Foto grupore me Kolonel Anton Quni në sallën e Akademisë
“Janari i përflakur, dhimbje fisnike”, është emërtuar Akademia përkujtimore, kushtuar Presidentit Rugova, në 18 vjetorin e amshimit. Skenari i menduar mirë dhe paraqitja skenike domëthënëse. Janë heronjtë e janarit, në mes tyre ikona e pavarësisë, Presidenti Rugova. Në foltore moderatori Blerim Cakiqi, në anësore studenti Florian Zymeri operon me zërimin e hymneve: Kombëtar, Dardan dhe Shtetëror, që pason me heshtjen nderuese për dëshmorët e lirisë.
Dega e LDK-së për Bavari, me kryetare Saranda Musliu dhe nëndegët e saj: në Starnberg me kryetar Ibrahim Potoku; në Mynih me kryetar Milaim Gërvalla dhe Oberbayern me kryetar Rexhep Nikçi, organizuan Akademi përkujtimore, në nderim të Presidentit Rugova dhe të heronjve të rënë në muajin janar.
Sekretari Blerim Cakiqi, përshëndeti Kolonel Anton Qunin, nënkryetar i LDK-së; kryetaren e LDK-së për Bavari, Saranda Musliun, familjet e dëshmorëve, veprimtarët e hershëm të Mërgatës; shoqatat: “Rilindja” në Mynih, me kryetar Bekim Gërvalla; “Sali Çekaj”, në Pfaffenhofen, me kryetar Gentian Ferizi; “Abeja” në Freissing, me kryetar Agron Haxhijaj; “Rrufeja” në Moosburg, me kryetar Xhemajl Hoxha; “Alba” në Augsburg, me kryetar Myslim Berisha; “Ilirida” në Landau, me kryetar Tefik Jaha; “Shqiponja” në Mynih, me kryetar Milaim Krasniqi; Klubi letrar “Martin Camaj” në Mynih, me kryetar Bashkim Halilaj; Shkolla shqipe “LAPSH” në Bavari, me kryetar Milazim Ukaj; Lidhja e Krijuesëve Shqiptarë në Mërgatë, me kryetar Musa Jupolli, si dhe të gjithë të pranishmit në këtë Akademi.
Si gjithëherë, dashuria në gjallje dhe nderimi pas amshimit, të Presidentit Rugova, janë të bollshme nga Mërgata. Emri dhe vepra e Tij kanë qenë dhe mbetën pafundësisht të admirueshme. Andaj, sallat mbushën, lehtësisht, në organizimet që bëhen në nderim të Tij. Binomi Rugova dhe Kosova është një dhe i pandarë. Roli i Dr. Rugovës është pakrahasuesshmërisht në historinë shqiptare, që nga Gjergji ynë e këtej. Ky cilësim, tashmë, është bërë -hit-, nga personalitete shqiptare dhe të huaj.
Moderatori Blerim Cakiqi fton në skenë kryetaren e Degës të LDK-së, për Bavarinë, Saranda Musliu, për të folur për – Janarin e përflakur, dhimbjen fisnike -:
I nderuari nënkryetar i LDK-së Anton Quni,
Të nderuar bashkatdhetarë,
Sot dhe tërë muajin e fillimvitit, kryefjalë kemi emrin Janar, emër ky që sapo përmendet, trupin dhe shpirtin na e përshkojnë vrushkuj dhimbjesh, malli dhe rrënëçethjesh trishtuese shpirtërore! Jo rrallë është quajtur Kallnori i Malarjes vrastare të Gjergj Kastriotit, Kallnori i acartë i vrasjeve makabre të Isë Boletinit me bashkëluftëtarë, të Ismail Qemal Vlorës, të Jusuf e Bardhosh Gërvalla dhe Kadri Zeka, Rexhep Mala dhe Nuhi Berisha, të Musa Hotit, Enver Malokut, Reçaku i sakrificës, Tahir Zemaj, Smajl Hajdaraj dhe jo pak të tjerë, deri te ikja e dhimbëshme e Fadil Feratit, kryetari emblematik i Istogut!
Historia jonë është e mbushur përplotë me data ngjarjesh nga më të ndryshmet, lavdie e krenarie, luftërash e betejash për mbijetesë kombëtare, ngjarje që krijojnë epoka apo shëmbin mite, ngjarje sa legjendare, po aq edhe të kthesave historike!
Secili muaj është i veçantë në përmbajtësi dhe narracion rrëfimtar. Dhe, varësisht se cilin e merr në shqyrtim, aty ndeshesh me sakrificën në mbrojtje Kjenësie Etnike, në përpjekje për çlirim, shtetformim e shtetndërtim, që nga Nëntori i Kastriotit dhe kthimit të tij në Atdhe, shpalosja e Flamurit Kombëtar, tevona i shpalljes së Pavarësisë së Shqipërisë. Qershori i Lidhjes së Prizrenit dhe Çlirimi i Dardanisë, Korriku apo Shkurti i Deklaratës dhe Ri-Deklarimit të Pavarësisë, Marsi i Pranverës së Zgjimit Kombëtar, dhe veçorive tjera të secilit muaj. Por Janari është krejtësisht tjetër nga muajt tjerë, sepse Janari është muaj i dhimbjes, muaj i lotëve, muaj i mallit, muaj i acarit të jashtëm dhe vlimit të brendshëm shpirtnor!
Po, gjithsesi jo pak poetë e shkrimtarë, artistë e filozofë, Janarin e quajtën muaj të flakës kushtrimore nga përflakja shpirtnore, sepse ndodhën edhe vrasje makabre të personaliteteve tona, nga më të dalluarat kombëtarisht e intelektualisht. Vrasje me prita sa qyqare, po aq tradhtare, vrasje nga frikacakë që i frikoheshin edhe hijes dhe emrit të tyre. E kjo e bënë Janarin shumëfish më të dhimbshëm që identifikohet edhe me kobin e tmerrshëm!
Të dashur të pranishëm, kjo Akademi Përkujtimore e organizuar nga Dega e LDK-së për Bavari, sigurisht që është vazhdimësi e nderimeve dhe përkujtimeve të vazhdueshme të veprimtarëve atdhetarë, të cilët në muajin Janar shkuan në pavdekësi. Përkujtime e nderime kudo dhe në forma e mundësi të ndryshme dhe shumëllojshme, por me vetëm një qëllim: T´i nderojmë dhe përkujtojmë pa dallim përkatësie politike e partiake, atdhetarisht e kombëtarisht, pa fije dallimi, sepse kështu e kemi TESTAMENT nga Presidenti Rugova, për të gjallë të tij dhe do ta vazhdojmë në PAVDEKËSI të tij dhe të Filozofisë Rugoviane!
Secili prej nesh ta bëjë argatin e tij apo të saj në shërbim të Atdheut, Kombit dhe Kauzës së drejtë Kombëtare. E ka borxh, e ka sa privilegj po aq sakrilegj, synon ta bëjë në mundësitë dhe dijen që ka, por me qëllimin më fisnik, të paktën, kështu e kërkon etika dhe detyra jonë atdhetare! Urojmë që me shtetndërtimin e mirëfilltë ligjor e institucional, të gjitha ngjarjet e pasqaruara përfundimisht dhe të patrajtuara meritueshëm dhe drejtë ligjërisht, të marrin tretmanin dhe epilogun meritor fisnik nga Drejtësia e Shtetit Ligjor!
Sigurisht që urojmë, kërkojmë por edhe këmbëngulim në realizimin të kësaj domosdoshmërie!
Nuk dua të zgjatem më shumë, nuk e kërkon as momenti dhe nevoja, falënderimi ju vjen i përzemërt për madhështinë që i jepet nderimit dhe përkujtimit të Presidentit Rugova dhe personaliteteve që përkujtuam e nderuam përzemërsisht sot”, – tha, në mes tjerash, kryetarja Sarandë.
Lavdi dhe nderim të përjetshëm Presidentit Rugova me dëshmorët e tij, me heronjtë e Kosovës!
Foto kolektive nga salla e Akademisë
Djali i Kaçanikut, poeti i mërgimit, Gazmend Dashi, nënkryetar i Shoqatës “Sali Çekaj”, veprimtar i hershëm i çështjes kombëtare, autor i disa librave me poezi, reciton krijimin poetik, “Legjendë e Urtësisë”, kushtuar urtakut Ibrahim Rugova:
Legjendë e urtësisë
Shkrimtar e studiues i kohërave të lashta ilire
freskues i traditave shekullore
formulues kushtetute, shteti, ardhmënie
promovues i pazëvendësueshëm pavarësie.
I tillë ishte i përkushtueshëm
për komb të shqiptarisë
i dashurisë vllazërore
simbol i qëndresës dhe i urtisë.
I tillë ishte qoftë i bekuar
emri i tij Ibrahim Rugova
qoftë gjithmonë i uruar…
Mysafiri i parë i kësaj Akademie ishte Kolonel Anton Quni, nënkryetar i LDK-së. Prania e Kolonelit ngjallë gjithëherë emocione dhe me kujtimet e Tij për Kosharën heroike, legjitimuese e Ushtrisë Çlirimtare, sikur na i sjell në sallën e Akademisë heronjtë Sali Çekaj, Agim Ramadanin, me 112 heronjtë të rënë, në betejat e nderit në Koshare dhe të 2.438 luftëtarët të mbijetuar në atë luftë. Kolonel Quni, hero i gjallë i luftës ballore të Kosharës, i saktë në rrëfime, zotërues i emocioneve, për komandantët, oficerët dhe ushtarët heroikë të Kosharës, tashmë, të amshuar.
Moderatori Blerim Cakiqi, mezi priste ta ftonte në foltore Komandantin FARK-istë të Ibrahim Rugovës, Kolonel Anton Qunin, të cilin masa mërgimtare në sallë, e duartrokiti me përzemërsi dhe admiratë. Fjala e Tij përmbajtësore dhe fort e veçantë, ishte mbresëlenëse:
E nderuara kryetare e degës të LDK-së për Bayern, Saranda Musliu-Hoffer,
Të nderuar anëtarë, veprimtarë e struktura të LDK-së,
Të nderuar të pranishëm,
Kam nderin dhe kënaqësinë që tu përcjellë përshëndetjet më të thella e të falat më të përzemërta të kryetarit tonë, Lumir Abdixhiku, me rastin e Akademisë Përkujtimore, në 18 vjetorin e shkuarjes në amshim të Presidentit historik, Ibrahim Rugova, si dhe përkujtimin e nderimin e heronjve, dëshmorëve dhe veprimtarëve të atdheut.
Përshëndes ish-kryetarin e Degës të LDK-së për Gjermani, Osman Ferizi, kryetaren Saranda Musliu, Familjet e heronjve: Gërvalla, Ismet Rrahmani, Zeqiraj, Hasani dhe familjet tjera të heronjve; veprimtarët veteranë: baca Nikollë Skelaj, Mehmet Kokaj, Idriz Zeqiraj, Emrush Tafa, Hazir Muriqi, Ahmet Kolgecaj, Naim Gashi, Fazli Gashi, Bashkim Leci, Musa Hamzaj, deputetin për Bavarinë e Epërme, Deli Balidemaj, mikun e Kosovës, Christian Hoffer, President në PAN Europa, të burgosurin politik, Naser Krasniqi, Mehmet Zymeri, Lindita Musliu, Familjen e Isuf Qetaj, bashkëluftëtari im.
Gjatë një takimi me kryetarin Abdixhiku, gjersa e informova se do të jem në mesin tuaj, ndër të tjera, i thashë: Kryetar, më duhet ta shkruaj një fjalim për këtë ngjarje dhe më duhet që ta bëj sa më të mirë.
Për një çast ndaloi e më vështoi në dritë të syrit dhe më tha:
“Komandant, unë për vete sa herë që shkruaj për Presidentin Rugova, ndjej kënaqësi për të vërtetën, sepse shkruaj për të vërtetin e vendit, ndërsa e vërteta e tij është vetë e vërteta jonë dhe ajo quhet: Republika e Kosovës”. Dhe, bazuar në këtë bisedë me kryetarin, e kam edhe këtë fjalim, të cilin do ta quaj: “E vërteta për të vërtetin e atdheut”.
Të nderuar të pranishëm, janari i vitit 2006 mbetet muaji më i ftohtë në historinë shqiptare. Ishte muaji më i acartë. Lajmi për ndërrimin e jetës të Presidentit Rugova e bëri të acartë çdo zemër shqiptari. E bëri të acartë Republikën e Kosovës. E bëri të acartë çdo vend shqiptar. E bëri të acartë krejt mërgatën shqiptare.
Fatkeqësisht, pikërisht në janar, disa nga bashkëpunëtorët e ngushtë të Presidentit Rugova u privuan nga jeta: Tahir Zemaj, Enver Maloku dhe Smajl Hajdaraj, u vranë pabesisht nga ata që nuk ia duan të mirën Kosovës.
Mirëpo, përkundër janarit të acartë, trashëgimia e Presidentit Rugova jeton ngrohtë përherë me ne. Jeton për paraardhësit tanë. Jeton për brezat që do të vijnë. Jeton për të gjithë. Jeton përgjithmonë: Republika. Sepse trashëgimia e tij e artë quhet: Republika e Kosovës.
Vizioni i Presidentit Rugova nuk ka afat. Ishte dhe është udhërrëfyes i domosdoshëm për Republikën e tij, Republikën tonë – Republikën e Kosovës.
Rrugëtimi për liri, pavarësi e demokraci, ishte misioni i tij dhe njëherit misioni më i suksesshëm shqiptar. Orientimi i tij pro-perëndimor është vetë orientimi ynë natyral e origjinal. Integrimi i Kosovës në NATO e BE, dhe në miqësi të përjetshme me SHBA-të, është amaneti i tij, e njëherit rruga jonë njëdrejtimshe.
Të nderuar të pranishëm, Presidenti historik, Ibrahim Rugova ishte i dashur e i pranuar nga të gjithë. Ai rrethohej nga patriotët më të mëdhenj të atdheut.
Bashkëpunëtorët e tij të ngushtë ishin shumë nga heronjtë, dëshmorët dhe veprimtarët e devotshëm, për të cilët ne sot e përgjithmonë ruajmë respektin dhe kujtimin e përhershëm.
Me këtë rast, në vatrën tuaj kujtojmë se ju dhatë profesionistët ushtarakë dhe veprimtarët trima më të mëdhenj të atdheut, ndër ta dhatë heronjtë, si: Sali Çekaj e Tahir Zemaj, të cilët bashkë më shumë bashkëluftëtarë të lirisë i dhanë të gjitha për atdheun – e dhanë edhe jetën. Dhatë veprimtarë e patriotë, aktiviteti i të cilëve ishte dhe mbetet shembullor. Dhatë dhe vazhdoni të jepni gjithçka për popullin tuaj. Poashtu është muaji kur kujtojmë lajmëtarët e lirisë, Jusuf e Bardhosh Gërvalla dhe Kadri Zeka. Muaji janar ka sjellë në kujtime me emocione dhe përkulje madhështinë e kryeheroit Gjergj Kastrioti – Skënderbeu.
Ta ruajmë e ta çmojmë historinë tonë të lavdishme; ta ruajmë e ta çmojmë përherë. Ky është nderimi më i mirë që ia bëjmë atdheut. Është nderimi më i mirë që ia bëjmë të vërtetës dhe të vërtetit të atdheut; Republikës së Kosovës dhe Presidentit Rugova. Është nderimi më i mirë që ia bëjmë të gjithë atyre që dhanë jetën për liri dhe pavarësi. Është nderimi më i mirë që ia bëjmë vetës në rrugëtimin tonë të sigurtë.
Më lejoni që për fund, edhe një herë të shprehë konsidetatën maksimale për organizimin e kësaj akademie.
Zoti e bekoftë jetën dhe veprën e Presidentit Rugova!
Zoti e bekoftë jetën dhe veprën e të gjithë atyre që dhanë jetën për liri e pavarësi!
Zoti e bekoftë Republikën e Kosovës!
Zoti ju bekoftë ju dhe familjet tuaja!
Poezinë “Dijetari”, të shkruar nga poeti Bashkim Halilaj, e recitoi, mjeshtërisht, moderatori Blerim Cakiqi. Poeti Halilaj, tashmë, ka bërë emër me botimet e tij poetike. Është anëtar i kryesisë të Lidhjes së Krijuesëve Shqiptarë në Mërgatë, anëtar i kryesisë për arsimin plotësues në Bavari dhe nënkryetar i Shoqatës “Bekim Berisha-Abeja”.
Dijetari
A do t´kemi fat përsëri
Të na vjen edhe një si ti
Dhe njëherë të na bashkon,
Si më parë në Epoken tonë?!
Truallit tim kudo që shkova,
Gjeta respektin në çdo vend,
Për ty Kolos Ibrahim Rugova,
Për ty i dashur President!
Me një fjalë rasti të pranishmëve iu drejtua edhe veprimtari Bashkim Leci, ushtari i kontigjentit të ushtrimorës të Surrelit të Tiranës, në vjeshtën e vitit 1991. Në mes tjerash, ushtar Leci evokoi kujtime nga ajo kohë, themelimin e
e partisë së parë pluraliste në Ballkan, LDK-së, të prirë, trimërisht dhe mençurisht, nga Dr. Ibrahim Rugova. Rrugëtimi ynë ishte i vështirë, i mundimshëm, në kushtet e një pushtimi të egër dhe brutal. Por, vendosmëria e Rugovës, me shokë shumë, bëri epokë, arriti ta bëjë rezistencën aktive paqësore dhe luftën e armatosur, me formacione të rregullta ushtarake. Oficerët atdhetarë, të shkolluar në Akademitë Ushtarake jugosllave, profesionistë të të gjitha armëve, taktikave dhe strategjisë luftarake moderne, bënë detyrën në shërbim të Atdheut-Kosovë,- tha, në mes tjerash, ushtari i djeshëm dhe veprimtari i sotëm i Mërgatës, Bashkim Leci.
Akademia Përkujtimore u përmbyll me baladën “Njeriu-Presidenti Ibrahim Rugova”, me tekstin lirik të poetit të mirënjohur, Mentor Thaçi, sekretar i Lidhjes së Krijuesëve Shqiptarë në Mërgatë; muzika Prof. Eduard Krock, të kënduar nga tenori Shkodran Tolaj, i njohur në të gjithë Etnikumin shqiptar dhe gjithandej në Mërgatën shqiptare në shtetet evropiane dhe përtej Oqeanit.
Më në fund, edhe më skeptikët dhe kritikët më fanatikë të Presidentit Rugova, tashmë, janë bindur se Ai mbetet shtetari më i dashur, më i respektuar, deri në adhurim, personaliteti unik, udhëheqësi më emblematik dhe me integritet të plotë, në të gjithë Shqiptarinë e shekujve të pas kryeheroit Kastrioti.
JENI ME VIRTYTE TE LARTA…
Aleks M. Kapllaj, gazetar, Itali
Shumë bukur i paska shkruar keto kujtime zoti Nengurra, me sinqeritet dhe me zemër. Janë fjalë dhe artikuj që për familjen tuaj dalin natyrshëm dhe me kënaqësi sepse jeni një shtëpi me njerëz të mëdhenj, me virtyte të larta.
Kush ju njeh e ka privilegj me shpreh repertorin më të bukur të gjuhës dhe kulturës së tij për të gjithë ju.
Përshëndetje dhe mirë u takofshim te Rana e Hedhun sa më shpejt.
Ju uroj çdo ditë të qetë i rrethuar me dashamirësinë e miqësinë e miqve tuaj dhe të afërmve të zemrës.
Respekte!
-Nga Italia, 12 Mars 2021-
NJE PORTRET FANTASTIK…
Sali Frangu, Tirane
Ky reportazh me kujtime i mikut Nëngurra nga Istogu dhe Norvegjia, është shumë i bukur Baca Zeqir. Autori ka gdhendur me shumë detaje një portret fantastik. Diçka mes figurës mitike e reale, siç dinte të ishte perhere Sabria jote o Zeqo.
U prehtë në paqe!
Enviado desde mi Samsung Mobile de Claro
XHBANE TOSKA, Itali
Te nderuar Bardh e Nushe Nengurra!
Lexova ngushellimin qe percillni permes keti shkrimi per Zeqir Lushajn e krejt familjen ton per humjen e njeriut tone te dashur Sabrie Lushaj! Kan shkruer plot miqe e shoke te Zeqirit këto gjashte muaj dhe jam ndjere e pa fuqishme te komentoj sepse nuk don zemra ta pranoj ikjen e Sabries nga kjo bote.
Gëzohem qe Nusha i paska kalue problemet shendetesore… ishalla takohemi per te mira por ajo qe na priste e bashkonte me fjalet e ngrohta, gatimet e vecanta si dikur, do na mungoj .
Falemnderit nga Xhbane e Avni Toska.
I lexova me andje te madhe keta kujtime… Ecin vitet e na nuk kujtohemi se po na mungojne njerzit e dashtun! Ishte e pabesueshme vdekja e Mikut tone Daniel Gazulli… Po, e Nderuemja Sabrije na zhyti ne gomnen e papritun atehere kur nuk mendojej ikja nga kjo jete… Ajo ishte nje Zonje vertete e Nderueme, qe na la kujtime te perjeteshme… Drite Paste !
Ju falemnderes per keta caste qe na keni risjelle te dashtun Miq !
Me shume respekt.
I dashun Zeqir!
U permallova shume nga ky shkrim i mikut tuej nga Norvegjia. (Bana dhe nje koment, por nuk di pse nuk arrita ta postoj, mbase nga problemet e internetit)
Gjithesesi, uroj te keni shendet dhe te gjeni force ne perballjen me dhimbjen tuej te madhe… Ashtu si miku juaj z. Nengurra edhe une e shume shoke e miq e kemi fytyren e zanun para teje, mbasi kjo kohe pandemie nuk na la qe te ishem ashtu si duhet, edhe fizikisht prane familjes tuej per ti hedhe nje grusht dhe` apo per te pi nje kafe ngushellimi per shoqen tuej te jetes, Sabrien. Edhe ne kete 6-mujor te ndarjes nga jeta, bash ne Diten e Veres, urojme qe te jete nen kujdesin e Perendise, e ne zemrat tona, e paharruar.
Respekt vella!
Hysni Osmani, Tirane
VLERA TE PAZEVENDESUESHME…
Ajmane Tahirsylaj (Tafili), Dubrave, Kosove
Peshendetje dhe ju falenderoj shume per respektin.qe tregoni per Sabrien edhe ne kete dite te 6 mujorit te ndarjes nga jeta, qe eshte edhe Dita e Veres, 14 Mars.
Sabrie Lushaj ka vlerat e veta te pa zavendsueshme e qe kaq mire po i vene ne dukje gjithe keto personalitete e miq te familjes suaj Lushaj. Vlerat e Sabries them se nuk mundet askush ti zavendesoj as ne Malsi, as ne Kosove, as ne krejt trojet shqiptare. Per familjen tone eshte shume shume e mire-njohur dhe e respektuar. I ka plotsuara me se miri provat e jetes.
Te rroni e ta kujtoni Sabrien e dashur.
Ju pershendes me shume respekt.
Ajmanja, Dubrave, Kosove
-Dita e Veres, 14 Mars 2021-
SI SABRIE LUSHAJ NUK BAN MA NANA…
Nga Shpresa Bysheva, Itali.
E lexova me lot ne sy këtë shkrim të Nëngurrës, ashtu edhe shumë të tjera këta 6 muaj.
Sabrija koft e xhenetit e ty te dhasht zoti forcë me hec perpara ne jetë…!
Si Sabrie Lushaj nuk bane ma nana…!
Kaq.
Te perqafoj
I dashur miku im Zeqir Lushaj!
Të falënderoj shumë për dashamirësinë që më ofron përherë, jemi shokë dhe miq të vjetër, por dhe të përhershëm, ndaj respekti është reciprok dhe, çfarë është më e rëndësishme, ne na lidhin më shumë kujtimet dhe mbresat e rinisë sonë, por dhe vazhdimësia e karaktereve dhe njerzillëku, baza e të qenit njeri, “Që të kesh miq, duhet të jesh edhe vet mik”. Ne, bashkërisht, e kemi zbatuar këtë postulat. Por, ne na lidhin ngushtë edhe bashkëpunimi i vazhdueshëm dhe marrëdhënia në fushën e letrave. Në të gjithë komunikimin me ty, jam ndjerë përherë i nderuar dhe i vlerësuar.
Zeqir,
Sot tentova dy herë te VOAL dhe shkrova dy herë mesazhin për artikullin “Mikpritje vllaznore…” të z. Bardh Nëngurra, por të dy herët nuk munda ta nis, sepse të dy herët mesazhi m`u zhduk nga ekrani (duket unë kam gabuar në mënyrën e nisjes). Gjithsesi, me Ty në mendje, po mendoja sesi të bëja që ai mesazh të vinte pikërisht ditën e sotme, ku, edhe unë, por edhe bashkëshortja ime Liljana, duam të të shprehim se, edhe ne si familje, e përkujtojmë me nderim dhe respekt të thellë bashkëshorten tënde të paharruar Sabrien.
Duke lexuar artikullin e z. Nëngurra, dëshirojmë të themi se ai është një artikull shumë i sinqertë, i shkruar nga një mik që përjeton familjarisht dhembjen për ndarjen nga jeta të bashkëshortes tënde, Sabries, por, nëpërmjet artikullit, z. Nëngurra portretizon në mënyrë mbresëlënëse dhe me detaje, edhe Sabrien, edhe Ty i dashur Zeqir, edhe familjen Lushaj. Ju jeni miq të tij, por edhe të qindra e qindra të tjerëve, me të cilët keni ecur krahë për krahë në rrugën e jetës, apo siç janë të shumtë edhe ata që janë bërë miq me Ty përmes fjalës së lirë dhe shprehjes së mendimeve të tyre te “Zemra shqiptare”. Do thoshim, edhe nëpërmjet librave të tu vlerëshumë.
Nëpërmjet këtij shënimi unë dhe bashkëshortja ime Liljana, dëshirojmë të shprehim ndjenjat tona miqësore dhe mesazhin se, bashkëshortja jote Sabria, është ndarë fizikisht, por ajo është dhe do të jetë përherë në zemrat tuaja të bukura. Gjithmonë.
Unë dhe Liljana, dëshirojmë të themi se, tek ty Zeqir dhe te familja Lushaj, kemi parë një familje me vlera të larta njerëzore, tradicionale shqiptare, të emanipuar dhe të civilizuar, me dinjitet të lartë, që di të respektojë dhe të nderoj shqiptarizmin, miqtë e panumërt, por di edhe të përballojë dallgët e mëdha të jetës, di të përballojë edhe dhembje tejet të mëdha, siç ishte dhe ndarja nga jeta 6 muaj më parë e bashkëshortes tënde Sabries.
Të lutemi, miku ynë Zeqir, pranoni nga familja Kona ngushëllimet tonë më të sinqerta. Qoftë i paharruar emri dhe kujtimi i çmuar i Sabries.
Dëshirojmë gjithmonë që, jetën tënde dhe të familjes Lushaj, ta shoqërojnë gëzime dhe vetëm gëzime.
Me respekt dhe nderim,
Liljana dhe Viron Kona
Tiranë, më 14 mars 2021.
KY SHKRIM ME EMOCIONOJ…?
Nga Ibrahim Hajdarmataj, Zogaj, Tropoje
E falenderoj vellaun tone Nengurra per keto kujtime rreth mikpritjes se familjes LUSHAJ. E theksoj se, eshte nder shkrimet me te kendeshme qe kam lexuar tash sa e sa kohe. E falenderoj zotin Bucpapaj per publikimin e ketij shkrimi ne VOAL.Ch, dhe te gjithe komentatoret per vlersimet per te ndjeren, motren e kunaten tone te paharruar, Sabrie Lushaj.
Jam pritur edhe une ne at familje disa here, ne Tirane por edhe ne Shengjin dhe nuk mund te them asgje me vleresuese se komentatoret e shumte qe kane fole e shkruar para meje, ketu e ne disa organe te tjera shtypi tash 6 muaj.
I lutna Zotit qe bashkshortja e Zeqirit te na e kete bere HALLALL pritjen, gatimin e sherbimin ndaj nesh, miqve te pafund te asaj familje te nderuar.
Bashkohem sinqerisht me fjalen e vleresimin shpirteror te komentatorit te pare publik, mbas ndarjes nga jeta te Sabries, poetit te madh pejan Sejdi Berisha, i cili shkruan: `´… sa here që të kthej tek ju Zeqir, (nëse do mundem te kthej ndonjëherë!), çdo gjë do të më duket e zbrazet dhe e shurdhet pa atë zonjë shtëpie, e cila ia ngriti respektin dhe namin familjes suaj, me veprën, urtësinë e punën e saj…“.
Ta kujtojme me dashuri dhe te perpiqemi ti ngjasojme ne jeten tone familjare zonjes fisnike, cikes se Gashit te Gurit e nuses se Krasniqes se Vendit, qytetares se nderuar shqiptaro-amerikane, Sabrie Lushaj.
Sabrieja, iku krenare, si nusja e Zeqir Lushajt, por edhe Zeqiri eshte krenar qe pati nje nuse si Sabrie Lushaj!
Ibrahim Hajdarmataj,
-Nga Zogaj-Tropoje, 14 Mars, 2021
NGUSHELLIMET TE QETSOJNE SHPIRTERISHT
Nga Kole e Ollga Tahiri, Bruksel
dashur Zeqir! Ju uroj qe pishtari i kujtimit per njeriun tend aq te shtrejte, Sabrien, si ne kete 6-mujor, te mos shuhet asnjehere. Njerezit e mire si Ajo, jetojne dy jete. Vazhdojne te ruhen ne kujtimet tona, ne trashegimin e lene. Ajo ka lene gjurme ne gjithcka pati prekur me dore. Sabrija jeton ne shpirtin dhe mendjen e atyre qe e paten fatin t’a njihnin. E kjo nuk eshte pak ?! Pa drejtesisht Ty te goditi aq rend. As kujt nuk i shkon ne mendje, se Ajo e desheronte nje gje te tille. Por jam i bindur se ti din dhe mundesh ta perballosh kete situate.
Edhe gjithe keto ngushellime e vlersime per Sabrien e paharruar, vertete jane nje mrekulli per ju e krejt familjen, jane menyra qe njeriu te qetesohet shpirterisht e menderisht?!
Cila nate, sado e errte e me stuhi, zgjati pafund . Perkundrazi i duhet GEZUAR dites me diell qe zenendson naten.
Sa te drejte paskan pas te PARET tane te cilet nuk dorezoheshin kollaj, ngrinin koken lart, perfshiheshin ne pune dhe hidhnin veshtrimin per-para. Me konsiderte, kujtoj ata pleqte tane te cilet edhe ne raste te fatkeqesive ; uleshin kembekryq, ndiznin cibuket dhe u hapnin rrugen ‘ «derteve filozofike » per jeten.
A gjendet kund burre Malasie i cili mund t’a mohoje TY genin e atyre kreshnikeve !?
Per te mira u shkruejshim tash e mbrapa me njeri tjetrin, kumar e mik Zeqir.
Kole e Ollga Tahiri, Bruksel, 17- O3 -‘’21
Provenance : Courrier pour Windows 10