VOAL

VOAL

Copyright © 2022

VOAL

Shqipëri

Eda Zari dhe Elina Duni me deklarata të forta në mbrojtje të Valbonës

Dy këngëtaret e xhazit, Eda Zari dhe Elina Duni dalin sot në një konferencë për mediat, për të prezantuar koncertin-protestë që do të mbajnë nesër në Valbonë.

“Të mbrojmë tokën, ujin, ajrin dhe jetën!”, me këtë moto këngëtaret prej javësh po përgatisin këtë pasi kanë ndjekur zhvillimet e fundit në vendin tonë, dhe shprehen se janë të shqetësuara mbi vendimet që po merr politika për luginën e Valbonës.

“Duke ndjekur zhvillimet e fundit në Shqipëri, u shqetësuam nga dy ngjarje që prekin ndjeshëm të tashmen dhe të ardhmen e vendit: ndërtimin e HEC-eve në shtratin e lumit të Valbonës, dhe debati i ligjit “Për importin e mbetjeve në Shqipëri”. Për të shprehur shqetësimin tonë dhe për të sensibilizuar opinionin publik, ndërmorëm organizimin e dy koncerteve-protestë, një në Valbonë dhe një në Tiranë, në kundërshtim të ngjarjeve të mësipërme”, transmeton KultPlus deklaratën për shtyp që këngëtarja Eda Zari ka shpërndarë dje.

“Kur mendimet e Evropës nuk përputhen me politikat e Tiranës, ata Evropën nuk e përmendin. Kjo logjikë referimi nuk qëndron. Dëshirojmë të kujtojmë se Parlamenti Evropian është shprehur se Shqipëria nuk duhet të prekë në asnjë mënyrë parqet kombëtare, ku bëjnë pjesë Vjosa dhe Valbona. Po aq justifikimi se prodhimi i energjisë elektrike është i rëndësishëm, përsëri nuk qëndron: është po parlamenti evropian që thotë se Shqipëria nuk ka nevojë për aq shumë energji. Dhe ne themi: ndoshta aferat dhe sipërmarrjet private kanë nevojë për atë ‘energji’”, ka vazhduar më tej deklarata.

Sipas ligjeve të Shqipërisë, Lugina e Valbonës është zonë e mbrojtur, është park kombëtar i kategorisë II, prandaj sipas artisteve brenda territorit të këtij parku nuk lejohet asnjë formë ndërtimi, aq më tepër ndërtimi i HEC-eve, të cilat do të zhvendosin ujin dhe shtratin e lumit, për ta burgosur nëpër tubacione. Artistët reagojnë se e gjithë praktika e dhënies së lejeve të ndërtimit për këto HEC-e është mbajtur deri sot, e fshehtë nga një grup banorësh, të cilët në mënyrë ligjore, kanë kërkuar transparencë. Po ashtu, institucionet që janë përgjegjëse për të garantuar këtë transparencë nuk po kryejnë detyrën e tyre, dhe askush nuk po shqetësohet të kontrollojnë a po funksionojnë institucionet.

Për këtë në deklaratën e tyre nuk hezitojnë që ndërtimin e HEC-eve t’ia faturojnë faktit se është biznesi privat që pasurohet, si heshtin institucionet, shteti duke u justifikuar në mënyrë të bindshme, “duke u përpjekur të trajtojë shtetasit si fëmijë”.

“E njëjta situatë ndodhi në mënyrën si u hartua dhe u votua në Parlamentin Shqiptar ligji “Për importin e mbetjeve”, pa asnjë fushatë informimi, pa marrë parasysh se ligjet në Parlament kalojnë duke pasur në vëmendje interesat e vendit, domethënë, të qytetarëve. Kur qytetarët mbahen larg ngjarjeve dhe në errësirë të fakteve, asgjë e mirë nuk mund të ndodhë në dobi të qytetarëve, por e kundërta. Parlamenti evropian u prononcua edhe për importin e mbetjeve: Shqipëria nuk riciklon as 30% të mbetjeve të veta, Shqipëria nuk ka arritur ende të bëjë ndarjen në burim të mbetjeve të veta”, reagojnë artistët edhe për çështjen tjetër mjaft të kundërshtuar siç është ligji për mbetjet.

Nga kjo situatë e krijuar duke pasur përgjegjëse të gjitha formacionet politike në Shqipëri, këngëtaret ndajnë se këto arsye ishin nxitje për të marrë nismën e organizimit të koncerteve-protestë në Shqipëri, njërin në Valbonë, në 29 tetor, pikërisht aty ku po ndodh shkatërrimi i Parkut Kombëtar të Valbonës dhe tjetrin në 30 tetor në Tiranë, “aty ku po kërkohet të ligjërohet përfundimisht rrënimi i natyrës shqiptare”.

“Kjo nismë ka për qëllim të sensibilizojë vetë qytetarët, në radhë të parë, sepse, pa natyrë të shëndetshme, nuk ka jetë të shëndetshme, nuk ka të ardhme të shëndetshme. Natyra, burimet natyrore, ato vende të shpallura Pasuri Kombëtare, janë pronë e çdo shqiptari, dhe nuk mund të përdoren për interesa të ngushtë individualë. Shteti duhet të jetë garant për këtë, është përgjegjësi e tij! Por, sa herë që cenohet natyra, çdo shqiptar ka detyrë të reagojë. Shteti ka detyrë të funksionojë. Nëse ndodh ndryshe, nuk kemi as qytetarë, as shtet. Prandaj, iu bëjmë thirrje qytetarëve të kërkojnë të drejtën e tyre, të shprehin lirshëm ndërgjegjen e tyre qytetare, dhe i bëjmë thirrje shtetit, në gjithë hallkat e tij, të funksionojë”.

Këngëtaret ndalen në faktin se ky koncert-protestë nuk ka asnjë qëllim politik, dhe as është e përkrahur nga ndonjë agjendë politike. Deklarata mbyllet: “Çdo përdorje e kësaj proteste nga palë që kanë qëllime të ndryshme, nuk miratohet nga ana jonë. Ndërkohë, ftojmë çdo organizatë, të bashkohet me nismën tonë, me moton e mësipërme, ashtu si mundet, në çfarëdo forme mundet”.

Shpërthen deputetja e PD-së: Krimbat brenda nesh janë më të rrezikshëm se PS-LSI

Majlinda Bregu, Astrit Patozi apo Eduard Selami nuk janë të vetmit deputetë “rebelë” brenda Partisë Demokratike. Edhe një kolege e tyre, Liljana Elmazi shpreh hapur mendimin se PD-ja jo vetëm nuk është në ditët e saj më të mira por se brenda saj ka edhe deputetë që siç shprehet Elmazi e shohin partinë për interesa personale. Në një postim në “Facebook”, ajo shton pyetjen se: “Do të shpëtojë ndonjëherë PD nga ata pseudodemokratë që e duan si “lopë” për ta mjelë kur është në pushtet, apo për të bërë karrierë në opozitë”?

Sipas deputetes së PD-së në Qarkun e Vlorës, këta psedudemokratë, as edhe një profesion tamam nuk e kanë. “Mendojnë që shpejt mund ta kthejne në ‘lopë’ për ta mjelë për poste deputetësh apo pushtetarësh, ndërkohë që, jo vetëm nuk kanë kontribut në PD, nuk kanë as vlera, për mos thënë antonimin e saj, madje as votat e tyre e familjareve nuk i kanë dhënë PD”, – shprehet deputetja.

Alarmi që ajo përcjell është, se këta individë sipas saj janë edhe më të rrezikshem se “Rilindja” dhe LSI-ja. “Këta janë si ai krimbi apo mola që ma e gërryejnë PD nga brenda pa u ndjerë, larg imoralët politikë e jopolitikë. Dhe mediokriteti nga PD, përveçse të këqija, asnjë të mirë nuk i sjellin, ndryshe nga dallojmë ne nga imoraleti e mediokriteti rilindas”?

Zgjidhja e kësaj situate, sipas Elmazit, është që në parti duhet të aderojnë burra e burrnesha e jo marioneta. Sipas saj, këto persona që në fakt gjithmonë janë padobi, janë edhe të dëmshëm.

“Duhen burra e burrnesha në opozitë sot, e jo marioneta, që në fakt gjithmonë janë padobi, madje të dëmshme. Duhet dekriminalizim i politikës, por jo vetëm, mendoj që edhe deimoraliteti në politikë do e pastronte politikën”,- mbyll komentin e saj në “Facebook”, deputetja e PD-së e Qarkut të Vlorës, Liljana Elmazi.

Enverizmi politik dhe mediatik – gangrena e sistemit dhe vlerave demokratike – Nga Besim NDREGJONI

Shoqeria shqiptare po perballet cdo dite me helmimin ideologjik te diktatures komuniste dhe me mashtrimin dhe dejvijimin e vertetes ne mes krimeneleve qe shkaktuan mijera viktima dhe Viktimave te pafajshem.  Sot mbas 26 vitesh ato perbalten nga Enverizmi politik dhe mediatik. Presidenti i Republikes Bujar Nishani ne perputhje me kushtetuten e vendit dhe ne nderim te jeteve te pafajshem që i ekzekutuan  kriminelet e diktatures Enver Hoxha, Mehmet Shehu, Qemal Klosi etj. ndaj atyre shqiptareve qe nuk pranuan diktatin komuniste ne Shqiperi ne 71 vjetorin e vrasjeve te tyre i nderoi  medaljen  “Martir te Lirise “  67 qytetar të  Krahines së  Lushnjes të  vrare pa asnje faj nga krimineli Mehmet Shehu. Veprimi i Presidentit ishte kushtetues,  një  nderim ndaj jetëve të  tyre,  një nderim njerzor dhe kombëtar.  Por ky nderim tmerroi ideologët dhe historianët e diktaturës, Paskal Milon, Pëllumb Xhufin, Moikom Zeqon , Vito Kapon, e deri tek Zv ministri i Mbrotjes Petro Kocin, dhe disa të ashtuquajtur veteran që jane pjesmarres në krimet  ndaj qytetareve të Lushnjes dhe të  Shqipërise,  denuan nderimin e Presidentit dhe kërkuan në kor që ketyre qytetareve shqiptare të u  hiqej dekorata se këta ishin bashkepuntore të  fashizmit etj perralla me dediktiv te ketyre qe kan mbi 70 vite qe manipulojne deformojne te verteten. Po cili dokument arkivor shqiptar dhe I huaj verteton qënjen e ketyre martirve me fashizmin  e aq me pak se keto dhe para pushkatimit  deklaruan se ne “derra bëhemi e kamunista jo”.   

KRIMINELET ENVER HOXHA DHE MEHMET SHEHU.

Ky kor kukuvajkash ideolloge që  në  ndërgjegjen e tyre rëndon indokrinimi ideologjik  dhe mashtrimi me te vërteten.  Ky kor liliputesh hulmutimi i tyre ndaj ekzekutimeve , burgjeve  torturave  vrasjeve pa gjygj  grabitjeve , përdhunimeve  dosjeve teë hetusisë   të  sigurimit të  shtetit është inekzistente. Ju kujtojme këtyre liliputeve të  diktaturës se e vërteta e shkatron manipulimin tuaj gjysëm shekullor. Ju në vend që  të skuqeni nga krimet që  kan bërë  Mehmet Shehu, Hysni Kapo  e Klosët me kompani dhe të ju kërkoni falje atyre familjeve lushnjare , keni kurajo dhe përbaltni të vërteten historike të  atij krimi që  pë r 50 vite e keni manipuluar dhe keqintpretuar simbas politikes diktatoriale.  Është  turp dhe papërgjegjësi  kombetare që  shtypi i shkruar,  boton gënjeshtrat dhe shpifjet e mbrotjsve të  krimineleve dhe hesht përball jetëve të pafajshëm të viktimave.

Unioni Kombetar i të Burgosurve dhe të Përndjekurve Politike të  Shqipërise  I kërkon Kryeministrit Edi Rama dinstancimin nga ky kor helmuesësh  ideologjik të  diktatures, dhe shkarkimin e menjëhershëm të Zv Ministrit te Mbrotjes  Petro Koci për perbaltjen dhe shpifjen , urretjen ndaj lushnjareve që  i vrau krimineli komuniste Mehmet Shehu.

Zoti Kryeminister mbani përgjegjesi kushtetuese para kombit nqs prishni ekulibrat e shoqërise, dinstancimi i juaj është  detyrim kushtetues dhe kombëtar,

HAMIT MATJANI LUFTETARI ANTIFASHISTE DHE ANTIKOMUNISTE DHE BASHKEPUNTOR I CIA VRARE NGA KOMUNISTAT.

I kërkojme Presidentit të  Republikes Bujar Nishanit të  nderoi me urdherin e larte ‘

“ Nderi i Kombit ,” Trimin antikomuniste e anti fashiste  Lushnjarin Hamit Matjanin duke vne ne vend të  vertetën e kontributin e  këtij luftetari  që ishte ushtar i atdheut të  tij të nderuar dhe në shërbim të  SH.B.A. për meritat si luftetar ndaj diktatures komuniste. E verteta duhet të  shkatroi totalishte  enverizmin politik e mediatik që  është  bëre gangrenë e sistemit dhe vlerave demokratike , që po helmon çdo dite  brezin e ri. Është  detyrim I çdo shqiptari të denoi ideologjine enveriste që po shkatron vlerat dhe sistemin demokratik ne vendin tone.

Presidenti

Një histori Shqipërie, që kërkon revizionim të thellë! – Nga MIT’HAT HAVARI

Sigurisht, nuk kam qenë indiferent me ngjarjen e ditëve të fundit, kur presidenti dekoroi me titullin “Martirë të lirisë” 63 nacionalistët në tetor 1943 në Matjan të Lushnjës nga dora kriminale e Mehmet Shehut, me bandën që drejtonte asokohe. Pas dekorimit, menjëherë reaguan enveristët e mbetur gjallë, si dhe ushtarët e tyre, që tashmë janë “historianë”, që në fakt vetëm të tillë nuk janë. Akuza e rëndomtë e tyre dihet, se 63 të pushkatuarit ishin bashkëpunëtorë të nazi-fashizmit. Akuza e tyre bie poshtë, referuar fakteve historike. Italia fashiste kapitulloi në shtator 1943 dhe nazistët gjermanë nuk kishin mbërritur ende në Shqipëri. Lind pyetja: Bashkëpunëtorë të kujt ishin atëherë 63 nacionalistët? Normal, të askujt! Kjo ishte një alibi e komunistëve për të justifikuar një nga krimet më makabre të radhës. Bile, sarkazma dhe ironia e tyre e ndyrë shkon deri atje se gjoja Mehmet Shehu (sadisti) i paska kërkuar ndjesë Enver Hoxhës dhe se “Shpati” i paska tërhequr vërejtje: “Mos i vrisni katundarët, se janë aleatët tanë”. Po kush i ha këto mbroçkulla?! Mund t’i hajë Paloka i PD-së, që ka pasur babain partizan, por jo unë, biri i nacionalistit.

Çfarë ndjese kërkoi xhelati Shehu; kishte qëlluar ndonjë person me pëllëmbë, apo kishte urdhëruar vrasjen e 63 burrave të pafajshëm?! Jo, ai ishte thjesht një vrasës kriminel gjakftohtë dhe duhej të dënohej qysh atëherë për gjenocid, e jo të vazhdonte të jetonte deri në 1981-shin, kur vrau veten si bastard. Sigurisht, e zunë haqet e atyre që u krijoi aq fatkeqësi, dhe në këtë botë lahen të gjitha poshtërsitë. Ndërkohë, më ka çuditur fakti që ish-i burgosuri politik, Fatos Lubonja dhe prof. Mark Marku, ekzekutimin e 63 nacionalistëve i quajnë viktima. Më vjen shumë keq për këta dy intelektualë, që nuk dinë të dallojnë viktimën nga një vrasje të paramenduar. Zotërinj, viktimë quhet ai individ, ose një grup njerëzish që mbyten në lumë, që vdesin nga tërmetet, që vdesin nga terroristët që hedhin veten në erë me tritol, si ngjarjet e fundit në Belgjikë e gjetkë, apo kur një vrasës qëllon me kallashnikov ndaj një individi dhe plumbat qorrë të shpërndarë vrasin edhe persona të tjerë. Këta të fundit quhen viktima, se nuk ishin objektiv i kriminelit.

Po si mund të quhen viktima 63 nacionalistët e Mit’hat Frashërit, që firmosi shpalljen e Pavarësisë në 1912-ën krah Ismail Qemalit, kur çeta e banditit Mehmet Shehu në mënyrë të organizuar, në mënyrë selektive grumbulloi me forcë të gjithë anëtarët e formacionit të organizatës luftarake të Ballit Kombëtar dhe i ekzekutoi pa gjyq?! Do të thotë që gjithçka ka qenë e paramenduar dhe ekzekutimin nuk e kanë bërë në përpjekje lufte për të ruajtur kokën, por me gjakftohtësi të plotë, duke eliminuar kundërshtarin politik. Kjo ngjarje e ka emrin krim në përmasa të mëdha kundër një organizate politike sikundër ishin 63 martirët e lirisë, që me të drejtë, Presidenti i Republikës u ka akorduar një titull të tillë. Kjo është e qartë si drita e diellit!

Problemi i kopesë së enveristëve dhe pinjollëve të tyre nuk është thjesht dekorimi që iu bë martirëve, por janë duke u diskretituar në sytë e rinisë shqiptare, e cila nuk e njeh historinë e shkuar dhe kjo është bërë e qëllimshme nga forca të caktuara politike, që kanë qenë të komprometuara me regjimin totalitar komunist. Unë po ju bëj prezente një histori të ngjashme me atë të Matjanit në Lushnjë. Në dhjetor 1943, banda e Mehmet Shehut sulmoi natën me serbin Dushan Mugosha fshatin tim, Dukat i Vlorës. Ata vërshuan natën nën breshërinë e armëve, por burrat dhe gratë trima të Dukatit u ngritën në këmbë dhe iu përgjigjën me armë banditëve. Unë i quaj banditë, se vetëm kjo kategori sulmon natën njerëz të pafajshëm për t’i grabitur apo për t’u nëpërkëmbur nderin në mënyrë tinëzare, se një organizatë luftarake politike që ka marrë përsipër misionin e shenjtë të luftojë pushtuesin, nuk mund të sulmojë e të vrasë pa asnjë shkak vëllezërit e tij të gjakut, popullin e vet.

Në rastin konkret, partizanët e Nacionalçlirimtares sulmuan pabesisht fshatin Dukat. Pas asaj beteje u vranë shumë kaçakë dhe po aq fshatarë, trimat e vendit i vunë përpara si derrat banditët e malit dhe i detyruan të tërhiqeshin me turp, duke ikur nga sytë këmbët. Po përse e sulmoi Mehmet Shehu Dukatin me kaçakët e tij? Dihet, Dukati ishte rreshtuar në krah të forcave nacionaliste dhe jo komuniste, siç e quanin veten ata, dhe nga urrejtja që kishin për këtë fshat krenar, e sulmuan për ta nënshtruar me dhunë, por thyen hundët keqas. Ç’ndodhi pas lufte me të vrarët në Dukat? 12 të vrarët e komunistëve u shpallën dëshmorë, ndonjëri edhe hero, – më duket Myrto Sadiku nga Tërbaçi, – familjet e tyre morën pension lufte për 46 vite, plus përfitimet si shkolla, shtëpi, me një fjalë dyer të hapura kudo.

Po me fshatarët e vrarë dhe familjet dukatase, ç’ndodhi? Të vrarët u shpallën armiq dhe familjet e tyre morën damkën “armiq të pushtetit popullor” dhe lufta mizore e klasave nuk iu nda për 46 vite rresht; pasojat dihen: persekucion, privime për shkollim, punë etj. Në nëntor 1944, sa fituan pushtetin, Mehmet Jaho, një komandant partizan u gjend në Dukat bashkë me njerëzit e tij, si për t’u thënë fshatarëve “Ja, fituam”, por edhe për të qetësuar ujërat, pas asaj drame që kishin lënë pas. Babai im 24 vjeç, trim dhe me temperament, anëtar i Ballit Kombëtar, iu drejtua Jahos pa iu dridhur qerpiku: “Kush i vrau vëllezërit Deroj?” Mehmet Jaho, komandanti, u step nga 24-vjeçari Xhevit Havari dhe i trembur i tha: “Nuk i vrava unë, por komisari”. Po pse i vranë vëllezërit Deroj? – do pyesë lexuesi. Dy banditë hynë me forcë në shtëpinë e vëllezërve të moshuar dhe iu thanë parullën “Vdekje fashizmit” dhe vëllezërit u përgjigjën “Shqipëri e shqiptarëve, vdekje tradhtarëve”. Vetëm pse nuk kthyen parullën e tyre “Liri popullit”, i nxorën në oborr dhe i pushkatuan në çast. U trondit shumë fshati, dhe nga ai moment u hipi gjaku në kokë, me të drejtë e morën hakun aty për aty.

Këta ishin çlirimtarët e Petro Koçit dhe Paskal Milos e kompani… Unë i pyes këta pseudohistorianë apo dhe njerëz të kulturës: Cili është ndryshimi midis të vrarëve të NÇ dhe fshatarëve të Dukatit?! Përse njëra palë janë dëshmorë dhe tjetra janë armiq?! Kush e sulmoi Dukatin, kaçakët e NÇ, apo Nacionalçlirimtaren Dukati? Sigurisht, komunistët e ardhshëm sulmuan fshatin. Duket qartë diferenca, dhe për këtë nuk ka diskutim. Me të drejtë ish-presidenti Bamir Topi iu ktheu dinjitetin në vend të rënëve që mbrojtën nderin dhe dinjitetin e tyre dhe familjeve të tyre nga hordhitë sllavo-komuniste. Natyrisht, nuk mund t’iu kompensonte dot kalvarin e gjatë të vuajtjeve të pamerituara nga ajo e keqe e madhe që quhej diktatura e proletariatit.

Është identik edhe rasti i Lushnjës, ku 63 të vrarët nga banda e Mehmet Shehut, me gjithë “ndjesën” e tij dhe të shefit të tij “Tarasi”, u quajtën armiq dhe jo viktima, familjet e tyre u konsideruan armike të pushtetit dhe konsekuencat e luftës së klasave vazhduan deri në dhënien shpirt të atij regjimi të egër diktatorial që rrallë kishte parë bota e qytetëruar. Është turp që, pas 25 vitesh demokraci, gjërat nuk kanë shkuar në vend. Historia nuk duhet lexuar si e shkruan ideologët mashtrues komunistë, por ashtu siç ka ndodhur në të vërtetë. Historia jonë kërkon një revizionim të thellë. Ky është një detyrim i madh për brezat që do të vijnë, atë revizionim që bënë të gjitha vendet ish-komuniste me Gjermaninë simbol.

Rama – Hajdarmatajt: Ish kryeministrit nga gryka e Valbonës dha leje për 11 HEC-e. Ja çfarë duhet t’ju thuash tropojanëve

TIRANË- Kryeministri Edi Rama ka replikuar sot në foltoren e Kuvendit me deputeten e Tropojës, Mimoza Hajdarmataj, e cila e ftoi atë të vizitonte Tropojën për të parë si po shkatërrohet natyra aty, si pasojë e ndërtimit të HEC-eve.

Në replikë, i pari i qeverisë tha se 11-të lejet e HEC-eve janë dhënë nga ish-kryeminsitri Sali Berisha, prej të cilave do të ndërtohen vetëm 2, por sipas standardeve evropiane.
“Patjetër do shkoj të shoh rrugën që përfunduam në Valbonë, e përfunduam ne se e kishin lënë rrugëve. Bashkë me zonjën që ngriti problemin e hidrocentraleve duhet të flasim hapur me komunitetin pasi janë 11 leje me urdhër të ish-kryeministrit që ka lindur dhe është rritur në grykën e Valbonës. 6 të tjera i dha në zemër të Thethit. Ju më të drejtë e ngrini problemin se është bërë modë, ka 3 vjet që të gjitha plagët që i hapët ju me keqqeverisjen tuaj na i vishni ne. Po të lajmrëroj se 6 HEC-et në Theth janë anuluar nga ne, duke ndjekur rigorozisht procedurat. Kemi mbajtur rigorozisht në vëmendje edhe procedurën për Valbonën dhe vetëm 2 HEC-e kanë marrë dritën jeshile për shkak pamundësie të plotë ligjore për të bërë anulimin, janë kaluar në filtra njëri pas tjetrit për të garantuar me ekspertizë standarde mjedisore me të njëjta, cilësi projektimi me hidrocentralet e të njëjtës natyrë si në Europën e Veriut nga Norvegjia në Danimarkë e Austri. Kur dëgjoni HEC-e në Valbonë lidhur me këto të dyja mos përfytyroni diga, nuk do ndërtohen strukturat që imagjinoni se teknologjia e përdorur krejt tjetër peizazhi i pacenuar. Ajo që do duket në fund të ndërtimit të tyre janë dy kulla tradicionale të asaj zone. Për çdo vizitor s’do shihni diga por vetëm dy kulla të ndërtuara sipas traditës me të gjithë materialet e zonës, ndërsa për të tjerat nuk po zgjatem”,- tha ai.Më tej, kryeministri e ftoi deputeten të përcillte tek banorët e zonës që përfaqëson, mesazhin se kjo qeveri do investojë më shumë se ajo e kaluara.

“Shkojmë bashkë në Tropojë, të shohim çfarë po bëjmë ne në Tropojë, jo vetëm të vizitojmë rrugën e përfunduar, por të flasim për hidrocentralet e Saliut dhe të flasim më shumë për atë zonë. Ta dëgjojnë mirë tropojanët, se do bëjmë më shumë se sa bëri Saliu e të gjithë ju”.

Në replikë, deputetja tha se gjendja ekonomike e banorëve në Tropojë është e mjerueshme, ndërsa shtoi se rikualifikimi urban i qendrës së qytetit, nuk do ju japë bukë.

“Faleminderit për durimin. Ta keni edhe atje me patriotët e mi, ti dëgjoni nga vetë ata se nuk janë dëmshpërblyer për dermantozën. Të keni durim të dëgjoni familjet, asnjë serë, asnjë donacion, asnjë subvencion. Do jem me ju dhe do jem aty krah jush. Shkoni i përgatitur se rrugën e ka bërë Sali Berisha, zoti kryeministër. Ta dini që ajo shëtitore do sjellë zero punësim, zero lekë, vetëm do shëtisim. Kthejini sytë nga ato familje që s’kanë lekë as për libra, as për bukë”,- apeloi Hajdarmataj.

Pas saj, kryeministri sqaroi se: “Nuk thashë asnjë fjalë për epideminë e bagëtive, e thashë që rrugën e Valbonës e filloi qeveria e jashtme. S’kam arsye të dyshoj që ju shkoni dy herë në javë atje, por duhet ta dini që e përfundoi kjo qeveri rrugën”.

RRUSTEM GECI: ÇAMËRIA SË SHPEJTI DO T’I KETË INSTITUCIONET E VETA

Kohën që kemi përpara ne e lexojmë saktë, guximshëm, dhe pa u tërbuar nga çaste të ndryshme të kohës. Historia na jep të drejtën të kërkojmë Çamërinë. Çamëria është gjaku ynë i bimur. Ajo është lindur para 13 mijë vjetësh, dhe ( në kohën tonë ) vazhdon jetën e saj nën pranga të rënda. Epiri i Ilirisë – Çamëria, natyrshëm është tokë denbabaden shqiptare. Historia kombëtare shqiptare, por edhe ajo Evropiane dhe ajo botërore e mban mend, dhe e ka të shkruar, kur kjo Shqipëri e vogëluar, kishte 3 dete, dhe tërë Epirin e Ilirisë. Skënderbeu ishte Princ i Arbërit, dhe Mbret i Epirit. Prandaj, Çamëria Shqipërisë, natyrshëm është paqja e mirëfilltë në Ballkan. Evropa dhe Shtetet e Bashkuara të Amerikës ( me forcën e ligjit dhe të drejtësisë ) kanë aq krah dhe forcë për ta detyruar Greqinë, që ta njoh Gjenocidin e bërë Grek ndaj shpitarëve të Çamërisë. Shoqata Demokratike Shqiptare “Çamëria” me qendër në Hollandë, me President, z. Festim Lato, dhe Këshillat Ndërkombëtar të saj në Evropë dhe Amerike, Kosovë, Iliridë, Shqipëri, si dhe Preshevë, Bujanoc dhe Medvegje, ndjekim me shqetësim zhvillimet në Greqi. Shoqata Demokratike Shqiptare “Çamëria” me qendër në Hollandë, e kërkon natyrshëm Bashkimin e Çamërisë me Shqipërinë, Bashkimin e Kosovës, Iliridës, si dhe Preshevës, Plavës e Gucisë me Shqipërinë. Prandaj, koha që kemi përpara na obligon që të jemi në hap me kohën, që Çamëria t´i ketë Institucionet e veta. Rroftë Çamëria! Rroftë Bashkimi Evropian! Rrofshin Shtetet e Bashkuara të Amerikës! Roftë Shqipëria!( Fragment nga fjala hyrëse e Rrustem Gecit, Në Konferencën për “Senzibilizim të çështjes kombëtare çame”, mbajtur në Sarandë, me 23. 10. 2016

Kush janë gjyqtarët që rrëzuan Vettingun, “varfanjakët” që notojnë në flori

Kush janë gjyqtarët që rrëzuan Vetingun, “varfanjakët” që notojnë në flori

Tetëshja e anëtarëve të Gjykatës Kushtetuese (Sokol Berberi kishte dhënë dorëheqjen që më 15 shtator, para dhënies së vendimit), të cilët vendosën pezullimin e ligjit të “Vettingut” dhe dërgimin e tij në Komisionin e Venecias për interpretim, me shpresën se do të shtyhet përtej afatit ligjor të zgjedhjeve parlamentare të verës së ardhshme, zyrtarisht është në kushte të “mjerueshme” financiare. Duke parë me vëmendje deklaratat e pasurisë për vitin e kaluar, të shpallura zyrtarisht në maj të këtij viti, sheh se të ardhurat e tyre janë modeste, llogaritë e tyre rrjedhëse janë më të vogla se të një familje mësuesish, dhe për më tepër janë të zhytur në borxhe marramendëse, që paga e tyre dhe të ardhurat e deklaruara duan vite e vite, thuajse një jetë të tërë t’i mbulojnë.

1.Bashkim Dedja

I emëruari me votat e PD-së si kryetar i Kushtetueses pas mbylljes së mandatit të Vladimir Kristos, është emëruar në strukturat e gjyqësorit që nga viti 1993. Në vitin 2010 u emërua anëtar i Gjykatës Kushtetuese e më pas Bamir Topi e propozoi për kryetar pasi e dinte mirë që kandidaturën e tij nuk do ta rrëzonte mazhoranca e PD-së siç kishte bërë me thuajse të gjitha kandidaturat.

Kryetari i Gjykatës Kushtetuese, Bashkim Dedja, jo vetëm është një nga njerëzit më të varfër të drejtësisë, por rezulton i zhytur në borxhe. Dedja deklaron pranë ILDKP se ka marrë një kredi për 20 vjet, në vlerën 16,800,000 lekë nga të cilat ka shlyer 1,326,218 lekë. Bashkim Dedja deklaron gjithashtu pagën si kryetar i Gjykatës Kushtetuese 2.231.015 lekë, pagën si pedagog i jashtëm në Shkollën e Magjistraturës, 97.944 lekë si dhe një llogari rrjedhëse 74.807 lekë.

Bashkëshortja e tij, Sonila Cami, deklaron gjendje në llogarinë rrjedhëse të pagës pranë një banke të nivelit të dytë, 379,989 lekë si dhe pagën si nëndrejtore në Shkollën “Jeronim De Rada”, 559,666 lekë.

Deklarata e pasurisë/Bashkim Dedja, kryetar i Gjykatës Kushtetuese:

Gjendja e llogarisë rrjedhëse të pagës, 74,807 lekë.

Paga si kryetar i Gjykatës Kushtetuese, 2,231,015 lekë.

Paga si pedagog i Jashtëm në Shkollën e Magjistraturës, 97,944 lekë.

Kredi bankare e marrë në vitin 2013, 16,800,000 lekë, për 20 vjet, shlyer 1,326,218 lekë.

Bashkëshortja Sonila Cami, gjendja e llogarisë rrjedhëse të pagës pranë bankës, 379,989 lekë.

Paga si nëndrejtore në Shkollën “Jeronim De Rada”, 559,666 lekë.

2.Vladimir Kristo

Ka pasur që në “agim” të karrierës së vet një lidhje të fortë me qeverisjen e PD-së, pasi ka qenë zv.ministri i Drejtësisë i kabinetit të parë të drejtuar nga Aleksandër Meksi në 1992-shin, por pas largimit të Fehmi Abdiut u emërua si kryetar i Gjykatës Kushtetuese, natyrisht pas fitores së PD-së.

Aq lidhje të fortë ka Kristo me Berishën, sa kur doktori ishte President e emëroi atë si kryetar i KQZ-së për referendumin e Projekt-Kushtetutës së vitit 1994 që humbi fuqishëm në popull.

Në deklaratën e pasurisë, Kristo dhe bashkëshortja e tij kanë një mal me transferta bankare, tërheqje dhe depozitime. Anëtari i Kushtetueses njihet edhe si lojtar në bursë, pasi 19 mijë euro deklaron se i ka investuar në bono thesari në Bankën e Shqipërisë

Deklarata e pasurisë/ Vladimir Kristo, anëtar i Gjykatës Kushtetuese, pasuria 2015:

Tërhequr nga Banka Popullore, 2.800,000 lekë.

Tërhequr nga banka, 740,000 lekë.

Depozitë në bankë, 750,000 lekë.

Të ardhura nga paga si anëtare e Gjykatës Kushtetuese, 1,874,538 lekë.

Të ardhura nga puna e bashkëshortes si notere, 339,848 lekë.

Të ardhura nga pensioni i bashkëshortes, 164,400 lekë.

Pasuria 2014

Gjendja e depozitës, bono thesari, në Bankën e Shtetit, nëpërmjet një banke të nivelit të dytë, 19 000 euro.

Gjendja e llogarisë në një bankë të nivelit ë dytë, pakësuar me – 117 500 lekë.

Gjendja e llogarisë në një bankë të nivelit të dytë, pakësuar me – 2 658 000 lekë.

Gjendja e depozitës në Bankën e Shtetit, obligacione me afat 2-vjeçar, 2 658 000 lekë.

Bashkëshortja, gjendja e llogarisë në një bankë të nivelit të dytë, pakësuar me 689 800 lekë.

Bashkëshortja, gjendja e depozitës në Bankën e Shtetit në bono thesari, 689 800 lekë.

 3.Vitore Tusha

U emërua në vitin 2008 kur Sali Berisha dhe Bamir Topi i zgjedhur President, ende shkonin mirë me njëri-tjetrin.

Vjen nga një përvojë në gjyqësor dhe në avokati.

Në deklaratën e pasurisë zonja Tusha ka disa llogari bankare dhe të ardhura nga tre punë, në Kushtetuese, Universitetin Publik, si dhe në një universitet privat.

Deklarata e pasurisë/ Vitore Tusha, anëtare e Kushtetueses, pasuria 2015:

Të ardhura nga paga si anëtare e Gjykatës Kushtetuese, 1,874,538 lekë.

Shkolla e Lartë Luarasi, 178,666 lekë.

Trajnime në Shkollën e Magjistraturës, 93,100 lekë.

Detyrim në shumën 25 mijë euro.

Pashk Tusha, bashkëshorti, llogari bankare, 35,451 lekë.

Llogari bankare, 142 lekë.

Pagesë kalimtare nga Drejtoria e Përgjithshme e Policisë së Shtetit, 441,297 lekë.

Pagesë në shkurt 2015 nga Drejtoria e Përgjithshme e Policisë së Shtetit, 30,369 lekë.

Elira Tusha, vajza, të ardhura nga aktiviteti privat, noteri, 2,088,017 lekë.

Renisa Tusha, vajza, kartë krediti, 1,874 lekë.

Të ardhura nga paga, Milano Itali, 14,285 euro.

Pasuria 2014

Gjendja në llogarinë bankare në një bankë të nivelit të dytë, 1 543 lekë.

Gjendja në llogarinë bankare në një bankë të nivelit të dytë, 69 euro.

Gjendja në llogarinë një bankë të nivelit të dytë, 9 751 lekë.

Detyrim në shumën 25 000 euro.

E bija, Renisa Tusha, gjendja e llogarisë në një bankë të nivelit të dytë, 183 euro.

E bija, Elira Tusha, pakësim i gjendjes së llogarisë në një bankë të nivelit të dytë, – 31 700, Overdraft.

4.Fatmir Hoxha

Ka ardhur në Kushtetuese pas një përvojë si kryetar në Gjykatën e Pukës si dhe atë të Apelit në Shkodër.

Në Kushtetuese është emëruar në 2011 kur kur tashmë anëtarët e kësaj gjykate zgjidheshin me shumicë absolute.

Të ardhurat e Hoxhës janë një mal me kredi për të larë. Ska faj…

Deklarata e pasurisë/Fatmir Hoxha, anëtar i Kushtetueses, pasuria 2015:

Të ardhura nga paga si anëtar i Gjykatës Kushtetuese, 1,874,538 lekë.

Të ardhura nga paga e bashkëshortes si inspektore pranë Komisionerit Kundër Diskriminimit, 716,369 lekë.

Kredi me afat 22 vjet, detyrimi, 4,449,057 lekë.

Kredi bankare, 250 000 lekë.

Detyrim prekje overdrafti, 404,304 lekë Detyrim ndaj subjektit Gener 2, për blerje. banese, 37 mijë euro.

Rudina Hoxha, bashkëshortja, kontratë depozite “fëmija im”, 200 000 lekë.

Detyrim prekje overdrafti, 50 000 lekë.

Pasuria 2014

Bashkëpronar me 50 %, me bashkëshorten Rudina Hoxha i një banesë në Shkodër, sip. 65 m2, shitur me vlerë 3 400 000 lekë.

Kredi në bankë të nivelit të dytë me vlerë detyrimi financiar të pashlyer – 4 609 533 lekë, marrë në datën 27.05.2012, afat shlyerje 15 vjet, interes 4 %.

Kredi në një bankë të nivelit të dytë, detyrimi financiar i pashlyer – 233 336 lekë, marrë më darë 14.07.2014, me principal 250 000 lekë, afat shlyerje 60 muaj, normë interesi 6 %.

Detyrim huaje 9 900 euro, ndaj shtetasit Ardian Guri.

Detyrim 404 145 lekë, për prekje overdrafti gjatë viteve 2013 – 2014.

5.Gani Dizdari

Ka punuar në Prokurorinë e Përgjithëshme që në kohën e diktaturës, si nga Tropoja është një prurje klasike e PD-së, e cila e ka pasë emëruar edhe në kupolën e Prokurorisë së Përgjithshme ku punoi derisa doli avokat. U emërua në Kushtetuese në vitin 2011.

Deklarata e pasurisë/Gani Dizdari, anëtar i Kushtetueses, pasuria 2015:

Të ardhura nga paga si anëtar i Gjykatës Kushtetuese, 1,874,538 lekë.

Vajza, Anisa Dizdari, të ardhura si notere Dhoma e Noterisë Tiranë, 401,604 lekë.

Bashkëjetuesja Shefkie Kortoci, pasuri të krijuara nga paga nga viti 1997, 1,415,000 lekë.

6.Besnik Imeraj

Ka provuar të gjitha shkallët larta të gjyqësorit pas “erës Sali”, pra pas vitit 2005, që nga gjykata e lartë ku ka qenë anëtar dhe deri te ajo Kushtetuese, ku është sot.

Në deklaratën e pasurisë Imeraj thotë se ka të ardhura vetëm pagën…

Deklarata e pasurisë/ Besnik Imeraj, anëtar i Kushtetueses, pasuria 2015:

Gjendja e llogarisë së pagës, 707,123 lekë.

Gjendje në llogari, 399,460 lekë.

Depozitë në emër të vajzës, 1,180,033 lekë.

Të ardhura nga paga si anëtar i Gjykatës Kushtetuese, 1,874,538 lekë.

Të ardhura nga paga e vajzës si avokate pranë studios Haxhia Hajdari, 1,261,752 lekë.

Kredi në bankë për blerja banese, detyrimi 2,116,816 lekë.

7.Fatos Lulo

Është emëruar anëtar i Gjykatës Kushtetuese në vitin 2013, pikërisht kur Berisha iku nga pushteti, pasi ka shërbyer për 8 vjet, i emëruar nga PD-ja si anëtar i Gjykatës së Lartë. Deklarata e pasurisë së Lulos është vetëm dy rreshta sikur rron vetëm me pagën e tij.

Deklarata e pasurisë/ Fatos Lulo, anëtar i Kushtetueses, pasuria 2015:

Gjendja e llogarisë së pagës, 133,577 lekë.

Të ardhura nga paga si anëtar i Gjykatës Kushtetuese, 1,874,538 lekë.

8.Altina Xhoxhaj

Deklarata e pasurisë/Altina Xhoxhaj, anëtare e Kushtetueses, pasuria 2015

Llogari rrjedhëse plus depozitë dhe kartë krediti, 9 mijë USD.

Të ardhura nga paga si anëtare e Gjykatës Kushtetuese, 1,874,538 lekë.

Të ardhura si pedagoge e jashtme në Shkollën e Magjistraturës, 79,687.

Të ardhura nga kontrata e qerasë së apartamentit, 4 200 euro.

Bashkëjetuesi, të ardhura nga 2 paga, nga ISSH dhe si sekretar i Përgjithshëm i Presidentit, Arben Idrizi, 567,000 lekë.

Bashkëjetuesi, të ardhura si këshilltar i Misionit të Shqipërisë në OKB, 5,379 USD.

Llogari kursimi, 2 mijë USD.

Llogari rrjedhëse, 2 mijë USD

9. Sokol Berberi

Sokol Berberi(dorëhequr më 15 shtator), anëtar i Kushtetueses, pasuria 2015:

Të ardhura nga paga si anëtar i Gjykatës Kushtetuese, 1,874,538 lekë.

Të ardhura si pedagog i Jashtëm në Universitetin Evropian të Tiranës, 3 mijë euro.

Të ardhura nga lëshimi me qera i apartamentit, 304,000 lekë.

Të ardhura nga dy programe trajnimi me avokatët në Shkodër dhe Korçë, 51.000 lekë.

Të ardhura nga kontrata si ekspert për trajnimin e juristëve në administratë, 152,000 lekë.

Të ardhura nga shitja e dy librave, Teknika Legjislative dhe Arsyetimi Ligjor, 81,600 lekë.

Kredi 40 mijë euro, për blerje apartamenti me sipërfaqe 102 metra katror, ma afat 20 vjeçar.

Kredi për arredim 20 mijë euro.

Kredi nga Fondacioni Besa në shumën, 600,000 lekë.

Vajza, Silvia Berberi, sponsorizim nga prindërit për akomodimin dhe jetesën në Utrecht Universitet, 5 mijë euro.

Paga pranë kompanisë Atradius, 1,200 euro.

Bursë nga Universiteti Utrecht Holandë.

Rudina Shiroka, bashkëshortja.

Sipërfaqe trualli 512 metra 2 dhe godinë banimi 218 m 2, trashëguar nga babai.

Paga si përgjegjëse e arkivit në Kuvendin e Shqipërisë, 859, 969 lekë.

Pagesa për përkthimet në revistën e Shkollës së Magjistraturës për Ministrinë e Drejtësisë, 50,000 lekë.

Kredi personale, 600,000 lekë.

Marrje borxhi, 450,000 lekë.

Nga i marrin paratë partitë shqiptare? – Nga BLENDI FEVZIU

Përse partitë politike po mbushen me biznesmenë dhe njerëz, që politikën nuk e kanë pasur as dimension dhe as e shohin si shërbim? Përse në partitë politike po depërtojnë njerëz me rekorde kriminale dhe pasuri të dyshimtë? Përse njerëzit e biznesit kalojnë nga një qeveri tek tjetra duke siguruar favore, duke iu imponuar politikës, duke shkelur rregulla dhe duke shpërfillur ligje? Ka edhe shumë pikëpyetje të tjera që mund të ngrihen për politikën shqiptare sot dhe ka shumë përgjigje që mund të jepen për to. Por ka një përgjigje që renditet ndër më të rëndësishmet dhe nuk duhet të anashkalohet: paratë dhe financimi i partive. Të gjithë e dimë që nga viti në vit fushatat bëhen më të shtrenjta, me më shumë ekipe ndihmëse, vendëse dhe të huaja. Reklamat në media rriten. Por, rritja e shpenzimeve në fushatë nuk reflektohet askund në financimin e partive nga shteti. Një kërkim i vëmendshëm në thesarin e shtetit tregon se në vitin 2005, qeveria jepte për partitë politike një fond vjetor prej 156.9 milionë lekësh ose afro 1.1 milionë euro me kursin e atëhershëm. 12 vite më pas, në vitin 2016, ajo ka dhënë 190 milionë lekë ose 1.388 milionë euro. Financimi i partive në dhjetë vitet e fundit varion nga 190 në 200 milionë në vit. Pra, maksimumi 1.46 milionë euro në vit. Askush nuk mund të thotë që për nga shpenzimet, fushata e vitit 2005 ka qenë njësoj me atë të 2015 psh. Do ishte absurde dhe e pabesueshme. Pra, ndërkohë që shpenzimet rriten, financimi i partive nga shteti mbetet po ai. Në vitin 2015 psh., që ishte vit zgjedhor, PS përfitoi afro 550 mijë euro nga buxheti i shtetit. PD afro 500 mijë. Por, ajo që u hodh në terren ishte shumë, shumë më e madhe. Sipas një vëzhgimi ekskluziv bërë nga opinion.al, rezulton se kostoja e fushatës për një qark, për një nga 3–4 partitë e mëdha politike shkon nga 500–700 mijë euro. Në 12 qarqe, kjo kosto shkon nga 6–8.5 milionë euro. Për një parti. Pa llogaritur këtu shpenzimet e përditshme gjatë gjithë vitit. Me një llogari të tillë të thjeshtë, mund të thuhet, gjithnjë me kalkulim të përafërt, që kostoja e zgjedhjeve në Shqipëri shkon midis 30 dhe 35 milionë eurove. I ftuar në “Opinion”, Ben Blushi që mbulon fushatat që prej 25 vitesh deklaroi se kostoja e një fushatë shkon afro 60 milionë euro. Por, edhe këtu jemi në terrenin e kalkulimeve të përafërta. 1.5 milionë prej këtyre mbulohen nga shteti, madje diçka më pak, ndërsa pjesën tjetër partitë janë të detyruara ta mbulojnë vetë. Përkthyer ndryshe, ato janë të detyruara të trokasin në dyert e biznesit që duke qenë klient i politikës, bëhet njëkohësisht edhe sponsor i saj; përpiqen të afrojnë biznesmenë që paguajnë për zgjedhje apo persona problematikë që vënë në dispozicion të politikës fondet e tyre të dyshimta. Të gjithë këta bashkë janë një detyrim i nesërm për politikën. Dhe një detyrim i madh. Një detyrim që përkthehet në favore personale apo biznesi shpesh me kosto për vendim dhe sidomos për pjesën tjetër të shoqërisë. Pra thënë ndryshe, politika që duket sikur kontrollon biznesin është peng i saj gjithnjë falë parave që paguhen në këtë mënyrë. Sipas kësaj logjike, partitë politike krijojnë çdo dy vite një borxh të madh financiar, i cili i konceptuar si një detyrim moral kthehet mbrapsht me politika ose vendime që shkojnë në favor të biznesit. Nuk ka asnjë dyshim që gjendemi në një rreth të mbyllur dhe problematik dhe mbi të gjitha pa përgjigje. Sot formula kush paguan, gëzon favoret është për politikën më aktuale se kurrë. Nëse nuk ka një zgjidhje të shpejtë, rrezikon që fushatat dhe partitë të financohen nga paratë e drogës dhe kanabisit, duke e bërë gjendjen edhe më alarmante.
Një rishikim në formulën e financimit të partive dhe në transparencën e tyre është i domosdoshëm. Si dhe sa, kjo mbetet për t’u parë, por zgjidhja duhet të jetë e shpejtë…
Marrë nga Opinion.al

Transportimi nga të miturit i marijuanës shqiptare në Greqi

Policia greke vijon operacionet për bllokimin e sasive të marijuanës që arrijnë të depërtojnë nga territori shqiptar.

Operacioni më i fundit u zhvillua mëngjesin e së martës në rrugën Janinë – Gumenicë ku u bllokua një autoveturë e mbushur me marijuanë. Policia greke tha se një 20 vjeçar nga Athina dhe një 17 vjeçar u ndaluan për transportimin e lëndës narkotike. Policia greke tha se lënda narkotike ishte e paketuar në 96 pako që peshonin gjithësejt 132 kilogram.

Departamenti i Narkotikëve të Janinës dhe Departamenti i Kufirit të Konicës, zona kufitare me Shqëpërinë kanë vlerësuar se trafikantët e drogës po përfshijnë tani edhe të miturit në transportimin e sasive të marijuanës.

Sipas ligjeve greke të miturit kanë dënime më të buta nëse arrestohen nga policia. Ata përdoren, kryesisht, sipas burimeve policore greke, si korrierë narkotikesh nga kufiri tokësor por edhe në brendësi të vendit.

Hetimet e policisë greke janë përqëndruar kohët e fundit edhe në goditjen e grupeve e të vogla të shpërndarjes së narkotikëve në qytetet në Veri të Greqisë. Edhe në këto rrjete sipas burimeve të shtypit grek të miturit kryejnë shpesh aktivitet në shpërndarjen e drogës, kundejt shpërblimeve nga trafikantët.

Aktiviteti kriminal i të miturve shihet me shqetësime dhe në territorin shqiptar. Një Raport i Sektorit të Çështjeve shoqërore në Drejtorinë e Përgjithshme të Burgjeve publikuar në nëntor të vitit 2015 vlerësonte ardhjen në rritje të përfshirjes së të miturve në krime, përfshirë trafikun e lëndëve narkotike. Sipas raportit gjatë vitit 2015 ishin 15 të mitur të ndaluar për këtë aktivitet. Raporti vlerëson se në vitin 2015 u përfshinë 204 të mitur ne vepra kriminale nga 124 që ishte në vitin 2007.

Manjani: Pritet një rekomandim pozitiv për hapjen e negociatave me BE-në

Manajni është shprehur se shpreson që Shqipëria do të marrë përgjigje pozitive në lidhje me hapjen e negociatave për anëtarësimin e vendit në BE

TIRANË – Ministri i Drejtësisë i Republikës së Shqipërisë, Ylli Manjani, gjatë një konferencë për mediat, është ndalur tek disa çështje, si tek procesi i miratimit të paketës ligjore për reformën në drejtësi, çështjen e pronave, luftës kundër lëndëve narkotike, ideja e krijimit të xhandarmërisë, etj.

Në lidhje me procesin e reformës në drejtësi Manjani u shpreh se kjo reformë do të shënohet në historinë e shtetit shqiptar dhe është një mundësi për hapjen e negociatave me BE-në.

“Jam i lumtur të konstatoj se miratimi i ndryshimeve kushtetuese me konsensus ishte përgjigja më e mirë ndaj atyre që ishin skeptik, ose hiqeshin si skeptikë. Fundi i historisë është se 140 vota të Parlamentit e treguan më së miri se nuk është fjala për pro dhe kundër, por është fjala për kontribuues. Kjo është pozitive që nuk ka ndodhur në 25 vitet e fundit dhe kjo do të shënohet besoj në historinë e shtetit shqiptar. Ka shumë skeptikë ende, por mendoj se si proces politik Shqipëria dha maksimumin. Është garancia themelore që askush nuk mund ta bllokojë dhe askush nuk mund të kërkojë kthimin mbrapa”, është shprehur ai.

I pyetur nga gazetarët, në lidhje me operacionet antidrogë, ai ka pohuar se nëse është e nevojshme edhe ushtria mund të bëhet pjesë e këtyre operacioneve, ndërsa ka shtuar se është pro krijimit të xhandarmërisë.

Manjani gjatë konferencës për mediat është shprehur se shpreson që Shqipëria do të marrë përgjigje pozitive në lidhje me hapjen e negociatave për anëtarësimin e vendit në Bashkimin Evropian.

“Për pak ditë shpresoj që edhe KE t’i japë mundësi Shqipërisë për hapjen e negociatave, pritet një rekomandim pozitiv, pasi detyra kryesore ishte reforma në drejtësi”, ka shtuar ndër të tjera ministri shqiptar i Drejtësisë, Ylli Manjani. aa

Gjirokastra, Vlora, Korça dhe Berati, janë me vlerë negative të shtesës natyrore të popullsisë

Sipas Institutit të Statisitikave, qarqet e jugut si Gjirokastra, Vlora, Korça dhe Berati, janë me vlerë negative të shtesës natyrore të popullsisë, që do të thotë se numri i vdekjeve ka qenë më i lartë sesa numri i lindjeve.

Rritja natyrale e numrit të popullsisë u përgjysmua në tremujorin e dytë të vitit, krahasuar me të njëjtën periudhë të një viti më parë.

Instituti i Statistikave raporton se, numri i lindjeve pësoi një rënie prej 23%, ndërsa ai i vdekjeve me 8%.

Por, krahasuar me tremujorin e parë të këtij viti, shtesa natyrore e popullsisë është trefishuar. Sipas INSTAT-it, në tremujorin e parë popullsia u shtua me 423 persona, ndërsa në tremujorin e dytë me 1.393 persona.

Me rënie është edhe numri i martesave në shkallë vendi, me më shumë se 1.000 njësi.

Shtesa natyrore e popullsisë shpreh ndryshimin e numrit të popullsisë si rezultat i proceseve biologjike, lindjeve dhe vdekjeve të saj, gjatë një periudhe kohe.

Agim Doçi: 10 cilësitë e rilindasve – kohën e Enver Hoxhës mbanim radhë me blê e tash 25 vite jena vu në radhë me shitë:

VOAL – Në një status në fcebook, Agim Doçi, autor i miënjohur i shumë teksteve të këngëve, rendit 10 cilësitë e reja që iu ngulitën shqiptarëve në periudhën e tranzicionit, gjithnjë nën shembullin dhe sipas porosive të diktatorit.

Ja statusi më poshtë:

Në kohën e Enver Hoxhës mbanim radhë me blê e tash 25 vite jena vu në radhë me shitë:
1. Apartamentin
2. Tokën e gjyshërve
3. Mandatin e Deputetit
4. Votën!…
5. Patriotizëm.
6. Mend ….
7. Pordhë
8. Trojet…
9. Detin
10. Fan Nolin
A nuk janë këto 10 Cilësitë e “rilindsave”?

DASMA PRINCORE, NJI NGJARJE DHE PASURI KOMBËTARE, E PANGJASHME DHE E PAPËRSERITSHME – Nga RAMIZ LUSHAJ

 

 
1.
Fort, deri në tepri e shpeshti pa cak, po flitet nga dikushët apo nga askushët për Dasmen e Princit Leka II Zogu, duke i dhënë ngjyra politike neokomuniste, duke tregue dashakeqësi njerëzore, cinizëm sallonesh e telefonash të aristokratëve të vjetër e të rinj të këtij vendi të lashtë shqiptar, etj.
Askush nuk thotë se nuk duhet të bahen vrejtje, qoftë dhe për dasëm të tillë të 8 tetorit 2016, të kësaj Dasme Princore, pasi për çdo dasëm mbi Tokë e në këtë Botë ka dhe gjenden vrejtje gjithfaresh, gjithqysh.
Çështja shtrohet krejt ndryshe, qartë. Edhe me këtë event kombëtar shqiptar të tregohemi e të dëshmohemi Shqiptar të Vërtetë, Kombëtar.
Kjo për faktin shqiptar e planetar se kur monarkët – për arsye të ndryshme –  janë rrëzue nga Froni Mbretëror kanë gjetë strehim politik e status diplomatik, mbështetje për rikthim në Fron, kryesisht në vende demokratike të botës, po dhe në ato komuniste.
 Kjo ka ngjarë me Ahmet Zog I – Mbret i Shqiptarëve në  Francë, Angli, Egjypt, etj.; me Leka I Zogu – Princ e Mbret i  Shqiptarëve në Francë, Spanjë e në Afrikën e Jugut e në Shqipëri; me Princin Leka II Zogu në Afrikën e Jugut dhe në Shqipëri. Kjo ka ngjarë dhe me Mbretin e Afganistanit Mohamed Sahir Shah, që mbretëroi më 1933-1973 dhe pas rrëzimit nga Froni shkoi në Itali (1973-2002). Të tillë shembuj bota ka plot. Botës i duhen të tilla raste. Mbreti i Afganistanit, me kërkesë të ndërkombëtarëve e të kombit të vet u rikhtye në vendin e tij në moshë të thyer, më 2002, si një figurë unifikuese për vendin e tij dhe u thirr në gjallje të vet “Baba i Kombit”. Edhe Mbreti Leka I Zogu, me kërkesë e miratim të ndërkombëtarëve, Mbreti Husein i Jordanisë, Presidenti Amerikan Bill Klinton, etj., e me pëlqim zyrtar të Shqiptarëve – Presidentit Sali Berisha, e të tjerë, u rikthye në Shqipëri në vitin 1997, si faktor paqeje e uniteti kombëtar shqiptar në ngjarjet e Rebelimit ’97-tës, etj., ndërkohë në qeverisjen e socialistëve iu dha “Status Diplomatik” Familjes Mbretërore Shqiptare. Pra, dhe Princit Trashëgimtar Leka I Zogu.
Pse ndodh kjo? Familjet Mbretërore shihen si pasuri botërore, si nji trashëgimi brezanike botërore, si nji histori e pasur e botës. Njëherash, shihen dhe si pasuri kombëtare për secilin shtet që kanë pasë monarki e monarkë, si Shqipëria.
Pra, dhe Familja Mbretërore Shqiptare, nga koha e pashallarëve të saj, nga Mbreti Zog I e dekteri tek Princi Leka II Zogu, janë nji pasuri kombëtare. Kemi të bajmë me disa nga Simbolet e Kombit Shqiptar.
E tillë është dhe mbetet dhe Dasma Princore e 8 tetorit 2016. Si nji Ngjarje Kombëtare Shqiptare. Si nji Pasuri Kombëtare Shqiptare.
 
            2.
Nji dasmë si e Princit Leka nuk mund ta bante askush në tokën shqiptare. Sado mjete monetare të kishte në xhepa e me çeqe. Edhe po të ishte miliarder. 
Kjo për nji fakt madhor, të veçantë: Ishte Dasma e nji Princi shqiptar të Kunorës – Leka II Zogu. Pra, ishte nji Dasëm Princore. E kishte nji fytyrë Monarkiste, Mbretërore. E kishte nji gjak të vetin – të kaltër.
Pra, si e tillë, ishte nji “Dasëm e Pangjashme”.
 
 
3.
Kjo Dasëm ishte e Papërseritshme. Risore. “Giness” shqiptar.
Ndodhte për herë të parë që nga Mesjeta e Vonë, prejce nga Epoka Skënderbegiane, që nji Princ i Kunorës të martohej në tokën e tij. E, ky ishte Leka II Zogu – Princi Trashëgimtar i Kunorës, sipas Kushtetutës famëmadhe të 1928-tës. Pra, i vetmi trashëgimtar genetik, i Fronit.
E, pas 500 shekujsh, kemi Dasmen e Princit Leka, të paren Dasëm Princore në Shqipërinë Etnike, Natyrale, të coptueme në gjashtë shtete ballkanike. E, kjo, është Dasma e Princit Leka II Zogu.
Dihet se Ahmet Zogu i Parë u martue më 1938 me konteshen hungareze Geraldina, kur Ai ishte në Fron, Mbret i Shqiptarëve. Pasardhësi i Tij, Princi Leka I Zogu, u kurorëzue më 15 prill 1961 si “Mbret i Shqiptarëve”, u martue në Mërgim, më 10 tetor 1975, në Madrid të Spanjës. Vetëm Princ Leka II Zogu u martue në Atdheun e tij, me statusin zyrtar “Princ”. Edhe në Gjendje Civile të Tiranës, metropolit shqiptar, sipas aktit zyrtar publik të 8 tetorit 2016, sipas pohimit të kryebashkiakut aktual republikan e socialist, ai do të njihet nga të gjithë si “Princ Leka ZOGU”.
Kjo Dasma e Princit Leka II Zogu ishte Dasma e parë Princore Shqiptare e Mijëvjeçarit të Tretë. Dhe nga ky fakt: kjo mbetet “Dasëm e Papërseritshme”.
Shqipërisë Etnike do i duhet ende kohë të presin nji Dasëm tjetër të tillë:  Dasëm Princore. Ndaj, dhe në këtë fakt, kjo Dasma e Princit Leka II Zogu, derisa sa të vijë Martesa e Trashëgimtarit të Tij të Kunorës, mbetet e tillë: “Dasëm e Papërseritshme”.
 
 
4.
Në rast se do të kishte ndokush vërejtje për këtë Dasëm Princore të 8 tetorit 2016, nji ndër të paktit a të shumtit kritizerë do të ishja dhe unë, pasi pavarësisht nga përkushtime e kontribute disa dekadore monarkiste e legaliste, nuk kisha Ftesë nga Oborri Mbretëror, nga Komisioni Organizator, për të marrë pjesë në këtë event panshqiptar, me vlera kombëtare.
Po, unë, pavarësisht nga kjo mos kujtesë, nga ky “divorcim”, nuk mund t’ia lejoja vetes të kundërsulmoja Monarkinë Shqiptare, Familjen Mbretërore, Dasmen Princërore, që të dilja jashtë parimeve e normave ndërkombëtare diplomatike, të mos e shoh dje, sot e nesër Familjen Mbretërore Shqiptare si Pasuri Kombëtare Shqiptare, të mos e shoh këtë Dasëm Princore si Ngjarje Kombëtare Shqiptare (deri dhe Ndërkombëtare); të mos e konceptoj e trajtoj këtë Dasëm Princore si  Të Pangjashme, Të Papërseritshme.
 
Ramiz LUSHAJ
 
Tiranë, 15 tetor 2016

Ngjela: E dija që Lul Basha imiton një femër. Grida Duma: Shih atë avokaten ti…

Avokati Spartak Ngjela është përplasur edhe me Grida Dumën në studion e “Opinion”. Ai pasi dëgjoi fjalën e Dumës, ironizoi duke thënë: “E dija që Lulzim Basha imitonte një femër, ja imiton këtë”, ka thënë ai.

Më pas, kur ai ka folur për kanabisin dhe që atë e mbjellin fshatarët, Duma i është kundërvënë duke thënë se deklaratat e tij ishin të papranueshme. Ajo madje i ka kujtuar avokatit edhe një avokate seksi që ai “ka në partinë e tij”.

Ngjela sherr me Markun në TV: Po ik o tani, s’do bëj bisedë kafeje me ty!

Avokati Spartak Ngjela dhe profesori Mark Marku janë ndeshur në një debat të nxehtë në studion “Opinion” të Blendi Fevziut.

Marku ka nisur të kritikojë qeverisjen e Ramës dhe aty ka ndërhyrë avokat Ngjela. Këta nisur të replikojnë me njëri-tjetrin, deri sa profesori i ka thënë avokatit: “Po ik o tani, se s’do bëj bisedë kafeje me ty”.

Bushati: Athina pranon se Greqia zyrtarisht është në luftë me Shqipërinë

Kryediplomati shqiptar, Ditmir Bushati konfirmon se formalisht në Greqi është në fuqi një ligj lufte, që edhe vetë Athina e ka njohur përmes një letre dërguar Tiranës vite më parë.

“Ligji i luftës nuk është një çështje e ezauruar as me traktatin e miqësisë në vitin 1995 dhe as me anëtarësimin e Shqipërisë në NATO. Pala shqiptare i ka kërkuar qeverisë greke që të shprehet për këtë çështje dhe ka marrë një letër që konfirmon se dy vendet janë formalisht në luftë”, ka thënë Bushati.

Ai sqaroi se ky ligj ka efekte të drejtpërdrejta mbi çështjet pronësore dhe një sërë efektesh të tjera zinxhir që lidhen me të.

Më tej, ministri Bushati ka mohuar se qeveria e sotshme për shkak të koalicioni me PDIU ka një marrëdhënie të ngrira me Greqinë.

Sipas tij, mazhoranca e sotme ka marrëdhënie intensive në të gjitha nivelet, ndryshe nga qeveria e shkuar e cila sipas ministrit, në dy vitet e fundit të mandatit nuk pati asnjë komunikim me qeverinë greke.

Duke iu referuar vizitës së kreut të kuvendit, Ilir Meta në Greqi dhe reagimet e deputetëve të PDIU pas kësaj vizite, Bushati u shpreh se secili nga të dy politikanët ka mbajtur pozicionin e vet sa i përket çështjes çame; Shpëtim Idrizi si kryetar i një partie që këtë çështje e ka të qenësishme, ndërsa Meta shkoi në Greqi si kryetar i Kuvendit dhe mbajti qëndrim nga kjo pozitë.

Princi Leka II: Jemi jashtezakonisht mirenjohes dhe te nderuar qe na vizituan dhe ndane gezimin tone

Voal – Elia dhe une jemi vertete te prekur nga mbeshtetja dhe dashuria qe kemi patur gjate dhe pas dasmes sone. Jemi jashtezakonisht mirenjohes dhe te nderuar qe na vizituan dhe ndane gezimin tone kaq shume Familje Mbreterore, familjare te afert dhe te larget, miq dhe dashamires, te cilet kaluan bashke me ne nje aventure te paharrueshme ne Shqiperi. Jemi krenare qe mundem te promovonim vendin tone te bukur, traditat tona, kulturen dhe shpirtin kombetar.

Deshirojme te falenderojme njerezit e jashtezakonshem dhe patriote qe ndihmuan ne suksesin e Dasmes Mbreterore Shqiptare:

Falenderojme Fondacionin Culture Europe I cili beri aq shume per suksesin e kesaj dasme, dhe konsolidoi miqesine e natyrshme te Shqiperise me Francen. Nje falenderim I vecante per Z. Julien Roche I cili mbeshteti kete dasem ne te gjithe hapat e ndertimit te saj, qe nga dita qe vendosem daten ne France, e deri me 8 tetor 2016.

Falenderojme mikeshen tone Znj. Sadije Berisha qe ndihmoi dhe asistoi kete dasem me mish e me shpirt, pa pushuar asnje sekond. Ajo ishte per ne nga fillimi ne fund, me energjine dhe vizionin e saj, me shume se nje mikeshe, nje moter e vertete per Elian dhe mua.

Falenderim special per Roger Lundgren dhe punen e tij me akreditimet e mediave nderkombetare, duke na dhene mundesine te prezantojme me se miri nderkombetarisht Shqiperine tone te bukur.

Falenderojme mikun tone Sulejman Gjana I cili ndihmoi me koordinimin dhe organizimin.

Falenderojme miqte tane Z. Beniamin Bakalli, Znj. Eriona Hanku dhe Z. Meshar Kamberi se bashku me skuadrat perkatese per asistimin ne mikpritjen dhe shoqerimin e te ftuarve tane te nderuar.

Deshirojme te shprehim mirenjohjen tone te thelle per institucionet e vendit tone te cilat na mbeshteten ne ndertimin dhe finalizimin e dasmes sone.

Falenderojme Kryeministrin dhe zyren e tij per te gjithe lehtesite qe na mundesuan.
Nje falenderim I vecante shkon per Kryetarin e Bashkise Z. Erion Veliaj dhe te gjithe ekipin e Bashkise Tirane qe u bashkuan dhe ndihmuar realisht duke bere me te miren, ne menyre qe vendi yne te prezantohet me dinjitet.
Falenderojme Ministrine e Jashtme dhe te Mbrojtjes per bashkepunimin frytdhenes.

Kjo dasem nuk do te kishte patur impaktin nderkombetar qe pati nese nuk do te ishin mbledhur rreth nesh njerez te talentuar, dashamires dhe profesioniste. Kur gjerat behen me dashuri dhe pergjegjesi, nuk mund te mos jene te suksesshme.

Alketa dhe skuadra e Class Events u treguan te gatshem, te palodhur dhe profesioniste. Shija e tyre e rafinuar ne detaje, sidomos ne kompozimet e mrekullueshme te buqetave dhe luleve nga mikesha jone Frida,solli nje arome te vecante dhe standart elitar. Bashkarisht sollem ne Shqiperi stilin dhe konceptin e nje Dasme Mbreterore: elegance, estetike, modesti dhe ne asnje moment ekstravagance.

Dreka e pergatitur nga duart e arta te mikeshes sone Znj. Blerina Kasemi dhe Era Catering u be me nje passion dhe pune kerkimore te vecante ne specialitetetet e te gjitha trevave shqiptare. Nje falenderim I vecante per ekipi e Eres I cili punoi ne Rezidence me nje profesionalizem te spikatur, korrektesi absolute, duke mikpritur mbi 800 te ftuar ashtu sic I ka hije Shqiptarit te prese miq! Nje experience e paharrueshme! Te falenderoj e dashur Olisa Porodini!

Darka e pergatitur nga Mrizi I Zanave ishte gjithashtu nje sukses ne prezantimin e shijeve qe I kane rrenjet ne vendin tone. Miku yne I shtrenjte Z. Altin Prenga e kuptoi me se miri qellimin tone per te prezantuar shijet tradicionale ne nje forme europiane gourmet. Falenderojme ekipin e Mrizit qe punuan me passion dhe packah lodhjes dhe ngarkeses, permbushen me se miri rolin e tyre.

Falenderojme mikun tone te shtrenjte Z. Krenar Xhaferri dhe Pastarella per gatimet e tyre te shijshme gjate festimeve tona!

Nje falenderim I vecante per te emblen Ana Lucia dhe Pastelito. Kjo vajze tejet e talentuar krijoi torten e dasmes, me shije te mrekullueshme, bazuar ne embelsirat arbereshe me baze kungulli. Torta u prezantua mbi nje platforme te vecante te sjelle me elegance nga Angio-décor.

Vleresimet tona gjithashtu per ruajtjen e te ftuarve tane nga Hoxha Security ne menyren me profesionale te mundshme!

Deshirojme te permendim dy mikeshate vecanta, Znj. Blerina Kllokoqi Rugova per fustanin e mrekullueshem te nuserise qe vazhdon te beje xhiron e mediave nderkombetare, si edhe Znj. Flora Suldashi per fustanin elegant dhe dinjitoz te pritjes ne residence, qe sot gjendet ne albumet e qindra te ftuarve.

Falenderim per mikeshen tone te shtrenjte Njomeza Luci e cila punoi dhe qendisi kepucet e nuses!

Falenderojme perzemersisht mikun tone te shtrenjte Z. Avni Delvina, I cili per disa jave rradhazi shkroi te gjitha ftesat me kaligrafine e tij te vecante, duke I kthyer ne nje kujtim te personalizuar dhe te vyer.

Deshirojme te falenderojme miqte tane te dashur qe realizuan endrat tona per nje dasem Shqiptare:

Magjia e dasmes ishte muzika dhe vallet tradicionale shqiptare dhe per kete falenderojme perzemersisht mikun tone te shtrenjte Z. Azgan Haklaj, I cili beri bashke te gjitha grupet e kengetareve dhe valltareve nga te gjitha trevat tona si Shqiperia, Kosova, Cameria, Mali I Zi dhe Maqedonia. Te gjithe bashke, me kostumet tradicionale te krahinave te ndryshme, I dhate jete dites sone!

Falenderojme per performancen e paharrueshme te muzikes moderne shqiptare miqte tane te Keli Band, vecanerisht mikun tone te vjeter dhe shtrenjte Z. Brikel Guga, kengetaren e mrekullueshme e cila na nderoi me prezencen dhe performance e saj Znj. Vikena Kamenica, kengetaret e talentuara Kemela Islami dhe Marsela Cibukaj. Ju I dhate sharm dites sone.

Falenderojme muzikantin e mrekullueshem Z. Alban Pengili per tingujt e paharruar te violines qe magjepsen darken tone. Te falenderojme qe performove kaq bukur repertorin tone kombetar.

Falenderojme Z. Altin Babameto dhe banden qe ekzekutoi Himnin Mbreteror, duke sjelle ne memorie tingujt qe percollen martesen e gjysherve te mi, Mbretit Zog dhe Mbretereshes Geraldine.

Deshirojme te falenderojme Korin e Liceut Jordan Misja per dashurine me te cilen te gjithe se bashku kenduan himnin kombetar!

Falenderojme Ekzonen dhe banden e saj, si edhe Dj Cool qe ndezen atmosferen e festes sone.

Falenderojme mikeshen tone te shtrenjte Znj. Edlira Sula per te gjithe punen e saj me qendisjet e pecetave, kostumet tradicionale shqiptare te shoqerueseve te nuses, si edhe stafit te sherbimit. Te gjitha keto I dhane bukuri dhe krenari dasmes sone shqiptare.

Deshirojme te falenderojme mikun tone te shtrenjte Z. Enklajd Malo per mbeshtetjen e tij te vecante.

Falenderojme mikun tone Z. Agim Kraja per mbeshtetjen e vecante. Z. isuf Neli per mbeshtetjen e vecante.

Deshirojme te falenderojme Z. Edi Topi se bashku me ekipin e kameramaneve te palodhur dhe te papertuar.

Deshirojme te falenderojme kompanine Prosound per te gjithe kujdesin qe treguan ne ndricim dhe audio, duke e bere atmosferen e dasmes perrallore.

Deshirojme te falenderojme ngrohtesisht fotografet zyrtare te dasmes sone, Z. Eduard Pagria dhe Z.Roland Balla.

Nje falenderim special per Znj. Ema Coku e cilat u kujdes per qendismat e sotopjatave me stemen e Familjes Mbreterore Shqiptare. Faleminderit per mbeshtetjen dhe energjine positive!

Deshirojme te falenderojme sponsored tane:

Fondation Culture Europe, Ruinart, Kantina Bardha, Birra Korca, Frutomania, Garden Line, Napoleon, Byshanasa, Steens Herrmode, AB Stjarntryck, Blerina Kllokoqi Rugova, Victoria Kliniken, Flora S, Pastelitos, Pastarella, Tradita Popullore

Faleminderit Media Shqiptare, keni qene te mrekullueshem ne pasqyrimin e dasmes!

Faleminderit Hotel Plaza, Rogner, Xheko Imperial dhe Sheraton qe mikpritet te ftuarit tane!

Se fundmi por jo nga rendesia, falenderojme te gjithe miqte tane te shtrenjte qe na kane dhuruar kaq shume dashuri, mbashtetje, dhe energji positive! Kjo energji na ka dhene te dyve nje gezim te pafund!

Falenderojme shume edhe te gjithe ata miq virtual te rrjeteve sociale te cilet na kane uruar dhe vazhdojne te na urojne, duke u bere pjese e gezimit tone!

Faleminderit miq! Faleminderit te gjitheve! Faleminderit qe nepermjet kesaj dasme, I bete nder vendit tone, qe e meriton kete vemendje positive nga e gjithe bota!

 

princi1

Aleati i Putinit emërohet konsull nderi i Serbisë në Rusi

Tomislav Nikoliq dhe Gennady Timchenko

Serbia ka emëruar Gennady Timchenko, një miliarder që është aleat i presidentit rus Vladimir Putin, si konsul nderi në Shën Petersburg.

Timochenko është shfaqur përkrahë presidentit serb, Tomisllav Nikoliq, në hapjen e konsulatës së nderit në Rusi.

“Do të jetë kënaqësia ime që të ndihmojë Rusinë dhe Serbinë që të gjejnë fusha për bashkëpunim”, ka thënë Timchenko gjatë ceremonisë hapëse të kësaj konsulate.

Statusi i konsulit të nderit është më shumë post ceremonial dhe nuk ka imunitet diplomatik.

Timchenko është në listën e personave ndaj të cilëve Shtetet e Bashkuara kanë vendosur sanksione, për shkak të konfliktit në Ukrainë.

Berisha: “Në Tiranë ka hyrë ‘Krokodili’, droga me benzinë që të kalb organet e trupit”

TIRANE- Një ditë pas publikimit të një videoje nga emisioni investigativ ‘Stop’ ku tregohej sesa e lehtë është të gjenden lloje të ndryshme drogash në lokalet e Tiranës, ku ndër më të rrezikshmet është edhe ajo e quajtur “Krokodili”, ka reaguar sot edhe ish-kryeministri Sali Berisha.

Më anë një mesazhi që i ka dërguar një qytetar dixhital, Berisha thekson se nga kjo lloj droge vinë të dhëna tronditëse, pasi sipas tij ajo të kalb organet e trupit. Mbrëmjen e djeshme, emisioni “Stop” publikoi një video-investigim, ku kamerierët e lokaleve u thonin klinetëve, se ishte e mundur që në këto lokale të gjendeshin të gjitha llojet e drogave.

MESAZHI I BERISHËS
Qytetari dixhital informon:
Te dhena tronditese per llojet e drogave qe perdoren ne lokalet e Tiranes nder to droga vdekjeprurese Krokodil qe u njoftua ne emisionin Stop te TV Klan. sb
“Pershendetje Z.Berisha
Mbrem u dha nje kamera e fshehur tek emisioni STOP, ne nje lokal ne tirane qe shisnin drogra te ndryshme por ma zuri veshin njera qe quhet Krokodil. Une kam pare emisione ne france te bera ne rusi per kete lloj droge .Dhe nese ka ceshtje neser per tu diskutuar ne parlament eshte kjo sepse eshte nje droge qe kur e fillon diten e pare pas 2 vitesh je i vdekur prandaj e ka emrin keshtu sepse lekura ne fillim mer ngjyren e gjelber pastaj kalbet dhe sulmon organet e trupit. Kjo lloj droge behet me perzierjen e medikamenteve me benzinen dhe injektohet sapo behet perzierja. Perdoret ne shtet e varfera sepse nje doze kushton maksimumi 5 euro. Prandaj ju kerkoj qe te mereni seriozisht me kete ceshtje sepse cdo lloj droge eshte e keqe po kjo eshte e tmerrshme .Ta mari vesh Saje Qorri e Edvini se nuk ka vetem hashash tani po kan fut dhe drogen me te keqe ne glob.
FALEMINDERIT”

Në Shqipëri kremtohet “Dita e Hashures”

Selinë e Kryegjyshatës në Tiranë me rastin e “Ditës së Hashures” e kanë vizituar personalitete të larta shtetërore, si ministra të kabinetit qeveritar, deputetë, përfaqësues të partive politike dhe përfaqësues të trupit diplomatik

TIRANË – Myslimanët bektashianë sot në të gjithë Shqipërinë kremtojnë “Ditën e Ashures”, ku është organizuar edhe një ceremoni e veçantë në selinë e Kryegjyshatës Botërore Bektashiane në Tiranë. Ceremonia ka filluar me fjalën e Kryegjyshit Botëror të bektashinjve, Haxhi Baba Edmond Brahimaj, ndërsa më pas besimtarët dhe të pranishmit e tjerë kanë vazhduar ritet fetare, duke vizituar ambientet e selisë së Kryegjyshatës për të shijuar ashuren e përgatitur me rastin e kësaj dite.

Selinë e Kryegjyshatës në Tiranë me rastin e “Ditës së Hashures” e kanë vizituar personalitete të larta shtetërore, si ministra të kabinetit qeveritar, deputetë, përfaqësues të partive politike dhe përfaqësues të trupit diplomatik.

Besimtarët e shumtë që vijnë nga të gjithë qytetet e Shqipërisë, por edhe jashtë saj vizitojnë edhe Faltoren Qendrore të Komunitetit Bektashi (Odeoni).

Origjina e festës nis nga Iraku, në përkujtim të nipit të profetit Muhammed, Imam Huseini. Dita e Hashures është dita e fundit e Matemit, ku në Shqipëri kjo ditë përkujtimore nga bektashinjtë kremtohet në ditën e dhjetë të tij. Kjo periudhë kohore nënkupton për besimtarët bektashinj zi, në kujtim të të rënëve në Qerbela.

Gjatë regjimit komunist kremtimi i “Ditës së Hashures” ishte i ndaluar, por filloi përsëri të shënohet pas vitit 1990, duke u vazhduar si traditë pa ndërprerë. aa

Kontributi i Klerit Françeskan në krijimin e Shqipnisë: ”Per fè e per atdhè, e bâj dèken si me lè !”

Voal – HERMESNEWS – Lidhja e Prizrenit dhe Kongresi i Manastirit: Lidhja Shqiptare e Prizrenit kjè nji përgjegje esenciale kryekrejet e burrave ma n’zâ shqiptarë ndaj vendimeve të Traktatit të Shën Stefanit që gjymtonte tanësinë territoriale të Shqipnisë, po ashtu edhe një përgjegje në “anteprima” e Kongresit të Berlinit që nuk goditi kurrgja në favor të Shqipnisë, por përkundrazi veç shkà e damtoi mâ shumë kurrizin e saj gjeografik të lënduem n’mote prej ndeshtrashave historike. Në këtë tervesë atdhetare fretënt s’mund t’ishin kund tjetër veç se kâmbëkryq me patriotët pjesëmarrës, kù nji pjesë e mirë e këtyne të fundit ishin besimtarë të famullive të tyne, bajraktari i Shkrelit Marash Vata, Çun Mula i Hotit, Dodë Preçi i Kastratit, Mar Lula i Shalës, Gjeto Gega i Shllakut e të tjerë, të gjithë të organizuem a priori prej fretënve me marrë pjesë në lamën atdhetare ku i lypte nevoja dhe e mira e Kombit. Rreth kësaj mendësie formative atdhetare, At’ Camillo Libardi – në librin e tij me titull “Misionari shqiptar në fushë t’betejës” dokumenton ftesën që françeskani Albert Gracchi ipeshkëv i Pultit u bân burrave të maleve që t’bashkohen e të mbrojnë vëndin e tyne – shkruen: “Komiteti i Lidhjes Shqiptare per mprojtjen e atdheut ka dergue disa burra nder këto male, per me mbledhë ka nji luftar per shpì e me u bashkue sa ma parë në lamën e luftës, në mënyrë që të gjithë Shqiptarët, kristjan e muhamedan, të prapojnë ushtrine anmike. E za per detyre me u kshillue ta kini fort per zemer tansinë e atdheut tuej. Zoti e atdheu jane gjâ e shejte. Per keta sdo të na dhimbet jeta.Gjaku ynë do të derdhet për ta kurdo ta lypi nevoja. Pra mos u zhburrnoni në këtë rasë kaq me randësi. Bashkonju si burrat me vllazent e juej në mprojtje t’atdheut kundra të huejit, e tue kenë të gjithë të bashkuem kini me kenë të sigurt se Zoti i Fitoreve ka me kene me ju. Gajretni e bani me dite Botës se nder dèj tuej rrjedhe se rrjedhe gjaku i burrave te parve tuej aq ne zà”.

[Camillo Libardi ofm, “Il missionario albanese sul campo di battaglia” ]: Ky apel na vetëdijëson se sa për zemer e kishin fretënt çâshtjen e atdheut, e se si ato tuj mos lanë mànet meshtarinë e tynë, – dimensioni kostitutiv i ekzistencës sëtyne, prej ku nxjerrnin forcën dhe energjitë e nevojshme për veprim – ishin njisue me të gjitha kategoritë sociale të k

ohës; me eruditët, patriotët, gjuhtarët, diplomatët, gazetarët aq sa, ishin të gatshëm kurdoherë të flijoheshin në altarin e atdheut per idealet e shêjta të lirisë, gjuhës, besimit e perparimit. Në këtë lamë veprimi, në vertetësi të gjakut të fratit që shkoj rrëkaje per Fe e per Atdhe n’shekuj (khr. Nekrologun e Provincës Françeskane Shqiptare perpilue prej At’ Marjan Preles, fretënt që vjerren n’hù në Pazar të Shkodres), kohë mâ vonë, Fishta në vehten e parë do të personalizonte të tanë sivllaznit e tij e do t’shkruente: “Edhe un frati tham t’ verteten, me mysliman e bâj fli veten, varem n’krrabë, lidhem n’vargoj, e Shqypninë nuk e lshoj” ose “Vërtetë ne kemi Bajram e Pashkë, por Shqiptarinë e kemi bashkë”. Kurse n’hak të Lidhjes së Prizrenit, që e përqukon me kangën omonime, ndër të tjera ven n’pàh ndergjegjen e lindun kombëtare të katolikut të maleve: Se ti, pasha at Sh’Marrabé! Sá per t’ dalun zot un vendit, Me m’qortue nevojë nuk ké. Pse, se â zânun kjo Shqypní, Un kam ndêjë me pushkë per faqe, E per vend e per lirí, Kam rá pré, kam bâmun gjaqe. Kam shkue jeten si bishë malit, Zdathë e zdeshë edhë pá ngrânë; Por as Mbretit, por as Krajlit ,Tungiatjeta s’i kam thânë. Un kam ruejtë gjûhen shqyptare; Un kam mbajtë doke e kanû, E as per pare e as per timare, Gjak e t’ Parë s’i kam mohue. Prandej, Shkjau me pasë per t’msý, E me dalë kndej kah Shqypnija, Si po thonë se ká vû sý, Ká me u ndeshë, po m’ armë të mija, M’ armë të Lekve e t’Dukagjinit, Qi, me ndihmë të Perendís, Kan m’i a thye pleqnín Berlinit, Kan m’i a pshtue lirín Shqypnís.

Fretent kaq fort e kishin n’gjak fatin e atdheut saqë me shpirtin e tynë të sakrifikimit kishin ènde edhe dishepujt e tynë; me ju pergjegje thirrjes së atdheut në çdo dekik kjoftë edhe -siç theksojnë rreshtat e mâsiperm- tuj ndejt zdathë, zdeshë e pa ngranë. Posë këtyne besimtarve të gatuem shpirtnisht e kombtarisht në magjën e fretënve, nuk duhet të lamë në harresë edhe kontributin monumental të dy fretënve italian misionar në Shqipni, Pader Pjerbattista Grumelli që kjè vetë i pranishëm në LP dhe që ndhihmoi popullin e Gjakovës me largue Maxhar Pashën dhe Mons Dario Bucciareli-n që vdiq ipeshkëv po n’at vjetë n’Prizren e që pat shkrue edhe nji gramatikë në shqip që as sot e kësaj dite s’i dihet fundi [Khr. “Hylli Drites”, Viti 2012, fq. 95]. Te dy këta bìj t’urdhnit serafik përtej ndihmës konkrete shpirtnore e materiale që dhanë n’terren, vazhdimisht ndërmjetësuen për token arbnore me qarkoret e tyne drejtue Fuqive të Mëdha në mbrojtje të popullit dhe të tanësisë së tokave shqiptare. Mènjihere mbas këtij organizimi kombëtar, fretënt nuk ndejtën tuj shtì rruza n’pé, por iu përveshën punës njashtu si gjithmonë, vazhduen me organizimin e qelizave të vogla atdhetare në zonat ku shërbenin, me qarkoret në arenën nderkombëtare dhe me shkrimet në gjuhën shqipe me qëllim me formue pashaportën e identitetit gjuhësor të shqiptarit, identitet ky që ka me këne nji ndër kërkesat themelore të memorandumit të Greçes. Në krijimin autonomisë gjuhësore, që âsht gur themelit për pamvarsinë e çdo populli, veprat e fretënve patën nji jehonë shpërthyesë në nivel kombëtar e ndërkombëtar.

Mund të lakojmë emnat e: P.Leonardo de Martino da Greci që përktheu “Mundimet e Jezu Krishtit” të P. Metastazit dhe botoi poezitë e veta në vëllimin “L’arpa di un italo-albanese”, Venedik 1881, poezi të përshpirtshme dhe patriotike, me të cilat i siguroi vedit pavdekësi në letërsinë Shqipe. Shkroi dramën pastorale “Natë Këshëndellash” çfaqë në Shkodër në vj. 1880. Kje ndër dramat e para shqipe.

P. Camillo Libardi da Levico per 40 vjet misionar në Shosh të Dukagjinit, përkrahës i lëvizjeve për liri dhe organizues i popullit të Veriut në luftën kundër batalioneve ushtarake të Shefqet Turgut Pashës. Përktheu shqip, “Pesmdhet biseda të Shën Leonardit”, Shkodër 1900, dhe botoi katër libra tjerë historikë mbi Shqipni.

P. Francesco Melchiori da Breno, ndërtues i kishës në Gjuhadol – Shkodër dhe arqipeshkëv në Durrës, shkruen doracakun per Terciarë “Sullet e rregullat e III Urdhën”, Shkodër 1896. P. Fabian Barcata nga Tiroli, misionar në Shqipni prej vjetit 1896-1908. Ka shkrue disa romane me tematikë nga jeta sociale shqiptare, në gjuhën gjermane, sikurse: “Kumbona e Thyeme”, “Gjaku i falun”, “Lule” e të tjera qe s’po i lakoj për efekt hapsine. P. Lovro Mihaçeviq nga Bosnia, per 10 vjet edukator e drejtor i kolegjës së Troshanit dhe Provincial nga vj. 1906-09, shkruen kujtimet e tij nepër tokën tonë me titull “Nëpër Shqipni”, dhe “Shenjime nga Historia Shqiptare” plot ndjesi e dashni per popullin e vuejtun Shqiptar ( per mâ shumë shif veprat e At’ Vinçenc Malaj). Prà siç shifet kjartë, rrezulton se kurrnjì vehtje morale në Shqipni nuk mund të paraqesë vepra mâ shumë e mâ në shèj në lamen shpirtnore, kulturore dhe kombëtare se Françeskanet.

Ky mundë e kjo djersë n’favor të pergatitjes së themeleve ku në 1912 do të ngrihej kulla e pamvarsisë, do t’u kunorzonte vendosmënisht më 1908 me Kongresin e Manastirit. Në atë Kongres – siç mirë e dimë – merrnin pjesë katolikë, muslimanë e ortodoksë, patriot të pushkës e njerz të pendës, të grishun prej atdheut me misionin e mirëpërcaktuem: për formimin e statutit epistemologjik të gjuhës shqipe dhe për të dlirunit e saj nga të gjitha rrymat e hueja ndikuese. Në ketë mbledhje të gjithë njizanit, falë edhe ndërhymjes shumë të çmueshme të atdhetarit fort të nderuem, hoxhë Ibrahim Efendiut zgjodhën si kryetar të komisionit të alfabetit, kolosin e letrave shqipe, nxânësin e fretënve të naltpermendun, At’ Gjergj Fishtën që bashkë me krejt anëtarët e tjerë të komisionit patën meriten e veçantë të krijimit dhe promovimit aty e andej të ketij alfabeti që na e mësojme edhe sot e kësaj dite neper shkollat tona. Kërkesa e kombëtaristëve shqiptarë ishte që gjuha jonë Shqipe të mos shkruhej as me shkronja arabe, as me shkronja greke, por me alfabetin latin, gjë që nânkupton mosnënshtrimin kjoftë ndaj otomanëve e kjoftë ndaj grekëve. Kongresi vendosi me votë unanime me shkrue gjuhën shqipe me alfabetin latin që përdoret deri më ditët tona.

“Ata, të mendshëm e të urtë, megjithësè anësuen e vendosën alfabetin latin me shkrimjen e dy bashkëtingëlloreve aty ku latinishtja s’kishte zânet tona (ll, sh, th, dh, nj, rr, zh, xh, gj) s’i ndaluen alfabetet tjera në përdorim, si atë të Agimit, as të Stambollit. Këto, dalëngadalë, i përjashtoi populli vetë dhe përvoja e kohës, aq sa sot s’i bjen në mend kujë me kthye dalë” (P. Daniel Gjeçaj, intervistë për revistën “Zani i Shna Ndout”, Tuz). Në ketë pështaf librash të çmueshëm të shkruem në vite të ndryshme si nga autorë klerikë po ashtu edhe laikë të asaj kohet e per me ardhë deri te autorët e sotëm Reshat Nexhipi, Tomor Osmani, etj., del ashiqare se merita të mëdha për bashkimin e të tre alfabeteve kâ pasë klubi “Bashkimi”, kurse si individ i veçantë meritë unikale kà pasë -per antonomazi- Homeri i Shqipnisë. Kjo vërehet mà s’mirit kur ai paraqitet në foltore dhe drejtohet para të gjithëve me fjalët: “S’kam ardhun që të mbroj asnjë alfabet, por, të mbroj një alfabet të përbashkët”.

Ja si e pershkruen Fishta këtë episod: “Ishim nga të gjitha skajet e Shqipnisë dhe të kolonive shqiptare ndër dhena të hueja. U treguam me të vertët shqiptar sepse kurnjani nuk donte me i lëshue asnji fije penit nga mendimi i vet atij tjetrit. Kongresi duhej të shpërndahej pa marrë kurrnji vendim. U terbova nga inati, U çova në kambë e u fola: – O burra shqyptarë po a me të vërtetë do t’i lamë marre vedit para të gjithë botës? Po a mendoni ndopak se çka do t’u thomi shqyptarëve kur të na pvesin se çka keni ba ju dijetarët atje në Manastir?Çka do t’u thomi na njerzve të pashkollë që nuk dijnë as me shkrue as me këndue?… Na jemi që mendojmë me ba Shqypninë e si do ta bajmë atë kur na nuk duem me u marrë vesht ndërmjet vedit se si duhet me u shkrue germa A e ajo I? Burra po u flas me zemër në dorë se asht marre e turp e faqe e zezë me i lanë marre vedit para popullit shqyptar e para tanë botës, që pret dishka prej nesh e na të kthejmë pa kurrgja në dorë ndër shpija tona. Po ulnju burra, ulnju sheshit e pse të kalojmë edhe nji ditë ma shumë në kët vend, mos ta lamë duerbosh popullin që na pret!…

– Aferim! P.Gjergj!… Aferim të kjoftë, bërtiti më të madhë një hoxhë me mjekërr. Ai u çue në kambë e erdh drejt te un, e më puthi në ballë e më tha: – Kështu flet shqiptari që e di që asht shqiptar!… Ulnju burra, – u tha, – ulnju këtu në shesh të zgjedhim një komisjon e në krye të vemë Pader Gjergj Fishten e vetëm komisjoni do të caktojë se shka duhet të bajmë sot-për të mirën e popullit shqiptar neser… Fjala e tij u ndigjue me duartrokitje e më caktuen Kryetar të Komisionit të Kongresit të Manastirit, i cili do të delte bosh sikur mos të ishte tregue toleranca e eme që të pranojshm dy alfabete njiherit, atë të Stambollit që kërkonte Mit’hat Frashëri dhe kët që u vendos. Kjo sjellje e eme në Kongres të Manastirit më ka kushtue mjaft shtrejt në jëtë sepse Abat Doçi, të cilin un e përfaqsova në atë Kongres m’u idhnue e kur u ktheva më tha :Pater Gjergj, un të kam dijtë si nieri që nuk ban kompromis në jetë!… Por Shqypnija nuk mund të bahej ndrysh”… [ LM, me parathanie të Pader Zef Pllumit, BF., 2010.]

Me fjalët e tij, në punimet e këtij Kongresi, tregoi që nuk kish ardhë me përça por me bashkue, se nuk kishte ardhe me i mbajtë pajën perendimit e as latinit, grekut e as sllavit por me i vnue themelet i herë e mire gjuhes amtare. E nuk ishte gjâ aspak e rastit kur kleriku musliman Ibrahim Efendiu në prani të të gjithë të pranishmëve del në foltore dhe me lot në sy e përqafon Gjergj Fishtën. I nderuemi Ibrahim Efendiu e kishte kuptue mire peshen e fjalëve e shpirtin e Fratit dhe po shifte në të atdhetarin e vërtetë që nuk luftonte per interesat vetjake e të familjes religjoze që i përkiste por per t’ mirën, perparimin dhe bashkimin e popullit t’vet. Kjo kjè Shpallja e Parë e Pamvarsisë.

1.2 -Ngritja e Flamurit n’bjeshkë t’ Deçiçit prej Dedë Gjo’ Lulit dhe Françeskanëve në 1911 dhe valvitja e dytë n’fusha t’Vlonës në 1912: Ngallënjimit të naltpërmendun me karakter kombëtar i shtohet edhe “qershia mbi tortë”, ngritja e flamurit n’Deçiç të Malcisë s’Madhe në v.1911. Kreshniku i permendun Dedë Gjo’ Luli i Hotit bashkë me burrat orëmdhâj të Dukagjinit e të Shkodres n’kajde t’pendës e t’pushkës e kryen këtë akt sublim per shlirimin e Kombit nga thundra e hershme e Otomanëve. Ky kjè flamuri i Lirisë dhe i bashkimit, i gjuhës shqipe dhe i pamvarsisë, kjè flamuri që tundi themelet 500 vjeçare e që i dhâ me kuptue Evropes se Shqipnia nuk qëndron mâ nân hyqmin e kurrnji pushtuesit.

Kryengritja e fillimit të dekadës së dytë të shek. XX, i tregoi Europës, se kishte ardhë koha të shkundej nga soditja indiferente, qi i bënte ngjarjeve në trungun e vjetër të Europës Juglindore, në trajtimin e çeshtjeve shqiptare, paralajmëroi fuqitë e ndryshme ballkanike, që ëndrronin një coptim midis tyre të Turqisë europiane, se trojet abërore nuk do të ishin nji kafshatë e lehtë për t’u gëlltitë nga orekset e tyre të pangopshme [khr. R.Gurakuqi, “Shqiperia” 1911-1914].

Famullitarët e zonës kryengritëse ishin 6 françeskan, barì shpirtnuer fort të dashtun prej popullit edhe njiheresh pishtar të pamvarësisë, Pater Karl Prennushi i Vuksanlekajve, Lorenc Mitroviç i Bajzës, Mati Prennushi i Kastratit, Sebastjan Hila i Rapshës, Bonaventurë Gjekaj i Grudës, dhe pader Luigj Bushati famullitari i Traboinit, bashkë me ta në organizimin e maleve kryengritëse kjèn edhe P.Luigj Kataneo, Dom Luigj Bumçi dhe Dom Ndre Mjeda. Kurse arqipeshkvi i Shkodres Emzot Jak Sarreqi ishte ndèr figurat kryesore shqiptare që u perfshì me mish e shpirt për ngritjen në kâmbë të opinionit evropjan në arenen nderkombëtare, e që u angazhue në mardhjanjet diplomatike me Vatikanin, me shtetet e tjera evropjane dhe me moderimin e bisedimeve me qeverinë turke që në atë kohë ishte drejt dekadencës së plotë. Ai, që herët, në një interviste dhënë dy korrespondenteve të dy gazetave europjane, asaj italiane “Il corriere d’Italia” dhe asaj Londineze “The times”, me dt 27 maj 1911, pytjes se çfare kërkojnë shqiptarët, u ishte pergjigjur shkurt dhe prerë : “ AUTONOMINE. Tashmë jemi lodhur nga sundimi…(turk) (Idem., fq 212).

N’kët kohë, n’krah tjetër të maleve t’veriut françeskani At’ Bernardin Llupi famullitar i Nikaj – Merturit, atdhetar i shquem organizonte vazhdimisht patriotët e famullisë së tij që t’i dilnin zot tokës dhe fesë së tyne e t’i bânin ballë me shka t’mundshin pushtuesit. Por perveç klerit katolik, françeskanëve, vllazenve mysliman duhet të vlersohet edhe ndihma që shteti austriak dhe aj italian i dhânë kryengritësve shqiptar e që realisht ndikuen fuqimisht në mbrojtjen e të drejtave dhe të lirive të shqiptarve në të gjitha drejtimet.Me angazhimin e Ettore Ferrari-t, kryetar i partisë Republikane, në Rromë u formue Comitato italiano pro Albania, ndèrsa në Napoli Comitato italo-albanese pro Albania. Veprimtaria e këtyne komiteteve kishte si qellim mbledhjen e ndihmave në favor të kryengritësve, në organizimin e tubimeve politike dhe në sensibilizimin e vullnetarve që të merrnin pjesë fuqimisht në kryengritje për të fitue lirinë e tyne. N’krah tjetetër si kunderpergjegje e këtyne veprimtarive në fronte të ndryshme të shqiptarve, pushtetarët turk në heshtje dhe me dinakëri u orvateshin pa prà që me anë të disa letrave të publikueme këtu e aty në fshehtësi të rrënin sidomos myslimanët e Shkodres me qellimin per të shtì ngatërresë mes tyne dhe katolikëve, prà per me krijue percamje n’mes t’popullit, por këtë objektiv kurr nuk mbërriten me e rrealizue edhe pse bânen shumë tentativa, sepse myslimanët kishin lidhje gjakut me malcorët dhe sepse prijësit katolik biseduen fshehtas me prijësit shqiptar mysliman. Edhe të gjithë u ndërgjegjësuen se duhet të bashkëpunonin së bashku për të drejtat e shqiptarve dhe për nji Shqipni të pamvarun.

Si klerikët françeskan po ashtu edhe ato dioçezan ju drejtuen disa herësh arqidukës Franc Ferdinand të perandorisë austro-hungareze po ashtu edhe Selisë së Shêjte – Propagandës Fide që të mbështetnin popullsinë e maleve dhe që t’iu gjindëshin ngiat forcave kryengritëse. Bashkëbiseduen pà frikë me përfaqësuesit e ndryshëm turk dhe ndèr të tjerë edhe me Shefqet Dergut Pashen e Saddredin Beun, por gjithmonë pà rrezultat, nuk u përkue asnjiherë në nji marrveshje të mirfilltë. Malcorët e etun për liri donin që qeveria t’u plotësonte disa kërkesa që kishin bâ në formën e memorandumit, e ky dokument u ligjue me ëmnin “Libri i Kuq” (kishte kopertinen e kuqe). Ndèr të tjera “ ky liber permbante edhe disa pika që Luigj Gurakuqi i kishte pergatitun për të gjithë Shqipninë” (Luigj Bumçi, “ Nga kujtimet e mija”., HD, v.1944, nr. 5, fq. 16). Malcorët për me mbërritë kërkesat e tyne u detyruen që të mbledheshin disa herash në sofren e bisedimeve edhe me qeveritarët turq, e nji ndër ato mbledhje kjè ajo e Triepshit ku në ndêr të malcorve foli Marash Uci e nder të tjera theksoj: “që të thomë të drejtën qeveria e Stambollit nuk ka asnji të drejtë mbi Malësinë të cilin në këtë kongres ja kish lanë Malit të Zi. Kena kënë ne që me armët tona kemi ndalue Malin e Zi të pushtojë Malet tona.

Por prap mas dò kohet mas mbledhjes së Triepshit ministri turk Saddredin Beu i çfaqi dëshiren Arqipeshkvit per me u takue me krenët e Malcisë. Ja si e pershkruen Luigj Bumci takimin “erdh ministri, e malcoret ishin mbledhë në nji odë të nji shpis në Podgoricë per me u pa me ministrin, ku e percolla un si drogoman qi me pat shënjue Arqipeshkvi. Ishin n’at odë, për shka me bje ndër mend: Dede Gjo Luli, Dedë Nika i Grudës e disa të tjerë. Para se me hi Mnistri, shkova te malcort e u thaçe qi të dàshin nji ndër ta qi të flitte n’emen të të gjithëve. Dànë Dedë Gjo Lulin. Si hime në odë Ministri u fal me ta e u thotë: Zotni kam ardhë prej Cetinjet me u pa. Dede Gjo Luli po i pergjegjet: S’na ka pasë marrë malli për ty. Mue m’u dote me i a perkthye. Si u ulem e ndejem po i thotë ministri: “ Mbreti ju do e ju ka falë. Dedë Gjo Luli nuk e la me mbarue, e me i here i tha: Mos na përmend Mbretin pse skemi pune me te. Aj as nuk na njef as nuk i di punet tona. Por ju që vini mbas Mbretit jeni te tana hajna e me na fike, e ju e rreni si per ne si per te tjeret. Pra aj nuk ka shka na fale. Atbotë Ministri sillet kah une e më thotë: Po pyeti kta Zotni at librin qi kta permendin a e duen per vedi a për të gjithë Shqipnin? Dede Gjo Luli aj pergjegji: Ato pika qi jane n’at librin e kuq i dona ma parë për veti, mandej per Shqipnine mbarë. Ministri, i cili gjatë këtij kuvendi nuk kishtë mujte me majtë gjakftoftesisnë u çue mjaft idhnueshem e me tha: thueju se s’kam me ardhe ma me i pa. Dede Gjo Luli po i pergjegjet s’na ka pasë marrë malli per ty. Kështu mbaroi ky kuvend pa kurrfarë kënaqësi si pat fillue.

Në 1915 Deda ndëroj jetë e kaloj në amshim e eshtent e tij pushuen në vorrin e kishës së fretenve në Shkoder, po në të njâjtin vorr kù pushuen edhe eshtnat e Fishtës në 1940 (kronisti i parë i epopes së 1911), e me shumë keqardhje e me shume dashni u percuell me lutje e me “Requiem aeternam” prej françeskanëve e prej njì pjesët të shkodranve e të malcorve të tij. Por pushteti i eger dhe anti perparimtar komunist, eshtnat e tij bashkë me ata të Fishtes e të shumë martirve katolik i treti në rrjedhën e lumit Kirë.

“Pash, o Pash, t’ rrnoft bajraku, Ndigjo Deden ç’asht kah flet:

Për pa rrjedh der n’sylah gjaku, Knjazi vendin tem s’e shklet!

Ah! Qe prep don t’na dajn copa! Prep mendimi i par asht ngjall!

Por ta marr vesht tan Europa: Ded Gjo’Luli prap asht gjall!”

Kurse i ndjemi prof. dr. Simon Pepa në lidhje me këtë çashtje pohon: “Dhe është për të ardhur keq se kjo luftë, këta heronj dhe vetë kryetrimi Ded Gjo’Luli për vjet e vjet u lanë në harresë. Lufta dhe ngritja e Flamurit në Deçiç, përmendej sa me thanë, emri i heroit vetëm sa citohej. Dhe ajo që është rrënqethëse është fakti se mjaft nga nipat e stërnipat e Ded Gjon Lulit, si dhe mjaft klerikë që morën pjesë me mendje e penë në përpjekje për çlirim u masakruan në mënyrë të tmerrshme. Ata hynë në rrugën e mundimeve tamam si në ferrin e Dantes (Simon Pepa: “Gjurmime kulturore”, Shkodër, 2000, fq.224)”. Heroizmin e fatosit të lirisë, plaku i Vlonës Ismail Bej Qemali, gjatë vizitës qi i bâni ky i fundit në Vlonë (mas shpalljes së Pamvarsisë me 28 nantor 1912), do t’a perkufizonte : ‘Dedë Gjo’ Luli pushk e ngrehun për Shqipnin’. Shkrimtari, folkloristi At’ Donat Kurti Ofm, në përkujtim të 50-të shkollës së njohun françeskane thotë:

“N’at dit (6 prill 1911) Shqyptari njimend mushi mushknit me frymët’liris e brittë n’zemer t’vet: “Rrnoft Shqypnja’ tuj ba jeh në ket mnyrë Flamurit t’Shqypnis të ngrehun me guxim e trimni, po n’at vjet me 6 Prill 1911 prej Ded Gjo’Lulit në Bratile t’Deçiqit”.

Po sot Dedë Gjò Luli a âsht gjallë si n’rreshtin e fundit të poezisë së naltpermendun? Pse fotografia e tij nuk âsht krah për krah me atë të I.Qemalit në institucionet qeveritare shqiptare? Pse ngjarjet e 1911 nuk studjohen sot në tekstet shkollore si ato të 1912? Këto janë pyetje që nuk kanë nevojë për pergjegje shkencore se janë vetë të tilla, por janë nji stimul per rreflektimin personal të çdo shqiptari që e kà perzemer historinë e vërtetë të popullit tonë.Kjo kjè Shpallja e Dytë e Pammvarsisë.

L. Prizrenit, K. i Manastirit, kryengritjet e shqiptarve në Kosovë me Isa Boletinin, Shaban Binakun, Rrustem Kabashin, e në viset e tjera shqiptare në vitet 1910/12, ngritja e flamurit në Deçiç, rrevoltat në Bregun e Mates, në trojet e Dukagjinit, në krahinen e Mirditës, në qytetet e jugut, ngritja e zânit në arenen nderkombëtare ishin një shkëndi shumë e madhe pararendëse dhe vendimtare e Shpalljes së Pamvarsisë më 28 Nandor 1912.

Karl Gurakuqi, dishmitar i asaj kohë, në kujtimet e tij kà përcaktue se kryengritja e vjetit 1912 , ishte vetëm vazhdimi i një kryengritjeje mâ të hershme: “Shqipnia gjindet gjithnji nën pushtimin turk, por ka gjasë se do t’a këpusi qafen. Në Ballkan vlon kazani. Malcorët e Mbishkodrës me Ded Gjo’ Lulin në krye, e kishin nisë kryengritjen kundra Turkut në Malësi dhe në malet e Dukagjinit, qysh në vjetin 1910, dhe, me ndërpremje të vogla, po zgjatej tash dy vjet e po përhapej anë e m’anë Shqipnisë. Malcorët e Bregut të Matës, me Dëdë Cokun e me të vëllanë e këtij, Gjeton, me Llesh Nikë Dakën si kryetar, në vjetin 1912, në fillim, simbas shëmbullit të Malcise së Madhe së Veriut rrokën armët dhe iu ranë ushtris turke në Lezhe e n’afërsit e tija, tue i shkaktue humbje të mëdhaja. Stambolli filloj me u dridhë, se Shqipnia po i dilte dore [R.Gurakuqi,fq. 426].

Në këtë kontekst e një rândesie të veçantë âsht një intervistë botue në gazetën vjeneze “Zeit” nga kryetari i Mirditës Prenk Bib Doda, i cili gjindej në këtë kohë në Vjenë në kuadrin e pjesmarrjes së tij në “Kongresin Eukaristik” të organizuem nga Kisha Katolike. Simas tij, situata në Shqipni ishte shumë e tensionueme dhe shumë serioze. Shqiptarët kerkojnë pamvarësi nga pushtetarët e ndryshëm truk edhe nga ujqit grabitqar malazez.Ata kerkojnë autonominë, si katolikët po ashtu edhe muhamedanët janë të bindun dhe janë të bashkuem për mbërritjen e këtij qëllimi. Po ashtu shumë i randësishëm âsht edhe organizimi i shqiptarve të Bukureshtit të drejtuem prej Luigj Gurakuqit dhe Ismail Qemalit per me u ardhë në ndihmë shqiptarve kryengritës. Në vazhdimin e këtij ritmi ndikoj pozitivisht për Shqipninë, fillimi i sulmeve të shteteve ballanike kundrejt turkut, për dobësimin e tij në të gjitha drejtimet.

Të gjithë këto elementë nâ tregojnë se Pamvarsinë e Shqipnisë në 1912 nuk e pruni vetëm aktiviteti shumë dimensional i fretenve, as trimnia e Dedë Gjò Lulit, as dëshira e Ismail Qemalit, as gjenialiteti i Luigj Gurakuqit e as puna e palodhshme e Dom Nikolle Kaçorrit por u gdhënd falë sakrificës së të gjithe atyne trimave e diplomatëve katolik, ortodoks dhe muhamedan, atyne populli shqiptar duhet me ju falë nderës e me i perkujtue n’foltore t’adheut e emnat e tyne me i shkrue me germa argjandit n’pëlhuren e kuqë të flamurit kombëtar. Pmvarësia e 1912 nuk kjè kurrgja tjeter veç se Unifikimi i Dy Pamvarsivë të Mapërparshme. Luigj Gurakuqi, në një shkrim perkujtimor qe bân në nderë të kesaj ngjarje themelore për kombin tonë në Paris, – e që asht nji ftese shume aktuale qe i pergjegjet Shqipnisë së 2015- , na fton sot e kësaj dite të rrëmojmë ndërgjegjen e të njipërnjisohena me vuejtjet aktuale të popullit tonë e po ashtu të shtiem vaden e historisë n’hullinin e vet të vërtete:

“E Kremtja e 28 Nandorit duhet të jetë pra per ne të gjithë, jo vetëm nji ditë gëzimi e dëfrimi, por edhe një ditë pendimi në të cilën të mbledhim mendjen e të bajmë shqyrtimin e vetdijes s’onë. Në këtë ditë duhet të vëme të gjithë dorën në zëmër e të pyesim vetën t’onë ndë a kemi bamun gjithkund e gjithmonë detyrën qe kishim përpara Atdheut. T’i tregojmë pà turp e t’i njohim fajet t’ona, te harrojmë hidhnimet e anmiqësitë qi na ndajnë, t’i japim vllaznisht dorën njani tjetrit e të betohemi mbi besën e gjyshave t’anë se sot e mbrapa do të përpiqemi për të miren e Atdheut, për lulzimin e komit, për nderimin e flamurit t’anë (Revista “Kuvendi”, Rromë, 30 Nantor 1919). Historiani austriak Dr.Gr.Ulhorn tue njoftë mirë historinë tonë, i bindun për punën e çmueshme e të vazhdushme në shekuj të fretenve në shërbim të vlerave të popullit tonë pohon se: “Françeskanët prandej janë, nderohen e mbahen porsi Etent e Vërtetë të Popullit Shqiptar e të gjithë kanë uzdajë të plotë në Ta” ( HD.,1940).

Videoskandali i Shukri Xhelilit: Dua të të fus më shpejt në dorë, jam mprehur (dosja e prokurorisë)

Prokuroria e Krimeve të Rënda mbylli hetimet për ish-kreun e Bashkisë Dibër, Shukri Xhelili dhe ka çuar dosjen e tij në gjykatë me akuzën për korrupsion pasiv.

Në dosjen hetimore dalin detaje nga skandali seksual, ku Xhelili u filmua duke i kërkuar marrëdhënie seksuale një vajze në kërkim të një vendi pune.

 

DOSJA E PROKURORISE:

Në përfundim të hetimeve paraprake për këtë procedim penal kanë rezultuar të  provuara rrethanat e faktit si më poshtë:

Në datën 12.05.2016, në emisionin investigativ “Të paekspozuarit”, në televizionin “Ora News”, janë transmetuar disa pamje filmike, në të cilat shfaqet i pandehuri Shukri Xhelili, me detyrë Kryetar i Bashkisë Dibër, duke kërkuar në mënyrë të parregullt përfitime dhe favore seksuale në shkëmbim të emërimit dhe ngritjes në detyrë të punonjëses në Bashkinë Dibër, shtetases A.A.

Më konkretisht, ka rezultuar se në muajin Janar dhe Shkurt të vitit 2016 shtetasja A.A, me banim në Dibër, ka bërë përpjekje nëpërmjet formave të komunikimit në rrjetin social Facebook dhe më pas me anë të telefonit celular, për të marrë kontakte me të pandehurin Shukri Xhelili, Kryetar i Bashkisë Dibër, të cilit i ka prezantuar kërkesën për mundësinë e punësimit në ndonjë vënd pune pranë Bashkisë ose në vend pune tjetër. 

I pandehuri Shukri Xhelili, me cilësinë e Kryetarit të Bashkisë Dibër fillimisht është takuar me A. dhe i ka prezantuar faktin se nuk kishte vënde të lira pune, por në vijim do e kishte parasysh kërkesën e A. duke i kërkuar asaj të mbanin kontakte me anë të rrjetit social Facebook si dhe me anë të telefonit celular.  

Pas disa takimesh, i pandehuri Shukri Xhelili në cilësinë e Kryetarit të Bashkisë i ka kërkuar Anisës që të kishte një marrëdhënie intime kundrejt mundësisë për gjetjen e një vëndi pune, në Bashkinë Dibër, duke e kushtëzuar punësimin e shtetases A. A. vetëm nëse ajo pranonte të kishte një marrëdhënie intime me të pandehurin Shukri Xhelili.  

Shtetasja A. e gjëndur para kësaj situate, ka regjistruar bisedat me Kryetarin e Bashkisë Dibër dhe e ka pranuar kushtin por që këtë favor seksual ta pranonte pasi të punësohej. 

I pandehuri Shukri Xhelili, në cilësinë e Kryetarit të Bashkisë Dibër, me vendimin me Nr.25, datë 26.02.2016, ka vendosur emërimin e shtetases A. në detyrën e magazinieres pranë Qëndrës Kulturore, në Bashkinë Dibër. Vendimi i emërimit të shtetases A. në pozicionin e mësipërm është marrë pa u kryer më parë ndonjë procedurë emërimi si dhe njëkohësisht pa u paraqitur ndonjë dokumentacion nga shtetasja A.  

Në datën 26.02.2016 shtetasja A. është takuar me të pandehurin Shukri Xhelili në zyrën e këtij të fundit dhe ka rregjistruar bisedën e kryer midis tyre. Në këtë takim i pandehuri Shukri Xhelili ka nënshkruar vendimin e emërimit në punë dhe njëkohësisht i ka kërkuar shtetases A. që të dilnin së bashku atë ditë, se ishte përgatitur për atë ditë pasi kështu e kishin lënë, se ishte mprehur, se kishte një farë padurimi, se akoma nuk e kishte futur në dorë, se akoma nuk kishte pasur marrëdhënie intime. Nga ana tjetër, shtetasja A. i ka thënë se do të takoheshin ditën e hënë dhe se nuk po e gënjente.

I pandehuri Shukri Xhelili ka vijuar kërkesën e tij ndaj A. për të kryer marrëdhënie intime, duke i premtuar se në vijim mund t’i gjënte një vend pune më të mirë por gjithnjë nëse ajo do kryente më parë marrëdhënie intime. 

Pas një sërë takimesh i pandehuri Shukri Xhelili me cilësinë e Kryetarit të Bashkisë Dibër, ka lënë takim me A. në Tiranë me qëllim kryerjen e marrëdhënieve intime, kundrejt vëndit të punës që i kishte ofruar më parë Anisës dhe mundësisë në rregullimin e një vëndi tjetër më të mirë pune.

Në këtë mënyrë, në datën 13.04.2016 i pandehuri Shukri Xhelili është takuar me A. në Tiranë dhe pasi e ka marrë në automjetin e tij kanë shkuar në një hotel me qëllim për të kryer marrëdhënie intime. Pasi kanë shkuar në një nga hotelet e qytetit të Tiranës, i pandehuri Shukri Xhelili ka kryer veprime të drejtëpërdrejta dhe ka tentuar të kryente marrëdhënie seksuale me A. e cila duke gjetur justifikime, ka mundur të dalë nga dhoma dhe të largohet nga hoteli, pa kryer marrëdhënie seksuale, megjithë insistimin e të pandehurit Shukri Xhelili. 

Shtetasja A. ka rregjistruar me një telefon celular dhe me një pajisje videorregjistruese bisedat dhe veprimet e kryera nga ana e të pandehurit Shukri Xhelili. Gjatë hetimeve paraprake janë bërë kërkimet e nevojshme për të gjetur telefonin konkret celular dhe pajisjen videorregjistruese me anë të të cilave shtetasja A. ka rregjistruar bisedat dhe veprimet e kryera nga i pandehuri Shukri Xhelili. Është kryer sekuestrimi i pajisjes video rregjistruese por nuk është është bërë e mundur sekuestrimi i telefonit celular pasi shtetasja A. nuk e ka më në përdorim aparatin celular me anë të të cilit ka kryer 

Në rrethanat e mësipërme, i pandehuri Shukri Xhelili në cilësinë e Kryetarit të Bashkisë Dibër, ka kërkuar drejtëpërdrejtë nga shtetasja Anisa Alla përfitime të parregullta, konkretisht ka kërkuar përfitime dhe favore seksuale nga kjo shtetase, me qëllim për ta emëruar këtë të fundit si punonjëse në Bashkinë Dibër, si dhe me qëllim për ta sistemuar në një vënd më të mirë pune në të ardhmen.

Kërkesa për përfitime të karakterit seksual e të pandehurit Shukri Xhelili ka qënë si kusht që shtetasja Anisa Alla të punësohej në Bashkinë Dibër dhe të emërohej më pas në ndonjë pozicion tjetër më të mirë. Përfitimet e parregullta të karakterit seksual përfshihen tërësisht në anën objektive të nenit 260 të K.Penal, dispozitë e cila parashikon në përmbajtjen e saj “çdo lloj përfitimi të parregullt”, ku përfshihen si përfitimet materiale, përfitimet seksuale si dhe çdo lloj tjetër përfitim i parregullt.

Në rrethanat e mësipërme, i pandehuri Shukri Xhelili ka konsumuar të gjithë elementët e figurës së veprës penale “korrupsioni pasiv i funksionarëve të lartë shtetërorë ose i të zgjedhurve vendorë”, të parashikuara nga neni 260 i Kodit Penal.

I pyetur në lidhje me akuzën në ngarkim të tij i pandehuri Shukri Xhelili nuk e ka pranuar atë duke pretenduar se nuk ka prova që vërtetojnë fajësinë e tij, pretendime këto që nuk qëndrojnë dhe vijnë në kundërshtim me burimet e provave të administruara gjatë hetimeve paraprake, nga te cilat provohet plotesisht fajesia e te pandehurit per vepren penale qe eshte akuzuar.

Prezantohet plani i përgjithshëm vendor i Tiranës

Ai u shpreh se brenda vitit të parë të mandatit mbyllet ky plan, ndërsa në tre vitet e tjera do të bëhet implementimi i tij

TIRANË- Gjatë një aktiviteti të organizuar nga Bashkia e Tiranës sot është prezantuar plani i përgjithshëm vendor i kryeqytetit të Shqipërisë.

Në fjalën e tij gjatë këtij prezantimi kryebashkiaku i Tiranës, Erion Veliaj, u shpreh se ky vit ka qenë një vit intensiv punimesh.

Ai u shpreh se brenda vitit të parë të mandatit mbyllet ky plan, ndërsa në tre vitet e tjera do të bëhet implementimi i tij.

erionvvvv

“Ka qenë një vit rekord pune, një vit shumë intensiv. Edhe pse Tirana është qyteti më i madh, më vjen mirë që jemi të parët që e mbyllim planin urbanistik. Do të vazhdojmë me kalimin e planit në Këshillin Bashkiak gjatë muajit nëntor. Ky vit mbyll historinë e planit në vitin tonë të parë dhe pastaj tre vitet e tjera të punojmë për implementimin. Ne kemi realizuar rreth 100 dëgjesa publike, 3 të mëdha në nivel ekspertësh. Më vjen mirë që e mbyllim këtu tek Piramida e asaj që është metaforë e asaj që është qyteti”, theksoi Veliaj në fjalën e tij.

Qëllimi i këtij plani urbanistik, sipas kryebashkiakut Veliaj është tërheqja e banorëve të zonave të tjera urbane të Shqipërisë, drejt jetesës në kryeqytet. Sipas tij do të përdoren formula të reja për cilësinë e ndërtimeve. Gjithahstu sipas planit Bashkia e Tiranës parashikon një plan të ri për banesat sociale. aa

Më 9 tetor 2016 Papa Françesku shpalli Kardinal Dom Ernest Troshanin

Voal – Sot në lutjen e Engjëllit të Tenzot në orën 12.00 në Romë, Papa Françesku ka shpallur kardinalët e rinj, ndër të cilët edhe Dom Ernest Troshanin, për dëshminë e jetës së tij të krishterë.

Dom Ernest Troshani është i vetmi prift në të gjithë listën, që shpallet Kardinal për ta nderuar. Më 21 shtator 2014 ai dëshmoi para Papa Franceskut vuajtjet e tij dhe të Kishës shqiptare përgjatë komunizmit. Në mediat e gjithë botës shkoi përqafimi i përzemërt dhe përlotja e Papës, në takim me Kardinalin e dytë shqiptar, pas Dom Ernest Koliqit. Ky është një titull nderi që i jepet atij. Kjo do të thotë se Dom Ernest Troshani nuk merr pjesë në konklave, pasi ka kaluar moshën, por Kisha e nderon me këtë titull.

Kardinali tjetër përpara Troshanit ishte Ernest Koliqi, edhe ai i shpallur kardinal prej Gjon Palit II, për dëshminë e jetës së krishterë dhe për martirizimin. Ky është një nderim dhe mirënjohje që Papa Francesku i bën Shqipërisë përpara shpalljes së Lumturimit të 38 martirëve shqiptarë, që do të bëhet më 5 nëntor të këtij viti në Shkodër.
Vlerësimi i klerit shqiptar të përndjekur gjate komunizmit është shenja se ky kler i ka dhënë shumë Kishës katolike universale, sidomos me martirizimin e tij gjatë komunizmit.

Pastrim parash: Bosit 22-vjeçar i bllokohen 9 apartamente në Durrës

Gjykata e Durrësit i ka sekuestruar 9 apartamente një 22-vjeçari nga Durrësi, pasi dyshohet se ky është i përfshirë në një skemë të pastrimit të parave.

22-vjeçari Arlind Kalaja zotëron 9 apartamente në bulevardin kryesor të qytetit me vlerë prej 260 mijë eurosh.

Mirëpo, ai nuk ka asnjë burim të justifikuar të ardhurash. Sipas hetimeve, dyshohet se ai dhe i ati i tij, i kanë siguruar paratë me punë të pista në Itali.

HETIMET

Fillimisht, hetimit ndaj shtetasve Kalaja ka nisur nga Prokuroria e Durrësit, në muajin Prill 2016, në bazë të informacioneve se këta shtetas kanë qarkulluar shuma të konsiderueshme parash në llogaritë e tyre bankare.

Më tej, hetimi iu përcoll Prokurorisë për Krime të Rënda, e cila po zhvillon hetime në kuadër të ligjit të njohur si “Antimafia”.

Deri në këtë fazë të hetimit, Prokuroria ka krijuar dyshime të arsyeshme se shtetasi Fatmir Kalaja ka përfituar shuma të konsiderueshme parash në Itali, ku është proceduar për vepra penale vjedhje, vrasje me dashje, pezullim të patentës për drejtim mjeti.

Prokuroria për Krime të Rënda ka krijuar dyshimet se të gjitha këto pasuri të paluajtshme (9 apartamente me vlerë të deklaruar në kontrata rreth 260 mijë euro) dyshohet se janë fituar nga personi i hetuar Arlind Kalaja, si rezultat i përfshirjes së tij në aktivitetin e pastrimit të parave, që rrjedhin nga aktiviteti kriminal i babait të tij të dyshuarit tjetër Fatmir Kalaja.

Dyshimet e transmetuara nga shteti italian mbi precedentët kriminalë të këtij të fundit, blerja e këtyre apartamenteve në një kohë shumë të shkurtër brenda dy muajve të vitit 2014 (shtator – tetor 2014, si dhe çmimet e shitblerjes nën vlerën reale të sendeve (sipas shënimeve në kartelat e pasurisë dhe në deklaratat noteriale, konstatohet lehtësisht që të gjithë apartamentet e blera nga Arlind Kalaja, janë përftuar me gjysmën e çmimit real të tyre), ka ndikuar në realizimin e veprimtarisë kriminale për të cilën dyshohet Arlind Kalaja.

Mungesa e të ardhurave të ligjshme (duke mos patur asnjë aktivitet ekonomik në Shqipëri, shumat e parave që kanë qarkulluar në banka, në format e kreditimit dhe debitimit), moshën e re të Arlind Kalasë, vetëm 20 vjeç në kohën e përfitimit të pasurive, shtojnë dyshimet mbi burimin e të ardhurave të të dyshuarit Arlind dhe babait të tij, të dyshuarit tjetër Fatmir Kalaja.

Rritje e ndjeshme e sipërfaqeve me marijuanë

Në Shqipëri fenomeni i kultivimit të marijuanës mbetet shqetësues. Shifrat e publikuara sot nga policia shqiptare në përfundim të misionit të monitorimit nga ajri nga ana e Guardia Di Finanza-s italiane tregojnë se sipërfaqet e zbuluara janë gati 5-fishuar, ndërsa numri i bimëve të asgjësuara ka arritur mbi 2.4 milionë

Përtej debateve politike mbi fenomenin e kultivimit të marijuanës, fakt është se përhapja e saj është në nivele shqetësuese. Goditja që ju dha në vitin 2014 Lazaratit, fshat që ishte kthyer në simbol të marijuanës, edhe për gati paprekshmërinë e tij, pritej të pasohej nga një frenim i aktivitetit të kultivimit të cannabis sativas. Në vitin 2013 vetëm sipërfaqja e mbjellë në Lazarat llogaritej të ishte 319 hektarë. Dy vjet më pas, kur ky fshat ishte fshirë nga harta e marijuanës, sipërfaqja ishte 44,7 hektarë, ndërsa këtë vit mbi 213 hektarë.

Ndonëse policia thotë se ajo ka rritur goditjen e saj, dhe se këtë vit avioni i specializuar i Guardia di Finanza-s italiane fluturoi 16 orë më shumë dhe mbi një sipërfaqe më të madhe, afërsisht në 17 përqind të territorit, rezultatet edhe nga shifrat e larta të bimëve të asgjësuara, mbi 2milion e 400 mijë të tilla, nuk flasin për një frenim të fenomenit.

Madje trafikantët kanë nisur të përdorin dhe fara të reja: “Këtë vit është evidentuar një bimë narkotike me një cikël më të shkurtër, 45-50 ditëshe e cila rezulton te jetë mbjellë na afërsisht 70 përqind të sipërfaqes, por me një efektshmëri të prodhimit të bimës më të ulët se ajo klasike”, deklaroi Drejtori i Përgjithshëm i policisë shqiptare Haki Çako. Ai tha se janë 400 autorë të identifikuar dhe se në pranga kanë përfunduar 248 persona. Ndërsa në ndërhyrjet e saj, policia ka angazhuar 8900 forca policie dhe mbi 2600 mjete të cilat janë shoqëruar dhe me një kosto prej mbi 520 milion lekësh, afro 4 milion dollarësh.

Përfaqësuesit e Guardia di Finanza-s italiane vlerësuan angazhimin e policisë shqiptare dhe bashkëpunimin me ta, duke sugjeruar që për vitin e ardhshëm: “fushata e fluturimeve ajrore të vijojë. Ajo të nisë që në muajin maj e jo në qershor, si dhe të shihet mundësia e pjesmarrjes në operacionet e asgjësimit të bimëve dhe të vëzhguesve të huaj nga vendet partnere”, tha Jeselito Minuto, Drejtor i qendrës operative të Guardia di Finanza-s italiane.

Pak pas publikimit të të dhënave, kreu i opozitës Lulzim Basha i cilësoi ato si alarmante, duke drejtuar sërish gishtin e përgjegjësisë nga qeveria: “Edi Rama dhe Saimir Tahiri janë brenda në organizatën më të madhe të drogës që është vetë qeveria. Këta janë Al Kaponët e drogës.Droga e 5-fishuar në territor është pra vepër e Al Kaponeve në qeveri, në bashkëpunim të ngushtë me kartelin e drogës. Sot Saimir Tahiri duhet të ishte një ministër i shkarkuar”.

Përmes një statusi në Facebook, ministri i Brendshëm Siamir Tahiri, duke ju kundërpërgjigjur akuzave, solli në vëmendje të dhënat e viteve kur në pushtet ishin të djathtëtme 0 përqind sipas të tij të zonave të shkatërruara nga policia në 2012 dhe me vetëm 7,5 përqind në 2013. “Dje Shqipëria kishte një problem të pazgjidhur me kultivimn e marijuanës, ndërsa sot një problem që po merr zgjidhje” shkroi ai në një status në Facebook.

FBI amerikane në Tiranë për Byronë Kombëtare të Hetimit

Një agjent i Zyrës Federale të Hetimit të Shteteve të Bashkuara (FBI) do të vijë në Tiranë për të mbikëqyrur punën e Byrosë Kombëtare të Hetimit, miratimi i së cilës u votua sot nga Kuvendi, pas një konsensusi mes mazhorancës dhe opozitës.

Partia Demokratike, siç kishte bërë të ditur më parë, e dha votën e saj vetëm për ligjin për ngritjen e strukturave të posaçme në luftën kundër krimit të organizuar dhe korrupsionit të zyrtarëve të lartë, të quajtura SPAK.

Ligji, i cili mori 122 vota në favor, parashikon dhe ngritjen e Byrosë Kombëtare të Hetimit, e cila pritet të funksionojë sipas modelit të FBI-­së amerikane.

Në fakt dhe anëtarët e saj do të trajnohen pranë Akademisë së FBI-­së.

Sipas “Zërit të Amerikës”, pjesëtarët e BKH­së do të kenë në dispozicion teknologjitë më të avancuara të hetimit, ndërkohë që do të detyrohen t’i nënshtrohen dhe testit të së vërtetës.

“Një agjent i FBI­-së amerikane do të dërgohet gjithashtu në Tiranë për të mbikëqyrur aktivitetin e anëtarëve të Byrosë”, bëri të ditur “Zëri i Amerikës”.

Parlamenti votoi edhe për 4 ligjet e tjera, të cilat parashikojnë ngritjen e një sërë strukturash të reja dhe zëvendësimin e institucioneve ekzistuese, të cilat shkrihen.

Por ato kaluan vetëm me votat e shumicës, pasi opozita braktisi sallën pas miratimit të SPAK-­ut.

BABAI IM…. – Nga GRETA AZEM MËSHI*

*Greta Mëshi, vajza e policit nga Hasi, Azem MESHI, “Dëshmor i Atdheut”, vrarë nga nji bandë kriminale në qershor 1999 në Tiranë –
Gjithmonë e kam pasur të vështirë të flas për babain tim. Ndoshta sepse jam një person që nuk mund t’i shpreh ndjenjat lehtë. Nuk arrij të kujtoj asgjë nga ai; nuk kujtoj dot tingullin e zërit të tij, mënyrën si qeshte, gëzimin që unë provoja kur ai më përqafonte.. nuk kujtoj dot asgjë.
Të gjithë më thonë se ishte njeri i mirë, i dashur, bënte shumë për të tjerët; dhe unë do të doja shumë ta kisha njohur këtë pjesë të tij.
“Çdo mbrëmje kur kthehej nga puna të sillte çokollata e të zgjonte nga gjumi sepse donte të të përqafonte e të të thoshtë sa shumë të donte.” – më thotë mamaja ime. Sa do të doja ta kisha atë kujtim, do ta ruaja me shumë dashuri në zemrën time. Por nuk e kam, e vetmja gjë që mund të bëj është ta imagjinoj.
Isha shumë e vogël kur im atë u nda nga jeta, dy vjeç e gjysëm për të qenë e saktë, nuk arrita të shijoj asnjë moment me të e këtë gjë e kam peng. Do të doja shumë të kisha shëtitur me të nëpër Shqipëri e pse jo dhe nëpër botë, të më shoqëronte ai në ditën e parë të shkollës, të gëzohej për mua sepse isha nxënëse e shkëlqyer, të më shikonte teksa rritesha e të më mbështeste kur shkova në gjimnaz e në universitet, të më thoshte se sa krenar ishte për mua kur më lavdëronin mësueset e pedagogët… por ai nuk jetoi dot ta bënte këtë gjë.. e nuk do jetë me mua kur unë të arrij gjëra akoma më mëdha në jetë. Babai im nuk do jetë krah meje kur unë të diplomohem apo kur unë të bëhem gazetare e famshme; e kjo gjë më trishton shumë.
Teksa po rregulloja biblotekën një ditë, gjeta nje fletë A4 që kishte vite që rrinte në një cep. Ishte shkruar në bojë të gjelbër, me një titull rozë. U kujtova për të. Ishte ndër “punimet” e para që kam bërë në Word, ndoshta kur kam qenë në klasë të pestë.
Shkrimi titullohej “Më mungon babi im”, dhe ishte ky:Në çdo cep të shtëpisë time unë mbaj fotografitë e babait tim; por ajo e varur në murin e sallonit duket sikur më ndjek, sikur më flet dhe më thotë: “Sa qenke rritur vajza ime e bukur.” Ah, sikur të isha një magjistare e zonja si në përralla e t’i jepja jetë kësaj fotografie… të dëgjoja zërin e babit tim, të merrja një përqafim nga ai, një puthje që më ka munguar qëkur isha foshnje. Do të doja të ndaja më të gëzimet dhe shqetësimet e mia. Do t’i tregoja rezultatet e mira në mësime dhe sytë e tij do të shkëlqenin nga gëzimi. Do të shëtisja me të e do t’i thoja shoqeve: “Edhe unë e kam një baba si të gjitha ju.” Duke parë fotografitë nga sytë më pikojnë lotë. Lotë trishtimi e lotë malli. Babi im nderohet nga miq e kolegë… por mua do të vazhdojë të më mungojë pafundësisht. – Ky ishte shkrimi i gjelbër, nën titullin rozë.
Pak nga pak po arrij të plotësoj ëndrrat e mia në jetë. Por një ëndërr nuk do arrij ta realizoj kurrë… nuk do shoh dot buzëqeshjen e babit tim kur unë do t’i them suksesin tim të radhës, e kjo gjë më dhemb në shpirt.
Por unë e di që ai është pranë meje kudo, ai është engjëlli im mbrojtës e në çdo hap që unë hedh, ai është aty duke më mbështetur, duke më brohoritur, e duke u ndjerë krenar për vogëlushen e tij që po rritet.
Nga Greta Azem Meshi.
Tirane me, 05/09/2016

Tiranë: Gjendje e rëndë në burgje, dhunë dhe mbipopullim

OSBE dhe Avokati i Popullit shprehën sot shqetësimin e tyre lidhur me mbipopullimin problematik në burgjet shqiptare, si një gjendje që kërcënon të drejtat e njeriut.

Edhe pse u hapën dy burgje të reja, mbipopullimi i burgjeve mbeti afro 25 për qind, thuhet në Raportin e Avokatit të Popullit për Parandalimin e Torturës për vitin 2015.

Zyrtarët pohuan se hapja e një burgu në Shkodër do ta zgjidhë problemin e mbipopullimit, por kjo mbetet për t’u parë.

Avokati i Popullit Igli Totozani thotë se gangrena e mbipopullimit në burgje ka ardhur si pasojë e një politike tepër të gabuar, ndryshimi i të cilës është kërkuar shpesh.

Dhe kjo, sipas tij, është vetëm një pjesë e vogël e shkeljes së të drejtave njerëzore në Shqipëri.

OSBE e ka ngritur si një shqetësim të veçantë trajtimin e të dënuarve me probleme të shëndetit mendor, sepse sipas ligjeve vendase dhe atyre ndërkombëtare, ata duhet të mjekohen jashtë burgjeve.

Përfaqësuesi i OSBE-së, Robert Uilton thotë se mbipopullimi problematik i burgjeve është një çështje urgjente, një sfidë që mund të zgjidhet me një politikë të re penale, që synon parandalimin e krimit dhe ri-integrimit social të të dënuarve.

OSBE kërkoi madje ngritjen e një spitali të ri për personat me probleme të shëndetit mendor që kanë kryer krime.

Avokati i Popullit kërkoi mbylljen e burgut të Krujës, si institucion pa standarte, dhe raportoi dhunë, torturë e keqtrajtime në burgje, si dhe shkelje flagrante në trajtimin e personave me mjekim të detyruar.

Raporti i Avokatit të Popullit për Parandalimin e Torturës përfshin raste dhune dhe vështirësi të tjera në burgje, paraburgime dhe në komisariate policie, qendra të hapura apo të mbyllura dhe spitale psikiatrike.

Aty theksohet se ndodh shpesh që policët ndihmojnë njëri-tjetrin për të mbuluar veprimet e paligjshme të kolegëve,

Kur mbulojnë keqtrajtimet e të dënuarit, apo arrestuarit, theksohet në raport, ata duhet të kenë pengesa në karrierë, sepse dhuna dhe tortura janë shkelje të rënda të të drejtave njerëzore.

B. Mustafa kërkon largimin e S. Berishës – “Merkel i tha Kohlit: Ik nga partia”

Ish-ministri i Jashtëm, Besnik Mustafaj, sugjeron që kreu i Partisë Demokratike, Lulzim Basha, të mënjanojë influencën e Sali Berishës në vendimmarrjen e partisë.

 

Në një bisedë me studentë e pedagogë të Universitetit Europian të Tiranës, Mustafaj kërkon që Basha të ndjekë modelin që Kancelarja Angela Merkel zgjodhi me paraardhësin e saj, shkruan “Panorama”.

“Unë besoj se ka qenë shumë e vështirë të drejtosh Partinë Demokratike në këtë periudhë. Ka qenë shumë e vështirë për arsye të ekzistencës së Sali Berishës. Unë menjëherë pas zgjedhjeve të vitit 2013, publikisht kam kërkuar që të zgjatet tranzicioni dhe të filloj një garë brenda Partisë Demokratike. Të fillonte një garë e vërtetë, le të ishte 6 muaj, pasi PD-ja do të drejtohej nga një triumvirat i caktuar. Unë besoj që Basha do të fitonte, por gara do të ishte stërvitja e domosdoshme që ai ta merrte me një siguri më të lartë në vetvete drejtimin e Partisë Demokratike. Duke e marrë me një siguri më të madhe do të arrinte t’i tregonte kufirin Sali Berishës. Në shkrimet e mia kam thënë se ajo që Basha duhet të bënte me Berishën, duhet të ishte ajo që bëri Merkel me Kohl. Merkel ishte një produkt shumë më laboratorik i Helmut Kohl, sesa Basha i Berishës, sepse Merkel, një femër nga Gjermania Lindore të merrte CDU-në, partinë konservatore më të madhe në Europë, mund të kalonte vetëm duke ia dhënë çelësat Helmut Kohl. Ai e bëri. Në fund të fjalës së parë të saj, ajo i tha Kohl-it: Nuk ke më punë në parti!”- thotw Mustafaj.

Sipas tij, kjo eshtë e njëjtë me atë që thotë Frojdi “të vrasësh babain”.

“Basha duhet ta bënte këtë gjë. Basha për shumë arsye nuk e ka bërë publikisht këtë dhe e gjithë lufta që i bëhet nga kundërshtarët, i bëhet për këtë arsye”- shton Mustafaj.

Gjatë rrëfimit të tij, ish-ministri ka shpjeguar edhe dilemat brenda vetes për të zgjedhur mes shkrimtarit dhe politikanit.

Mustafaj shpjegon se, ndonëse ka pasur dhe vijon të ketë ftesë për të qenë pjesë e politikës aktive në PD, vendimi i tij është që për aq kohë sa nuk e ndien sa duhet politikën, të mos jetë pjesë e saj.

Në rrëfimin e tij, Mustafaj ka sqaruar edhe arsyet e dorëheqjes së tij, marrëdhënien me Berishën dhe ftesën e Fatos Nanos për të qenë ministër i tij.

PANORAMA

Deklaratë e Grupit të Lobimit: Jemi kundër çdo projekti që eleminon tunelin e Qafë Murrizit

 

Një këshillë për Kryeministrin dhe Faruk Kabën sa s’është vonë

 

1 Tetor 2016

Pas zgjedhjeve në Dibër, Kryeministri Edi Rama dhe aktorë të tjerë, inxhinierë dhe specialistë të ndërtimit të rrugëve në Shqipëri, kanë dhënë opinione që bien ndesh me njëra -tjetrën.

Në vëmë re në këto deklarata një rrezik që i kanoset standardit të ndërtimit të Rrugë së Arbrit dhe me këtë rast do të donim t’i vinim në dukje për publikun.

Nga njëra ana kemi deklaratat e Kryeministrit, i cili thekson se “fitorja e Bashkisë së Dibrës është një besim i madh për të bërë shumë më tepër për Dibrën. Dhe ne do të bëjmë për Dibrën më shumë se çfarë bënë të tjerët në 20 e ca vite të marra së bashku”.

Në një postim në Facebook Edi Rama shkruan: “Ne i kemi borxhe Dibrës në këto tre vite, duke filluar nga rruga e Arbrit! E cila është një borxh i vjetër e i mbartur qeveri më qeveri ndaj dibranëve, por ne duhet ta nisim me patjetër brenda këtij viti të fundit të mandatit tonë!”

Por ndërkohë që Edi Rama lëshon deklarata shumë premtuese për Dibrën, nga ana tjetër kemi propozime që cënojnë standardin e Rrugës së Arbrit, propozime të cilat shkojnë kundër deklaratave të Kryeministrit.

Duke pasur parasysh se edhe në të shkuarën mes premtimeve dhe realizimeve faktike ka pasur deformime të mëdha, dëshirojmë të vëmë në dukje për publikun çështjen e rreziku të humbjes përfundimisht të standardeve në ndërtimin e rrugës.

Ndërkohë që mbështesim përpjekjet e Kryeministrit (përpjekje që akoma mbeten ri-premtime) për ndërtimin e rrugës së shumëpritur nga dibranët dhe të gjithë shqiptarët, dëshirojmë të theksojmë se propozimet e ripërsëritura gjatë këtij viti të Inxhinier Faruk Kabës, bien ndesh me interesat e qytetarëve të Dibrës për një rrugë me standarde bashkëkohore, më kryesorja e të cilave është siguria e përdoruesve të rrugës.

Propozimi i Kabës, i botuar në gazetën Panorama [1] dhe në disa portale [2], është “ndërtimi paraprakisht i një bypass-i në vend të tunelit të Murrizit”. Kaba e argumenton këtë me shkurtimin e buxheteve të nevojshme financiare, afatin e ndërtimit e realizimit të veprës, si dhe hapjen e rrugës në 15-18 muaj.

Ky opinion i Kabës vjen i ripërsëritur pas tre muajsh, kur me një shkrim të ngjashëm në gazetën Mapo [3] dhe gazetën “Rruga e Arbërit” [4] iu kundërvu ministrit Haxhinasto. Edhe në atë shkrim Kaba hodhi idenë e ndërtimit të një bypass-i në vend të tunelit.

Ne dëshirojmë të theksojmë se jemi kundër çdo projekti që eliminon tunelin e Qafë Murrizit. Tentativa për eliminimin e tunelit përbën ‘grushtin’ e fundit për ndalimin e ndërtimit të Rrugës së Arbrit sipas standardeve ndërkombëtare dhe qëllimit kryesor të saj për të shërbyer njëkohësisht si një ‘urë’ që do të lidhë jo vetëm Dibrën me kryeqytetin, por edhe të afrojë Shkupin me Tiranën.

Ne dëshirojmë të theksojmë edhe njëherë se projektet e deritanishme të zbatimit dhe puna në terren për Rrugën e Arbrit kanë qenë jashtë këtyre standardeve.

Media dhe specialistë të infrastrukturës kanë theksuar me të drejtë çdo shmangie që i është bërë deri tani rrugës nga projektet fillestare. Rruga Bulqizë-Ura e Çerenecit, për shembull, aktualisht është krejt ndryshe nga projektet fillestare, pasi është ndërtuar mbi segmentin e vjetër të rrugës dhe nuk ka asnjë standard sigurie. Ndërsa rruga nga Qyteti i ri i Bulqizës drejt tunelit të Qafë-Buallit pësoi ndryshime që na çojnë në dyshime për veprime korruptive. Dhe së fundi, tuneli i Qafë-Buallit ndryshoi krejtësisht projekt dhe u ndërtua në një pozicion krejt të papërshtatshëm, duke cënuar rëndë sigurinë në rrugë.

Ne kemi marrë informacione koefidenciale që theksojnë se “qeveria Shqiptare po shikon mundësinë e ndërtimit të rrugës me buxhetin e shtetit ose me fonde të Fondit Shqiptar të Zhvillimit”.

Nuk është detyra jonë të këshillojmë qeverinë shqiptare se si ajo do t’i gjejë fondet e mjaftueshme. Ajo që ne e konsiderojmë si detyrë tonën dhe përgjegjësi qytetare është të ngremë zërin që këto 27 km rrugë të mbetura t’i japin frymëmarrje rrugës në rritjen e qarkullimit në vitet e ardhshme. Përdryshe, çdo akrobaci nga politikanë dhe personel teknike të papërgjegjshëm do të rezultojë në rrëzimin përfundimisht të ëndrrës për një rrugë me standarde ndërkombëtare, e cila garanton sigurinë e përdoruesve dhe integron shqiptarët e harruar në Shqiperi dhe Maqedoni.

Ne do ta mbështesim qeverinë shqiptare që të vazhdojë përpjekjet për gjetjen e burimeve të financimit dhe kompani ndërtuese serioze brenda e jashtë vendit, me qëllim që sa më parë të fillojnë punimet në rrugë.

Kryeministri e lexoi fitoren e Bashkisë së Dibrës “si një detyrim shumë të madh ndaj dibranëve”. Ndaj i kërkojmë Rames që me të njëjtin besim dhe detyrim të angazhohet maksimalisht që të mos rrezikohen standardet e ndërtimit të rrugës.

Ne shpresojmë se simbolika e marrjes seriozisht të kësaj çështje do të jenë fillimi i punimeve në Tunelin e Qafë Murrizës. Çdo nisje punimesh në vend tjetër para zgjedhjeve të ardhshme do të jetë një veprim i gabuar në interes të vendit, pavarësisht se qeveria mund ta interpretojë si një mbajtje premtimi. Tani për tani premtimi i kësaj qeverie se “Rrugë e Arbrit do të ndërtohet brenda këtij mandati” është një premtim i pambajtur.

[1] http://www.panorama.com.al/faruk-kaba-projekt-per-rrugen-e-arbrit-pa-tunel-por-qeveria-e-refuzoi/

[2] http://www.dritare.net/2016/09/11/inxhinieri-kaba-ministria-e-transporteve-kerkoi-financues-pa-pasur-projekt-per-rrugen-e-arbrit/1

[3] http://www.mapo.al/2016/06/genjeshtra-per-rrugen-e-arberit/1

[4] Gazeta ‘Rruga e Arbërit’, nr. 122, f. 6, qershor 2016

PD-ja e dërgon nesër Vettingun në Gjykatën Kushtetuese

TIRANE– Partia Demokratike do të dërgojë nesër në gjykatën Kushtetuese ligjin për ‘Vettingun’, i cili u miratua në Kuvend më 30 gusht pa konsensusin e opozitës.

Sipas PD-së, verifikimi për ‘Vettingun’ do të bëhet nga njerëz të kryeministrit Edi Rama, ndërsa theksoi se ky i fundit prishi konsensusin e arritur mes dy partive më 21 korrik.

Dhori Kule: Shullazi a u porosit nga brenda universitetit për të na kërcënuar?

Një dyshim i ri që pritet të rihap debatin për çështjen e kërcënimit ndaj dy zyrtarëve të Universitetit të Tiranës. Dhori Kule ka folur për herë të parë lidhur me ngjarjen e 14 dhe 15 prillit të këtij viti ku ai si rektor i universitetit te Tiranës në atë kohë dhe kandidati për rektor Mynyr Koni u kërcënuan për t’u larguar nga gara për zgjedhjen e rektorit të ri.

I ftuar në emisionin “Debati në Channel One” të gazetarit Roland Qafoku, Kule e cilësoi çështjen të mbyllur sepse pati mbështetjen e institucioneve për sigurinë e garës dhe kjo solli edhe rikthimin e profesor Konit në garë.

Por dhjetëra pyetjeve të bëra gjatë emisionit lidhur me këtë ngjarje Kule iu përgjigj duke bërë vetë dy pyetje që sipas tij edhe pse kanë kaluar 6 muaj nuk ua di përgjigjet.

E para është: A ka patur porositës nga universiteti kërcënuesi i tij dhe i profesor Konit dhe e dyta: nëse brenda strukturave akademike ka patur interes që të realizohej ky kërcënim?

Kule shtoi se këto dy pyetje e vazhdojnë ta shqetësojnë ende edhe sot e kësaj dite. Ndërkohë dekani aktual i fakultetit të Ekonomisë në Universitetin e Tiranës tregoi se çështja penale ende vazhdon të jetë në hetim nga ana e prokurorisë dhe se ai ka deponuar përpara grupit hetimor të gjithë ngjarjen në të cilën ai u kërcënua.

“Besoj se finalja e këtij hetimi do të zgjidhë gjithçka dhe se kjo tashmë është një ngjarje e tejkaluar. Lidhur me raportet e politikës në këtë ngjarje apo përfshirjen e politikanëve në këtë histori Kule tha: Politikës do t’i bëjë mirë të ketë pedagogë pjesë të saj por vetë pedagogët nuk duhet të sjellin politikën në universitete.

Kërcënimi ndaj Dhori Kules, atëherë Rektor i UT dhe kandidatit për rektor Mynyr Koni, u bë publik fillimisht nga ish-kryeministri Sali Berisha që ngriti gishtin e akuzës ndaj Emiljano Shullazit, një emër i njohur i botës së krimit por që i kishte shpëtuar disa herë drejtësisë.

Ngjarja u shoqërua me deklarata të shumta politike, akuza dhe kundërakuza, ndërsa Shullazi dhe miqtë e tij u arrestuan për kërcënimin dhe më pas edhe me akuzën për gjobëvënie. Ndërsa vetë UT pranoi kërcënimin pa dhënë emra. Sipas UT, kërcënimet kanë patur për qëllim tërheqjen nga gara, vetëm pak ditë përpara zgjedhjeve të kandidatit Mynyr Koni, ndërsa u bë edhe denoncimi.

Thaçi shkon para shtatores së Adem Jasharit në Tiranë, por pritet me protesta (fotot)

Në parulla shkruhej: “Kosova është Shqipëri”, “Tradhtia i paraprin korrupsionit”, apo “Kufiri mes nesh është Jugosllavia”

TIRANE- Një grup të rinjsh janë përpjekur të tërheqin vëmendjen nga ceremonia e zhvilluar para shtatores së Adem Jasharit në Tiranë, ku presidenti i Republikës së Kosovës, Hashim Thaçi, dhe kryebashkiaku i Tiranës, Erion Veliaj, vendosën kurora me lule.

Teksa kryhej ceremonia, një grup i vogël të rinjsh qëndronin pranë shtatores duke mbajtur në duar disa parulla ku shkruhej: “Kosova është Shqipëri”, “Tradhtia i paraprin korrupsionit”, apo “Kufiri mes nesh është Jugosllavia”.

“Ceremoninë e nderimit të memorialit të Adem Jasharit në Tiranë nga ana e Presidentit të Republikës së Kosovës, Hashim Thaçi, janë përpjekur ta prishin një grup i vogël të rinjsh që supozohet që ishin përkrahës të Lëvizjes Vetëvendosje. Mësohet se katër apo pesë studentë me fishkëllima kanë provuar të zhvendosin vëmendjen nga nderimet para memorialit”, thuhet nga të pranishmit në aktivitet.

Policia nuk ka ndërhyrë dhe ceremonia ka përfunduar normalisht, ndërsa protestuesit janë larguar menjëherë pas saj.

prottir2

Zyrtari i burgjeve: Ja kë ndoshta takoi Spartak Braho

Deputeti Spartak Braho ka hyrë në Burgun 302 për të takuar një të paraburgosur që ndodhet aty.

Përgjegjësi i Sallës Operative dhe Emergjencave në Drejtorinë e Përgjithshme të Burgjeve, Gëzim Fejzollari, është zyrtari që monitoron çdo lëvizje në të gjitha burgjet e vendit.

Gazetari Artan Hoxha kishte thënë se një deputet takoi një të paraburgosur në burgun 302, një personazh shumë i njohur që ndodhet në një proces për vrasje të policëve dhe që mund të kenë biseduar në lidhje me kërcënimet që i ishin bërë kryeprokurorit Adriatik Llalla.

Zyrtari i lartë i Drejtorisë së Burgjeve konfirmon vizitën në paraburgimin e Burgut 302 në kryeqytet, të kryetarit të Komisonit Parlamentar të Sigurisë dhe deputetit të Lëvizjes Socialiste për Integrim, Spartak Braho. Fejzollari tregon edhe emrin e të paraburgosurit që ka takuar deputeti.

“Me sa kam informacion, ka takuar të paraburgosurin Iljaz Labi. Ai është i paraburgosur si gjithë të tjerët dhe nuk gëzon ndonjë status të veçantë nga pikëpamja ligjore”, thotë Fejzollari.

Sipas Fejzollarit, nuk ka asnjë urdhër të Prokurorisë që i paraburgosuri në fjalë të ndalohet të takohet me persona të tjerë.

“Nuk ka urdhra të tillë! Është si të gjithë të paraburgosurit e tjerë”, thotë ai.

Fejzollari shpjegon se ka një ligj që liston edhe zyrtarët apo personat që kanë të drejtë të futen në ambientet e paraburgimit ose burgimit pa leje të posaçme nga autoritetet.

“Në nenin 43 të ligjit në fjalë, përcaktohet qartë kush janë personat që lejohen të futen në ambientet e paraburgimit dhe burgimit. Konkretisht janë: Presidenti i Republikës, Kryeministri, ministrat, deputetët, kryetarët e gjykatave dhe prokurorët”, sqaron Fejzollari.

Takime të ketyre zyrtarëve me të dënuar ose të paraburgosur, kanë si parakusht një deklarim formal me titullarin e institucionit mbi qëllimet e takimit.

/ Top Channel

Denoncon mjeku: Shihni simptomat e pacientëve të mi që punojnë në arat e kanabisit në Tiranë

Droga është kthyer në një pjesë të rutinës ndoshta të shumë shqiptarëve. Disa e mbjellin, disa e asgjësojnë, disa shkruajnë për të, por ajo që dihet është se së fundmi kanabisi ka zënë një pjesë të mirë të hapësirës së çdo shqiptari.

Një denoncim skandaloz vjen nga Kamza, nga mjeku Mhill Gecaj, i cili ka rrëfyer se disa të mitur janë mjekuar tek ai për shkak të efekteve anësore nga puna me hashashin, duke përfshirë alergjitë. (në foto dora e një prej pacientëve)

Ai ka publikuar edhe bisedën me një prej pacienteve të tij, e cila i ka deklaruar mjekut se punon në përpunimin e hashashit në Tiranë. Doktori në fjalë siguron se vendi ku ndodh përpunimi nuk është larg në malësitë e Tiranës por 3 km në vijë ajrore nga qendra.

“Para dy ditësh me vjen një paciente me një dermatit Alergjik! Duke e pyetur për sëmundjen në anamneze e sipër më thotë ‘punoj në lule’. Çfarë lulesh i thashë?
‘Po në lule o doktor në lule a bar si thonë, si gjithë të tjerët’- tha- nga 12 orë’. ‘Për të nxjerrë bukën e gojës!’ T’ju them të drejtën në fillim nuk e kuptova! ‘Po në përpunim të hashashit o doktor’ tha! Dhe kjo nuk punonte larg jo, në territorin e Bashkisë Tiranë, se mos kujtoni larg në Shëngjergj apo diku larg, jo jo afër 3 km në vijë ajrore nga qendra e Tiranës. Imagjinoni që ky popull e shikon të ardhmen e punësimit veç tek kanabisi e droga! Në vend të punishteve të frutave të prodhimeve bujqësore e blegtorale tek fabrikat apo resortet turistike etj etj!”, shkruan mjeku.

mjeku-mhill-gecaj-fb

Greqia, e para investitore, Italia e katërta

Edhe pse ndodhet në një krizë të thellë prej 8 vjetësh, Greqia vazhdon të mbetet investitori më i madh i huaj në ekonominë shqiptare. Të dhënat e fundit zyrtare nga Banka e Shqipërisë tregojnë se në fund të tremujorit të dytë vlera e aseteve që kompanitë greke zotërojnë në ekonominë shqiptare ishte 1 miliardë e 253 milionë euro, ose sa 24 përqind e totalit të investimeve të huaja në Shqipëri.

Sipas Bankës së Shqipërisë, stoku i investimeve që kompanitë e huaja kanë realizuar ndër vite në Shqipëri është 5 miliardë e 229 milionë euro dhe dominimi i kompanive greke duket i pasfidueshëm për shkak të diferencës së madhe me vendet e tjera.

Sipas Bankës, pas Greqisë investitori i dytë më i madh në Shqipëri është Holanda me 753 milionë euro, ose sa 14.5 përqind e totalit të investimeve të huaja direkte. Kanadaja renditet në vendin e tretë me 645 milionë euro, ndërsa Italia dikur investitori i huaj më i madh në Shqipëri tashmë ka zbritur në vendin e katërt.

Sipas statistikave, aktualisht vlera e aseteve të zotëruara nga kompanitë italiane në Shqipëri është 555 milionë euro, ose sa 10.6 përqind e totalit të kapitalit që ka ardhur nga jashtë.

Por cilët janë sektorët kryesorë ku ka shkuar kapitali i huaj? Vendin e parë e zë industria e telekomunikacionit, në të cilën janë investuar 1 miliardë e 249 milionë euro. Pas komunikacionit, vjen sektori financiar dhe ai i sigurimeve me 869 milionë euro dhe në vendin e tretë renditen investimet në sektorin e energjisë elektrike, pra hidrocentralet me 705 milionë euro.

Të dhënat tregojnë pas zbehjes së naftës, ai i energjisë elektrike është shndërruar sektori që po mban lart ritmin e investimeve të huaja në Shqipëri. Në tremujorin e dytë mbi 58 përqind e investimeve totale nga jashtë ishin pikërisht në sektorin e energjisë elektrike, ku pjesën më të madhe e ka patur Kaskada e Devollit.

Tahiri: Raportin e drogës e sajoi gazeta e Kokëdhimës

Policia e Shtetit ka përgënjeshtruar raportin sekret për kanabisin të publikuar sot në media. Në një deklaratë, Policia e Shtetit thotë se lajmi i publikuar sot në gazetën “Shekulli” ku flitej për dy drejtorë policie baxhanakë me njeri-tjetrin të implikuar në trafikun e drogës, është tërësisht sajesë dhe se fsheh pas interesa politike e kriminale.

“Lidhur me lajmin e publikuar në Gazetën “Shekulli” e më pas marrë nga disa media, mbi ekzistencën e një raporti sekret për kultivimin e drogës në Shqipëri, Policia e Shtetit sqaron opinionin publik se ky lajm është tërësisht i pavërtetë dhe një sajesë e qëllimshme për të cenuar integritetin e policisë dhe punën e saj.
Theksojmë se është një lajm tërësisht i gënjeshtërt, për raporte të fabrikuara nga redaksi që kanë si synim vetëm përbaltjen e punës së policisë. Një raport i tillë nuk ka ekzistuar kurrë e as ekziston.
Ky lajm i fabrikuar ‎mbi ekzistencën e një raporti tërësisht të sajuar, fsheh mbrapa interesa personale, politike dhe kriminale”, deklaron Policia e Shtetit.

Në reagim thuhet më tej se rezultatet kundër drogës dhe paligjshmërisë dëshmojnë vullnetin dhe angazhimin e Policisë së Shtetit në këtë luftë.
“Nga ana tjetër, besimi i partnerëve ndërkombëtarë te Policia e Shtetit rikonfirmohet pas çdo operacioni të përbashkët antitrafik. Ky besim është maksimal, falë rezultateve të përbashkëta dhe intensitetit ‎të punës për luftën kundër kultivimit dhe trafikimit. Policia e Shtetit mbetet në dispozicion të medias për çdo informacion zyrtar, duke i bërë thirrje të mos raportojë lajme të pavërteta e të sajuara që kanë për qëllim vetëm ‎keqinformimin e publikut. Policia e Shtetit bën me dije se do të ndjekë rrugën ligjore ndaj kujtdo që prodhon, fabrikon dhe sajon shpifje të cilat synojnë prishjen e imazhit të policisë dhe të vendit”, thuhet në deklaratën e Policisë.

Plehërisht korrekt – Nga EDMOND TUPJA

Zhurmë e madhe po bëhet në të gjitha mediet, por edhe në kafene, bare, restorante, madje edhe nëpër familje e kudo gjetiu, midis shqiptarëve lidhur me ligjin e plehrave apo të mbetjeve për t’u importuar, trajtuar e ricikluar në Shqipërinë tonë tmerrësisht demokratike. Të enjten e shkuar në darkë, i ftuar nga zoti Blendi Fevziu në emisionin e përjavshëm “Opinion”, zoti Kryeministër u përpoq jo vetëm racionalisht, por edhe emocionalisht, të bindte shikueset dhe shikuesit se ligji në fjalë do t’i sigurojë mirëqenie dhe vetëm mirëqenie popullit tmerrësisht të shtangur shqiptar.

Tek e dëgjoja me vëmendje dhe gjakftohtësi, nuk e di se si m’u kujtua slogani optimist “Zoti e do Shqipërinë” dhe, për një çast, ama vetëm një dhe asnjë grimë më shumë, pandeha se Zoti kishte gisht e dorë në vendimin e qeverisë Rama për të mohuar atë që kreu i saj kishte deklaruar tre vjet më parë se “Në Shqipëri nuk do të vijnë plehra/ mbetje as sot, as nesër”, madje mendova që, pse jo, ardhja e plehrave/mbetjeve midis nesh, ishte, në fund të fund, një dhuratë e Perëndisë, d.m.th. e Qeverisë. Kjo dhuratë na bëhet pikërisht në një kohë kur atdheu ynë fatkeq po zbrazet nga truri dhe forca e tij e gjallë nëpërmjet emigracionit, por këtu nuk ka asgjë për t’u habitur: A nuk thuhet se Zoti të jep me njërën dorë atë që ta merr me dorën tjetër?

Gjithsesi, ndonjë mendjembrapshtë mund të kërkojë të dijë se sa duar ka Zoti dhe se, duke bërë zhonglerin, mund të na japë dhuratën e gabuar. Në këtë rast, duke qenë se thuhet “vox populi, vox Dei”, dopiogjashta i mbetet në dorë Qeverisë, që përfaqëson, në njëfarë mënyre, mbarë popullin, i cili e konsideron atë si Perëndi. Nëse e kam kuptuar siç duhet zotin Kryeministër gjatë intervistës së tij, plehrat apo mbetjet qenkan vlerë, madje një vlerë e zyrtarizuar në Bursë, çka, rrjedhimisht, do të thotë se riciklimi i tyre mund të jetë burim të ardhurash, gjë që e provuaka ngutja entuziaste e vendeve afrikane, madje edhe e Malit të Zi dhe e Maqedonisë fqinjë, për t’i importuar, trajtuar e ricikluar ato; për pasojë fatlume, ekonomia shqiptare do të bëjë një hop gjigant përpara, do të hapen shumë vende pune (me siguri 300 mijë, pse jo?), do të rritet mirëqenia dhe jetëgjatësia e shqiptarëve (me siguri ngaqë tërë shërbimet mjekësore do të jenë falas jo vetëm për qytetarët e Republikës tmerrësisht demokratike të Shqipërisë, por edhe për gjithë diasporën tonë).

Po të ndjekim, pra, këtë logjikë kryeministrore, i bie që, në qoftë se dikush na cilëson si pleh ose si plehrë, kjo nuk qenka më sharje, përkundrazi, kjo përbëka një vlerësim të lartë dhe ne, me këtë rast mallëngjyes, duhet të valëvitim flamurin e krenarisë kombëtare dhe nuk duhet të habitemi assesi nëse, një ditë të bukur, mësojmë që dikush nga ne shpallet, për shembull, “Plehrë e Kombit”, “Plehrë e Popullit”, “Plehrë e Partisë”, “Plehrë e Bashkisë”, “Plehrë e Merituar” etj., etj. Në emisionin e lartpërmendur të së enjtes së shkuar, mungonin, të paktën sipas meje, vetëm tri pyetje nga ana e zotit Blendi Fevziu, të cilat po ia drejtoj unë, krejt modestisht, gati-gati me druajtje, zotit Kryeministër: Çfarë do të bëhet në Shqipërinë tonë tmerrësisht demokratike me plehrat e grumbulluara prej vitesh në ndërgjegjen kutërbuese e një numri të caktuar shqiptarësh të racës homo politicus, sidomos kur ata kacavirren në fikun e pushtetit dhe refuzojnë të zbresin që andej? A mund të riciklohen këto lloj plehrash?

Nëse po, ku, brenda ose jashtë shtetit, në mos, përtej planetit tonë? Së fundi, dje, tek i jepja dorën e fundit këtij shkrimi, nuk e mora vesh se si më erdhi në mendje fjala “brumbull”, prandaj nxitova të hapja “Fjalorin e gjuhës shqipe” (Tiranë, 2006) ku, për habinë time, mësova se brumbulli na qenka një “kandërr e zezë a e murrme, me krahë të fortë e me brirthë të gjatë, që rron në plehra”, por habia ime u shndërrua në tronditje kur, po aty, një radhë më poshtë, syri më zuri proverbin “Kush shkon pas brumbullit, në pleh do të vejë”. Gjithsesi, pas pak e mblodha veten, sepse, ç’është e vërteta, ky proverb tingëllon plehërisht korrekt në Shqipërinë tonë tmerrësisht demoplehkratike.

Asambleja socialiste, 4 porositë e fshehta të Gramoz Ruçit

Përpara 174 anëtarëve të Asamblesë së PS-së, dy ishin protagonistët e vetëm të mbledhjes: Edi Rama dhe Gramoz Ruçi.

Ndryshe nga herët e tjera që i gjithë sekretariati ulej në podium bashkë me kryetarin, në këtë mbledhje Edi Rama kishte marrë përkrah vetes vetëm Gramoz Ruçin.

Në sallë, mungoi siç pritej Ben Blushi, i cili një ditë më parë kishte deklaruar ndarjen nga PS, por edhe dy përkrahëset kryesore të tij brenda grupit parlamentar, si Mimoza Hafizi dhe Arta Dade. Pas fjalës së Edi Ramës që zuri kohën kryesore të takimit, vijoi mbledhja me dyer të mbyllura. Shqiptarja.com ka siguruar bisedën e plotë në vijim të mbledhjes, ku i vetmi që ka folur ka qenë Gramoz Ruçi.

Sekretari i Përgjithshëm i PS-së, ka kaluar menjëherë në votim të gjitha vendimet, të cilat janë miratuar në unanimitet, dhe më pas u ka dhënë të deleguarve 4 porosi për riorganizimin e partisë dhe përgatitjen elektorale.

Fjala e plotë e Ruçit në mbledhjen e mbyllur

Gramoz Ruçi: Duke filluar nga kjo mbledhje e Asamblesë, nën udhëzimet e Kryesisë së Partisë, do të bëhen zgjedhjet e sekretarëve organizativë. Do të bëhet shumë kujdes që të mos ketë bashki që të ngelet pa sekretar për organizimin dhe administrimin e partisë. Bazuar në numrin e ZAZ që ka bashkia, do të caktohet dhe numri i sekretarëve që do të ketë bashkia. Në numrin e sekretarëve që do të ketë PS në bashki, do të mbahen parasysh veçanërisht: përbërja intelektuale, shoqërore dhe qytetare. Ajo që duhet të them, është se zgjedhja e sekretarëve duhet parapërgatitur së bashku me delegatët e bashkisë që janë pjesë e kësaj asambleje, deputetët, të deleguarit e kryesisë e po keni nevojë edhe tek ne më lart. Ky është problemi i parë.

Problemi i dytë, kryetarët e 61 degëve, nga e hëna do të jenë në detyrë funksionale me rrogë nga partia dhe do të ndjekin të gjithë problematikat që ka partia. Sigurisht do jenë të ndarë në disa kategori shpërblimi i tyre. Kategoria e parë është Tirana që është një territor shumë i madh. Kategoria tjetër do të jenë disa bashki që kanë deri në dy ZAZ dhe kategoria tjetër bashkitë me një ZAZ.

Problemi i tretë që kam, është se brenda këtij muaji do të përcaktohet koordinatorët elektoralë. Do të kemi koordinator elektoral për çdo bashki, pastaj koordinator për çdo ZAZ (zonë e administrimit zgjedhor) atje ku bashkia ka më shumë se një ZAZ, koordinator elektoral për çdo njësi administrative, dhe koordinator elektoral për çdo qendër votimi. Thashë që caktimi i sekretarëve është shumë i rëndësishëm, por kjo është akoma edhe më e rëndësishme. I gjithë ky proces që do të kryet nga anëtarët e asamblesë, deputetët dhe të deleguarit e kryesisë, do të udhëhiqet nga Sekretarja e Koordinimit Elektoral.

Problemi tjetër është problemi i dokumentacionit në parti. Një pjesë është duke punuar, një pjesë e ka përfunduar dokumenti i anëtarësisë së partisë, i cili duhet t’i vendoset në dispozicion të kryetarit të partisë. Kjo do të shërbejë në radhë të parë për të plotësuar regjistrin elektronik të procesit. Me pak fjalë, për t’i dhënë fund çdo lloj efektiviteti në parti. Kjo, edhe për të vazhduar aksionin për pranimet e reja në parti. Po ashtu, për të miratuar dhe grumbulluar kuotizacionin e anëtarësisë, sipas kësaj tabele që miratuam. Të gjithë kryetarët e degëve të rrinë, të tjerëve faleminderit.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend