VOAL

VOAL

(Video) Zëri i Amerikës: Kosovë: Elez Blakaj sqaron arsyet e dorëheqjes

Prokurori Elez Blakaj, i cili kishte drejtuar hetimet mbi keqpërdorimet e mundshme në listën e veteranëve të UÇK-së, sqaroi të hënën arsyet e dorëheqjes së tij. Ai tha se kishte punuar në një ambient skajshmërisht të politizuar në mes të kërcënimeve e shantazheve të shumta.

Ish-prokurori special, Elez Blakaj, është lajmëruar më në fund nga Amerika, ai ka postuar një foto të re në llogarinë e tij në facebook, kështu duke nisur një punë të re sipas komentuesve që janë familjarë dhe miq të tij.

Blakaj i cili ishte padyshim pratogonisti i javës, dha dorëheqje nga pozita e tij,po qendron në Amerikë. Ai përderisa po qëndron në Amerikë,  këti në Kosovë po vazhdon debati për tërheqjen e njeriut që përgatiti aktakuzën ndaj atyre që dyshohet se frynë listat e veteranëve deri në 60 mijë veta, shkruan gazetametro.net.

Dorëheqja e ish-prokurorit Elez Blakaj bëri shumë bujë të madhe gjatë kësaj jave, ai la një letër të dorëheqjes dhe pa iu përgjgijur asnjë reagimi.

Para se të jepte dorëheqje, Blakaj kishte lënë të gatshme aktakuzën për Komisionin qeveritar për verifikimin dhe njohjen e statusit të veteranit, ani pse ajo është gati dhe e dorëzuar te kryeprokurori Aleksander Lumezi, ky i fundit nuk është ngritur akoma asnjë aktakuzë.

Të akuzuar në këtë aktakuzë nga Blakaj janë: Agim Çeku, Nuredin Lushtaku, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj, Xhavit Jashari, shkruan gazetametro.net.

Menjëherë pas dorëheqjes së tij,  ambasadori Delawie e konsideronte ditë të kobshme për sistemin e drejtësisë në Kosovë tërheqjen e ish-prokurorit.

“Ai kishte përkrahjen e Qeverisë amerikane të kryente studimet për master në fushën e drejtësisë dhe hulumtoi raste të rëndësishme në Kosovë. Kosova duhet të dëshmojë përpjekjen e vet në sistemin e drejtësisë, jo vetëm duke i përkrahur prokurorët, por edhe t’i mbrojë të gjithë ata që duan të shërbejnë në detyrën e tyre”, thuhej në reagimin e ambasadës amerikane.

 

Kosovë – Festohet Kurban Bajrami

Shkëlqim Hysenaj

Besimtarët myslimanë në Kosovë po festojnë festën e Kurban Bajramit.

Ceremonia kryesore e faljes së Bajramit, u mbajt në Xhaminë e Madhe në Prishtinë, ku morën pjesë mijëra qytetarë.

Myftiu i Kosovës, Naim Tërnava, tha se islami përçon mesazhe paqeje ndërkohë që foli për rëndësinë e festës së Kurban Bajramit.

“Kurban Bajrami nuk është thjeshtë festë, nëse shikohet nga perspektiva e vlerave, mësimeve dhe udhëzimeve, Kurban Bajrami është shkollë në vete. Vlerat dhe virtytet qe kultivon kjo festë, kalitin dhe farkëtojnë një karakter të fortë për besimtarin të pa ndihmuar nga kode, doke e zakone e veprime primitive. Kurban Bajrami është sinonim i shkëputjes dhe ndarjes fizike e shpirtërore të besimtarit me të keqen dhe të mirën”, deklaroi Tërnava.

Pas përfundimit të ceremonisë së faljes qytetarët uruan njëri-tjetrin. Ata thonë se Kurban Bajrami ka një rëndësi të veçantë në kalendarin e festave islame.

Për besimtarët, Kurban Bajrami i bënë njerëzit bashkë dhe përçon mesazhe paqeje e mirëkuptimi.

Ahmet Aliaj kishte ardhur për të falur Bajramin, në Xhaminë e Madhe në Prishtinë. Ai thotë se kjo festë ka një rëndësi të veçantë për te dhe besimtarët myslimanë.

“Rëndësia e Bajramit është për besimtarët myslimanë se na bashkon të gjithëve, me i ndihmuar njëri-tjetrit. Me pritë çdo të mirë, me pas një drekë të mirë, me i ndihmu njëri-tjetrit. Me menduar për mirë jo për keq. Kjo është porosia e Bajramit”, tha Ahemt Aliaj.

Xhamia e Madhe, Prishtinë

Pas përfundimit të ceremonisë në xhami, Ibrahim Kuçi thotë se është shumë i lumtur për këtë festë. Ai madje është ndarë i kënaqur me ligjëratat që dëgjoi në xhami.

Kjo festë e gëzuar e Kurban Bajramit është e mirëseardhur, kështu që i gjithë populli duhet të festojë atë festën që e ka. Kështu që ka qenë shumë më rëndësi falja e Kurban Bajramit në xhaminë kryesore të Kosovës. Na kanë mbajt në ligjëratë, imamët e përgatitur dhe jemi mirënjohës për organizimin që e kanë bërë Bashkësia Islame e Kosovës”, tha Ibrahim Kuçi.

Këtë ditë është e rëndësishme që të prehet kurbani i cili sipas fesë islame duhet të ndahet në tri pjesë, një pjesë për vete, një pjesë për të afërmit dhe pjesa tjetër duhet të shpërndahet për të varfrit.

Këtë gjë thotë se po shkon ta bëjë menjëherë pas faljes së Bajramit, Besim Vllasa.

“Për bajram, së pari e falim Kurban Bajramin. E therim kurbanin, tash drejt po shkoj atje kësmet dhe pastaj do të rrimë me familje. Bashkim familjar”, tha Vllasa për Radion Evropa e Lirë.

Festën e Kurban Bajramit e festojnë myslimanët në mbarë botën.

Blakaj: Kryeprokurori i shtetit ndërhyri në punën time

 

Prokurori i dorëhequr i Prokurorisë së Posaçme të Kosovës, Elez Blakaj, akuzoi kryeprokurorin e shtetit, Aleksandër Lumezi për ndërhyrje dhe përpjekje për frikësim, ndërsa vë në pah se është kërcënuar gjatë trajtimit të keqpërdorimeve me hartimin e listave të veteranëve të Ushtrisë Çlirimtare të Kosovës.

Javën e kaluar, prokuroria e Shtetit tha se prokurori Elez Blakaj ka dhënë dorëheqje, por pa dhënë hollësi rreth arsyeve të saj. Por mediat e Kosovës njoftuan se dorëheqja lidhet me kërcënimet që i janë barë gjatë kryerjes së detyrës, posaçërisht me rastet e hetuara për terrorizëm dhe listën e veteranëve të Ushtrisë Çlirimtare të Kosovës.

Të hënën në një shkrim në rrjetin social Facebook, zoti Blakaj tha se dorëheqja e tij është “protestë dhe mesazh” për shkak të politizimit të prokurorisë së shtetit.

Më poshtë po e sjellim të plotë shkrimin e zotit Blakaj ashtu siç është postuar në profilin e tij në facebook:

 

Të nderuar kolegë, miq dhe qytetarë,
I shtyrë nga reagimet e shumta dhe ndikimin në publik nga dorëheqja ime, kam vendosur që përmes këtij adresimi të sqaroj për kolegët dhe opinionin e gjerë arsyet e dorëheqjës sime.
Këto ditë kam parë e lexuar shkrime të ndryshme si dhe kam dëgjuar për interpretime te ndryshme lidhur me çështjen e dorëheqjes sime. Nuk jam përgjigjur, sepse ashtu siç e kam njoftuar në një letër të veçant për dorëheqjen time kryesuesin e Këshillit Prokurorial të Kosovës z. Blerim Isufaj dhe Kryeprokurorin e Prokurorisë Speciale, z. Reshat Millaku, ku i kam theksuar se shkaktarët do të paraqiten, e konfirmoj se disa nga ata veç se janë paraqitur- lajmëruar, tashmë.
• Dorëheqja ime ka dy porosi: Protestë dhe Mesazh!

– Si protestë, në kuptim të shprehjes së pakënaqësisë dhe mospajtimit për një menaxhment skajshmerishtë të politizuar, ku rastet e profilit të lartë shumë vështirë lejohen të kalojnë, e madje edhe kur arrin të kalojnë, i tërë procesi shantazhohet me qëllim që në fazat e me vonshme ato raste të dështojnë, sepse janë aty argat i politikës ditore.
– Ndersa si mesazh, kjo vlen për kolegët, se me asnjë çmim nuk guxojmë t’i shesim parimet dhe dinjitetin tonë, para ngritjes në karrierë, apo për hater të shefave tonë, pagave që nuk i meritojmë, kërcënimeve të ndryshme, favoreve tjera me motive të ulta, etj. sepse me qasjen tonë prej servili jemi duke kontribuar në shkatërrimin e shtetit tonë dhe shpresës për të ndërtuar një shtet ligjor, përpjekje dhe sakrificë e shumë gjeneratave, me përkrahje edhe të miqve tonë (mos na lasht Zoti pa ta!), të cilët jemi duke i humbur çdo ditë e më shumë!

• A kam qënë i kërcënuar!
– Kur e kam pranuar punën si prokuror i shtetit të gjitha i kam llogaritur, e poashtu kam qenë i vetdijshëm se mund të jem i rrezikuar. Po, e them se kam qenë i kërcënuar me parë, e poashtu përfshirë edhe në rastin e “Veteranëve”, mirëpo të gjitha këto i kam injoruar, ani pse vetës dhe familjës ja kam bërë shumë më të vështirë jetën, e për këtë dua t’i kërkoj falje familjes sepse kanë vuajtur shumë, sidomos gjatë vitit të fundit.
– Kam pranuar thirrje telefonike nga persona të njohur e të panjohur, më kanë kontaktuar personalisht edhe fizikisht , duke mi përcjell lloj lloj mesazhesh e duke u thirrur në luftën e shenjtë të UÇK-së “ se ki kujdes ku je hi”, “ki kujdes se po do mi njollos vlerat e luftës”, “ pse a po te dhimbën paret e shtetit ty, a mos po ti marrim ty”, “ le, bonja si tjerët” etj., mirëpo të gjitha këto i kam tejkaluar dhe kam vazhduar me punën time me një ekip të vogël bashkëpuntorësh me synimin final që ta kemi një hetim të mirëfilltë, të thellë, gjithpërshirës që duhej te kulmoj me një vendim të bazuar në fakte dhe ligj, në rastin konkret me aktakuzë, që nuk kuptoj arsyet pse ende nuk është dërguar në gjykatë. E për t’ua bërë të qartë se do vazhdoj të hetoj dhe nuk do të ndalem, pavarsisht tentimeve për frikësim, të gjithë antarët e Komisionit Verifikues Shteteror për njohje dhe verifikim te veteraneve, personalisht i kam intervistuar.
– A është dashur t’i lajmëroj këto raste, përgjigja është pooo…., por KU!!!

Në kulmin e këtyre hetimeve, gjatë intervistimeve, Kryeprokurori i Shtetit z. Aleksander Lumezi urgjentisht me fton në zyrën e tij dhe kërkon llogari pse e kam ftuar në intervistim z. Kadri Veselin (madje edhe si deshmitar) për rastin e “Veteranëve”, duke u arsyetuar “ SE ATA KANË IMUNITET NUK KA NEVOJË MI THIRR”, ani pse për këtë çështje ia kam bërë të qartë se Gjykata Kushtetuese në interpretimin e saj “asnjëherë, askujt, në asnjë rrethanë apo cilësi nuk i ka dhënë imunitet kur bëhet fjalë për vepra penale”…. Poashtu, i njëjti e ka hapur edhe temën e rastit “Pronto”, i cili ka provuar të më frikësoj se nese nuk rishikohet aktakuza e dërguar në gjykatë, do të me dërgoj në komision disiplinor… ndersa unë iu kam përgjigjur “Lirisht të parin dërgom mua, se kam problem fare”.
– Sinqerisht nga nga ai moment jam shokuar për nivelin e tij, e për me shumë edhe gjatë një takimi të përbashkët pas një jave, në zyrën e tij, përseri për rastin “Pronto” ku ishte i pranishëm edhe z.Reshat Millaku, znj. Drita Hajdari, z. Lulzim Sylejmani, i njëjti i nevrikosur kërkonte llogari, madje edhe duke uluritur pse kemi ngritur aktakuzë, e poashtu kërkonte të rikthehet apo rishikohet aktakuza e cila ishte dërguar në gjykatë!!! Në këtë takim i njëjti pa fije turpi na tregonte se si është takuar me disa nga njerëzit tani të akuzuar (siç ishte Besim Beqaj) dhe se rezultati i punës nuk i pëlqente duke urdhëruar njërin nga prokuroret e zyrës se tij – z. Lulzim Sylejmani TË MBANTE NJË SHENIM ZYRTAR, sepse disa nga NE nuk po pranonim ta rishikonim vendimin e marrë lidhur me aktakuzën e cila veç ishte derguar në gjykatë!
– Nga ky moment e kam kuptuar plotësisht se kush ishte në të vërtetë Kryeprokuroi ynë z. Aleksander Lumezi. Pas këtij takimi jemi kthyer në PSRK, jemi marr vesh me Kryeprokurorin e PSRK-se z. Millaku “se për asnjë veprim tjetër për rastin e “Veteranëve” nuk do ta informojmë z. Lumezi, e madje edhe kur do ta ngrisim aktakuzën, PO NUK MË DOLI KËSHTU”, doli qe z. Lumezi ka qënë i njoftuar për veprimet dhe aktakuzën dhe se z. Reshat Millaku për më shumë se një muaj nuk me ktheu përgjigjie, duke e mbajtur aktakuzën të cilën e kisha nënshkruar ani pse të gjitha provat dhe shkresat janë gati për të shkuar në gjykatë dhe se ajo aktakuzë, në atë përmbajtje dhe me ata të akuzuar, nuk po shkonte dhe se dyshoj edhe tani se do të shkoj në gjykatë, pavarësisht se Kryeprokurori Millaku po arsyetohet edhe tani në disa detaje teknike dhe precizim të dispozitivit te aktakuzës, po thjeshtë dëshmo vullnetin e vendosi edhe ato detaje teknike pra, dhe le të dërgohet Aktakuza në gjykatë! Më vjen keq edhe për z. Blerim Isufi për të cilin kam pas respekt, por thjeshtë dua t’ja bëj me dije se provat ishin ato të cilat nuk më lejonin ta hiqja nga aktakuza z. Rrustem Berishen, përkundër insistimit të tij!
– Opinioni duhet ta dij se ky rast ka nxjerrë në pah realitetin se çfarë niveli, integriteti dhe morali kemi, me çfarë lehtësije abuzojme dhe e vjedhim shtëpinë tonë dhe se me sjellje të tilla vazhdimishtë jemi duke e fyer, sakrificën dhe mundin e shumë gjeneratave, në veçanti të atyre që kanë luftuar dhe rënë për këtë vëndë. Andaj, unë vlerësoj se NE duhet të kemi frikë vetëm nga një faktë, E AI ËSHTË TURPI, e unë, për asnjë moment nuk pranoj të jem prokuror i shtetit dhe të turpërohem, sepse ky është kërcënuesi më i madh!!!
– Njoftoj opinionin publik se edhe përkundër vullnetit tim personal për t’i adresuar këto probleme brenda sistemit, e kam pasur të pamundur sikurse e ka të pamundur pothuajse secili prokuror dhe zyrtar në sistemin prokurorial të raportoj këto apo çdo shkelje tjetër, pasi që i njejti sistem tanimë është në duar të një numri të caktuar të prokurorëve të cilët thjeshtë nuk njohin ligj dhe procedura. Në një shtet normal, qytetarët do të pyesnin nëse Këshilli Porkurorial apo Shoqata e Prokurorëve ka ndërmarr ndonjë veprim lidhur me rastin tim që nga dorëheqja, besoj se përgjigjen tanime e dini të gjithë. Mjerim!

– Në fund dëshiroj ti falendëroj të gjithë koleget, bashkëpuntorët dhe hetuesit, të cilët nga fillimi i marrjes se përgjegjesisë sime si prokuror kanë besuar dhe me kanë përkrahur ne punën tonë të përbashkët, duke siguruar ata se, kudo që te jem, në cfardo pozite të jem do punoj për një sistem të drejtësisë me dinjitet, sepse SOT ky është amaneti që duhet të jetësohët.

Me respekt
Elezi

Diversionet politike?! – Nga Skënder MULLIQI

1. Mendoj po ndoshta edhe mund të gaboj së në Kosovë ka organizata të cilat po punojnë në dështimin e shtetit të ri.Këto organizata duket së janë formuar nga anetarët e vjetër e të ri të partive komuniste etj .Ne qdo hap dhe sipas rrjedhave të deritashme politike dhe rrjedhave ekonomike duket së në jetën tonë ka hy pa përgjegjësia, paranoizmi, ndërskamcat , diverzionet e ndryshme , saboterët , hajnit , krejt kur të sublimohen ne çdo rast i ngjajnë luftës speciale kunder Kosovës .Kjo kërkon një analizë të mirë dhe serioze , së punët janë duke na shkuar gjithnjë e më keq .Është krijuar një rrjetë I fortë I cili po instalon një llojë lufte speciale , po instalon një luftë psikologjike mbytese për shtetin dhe kombin.Këto diverzione politike por edhe të natyrave tjera janë duke na shkaktuar dëme që vështirë mund të riparohen.

Është futur në funksion edhe një luftë psikologjike në sistemin e informacionit .Të gjitha këto opstrukcione po I lexojmë dhe I ndeshim në Fb, Twiter , Istagram dhe në rrjete të tjera sociale ,të cilat po instalojnë një luftë specile psikologjike të informacionit anti Kosovë.Nuk është qudi së pasluftës në vendin tonë kan vepruar dhe po veprojnë shumë sherbime sekrete të shteteve të ndryshme , të cilat edhe kan misione të posaqme jo fortë dashamirëse karshi të ardhmes së Kosovës.Sigurisht së një rol të madh në destabilizmin e Kosovës janë duke e luajtuar shërbimet sekrete serbe dhe ruse .Kosovën sipas të gjitha gjasave shumë po e kontrollon edhe nëntoka . Si të kuptohet ndryshe kur punët jo që nuk po përmirësohen , por ato gjithnjë e më shumë po ngaterrohen si në planin politike dhe ate të pergjithshem .Dikush më qëllim ose pa qellim është duke I aplauduar gjithë këtyre ndodhive të pamira edhe nga radhet e pseudoanalisteve.Gjithnjë e më shumë po kompremetohet Kosova në sytë e botës demokratike që nuk ka gje me keq .Si ti kuptojmë veprimet e presidentit Hashim Thaçit, I cili po thuaj në tërsi I ka marre kompetencat të dialgojë më Serbinë .

Bisedimet më Serbinë armike nuk është lehtë të zhvillohen , dhe nuk zhvillohen me duar në xhepa, pa përgatitje paraprake , pa përgatitje ekipore dhe pa lejen e kuvendit si institucioni më i lartë I shtetit?! Kjo është pa përgjegjësi totale , së bisedmet të cilat po hyn në fazën finale nuk janë lojëra fëmijësh, dhe nuk ka të drejtë askush të bëjë pazare në dëm të vendit .Nese presidenti Thaçi e ka frikën nga Specialja , nuk ka asnjë të drejtë të futët në pazare politike aq të dëmshme për shqiptarët më serbin Vuqiq.Coptimit të ri të trojeve etnike u ka ardhur fundi, dhe qdo nismë në këtë drejtim don të thotë konflikt te ri më Serbinë .Nuk guxojmë të biem pre e qarqeve të ndryshme antishqiptare të cilat nuk janë të pakëta . Serbia e zgjeroi territorin shumë herë deri më sot duke grabitur tokat shqiptare, duke bërë spatrime etnike .Nese presidenti Hashim Thaçi ka presion nga ndërkombëtarët duhet të dalë para opinionit dhe ta tregoi haptazi së për qfarë në fakt bëhët fjalë, e jo te veproj ne këtë menyrë …Por deklarata e kancelares gjermane, Angela Merkel per mos ndryshim të kufijve(ndarje të Kosoves) duket se do të ndryshon gjitheqka rreth kësaj teme shumë të ndieshme dhe të dëshme për Kosovën …

2 .Është shumë e turpshme dhe është shumë e pafalshme gjithë këto rrena që ju bën elektoratit në zgjedhjet e deritashme nga partitë shtetformuese .Akterët politike po tallën më votuesit më “barkë të thatë”.Kjo klasë politike janë duke shigjetuar mirë në caqet e tyre , në realimin e interesave të tyre .Të tjerët që janë shumicë po mundohen të mbjetojnë si po munden dhe gjithnjë më motivacionin që të kërkojnë shpëtim diku jashtë Kosovës. Nuk duhet njeriu të jetë shumë I menqur për të terhequr vijën ndarëse të gjithë atyre viteve që shumica janë të humbura për njeriun tonë.Jo që nuk u punua , por morem shumë goditje në kokë e kudo tjeter duke menduar së gjerat do të shkojnë shumë më ndryshe . Duket së gjitha këto marifete jo te mira edhe i kemi merituar .Heshtja e popullit dhe dhënja e votes njerëzve të cilët me shume punuan per vete nuk justifikohet .Kjo klasë politike ka bërë që për qdo ditë njerëzit ta braktisin Kosovën .Po e braktisin Kosovën për shkak te pasurimit të paligjshem , pa punësisë të shkallës enorme , përvetësimit të të mirave shoqërore dhe shumë padrejtësive të tjera… .

HARTA IME NUK KONTESTOHET! – Nga PREND QETTA

 

Kjo Harte qe ne po shofim ketu nuk eshte Harta ime dhe une mund ta kontestoj kete por askush ne bot nuk mund ta kontestoj Harten time edhe pse ate gjat shekujve e thyan, e shkyen, e demoluan, e shkatrruan, e coptuan, e pushkatuan, e bombarduan, e çane dhe keshtu e lane jo pse spati kush ta mbroj por se me te gjithmon u luajt e njejta loj! Mirepor per ta spjeguar versionin tim se pse nuk mund te kontestohet Harta ime qe eshte e popullit tim do perpiqem qe shkencrisht ta argumentoj se ky version eshte shum i perafert me ate te ekspertve botror qe poashtu shkencrisht po perpiqen ta ristrukturojn Harten e botes. Me shkatrrimin e Jogosllavis jane gjetur nga ekspertet defekte shum te medha qe jan shkaktuar gjat historis nga nacionalizmat e ndryshem gje qe eshte konstatuar se ka patur jo rrall edhe pastrime etnike dhe gllaberime te teritoreve kudo ne ket regjion e qe me se keqi e ka psuar shqiprija e cila ka humbur me se shumti teritor. Tash Ekspertet e kan te cart se Ulqini, Tivari, Tuzi, Plava dhe Guaita si dhe krejt Malsija, pastaj Presheva, Bujanovci, Ilirida dhe Camerija me te gjitha rrethinat kan qen dhe jan toka shqiptare te cilat jan shkeputue heret a von nga trungu am, dhe ata jane fare te cart se kjo situat nuk mund te mbretroj edhe me tutje! Tani se si do shkojn punet mbetet te shifet sepse me duhet nje hulumtim i hollsishem por jam i sigurt se formula e pergjithshme egziston, por ajo do te precizohet ne te ardh men. Nje gje per te cilen jam shum i sigurt ne si popull nuk duhet te heqim dor kurr nga kerkesat dhe nga Harta qe nuk mund te kontestohet. Lind pyetja se sa po punohet nga gjenerata jone per kete gje? Konstatimi im eshte se shum pak dhe qe nga paslufta kemi humbur shum kohe per asgje dhe armiqet tane jane shum me te organizuar dhe jo rastesisht edhe jan bashkuar perseri ne luft kunder nesh edhepse e drejta eshte ne anen ton ata tentojn te na i thyen Hartat!

Thaçi: Fundi i dialogut me Serbinë, duhet të përmbyllet me njohje reciproke e anëtarësim të Kosovës në OKB

PRISHTINË – Presidenti i Kosovës, Hashim Thaçi është shprehur sot se fundi i dialogut në mes të Kosovës dhe Serbisë, duhet të sigurojë njohje reciproke dhe anëtarësimin e Kosovës në OKB.
Në një postim në twitter Thaci shkruan se mendimet e tjera rreth rezultateve të këtij dialogu, janë të pakuptimta apo interpretime false.

“Fundi i dialogut në mes Kosovës dhe Serbisë, përfshirë edhe demarkacionin e 400 kilometrave në mes te dyja vendeve, duhet të përmbyllet me njohje reciproke dhe anëtarësim të Kosovës në OKB dhe organizata tjera. Mendimet e tjera rreth rezultateve të këtij dialogu, janë të pakuptimta apo interpretime false” – shkruan Presidenti Thaci në twitter

The end of the dialogue between #Kosovo and #Serbia, including the demarcation of 400km of border between two countries, must ensure mutual recognition and Kosovo’s membership in UN and other multilaterals. Other opinions about the end-game are nonsense or false interpretations.

— Hashim Thaçi (@HashimThaciRKS) August 17, 2018

Delawie: Ka kufizime se çka do të pranojmë si marrëveshje Kosovë-Serbi

Ambasadori i Shteteve të Bashkuara të Amerikës, Greg Delawie, ka thënë se vendi i tij ka disa kufizime se çka do të pranohet si marrëveshje ndërmjet Prishtinës dhe Beogradit.

Në një adresim për media, Delawie ka shtuar se SHBA-ja është e përkushtuar ndaj sovranitetit të Kosovës dhe se Uashingtoni nuk dëshiron ta shohë një marrëveshje që do të krijonte më shumë probleme se sa që do të zgjidhte.

Ky është adresimi i plotë i ambasadorit Delawie:

Jam i lumtur që kaq shumë qytetarë kosovarë tani po marrin pjesë në bisedat e rëndësishme për dialogun me Serbinë. Kjo është gjë e mirë. Megjithatë, dëshiroj t’i qartësoj disa gjëra. Ne besojmë se thelbi i marrëveshjes ndërmjet Kosovës e Serbisë duhet të vijë nga vetë palët. Por ka kufizime çka do të pranojmë.

Ne jemi të përkushtuar ndaj Kosovës; jemi të përkushtuar ndaj sovranitetit dhe suksesit të saj ekonomik. Jemi plotësisht të vetëdijshëm për rolin historik që Shtetet e Bashkuara të Amerikës e kanë luajtur për t’i dhënë fund konfliktit në përgjithësi në Ballkan, dhe në veçanti në Kosovë.

Nuk duam që të kthehen ditët e dikurshme; nuk duam që të shohim një marrëveshje që do të krijonte më shumë probleme se sa që do të zgjidhte. Duam të ndihmojmë në arritjen e një marrëveshjeje të zbatueshme, të qëndrueshme dhe që i kontribuon stabilitetit në rajon.

Çdo marrëveshje duhet të garantojë sigurinë për të gjithë qytetarët e saj, duke përfshirë grupet e pambrojtura, serbët e Kosovës dhe kishën ortodokse serbe. Javëve të fundit ka pasur pak retorikë të padobishme, duke përfshirë edhe kërcënime dhe gjuhë të tillë që e kemi dëgjuar gjatë ditëve të këqija të dikurshme të komunizmit.

Kjo duhet të ndalojë. Deklaratat e tilla minojnë gjasat për zgjidhje dhe i ngritin tensionet. Dhuna dhe kërcënimet për dhunë janë të papranueshme.

Ne do të qëndrojmë krah jush gjatë këtij rrugëtimi.

Gjatë javëve të ardhshme, dëshiroj t’ju njoftoj me disa prej diplomatëve të sapoardhur në Ambasadën tonë, të cilët i janë bashkuar ekipit tonë për të siguruar që partneriteti ynë me Kosovën mbetet i fuqishëm.

Arrestohet deputetja e Vetëvendosjes, Saranda Bogujevci

Deputetja e Lëvizjes Vetëvendosje, Saranda Bogujevci. Foto nga arkivi

Policia e Kosovës ka arrestuar 8 aktivistë të Lëvizjes Vetëvendosje, gjatë ditës së sotme. Ndër të arrestuarit është edhe deputetja e Kuvendit të Kosovës, Saranda Bogujevci.

Aktivistët e kësaj Lëvizje u arrestuan teksa po zhvillonin një aksion simbolik pranë Stacionit të Policisë në Prishtinë, për siç thuhet në lidhje me neglizhencën e institucioneve të Republikës së Kosovës për dhunën ndaj grave.

Në një komunikatë për media të Lëvizjes Vetëvendosje thuhet se aktivistët e tyre kanë hedhur ngjyrë të kuqe në drejtim të Policisë së Kosovës, e siç thotë ky subjekt politik, “kjo polici i ka duart me gjakun e grave”.

Avni Arifi: Serbia s’mund ta kontrollojë Kosovën përmes Asociacionit

Flamuj të Serbisë në Mitrovicën e Veriut. Fotografi nga arkivi.

Ideja e Serbisë që ta kontrollojë shtetësinë e Kosovës përmes Asociacionit të komunave serbe nuk do të ketë sukses, ka thënë këshilltari politik i kryeministrit të Kosovës, Avni Arifi, përmes një postimi në Facebook.

Sipas tij, Kosova ka marrë obligime ta krijojë Asociacionin, por jo në dëm të Kosovës.

“Kosova kurrë nuk ka marrë obligim që të krijojë Asociacion që do të shërbejë si instrument i shtetit serb për defunksionalizimin dhe kontrollimin e shtetit të Kosovës. Ideja që nëpërmjet Asociacionit të depërtohet në funksionim të shtetit të Kosovës, është perfide dhe nuk do të kalojë”, ka shkruar Arifi.

Një ekip menaxhues i përbërë nga serbë të Kosovës, tashmë ka përfunduar hartimin e draftit të statutit, mirëpo ende nuk është bërë publik. Qeveria e Kosovës ka hedhur poshtë zërat që thonë se duhet të ketë ndryshime në Kushtetutën e Kosovës për t’i dhënë Asociacionit kompetenca shtesë.

“Në këtë qëndrim Kosova vazhdon të kërkojë zgjidhje dhe ka konsensus të mjaftueshëm në shoqërinë e Kosovës për gjetjen e një zgjidhjeje gjithnjë duke ruajtur kushtetutshmërinë, tërësinë territoriale dhe funksionalitetin e shtetit”.

Arifi ka thënë se shteti i Kosovës nuk do të krijojë Asociacion, i cili do të jetë instrument i shtetit serb.

Thaçi flet qartë për Reuters: Është momenti për të korrigjuar kufirin midis Kosovës dhe Serbisë

Një korrigjim i kufijve me Serbinë mund të përfundojë tensionet e vazhdueshme midis Beogradit dhe Prishtinës dhe t’i lejojë të dyja vendet të lëvizin drejt anëtarësimit në BE.

Kështu ka thënë presidenti i Kosovës, Hashim Thaçi, gjatë një interviste për Reuters, përcjell Telegrafi, duke shtuar se ai do t’ia paraqesë planin e tij presidentit të Serbisë, Aleksandër Vuçiç, kur ata të takohen në shtator në Bruksel, si pjesë e dialogut të sponsorizuar nga Bashkimi Evropian.

 

“Definitivisht tani është momenti për të korrigjuar kufirin midis Kosovës dhe Serbisë, që është rreth 400 kilometra”, citohet të ketë thënë Thaçi.

“Kjo do të ndihmonte në shmangien e problemeve ndëretnike dhe krijimin e çfarëdo rajoni autonom si Republika Srpska (në Bosnjë)”.

Megjithatë, Thaçi nuk ka folur rreth asaj nëse Serbia mund të marrë në këmbim për heqjen dorë nga një territor i tillë – dhe hodhi poshtë çdo ndarje të Kosovës përgjatë vijave etnike.

“Korrigjimi i kufijve definitivisht do të shmangë ndarjen e Kosovës, shkëmbimin e territoreve, më shumë krizave apo probleme, ose ndoshta edhe një luftë të re”, ka thënë ndër tjerash ai.

Përkundër kësaj, disa vende perëndimor nuk janë shprehur pro idesë së presidentit Thaçi.

Kancelarja gjermane, Angela Merkel, ka thënë të hënën se integriteti territorial i shteteve të Ballkanit Perëndimor “është i shenjtë”.

Gjithashtu, edhe ambasada britanike në Prishtinë ka thënë se “thirrjet për rivendosjen e kufijve kombëtarë mund të jenë destabilizues”.

Por Thaçi, siç shkruan Reuters, është besimplotë se vendet perëndimore do të mbështesin çdo marrëveshje të nënshkruar mes tij dhe Vuçiqit, të cilën ai beson se mund të arrihet deri në shkurt të vitit 2019.

“Nëse palët bien dakord në procesin e dialogut dhe ata arrijnë një marrëveshje, BE dhe Shtetet e Bashkuara do të mbështesin çdo marrëveshje për korrigjimin e kufirit”, tha Thaçi.

“Ne po ndjekim një proces paqësor dhe kjo do të shmangë problemet, do të shmangë krizat dhe do të hapë një perspektivë të BE për të dy vendet”./Telegrafi

Hoti: Korrigjimi i kufijve rrit shpresat për ndarje të Kosovës

Shefi i Grupit Parlamentar të Lidhjes Demokratike të Kosovës, Avdullah Hoti, përmes rrjetit social Facebook, ka deklaruar se presidenti i Kosovës, Hashim Thaçi, përmes idesë për korrigjim të kufijve po dëmton punën e gjatë në krijimin e stabilitetit dhe barazisë së komuniteteve në Kosovë.

“Propozimi kontravers i Presidentit për korigjim kufijsh i ka dëmtuar në thelb përpjekjet e kahmotshme, tonat dhe të bashkësisë ndërkombëtare, për të krijuar rrethana të favorshme për komunitetin serb që të jetë pjesë aktive dhe e barabartë e jetës institucionale në Kosovës”.

“Propozimi për korigjim kufijsh po ndihmon drejtëpërdrejt politikën refuzuese të përfaqësuesve politik të komunitetit serb ndaj institucioneve të Kosovës, si dhe po i ushqyen shpresa e tyre se Kosova mund të ndahet dhe një pjesë e saj mund t’i bashkangjitet Serbisë”, thuhet në postimin në Facebook.

Hoti shtoi se krijimi i një Qeverie të re do të eliminonte pasigurinë politike dhe sipas tij, “nuk do të lejonte pazaret me shtetësinë e Kosovës”.

“Ne mbesim të palëkundur në idealin tonë për një Kosovë demokratike e të pavarur në tërësinë e saj territoriale, të zhvilluar në çdo cep të saj e me mundësi të barabarta për të gjithë pa dallim, të integruar në BE dhe NATO, si dhe në miqësi të përhershme me SHBA”, theksoi Hoti.

Presidenti i Kosovës, Hashim Thaçi po kërkon që në kuadër të dialogut me Serbinë, që ndërmjetësohet nga Bashkimi Evropian, të flitet edhe për korrigjimin e kufijve dhe mundësisë së bashkimit të Luginës së Preshevës me Kosovën.

Idenë e ndryshimit apo korrigjimit të kufijve nuk po e përkrah as kryeministri Ramush Haradinaj, i cili në një deklarim, tha se kufijtë ndryshohen vetëm me luftë.

Thaçi ka deklaruar se është duke punuar që çështja e Ligjit për referendum të dërgohet sa më shpejt në Kuvendin e Kosovës për miratim, me anë të të cilit do t’i mundësohej qytetarëve të vendosin për këtë çështje.

NUK KA SHKËMBIM PAQESOR TERRITORESH, KA VETËM SKENAR SIRIAN, ME RUSINË SI ARBITËR KRYESOR – Opinion nga MILAZIM KRASNIQI

Çfarëdo iniciative për shkëmbin territoresh me Serbinë është akt tradhtie ndaj shtetit të Kosovës. Ja pse!
1. Iniciativa e tillë e bllokon përfundimisht njohjen e Kosovës si shtet nga OKB, BE, OSBE dhe NATO-ja, sepse nuk kanë pse ta njohin një shtet që ka dalë në pazar. Më e pritshme do të ishte tërheqja edhe e njohjeve të deritashme.
2. Iniciativa e tillë minon tërësisht integrimin e serbëve në shtetin e Kosovës. Përderi sa ata në veri do të fitonin atë që duan, bashkimin me Serbinë, serbët në brendësi, do të rebeloheshin dhe do të krijonin milicitë e veta, si në Siri. KFOR-i do të mund të tërhiqej, për të mos u përfshirë në një konflikt të brendshëm.
3. Edhe shqiptarët e pakënaqur do të rebeloheshin dhe do të krijonin milicitë e veta. Nuk duhet të harrohet se Kosova është një shtet që nuk ka fare ushtri.
4. Rusia do të shfaqej pashmangshëm si aktor në krizën e tillë, siç u shfaq në Siri. Me shkembim territoresh, Rusia zbret në Urën e Ibrit. E pra, nuk është zor të parashihet se çfarë shteti të Kosovës mund të kesh, me Rusinë në Urën e Ibrit!
5. BE do të lante duart si Pontie Pilati, e kënaqur që “zgjidhjen përfundimtare” me shqiptarët muslimanë do ta bënte Rusia. Kjo ka qenë në ëndërr e vjetër e saj, prej të cilës nuk ka hequr dorë kurrë plotësisht. Ëndrrën ia prishi SHBA në vitin 1999.
6. SHBA e Trampit i ka duart të lidhura, me dyshimet ndaj presidentit për lidhje me Rusinë. Ndërsa, nëse ato lidhje dalin të vërteta, atëherë situata jonë do të ishte edhe më e tmerrshme, sepse në atë rast Kosova do të mund të bëhej pjesë e pazareve gjeopolitike. Po edhe pa këto dyshime, duhet ta dijë secili që Rusia me Putinin e vitit 2018 nuk është si Rusia me Jelcinin në vitin 1999 dhe as SHBA me Trampin nuk është si SHBA me Klintonin në vitin 1999. Kjo do të thotë se sponsori i çlirimit dhe pavarësimit të Kosovës ka probleme serioze, për ç’arsye asnjë aventurë nuk lejohet. 7. Edi Rama është manipulant i tmerrshëm dhe i gatshëm që të ndihmojë Vuçiqin, qoftë dhe në dëm të Kosovës, siç ka bërë disa herë deri sot. Pra, nuk mund të llogaritet aspak ndihma e Shqipërisë së Edi Ramës për asgjë. Prandaj, mesazhi është: mos luani me zjarr, mos luani me fatin tonë, mos e shkatërroni ëndrrën tonë që ta kemi shtetin tonë! Nëse e bëni, gjendja do t’u dalë jashtë kontrollit dhe do të zbatohet skenari sirian, me Rusinë në rolin e arbitrit kryesor, bash siç po ndodhë në Siri. Veç mos thoni se nuk e keni ditur!

Baton Haxhiu: Veriun e Kosovës duhet ta lëmë të ikë

Për gazetarin Baton Haxhiu, marrëveshjeve Kosovë-Serbi për shkëmbimin e territoreve është për të ardhmen e Kosovës dhe Ballkanit Perëndimor.

Në një opinion të tijin, ai jep edhe argumente në mbështetje të kësaj teze:

Ndarjet janë gjithmonë të vështira. Veçanërisht ato territoriale.
Disa janë të thjeshta për t’u kuptuar, si e Kosovës nga Serbia në vitin 1999, por disa tjera janë shumë më komplekse – siç duket se do të jetë marrëveshja finale ndërshtetërore mes dy vendeve, e planifikuar për vitin e ardhshëm.
Kam lexuar shumë shkrime këto ditë. Hiq shkrimin e Blerim Latifit që përfaqësonte idenë e qartë në shkrim, tjerat ishin jashtë kontekstit, dashakeqe dhe jokontribuese me ide të reja. Të përqendruara në fyerje dhe ndëshkime deri në tradhëti. Fjalori i politikës është padyshim i vrazhdë dhe ka filluar një betejë e fortë për të shpallur tradhtarin e së ardhmes. Por ka një lidership në Ballkan që ka hapur idenë për fundin e armiqësisë. Dhe arsyeja pse ka ndodhur ky diskurs publik mund të përfshihet në disa pika.
Kemi harxhuar shumë kohë duke pritur që të tjerët t’i marrin vendimet për ne, nga frika për të vepruar, të paralizuar nga ndjenja se për hir të respektit duhet të presim. Por pritja nuk është më alternativë. Koha ka ardhur dhe kjo gjeneratë e qytetarëve të Kosovës duhet të veprojë për hir të asaj që do të vijë. Për hir të gjeneratave të ardhme të shqiptarëve. Për hir të gjeneratave të ardhme të serbëve. Për hir gjeneratave të ardhme të europianëve.
Ne jemi gjenerata e re e Europës dhe pjesë e të ardhmes së saj, ndaj e kemi për detyrë të veprojmë në emër të vlerave të saj. Në emër të paqes, pajtimit dhe të një të ardhmeje të përbashkët.
Prandaj duhet të jemi të vendosur të japim propozime të zbatueshme në praktikë për pajtim me Serbinë dhe ta gjejmë realisht zgjidhjen për paqen e së ardhmes.
Kosova mund të bëhet shtet funksional vetëm nëse zgjidhja kërkohet në ridefinim ose delimitim të kufirit me Serbinë. Sepse, ndryshe, frika kurrë s’do ndalojë së krijuari probleme në këtë tokë.

Pak histori

Tri herë Veriu i Kosovës ka qenë pjesë e tavolinës për këmbim ose ridefinim të kufirit. Në kohën e kësaj përfoljeje tema e ndarjes dhe shkëmbimit ishte tejet e gjallë dhe joshëse. Atëherë Kosova nuk ishte as pjesë e Serbisë, as pjesë e Shqipërisë dhe as pjesë e Europës. Kosova bashkonte epërsinë e popullatës shqiptare dhe epërsinë e fuqisë ushtarake serbe.
Gjatë vitit 1997, ideja e ndarjes kishte fuqinë serbe dhe prekte kufirin diku te Ferizaj. Të gjithë që banonin në Prishtinë duhej të shpërnguleshim dhe të kërkonin një hapësirë për të jetuar në një shtet që s’kishte as emër, as identitet dhe as të ardhme. Ky variant nuk përfshinte marrëveshje, por projektonte fuqinë ushtarake serbe mbi pafuqinë tonë. Kjo tablo kishte vetëm një akter dhe ata që përjetonin ndarjen pa shikuar nga prapa.
Në vitin 2000 ishte një qytet që ruante shkëlqimin e dikurshëm të bashkëjetesës. Ishte një hapësirë e territorit ku shqiptarët e Kosovës, përveç ndonjërit që kishte prapavijë komuniste, nuk kishin shkelur kurrë në atë tokë. Ishte pjesa e Veriu të Kosovës. Për pjesën tjetër të Kosovës, Veriu nuk kishte asgjë të përbashkët me territorin tjetër kosovar. Pikërisht se nuk kishin dukuri të një qytetërimi të përbashkët, ata me zell mbanin veten si pjesë të një qytetërimi tjetër, por kishin edhe një dell provincializmi dhe dell për një identitet jokosovar.
Duke qenë e tillë, kjo pjesë u bë strehë e banorëve të ikur serbë që nga 13 qershori i vitit 1999. Asnjëherë – as para luftës, as pas luftës, as tash – banorët e kësaj pjese nuk kanë qenë pjesë në jetën e qytetërimit të Kosovës.
Duke qenë e tillë dhe duke e parë lehtësinë e ndarjes, Forcat Franceze të KFOR-it projektuan ndarjen fizike, me murin e lartë katër metra, ndarjen fizike të Veriut të Kosovës përreth lumit Ibër.
Ishte një mik francez, së bashku me ekipin e Kadri Veselit, që e pati ndaluar këtë plan duke e konsideruar Veriun e Mitrovicës si pjesë të Kosovës. Muri francez nuk u bë kurrë.
Ngjarjet e vitit 2004 shpërthyen pa fund pezmin e së kaluarës. Ky vit goditi fort idenë multietnike të Kosovës. Oliver Ivanoviq, një politikan pragmatik serb, duke qenë i afërt me trupat ushtarake franceze kishte kuptuar se Veriu i Mitrovicës ishte vështirë i shkëputshëm nga pjesa tjetër e qytetit. Ai kishte propozuar që Veriu i Kosovës ta merrte formën e vitit 1953. Konflikti dhe mosbesimi etnik kishte arritur kulmin. Serbët e Veriut të Kosovës nuk dëshironin ta pranonin shtetin e Kosovës.
Ivanoviq kishte dalë me propozim që tri komunat serbe t’i bashkoheshin Serbisë. Kisha serbe dhe serbët brenda Kosovës kishin arritur që ta ndalin procesin me arsyetimin se për Kosovën duhet blerë kohë derisa fuqitë ndërkombëtare ta humbnin interesimin për Kosovën. Dhe ashtu ndodhi.
Viti 2011 kishte lënë Veriun e Kosovës jashtë interesimit të UNMIK-ut. Atje dominonte gjithçka serbe. Nuk kishte asgjë që përfaqësohej nga shteti i Kosovës. Ishte një diplomat që e ndërpreu rrugën e humbjes së Veriut. Ai quhej Christopher Dell. Shprehja e tij e famshme, “Duhet ta rrotulloni tavolinën në qetësinë e restorantit për ta tërhequr vëmendjen”, ishte mënyra e vetme për ta zgjuar bashkësinë ndërkombëtare, dhe sidomos Amerikën – që në një mënyrë ishin pajtuar se Veriu kishte ikur – për të mos ndodhur shkëputja de facto.
Dërgimi i Njësisë Speciale në Veri ishte figurativisht rrotullimi i tavolinës në qetësinë e restorantit. Të gjithë u befasuan për atë se kush kishte marrë guximin që ta bënte një veprim brutal dhe ta prishte qetësinë e një fakti të kryer.
Kryeministri i atëhershëm, me miratimin e kujdesshëm të Ambasadorit Dell, e rikthyen temën e Veriut në bisedat me Serbinë.
Tjerat pastaj dihen.

Po tash?Shkëmbimi është zgjidhje.

Frika e fantazmave të së shkuarës, e viktimave dhe krimeve, në emër të një mbretërie tokësore për qiellorët. Është e pamundur ta quash “lajm të rremë” po e pagove me çiltërsi. Serbëve të Kosovës do t’iu duhen dhjetëvjeçarë që harresa të shtrihet mbi falje dhe të mund të jetojnë si fqinj të mirë me shqiptarët. Dhe ata s’kanë kohë për një gjë të tillë. Sikurse as shqiptarët nuk kanë kohë të presin që demografia të triumfojë për ta integruar pjesën veriore të tyre.
Duhet ta lëmë të ikë, në shkëmbim të integrimit që mund të arrihet sot. Të integrimit që do të na bënte shtet funksional dhe do të na drejtonte kah bregdeti shqiptar, kah Europa, kah e ardhmja.

Pse tani?

Po jetojmë në një epokë të paprecedent në historinë njerëzore. Nuk ka më Lindje, por Perëndim të Largët. Turqia, Emiratet e Bashkuara Arabe dhe Kina janë po aq prezente në Ballkan sa edhe Shtetet e Bashkuara të Amerikës, Bashkimi Europian dhe Rusia. Secili me interesat dhe strategjitë e veta. Tani këto strategji mund të ndërthuren duke krijuar autostradë për të ardhmen e Kosovës.
Serbia e Aleksandar Vuçiqit, që ka mbërthyer pushtetin dhe mediat bashkë me ndjenjën populiste tek serbët, paraqet mundësi për arritje të marrëveshjes.
Aleksandar Vuçiq e projekton të ardhmen e tij politike në të qenit një nga liderët më me peshë në rajon dhe Kosova është shtegu që mund ta konfirmojë si të tillë.
Mund të mos pëlqehet e kaluara e tij dhe fuqia e jashtëzakonshme politike aktualisht, por pikërisht këto e bëjnë atë njeriun e duhur për “ta shitur” marrëveshjen në Serbi.
Ai është shtetari që mund të arrijë akord me një tjetër po aq të tillë dhe po aq të gatshëm për akord. Kosova e ka këtë njeri, ndaj ta përdorim për të ardhmen që duam dhe meritojmë.
Çështjet e brendshme e kanë dobësuar Bashkimin Europian, që s’ka fuqi për ndonjë marrëveshje konkrete, aq më pak që atë ta shtyjë në Parlamentin Europian para zgjedhjeve të 2019-ës. Dhe fantazmat e vona të BREX-itit dhe Amerikës së Trump-it janë makthe që u dalin e u teprojnë Bashkimit Europian dhe Britanisë së Madhe.
As Kosova dhe as Serbia nuk kanë kohë për të humbur. Madje nuk kanë nevojë, me liderë që janë gati ta gjejnë dhe shtrojnë rrugën drejt pajtimit. Nëse shqiptarët dhe serbët ia dalin të arrijnë marrëveshje duke lënë prapa mbrapshtitë e së shkuarës, paqja dhe stabiliteti në Ballkanin Perëndimor mund të bëhen realitet. Në këtë rrafsh, marrëveshja do të ishte në frymën e asaj të Helsinkit dhe jo në kundërshtim me të. Paqja dhe stabiliteti janë themelet e besimit të Bashkimit Europian se në të ardhmen shqiptarët dhe serbët do të jenë qytetarë të BE-së dhe se ata do të investojnë në këtë të ardhme, për veten dhe për Europën.

Në anën tjetër, me BE-në që rrezikohet nga fryma e ringjalljes së shteteve kombe, shkëmbimi i territoreve mund të jetë i frikshëm.

Por, është shteti funksional dhe jo shteti-komb synim i këtij akordi – që do t’i shmanget një rezultati si ai në Bosnje. Bosnja është përkujtues i dështimit të vendimmarrjes në Bashkimin Europian. I paralizuar nga detyrimi ndaj Marrëveshjes së Dejtonit dhe ndarjes së institucionalizuar etnike, pasojë e të parës. Të bashkuar në dështim, qytetarët e këtij shteti nuk kanë shpresë për një të ardhme më të mirë. Kjo nuk mund të jetë zgjidhje as për kosovarët, as për serbët. Ndaj kjo marrëveshje bëhet për shtet funksional, që mund të sjellë stabilitet dhe paqe në Ballkanin Perëndimor, jo për shtet-komb.

Çfarëdo zgjidhje tjetër, veç shkëmbimit të territoreve, do të jetë e pamundur për t’u realizuar tani, ndërsa në të tillë skenar më së shumti do të përfitonin anarkistët dhe populistët, rrjedhimisht përmes tyre, Rusia dhe Turqia, me planet e tyre të mugëta për rajonin.

Amerika, që ka për president njeriun i cili e vlerëson akordin më shumë se gjithçka tjetër, është e gatshme të pranojë marrëveshje konkrete. Nga akordi ajo e fiton Kosovën shtet të njohur ndërkombëtarisht. E përdora fjalën “fiton”, për shkak të kredos politike, ushtarake dhe morale amerikane të investuar në bërjen e këtij shteti.
Për më tepër, qasja e re e SHBA-së në raport me Europën dhe rendin botëror kërkon partnerë të rinj në rajon, ndaj llogarit në shqiptarët si një të tillë. Sepse partnerët rrisin vlerë, nuk shtojnë probleme. Dhe veçanërisht pasi me këtë marrëveshje Kosova zotohet ta respektojë sovranitetin, të vetin dhe të fqinjëve. Kjo do ta ndihmojë Maqedoninë të lëvizë me shpejtësi drejt integrimit në NATO dhe t’i ftohë elementët e të ekstremit të djathtë shqiptar.
Pas Samitit të Helsinkit dhe ftesës për ta vizituar Washingtonin, arritja e marrëveshjeve me Putinin shihet ndryshe nga Shtëpia e Bardhë.

Po Rusia?

Rusia është e gatshme ta përkrahë një marrëveshje që do t’i ofronte zgjidhje oportuniste të çështjeve territoriale me Ukrainën, Gjeorgjinë dhe Moldavinë. Ndaj do të ishte e gatshme ta pranonte shkëmbimin e territoreve, sepse rasti i Kosovës – që mund të konsiderohet si fitore edhe për diplomacinë amerikane – do të kthehej në precedent në ligjin dhe marrëdhëniet ndërkombëtare.
Putin, që ka ndikim të madh në shoqërinë serbe përmes Kishës Ortodokse Serbe dhe mashave në politikë dhe në media, nuk do ta mbështesë asnjë marrëveshje nga e cila nuk fiton diçka.
Nëse Rusia e pranon akordin, ai joformalisht do të pranohej edhe nga Kisha, gjë që do t’ia lehtësonte Vuçiqit ta merrte pajtimin edhe të rrymave të fuqishme nacionaliste në Serbi.
Por për të gjitha ato shtete të cilat nuk janë të qeta shkaku i tërësisë territoriale, shkëmbimi i territoreve mes Kosovës dhe Serbisë nuk paraqet brengë shtesë. Do të jetë marrëveshje pajtimi mes dy shteteve dhe jo vendim i njëanshëm. Mund ta ndihmojë Rusinë të arrijë marrëveshje për Krimenë, por vetëm si pajtim, jo si agresion.
Ndaj, tash Kosova duhet të bëjë përpara kah e ardhmja që meriton. Duhet të shtyjë në atë drejtim. Tash është koha. Jo për lojëra politike. Është koha për një marrëveshjeje të nevojës gjeopolitike dhe Kosova duhet të zgjedh nëse do të jetë humbëse apo fituese nga ajo.
Është koha për një marrëveshje për integrim dhe ndërtim shteti. Është koha për një New Deal për Kosovën!

Kosovë, hapet fotoekspozita “Unë jam shqiptar”

Ministri i Kulturës, Rinisë dhe Sportit i Kosovës, Kujtim Gashi, deklaroi se për Ministrinë në krye të së cilës është ai, bashkëpunimi në sferën e kulturës mes Kosovës dhe Shqipërisë ka qenë dhe mbetet prioritet

PRISHTINË – Sot në lapidarin e Muzeut të Kosovës është hapur ekspozita e fotografive “Unë jam shqiptar”, të cilën e realizoi Muzeu Historik Kombëtar i Republikës së Shqipërisë. Ekspozita i është dedikuar diasporës shqiptare përgjatë shekujve, ndërsa është organizuar në kuadër të kalendarit të përbashkët kulturor të Shqipërisë dhe Kosovës, të nënshkruar nga dy ministrat e Kulturës në qershor të këtij viti.

Ministri i Kulturës, Rinisë dhe Sportit i Kosovës, Kujtim Gashi, deklaroi se për Ministrinë në krye të së cilës është ai, bashkëpunimi në sferën e kulturës mes Kosovës dhe Shqipërisë ka qenë dhe mbetet prioritet.

“Ekspozita e Muzeut Historik Kombëtar të Republikës së Shqipërisë, e cila hapet sot në Muzeun e Kosovës trajton përmbajtje e cila ka rëndësi të madhe si për Kosovën, ashtu edhe për Shqipërinë, siç është diaspora shqiptare. Ekspozitat e tilla janë dëshmi se ekziston hapësirë e madhe për thellimin e bashkëpunimit dhe realizimin e aksioneve tona të përbashkëta edhe në të ardhmen”, tha Gashi.

Ambasadori i Shqipërisë i Kosovës, Qemal Minxhozi, theksoi se kjo ekspozitë duhet hapur edhe në qytetet tjera anëmbanë botës ku jetojnë shqiptarët, për të ruajtur gjenezën dhe traditën shqiptare dhe për të dhënë shpresë se bashkëpunimi do të vazhdojë edhe vitet e ardhshme.

“Ky aktivitet është shumë i rëndësishëm meqë tregon se marrëdhëniet mes Shqipërisë dhe Kosovës në plan të parë kanë marrëdhënie kulturore mes dy anëve të kufirit dhe kanë intensitet rritjeje nga viti në vit”, tha Minxhozi. Ai theksoi se Qeveria e Shqipërisë dhe Kosovës duhet të organizojnë dhe mobilizojnë diasporën e përbashkët shqiptare.

Në hapjen ishte i pranishëm edhe ushtruesi i detyrës drejtor i Muzeut të Kosovës Bislim Bislimi dhe drejtori i Muzeut Historik Kombëtar të Shqipërisë Dorian Koçi.

Ekspozita do të zgjasë deri më 31 gusht.

I dënuari në Serbi emërohet në Gjykatën Kushtetuese në Kosovë (dokument)

Presidenti i Kosovës, Hashim Thaçi, emëroi të enjten pesë anëtarë të Gjykatës Kushtetuese nëntë anëtarëshe të Kosovës, në mesin e të cilëve edhe një gjykatës serb, për të cilin pohohet se ka ikur nga Serbia për të shmangur një dënim me heqje lirie nën akuzat për korrupsion.

Radomir Laban, në muajin maj kishte marrë votat e 71 deputetëve të parlamentit të Kosovës për të shërbyer në Gjykatën Kushtetuese si përfaqësues i komunitetit serb.

Organizatat për të drejtat e njeriut dhe përfaqësues të opozitës reaguan atëbotë ndaj vendimit të parlamentit, duke kërkuar verifikimin e të votuarit.

Atëbotë zyra e presidentit Thaçi tha se “për shkak të dyshimeve të ngritura për të kaluarën e z. Laban, Presidenti i Republikës se Kosovës nuk do ta bëj dekretimin e tij, derisa organet kompetente të sigurisë dhe drejtësisë nuk e bëjnë verifikimin e plotë”.

Nuk pati ndonjë shpjegim nga zyra e presidentit nëse kjo ka ndodhur, por emri i gjyqtarit vazhdon të jetë në listën e të kërkuarve nga Beogradi.

Sipas autoriteteve në Serbi, Radomir Laban, ish zyrtar i doganave, ishte dënuar në vitin 2012 me gjashtë vjet heqje lirie, si pjesë e një grupi prej shtatë doganierësh dhe dhjetë afaristësh të akuzuar për kontrabandë milionëshe.

Të gjithë ata ishin arrestuar në vitin 2006. Pas shpalljes së dënimit, Radomir Laban, i ishte shmangur dërgimit në burg duke ikur në Kosovë.

Vitin e kaluar një gjykatë në Kralevë në Serbi, kishte lëshuar një urdhër arresti, por zbatimi i tij në Kosovë është pamundësuar për shkak të marrëdhënieve ndërmjet dy vendeve.

E kaluara e kandidatëve, kontrollohet nga agjencitë e sigurisë, por puna e tyre në raste të tilla është e vështirë për shkak të refuzimit të Serbisë që të bashkëpunojë me institucionet e Kosovës.

Serbia vazhdon të kundërshtojë pavarësinë e Kosovës dhe u është kundërvënë përpjekjeve për anëtarësimin e saj në Policinë Ndërkombëtare (INTERPOL).

Radomir Laban, ishte propozuar për postin e anëtarit të Gjykatës Kushtetuese nga Lista Serbe, që është subjekti kryesor politik i serbëve të Kosovës. Zyrtarët e kësaj liste nuk e kanë komentuar situatën e krijuar pas votimit, që nxori në shesh edhe të kaluarën e të propozuarit të tyre.

Emërimi i sotëm nga presidenti Thaçi nxiti reagimin e lëvizjes Vetëvendosje në opozitë e cila tha se “rehabilitimi i një personi me të kaluar kriminale në institucionin më të lartë kushtetues, përveç që e degradon edhe më tej cilësinë e këtij institucioni, i katandisur si mos më keq për shkak të ndërhyrjeve dhe presioneve, ka për qëllim kryesor legjitimimin e “Zajednicës” (emri ne gjuhen serbe per asociacionin e komunave me shumicë serbe) dhe projekteve tjera të dëmshme. Ne nuk do ta lejojmë këtë dhe do të shohim gjitha mundësitë për zhbërjen e këtij dëmi”, thuhet mes tjerash në reagimin e kësaj lëvizjeje.

Pakoja me tritol në zyrën e kryeministrit të Kosovës, pak pas kërcënimit me jetë

UPDATE/ Policia e Kosovës ka thënë se ka testuar sigurinë në zyrën e kryeministrit Ramush Haradinaj, mirëpo nuk ka dhënë detaje nëse ka parë ndonjë lëshim të sigurisë. Më herët, gjatë ditës, është raportuar se në zyrën e kryeministrit është futur një sasi eksplozivi për ta testuar sigurinë. Policia nuk ka pohuar dhe as nuk ka mohuar raportimet e tilla.

 

“Nuk bëhet fjalë për ndonjë tentim sulmi apo hyrje të ndonjë mjeti eksplodues në objektin në fjalë, por ju informojmë se Policia e Kosovës në vazhdën e inspektimeve periodike, me qëllim të avancimit të punës, profesionalizmit, si dhe vlerësimin e punës dhe gatishmërinë e zyrtarëve policorë që janë të angazhuar në ofrimin e sigurisë së objekteve policore dhe institucioneve shtetërore, si dhe testimin e nivelit të funksionalitetit të pajisjeve të sigurisë në dispozicion, ndërmerr edhe testime simuluese të situatave nga më të ndryshme”, thuhet në përgjigjen e Zyrës për Informim të Policisë së Kosovës, dërguar Radios Evropa e Lirë.

Policia thotë se nëse rezulton se ka dështuar sistemi i sigurisë në zyrën e kryeministrit Haradinaj, do të marrë masa disiplinore ndaj zyrtarëve policorë.

“Varësisht prej rezultateve dhe të gjeturave nga këto inspektime (testime) dhe pas analizave të mirëfillta, PK-ja planifikon trajnime adekuate për stafin e angazhuar, inicion kërkesa për blerjen e pajisjeve më të avancuara dhe që do t’i përgjigjen kohës, apo në rast të ndonjë lëshimi eventual ndërmerr masa disiplinore ndaj zyrtarëve policorë”, thuhet në përgjigje.

Policia e Kosovës ka marrë veprime të tilla edhe në Aeroportin Ndërkombëtar të Prishtinës “Adem Jashari”, me qëllim të zbulimit të ndonjë hallke në sistemin e sigurisë që mund të përdoret nga kriminelët.

Pako me tritol në zyrën e kryeministrit të Kosovës, pak pas kërcënimit me jetë

Në Zyrën e Kryeministrit të Kosovës Ramush Haradinaj ka arritur një pako nga “Xhorxh Majkëll” me dy kilogramë eksplozivë të llojit tritol, siç raportojnë mediat kosovare.

Agjencia e Lajmeve FaktePlus mëson se e gjitha ishte bërë për ta testuar sigurinë në Zyrën e Kryeministrit dhe objektin e Qeverisë. Nga kjo del se gjithçka kishte dështuar në këtë aspekt, duke kaluar të gjithë filtrat e sigurisë.

Simulimi është bërë në koordinim me Zyrën e Kryeministrit.

Zyra e Kryeministrit e pyetur për këtë çështje, kanë thënë se nuk kanë pasur raste të tilla.

“Ne nuk kemi pasur ndonjë incident në praktikë, për të cilën ju po aludoni dhe as informacione për një gjë të tillë”, ka thënë zëdhënësja e Qeverisë, Donjeta Gashi.

Ajo ka shtuar se për sigurinë e kryeministrit dhe objektit të Qeverisë kujdeset Policia e Kosovës. Por jo vetëm kaq – edhe dy raste tjera të simulimit në ndërtesën e Qeverisë kanë rezultuar të suksesshme.

Rasti tjetër ka qenë kur një “mekanik” ka arritur të hyjë në ndërtesën e Qeverisë me dy armë të llojit zolë. Kurse një person në cilësinë e një “invalidi” ka arritur që brenda objektit ta fusë në pushkë të gjatë. Krejt kjo në kuadër të simulimit.

Sipas mediumit, për dështimin e sigurisë në Zyrën e Kryeministrit dhe në objektin e Qeverisë janë shkarkuar katër persona, përfshirë dy policë dhe një rreshter.

Simulimi është bërë nga Njësia Antiterrorizëm në kuadër të Policisë së Kosovës, e cila bën simulime për sigurinë në institucione.

Po ashtu është provuar të merret përgjigje edhe nga Policia e Kosovës, e cila është përgjegjëse për sigurinë e kryeministrit dhe objektit të Qeverisë, por deri më tani nuk kanë dhënë asnjë sqarim.

Thaçi emëron gjyqtarët e rinj në Gjykatën Kushtetuese

Presidenti i Republikës së Kosovës, Hashim Thaçi, duke u bazuar në nenet e Kushtetutës së Republikës së Kosovës, dhe ligjet e tjera dhe në pajtim me propozimin e Kuvendit të Republikës së Kosovës, ka emëruar gjyqtarët në Gjykatën Kushtetuese të Republikës së Kosovës.

Në një komunikatë nga presidenca thuhet se “ceremonia e betimit e gjyqtarëve të rinj para presidentit Thaçi është zhvilluar sot”.

Gjyqtarët e ri të Gjykatës Kushtetuese janë: Bajram Ljatifi, Safet Hoxha, Remzije Istrefi–Peci, Radomir Leban dhe Nexhmi Rexhepi.

Në komunikatë theksohet po ashtu se gjyqtarët, paraprakisht kishin kaluar të gjitha procedurat në pajtim me legjislacionin në fuqi dhe se emrat e tyre janë shqyrtuar nga komisioni dhe pas zhvillimit të procedurave të votimit të fshehtë në seancat plenare të Kuvendit.

Përbërja e Gjykatës Kushtetuese, për herë të parë tashmë është vetëm me gjyqtarë vendorë.

Në muajin maj është raportuar se Radomir Laban ishte në kërkim nga autoritetet e drejtësisë së Serbisë pasi siç thuhet ai ishte dënuar me gjashtë vjet burgim nën akuzën për marrje ryshfeti.

Presidenti Thaçi kishte thënë se nuk do ta emëronte asnjë gjyqtarë deri në kryerjen e një verifikimi të plotë nga organet e drejtësisë.

Gjuriçi me Listën Serbe, ndërsa Vuçiçi në linjë telefonike

Marko Gjuriçi dhe përfaqësues të tjerë serbë, gjatë vizitës në Mitrovicë të Veriut. 8 gusht, 2018.

Drejtori i të ashtuquajturës Zyrë për Kosovën në Qeverinë e Serbisë Marko Gjuriç dhe sekretari gjeneral i presidentit të Serbisë Nikola Selakoviç janë takuar në Mitrovicën e Veriut me anëtarë të Listës Serbe, përfaqësuesit e serbëve të Kosovës. Serbëve të Kosovës u është premtuar se “çfarë do që të ndodhë në të ardhmen“ ata do t’i kenë “të gjitha”.

Presidenti i Serbisë, Aleksander Vuçiq iu drejtua njerëzve që ishin mbledhur, në fund të takimit, me anë të telefonit të cilin Gjuriq e lëshoi që ta dëgjonin të gjithë.

Me këtë rast, Vuçiq premtoi projekte të mëdha infrastrukturore për serbët në Kosovë, duke thënë se zgjidhja me Kosovën është larg dhe se ai do të vazhdojë të luftojë. Vuçiq kërkoi mbështetje nga serbët e Kosovës. Ai gjithashtu njoftoi për ardhjen e tij në Kosovë në muajin shtator dhe se me këtë rast do të tregojë se çfarë të rejash ka në mes të dialogut me Kosovën.

“Këtë vit dhe vitin e ardhshëm ne do të bëjmë projekte të mëdha të infrastrukturës në Kosovë, në jug dhe në veri të Ibrit, do të rregullojmë ujësjellësin, kanalizimet, dhe do të investojmë para më shumë se kurrë, sepse duam të tregojmë se jemi me njerëzit tanë, dhe se do të jemi me njerëzit tanë gjithmonë”, tha Vuçiq me anë të telefonit.

Ai shtoi se Serbia nuk do të zvogëlojë praninë e saj.

“Kopshti në Shtërpcë, dhe jo vetëm ai kopsht, tani duhet të tregoni se për çka ka nevojë më shumë Shtërpca, për sistemin e ujësjellësit në Zubin Potok dhe të gjitha të tjerat që duhet të punojmë për Leposaviçin, Zveçanin dhe Mitrovicë, Ranillugun, Parteshin e Graçanicën”, tha Vuçiq.

Ai gjithashtu tha se asnjë vendim nuk do të merret nga Beogradi, pa serbët e Kosovës.

Në takimin që ishte i hapur për media, zyrtarët e Beogradit u thanë serbëve të Kosovës se ata mund të kenë besim në Vuçiqin. Politikanët serbë të Kosovës, thanë se populli serb në Kosovë i beson Vuçiqit.

Gjuriq tha në tubim se Vuçiq i cili “merret ditë e natë me Kosovën” ka marrë vendim që në veri të Kosovës dhe në çdo mjedis ku ka serb në jug të Ibrit, deri në fund të këtij viti do të përfundojnë të gjitha projektet e filluara.

“Ajo që dua nga Mitrovica është t’i tregoj çdo serbi në Kosovë, se çfarë do që të ndodhë në të ardhmen, do të keni më shumë, nuk do të ju gënjejë askush, nuk do të keni më pak para, do të keni më shumë mbështetje nga Serbia”, tha Gjuriq.

Në takim, gjithashtu u tha se serbët e Kosovës kanë nevojë për paqe dhe prosperitet dhe një të ardhme të sigurt për gjeneratat e ardhshme, por gjithashtu edhe unitet në mes të tyre.

Kryetari i Listës Serbe, Goran Rakiç tha se populli serb dhe Lista Serbe kanë besim të plotë në presidentin serb, Aleksander Vuçiq.

“Për këtë arsye po ju bëjmë thirrje që të vazhdoni me luftën për një të ardhme më të mirë dhe më të sigurt për popullin serb“, bëri të ditur Rakiq.

Kryetari i Graçanicës, Srgjan Popoviq tha se sot më shumë se kurrë duhet që të ketë unitet në mes të serbëve.

“Këto ditë, ne nuk duhet të bimë pre e provokimeve dhe të mos biem pre e mekanizmave të ndryshëm e personaliteteve të ndryshme. Sot duhet të jemi të fortë”, tha Popoviq.

Sekretari i Përgjithshëm i Serbisë, Nikola Selakoviç, tha se sot si kurrë më parë serbët e Kosovës kanë një udhëheqës si Vuçiq të cilit duhet t’i besojnë.

Hoxhaj reagon pas policia serbe ia ndalon hyrjen Islamit

Thaçi: Kosova do të përmbushë detyrimet për formimin e “Asociacionit”

PRISHTINË – Presidenti i Kosovës, Hashim Thaçi, tha sot se Asociacioni i komunave me shumicë serbe do të formohet në pajtim me Kushtetutën dhe ligjet e Kosovës.

Presidenti Thaçi, në një konferencë për gazetarët tha se Kosova do të përmbushë të gjitha detyrimet e saj të marra nga Marrëveshja e Brukselit nga viti 2013, dhe marrëveshjen shtesë të vitit 2015 për formimin e Asociacionit të komunave me shumicë serbe në Kosovë.

“Në kuadër të kësaj është formimi i Asociacionit të komunave me shumicë serbe në Kosovë duke respektuar Gjykatën Kushtetuese të Kosovës, duke respektuar Marrëveshjen e Brukselit, duke respektuar kriteret dhe standardet evropiane për pushtetin lokal, si dhe realitetet e krijuara me vendimin e Gjykatës Kushtetuese të Kosovës”, tha Thaçi.

Ai tha se tema kryesore mbetet dialogu për normalizimin e marrëdhënieve mes shtetit të Kosovës dhe Serbisë, si dhe mundësia për arritjen e marrëveshjes përfundimtare, paqësore.

“Unë jam i përkushtuar për arritjen e marrëveshjes dhe në kuadër të këtyre përpjekjeve kam propozuar, pas kërkesës së përfaqësuesve të Preshevës, Medvegjës dhe Bujanocit, korrigjimin e kufirit me Serbinë, si mundësi e vetme për të legjitimuar kërkesat politike historike të shqiptarëve të Preshevës, Medvegjës dhe Bujanocit për t’ju bashkuar Kosovës. Kjo nënkupton, jo ndarje të Kosovës, jo shkëmbim të territoreve dhe jo autonomi për serbët, por korrigjim të kufirit dhe njohje reciproke dhe anëtarësim të Kosovës në të gjitha mekanizmat ndërkombëtare”, tha Thaçi.

Sipas tij, ai këtë kërkesë do ta paraqesë në Bruksel, ndonëse kjo nuk do të jetë e lehtë. Ai theksoi se koha e luftërave ka kaluar, dhe se korrigjimi i kufirit mund të ndodh vetëm me pajtueshmëri të dyanshme.

Thaçi shtoi se matjet që posedon, tregojnë se 91 për qind e qytetarëve të Kosovës e mbështesin bashkimin e Luginës së Preshevës, ndërsa 98 për qind e qytetarëve të Preshevës, Medvegjës dhe Bujanocit për bashkimin me Kosovën, dhe se politika duhet të mbështetet në respektimin e vullnetit të qytetarëve. Po ashtu, duke iu përgjigjur pyetjeve të gazetarëve, ai tha se propozimi për korrigjimin e kufijve nuk do të thotë krijimin e kufijve etnikë, sepse Kosova edhe më tej mbetet shtet multietnik. aa

Veseli thotë se ndarja është ide e Serbisë, Kosova është kundër

Kryeparlamentari Kadri Veseli gjatë intervistës dhënë Radios Evropa e Lirë.

Kryetari i Kuvendit të Kosovës, Kadri Veseli, tha se nuk do të ketë ndarje të Kosovës dhe se një ide e tillë është e Beogradit. Duke folur për Radion Evropa e Lirë, Veseli tha se çdo gjë sa i përket ndarjes territoriale të Kosovës, ka marrë fund me çlirimin e Kosovës në vitin 1999.

Kosova, sipas kryeparlametarit Veseli, do të sigurojë ulësen në Kombet e Bashkuara dhe anëtarësimin në Bashkimin Evropian.

“Nuk do të ketë ndarje. Kosova nuk ka asgjë për të dhënë. Kosova hynë në dialog me pozicione shumë të qarta të vetat, ulësja në Organizatën e Kombeve të Bashkuara, integrimi në Bashkimin Evropian dhe nuk është e mirë dhe nuk është e shëndoshë që të barten ide të cilat nuk janë tonat. Ideja e ndarjes është ide e Serbisë, e cila ka përfunduar në qershor të vitit 1999 përfundimisht”, tha Veseli.

Kreu i Kuvendit foli edhe për dialogun mes Kosovës dhe Serbisë. Ai tha se ky dialog duhet të vazhdojë për hir të gjeneratave të reja, duke siguruar edhe njëherë se nuk do ketë cenim të territorit të Republikës së Kosovës.

I pyetur nëse mund të ketë korrigjim të kufijve, ashtu siç edhe ka folur ditëve të fundit presidenti i vendit Hashim Thaçi, Veseli u shpreh se sovraniteti territorial i Republikës së Kosovës do të jenë i pacenueshëm.

“Kosova shkon në dialog me Serbinë për hir të gjeneratave të ardhshme, për hir të fqinjësisë së mirë, për hir të proceseve integruese në të cilat Kosova ka një qëndrim të qartë, por territori i Republikës së Kosovës, sovraniteti ynë territorial dhe institucional do të jenë të pacenueshme, për këtë qytetarët tanë duhet të jenë të sigurt. Nuk ka ide për ndarje nga ne Kosova, nga Serbia mund të ketë ide të çfarëdollojshme të cilat ne nuk na bëjnë përshtypje. Ne jemi shtet i pavarur dhe sovran. Ne duam paqe me Serbinë, ne duam të kemi fqinjësi të mirë si shtete të pavarura dhe sovrane dhe në të njëjtë kohë, Kosova ka perspektivën e vet të qartë në territorin e vet me të cilin ka shpallur pavarësinë e vet më 17 shkurt 2008”, tha Veseli.

Presidenti i vendit Hashim Thaçi, është zotuar të paraqesë në dialogun me Serbinë çështjen e korrigjimit të kufirit. Thaçi e ka quajtur mundësi historike që Kosova dhe Serbia ta korrigjojnë në mënyrë paqësore kufirin.

Ai ka përmendur me këtë rast përfshirjen e komunave jugore të Serbisë, Preshevë, Bujanoc e Medvegjë, në kuadër të territorit të Kosovës.

Presidenti Thaçi po ashtu u ka dërguar mesazhe edhe opozitës dhe spektrit të gjerë politik në Kosovë, që t’i bashkohen idesë së tij për korrigjim të kufirit me Serbinë.

Opozita e ka kritikuar Thaçin, duke thënë se idetë për korrigjim kufijsh, ndarje ose shkëmbim territoresh me Serbinë, mund të shpien në luftë.

Kryeministri Haradinaj kërcënohet me jetë, shtohen masat e sigurisë ndaj tij

Ditë më parë, kryeministri i Republikës së Kosovës, Ramush Haradinaj ka marrë një kërcënim nga person/a të panjohur.

Kërcënimi i shkuar në adresë të kryeministrit, ka bërë që autoritetet të shtojnë masat e sigurisë ndaj Haradinajt.

Burimet e Indeksonline brenda policisë kanë thënë se ka disa ditë që është shtuar numri i mbrojtjes së afërt të kryeministrit dhe kështu do të jetë deri në një vendim tjetër kur të bije shkalla e rrezikshmërisë.

Ndonëse nuk kanë treguar se për çfarë kërcënimi bëhet fjalë, sipas burimeve kërcënimi është duke u trajtuar seriozisht.

Qosja: Ata që janë kundër shkëmbimit të territoreve dhe korrigjimit të kufirit, po ia dhurojnë Serbisë Luginën e Preshevës

Rexhep Qosja, i pyetur nga dritare.net, për shkëmbimin e territoreve, jep një përgjigje për konceptin e shkëmbimit, konceptin e ndarjes së Kosovës.

Akademiku përmend akuzuesit e hershëm dhe te sotshëm dhe sidomos tregon friken e tij për pjesëmarrësit në bisedimet Kosovë – Serbi,  ku mbizotërojnë diletantët.

”Ata qe po merren më çka u tha më sipër, në mënyrë te veçantë ata që po predikojnë retorikën e korrigjimit të kufirit, domethënë të bashkimit të Luginës së Preshevës  me Kosovën, do të duhej të dinë se faktorët ndërkombëtarë nuk do t’u pranojnë të drejtën  e vetëvendosjes shqiptarve të Luginës së Preshevës dhe t’u mohojnë të drejtën e vetëvendosjes serbëve të Veriut të Kosovës.”- thotë profesor Qosja në këtë editorial.

Nga Rexhep Qosja*

Kjo çështje nxiti shumë paraqitje individuale e partiake në Kosovë por edhe në  Shqipëri. Dhe këto paraqitje sollën disa koncepte, nocione dhe togëfjalësh politikë. Koncept kryesor i këtyre diskutimeve u bë togëfjalëshiNdarja e Kosovës.

 

Prej diskutimeve rreth këtyre koncepteve, nocioneve e togëfjalëshve shihet se disa prej autorëve nuk i kuptojnë, kurse disa të tjerë i keqkuptojnë mund të jetë qëllimisht ato. Mund të them se ata që kanë përdorur konceptin e shkëmbimit të territoreve dhe ata qe kanë përdorur konceptin e korrigjimit të kufirit mes Kosovës e Serbisë nuk kanë menduar në asnjë menyrë, dhe kurrë, për ndarje të Kosovës. Shkëmbimii territoreve dhe korrigjimii kufirit nuk nënkuptojnë ndarje të Kosovës. Shkëmbimii territoreve dhe korrigjimi i kufirit nënkuptojnë lëvizje, në të vërtetë ndryshim të kufijve në skaje të Kosovës, në skajin verior të Kosovës.

Për cdo kënd që mendon racionalisht, me të dhëna, me argumente, me të vërteta e të drejta në mendje, togëfjalëshi ndarje e Kosovës do të thotë Ndarje e Kosovës, që do të bëhej me një kufi i cili do të shtrihej nëpër Kosovën e kufijve që ka ajo sot.

Të përsëris: shkëmbimi i territoreve dhe korrigjimii kufirit nënkuptojnë ndryshim vetëm të kufirit të skajshëm verior të Kosovës e jo Ndarje të Kosovës.

Pse atëherë ata që ju vardisën mosegzistueses,  ata akuzues  për Ndarje të Kosovës po i akuzojnë për Ndarje  ata që këtë kërkesë në asnjë mënyrë nuk e bënë?

Mund të jenë disa  arsye për këtë. E para, mosdija. E dyta, inatet, që shpesh përcakojnë përmbajtjen e mendimeve të disave prej atyre akuzuesve  dhe, e treta, ndoshta kryesorja, përpjekja për të pastruar jetëshkrimin e vet politik në të kaluarën e tyre të derivonshme.

Them kështu për shkak se ndër këta akuzues që akuzuan  disa ish prijës politikë e ushtarakë të UÇK-së, që më në fund i sollën lirinë dhe pavarësinë Kosovës natyrisht në saje të SHBA-së dhe Bashkimit Evropian; ndër këta akuzues që akuzuan kryeministrin e sotëm të Shqipërisë, Edi Ramën, i cili është politikani i vetëm në historinë e marrëdhënieve mes Shqipërise e Serbisë dhe Shqipërisë e Greqisë që Serbisë e Greqisë ua tha të vërtetat më të rënda  që nuk ua kishte thënë as një politikan shqiptar në Tiranë apo në Prishtinë deri sot, nuk është e çuditshme se ndër  këta akuzues, që akuzën e tyre e bazuan në Ndarje të Kosovës, pra,  pati të tillë që Kosovën e ka quajtur territor të bineqve, domethënë territor gjysma e të cilit i takon  Serbisë e gjysma tjetër i takon  Kosovës dhe ashtu e mohonte cdo mundësi për lirinë dhe pavarësinë e Kosovës. Për këtë arësye kundër tij shqiptarët në Evropë bënin protesta duke e quajtur tradhëtar kombëtar.

Ndër këta akuzues pati të tillë që si pjesëmarrës në pushtetin e Kosovës në kohën e dhunës e terrorit të regjimit të MIllosheviqit në Kosovë morën pjesë në urdhërdhëniet për shuarjen e demostratave të rinisë shqiptare të Kosovës me ç’rast u vranë dhjetra të rinj.

Ndër këta akuzues pati të tillë që në kohën e dhunës e terrorit të regjimit të Milloshevicit i shërbyen Sigurimit Shtetëror të atij regjimi me informacionet më akuzuese, në të vërtetë armiqësore ndaj UÇK-së dhe luftës clirimtare në Kosovë në përgjithësi.

Ndër këta akuzues pati të tillë që si prijës partiakë në vitet e 90-ta dhe si gazetarë e publicistë në atë kohë e mohuan cdo mundësi jo vetëm për pavarësinë, por edhe për ngritjen e statusit të Kosovës në Republikë në kuadrin e Federatës  apo Konfederatës Jugosllave.

Ndër këta akuzues pati të tillë që morën pjesë në hartimin e programeve të partive të tyre, që u regjistruan në ministrinë përkatëse të Beogradit dhe që mohonin çdo rezistencë aktive dhe që ardhmërinë e Kosovës e shihnin në lidhje shtetërore me Jugosllavinë  e mbetur e kjo domethënë  më në fund me Serbinë.

Ndër këta akuzues që u ngritën kundër idesë së ndarjes së Kosovës të cilën nuk e kërkuan të akuzuarit u ngritën edhe një intelektual dhe një intelektuale në Tiranë, por u ngritën me nje gjuhë të butë e të ngatërruar me të cilën, megjithatë, thanë  çka atyre,  për shkak se janë njohës të jashtëzakonshëm të marrëdhënieve Shiptaro-Serbe, nuk u kishte hije që ta thoshin.

Për të gjitha këto arsye pjesëmarrjen e këtyre akuzuesve në diskutimet që po bëhen për bisedimet e ardhshme të quajtura përfundimtare  mes Kosovës dhe Serbisë, sipas mendimeve të mija, nuk do marrë seriozisht. Në asnjë mënyrë unë këtyre akuzuesve nuk ua mohoj të drejtën që të ndërrojnë mendimet e tyre të dikurshme, të cilat cështë e vërteta i kanë ndërruar pas çlirimit të Kosovës prej pushtimit të Serbisë, por ua mohoj të drejtën që të akuzojnë të tjerët në vend se vetëveten e dikurshëm.

Seriozisht do marrë, ndërkaq, këshillimet e dy të parëve zyrtarë të sotëm të Kosovës me disa analfabetë, në mënyrë të vecantë këshillimet me analfabetin e parë, të kryekorruptuar, të Akademisë së Shkencave e të Arteve të Kosovës, të cilin me gishtin e tyre tregues e bënë kryetar të asaj Akademie partiake e private me qëllim që të mund ta përdorin atë Akademi sic e përdorën më në fund në bisedimet për  një marrëveshje ndërshtetërore cënuese për Kosovën  tashmë te miratuar në Kuvendin e Kosovës.

Seriozisht do marrë  këtë çështje : çështjen e delegacionit shqiptar që po merr pjesë dhe që do të marrë pjesë  në bisedimet mes Prishtinës dhe Beogradit. Kosova ka historianë, ka juristë, ka gjeografë, ka antropologë, ka politikanë, ka intelektualë, me përgatitje të ndryshme historike e të përtashme për të gjitha problemet e çështjet që mund të ngriten në ato bisedime. Por në grupet që deri tani biseduan në Vjenë e në Bruksel e që po bisedojnë edhe tani në Bruksel për marrëveshjen mes Kosovës e Serbisë pothuajse mbizotërojnë diletantët. Prej tyre jo pse nuk do të donin, por pse nuk dinë, nuk mund të pritet ndonjë e mirë për Kosovën.

Ata që po programojnë bisedimet me Serbinë dhe ata që morën pjesë në diskutimet për shkëmbim të territoreve dhe korrigjim të kufirit do të duhej ta dinë një gjë: faktorët ndërkombëtarë zakonisht në bisedimet mes dy palëve nuk lejojnë që njërës palë t’i jepet cdo gjë e palës tjetër asgjë.

Ata që po i programojnë bisedimet me Serbinë dhe ata që morën pjesë në diskutimet për shkëmbim të territoreve do të duhej të përpiqen e të mësojnë se  shkëmbime të territoreve, madje, në disa raste edhe të pjesëve të popullatës në mes dy shteteve janë bërë gjatë historisë. Dhe janë bërë madje dhe jo shumë larg në kohë edhe në Ballkanin Juglindor.

Ata  që po merren me çka u tha më sipër do të duhej që më në fund të dinë se faktorët e mëdhenjë ndërkombëtarë zakonisht nuk i kundërshtojnë pajtimet mes dy shteteve e dy popujve qoftë edhe kur me to preken disa parime të përgjithshme që ato politikisht i mbrojnë.

Ata qe po merren më cka u tha më sipër, në mënyrë te vecantë ata që po predikojnë retorikën e korrigjimit të kufirit, domethënë të bashkimit të Luginës së Preshevës  me Kosovën, do të duhej të dinë se faktorët ndërkombëtarë nuk do t’u pranojnë të drejtën  e vetëvendosjes shiptarëve të Luginës së Preshevës dhe t’u mohojnë të drejtën e vetëvendosjes serbëve të Veriut të Kosovës.

Le të thuhet në fund, prandaj, se ata që janë kundër shkëmbimit të territorit mes Luginës së Preshevës duke përfshirë Preshevën, Bujanocin e Medvegjen dhe Veriut të skajshëm të Kosovës, te Mitrovica, deshtën apo s’deshtën po ia dhurojnë Serbisë edhe njerën edhe tjetrën: Luginën e Preshevës si pjesë të Serbisë, kurse Veriun e Kosovës si autonomi substanciale ( si pavarësi) në të cilën pushtetarët e Kosovës, si edhe tani, do t’i përkulen monumentit të madh të Knjaz Llazarit.

*Ky artikull është shkruar ekskluzivisht për dritare.net

Serbia investon mbi 2.5 milionë euro për ndërtesa banimi për serbët e veriut

Kryetari paralel i Mitrovicës së Veriut, Aleksandër Spiriç, i cili të mërkurën ka dorëzuar kontratat për 24 banesa, për të cilat qeveria e Serbisë ka investuar 57 milionë dinarë (518 mijë euro), ka thënë se janë siguruar edhe 226 milionë dinarë ose mbi 2 milionë euro edhe për 6 njësi banesore, shkruan sot gazeta “Zëri”.

Qeveria e Serbisë ka vazhduar të investojë në veri të Mitrovicës në ndërtimin e objekteve të larta të banimit për të siguruar strehim për familjet serbe me probleme të strehimit, për çifte të sapokurorëzuara, për familje të zhvendosura në Serbi dhe për kuadër deficitare.

Deri tani në këtë vit qeveria e Serbisë nëpërmes Zyrës për Kosovën ka investuar 57 milionë dinarë (518 mijë euro) për 24 banesa, ndërsa deri në fund të vitit do të ndërtohen edhe 80 banesa. 24 banesa të reja janë ndërtuar në “Lagjen e Boshnjakëve” me qëllim që të popullohen me serbë për t’ia ndryshuar strukturën etnike kësaj lagjeje, në të cilën kryesisht jetojnë shqiptarë dhe boshnjakë.

Kryetari paralel i Mitrovicës së Veriut, Aleksandër Spiriq, ua ka dorëzuar të mërkurën kontratat për 24 banesa përfituesve në “Lagjen e Boshnjakëve” në veri të Mitrovicës, ndërsa siç ka thënë ai, deri në fund të këtij viti edhe 80 familje serbe do të bëhen me banesa.

Ai ka sqaruar se për 24 banesa, që janë ndërtuar në “Lagjen e Boshnjakëve”, qeveria e Serbisë ka investuar 57 milionë dinarë ose 518 mijë euro, ndërsa konstatoi se tashmë janë siguruar edhe 226 milionë dinarë (mbi 2 milionë euro) për ndërtimin e 6 objekteve të larta të banimit. Sipas tij, deri në fund të vitit 80 familje serbe do të bëhen me banesa të reja.

Rexhep Selimi: “Thaçi e ka nënshkruar marrëveshjen e tmerrshme me Serbinë”

“I rrezikshëm, i keq dhe person që punon në favor të Serbisë”, po e quan presidentin Hashim Thaçi, deputeti i VV-së, Rexhep Selimi. Ai teksa ka folur për deklarimet e të parit të shtetit për korrigjim kufijsh, ka thënë se një gjë e tillë nuk mund të ndodhë. Por, që ai ‘zbulon’ se Hashim Thaçi është futur në një skenar të rrezikshëm, që përmes ‘mjegullës’ ta ‘shes’ një marrëveshje shumë të dëmshme për ndarjen etnike në Kosovë, në mes tij dhe Aleksandër Vuçiq, të cilën sipas tij po e mbajnë të fshehtë për opinionin. Ai paralajmëron veprime konkrete nga Lëvizja Vetëvendosje, për ndaljen e këtij skenari të Hashim Thaçit.

 “Mjegulla e njeriut më të rrezikshëm në Kosovë” – paralajmërimi për marrëveshjen sekrete Thaçi-Vuçiq

Deputeti i Lëvizjes Vetëvendosje, Rexhep Selimi i ka komentuar deklarimet e presidentit Hashim Thaçi, i cili ka thënë se Lugina e Preshevës do të bashkohet me Kosovën. Për Selimin, nuk bëhet fjalë për bashkëngjitjen e kësaj pjese me Kosovën, por ‘një skenar i rrezikshëm për shitjen e një marrëveshje të rrezikshme në mes dy personave: Hashim Thaçit dhe Aleksandër Vuçiq’.

Deputeti Selimi, teksa ka folur për Insajderin, ka thënë se këto janë lojëra të rrezikshme nga një person i rrezikshëm, i cili sipas tij ka nënshkruar marrëveshje të fshehtë me Aleksandër Vuçiqin për ndarjen e brendshme etnike në Kosovë, dhe se qëllimi i tij është që përmes mjegullës ta shes një marrëveshje shumë të dëmshme për vendin. Selimi ka shtuar se Hashim Thaçi nuk është vetëm politikan i keq, por dhe politikan i rrezikshëm.

“Thaçi në këto deklarata po tregon edhe njëherë aftësinë e tij për ta mjegulluar gjithçka që ka të bëjë me raportin në mes Kosovës dhe Serbisë. Në fakt nuk bëhet fjalë në këtë moment as për këmbim territoresh, e as ndryshim kufijsh. Në këtë rast bëhet fjalë për marrëveshjen shumë të rëndë dhe të keqe që tashmë Thaçi e ka nënshkruar me Serbinë, dhe krejt çka po ndodhë tani është për ta mbuluar këtë marrëveshje. Lojërat e tilla vazhdojnë të mbesin lojëra të rrezikshme, nga një person i rrezikshëm që quhet Hashim Thaçi. U kemi paralajmëruar se kur bëhet fjalë për Thaçin, ai nuk është politikan i keq, por edhe një politikan i rrezikshëm. Ju kemi paralajmëruar për një epilog të tillë të Thaçit dhe Vuciqit.

Ai ka thënë se tashmë Thaçi e ka nënshkruar një marrëveshje të rrezikshme për të ardhmen e Kosovës, të cilën po e mban sekret për opinionin.

“Ai tashmë është dakorduar me Vuçiqin që ta ndajë Kosovën për së brendshmi në dy entiteti etnike, duke dhënë premtime për implementimin e Zajednicës, dhe tashmë ai tenton që të jap mjegull përmes disa deklarata për ndryshime kufijsh e të ngjashme dhe shkëmbime territoresh e të ngjashme. Krejt çka po mundohet që të fsheh me këto deklarata të bujshme, është marrëveshja që ai e ka nënshkruar me Vuçiqin dhe po synon që ta mbajë sekret për opinionin”, ka thënë Selimi.

Selimi ka thënë se përmes kësaj marrëveshje, do të jetë vetëm fillimi i një problemi shumë të madh që Kosova dhe Serbia, do ta kenë në të ardhmen, dhe se kjo marrëveshje do të jetë epilog i karrierës së Hashim Thaçit, si politikan, dhe prolog i mbjellur i një problemi të madh për të ardhmen në mes dy vendeve.

“Thaçi po mundohet që t’i japë një epilog karrierës së tij, jo raporteve në mes Kosovës dhe Serbisë. Përfundimi i karrierës së tij dhe i këtij procesi maratonik në bisedime, nuk po del të jetë epilog në raport me Serbinë, por prolog i një problemi shumë të madh që tashmë është mbjellur për të ardhmen. Pra, nuk themi epilog të bisedimeve, por prolog i raporteve shumë të rënda në mes Kosovës dhe Serbisë”, ka thënë Rexhep Selimi për Insajderi.

“Hashim Thaçi është personi më i gabuar për përfaqësimin e Kosovës dhe më i duhuri për ta përfaqësuar atë në favor të Serbisë”, ka shtuar ai më tej.

Selimi ka shtuar për Insajderi, se nuk do të qëndrojnë duarkryq në këtë synim të Hashim Thaçit, dhe se Lëvizja Vetëvendosje do të ndërmarrë hapa konkret për ndalimin e këtij skenari.

“Ne do të vazhdojmë me oponentën tonë dhe do të vazhdojmë aktivitetet tona politike. Saktësisht cka do të bëjmë do ta dëshmojë koha. Ne zakonisht kemi asnjëherë nuk kemi qëndruar indiferent ndaj zhvillimeve qoftë në raport me Serbinë, qoftë me keqqeverisjet”.

Selimi gjithashtu ka thënë se në këtë moment duhet ndalimi i menjëhershëm i bisedimeve në mes Kosovës dhe Serbisë, për siç tha ai ndalimin e një të keqe të madhe që pritet t’i vijë vendit.

“Lëvizja Vetëvendosje, qëndron nëpër të njëjtat pozicione dhe për fat të keq koha na ka dhënë të drejtë, për atë që e kemi paralajmëruar si rrezik. Do të donim që të na demantonte koha, por doli ashtu sic paralajmëruam. Bisedimet me Serbinë janë të padrejta, kur bëhet fjalë për ndërtimin e brendshëm të Kosovës. Kosova dhe Serbia nuk bisedojnë në kushte të barabarta për shkak se Serbia nuk e njeh Kosovën si shtet. Kosova vazhdon të mbetet inferiore karshi Serbisë. Prandaj, shpëtimi i vetëm në këtë raport është ndërprerja e menjëhershme e bisedimeve me Serbinë dhe kthimi i kursit të ecjes së Kosovës si shtet”, ka përfunduar Selimi.

Mundësitë për shkëmbime territoresh, i pati komentuar në muajin shkurt edhe kreu i Lëvizjes Vetëvendosje, Albin Kurti.

Kurti teksa kishte dhënë një intervistë për median serbe ‘Danas’, kishte thënë se ideja për shkëmbime të territoreve është e rrezikshme dhe mund të prodhojë luftë të re

“Ka pasur ide të ndryshme për ndarje dhe ndërrim territoresh, mirëpo këto janë teza të dëmshme me pasoja të papërballueshme. Këto ide vijnë nga politikanë autoritarë në Serbi të cilët mendojnë që territori është pronë private e sundimtarëve e jo toka e qytetarëve të shtetit. Politikanët autoritarë nuk e pranojnë Republikën, sepse së pari s’e kuptojnë atë. Ata janë tregtarë mallrash. Për ta gjithçka është mall vlera e të cilit është e llogaritshme. Na kujtohet se si Millosheviqi e Tugjmani kanë tregtuar. Dhe në fund më shumë se ndarjen dhe ndërrimin e territoreve fitojmë ndarjen dhe përzënien e njerëzve e të popullatës. Të flasësh për ndarje dhe ndërrim territoresh do të thotë të përgatitesh për luftë të re. Të drejtat qytetare të barabarta dhe reciprociteti në të drejtat kombëtare, së bashku me zhvillimin ekonomik të fokusuar në punësim, sidomos të të rinjëve dhe grave, është rruga që do të na nxjerrë nga kriza dhe do ta mundësojë përparimin”, kishte thënë kohë më parë Albin Kurti.

Të rrezikshme këtë ide e kanë thënë edhe shumë politikanë vendorë, përfshirë edhe kryeministrin Ramush Haradinaj. Ai një ditë më parë ka thënë se shkëmbimi i territoreve i sjell favore vetëm presidentit rus, Vladimir Putin.

“Nuk ka asnjëri që dëshiron lëvizjen kufijve, vetëm njërit i shkon, ai është Vladimir Putin. Ai ka dëshirë m’i lëvizë në Bosnjë, që të përfitojë precedent. Është gabim që ne t’i ndihmojmë Putinit për ndarje dhe lëvizje”, ka thënë Haradinaj.

Sipas tij me Serbinë nuk luan kufiri asnjë metër. “Nuk guxon askush të luaj kufij, të tentojë të bëj korrigjim të kufirit, të shkëmbejë territore”, është shprehur Haradinaj.

Haradinaj ka thënë se bëhet fjalë për një retorikë publike për kufij. “Kontrata jonë është Kushtetuta e Republikës së Kosovës. Nuk guxojmë të krijojmë Kushtetutë të re”, ka theksuar ai.

Kurse, mundësinë që Lugina e Preshevës të bashkohet me Kosovën, e ka ‘demantuar’ edhe ish-kryeministri i Shqipërisë, Sali Berisha. Ai gjatë ditës së sotme e ka akuzuar presidentin Hashim Thaçi, se po e përdor këtë çështje për interesa të tij personale.

Por, përkundër këtyre, presidenti Thaçi, po vazhdon që të jetë këmbëngulës, që nuk do të ketë ndarje të Kosovës, por vetëm korrigjim të kufijve, e që sipas tij do të thotë:’Bashkimin e Luginës së Preshevës me Kosovë” / Express.

Thaçi: Djegia e flamurit të Turqisë, akt i shëmtuar dhe i dënueshëm

“Turqia ka qenë dhe do të mbetet një partner strategjik i Kosovës. Djegia e flamurit është një akt i shëmtuar dhe është dënueshëm nga ana e institucioneve të Republikës së Kosovës”

PRISHTINË – Presidenti i Kosovës, Hashim Thaçi në një konferencë për media të mbajtur sot tha se djegia e flamurit është një akt i shëmtuar dhe është i dënueshëm nga ana e institucioneve të Republikës së Kosovës, duke shtuar se “Turqia ka qenë dhe do të mbetet një partner strategjik i Kosovës”.

Thaçi duke iu përgjigjur pyetjes së gazetarëve tha se djegia e flamurit të Turqisë është një akt i shëmtuar dhe i dënueshëm nga ana e institucioneve të Republikës së Kosovës.

“Turqia ka qenë dhe do të mbetet një partner strategjik i Kosovës. Djegia e flamurit është një akt i shëmtuar dhe është dënueshëm nga ana e institucioneve të Republikës së Kosovës. Ata individë që kanë bërë këtë djegje nuk mund të identifikohen si simpatizues të këtij apo atij individi, të kësaj apo të asaj partie. Prandaj edhe pretendimet për etiketime janë të paqëndrueshme, derisa nuk është asnjë fakt i vetëm”, tha Thaçi.

Ai po ashtu u shpreh se sot ka dëgjuar edhe disa opinione se ky ka qenë një rast i improvizuar prej mekanizmave të caktuar për të dëmtuar relacionin ne mes të dy shteteve. “Dhe ky është një informacion i saktë nga mekanizmat tonë të sigurisë, më së paku këtu qëndron politika e Kosovës”, tha ai.

Kujtojmë se dje në rrjete sociale është publikuar një video ku disa qytetarë djegin flamurin e Turqisë dhe më pas e hedhin në tokë dhe e shkelin. Në videon e publikuar në rrjetin social Facebook shihet se personat në fjalë përdorin shprehje ofenduese ndaj Turqisë dhe presidentit Recep Tayyip Erdoğan.

Po ashtu në video shihet se personat që e djegin flamurin shprehen se janë “në përkrahje të Gjergj Dedajt”. aa

 

Territoret shqiptare u tkurren në bazë të gjenocidit serb – Nga Skënder MULLIQI

Presidenti i Kosovës, Hashim Thaçi i zgjedhur me vota të LDK-se, e i zgjedhur gadi në gjendje të shtetrrethimit, është duke e futur Kosovën në rrugën pa krye. Jo që Thaçi nuk përfaqëson unitetin , por ai edhe më shumë është duke e përqarë këtë skenë politike edhe ashtu shumë të dobët dhe inerte ,dhe është duke e keqësuar situatën politike dhe të sigurisë në Kosovë .Pikëpamja e Thaçit për korrigjimin e kufijve ndërmjet Kosovës dhe Serbisë, gjoja së nënkupton refuzim të çdo ideje për ndarjen e Kosovës, por përfshinë kërkesën për bashkimin e Preshevës me Kosovën, nuk përkon fare më realitetin .Disa muaj më parë ishte hedhur ideja për ndarjen e Kosovës, e tash gjoja bashkim te Luginës , e qe për mua është mashtrim . Kjo është një nismë e cila nese realizohet do të jetë katastrofale për shqiptarët.Sigurisht së kjo marveshje e hedhur nga Thaçi kontravers dhe I frikësuar nga Specialja është teza më e rrezikshme deri me sot për ekzistimin e shtetit të Kosovës. Po shtyrohet pyetja, çfarë kuptimi ka ndërrimi I territoreve shqiptaro-shqiptare më Serbinë ? Si është e mundur që të lejohet një aventurë e tillë shumë e rrezikshme për paqën në rajon e ndoshta edhe më gjerë? Ti rrudhim kufijet shteteror e nacional prap pas gjithë këtye tragjedive që i pësuam historikisht, dhe gjithë atyre padrejtësive që na u bënë nga fuqitë e mëdha të kohës, jo që nuk justifikohet, por nuk ish dashur të lejohet të ndodhë kurrë. Çdo ide për ndërrimin e territoreve është ide vrastare. Ne shqiptarët do të jemi humbësit e mëdhenj. Shqiptarët duhet që të zgjohen, se është koha e fundit.Do të ndodheshin zhvendosje të popullatës që është e pa pranueshme për shqiptaret . Nga e gjithë kjo bëhet fjalë për këmbimin e gjysmës e Mitrovicës, Zubin Potokut, Leposaviqit dhe Zveçanit, që janë tre komuna e gjysmë, pra pjesa veriore më pjesën Lindore të Kosovës që është Lugina e Preshevës.Ndarja e Kosovës sipas planit të qetnikut, Dobrica Qosiqit ,kriminelit te luftës ,Sllobodan Millosheviqt , Akademise së Shkenacave dhe Arteve e shumë elaborateve kundershqiptare serbe ,jo që janë planet më ogurzeza , por është edhe dhe lajmi më i keq për Kosovën dhe shqiptarët në këto 100 vitet e fundit .Jo vetëm Hashim Thaçi , por komplet kjo klasë politike ka deshtuar në shtetndertim dhe mirëqenje të përgjthshme dhe mban pergjegjersi të madhe nese ndodhë coptimi i ri i trojeve shqiptare.Ne vend të përparimit , lulëzuan krimi e korrupcioni, kontrabandat , hajnit masovike të pronës shoqërore, e shumë negativitete të tjera . E kemi dhi punën më ka krejt , kur na u dha rasti historic ti kemi dy shtete shqiptare dhe gradualisht ti bashkojmë edhe tokat tona etnike. Gjithëçka do të ishte shumë në rregull dhe e drejtë sikur Kosovës ti bashkohet pjesa natyrale siq është Kosova Lindore , por është apsurde që Serbia të pranon një opcion politik të tillë, kur dihet për planet e tyre okupuese.Territoret shqiptare u tkurren në bazë të gjenocidit, dhe duhet të kthehen heret apo vonë , e jo të falim territore të reja Serbisë fashiste . Po flitet së do të këtë ridefinim të kufijve në Ballkan .Kjo çështje nga shumë kush komentohet së është ngritur nga takimi Tramp –Putin , ku nuk do të ekzistojnë më si shtete Kosova, Mali i Zi e Maqedonia.Zor që ka kush informacione të sakëta së a është biseduar në Helsinki për temën e ndarjës së Kosovës. Kjo duket se është më shumë tezë dhe propagandë ruse .Nuk ka asnjë sinjal që amerikanët kan ndryshuar qendrim rreth ndryshimit të kufijve .Zor që Tramp mbeshtet ndonjë skenar rus në Ballkan , duke I cenuar serioziosht interesat amerikane . Rivizatimi i hartave në Ballkan ose përpjekja e hapjes së temës së ndryshimit të kufijve me çdo kusht në çfarëdo pjese të Ballkanit, pa dyshim që çon në konflikte të përgjakshme, transfer të popullatës, spastrim etnik etj. Më së paku kjo sot u duhet shqiptarëve kudo që janë. E nesërmja është diçka tjetër…

Presidenti Thaçi paralajmëron referendum për marrëveshjen finale me Serbinë

Thaçi përsëriti thirrjen e tij për të gjitha partitë politike në Kosovë që në këtë proces Kosova të jetë sa më unike për të mbrojtur më mirë interesin e vendit dhe për të legjitimuar kërkesën politike

PRISHTINË – Presidenti i Kosovës, Hashim Thaçi deklaroi sot se Kuvendi i Kosovës është organi më i lartë i cili duhet ta japë fjalën e fundit në rast të një marrëveshjeje përfundimtare me Serbinë, por ai gjithashtu vuri në dukje se ka ardhur koha të dëgjohet edhe zëri i qytetarëve të cilët përmes një referendumi mund të deklarohen në lidhje me atë marrëveshje.

Thaçi në konferencë për media theksoi se Kosova është midis disa vendeve të rralla që ende nuk ka mundësinë ligjore të shpallë referendum dhe se për këtë arsye ka nisur konsultimet e nevojshme ndërinstitucionale, si dhe konsultimet me partnerët ndërkombëtarë, në mënyrë që të mundësohet një gjë e tillë në të ardhmen e afërt.

“Sidomos në rast të arritjes së një marrëveshjeje eventuale paqësore për normalizimin, pajtimin dhe njohjen reciproke Kosovë- Serbi, e konsideroj si të domosdoshëm deklarimin e vullnetit të qytetarëve nëpërmjet referendumit. Qytetarët e Republikës së Kosovës duhet të jenë në gjendje që të bëhen vetë vendimmarrës në këtë proces kaq të rëndësishëm dhe historik, sidomos tani kur jemi dëshmitarë të divergjencave të theksuara ndërmjet spektrit politik për dialogun dhe marrëveshjen eventuale përfundimtare ndërshtetërore Kosovë-Serbi”, tha Thaçi.

Thaçi përsëriti thirrjen e tij për të gjitha partitë politike në Kosovë që në këtë proces Kosova të jetë sa më unike për të mbrojtur më mirë interesin e vendit dhe për të legjitimuar kërkesën politike dhe historike të shqiptarëve nga Presheva, Medvegja dhe Bujanoci për t’u bashkuar me Kosovën.

Ai theksoi se pikërisht për shkak të kësaj kërkese, qëndrimi i tij është se Kosova duhet të jetë e gatshme të shqyrtojë opsionin e korrigjimit të kufirit me Serbinë, i cili është rreth 400 kilometra i gjatë. Ai shtoi se korrigjimi i kufirit midis Kosovës dhe Serbisë nuk do të ishte precedent në botë, sepse ka pasur korrigjime të tilla.

Thaçi u shpreh se marrëveshja përfundimtare me Serbinë duhet të arrihet përmes dialogut, rrugës paqësore, në asnjë mënyrë me luftë dhe se Kosova ka mbështetjen e plotë nga partnerët ndërkombëtarë. Ai gjithashtu potencoi se kjo nuk do të thotë hapjen e Kutisë së Pandorës në rajon.

Sipas tij, aspiratat e vjetra të Beogradit për ndarjen e Kosovës apo shkëmbimin e territoreve nuk janë ide apo opsione të tij, por janë tërësisht në kundërshtim me parimet e tij. Ai tha gjithashtu se nuk do të ketë ndarje të Kosovës, as autonomi, as shkëmbim territorial.

“Se çka mund të parashtrojë Serbia, unë nuk mund të marr atë përgjegjësi, por unë marr përgjegjësi në emër të vendit tim, qytetarëve të mi, duke respektuar Kushtetutën dhe ligjet”, tha Thaçi. aa

Haradinaj kërkon rritjen e gatishmërisë së institucioneve të rendit

Kryeministri i Kosovës, Ramush Haradinaj, kërkoi rritjen e gatishmërisë së institucioneve të rendit dhe ligjit në ditët që vijnë.

“Gjendja e sigurisë në rend dhe ligj është e qetë dhe stabël, por megjithatë kemi kërkuar rritjen e gatishmërisë për veprim në rast të çfarëdo prishjeje të rendit dhe ligjit”, tha Haradinaj, pas takimit të Këshillit të Sigurisë së Kosovës.

Sipas tij, është konstatuar se disa persona të dyshimtë qarkullojnë në pjesën veriore të Kosovës dhe ata mund të jenë nga Republika Sërpska ose pjesë të tjera.

“Kushdo që hyn në territorin e Kosovës, me qëllim të shkaktimit të ndonjë incidenti apo prishjes së rendit dhe ligjit, do ta marrë reagimin e institucioneve të rendit dhe të ligjit“, tha Haradinaj.

“Rritja e shkallës së gatishmërisë nuk është urdhër për veprim, por jemi në gjendje gatishmërie. Në rast se ka prishje të rendit dhe të ligjit, do të veprojmë”, theksoi kryeministri.

I pyetur nga gazetarët nëse serbët mund të shpallin autonomi më 4 gusht, pas dorëzimit të draft-statutit të Asociacionit për komunat me shumicë serbe, Haradinaj tha se Kosova është brenda marrëveshjeve ndërkombëtare dhe se askush nuk mund të ndërmarrë veprime të njëanshme.

  • Luljeta Krasniqi – Veseli

Intervista, Zëri i Amerikës – Hoti: Nuk është koha për ndarje e shkëmbim territoresh

Shefi i Grupit parlamentar të Lidhjes Demokratike të Kosovës, Avdullah Hoti, i tha Zërit të Amerikës se partia e tij nuk është e gatshme për shkëmbimin e territoreve, por kërkon që marrëveshja për normalizimin e marrëdhënieve me Serbinë të sigurojë njohje të ndërsjellë dhe ruajtje të karakterit unitar të Kosovës. Në intervistën dhënë korrespondentit tonë në Prishtinë, Leonat Shehu, zoti Hoti thotë së presidenti Hashim Thaçi dhe qeveria aktuale nuk kanë legjitimitet për të drejtuar bisedimet me Serbinë dhe vendi duhet të shkojë në zgjedhje të reja.

Zëri i Amerikës: Zoti Hoti, presidenti Thaçi së fundmi hodhi idenë për sic thotë ai, korrigjimin e kufirit me Serbinë. Për ju, çfarë do të thotë një ide e tillë?

Avdullah Hoti: Unë mendoj që nuk është koha për ide të tilla, Kosova është shpallur shtet i pavarur në vitin 2008 në tërësinë territoriale që e ka gëzuar në vitin 1989 dhe pastaj ajo deklaratë e pavarësisë është shpallur në Parlamentin e Kosovës dhe ka marrë, nëse mund të themi, bekimin e drejtësisë ndërkombëtare përmes opinionit të Gjykatës Ndërkombëtare të Drejtësisë. Kanë qenë breza të tërë të shqiptarëve në Kosovë që kanë luftuar, derdhur gjak, djersë dhe mund për këtë projekt që e kemi tash edhe ta kenë të qartë të gjithë se projekti i Kosovës së pavarur edhe ky është kompromis për realizimin e interesave të çështjeve kombëtare. Ne në asnjë moment nuk jemi të gatshëm të shkëmbejmë territor shqiptar, territor të Kosovës me territor të Kosovës, sepse shkëmbimi i territorit të veriut të vendit me Preshevën nënkupton shkëmbim i territorit tonë me një territor tonin. Kemi luftuar për një projekt të Kosovës së pavarur, prej që është themeluar Lidhja Demokratike e Kosovës në dhjetor të vitit 1989 dhe pastaj me referendumin në fillim të viteve të 90-ta edhe me zhvillimet politike që kanë ndodhur, kemi besuar në projektin e Kosovës së pavarur, sovrane e të integruar në Bashkimin Evropian e në NATO me miqësi të përhershme me Shtetet e bashkuara të Amerikës dhe jemi shumë afër të realizimit të këtij misioni. Ka mbi 110 vende që na kanë njohur si shtet i pavarur, kemi problem në integrimin në BE sepse pesë vende ende nuk na kanë njohur, kemi problem normalizimin e marrëdhënieve me Serbinë, por i kemi shtetet më të fuqishme të botës perëndimore në krah sepse jemi në anën e së drejtës për të realizuar interesat tona kombëtare.

Zëri i Amerikës: Presidenti po thotë që nuk do të ketë shkëmbim territoresh por Presheva të bashkohet me Kosovë në tërësinë aktuale. Si ju duket kjo?

Avdullah Hoti: Unë besoj që presidenti i vendit të qëndrojë brenda mandatit të tij kushtetues. Ai është personi që duhet ta mbrojë kushtetutën e vendit dhe territorin e vendit dhe ai është i fundit që duhet të flasë për gjëra të tilla.

Zëri i Amerikës: Si duhet të jetë marrëveshja përfundimtare me Serbinë?

Avdullah Hoti: Ne besojmë që marrëveshja përfundimtare me Serbinë duhet të jetë e tillë që mundëson normalizimin e marrëdhënieve në mes të dy shteteve të pavarura dhe një normalizim i tillë arrihet vetëm me njohje reciproke. Nuk mund të ketë normalizim nëse nuk ka njohje reciproke. Ne në marrëveshjen përfundimtare me Serbinë nuk jemi të interesuar të arrijmë një marrëveshje afat-shkurtë ose afat-gjatë ose për një gjeneratë. Ne jemi të interesuar që të arrijmë një marrëveshje jetësore për normalizimin e marrëdhënieve me Serbinë e cila arrihet vetëm me njohje reciproke, duke pas parasysh tri parime, të cilat ne si Lidhje Demokratike i kemi bërë publike. Në këtë marrëveshje përfundimtare duhet të kihet parasysh që të ruhet tërësia territoriale e Kosovës; e dyta, duhet të ruhet gjithsesi karakteri unitar i shtetit të Kosovës që të mos lejojmë bosnjëzim të Kosovës sepse ajo do ta bënte shtetin e Kosovës jo funksional dhe çfarëdo ndryshimi në të ardhmen në kushtetutën e vendit duhet të jetë në parimet e kushtetutës që e ruan Kosovën si shtet unitar, që mbron të drejtat e minoriteteve dhe i avancon ato në përputhje me praktikat më të mira ndërkombëtare.

Zëri i Amerikës: Tashmë ka filluar procesi përfundimtar për arritjen e marrëveshjes ndërmjet Kosovës e Serbisë. Deri tani si e shihni ju, a ka ndonjë rrezik që të shkohet përtej këtyre parimeve?

Avdullah Hoti: Për neve dialogu për marrëveshjen përfundimtare nuk ka filluar. Unë besoj që nuk ka filluar. Takimet që janë mbajtur në mes të dy presidentëve ,ne nuk mund t’i konsiderojmë si pjesë të dialogut në këto takime që askush nuk e di se çfarë po bisedohet. Na parlamentin e Kosovës nuk ka një rezolutë për dialog përfundimtar me Serbinë e cila rezolutë do t’i vendoste si të themi, vijat e kuqe ose ne po i quajmë parime të marrëveshjes përfundimtare që janë këto tria që i përmenda më herët, tërësia territoriale e vendit, karakteri unitar i shtetit dhe ruajtja e frymës së kushtetutës së vendit.

Zëri i Amerikës: Javëve të fundit ka pasur shumë deklarata lidhur me ndarjen e Kosovës apo shkëmbim territoresh. Sa janë shqetësuese deklarata të tilla?

Avdullah Hoti: Këto janë balona në ajër, që po lëshohen nga disa persona që fatkeqësisht disa tjerë po kapen pas atyre balonave. Ne kemi 30 vjet që angazhohemi si parti politike dhe jemi anëtar të partive popullore evropiane angazhohemi për Kosovën shtet të pavarur dhe të integruar në Bashkimin Evropian e në NATO dhe nuk heqim dorë nga kjo, ne nuk mund të shkëmbejmë territore të Kosovës me territore të Kosovës.

Zëri i Amerikës: Zyrtarë të lartë nga partia juaj kanë hedhur idenë për shkëmbim të territoreve me Serbinë. Cili është qëndrimi i partisë suaj?

Avdullah Hoti: Qëndrimi i Lidhjes Demokratike të Kosovës është ky që sapo e thash, zyrtarë të lartë të LDK-së që e kanë hedhur këtë ide e kanë thënë edhe vet publikisht se respektojnë plotësisht qëndrimin e partisë.

Zëri i Amerikës: Zoti Hoti, sipas jush si duhet të formohet Asociacioni i komunave me shumicë serbe?

Avdullah Hoti: Duhet të jetë në përputhje me marrëveshjen dhe në përputhje me kushtetutën e Kosovës dhe me opinionin e gjykatës kushtetuese të Kosovës. Statuti i asociacionit duhet të shkojë në Gjykatën Kushtetuese të Kosovës përpara se të miratohet në qeveri, kështu edhe kërkohet me marrëveshjen që është arritur në Bruksel në vitin 2015. Çdo devijim nga kjo formë e themelimit të asociacionit është në kundërshtim me kushtetutën e vendit dhe unë besoj që askush nuk mund të marr guximin brenda institucioneve të vendit që të miratojë një statut që bie ndesh me parimet kushtetuese tona.

Zëri i Amerikës: Vëzhguesit kanë ngritur shqetësim se Kosova po humb përkrahjen nga vendet mike, dhe se të njëjtit nuk kanë kundërshtuar idetë e ndryshme që po qarkullojnë, lidhur me marrëveshjen përfundimtare me Serbinë. Sa është e rëndësishme përkrahja e vendeve kryesore perëndimore?

Avdullah Hoti: Unë besoj që përkrahjen e miqve ndërkombëtarë ne e humbim në rast se e bëjmë shtetin tonë jo funksional, në rast se institucionet e vendit nuk e kryejnë detyrën për të ruajtur interesat vitale shtetërore të Kosovës, në rast se nuk e zhvillojmë ekonominë, në rast se nuk e luftojmë krimin dhe korrupsionin, në rast se nuk tregojmë që jemi një demokraci e qëndrueshme e ndjenjë për t’u integruar në Bashkim Evropian. Vetëm këtë rast ne mund të humbim përkrahjen e partnerëve ndërkombëtarë.

Zëri i Amerikës: Zoti Hoti, a po ushtrohet trysni ndaj partisë suaj për t’u përfshirë në bisedimet që tashmë po zhvillohen në Bruksel?

Avdullah Hoti: Asnjë trysni nuk ka. Është një qëndrim publik zyrtarë i mbajtur nga Lidhja Demokratike. Ka tre muaj që qeveria dhe institucionet e vendit kanë humbur legjitimitetin sepse nuk e kanë shumicën në parlament. Ka gjithashtu tre muaj që parlamenti i Kosovës nuk funksionon normalisht sepse koalicioni qeverisës nuk ka mjaft vota për të çuar përpara ligjet më të thjeshta. Ne kemi hapur mundësi të dialogut përmes tryezave të partive politike për të ardhur tek një dakordim për këtë çështje dhe nuk ka pasur realisht ndonjë gatishmëri dhe tash pozicioni jonë është shumë i qartë dhe duhet të shkojmë sa më parë në zgjedhje. Dialogu me Serbinë, marrëveshja përfundimtare me Serbinë nuk mund të arrihet nga institucionet jolegjitime, duhet legjitimitet qytetarë i partive politike dhe partia fituese do të ndërtojë një koalicion për të udhëhequr këtë proces. Ne jemi të gatshëm të marrim përsipër këtë proces, por fillimisht duhet të ketë legjitimitet me votë të qytetarëve.

Zëri i Amerikës: Por, presidenti ka paralajmëruar që marrëveshja e ardhshme mund të hidhet edhe në referendum?

Avdullah Hoti: Ai nuk është personi që merr vendime të tilla, ai duhet të qëndrojë brenda kushtetutës së Kosovës, brenda kompetencave kushtetuese që ka. Parlamenti i Kosovës është institucioni më i lartë në vend që vendos për të gjitha këto çështje.

Zëri i Amerikës: Zoti Hoti, si janë mundësitë që ta arrihet një konsensus me partitë opozitare për të miratuar rezolutë për bisedimet me Serbinë?

Avdullah Hoti: Tash ne jemi grupi më i madh parlamentar dhe jemi partia më e madhe në vend dhe dukshëm me partitë tjera dhe na takon barra që të ndërtojmë konsensusin e nevojshëm brenda shoqërisë së Kosovës për këto çështje. Ne jemi duke shtyrë përpara që duhet legjitimitet qytetarë për marrëveshjen përfundimtare me Serbinë dhe si rezultat, ne nuk jemi të gatshëm të mbështesim asnjë lloj rezolute sepse rezolutat që nxirren tash në parlament nuk kanë asnjë kuptim, nuk mund të mandatosh një qeveri që nuk e ka shumicën për të zhvilluar dialogun, nuk mund ta mandatojmë presidentin sepse nuk është në kompetencat kushtetuese të presidentit të dialogojë për çështje të tilla. Vetëm parlamenti i Kosovës dhe shumica parlamentare që nxjerrë qeverinë e vendit mund të dialogoj dhe atë me dy të tretat e votave në parlament. Pra fillimisht duhet legjitimitet qytetarë, duhet një shumicë parlamentare e qëndrueshme që merr përsipër procese kaq të mëdha.

Zëri i Amerikës: Do të thotë përveç zgjedhjeve, Lidhja Demokratike në asnjë mënyrë nuk do të përfshihet në këto bisedime?

Avdullah Hoti: Jo sepse jemi në një situatë kur, e para bisedimet nuk mund të zhvillohen nga ekipet e unitetit jo institucional, sepse ne e kemi kaluar atë fazë, ne jemi shtet i pavarur dhe kemi institucione që flasin në emër të Kosovës. Nëse ato institucione nuk mund të flasin në emër të Kosovës, siç është rasti tash, sepse koalicioni qeverisës nuk mund të flasë në emër të Kosovës sepse nuk e ka shumicën në parlament, atëherë duhet një proces i ri zgjedhor. Prandaj ne nuk mund të bëhemi pjesë e kurrfarë rezolute as kurrfarë ekipi pa legjitimitet qytetar.

Qeveria e Kosovës dënon aktet vandale ndaj simboleve nacionale të Turqisë

Reagimi i qeverisë ka ardhur pasi që në rrjete sociale është publikuar një video ku disa qytetarë djegin flamurin e Turqisë dhe më pas e hedhin në tokë dhe e shkelin

PRISHTINË – Qeveria e Kosovës ka reaguar pas pamjeve të publikuara në rrjetet sociale ku shihet se digjet flamuri i Turqisë, duke u shprehur se dënon fuqishëm çdo akt vandal që përdhos simbolet nacionale dhe shtetërore të Republikës së Turqisë.

“Qeveria e Republikës së Kosovës rithekson fuqishëm qëndrimin e saj kundër deklarimeve dhe gjuhës fyese ndaj Republikës së Turqisë dhe popullit turk, nga kushdo qoftë në vendin tonë”, thuhet në një komunikatë nga Zyra e Kryeministrit.

Duke theksuar se qeveria dënon fuqishëm çdo akt vandal që përdhos simbolet nacionale dhe shtetërore të Turqisë, në komunikatë thuhet se “Qeveria e Kosovës është e përkushtuar në ndërtimin e raporteve të mira me të gjitha vendet e rajonit dhe ka konsideratë të veçantë për bashkëpunimin e mirë me vendet që kanë njohur dhe ndihmuar pavarësinë e Kosovës”.

Qeveria e Kosovës, thuhet më tej, “është e vendosur dhe kërkon nga organet e rendit të ndërmarrin të gjitha masat ndaj atyre që nuk respektojnë interesat shtetërore të Kosovës dhe ndaj atyre që prishin harmoninë dhe bashkëjetesën e qytetarëve të saj, pa marrë parasysh përkatësinë e tyre etnike”.

Reagimi i qeverisë ka ardhur pasi që në rrjete sociale është publikuar një video ku disa qytetarë djegin flamurin e Turqisë dhe më pas e hedhin në tokë dhe e shkelin. Në videon e publikuar në rrjetin social Facebook shihet se personat në fjalë përdorin shprehje ofenduese ndaj Turqisë dhe presidentit Recep Tayyip Erdoğan.

Po ashtu, në video shihet që personat që e djegin flamurin shprehen se janë “në përkrahje të Gjergj Dedajt”.

Kujtojmë se qeveria më parë kishte reaguar edhe ndaj deklaratave ofenduese të zëvendësministrit të Punëve të Jashtme të Kosovës Gjergj Dedaj ndaj shtetit të Turqisë. aa

Hoti: Deklaratat për shkëmbim apo korrigjim kufijsh po e dëmtojnë Kosovën

Shefi i Grupit Parlamentar të Lidhjes Demokratike të Kosovës, Avdullah Hoti, tha se lojërat me fjalë si “shkëmbim territoresh” dhe “korrigjim kufijsh” po i kushtojnë Kosovës dhe po e dëmtojnë shtetin në arenën ndërkombëtare.

Hoti tha se me këtë territor që ka aktualisht Kosova dhe me këta kufij, mbi 110 vende e kanë njohur atë.

Deklaratat e Hotit vijnë si kundërpërgjigje ndaj disa komenteve të bëra nga presidenti i Kosovës, Hashim Thaçi, i cili, të mërkurën, në një intervistë të dhënë për AP-në, ka mohuar ndarjen e Kosovës, por e ka lënë si mundësi të hapur “korrigjimin e kufijve”.

“Askush nuk ka të drejtë të diskutojë për territorin e Kosovës, sepse do të binte ndesh me vullnetin e popullit të Kosovës për shtet të pavarur, të shpallur me Deklaratën e Pavarësisë, më 17 shkurt, 2008, dhe me Kushtetutën e Kosovës”, tha Hoti në një postim në Facebook.

Sipas tij, vetë ideja që çështja e shkëmbimit të territoreve apo e korrigjimit të kufijve mund të diskutohet në dialogun me Serbinë, “e ka nxjerrë jashtë funksionit të saj të gjithë diplomacinë e Kosovës”.

Presidenti Hashim Thaçi, i cili po udhëheq dialogun politik me Serbinë, që ndërmjetësohet nga Bashkimi Evropian, ka thënë se “nuk ka forcë” që mund ta detyrojë Kosovën që të flasë për ndarjen e saj.

Thaçi: Nëse arrihet marrëveshja, Lugina e Preshevës i bashkohet Kosovës

Presidenti i Kosovës, Hashim Thaçi ka folur sërish për mundësinë, siç e ka quajtur ai, të korrigjimit të kufirit me Serbinë, gjatë procesit të ardhshëm të dialogut.

Këto komente, Thaçi i bëri pas vizitës në Odën Ekonomike të Kosovës.
Ai tha se përfaqësuesit e komunave Preshevë, Bujanoc e Medvegjë e kanë shprehur vullnetin e tyre që Lugina e Preshevës t’i bashkohet Kosovës, andaj sipas tij, nëse ka pajtueshmërinë dialog, kjo pjesë do të mund t’i bashkohej Kosovës.

“Kemi rreth 400 kilometra të kufirit me Serbinë që duhet të shënjohen dhe pa demarkacionin me Serbinë nuk mund të përmbyllet procesi i shtet-formimit dhe konsolidimit”, tha Thaçi.

“Për këtë arsye do të diskutohet për demarkacionin, për korrigjimin e kufijve dhe në kuadër të korrigjimit të kufijve, në asnjë rrethanë, për asnjë çmim nuk do të mund të imponohet realizimi i aspiratës serbe për ndarje të Kosovës. Ndërkaq mendoj se është shumë e realizueshme, e pranueshme nga ana e jonë, kërkesa e institucionalizuar e përfaqësuesve të Luginës së Preshevës për t’u bashkuar me Kosovën”, theksoi presidenti Thaçi.

“Nëse ka marrëveshje apo pajtueshmëri të dyanshme (në dialogun me Serbinë) askush nuk do të dilte kundër një marrëveshje të dyanshme, pra as nga Bashkimi Evropian, as SHBA apo NATO”, tha Thaçi, raporton rel.

Sipas tij, “korrigjim të kufijve do të ketë, por asesi ndarje të Kosovës”.
Ai tha se pret që nga fundi i muajit gusht dhe fillimi i shtatorit dialogu të dinamizohet nën lehtësimin e Bashkimit Evropian dhe me mbështetjen e Shteteve të Bashkuara të Amerikës.

Thaçi kundërshton ndarjen, i hapur për “korrigjim” të kufijve

Presidenti i Kosovës, Hashim Thaçi, tha se e kundërshton idenë për ndarjen e Kosovës përgjatë vijave etnike, për të zgjidhur mosmarrëveshjet me Serbinë.

Por, në një intervistë për agjencinë e lajmeve AP, Thaçi tha se është i hapur për të diskutuar “një korrigjim” të kufijve në negociatat që po zhvillohen me Serbinë, me ndërmjetësimin e Bashkimit Evropian.

“Pretendimi i Serbisë për të ndodhur ndarja e Kosovës nuk do të ketë sukses, është i papranueshëm, por në arritjen e marrëveshjes përfundimtare Kosovë-Serbi do të punojmë që definitivisht të ndodhë njohja reciproke formale, de facto dhe de jure, midis dy vendeve, si dhe Kosova në fund të anëtarësohet në të gjitha organizatat ndërkombëtare, duke përfshirë OKB-në”.

“Pra, nuk do të ketë ndarje, por do të ketë korrigjim të kufijve që nënkupton respektimin tanimë të kërkesës së institucionalizuar të Luginës së Preshevës me Kosovën”, tha Thaçi.

“Ndërkombëtarët janë duke na dëgjuar, ndërkombëtarët janë duke lehtësuar dialogun Kosovë-Serbi – Bashkimi Evropian me mbështetjen e plotë të Shteteve të Bashkuara të Amerikës. Vlerësoj se korrigjimi i kufijve Kosovë-Serbi dhe marrëveshja finale e njohjes reciproke që do të ndodhë… nëse kjo marrëveshje është e vullnetit të dyanshëm të palëve dhe një marrëveshje e balancuar, që nënkupton ‘win-win’ për të dyja palët, atëherë askush nuk mund të jetë kundër”, tha Thaçi për AP-në.

Zyrtarët në Serbi e kanë përmendur si zgjidhje të mundshme të mosmarrëveshjeve ndarjen e Kosovës, përkatësisht bashkimin me Serbinë të veriut të Kosovës, i cili është i banuar me shumicë serbe.

Prishtina insiston se ndarja është e papranueshme.

Pacolli mbështet kërkesat e boshnjakëve në Sanxhak

Ministri i Punëve të Jashtme, Behgjet Pacolli është takuar sot me presidentin e Këshillit Kombëtar të Boshnjakëve të Sanxhakut Sulejman Uglianin, me të cilin kanë biseduar për gjendjen e këtij komuniteti.

Në një postim në Facebook, Pacolli ka thënë se ai mbështetë kërksat e komunitetit boshnjak në Sanxhak dhe ata kanë mbështetjen e tij, për avancimin e të drejtave të tyre, sipas standardeve ndërkombëtare.

Më herët gjatë këtij muaji, Pacolli ishte ftuar në Beograd që të marrë pjesë në një konferencë të Këshillit Kombëtar Boshnjak të Serbisë, por autoritetet serbe, nuk i dhanë leje që të vizitojë Serbinë.

Qeveria themelon grupin punues për vlerësimin e aseteve të “Trepçës”

Kompleksi i “Trepçës” në Mitrovicën e Veriut

Qeveria e Kosovës ka themeluar grupin punues teknik për vlerësimin e të gjitha aseteve që janë në pronësi të ndërmarrjes shoqërore “Trepça”.

Në mbledhjen e Qeverisë, është thënë se ky grup do të përgatisë propozimin final për Qeverinë, jo më larg se tre muaj pas miratimit të këtij vendimi.

Kosova asnjëherë nuk ka bërë një vlerësim të detajuar për vlerën reale të kombinatit metalurgjik “Trepça”.
I vetmi studim për të gjitha resurset natyrore të Kosovës që është bërë në vitin 1992, ka vlerësuar se potenciali material i Trepçës mund të jetë 85 miliardë dollarë amerikanë.

Kombinati metalurgjik “Trepça”, gjendet në komunën e Mitrovicës. Sektorët e tij gjenden në pjesën veriore dhe atë jugore të qytetit.

Përveç aseteve në Kosovë, 31 prona të këtij kombinati gjenden në republikat e ish-Jugosllavisë, duke përfshirë këtu fabrika, zyra dhe objekte tjera.

Haradinaj: Propozimi i parë për statutin e Asociacionit, brenda afatit

Hartimin i statutit të Asociacionit të komunave me shumicë serbe është një proces dhe rezultati i parë, në formë propozimi, do të jepet më 4 ose 5 gusht, ka thënë kryeministri i Kosovës, Ramush Haradinaj.

“Megjithatë, procesi do të vazhdojë. Fillimisht, do paraqitet statuti i hartuar nga Ekipi menaxhues. Më pas, Qeveria dhe të tjerët mund t’i kenë vërejtjet ose këshillat e tyre. Në fund duhet të jemi të sigurt që është në harmoni me ligjet dhe Kushtetutën e Kosovës, ashtu siç edhe e thotë marrëveshja”, ka thënë Haradinaj gjatë një konference për medie.

Brukseli zyrtar pret nga pala e Kosovës që në afat deri më 4 gusht ta hartojë statutin e Asociacionit të komunave me shumicë serbe.

Thaçi: S’ka forcë që na detyron të diskutojmë për ndarjen e Kosovës

Duke i cilësuar si lajme të rreme, presidenti i Kosovës, Hashim Thaçi ka hedhur poshtë zërat se me Serbinë do të diskutohet për ndarjen e Kosovës.

Në një konferencë për media, presidenti Thaçi tha se në dialogun me Serbinë në Bruksel, që ndërmjetësohet nga Bashkimi Evropian, nuk do të “ketë forcë” që do ta detyrojë palën kosovare që të flas për ndarjen e Kosovës.

“Prandaj unë sot këtu, si president i vendit, edhe njëherë i siguroj qytetarët e Kosovës se nuk do të ketë forcë që do ta detyrojë Kosovën të diskutojë, e lëre më të pajtohet me ndarjen e saj. Nuk do të lejojmë, as të diskutohet e lëre më që dikush të pajtohet me ndarjen e Kosovës”, tha Thaçi.

“Janë shqetësuese zërat që flasin gjëra të tilla, kur në të vërtetë gjërat e tilla po kalojnë së foluri edhe nga njerëzit që kanë legalitet edhe në institucionet e vendit”, u shpreh Thaçi.

“Nuk do të ketë bosnjëzim të Kosovës, nuk do të ketë ndarje të Kosovës. Nuk do të ketë Ahtisaari+”, tha tutje presidenti i Kosovës.

Presidenti Thaçi foli edhe për marrëveshjen finale që pritet të arrihet në të ardhmen me Serbinë, e cila siç tha ai, duhet të jetë ligjërisht e obligueshme. Kjo marrëveshje, nënvizoi Thaçi, për Kosovën nënkupton njohje reciproke.

“Ne do të punojmë fuqishëm që marrëveshja finale mes Kosovës dhe Serbisë, të jetë në përputhshmëri me vullnetin e qytetarëve”, tha Thaçi.

Me këtë marrëveshja, shtoi Thaçi, Kosovës do t’i hapet mundësia që të anëtarësohet në organizata ndërkombëtare.

Kuvendi i Kosovës të hënën nuk arriti që të miratojë një rezolutë të propozuar nga partia opozitare Partia Socialdemokrate, për dialogun. Kjo rezolutë, e cila nuk kaloi pasi nuk arriti të harmonizohej me partitë tjera dhe nuk pati kuorum në Kuvend, përveç se ia kontestonte rolin udhëheqës presidentit në dialog, kërkonte që Kuvendi të mandatonte prijësin e dialogut me dy të tretat e votave.

Në debatet e zhvilluara në Kuvend, partitë opozitare argumentuan se presidenti Thaçi nuk ka legjitimitet që të udhëheqë dialogun.

Lidhur me këto pretendime të opozitës, Thaçi tha se ishte dëshpëruese që Kuvendi nuk arriti që të dalë me një dokument në fund të debatit.

“Është jashtëzakonisht impresionues debati i zhvilluar dje, dhe jam jashtëzakonisht i dëshpëruar që Kuvendi nuk arriti që të dalë me një dokument”, u shpreh Thaci. Sipas tij, roli i Kuvendit në procesin e dialogut është i pazëvendësueshëm, pasi që në fund, ky organ do të thotë fjalën e fundit për marrëveshjen eventuale me Serbinë.

Dialogu mes Kosovës dhe Serbisë ka nisur që nga viti 2011.Thaçi ka udhëhequr diaogun politik në Bruksel prej nisjes së tij, njëherë nga posti i kryeministrit dhe tani në cilësinë e presidentit.

Sipas Bashkimit Evropian në fund të këtij procesi, të dyja vendet duhet të arrijnë një marrëveshje për normalizimin e raporteve, e cila, pos tjerash, i çon të dyja vendet drejt integrimeve evropiane.

Qeveria distancohet nga zv/ministri Dedaj lidhur me “deklaratat fyese” ndaj Turqisë

Qeveria e Kosovës është distancuar nga deklaratat fyese të zëvendësministrit të Jashtëm, Gjergj Dedaj, të shprehura përmes një shkrimi në rrjetet sociale ndaj Turqisë.

Ndonëse Dedaj ka përmendur edhe Serbinë, Qeveria e Kosovës, në reagimin e saj, ka përmendur vetëm Turqinë.

“Qeveria e Kosovës shpreh qëndrim se deklarimet mediale që kanë përmbajtje gjuhën fyese ndaj Republikës së Turqisë, nga kushdo qofshin, janë të papranueshme dhe nuk paraqesin politikën zyrtare të Qeverisë Haradinaj, as kur ato thuhen nga ndonjë zyrtar i kësaj qeverie apo kushdo qoftë tjetër”, thuhet mes tjerash në reagimin e Qeverisë.

Të dielën, më 29 korrik, zëvendësministri Dedaj ka publikuar në profilin e tij në Facebook një postim të shkurtër të titulluar “Shtrigat e Ballkanit”.

“Turqia dhe Serbia, synojnë rikthimin e tyre strategjik në Kosovë, secila përmes emisarëve të tyre, të mbetur nën rrënjët e sundimit shekullor dhe mbetjet e këtyre sundimtarëve të ndyrë duhet të çrrënjosen nga Kosova dhe trojet e Gjergj Kastriotit!”, ka shkruar Deda.

Reagime ndaj këtij postimi ka pasur edhe nga deputetët e komunitetit turk në Kuvendin e Kosovës. rel


Send this to a friend