“Veç nji qëllim i naltë t’ban me durue,
E zemrën ta forcon;
Ndër kundërshtime s’vyen kurr me u ligshtue,
Mjer’ ai qi nuk qindron!”
— Luigj Gurakuqi
U jam jashtëzakonisht mirënjohës dhe shumë falenderues për mesazhet e panumërta inkurajuese e përkrahëse.
Proceset politike nuk duhet të thyejnë asnjëherë vizionin tonë e aq më pak të zbehin njerëzoren tek secili nga ne.
Trumpetimet propaganduese janë zhurmë koti nga ata që militantizmin politik e partiak e kanë të vetmin mjet të shprehjes.
Konspiracionet deri në absurditet kënaqin vetëm egot e atyre që s’e kanë as minimumin e vetbesimit për të argumentuar.
Familjen tonë biologjike na e përcakton Zoti, dhe unë ndjehem jashtëzakonisht i bekuar me familjen dhe familjarët e mi!
Familjen politike e zgjedhim vet dhe me bindje.
Urtësia politike, fuqia e argumentit dhe kjartësia e fakteve janë themeltare për një politikë që tejkalon sfida e prodhon sukses.
Ndjesia për dhembshuri pa kurajon për veprim nuk mjafton.
Përkundër e përtej secilit veprim jo të drejtë dje, sot e tutje koha do e dëshmojë se përpjekja e oferta ime e sinqertë ndaj familjes sime politike ishte një mundësi për më mirë!
Sidoqoftë, angazhimi dhe puna ime për LDK-në e vlerave themeltare dhe idealeve kombëtare, për familjen tonë politike, vazhdon tutje!
Demokracia nuk është vetëm akt, por proces, rrjedhën e së cilës s’mund ta ndalojë askush!