VOAL

VOAL

Please Wait ...
0%

Avokati: Shoferi nuk më tha se e kishte zënë gjumi

By | July 27, 2021
blank

Komentet

blank

VIDEO- Televizioni shtetëror i Serbisë: Ushtria vetëm 2 km larg kufirit me Kosovën, në radhë 4 automjete të blinduara

SERBI

Televizioni shtetëror serb, RTS lajmëron se ushtria e vendit të saj është vetëm 2 km larg kufirit me Kosovën.

Katër automjete të blinduar të tipit “Lazar” dhe “Milos” si dhe një sërë ushtarësh serbë janë pozicionuar përgjatë rrugës që të çon për Jarinje.

Në javën e dytë pas reciprocitetit të targave, askush nga palët nuk po tërhiqet. Serbët e Veriut kanë bllokuar dy autostrada kurse Policia e Kosovës nuk tërhiqet.

blank

Komiteti i Helsinkit në Beograd promovon librin e Rita Augestad

Voal.ch – “Momente të vetë-vendosjes: koncepti i vetë-vendosjes dhe ideja e lirisë në diskursin ndërkombëtar të shekullit 20 dhe 21”.

Ky është titulli i librit të Rita Augestad, bashkëshortes së Kryeminstrit të Kosovës, Albin Kurtit, i sapo përkthyer në gjuhën serbe dhe i promovuar në Beograd nga Komiteti i Helsinkit për të Drejtat e Njeriut,

që ishte edhe promovuesi dhe organizatori konferencës mbi thelbin e brendisë të librit që është koncepti i vetë-vendosjes të popujve.

Në këtë konfrencë mori pjesë ikona serbe e të drejtave të njeriut zonja Sonja Biserko, kishte të ftuar nga bota akademike serbë, nga BiH dhe Kosova.

Ishte e pranishme përmes platformës Zoom edhe vetë autorja e librit Rita Augestad, zonja e kryeministrit të Kosovës,

e cila u shprehu falenderime organizatorëve për përkthimin e librit dhe promovimin e tij si dhe për diskutimin e një teme,

që për mendjet e nxehta tingëllon provokim, por që është e drejta më legjitime e popujve, ajo e vetë-vendosjes.

“Kjo tezë shqyrton sesi koncepti i ‘vetëvendosjes’ është shfaqur në diskursin ndërkombëtar të nivelit të lartë në momentet kryesore në shekujt 20 dhe 21. Gjuha ekzakte e ‘vetëvendosjes’ u ndërkombëtarizua në 1918 nga Woodrow Wilson në kontekstin politik të Luftës së Parë Botërore, dhe në reagim ndaj referencave të mëparshme të Leninit për konceptin, të cilin ai e kishte zhvilluar midis 1903 dhe 1917”, shkruhet në abstraktin e librit të Rita Augestad, autores të librit.

voal.ch uron zonjën Rita Augestad dhe zonjën Biserko, pasi Komiteti i Helsinkit në Beograd lidhet me emrin e saj, për përkthimin dhe promovimin e librit.

Mediat në Beograd kanë reaguar me zemërim të madh, ndërsa zonja Birseko që është edhe presidente e Komitetit të Helsinkit për të drejtat e njeriut sipas Danas ka thënë: Libri nuk ka asnjë lidhje me ngjarjet aktuale në Kosovë.”

Sipas Danas, promovimi i librit “Idetë e Lirisë dhe Vetëvendosjes” nga Rita Augestad Knudsen, gruaja e kryeministrit të Kosovës Albin Kurti, provokoi zemërimin e mediave të regjimit në Beograd. Ata e lidhin konferencën “E Drejta për Vetëvendosje”, e organizuar nga Komiteti i Helsinkit për të Drejtat e Njeriut, në të cilën autorja mori pjesë me një lidhje video, me ngjarjet aktuale në veri të Kosovës. Ata e quajnë ngjarjen një skandal. Ndërsa Sonja Biserko, presidente e Komitetit të Helsinkit për të Drejtat e Njeriut, i tha Danas se regjimi dhe mediat e tij tani kanë nevojë për armiq që përshtaten në këtë kontekst në veri të Kosovës, dhe se autorja nuk e përmendi situatën aktuale  nëpërfshirjen e saj./EB

blank

Gjukanoviq: Ballkani, sërish arenë e përplasjeve gjeopolitike

Presidenti i Malit të Zi, Millo Gjukanoviq flet gjatë takimit të Asamblesë së 76 -të të OKB -së më 23 shtator 2021 në Nju Jork.

RFE/RL

Presidenti i Malit të Zi, Millo Gjukanoviq, ka thënë se Ballkani vazhdon të jetë një rajon i konfrontimit të interesave dhe qëllimeve strategjike të aktorëve të ndryshëm ndërkombëtarë.

Ai këto komente i bëri në fjalimin para Asamblesë së Përgjithshme të Organizatës së Kombeve të Bashkuara, e cila po i zhvillon punimet në Nju Jork të SHBA-së.

“Edhe sot e kësaj ditë ekzistojnë sfidat dhe kërcënimet ndaj demokracisë shumetnike në Ballkan. Ballkani Perëndimor është përsëri arenë e interesave gjeopolitike, pasojat e të cilave janë ngadalësimi i integrimit të shoqërive të Ballkanit Perëndimor në mjedisin e tyre natyror evropian”, shtoi presidenti malazez.

Gjukanoviq tha se Mali i Zi paralajmëron për rrezikun e përtërirë të destabilizimit të Ballkanit Perëndimor dhe ngushtimin e hapësirës të perspektivës së tij evropiane.

Më herët, një raport i ri i Qendrës për Studimin e Demokracisë me bazë në Bullgari thotë se në vendet ku ka pasur hyrje të kapitalit kinez është vërejtur ndikim negativ në mjedis dhe cilësinë e qeverisjes.

Pjesa më e madhe e ndikimit të Pekinit është fokusuar në Hungari, Çeki dhe Ballkanin Perëndimor, kryesisht në Bosnje e Hercegovinë dhe Serbi.

Sipas raportit, vendet që kanë pësuar më së shumti në rënien e standardeve të qeverisjes dhe rritjen e nivelit të borxhit janë Bosnje dhe Hercegovina, Hungaria, Mali i Zi dhe Serbia.

Një projekt për ndërtimin e autostradës në vlerë prej 1 miliard dollarësh në Mal të Zi u vendos në qendër të debatit për ndikimin kinez në Evropë.

Mali i Zi pati njoftuar se nuk do të ishte në gjendje të paguante borxhin e tij ndaj Bankës Export-Import të Kinës.

Përveç çështjes së borgjit ky projekt u kritikua edhe për koston që kishte.

Përfundimisht, Podgorica mori ndihmë borxhi nga një sërë institucionesh amerikane dhe evropiane për të ndihmuar në stabilizimin e financave të saj dhe për të përmbushur pagesat e huasë.

Edhe ndikimi rus konsiderohet nga vendet perëndimore si shumë problematik në Ballkanin Perëndimor.

blank

U vra në burgun grek, Ilia Kareli u mbajt 97 minuta në “frigorifer” dhe u rrah pa pushim

Shtatë vite më vonë dhuna ka lënë gjurmë në burgun Nigritas. Rasti i torturës nga zyrtarët e burgut të shqiptarit me origjinë nga Fieri, Ilia Kareli i dënuar më shumë se 12 vite shkaktoi shumë polemika në mars të 2014.

Të pandehurit që u ulën në bankë për vrasjen e shqiptarit ishin 14.

Çështja u shty në vitin 2016 por më pas sipas vendimit gjashtë nga të burgosurit e akuzuar u dënuan me pesë vite burg, tre të tjerë deri në gjashtë vite burg dhe tre të tjerët përfshirë gardianin dhe truprojën me burgim të përjetshëm.

Por së fundmi sipas medias greke prothema.gr të akuzuar e kanë apeluar vendimin, me arsyen se e kryen krimin për hakmarrje ndaj kolegut të tyre.

Gjithashtu media helene ka shkruar detaje rrëqethëse, minutat e tmerrshme para vdekjës së Karelit të cilat kanë dalë në dritë nga shkresa e çështjes prej një mijë faqeve të Gjykatës në Selanik.

Dosja e çështjes paraqet, në veçanti, arsyeshmërinë e vendimit për burgosjen e stafit të burgut, në një kohë kur torturat në burgje nuk janë të rralla. Vendimi sqaron se tortura për një qëllim, sipas ligjit përbën një vepër penale.

Kronika e vdekjes

97 minuta në ‘frigoriferin’ e burgut ishin të mjaftueshme për të torturuar Ilia Karelin i cili nuk arriti të jetonte më shumë se 7 orë në burgun Nigritas.

U zbulua se Kareli kishte pësuar goditje të vazhdueshme në të gjithë trupin e tij.

Ai u vendos në qelinë e tij i plagosur rëndë, deri në atë pikë sa nuk mund të qëndronte në këmbë, në një kohë kur temperatura në dhomë nuk kalonte 10 gradë Celsius.

Gjyqtarët e Serresit ishin përqëndruar në metodën e torturës “falangë” duke theksuar se ishte një përdorim i metodave sistematike të torturës.

“Ata përdorën një gërshet të improvizuar me një çarçaf, i cili ishte konfiskuar në të kaluarën nga kontrollet në qelitë e të ndaluarve. Me këtë, ata shkaktuan goditje të shumëfishta, në mënyrë metodike dhe të organizuar, në një zonë që nuk u filmua, padyshim sepse nuk do të ishte e mundur të hetohej më pas se kush kryente veprime specifike’ shkruan Protothema.

Hakmarrja

Dosja prej 60 faqesh i atribuoi torturën e zyrtarëve të burgut ndaj Karelit si hakmarrje për vrasjen e kolegut të tyre.

Kujtojmë që Kareli u transferua në burgun e Nigritas në mars të vitit 2014 pas vrasjes se një roje në burgun e Malandrinos në Greqinë qendrore.dita

blank

Vuçiq paralajmëron masa ekonomike dhe politike ndaj Kosovës

RFE/RL

Presidenti i Serbisë, Aleksandar Vuçiq tha se autoritetet në Prishtinë po demonstronin forcë dhe se ata kishin interpretuar sipas dëshirës së tyre Marrëveshjen e Brukselit kur njoftuan për zbatimin e reciprocitetit për targat e automjeteve.

Vuçiq e përshkroi situatën në Kosovë si “një nga ditët më të vështira për popullin serb në Kosovë”.

Autoritetet në Kosovë më 20 shtator nisën aplikimin e masës së reciprocitetit për targat e automjeteve nga Serbia, duke thënë se një vendim i tillë nuk është ndërmarrë kundër serbëve, por është imponuar nga Serbia. Por serbët janë grumbulluar në afërsi të pikave kufitare në veri të Kosovës, duke bllokuar rrugët në shenjë pakënaqësie.

“Nuk bëhet fjalë për ndonjë dramatizim, por situata është shumë serioze dhe e vështirë”, tha presidenti i Serbisë, duke shtuar se “është e vështirë të arrihen zgjidhje racionale, me ata që sillen në mënyrë të papërgjegjshme”.

Ai tha se ka diskutuar për situatën me Përfaqësuesin e Lartë të Bashkimit Evropian (BE), Josep Borrel. Vuçiq paralajmëroi që nesër do të thrrasë një mbledhje të Këshillit të Sigurisë së Serbisë.

“Shpresoj se nuk do të na duhet të marrim masat tona, si ekonomike ashtu edhe politike, sepse kjo nuk do të ishte mirë për të gjithë rajonin, veçanërisht për marrëdhëniet tona me Prishtinën”, tha Vuçiq, derisa porositi serbët të mos bien pre e provokimeve, të protestojnë në paqe dhe pa incidente.

“Kjo është ndërhyrja më brutale me rreth 350 njerëz, më shumë se 20 automjete të blinduara, snajperë të vendosur në shumë vende të cilët supozohej të mbulonin shtëpitë e serbëve që do të kundërshtonin terrorin e autoriteteve të Prishtinës”, tha Vuçiq.

Vuçiq në një paraqitje para mediave të hënën (20 shtator) gjithashtu tregoi një fotografi të një ambulance nga Vranja, e cila, siç tha ai, po transportonte pacientë, dhe e cila u ndalua në pikën e kontrollit administrative në veri të Kosovës.

Radio Evropa e Lirë nuk e ka vërtetuar autenticitetin e kësaj fotografie.

Sipas vendimit të autoriteteve në Prishtinë, veturat që hyjnë nga Serbia duhet të pajisjen me targa të përkohshme në pikëkalimet kufitare të Kosovës. Autoritetet në Kosovë po vendosin në veturat me targa të qyteteve të Serbisë, regjistrime të përkohshme për qarkullim brenda në Kosovë. Veturave po u vendoset në xhamin para dhe prapa.

Të njëjtën masë e ka zbatuar tash e sa vite edhe Serbia për automjetet nga Kosova.

Ministri i Punëve të Brendshme në Kosovës, Xhelal Sveçla ka thënë se situata e sigurisë në Kosovë është e qetë dhe se policia ka ndërmarrë gjitha masat që të mos pengohet lëvizja e lirë.

Pas vendimit të Qeverisë së Kosovës që të aplikojë masa të reciprocitetit, sa i takon qarkullimit të automjeteve me targa të Serbisë, Shtetet e Bashkuara i janë bashkuar thirrjeve të Bashkimit Evropian që të dyja palët të ndërmarrin masa, në mënyrë që të ulen tensionet.

Çështja e targave ishte e rregulluar Marrëveshjen e Brukselit për lëvizjen e lirë, në kuadër të dialogut ndërmjet Kosovës dhe Serbisë, ku ishte përcaktuar që të gjithë pronarët e veturave që banojnë në Kosovë, duhet të përdorin targat ‘KS’ (Kosovë) ose ‘RKS’ (Republika e Kosovës) dhe kështu t’i hiqnin nga përdorimi targat që për serbët e Kosovës i lëshonte Ministria e Punëve të Brendshme e Serbisë.

blank

Presidenca malazeze akuzon Rusinë për ndërhyrje në punët e brendshme të Malit të Zi

Ali Salaj

Zyra e presidentit të Malit të Zi akuzoi të dielën autoritetet e Moskës dhe kreun e Kishës Ortodokse Ruse për ndërhyrje në punët e brendshme të Malit të Zi.

Zyra e presidentit malazez, Milo Gjukanoviq në një reagim, bëri të ditur, se Ministria e Punëve të Jashtme Ruse dhe Kisha Ruse janë anti-malazeze dhe anti-ortodokse.

“Vetëm disa ditë pas Ministrit të Punëve të Jashtme të Federatës Ruse, Sergej Lavrov, zëdhënësi i Kishës Ruse, Ilarion Alfejev shfaqet me teza dhe me komente cinike rreth ngjarjeve të shugurimit të kreut të Kishës Ortodokse Serbe në Mal të Zi .”

“Kjo konfirmon se Kisha Ruse është në shërbim të interesit shtetërorë të Federatës Ruse dhe vërteton faktin se janë anti-malazeze dhe anti-ortodokse”, thuhet në njoftimin e presidencës malazeze.

Zyra e presidentit thekson se deklaratat e fundit nga zëdhënësi i Kishës Ruse Ilarion dhe ministri Lavrov konfirmojnë ndërhyrjen e hapur të Rusisë në punët e brendshme të Malit të Zi.

“Është një mënyrë shumë e vrazhdë dhe e papërshtatshme nga një personalitet kaq i lartë i kishës ndaj Malit të Zi, që tradicionalisht ishte miqësore ndaj Rusisë, kurse komenti i ministrit Lavrov mbi ngjarjet e fundit në Cetinë është gjithashtu nën nivelin e shefit të diplomacisë së Rusisë dhe të reputacionit të tij personal”, thuhet në reagim.

Presidenti Gjukanoviq u referohej pohimeve të transmetuara në kanalin televiziv të Kishës Ortodokse Ruse, që citonte deklaratën e një peshkopi të Kishës Serbe ku pretendohej se 500 njerëz ishin të pranishëm në ngjarjet e fundit në Cetinë dhe se ata flisnin keq serbisht dhe se ishin nga Shqipëria ose vende të tjera të rajonit. Televizioni komentonte se ishte diçka negative që Presidenti Gjukanoviq ishte me ta.

“Ky është një mashtrim i qartë pasi më 4 dhe 5 shtator kishte mijëra qytetarë të Cetinës dhe qytetarë të tjerë malazezë në protesta, dhe se ata kryesisht flisnin gjuhën malazeze, por kishte edhe nga ata që flisnin serbisht, dhe se të gjithë ishin të bashkuar në mbrojtjen e dinjitetit të kryeqytetit dhe shtetit të tyre të Malit të Zi ”, përfundon reagimi i presidencës së Malit të Zi.

Presidenti i Malit të Zi, Milo Gjukanoviq, gjatë qëndrimit të tij në Kroaci, javën e kaluar, ka thënë se presidenti i Serbisë, Aleksandar Vuçiq, do të dëshironte që në projektin e “Serbisë së Madhe” ta kishte Kosovën, por pa shqiptarë dhe Malin e Zi pa malazezë. Sipas tij, Vuçiqi e konsideron kthimin e Malit të Zi në Serbi kompensimin e vetëm për Kosovën.

Në një intervistë për mediat kroate Gjukanoviq ka thënë se Serbia dhe Rusia po duan ta vënë nën kontroll Malin e Zi, në çfarëdo mënyre që mund të bëhet.

“Serbia sepse mendon se është koha e duhur për të bërë rivizatim kufijsh në Ballkan e Rusia që të dërgojë mesazh për NATO-n, BE-në e shtetet në rajon”, ka thënë Gjukanoviq.

Duke i konsideruar jo të sinqerta deklaratat e Vuçiqit se Serbia e njeh pavarësinë e Malit të Zi, Gjukanoviq ka thënë se Mali i Zi për Serbinë është një lloj kompensimi në mënyrë që të pranojë Kosovën e pavarur.

Mali i Zi kohët e fundit është përballur me tensione politike e etnike, që nxitën frikën për luftë civile me pushtetin aktual që po akuzohet se po punon në mohim të shtetësisë dhe kombit malazez. Me 5 shtator Mali i Zi ishte pranë konfliktit ndëretnik gjatë shugurimit të kreut të Kishës Ortodokse Serbe, në kryeqytetin historik dhe kulturor të Malit të Zi në Cetinë.

Partitë pro-malazeze që janë kundër ndërhyrjeve serbe po e akuzojnë presidentin serb Aleksandar Vuçiq për destabilizimin të vendit. Presidenti Gjukanoviq ngjarjet e fundit në Mal të Zi i ka cilësuar shumë serioze dhe tejet të rrezikshme për qëndrueshmërinë e rajonit.

blank

Vuçiq pas takimit me Erdogan: Diskutuam tema të rëndësishme për rajonin

Vuçiq zbuloi se Presidenti i Turqisë mbështet dialogun midis Beogradit dhe Prishtinës dhe se ai beson se është e rëndësishme të arrihet një zgjidhje kompromisi

Lejla Biogradlija   |18.09.2021
Beograd

Presidenti serb Aleksandar Vuçiq tha se kanë diskutuar tema të rëndësishme për gjithë rajonin me presidentin turk Recep Tayyip Erdoğan në Stamboll sot, transmeton Anadolu Agency (AA).

Erdoğan dhe Vuçiq u takuan në Pallatin Vahdettin të Stambollit, kurse pas vizitës në Turqi, presidenti serb për agjencinë Tanjug tha se Turqia është një mik i Serbisë dhe se ai është i bindur se marrëdhëniet midis dy vendeve mund të jenë edhe më të mira.

“Ne mund të bëjmë më shumë përpjekje për t’i bërë këto marrëdhënie edhe më të mira dhe për të shtuar besimin. Kjo është një nga gjërat e mëdha dhe të rëndësishme për ne, një kusht pa të cilin nuk mund të ruajmë stabilitetin në rajon”, theksoi Vuçiq.

Vuçiq më tej zbuloi se Presidenti i Turqisë mbështet dialogun midis Beogradit dhe Prishtinës dhe se ai beson se është e rëndësishme të arrihet një zgjidhje kompromisi.

Duke theksuar se marrëdhëniet miqësore me Turqinë janë një lloj garantues i sigurisë dhe stabilitetit në Ballkanin Perëndimor, Vuçiq njoftoi se Erdoğan do të vizitojë Serbinë deri në fund të vitit.

“Ne folëm gjithashtu për ekonominë dhe investimet turke në Serbi. Diskutuam tema rajonale dhe bilaterale. Turqia është një fuqi e madhe në rajon”, tha Vuçiq.

Duke rikujtuar se qëllimi është rritja e tregtisë së jashtme midis Serbisë dhe Turqisë nga 1,3 miliard në dy miliardë dollarë, Vuçiq tha se ai gjithashtu bisedoi me Erdoğan se si të sigurohet që kufijtë e të dy vendeve të kalohen sa më lehtë dhe me sa më pak dokumente të jetë e mundur.

“Bisedimet e mia me Erdoğan janë gjithmonë të dobishme. Edhe sot dola nga takimi shumë i kënaqur”, përfundoi Vuçiq.

blank

Florian Bieber: Merkel në Ballkan, asgjë më shumë se një vizitë lamtumire

Kancelarja gjermane, Angela Merkel ka nisur një tur vizitash në rajonin e Ballkanit.

Sipas rrjetit publik gjerman, ARD, disa thonë se kjo vizitë mund të sjellë lëvizje për disa konflikte të ngrira në rajon. Të tjerët thonë se është thjesht një vizitë lamtumire.

“Lista e problemeve në Ballkanin Perëndimor është e gjatë. Korrupsioni, abuzimi i pushtetit, gjyqëori i dobët dhe mungesa e lirisë së medias,” raporton ARD.

Studiuesi politik, Florian Bieber thotë se turi i kancelares nuk është asgjë përveçse një udhëtim lamtumire. Sipas tij, asgjë nuk ka ndryshuar në problemet themelore.

Bieber thotë se kancelarja gjermane nuk ka qenë në gjendje të ofrojë një të ardhme të qëndrueshme për rajonin dhe ky është dështimi i saj.

“Merkel nuk është në gjendje që të ofrojë një vazhdimësi mes saj dhe qeverisë që do e pasojë. Pra nuk është e qartë nëse do ketë vazhdimësi. Prandaj unë e konsideroj vizitën më shumë si një sinjal se Gjermania do të vazhdojë të jetë e interesuar për këtë rajon,” thotë Bieber.

blank

Nëse nuk shkarkohen ministri i Brendshëm dhe shefi i policisë, Abazoviç kërcënon të rrëzojë qeverinë në Mal të Zi

Zv/kryeministri malazez Dritan Abazoviç kërcënoi të enjten se do të rrëzonte qeverinë e koalicionit, nëse ministri i brendshëm Sergej Sekuloviç dhe shefi i policisë Zoran Brdjanin shkarkohen, siç kanë kërkuar partnerët e tij në qeveri.

Me katër vende në parlament, koalicioni i Abazoviçit, “E zeza në të bardhë”, është anëtari më i vogël i koalicionit qeverisës prej 41 anëtarësh, i cili ka një shumicë prej vetëm një anëtari në parlamentin e përbërë nga 81 vende.

“I kam thënë kryeministrit dhe kolegëve të mi në qeveri disa herë që ata po e teprojnë. Ka mundësi të mos kemi një ministër të ri të brendshëm, por do të kemi një kryeministër të ri. Unë do të rrëzoj qeverinë”, tha Abazoviç për televizionin lokal Vijesti. “Nuk do ta mbështes më qeverinë, nëse nëse mendoj se ata po bëjnë diçka që është e padrejtë”, shtoi ai.

Kriza e fundit politike në kampin e shumicës qeverisëse erdhi pas protestave të dhunshme në Cetinje, kryeqytetin e vjetër mbretëror të Malit të Zi, të dielën e kaluar, pasi përkrahësit e opozitës dhe grupet e vetëshpallura patriotike u përleshën me policinë, duke u përpjekur të ndalonin emërimin e një serbi të ri në krye të mitropolitit të Kishës Ortodokse.

Ndërsa policia përdori gaz lotsjellës për të shpërndarë protestuesit dhe për të hequr barrikadat që ishin ngritur pranë Cetinjes, Patriarku Ortodoks serb Porfirije dhe Mitropoliti i ri, Joanikije, u desh të transportoheshin në Cetinje me helikopterë të ushtrisë.

Protestuesit pretenduan se vendi i inaugurimit në Cetinje ishte një fyerje për luftën e Malit të Zi për sovranitetin dhe pavarësinë nga Serbia, me të cilën ai u bashkua nga fundi i Luftës së Parë Botërore deri në 2006.

Abazoviç e bëri kërcënimin e tij pasi kryeministri Zdravko Krivokapiç akuzoi ministrin e brendshëm dhe shefin e policisë për hezitim për të shpërndarë protestat kundër emërimit të mitropolitit të ri serb.

Më 7 shtator, Krivokapiç njoftoi një hetim të brendshëm në polici, duke paralajmëruar se “askush nuk do të kursehet, pavarësisht se çfarë pozicioni kanë apo se cila parti politike e mbron atë”.

“Nëse dikush mendon se policia malazeze duhet të menaxhohet në një mënyrë që ne të mund të kemi përfitime politike, kjo nuk do të ndodhë në kurrizin tim,” u përgjigj Abazoviç.

Por dy blloqet e tjera në qeveri kanë kërkuar një hetim, duke akuzuar ministrin e brendshëm dhe kreun e policisë se kanë refuzuar të zbatonin vendimet e qeverisë për protestën në Cetinje.

Partneri më i madh në qeverinë e koalicionit, Fronti Demokratik pro-serb, i bëri thirrje kryeministrit të shkarkojë Sekuloviçin dhe Brdjanin.

Një tjetër parti partnere, Mali i Zi Demokratik, e sfidoi Abazoviçin të rrëzonte kryeministrin, nëse guxonte. “Forca! Rrëzojeni qeverinë, nëse keni guxim. Sigurisht që nuk keni guxim dhe kërcënimet tuaja janë thjesht një blof, si shumë herë më parë”, tha ajo në një deklaratë për shtyp të premten.

Koalicioni i lëkundur i Malit të Zi u përball me telashe më parë kur Fronti Demokratik e akuzoi Krivokapiçin për bashkëpunim të dobët me partitë në pushtet gjatë emërimit të zyrtarëve të policisë dhe propozimeve të ligjeve.

Qeveria u formua më 4 dhjetor të vitit të kaluar, pasi tre blloqe, Për të ardhmen e Malit të Zi, Paqja është kombi ynë dhe E zeza në të bardhë, fituan një shumicë të ngushtë në parlament në zgjedhjet vendimtare në gusht që i dhanë fund sundimit prej tri dekadash të Partisë Demokratike të Socialistëve./Reporter.al/

blank

Angela Merkel sot dhe nesër në vizitë lamtumire në Ballkanin Perëndimor

Kancelarja gjermane Angela Merkel do të shfrytëzojë ditët e fundit të mandatit të saj për të vizituar Ballkanin Perëndimor, ku do të zhvillojë takime me udhëheqësit e vendeve të rajonit në Beograd dhe Tiranë, transmeton Anadolu Agency (AA).

Merkel do të qëndrojë sot në Beograd, ku do të takohet me presidentin serb Aleksandar Vuçiq, kurse një ditë më vonë, më 14 shtator, në Shqipëri.

Fokusi i bisedimeve me Presidentin e Serbisë do të jenë marrëdhëniet dypalëshe, marrëdhëniet ekonomiko-politike dhe çështjet nga perspektiva evropiane, u njoftua më herët nga zyra e kancelares gjermane.

Merkel do të vazhdojë vizitën e saj në Ballkanin Perëndimor në Tiranë, ku do të ketë një takim dypalësh me kryeministrin shqiptar Edi Rama të martën, me të cilin do të diskutojë gjithashtu çështje bilaterale dhe ekonomike, si dhe qasjen e vendit ndaj Bashkimit Evropian.

Pas kësaj, kancelarja do të marrë pjesë në një drekë me kryeministrat e të gjitha vendeve të Ballkanit Perëndimor, në të cilën tema kryesore do të jetë bashkëpunimi rajonal, e ndjekur nga një konferencë shtypi.

Para se të kthehet në Berlin, Merkel do të ketë takime dypalëshe me krerët e qeverive të Kosovës, Maqedonisë së Veriut, Bosnjë dhe Hercegovinës dhe Malit të Zi, njoftoi Ambasada e Gjermanisë në Tiranë.

Angela Merkel do të largohet nga politika pas 16 vitesh si kancelare nga fundi i muajit. Tre kandidatët kryesorë për të pasuar kancelaren gjermane janë Armin Laschet, kandidati i bllokut konservator CDU/CSU, të cilit i përket edhe kancelarja aktuale, Olaf Scholz, kandidati socialdemokrat (SPD, qendra e majtë) dhe Annalena Baerbock e të gjelbërve.

blank

Gjukanoviç: Vuçiçi e do Kosovën pa shqiptarë e Malin e Zi pa malazezë

Presidenti i Malit të Zi, Milo Gjukanoviç, ka thënë se presidenti i Serbisë, Aleksandar Vuçiç, do të dëshironte që në projektin e “Serbisë së Madhe” ta kishte Kosovën por pa shqiptarë dhe Malin e Zi por pa malazezë. Sipas tij, Vuçiqi e konsideron kthimin e Malit të Zi në Serbi kompensimin e vetëm për Kosovën.

Mali i Zi kohëve të fundit është përballur me turbulenca politike e etnike, që nxitën frikën për luftë civile me pushtetin aktual që po akuzohet se po punon në mohim të shtetësisë dhe kombit malazias. Javën e shkuar, Mali i Zi ishte pranë konfliktit me qytetarë që ishin kundër inaugurimit të mitropolitit të Kishës Ortodokse Serbe në Mal të Zi në qytetin historik të Cetinës. Pala malazeze që është kundër ndërhyrjeve serbe po e akuzon presidentin serb Aleksandar Vuçiç për destabilizimin. Këtu bën pjesë edhe Gjukanoviq që e ka cilësuar shumë serioze situatën e fundit.

Në një intervistë për “Jutarnji”, Gjukanoviç ka thënë se Serbia dhe Rusia po duan ta vënë nën kontroll Malin e Zi, në çfarëdo mënyrë që mund të bëhet.

“Serbia sepse mendon se është koha e duhur për të bërë rivizatim kufijsh në Ballkan e Rusia që të dërgojë mesazh për NATO-n, BE-në e shtetet në rajon”, ka thënë ai.

Duke i konsideruar jo të sinqerta deklaratat e Vuçiqit se Serbia e njeh pavarësinë e Malit të Zi, Gjukanoviç ka thënë se Mali i Zi për Serbinë është një lloj kompensimi në mënyrë që të pranojë Kosovën e pavarur.

Megjithatë, ai ka thënë se Serbia do të donte kthimin e Kosovës, por pa shqiptarët, e kthimin e Malit të Zi, por pa malazezët si kombe.

“Ata do të donin ta kishin Kosovën, por pa shqiptarët. Siç do ta donin Malin e Zi, por pa malazezët. Është e qartë se për Beogradin, Mali i Zi do të ishte kompensimi i vetëm real për Kosovën”, ka thënë ai.

Gjukanoviç megjithatë ka shtuar se pa Malin e Zi në “botën serbe” projekti i Serbisë së Madhe është “përgjithmonë i vdekur”.

“Do të sigurohemi për këtë”, ka deklaruar ai./koha.net

blank

Ambasadori amerikan në Athinë: Konflikti Turqi-Greqi nuk është në interes të SHBA

Athinë

Ambasadori i SHBA-së në Athinë, Geoffrey Pyatt, duke theksuar se “ai nuk e pranon mendimin se një konflikt mes Turqisë dhe Greqisë është i pashmangshëm”, tha se një gjë e tillë nuk do të ishte në interes të Washington-it, transmeton Anadolu Agency (AA).

Pyatt, në fjalimin e tij në panelin online “Kushtet e Ndryshuar: Gara për Fuqinë e Madhe në Mesdheun Lindor”, të organizuar nga Qendra Evropiane për Analizën e Politikave, vlerësoi zhvillimet në Mesdheun Lindor dhe çështjet rajonale.

Sipas tij Greqia është një aleat i rëndësishëm për Shtetet e Bashkuara të Amerikës në Mesdheun Lindor, ndërsa ai tërhoqi vëmendjen në marrëdhëniet e afërme që Greqia ka krijuar me Izraelin, Libanin, Emiratet e Bashkuara Arabe (EBA), Jordaninë, Egjiptin dhe Libinë në vitet e fundit.

Duke vënë në dukje se ata mbështesin aleancën e formulës 3+1 të krijuar në rajon me Greqinë, Izraelin, Administratën Qipriote Greke dhe SHBA-në, Pyatt argumentoi se Athina në mënyrë të përsëritur ka deklaruar se është e hapur për pjesëmarrjen e Turqisë në Forumin e Gazit të Mesdheut Lindor.

Pyatt theksoi se Korridori Jugor i Gazit, i cili lidhet me marrëdhënien midis Gazsjellësit Trans Adriatik të Gazit Natyror (TAP) dhe Turqisë, është një nga shembujt më të mirë të bashkëpunimit rajonal në fushën e energjisë në Evropë. “Kjo është një fushë që mundëson krijimin e kanaleve të reja të bashkëpunimit dhe fito-fito. Unë nuk e pranoj mendimin se një konflikt midis Greqisë dhe Turqisë është i pashmangshëm dhe sigurisht që kjo nuk është në interesin e SHBA-së”, u shpreh Pyatt.

Ambasadori amerikan pretendoi se vitin e kaluar SHBA-ja ka punuar bashkë me Gjermaninë dhe Francën për të ulur tensionin e rritur vitin e kaluar mes Greqisë dhe Turqisë në Mesdheun Lindor, duke shtuar se aleatët e NATO-s mund të bashkëpunojnë gjithashtu edhe në çështje të tilla si zhvillimi ekonomik, luftimi i pandemisë, krizës klimatike dhe zjarreve pyjore.


blank
blank
blank
blank
blank
blank
blank
blank
blank
blank
blank
blank
Send this to a friend