Presidentja e Kosovës, Vjosa Osmani takon të hënën në Uashington zëvendëssekretarin amerikan të Shtetit, Christopher Landau, ka bërë të ditur Departamenti amerikan i Shtetit përmes një njoftimi zyrtar.
Aty nuk janë dhënë më shumë hollësi se cilat do të jenë temat e diskutimit në takimin që zhvillohet pasdite, me orën lokale të Kosovës.
Presidentja Osmani është takuar me zëvendëssekretarin Landau edhe në korrik të këtij viti, kur dy palët i kanë diskutuar fushat potenciale për bashkëpunimin ekonomik mes dy vendeve në të ardhmen.
Ajo pati përmendur se dy vendet mund të përfitojnë nga bashkëpunimi në sektorin e energjisë, teknologjisë informative dhe atë të mbrojtjes.
Osmani është takuar përgjatë vitit edhe me zyrtarë të lartë amerikanë, në margjina të samiteve të ndryshme, përfshirë presidentin amerikan, Donald Trump dhe Sekretarin amerikan të Shtetit, Marco Rubio.
Marrëdhëniet mes Kosovës dhe SHBA-së e kanë përjetuar një goditje më herët gjatë vitit për shkak të vendimit të Uashingtonit për të pezulluar për kohë të pacaktuar dialogun e planifikuar strategjik me Kosovën, për shkak të shqetësimeve lidhur me veprimet e Qeverisë në detyrë të Kosovës.
Dialogu ishte planifikuar për t’i forcuar lidhjet ekonomike dhe diplomatike, por veprimet e ekzekutivit janë parë si sfida për përparim.
Gjatë viteve të fundit, kryeministri në detyrë i Kosovës, Albin Kurti ka qenë disa herë në shënjestër të kritikave nga aleatët ndërkombëtarë, për shkak të disa vendimeve në veri të Kosovës – zonë e banuar me shumicë serbe – që lidheshin me zëvendësimin e targave serbe me ato të Kosovës, heqjen e dinarit serb nga përdorimi, apo mbylljen e institucioneve serbe.
Kurti i ka justifikuar këto veprime si hapa drejt shtrirjes së sundimit të ligjit në veri dhe ka thënë se ato janë në përputhje me Kushtetutën dhe ligjet e Kosovës.
Por, bashkësia ndërkombëtare, në disa raste, i ka cilësuar si të njëanshme dhe të pakoordinuara me aleatët.
Vetë Kurti ka thënë ditë më parë se marrëdhëniet e vendit me Shtetet e Bashkuara janë shumë të mira dhe që mospajtimet kryesore kanë pasur të bëjnë gjithmonë lidhur me Serbinë dhe strukturat e saj, dhe asnjëherë për çështje bilaterale.
E pyetur lidhur me këto deklarata, Ambasada e SHBA-së në Kosovë I ka thënë Radios Evropa e Lirë më 17 dhjetor se synon të punojë ngushtë me Qeverinë e re të zgjedhur pas zgjedhjeve parlamentare të 28 dhjetorit në Kosovë, “për t’i avancuar prioritetet e përbashkëta”.
Shtetet e Bashkuara i kanë ndarë mbi 2 miliardë dollarë për Kosovën prej vitit 1998.
Udhëheqës shtetërorë kosovarë e kanë përsëritur ndër vite që Amerika është partnerja më e rëndësishme e Kosovës dhe se mbështetja e saj është jetike.
Unë i besoj Z.Bujar Nishanit, Presidentit ma të shkëlqyer të 25 vjetve n’Shqypni! Sjelljet e pahijshme të Visarit duke fye në mnyrë banale publikisht ka provokue popullin shqiptar se asht perfaqsuesi i unitetit komtar!
Fakti asht se Pse zhfrytzoi shkakun e mospëlqimit me të drejtë të presidentit të ish hetuesit të diktaturës Fatmir Xhafaj për me emnue si ministër?
Visari kishte mundsi të shpaloste të drejtën e vet të hapej rreth konfliktit që ka me presidentin publikisht dhe t’ja lente lexuesit ta peshonte. Prandej sulmi ishte prej nji burracakut ndaj presidentit. Unë nuk kam asnji të keqe me Visarin. Nuk e njoh aspak dhe s’jam i interesuem se kenka person shum i komplikuem. Due t’i kujtoj publikut se asht i dyti hetues i diktaturës që i ban avokati;
– I pari ishte Sabri Godo, ku Visari si ministër i kulturëspreu shiritin dhe lejoi të ngrihej nji bust hetuesit të tmerrshëm të Shkodrës – Sabri Godo pranë parlamentit. Kjo asht fyemje ndaj të burgosurve politik.
– I dyti hetues i diktaturës që përsëri botnisht mori në mbrojtje ishte Fatmir Xhafaj, deputetë dhe ministër i brendshëm.
Shpresoj se ma i fituem ka me dalë në kët duel të pandershëm vetëm Visar Zhiti, sepse o do të emnohet nga Rilindja Enveriste ambasador në Vatikan pas 5 muejsh ose president ose ministër në qeverinë e bllokmenve enverist!