nuk do të ndikojë në zbatimin e marrëveshjes për të zgjidhur çështjen e emrit me Greqinë.

Nëse në Maqedoni gjithçka përfundon ashtu siç është përcaktuar, Kotzias tha se marrëveshja në fjalë do të dërgohet në Parlamentin e Greqisë deri në muajin mars dhe se qeveria e Athinës ka planifikuar ta miratojë në kuvend marrëveshjen. aa

Rusia zhvillon manovra ushtarake në Serbi (Video)

Ministria e Mbrojtjes e Rusisë njofton se sot në territorin e Republikës së Serbisë nis një stërvitje taktike e përbashkët ajrore ruse-serbe e quajtur “BARS-2018”.

 

Në stërvitje marrin pjesë ekipet e përbashkëta të forcave ajrore ruse dhe forcave ajrore të Serbisë me avionët luftarakë MiG-29 dhe helikopterë multi-funksional Mi-8.

 

Stërvitja do të realizohet në periudhën prej 1 deri më 5 tetor dhe do të përdoren deri në 10 avionë të Armatës së Serbisë.

 

 

Si pjesë e stërvitjes, pilotët e aviacionit luftarak do të kryejnë detyrat e kapjes së objektivave në ajër, ushtrimin e elementeve të luftimit në ajër, figurave komplekse të manovrimit dhe goditjeve taktike mbi objektivat tokësore.

 

“Ekuipazhet e helikopterëve do të stërviten për kërkimin dhe shpëtimin” – thotë deklarata e Ministrisë së Mbrojtjes të Rusisë.

Shtëpitë “Hobbit” në Sivas tërheqin vëmendjen e vizitorëve

Shtëpitë të cilat Bashkia Sivas në Turqi i ka ndërtuar në një hapësirë në afërsi të qytetit duke u frymëzuar nga “shtëpitë Hobbit” në filmin “The Lord of the Rings” ka ngjallur një interes për vizitorët dhe turistët jashtë vendit.

Shtëpitë të cilat në etapën e parë u ndërtuan 7 prej tyre në kodrinë dhe të cilat tërheqin vëmendjen me arkitekturën e tyre, ofrojnë për vizitorët mundësi akomodimit në komoditetin e një hoteli të ndërthurur me natyrën. Me rritjen e kërkesës, e cila shtohet dita ditës numri i shtëpive të ndërtuara në kuadër të projektit të punimeve për fazën e dytë u rrit në 24.

Gjithashtu për shkak të kërkesave të mëdha nga jashtë vendit planifikohet që të rritet në 50 numri i shtëpive ‘Hobbit‘ të cilat janë ndërtuar me kushtet për të plotësuar të gjitha nevojat e një familjeje, përfshirë brenda tyre kuzhinë, dhomë pritjeje, dhomë gjumi dhe ambiente të tjera të nevojshme.

Shtëpitë “Hobbit” në Sivas tërheqin vëmendjen e vizitorëve

Kryetari i Bashkisë së Sivasit, Sami Aydın, në një deklaratë për AA tha se kanë ndërtuar shtëpitë ‘hobbit‘ në nëntokë në një hapësirë e cila ka në pah bukurinë natyrore dhe afërsinë me qendrën e qytetit.

Aydın ka bërë të ditur se i kanë ndërtuar këto shtëpi duke i parashikuar që ato të jenë të ngrohta në dimër dhe të freskëta në verë për shkak të arkitekturës së tyre që janë ndërtuar të ngulitura në tokë dhe se me rritjen e interesit publik ata kanë rritur numrin e shtëpive ‘Hobbit‘.

Ai tha se në kuadër të kërkesave e kanë rritur në 24 numrin e shtëpive. “Planifikojmë që këtë numër ta rrisim në 40-50. Shohim se ato janë pëlqyer shumë. Kemi vërejtur se njerëzit me familjet e tyre e kanë larguar lodhjen e një viti për disa ditë që kanë qëndruar në këto ambiente natyrore”, shtoi Aydın.

 

Sipas tij, ka kërkesa kryesisht nga vendet e Lindjes së Largët. “Njerëzit kanë nevojë për vende të tilla, sepse qytetet betonizohen çdo ditë e më shumë. Shohim se ka kërkesa jo vetëm brenda por edhe jashtë vendit ku njerëzit kanë dëshirë të vijnë dhe të vizitojnë si dhe të qëndrojnë në këto vende madje edhe në grupe. Kërkesat janë edhe nga vendet e Lindjes së Largët përfshirë Malajzinë. Besoj se me kohë kërkesat do të jetë edhe më të shumta nga vende të ndryshme”, thotë Aydın.

“Njerëzit kudo mund të gjejnë hotele me pesë yje, por është e vështirë të gjesh një vend në natyrë, një vend ku fëmijët mund të luajnë qetë dhe ku ju mund të pushoni”, tha Aydın duke shtuar se shtëpitë “Hobbit” janë një projekt i bërë me qëllimin për të përmbushur këto nevoja.

Në vijim Aydın thotë se ky projekt i ndërtuar për herë të parë në qytetin Sivas të Turqisë përbën një shembull, një model për shumë qytete, ku edhe bashkitë e qyteteve tjera kanë kontaktuar me të për punime të ngjashme.

Shtëpitë të cilat Bashkia Sivas në Turqi i ka ndërtuar në një hapësirë në afërsi të qytetit duke u frymëzuar nga “shtëpitë Hobbit” në filmin “The Lord of the Rings” ka ngjallur një interes për vizitorët dhe turistët jashtë vendit. ( Sercan Küçükşahin – Anadolu Agency )

Vuçiçi urdhëron ushtrinë të vihet në gjendje gatishmërie për luftë

BEOGRAD- Presidenti i Serbisë, Aleksandr Vuçiç ka reaguar pasi pjesëtarë të Njësisë Speciale të Kosovës kanë shkuar në pjesën veriore të Kosovës.

Reagimi i Vuçiçit vjen pasi Policia e Kosovës ka kryer një operacion kontrolli në Qendrën Sportive dhe Humanitare atje.

Sipas mediave serbe, rreth 60-të efektivë të Policisë kanë kontrolluar këtë qendër.

Nga zyra e Presidentit serb njoftohet se Vuçiç ka dhënë urdhër që ushtria e Serbisë të vihet në gjendje gatishmërie për luftë, “pasi Njësitet Speciale kanë kryer ndërhyrje në veri të Kosovës”.

Edhe ministri i Punëve të Brendshme të Serbisë, Nebojsha Stefanoviç, tha sot se e ka urdhëruar drejtorin e policisë serbe që të gjitha njësitet speciale të policisë të jenë në gjendjen më të lartë të gatishmërisë, pas raportimeve të mediave serbe se forcat speciale të Policisë së Kosovës kanë hyrë në veri.

(BalkanWeb)

Daçiç në OKB: Zgjidhja e çështjes së Kosovës, prioritet kombëtar

Ministri i jashtëm serb Ivica Daçiç ka thënë se prioritet nacional i Serbisë është gjetja e zgjidhjes politike për Kosovën.

“Për Serbinë është i pakontestueshëm vendi qendror dhe roli i Kombeve të Bashkuara, ndërsa objektivat e parimet janë definuar me Kartën e Kombeve të Bashkuara dhe sot janë njësoj të nevoshëm”, ka thënë ministri i punëve të jashtme i Serbisë, Ivica Dacic në Samitin në New York në prag të fillimit të Asamblesë së Përgjitshme.

“Barazia sovrane e shteteve, heqja dorë nga përdorimi i dhunës, mospërzierja në punët e brendshme të shteteve tjera, respektimi i sovranitetit dhe integritetit territorial, zgjidhja ne paqe e konflikteve dhe respektimi i dallimeve, janë parime aktualiteti i të cilave nuk e ka humbur rëndësinë”, ka thënë Dacic.

Sipas tij, Serbia mbështet pjesëmarrjen e barabartë të shteteve në sistemin e qeverisjes globale.
Dacic ka thënë se “prioritet nacional i Serbisë është gjetja e zgjidhjes politike për Kosovën”.

Sipas tij, “Serbia, duke mbrojtur sovranitetin dhe integritetin territorial, mbron të drejtën ndërkombëtare, Kartën e OKB-së, ruajtjen e paqes e sigurisë dhe identitetin e saj historik”.

Ai ka shtuar se “Serbia është me sinqeritet e përkushtuar për paqe e dialog, i cili me ndërmjetësimin e BE-së po zhvillohet ndërmjet Beogradit e Prishtinës, si dhe impelentimin e marrëveshjeve të arritura”.

“Duke udhëhequr politike të përgjegjshme, do të bëjmë gjithëçka që interesat e popujve tanë, paqja rajonale dhe stabiliteti të jenë të mbrojtura”, ka thënë Dacic sipas medieve serbe.

Është e ditur se Serbia, duke pasur mbështetjen e Kinës dhe Rusisë, të cilat kanë veto në Këshillin e Sigurimit, do pengojë anëtarësimin e Kosovës në organizatën botërore, prandaj edhe e thekson “rolin qëndror” të OKB-së.

Presidentja kroate ia kujton Thaçit në New York parimin e mosndryshimit të kufijve

Kundër idesë së presidentit të Kosovës, Hashim Thaçi, për shkëmbimin e territoreve, apo siç po e quan ai “korrigjim të kufijve”, tashmë ka dalë edhe Kroacia. Presidentja e Kroacisë, Kolinda Grabar-Kitaroviq, gjatë takimit me Thaçin në New York, ia ka kujtuar këtij të fundit “parimin e Komisionit të Badinterit që kufijtë në territorin e ish-Jugosllavisë duhet të mbesin të gdhendur në gurë”, shkruan Gazeta Express.

Dialogu mes Prishtinës dhe Beogradit dhe ideja për korrigjimin e kufijve ishin temë diskutimi në takimin mes Presidentes së Kroacisë, Kolinda Grabar-Kitaroviq dhe Presidentit të Kosovës, Hashim Thaçi.

E Kitaroviq gjatë këtij takimi i ka kujtuar edhe një herë presidentit Thaçi ne New York, parimin e mosndryshimit të kufijve.

“Ishte interesante të flisja me presidentin e Kosovës, Thaçin, për marrëdhëniet mes Beogradit dhe Prishtinës dhe për temën që po dëgjohet së fundmi rreth mundësisë së shkëmbimit të territoreve. Këtu, ne jemi shumë të kujdesshëm dhe i kam treguar argumentet dhe qëndrimet tona si dhe faktin e parimit të Komisionit të Badinterit që kufijtë e ish-Jugosllavisë duhet të mbeten të gdhendura në gurë”, ka thënë presidentja Grabar-Kitaroviq, raporton Hina.

Sipas agjencisë kroate të lajmeve, Hina, thekson se Grabar-Kitaroviq është takuar edhe me sekretarin e Përgjithshëm të OKB-së, Antonio Guterres, me të cilin “ka ndarë shqetësimin rreth situatës në Evropën Juglindore në lidhje me proceset e rëndësishme që do të pasojnë brenda një kohe të shkurtër”.

“Ishte një takim shumë produktiv. Vlerësoj faktin se ai në këto ditë do të ketë 128 takime dhe jemi pajtuar se do të vazhdojmë dialogun. Ndamë shqetësimet për gjendjen në Evropën Juglindore, proceset që do të hapen në të ardhmen, duke filluar nga zgjedhjet në Bosnje e Hercegovinë dhe faktin se nuk ka ndryshuar ligji i zgjedhjeve, nëpërmjet bisedimeve mes Beogradit e Prishtinës, deri në pritjen e rezultateve të referendumit të Maqedonisë për emrin e shtetit”, ka thënë Grabar-Kitaroviq.

Vuçiç: Politika ime për Kosovën ka pësuar disfatë

Presidenti i Serbisë, Aleksandër Vuçiç, tha të hënën se politika e ndjekur pesë vjet për ta rikthyer çështjen e Kosovës në tryezën e bisedimeve, ka pësuar disfatë. Ai i bëri këto komente në mbledhjen e Këshillit Drejtues të Partisë Përparimtare serbe.

“Politika ime që Serbia të ruajë shumë gjera në Kosovë, qartazi në Serbi nuk ka fituar, sepse serbët duan të humbin gjithçka, më së shumti dëshirojnë të vajtojnë mbi fatin e tyre. Më shumë duan të qajnë për diçka që është e largët, sesa të kenë diçka në duart e tyre… Raundin e parë e fitoi Serbia e shkatërrimit, Serbia e vajit e jo Serbia që fiton”, tha ai duke nënvizuar se druan që nuk do të ketë një mundësi të re, por ai do të “luftojë edhe më fuqishëm për popullin serb në Kosovë. Do të luftojmë që ata njerëz të jetojnë më mirë dhe të kenë më shumë te drejta”, tha ai.

Presidenti serb tha se shumë ‘lojtarë’ nga perëndimi nuk duan që Serbia të përzihet në Kosovë dhe kjo është rrjedhojë e “politikës katastrofale dhe të papërgjegjshme që është udhëhequr në të kaluarën”.

“Vetveten e kemi larguar nga Kombet e Bashkuara më 2010. Vetë e kemi gjykuar vetveten më opinionin e Gjykatës Ndërkombëtare të Drejtësisë. Në vitin 2011 kemi vënë kufirin ndërmjet serbëve në Jarinjë”, tha ai.

Ai foli të hënën edhe për fjalimin e tij në Mitrovicë në fillim të shtatorit gjatë të cilit kishte vlerësuar se ish presidenti serb Sllobodan Milosheviç, ishte udhëheqës i madh” duke vlerësuar se askush nuk ka dashur të dëgjojë se çfarë ka thënë realisht kur e ka përmendur atë.

“Fjalimi im në Mitrovicë ishte fjalim i shkëputjes nga politika e presidentit Millosheviç, por fjalim serioz në të cilin unë nuk e kam fyer personalisht… Politika që e kam paraqitur është shkëputje nga qëllimet, mënyrat e metodat”.

Presidenti i Serbisë, Aleksandër Vuçiç, e kishte shpallur politikë të tij vënien e kufijve ndërmjet shqiptarëve dhe serbëve që nënkupton ndarjen tokësore të Kosovës.

Presidenti i Kosovës, Hashim Thaçi, ngulë këmbë për idenë e tij për korrigjimin e kufirit, që nënkupton bashkimin e Luginës së Preshevës, një rajon me shumicë shqiptare në jug të Serbisë me Kosovën. Ideja e tij kundërshtohet ashpër nga opozita në Kosovë, por edhe një pjesë e partive të koalicionit qeverisës. Madje lëvizja Vetëvendosje ka paralajmëruar edhe protesta kundër tij.

Presidenti i Kosovës Hashim Thaçi dhe ai i Serbisë, Aleksandër Vuçiç gjatë verës kërkuan mbështetje ndërkombëtare për një marrëveshje normalizimi ndërmjet të dyja vendeve, përfshirë edhe mundësinë e korrigjimit të kufijve.

Idetë e tilla nxitën reagime edhe në skenën ndërkombëtare. Një pjesë e vendeve të Bashkimit Evropian, posaçërisht Gjermania dhe Britania e kundërshtojnë ndryshimin e kufijve nga droja për pasojat në pjesën tjetër të rajonit të Ballkanit.

Zyrtarët amerikanë kanë ritheksuar disa herë se “Shtetet e Bashkuara duan t’u japin hapësirë të dyja palëve që të gjejnë një zgjidhje “krijuese”, që do të jetë e qëndrueshme dhe e zbatueshme”. Por, ata thonë se çfarëdo që të jetë marrëveshja, Shtetet e Bashkuara do ta shohin atë dhe do të thonë fjalën e tyre.

Caktohet data e takimit Putin-Vuçiç

Presidenti i Serbisë, Aleksander Vuçiç, pritet të takohet me presidentin rus, Vladimir Putin, me datën 2 tetor.

Sipas Tanjug-ut, tashmë është vendosur data e takimit përderisa edhe vetë ambasadori i Rusisë në Serbi, Aleksander Chepurin, ka thënë se takimi zhvillohet në fillim të muajit tetor dhe se në takimin e dy presidentëve do të diskutohet për çështjet kyçe dypalëshe dhe rajonale.

Presidenti serb dhe ai rus janë takuar edhe më parë në Moskë, ku diskutua për Kosovën, blerjen e pajisjeve ushtarake ruse dhe marrëdhëniet bilaterale në mes dy vendeve.

Vuçiçi: Nuk dua të më thonë se është mirë ta njoh Kosovën

Presidenti i Serbisë, Aleksandër Vuçiç, tha se është gjithmonë për vazhdimin e dialogut me Kosovën, porse është e nevojshme të dihet se cila është tema e tij.

“Unë të shkoj atje dhe të më thonë se do të ishte mirë ta njoh Kosovën dhe se do të isha udhëheqës botëror nëse e bëj një gjë të tillë – nuk dua. Nuk më intereson. Nuk dua të jem udhëheqës botëror. Çka tani? Do të më zëvendësoni si disa? Unë prej këtij vendi nuk ik. As unë, as fëmijët e mi, tre i kam”, tha Vuçiq për gazetarët në Beograd, transmeton Shërbimi i Ballkanit i Radios Evropa e Lirë.

Ai tha se nuk mendon se është zgjidhje që Serbia të mos fitojë asgjë në dialog dhe të poshtërohet.

“Unë nuk do ta pranoj një gjë të tillë. Pikë”, tha Vuçiq.

Prishtina dhe Beogradi, qysh në vitin 2011, po bisedojnë me ndërmjetësimin e Bashkimit Evropian për normalizimin e marrëdhënieve.

Së voni, përfaqësuesit e dy vendeve kanë shpalosur idenë e ndryshimit të kufijve si zgjidhje e mundshme.

Presidenti i Kosovës, Hashim Thaçi, ka thënë se një gjë e tillë mund të sjellë njohjen nga Serbia.

Zbulohet mokra 2.700 vjet e vjetër

VAN – Një grup arkeologësh në lindje të Turqisë kanë zbuluar një gur për bluarje (mokër) që daton nga epoka urartiane.

Gërmimet në një kështjellë urartiane në Çavuştepe zbuluan një gur 2.700 vjet të vjetër që është përdorur për bluarjen e produkteve të drithërave në rrethin lindor të Vanit.

Kreu i ekipit të gërmimit dhe profesor i arkeologjisë në Universitetin Yuzuncu Yil në Van, Rafet Çavuşoğlu, tha se guri drejtkëndor me përmasa 54 me 30 centimetër është përdor me vite.

Ky gur është i katërti i zbuluar që nga fillimi i gërmimeve në kështjellën e ndërtuar nga Mbreti Urartian Sardur i II-të në vitet 750 para lindjes së Krishtit.

“Kur shqyrtuam gurët, kuptuam se ato ishin një nga mjetet më të rëndësishme në të ushqyerit njerëzor”, tha Çavuşoğlu.

Ai gjithashtu tha se rreth 120 enë argjile që mendohet të jenë përdorur në dimër për ruajtjen e grurit, po ashtu janë zbuluar gjatë gërmimeve. aa

Ivica Daçiç: Kosovën e njohim kur të fluturojnë derrat !

Ministri i Punëve të Jashtme të Serbisë Ivica Daçiç  tha se Serbia do ta njohë Kosovën dhe do t’i lejojë të marrë ulëse në OKB “kur të bëjë shelgu rrush apo kur të fluturojnë derrat”.

– Në lidhje me çështjen e Kosovës e Metohisë duhet kërkuar kompromise, tha Daçiqi, i cili deklaratat e presidentit të Kosovës Hashim Thaçit për bashkimin e Luginës së Preshevës i komentoi me fjalët: “ai sigurisht që duhet të thotë diçka, ngase po e sulmojnë nga të gjitha anët”.

Brnabiç: Deklarata e Thaçit për marrjen e Preshevës, jo serioze

Kryeministrja serbe, Ana Brnabic e ka cilësuar jo serioze deklaratën e presidentit të Kosovës, Hashim Thaçi, se nuk do të ketë marrëveshje të paqes nëse Presheva, Bujanoci dhe Medvegja nuk i bashkohen Kosovës.

“Kjo deklaratë është jo serioze dhe unë mendoj se ajo është bërë për qëllime politike të brendshme, për disa brenda në Kosovë. Për këtë çështje nuk është biseduar. Është e pabesueshme për mua se si ata tani shtrihen në territorin e Serbisë qendrore”- ka thënë sot Brnabic, shkruan “Danas”.

Presidenti i Kosovës Hashim Thaçi përsëri propozoi mundësinë e korrigjimit të kufijve në një tekst autorial, përcjell Telegrafi.

“Për ta arritur këtë qëllim, unë kam propozuar opsionin e korrigjimit të kufirit me Serbinë. Kam argumentuar se marrëveshja eventuale e korrigjimit paqësor të kufirit me Serbinë, Kosovës i siguron njohjen nga Serbia dhe bashkëngjitjen e Preshevës, Bujanocit dhe Medvegjës me vendin tonë. Kam pritur kundër argumente racionale, por deri më sot kam dëgjuar më tepër zhurmë dhe në rastin më të keq edhe urrejtje. Kosova është vend shumë i vogël për të prodhuar kaq urrejtje, e cila e ndan shoqërinë tonë”, ka shkruar ndër tjerash Thaçi.

Në anën tjetër, ministri i jashtëm serb, Ivica Daçiq ka thënë sot se Serbisë i sugjerohet se korrigjimi i kufijve nuk është në opsion, sepse është joreale dhe se Beogradi nuk guxon ta kërkojë këtë. Ai tha se Serbisë po i ofrohet formimi i Asociacionit në këmbim të njohjes së pavarësisë së Kosovës, gjë që, sipas tij, nuk do të ndodhë.

Cedomir Jovanoviç: ‘Korrigjimi i kufijve me Kosovën kërcënon sigurinë në Ballkan’

Kryetari i Partisë më të madhe opozitare në Serbi, Cedomir Jovanoviç iu është bashkuar deklaratave për korrigjimin e kufijve mes Kosovës e Serbisë. Ai e cilësoi Kosovën si “rast i veçantë”, ndërsa shtoi se ideja e ndryshimit të kufijve në Ballkan nuk është përgjithësisht e mirë.

“Në përgjithësi, ndryshimi i kufijve nuk është i mirë. Kjo është një nga parimet e bazës së politikës së sigurisë. Kur i tërë rajoni ta ketë kuptuar se nuk ka asnjë çështje kombëtare që mund të zgjidhet pa pëlqimin e shteteve të tjera dhe popujve, atëherë ne mund të flasim për Ballkanin evropian”, tha Jovanoviç.

Mes të tjerash ai ka komentuar edhe deklaratën e presidentit serb Vuçiç për udhëheqjen e Sllobodan Millosheviçit, ndërsa shtoi se “dëshiron të qëndrojë larg këtyre deklaratave, duke shtuar se tani pjesa më e vështirë është që ta bindin popullin se po duan marrëveshje të paqes si një zgjidhje me Kosovën”.

Ambasadori norvegjez në Beograd: Ndryshimi i kufijve, i mundshëm, por jo i domosdoshëm

Ambasadori norvegjez në Beograd, Arne Sanes Bjornstad ka deklaruar se Kosova dhe Serbia duhet të arrijnë një marrëveshje e cila siguron paqe dhe stabilitet në Ballkan dhe më gjerë.

Në një intervistë për gazetën serbe “Novosti”, Bjornstad ka thënë po ashtu se revokimi i lejes nga autoritetet kosovare për vizitën e presidentit serb, Aleksander Vuçiç, në Banjë të Skënderajt, nuk i ndihmon normalizimit të marrëdhënieve mes dy vendeve, transmeton lajmi.net.

Megjithatë, ai thotë se mesazh pozitiv nga e gjithë kjo ishte reagimi i presidentit Thaçi në lidhje me situatën e krijuar.

Bjornstad foli edhe për ndryshimin e mundshëm të kufijve mes dy vendeve, për të cilin tha se se mund të jetë zgjidhje, mirëpo sipas tij një ide e tillë nuk duhet të jetë qellim i të dy vendeve.

“Nganjëherë me duket se ne flasim për zgjidhje pa e marrë parasysh problemin. Asociacioni, ndryshimi i kufijve… i shoh si instrumente të mundshme, por jo qëllime dhe caqe. E rëndësishme është të arrihet një zgjidhje e cila e eliminon situatën aktuale dhe që siguron paqe dhe stabilitet në Ballkan dhe më gjerë”, ka thënë ai.

Sipas ambasadorit norvegjez, referimi që po i bëhet Luginës së Preshevës si “Kosova Lindore” nga disa liderë kosovarë nuk ndihmojnë në zgjidhjen e situatës, mirëpo megjithatë ai shton se edhe ata që e quajnë Kosovën si pjesë të Serbisë nuk duhet të befasohen nga këto deklarata.

Ai po ashtu rithekson se Serbia do të pranohet në Bashkimin Evropian vetëm kur të përmbushë të gjitha kriteret, e që sipas tij ndër kryesoret janë mos të ketë probleme të hapura me fqinjët e saj.

India nuk ndryshon qëndrimin, s’e njeh pavarësinë e Kosovës

Një tjetër shtet nuk e ka zbutur qëndrimin ndaj Kosovës, duke mos njohur pavarësinë e kësaj të fundit. Bëhet fjalë për Indinë.

Mësohet se dje në Beograd ka shkuar për një vizitë nënkryetari i shtetit indian Venkaiah Naidu, ku ka zhvilluar një takim dhe me presidentin e Serbisë, Aleksandar Vuçiç.

Ky i fundit pas takimit me Naidun e ka falënderuar atë për “vendimin qartë të këtij vendi që ta përkrahë integritetin territorial dhe sovranitetin e Serbisë dhe për mbështetjen që do t’i ofrojë Beogradit në forumet ndërkombëtare”, përcjell “Danas”.

Vuçiq: Marrëveshja me Kosovën duhet t’i garantojë Serbisë anëtarësim në BE

Presidenti serb, Aleksandër Vuçiq ka thënë se çdo marrëveshje me Kosovën, për të zgjidhur mosmarrëveshjet mes dy vendeve, duhet t’i garantojë vendit të tij anëtarësim në Bashkimin Evropian.

“Nëse ndonjëherë arrijmë marrëveshje me Kosovën, Serbia duhet ta ketë të sigurt se do të bëhet anëtare e BE-së më 2025”, ka thënë Vuçiq në një intervistë për agjencinë e lajmeve Reuters më 13 shtator.

Bashkimi Evropian ka thënë disa herë se normalizimi i marrëdhënieve bilaterale në mes të dy shteteve, është element kyç për t’u bërë pjesë e bllokut evropian.

Presidenti serb ka thënë ndër të tjera se arritja e marrëveshjes mund të zgjasë deri në 10 vjet, për shkak të dallimeve mes palëve.

“Ndonjëherë qesh kur dëgjoj njerëzit si i bëjnë gjërat të lehta dhe thonë se, unë do t’iu jap juve tri fshatra dhe unë do t’iu jap gjashtë të tjerë në këmbim”, është shprehur ai.

Me këtë deklaratë ai u është referuar diskutimeve të fundit për ndryshim kufijsh në mes të dy shteteve.

“Nëse ndonjëherë do të arrijmë marrëveshje, do të ishte një pakt që nuk do të përfshijë vetëm marrëdhëniet në mes neve dhe shqiptarëve në Kosovë, por edhe rezolutën për rrugën drejt BE-së dhe zhvillimin e ardhshëm ekonomik”, ka thënë ai.

“Tani për tani, ne nuk e dimë ku i kemi kufijtë”, është shprehur Vuçiq.

“Askush në rajon nuk duhet të jetë i frikësuar nga arritja e ndonjë marrëveshjeje në mes të Kosovës dhe Serbisë, rajoni do të jetë më më stabël, më i fuqishëm dhe më atraktiv”, është shprehur ai.

Bisedimet mes Kosovës dhe Serbisë, me ndërmjetësimin e Bashkimit Evropian, synojnë arritjen e një marrëveshjeje ligjërisht obliguese për të dyja palët.

Takimi i fundit në mes të dy presidentëve në Bruksel, atij të Kosovës, Hashim Thaçi dhe homologut të tij serb, Aleksandër Vuçiq, ka dështuar të mbahet, pasi ky i fundit ka refuzuar të takojë delegacionin nga Kosova.

Maroku nuk do ta njohë Kosovën

BEOGRAD – Ministri i Punëve të Jashtme i Marokut, Nasser Bourita, deklaroi se nuk do të ndryshojnë qëndrimin e tyre për mosnjohjen e pavarësisë së Kosovës.

Bourita në kuadër të vizitës së tij zyrtare në Beograd u takua me homologun serb, Ivica Daçiç.

 

Ministri maroken në një konferencë të përbashkët për media pas takimit tha se Maroku dhe Serbia kanë një potencial të madh për rritjen e bashkëpunimit ekonomik. Sipas tij bujqësia dhe industria e automobilave janë fusha të rëndësishme për fuqizimin e marrëdhënieve.

Duke u shprehur se janë në një periudhë ku janë rritur marrëdhëniet dypalëshe, Bourita tha se “Nuk do të ndryshojë qëndrimi i Marokut për mosnjohjen e pavarësisë së Kosovës”.

Duke i vlerësuar marrëdhëniet e mira me Serbinë si “muaj i mjaltit”, Bourita deklaroi se “Do të realizojmë projekte që fuqizojnë bashkëpunimin tonë në fushat si kultura, zhvillimi dhe sporti”.

Edhe ministri serb i Punëve të Jashtme, Daçiç, tha se javën e ardhshme do të organizojnë një forum të punës me Marokun, ku shtoi se me këtë forum do të riaktivizohet komisioni ekonomik shumë kombëtar.

Bourita në kuadër të vizitës së tij në Beograd u prit edhe nga presidenti i Serbisë Aleksanda Vuçiç, kurse me ministrin e Sportit të Serbisë, Vanja Udoviçiç, nënshkroi protokoll bashkëpunimi në fushën e sportit. aa

Kryeministri grek thirrje për unitet në BE kundër populizmit

PARIS – Evropa duhet të qëndrojë krah për krah për të kundërshtuar “përbindëshin e shovinizmit” në zgjedhjet e ardhshme të BE-së në maj, ka thënë kryeministri grek, Alexis Tsipras, të martën para deputetëve evropianë në Strasburg.

Kryeministri grek tha se “ëndrra evropiane nuk mund të shtypet midis neoliberalizmit destruktiv dhe të djathtës ekstreme të tmerrshme”, duke shtuar se zgjedhjet evropiane “do të jenë më shumë se sa vetëm një palë zgjedhje tjera, këto do të jenë një luftë në bazë të parimeve dhe vlerave për të mposhtur neoliberalizmin dhe populizmin e djathtë ekstrem”, tha Tsipras.

“Në këtë luftë, të gjitha forcat progresive, demokratike dhe pro-evropiane kanë për detyrë të qëndrojnë krah për krah në anën e njëjtë të historisë. Ne nuk duhet të lejojmë që Evropa të rikthehet në të kaluarën”, paralajmëroi Tsipras eurodeputetët.

Kryeministri grek gjithashtu kritikoi institucionet e BE-së se po bëhen gjithnjë e më shumë “teknokratë”, me “vendime të marra pas dyerve të mbyllura”.

“Kjo do të thoshte se shumë shtresa të popullit tonë duhet të përballen me varfëri të mjerë të mbjellë me shumë frikë. Ky dështim i reagimit neo-liberal ndaj krizës ushqen përbindëshin e shovinizmit dhe populizmit të krahut të djathtë”.

Ai tha se dalja e vendit të tij nga programi i shpëtimit “nuk nënkupton kthim në të kaluarën”, por një “fillim të ri”.

Ai premtoi të vazhdojë modernizimin e administratës publike të Greqisë dhe të vazhdojë rrugën e “stabilitetit fiskal”. aa

Presidentja kroate reagon ndaj deklaratave skandaloze të Vuçiçit në Kosovë

Gjatë vizitës në Kosovë, presidenti i Serbisë, Aleksandër Vuçiç, ka lartësuar figurën e kriminelit, kasapit të Ballkanit, Sllododan Millosheviç. Ai ka vazhduar të përdorë retorikën nacionaliste duke thënë se, Serbia do t’i mbrojë serbët në Kosovë, ndërsa shtoi se në të kaluarën serbët kanë vdekur për Kninin, për Sarajevën e për Prishtinën.

E pas deklaratave skandaloze të Vuçiçit, ka reaguar presidentja e Kroacisë, Kolinda Grabar-Kitaroviç.
“Flamuri kroat është valëvitur në Knin dhe para se të flasë Vuçiç, dhe flamuj blu do të jenë edhe në të ardhmen”, deklaroi presidentja kroate, Kolinda Grabar-Kitaroviç për “DNEVNIK.hr”.

Më tej, ajo ka thënë se nuk do ta lejojë Vuçiçin që të përzihet në çështje të tilla, apo të përcaktonte agjendën politike në Kroaci.

Vuçiç lavdëron kriminelin Milosheviç – Balkan Insight: Fjalimi i Vuçiçit në Kosovë promovoi një fantazi të rrezikshme

Nga Milos Ciric

Fjalimi i presidentit serb Aleksandër Vuçiç në Kosovë ngjante me një thirrje për paqe dhe pajtim, por retorika e tij nacionaliste e koduar dhe lavdërimi për Sllobodan Millosheviçin treguan se ëndrra për një “Serbi të madhe” vazhdon.
Beograd

Mediat serbe e kanë përshkruar fjalimin “historik” të Aleksandër Vuçiçit në Kosovë të dielën si “momentin e tij Gazimestan”, diçka e ngjashme me fjalimin e famshëm të Sllobodan Millosheviçit në vitin 1989 në vendin e Betejës së shekullit të 14-të të Kosovës, pas së cilës Millosheviçi shkatërroi Jugosllavinë.

Fjalimi i Vuçiçit duhet të ofronte një ton më paqësor dhe pajtues, por, ndërsa arriti ta mbante “të pranueshëm” për një audiencë perëndimore, ai njëkohësisht i qëndroi i vërtetë politikave që ai mbështeti gjatë agresionit të udhëhequr nga Serbia në vitet 1990, kur ai ishte një radikal i ri nacionalist.

Një manipulues politik me përvojë, Vuçiçi arriti ta bënte këtë duke marrë një ton kërcënues në të njëjtën kohë duke dërguar të ashtuquajturat “mesazhe paqeje”, që kënaqën dishepujt e tij nga qeveria dhe partia e tij, të cilët të gjithë vrapuan nëpër media për të thënë se sa i mrekullueshëm ishte fjalimi i presidentit.

Edhe përfaqësuesit e komunitetit ndërkombëtar ishin të kënaqur me atë që dëgjuan nga Vuçiçi. Ata e vlerësuan atë, ndoshta sepse të gjithë u ndjenë të lehtësuar sepse nuk e përdori këtë mundësi për të ndezur skenën dhe për t’i bërë thirrje njerëzve të marrin armët.

Por pavarësisht nga lavdërimet dhe vlerësimet pozitive që ai mori, ne e njohim më mirë Vuçiçin dhe e dimë se sado boshe, fjalët e tij ende kanë një fuqi toksike. Kjo është për shkak se ne e kuptojmë që ai flet duke përdorur një gjuhë të koduar që një vesh pa eksperiencë mund ta ngatërrojë me një fjalim normal.

Pra, kur Vuçiç u tha serbëve të Kosovës të cilëve iu drejtua të dielën: “Po, po, presidenti i Kosovës Hashim Thaçi është shqiptar dhe unë duhet të flas me të,” ky ishte një pasqyrim i racizmit të lashtë serb ndaj shqiptarëve të Kosovës. Sepse shqiptarët nuk janë njerëz që janë “të denjë” për të folur, por që duhet të menaxhohen, qeverisen ose shkatërrohen.

Kjo është arsyeja pse gjuha e Vuçiçit është ende e rrezikshme – ai vazhdon të mbështesë ndarjen dhe paragjykimet duke ushqyer shpresat e rreme nacionaliste mes serbëve. Kjo vlen për serbët kudo, por më e rëndësishmja për ata nga Kosova dhe Bosnja. Ka një arsye të mirë përse Vuçiç nuk u tha serbëve të Kosovës se Prishtina është kryeqyteti i tyre, ashtu siç nuk i ka thënë kurrë serbëve të Bosnjës se Sarajeva është kryeqyteti i tyre.

Vuçiç megjithatë tha se Serbia mori pjesë në luftëra, ndryshe nga qëndrimi zyrtar i Beogradit se ajo nuk ishte përfshirë kurrë drejtpërdrejt në konfliktet e viteve 1990 në Bosnjë dhe Kroaci. Kjo pjesë e fjalimit të tij ishte gjithashtu e maskuar si një mesazh i koduar, kur ai parafrazoi një varg nga një këngë lufte që serbët i këndonin Millosheviçit në Gazimestan në vitin 1989.

Menjëherë pasi tha se “tre luftëra janë përmendur në këngë, por ne kemi pasur edhe disa të tjera”, Vuçiç “e mbuloi” veten duke thënë: “Ky nuk ishte faji ynë, por jo edhe tërësisht i të tjerëve”. Zyrtarisht dhe jo zyrtarisht, ne i ndihmuam vëllezërit tanë – serbët vdiqën për Kninin në Kroaci, për Sarajevën, për Prishtinën.”

Por ajo që ai duhet të kishte thënë është se Serbia përvetësoi Ushtrinë Popullore Jugosllave për të fituar luftëra kundër Kroacisë, Bosnjës dhe Kosovës me ndihmën e njësive paraushtarake dhe policore serbe, së bashku me bandat vullnetare që u bënë pjesë e së njëjtës ushtri, trupat e të cilave kryen qindra krime lufte dhe krime kundër njerëzimit dhe iu ngarkuan si detyrë fushata gjenocidit dhe spastrimi etnik.

“Çështje të papërfunduara” nga luftërat e viteve ’90

Njerëz të mbledhur për një tubim në mbështetje të Vuçiçit në pjesën veriore me shumicë serbe të Mitrovicës. Foto: EPA-EFE/DJORDJE SAVIC.

Përveç nesh – shumica e qytetarëve serbë që kurrë nuk kanë reshtur së mbështeturi politikat e Millosheviçit dhe pasardhësve të tij – ne kemi BE dhe SHBA-në për të falënderuar për Vuçiçin e sotëm, pasi ata e kanë normalizuar më tej atë, duke e ditur shumë mirë se ku çuan politikat dhe veprimet e tij në të kaluarën dhe me çfarë kostoje.

Programi i Vuçiçit sot është plotësisht në përputhje me politikat e Serbisë të viteve 1990, të cilat synonin të krijonin një “Serbi të Madhe”, e njohur edhe si “Serbia Qiellore” – ideja që të gjithë serbët duhet të jetojnë së bashku në një shtet, e cila ishte e mundur vetëm nëse të gjitha etnitë e tjera do të vriteshin ose dëboheshin nga territori.

Vuçiç vetëm sa e ka denoncuar atë politikë duke thënë: “Puna ime nuk është miti, ëndrra, halucinacionet apo vizioni i shtrembër i Kosovës pa shqiptarë apo Kosovës pa serbë. Puna ime është realiteti. Ajo që është sot, këtu dhe tani, në Kosovën e sotme, në Serbinë e sotme, jo në ndonjë Serbi qiellore. Ne ranë nga ai qiell. Ne ramë dhe u lënduam keq. Kokat tona janë të mbuluara me gjak, krahët tanë janë thyer.”

Por përsëri, Vuçiçi nuk po thoshte të vërtetën. Nuk kishte asnjë “vizion” të Kosovës pa serbë, vetëm atë që ai e mbështeti për kaq shumë kohë – Kosova pa shqiptarë. Për referenca të hollësishme se si do të realizohej ky vizion në Kosovë, lexuesi këshillohet që të konsultohet me programin e Partisë Radikale Serbe gjatë luftërave, kur sekretari i përgjithshëm i saj ishte Aleksandër Vuçiç.

Ajo që Vuçiç duhet të kishte thënë është se ne nuk arritëm të shkatërronim çdo jo-serb që doli në rrugën tonë ndërsa përpiqeshim të krijonim një shtet etnik të pastër, që luftuam kundër të gjithë botës dhe humbëm.

Ai mund të kishte shtuar se sot po vuajmë pasojat e të gjitha mizorive që kemi kryer dhe se ka ardhur koha që ne të pranojmë realitetin e vështirë, të pranojmë të kaluarën tonë të kohës së luftës, të kërkojmë ndjesë dhe të përpiqemi të jetojmë në paqe me pjesën tjetër të botës.

Vuçiçi e di këtë, por faktet nuk e ndalojnë atë që të mos vazhdojë të mbajë shpresat nacionaliste midis serbëve rreth faktit sesi “rrethanat historike” do ta lejojnë Serbinë të bëhet përsëri “e plotë”.

Kjo ide toksike që ka kushtuar kaq shumë jetë – unifikimi i “të gjitha trojeve serbe” në një “Serbi të madhe” dhe të pandashme – është ajo që Vuçiçi, ashtu si Millosheviçi 30 vjet më parë, u ofroi serbëve të Kosovës.

Ai nuk ofroi paqe me shqiptarët e Kosovës, sepse po ta bënte këtë, ai do të duhej të kërkonte falje për të gjitha krimet e pahijshme kundër popullatës civile të Kosovës.

Ai do të duhej t’u thoshte serbëve të Kosovës që ta kthenin shikimin e tyre nga Prishtina, me mbështetjen e Beogradit, dhe të integroheshin në shoqërinë kosovare – të njëjtën gjë që ai duhet t’i kishte thënë serbëve në Republikën Srpska me shumicë serbe të Bosnjës, por që ai, si çdo tjetër sundues tjetër serb para tij, nuk e ka bërë kurrë.

Fjalimi i Vuçiçit në Kosovë tregoi se projekti “të gjithë serbët në një shtet” mbetet parimi politik kryesor i Serbisë.

Kjo është arsyeja pse Kosova dhe Bosnja janë të pandashme në projektin nacionalist serb; kjo është arsyeja pse të dyja këto “çështje” ende konsiderohen “të pazgjidhura”; kjo është arsyeja pse ne dëgjojmë gjithnjë e më shpesh se Serbia duhet të luftojë në “të dyja frontet”, sepse ato janë të ndërlidhura ngushtë dhe konsiderohen si çështje të papërfunduara nga vitet 1990.

Lavdërim për Millosheviçin, një “lider i madh serb”

Vuçiç duke mbajtur fjalim në veri të Kosovës. Foto: EPA-EFE/DJORDJE SAVIC.

Pavarësisht të gjitha përpjekjeve të dështuara për të bashkuar të gjithë serbët në një shtet mbi kufomat e boshnjakëve, kroatëve dhe shqiptarëve, Vuçiçi u duartrokit se vazhdoi repertorin e zakonshëm “Kosova është Serbi” të hartuar nga elita intelektuale serbe në fillim të viteve 1980.

Duke e ditur mirë se askush nuk guxon ta kritikojë atë pasi në pamje të parë ai duket se tha disa fjalë pajtuese, Vuçiçi iu kthye thelbit të fshehtë të fjalimit të tij ndërsa vlerësoi “lidershipin” e Sllobodan Millosheviçit.

“Millosheviçi ishte një lider i madh serb, qëllimet e të cilit ishin sigurisht për më të mirën, por rezultatet tona ishin shumë të dobëta. Jo sepse ai e donte atë, por sepse dëshirat tona ishin joreale, ndërsa neglizhonim dhe nënvlerësuam interesat dhe aspiratat e kombeve të tjera,” tha ai. “Për shkak të kësaj, paguam çmimin më të madh dhe më të rëndë. Nuk jemi bërë më të mëdhenj.”

Vetëm kjo pjesë e fjalimit të Vuçiçit duhet të kishte alarmuar BE-në dhe Perëndimin në përgjithësi, sepse ajo tregoi ngjyrat e tij të vërteta dhe tregoi se ai po vazhdon të njëjtën linjë të ashpër nacionaliste që shkatërroi miliona jetë.

Fjalimi i tij në Kosovë mund të kishte qenë momenti që ai të ndahej nga politikat që Millosheviçi zbatoi gjatë viteve 1990 dhe që Vuçiçi mbështeti në atë kohë.

Për fat të keq, por jo çuditërisht, ai mbeti ai që ishte gjithmonë, dishepulli dhe pasardhësi i kreut të Partisë Radikale Serbe Vojisllav Shesheli dhe i vetë Millosheviçit; një njeri që nuk tërhoqi kurrë mbrapsht ndonjë gjë që bëri apo tha.

Vuçiçi vazhdoi të fliste të njëjtën gjuhë të ngjashme me referencat e tij mitologjike që janë të njohura për serbët, por që i ngatërrojnë të tjerët. Dhe pavarësisht dekadave të shkatërrimit, ai ia doli mbanë dhe tani po lavdërohet nga të gjitha anët.

Ai nuk kishte para tij një turmë të madhe siç ishin dhjetëra mijëra njerëzit që erdhën për të dëgjuar Millosheviçin që mbante fjalimin e tij në Gazimestan në vitin 1989, por ai mori miratimin e atyre që mbështesniin Millosheviçin atëherë.

Vuçiç në thelb i ftoi serbët e Kosovës – dhe për këtë arsye të gjithë serbët kudo në rajon – të vazhdojnë të ëndërrojnë për një “Serbi të Madhe”, duke i inkurajuar kështu ata që të adhurojnë kriminelët e luftës dhe, në mënyrë të vazhdueshme, të mohojnë krimet që janë vërtetuar nga gjykatat vendase dhe ndërkombëtare.

Mesazhi i tij ishte i qartë – s’kemi asgjë për të cilën të kërkojmë ndjesë apo për të cilën duhet të na vijë turp. Nuk ka asgjë që nuk mund ta durojmë, për sa kohë që qëllimi ynë është ajo që imagjinonte dikur Millosheviçi, një “lider i madh serb”.

Të gjithë e dinim çfarë të prisnim nga fjalimi i Vuçiçit, por ishte vërtet e habitshme ta dëgjoje atë të mbronte aq hapur Millosheviçin dhe trashëgiminë e tij, si edhe të mos dëgjoje ndonjë lloj dënimi nga kushdo që dëgjoi atë që tha ai.

Në mungesë të një dënimi të tillë, një tjetër mundësi u humb nga ata që kishin ndikim te presidentin serb për të ushtruar presion më të fortë ndaj tij që të ulë retorikën ndarëse me të cilën ai dikur frymëzoi shumë njerëz që të merrnin armët dhe të shkonin në luftë.

Milos Ciric është një politolog, edukator, mësues dhe aktivist serb i të drejtave të njeriut. Ai ka diplomë në Marrëdhënie Ndërkombëtare nga Universiteti i Beogradit, master në Politikë Kulturore nga Universiteti i Arteve, Beograd, dhe Lumiere University Lion 2, Francë, dhe master në Studimet e Medias nga The New School University, Nju Jork.

Opinionet e shprehura në sektorin e Komenteve janë vetëm ato të autorëve dhe jo domoshmërish pasqyrojnë pikëpamjet e BIRN.

Kotzias: Jemi pranë arritjes së marrëveshjes me Shqipërinë, paketa ka 10 pika

Ministri i jashtëm grek Nikos Kotzias, shprehu këtë të hënë optimizmin për mbylljen së shpejti të marrëveshjes Shqipëri-Greqi.

“Ne jemi pranë zgjidhjes së problemeve të vjetra me Shqipërinë. Shumë shpejt, besoj, ne do t’i përfundojmë negociatat për një paketë me dhjetë çështje. Kjo paketë përfshin përcaktimin e kufijve dhe zonave detare, dhe kështu me radhë”, citohet kryediplomati grek në një deklaratë zyrtare të Ministrisë së Jashtme greke.

 

Ministri i jashtëm grek, mbajti fjalim në Institutin e Marrëdhënieve Ndërkombëtare të Norvegjisë për akademikët e politikanët e vendit, gjate vizitës zyrtare atje. Në fjalën e tij Kozias foli për rolin lider të Greqisë në rajon dhe diplomacinë greke të cilën e cilësoi “paqësore, e dinamikës inteligjente dhe e dialogut”.

Duke u ndalur në marrëveshjen me Prespës, shefi i diplomacisë greke u shpreh se ishte vendim i qeverisë Cipras të merrte rol aktiv dhe e konsideroi atë risi e një kompromisi të drejtë në rajon, që vlen si burim frymëzimi për raste paralele me mosmarrëveshje shumëvjeçare.

PANORAMA

Greqi, mbahen protesta kundër marrëveshjes me Maqedoninë

SELANIK – Në Selanik janë mbajtur protesta kundër marrëveshjes me Maqedoninë.

Demonstruesit u mblodhën te Kulla e Bardhë, e cila është simbol i qytetit, në ditën e hapjes të Panairit të 83-të Ndërkombëtar të Selanikut.

Gjatë demonstratave pati përleshje midis policisë dhe demonstruesve të cilët ishin pothuajse 15 mijë.

Demonstruesit mbanin flamuj grekë duke brohoritur: “Maqedonia është Greqi!”.

Policia përdori gaz lotsjellës për të ndaluar demonstruesit që gjuanin me gurë dhe mjete piroteknike.

Në terren janë 4.000 policë ndërsa afër vendit të përleshjes me policinë po mbahen edhe protestat kundër gjendjes ekonomike në vend.

Në demonstratat e tjera që kaluan në mënyrë paqësore, protestuesit hodhën slogane kundër SHBA-ve, që është mysafir nderi i panairit të këtij viti.

Helikopterët fluturonin mbi qytet, në qendër të së cilës trafiku ishte ndërprerë ndërsa në disa pjesë të qytetit rrugët u bllokuan nga autobusët e policisë për të shmangur takimet me protestuesit.

Demonstratat filluan gjatë fjalës së kryeministrit Alexis Tsipras në hapjen e Panairit, që zgjati më shumë se tre orë. aa

Vuçiçi sot e nesër në Kosovë: Shqiptarët do jenë të kënaqur me bisedimet vetëm po t’u japim dy Kosova

Kur e gjithë vëmendja është tek dialogu mes dy vendeve, presidenti serb Aleksandër Vuçiç do të jetë sot në Kosovë dhe do të vizitojë Ujmanin. Dje në mbrëmje ai pohoi se Lista Serbe nuk e pranon Limajn për kryesues të delegacionit negociator kosovar.

Po ashtu ai ka përmendur edhe rastin e ndalimit të Marko Gjuriçit për të hyrë në Kosovë. Vuçiç tha se “shqiptarëve duhet dhënë dy Kosova për të qenë të kënaqur në bisedime”.

Teksa foli për dialogun në Bruksel dhe faktit që u anulua takimi me Hashim Thaçi ai tha: “Nuk kam mundur të flas sot me përfaqësuesit e Kosovës, por kjo nuk do të thotë se do të ndërpresim dialogun, pasi kjo është e pamundur. Me armikun nuk mund të diskutoni për paqe, sepse i keni armiq. Duhet të flasim për zgjidhjen e problemit, për të zgjidhur problemet shekullore me shqiptarët. Sa i përket Ujmanit, atë e konsiderojmë resurs serb, por edhe të shqiptarëve dhe serbëve dhe kemi ofruar shumë kompromis, sepse e dimë sa u duhet uji shqiptarëve. Duam të kemi të arrijmë më tepër besim ndërmjet shqiptarëve dhe serbëve, por ky është proces i cili do të ishte katastrofal nëse do të ndalej, edhe për shqiptarët, edhe për serbët”, tha ai.

AXHENDA
Vuçiç do të vijë në Kosovë në ora 14:00 përmes pikës kufitare në Bernjak, ku nga aty do të vazhdojë në Zubin Potok.
Në ora 15:00 do të qëndrojë në Gazivodë.
Në ora 15:40 në Leshak.
Në ora 17:00 do të qëndrojë në Shkollën e Bujqësisë në Leshak.
Në ora 17:45 do të qëndrojë në Hallën e shporeteve në Leposaviq.
Në ora 19:00 arrin në Zveçan ku do ta kalojë natën.
Ditën e dytë të vizitës së tij në Kosovë, të dielën, Vuçiç, në ora 08:00 viziton Qendrën Shëndetësore në Mitrovicë.
Në ora 08:30 do të qëndrojë sërish në Zveçan.
Në ora 09:15 do ta vizitojë fshatin Banjë.
Në ora 11:15 do të qëndrojë sërish në Mitrovicë, dhe
Në ora 13:00 do të largohet nga Kosova përmes pikës kufitare në Jarinje.

Vuçiç: Nesër do të shkoj në Kosovë dhe do ta filloj vizitën në Ujman

Presidenti i Serbisë Aleksander Vuçiç, në një adresim për opinionin, në mbrëmjen e së premtes, ka thënë se ditën e shtunë si edhe të dielën, do ta vizitojë Kosovën.

“Unë nesër (të shtunën) do të shkoj në Kosovë dhe do ta filloj vizitën në Ujman (Gazivodë) dhe në Qendrën Ekologjike në Ujman. Pres që gjithçka të kalojë mirë dhe pres që atje, në mënyrën më normale t’iu drejtohem njerëzve dhe t’u tregoj se sa është i rëndësishëm Liqeni i Ujmanit, jo vetëm për serbët, por edhe për shqiptarët në Kosovë”, tha Vuçiq.

Vizitën e tij, Vuçiq do ta vazhdojë të shtunën në Zveçan, ndërkaq ditën e diel do të mbajë tubimin në Mitrovicë të Veriut.

Vizita e Vuçiqit ishte vënë në pikëpyetje për faktin se autoritetet e Kosovës i kishin lejuar atij vizitën në pjesën veriore, por jo edhe realizimin e agjendës për vizitë te Liqeni i Ujmanit (Gazivodës).

Sidoqoftë, Vuçiq tha se do të shkojë edhe tek Ujmani (Gazivoda), duke theksuar se ai përbën një burim dhe pasuri ekonomike të Serbisë.

Stefanoviq: Vuçiqi urdhëroi të ndërpritet komunikimi me Policinë e Kosovës dhe KFOR-in

Ministri i Brendshëm i Serbisë, Nebojsha Stefanoviç

Presidenti i Serbisë, Aleksandër Vuçiq, urdhëroi ushtrinë dhe kërkoi nga policia dhe shërbimi informativ serb BIA të ndërpresin çdo komunikim me Policinë e Kosovës dhe KFOR-in.

Lajmin e konfirmoi ministri i Punëve të Brendshme të Serbisë, Nebojsha Stefanoviq, për televizionin serb Prva.

Ai nuk i ka sqaruar arsyet që e kanë çuar presidentin serb të marrë një vendim të këtillë.

Ndryshe, vendimi është marrë në ditën kur në Bruksel është dashur të mbahet një raund i ri bisedimesh ndërmjet presidentit të Serbisë, Aleksandar Vuçiq dhe homologut të tij nga Kosova, Hashim Thaçi.

Vuçiq e ka vënë në pikëpyetje takimin me zotin Thaçi, për faktin se nuk i është mundësuar të vizitojë Liqenin e Ujmanit gjatë vizitës që është paraparë të zhvillojë në Kosovë, më 8 dhe 9 shtator.


Send this to a friend