Kryetari i Lëvizjes Vetëvendosje, Albin Kurti, ka thënë se Presidenti Hashim Thaçi, mund të bëjë marrëveshje me homologun e tij rus, Vladimir Putin, vetëm për të kërkuar azil politik në Rusi.

“Pas shumë lëshimeve që i ka bërë Vuçiqit, Thaçi është fotografuar me Putinin. Ai mund të bëjë marrëveshje me të vetëm për kërkesën personale për azil politik në Rusi”, ka shkruar Kurti në llogarinë në Facebook.

Presidenti i Kosovës Hashim Thaçi tha sot se ka takuar në Paris presidentin rus Vladimir Putin i cili sipas tij ka mbështetur një marrëveshje të mundshme në mes të Kosovës dhe Serbisë.

Kryetari i Lidhjes Demokratike të Kosovës, Isa Mustafa, tha pas një takimi me kryesinë e partisë së tij, se dialogu me Serbinë është i papranueshëm derisa, siç u shpreh ai, Serbia e pengon Kosovën në arritjen e njohjeve të reja dhe anëtarësimin në mekanizmat ndërkombëtarë.

“Nuk është (presidenti i Serbisë, Aleksandar) Vuçiq ai që të vërë kushte për dialogun dhe për atë që duhet të ndryshojë Kosova në qëndrimet e saj, por është Kosova, e cila duhet të kërkojë të mos vazhdojë dialogu përderisa Serbia nuk e ndërpren fushatën e saj kundër njohjeve të Kosovës”, tha Mustafa.

Mustafa tha se nuk e përjashton mundësinë që të pranojë edhe nënshkrimet e subjektit politik që përfaqëson komunitetin serb në Kuvendin e Kosovës – Lista Serbe – për mocionin për rrëzimin e Qeverisë së udhëhequr nga Ramush Haradinaj.

“Ne po vërejmë qe po flitet për këtë iniciativë. Ne kemi marrë iniciativën si LDK, që të përgatisim mocionin e mosbesimit ndaj Qeverisë. Ne po ashtu, të gjithë e dimë se Qeveria që unë kam drejtuar, është rrëzuar me Listën Serbe, edhe mocioni është nënshkruar edhe nga njerëzit e Listës Serbe, sepse si duket zoti (kryetari i Parlamentit, Kadri) Veseli ka thënë se unë kam organizuar rrëzimin e Qeverisë, ka dashur që ta krijojë një vëllazërim-bashkim në rrëzimin e asaj qeverie. Po, nëse nuk bëhet e tillë, ne do ta zbatojmë Kushtetutën”, tha Mustafa.

“Kosova duhet të punojë edhe më shumë në punët që kanë të bëjnë me integrimet evropiane”, tha ai.

Mustafa foli edhe për procesin e liberalizimit të vizave, ku tha se institucionet e Kosovës nuk guxojnë që ta fajësojnë Bashkimin Evropian për vonesat e deritanishme.

“Ka ngecje në implementimin e Marrëveshjes për Stabilizim Asociim. Ka ngecje në implementimin e agjendave e reformave evropiane. Ka veprime që po ndërmerr Qeveria që janë në kundërshtim me këto dy dokumente shumë të rëndësishme evropiane”, tha Mustafa

Ne konferencën për media, Mustafa tha se është vërejtur se Qeveria po vendoset mbi Kuvendin dhe mbi institucionet e tjera të pavarura.

Presidenti i Kosovës, Hashim Thaçi, shkroi të hënën në rrjetet sociale se është takuar në Paris me presidentin e Rusisë, Vladimir Putin. Të dy presidentët ishin në Paris për të marrë pjesë në ceremonitë qendrore më rastin e 100 vjetorit të përfundimit të Luftës së Parë Botërore.

Në një postim në rrjetin twiter ai shkroi se takimi u përqendrua në bisedimet për normalizimin e marrëdhënieve ndërmjet Kosovës dhe Serbisë, me qëllim të arritjes së një marrëveshjeje detyruese gjithëpërfshirëse.

“Për këtë çështje, Putin ishte i qartë: Nëse ju (Kosova dhe Serbia) arrini marrëveshje paqësore, Rusia do ta mbështesë atë”, shkroi ai.

Rusia e cila ka shtuar përpjekjet për të zgjeruar ndikimin e saj në Ballkan, vazhdon të mbështesë Serbinë, e cila po ecën nëpër vijën e ngushtë ndërmjet synimeve për t’i integruar në Bashkimin Evropian dhe ruajtjes së lidhjeve me Moskën.

Ajo mbështetë qëndrimin serb ndaj çështjes së Kosovës dhe nuk i sheh me sy të mirë proceset integruese të vendeve të Ballkanit, posaçërisht zgjerimin e NATO-s.

Kosova dhe Serbia janë përfshirë në një proces bisedimesh për normalizimin e marrëdhënieve dhe gjatë verës presidenti i Kosovës dhe ai Serbisë, kërkuan mbështetje ndërkombëtare për arritjen e një marrëveshjeje që do të mund të përfshinte edhe prekjen e kufijve.

Por, këto ide, që janë shmangur në ligjërimin politik të ditëve të fundit nga të dy presidentët, nxitën reagime të shumta në Kosovë dhe në Serbi, por edhe ndarje në skenën ndërkombëtare, ndërmjet atyre që do ta pranonin një marrëveshje që arrihet mes palëve dhe atyre që druajnë se prekja e kufijve, mund të nxisë lëvizje të ngjashme edhe në pjesët tjera të Ballkanit, që ende nuk është rimëkëmbur nga luftërat e përgjakshme të fundit të shekullit të kaluar.

Kancelarja gjermane, Angela Merkel dhe presidenti i Serbisë, Aleksandar Vuçiq.

Kancelarja gjermane, Angela Merkel, dhe presidenti i Serbisë, Aleksandar Vuçiq, u takuan në Paris, ku morën pjesë në shënimin e 100-vjetorit të përfundimit të Luftës së Parë Botërore.

Në një komunikatë nga Presidenca e Serbisë, të cilën e transmeton Shërbimi i Ballkanit i Radios Evropa e Lirë, thuhet se dy zyrtarët biseduan për marrëdhëniet dypalëshe, bashkëpunimin ekonomik, situatën në rajon dhe integrimin evropian të Serbisë.

Vuçiq, siç thuhet, e informoi Merkelin për rrjedhën e dialogut me Kosovën për normalizimin e marrëdhënieve, si dhe për veprimet e fundit të Prishtinës që kanë të bëjnë me vënien e taksës doganore mbi mallrat që importon nga Serbia dhe Bosnjë e Hercegovina.

Të martën, Qeveria e Kosovës ka marrë vendim për vendosjen e taksës 10% mbi të gjitha importet me prejardhje nga Serbia dhe Bosnja.

Kjo ka bërë që Vuçiq, dy ditë më vonë, të paralajmërojë se nuk do të takohet për bisedime me homologun kosovar, Hashim Thaçi, derisa të jetë në fuqi taksa.

Në takim me Merkelin, Vuçiq po ashtu e informoi atë për, siç thuhet në komunikatë, përmirësimin e gjendjes ekonomike në Serbi dhe e falënderoi për rritjen e numrit të investimeve gjermane në Serbi.

Merkel, në anën tjetër, e mirëpriti “suksesin ekonomik të Serbisë” dhe theksoi se “dëshiron të ndihmojë që në rajonin e Ballkanit Perëndimor të ruhet paqja dhe stabiliteti”.

Në Faqe të Librit-Facebook është parashtruar pyetja e sipërshënuar, sa ngacmuese aq xigluese për lexues, siç duket qëllimisht e bërë nga Z. Florim Zeqa, gazetar, analist e publicist, që në të njëjten kohë bënë edhe thirrje që në përgjegje lexuesit të jenë të arsyeshëm pa sharje dhe ofendime,  ku janë dhënë përgjegje nga më të ndryshme dhe shumë prej tyre ndoshta edhe të qëlluara…!

Lidhur me pyetjen: KUSH ËSHTË PRONAR I ETC-së (EKONOMSKI TERGOVINSKI CENTAR) PËR KOSOVË!?

Bashkëbiseduesit e nderuar të Faqesë së Librit-Facebook, lidhur me përgjegjet e tyre kanë ndarë kohë për të shprehur mendimet e tyre të bazuara apo të hamendësuara, secili lexues nga këndëvështrimi i tij, pasi që pyetja e parashtruar ishte ngacmuese dhe shumë me vend, por tepër vonë (më mirë vonë se hiq…) siç thot një fjalë e urtë tjetër popullore… nxjerrë një kashtë e dalin gjashtë, edhe pyetja e parashtruar nxjerrë në sipërfaqe edhe shumë pyetje tjera në vijim  lidhur me veprime, prona e pronarë pushta e pushshtetarë…!

Në vijim, përmes mendimeve të parashtruara me shkrim, gjinden edhe përgjegje lidhur me pyetjen e parashtruar, se kush është pronar apo kush janë pronarët, nga është vendëburimi apo qëndrimi i pronarit apo pronarëve, bashkëpunëtorëve dhe bashkëfajtorëve, për dëmet dhe pasojatë afatgjate që i kanë sjellur e po i sjellinë në vazhdimsi popullit të Kosovës dhe Shtetit në kohë dhe hapësirë!?

Nga përgjegje të shumta nga ana e lexuesëve në FL-Facebook po i përmendi vetëm disa prej tyre si: ETC-udhëheqet nga Beogradi-Serbia, pas saj është BIA – pra pushteti Serb, përmes Vllezërve Kariq e për Kosovë përgjegjs është Ramiz Kelmendi, që ndërron partit sipas intersit…etj.

          Mendoj se:

Në Kosovë lakmia për pozita dhe pushtet nga pushta e pushshtetarë vendor, që nga viti 2000 e në veçanti pas vitit 2008 kur për herë të dytë u Shpallë Kosova Republikë në mes të dimrit në muajn Shukurt ( pasi që vendorët të etur për pushtet e mohuan Kushtetutën e Kaçanikut  dhe Shpalljen e Kosovës Republikë me referendumine të vitit 1990 e cila ka qenë shumë më e mirë se kjo e tashmja e paketës së Ahtisarit e cila sa herë të hapet kundërmon erë e furtunë rrënuese e shqetësime për Kosovën me të cilën pakica serbe luan me Kosovën me kushtëzime e ngacmime  si të do e si ti thot Serbia-Beogradi..!

         Pra, në vitin 2000 kërkuan zhbërjen e saj, këta që sot janë në krye të pushtetit përmes administratorit ndërkombëtar aso kohe në Kosovë emruar nga OKB-UNMIK-u franqezi Bernard Kouchner i cili i dha urdhër, kryetarit të parë dhe historik të Kosovës Dr.Ibrahim Rugovës që brenda një muaj, të zhbëj-shauj së vepruari Kuvendin, Kushtetutën e Kaçanikut me të gjitha institucionet e saj që kishin ushtruar e vepruar veprimtarinë e tyre shtetëformuese në kushte dhe rrethana të jashtëzakonëshme, nënë pushtimin  serb në mënyrë paralele më se 10 vite… dhe këtu, u bë vrasja e parë e Kosovës , sipas kërkesës dhe veprimeve të vetë vendorëve të etur për pushtet e jo për shtet dhe nga këtu vazhduan të zezatë  nga vendorët lakmues deri në ditët e sotme… që pasojat janë marramendëse dhe afatgjate e të pa përmirësueshme pëe rë cilat tani më po flitet e po shkruhet e bëhen pyetje nga më të ndryshmet …)!

Në secilin vend të botës për gjendjen e një vendi në të gjitha drejtimet përgjegjës është Kuvendi, Qeveria dhe kryetari i shtetit të atij vendi … kjo vetëm për Kosovën është e pa vlerë dhe asnjëhere deri më sot s’ ka dhënë kush përgjegjësi për gjendjen  ekzistuese të cilën vet e kanë sjellur me qeverisje (keq qeverisje) të tyre..!

Pra ETC është njëra ndër shumë të zezatë që Kosovëes ja kanë sjellur e mbjellur pushtat e pushtetarët vendor, Kuvendi dhe kuvendarët (përjashto disa kundërshtime, të disa kuvendarëve të cilët ngulfatën nga shumica e votuesëve të tjerë lakmues për pasuri, pozita e pushtet e karrjerista të pa ngopur kurrë…)!

Në Kosovë pas shpalljes së dytë të Pavarësisë pra më 2008 më 17 Shkurt, jo vetëm se i mërdhinë por edhe i ngrinë shpresatë e qytetarëve, për një jetë dhe ardhmëri më të mirë, ku përmes punës, do të krijojnë mirëqenien e tyre me  ndershmëri si të punësuar, sipas aftësive dhe profesioneve, do të përkrahnin, ndërtonin e zhvillonin Shtetin e të Drejtës ku Ligji dhe Drejtësia do të vepronin në mënyrë të barabartë për të gjithë qytetarët njësoj..!

Si përfundim lidhur me pyetjen e parashtruar dhe pyetjet tjera që dalin vetvetiu  nga gjendja e krijuar në Kosovë që nga viti 2008 në veçanti  qëndrojnë këto përgjegje të bazuara në të dhëna e dëshmi ekzistuese si në vijim:

1. Lakmia për pasuri, përmes pushtetit dhe pozitës e vendorëve në veçanti

përmes votës dhe Kuvendit, janë dëshmuar gjithnjë tue dhënë premtime dhe tue bërë mashtrime, në forma dhe mënyra nga më të ndryshme, kanë treguar haptas letërnjoftimet e tyre, se kush janë e çfarë janë..!

2. Me këtë rast po e përmendim vetëm një kërkesë të zv.MPJ të Kosovës Enver Hoxhaj i cili mes tjerash kërkon që qytetarët të mos i blejnë prodhimet nga Serbia.

A ka hipkrizi e poshtërsi më të madhe se nj kërkesë e tillë nga Enver Hoxhaj ? 

Po vet, ky Ever Hoxhaj, është tani dhe ka qenë edhe atëhere në pushtet dhe ka qeverisur me partinë e tij, kur LVV gjithnjë kërkonte që mallërat nga Serbia të ndalohen me hy në Kosovë pa taksa e doganë, dhe i bënin thirrje për të mos blerë mallërat serbe dhe vepronin konkretisht në pengimin për të hyrë mallratë serbe në Kosovë, përmbysnin apo rrotullonin kamiona me mallëra që vinin nga Serbia… ndërsa  Enver Hoxhaj me partinë e tij në pushtet jepshin urdhër policisë  së Kosovës që ti arrestonin e besa edhe i keqtrajtonin aktivistet e LVV dhe i mbronin shoferët e Serbisë për të sjellur mallëra pa taksa e doganë  në Kosovë dhe për ti shpërnda ato nëpër qytetet e Kosovës ku gjindeshin  ETC, që po flitet e po shkruhet se i mbikqyr deputeti tash i LDK-s Ramiz Kelmendi..!

3. Për të shkruar për të zezatë dhe dëmet që ja kanë sjellur Kosovës pushshtetarët në poste e pozita dhe për gjendjen e krijuar ekzistuese tani më po flitet haptas në Kuvendin e Kosovëes e jasht tij dhe po shkruhet gjithandej për pasojatë dhe për rrëmujën e mjegullin që vet e kanë krijuar, do të dilnin disa vëllime librash, për fatin e keq të Kosovës dhe shqiptarëve në veçanti, jo për të mirë, po për të keq, që do të thot se përgjegjës për të gjitha këto që më sipër i permenden dhe për ato që spo i permendim por jipet mundësia të kuptohen dhe që tani më dihen  nga qytetarët anë e këndë Kosovëes, janë bashkëfajtor dhe përgjegjës në rend të parë pushtetarët, Kuvendi i Kosovës pozitë e opzitë e në veçanti ata që mes vete bëjnë lidhje, kumari e krushqi, lidhin marrëveshje  e bëhen bashkë, për të qeverisur(keq qeverisur siç është dëshmuar deri më tani) bashkohen e mbarsohen qoftë në Prishtinë, Bruksel a Beograd për interesat e tyre, jo të qytetarëve nga taksat e të cilëve edhe paguhen nga Shteti i Kosovës të cilin e mjelin dhe e vjelin aq sa dhe si munden..!

Lista serbe, subjekti kryesor politik i serbëve të Kosovës, tha të premten se do të mbështes çdo përpjekje për të rrëzuar qeverinë e Kosovës.

Qëndrimi i saj u bë publik nëpërmjet një komunikate, në shenjë kundërshtimi ndaj vendimit të qeverisë së Kosovës për t’u vënë taksa shtesë prodhimeve nga Serbia, si kundërvënie ndaj fushatës së Beogradit për të penguar anëtarësimin e Kosovës në organizatat ndërkombëtare por edhe siç thuhet përzierjes së saj në punët e brendshme të Kosovës.

Në komunikatë kërkohet që të hiqen “menjëherë masat e dëmshme dhe tatimore prej 10 për qind për mallrat nga Serbia qendrore të miratuara nga qeveria në Prishtinë, dhe se më të drejtpërdrejtë kërcënohet mbijetesa e serbëve në Kosovë duke rritur çmimet e ushqimeve bazë”, ndërsa theksohet kjo listë nuk do të mbështesë më qeverinë e Kosovës.

Lista serbe thotë njëkohësisht se do të mbështesë çdo propozim për të rrëzuar qeverinë ndërsa paralajmëroi edhe protesta paqësore nëse masat e Prishtinës nuk tërhiqen.

“Serbët e Kosovës nuk mund dhe nuk duan të jenë peng i përfaqësuesve të papërgjegjshëm shqiptarë dhe luftës demagogjike dhe kapriçioze për mbijetesën e tyre politike”,thuhet në komunikatën e Listës serbe.

Edhe zyrtarët e Bashkimit Evropian kanë bërë thirrje për heqjen e taksës që sipas Maja Kocijançiç, zëdhënëse e shefes së politikës së jashtme të BE-së, Federica Mogherini, po e dëmton edhe bashkëpunimin rajonal.

“Vendimi i qeverisë së Kosovës është shkelje e detyrimeve të Kosovës që dalin nga CEFTA. Ne presim që Kosova ta tërheqë këtë masë”,tha zonja Kocijançiq.

Serbia ka paralajmëruar se nuk do të ketë vazhdim bisedimesh përderisa nuk tërhiqet vendimi i Prishtinës.

Por zyrtarët e qeverisë së Kosovës thonë se paratë që Serbia po i fiton në Kosovë, po i përdorë në fushatën e saj për të dëmtuar shtetësinë e Kosovës.

Zëvendëskryeministri Fatmir Limaj, tha të premten se vendet e rajonit duhet ta kenë të qartë se Kosova nuk do të lejojë që të trajtohet e pabarabartë.

“Shpresoj se këto veprime të Serbisë dhe Bosnjës të ndalen dhe të kthehemi në normalitet. Ka ardhur koha qe Kosova të dërgoj sinjale të qarta se ne nuk do t’i mbyllim sytë dhe kjo nuk është vetëm çështje e sigurisë tregtare, por është edhe e sigurisë kombëtare. Nëse Serbia nuk është e kujdesshme të ruajë tregun e saj, pse ne duhet të jemi të kujdesshëm. Ne nuk do të lejojmë Serbinë të sillet kështu. Të gjitha vendet e rajonit duhet ta kenë të qartë se Kosova nuk do të lejoj që të trajtohet e pabarabartë”,tha zoti Limaj.

Beogradi është përfshirë në një proces bisedimesh për normalizimin e marrëdhënieve me Kosovën, që është kusht për integrimet evropiane, ndonëse kundërshton pavarësinë e saj që u shpall në shkurt të vitit me mbështetjen e Shteteve të Bashkuara dhe vendeve kryesore të Bashkimit Evropian.

Nënkryetari i Lëvizjes Vetëvendosje, Glauk Konjufca ka thënë të enjten se pavarësisht pse presidenti i Kosovës, Hashim Thaçi nuk ka manadat nga Kuvendi i Kosovës, ai po insiston në arritjen e një marrëveshjeje me Serbinë.

Konjufca i ka bërë këto komente në një konferencë për media ku ka komentuar takimin e radhës ndërmjet presidentëve të Kosovës dhe Serbisë në Bruksel.

Ai ka thënë se Thaçi e Vuçiq e kanë ndryshuar taktikën e takimeve, duke i realizuar ato pa një paralajmërim paraprak. Sipas tij kjo është hera e parë që për takimin e sotëm në Bruksel, opinioni në Kosovë të njoftohet vetëm një ditë më herët.

“Presidenti Thaçi është në gjendje që të paguajë njohjen e Serbisë me territor të Kosovës”, është shprehur Konjufca.

Sipas tij, deklaratat e Thaçit për korrigjim të kufirit dhe përfshirje brenda kufirit të Kosovës komunat, Preshevë, Bujanoc e Medvegjë, janë vetëm mashtrim dhe asgjë tjetër.

Ambasadori britanik, Ruairi O’Connell ka deklaruar se disa shtete e kanë tërhequr njohjen e pavarësisë për Kosovën. Këtë fakt O’Connell e ka bërë të ditur gjatë bashkëbisedimit me qytetarë përmes Facebook-ut.

“Fatkeqësisht, disa vende i kanë tërheq njohjet e tyre për Kosovën. Nuk mendojmë që ka ndonjë justifikim për këto veprime. Kosova i përmbushë të gjitha kriteret për të qenë një shtet i pavarur, ne e kemi pranuar Kosovën si shtet i pavarur dhe sovran”, është përgjigjur ambasadori.

Kujtojmë se kohëve të fundit Serbia ka rritur lobimin te disa shtete për të tërhequr njohjet për Kosovën, por Ministria e Jashtme i ka mohuar këto fakte.

Kancelari austriak, Sebastian Kurz, tha sot në Prishtinë se Vjena e mbështet cilëndo marrëveshje të paqes që arrihet në dialogun ndërmjet Prishtinës dhe Beogradit, duke mos përjashtuar as opsionet për ndryshimin e kufijve.

Kurz i bëri këto komente gjatë një konference të përbashkët me presidentin e Kosovës, Hashim Thaçi.

“Vetëm një marrëveshje paqeje mes dy vendeve do të mund t’i hapte rrugë anëtarësimit të tyre në Bashkimin Evropian”, tha Kurz.

“Qeveria e Austrisë pajtohet me cilëndo marrëveshje, e cila arrihet ndërmjet Prishtinës dhe Beogradit. Pra, ne jemi të bindur që nëse ia dalin të kenë marrëveshje, askush nuk do të jetë kundër saj. Edhe nëse ajo është korrigjim i kufijve dhe shkëmbim i territoreve, ajo do të mbështetet nga ne”, tha Kurz.

Kancelari austriak, vendi i të cilit mban aktualisht presidencën e BE-së, theksoi se nuk do të ketë stabilitet në rajon dhe as perspektivë evropiane pa një marrëveshje paqeje mes Kosovës dhe Serbisë.

Përderisa Kurz foli me tone pozitive për dialogun mes Prishtinës dhe Beogradit, ai nuk e fshehu skepticizmin e tij për krijimin e ushtrisë së Kosovës dhe liberalizimin e vizave.

“Sa i përket idesë së ushtrisë së Kosovës, jemi shumë skeptikë. Rajonit i duhen masa që çojnë në stabilitet dhe jo në destabilitet”, tha Kurz.

Në lidhje me liberalizimin e vizave për qytetarët e Kosovës, Kurz tha se ende ka shumë vende anëtare të Bashkimit Evropian që janë skeptike në këtë proces.

Ndërkohë, presidenti i Kosovës, Hashim Thaçi, tha se dialogu me Serbinë duhet të vazhdojë deri në arritjen e një marrëveshjeje gjithëpërfshirëse, e cila, sipas tij, do të sillte njohje reciproke dhe anëtarësimin e Kosovës në Kombet e Bashkuara.

“Marrëveshja Kosovë-Serbi do të sjellë paqe në Ballkanin Perëndimor dhe do të hapë perspektivën e anëtarësimit të këtyre vendeve në Bashkimin Evropian”, tha Thaçi.

Pas takimit me presidentin Thaçi, kancelari Kurz zhvilloi një takim edhe me kryeministrin e Kosovës, Ramush Haradinaj.

Vizita e kancelarit austriak në Kosovë bëhet një ditë pasi ai qëndroi në Beograd, ku e bëri të qartë se e vetmja mundësi për anëtarësimim e Serbisë në Bashkimin Evropian është përmes arritjes së një marrëveshjeje me Kosovën.

Kancelari austriak, Sebastian Kurz, në kuadër të vizitës në Ballkanin Perëndimor, sot po qëndron në Prishtinë, ku do të takohet me krerët e shtetit.

Kurz do të pritet në takim nga presidenti i Republikës së Kosovës, Hashim Thaçi, që do të përmbyllet me një konferencë të përbashkët, dhe pastaj do të zhvillojë takim edhe me kryeministrin Ramush Haradinaj.

Marrëdhëniet mes dy shteteve dhe çështjet politike e të sigurisë në Kosovë janë temat që pritet të diskutohen në këto takime.

Kancelari austriak të hënën qëndroi në Beograd, ku u takua me presidentin serb, Aleksandar Vuçiq.

Kurz tha se është e rëndësishme që dialogu midis Beogradit dhe Prishtinës jo vetëm të vazhdojë, por edhe të përfundojë me sukses, sepse një gjë e tillë, siç u shpreh ai, është mënyra e vetme për anëtarësimin e Serbisë në Bashkimin Evropian.

“Është një mundësi unike që historia të mbetet histori dhe së bashku të ecim drejt së ardhmes”, tha Kurz në konferencën e përbashkët për media me presidentin e Serbisë.

Kryeministri i Kosovës, Ramush Haradinaj në një tubim me të rinjtë e AAK-së në Bogë, ka deklaruar se pavarësisht marrëveshjes, Serbia po e pengon anëtarësimin e Kosovës në organizata ndërkombëtare.

Njëherësh, korrigjimin e kufijve, demarkimin dhe idenë e shkëmbimit të territoreve, Haradinaj i ka quajtur maskime për ndarjen e Kosovës.

“Unë nuk besoj në një marrëveshje me korrigjim të kufijve, me demarkim, me ndërrim të territoreve, krejt janë maskime për ndarjen e Kosovës. Të gjitha këto janë maskime që atje në anën tjetër, shefi i shtetit të vet të thotë ‘unë kam nxjerrë diçka, po e pranojmë Kosovën, edhe nëse thonë po e pranojnë sot, se ata s’po i respektojnë marrëveshjet e veta, nuk ta respekton. Edhe kur të shkosh në Këshill të Sigurimit, prapë do t’i thotë Rusisë apo dikujt, bllokojeni Kosovën. Pse atëherë ne të shkojmë kah ajo rrugë. Jo, po konsilidohemi, po bëhemi shtet, po e njohim veten më shumë, po bëhemi të zot”, ka thënë Haradinaj.

E demarkacionin me Malin e zi, Haradinaj e quajti korrigjim të marrëveshjes e jo të kufijve. Ai po ashtu tha se është i interesuar të ketë marrëdhënie të mira me Malin e Zi, e për këtë njoftoi që e ka ftuar kryeministrin malazez në kullat e tij në Gllogjan.

“Nuk jemi duke korrigjuar kufij, marrëveshje po korrigjojmë, sepse është bërë një marrëveshje gabim për kufirin Mali i Zi – Kosovë. Kufiri është në Qakorr, kufiri është në kullë, është bërë gabim në marrëveshje, e ata kanë ra dakord në dy drejtime, këtu falënderoj edhe presidentin Thaçi për kujdesin e tij në atë kohë, kryetarin Veseli edhe secilin që na ka ndihmuar të kryhet kjo marrëveshje. E kemi kryer demarkimin, me kryerjen e demarkimin janë arritur kushtet për liberalizim”, ka thënë Haradinaj.

Kryeministri Haradinaj foli edhe për ushtrinë e Kosovës, për të cilën tha se nuk e zëvendëson NATO-n, as KFOR-in, por është mandat mbrojtës i Kosovës.

Ai po ashtu tha se kjo ushtri garanton të drejtën e Kosovës për mbrojtje dhe se të rinjtë e Kosovës, përmes ushtrisë do ta kenë mundësi të kontribuojnë edhe për paqen në botë.

“Kë e rrezikon e drejta e Kosovës në ushtri, në mandat, askënd. Pra është vetëm plotësim i një vakumi, i një të drejte të munguar. Pse për ju të rinjët është me rëndësi ushtria, jo vetëm që mund të bëheni ushtarë, por për shkak se do të kualifikoheni me qenë shtetas të shtetit tuaj ashtu siç është një shtetas i Maqedonisë, i Shqipërisë, i Malit të zi, i Serbisë e i kujtdo tjetër”, ka thënë Haradinaj.

Lidhur me qeverisjen, Hardinaj tha se ajo duhet të zbatohet, e jo vetëm të bëhen politika. Ai tha se qeveria e tij ka për fokus rendin, ligjin dhe sigurinë në Kosovë.

“Puna e parë që është dashur ta kryejmë, është dashtë edhe njëherë t’i vie era shtet Kosovës, rend, ligj dhe siguri. Çka nënkupton kjo? Një shtet që s’ka gjyqësor, njerëzit nuk besojnë se nëse diçka e tij përfundon në gjykatë e s’ka kush e ndan të drejtën, atëherë e kemi punën keq, nuk të beson as investitori i huaj. Ju e dini, gjyqtarët e Kosovës, sot i kanë pagat dy mijë euro”, ka thënë Haradinaj.

Gjatë këtij takimi Haradinaj po ashtu potencoi çështjen e ambientit. Ai tha se ata qytetarë që gjuajnë bërllog do të dënohen, e paratë e fituara nga gjobat, Haradinaj tha se do t’i shkojnë policisë për t’i stimuluar.

Seanca e fundit e Kuvendit të Kosovës nxori në shesh edhe shumë të vërteta publike për zgjedhjen e Thaçit president, për mashtrimet serike të kryeministrit Haradinaj, dhe dredhitë përverse të kryeparlamentarit Veseli.
Edhe përkundër pranimit të gabimit, me asgjë nuk arsyetohen deputetët e LDK-së që votuan zgjedhjen e Hashim Thaçit për president të vendit.
Disa u arsyetuan që nuk e kanë njohur sa duhet Hashim Thaçit, sa të tjerë janë penduar që i kanë besuar, por ka edhe të atillë që rrinë në heshtje i besojnë prapë dhe janë duke i ndihmuar në prapaskenë “bossit” të tyre.
Pranimi i gabimit pa ndëshkimin e fajtorëve që e sollen në piedestal (postin e presidentit) të keqën më të madhe për vendin, është lojë e dyfisht dhe hipokrizi, siq është hipokrite kërkesa për largimin e Thaçit nga posti i presidentit, duke e mbajtur në krye të partisë Isa Mustafën-shkaktarin e kësaj të keqe të madhe për vendin, në kundërshtim me dëshirën e elektoratit të partisë dhe vullnetin e qytetarëve të vendit!
Për më tepër se kaq, kryeminstri aktual i vendit, Ramush Haradinaj me vogëlsinë e tij, arriti t’i mashtrojë më tepër se dy herë “intelektualët” e LDK-së!

Mashtrimi i dytë që ua bëri Haradinaj deputetëve të LDK-së

Herën e parë i mashtroi me Demarkacionin, duke i futur në lojën e tradhtisë për faljen e 8200 hektarëve tokë Malit të Zi.
Ishin “intelektualët” e LDK-së që asokohe dolën publikisht në mediumet televizive, duke shprehur miqësinë dhe besnikërinë ndaj Ramush Haradinajt. Madje, njëri prej tyre kishte folur për miqësinë e gjatë me Ramushin, duke thënë, po citoj; “Ka mbi 15 vite që jam në miqësi me Ramushin, e njohë mirë, prandaj edhe i besoj çfarë të thotë për kufirin, unë jam pas tij”
Pra deri në këtë nivel kishte arritur miopia politike dhe “largëpamësia” intelektuale e një doktori të shkencave, që ra pre e mashtrimeve të kryeministrit të Kosovës, i cili për tri vjet rreshtë mashtroi qytetarët duke thënë se “jetën e jepi Çakorrin se jepi”, derisa lakmia për pozitë ia vërboi sytë, i kapërdiu hartat e “lagura” të Murat Mehës.
Paraprkisht mashtrimit të dytë që ua bëri Haradinaj deputetëve të LDK-së në “Ditën e të vdekurve” në Parlamentin e Kosovës, ndodhi joshja paraprake që ju bëri deputetëve të opozitës rreth dialogut me Serbinë, duke deklaruar kinse është kundër pazareve politike, gjegjësisht kundër ndarjes dhe korrigjimit të kufijve nga Hashim Thaçi!
Në vazhdën e këtyre joshjeve, ditë më parë deputetët shqiptarë u bashkuan në mashtrimin tjetër të radhës të Haradinajt për Ushtrinë e Kosovës.
Për dallim nga mashtrimet e tjera, ky mashtrim u përcjellë me entuziazëm, gezim dhe me emocione të papërshkruara të deputetëve dhe qytetarëve, me ç’rast nuk ndodhi asgjë më shumë dhe as më pak se një votim normal i një projektligji në lexim të parë për transformimin e FSK në forcë ushtarake!
Kur dihet fakti, se çështja e transfromimit të FSK-së në FARK është çështje pak më komplekse për shkak të “Pakos së Ahtisarit” (Kushtetutës), fusnotave** në BE dhe OKB dhe gjashtëpikëshit të Ban Ki Moon-it, atëherë kjo rrezikon të mbetët vetëm një lojë (vetë) mashtruese!
Loja e pandershme që po bëhet me ushtrinë, kinse po bëhet transformimi me ligj e jo me Kushtetutë është mashtrim dhe dështim i madh njëkohësisht, për faktin se ky proces mund të gjasë edhe 20 vite të tjera, e për të mos u bërë asnjëherë ushtri e mirëfilltë që ka të drejtë të mbrojë integritetin territorial dhe sovranitetin e vendit.

Kuvendi i ngjan një cirku

Politikanët që thirren në FAK-un, duke mos e pranuar akronomin e Republikës, përkatësisht FARK-un, janë injorant dhe hipokrit, ngase nuk mund të bëhet ushtria duke mohuar Republikën dhe anasjelltas.
Arsyeja pse injorantët politik nuk e pranojnë FARK-un, është mungesa e kapaciteteve intelektuale dhe largëpamëisa politike për të kuptuar dallimin në mes FAK-ut e FARK-ut!
Për të mos u zagjatur tutje rreth temës së ushtrisë, në seancën e fundit të Kuvendit, deputetët u dëshmuan se nuk janë në mbrojtje të interesave të popullit dhe në funksion të mbrojtjes së integritetit territorial të vendit të tyre, por të interesave personale,…të cilët për të ruajtur kolltuqet e tyre, mbrojnë interesat e djallit duke u bërë faqja më e zezë e politikës kosovare.
Votimi i ditës së enjte e dëshmoi gjithashtu se, pavarësisht deklarimeve publike nga partnerët e koalicionit, e vërteta është krejt tjetër sa i përket qëndrimit në raport me presidentin kuisling te Kosovës.
Për shkak se, jo vetëm kryeministri, por liderët partnerë të PDK-së, NISMA dhe AAK, në publik thonë se janë kundër ndarjes, por në Kuvend i treguan popullit të Kosovës se nuk janë të gatshëm ta ndalin veprimin sa të dëmshëm për shtetin, po aq antikombëtar të Hashim Thaçit.
Bazuar në fjalorin që përdoret nga deputetët, Kuvendi i Kosovës nuk i ngjanë organit më të lartë në vend, por më tepër i ngjanë një cirku apo kopshti zoologjik, një “kazinoje” ku luhet bixhoz apo një kanagjegji ku këndohet e luhet tallava,….me fjalor rrugaqërie, me sharje e fyerje, me akuza e kundër akuza ndaj njëri-tjetrit!
Ndodhë pikërisht kështu për faktin se, nuk kemi shtet funksional, prokurori dhe as gjyqësi të pavarur! Ndryshe pas akuzave që u dëgjuan në seancën e fundit të Kuvendit ndaj presidentit Thaçi, deputetët që ngriten akuza, në vend që të shkojnë në shtëpitë e tyre, do duhej të përfundonin tek organet përkatëse, gjegjësisht në prokurori për të nënshkruar aktakuzat, ndërsa presidenti Thaçi do duhej pritur me pranga në aeroportin “Adem Jashari” pas kthimit nga Bjellorusia.

Kancelarja e Gjermanisë, Angela Merkel, ia ka kthyer letrën kryetarit të LDK-së, Isa Mustafa, në të cilën shpreh shqetësimin e saj për idenë e Thaçit për ndryshim të kufijve.

Tetë kongresmenë amerikanë i kanë drejtuar një letër sekretarit të Shtetit Amerikan, Mike Pompeo, për të përkrahur Serbinë në gjetjen e një zgjidhje për çështjen e Kosovës.

Në këtë letër dërguar Pompeos thuhet se vazhdimi i konfliktit të ngrirë ndërmjet dy shteteve, mund të dërgojë në ndonjë eskalim të situatës.

Gjithashtu këta kongresmenë kanë thënë se e mirëprësin qëndrimin e John Bolton, sa i përket idesë për shkëmbim të territoreve dhe lëvizje të kufijve, si pjesë e marrëveshjes përfundimtare Kosovë-Serbi.

Sipas letrës së dërguar Pompoes, tetë kongresmënët thonë që do të jetë një sukses i SHBA-së nëse arrihet që me sukses të zgjidhet çështja e dialogut ndërmjet Kosovës dhe Serbisë.

“Shtetet e Bashkuara të Amerikës dhe aleatët perëndimor duhet që të inkurajojnë të dy shtetet për arritjen e një marrëveshje paqësore, e cila do ti kontribuonte stabilitetit të rajonit”, thuhet në letër.

Kongresmenët thonë se çfarëdo qasje e SHBA-së në këtë çështje duhet të jetë në respekt të plotë për të dy palët, si për Kosovën ashtu edhe për Serbinë.

“Ne me shumë respekt ju inkurajojmë që të vazhdoni përkrahjen për gjetjen e një zgjidhje që do të kishte një impakt të rëndësishëm për të ardhmen dhe për stabilitetin e rajonit të Ballkanit Perëndimor”, përfundon letra./GazetaExpress/

KOSOVA, FUNDI I FUNDIT ËSHTË TERRITOR I SHTETEVE TË BASHKUARA TË AMERIKËS SEPSE ATA E ÇLIRUAN DHE ATA KANË TË DREJTË TË PYETEN ASKUSH TJETËR!

Kosova, fundi i fundit është territor i Shteteve të Bashkuara të Amerikës, sepse ata na kanë çliruar nga Serbia dhe vetëm SHBA-të kanë të drejtë të pyeten, për territorin e Republikës së Kosovës, të cilët e kanë njoft si shtet të pavarur. Askush tjetër!

Kosova, fundi i fundit është territor i Shteteve të Bashkuara të Amerikës, sepse ata na kanë çliruar nga Serbia dhe vetëm SHBA-të kanë të drejtë të pyeten, për territorin e Republikës së Kosovës. Askush tjetër!

Çfarë arsye ka gjetur Vuqiqi kur thot: ”Të shpëtojmë me fytyrë ne Serbia dhe të marrim diçka nga Kosova. Të shpëtojmë çfarë mund të shpëtohet”! Këtu shifet se Serbisë nuk i intereson pakica serbe, por territori shqiptar.

Prandaj, kemi tri lutje për Ambasadorin e SHBA-ve në Republikën e Kosovës dhe përmes tij Presidentit Donald John Trump:

1.Të ndërhyjë dhe të parandalojë një marrëveshje të tillë, për shkëmbim territoresh e cila do të ket pasoja të pariparueshme dhe problemi nuk do të zgjidhet, por përkundrazi  do të krijohen edhe mijëra probleme të tjera në këtë regjion. E pse?! Për fytyrë të Serbisë…!? Serbia  e cila i ka shkaktuar të gjitha këto luftëra në Gadishullin ILIRIK, e që janë vrarë e masakruar me mia e mia viktima të pafajshme civili në spastrime etnike, vetëm për territore, me mbështetje të Rusisë!

2.Autoriteti i Juaj President Donald John Trump, ta merr parasysh Republikën e  Kosovës dhe të futet në agjenden e Tuaj, për t’a integruar e pranuar në OKB dhe instancat më të larta Evropiane dhe të Bashkësisë Ndërkombëtare.

3.Ta spastroni Kosovën nga kriminelë të korruptuar deri në fyt dhe ta futni Kosovën në rrugën e zhvillimit, ndërtimit dhe integrimit.

Këtë populli Shqiptar nuk do ua harrojë kurrë. Shpresat kanë mbetur vetëm te Ju, i dashur President Donald John Trump.

I BEKUAR QOFT POPULLI AMERIKAN

Në vendin ku shteti është i kapur nga kriminelët me petkun e politikanit dhe drejtësia e mbështjellë me kriminelë nën petkun e gjykatësit, skandalet ngarendin njëri pas tjetrit!
Në vendin ku qeveritarët e korruptuar dhe inkriminuar e kanë gojën plot demokraci dhe barazi ligjore, çdo ditë rritet numri i zyrtarëve shtetërorë, ministrave, zv.ministrave dhe deputetëve të akuzuar për vepra kriminnale,…në vendin ku kërcënohet prokurori i cili ngritë aktakuzë ndaj shpërdoruesve me listat e veteranëve, në vendin ku gjendet drogë e armë në veturën e familjarëve të shefit të shërbimit intelegjent,…e deri tek sulmet fizike ndaj drejtuesve të agjensioneve dhe kompanive private, nuk pritet progres ekonomik për vendin dhe as ardhmëri e mirë për qytetarët.

Sistemi i drejtësisë i kapur nga krimi i organizuar

Sipas këtyre të dhënave dhe logjikës së thjeshtë, atëherë Kosova i ka plotësuar kushtet për hyrje vetëm në organizata mafioze si; “Cosa Nostra” e “Kamorra” në Itali, “Solntsevskaya Bratva”në Rusi, dhe organizata të tjera mafioze ndërkombëtare!
Organizatat mafioze vendore e kanë kapur shtetin duke e zgjeruar rrjetin e trafikimit të drogës, prostitucionit dhe kazinove gjithamdej vendit. Në shtetin e kapur, pa lejën e “Bossave” nuk mund të punësohet as një shërbetor në institucionet publike, e lëre më të emërohet dikush në krye të agjensisoneve apo bordeve.
Organet kompetente për mbrojtjen e rendit dhe ligjit, si Policia, AKI-ja, Prokuroria dhe Gjykata kanë kaluar krejtësisht në shërbim të klaneve mafioze.
Duke e marrë parasysh këtë situatë dhe nga kush udhëhiqen institucionet më të larta të shtetit, atëherë nuk mund të pritet diqka më e mirë nga ajo që po ndodh në qeverisjen e vendit në përgjithësi, e nga AKI-ja në veqanti.
Pasi, shërbimi intelegjent, përkatësisht AKI-ja, Presidenca, Qeveria, Kuvendi, Prokuroria, Gjykatat, Policia, e institucione të tjera udhëhiqen nga njerëz të inkriminuar.
Kjo nënkupton se nuk është i kapur vetëm sistemi i drejtësisë, por i tërë aparati shtetëror nga një kastë kriminelësh të veshur me petkun e politikanit, gjykatësit, prokurorit apo policit!

Një popull që zgjedh dhe përkrahë hajdutët në pushtet, edhe vetë është i tillë

Një fjalë e urtë italiane e thotë: “Çdo poull e ka qeverinë që e meriton”! Jo pa të drejtë faji hudhet tek pushtetarët, por fajtorë janë edhe qytetarët që i votojnë dhe mbajnë në pushtet mashtruesit serik.
Ngado shkon dhe me secilin që bisedon, dëgjon vetëm për abuzime me buxhetin e shtetit, vjedhje, mashtrime, gënjeshtra, keqëtrajtime, ngacmime seksuale në vendin e punës, uzurpime pronash, ndërtime pa leje dhe mbindërtime, vrasje “aksidentale” në institucionet e sigurisë së lartë, drogë, prostitucion dhe çka jo tjetër nga zyrtarët e institucioneve të shtetit!
Në gjysëm shtetin e Kosovës, kemi institucione pa kredibilitet qytetarë, kemi arsim, por nuk arsimim të mirëfilltë, kemi shëndetësi, por nuk kemi mjekim për pacientët, kemi sistem të drejtësisë. por nuk kemi barazi ligjore për qytetarët,…
Ngado shkon, dëgjon për qindra tituj akademik e shkencorë me plagjiaturë dhe mijëra diploma të blera, për qindra e mijëra invalidë dhe veteranë të rrejshëm.
Për mbi 10 vite në gjysëm shtetin e Kosovës, kemi pasur vetëm luftë të klasës politike për pushtet dhe rritje enorme të korrupsionit dhe krimit të organizuar.
Për mbi 10 vjet në shtetin e kapur, kemi pasur vetëm për mashtrime e gënjeshtra të pushtetarëve për lëvizje të lirë, për zhvillim ekonomik, për formimin e ushtrisë, për integrimin në BE, në OKB, në NATO dhe Interpol!
Për mbi 10 vjet, kemi dëgjuar vetëm për vjedhje në polici, në dogana, për tjetërsim dhe uzurpim të pronave publike, për shkatërrim të pyjeve dhe lumenjëve!
Për mbi 10 vjet, qytetarët e vendit i kaluan pa ngrohje, pa ujë dhe pa rrymë të mjaftueshme, e për më keq se kaq, për mbi 10 vjet në gjysëm shtetin e pavarur, 90 % e qytetarëve ua paguan rrymën minoritetit serb në veri të vendit, këtyre kundërshtarëve të përbetuar të lirisë dhe pavarësisë së shtetit tonë!
Për mbi 10 vjet rresht, të gjitha kompanitë biznesore në gjysëm shtetin e Kosovës kontrollohen nga mafi-politika, filluar nga supermarketet, qendrat komerciale, restorantet luksoze e deri tek gurëthyesit e shumtë gjithandej Kosovës që ndotin ambientin dhe prishin reliefin e bukur të kodrinave e bjeshkëve tona, të ruajtura berez pas brezi.
As kjo nuk u mjaftoi pushtetarëve të inkriminuar kosovarë, të cilët i falen me mijëra hektarë tokë shteteve fqinjë (Maqedonisë dhe Malit të Zi), me tendencë të faljes edhe të dhjetëra-mijëra hektarëve tjerë fqinjit verior-Serbisë armike të shqiptarëve.

Qytetarët e getoizuar, monarkët në majat e pushtetit

Nëse vazhdojmë kështu së numëruari të gjitha mangësitë dhe dështimet e qeveritarëve, vargu do të jetë i gjatë dhe i pambarim.
Shtrohet pyetja, çfarë bën qyetarët për ta parandaluar degradimin sistematik të institucioneve shtetërore, shkatërrimin trashëgimisë kulturore dhe resurseve natyrore të shtetit tonë?
Çfarë bëni popullata vendore për ta bindur përendimin se meritojnë qeverisje më të mirë në vendin e tyre? Përgjigja është asgjë!
Pasi janë këta qytetarë, është ky popull që i zgjodhi dhe po i mbanë në pushtet këtë klasë të inkriminuar politikanësh, të shndërruar së fundmi në kusarë politikë dhe dinozaurë të buxhetit të shtetit! I quajta ashtu, pasi të tillë janë.
Nuk ka si të jetë ndryshe, kur shteti me buxhetin më të varfër në rajon, e ka qeverinë më megalomane në Evropë, me 22 ministri, me 5 zv.kryeminstra dhe 100 zv. ministra e qindra këshilltarë me pagat më të majme në rajonin e Ballaknit, përderisa pensionistët duhet të kënaqen me të ardhura mujore nga 75-125 euro në muaj, kur kryeministri i vendit të tyre e merr pagen mujore prej 2950 eurove!
Në të shumtën e rasteve, kur përmendet fjala krim, aludohet në vrasjen me plumb apo forma tjera. Mirëpo krimi më i rënd është kur vritet shpresa dhe e ardhmëria e gjeneratave të reja në një vend.
Politikanët e papërgjegjshëm që kanë krijuar distancë në mirëqënje me qytetarin, nuk janë drejtues dhe as zyrtarë shtetëror, por kriminelë ordinerë që jetojnë mbi kurrizin e qytetarëve të varfër.
Qytetarët e varfër, në vend që t’i “gozhdojnë” politikanët milionera me protesta mbarëpopullore, kanë rënë nëgjumë të thellë, duke mos iu ineteresuar fare çfarë do iu sjellë e nesërmja, por vazhdojnë të jetojnë të sotmen si skllëvër me shpresën që e nesërmja t’i gjejë në përendim!
Kësisoji, pushtetarët e inkriminuar, me mos reagimin qytetarë janë shndërruar në skllavopronarë dhe monark të qytetarëve të getoizuar kosovarë.

…Zhvillimi urban i Pejës, me dhjetëra, qindra e mijëra vite, që nga koha e Perandorisë Romake, kur Peja e ka pasur statusin e Municipiumit, është bazuar në dy asetet e saja kryesore: Lumin “Bistrica – Lumi i Bardhë”, dhe Grykën e Rugovës, nga të cilat përcaktime bazike për asnjë çmim, arsye e argumentim, për as një individ apo personalitet me ndikim apo fuqi politike e materiale nuk është mundur e guxuar që këto dy asete identifikuese natyrore të injorohen, anashkalohen apo semtohen e shkatrrohen…!

LUMI:

1. Sipas atyre planeve shekullore ( jo vetëm të okupatorit serb por edhe të gjithë okupatorëve para tyre…) dhe kuptohet logjikes, të dashurisë e interesit ndaj bukurive natyrore të Pejës: Pamja – Qasja në lumin e qytetit dhe ndërtimi i “kejit”- shëtitores në të dy anët e lumit të jetë e papenguar nga çfarëdo objekti…Në fazën e parë, ky përcaktim zhvillimor ështëplanifikuar tëfilloi nga Patrikana e Pejës deri të Kombinati i Lëkurë Këpucëve e në fazat në vijim edhe poshtë ish Kombinatit të Lëkurë Këpucëve dhe mbi Patrikanë deri në kilometrin e 5-të në drejtim të Rugovës. Dhe kuptohet, mirëmbajtja permanente dhe kujdesi për pastertinë e shtratit të lumit…

GRYKA E RUGOVËS:

2. Pamja e Grykës së Rugovës nga të gjitha hyrjet dhe rrugët kryesore në qytet nuk është guxuar e lejuar të pengohet….!

Ky përcaktim zhvillimor mijëra vjeçar ka mbijetuar deri sa udhëheqjen e Pejës nuk e kanë marrë në duart e xhepat e veta “shpëtimtarët dhe të mençurit qiellor të Pejës”…

Atë, që nuk kanë mundur apo dashur të shkatërrojnë okupatorët mijëra vjeçar që kanë kaluar nëpër këtë qytet, siq ishin: Perandoria Romake, Perandoria Bizantine, ajo Osmane, Mali i Zi. Mbretëria Serbe, Austro Hungaria, Italia e Musolinit, Gjermania e Hitlerit, Partizanët, komunistët e Jugosllavisë së Titos, dhe Serbia e Rankoviqit dhe Millosheviqit… Për disa vite, këta “Sinqerisht Tuajit” kanë arritur që për pare e poste të shkatërrojnë çdo bukuri e trashëgimi historike e natyrore  të Pejës… Nuk dua të besoj për arsye tjera…?!

Jam i vetëdijshëm se “vrasësit” urbanistik që e kanë shkatërruar dhe tjetërsuar Pejën gjatë këtyre viteve të fundit, vështirë se do të përgjigjen për krimet e tyre para popullit dhe para institucioneve të drejtësisë se ato nuk funksionojnë as në Kosovë e as në Pejë, por se do të përgjigjen para Zotit dhe natyrës, nuk kam asnjë pikë dyshimi!

Të dy këto pikënisje apo strategji të zhvillimit urbanistik të Pejës, Sinqerisht Tuajit, i kanë  injoruar e i kanë tjetërsuar, tradhtuar, apo i kanë shkatërruar e shitur  për pasurim personal dhe apetite  karrieriste…

A mund të arsyetohet i gjithë ky shkatërrim i Pejës, për një post politik që nuk zgjat përgjithmonë…?!  A mund dhe a do të amnistohen këto gjenerata që e kanë ndihmuar e përkrahur këtë shkatërrim të qytetit të tyre edhe duke heshtur… Ideatorët dhe argatët e shkatërrimit të tillë të Pejës, Zoti i ndihmoftë, dhe don ZOTI se pasardhësit e tyre nuk do t’i mallkojnë aq shumë…!

Pejë, 29 tetor 2018

Shefi i grupit parlamentar të LDK-së, Avdullah Hoti, ka deklaruar se më 1 nëntor do të mbahet një seancë e jashtëzakonshme në Kuvend dhe do të kërkohet vendosja e vijës së kuqe në dialogu me Serbinë.

Ai tha se askush nuk ka mandat të negociojë për territoret e Kosovës, ndërsa iu bëri thirrje të gjithë partive politike në Kosovës të marrin pjesë në seancën e thirrur prej tij.

Hoti ka njoftuar se dje ka dorëzuar kërkesën për mbajtjen e seancës së jashtëzakonshme, ndërsa seanca do të mbahet më 1 nëntor. ”Askush nuk ka mandat të negociojë për territorin e Kosovës. Kjo është vija kryesore e kuqe në proces të dialogut. Unë shpresoj dhe u bëj thirrje të gjitha partive politike, të gjithë deputetëve të Kuvendit të Kosovës, që të jenë në seancë me datë 1 nëntor dhe ta votojnë këtë rezolutë”, ka theksuar Hoti, për KosovaPress.

Kryeministri i Kosovës, Ramush Haradinaj ka përsëritur edhe njëherë qëndrimin se nuk pranon ndonjë marrëveshje me Serbinë që çon drejt ndryshimit të kufijve.

Në një konferencë për media pas mbledhjes së Qeverisë, Haradinaj ka thënë se “mund të ketë marrëveshje ligjore për njohje reciproke me Serbinë, por jo marrëveshje të bazuar në territor as në kufi”.

“Ato janë kamuflazh për ndarje të Kosovës. Kosova është ajo e 17 shkurtit të 2008”, ka thënë kryeministri i Kosovës.

Ai po ashtu ka thënë se Kosova është e interesuar për pajtim me Serbinë në mënyrë që të mbyllen çështjet e hapura në rajon.

Ishte vjeshtë e vonë e vitit 2009, ishte kohë e zgjedhjeve lokale në Kosovë, koha kur kishte përfunduar raundi i parë i zgjedhjeve lokale, përkatësisht ishte momentumi politik në prag të balotazhit. Nodhesha në një lokal në qytetin më të vogël të Kosovës, aty afër tavolinës ku pinim kafe me një mik timin, bisedonin dy qytetar, ku njëri prej tyre ishte kryetar i degës së LDD-së, ndërsa tjetri qytetar i thjeshtë. Kryetarit i cingërronte parreshtur telefoni, ndërsa qytetari i befasuar e pyeti çfarë po ndodhë, ai u përgjigj; “Po më thërrasin dy partitë (AAK dhe PDK) për balotazh”. Qytetari i tha mos shko me asnjërën, ndërsa kryetari i entuziazmuar ia ktheu; “Me njërën gjithsesi, ngase na ka thënë kryetari (duke aluduar në akademik Nexhat Dacin), shituni, por mos u shitni lirë”!
Kjo thënje më kishte bërë përshtypje, andaj për të vërtetuar këtë mjerim të akademikut, disa ditë më pas bisedova me një liderë tjetër lokal të LDD-së, i cili m’i tha të njëjtat fjalë për shpirtin e shikur të akademikut!

Nuk ka mjerim më të madh, kur logjika e shitjes së shpirtit buron nga koka e një akademiku

Ngjarja e mësipërme konsiston në përiudhën, kur anija me targat e LDD-së, nën udhëheqjen e “timonierit” akademik Nexhat Daci kishte filluar të fundosej më shpejtësi të madhe. Përderisa elita intelektuale e braktisnin “anijen” e Dacit në fundosje e sipër, qytetarët e mashtruar kishin mbetur të hutuar, e kishin të vështirë të besonin në tradhtinë e akademikut!
Pavarësiht faktit, se a është e madhe apo e vogël, hajnia është hajni, edhe tradhtia është tradhti!
Në kohën kur akademik Daci ishte kryetar i Kuvendit, gjatë një vizite jasht vendit lakmia ia kishte vërbuar sytë. Edhe pse hajnia ishte e përmasave të vogla (një palë syze prej disa qindra eurosh), ishte zyrtari i parë i lartë shtetëror që u ulë në bankën e të akuzuarve për abuzim me buxhetin e shtetit.
Thika pas shpine e akademik Nexhat Dacit ndaj LDK-së pas Kuvendit të gjashtë ishte tradhtia më e madhe ndaj elektoratit të LDK-së dhe dëmi më i madh për vendin. Ngase nga ai moment u thye raporti i forcave politike në vend. Forcat progresive e muarën tatpjetën, ndërsa krimi i organizuar dhe antivlerat shënuan fillimin e ngritjes në piedestalin politik.

“Lindja e vështirë e shtetësisë së Kosovës”, vazhdimësi e librit autobiografik të Hashim Thaçit

Bazuar në raportet e shkëlqyera dhe simpatinë që kryeakademiku e ka ndaj njeriut më të urryer në Kosovë, presidentit aktual të vendit Hashim Thaçi, pashmangshëm të menduarit logjik të dërgon tek konstatimi logjik se libri i ri i kryetarit të ASHAK-ut “Lindja e vështirë e shtetësisë së Kosovës”, është vazhdimësi e librit vetëlavdërues të Hashim Thaçit, përkatësisht e njeriut më vetëlavdërues në trojet etnike, në këtë rast e akademik Nexhat Dacit, i cili, sikurse idoli i tij Hashim Thaçi, çdo veprim apo lëvizje politike në vend e lidh me emrin e tij.
Në kohën kur askush në Kosovë nuk e do dhe nuk i beson më Hashim Thaçit, është shpirti i shitur i akademikut që i del në mbrojtje, duke akuzuar elitën intelektuale të vendit që po kërkojnë dorëheqjen dhe largimin e Thaçit nga pushteti për ta shpëtuar shtetin nga ndarja territoriale dhe zhbërja fizike.

“Është koha të realizimin të shtetësisë së plotë të Kosovës, e jo për kur po i mbajmë zgjedhjet dhe kur po e rrëzojmë presidentin dhe qeverinë. Si është e mundur në një vend që nuk ka lëvizje të lirisë krejt koha të shpenzohet për këtë”, kishte thënë ndër të tjera Nexhat Daci në përurimin e librit të tij.

Jo vetëm kaq, kryeakademiku është bër sponsor dhe mentor i idesë së Hashim Thaçit për ndarje të Kosovës. Nexhat Daci, sikurse dikur nën maskën e rugovizmit që e ndau LDK-në, ai sot nën maskën e Luginës së Preshevës po e ndihmon Thaçin në ndarjen e Kosovës.
A ka mjerim më të madh sesa justifikimi nën mashtrim i akademikut, kinse po angazhohet për çlirimin e Kosovës lindore (disa fshatrave të Luginës së Preshevës) nga Serbia!
Këmbimi i disa fshtrave të Luginës me Trepçën dhe Ujmanin, përveqse marrëzi dhe mashtrim, është tradhtia më e madhe e shekullit që po kurdiset mbi kurrizin e trojeve etnike shqiptare, gjegjësisht shtetit të Kosovës në veqanti.
Kësisoji, akademik Daci përveq mbështetjes së idesë serbe për ndarje të Kosovës u bë krah i pushtetarëve të inkriminuar, u bë krah i shundit e kiqit, u bë krah i turpit e hiqit në Kosovë.
Nuk është risi dhe as befasi pozicionimi i akademik Dacit në anën e pushtetarëve aktual. Timonieri i anijes së fundosur dardane dhe plaku i Tërrnocit për interesat e tij personale është i gatshëm të bëhet edhe me vetë djallin për përfitime materiale.
Paraprakisht emërimit nga politika të Nexhat Dacit për kreun e ASHAK-ut në mesin e dhjetorit 2017, kryeministri aktual i vendit Ramush Haradinaj, me 1 nëntor të po atij viti e kishte emëruar djalin e akademikut, Arian Daci në pozitën e zëvendësministrit të Diasporës.

Lidhjet e akademikut me “krahun” e luftës janë të mëhershme

Asgjë dhe asnjë fshehtësi nuk mbetet enigmë përgjithmonë! Sado që të jenë të maskuara dhe kamufluara veprimet, vjen një ditë kur del në sipërfaqe e vërteta për secilin njeri pa marr parasysh postin politik, titullin shkencor apo gradën ushtarake.
Numri dhe përbërja e pjesmarrësve në promovimin e librit “Lindja e vështirë e shtetësisë së Kosovës”, e autorit Nexhat Daci, e tregoj më së miri rolin dhe pozicionin e “krye akademikut” nga Tërrnoci.
Nuk ka mjerim më të madh për një akademi të shkencave, kur kreu i saj ndjehet i nderuar me prezencën e injorantëve dhe analfabetëve në promovimin e një libri, po citoj: “Prezenca e Thaçit dhe Haradinajt është një nderë të veçantë për ASHAK-un” (Nexhat Daci)
Ata që ndjehen të nderuar me politikanë të korruptuar dhe tejinkrimuar nuk i bëjnë nder shtetit të Kosovës dhe as institucionit të ASHAK-ut në veqanti.
Ne fakt, kjo çka po ndodhë me ne shqiptarët është mjerim! Kemi gjysëm shtet me pushtetar të inkriminuar, kemi arsim, shumë universitete dhe akademi të shkencave por nuk kemi arsim cilësorë, kemi gjykatës e prokuor por nuk jemi të barabart para ligjit, kemi shëndetësi por nuk kemi mjekim për qytetarët,…por kemi me bollëk korrupsion, kriminalitet, keqpërdorim të parasë publike (vjedhje të buxhetit të shtetit), haraç, nepotizëm, klientilizëm,…etj.

Mbrojtja e integritetit personal e familjar, është mbrojtje e identitetit njerëzor

Është momenti i fundit që populli t’i thërras mendjes dhe të zgjohet menjëherë nga agonia e gjumit të thellë, ndryshe do të bëhet vonë për çdo gjë!
Pasi jo të gjithë qytetarët e këtij vendi mund të bien në nivelin e kryeakademikut për ta shitur shpirtin, gjegjësisht integritetin personal e familjar tek pushtetarët e korruptuar dhe tejinkriminuar.
Nëse sot nuk i ndalet hovi të keqës që na ka mbërthyer, nesër mund të bëhet tepër vonë! Mbetja edhe më tutje e këtyre kusarëve politikë në pushtet, do të thotë ngulfatje e jetës për njerëzit e ndershëm në këtë vend.
Kënaqësi për të jetuar në vendin e korrupsionit dhe krimit të organizuar mund të ndjejnë vetëm të shantazhuarit dhe sahanlëpirësit e pushtetit.
Ndërsa të pakënaqurit e kanë vetëm një rrugë, atë të largimit pa kthim nga atdheu i tyre!
Ai i cili nuk e mbron integritetin personal dhe familjar nuk mund ta mbrojë atdheun e vet, përkatësisht integritetin dhe sovranitetin e shtetit ku jeton.
Daci për shërbimet ndaj pushtetarëve aktual, përveq punësimit të djalit në qeveri, emërimit në krye të ASHAK-ut dhe beneficioneve tjera të shumëta, së fundmi u shpërblye edhe me botimin dhe promovimin e librit vetëlavdërues dhe nënçmues ndaj të tjerëve.
Sikur është krijuar përshtypja e përgjithshme qytetare, se në të gjitha institucionet e të shtetit të kapur nuk ka mbetur vend më për njerëzit e ndershëm dhe atdhetarët e devotshëm!
Ata që keqpërdorin paranë publike, janë shtresa më e ndyrë e kombit tonë!
Turpi bie edhe mbi ata që zgjedhin dhe mbajnë në pozita udhëheqëse abuzuesit, hajdutët e kriminelët e gjitha llojeve e ngjyrave!
Shteti i Kosovës është bërë ‘nënë’ për kriminelët dhe ‘njerkë’ për qytetarët”.

Nuk duhet gabuar e lejuar, që lufta e Ushtrisë Çlirimtare të Kosovës të identifikohet e të krahasohet me disa veprime e sjellje të disa komandantëve e ushtarëve të caktuar pas luftës, se të tillët nuk janë lufta, nuk janë UÇK-ja, TË TILLËT NUK JANË AS ATA VET TË NJEJTIT QË ISHIN GJATË LUFTËS…!  UÇK-ja ishte, është dhe mbetet përjetësisht populli shqiptarë Amerika dhe Kosova!

Edhepse, është temë shumë e ndjeshme dhe komplekse, vendosa të pasqyroj një opinion timin për UÇK-në, pasi ka shumë kohë e vite që i madh e i vogël, i ditur e i paditur, flasin në mënyrë të padrejtë për luftën e luftëtarët e UÇK-së… Me muaj e vite nëpër televizione, portale e deri edhe në institucionet më të larta shtetërore, kryesisht flitet me injorim, nënçmim e me ofendime e baltosje deri në ç’njerëzim për luftën, sakrificen, rolin dhe ndikimin e UÇK-së në çlirimin e Kosovës… Nga ana tjetër edhepse të tillët me të drejtë e glorifikojnë deri në qiell e përtej saj rolin kyç të NATO-së në çlirimin e Kosovës,  disi rezulton se perkulja aq i madhe e tyre ndaj NATO-së e Amerikës, shfrytëzohet e keqperdoret jo aq për nderimin dhe falënderimin ndaj tyre, sa, për ta minimizuar rolin dhe kontributin e UÇK-së, e nga ana tjetër ndoshta edhe për ta qetësuar e “mashtruar” ndërgjegjen e tyre personale e partiake…?!

Demokracia dhe liria e shprehjes së mendimit dhe të fjalës është e garantuar me ligj vendor e atë ndërkombëtar, por paraprakisht duhet të potencohet e pranohet fakti, së pari nga të gjithë shqiptarët e pastaj edhe nga të tjerët, se Kosova, në historinë e saj mijëra vjeçare nuk ka pasur, nuk ka e as që do të ketë ndonjëherë asgjë më të shenjtë e më sublime se Luftën e  UÇK-së, pa marrë parasysh a i pëlqen e a i konvenon dikujt kjo apo jo… Këtë realitet, populli shqiptarë kudo që është, duhet ta çmoj, vlerësoj, nderoj e mbi të gjitha ta promovoj e përjetësoi në mendjen dhe shpirtin e çdo shqiptari tani dhe ndër vite e shekuj… Në këtë mënyrë e respektojnë dhe nderojnë popullin, diasporën shqiptare, Kosovën, Shqipërinë, miqtë tanë ndërkombëtarë: SHBA-të, Britaninë e Madhe, Gjermaninë, Austrinë e të gjithë të tjerët, me një fjalë e respektojnë veten dhe “çmimin” që e ka paguar populli i Kosovës ndër vite e shekuj për të arritur çlirimin, lirinë dhe pavarësinë e vendit dhe jetës së tyre dhe njëkohësisht e mbrojnë dhe e kultivojnë identitetin e tyre kombëtarë nga asimilimi dhe tjetërsimi…!

Këtë opinion do ta përmbylli me konstatimin e një grupi të gazetarëve të luftës nga vendet e ndryshme të Evropës, të cilët Shtabi i Emergjencës së Pejës e ka pasur rastin t’i shoqërojë e përcjell brenda zonave të luftës, me ç’rast ata gjatë rrugës, tregonin:… “se janë reporterë të specializuar të luftës, të cilët kanë raportuar nga luftërat e ndryshme anekënd botës, konkretisht nga luftërat në: Palestinë, Afganistan, Irak e në Kroaci, Bosnjë, IRA-së etj… Siç theksonin ata, në bazë të njohurive dhe përvojave të tyre, paraqitja dhe zhvillimi i UÇK-së në Kosovë është diçka unike dhe jo e zakonshme… Nuk mund ta kuptonin dhe shpjegonin se si aq shpejt, nga një grup i vogël “guerilësh – rebelësh të pa arsimuar e të pa koordinuar”, siç i quanin ata, për një kohë aq të shkurtër, në më pak se dy muaj arritën që ky formacion të masivizohet në atë masë prej mijëra e mijëra ushtarëve… Kjo, sipas tyre, nuk ka ndodhur dhe as nuk mund të ndodh askund tjetër në botë… Mënyra e këtillë e zhvillimit të një “ushtrie”, apo kjo përvojë e UÇK-së, sipas tyre, sigurisht do të hyn si model studimi në të gjitha librat shkencorë. Se, sipas tyre dhe sipas realitetit në terren, UÇK-ja, ishte i tërë populli i Kosovës.

Prandaj, nuk duhet harruar se, UÇK-ja, je Ti, nuk është ai… UÇK-ja është populli shqiptar dhe Kosova, prandaj mos e baltosni, mos e zhvlerësoni, MOS U DISTANCONI nga Lufta e UÇK-së, se kur e bëni një gjë të tillë, po distancoheni nga historia më sublime mijëra vjeçare e Kosovës dhe popullit shqiptar në përgjithësi.…

UÇK  ËSHTË  LUFTA – JO PASLUFTA…!

PRIZREN – Ministri i Jashtëm i Republikës së Turqisë, Mevlüt Çavuşoğlu, sot në Prizren u shpreh se Turqia mbështet procesin e dialogut mes Prishtinës dhe Beogradit dhe se nuk e shikojnë Ballkanin si një zonë të konkurrencës.

• Ministri Çavuşoğlu takon presidentin Thaçi
• Ministri Çavuşoğlu takon homologun Pacolli
• Ministri Çavuşoğlu takon kryeministrin Haradinaj
• Çavuşoğlu: Nuk duam që shteti vëlla i Kosovës të lejojë praninë e terroristëve
• Pacolli: Kosova do ta kishte vështirë të ecë me tempon e vet pa mbështetjen e Turqisë

Ministri i Jashtëm i Republikës së Turqisë, Mevlüt Çavuşoğlu, në kuadër të vizitës së tij dy ditore në Kosovë sot vizitoi qytetin e Prizrenit, ku realizoi një takim me bashkatdhetarët turq në Kosovë, ku morën pjesë edhe ministri i Administratës Publike në Kosovë Mahir Yağcılar, ambasadorja e Republikës së Turqisë në Prishtinë Kıvılcım Kılıç, konsullja e Përgjithshme në Prizren, Eylem Altunya dhe deputetët e komunitetit turk në Kosovë.

Çavuşoğlu tha se në kuadër të vizitës së tij në Kosovë ka realizuar takime shumë frytdhënëse. Ai tha se ndodhet në Kosovë për të theksuar edhe një herë mbështetjen e Turqisë për Kosovën në këtë periudhë kritike. Duke vënë në dukje se Turqia është ndër shtetet që ka dhënë mbështetjen më të fuqishme për zhvillimin ekonomik dhe pavarësinë e Kosovës, Çavuşoğlu tha se tregtia dypalëshe dhe investimet e kompanive turke në Kosovë po vazhdojnë të rriten.

“TIKA ka realizuar më shumë se 600 projekte në Kosovë dhe vlera totale e këtyre është gjithsej 100 milionë euro”, tha ai, duke shtuar se janë aktive edhe në fushën e kulturës dhe arsimit me Institutin “Yunus Emre” dhe Fondacionin Maarif.

Duke vënë në dukje se Ballkani është një prej elementëve kryesore të politikës së Turqisë, Çavuşoğlu theksoi se Ballkani është prioritet i tyre. “Ne si disa të tjerë, nuk e shikojmë Ballkanin si një zonë të konkurrencës. Në të njëjtën kohë ne nuk jemi një shtet apo komb që përpiqet që të sigurojë interes nga problemet në mes të shteteve të Ballkanit. Për këtë arsye ne mbështesim procesin e dialogut mes Prishtinës dhe Beogradit.Ne e dimë se nuk do të jetë një proces i lehtë, por shpresojmë se do të rezultojë në një mënyrë të cilën do të pranojnë që të dy palët. Jemi të gatshëm që të ofrojmë çdo kontribut për këtë çështje”, tha ai.

Duke rikujtuar tentativën për grusht shteti të vitit 2016 në Turqi, Çavuşoğlu tha se pas kësaj tentative shtete të shumta kanë parë se sa e rrezikshme është organizata terroriste FETO, e cila ndodhet prapa kësaj tentative. Ai tha se tani shtete të shumta kanë transferuar shkollat e kësaj organizate te Fondacioni Turk Maarif, ose kanë marrë vetë menaxhimin e tyre për të cilat ofron mbështetje Fondacioni Maarif dhe Ministria e Arsimit të Turqisë.

“Është e drejtë e jona më e natyrshme që gjërat e njëjta të kërkojmë edhe nga shteti mik dhe vëlla Kosova”, tha ai, duke shtuar se këtë e ka shprehur edhe në takimet e realizuara dje dhe sot me zyrtarët kosovarë.

“Siç shihet, ashtu si në Turqi këta nuk janë të vetëm as këtu, kanë mbështetjen e shteteve të treta, të misioneve të tyre. Ne e dimë që këta nuk janë të vetëm. Për fat të keq këtu deri më sot realizuan aktivitetet e tyre, por në takimet tona bashkëbiseduesit tanë thanë se nuk do të lejojnë askënd që është në aktivitet kundër Turqisë. Por kemi pritje për ekstradim në Turqi dhe duam që këto kërkesa të përmbushën, do të vazhdojnë përpjekjet tona në këtë drejtim”, shtoi kryediplomati i Turqisë.

Gjatë këtij takimi, ministri Yağcılar deklaroi se Kosova po kalon nga një proces i rëndësishëm. “Procesi i dialogut është një provim dhe pritje e rëndësishme për Kosovën dhe të ardhmen e Kosovës. Në këtë kuadër në fillim vjen mbrojtja e integritetit të Kosovës dhe të stabilitetit të saj”.

Kujtojmë se Çavuşoğlu pas vizitës së tij në Shqipëri ku zhvilloi takime me zyrtarë të lartë të këtij shteti, dje nisi vizitën e tij zyrtare në Kosovë, ku u takua me presidentin e Kosovës, Hashim Thaçi dhe zëvendëskryeministrin e parë dhe ministrin e Jashtëm, Behgjet Pacolli. Sot gjatë ditës Çavuşoğlu u takua edhe me kryeministrin e Kosovës, Ramush Haradinaj dhe kryetarin e Kuvendit, Kadri Veseli.

PRISHTINË – Zëvendëskryeministri i parë dhe ministri i Punëve të Jashtme të Kosovës, Behgjet Pacolli, priti në takim ministrin e Jashtëm të Turqisë, Mevlüt Çavuşoğlu.

Pas këtij takimi, Pacolli dhe Çavuşoğlu mbajtën një konferencë të përbashkët për media. Me këtë rast, Pacolli deklaroi se në takim me ministrin e Turqisë, të cilin e quajti si mik historik, kanë diskutuar për temat e rëndësishme që janë prezente edhe në politikë, edhe në ekonomi, por edhe në marrëdhëniet ditore mes Kosovës dhe Turqisë.

• Çavuşoğlu: Nuk duam që shteti vëlla i Kosovës të lejojë praninë e terroristëve

Duke vënë në dukje se Turqia prej ditës së parë ka mbështetur pavarësinë e Kosovës, Pacolli tha se “Turqia vazhdon të mbështesë dhe kam marrë garancione që do të mbështesë edhe në të ardhmen Kosovën. Kosova do ta kishte vështirë të ecë me tempon e vet pa mbështetjen e Turqisë”.

Pacolli njoftoi se gjatë takimit kanë biseduar edhe për sfidat që po e presin Kosovën, si dialogu me Serbinë, si dhe anëtarësimi në organizatat ndërkombëtare, si Interpoli dhe UNESCO.

“Unë homologun e informova edhe për mbarëvajtjen e dialogut, për arritjet që janë bërë deri tani dhe sfidat që na presin. Sigurisht, këtu nuk mungoi edhe një herë premtimi i Turqisë se edhe këtu do të na mbështesë”, tha ai.

Ai theksoi se në procesin e anëtarësimit në Interpol, Kosovës i janë paraqitur disa probleme, por që Turqia edhe kësaj radhe do të vazhdojë të ndihmojë.

“Por, sidoqoftë, këtu edhe presidenti Erdoğan gjatë takimit tonë që patëm në New York premtoi, por sot mora po ashtu premtimin se Turqia edhe kësaj radhe do të na ndihmojë. Është çështje shumë me rëndësi e Kosovës. Sigurisht, Turqia është e gatshme të na ndihmojë edhe në çdo kërkesë që parashtrohet në dialogun Prishtinë-Beograd”, tha ai.

Ai vuri në dukje se kanë mbi 22 marrëveshje të nënshkruara me Turqinë dhe se do të vazhdojnë edhe më tej me nënshkrimin e marrëveshjeve të tjera dhe në implementimin e tyre. Pacolli tha se kanë biseduar edhe për investimet ekonomike të kompanive turke në Kosovë dhe i inkurajoi që edhe në të ardhmen të vijnë më shumë investitorë në Kosovë, ku, sipas tij, ka mundësi për investime dhe bashkëpunim.

“Falënderova edhe TIKA-n, e cila ka kontribuar në 600 e më tepër projekte të mëdha e të vogla në Kosovë dhe vazhdon edhe tutje me qindra qindra miliona të investuar. Unë po ashtu e falenderova Turqinë për bashkëpunimin që kemi në fushën shkencore, arsimore, trajnimin e studentëve të ndryshëm dhe bashkëpunimin që e kemi edhe me policinë e Kosovës dhe faktorë të tjerë dhe u dakorduam që edhe në të ardhmen ky bashkëpunim të vazhdojë mes forumeve të ndryshme”, deklaroi ai.

• Ministri Çavuşoğlu takon presidentin Thaçi

Në kuadër të vizitës së tij në Kosovë, sot Çavuşoğlu zhvilloi një takim edhe me presidentin e Kosovës Hashim Thaçi.

Çavuşoğlu nesër pritet të takohet me kryeministrin Ramush Haradinaj dhe kryeparlamentarin Kadri Veseli. Ndërkaq, më pas është paraparë që ai të vizitojë qytetin e Prizrenit.

Forca e Sigurisë së Kosovës

NATO tha se nëse mandati i Forcës së Sigurisë së Kosovës zgjerohet, Këshilli Veri-Atlantik do të duhet të rishqyrtojë nivelin e angazhimit në Kosovë.

“Çdo ndryshim në strukturë, mandat apo mision të Forcës së Sigurisë së Kosovës duhet të vendoset nga autoritetet e Kosovës. NATO e mbështet Forcën e Sigurisë së Kosovës me mandatin e tanishëm”, tha një zyrtar i NATO-s për Radion Evropa e Lirë.

Komentet vijnë në kohën kur Qeveria e Kosovës ka iniciuar tri ligje për miratim në Kuvend, përmes të cilave Forca e Sigurisë së Kosovës do të ketë kompetenca të njëjta si një ushtri e rregullt.

Ligjet janë proceduar pasi deputetët serbë kanë thënë se nuk do ta votojnë ushtrinë e ardhshme të Kosovës përmes ndryshimeve kushtetuese.