Një diplomat rus me përvojë në zyrën e OKB-së në Gjenevë dha dorëheqjen të hënën, pasi tha se ishte shumë “i turpëruar” nga sulmi i Presidentit rus Vladimir Putin në Ukrainë që filloi tre muaj më parë.
Përmes një proteste të rrallë, por jo të paprecedentë në radhët e trupit diplomatik të Rusisë, 41-vjeçari Boris Bondarev dha dorëheqjen në një letër drejtuar ambasadorit Gennady Gatilov dhe në vazhdim publikoi një denoncim therës të luftës së Rusisë.
“Lufta agresive e Putinit në Ukrainë dhe në fakt ndaj gjithë botës Perëndimore, është jo vetëm një krim ndaj popullit ukrainas”, tha zoti Bondarev, “por ndoshta është gjithashtu edhe krimi më i rëndë ndaj popullit të Rusisë, me një gërmë të zezë Z (që simbolizon mbështetjen për luftën) që fshin të gjitha shpresat dhe perspektivën për një shoqëri të lirë dhe të begatë në vendin tonë”.
Zoti Bondarev, i cili përfaqësonte Rusinë në zyrën e OKB-së në Gjenevë për çështjet e çarmatimit, tha se “ata që e konceptuan këtë luftë dëshirojnë vetëm një gjë – të qëndrojnë në pushtet përgjithnjë, të jetojnë në pallate pompoze pa shije, të lundrojnë me jahte që i afrohen kostos dhe tonazhit të të gjithë marinës ruse së bashku, të shijojnë pushtet të pakufizuar dhe mosndëshkueshmëri të plotë”.
“Për ta arritur këtë”, thotë zoti Bondarev, “ata janë gati të sakrifikojnë aq jetë sa do të duhen. Mijëra rusë dhe ukrainas kanë vdekur tashmë vetëm për këtë”.
Ai tha se gjatë gati 20 viteve të punës si diplomat rus, ndër të tjera edhe në ambasadat në Kamboxhia dhe Mongoli, “niveli i gënjeshtrave dhe joprofesionalizmit në Ministrinë e Jashtme është rritur gjatë gjithë kohës”.
Zoti Bondarev e akuzoi Ministrin e Jashtëm rus Sergey Lavrov si “një shembull të mirë të degradimit të këtij sistemi”, si dikush që ka rënë “nga të qenit një intelektual profesionist dhe i arsimuar” që vlerësohej lart nga kolegët e tij diplomatë, në nivelin e “një personi që vazhdimisht bën deklarata kontradiktore dhe që kërcënon botën (dhe po kështu edhe Rusinë) me armët bërthamore!”.
“Rusia nuk ka më aleatë”, konkludon ai, “dhe për këtë nuk mund fajësohet askush tjetër përveç politikës së saj të rrezikshme dhe të keqkonceptuar… Nuk mund të marrë më pjesë në këtë turp gjakatar, të trashë dhe absolutisht të panevojshëm”.
Ai shtoi se, “ofertat për punë janë të mirëpritura”.
Zoti Bondarev i tha agjensisë së lajmeve Associated Press se nuk kishte marrë ndonjë reagim nga zyrtarët rusë, por shtoi se “A jam i shqetësuar për një reagim të mundshëm nga Moska? Më duhet të jem i shqetësuar për këtë”.
I pyetur nëse kolegë të tjerë të tij mendojnë po kështu, ai tha se “jo të gjithë diplomatët rusë janë luftëdashës. Ata janë të arsyeshëm, por u duhet ta mbajnë gojën mbyllur”.
Rusia ka shtypur protestat ndaj agresionit në Ukrainë, ka arrestuar protestuesit që kanë dalë në rrugë, ka eliminuar kritikën në media dhe ka miratuar me ligj ndëshkime me 15 vjet burgim për ata që përhapin “informacion fals” për sulmin ushtarak, përfshirë edhe në rastin e përdorim të fjalës luftë, në vend të termit “operacion i posaçëm ushtarak”.
* Për këtë artikull u morën të dhëna nga agjensia e lajmeve Associated Press.
Reshjet e dy ditëve të shtatorit në disa zona të rajonit të Saharasë në Marokun juglindor tejkaluan mesataret vjetore dhe shkaktuan përmbytje, njoftuan zyrtarët e agjencisë meteorologjike të vendit.
Tagunit, një fshat rreth 450 kilometra në jug të kryeqytetit Rabat, regjistroi më shumë se 100 mm shi në 24 orë.
Pamjet satelitore të NASA-s tregojnë se liqeni Iriki, i thatë prej 50 vitesh, po mbushet me ujë.
Gjatë kontrollit iu gjetën 16 doza kokaine, arrestohet 23-vjeçari shqiptar në Gjermani
“Kanë kaluar 30 deri në 50 vjet që kur kemi pasur kaq shumë shi në një periudhë kaq të shkurtër kohore,” i tha AP Husine Juabeb, një zyrtar i agjencisë meteorologjike të Marokut.
Këto shira, të cilat meteorologët i quajnë një stuhi ekstratropike, mund të ndryshojnë kushtet e motit në rajon në muajt dhe vitet e ardhshme.
Përmbytjet në Marok muajin e kaluar vranë 18 njerëz dhe efektet u përhapën në rajonet që u goditën nga një tërmet vitin e kaluar. Pati gjithashtu raporte të rezervuarëve të bllokuar në rajonin juglindor të rimbushjes me një ritëm rekord gjatë shtatorit. sn
Ushtria kineze publikoi të dielën (13 tetor) një video propagandistike në llogaritë e saj në mediat sociale, që tregon stërvitje të ndryshme ushtarake shoqëruar me mbishkrimin: “të përgatitur për betejë”.
Në videon e publikuar nga Komanda Lindore e Ushtrisë Çlirimtare Popullore, e cila ka përgjegjësinë për një zonë që përfshin Tajvanin, tregoheshin avionë dhe anije luftarake që operonin së bashku, lëshues të lëvizshëm raketash si dhe automjete sulmi amfibe, shoqëruar me një hartë të vogël të Tajvanit.
Ky zhvillim vjen pasi ministria e Mbrojtjes e Tajvanit tha në një deklaratë të dielën se një grup i marinës kineze i udhëhequr nga transportuesi ‘Liaoning’ kishte hyrë në ujërat pranë kanalit Bashi, që lidh Detin e Kinës Jugore me Paqësorin dhe ndan Tajvanin nga Filipinet.
Ministria e Mbrojtjes e Kinës nuk i është përgjigjur ende kërkesave për koment të dielën dhe po kështu as Zyra mbi Çështjet e Tajvanit në Kinë.
Kina, e cila e sheh Tajvanin e qeverisur në mënyrë demokratike si territorin e saj, është kundër Presidentit të tij Lai Ching-te. Ushtria kineze vepron në mënyrë rutinore rreth ishullit dhe Pekini nuk e ka përjashtuar përdorimin e forcës për të marrë kontrollin e Tajvanit.
Gjatë një fjalimi javën e kaluar Presidentit Lai Ching-te tha se Republika Popullore e Kinës nuk kishte të drejtë të përfaqësonte Tajvanin, por ai shtoi se ishulli ishte i gatshëm të punonte me Pekinin për t’u përballuar me sfida siç ishin ndryshimet klimatike. Fjalimi i tij kishte një ton sa të fortë po aq edhe pajtues, por që krijoi zemërim në Kinë.
Tanke ushtarake të Izraelit afër kufirit me Libanin.
Zyrtarët amerikanë besojnë se Izraeli i ka ngushtuar objektivat në përgjigjen e vet eventuale për shkak të sulmit të Iranit në muajin e kaluar, ka raportuar rrjeti amerikan NBC, duke përmendur mundësinë e shënjestrimit në instrastruktrës ushtarake dhe të energjisë.
Lindja e Mesme vazhdon të jetë e alarmuar nga përshkallëzimi i mundshëm i luftës teksa Izraeli lufton grupet e mbështetura ngha Irani, Hezbollahun në Liban dhe Hamasin – grup palestinez i shpallur terrorist nga Shtetet e Bashkuara dhe Bashkimi Evropian – në Gazë.
Hezbollahu, grup militant dhe parti politike që kontrollon pjesën më të madhe në jug të Libanit, është shpallur organizatë terroriste nga Shtetet e Bashkuara, derisa Bashkimi Evropian e ka në listë të zezë vetëm krahun e armatosur, por jo partinë, e cila ka ulëse në Parlamentin e Libanit.
Izraeli ka thënë vazhdimisht se do të përgjigjet ndaj sulmit të Iranit, të kryer më 1 tetor, i cili ka nisur si shenjë hakmarrjeje ndaj operacioneve ushtarak izraelite në Gazë dhe Liban, si dhe vrasjeve të liderëve të Hamasit dhe Hezbollahut.
Nuk ka sinjale që Izraeli do të shënjestrojë zonat bërthamore, apo të kryejë vrasje individuale, ka raportuar NBC, duke cituar zyrtarë amerikanë që kanë folur në kushte anonimiteti.
Sipas raportimeve, Izraeli ende nuk ka marrë vendim përfundimtar se kur dhe si të veprojë.
Konflikti në mes të Izraelit dhe militantëve të Hezbollahut ka nisur një vit më parë, kur Hezbollahu ka nisur të lëshojë raketa në veri të Izraelit, pas nisjes së luftës në Gazë.
Hezbollahu ka thënë të dielën se është duke luftuar forcat izraelite që po tentojnë të infiltrohen në fshatin Ramja, në jug të Libanit.
Ushtria izraelite, në anën tjetër, ka thënë se vazhdon operacionet në jug të Libanit për të shkatërruar “infrastrukturën terroriste”. REL
Një ushtar rus i rekrutuar si agjent i dyfishtë nga Ukraina ka rrëfyer se si po shkatërron llogoret e ushtrisë së tij. Në një intervistë të rrallë me një nga rusët, që tani punon me rezistencën ukrainase, ushtari i rekrutuar tha për The Telegraph se i vuri zjarrin hendekut të njësisë së tij në bregun e majtë të lumit Dnipro në korrik.
Zjarri u përhap dhe ai pa teksa shokët e tij ushtarë digjeshin në përpjekje të kota për të tërhequr municione dhe armë. “Kishte panik, tym të dendur nga zjarri dhe granatime nga pala ukrainase”, tha rekruti, të cilin The Telegraph nuk e përmend.
Në vijim ai rrëfen se teksa po përpiqeshin të shuanin zjarrin dhe të ruanin furnizimet me ushqime dhe armë, zjarri u përhap në një zonë më të madhe. “Shumë ushtarë pësuan djegie”, shton ai.
Telemmglpict000391243864 17287439401490 Trans Nvbqzqnjv4bqtr1wrz4lb6bob1 Fbrpn Lfggjci28awsntopavs6pc
Rusi ishte rekrutuar kohët e fundit nga Atesh (që do të thotë zjarr në Tatarin e Krimesë), një lëvizje e fshehtë e rezistencës ukrainase që lufton për të sabotuar luftën e Vladimir Putinit.
“E njihja mirë zonën pasi kam qenë atje për një kohë të gjatë”, tha ai, duke shtuar “mendoj se e kam bërë mirë punën time, ndoshta edhe më shumë. Rezultatet i kaluan pritshmëritë”
Atesh raportoi në kanalin e tij Telegram se zjarri dëmtoi rëndë të dy llogoret dhe gropat e njësive, shkatërroi disa depo dhe dogji shumicën e furnizimeve të saj. Deri në 20 ushtarë dyshohet se pësuan djegie të rënda.
Tani në një pozicion të ri në vijën e frontit të Ukrainës, ushtari i ri dhe i guximshëm i tha The Telegraph se do të bënte gjithçka që mundej për të vazhduar punën e tij kundër regjimit të Putinit.
Atesh u formua nga tatarët etnikë ukrainas, rusë dhe të Krimesë, e pushtuar në verën e vitit 2022.
Tani ka më shumë se 2000 luftëtarë të rezistencës që veprojnë në hije në të gjitha territoret e pushtuara dhe në vetë Rusinë, duke u infiltruar thellë brenda ushtrisë ruse, tha një zëdhënës nga Atesh për The Telegraph.
“Ne po rritemi vazhdimisht,” shtoi ai.
Grupi gueril bashkëpunon me inteligjencën ukrainase, si dhe me lëvizje të tjera të rezistencës, duke u mbështetur në njohuritë intime të vendasve për tokën dhe, gjithnjë e më shumë, në vetë ushtarët rusë.
Dhjetra rusë të futur në një luftë që nuk donin të luftonin janë bërë pasuri të vlefshme.
“Pothuajse që nga fillimi, ushtarët rusë na janë bashkuar, duke ndihmuar në marrjen e informacionit si në vijën e parë ashtu edhe në pjesën e pasme në Krime dhe Rusi. Por aktualisht po shohim një rritje të konsiderueshme të numrit të ushtarëve rusë që i bashkohen radhëve tona”, tha zëdhënësi.
Ai shtoi se ata janë një mjet kryesor në mbështetjen e luftës sonë, në kryerjen e detyrave kritike të sabotimit dhe inteligjencës.
Në fushën e betejës, tha zëdhënësi, rusët japin informacion mbi lëvizjet e trupave, dërgesat e armëve dhe municioneve, vendndodhjet e komandantëve dhe postet komanduese.
Telemmglpict000381325881 17287440530240 Trans Nvbqzqnjv4bqqposx0g 3iqufiq5in5gs4tpd5foj9o3wuqp2tl5yek
Ata raportojnë për llojin, numrin dhe statusin e avionëve, si dhe sistemet e mbrojtjes ajrore, oraret e fluturimeve dhe depot e karburantit dhe municioneve.
Ata që përfshihen në operacione me rrezik të lartë dëmtojnë pajisjet dhe armët, sabotojnë automjetet ushtarake dhe vënë zjarr për të dëmtuar dhe ekspozuar pozicionet e tyre.
Atesh pretendoi vitin e kaluar se 4000 ushtarë rusë kishin marrë tashmë një kurs në internet se si t’i “mbijetonin luftës” duke shkatërruar pajisjet e tyre.
Rritja e rekrutëve mes trupave ruse vjen pasi operacionet e drejtuara nga ukrainasit brenda territoreve të pushtuara po bëhen gjithnjë e më të vështira për t’u kryer.
Të dyshuarit për sabotatorë përballen me gjyqe
Rusia po vepron më mirë në masat kundër sabotazhit, duke vendosur më shumë forca policie dhe sigurie për të gjurmuar dhe gjuajtur pamëshirshëm agjentët e Atesh-it dhe më pas për të mbledhur prova dhe për t’i publikuar gjerësisht ato ndaj diversantëve të dyshuar.
Atesh nuk do të komentonte se sa prej agjentëve të tij ishin kapur. Një tjetër ushtar rus i rekrutuar nga grupi punon në një bazë ajrore disa qindra milje larg kufirit ukrainas, duke ndjekur lëvizjen e avionëve dhe dërgesave të armëve.
Fusha ajrore, të cilën agjenti e përshkruan si “një nga fushat ajrore më të mëdha të gatishmërisë luftarake në Rusi”, është shtëpia e disa prej avionëve luftarakë më të avancuar të Rusisë, përgjegjës për ndërmarrjen e sulmeve të rregullta me raketa në qytetet e Ukrainës.
“Këtu, unë jam syri dhe veshi për Ateshin”, tha ushtari për The Telegraph.
Është një punë e rrezikshme që ai e di se mbart një akuzë për tradhti dhe dekada burg. “Por unë e kuptoj se çfarë është e keqe dhe çfarë është e mirë. Fatkeqësisht, vendi im ka zgjedhur rrugën e së keqes”, tha ai.
Telemmglpict000393173056 17287442222870 Trans Nvbqzqnjv4bqnrgicnsby9pepfmus Fxi9jaqnsijogolw6khpvxxfe
Brenda bazës ai është gjithmonë në vëzhgim. “Kundërzbulimi ushtarak është vazhdimisht aktiv këtu dhe ata janë të vetëdijshëm për rrjedhjet e mundshme të informacionit nga kjo fushë ajrore. Sipas mendimit tim, nuk jam i vetmi që e ndihmoj palën ukrainase këtu”, tha ai.
Muajin e kaluar, ai transmetoi informacione në lidhje me zhvendosjen e avionëve bombardues Su-34 në fusha të tjera ajrore thellë brenda Rusisë, të cilat ai tha se më vonë ishin shënjestruar nga Ukraina.
Ai shpreson se inteligjenca e tij do të shkaktojë “dëme të pariparueshme për forcat e Putinit”. “Çdo informacion që ndaj përshpejton fundin e kësaj lufte të padrejtë,” tha ai.
Zemra e Ateshit mbetet Krimea e pushtuar, ku Ukraina në 12 muajt e fundit intensifikoi fushatën e saj për ta bërë gadishullin e luftuar të paqëndrueshëm për forcat ruse.
Në shtator të vitit të kaluar, një sulm “Storm Shadow” vrau 32 oficerë rusë si dhe admiralin e flotës, sipas Ukrainës, në një nga sulmet më të guximshme të Kievit në objektivat ruse në Krime.
Atesh pretendon se një nga agjentët e saj në brendësi dha detajet e një takimi të planifikuar të udhëheqjes së flotës që Ukraina e përdori për të caktuar kohën e goditjes së saj.
Sulmi shënoi një goditje poshtëruese për Putinin, por puna e Ateshit mbetet e vazhdueshme. Një nga qëllimet e saj themeluese është çlirimi i Krimesë nga çdo pushtues i fundit.
Telegrafi foli me një agjent të tretë, një rus etnik që jeton në Krimenë e pushtuar, i cili shikon ardhjet dhe daljet në portin e Kavkaz, i cili ndodhet në një tokë strategjike në ngushticën e Kerçit që ndan gadishullin nga Rusia.
Është një nga pikat më të mëdha të Rusisë në Detin e Zi dhe trajton anijet për eksporte dhe furnizime me karburant në Krime.
Pasi iu bashkua Ateshit në pranverën e vitit 2023, ai tha se “më thanë saktësisht se çfarë kishin nevojë. Fillova të transmetoj informacione për kohën, vendndodhjen, numrin e automjeteve, sasinë e karburantit, si dhe numrin e kamionëve që transportojnë karburant dhe lubrifikantë dhe informacione të tjera të rëndësishme”.
“Kam frikë nga torturat, por jam i përkushtuar”
Ai shpesh pyet se sa keq mund të torturohej nëse e kapnin, në cilin bodrum do ta hidhnin apo çfarë do të ndodhte me familjen e tij. “Por angazhimi im për këtë kauzë është më i fortë,” tha ai.
Më 31 maj të këtij viti, ai pa frytet e punës së tij – një shpërthim i madh teksa raketat ukrainase goditën vendkalimin e trageteve dhe një depo nafte në port.
Një tjetër sulm më i fuqishëm pasoi më 22 gusht, duke fundosur një traget që po transportonte karburant dhe armë në Krime. Ai sulm ndihmoi në shkaktimin e mungesës së karburantit në gadishull.
Agjenti e di se të tjerët, të panjohur për të, po ndihmonin gjithashtu në transmetimin e informacionit, por ai ndjeu krenari të pamasë për punën e tij.
“Unë mund të shoh me sytë e mi efektivitetin e bashkëpunimit tim me lëvizjen Atesh. Unë do të vazhdoj të jap të gjithë ndihmën e mundshme për të arritur fitoren mbi ushtrinë ruse”, shprehet ai. bw
I gjetën të pajeta dhe të përqafuara deri në momentin e fundit.
Një dashuri sublime deri në vdekje me nënën koala që përpiqej ta mbronte foshnjën e vet deri në momentet e tyre të fundit.
Imazhi zemërthyer që po bën xhiron e botës dhe tashmë është kthyer në simbolin e një tragjedie që nuk mund të shmangej.
Ato u goditën nga një makinë në jugperëndim të Brisbane, Australi.
”Dhe ato qëndruan atje, së bashku, në anë të rrugës deri në sekondat e fundit”, shkruan la stampa.it.
Një tjetër thirrje dëshpëruese vjen nga ”Shoqëria e Mbrojtjes së Koalës Ipswich”, e cila gjeti trupat e tyre dhe raportoi incidentin, duke i kujtuar të gjithëve se kjo është periudha e lëvizjes më të madhe për koalat, pasi ato janë në sezonin e plotë të çiftëzimit.
“Kjo nënë dhe foshnja e saj na u raportuan këtë mëngjes. Është një kujtesë tragjike se sa e rëndësishme është të ngadalësosh dhe t’i kushtosh vëmendje jetës së egër. Ato ndajnë mjedisin tonë, jo anasjelltas”, theksoi organizata
Këta marsupialë janë shpallur në rrezik zhdukjeje që nga viti 2022.
Habitati i tyre, tashmë i shkatërruar, sakrifikohet vazhdimisht për zhvillimin urban, bujqësor dhe industrial.
Pas shkatërrimit të mjedisit të tyre, kërcënimi më i madh mbetet trafiku rrugor.
Rreth 300 koala vdesin çdo vit vetëm në Queensland juglindor, të goditura nga makinat.
”Ky rast na ka shkatërruar. Çdo kafshë që shohim të aksidentuar në rrugë na thyen zemrat. Diçka duhet të ndryshojë, para se të jetë tepër vonë për këto krijesa që do të duan të jetojnë ende në atë që dikur ishte shtëpia e tyre”, theksojnë qytetarët.bw
Kim Yo Jong, motra e liderit verikorean, Kim Jong Un.
Kim Yo Jong, motra e liderit verikorean, Kim Jong Un, e ka paralajmëruar Korenë e Jugut për “katastrofë të tmerrshme” nëse dërgon dronë sërish në Korenë e Veriut.
Të shtunën, Koreja e Veriut ka pretenduar që Seuli ka dërguar në Phenian dronë të kontrolluar prej larg, me pamflete kundër verikoreanëve, tri herë në javën e fundit.
Autoritetet në Seul kanë thënë se nuk mund të konfirmojnë nëse pretendimet e Koresë së Veriut janë të vërteta.
“Në momentin që një dron i [Republikës së Koresë] zbulohet në qiellin e kryeqytetit tonë sërish, kjo do të çojë në një katastrofë të tmerrshme”, ka thënë Kim Yo Jong, sipas medias shtetërore verikorane.
“Personalisht lutem që të mos ndodhë diçka asisoj”.
Tensionet janë rritur në Gadishullin Korean, pasi Pheniani ka rritur dukshëm numrin e testimeve raketore në dy vjetët e fundit, duke ashpërsuar retorikën kundër Shteteve të Bashkuara dhe Koresë së Jugut.
Ndërkohë, verikoreanët e kanë rritur bashkëpunimin ushtarak me Rusinë.
Javën e kaluar, zyrtarë verikoreanë kanë thënë se do t’i mbyllin të gjitha rrugët dhe lidhjet hekurudhore me Korenë e Jugut, dhe që do t’i fortifikojnë kufijtë.
Sipas ushtrisë së Seulit, Pheniani ka vendosur mijëra mina tokësore në zonën kufitare, në muajt e fundit.
Në fund të vitit 2023, Kim Jong Un i ka përshkruar marrëdhëniet ndërkoreane si ato në mes të dy vendeve ndërluftuese.
Ai ka kërkuar që Koreja e Jugut të shpallet armiku kryesor edhe në Kushtetutën socialiste të vendit. REL
Organizata japoneze e të mbijetuarve të bombardimeve atomike në Hiroshima dhe Nagasaki, Nihon Hidankyo u nderua të premten me Çmimin Nobel për Paqen për veprimtarinë e saj kundër armëve bërthamore.
Komiteti Norvegjez i Nobelit tha se çmimi i takon kësaj organizate “për përpjekjet e saj për një botë pa armë bërthamore dhe për demonstrimin përmes dëshmive të të mbijetuarve se armët bërthamore nuk duhet të përdoren më kurrë”.
Jorgen Watne Frydnes, kryetar i Komitetit Norvegjez të Nobelit, tha se komiteti “dëshiron të nderojë të gjithë të mbijetuarit, të cilët, pavarësisht vuajtjeve fizike dhe kujtimeve të dhimbshme, kanë zgjedhur të përdorin përvojën e tyre të kushtueshme për të kultivuar shpresën dhe angazhimin për paqe”.
Përpjekjet për zhdukjen e armëve bërthamore janë nderuar edhe në të kaluarën nga komiteti i Nobelit. Fushata Ndërkombëtare për Shfuqizimin e Armëve Bërthamore fitoi Çmimin e Paqes në vitin 2017 dhe në vitin 1995 Joseph Rotblat dhe Konferencat Pugwash mbi Shkencën dhe Çështjet Botërore, fituan për “përpjekjet e tyre për të pakësuar rolin e armëve bërthamore në politikën ndërkombëtare dhe, në një afat më të gjatë, për t’i eliminuar armë të tilla”.
Çmimi i këtij viti u nda nën hijen e konflikteve shkatërrimtare në botë, veçanërisht në Lindjen e Mesme, Ukrainë dhe Sudan.
Vitin e kaluar çmimi iu nda veprimtares së burgosur iraniane Narges Mohammadi, për mbrojtjen e të drejtave të grave dhe demokracisë dhe kundër dënimit me vdekje. Komiteti i Nobelit tha se çmimi ishte gjithashtu një mirënjohje për “qindra mijëra njerëz” që demonstruan kundër “politikave të regjimit teokratik të Iranit për “diskriminimin dhe shtypjen e grave”.
Në një vit konfliktesh, pati disa spekulime përpara shpalljes se Komiteti Norvegjez i Nobelit mund të vendoste të mos jepte fare çmim këtë vit.
Çmimi Nobel shoqërohet me një vlerë monetare prej 1 milion dollarësh.
Ndryshe nga çmimet e tjera Nobel që përzgjidhen dhe shpallen në Stokholm, themeluesi Alfred Nobel vendosi që çmimi për paqen të vendoset dhe të jepet në Oslo nga Komiteti Norvegjez i Nobelit prej pesë anëtarësh.
Ndarja e çmimeve Nobel përfundon të hënën me shpalljen e fituesit të çmimit në fushën e ekonomisë.
Autorja jugkoreane, Han Kang, e ka fituar Çmimin Nobel për Letërsi, më 2024, për “prozën e fuqishme poetike që konfronton trauma historike dhe shpërfaq brishtësinë e jetës njerëzore”.
Kështu është vlerësuar ajo nga juria në ditën e shpalljes së vendimit.
“Ajo e ka një vetëdije unike për lidhjet në mes të trupit dhe shpirtit, jetës dhe vdekjes, dhe stili i saj poetik dhe eksperimental është bërë inovator në prozën bashkëkohore”, ka thënë Anders Olsson, udhëheqës i Komitetit të Nobelit, përmes një deklarate.
Han Kang, jugkoreanja e parë që fiton Nobelin për Letërsi, e ka nisur karrierën më 1993 me publikim të disa poemave, derisa me prozë ka debutuar më 1995, të titulluar “Love of Yeosu”.
Namin ndërkombëtar e ka fituar me novelën “The Vegetarian”.
Vitin e kaluar me këtë çmim është nderuar shkrimtari dhe dramaturgu norvegjez, Jon Fosse.
Çmimi Nobel ka vlerën e rreth 1.1 milion dollarëve amerikanë.
Ky çmim, që ndahet për arritje në shkencë, letërsi dhe paqe, është krijuar me dëshirën e shpikësit të dinamitit, suedezit, Alfred Nobel.
Këto çmime ndahen prej vitit 1901.
Më herët gjatë javës janë ndarë Çmimet Nobel për Mjekësi, Fizikë dhe Kimi.
Tradicionalisht, Çmimi Nobel për Ekonomi ndahet në fund. REL
Më shumë se 370 milionë vajza dhe gra të reja nën moshën 18-vjeçare, janë dhunuar apo janë sulmuar seksualisht në gjithë botën, sipas Agjencisë së Kombeve të Bashkuara për Fëmijë (UNICEF).
Këto janë shifrat e para të agjencisë lidhur me dhunën seksuale ndaj fëmijëve, në nivel global, dhe janë publikuar një ditë para shënimit të Ditës Ndërkombëtare të Vajzave.
Të dhënat nënkuptojnë që një në tetë vajza është e prekur nga kjo formë e dhunës.
Nëse në të dhëna përfshihen edhe format tjera të dhunës seksuale, sikurse ato që kryhen online apo dhuna verbale, atëherë numri do të shkonte në mbi 650 milionë, që do të thotë se çdo e pesta vajzë është përballur me një formë dhune, ka thënë UNICEF.
Situata është më e komplikuar në rajonet më cenueshme, sikurse ato me institucione më të dobëta, me prani të forcave paqeruajtëse të Kombeve të Bashkuara, apo me prani të shumë refugjatëve që i ikin dhunës dhe pasigurive.
Në këto situata, shkalla e dhunimeve dhe sulmeve seksuale mund të rritet në më shumë se çdo të katërtën vajzë.
Edhe djemtë dhe burrat e rinj preken nga dhuna seksuale, ka raportuar agjencia.
Vlerësohet që rreth 240 deri në 310 milionë djem – rreth një në 11 – kanë përjetuar dhunë apo sulme seksuale gjatë fëmijërisë.
Sipas të dhënave, rastet më të shpeshta të dhunës seksuale ndodhin gjatë adoleshencës.
Rajonet me numrin më të madh të rasteve të dhunës seksuale te fëmijët janë: Afrika sub-Sahariane, më pas Azia Lindore dhe Juglindore, Azia Qendrore dhe Jugore dhe më pas Evropa dhe Amerika Veriore.
Raporti është përpiluar pas kryerjes së anketave në më shumë se 120 shtete dhe territore në periudhën 2010-2022, ka thënë UNICEF. REL
Papa Françesku dhe presidenti ukrainas Zelensky shtrëngojnë duart gjatë samitit të G7
Takimi është caktuar për të premten në mëngjes: është takimi i tretë mes të dyve që nga fillimi i luftës
VOAL- Të premten në mëngjes, Papa Françesku do të presë në audiencë presidentin ukrainas Volodymyr Zelensky. Kjo është bërë e ditur nga zyra e shtypit e Selisë së Shenjtë.
Ky është takimi i tretë mes të dyve që nga fillimi i luftës: i fundit u zhvillua më 14 qershor, gjatë samitit të G7, ndërsa i pari më 13 maj të vitit të kaluar.
Me atë rast, fokusi kryesor ishte në pushtimin rus të Ukrainës. Presidenti ukrainas kishte thënë se ishte i hapur për bisedime paqeje, me kusht që homologu rus të respektonte kufijtë territorialë të Ukrainës.
Në vend të kësaj, Papa vuri theksin në gjendjen e popullatës civile, duke i ftuar palët të ndërpresin armiqësitë, një pozicion që tërhoqi disa kritika, veçanërisht nga pala ukrainase.ATS/RSI
Nga e majta: David Baker, Demis Hassabis dhe John Jumper
VOAL- Çmimi Nobel për Kimi për vitin 2024 u ka shkuar tre studiuesve. Ata janë David Baker nga Universiteti i Uashingtonit (Shtetet e Bashkuara) dhe Demis Hassabis dhe John Jumper nga Google DeepMind (Mbretëria e Bashkuar).
Me hulumtimin e tij – shpjegon Akademia Suedeze e Shkencave të mërkurën – David Baker ka arritur të krijojë proteina krejtësisht të reja. Demis Hassabis dhe John Jumper kanë zhvilluar në vend të kësaj një model të inteligjencës artificiale të quajtur AlphaFold2 i aftë për të parashikuar strukturat komplekse të proteinave.
Në përgjithësi, proteinat përbëhen nga njëzet aminoacide të ndryshme, të cilat mund të konsiderohen si blloqet ndërtuese të jetës, lexojmë në një shënim. Dhe me këto tulla, David Baker ishte në gjendje të krijonte një proteinë plotësisht inekzistente më parë. Që atëherë, grupi i tij kërkimor ka prodhuar një mori të tërë proteinash që mund të përdoren gjithashtu si farmaceutikë, vaksina, nanomateriale dhe mikrosensorë.
Zbulimi i dytë, i cili lejoi Demis Hassabis dhe John Jumper të merrnin Nobelin, ka të bëjë me një model të inteligjencës artificiale që lejon parashikimin e strukturës së proteinave komplekse. Një objektiv që bota shkencore po përpiqej ta arrinte prej gjysmë shekulli.
Modeli i zhvilluar nga dy studiuesit deri më tani ka parashikuar strukturën e praktikisht të gjitha proteinave të identifikuara deri më tani, rreth 200 milionë. Me këtë mjet tani është e mundur, për shembull, të kuptohet më mirë rezistenca ndaj antibiotikëve dhe të krijohen imazhe të enzimave të afta për të dekompozuar plastikën.RSI
Jens Stoltenberg, deri tani Sekretar i Përgjithshëm i NATO-s, është emëruar zyrtarisht si kreu i ri i Konferencës së Mynihut për Siguri, njërës prej platformave për të rëndësishme ndërkombëtare për politika të sigurisë.
Ai pritet të marrë këtë pozitë zyrtarisht pas konferencës së radhës, që do të mbahet në shkurt të vitit 2025.
Aktualisht shef i organizatës është Christoph Heusgen.
Për emërimin e tij është raportuar gjerësisht në javët e fundit, dhe tani lajmi është konfirmuar.
“Tërë jetën time politike ia kam dedikuar ruajtjes së paqes. Është nder i madh për mua që të shërbej si udhëheqës i Konferencës së Mynihut për Siguri, dhe të kontribuoj për misionin e saj ‘paqe përmes dialogut’”, ka thënë Stoltenberg përmes një deklarate.
Ai është larguar prej pozitës së shefit të NATO-s pas 10 vjetëve në atë rol, dhe ka qenë folës vazhdimisht në konferencë.
Konferenca e Mynihut për Siguri është themeluar më 1963.
Çdo shkurt, krerë shtetesh dhe kryeministra, ekspertë ushtarakë dhe përfaqësues të industrisë së armëve, mblidhen në kryeqytetin e Bavarisë, në jug të Gjermanisë, për të diskutuar politika të sigurisë.
“Me këtë reputacion botëror dhe eksperiencë të madhe, Jens do të udhëheqë konferencën, për ta bërë edhe më të rëndësishme në botë”, ka thënë Wolfgang Ischinger, presidenti i Këshillit të Fondacionit, organ brenda Konferencës.REL
Komentet