Vazhdon numërimi i votave në të gjitha komunat në Maqedoni, ku duket se deri më tani kandidatët e partive shqiptare përfaqësuese janë duke kryesuar bindshëm.

Gara për Tetovën, kryeson Teuta Arifi

Vazhdon numërimi në komunën e Tetovës ku deri më tani janë numëruar 34.78 për qind të votave.

Në këtë komunë kryesonkandidatja nga radhët e BDI-së, Teuta Arifi e cila ka marrë deri më tani 35.73 për qind të votaveose 4.101 vota, zonja Arifi ndiqet nga Bilall Kasami i Besës i cili deri më tani ka marrë 29.21 për qind të votave ose 3.353 vota, raporton albeu.com

 

 

Ne vend të tretë renditet Adnan Neziri nga ASH me 11.85 për qind të votave ose 1.360 vota.

BDI-ja kryeson bindshëm në Likovë, ja sa vota kanë marrë Erkan Arifi dhe Shaban Zendeli

Vijon me ritme të kënaqshme numërimi i votave në komunën e Likovës, ndërkohë që Albeu.com ka siguruar të dhënat për kutitë e para.

Mësohet se deri më tani kryesonErkan Arifi i BDI-së me 47.37 për qind (3 825 vota), i ndjekur nga Shaban Zendeli i Besës me 29.12 për qind (2 351 vota), në vend të tretë renditet Bekim Afuzi i ASH-së me 12.70 për qind (1 025 vota).

Fatmir Dehari kryeson bindshëm ndaj VMRO-së në Kërçovë

Deri më tani në komunën e Kërçovës janë numëruar 33.96 për qind të votave, njofton albeu.com.

Sipas rezultateve të deritanishme, në këtë komunë kryeson bindshëm Fatmir Deharii cili ka marrë 60.49 për qind të votave ose 5.135 vota.

Ndërsa kandidati i VMRO-DPMNE-së, Vllatko Sajkoski ka marrë 39.51 për qind të votave ose 3.354 vota.

“Lufta” për Çairin, BDI “dërrmon” kundërsharët në kutitë e para

Deri më tani në komunën e Çairit janë numëruar 26.18 për qind të kutive raporton Albeu.com dhe sipas të dhënave të dala nga to rezultati i deritanishëm është ky:

– Visar Ganiu, BDI- 15.59 për qind (2 984) vota;
– Zekerija Ibrahimi, BESA – 31.19 për qind (2 042) vota;
– Nermin Telovska – VMRO-DPMNE – 9.96 për qind (652 vota)
-Faruk Abdi – ASH – 8.46 për qind (554) vota.

Incidente gjatë numërimit në Kumanovë, ja kush kryeson deri më tani në Tetovë, Gostivar dhe Kërçovë

Vëzhguesit e qendrës për liri “Civil” kanë regjistruar incident gjatë numërimit të votave në një vendvotim në Komunën e Kumanovës, transmeton Express.

Mbyllet votimi në Maqedoni, ja kur dalin rezultatet e para

Në gjithë territorin e Maqedonisë në orën 19:00 janë mbyllur të gjitha qendrat e votimit për zgjedhjet lokale 2017.

Në bazë të njoftimeve të fundit të Komisionit Shtetëror të Zgjedhjeve, deri në orën 17:00, mbi 885.044 e qytetarëve me të drejtë vote kanë marrë pjesë në zgjedhje lokale që i bie 49,02% për qind e votuesve, shkruan TV Koha.

Sipas të dhënave të KKZ-së në komunën e Gostivarit, të drejtën e votës deri ora 17 e kanë ushtruar 29.531 votues apo 37.1 për qind.

Në Komunën e Dibrës deri në orën 17 në votim kanë dalë 7.342 persona me të drejtë vote apo diçka mbi 40 për qind nga gjithsej 18.406 qytetarë të regjistruar.

Deri në ora 17 është rritur fluksi i votuesve në Tetovë duke shkuar rreth 39% që i bie 32527 persona kanë ushtruar të drejtën e tyre të votimit.

Në Kërçovë deri ora 17, 49,21% apo 24.890 të qytetarëve e ushtruan të drejtën e tyre të votës.

Në Çair deri ora 17, 43,20% apo 24.888 të qytetarëve e ushtruan të drejtën e tyre të votës.

Në komunën e Bogovinës kanë votuar 34,27 për qind, në komunën e Bërvenicës jehona është 38,79, në komunën e Zhelinës 32 për qind, në komunën e Jegunovcës 39 për qind dhe në komunën e Tearcës 36,88 për qind.

Identiteti i maqedonasve pritet të jetë një nga pikat më të nxehta në dialogun me Greqinë për zgjidhjen e çështjes së emrit. Pas deklaratës së shefit të diplomacisë greke, Nikos Kocijas se përveç debatit për gjetjen e një zgjidhjeje të pranueshme për emrin duhet të diskutohet edhe për identitetin, ka reaguar shefi i diplomacisë maqedonase, Nikolla Dimitrov duke thënë se hapja e kësaj çështjeje do ta bënte të pamundur zgjidhjen e kontestit me Greqinë.

“Është shumë me rëndësi që çështjet që kanë të bëjnë me identitetin të tërhiqen nga procesi për emrin, pasi kjo asnjëherë nuk do të zgjidh problemin. Është me rëndësi që ta vazhdojmë me këtë proces të afrimit, mirëkuptimit për çështjet që janë të ndjeshme për ne si popull. Nuk është mirë as në aspektin historik, por edhe për Evropën që në vitin 2017 të kontestohet identiteti i një shteti fqinj, në veçanti kur kemi parasysh se bëhet fjalë për shtet fqinj që nuk është pjesë e BE-së”, ka deklaruar ministri i Punëve të Jashtme të Maqedonisë, Nikolla Dimitrov duke theksuar gatishmërinë e Qeverisë për një qasje sa më pozitive për kapërcimin e këtij procesi shumëvjeçar, që i hap rrugën integrimit të Maqedonisë në NATO dhe BE.

Debati lidhur me çështjen e identitetit komentohet në forma të ndryshme nga njohësit e çështjeve ndërkombëtare. Ish-diplomati Alajdin Demiri thotë se krahas emrit duhet të mbyllet edhe debati për identitetin, pasi pa një qartësim të këtij problemi nuk mund të ketë zgjidhje të kontestit të emrit.

“Çështja e identitetit është çështje e diskutueshme, është diskutueshme në kuptimin se çfarë është identiteti. Tendenca e maqedonasve është që identitet të llogarisin Maqedoninë Antike, atë që grekët asnjëherë nuk do ta lejojnë. Identiteti i maqedonasve duhet të jetë identiteti sllav, ai që është edhe real. Pra, edhe nëse negociohet për identitetin duhet të negociohet në këtë drejtim. Vlerësoj se nuk është fjala për zhbërjen e maqedonasve, apo për zhdukjen e identitetin, por kthimin e tyre në identiteti, pra dallimin mes maqedonasve antik dhe maqedonasve sllav, përkundrazi nëse kjo nuk ndodhë nuk besoj se mund të zgjidhet ky problem”, thotë Demiri.

Nga ana tjetër, Bekim Kadriu, profesor i së drejtës ndërkombëtare ndalet në sferat tjera po ashtu të rëndësishme sipas tij në procesin e integrimit të vendit. Maqedonia sipas tij ka nevojë që krahas angazhimit për zgjidhjen e çështjes së emrit, të punojë edhe në sfera tjera, siç janë sundimi i ligjit, depolitizimi i institucioneve, liria e mediave e pavarësia e gjyqësorit.

“Pra, ne doemos duhet të bëjnë këtë reforma që i përmenda, pasi nuk mjafton vetëm se qëndrimi deklarativ dhe vullneti serioz se ne dëshirojmë të vazhdojmë me procesin e eurointegrimit, por domosdoshmërish duhet të punojmë në përmirësimin e problemeve të brendshme që i kemi, pra lidhur me sundimin e ligjit dhe depolitizimin e institucioneve. Puna e sinqertë, serioze dhe me devotshmëri mendoj se mund të prodhojë rezultat që përshpejtohet procesi i eurointegrimit”, thotë Kadriu.

Aktivitet më instensive mes dy palëve janë paralajmëruar nga fundi apo fillimi i vitit të ardhshëm. Ndërmjetësi i OKB-së, Mejtu Nimic nuk e ka përjashtuar mundësinë që nga pranvera të dalë edhe me ndonjë propozim konkret për zgjidhjen e mosmarrëveshjeve mes dy vendeve që kanë bllokuar integrimin e Maqedonisë në NATO dhe Bashkimin Evropian.

SHKUP – Me rastin e 21 Shtatorit – Ditës Botërore të Sëmundjes së Alzheimerit, në sheshin “Maqedonia” u vendos një tendë me qëllim të ngritjes së vetëdijes publike dhe për të njoftuar qytetarët me hapat për parandalimin e kësaj sëmundjeje të pakurueshme dhe degjenerative.

Në këtë tendë i pranishëm ishte edhe ministri i Shëndetësisë së Maqedonisë, Arben Taravari, i cili theksoi se në bazë të barnave që harxhohen numri i personave që trajtohen me këtë sëmundje në Maqedoni është dy deri në tre mijë mijë pacientë.

“Qëllimi është që t’i vetëdijësojmë qytetarët që pacientët të cilët kanë simptoma të kësaj sëmundje të paraqiten te mjeku. Normalisht me trajtimin do të kemi jetë më cilësore të pacientëve”, u shpreh Taravari, duke shtuar se ata pacientë duhet të diagnostifikohen me kohë, që të shërohen në mënyrë adekuata.

Njëra nga organizatorët e kësaj ngjarje, neurologia Gabriela Novotna theksoi se këto aktivitete mbahen me qëllim që mos të harrojmë se kjo sëmundje ekziston. Ajo shtoi se Alzheimeri është një epidemi e heshtur, e cila ngadalë bëhet shkaku kryesor i vdekjes.

“Sipas statistikave botërore kjo sëmundje më shpesh paraqitet pas moshës 45 vjeçare. Në Republikën e Maqedonisë rreth 20 mijë persona janë të sëmurë me Alzheimer dhe ky nuk është një numër i vogël. Mirëpo, sipas shitjes së barnave vetëm 10 përqind e tyre janë trajtohen me terapi”, u shpreh Novotna, duke apeluar që personat e sëmurë t’i sjellin në terapi dhe jo t’i ruajnë në shtëpi.

Sëmundja e Alzheimerit është lloji më i shpeshtë i problemeve mendore. Simptomat e Alzheimerit, përfshirë ato fillestare, janë problemet me memorien, me të vlerësuarit dhe të menduarit, që e bën të vështirë për personin të punojë ose të jetojë normalisht ditë pas dite. Me përkeqësimin e kësaj sëmundje humbet kujtesa. Tek shumë njerëz këto simptoma përmirësohen me ndihmën e barnave, por nuk ka shërim të plotë për këtë lloj sëmundje.

Vota unike e shqiptarëve të Maqedonisë shërbim ndaj Kombit

Shqiptarët kanë hyrë në Mijëvjeçarin e Tretë, si një komb, të cilit historia i ka caktuar një rol të dorës së parë, nē zhvillimet politike në rajon.
Në ruajtjen e ekuilibrave politikë, etnik, e kulturorë, paqes e stabilitetit në Ballkan.

Ruajtjen në këtë pjesë të trazuar të kontinentit të dy arritjeve më të qenësishme të civilizimit perëndimorë BE-së dhe NATO-s.

Rikthimi i shqiptarëve si popull me një rol të dorës së parë në teatrin Ballkanik dhe Evropian të historisë nuk i befason aspak studiuesit e zellshëm të saj, diplomatët seriozë e vizionarë, aq më pak aleatët tanë të mëdhenj, SHBA e BE.

Këta aleatë e shohin stabilitetin afatgjatë të Ballkanit me Integrimin e tij në NATO e BE, demokratizimin e tij të plotë, politika të fqinjësisë së mirë sëbashku.

Respektimin e plotë e pa kushte të lirive dhe të drejtave të pakicave etnike i shohin si garancinë më të mirë, për sigurinë, mbrojtjen e përbashkët ndaj kërcenimit të ekspansionit politik dhe ushtarak të Perandorisë së Re Ruse dhe aleatëve të saj, të cilët kanë një peshë jo të vogël në zhvillimet e sotme ndërkombëtare.

Edhe përkundër faktit se shqipetarët janë të ndarë në pesë shtete, janë më të ndërgjegjësuar se asnjëherë më parë për identitetin autentik e të lashtë Evropian. Ata janë të vetëtijshëm se historia e tyre nuk është e ndërtuar me mite e gënjeshtra trashanike, si ajo e Greqisë dhe e Serbisë.
Historia jonë është me fakte të pakundërshtueshme, të qarta, kokëforta, aksiometrike.

Një histori e lashtë etniciteti, shtetformimi, kulture e civilizimi, nga i cili buron vetë Qytetrimi Greko-Romak. Ky binom u ba identiteti i Qytetrimit të sotëm Evropian, i demokracisë, së drejtës juridike, e më në fund i filozofisë së besimit dhe iluminizmit në Kontinentin tonë.

Sot, Shqiptarët, kudo që ndodhen në Preshevë, në Mitrovicë, Maqedoni, apo në Mal të Zi, nuk mund të vriten, të dhunohen e dëbohen si më parë me operacione të spastrimit etnik, e aq më pak të pranojnë statusin e qytetarëve të dorës së dytë.

Këto ëndrra të segmenteve të nacionalizmit shovinist, akoma prezente në politikat dhe qeveritë e Beogradit, të Maqedonisë, Malit të Zi apo Greqisë, tashmë janë shuar.

Të bindur se në fushë-betejë nuk përballen me 10 milionë shqiptarë, qarqet antishqiptare sllavo-greke, të dirigjuara nga Moska i janë rikthyer politikës së vjetër: “Përçaj e sundo”.

Pas grushteve të nokautit që morën me skenarët e organizuar, me ndarjen e Mitrovicës, ndarjen e Maqedonisë, në tentativën e grushtit të shtetit në Mal të Zi, e së fundmi skenarin e luftës civile në Shqipëri, ustallarët e vjetër kanë projektuar Strugën si gjah të radhës, ashtu siç e patën projektuar në vitin 2009, por patën dështuar me turp.
Nuk bëhet fjalë për ta sulmuar me avionë, tanke ,apo topa për të vrarë banorët e sajë.

Objektivi i atyre që i kanë bërë hesapet pa hanxhinë, siç thotë një fjalë e urtë popullore, është përçarja e partive politikë shqiptare, dhe e kandidatëve shqipëtarë në zgjedhjet lokale të 15 Tetorit. Me anë të kësaj përçarje dhe shpërndarjes së votave, mendjet diabolike ta shovinistëve maqedonë shpresojnë fitoren ëndrrimtare të tyre.

Kjo do të thotë qeverisja e Strugës shqiptare dhe e banorëve të sajë nga një kryetar sllav (guvernator), politika diskriminuese ndaj shqiptarëve, të cilët janë zotër shtëpie prej mijëra vjeçarësh.

Më në fund ndryshim i strukturës etnike, i emrit dhe i identitetit të këtij qyteti, të cilin për nga rëndësia që ka për kombin, për të sotmen dhe të ardhmen e tij, e emërtojnë “Strasburgu Shqiptar”, që do të çonte
në frenimin e projektit të bashkimit kombëtar.

Po përse eshtë kaq e rendësishme për shqiptarët dhe njëherësh kaq e lakmueshme nga shovinistët maqedonë Struga jonë.

Struga është kërthiza e trojeve etnike shqiptare.

Historia na tregon se këtu janē ndërthurur mbretëritë dhe qytetërimet tona të famshme Iliro-Epirito-Dardane, të cilat kanë shpërndarë dritën e lirisë, qytetërimit e zhvillimit ekonomok e kulturorë në të katër anēt e trojeve Pellazgo-Iliro-Arbërore.

Qytetrimi i Lynkasëve, stërgjyshërve tanë, ka populluar prej mijëra vjetësh Ohrin, Strugën dhe hapësira të gjëra të kësaj treve. Mbi themelet e këtij qytetrimi u krijua Mbretëria Ilire katër shekuj para Krishtit. Mbreti Bardhyl nē moshēn 90 vjeçare printe në ballë të kalorësisë së tij kundër falangave maqedonase .

Beteja për Strugën është aq e vjetēr sa vetë Historia.

Sruga ishte pjesë e Shtetit të Arbrit 800 vjet më parë krijuar nga Progoni me tē bijtë: Gjinin dhe Dhimitrin.

Nga Struga rrjedh Drini. Nga këtu fillon kilometri i autostradës më të gjatë, më të bukur ujore të trojeve shqipëtare, në të dy anët e të cilēs është ruajtur me fort se kudo geni shqipëtar.

Eshtē ruajtur gjuha,liria, gjurmët e qytetrimit Iliro-Arbërorë, e drejta zakonore e shqiptarëve, Eposi i Kreshnikëve, folku dhe mitologjia.
Këtë madhështi na e përshkruan bukur zëri brilant i Shkurte Fejzës:

“Rrugës time për Shqipëri

Më ka përcjellē ai Drini i Zi

E u nisa për me dalë,

Porsi vala e Drinit të Bardhë.

Xhamadani vija-vija

Eshtë Kosova, është Shqipëria.

Rreh si zemër çiftelia:

Sa e madhe është Shqipëria”.

Muaji gusht na kujton Betejën e Ohrit të 15 gushtit 1465, ku Heroi Kombëtar Gjergj Kastrioti (Skënderbeu) i shpartalloi ushtritë e bashkuara turko-maqedone.

Është gushti i Hasan Prishtinës, ideologut dhe prijësit të Kryengritjes së Pavarësisë , i cili nga Shkupi i çliruar nga luftëtarët e Tij,Bajram Currit, Isa Boletinit, nē gusht të vitit 1912 hartoj projektin e shtetit Komb: “Katër vilajetet në njē shtet, me kryeqytet Shkupin”.

Në përpjekjet për çlirim kombëtar e shpalljen e Pavarësisë së Shqipërisë, Struga dhe Ohri kanë kontribut të shquar.

Veçojmë nga Struga firmētarin e Aktit të Pavarsisë, Nuri Efendi Sejlliun.

Veprimtari i çështjes kombëtare, patrioti, atdhetari doktori i Medicinës, Ibrahim Temo, drejtues i gazetës ” Hereket” – Bruksel (viti 1896), drejtues i gazetës “Sada” (Rumani, viti 1898). Ai ngriti në këmbë Revolucionin Xhonturk për kufizimin e pushtetit absolut të Sulltanit dhe kontriboi për shpalljen e Pavarësisë. Dha kontribut të madh për hapjen e shkollave shqipe dhe mbështeti Alfabetin Latin në Kongresin e Manastirit.

Në Ohër lindi atdhetari e publicisti i Rilindjes Kombëtare, Dervish Hima. Ai është autor i manifesteve radikale për luftë mbarëkombëtare kundër Turqisë, i cili u burgosë dy herë. Kontribuoi jashtëzakonisht në njësimin e Gjuhës Shqipe në Kongresin e Manastirit. Nënshkroi Dekleratën e Pavarësisë, mori pjesë në Kuvendin e Vlorës dhe u zgjodh antar i Pleqësisë.

Rilindja Kombëtare ka luajtur një rol të jashtëzakonshëm për Çështjen Kombëtare që nga Lidhja Shqiptare e Prizrenit. Vëllezrit Frashëri janë truri i pregatitjes të Platformës, ku shqiptarët për herë të parë startuan me program të qartë politik, i cili u ba frymëzim për Etërit e Pavarsisë të Shqipërisë. Ismail Qemali, Hasan Prishtina, Isa Boletini, Bajram Curri, Dedë Gjo Luli, Mehmet Pashë Deralla, Luigj Gurakuqi, Vehbi Dibra, Dom Nikollë Kaçorri.

Kontributin e Vëllezërve Frashëri e ka gdhendur në vargje poeti jonë Koçi Petriti:

” Tre Vëllezërit Frashëri

Sa për tre Tomorë.

Në tre kontinente

Shkelin për një Vlorë.

Tomori është Mali Zot i Dodonës Pellazgjike, i Heroit të Betejës së Qerbelasë, Abaz Aliut, të cilin e vizitojnë mijëra peligrinë nga e gjithë bota më dt 20 -25 gusht të çdo viti.

Tomori është Fron i Perëndive.

Aty Zoti flet Shqip me atë gjuhë që ka folë Aleksandri i Madh, Pirroja, mbretërit Bardhyli, Genti e Teuta.

Me këtë gjuhë ka folë shpata e Skënderbeut, pena e Rilindasëve të mëdhenj, gjoksi shkëmb i Mic Sokolit, diplomacia e Ibrahim Rugovës, pushka liberatore e Adem Jasharit, Ramush Haradinajt, Ali Ahmetit.

Është Gjuha Shqipe që po bëhet gjuhē zyrtare në Maqedoni.

Koha kërkon që shqipëtarët të jenē unikë rreth Gjuhēs dhe Flamurit me devizën” “Një komb, një Atdhe, një Shtet”.

Dalja me shumë kandidatë e partive shqiptare nē Strugē dhe në tē gjitha rajonet ku ata janë, e dëmtojnë njëri-tjetrin, është e pafalshme fatale, vetēvrasje politike, dhe një tradhëti ndaj interesave kombëtare.

Unioni Artistik i Kombit Shqiptar u ban thirrje Shqiptarëve atje, partive dhe kandidatëve të tyre, të jenë të bashkuar dhe të vendosur për një kandidaturë konsensuale të provuar që meriton votëbesimin nën Emblemën e Shenjtë, Flamurin Kuqezi.

Ky betim solemn djeg skenarin maqedonas të përçarjes e ndarjes së Strugës nga Veleshta i provuar edhe në vitin 2009, por që dështoj me turp atëherë dhe do tē dështojë dhe tani.

Unioni Artistik i Kombit Shqiptar, i vetëdijshëm për rëndësinë jetike që ka Struga për historinë e sotme e të ardhme të Atdheut tonë u propozoi dhe e finalizuan Trinjakëzimin e Strugës, Sarandës dhe Tropojës.
Ky trinjakëzim është trinom Iliro-Epirito-Dardan, është Trini e Shenjtë, trekëndësh historiko-kulturorë.

Lidhjet e Strugës, të Tropojës Dardane dhe të Epirit të Pirros së Madh kanë ekzistuar nē kordinim prefekt, në bashkëveprim të sinkronizuar sa herë është venë në pikëpyetje liria dhe identiteti ynë.

Mjafton të kujtojmë Besëlidhjen e Lezhës apo vatrat më të shquara kundër Tanzimatit ishin Vilajeti i Shkupit, nën udhëheqjen e Dervish Carës, Vilajeti i Janinēs, nën udhëheqjen e Zenel Gjolekës dhe Rrapo Hekalit, Malësia e Gjakovēs, Tropoja e Dardanisë, nën udhëheqjen e Binak Alisë. Këto kryengritje kishin shpërthyer kur mbarë Evropa shkundej nga Revolucioni kapitalist i vitit 1848.

Shqipëtarët kur të votojnë me dt. 15 tetorë 2017  duhet të kujtojnë vargjet e shenjta tē Hymnit Kombëtar.

“Rreth Flamurit të përbashkuar,

Me një dëshirë e njē qëllim.

Të gjithë atje duke u betuar,

Ta lidhim besën për shpëtim.

Edhe pas 25 viteve të themelimit të ARM-së përfaqësimi i drejtë dhe adekuat i shqiptarëve në njësitet speciale të ARM-së mbetet tejet vogël.

Arbën Xhaferi u lind më 24 janar 1948 në Tetovë. Shkollën fillore dhe gjimnazin e kreu në vendlindje, kurse studimet në degën e filozofisë i kreu në Universitetin e Beogradit.

Qysh si student u dënua me burg për bindjet e tij politike, organizimin dhe pjesëmarrjen në demonstratat e Tetovës të vitit 1968, për çka u detyrua të kërkojë strehim më të sigurt dhe punë në Prishtinë.

Nga viti 1975 deri në vitin 1990 punoi në Radiotelevizionin e Prishtinës si redaktor përgjegjës i programit të kulturës. Gjatë kësaj periudhe punoi si analist në të përjavshmet “Koha” të Veton Surroit dhe “Forum” të Adem Demaçi, si dhe në disa media të tjera shqiptare dhe të huaja.

Në vitin 1993, Arbën Xhaferi u kthye në vendlindje, për ta vazhduar veprimtarinë e tij intelektuale dhe politike. Në vitin 1994 u zgjodh kryetar i Partisë për Prosperitet Demokratik të Shqiptarëve (PPDSH).

Gjatë konfliktit të armatosur të vitit 2001, Arbën Xhaferi dha një kontribut të veçantë, sidomos për nënshkrimin e Marrëveshjes së Prizrenit dhe arritjen e Marrëveshjes së Ohrit. Qasja konstruktive e Xhaferit në atë kohë u përkrah nga faktori ndërkombëtar, duke e legjitimuar luftën e shqiptarëve dhe nisur kështu bisedimet që përfunduan me Marrëveshjen e Ohrit, për ndërrimin e konceptit monocentrik të shtetit.

Pas drejtimit të sukseshëm të Partisë Demokratike Shqiptare për gati një dekadë, në zgjedhjet e parlamentare të 15 shtatorit të vitit 2002 Xhaferi kaloi në opozitë, por postin e kryetarit të partisë (PDSH) e mbajti deri në vitin 2007.

Ai u dallua si politikan i zgjuar dhe intelektual i përmasave kombëtare, i cili la pas vetes një numër të konsiderueshëm shkrimesh publicistike, analiza dhe vështrime politike, intervista, artikuj dhe studime të tjera, të cilat shquhen për thellësinë e mendimit dhe qasjen intelektuale.

Mes tjerash, Arbën Xhaferi dha një kontribut të çmuar edhe për Universitetin e Tetovës dhe afirmimin e tij, duke u bërë pjesë e pandarë e drejtuesve të këtij universiteti, me nënshkrimin e aktit për fillimin e punës së tij, më 17 dhjetor 1994, si dhe pjesëmarrjen në delegacionet e përfaqësuesve të partive politike, asociacioneve jopolitike dhe drejtuesve të Universitetit në Shtetet e Bashkuara të Amerikës, në shkurt të vitit 1995 dhe qershor të vitit 1996, me çka u sigurua përkrahje e gjerë nga SHBA, OKB dhe institucionet tjera relevante ndërkombëtare.

Arbën Xhaferi ka publikuar dy vepra, “PDSH-ja jo në letër”, dhe “Sfidat e Demokracisë në Shtetet Multietnike”.

Arbën Xhaferi ndërroi jetë në Tetovë, më 15 gusht 2012.

* * *Përshkrimi i fotografive nga angazhimi i Arbën Xhaferit për përkrahjen dhe afirmimin e Universitetit të Tetovës:

1. Delegacioni i përfaqësuesve shqiptarë në Nju Jork, qershor 1996: Arbën Xhaferi (PPDSH), Iljaz Halimi (PDP), Myqereme Rusi (LGSH), Shirley Cloyes DioGuardi (LQSHA) dhe veprimtarë të tjerë shqiptarë në SHBA.

2. Ushtruesi i detyrës Rektor i UT-së, Prof. dr. Agni Dika, Arbën Xhaferi (PPDSH) dhe Faik Lita, veprimtar shqiptar në SHBA.

3. Arbën Xhaferi dhe Arben Rusi (në radhën e parë), Prof. dr. Fadil Sulejmani dhe Prof. dr. Agni Dika (në radhën e dytë) dhe pjesëmarrës të tjerë, me rastin e nënshkrimit të aktit për fillimin e punës së UT-së, më 15 dhjetor 1994, në Tetovë.4. Portret i Arbën Xhaferit në kohën kur ishte lider i PDSH-së./Abdulla Memeti/

Dymbëdhjetë gushti çdoherë për lubotenasit e Shkupit përkujtohet si një ditë e dhembshme, sepse u përkujton masakrën e vitit 2001, kur forcat maqedonase të sigurisë vranë 10 civilë shqiptarë.

Zgjedhjet lokale në Maqedoni do të mbahen më 15 tetor. Kryetari i Kuvendit , Talat Xhaferi, ka dekretuar të dielën datën për mbajtjen e tyre, ashtu siç janë marrë vesh partitë politike pas skadimit të afatit për mbajtjen e tyre në muajin mars.

“Në përputhje me obligimet ligjor si kryetar i Kuvendit të Republikës së Maqedonisë dhe në përputhje me afatet e përcaktuara në Kodin Zgjedhor i shpall zgjedhjet lokale, të cilat sipas dispozitave ligjore, do të mbahen më 15 tetor 2017”, ka deklaruar Xhaferi.

Ai u ka bërë thirrje partive politike t’i respektojnë procedurat ligjore për të siguruar proces zgjedhor të lirë dhe demokratik.

“Apeloj te të gjithë pjesëmarrësit në procesin zgjedhor, në periudhën para ditës së zgjedhjeve dhe në ditën e zgjedhjeve, të sillen në përputhje me Kushtetutën dhe dispozitat ligjore, ndërsa institucionet kompetente të sigurojnë që i gjithë procesi zgjedhor dhe vetë dita e zgjedhjeve të rrjedhë në atmosferë të qetë, korrekte dhe demokratike, ashtu siç meritojnë qytetarët e nderuar të Republikës së Maqedonisë”, ka theksuar Xhaferi.

Fushata zgjedhore fillon njëzet ditë para ditës së mbajtjes së zgjedhjeve dhe gjatë kësaj periudhe Kuvendi i Maqedonisë do të punojë, por nuk do të mbajë seanca plenare. Kjo, siç tha kryeparlamentari, bëhet me qëllim që deputetët të kenë mundësi t’i përkushtohen fushatës zgjedhore dhe në të njëjtën kohë të mos krijohet hapësirë që seancat plenare të shndërrohen në fushatë zgjedhore.

Zgjedhjet lokale të 15 tetorit shihen si test në veçanti për partitë politike, në veçanti për LSDM-në dhe VMRO-në, të cilat në zgjedhjet parlamentare kishin thuajse rezultat të barabartë në mandate.

Zgjedhjet do të jenë me interes edhe te partitë shqiptare pas daljes në skenë të partive të reja, të cilat përgjysmuan numrin e mandateve të Bashkimit Demokratik për Integrim. Zgjedhjet lokale do të mbahen në 82 komuna dhe në Shkup, si njësi e veçantë e pushtetit lokal.

Në një intervistë për portalb.mk, eksperti i drejtësisë Osman Kadriu, u shpreh se Ligji i ri për gjuhët nuk ofron barazi të plotë mes gjuhës shqipe dhe asaj maqedonase por është vetëm një avancim në mundësitë për përdorimin e gjuhës shqipe në përgjithësi.

SHKUP – Qeveria e Republikës së Maqedonisë, në mbledhjen e mbajtur mbrëmë vonë, ka miratuar tekstin e ligjit për përdorimin e gjuhëve.

Në një kumtesë, Qeveria e Maqedonisë njofton se sot në orët e pasdites, kryeministri Zoran Zaev dhe zëvendës kryeministri përgjegjës për implementimin e Marrëveshjes Kornizë, Hazbi Lika, në një takim me gazetarë do të njoftojnë për detajet nga teksti i ligjit për përdorim të gjuhëve, i cili është pjesë e harmonizimit të programit kombëtar për miratim të së drejtës së Bashkimit Evropian. aa

Agjencia e lajmeve ruse, “Sputnik” në një shkrim të sajin botuar në formatin serbisht të portalit, shkruan ditën e sotme se në Samitin e Kartës së Adriatikut, mbajtur në Podgoricë është diskutuar edhe për emrin e ri të Maqedonisë, shkruan “Panorama”.

Kështu, sipas “Sputnik”, e cila citon burime konfidenciale brenda delegacionit të Zoran Zaev, kryeministri maqedonas ka pranuar emrin e ri për Maqedoninë, e cila do të jetë Maqedonia Veriore ose Maqedonia e Epërme.

“Sputnik” shkruan se propozimi për këtë emër ka ardhur nga kryeministri i Shqipërisë, Edi Rama, i cili në një takim me Zaevin në Samitin e Triestes, i ka sugjeruar këtë emër për Ish-Republikën Jugosllave të Maqedonisë.

Po kështu, “Sputnik” shkruan se çështja e emrit është edhe kushti që Maqedonia të anëtarësohet në NATO.

Tashmë, pritet që Zaev ta hedhë në referendum emrin e ri të Maqedonisë, duke mbarë mbështetjen e SHBA-ve.

Emri i ri është diskutuar në një debat të gjërë me dyer të mbyllura, në prezencë të Mike Pence, zv/Presidentit amerikan.

Mbledhja e KAÇKM-së, e cila është mbajtur më 2 gusht të vitit 1944, dhe aty u vendos që Maqedonia të shpallet shtet federal në kuadër të federatës Jugosllave, ka diskriminuar tej mase popullin shqiptar dhe nacionalitet e tjera në vend.

Televizioni serb B92 ka publikuar një shkrim duke iu referuar gazetës serbe Veçernie Novosti, sipas së cilit një raport i shërbimit sekret serb ka ngritur alarmin se shqiptarët po nxisin një konflikt ndërmjet Maqedonisë dhe Serbisë.

Sipas artikullit,” në këtë skenar janë përfshirë shqiptarët por edhe një pjesë e autoriteteve të Maqedonisë”.

Duke cituar shërbimin sekret serb BIA, Vecernie Novosti thekson se “grupe të armatosura shqiptarësh janë infiltruar në zonën kufitare ndërmjet Serbisë dhe Maqedonisë”.

Duket shumë me spec ky shkrim që ka të gjithë formën e një artikulli dezinformues pasi nuk ka asnjë shenjë që në Maqedoni po përgatitet një trazirë.

Shkrime të ngjashme u botuan në mediat serbe edhe në vitin 2015 përpara ngjarjes tragjike të “Lagjes së Trimave” në Kumanovë.

B92, duke iu referuar Vecernie Novosti-t, gjithsesi thekson më tej se “shqiptarët kanë siguruar ifnormacione të ushtrisë dhe policisë serbe dhe me të cilat do të kryejnë veprime diversioniste”.

Sipas shkrimit në fjalë, “qëllimi i planit është që të krijohen kushte për protesta dhe kundërshti të Shkupit ndaj Beogradit pas veprimit në terren të këtyre grupeve militare, të cilat do të dhunojnë integritetin dhe sovranitetin e Maqedonisë, duke u intpretuar si një rebelim i armatosur”.

Po sipas planit që i referohet BIA-s serbe, “synimi është që “të akuzohet Beogradi për pretendime territoriale”.

Fakt është se kufiri që i referohet gazeta serbe që mund të ndodhin trazirat është praktikisht një kufi mes shqiptarësh. Kjo pasi vija kufitare e Maqedonisë dhe Serbisë ndahet pikërisht në Luginën e Preshevës, fakt ky që ngre një dyshim të madh që shërbimi serb apo bashkëpunëtori i tij më i madh që është inteligjenca ruse, e cila ka qendrën rajonale në Nish, po përgatit një skenar të tmerrshëm që të destabilizojë Ballkanin.

Dhe siç duket, synimi ruso-serb është që të vendosë një njollë të madhe në Preshevë, në mënyrë që nëse nis diskutimi për ndarjen e Kosovës, Presheva të mos hyjë në të, nëse në këtë zonë do të ketë trazira të armatosura.

Por shërbimi serb nuk ndalet këtu. Siç bën të ditur B92, pjesa e dytë e planit që publikon Veçernie Novosti konsiston në arrestime fiktime që autoritetet maqedonase do të nisin ndaj një rrjeti serb në Maqedoni. Këto arrestime do të jenë kundër ish-anëtarëve të forcave speciale dhe shërbimit sekret të kohës së Gruevskit, pra që drejtoheshin nga kushëriri i tij Mijallkov.

Pikërisht kjo pjesë e shkrimit, nxjerr në fakt edhe qëllimin real të gjithë të ashtuquajturit “plan” që publikohet në media nga shërbimi sekret serb.

Duket se bëhet fjalë për një “profilaksi” për të ndaluar arrestimet e ish-agjentëve të Mijallkovit që akuzohen në vendin e tyre për shkelje ligji dhe të të drejtave të njeriut.

Duket se shërbimi sekret i Beogradit frikësohet se nëse happen “petët e lakrorit”, atëhere zbulohet edhe bashkëpunimi i ngushtë i Gruevskit me Beogradin e Moskën për të destabilizuar jo vetëm Maqedoninë por edhe rajonin, vetëm e vetëm që shqiptarët të mos faktorizohen./tesheshi/

Dy ish-shefat e shërbimit sekret të Maqedonisë Goran Grujevski dhe Nikola Boshkovski akoma gjenden në arrati. Policia nuk saktëson nëse janë akoma brenda shtetit ose jashtë tij.

Ish-funksionarët e DSK-së nuk janë askund tashmë 5 ditë. Ata i kërkon edhe Interpoli. MPB informon se kanë kontrolluar disa lokacione për të cilat kanë pasur informacione se kanë mundur të fshehen Gruevski dhe Boshkovski, si të akuzuar kryesorë nga PSP-ja në lidhje me hetimin se kush e ka porositur përgjimin masiv të paligjshëm në Maqedoni, shkruan Ina.

Një skandal ka ndodhur në komunën e Bervenicës së Tetovës, kur disa maqedonas kanë sulmuar shqiptarin në sy të policëve dhe madje edhe e kanë kërcënuar me vdekje, njofton TetovaSot.

Sipas lexuesit i cili edhe ka dërguar videon në redaksinë e portalit TetovaSot, sot në mesditë ka ndodhur një ndeshje në Bërvenicë, ku sipas tij është goditur dhe kërcënuar e fyer, shqiptari nga fshati Çellopek, identiteti i të cilit nuk bëhet i njohur.

Lexuesi, po ashtu thotë se maqedonasit që kanë sulmuar dhe fyer shqiptarin janë pronarë të një garazhi për centrimin e gomave të automjeteve, që sipas tij frekuentohet nga shumë shqiptarë të Pollogut.

Pronarin e automjetit nga fshati Çellopek, policia e ka nxjerrë të pafajshëm dhe kjo ka irrituar tejmase maqedonasit të cilët kanë sulmuar edhe para policëve.

https://www.facebook.com/sharer/sharer.php?u=https%3A%2F%2Fwww.facebook.com%2FTetovaaSot%2Fvideos%2F1676690889031035%2F&display=popup&ref=plugin&src=video

Pasuan shpërngulje masive të shqiptarëve – për të mos u rikthyer më në qytetin e tyre

Më 27 korrik 1963 tërmeti i madh që goditi Shkupin, i cili shkaktoi rreth një mijë e 70 viktima, shkatërroi disa mijëra ndërtesa dhe shtëpi dhe si pasojë ndryshoi hartën demografike të qytetit.

Shumë vende u solidarizuan dhe ndihmuan për rindërtimin e qytetit. Autoritetet e ngritën qytetin e ri në anën e djathë të lumit Vardar, ndërkohë që historianë shqiptarë thonë se shqiptarët e Shkupit ishin ata që u dëmtuan më shumë nga tërmeti i vitit 1963, sepse kjo ngjarje tragjike bëri që mijëra prej tyre të shpërnguleshin për të mos u rikthyer më.

Kryeministri i Maqedonisë, Zoran Zaev bëri sot të ditur se Ministria e Drejtësisë është duke përgatitur projekt-ligjin për përdorimin e gjuhëve, që parasheh avancimin e përdorimit të gjuhës shqipe. Zoti Zaev tha se askush nuk humbet me këtë ligj dhe gjithkush ka të drejtë ta ndiejë Maqedoninë si të veten.

Një nga kushtet kryesore të partive shqiptare për të marrë pjesë në koalicionin qeveritar ishte pikërisht përdorimi i gjerë ose zyrtarizimi i gjuhës shqipe në këtë vend.

Kryeministri maqedonas Zoran Zaev konfirmoi të mërkuren se ligjii për gjuhët po përgatitet në Ministrinë e Drejtësisë dhe se qeveria pret ta miratojë atë para zgjedhjeve vendore në vjeshtë. Kështu është emëruar projekt-ligji për shkak të gjuhës shqipe, që në të vërtetë nuk figuron në kushtetutën e Maqedonisë si e tillë, por si gjuha të cilën e flasin të paktën njëzet përqind e popullatës së një komune apo në shkallë vendi.

Zoti Zaev tha se me miratimin e këtij ligji nuk humben votat as të qytetarëve maqedonas e as të atyre shqiptarë. Ai shtoi se gjithkush ka të drejtë për barazi në shoqëri dhe që ta ndiejë Maqedoninë si të veten.

“Nuk bëjmë kalkulime, nuk kemi paragjykime, ndryshimet e ligjit për përdorimin e gjuhëve do t’i bëjmë së shpejti”, theksoi kryeministri Zaev, duke shtuar se kjo çështje nuk i përket vetëm BDI-së, Lëvzjes “Besa”, apo partive të tjera shgqiptare, por edhe Lidhjes Social Demokrate dhe qytetarëve maqedonas.

Ai tha se kjo qeveri synon përmes vendimeve t’i mbyllë çështjet e hapura dhe jo t’i mbajë ato të fshehura. Kryeministri maqedonas bëri të ditur se projekt-ligji do t’i dërgohet Komisionit të Venecies dhe ekspertëve evropianë.

Nga ana tjetër, partia VMRO-DPMNE, mbështetësit e së cilës protestuan për më tepër se dy muaj kundër avancimit të gjuhës shqipe dhe asaj që ata dhe media maqedonase e njohin si platforma e partive shqiptare, apo edhe e Tiranës, së fundmi ka zbutur qëndrimet, duke thënë se partia nuk është kundër gjuhës shqipe dhe se dëshiron të ketë një qasje të re pozitive ndaj shqiptarëve.

Partitë shqiptare në Maqedoni duan që shqipja të ngritet në gjuhë të dytë zyrtare në vend.

BDI-ja, Lëvizja për Reforma, Partia Demokratike Shqiptare dhe Uniteti janë takuar sot me nismën e Rilindjes Demokratike Kombëtare, për të diskutuar mbi kërkesat shqiptare të përfshira në deklaratën e janarit të këtij viti. Takimin e ka bojkotuar Lëvizja “Besa”, drejtuesit e të cilës nuk duan të ulen në një tryezë me BDI-në rivale.

Në rajonin e Zajazit është gjetur edhe një varrezë tjetër masive në vendin e quajtur ”te Xhamia”. Komisioni për zhvarrim është duke gjurmuar për të bërë identifikimin e mundshëm të tyre.

Gjyla Çeliku shqiptare nga Maqedonia, merr presidencën për përfaqësimin e grave në Ballkan në asociacionin International Women’s Club me seli në Indi në New Delhi dhe filiale në Çikago, Paris, Stokholm, Helsinki, Zhenevë, Toronto, Sydney dhe tash me filale edhe në Ballkan.

Gjyla Çeliku do të përfaqësojë Shkupin, Tiranën, Prishtinën, Beogradin, Sarajevën, Podgoricën.

Rasti Stuhia Malore, perfundoi. Vuajtën denimin 192 vjet, 17 të akuzuar, 13 të arrestuar, 4 në arreti. Ata sot përmbushën obligimin e tyre, pasi vuajtën dënimin.

Sot në Tetovë u mbajt Kuvendi i rregullt i LR-PDSH-së, ku u diskutua për situatën politike në vend, njofton kjo parti.

Ballkani është bërë përsëri pjesë e rëndësishme dhe gjeostrategjike me forcimin e aktorëve të huaj jo-europianë. BE përpiqet për stabilizimin e rajonit nga sundimtarët autoritarë – por kjo nuk është ide e mençur, shkruan fillimisht historiani Oliver Jens Schmitt për median zvicerane “NZZ​”.

Tani të marr ta shtrydh VMRO-DPMNE-në do të nxjerr 10 homoseksualë, pse të fshihen, pse të mos jeni ata që jeni?, e pyeti deputeti i BDI-së, Branko Manojllovski, deputetin e VMRO-DPMNE-së, Vllatko Gjorçev, në emisionin e sontëm “Top Tema” në TV Telma, në debatin për të drejtat e komunitetit LGBT.

Pas formimit të 10 grupeve parlamentare të VMRO-DPMNE-së. Kuvendi sot nuk do ta vazhdojë seancën në të cilën si pikë e dytë e rendit të ditës është shkarkimi i kryeprokurorit publik Marko Zvërlevskit. Edhe pse ishte caktuar, kryetari i Kuvendit Talat Xhaferi e anuloi seancën, njofton Portalb.mk.

Nasuf Beqiri (Kaçaki), që është njëri nga të akuzuarit e Grupit të Kumanovës ka shkruar një letër publike dërguar edhe në adresë të INA-s. Kjo letër i dedikohet edhe kreut të BDI-së, Ali Ahmeti, ku kërkohet ndërhyrja e tij.

Ata janë të dënuar me dhjetëra vite burg e deri në burgim të përjetshëm për vepra penale dhe terrorizëm

Dënimet e shqiptarëve mbeten drakonike, lidhur me rolin që kishin Gjykatat e Shkupit, posaçërisht te ata që konsiderohen si raste të montuara. Viktima të këtyre proceseve politike që vërshuan pas vitit 2001, menjëherë pas konfliktit futën nëpër burgje qindra ish-pjesëtarë të Ushtrisë Çlirimtare Kombëtare (UÇK).

Opinioni i gjerë mirë i din dënimet për civilët e Brodecit, Sopotit, dënimi i ish-pjesëtarëve të UÇK-së për vënien e bombave në Kumanovë dhe hekurudhën që lidhet me Serbinë, dënimi me burgim të përjetshëm për dy qytetarë të fshatit Haraçinë, dënimi për ish-pjesëtarët e Rakovecit, dënimi i ish-pjesëtarit të UÇK-së nga Tetova, Ibrahim Sulejmani, gazetarin kumanovar Agim Behluli i dënuar po ashtu për terrorizëm, por edhe shumë raste të tjera që kanë çuar në burg kryesisht ish-pjesëtarët e UÇK-së.

Rexhail Qerimi (41) nga fshati Opajë të Kumanovës, Agim Islami (27) nga fshati Rashçe të Shkupit, dhe Almir Drlanjin (31) nga Shkupi më 30 prill 2010 u dënuan me burgim të përjetshëm, ndërsa Ramadan Shaqiri, i akuzuari i katër për dhënien e ndihmës është akuzuar me gjashtë vite burg. Rexhail Qerimi, Agim Islami dhe Ramadan Shaqiri kanë qenë ish-pjestarët të UÇK-së, mirëpo ata në gjykatë kanë pohuar se asnjëherë nuk janë njohur, raporton agjencia e lajmeve INA.

Kësaj i shtohen edhe listat e MPB-së për aktivistë dhe personalitete politike nga diaspora, të cilët me vite nuk guxojnë të vijnë në Maqedoni, për shkak të fletëarresteve nga autoritetet e Shkupit.

Rastet me dënime të larta janë ato të Sopotit me rreth 200 vjet burg, Brodecit me 192 vjet burg, ish-pjesëtarët e Kumanovës e Shkupit për shpërthimet e vitit 2003 në Kumanovë dhe Likovë, të njohur dhe të udhëhequr nga ish-komandanti Avdil Jakupi-Çakalla si dhe rasti i fundit ‘Monstra’, ku 6 të rinjë shqiptar u dënuan me burg të përjetshëm.

Shumica e të dënuarve që po dergjen nëpër burgjet e vendit janë kryesisht ish-pjesëtarë të UÇK-së.

Përveç vuajtjes së tyre nëpër burgje, familjet e tyre po pësojnë rëndë duke mos qenë të ndihmuar dhe duke u lënë në harresë. Shumica e pjesëtarëve të familjeve kanë ndërruar jetë, për shkak të dhimbjes së tyre për fëmijët e tyre.

Ekspertët e drejtësisë, shprehen kundër këtyre dënimeve kaq të mëdha, dhe e udhës sipas tyre, është, “që të kërkohet rishqyrtimi i lëndës te shumica e rasteve”.

Revolta e familjeve dita ditës po shtohet dhe se janë paralajmëruar masa radikale në kërkim të përsëritjes së rasteve që kanë të bëjnë pas përfundimit të konfliktit të vitit 2001, ku janë të dënuar shumica e ish-pjesëtarëve të UÇK-së.

SHKUP– Komandantët e njësive speciale policore kanë pritur me orë të tëra që të angazhohen për të qetësuar situatën në Kuvendin e Maqedonisë natën e 27 prillit të dhunshëm.

Por askush nuk u ka dhënë urdhër policëve që të reagojnë. Dhe kjo është thënë në dëshmitë e komandantëve në prokurori, ku po kryhen hetimet për këtë natë, ku u sulmuan fizikisht gazetarët dhe deputetët e shumicës parlamentare.

Dëshmi kanë dhënë komandanti i Njësisë së posaçme për mbështetje (NJPM), Branko Trajanovski, si edhe Marjan Petkovski, komandant i Njësisë për Reagim të Shpejtë (NJRSH).

Asnjëri nuk ka marrë në kohë të duhur urdhër për të intervenuar në qetësimin e situatës në Kuvend, njofton “Tv Telma”.

Prokuroria nuk saktëson se kur do të përfundojë procedura parahetimore, ndërkaq pritet që dëshmi të japë edhe vetë ish-ministri i MPB-së, Agim Nuhiu.

Prokuroria Publike Themelore për përndjekjen e krimit të organizuar dhe korrupsionit ia dorëzoi lëndën “Sopoti” Prokurorisë Publike për përndjekjen e veprave penale të cilat lidhen dhe të cilat dalin nga përmbajtja e përndjekjes joligjore të komunikimeve (PSP).

SHKUP– Nëse Ligji për avancimin e Gjuhës Shqipe shkon për shqyrtim dhe interpretim në Komisionin e Venecias, atëherë Aleanca për Shqiptarët, gjegjësisht LR-PDSH do të braktisë Qeverinë. Qeveria në kuadër të prioriteteve të saj përmes zv/kryeministrit Bujar Osmani, konfirmoi se ligji për Gjuhën Shqipe do të shkojë në komisionin e Venecias.

Zëvendëskryeministri për eurointegrime Bujar Osmani, bëri të ditur se pasi të përgatitet nga Qeveria, ligji do të dërgohet në Kuvend dhe në Komisionin e Venecias.

Nga LR-PDSH theksuan se qëndrimi i tyre është i qartë se Ligji për Gjuhën Shqipe duhet të kalojë para zgjedhjeve, në të kundërtën kanë qëndrimet e tyre të shprehura, informon INA.

Kryetari i LR-PDSH, Ziadin Sela disa ditë më parë ka lënë të kuptohet se, nëse brenda 100 ditëshit të qeverisjes nuk arrihet të votohet ligji i ri për gjuhën shqipe, nuk do të ketë më kompromise dhe se siç është bërë e ditur kjo parti nuk do të qëndrojë në koalicionin qeverisës.

“Pas 100 ditëshit të Qeverisë së re nëse nuk arrihet zgjidhje për gjuhën shqipe, nuk do të ketë kompromis. Sa i përket formimit të Qeverisë ne bëmë një kompromis, por pas 100 ditëshit s’ka më kompromis”, ka theksuar Sela gjatë gjatë një takimi me anëtarët nga dega në Gostivar.

Gjithashtu edhe Sekretari i përgjithshëm i LR-PDSH-së dhe Ministri i Shëndetësisë, Arben Taravari ka thënë se “nuk kanë çfarë të bëjnë në qeveri nëse ligji për Gjuhën Shqipe nuk bëhet për 100 ditëshin e parë të Qeverisë së Maqedonisë”.

Sot në mëngjes është ndier tërmeti më i fuqishëm prej katër tërmeteve në thellësi prej 1 kilometri

SHKUP – Katër tërmete ku më i fuqishmi ishte me 4.1 ballë sipas Rihterit janë regjistruar mbrëmë në rajonin e Ohrit.

Sot në mëngjes është ndier tërmeti më i fuqishëm prej katër tërmeteve në thellësi prej 1 kilometri.

Mbrëmë pas mesnate është regjistruar tërmeti me magnitudë prej 3 ballë të cilit i paraprinë dy dridhje me fuqi prej 3.2 dhe 3.1 ballë.

Nga mesi i muajit të kaluar deri më sot në rajonin e Ohrit janë regjistruar mbi 1.000 tërmete.

Më i fuqishmi ishte pardje me magnitudë prej 5 ballë sipas shkallës së Rihterit, që shkaktoi shqetësim tek banorët dhe turistët, ndërsa janë lajmëruar edhe dëme më të vogla.

Ndërkohë Ministria e Mbrojtjes (MM) doli me një njoftim ku ofron kapacitetet e kampit ushtarak “Vasko Karangelski” në Shën Naum, Ohër, për vendosjen e qytetarëve të shqetësuar nga seria e tërmeteve që përfshinë qytetin dhe rrethinën.

“Ministrja e Mbrojtjes Radmilla Shekerinska në këtë mënyrë iu përgjigj thirrjeve të qytetarëve drejtuar asaj përmes rrjeteve sociale, që të hapen dyert e kampit ushtarak, meqë qytetarët do të ndiheshin më të sigurtë”, njoftoi Ministria e Mbrojtjes.

Dyert e kampit, theksojnë nga MM-ja, janë të hapura për qytetarët të cilët kanë dëme nga dridhjet e deritanishme dhe ndiejnë nevojë që të strehohen në kampin ushtarak derisa toka në Ohër të qetësohet. aa