Viktimat e Thumanes dhe disa nga te Durresit mund te ishin te gjalle!
Ato jane vrasje shteterore, pa dashje apo pa qellim dhe duhet te trajtohen te tilla.

Te dashur miq, termeti i 26 nentorit u parapri nga nje termet prej 5,6 te shkalles richter me qender ne te njejten zone dhe thellesi. Termeti i 22 shtatorit u shoqerua me demtim te shkalleve te ndryshme te 1528 objekteve, shkaterroi plotesisht 50 banesa dhe demtoi dukshem 160 pallate etj etj ne Durres, Kruje dhe Tirane.

Nder ndertesat e demtuara ne menyre serioze dhe qe ishin raportuar si te pabanueshme nga banoret e tyre ishin edhe dy pallatet qe i moren jeten 22 banorve nen rrenojat e tyre por me siguri edhe te pallateve dhe banesave ne Durres.

Ne rast se autoritetet zyrtare qe inspektuan keto pallate ne Thumane dhe Durres nuk do te nenvleftesonin demtimin ne strukture, te shkaktuar nga termeti, banoret me detyrim do te ishin zhvendosur ne vendsterhime te tjera dhe do te ishin gjalle sot. Pra ata de fakto vertet vdiqen nga termeti i 26 nentorit por kjo ishte nje vdekje e paralajmeruar per sa kohe nuk u larguan forcerisht nga pallatet e tyre te bera te pabanueshme me 22 shtator. Per rrjedhoje kemi te bejme me nje vrasje shteterore, natyrisht jo e qellimte por detyrimi i shtetit ndaj familjeve te ketyre viktimave ka rregulla te tjera dhe eshte demshperblim i plote sikunder pergjegjesia e atyre qe u treguan indiferent ne detyre ne rastin konkret eshte personale dhe direkte.

Pikerisht per te fshehur gjurmet, provat e ketij krimi shteteror Edvin Mafia emeroi Çuçin e tij, ministrin e Familjes shef te gjendjes se jashtezakonshme nje rast unik ne historine e botes qe nje minister bujqesie emerohet ne nje detyre te tille. Ky i fundit, ne misionin e tij familjar, ne nje akt te paster kriminal oret e para te dites se pare te punes shembi ne kundershtim flagrant me ligjin dy pallatet prova te gjalla te krimit shteteror ne Thumane dhe pallatin nen hetim ne Durres etj etj. Nderkohe shpresat per nje hetim te ndershem me Edvinin, krye kreu i meduzes, jane zero.

Ndaj duke denuar me ashpersine me te madhe qendrimin kriminal ndaj pasojave te termetit te 22 shtatorit 2019 dhe veprimet kriminale te zhdukjes se proave te krimit nga Edvin Mafia dhe Çuçi i tij dhe duke patur parasysh faktin se mafia veten nuk e heton kurre, bej thirrje per nje hetim te ndershem te pavarur nderkombetar te ketij krimi te shemtuar qe kushtoi dhjetra jete dhe qe rendon e do rendoje ne ndergjegjen e çdo shqitari. sb

Midis humanizmit dhe barbarisë

Çfarë fitimesh do të kenë tani disa kompani ndërtimi!!!

Dy gjera i pengonin.

E para: Njerëzit nuk kishin lekë për të blerë apartamentet e ndërtuara dhe e dyta nuk kishte hapësira të mjeftueshme ndërtimi.

Tani vuuuuuu!

Tërmeti e zgjidhi problemin.

Industrisë të ndërtimit i doli fati!

Lekët erdhën dhe do të vijnë nga kontributet speciale, nga buxheti, nga ndihmat, etj.

Spastrimin e ndërtesave të vjetra e bëri tërmeti.

Sa të negociohej me banorët jo ashtu jo kështu, jo dalim jo nuk dalim, jo ku do të strehohen jo ku nuk do të strehohen banorët nëse në vend të të të vjetrave bëhen ndërtesa të reja, tërmeti e zgjidhi problemin me një të rënë të dorës!!!

Faaaap! Hapi pa fund terrene.

Hajde tërrrrrmet hajde!

Tani mjafton një krisje në pallat, vuuup hidhet në erë dhe hapen vende plot për ndërtim.

Nuk doniiiiii? Mirë po kini mendjen se do t’u zejë brenda dhe ne nuk mbajmë asnjë përgjegjësi pastaj!

Jo mos prishja, por prishja e ndërtesave është politika e duhur! – Do të thoshte ndonjë skile e zgjuar! Edhe në Lezhë madje ku u bë debati në rrugë!!!

Fatkeqësia për disa është fatmirësi në drejtime të tjera për të tjerë!

Po mos shkaktoheshin të vrarë?!

Për disa tërmetet do të ishin bekim i Zotit për biznes!

Ndërto, prishu, përsëri ndërto përsëri! Ohoho! Mrekulli. Gjithë kanceri i industrisë është se e ngop konsumatorin dhe i prish tregun vetvetes. Me tërmetin edhe kjo u zgjidh. Konsumatori është tani gjithmonë i uritur.

A nuk i dha hov të paparë ekonomisë shkatërrimi në Europë gjatë Luftës së dytë botërore?

Shkatërrimi është krijues – thotë dikush!

Ca kohë në hotele me pesë yje banorët dhe ec përpara!

Na doli fati edhe neve të industrisë hoteliere. Nuk kishim turistë gjatë dimrit. Tërmeti na i solli. Bëjmë edhe ne pak derman.

E kthejnë fatkeqësinë në forcë! – sipas sloganit të vjetër komunist!

Shqiptari më i fortë se tërmetet!

Puna është se ne na duhet një model tjetër urban! Nuk duhet të përsërisim të njejtat gabime duke ndërtuar qendra urbane të superpopulluara. Po na vdes qyteti i bllokuar. Po na merr frymën! Po na kancerigjon! Po biem cip më cip mbi njeri tjetrin.

E eeee mirë , fol ti fol!

Ne gjetëm për 20 vjetët e ardhshëm truaje të reja për ndërtim!

Atje ku ishin zënë tashmë. Atje do të ndêrtojmë përsëri, ose pak më tutje.

Ajo që ishte kanceri i industrisë të ndërtimit dhe i pushtetit lokal, ajo që po e mbështillte lakun në fyt ekonomisë u zgjidh.

E zgjidhi tërmeti!

Ritmet e rritjes ekonomike do të shkojnë për tre ose katër vite në stratosferë, fitimet e industrisë së ndërtimit gjithashtu, pushteti lokal do të bëjë qejf me terrenet për ndërtim.

Dhe mbi të gjitha : E gjitha kjo do të vishet me një vello humanitare: Po zhdukim pasojat e tërmetit të 26 nëndorit 2018!

Po mos ishin të vrarët?!

Dyshoj se poshtë jorganeve disa ndoshta do të fërkonin duart: Rrofsh moj natyrë! Rrofsh o Zot! Rrofsh o tërmet!

Edhe ligjin e gjendjes së katastrofave, gjendje e jashtëzakonshme e mbajmë nja njëzet vjet!

Edhe zgjedhje nuk bëjmë më derisa të zhduken aty nga viti 2050 pasojat e tërmetit!

Gjendje e jashtëzakonshme! Fitime të jashtëzakonshme! Rritme të jashtëzakonshme rritjeje ekonomike!

Na ktheve shpresën !

Por drama është se nëse sot u vramë në 50 nga ne, në rast të një tërmeti tjetër, poqese vazhdojmë kështu, me këtë model urban, pa bërë korrigjimet e duhura mund të kemi kushedi sa herë më shumë viktima. Mund edhe të mos kemi, por gjithë jetën do të jetojmë me frikën se komshinjtë do të na bien mbi kokë ose ne do të biem mbi kokën e komshinjve. Frika nga një vdekje makabre do të na qendrojë gjithë ditën në nën-ndërgjegje.

Kushedi sa herë do të vritemi gjatë jetës sonë të gjatë nëse nuk vemë mend nga budallalliqet që kemi bërë ose kanë bërë mbi kokat tona.

Nuk na duhen modele urbane që na mbajnë si në gjendje lufte!

Prandaj t’i vemë gishtin kokës!

Ne qytetarët apo ekonomia e ndërtimit?

Zgjedhja është e qartë, ne jetojmë në qytetet që ndërtojnë ata, kurse ata nuk jetojnë në qytetet që ata ndërtojnë për ne!

Pasi Këshilli Bashkiak i Tiranës pranoi akt-konstatimin e Institutit të Ndërtimit që e shpalli të pabanueshme Godinën nr.15 në Qytetin Studenti, ka nisur shembja e objetit.

Siç mund ta shihni edhe nga pamjet, Bashkia e Tiranës nisi punën natën për ta hedhur godinën në tokë.

Godina 15 në Qytetin Studenti u shpall e pabanueshme pas tërmetit. Edhe dy godina të tjera do të shemben në Qytetin Studenti, ndërsa kryeministri Edi Rama ka shprehur pëlqimin e tij. Këto godina janë banuar prej familjeve që i paguanin qira shtetit për rreth 30 vjet.

Kryeprokurori i ri i Pergjithshem Olsian Çela u prezantua sot ne Prokurorine e Pergjithshme dhe mori detyren nga paraardhesja ne kete institicion Arta Marku e cila ka qene edhe shoqe e tij e klases, fakt qe e beri te ditur ne fjalen e saj te fundit si kryeprokurore, Marku.

“Ishte një surprizë e bukur se ndoshta është hera e parë që ndodh kalimi nga një prokuror në një tjetër”, tha Çela.

Teksa kishte probleme me mikrofonin dhe mediat i thane se nuk degjohej, kryeprokurori i ri beri edhe nje batute ku tha: “e flluam me probleme”.

Me tej ai premtoi se e ardhmja do jete me e mire teksa tha se tani duhet nje angazhim ndryshe per punen ne prokurori pasi ajo ka pesuar ndryshimet me te medha me reformen ne drejtesi.

“E vlerësoj se sot është më e rëndëishsme se kurrë më parë transparenca që duhet të sigurojmë ndaj medias e publkut si mënyra më e mirë për të rritur besimin e institucioneve tek puna e prokurorise. E falënderoj kryeprokuroren Arta Marku për punën e bërë gjatë këtyre 2 viteve e vlerësoj se e ka bërë në një fazë mjaft të vëshitrë, tranzicioni ku vendi është përballur me probleme të mëdha e delikate. Besoj se ka bërë më të mirën e mundshme në këto kushte.

Tani hyjmë në një fazë të re, ka një konceptim tëresor të shtetit të së drejtës, institucioneve kushtetuese ku prokuroria ka pësuar edher ndryshimet më rrënjësore dhe kërkon një angazhim e konceptim të ri për mënyrën si ky organ do funksionojë. Janë mundësitë dhe mbështetja e kapacitetet për ti dhënë vendit një të ardhme më të mirë, që Shqipëria të bëhet pjesë e famijljes së madhe evropiane ku rezultatet e punës sonë kanë në rëndësi të jashtazakonshme.

Sot ne ndodhemi në një fazë të vështirë, vendi po përballet me një krizë për shkak të ngjarjeve të fundit të muajit nëntor. Përgjigja që prokuroria duhet të japë në rastin konkret duhet të jetë, spikasë në raport me atë që po bëjnë institucionet e tjera, pasi njerëzit kërkojnë drejtësi, dhe gjërat të bëhen konkrete. Është një rast që jemi në lartësinë e asaj që pret vendi dhe njerëzit presin. Do të gjejmë të gjithë mekanizmat për të arritur atë që populli pret në raport me prokurorinë. Cdo gjë nuk shkon vaj, ndryshimet gjithmonë janë pozitive. Vendi është në rrugën e duhur dhe e ardhmja do të jetë më e mirë”.

Shkrimtari Agron Tufa ka deklaruar pak ditë më parë se ka dhënë dorëheqjen nga detyra si Drejtori ekzekutiv i Institutit për Studimin e Krimeve dhe pasojave të Komunizmit në Shqipëri (ISKPK).

Tufa ka lajmëruar se ka dhënë dorëheqjen, ndërsa  ka kërkuar azil politik në Zvicër, pasi ndihet i kërcënuar në Shqipëri. Në lidhje me këtë ngjarje, ka reaguar ish-deputeti demokrat Agron Shehaj.

Shehaj shprehet se fatkeqësisht sot vendi drejtohet nga bijtë e ish-persekutorëve komunistë, të cilët rikërcënojnë.

Postimi i Agron Shehajt:

Asnjë gjakatar, persekutor, dhe udhëheqës komunist nuk u shpall kurrë përgjegjës për ato që bënë në komunizëm.

Por të paktën, sot, duhet të kishin mbyllur gojën dhe të fshiheshin nga vëmendja publike. Jo, ata janë në pushtet! Grabisin, kërcënojnë dhe persekutojnë sërish. Rikërcënojnë, ripersektuojnë, ridënojnë, rivrasin të njejtët shqiptarë që kërcënuan, persekutuan, dënuan dhe vranë dje.

Ç’shoqëri kemi ndërtuar këto tre dekada! Një shoqëri kur kriminelët e djeshëm janë kriminelët e sotëm dhe viktimat e djeshme janë prapë viktimat e sotme. Si mund të jemi kaq të heshtur, kaq të patrazuar kur Agron Tufa persekutohet sërish 30 vjet pas rënies së komunizmit dhe nga të njejtët persona?! Si nuk jemi sot të gjithë në krah të Tufës, qindra mijëra, miliona shqiptarë?

Unë jam me Tufën! Vetëm duke qenë në krah të Tufës mund të shpresojmë në një të ardhme të paqtë, të moralshme, të lirë.

(Balkanweb)

Në mbrëmjen e datës 25 nëntor, vetëm pak orë para rënies së tërmetit shkatërrues që mori 51 jetë nën gërmadha, Policia e Shtetit demonstroi plot arrogancë një flotë të re makinash luksoze, blerë si bashkëfinancim midis qeverisë shqiptare dhe Komisionit Europian. 50 makina Land Rover Discovery L462, prodhim i vitit të fundit, me kosto minimalisht rreth 50 mijë euro secila, pushtuan Sheshin Nënë Tereza në një shfaqje mburrjeje pa shije të një trupe policore të varfër, por, tani, me makinat më të shtrenjta në kontinent.

Nga të gjitha gjërat e mundshme ku mund të shpenzonin mbi €2,5 milionë të taksapaguesve shqiptarë dhe europianë, qeveria jonë zgjodhi makina luksoze. 21 milionë euro ka harxhuar qeveria shqiptare vetëm për uniforma të forcave të policisë këto pesë vitet e fundit, por nuk ka as një palë veshje të sigurta për punonjësit e kërkim-shpëtimit të emergjencave civile.

Trupat e shpëtimit që filluan kërkimin para mbërritjes së ekipeve të huaja e ekspozuan veten ndaj rreziqeve të mëdha, sepse asnjë trupë— as policia, as ushtria, as zjarrfikësat, as emergjencat civile— nuk kishin veshje për mbrojtje personale— helmeta, doreza, këpucë, veshje trupore, mbrojtëse sysh.Nuk kishin barrela për të transportuar të plagosurit. Në vend të tyre, fillimisht u përdorën batanije, që duke mos qenë të forta rrezikojnë të dëmtojnë. Nuk kishin as personal të trajnuar për mënyrën e ngritjes dhe mbajtjes së trupave të plagosur, të sigurimit në barrelë, të dhënies së ndihmës së parë dhe të transportimit në spital. Nuk kishin as ambulanca të pajisura me mjetet e një ambulance moderne.

Nuk kishte as mjete për të transportuar viktimat—thasë të posaçëm për trupat e viktimave, as barrela.Ekipet e kërkim-shpëtimit, që iu dërguan fatkeqëve, kishin jo vetëm mangësi dramatike të mjeteve minimale, por edhe mungesë aftësish planifikimi dhe organizimi për zhvillimin e operacioneve të tilla.I gjithë personeli ishte dukshëm i patrajnuar si për operacionet e shpëtimit, ashtu edhe për mbajtjen e viktimave dhe dhënien e ndihmës së parë në vend.

Dhe skandali më i madh është se punonjësit dhe mjetet e firmës së ndërtimit Bami shpk dhe të firmës së minierave TETE, dhe jo ekipet e specializuara shtetërore, ishin të parat që u dërguan dhe arritën në gërmadhat në Thumanë.Duket se në qeverinë e zotit Rama kompanitë e ndërtimit ushtrojnë të gjitha funksionet e shtetit. Ari që shkon për klientët po vret kohën e artë të viktimave.“Nëse njerëzit mbeten brenda strukturave të dëmtuara, duhet të fillojnë sa më shpejt të jetë e mundur operacione profesionale kërkim-shpëtimi, duke pasur parasysh se 24-48 orët e para janë “orët e arta”, kohë gjatë së cilës mund të shpëtohen pjesa më e madhe e njerëzve.”

Citimi më sipër është nga Plani i vjetër Kombëtar i Emergjencave. Fatkeqësisht “orët e arta” u konsumuan pa rezultatin e dëshiruar, pasi energjia e qindra njerëzve, që kishin vullnetin dhe dëshirën e mirë për të shpëtuar jetë, u shpenzua kot.Në Thumanë pas tërmetit u dërgua policia, Reparti i Inspektoriatit të Shpëtimit në Miniera (RISHM) dhe kompania private e ndërtimit, Bami shpk. Me ndihmën e një eskavatori, ata dhe disa banorë të zonës nisën të kërkonin për fatkeqët. Por ata nuk kishin staf dhe logjistikë mjekësore të ndihmës së parë, qen kërkues, kamera termike, apo aparate me ultratinguj për pikasjen e lëvizjeve.Në fillim kërkimi u bë duke dëgjuar thirrjet e atyre që ishin zënë poshtë, por pasi kaluan shumë orë dhe thirrjet u zbehën, askush nuk kishte dijeni si të sillej, ku mund dhe ku nuk duhej të vendoste peshë.

Angazhimi për gjetjen e fatkeqëve u bë pa masa paraprake sigurie, pa siguruar perimetrin, pa doreza, kokore apo litarë dhe pa pasur ndriçues dore apo koke.Fatkeqësisht situata nuk ndryshoi shumë edhe pasi në vendngjarje mbërritën forca të ushtrisë, policisë dhe kompanive të tjera private.Momenti kur punonjës të policisë dhe Autoritetit Kombëtar për Sigurinë dhe Emergjencat në Miniera nxjerrin me batenije disa prej fatkeqëve tregon se çfarë mjetesh kishin grupet shqiptare të kërkim-shpëtimit. E kotë të flasim për ekipet e huaja, pasi dallimi është i madh. Për shembull, ekipi rumun ngriti dhe koordinoi barrela lëvizëse të fiksuara në sistem litarësh.

Lëvizja dhe spostimi i rrënojave me duar, lopata dhe kova plastike ishte mision i pamundur, i cili u mori kohë njerëzve që ishin zënë poshtë.Ardhja e ekipeve të huaja të kërkim-shpëtimit plotësoi disa nga mangësitë kryesore. Ekipi italian i kërkim-shpëtimit ofroi pajisje gjurmuese, ekipi francez ofroi krik ngritës, ekipi rumun dhe ekipi grek logjistikë të ndihmës së shpejtë, ekipi kroat dhe ai zviceran ofruan skuadra qensh kërkim-shpëtimi. Falë angazhimit të tyre dhe skuadrave të tjera, turke, serbe, malazeze, maqedonase etj, në orët më kritike u mund të identifikoheshin disa vende ku mbeteshin njerëz të zënë nën rrënoja.Fatkeqësisht “orët e arta” kaluan dhe nga operacioni i shpëtimit u kalua në operacionin për kërkimin e viktimave.

Pse ekipet shqiptare të kërkim-shpëtimit nuk kishin pajisje?Qeveria reformoi strukturat e emergjencave civile, por, sipas Monitorit, vonoi në plotësimin e kuadrit ligjor me akte dhe VKM.Organizimi i Agjencisë Kombëtare të Mbrojtjes Civile, e cila do të zëvendësonte Drejtorinë e Përgjithshme të Emergjencave Civile, u miratua me urgjencë vetëm pas tërmetit të 26 nëntorit.Më herët, në tetor, Kryeministri Rama ia kaloi si funksion organizimin dhe menaxhimin e operacioneve të kërkim-shpëtimit policisë vullnetare. Këta të fundit si kriter kualifikues kanë arsimin e detyrueshëm bazë dhe Akademinë e Sigurisë, pra nuk mund të jenë profesionistë.Kjo situatë kaotike nga ana ligjore e la vendin të paorganizuar në situatat e fatkeqësive natyrore.Natyrisht, faktori më i rëndësishëm është se emergjencat civile nuk janë prioritet. Edhe pse Shqipëria është një ndër dy vendet me rrezikun më të lartë sizmik në Europë, edhe pse fatkeqësitë natyrore, kryesisht përmbytjet, godasin çdo vit, ato nuk kanë ngjallur interesin e qeveritarëve.Qeveria Rama ka pasur prioritet të qartë të ashtuquajturën Rilindje Urbane, e cila është reduktuar në fasada—sheshet, godinat qeveritare, veshjet e luksit, makinat, zbukurimet, pas së cilës fshihet një qeverisje që duket se nuk garanton dot sigurinë dhe jetën e njerëzve./exit.al

Ekspertët e kanë nxjerrë të sigurt por banorët kanë frikë ende të besojnë tek shtëpitë e tyre pas tërmetit të 26 nëntorit. Ky është rasti i pallatit 2118 në Durrës, i cili ka dëmtime shumë të mëdha në mure po kolonat mbajtëse kanë dalë të sigurta nga ekspertë spanjollë. Brenda pallatit të ndërtuar në 2009 ka mure të shkëputura bllok dhe që rrezikojnë seriozisht. Gazetari Erjon Skëndaj raportoi për “BalkanWeb” se banorët kërkojnë ekspertizë të sigurisë brenda banesave dhe vlerësim të dëmeve në mure të brendshme e të jashtme.

Pallati ka mbi 250 familje dhe rreth 1000 banorë. Ata kanë nisur largimin e plaçkave me krahë pasi ashensorët nuk punojnë. Kanë marrë shtëpi me qira ose tek të afërm. Shqetësim tjetër i banorëve janë depozitat e ujit rreth 250 ton që ndodhen në tarracë. Si ky pallat janë edhe tre pallate të tjerë mbi 10 katësh në të njëjtën zonë.

Profesoresha Luljeta Bozo ka dhënë alarmin për depozitat e ujit në tarracat e pallatit. Sipas inxhinieres, tarracat janë bërë për të mbajtur 75 kilogramë dhe jo 500 litra.

Statusi i plotë i Luljeta Bozos

Në mënyrë kategorike,duhet të merren masa për heqjen e depozitave lart në tarraca!

‘Në asnjë mënyrë nuk duhet të mbahen depozita uji në tarracë!

Duhet të gjendet menjëherë zgjidhje për ujin.Kini parasysh, soletat janë bërë për të mbajtur 75 kilogramë për metra katrorë. Atëherë kur ju vini depozita 500 litra nuk është e njëjta sasi apo jo?!

Në rast lëkundjesh,e cdo lloj lëkundje sizmike kjo i jep një forcë shtesë kujtdo, shkëput depozitën dhe bie poshtë edhe soleta. Ndaj, duhet të zgjidhet problemi i furnizimit me ujë, se ndryshe pasojat do të jenë shumë të rënda!

Me 101 vota pro Olsian Çela u zgjodh këtë e enjte kryeprokurori i ri i Përgjithshëm i Shqipërisë, duke zënë kështu vendin që më parë e mbante përkohësisht Arta Marku. 

Çela ishte i pari në listën që Këshilli i Lartë i Prokurorisë i dërgoi Kuvendit, pasi mori më shumë pikë gjatë procesit të intervistimit. Cela beri edhe betimin sot ne Kuvend, per te nisur keshtu detyren e re.

PROFILI

Olsian Çela është konsideruar si ‘prokurori i dosjeve të forta’.

Kjo pasi ka hetuar disa dosje të bujshme, siç është “Xibraka”, apo grabitja në aeroportin e Rinasit në 2016, ku me firmën e tij në kërkim ndërkombëtar është Aleks Pepa.

Si prokurori ai hetoi edhe mbi masakrën e Kartodromit apo grupin e Niklës.

Çela e ka nisur karrierën e tij në drejtësi në vitin 2001, pas diplomimit në shkollën e Magjistraturës. Fillimisht ushtroi detyrën e prokurorit në institucionin e akuzës në kryeqytet. Në 2004, u emërua prokuror te Krimet e Rënda, institucion që e drejtoi për një periudhë katër vjeçare.

Prej vitesh është anëtar bordi në shkollën e Magjistraturës dhe pedagog në dy universitete. Olsian Çela është pika e kontaktit e Eurojust në prokurorinë Shqiptare. Përgjatë viteve është trajnuar në disa vende të Bashkimit Europian dhe Shtetet e Bashkuara të Amerikës, për çështjet e krimit të organizuar. Është njohës i 4 gjuhëve të huaja.

Antisemitizmi i veshur me imunitet nuk është thjesht kërcënues, por vrasës!

” Lufta është vdekje, është fundi” – kjo është një fjali nga romani ” Kujtime të Mirelës’ – të shkrimtarit Eugene Schoulgin. Në mardhënie me kujtesën letërsia nuk njeh kompromis. Është fjala për luftën e dytë botërore dhe atë çka ndodhi pas saj në Evropën e ndarë nga muri i Berlinit.

Nga tërmeti tragjik i 26 nëntorit, 125 familje që jetonin në pallatet e vjetra në Manëz kanë mbetur pa shtëpi dhe jetojnë në çadra në një arë me ujë e baltë.

Kryetari i Opozitës, Lulzim Basha ishte pranë banorëve që jetojnë në “kampin e improvizuar” për të parë nga afër situatën e tyre.

Një e moshuar që nuk ka arritur të sigurojë çadër, ka mbetur në oborrin e pallatit duke e kaluar natën nën plastmas.

“Nuk na kanë dhënë as çadër, asgjë”,- thotë ajo dhe tregon vendin ku ka mbledhur atë çka ka mbetur nga shtëpia e saj.

“Kemi ardhur të ngrejmë zërin për ju”,- shprehet kreu i PD, ndërsa për disa momente ndjek procesin e nxjerrjes së orendive shtëpiake nga banorët e dëmtuar, të cilët rrezikojnë jetën për të shpëtuar atë çka ka mbetur nga pasuria e tyre.

Pak metra më tutje, banorët e këtyre pallateve tashmë të rrënuara, janë mbledhur në çadra, të cilat nga shiu i madh janë kthyer në burim rreziku për shëndetin e tyre.

Duke qenë i vetmi që interesohet për fatin e tyre, banorët i ankohen në kor Bashës për mënyrën sesi po menaxhohet shpërndarja e ndihmave.

“Vetëm shoqatat na kanë dhënë ndihma. Këta të njësisë në fillim i ndanë me rregull. Tani merr kush mundet. Ata që s’kanë forcë mbeten pa gjë. Ia kanë marrë vajzës jorganin”,- thotë një zonjë.

Të gjithë banorët e çadrave kapin për krahu kryetarin demokrat dhe secili tregon nga një pjesë të dramës së vet.

“Kam fëmijën vetëm 1 muajsh që më duhet ta mbaj në çadër”,- ankohet një çift i dëshpëruar në një nga çadrat e rrethuara nga uji e balta. Ata thonë se fëmijët rrezikojnë të sëmurën dhe gjatë natës temperaturat janë shumë të ulëta dhe kanë ftohtë.

Në njërin cep të kampit, janë dhe disa çadra të vogla të llogaritura për një person, por në to Basha gjen një familje të madhe, pasi nuk kanë çadër të madhe për tu strehuar.

“Këtu kanë kaluar natën fëmijët”, – thotë zonja që qëndron brenda, ndërsa bashkëshorti i saj shpjegon se kur shkoi të kërkonte çadër, zyrtarët e njësisë vendore i thanë se kishin mbaruar.

Kryetari Basha i kërkoi strukturave të PD në Manëz që të gjejnë menjëherë zgjidhje për këto familje dhe tu sigurohen çadra të mëdha.

Jo shumë larg qendrës së Manzës, në Kamberas, disa banesa të dëmtuara janë lënë tërësisht në harresë nga institucionet, thonë banorët. Familjarët i thonë kryetarit të PD, që kanë një javë që flenë në makinë dhe se ndihmat e vetme që kanë marrë kanë qenë nga individë dhe vullnetarë. Edhe për këto raste Basha apeloi institucionet për ndihmë ndërsa porositi drejtuesit e degës së PD që të bëjnë të mundur gjetjen e çadrave.

Banorët e këtyre shtëpive kërkojnë që të vlerësohen dëmet e t’u jepet zgjidhje.

“Nuk duam asgjë, vetëm të vijnë e të vlerësojnë shtëpinë se po flemë jashtë, të dimë çfarë të bëjmë”.

Basha duke marrë shkas nga këto ankesa përsëriti edhe njëherë idenë e përfshirjes në procesin e vlerësimit të 500 inxhinierëve që i janë ofruar Partisë Demokratike në mënyrë vullnetare. “Kam dy ditë që i them janë 500 inxhinierë gati për vlerësim, ai rri e tallet në TV”, – u shpreh Basha.

Presidenti i Shqiperise, Ilir Meta, dje gjate vizites ne Prishtine ku vlerësoi Forcat e Sigurisë së Kosovës dhe njësitë e specializuara të kërkim-shpëtimit per ndihmen e madhe te dhene ne operacionet ne Durres pas termetit tragjik, ka zhvilluar takim edhe me kreun e VV, Albin Kurtin dhe Isa Mustafen, kreun e LDK.

Me nje shenim ne faqen e tij ne Facebook, Meta jep detaje nga takimet qe ka zhvilluar duke shprehur bindjen se Kosova i ka të gjitha mundësitë të jetë një shembull i mirëqeverisjes në rajonin tonë.

Mesazhi i Metes

Dje në Prishtinë falenderova edhe Kryetarin e Lëvizjes Vetëvendosja z.Albin Kurti dhe Kryetarin e Lidhjes Demokratike të Kosovës z.Isa Mustafa për solidaritetin që kanë treguar dhe ndihmën konkrete që kanë dhënë në mbështetjen e familjeve të prekura nga tërmeti i 26 nëntorit.

Si fitues të zgjedhjeve parlamentare iu urova suksese në partneritetin e tyre për krijimin e institucioneve të reja qeverisëse. Kosova i ka të gjitha mundësitë të jetë një shembull i mirëqeverisjes në rajonin tonë.

Ambasada e Rusisë në Tiranë ka reaguar ndaj projektrezolutës “kundër ndërhyrjeve të jashtme” që pritet të miratohet në seancën e nesërme parlamentare. Deklarata e ambasadës “kërcënon” se qëndrime të tilla nuk do të kalojnë pa u vënë re në Moskë.

DEKLARATA E PLOTE

Koment i Ambasadës në lidhje me votim në Parlamentin e Republikës së Shqipërisë për projekt-rezolutën «Për ndërhyrjet e huaja në proceset elektorale dhe dezinformimin në proceset demokratike kombëtare»

U njohëm me projekt-rezolutën e Parlamentit të Republikës së Shqipërisë «Për ndërhyrjet e huaja në proceset elektorale dhe dezinformimin në proceset demokratike kombëtare». Rusia përmendet sërish. Për më tepër, për fat të keq, është kthyer tashmë në traditë që Rusia përmendet pa patur edhe provën më të vogël.

Me sa duket, tendenca për plagjiaturë u përhap “si një virus” tek autorët e saj, të cilët ndoqën rrugën e copy-paste. Kuptohet, ata do të duhet t’u paguajnë honorarë krijuesve të rezolutës së cituar kaq shpesh të Parlamentit Evropian.
Është e qartë se Shqiperia po përballet me «tentativa nga aktorë të huaj (…) për të ndikuar në vendim-marrjen në Shqipëri apo për të ushtruar presion mbi vlerat demokratike, të shtetit të së drejtës, respektimit të të drejtave të njeriut…” (pika а) preambul i dokumentit). Po ç’hyn këtu Rusia?

Autorët e projektit nuk mund të mos e kuptojnë që “rezoluta” të tilla nuk do të kalojnë pa u vënë re në Rusi. Sulmet e pajustifikuara dhe të pabazuara ndaj një prej anëtarëve aktivë dhe me të drejta të plota të OSBE-së, kryesinë e së cilës pritet të marrë Shqipëria në vitin 2020, aq më tepër, shkojnë në kundërshtim me qëllimet dhe objektivat e kësaj organizate, të cilët konsistojnë në të punuarit së bashku në emër të sigurisë dhe bashkëpunimit në kontinentin Evropian.

Presidenti francez Emmanuel Macron propozoi të mërkurën organizimin e një konference ndërkombëtare për të ndihmuar Shqipërinë që të përballojë shkatërrimet e tërmetit që vrau më shumë se 50 njerëz në fund të nëntorit.

“Ne kemi nevojë për një konferencë solidariteti me Shqipërinë,” tha presidenti francez pas samitit të NATO-s në Watford, afër Londrës, citon “Le Figaro”.

“Kjo konferencë, të cilën mund ta organizojë Franca, synon të mobilizojë ‘si partnerë publikë dhe privatë për të ‘organizuar rindërtimin’ pas tërmetit që la rreth 5.000 njerëz të pastrehë”, tha presidenti francez.

Më 30 nëntor- shkruan gazeta- Kryeministri Edi Rama falënderoi ekipet e shpëtimit nga jashtë, veçanërisht Franca, për përballjen me tërmetin me madhësi 6.4, më të fuqishmit për gati një shekull që ka goditur këtë të vogël të Ballkanit me 2.8 milion banorë.

Kërkimi për të mbijetuar pas tërmetit vdekjeprurës të javës së kaluar në Shqipëri, është mbyllur, e mes viktimave janë edhe 8 pjesëtarë të së njëjtës familje, të cilët ndërruan jetë në qytetin port të Durrësit.

Familje të tëra, thotë AFP, u shtypën nga shtëpitë e tyre që rrëzoheshin ndërsa ata vetë ishin në gjumë.

Kjo detyroi të afërm e fqinj të shikonin në agoni sesi ekipet e kërkim-shpëtimit nxirrnin nga rrënoja trupa të pajetë. Dëmet më të mëdha, kujton agjensia franceze e lajmeve, u regjistruan në Durrës dhe në Thumanë. Në ceremonitë e varrimit, vetëm të qarat e grave të veshura në të zeza, thyenin heshtjen në hollin ku arkëmortet e vogla të fëmijëve qëndronin në krah të njëri-tjetrit.

“Në këtë mënyrë, do të jenë gjithmonë bashkë”, citon media prestigjoze Esma-në, një grua e cila ishte e afërt me familjen mbi të cilën pllakosi një tragjedi kaq e rëndë.

“Të gjithë kujtimet që kemi prej tyre janë disa libra, një kukull, një triko, vetëm këto janë gjetur nën rrënoja”, pëshpëriti mes lotësh një 50 vjecare e quajtur Fatmira. “Gruaja”, shkruan AFP, “ jetonte pranë familjes Lala në atë që ajo vetë e quajti “një lagje të mallkuar”!!

Kryeministri Rama ka qenë mjaft i ashpër kundër medias sot në dalje të bashkisë së Durrësit. Rama tha se në emisionet televizive lehet shtazërisht, mbillet panik dhe port-halet kanë tmerruar popullin. Rama u shfaq nervoz pasi u pyet për institucionet shtetërore dhe përgjegjësinë e tyre për ngjarjen. “Nuk ka arsye për ato debate shtazarake që bëhen në studio, marrëzi”, tha Rama.

Gjatë gjithë ditës, Rama ka qenë mjaft kritik me gazetarët.

“Filtroni informacionet dhe verifikoni ato që thoni! Menaxhoni debatet dhe ndaloni klithmat nëpër studiot tv dhe përfshihuni në qetësimin e shpirtrave të goditur më keq se banesat! Kontribuoni për të kanalizuar energjinë e jashtëzakonshme të solidaritetit mbarëshqiptar!”, thotë Rama.

Kryeministri Rama:

APEL I DETYRUAR MEDIAVE

Gjatë periudhës së gjendjes së jashtëzakonshme të fatkeqësisë natyrore, Japonia ka masa ekstreme për mediat private, që mesa duket edhe në Japoninë e urtësisë së vjetër, paskan qenë taksirat mbi taksiratin e madh të tërmetit! Mos na detyroni të bëjmë atë që s’ua rrok imagjinata!

Filtroni informacionet dhe verifikoni ato që thoni! Menaxhoni debatet dhe ndaloni klithmat nëpër studiot tv dhe përfshihuni në qetësimin e shpirtrave të goditur më keq se banesat! Kontribuoni për të kanalizuar energjinë e jashtëzakonshme të solidaritetit mbarëshqiptar!

Kjo është koha për kurimin psikologjik të popullit që ju ndjek dhe jo për rrenat e shamatatë karakteristike të veprimtarisë së një pjese të madhe të sferës suaj!

Në këtë javë pas tërmeti, kemi parë gjithçka, nga viktimat që thyen zemrat e të gjithëve, deri te shoW i personazheve qeveritarë, që nuk kanë lënë fytyrë fëmije pa përdorur, në mënyrë që ti shërbejnë përmirësimit të imazhit të tyre.

Kjo ka ndodhur dhe mbrëmjen e djeshme, kur kreu i qeverisë Edi Rama mori në krahë një vajzë të vogël, e cila bëri një gabim të madh, nuk e njihte “kokën e kombit”, dhe mendonte se ai ishte Lali Eri.

Ky i fundit i ndjerë në siklet nga ngatërrimi i së voglës, u kujdes menjëherë që të thoshte se skishte lidhje te kjo ‘’ngatërresë kaq e madhe”.

Pjesë nga biseda:

Ei Rama: Më njeh ti mu, kush jam unë?

Vajza e vogël: Ti je Lali Eri…

Edi Rama: Unë jam Lali Eri?

Veliaj: Si i ngatërrove ti mi zemra e vogël këto gjëra?

Edi Rama: Nëqoftëse unë jam lali Eri ky kush ësht ky, apo ky është plaku i vitit të ri?

Dhe sigurisht pas këtyre bisedave në ERTV, gjithçka finalizoi me të qeshurat e të pranishmëve, që po përgatiteshin të akomodonin një prej familjeve më të prekura nga tërmeti i 26 Nëntorit, familjen Lala.

“Prokuroria të vendosë para përgjegjësisë penale të gjithë ata që do të rezultojnë përgjegjës”. Me këtë përfundim është dalë nga mbledhja e Këshullit të Sigurisë Kombëtare sot pas takimit që thirri kreu i shtetit. Presidenti Ilir Meta ka dhënë detaje nga mbledhja e sotme në një postim në rrjetet sociale ku shkruan:

“Sot në mbledhjen e Këshillit të Sigurisë Kombëtare, diskutuam për një bashkëveprim dhe koordinim më të ngushtë midis të gjitha institucioneve për përballimin e emergjencës deri në rivendosjen e normalitetit të plotë.

E mbështetëm prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës.

Të sigurojmë burimet e brendshme dhe mbështetjen e duhur ndërkombëtare për tejkalimin e pasojave të rënda të këtij tërmeti të tmerrshëm”.

Presidenti i vendit, Ilir Meta ka mbledhur mengjesin e sotem Keshillin e Sigurise Kombetare.

Sikunder mund ta shihni edhe ne foto i pranishem eshte edhe kryeministri Edi Rama, i cili konfirmoi ne fakt se do te ishte pjese e takimit gjate fjales se mbajtur ne mbledhjen e qeverise.

Burime nga mbledhja bejne me dije se ne takim nuk eshte i pranishem kreu i PD-se, Lulzim Basha, per te cilin thuhet se nuk ka pasur nje ftese.

Ne mbedhje, po sipas burimeve per “Panorama” mungon edhe i ngarkuari me pune i kryeministit per menaxhmin e emergjences, ministri Bledi Çuçi.

Thellohet bilanci tragjik i familjes Lala e cila humbi 8 persona gjatë tërmetit që ra në Shqipëri në orët e para të ditës së martë.

Mësohet se Fiqirete Lala, nusja e madhe e shtëpisë Lala humbi jetën në spital pas traumës që kaloi me humbjen e 8 anëtarëve të familjes.

Kjo e çon në 9 numrin e anëtarëve që humbën jetën.

Tetë anëtarët e familjes Lala që u shuan nga tërmeti tragjik

1. Amelia Lala 8 vjeç – Vila në Kënetë

2. Sahadete Lala 79 vjeç – Vila tek Këneta (Gjyshja dhe mbesa)

3. Griselda Lala- 22-vjeç – Vila tek Këneta

4. Marjeta Lala 31 vjeç

5. Emilio Lala

6. Enis Lala 2 vjeç

7. Dionisa Lala 2 vjeç -binjakë (Nëna dhe tre fëmijët) në Vilën në Kënetë

8. Ilir Lala, (i paralizuar) 52 vjeç i fundit qe u nxorr nga vila 4 kateshe ne kenete

1330 lëkundje sizmike janë regjistruar pas tërmetit 6.4 ballë që goditi Shqipërinë mëngjesin e 26 nëntorit 2019.

Ismail Hoxha ekspert i sizmiologjisë shprehet se ska arsye për panik por duhet ruajtur qetësia.

Report Tv ditën e sotme ka qenë në ambientet e brendshme të laboratorit të Institutit të Gjeoshkencave, Energjise, Ujit dhe Mjedisit, ku ka parë nga afër se si funksionon ky laborator dhe se si maten tërmetet.

Ndërkohë lëkundja e mëngjesit u regjistrua në Kepin e Rodonit. Deri më tani janë shënuar në total 1330 lëkundje që nga tërmeti i së martës.

Ndërkohë punonjësi i IGJEUM, Ismail Hoxha është shprehur se në Shqipëri nuk është bërë një hartë sizmologjike prej kohësh dhe se prej 40 vjetësh nuk kishim një tërmet të këtyre përmasave që goditi më 26 nëntor.

Shqipëria sipas Hoxhës ndodhet në një zonë sizmike të lartë kjo edhe për shkak të pllakës së Adriatikut, një ndër 7 pllakat sizmike më të larta në botë.

Aksinometria e termetit 6.4 ballë nuk është transmetuar në qendër pasi stacioni i Durrësit nuk ka bateri dhe shkëputja energjisë e beri të pamundur.

Ndalur tek stacionet sizmike rezulton se në të gjitha qytetet ka nevojë për investime, pasi për shkak të mungesës së sistemit të baterisë së matjeve aksionometrike në termetin 6.4 ballë në Durrës nuk është ruajtur për nevoja studimi.

Eksperti sizmiologjisë bën apel që në shkolla dhe kurrikula të flitet më tepër për tërmetin pasi njerëzit duhet të mësohen me këtë realitet që do të na shoqërojë gjatë.

Hoxha bën apel se institucionet shtetërore duhet të marrin masa pasi harta e rrezikut sizmik daton 40 vite më parë dhe duhet ribërë e reja.

Ndër të tjera, tha se nëse tërmeti do të kishte rënë në vitin 2000 do të kishte shumë pak dëme. Ai këtë e lidh me bumin e ndërtimeve pas viteve 2000, ku shumë prej tyre kanë qenë abuzive.

Federata Pan Shqiptare e Amerikës Vatra, nisi mbrëmë një fushatë ndihmash për të prekurit nga tërmeti në Shqipëri. Shumë veprimtarë të komunitetit dhuruan para në bazë të një tradite të hershme të kësaj organizate. Vatra njoftoi se biznesmeni Jim Xhema dhuroi 40 mijë dollarë, ndërsa Harry Bajraktari 25 mijë. Kryetari i Vatrës, Dritan Mishto bërë këtë deklaratë për Zërin e Amerikës:

Tërmeti i 26 nëntorit që tronditi Durrësin dhe vendin ka bërë që në lagjen 17 të qytetit të ketë shumë pasoja.

Shumë pallate janë shkatërruar, ndërsa banorët kanë ikur prej andej. Disa prej banorëve të paktë që kanë mbetur shprehen se pallatet thuajse janë boshatisur, pasi njerëzit janë larguar. Ndërsa, banorët janë duke pritur ekspertët për të bërë vlerësimet.

“Gjendja brenda është katastrofë. Nuk ka mur që nuk është plasaritur. Ka 50 hyrje, aktualisht nuk ka asnjë banor, të gjithë po ngrenë rrobat dhe kanë ikur, dikush fle nëpër makina etj. Këtu është pasuria jonë. Deri në këtë minutë askush nga shteti nuk ka shkelur, nga shkallët deri këtu”, tha një banor.

Një tjetër banor shprehet se është me 5 fëmijë jashtë e nuk kanë as bukë të hanë.

“Askush nuk është interesuar. Jemi jashtë. Jam me 5 fëmijë dhe kemi mbetur rrugëve. A ka shtet a nuk ka. Kemi mbetur pa bukë”, deklaroi banori.

Tërmetet e rëna në Shqipëri prej 26 nëntorit po sjellin pasoja të shumta. Përveç marrjes së 51 jetëve dhe qindra të tjerëve që kanë mbetur të plagosur, mijëra banorë janë në ankth dhe panik.

Por shumë të tjerë kanë frikë të jetojnë në Shqipëri dhe kanë zgjedhur të largohen.

Gazetari i RTSH, Ilir Karabrahimi, ka publikuar sot disa foto ku shihen qindra njerëz që janë dyndur në aeroportin Nënë Tereza në Rinas.

Siç shihet të gjithë qytetarët po largohen nga vendi, pasi prej ditësh mijëra njerëz kanë lënë banesat e tyre në Tiranë e Durrës dhe po jetojnë në qytete të tjera në Jug e në Veri të Shqipërisë./dosja

Klajdi Qato është nga personat që i mbijetoi tragjedisë së 26 nëntorit, që i mori jetën 51 personave.

Për “Open” 24-vjeçari ka rrëfyer momentet e ferrit pas tërmetit, ku qëndroi 21 orë nën gërmadha, deri sa u shpëtua nga ekipet e kërkim shpëtimit.

“Në momentin që rashe isha mirë, kisha shpresë se do ia dilja, mua afruan ekipet që pastaj edhe me shpëtuan , erdhi edhe ekipi grek, nuk e besoja kurrë që mund të dilja që aty.

Më mbajti edhe kurajo dhe guximi që më dha doktori , mendova se i humba shpresat. Gjëja e parë që doja të bëja ishte të takoja ekipin grek, por doktori nuk më la se kisha nevojë për kujdes”, tha  Klajdi.

Kryetarja e Bashkisë së Durrësit, Valbona Sako ka vendosur të japë dorëheqjen nga posti, pasi një gafe të rëndë gjatë ditës së djeshme ku deklaroi se “ishte e kënaqur” që kishte vetëm 50 viktima nga tërmeti tragjik që goditi Durrësin dhe Thumanën mëngjesin e së martës.

“Jemi të kënaqur me 50 viktima”- Kryetarja e Bashkisë së Durrësit shokon me deklaratën e saj on Vidnews.

“E lënduar nga reagimi i madh negativ ndaj një prononcimi që bëra, nën një stres që i kalon fuqitë e mia, jap dorëheqjen nga detyra e Kryetares së Bashkisë Durrës. Falënderoj nga zemra të gjithë ata që më besuan dhe shpresoj në mirëkuptimin e të gjithëve”, shkruan ajo.

“Për hir të së vërtetës, ky ishte një tërmet shkatërrimtar, por të jemi të kënaqur me 50 viktima për arsye se në raste të tjera ka pasur mbi 1 mijë viktima”, tha ajo një ditë më parë”, tha ajo një ditë më parë gjatë një lidhje live në Top Channel.

Shkrimtari i shquar Moikom Zeqo dhe bashkëshortja e tij arkeologia e mirënjohur Lida Miraj i janë bashkuar mbrojtjes të Teatrit Kombëtar.

Lajmin e jep Neritan Liçaj që është një nga aktorët që për më shumë se një vit, po proteston kundër shembjes së Teatrit Kombëtar. Ai sot botonte në faqen e tij në Facebook lajmin e mirë:

“Me kënaqësinë më të madhe na është bashkuar dhe znj Lida Miraj dhe bashkëshorti i saj i nderuar z Moikom Zeqo.
Me teatrin për teatrin.”

Ekspertët zviceranë vazhdojnë punën në terren. Në  qytetin e Durrësit ata kanë kontrolluar disa nga ndërtesat e prekura nga tërmeti, ndërsa në fund pritet të japin fjalën e tyre nëse janë apo jo të banueshme. Në Krujë ekipi ka testuar stabilitetin e disa ndërtesave që kanë qëndruar për të përcaktuar nëse janë të sigurta për jetën.

 Një ekip me 15 specialistë të mobilizuar nga qeveria zvicerane janë në Shqipëri për të ndihmuar vendin me pasojat e tërmetit më të rënde në dekadat e fundit. Ekipi përfshin ekspertë në dy fusha: (1) inxhinierë që vlerësojnë gjendjen e ndërtesave: (2) ekspertë që vlerësojnë nevojat dhe planifikojnë veprimet në përgjigje të tyre, raporton Albinfo.ch

 “Programi ynë i bashkëpunimit në Shqipëri duhej patjetër të përfshinte një përgjigje ndaj tërmetit tragjik që goditi të martën. Duke parë seriozitetin e gjendjes, qeveri zvicerane zgjeroi përpjekjet duke sjellë misionin e parë me ekspertë, të cilët do të vlerësojnë nevojat, do të japin asistencë të menjëhershme dhe do të propozojnë masa afatgjata pas tërmetit”, tha ambasadori zviceran në Shqipëri, Adrian Maître.

 “Zvicra mbështet Shqipërinë jo vetëm në kohë të mira, por edhe në momente të vështira”, tha Sebastian Eugster, udhëheqës i ekipit të misionit zviceran dhe zv. kreu për ndihmën humanitare në Ministrinë e Jashtme të Zvicrës.