Juristi Redon Meksi, i ftuar në emisionin Task Force të moderatores Sonila Meço në Syri Tv, ka komentuar deklaratën e bërë nga ambasadorja amerikane në Tiranë, Yuri Kim.

Meksi theksoi se deklarata e Yuri Kim është e shëmtuar, duke shtuar se ka ndërhyrë brutalisht në punët e brendshme të Shqipërisë.

“Ndërhyrja e ambasadores amerikane në Tiranë Yuri Kim është e shëmtuar, sepse është ndërhyrje në punët e brendshme të Shqipërisë. Pronari i vetëm i politikanit është vetëm populli e askush tjetër. Kim flet për kandidatët e Shtëpisë së Lirisë, por se Shtëpia e Lirisë del se është koalicioni i vetëm që ka zgjedhur kandidatët e saj me vote nga anëtarësia.

Zonja Kim duhet të përshëndeste primaret, se ndodhi si në Amerikë, por ajo sulmon ato që vërtetë duan kandidatë të denjë për qytetarët, që vijnë nga populli”, deklaroi Redon Meksi. syri.net

Lideri historik i PD, Sali Berisha ka reaguar pas deklaratës që bëri sot ambasadorja e SHBA në vendin tonë, Yuri Kim, duke ndërhyrë në zgjedhjet e pjesshme vendore të 6 marsit. 

Nga Shkozeti ku takoi banorët i shoqëruar nga kandidati i opozitës për kryetar bashkie i Durrësit, Ardian Muka, Berisha u shpreh se deklaratën e ‘Guvernatores’ e ka shkruar Edi Rama.

Berisha akuzoi Kim se përfaqëson mafien e George Soros në Shqipëri, ndërsa shtoi se ambasadorja po shkelmon ligjet dhe parimet e SHBA.

“Edhe deklarata sot e Guvernatores shprehte këtë tronditje. Nuk i dalin kurrkund hesapet. Mund të bëj shumë komente, por do t’u them vetëm një mesazh që më dërgoi një miku im gjuhëtar: Më thotë, Sali, unë e lexova atë deklaratë, është përkthim nga shqipja në anglisht dhe në shqip është stili i Edi Ramës. Është pikërisht ajo që kam thënë me kohë, ajo bën sekretaren ideologjike të PS.

Në fakt, e gjithë kjo përpjekje është e pashpresë. Si Guvernatore i lejon vetes të ndërhyjë në proceset e brendshme elektorale dhe këtu ajo përfaqëson mafien e George Soros, shkelmon mbi ligjet dhe parimet e vendit të saj të lirë dhe të Shqipërisë.

Të mos harrojmë se një nga qëllimet e mafies sorosiane është të prishë imazhin e SHBA te shqiptarët, këtë kurrë nuk do ta realizojë. Jo! Ne do të ecim të vendosur të votojmë të lirë, të zgjedhim të lirë përfaqësuesit tanë. Të zgjedhim të lirë brenda partisë ata që duam, siç kemi zgjedhur Ardi Mukën, të zgjedhim të lirë qytetarët e parë dhe këshilltarët tanë me votën e lirë”, u shpreh Berisha.syri.net

Kandidati i ‘Shtëpisë së Lirisë’ për Bashkinë e Durrësit, z. Ardian Muka dhe lideri historik i PD, Sali Berisha, po zhvillojnë një takim me banorët në Shkozet.

Kandidati Muka ka kërkuar votën dhe besimin e të rinjve durrsakëve për të krijuar një kontratë për ndryshimin që nesër pas 6 marsit ti ndyshojmë faqen qytetit të Durrësit.

Muka: Mirëmbrëma të gjithëve. Ndihem shumë i lumtur që ndodhem sot mes jush. Doja tju falënderoja për votën tuaj në primaret e zhvilluara për tju përfaqësuar ju në zgjedhjet e 6 marsit.

Nesër me ardhjen kryetar i bashkisë, ju do më ndihmoni që të rinjtë të mos largohen më jashtë vendit, që të rinjtë ta shohin Durrësin si një vend për tu zhvilluar me prosperitet.

Të rinjtë do jenë pjesë e programit tonë, e programit që do zhvillojmë sëbashku me ju.

Univesiteti Aleksandër Moisiu do të jetë nesër aleati i Bashkisë Durrës nga ku ne të gjithë bashkë me të rinjtë do të krijojmë laboratoret e ardhshme të punësimit, ku rinina do të gjejë te bizneset e qytetit ato stazhet e punës që do të kryejnë, një burim i vogël financimi në fillim, por do të jetë tulla e parë drejt hapave dhe rrugës që do të ndjekin.

Ne duhet ti krijojmë kushtet rinisë tonë të qëndrojë në Durrësin tonë, në Shqipëri që ata të krijojnë dhe ndërtojnë jetën e tyre, që ata të prosperojnë në vendin e tyre.

Vij sot para jush për të kërkuar besimin tuaj, që bashkë të krijojmë një kontratë për ndryshimin që nesër pas 6 marsit ti ndyshojmë faqen qytetit të Durrësit.

Që qytetarët mos të gjejë një derë të mbyllur por një bashkëpunëtor dhe një shërbëtor të tyrin.

Dhe këtë ua kërkoi shumë përulësisht që ta bëjmë të gjithë bashkë, hapi i parë fillon në 6 mars duke votuar Shtëpiunë e Lirisë, duke votuar Ardin Mukën, numrin 1. 

Berisha në Shkozet: Zgjedhjet e 6 marsit, ju votoni për të përcjellë mesazhin e ndryshimit në të gjithë Shqipërinë

Lideri historik i demokratëve, Sali Berisha i ka bërë thirrje kandidatit Luan Hoti të largohet nga gara dhe të japë dorëheqjen.

Sipas Berishës, Luan Hoti ka një monopol, që duhet ta ripërtërijë në qershor, prandaj ai nuk mendon për qytetarët e Durrësit.

‘Luan Hoti është kopja e tij.

Jo sepse e ka emëruar ai, por del se paska dhuratë nga Edi Rama, monopol nga Saranda në Shëngjin. Qeveria nuk mund të japë monopol, sepse është korrupsion.

Çështja nuk është se ai ka pasur një monopol, por ai në qershor duhet që të rinovojë monopolin. Si mendoni ju, a do mendojë për ju apo për monopolin e tij?

Ai ka bërë shumë gabim që është përfshirë në garë. Më mirë të japë dorëheqjen në këtë garë’, tha Sali Berisha.

Duke komentuar deputetin Lulzim Basha, Berisha tha se ai duhet të ikë e të mos dalë më.

‘Në 30 vite në politikë, ai është lideri më i dobër, që nuk i beson kush. Një lider që ditën e votimit vetëm 19 % e zgjedhësve e konsideronin lider është për të lëshuar rrugën, 5 herë dhe për të mos dalë më.

Të dashur demokratë që ende jeni me të, me Lulzim Bravën shkohet nga humbja në humbje, bashkohuni me ne. Në 6 mars votoni Ardian Mukën, kandidatin e ‘Shtëpisë së Lirisë’, u shpreh lideri historik i demokratëve, Sali Berisha përpara banorëve të Shënavlashit në Durrës.

Berisha: Ministrat e Ramës kanë vjedhur me valixhe, Veliaj grabiti miliona në Sharrë

Kandidati i ‘Shtëpisë së Lirisë’ në Durrës, Ardian Muka është shprehur se ka dashur të jetë gjithmonë një politikan lokalist, pasi ka dashur të qëndrojë gjithmonë në qytetin e Durrësit.

‘Kjo zonë ka qenë bastion i demokracisë, pasi sa herë që hapeshin kutitë tuaja, ne fitonim gjithmonë me shumë vota para.

Unë jam një nga ju dhe në datën 6 mars ne bashkisë së Durrësit do ti kthejmë fytyrën njerëzore. Të ua kthejmë qytetarëve, të heqim arrogancën e këtyre 22 viteve të fundit.

Të gjithë ne, jemi misionarët.

Unë jam marrë me biznes. Deri më sot nuk kam marrë asnjë punë publike, nuk kam mbajtur asnjë post shtetërore. Jo se nuk i kam kualifikimet, por sepse kam zgjedhur të jem me qytetarët, njerëzit e thjeshtë.

Në zgjedhjen time, unë kam qenë gjithmonë një politikan lokalist dhe kam dashur të qëndroj në qytetin tim. Unë jam urbanist dhe kam zhvilluar shumë beteja për qytetin, që tek ato kundër betonizimit, e tek uji. Në disa raste ja kemi dalë, por në disa raste kur arroganca e pushteti ka qenë e larta, nuk ja kemi dalë.

Në 6 mars do të ja dalim’, tha gjatë fjalës së tij, kandidati i ‘Shtëpisë së Lirisë’ në Durrës, Ardian Muka.

‘Këto zgjedhje, pavarësisht se janë bashkiake, kanë një mesazh të fortë me to.

Nëse ne do të fitojmë shumicën, ky është një mesazh shumë i fortë për Edi Ramën. Lul Brava shkon paketë me Ramën dhe me marrjen e mesazhit kryesori, kopja e kupton vetë’ tha  Ardian Muka në fjalën e tij.

Bylykbashi: PS shkatërroi Bashkinë e Durrësit, më 6 mars iu kthejmë qytetin qytetarëve

Analisti Fatos Lubonja i është bashkuar protestës së banorëve të zonave të ‘5 majit’, Laprakë dhe Paskuqanit.

Lubonja ka bërë thirrje për bashkim kundër qeverisë, duke e cilësuar atë si bandë kriminale.

‘Kam ardhur këtu për solidaritet edhe për të ndarë dy fjalë me ju. Këtu është e qartë se gjithë këto shtëpia është ndërtuar me djersën tuaj, disa thonë i kanë zaptuar tokat e disa i kanë blerë.

Ky projekti që shikoj unë këtu dhe që do të vazhdojë, është një projekt kriminal dhe që po kërkon të pastrojë paratë e krimit dhe ju ka vënë ju rruspat për të pastruar paratë. Ju jeni një pjesë, pasi ëstë një problem që përfshin gjithë Shqipërinë.

Një fjalë e vjetër popullore thotë: Çfarë shikon në kodër, prite në votër.

Me sa e shikoj unë këtë punë, kjo bandë kriminale punon me lote, punon me të hangër pak e nga pak. Shumë njerëz, atë që shikojnë në kodër, thotë s’po vjen tek unë, por nesër mbërrin.

Kur Ulisi me shokët e vet u fut tek ciklopi dhe nisi ti hajë një e nga një, kur ky shkoi për ti dhënë diçka se bëri planin për ta eliminuar, i tha; ty do të të ha të fundit. Dhe ideja është që një pjesë pret që ti hajë të fundit. Ai nuk pranoi atë dhe bëri planin për të shpëtuar.

Ne duhet të ishim të gjithë këtu, për të ju mbrojtur jo vetëm juve, por të gjithë Shqipërinë nga kjo bandë e pastrimit të parave që ka nisur me nisjen e kullave në mes të Tiranës dhe po vazhdon në të gjithë vendin’,- tha analisti Fatos Lubonja gjatë fjalës së tij në mbështetje të protestës së banorëve të zonave të ‘5 majit’, Laprakë dhe Paskuqanit. syri.net

Në kuadër të zgjedhjeve të pjesshme lokale të 6 marsit, kandidati i koalicionit ‘Shtëpia e Lirisë’ për Bashkinë e Durrësit Ardian Muka ka mbajtur fjalën e tij para banorëve të Hidrovorit dhe Hamallajt.

Muka ka theksuar se në 6 mars Bashkia e Durrësit do tu kthehet qytetarëve dhe në shërbëtore të tyre dhe jo ashtu siç është drejtuar në këto 22 vite nga socialistët dhe Vangjush Dako me kukullën e tij.

Muka: Ju falënderoi nga zemra për këtë mikpritje. E shoh që nga takimi në takim sallat zvogëlohen sepse ne jemi gjithmonë e më shumë. Një falënderim në radhë të parë për rezultatin në 25 prill ku të gjithë të bashkuar keni arritur të fitoni. Dua tju falënderoi edhe për mbështetjen që më dhatë në primaret e zhvilluara në PD.

Unë jam i bindur se të gjithë bashkë në 6 mars ne do ta marrim Bashkinë e Durrësit. Bashkia e Durrësit do tu kthehet qytetarëve dhe kur them qytetarëve, nga Ishmi në Rromanat do jeni ju që në Bashkinë e Durrësit do u dëgjohet zëri dhe do tu zgjidhen hallet dhe bashkia do të jetë një shërbëtore.

Unë jam një nga ju, një djalë Durrësi, i lindur dhe rritur në Durrës, vij nga bota e biznesit dhe e them me krenari që kush ka bashkëpunuar me mua, e dinë qe te Ardi kanë gjetur një mik, një shok, një bashkëpunëtor. Në gjithë rrugëtimin tim në biznes, nuk kam marrë asnjë fond publik nuk kam qënë në pozicione drejtuese në shtet por unë kam preferuar të jem në botën e biznesit si privat.

Ju mund ta kërkoni votën nesër për Shtëpinë e Lirisë, për Ardi Mukën me ballin lartë sepse unë kurrë nuk do ju zhgënjej.

Jam një urbanist dhe kam zhvilluar shumë beteja për qytetin tonë. Jemi përballur me arrogancën dhe korrupsionin galopant që është në Bashkisë Durrës. Vangjush Dako dhe kukalla e tij në Bashkinë e Durrësit është po ai, me po atë arrogancë dhe mospërfillje ndaj qytetarëve dhe atë injorim që ai arri tna imponojë ne.

Në 6 mars nuk e kemi betejën me veten tonë, e kemi me PS-në. Krahu jonë që ka humbur rrugën dhe po ecën në errësirë, unë kam shumë besim që demokratët e thjeshtë jo ata drejtues që i kanë hedhur hi syve duke filluar që nga ‘Lulzim brava’ dhe deri te drejtuesit lokalë, në 6 mars do na bashkohen neve.

Bylykbashi: Rama-Basha në marrëveshje për të mbytur demokracinë! Më 6 mars fitojmë bashkinë e Durrësit

Ish-kryeministri Sali Berisha ka prezantuar kandidatin e ‘Shtëpisë së Lirisë’ në Bashkinë e Durrësit, Ardinan Mukën, në zonën e Manzës.  

Në fjalën e tij para banorëve, ish-kryeministri Berisha ka kërkuar votën e këtyre banorëve për kandidatin e Shtëpisë së Lirisë, pasi ai është një biznesmen i ndershëm prej 20 vitesh dhe nuk ka të krahasuar me kandidatin e Lulzim Bashës, Luan Hotin.

Berisha ka këkuar nga demokratët të mos bien pre e mashtrimit të Bashës, pasi ai me ndihmën e Ramës mbanë peng logon dhe vulën dhe kërkon t’u imponojë demokratëve një kandidat që ka firmosur një monopol me qeverinë dhe Ramën duke i mbushur valixhet me euro.

Berisha: Me votën tuaj të bëni ndryshimin, me votën tuaj të votoni për Ardian Mukën për kryetar të Bashkisë së Durrësit, votoni për logon Shtëpia e Lirisë dhe mos u ngatërroni me logon që ka konfiskuar Rama për të mashtruar demokratët për Lul bravën.

Dy fjalë do ju them këtu, ky është Ardian Muka i cili ka 20 vjet biznesmen me djersën e tij me mundin e tij. Kujtohuni pak për atë që vjen këtu, Luan monopolin që ka firmosur me qeverinë e Ramës, monopolin e porteve nga Saranda në Shëngjin, unë ju siguroj dhe ju jap fjalën e nderit se pa çuar valixhen me euro te Rama atë monopol nuk e merr dot kurrë. Ka pasur edhe kompani italiane apo izraelite që janë paraqitur në garë, i shiti shpirtin Ramës me euro nuk e di por monopoli është i ndaluar me ligj është korrupsion. Tani Lulzim brava e sjell këtu për të kërkuar votën. I bëj thirrje demokratëve dhe banorëve të Manzës, atyre që kanë votuar në zgjedhjet e 25 prillit për deputetë të PD-së që asnjë votë për Luan Hotin. Të krahasosh deputetin e PD-së me Luan monopolin është një gabim i rëndë skanë asgjë të përbashkët. Në qershor ai pret të firmosë sërish se i skadon afati, lereni që të merret me bizneset e veta me qeverinë me Ramën, ata nuk qajnë hallin tuaj, ata kanë hallin e tyre.

Dy fjalë për demorkatët e Manzës, të cilët akoma mund të hezitojnë për ish-kryetarin, të dashur demokratë e demorkate, nëse Luan Hoti donte të ishte kandidati juaj dhe jo i Lul bravës, ai hynte në garë me primare, i nështrohej besimit dhe votës suaj. Ai nuk e bëri këtë pasi donte të ishte kandidat i Lulzim bravës, nuk keni asnjë detyrim ndaj tij dhe së dyti, koha tregon se brava është një peng i mjer i Ramës, pyeteni veten, cili prej jush do të dekonspironte një operacion policor dhe nuk do të arrestohej?

Ngaqë u dekonspiruan në parlament ikën ata që prisnin kamionët nuk u paraqitën pasi para eurove kishin kokën ata. Prokuroria i hapi dosje Lul bravës për dekonspirim të operacionit ndërkombëtar policor, por ja mbylli Rama duke e marrë peng. Ndaj asgjë sju lidh ju as me kandidatin e tij, as me bravën.

Ndaj ju bëj thirrje që të bashkohemi të gjithë së bashku në 6 mars dhe të votojmë për Ardian Mukën, të votojmë për Shtëpinë e Lirisë.

6 marsi është një ditë e madhe jo vetëm për Manzën Durrësin dhe bashkitë ku do votohet por për të gjithë Shqipërinë dhe shqiptarët.

Revolucioni ynë në 6 mars ka një stacion të rëndësishëm por ju sigurojë që ai është i pandalshëm.

Ai do ecë gjerë në përmbysje të narko shtetit të Ramës dhe fitoren e PD-së me votën e lirë të qyterarëve të Manzës dhe të gjtihë shqiptarëve.

Rrofshi ju rroft Shqiëpria! Faleminderit!

Presidenti Ilir Meta akuzon Lulzim Bashën se bashkëpunon me Edi Ramën. 

Gjatë një interviste, kreu i shtetit tha se Basha ka bërë atë që ka dashur kryeministri dhe kjo, shtoi kreu i shtetit, e detyron atë të rikthehet si lider në politikë.

“Nëse kjo opozitë nuk fiton, kjo tregon se ajo nuk do të fitojë. Kjo tregon qartë që lidershipi i opozitës bëri atë që deshi Edi Rama, dhe kjo më detyron të rikthehem si lider në politikë”, u shpreh Meta.

Kreu i shtetit kishte edhe një mesazh për zhvillimet politike të 30 viteve të ardhshme.

“Deri tani prioriteti im kryesor ka qenë integrimi europian dhe kam thënë që për hir të integrimit kemi cenuar sovranitetin. Por kjo jo vetëm që sovranitetin e ka cenuar por edhe integrimin nuk e ka përshpejtuar. Tani në 30 vitet që vijnë do forcojmë më shumë sovranitetin. 

Nga “Me qetesi dhe dashuri”, tani jemi “Me qetesi dhe poezi”, ishte mesazhi i Metës. syri.net

Nga Maqellara e Dibrës, lideri historik i demokratëve, Sali Berisha foli për çështjen e inceneratorëve.

“Besoj e keni marrë vesh se 420 milion euro janë dhënë për tre djegësa, sot asnjëri nuk punon. Çfarë ka ndodhur? Me thes kanë vjedhur. Po kush? Askush me në krye kryeministrin. Të marrësh paret me qindra milionë euro nga buxheti, nuk i prek kush pa lejen e kryeministrit. Ai është gardiani.

Komisionin hetimor e mbyllën para një muaji dhe kur i denoncova në parlament, u detyruan ta rikthejnë përsëri vetëm për luftë të brendshme midis njëri-tjetrit.

U ndala te kjo aferë ndër më të mëdhatë në 30 vite për t’u thënë se nëse kjo qeveri do kishte investuar 420 milion euro në kanale ujitëse ju garantoj që të gjitha kanalet vaditëse kudo në vend do ishin rindërtuar nga e para. Por ato para duheshin përvetësuar dhe nuk kishte pse t’u jepeshin fermerëve,” tha Berisha.

Më tej, ai tha se demokratët nuk do lejojnë ndërtimin e hidrocentralit të Skavicës që do përmbysë tokat e Dibrës.

“Më 6 mars duhet të votojmë për shpresën. Ndaj dhe duhet të votojmë për ndryshimin. 5 kryetarë bashkie, në mënyrë të turpshme, ndërroi qeveria e Edi Ramës në Dibër këto vite.

Nuk do lejojmë ndërtimin e Skavicës. Kjo trevë nuk përmbytet kurrë. Ajo do qëndrojë siç e ka bërë Zoti. Të harrojnë se do përmbysin një pëllëmbë tokë. Nëse duan të ndërtojnë Skavicën, e kanë projektin. U them të heqin dorë, nuk përmbytet Dibra. Ajo u ka rezistuar pushtuesve në mënyrën më heroike. Edi Ramën nuk e ka gjë fare,” tha Berisha.

“Kam një përshëndetje për ju që kapët atë atë kriminelin që blinte vota këtu në Maqellarë. Po ku është ai sot? Është i lirë, pasi Lulzim Brava ju tradhtoi. Nëse do mbronte votat siç i mbrojtën demokratët e Maqellarës, do ishim në pushtet. Po ai e kishte mendjen që të qeveriste me Ramën. Në fakt, atë Rama e kishte marrë peng. Kjo është e vërteta absolute”.

Lideri historik i PD-së, Sali Berisha, ka shkuar sot në Maqellarë për të mbështetur fushatën e Premtim Kryemadhit, kandidatit të koalicionit “Shtëpia e Lirisë” në zgjedhjet e 6 Marsit.

Në fjalën e tij para qytetarëve të Maqellarës, Kryemadhi shpjegoi arsyen pse e kërkon këtë mbështetje nga ata:

“Në 7 vite, Dibra ka ndërruar 5 kryetarë bashkie, – tha ai, – pra çdo vit ne kemi qenë në zgjedhje. Jo vetëm kryetarë bashkie, por edhe një fenomen tjetër: ne udhëhiqemi nga njerëz që na vijnë nga Tirana jo vetëm për bashkitë, por edhe për drejtoritë rajonale: drejtor policie, drejtor dogane, drejtor spitali…Po dibranët ku janë? Ku janë, që të drejtojnë këto funksione?!

A keni parë këto ditë se si është turrur e gjithë administrata, duke filluar nga ministrat, Manja dhe Balluku, me drejtorë, prefektë, nënprefektë, kryetarë bashkie, për të mbështetur këtu kryetarin e PS-së?!

Kjo ndodh sepse ata kanë frikë nga ju, sepse gjithë këto vite nuk qeverisën. Dhe si ndryshohet gjendja?! Këto ditë nuk duhet ndaluar, duhen takuar njerëzit dhe në datën 6 Mars t’i japim ndryshimin këtij vendi.

Këto zgjedhje janë të veçanta. Mandati është vetëm 1 vit e disa muaj. Natyrisht unë nuk mund të premtoj mrekulli për një mandate kaq të shkurt, por rëndësia është tek ndryshimi që do të vijë për të gjithë Shqipërinë, që nuk erdhi për faj të marrëveshjeve që kanë ndodhur. Ky ndryshim është i rëndësishëm, që të zbardhet i gjithë aktiviteti i bashkisë Dibër. E dini që është një-shi i borxhit publik dhe ka një person që mban përgjegjësi për këtë.” syri.net

I ftuar në RTV Ora, deputeti demokrat Luçiano Boçi u shpreh se incineratorët janë një aferë dhe ka shumë shkelje, edhe pse Rama nuk e pranon.

Ai tha se kjo është një skemë korruptive që ka nisur me Elbasanin e ka vijuar me Fierin e Tiranën dhe se ka në krye Edi Ramën.

Boçi: Incineratorët janë një aferë dhe ka shumë shkelje. Rama thotë se ka shkelje, por në fakt nuk pranon aferën. Afera është qeverisëse me objekt shpërdorim e fondeve publike. Kjo skemë duhet të ketë dikë në krye dhe në këtë rast është Rama që miraton fondet dhe vendimet për koncesionit. Kjo është një skemë korruptive që ka nisur me Elbasanin e ka vijuar me Fierin e Tiranën. Këtu ka shkelje të rënda në procedurë dhe në mënyrën se si janë realizuar ato vepra. I gjithë operacioni mund të kushtonte më pak se gjysma e parave të përdorura, ndërsa kostot janë fryrë.

Modeli më flagrant nis me Elbasanin me modelin e incineratorëve, një metodë që është jo e favorshme për vendet evropiane. Derisa një kompani ka dorëzuar një ofertë të pakërkuar dhe merret aprovim dhe ditë pas dite lindin kompani dhe futet në ofertë të pakërkuar. Ministri i Mjedisit i ka kërkuar mendim shumë ministrive, por edhe agjencisë së prokurimeve publike. Forma e ndjekur për incineratorin në fakt nuk ekziston në ligjin për prokurimet publike. Kjo gjë vihet edhe në dijeni të Ëngjëll Agaçit.

Boçi shtoi se në fakt disbursimet për këtë incinerator duhet të ishin nisur kur ai të ishte efeciente, ndërsa ka ndodhur e kundërta.

Boçi: Në fakt disbursimet për këtë incinerator duhet të ishin nisur kur ai të ishte eficente, ndërsa ka ndodhur e kundërta. Disbursimet ndaj kompanisë kanë nisur pa filluar incineratori dhe paratë janë dhënë të gjitha kur ai ka filluar. Elbasani momentalisht ka zero fitim dhe është pranuar një gjë e tillë nga administratori i këtij incineratori. Në Tiranë kryetari i bashkisë së Tiranës ka marrë kompetenca t e këshillit bashkiak dhe atyre të qarkut. Pranueshmëria e tij vetëm me një shkresë ka përjashtuar gjithë bashkitë e tjera. syri.net

Juristja Adriana Kalaja, e ftuar në emisionin Task Force të moderatores Sonila Meço në Syri Tv, ka komentuar aferat korruptive në Portin e Durrësit.

Kalaja thekson se Rama dhe Basha janë dy personazhë, që janë të lidhur fort me këtë histori korruptive.

“Historia e Portit të Durrësit lidhet me Porto Romanon, e lidhen me korrupsionin. Janë histori që bazohen në ligj korruptiv e janë me karakter antikombëtar.

Ka dy persona shumë të fortë të lidhur me këtë histori e ata janë Rama dhe Basha. Lidhjet e Ramës e Bashës dihet, i kemi bërë publike. Mediat nxjerrin vetëm emrin e Oltian Hoxharit. Është i njëjti administrator në 3 milionë shqiptarë”, u shpreh Kalaja.

Lideri historik i PD, Sali Berisha zhvilloi sot një takim me banorët e Njësisë Administrative Bubullimë në Lushnje, në mbështetje të kandidatit të koalicionit opozitar, ‘Shtëpia e Lirisë’, Elton Bano. 

Berisha u shpreh se zgjedhjet e 6 marsit nuk janë thjeshtë zgjedhje lokale, por janë fillimi i një kthese të madhe për vendin dhe shqiptarët.

Duke kërkuar votat për Elton Banon, kandidatin e koalicionit opozitar ‘Shtëpia e Lirisë’, Berisha tha se ndryshimi është jetik për çdo qytetar.

“Unë vij këtu sot për të kërkuar votën tuaj për njërin prej jush, një bir të shquar të Lushnjes, një demokrat të vendosur, një njeri me virtyte, punëtor, shembullor dhe familjar, guximtar. Vij me bindjen më të thellë se Elton Bano do ju përfaqësojë me dinjitet, se ai do të jetë një shërbëtor i përulur dhe i bindur i juaji dhe mbarë qytetarëve të Lushnjes. 

Duke votuar Elton Banon ju shkëputeni nga një administrim shumëvjeçar abuziv i Lushnjes dhe firmosni gjithashtu për Lushnjen dhe Shqipërinë fillimin e një kthese të madhe, një kthese dhe një ndryshimi që në të vërtetë është jetik sot, për çdo shqiptar”, u shpreh Berisha.

Ish-kryeministri analizoi edhe qeverisjen e Edi Ramës të cilin e akuzoi se ka braktisur qytetarët, fermerët dhe të rinjtë.

“Nëse ndali në këto 8 vite çfarë do të gjeni si rezultat të tyre, do të gjeni uljen për shkak të inflacionit të rrogave dhe pensioneve të paktën me 30%.

Në vitin 2013 rrogat dhe pensionet e këtij vendi ishin më të lartat në të gjithë rajonin, përfshirë Bullgarinë dhe Rumaninë. Nuk ishte e lehtë ajo, ishte e vështirë, por ishte e domosdoshme që njerëzit të kishin shpresë të Shqipëria, popullata filloi të rritej nga viti në vit.

Por ju jeni dëshmitar, çfarë investimesh janë bërë në Lushnje në këtë periudhë? Nëse ka shqiptarë të braktisur nga kjo qeveri, të parët janë të rinjtë, të dytët fermerët. Të cilët, po i braktise, të rinjtë ikin dhe largohen, fermerët shkojnë drejt kapitullimit. Një fermer më shkruante se do të mbyllte serën për 6 muaj sepse punëtorët po ikin një nga një jashtë”, tha Berisha.

Vendimi i Gjykatës Kushtetuese, i cili rrëzoi kërkesën e Kuvendit për shkarkimin e Ilir Metës nga posti i Presidentit, ka tërhequr vëmendjen e mediave ndërkombëtare. Pas vendimit të dhënë nga Kushtetuesja, ku vetëm 1 nga 7 anëtarët ishte “pro” shkarkimit, Ilir Meta do të qëndrojë në postin e Presidentit deri në fund të mandatit të tij.

Washington Post shkruan se Gjykata Kushtetuese e Shqipërisë ka rrëzuar vendimin e Kuvendit për shkarkimin e presidentit Meta, “për nxitjen e destabilitetit dhe shfaqjen e njëanshmërisë përpara zgjedhjeve parlamentare të vitit të kaluar”.

“Gjykata tha në një vendim të lëshuar të mërkurën vonë, se provat kundër Metës nuk përbënin “shkelje të rëndë të Kushtetutës”, e cila është një prag ligjor për shkarkimin e një Presidenti në detyrë. Në qershor të vitit të kaluar, ligjvënësit shqiptarë votuan 104 me 7 për shkarkimin e Metës pasi një hetim parlamentar arriti në përfundimin se ai kishte shkelur 16 nene kushtetuese dhe kishte nxitur dhunë me paragjykimet e tij kundër socialistëve në pushtet gjatë fushatës për zgjedhjet e prillit 2021.

Meta, mandati i të cilit përfundon në korrik, kishte denoncuar hetimin dhe shkarkimin, me argumentin se ishin të paligjshme.

“Zero surprizë për zyrën e presidentit! Kjo çështje nuk duhej të fillonte!”, ka shkruar zëdhënësi i presidenti Meta, Tedi Blushi në Facebook pas dhënies së vendimit nga Gjykata Kushtetuese. Vendimi është përfundimtar.

Procesi i shkarkimit u nis nga 49 ligjvënës socialistë në pushtet, të cilët akuzuan Metën, një ish-kryeministër socialist që u largua nga partia vite më parë, për nxitje të destabilitetit dhe dhunës në kombin ballkanik dhe për anashkalimin e opozitës politike përpara zgjedhjeve.

Partia Socialiste përfundoi duke fituar 74 nga 140 vendet e parlamentit për të fituar një mandat të tretë katërvjeçar në qeverisjen e Shqipërisë.

Presidenca e Shqipërisë është kryesisht ceremoniale, por mbart njëfarë autoriteti mbi gjyqësorin dhe forcat e armatosura. Roli në përgjithësi kuptohet gjithashtu si apolitik, por Meta është përplasur rregullisht me qeverinë socialiste.

Që kur u bë president në vitin 2017 me mbështetjen e socialistëve, Meta ka kundërshtuar axhendën e tyre, ka bllokuar emërimet e ministrave dhe ka vënë veton”, thuhet në artikullin e gazetës amerikane. syri.net

Gazetari Artan Hoxha ka dhënë detaje për operacionin e autoriteteve belge. Ai bëri me dije se janë arrestuar në total në dy operacione 109 shqiptarë.

Sipas gazetarit operacioni i fundit edhe ai i kaluar janë drejtuar nga prokurori që mori në pyetje Lulzim Bashën, disa ditë më parë për çështjen e “Toyota Auris”.

“Ky operacion i vitit të kaluar është fillesa e operacionit që është bërë të dielën. Në operacionin e fundit janë arrestuar 45 shqiptarë, janë kontrolluar 80 banesa. Në dy operacionet janë arrestuar 109 shtetas shqiptarë në vendet e BE.

Arrestimet nuk kanë kapur asnjë nga ata që ne i njohim si bosë. Këta nuk ndodhen në Evropë, janë në Dubai. Kanë goditur bosët, por nuk kanë kapur bosët. Këtë operacion që vitin e kaluar i ka drejtuar i njëjti prokuror.

I njëjti prokuror që mori në pyetje Bashën iku atje dhe drejtoi këtë operacion. Edhe operacioni i tetorit edhe ky janë ndjekur nga i njëjti prokuror”, tha Hoxha në ‘Radar Informativ’.

Lidhur me hetimet e prokurorit belg ndaj Bashës, gazetari Artan Hoxha zbuloi detaje të reja.

Ai tha se hetuesit nuk kanë qenë të kënaqur me dëshminë e fundit të deputetit të PD, i vënë nën hetim për 3.5 mln eurot e gjetura në dy automjete ‘Toyota Yaris’.

“Kam pasur një kontakt me belgët pasi kam publikuar një mesazh. Basha deri tani nuk ka thënë që e ka marrë nga agjenci të zbatimit të ligjit. Është vënë në siklet sepse ka thënë që e ka marrë informacion nga shqiptarë emigrantë. Nuk ka emigrant që e di këtë. Pra këtë harrojeni që e dinte njeri kaq kollaj. Në Shqipëri mund të hyjnë çdo ditë ngarkesa të tilla. “Kanë ngelur këtë herë të pakënaqur nga dëshmia e Bashës. Ata nuk e dinë që politikanët në Shqipëri i ndryshojnë deklaratat. Fati i keq i ka rënë Bashës”, tha ai. syri.net

E ftuar në Task Force në SYRI TV me Sonila Meçon, nën kryetarja e LSI-së për Tiranën, Briseida Shehaj ka hedhur akuza në drejtim të kryebashkiakut Erjon Veliaj në lidhje me koncesionin e jashtëligjshëm për inceneratorët.

Sipas Shehajt, Veliaj i ka dhuruar para shtesë koncesionit të Tiranës për depozitimin e dherave, gjë e cila nuk është pjesë e koncesionit.

Shehaj: Që edhe ajo ambasadorja që ka hallin e komisionit atje se kur ishte punë për të tjerët çonte përfaqësuesit atje dhe rrinte nga mëngjesi në darkë. Dhe në të reflektojmë si opozita reale të mos meremi shumë me këtë por të shkojmë te dera e SPAK një mijë veta dhe të flemë atje, ky është opinioni që kam unë të paktën.

Po të shohësh edhe në studimin e fizibilitetit të Tiranës, të ardhurat që ky zotëria do merte janë dy momente, prodhimi i energjisë, riciklimi i materialeve dhe ky 29 euroshi i famshëm për ton.

Askush nuk flet që lali Eri ka bërë me detyrim që të gjithë ndërtuesit në Tiranë, të gjitha gropat që hapen në Tiranë, ku gropa më e vogël për ndërtimet deri në 7 kate shkon deri në 30 mijë euro, më shumë kate shkon deri në 150 mijë euro. Ky zotëria nuk e kishte fare as në studim fizibiletet as shteti nuk kishte hyrë në marrëdhënie dhe ky lali Eri jep monopol me firmën e vet, që lali Eri këtë kontratën nuk e ka kaluar as në Këshillin e Bashkisë dhe rri atje merret me Gon Dukën se kam SPAK-un dhe realisht po na del që e ka SPAK-un.

A po e heton komisioni parlamentar aferën e inceneratorëve? 

Nënkryetari i LSI, Petrit Vasili akuzon kryetaren e Komisionit Parlamentar për inceneratorët, Jorida Tabaku se po tenton të bllokojë hetimet për aferën e shekullit.

Në një lidhje me Skype për edicionin e ‘Ora 19:00’ në Syri Tv me moderatoren Juli Krisafi, Vasili e quajti Tabakun pjesë të skenarit për të mos hetuar inceneratorët.

Vasili tha se deputetja po zbeh denoncimet madhore që bëri LSI që në mars të vitit të kaluar, ndërsa shtoi se Komisioni Hetimor po bën tallava me aferën 430 mln euro.

“Denoncimi i drejtpoërdrejtë ballor dhe me dokumente kompromentuese vendos në një vështirësi të jashtëzakonshme gjithmonë kur ka dyshe të cilat flirtojnë politikisht dhe ndajnë interesa ekonomike të mëdha, siç është dyshja e famshme Rama-Brava. Në rastin konkret janë të interesuar që të bëjnë një show si ai që shikoni ju në të ashtuquajturin Komision Hetimor për hetimin e inceneratorëve, por që show të qëndrojë duhet patjetër të heqim pjesën e vërtetë, theblësore, që është ajo që LSI dhe Kryemadhi, ka bërë duke dhënë një kontribut të jashtëzakonshëm, për të denoncuar ballë për ballë dhe dhëmb për dhëmb korrupsionin e tmerrshëm dhe grabitjen e pashembullt në historinë e pluralizmit të parave publike siç është rasti i inceneratorëve.

Zonja në fjalë është pjesë e këtij skenari, pjesë edhe qesharake, edhe butaforike edhe e rrezikshme sepse i bën shërbim një skenari të tillë. Isha i detyruar të reagoja, sepse kur pashë që në mënyrë të përsëritur dhe të paturp, të gënjente përpara fakteve publike gjerësisht të njohura, vura përballë atë që vetë SPAK ka komunikuar zyrtarisht për hapjen e hetimeve dhe ndalimeve nga një ish-ministër Mjedisi e të tjerë.

Çfarë interesi ka një kryetare e Komisionit Hetimor që të zbehë, të shuajë ato denoncime, kallëzime shumë të rënda dhe me qindra dokumente të LSI, që realisht që ishin ato që vunë në lëvizje këtë aferë, që u shty për ato javët dhe muajt zgjedhorë sepse është denoncuar që në mars 2021, në mënyrë që tangoja të bënte batërdinë e 25 prillit, por ishte e qartë, ‘minarja në xhep nuk futet’.

Kjo çështje është kaq e madhe, kaq e rëndë, por tani është edhe pronë e të gjithë qytetarëve, pasi bëmat dhe gjëmat janë në duart e tyre sa nuk ka asnjë njeri që ta fshehë dot. I bëhet shërbim fshehjes, mbylljes së aferës dhe vazhdimit të përfitimit të cilët vazhdojnë dhe paguajnë në favor të mafiozëve në qeveri“, u shpreh Vasili.

Nga frika e rihapjes së dosjes ‘Nik Muzin’, deputeti Lulzim Basha ka vendosur të humbë një çështje gjyqësore duke mos shkuar fare në asnjë seancë.

Bëhet fjalë për padinë që Partia Demokratike në emër të Bashës kishte ngritur ndaj Evi Kokalarit, në lidhje me akuzat për dosjen e Nik Muzin.

Kokalari këmbëngulte që Basha të vinte në gjyq, por duket se deputeti nuk ka dashur ta shtyjë këtë çështje, pasi do ti hapej dosja që ai mbylli me zor të madh.

Basha e paditi në gjykatë për shpifje por nuk u paraqit në seancë as ai dhe as avokati i tij mbrojtës.  Kjo bërë që Gjykata të pushojë çështjen.

Deklaratat Kokalari i bëri në Durrës, gjatë takimeve të ‘Foltores’ së liderit historik të demokratëve, Sali Berisha.

Reagimi i zyrës së Bashës:

Një spekulante politike, Evi Kokalari, guxoi sot të përsëriste përpara shqiptarëve shpifjet e Edi Ramës dhe Taulant Ballës ndaj Kryetarit të Partisë Demokratike z. Lulzim Basha. Autoritetet përgjegjëse me kërkesë të vetë Partisë Demokratike hetuan për 2 vite lidhur me shpifjen e Edi Ramës dhe Taulant Ballës, duke provuar në mënyrë ligjore dhe përfundimtare se ato ishin vetëm shpifje.

Ricikimi i të njëjtave shpifje, bëhet për të njëjtin qëllim, atë të mbajtjes në këmbë të regjimit kriminal të Edi Ramës. Për këtë arsye, Partia Demokratike do të padisë nesër penalisht për shpifje znj. Evi Kokalari, e cila mund të paraqitet në gjykatë për të provuar akuzat e rreme me dëshmitarët e saj të rremë Edi Ramën dhe Taulant Ballën.

Kryetarja e LSI, Monika Kryemadhi, e konsideron skandaloz vendimin e Komisionit Hetimor për të mos marrë në pyetje Komisionin e dhënies me Koncesion të inceneratorit të Elbasanit.

Në një postim në facebook, po kaq qesharak e sheh edhe arsyetimin për këtë vendim, ruajtjen e sekretit hetimor sipas marrëveshjes me SPAK.

Për Elbasanin, Fierin, Tiranën, topi tashmë është në fushën e SPAK, thotë Kryemadhi.

Ajo inkurajon çdo prokuror dhe gjyqtar, që ta shohin të vërtetën siç është, pa marrë parasysh funksionet apo përkatësitë politike të individëve nën hetim, ndërsa shpreh gatishmërinë për të dëshmuar me fakte dhe prova mbi çështjen.

Reagimi i plotë

Skandaloze! Me urdhër politik, Komisioni Hetimor Parlamentar nuk u lejua të merrte në pyetje Komisionin e dhënies me Koncesion të inceneratorit të Elbasanit me arsyetimin qesharak: Marrëveshje me SPAK (për ruajtjen e sekretit hetimor).

Minimumi, Komisioni Parlamentar duhej të informohej: A ka mbivendosje Komisioni Hetimor Parlamentar me SPAK?

Nëse anëtarët e Komisionit kanë lidhur marrëveshje me SPAK, ku është marrëveshja???

Çfarë statusi kanë anëtarët e KOMISIONIT? A kanë të drejtë deputetët e Kuvendit të Shqipërisë të informohen nga SPAK kë duhet të marrin në pyetje dhe kë jo ? 

Analiza e veprimtarisë apo deklaratat e z. Pëllumb Abeshi, si Kryetar i Komisionit të Dhënies me Koncesion, si dhe anëtarëve të tjerë të Komisionit, do të zbardhnin qartazi për publikun shkeljet e rënda proceduriale, që sipas Kryeministrit Rama nuk ekzistojnë.

Kryetarja e Komisionit duhet të mos kishte lejuar në asnjë moment, heqjen e kamerave që siguronin transparencën për publikun.

Komisioni Hetimor me çfarë duket do të përfundojë thjesht me dëshmitarë që nuk dëshmojnë, apo që nuk do mbajnë mend, se çfarë ka ndodhur.

Për Elbasanin, Fierin, Tiranën, topi tashmë është në fushën e SPAK! Inkurajoj çdo prokuror dhe gjyqtar, që ta shohin të vërtetën siç është, pa marrë parasysh funksionet apo përkatësitë politike të individëve nën hetim.

Ndërkohë, siç e kam bërë në tre kallëzimet penale, shoqëruar me fakte, do vijoj të zbardh pa u ndalur të vërtetën si ka ndodhur, kush e ka lejuar, e kush po përfiton paratë e qytetarëve.

Jam në dispozicion të çdo institucioni, për të dëshmuar me fakte, me prova, me zë e me figurë, të vërtetën e kësaj afere. syri.net

Anëtari i Komisionit të Rithemelimit të PD, Ivi Kaso ka qenë i ftuar në emisionin “Pushteti” në Fax News ku ka folur mbi ngritjen e një komisioni për Reformën Territoriale. Ai tha se “Fraksioni i Vulës” duke nënkuptuar grupimin tjetër të PD-së, kishte ndrmarrë një nismë të tillë pa e kutpuar se çfarë po kërkonin në thelb.

Në analizën e mëtejshme, Kaso u shpreh se me veprimet që grupimi tjetër i PD kishte ndërmarrë, thjesht po bëhej e mundur ruajtja e “status-quo”-së që kishte vendosur kryeministri Edi Rama.

Pyetje: Premisat janë që do arrihet një marrëveshje në fund të këtyre komisioneve, në krye të 6 muajve. Ju si pjesë e Komisionit të Rithemelimit, do gjeni mekanizëm? Sepse po merren vendime edhe për hartën e gjyqësorit…

Anëtari i Komisionit të Rithemelimit, Ivi Kaso: Është e vërtetë që sikundër thatë ju, ka patur një tentativë të asaj që ju e quani PD zyrtare, në fakt është e lehtë që “Fraksioni i Vulës” të flasë për diçka që deputetët si për shembull Oerd Bylykbashi e kanë thënë para 5 muajsh, ishte dhënë dakordësia në kuadër të një pazari diplomatik për zgjatjen e mandatit të Vettingut që ishte një “thrill” nga Edi Rama por edhe nga faktori ndërkombëtar. U hodh në tavolinë kjo pjesa e reformave të tjera për t’u hedhur hi syve qytetarëve shqiptarë.

Nëse sot pyet këdo nga ata që dalin dhe flasin, kur i pyet se çfarë nënkuptojnë me Reformë Territoriale, nuk e dinë as vetë. Dëgjova një artikulim të çuditshëm nga dikush që thoshte “do heqim komunat” kur në fakt komunat nuk ekzistojnë më. Po ashtu edhe nëse i pyet për Reformën Zgjedhore nuk dinë se çfrarë të thonë se çfarë duan të përfshijnë. Nga ato që kanë propozuar shoh se nuk ka asgjë më shumë nga ajo që kemi aktualisht. Ka një amendament të propozuar që ruan status-quo-në. Pra do të thotë se “fraksioni i vulës” është i kënaqur me këtë status-quo.

Nga Guri i Zi i Shkodrës, ku prezantoi kandidatin për kryetar bashkie, Bardh Spahia,  lideri historik i PD, Sali Berisha, deklaroi se Lulzim Basha është politikan i dobët dhe frikacak. 

Përpara demokratëve, Berisha tregoi rastin kur në zgjedhjet e kaluara Lulzim Basha u tremb nga djali i Rrahman Rrajës i cili i kishte thënë të mos shkonte në Fushë Krujë për fushatë elektorale.

I frikësuar, Basha nuk shkoi, tha Berisha, pavarësisht insistimit të kryetarit të degës së PD dhe demokratëve atje.

Berisha kujtoi ngjarjen e vitit 1997 kur Jozefina Topalli u kërcënua me armë në Vlorë, por sërish shkoi dhe takoi demokratët.

“Ju ftonte në miting, vinit masivisht, fliste 1 orë dhe nuk guxonte të përmendte njëherë emrin e Edi Ramës. I thoja, këta vijnë se janë kundërshtarë të Edi Ramës se ua ka sjellë në majë të hundës qeveria. Unë kështu e kam, tha. Por opozita nuk është kështu. Një tip i dobët dhe frikacak. I thotë në Fushë Krujë i biri i një krimineli në Parlament, Rrahman Rrajës, “Lul mos guxo të dukesh në Fushë Krujë”.

Në mënyrë absolute nuk shkoi të bëjë fushatë në Fushë Krujë. Më vjen kryetari i partisë dhe më thotë, kjam shkuar tre herë dhe i kam thënë duhet të vish që të mos na ulësh kokën ne, se thonë që e ka kërcënuar i biri i Rrahmanit e ka kërcënuar dhe nuk vjen dot. Nuk shkoi.

E gjuajtën me kallashnikov Jozefina Topallin në fshatrat e Vlorës dhe shkoi 10 herë të tjera. Kështu është politika, nuk është për t’u trembur“, u shpreh Berisha.

Berisha: Basha frikacak. Revolucioni ynë nuk ndalet pa sjellë PD-në në pushtet

Ish-kryeministri Sali Berisha në fjalën e mbajtur në Gurin e Zi në Shkodër, ku u prezantua kandidati për kryetar në Bashkinë e Shkodrës, Bardh Spahia, foli për Bashën.

Berisha theksoi se Basha ishte një frikacak, që nuk përmenddte dot emrin e Ramës e nuk shkonte nëpër zona të caktuara kur kërcënohej. Ai shtoi se revolucioni i demokratëve nuk ndalet pa sjellë PD-në në pushtet.

“Revolucioni ynë nuk do ndalet pa sjellë PD-në në pushtet. Unë iu garantoj se sikur Lulzim Basha të kishte çerekun e guximit të Jozefina Topallit apo të Voltana Ademit, do të kishte sjellë PD-në në pushtet patjetër. Kur fliste, nuk thoshte një fjalë kundër Ramës, ishte frikacak.

I biri i një krimineli në Fushë Krujë i ka thënë mos të bëjë fushatë e nuk ka shkuar. E gjuajtën Jozefina Topallin me kallash në Vlorë e ka shkuar 10 herë, politika është për të qëndruar në çdo rast. Ne nuk ka forcë që na ndalon, pa përmbusur këtë narko-shtet”, deklaroi Berisha.

Berisha: Basha dekonspiroi operacionin e 4 shteteve, belgët do t’i shkojnë deri në fund

Kandidati i Shtëpisë së Lirisë në Bashkinë e Shkodrës Bardh Spahia ka zhvilluar një takim me banorët e Njësisë Administrative Guri i Zi, në prezencën e ish-kryeministrit Sali Berisha.

Në fjalën e tij, kandidati Spahia vlerësoi dhe falënderoi banorët që i’u bashkun PD-së dhe opozitës së vërtetë, pasi u tradhëtuan gati prej 9 vitesh nga ata që u ktheyn në patericë të qeverisë.

Spahia: Ju faleminderit shumë të gjithëve dhe ju falënderoi nga zemra për këtë pritje dhe për këtë entuziazëm të jashtëzakonshëm, mirënjohje për ju që jeni brenda kësaj salle por edhe për të gjithë ata qytetarët të shumtë që janë jashtë kësaj salle. Falenderoi shumë edhe Doktor Berishën që na nderon me prezencën e tij sot në këtë takim.

Të dashur miq, dua tju falenderoi për kontributin e jashtëzakonshëm që keni dhënë ndër vite për PD saherë që ju është kërkuar. Nuk mund të ishte ndryshe pasi jeni pasardhës të atyre që i thanë jo çdo forme diktature që në fillim, që në 1946 duke iu bashkuar kryengritjes së Postribës dhe atyre klerikëve që nuk kishte si të ndodhte ndryshe. Banorët e Gurit të Zi mund të ishin vetëm me PD e vërtetë dhe do të ishin ata që do i bashkoheshin opozitës së vërtetë që sot mban emrin Shtëpia së Lirisë.

Këto zgjedhje për të cilat jemi në fushatë nuk janë vetëm zgjedhje lokale por janë zgjedhje tërësisht politike. Ku nga të cilat, duke filluar nga Shkodra do ti tregojmë mbarë Shqipërisë se kush është opozita e vërtetë se me opozitën e vërtetë nuk mund të ketë kompromise dhe opozita e vërtetë nuk mund të kthehet në patericë të qeverisë në këto gati 9 vite.

Dhe asgjë më shumë nuk i ka vratë demokratët e vërtetë se sa tradhtia e idealeve të tyre duke u bërë patericë e kësaj qeverie antikombëtare. syri.net

Lideri historik i demokratëve, Sali Berisha gjatë një takimi me intelektualë shkodranë ka folur edhe për çështjen e tapive të tokave.

I pyetur nga një prej të pranishmëve, në lidhje me çështjen e titujve të pronësisë dhe investimeve, Berisha tha këto tapi i kontrollon mafia qeveritare.

‘Mafia i bllokon tapitë. Në Vlorë, 8 drejtorë hipoteke janë ndërruar, ka pasur raste edhe çdo muaj. E tëra një vepër e mafias shtetërore.

Do të marrë fund me shpejtësinë më të madhe, pas përmbysjes së narko shtetit’, deklaroi gjatë fjalës së tij, ish-kryeministri Sali Berisha.

Duke folur për përmbytjet në Shkodër, Berisha deklaroi se janë dhënë disa konkluzione se si mund të shpëtojë qyteti.

‘Qeveria u mor shumë me këtë problem. Ne morëm ish-kryeinxhinierin e ministrisë së Ujërave të Holandës, drejtuesin e digave në Britani dhe një personalitet të shquar italian.

Konkluzionet e tyre ne do ti zbatonim. Njëri prej konkluzioneve ishte ndërtimi i unazës digë.

Shkodran mbrohet duke e lartësuar unazës, duke e përgatitur me të gjitha pompat dhe kryente edhe bajpasin e Shkodrës dhe mbronte dhe qytetin’, theksoi gjatë fjalës së tij, lideri historik i demokratëve, Sali Berisha. syri.net