Ideja e kryeministrit shqiptar Edi Rama e shpalosur në 10 vjetorin e pavarësisë në Kuvendin e Republikës së Kosovës, po citoj: “Kosova dhe Shqipëria do të kenë një politikë të jashtme e jo veç ambasada dhe përfaqësi diplomatike të njëjta, po pse jo një president të unitetit kombëtarë dhe një politikë kombëtare të sigurisë”, përveçse mungesë respekti, është atak i drejtëpërdrejtë ndaj pavarësisë së shtetit tonë, është kundër integrimit të Kosovës në BE, OKB dhe NATO.

Hipokrizia e kryeministrit shqiptar Edi Rama është aq e thellë dhe e rrezikshme për Kosovën, sa vetë idetë e presidentit Vuçiq për Kosovën. Ajo që deklaroi kryeministri shqiptar në përvjetorin jubilarë të shtetit tonë, përveçse marrëzi politike, është një aventurë e çmendur e tij e elaboruar paraprakisht në kuzhinat e Beogradit dhe Moskës.

Propozimet e Edi Ramës nuk përkojnë fare me realitetin kohor

propozosh një president të përbashkët për Kosovën e Shqipërinë, në një periudhë kohore kur platforma e bashkimit kombëtar është tepër larg realitetit, kur në procesin e integrimeve evropiane bashkimi po shihet si koncept i realizueshëm vetëm përmes hyrjes së përbashkët të shqiptarëve në Bashkimin Evropian. Pas deklaratës së Edi Ramës fshihen plane të errëta dhe destruktive të armiqve të Republikës së Kosovës. Bashkimi kombëtarë është një proces i gjatë evolutiv. Për ata që i kuptojnë proceset e bashkimit të dy shteteve, gjegjësisht një kombi të ndarë siq jemi ne shqiptarët asgjë nuk mund të kryhet brenda një afati të shkurtër kohor.

Hapi i parë dhe më i madh drejt bashkimit kombëtarë është krijimi i shtetit të Kosovës dhe njohja e pavarësisë së saj nga bashkësia ndërkombëtare. Të gjithë jemi pro bashkimit të trojeve tona, por janë disa kritere, apo më mirë të themi disa parakushte që ne si dy shtete (Shqipëri e Kosovë) akoma jemi largë plotësimit të tyre, si: forcën ekonomike, forcën ushtarake dhe forcën politike që të vendosim për fatin tonë.

Shëmbulli më i mirë dhe më praktik i bashkimit të shqiptarëve në Ballkan është ai i bashkimit të dy shteve gjermane. Çdo formulë tjetër në rrethanat aktuale politike do të ishte vrastare për shtetin e Kosovës.

Hipokrizitë e një demagogu

Hapi i parë i bashkimit kombëtarë është mbrojtja e integritetit territoarial të dy shteteve tona (shqiptare). Përderisa qeveria shqiptare nën udhëheqjen e Edi Ramës ushtrojnë presion të paparë ndaj qeveritarëve në Prishtinë për kompromise të dhimbshme, në këtë rast faljen e territoreve fqinjëve tonë në njërën anë, dhe pa bërjen e asnjë përpjekje për futjen e pjesës së Mitrovicës së ndarë (e legalizuar si Mitrovicë Veriore) në planin e integruar të sistemit shtetëror dhe administrativ të Kosovës, për më tepër se hipokrizi, është demagogji e sojit të tradhtarëve të kombit. Bashkimi kombëtar është proces, realizimi i të cilit varet nga hapërimi dhe rrugëtimi ynë si komb dhe shoqëri njerëzore konform rrethanave kohore, sferave të interesit të qendrave të vendosjes, rendit të ri politik botëror dhe aftësisë sonë për të përfituar nga interesat e SHBA-së në Ballkan.

Rruga drejt bashkimit kombëtar nuk kalon përmes bisedimeve me Beogradin në Bruksel, por përmes lidhjeve të fuqishme të bashkëpunimit mes Prishtinës dhe Tiranës, me zhvillimin ekonomik të të dyja shteteve shqiptare, pa anashkaluar lidhjet e bashkëpunimit me shqiptarët në trojet e pushtuara etnike. Bashkimin kombëtar jo vetëm se nuk mund ta realizojnë, nuk kanë të drejtë as ta promovojnë si ide mbeturinat e mortajës komuniste, që për një gjysmë shekulli e tjetërsuan qënien kombëtare të shqiptarëve në trojet etnike. Bashkimi kombëtar nuk arrihet brenda natës, nuk arrihet as me “shkop magjik” siç e trumbetojnë ideologët e dështuar politikë.

Bashkimin kombëtar jo vetëm se nuk mund ta realizojnë, nuk kanë të drejtë as ta promovojnë si ide mbeturinat e mortajës komuniste, që për një gjysmë shekulli e tjetërsuan qënien kombëtare të shqiptarëve në trojet etnike. Bashkimi kombëtar nuk arrihet brenda natës, nuk arrihet as me “shkop magjik” siç e trumbetojnë ideologët e dështuar politikë.

Klasa aktuale politike në Tiranë dhe në Prishtinë që për çdo ditë i vjedhin dhe keqtrajtonë shqiptarët në njërën anë, ndërsa në tjetrën vazhdojnë të bëjnë pazare të fshehta me fqinjët për shitjen e territoreve shqiptare, nuk e kanë të drejtën të zënë në gojë idenë e bashkimit kombëtarë.

Pseudopatriotët e maskuar nën petkun e “bashkimit kombëtar”

Pseudopatriotët e sojit të Edi Ramës, të maskuar nën petkun e “bashkimit kombëtar”, të lidhur me Moskën e Beogradin, me qëllim e harrojnë faktin e pamohueshëm se Pavarësia e Republikës Kosovës është hapi më i madh drejt bashkimit kombëtar në këto njëqind vitet e fundit. Miqësia që lidhi presidenti historik me faktorin kyç të lirisë tonë-SHBA-të, është garancia më e fuqishme e ekzistencës së shtetit tonë kundrejt synimeve grabitqare të vargonjve serbosllavë.

Fillimisht, shqiptarët në të dy anët e kufirit duhet të këndellen nga agonia e pritjeve të gjata, për largimin sa më parë të këtyre elitave të korruptuara politike për sjelljen në pushtet të atdhetarëve të mirëfilltë, që e duan me shpirtë atdheun e tye, që për asnjë lloj çmimi nuk e negociojnë integritetin territorial të vendit të tyre me armiqt shekullorë.

Refuzimi i Vinces i shtohet listës prej dhjetëra personaliteteve që nuk pranuan të dekoroheshin nga Presidenti Thaci.

Ky është shkrimi i plotë i Vincës në Facebook:

KOSOVA PO VDES MORALISHT

(Dekoratat e 10-vjetorit të Pavarësisë)

Në disa portale në Kosovë këto ditë ka qarkulluar një listë me emrat e individëve dhe të institucioneve, të cilat Presidenti i Republikës së Kosovës, Hashim Thaçi, kishte marrë vendim t’i nderonte me rastin e 10-vjetorit të shpalljes së Pavarësisë së Kosovës.

Nga miq dhe të afërm të mi mësova se në këtë listë, në mesin e shumë personaliteteve të tjera, gjendet edhe emri im.

Prita që lidhur me këtë vendim të njoftohesha zyrtarisht, siç e do rendi, nga kabineti i Presidentit të Republikës, por një gjë e tillë nuk ndodhi.

Nuk e di si është vepruar me të tjerët, por unë deri në këtë çast nuk kam marrë as njoftim me shkrim, as telefonatë, as ftesë për ceremoninë e dorëzimit të dekoratës, asgjë.

Besoj se kjo është arsye e mjaftueshme për të mos e marrë shumë seriozisht këtë punë.

Nga ana tjetër, sjellja e këtillë tregon seriozitetin, në të vërtetë joseriozitetin e institucioneve tona shtetërore dhe të njerëzve që janë në krye të tyre, të cilët duket asnjë pune nuk i qasen me përgjegjësinë dhe seriozitetin e duhur.

Kështu, në mënyrë joserioze e të papërgjegjshme, ata e kanë drejtuar edhe vendin gjatë këtyre dhjetë viteve që lamë pas, duke degraduar gjithçka: ekonominë, arsimin, shëndetësinë, kulturën, artin, shkencën dhe duke e zhytur vendin në korrupsion, nepotizëm e varfëri.

Me udhëheqës të tillë, që nuk janë shtetarë, por pushtetarë, Kosova jo vetëm që stagnon në ndërtimin e shtetësisë së saj, por, për më keq, po vdes moralisht.

Dalzotësit e Kosovës sot janë bërë zotër të saj dhe sillen me të si të ishte pronë e tyre private.

Me keqardhje, Agim Vinca

Nuk ndalet lista e atyre që refuzojnë të pranojnë dekoratat që Presidenti Hashim Thaçi i ndau për nder të përvjetorit të 10 të pavarësisë së Kosovës.

Këtë nderim nuk do ta pranojë as njëri prej ish-bashkëpunëtorëve më të ngushtë të Thaçit, Fatmir Limaj, ka mësuar KTV’ja nga burime pranë tij.

Limaj pritet që së shpejti vetë të bëjë të ditura arsyet e refuzimit.

Më parë, dekoratat i refuzuan edhe Jakup Krasniqi, Rexhep Selimi, Veton Surroi, Hydajet Hyseni, Rexhep Qosja, familja e Agim Zatriqit, ‘Koha Ditore’ dhe Radio ‘Kosova e Lirë’.

Qindra personalitete ishin përzgjedhur nga Presidenti Hashim Thaçi për t’u dekoruar me rastin e 10-vjetorit të pavarësisë. Ishte pikërisht Thaçi dhe raportet e tyre me të, arsyeja pse ata refuzuan këto dekorime. Jakup Krasniqi, Veton Surroi me Kohën Ditore, Radio Kosova e Lirë, Rexhep Selimi, Hydajet Hyseni, e bashkëshortja e Agim Zatriqit, ishin disa prej atyre që i kthyen mbrapsht dekoratat, pasi nuk e konsideruan Thaçin të denjë as edhe për t’i nderuar.

Personalitete që nuk e nderojnë Hashim Thaçin si President të Kosovës, nuk pranojnë madje as të nderohen nga ai.

Për nder të 10 vjetorit të shtetësisë, Presidenti Thaçi kishte zgjedhur qindra personalitete që i konsideron si kontribuues në lirinë e vendit përmes veprimtarive të tyre në periudha të caktuara, të rëndësishme për Kosovën ndër vite. Por, jo të gjithë mirëpritën dekorimin nga Presidenti.

I pari që refuzoi një dekoratë të tillë ishte ish-zëdhënësi i UÇK’së, Jakup Krasniqi, bashkëpunëtor i ngushtë i Thaçit gjatë luftës dhe pas saj.

“Hashimi nuk e ka asnjë kriter të vetëm në dhënien e Mirënjohjeve dhe të Dekoratave. Thjesht, ai po bënë pazare politike me mirënjohje e dekorata”, ka shkruar Krasniqi në Facebook, ku tregoi arsyet pse e refuzon dekoratën.

Ai po ashtu tha se nuk mund të pranonte të nderohej nga dikush që e kishte fyer, ndërsa potencon që i vjen keq që po e refuzon një institucion shtetëror.

“Refuzoj te dekorohem nga Hashimi, i cili personalisht me ka fyer, dhe jo vetëm në aferën Pronto”, shkroi Krasniqi.

Publicisti Veton Surroi po ashtu ka refuzuar të dekorohet nga Hashim Thaçi, i cili, sipas tij, është një person i pandershëm që i ka bërë dëm vendit.

“I pandershmi nuk mund të me nderojë. As mua, e aq me pak këtë vend”, tha Surroi në arsyetimin e tij për refuzimin e dekoratës.

“Konsideroj se Hashim Thaçi është përgjegjësi kryesor për kapjen e shtetit, izolimin e tij, vjedhjen e tij, varfërimin e tij material, mendor e shpirtëror, zbrazjen e tij prej një të dhjetës së popullatës për dhjetë vjet pavarësie, humbjen e konsensusit politik e perspektivës së të rinjve brenda tij… Me përjashtim të okupatorëve, nuk ka pasur njeri që i ka bërë kaq dëm vendi”, ishte përgjigjja e publicistit ndaj dy dekoratave që Thaçi kishte përgatitur për të.

Bashkë me Surroin, s’kishte se si të mos e refuzonte dekoratën edhe  gazeta “Koha Ditore”, që hynte në listën e mediave që Thaçi kishte zgjedhur për të dekoruar.

Për pjesëmarrje në Konferencën e Rambujesë, ishte përzgjedhur për t’i dhënë Dekoratë presidenciale edhe Rexhep Qosja, i cili dikur ka pasur raporte të shkëlqyera me Thaçin, qeveria e të cilët në vitin 2010 kishte ndarë 200 mijë euro për botimin e veprës së akademikut.

Qosja kishte radhitur disa prej arsyeve pse refuzon të marrë ‘dekoratën e parë dhe të fundit që i jepet prej këtij regjimi’.

“E refuzoj sepse është çmimi i dhënë prej një regjimi, i cili me politikën e brendshme dhe me politikën e jashtme i ka sjellë dhe po i sjell shumë dëme dhe komprometime shtetit të Kosovës sot”, ka shkruar Qosja në Facebook.

Njëri nga pjesëtarët e Shtabit të Përgjithshëm, deputeti i Vetëvendosjes Rexhep Selimi, po ashtu ka kthyer mbrapsht dekoratën për të cilën është njoftuar prej mediave. Thotë se Hashim Thaçi është aryseja e refuzimit.

“Unë REFUZOJ të pranojë dekoratë nga një person si Thaçi. Dekorata e dhënë prej tij nuk më bën nder as mua e as ndonjë luftëtari të UÇK-së. Refuzoj të pranojë dekoratë nga ai i cili shet tokë të Kosovës sot ashtu sic deri më tani i shiti idealet e luftës se UÇK-së”, ka shkruar Selimi në FB.

Dekoratën e ka refuzuar edhe Hydajet Hyseni, që dikur ishte bashkëpunëtor i Presidentit Thaçi, ndërsa tani është pjesë e Lëvizjes Vetëvendosje.

Burbuqe Namani–Zatriqi, gruaja e ish-drejtorit të RTK-së, Agim Zatriqi, ka thënë se është njoftuar në media se bashkëshorti i saj i ndjerë është në listën e të përzgjedhurve nga presidenti për ta dekoruar me rastin e 10-vjetorit të Pavarësisë.

“Nga mediet kam mësuar se me rastin e dhjetëvjetorit të pavarësisë së Kosovës, Zyra e Presidentit të Republikës së Kosovës ka ndarë një dekoratë për bashkëshortin tim të ndjerë”, ka shkruar në Facebook zonja Namani-Zatriqi, duket theksuar se, për arsye parimore, megjithatë, nuk do ta pranojë këtë dekoratë.

Pos Kohës Ditore, edhe Radio Kosova e Lirë bën pjesë në grupin e medieve që refuzuan të dekoroheshin nga Presidenti Thaçi për veprimtarinë e tyre. /Express/

Edi Rama s’ka pasur guxim të thotë asnjë fjalë për bashkim kombëtar. Por ka folur për të ardhmen. Ka thënë se Kosova dhe Shqipëria pas dhjetë vitesh mund ta kenë një President.

Shefi i Qeverisë shqiptare, Edi Rama, ka propozuar një President gjithëkombëtar dhe një politikë kombëtare të sigurisë.

Këto dy propozime, Rama i ka bërë gjatë fjalimit në Kuvendin e Kosovës, për nder të Dhjetëvjetorit të Pavarësisë së Kosovës.

“Kosova dhe Shqipëria do të kenë një politikë të jashtme e jo veç ambasada dhe përfaqësi diplomatike të njëjta po pse jo një president simbol të unitetit kombëtar dhe një politikë kombëtare të sigurisë”, ka thënë Rama, në fjalimin e tij, shkruan Gazeta Express.

E ka pranuar se një ide e tillë nuk është e realizueshme tash po ka thënë se edhe dicka që ëndërrohet mund të realizohet.

“Mbase ky parafytyrim sot mund të mos jetë i qëllueshëm në rrafshin e racionales, por historia na këshillon se çka është e drejtë të ëndërrohet nuk është e pamundur të realizohet”, ka shtuar ai.

Ai ka këshilluar Kosovën dhe Serbinë të vazhdojnë dialogun për fqinjësi të mirë dhe të bëhen pjesë e BE’së si dy Shtete të pavarura.

Këngëtarja shqiptare me famë botërore Rita Ora po qëndron në Kosovë.

Gjatë konferencës për media ajo ka bërë shqiponjën me duar, derisa është shprehur e lumtur që po qëndron në Prishtinë dhe se do të jetë një nga koncertet më të mira, ai që do të mbajë sonte në Prishtinë.

Njerëzit nga vende të vogla si Kosova, mund t’i japin botës emra dhe vlera të mëdha, ka deklaruar në Prishtinë, këngëtarja me famë botërore, Rita Ora.

Gjatë një konference për gazetarë, pop ylli botëror, Rita Ora, ka thënë se ka një emocion të veçantë që do të këndojë në Prishtinë, në manifestimin qendror për 10-vjetorin e pavarësisë së Kosovës.

“Mund të ishim kudo në botë këtë ditë, por unë vendosa që të sjell gjithë ekipin tim këtu në Prishtinë që të ofrojmë shfaqjen më të mirë përgjithmonë”, ka theksuar Ora, e cila mesazhet e saj i ndërlidhte në dy gjuhë, atë shqipe dhe angleze.

Ajo ka thënë se ndihet krenare që i takon gjakut shqiptar dhe Kosovës, pavarësisht se jeton në njërin prej vendeve më të zhvilluara të botës, në Britaninë e Madhe.

“Në çdo intervistë e konferencë, nuk e fsheh, jam nga Kosova”, ka thënë Ora, duke premtuar se të gjithë adhuruesit e saj do t’i bëjë të ndihen të kënaqur me paraqitjen e saj në manifestimin qendror për 10-vjetorin e pavarësisë. Paraqitja e Rita Orës para publikut, pritet të bëhet rreth orës 22:00.

Rita Ora, tash 27 vjeçe, ka treguar se si ka nisur të merret me muzikën në moshën 21 vjeçe, me dëshirën që të bëj një ndikim të madh, marrë parasysh që prejardhjen e kishte nga një vend i vogël.

Mbi këtë bazë ajo edhe e dha porosinë për njerëzit e Kosovës.

“Ju e keni një mundësi për ta përfaqësuar veten tuaj në mënyrën se si dëshironi të mbaheni mend. Gjëja më e rëndësishme për mua është që të qëndrojmë të bashkuar dhe të jemi në gjendje që t’i ftojmë njerëzit në rrethin tonë, sepse sa më shumë që jemi, aq më të mëdhenj bëhemi. Kur për herë të parë kam dalë në një skenë, kam qenë një nga këngëtaret e hershme shqiptare”.

“Tani kemi shumë talente të jashtëzakonshme që i kam parë në këto dy vitet e fundit dhe jam shumë mirënjohëse që kemi këngëtare shqiptare si Dua Lipa, Bebe Rexha, të cilat po e gjejnë dritën e tyre, vendin e tyre në muzikë. Sa më shumë prej nesh që na përfaqësojnë në këtë zhanër muzikor, aq më mirë është për vendin tonë, për shtetin tonë. Të kënaqemi, të qëndrojmë së bashku dhe ta përfaqësojmë shtetin e Kosovës”, ka thënë Ora.

Ajo nuk e ka përjashtuar as mundësinë, që pavarësisht agjendave të ngjeshura, një ditë para publikut në Kosovë mund të këndojnë së bashku tri këngëtaret më të famshme shqiptare sot në botë, Rita Ora, Dua Lipa dhe Bebe Rexha.

“S’i dihet, ndoshta, kurrë mos thuaj kurrë s’bëhet”, ka thënë Ora./BS

Ish-Kryetari i Parisë ORA, Veton Surroi ka lëshuar akuza në drejtim të Hashim Thaçit për rrënimin e Shtetit të Kosovës. Ka thënë se për këtë arsye refuzon dekoratën nga Presidenti.

Veton Surroi e ka refuzuar dekoratën e ndarë për te nga Hashim Thaçi.

Ka thënë se Presidenti i Kosovës është i pandershëm prandaj nuk e pranon të nderohet prej tij. E ka bërë përgjegjës Thaçin për dështimin e Shtetit.

“Pash emrin tim, dy herë, në listën e të dekoruarve nga Hashim Thaçi për dhjetëvjetorin e pavarësisë. Që të dyja herët emri im është vënë në proceset vendimtare për arritjen e lirisë dhe pavarësisë, Konferencës së Rambouillet dhe Procesit të Vjenës. Ka qenë nder imi që t’i shërbej vendit”, ka shkruar Surroi.

“Konsideroj se Hashim Thaçi është përgjegjësi kryesor për kapjen e shtetit, izolimin e tij, vjedhjen e tij, varfërimin e tij material, mendor e shpirtëror, zbrazjen e tij prej një të dhjetës së popullatës për dhjetë vjet pavarësie, humbjen e konsensusit politik e perspektivës së të rinjve brenda tij… Me përjashtim të okupatorëve, nuk ka pasur njeri që i ka bërë kaq dëm vendit”, ka thënë më tej.“Me bindjet e mia për këtë njeri refuzoj të marrë çfarëdo dekorate. I pandershmi nuk mund të më nderoj. As mua e aq me pak këtë vend. Qytetareve: gëzuar dhe u prifshit ndryshimeve!”, ka shkruar Surroi.

Veton Surroi e Hashim Thaçi pasluftës kishin pasur raporte të mira. Por, prej kohës kur Surroi mbeti jashtë Parlamentit kanë nisur hasmëritë ndërmjet tyre.

Surroi ka shkruar edhe libra për Presidentin e Republikës duke lëshuar akuza se e ka rrënuar Shtetin.

Jakup Krasniqi, ish-zëdhënësi i UÇK-së ka thënë se luftoi për liri e jo për dekorime. Kryetari i Këshillit Kombëtar të Nismës për Kosovën Jakup Krasniqi ka treguar se e refuzon dekorimin nga Thaçi në dhjetëvjetorin e pavarësisë së Kosovës.

Krasniqi u dekorua dje nga Thaçi me medaljen për dhjetëvjetorin e pavarësisë, si pjesë e ish-Shtabit të Përgjithshëm të UÇK-së.

Ai në një postim në facebook ka treguar pse refuzon dekoratën.

“Veprimtarinë time politike nuk e kam nisur as për pozita, as për pasuri dhe as për dekorime”, ka shkruar Krasniqi.

Ai ka deklaruar se e ka nisur karrierën e tij politike vetëm pse e ka dashur lirinë.
“Kam filluar të merrem me politikë para 45 viteve, thjesht pse e kam dashur lirinë e kombit tim dhe pse Atdheut tim ia kam pasur borxh që t’ia bëj shërbimin pa hile”, ka shkruar më tutje Krasniqi.

Krasniqi ka thënë për Thaçin se ai “po bën pazare politike me mirënjohje e dekorata”, ndërsa veprimet e tash Presidentit të Kosovës i ka konsideruar “që nga viti 2010 e këndej, kanë qenë rrënuese për shtetin e kombin”.

Krasniqi më tutje ka thënë se është fyer nga Thaçi.

“Refuzoj te dekorohem nga Hashimi, i cili personalisht me ka fyer dhe jo vetëm në aferën ‘Pronto’”, ka shkruar Krasniqi, duke treguar se pas Rambujesë “duke ju thënë anëtarëve tjerë të SHP të UÇK-së se gjoja unë e ndonjë tjetër në atë Konferencë jemi bërë me “armiqtë e tij politikë”- LDK-në”.

Krasniqi ka thënë se i vjen keq që refuzimin e dekoratës po e bën publike në dhjetëvjetorin e pavarësisë.

4 Korriku, Dita e Pavarësisë të SHBA festohet edhe në Kosovë, si festë e përbashkët

Voal po i sjell lexuesave një fotoreportazh nga The Guardian me titullin Kosova shteti i 51 i SHBA!

“Kosova, shkruan The Guardian, vazhdon të ketë lidhje emocionale, politike dhe ekonomike me vendin që 20 vjet më parë bëri një ndërhyrje perëndimore në luftë me ish-Republikën Federale të Jugosllavisë, duke çuar përfundimisht në shpalljen e pavarësisë së Kosovës.

Disa sondazhe sugjerojnë se Kosova është vendi më amerikandashës në botë dhe më mbështetësi i qeverive Amerikane.

Klinton Bajgora, 13 veç, sipas presidentit Bill Clinton, i ulur midis prindërve të tji në shtëpi në Podujevë.

KFORI Amerikan i vendosur pranë Ferizajt prej 1999 shihen prej shqiptarëve të Kosovës si çlirues.

Fëmijëve shqiptarë sa lindin prindërit u mësojnë të duan Amerikën dhe t’i jenë mirënjohës

Kosova, shteti i 51 i SHBA sepse shumë kompani Amerikane kanë lidhje ekonomike dhe pune me Kosovën.

NJë përshëndetje lamtumire në një restaurant të Prishtinës për atë që do të niset me punë në SHBA.

4 Korriku, Dita e Pavarësisë të SHBA festohet edhe në Kosovë, si festë e përbashkët

Në ditën kur Kosova po feston 10-vjetorin e Pavarësisë së saj, veriu i Mitrovicës është zgjuar me pankarta nëpër mure. Kudo nëpër qytet shfaqen postera të tilla, ku shihen duar të prangosura, në të cilat shkruhet ’10 vjet pushtimi të Kosovës e Metohisë’.

Mbishkrimi përveç në gjuhën serbe dhe alfabetin cirilik, është shkruar edhe në shqip dhe anglisht.

Mësohet se përmes këtyre pankartave, qytetarët serbë të veriut dërgojnë mesazh se Kosova është pjesë e Serbisë dhe se ajo është e ‘pushtuar’ nga Bashkësia Ndërkombëtare.

KosovaPress ka tentuar të kontaktojë me përgjegjësit e policisë në veri të Mitrovicës, por ende nuk ka marrë asnjë përgjigje.

Po bëhen 19 vite nga largimi i forcave te huaja serbe nga Kosova.U bënë 10 vite kur zyrtarisht e shpallëm pavarësinë e vendit.Shtrohen shumë pyetje ;cilat ishin të arriturat dhe cilat dështimet në shtetndërtim dhe mirëqenje?Dhe, shumë pyetje hipotetike të cilat kërkojnë përgjigje adekuate.Sigurisht së në këtë përvjetor të pavarësisë nuk mund të jemi të kenaqur më të arriturat tona.I kemi pasur mundësit dhe të gjitha kapacitet që gjendja politike e veqmas e rrjedhave ekonomike dhe sociale të jetë shumë më e mirë.Nuk ndodhi kështu së në pushtet erdhën forcat më logjikën e vjeter .Demokracia përjetoje dhe po përjeton stagnim dhe rënje, ndodhi krejt e kunderta e asaj që kan pritur shimica .Kemi menduar më të drejtë së Kosova do të zhvillohet mbi të drejtat e shumicës , së do të zhillohet mbi bazat demokratike e të barazisë , të drejtave të barabarta sociale dhe do të zhvillohet sipas standardeve demokratike .Sot, kur po festojmë këtë përvjetorë , sigurisht së nuk do të gjejmë shumë njerëz të cilët janë të kënaqur më shtetin për të cilin edhe kan luftuar .Kjo ndodhi më shumë për faktin së shteti ra në duar të disa familjeve të cilat po kontrolljnë qdo gjë .Përfituan në mënyrë jo civilizuese dhe ne menyre dehumanizuese .U pasuran mbi kurrizin e popullit duke e varfëruar skajshmerisht ate.Këto pak institucione të cilat po I ndërtojmë, dita ditës gjithnjë e më shumë po I rrënojmë , apo po I shfrytëzojmë për ti qeruar hesapet më të gjithë kundershtaret politike.Organet e drejtësisë dhe gjykatat në vend që të vihen më shumë në funksion të qytetarëve dhe të shtetit , ato shpesh po instrumentalizohen karshi atyre të cilët e kan fuqin vendimarrëse politike dhe ekonomike .Kur po është në pyetje ashtu të them “krimi I madh”, organet e drejtësisë nuk po kan forcën e duhur të veprimit ! Mos mundësia apo edhe mos deshira e veprimit karshi krimit politike dhe krimit ekonomik , ka bër që të kemi gjithë këtë jo stabilitet politik , ka bërë që të kemi shumë varfëri dhe ka bërë që shumë të rinjë të mbeteni të pa punë.Deri sa përfundimisht nuk ndahet drejtësia nga politika , nuk mund të flasim për shtet ligjor , funksional dhe demokratik.Edhe deri sa n ë krye të institucioneve të shtetit në të gjitha nivelet kemi njerëz më mendësi autokratike , proceset zhvillimore nuk ka mundësi të avansohen .Parlamenti si organi më I lartë ka mbetur më shumë formal karshi vendimeve të cilat po merren ne qeveri.Kjo nuk përkon më logjikën parlamentare të funksionimit të shtetit.Kuvendi më shumë është shëndrruar në arenë gladiatorësh, së sa në vend ku merren vendimet e rendësishme për një shtet.Pamë për këto 10 vite shumë cirkusiada dhe cirkuzantë .Pamë skena të turpit , pamë skena jo civilizuese , pamë akuza dhe kundër akuza të kuvendarëve ,të cilat veprime bien ndesh më interesat e qytetarëve të Kosovës.Të gjitha qeveritë e deritashme punuan pa program afatgjatë zhvillimor, që është jashtë qdo logjike afatgjate të shtetndërtimit.Kjo klasë politike nuk po ka mundësi të ballafaqohet më temat e mëdha politike si Demarkacioni, “Zajednica”, dhe forimimi I ushtrisë së Kosovës.Kjo po ndodhë edhe për faktin së kjo elitë politike janë të pa zotët për ta përfundur fazën e tranzicionit, së nuk I takojnë kohës bashkohore .Nuk kemi arsim të avansuar, nuk arritem që shëndetësinë ta shkëputim nga keqpërdorimet e mëdha e të vogla, nuk kemi administratë stabile të shtetit…Është mbushur aparati shtetëror më militantë partiak dhe familjarë pa kriter profesional .Dhe, natyrisht së më këso struktura shtetërore nuk kemi mundësi të ecjës tonë përpara, dhe as inkuadrim në Evropën e Bashkuar.Qytetarët kan mbetur të izoluar si në geto, kurse pushtetarët po I gëzojnë të gjithë privilegjet .Qytetarët e Kosovës sikur nuk janë mësuar të jetojnë jetë të mirë dhe luksoze. Pushtetet e deritashme ofruan më shumë premitime boshe.As nuk kemi punësime , as nuk kemi biznese korrekte …Grupët e caktuara politike dhe grupët e caktuara të biznesit kan përvetësuar qdo vlerë shoqërore.Dalja nga kjo situatë natyrisht së nuk bëhët më shkop magjik.Kërkohet futja në funksion të te gjithë mekanizmave shoqërorë dhe i potencialeve njerëzore, resurseve natyrore, si dhe investimeve dhe investitorëve të jashtem, pa të cilët siq e kam potencuar shpesh ,nuk ka mundësi të kapërcimit të krizës ekonomike. Duhet dhënë fund opstrukcioneve të deritashme politike dhe negativiteteve tjera shoqërore .Është shumë më rëndësi që të vijmë deri të ndryshimet pozitive të cilat do ta kishin rritur edhe kualitetin e jetës .Ta bëjmë Kosovën shtëpinë e të gjithëve, jo vetëm të një kategorie shoqërore.Vendi ka mundësi dhe kapacitete për të arritur nivelin mesatar të shteteve te Evropës .Vetëm më duar të pastërta, vetëm pa krim dhe korrupcion mund të llogarisim në prosperitet dhe zhvillim të gjithëmbarshem. Na duhet në këtë pervjetorë të pavarësisë ta kishim një shtet me të përparuar dhe të fortë, një shtet ku funksionin shumë më shumë rendi dhe ligji, dhe një shtet ku do të kishim një vend të punës, dhe një jetë normale…

Dhjetë vjet më parë, më saktësisht një javë para se të rishpallej pavarësia e vendit tonë, në kohën kur në Kosovë ende nuk dihej data e sakt e shpalljes së pavarësisë, derisa isha në një mbledhje me emigrantët në “La Rette Interistituzionale”, këshilltari i komunes Cordignano (Treviso) De Carlo Guido në menyrë publike më drejtohet me fjalët: “nga 17 shkurti harta gjeografike e Evropes do të ndryshon, andaj zoti Zeqa ju përgëzoj për lindjen e shtetit tuaj”! Ishte ky një moment i pa pritur dhe i pa përshkruar i jetës time.
Vetëm një ditë pas shpalljes së pavarësisë, nepër zyrat e qeverisë vërshuan reklamat magjike të deklaratës së pavarësisë, por më një pamje ndryshe nga ajo e djeshmja, tanimë deklarata merr pamjen e një dokumenti “ANTIK”, me një ngjyrë më të vjetëruar se sa Deklarata e pavarësisë së Shqiperisë e 1912-së. Bashk më deklaratën e pavarësisë na u servuan një një pako të vetme flamuri me gjashtë yje dhe himni pa tekst, edhe pse ishte thënë paraprakisht se në kuvend do të shkojnë tri propozimet e zgjedhura për votim!
“Marigona” e flamurit me shumë yje u shpërblye nga qeveria me 10.000 euro, po ashtu edhe kompozitori i himnit pa tekst u shpërblye, por akoma nuk dihet çfarë shpërblimi mori shkruesi i Deklaratës së pavarësisë (i huaj) e sa përkthyesi i saj (vendor), mbase per lexuesin e saj e dimë të gjithë, se ai me ket rast e fitoi “pavdeksinë”!

Një dekadë shtet, 10 vjet zhgënjim

Deri para 17 shkurtit 2008, shqiptarët e Kosovës i mbante shpresa se pavarësimi i vendit do t’u sjell zhvillim ekonomik dhe mirëqënje, hapjen e vendeve të reja tëpunës, përmirësimi i sistemit të drejtësisë, arsimit, shëndetësisë, etj.
Mirëpo, nga viti në vit, shpresat e qytetarëve u zvëniten, u shndërruan në iluzione, shkaku i keqqeverisjes, rritjes së krimit të organizuar, korrupsionit dhe dukurive tjera të shumta negative.
Kështu, Republika e Kosovës nga një shtet për të gjithë qytetarët u kthye në një shtet të pushtetarëve, oligarkëve politik dhe ekonomik, hajdutëve dhe kriminelëve si dhe grupeve të shumta të interesit.
Në shtetin “multietnik” të Kosovës, pas pushtetarëve më të privilegjuarit janë pakicat etnike, në veqanti serbët, pastaj boshnjakët, turqit, romët, ashkalinjët të cilët u sistemun në të gjitha institucionet e vendit, pa përmbushur asnjë kriter profesional, duke filluar nga qeveria, parlamenti, e sidomos FSK-ja, SHPK-ja që janë nga më të populluarat me minoritete, duke diskriminuar kështu popullatën shumicë shqiptare në vend.

Shteti i ri me shumë plagë

Ska dyshim se plagët e shtetit të Kosovës janë të shumta, megjithatë varfëria, papunësia dhe shpërngulja janë plagë të ardhura si pasojë e mungesës së zhvillimit ekonomik, krimit të organizuar dhe korrupsionit nga mungesa e funksionimit të sistemit të drejtësisë, e dështimet në sistemin arsimor, shëndetësor, kulturor,…por mbi të gjitha, strumbullari i gjitha të këqijave është klasa e dështuar politike, e shndërruar në sindromë kancerogjene e shtetit të Kosovës.
Pa largimin total të kësaj klase kancerogjene nga pushteti, pa ndëshkimin e të inkriminuarëve në krime dhe korrupsion, pa depolitizimin e institucioneve të pavarura dhe pa rimëkëmbjen ekonomike të vendit do të ishte iluzive të flitet për ndryshime pozitive, e aq më pak për parandalimin e shpërnguljes së shqiptarëve nga trojet e veta etnike.

Premtimet e harruara

Pas përfundimit të luftës, gjegjësisht të hyrjes së forcave paqëruajtëse në Kosovë, kërkesë e vazhdueshme e presidentit Historik Ibrahim Rugova ishte: njohja formale e shtetit të Kosovës, po ashtu kërkesë e përhershme e tij ishte zhvillimi i demokracisë dhe funksionalizimi i institucineve të shtetit të Kosovës.
Forcat e Armatosura të Republikes së Kosovës (FARK-u) ishte projekt pragmatik i presidentit.
Mirëpo për shkak të shkrirjes së UÇK-es, fillimisht në TMK,( e pastaj në FSK) nga vetë udhëheqësit e saj, nga një forcë mbrojtëse për vendin u shndërrua në një strukturë vigjilente e uniformuar. Kështu edhe tani pas afro 19 vjetësh nga çlirimi i vendit dhe pas 10 vjetësh nga ri-shpallja e Pavarësisë, e vetmja forcë reale e mbrojtjes së shtetit tonë ka mbetur KFORI e askush tjetër.
Për 10 vjet rresht, pushtetarët nuk arritën të realizojnë premtimin para qytetarëve për bërjen e shtetit me ushtri, së fundmi futja e Qeverisë së Kosovës në varësi të listës “Srpska” na largon akoma më tepër nga ai qëllim!

Vrapuan pas meritave, ikin nga përgjegjësitë e dështimeve

Ata të cilët para 10 vjetësh shtyheshin me bërryla për të marrë meritat për pavarësimin e vendit, tani duhet të jenë të gatshëm t’i pranojnë edhe pergjegjësitë për dështimet në qeverisjen e vendit, në veqanti në dështimin e qëllimshëm të sistemit të drejtësisë .
Qeveria e Kosovës në 10 vjetorin e pavarësisë në vend të rezultateve, siq duhej të ishin: zhvillimi ekonomik, hapja e vendeve të reja të punës, luftimi i korrupsionit e krimit të organizuar, furnizimi me energji 24 orë në ditë, furnizimi me ujë të pijes e shumë e shumë gjëra tjera elementare për jetën e qytetarëve,…e vetma gjë me të cilën mund të mburren pushtetarët është reklamimi i përditshëm për dhjetë vjet më radhë i një himni pa tekst dhe flamurit lara-lara pa ndjenja kombëtare në televizionin (politik) publik të Kosovës (RTK)!
Në këtë përvjetor jubilar të shtetit të Kosovës, Qeveria mund të “mburret” edhe me diçka tjetër, është Qeveria më megalomane jo vetëm në rajon, por edhe më gjerë me kabinetin qeveritar: me një kryeministër, 5 zv.kryeministra, 22 ministra, 70 zv.ministra e qindra këshilltarë e asistent të tjerë ka në ato ministri. Mbase më këta numra do t’ja kishin lakmi edhe shtetet më të zhvilluara të botës.
17 shkurti i vitit 2008, nuk është as më pak e as më shumë se një akt i njohjes formale të pavarësisë së Kosovës. Kjo ngjarje nuk është produkt i kësaj klase politike, por është projekt i faktorit ndërkombëtar.
Meritat për këtë gjysëm liri e pak pavarësi që e gëzojmë sot i takojnë popullit, dhe jo vetëm një gjenerate por disa brezave që nga Lidhja Shqiptare e Prizrenit e këndej.
Shteti i Kosovës për shqiptarët e Kosovës ekziston që nga Deklarata për Pavarësi e 2 korrikut e vitit 1990, njohja e së cilës u bë realitet me 17 shkurt 2008-të.
Në çdo përvjetor të shtetit të Kosovës, qytetarët duhet të kthejnë kujtesën e tyre në vitet e krenarisë kombëtare, të rezistencës së gjatë paqësore dhe përiudhës së lavdishme të luftës çlirimtare, për të kujtuar dhe nderuar gjakun e dëshmorëve të lirisë tonë.

Kënga e kthyer në vajë

Ne shqiptaret jemi i vetmi popull në rruzullin tokësor i cili vepron kunder vetëvetës, kundër ligjeve të natyrës, duke i kënduar tradhtisë në vend që t’i këndoj trimërisë dhe lavdisë kombëtare.
Për këto 19 vjet iu këndua dhe vazhdohet t’u këndohet hajdutëve dhe kriminelëve që u pasuruan duke u thirrur në emrin e vlerave kombëtare, duke u thirruar në emrin e Ibrahim Rugovës e Adem Jasharit, në emrin e UÇK-së dhe gjakut të dëshmorëve të lirisë sonë,…paradoksalisht u këndohet atyre që u pasuruan, u bënë milionerë duke vjedhur e uzurpuar, kush me laps e kush me gjoks, duke lënë në harresë të plotë fatin e popullit dhe të ardhmen e atdheut duke i lënë në harresë të plotë qytetarët e varfër të këtij vendi.
I gjithë ai këndim i gjatë i antivlerave, për këto 10 vjet në shtetin e pavarur, është shndërruar në vajë të qytetarëve, të cilët çdo ditë rënkojnë dhe mallkojnë ata që ua bënë jetën ferr dhe ua thyen të gjitha shpresat për jetë në vendin e tyre.

“Larja” e mëkateve me kauza të rrëjshme

Niveli i ulët moral dhe kombëtar i kastës aktuale politike dhe disa pseudointelektualëve dhe deputetëve të kuvendit, të cilët janë të gatshëm t’ia zgjatin vuajtjet e popullit të tyre deri në pafundësi vetëm e vetëm për t’u munduar për t’u shpëlarë për të bëmat dhe dëmet e shumta që i shkaktuan popullit përgjatë këtyre vjetëve të paspavarësisë.
Kur është fjala tek deputetët të cilët me votën e qytetarëve janë ulur në kolltuqet e kuvendit, nën betimin për të mbrojtur interesat e qytetarëve dhe integritetin territorial të vendit,…në rast të votimit pro variantit të qeverisë së kaluar të demarkacionit, përveq ndjekjes penale nga drejtësia, duhet të ndjeken edhe si qent endacak kudo që ndodhen, brenda dhe jasht kuvendit të Kosovës për kauzat e rrëme me të cilat erdhen në pushtet!
Heqja e një kolonializimi (nga serbia), dhe futja nën një tjetër ( nën tutelën e BE-së), jo vetëm që nuk është pavarësi,…është varësi akoma më e madhe nga e cila vështirë do të dilet!
Mungesa e zhvillimit ekonomik si element i mirëqënjes qytetare, mungesa e ushtrisë si element i mbrojtjes së sovranitetit dhe integritetit territorial të vendit, kapja e tmerrshme e sistemit të drejtësisë nga mafio-oligarkët ekonomik e bëjnë shtetin të varur dhe ndikuar skajshmërisht edhe nga faktorët ndërkombëtar.
Kosovë urime 10 vjetori i njohjes ndërkombëtare të Republikës së Kosovës.
Zoti e bekoftë gjakun e gjakun e derdhur për lirinë e vendit tonë!

Pas deklaratës së përbashkët të dy presidentëve, të Kosovës dhe Malit të Zi për pajtim rreth miratimit dhe korrigjimit të Demarkacionit, dhe konsensusit të partive politike kosovare, ka ardhur reagimi i ambasadorit amerikan në Kosovë, Greag Delawie.

Përmes një postimi në rrjetin social Twitter, Delawie ka thënë se është koha që deputetët të veprojnë dhe ta ratifikojnë marrëveshjen e Demarkacionit.

“Lajme pozitive nga kryetarët e Kosovës dhe Malit të Zi, por tani është koha për veprim, dhe Parlamenti duhet ta ratifikojë marrëveshjen, duke ju treguar qytetarëve të saj, se Qeveria është duke punuar për të ardhmen e tyre”, ka shkruar ambasadori Delawie./Telegrafi

Ismet Beqiri, sekretar i LDK-së, i cili ka marrë pjesë në mbledhjen e liderëve me ambasadorët e vendeve të QUINT-it në zyrën e BE-së në Kosovë, ka thënë se sot ka pasur zhvillime interesante

Sipas tij, sa i përket aneks-marrëveshjes me Malin e Zi për Demarkacionin, është vetëm lojë fjalësh, pasi që marrëveshja është e njëjta.

“LDK-ja ka besuar se kjo marrëveshje ishte në rregull dhe duhej të votohej, po shihet qartë që ka munguar vullneti nga të gjitha anët për këtë punë”, ka thënë Beqiri, raporton Lajmi.net.

Ai tha se po të kishte vullnet më herët kjo çështje do të përfundonte moti.

Beqiri tha se ka munguar vullneti edhe i partnerëve të koalicionit që aso kohe të ratifikohet demarkacioni.

“Tash ëshë hapur si mundësi që të ratifikohet, por ka procedura se kur duhet të mbahet seanca. Ne nuk do të duhej të shkonim në seancë pa sqaruar se a janë votat apo jo. LDK-ja është e gatshme për të votuar”, ka thënë Beqiri.

Kryetari i Kuvendit, Kadri Veseli, ka thënë se po presin që seancën për Demarkacionin ta procedojnë para seancës solemne për nder të dhjetëvjetorit të Pavarësisë.

Kështu ka thënë Veseli pas takimit që kanë pasur liderët partiakë me shefen e zyrës së BE-së në Kosovë, Nataliya Apostolova.

Kryetarja e Lëvizjes Evropiane të serbëve të Kosovës, Rada Trajkoviç ka deklaruar se lideri i Iniciativës Qytetare (SDP) Oliver Ivanoviç, kishte njoftuar edhe Shërbimin Informativ të Serbisë ndryshe i njohur si BIA, për personat nga të cilët i kanosej rreziku.

Siç ka thënë ajo, Ivanoviç brengat e tij ia kishte përcjellë edhe presidentit të Serbisë, Aleksandar Vuçicit, si dhe bashkësisë ndërkombëtare, transmeton Telegrafi.

Ajo këto komente i bëri gjatë një interviste dhënë “Danas”, duke shtuar se për dyshimet që e preokuponin kishte informuar drejtorin e BIA-së Bratisllav Gashicin, Vuçicin dhe bashkësinë ndërkombëtare, dhe e gjithë kjo kishte ndodhur dy apo tri ditë para se të vritej.

“Ne sot nuk kemi asnjë deklaratë, për shembull të presidentit të Serbisë, i cili kishte informacione nga drejtori i BIA-së dhe agjencinë që ai e menaxhon. Në anën tjetër sa i përket gëzhojave të plumbave që janë shumë të rëndësishme për hetimin pasi gjenden gjurmët e gishtave, flet për mungesë serioziteti të hetimit, sa i përket vullnetit që të kapen personat që kanë kryer këtë krim”, ka deklaruar Trajkovic.

Korniza e Investimeve për Ballkanin Perëndimor ka ndarë për Kosovën 38.5 milionë euro për projektin për rehabilitimin e linjës hekurudhore 10 të Kosovës.

Ky projket do të realizohet me mbështetje të Bashkimit Evropian, Bankës Evropiane për Rindërtim dhe Zhvillim dhe Bankës Investive Evropiane.

Marrëveshja për projektin për rehabilitimin e linjës hekurudhore 10 të Kosovës është nënshkruar të enjten ndërmjet Kosovës dhe Bankës Evropiane për Rindërtim dhe Zhvillim, e cila do të zbatoj grantin e Kornizës për Investimeve për Ballkanin Perëndimor.

Projekti hekurudhor 10 i Kosovës është pjesë e rrjetit hekurudhor kryesor të Ballkanit Perëndimor, një zgjerim i Rrjeteve Trans-Evropiane të Transportit, e cila është pjesë e përpjekjeve më të gjera të BE për të promovuar lidhjen e transportit në Ballkanin Perëndimor.

Drejtori i Komisionit Evropian për Fqinjësi dhe Negociata për Zgjerim Christian Danielsson, theksoi se kjo hekurudhë i mundëson Kosovës që të lidhet me vendet fqinje dhe Bashkimin Evropian.

“Kjo hekurudhë lidh Kosovën me vendet fqinje dhe për këtë sot kemi nënshkruar një kontratë qe ka të bëjë më ndërlidhshmërinë e hekurudhës nga Prishtina në jug. Është pjesa e ndërlidhshmërisë me Ballkanin Perëndimor. Në momentin kur kjo linjë të jetë e instaluar do të lejojë lidhje më të mirë dhe mundësi të mira për njerëzit për ti mbajtur kontaktet”.

“Do të bëhet edhe i tërë rindërtimi i korridorit hekurudhor nëpërmjet Kosovës, Bullgarisë dhe Greqisë. E tëra kjo përfshin një program ambicioz për tërë Ballkanin dhe për realizimin e këtij projektikemi dedikuar 1 miliardë euro për këtë qëllim specifik”, theksoi Danielsson.

Ministri i Financave Bedri Hamza tha se financimi i ndërtimit të linjës kryesore hekurudhore, e cila na lidh në të dy drejtimet me Bashkimin Evropian, do të realizohet me mbështetje të Bashkimit Evropian, BERZH-it dhe Bankës Investive Evropiane kapë vlerën prej 195. 5 milion euro dhe do të realizohet në tri faza.

“Faza e parë e projektit pritet të fillojë ndërtimin sivjet përshkon 64 kilometra nga Hani i Elezit deri në Fushë Kosovë. Bashkimi Evropian do të financojë 38.5 milion me donacion, BERZH-i dhe Banka Investive Evropiane me nga 19.2 milion kredi. Ndërsa për Fazën e dytë, e cila përshkon linjën nga Fushë Kosova deri në Mitrovicë me 35 kilometra, nga BE-ja janë ndarë mjete në vlerë prej 17.2 milion euro për punët fizike dhe për këtë do të nënshkruajmë marrëveshje në muajt në vijim”, thotë ministri Hamza.

Ai bëri të ditur se Ministria e Financave bashkë me Ministrinë e Integrimit Evropian dhe Ministritë e linjës përmes Këshillit Kombëtar të Investimeve do të aplikojë për financimin e fazës së tretë, e cila përshkon segmentin prej 42 kilometrave nga Mitrovica deri në kufi me Serbinë.

                Këto ditë në Muzeun Historik (salla “Konstandin Shapataraku”) në Tiranë, Akademia Monarkiste Shqiptare organizoi veprimtarinë “Akademia e Çmimeve”, ku u ndanë çmimet “Mbretëresha Teuta”, “Justiniani i Madh”, Konstandini i Madh”, “Niket Dardani” e “Lekë Dukagjini” për personalitete të shkencës, monarkisë, diplomacisë, historisë, politikës, arsimit e kulturës si dhe për institucione të arsimit, etj.

Çmimi “Justiniani i Madh” iu dha Kolegjit Mbretëror “Iliria” në Prishtinë, me vendimin nr. 17., dt. 17 shkurt 2017, me këtë motivacion: “Ka arritur të jetë një institucion modern, me tradita të larta arsimore kombëtare shqiptare dhe koncepte të vyera bashkëkohore të arsimit e edukimit; duke pasë në qendër të filozofisë e veprimtarisë së tij studentin dhe vetëm studentin; me një imazh e frymë kombëtare dhe perëndimore; me kushte e mundësi të mira, ndërthurje të teorisë me praktikën, etj.; me lartësime të veprimtarisë akademike, rrezaton kontribute e vlera panshqiptare”

            Ky Çmim iu dorëzua nga Konsulli i Përgjthshëm Nderi i Japonisë në Shqipëri, Sh. Tij, z. Avni PONARI.

Me Çmimin “Justinian ii Madh” u nderua dhe prof. dr. Mixhait REÇI, themeluesi e president ii Kolegjit Mbretëror “Iliria” në Prishtinë, me vendimin nr. 16, dt. 17 shkurt 2017, me këtë motivacionin: “Për kontributet e tij në themelimin e drejtimin e Kolegjit Mbretëror “Iliria” në Prishtinë dhe të arsimit universitar shqip në Maqedoni; për frymën e peshën akademike shqiptare e perëndimore në veprimtarinë e tij dhe të universitetit të tij;

Ky Çmim iu dorëzua nga prof. dr. Shefqet HOXHA, Mësues i Popullit.

Akademia Monarkiste Shqiptare, në veprimtarinë e saj “Akademia e Çmimeve” nderoi edhe Mbretëreshën SUZAN e Shqiptarëve (pas vdekjes) me Çmimin  “Mbretëresha Teuta”, z. Avni PONARI – Konsull  i Përgjithshëm Nderi i Japonisë në Shqipëri dhe dr. Muhamet MALO me Çmimin “Justiniani i Madh”; Kolonel, dr. Dritan DEMIRAJ – ish ministër i Brendshëm i Shqipërisë; historianin e koleksionistin Shpëtim SALA e monarkistin e legalistin e njohur Daut MEHMETI me Çmimin “Konstandini i Madh”, studiuesin, teologun e shkrimtarin Hasan SELIMI me Çmimin “Lekë DUKAGJINI”;  prof. dr. Bajram XHAFA – kryetar i Senatit të Akademisë Monarkiste Shqiptare dhe studiuesin, gazetarin e përkthyesin e njohur Guxim ALIMANI me Çmimin “Niket Dardani”.

__________

Foto 1: – Konsulli i Përgjithshëm Nderi i Japonisë në Shqipëri, Sh. Tij,  Avni PONARI (në të majtë) duke i dorëzuar Çmimin “Justiniani i Madh” Kolegjit Mbretëror “Iliria”.

Foto 2: – Prof. dr. Shefqet HOXHA, Mësues i Popullit (në të djathtë) duke i dorëzuar Çmimin “Justiniani i Madh”  prof. dr. Mixhait REÇIT.

Presidenti i Kosovës, Hashim Thaçi e ka cilësuar Gjykatën Speciale si “padrejtësi historike” dhe ka thënë se qeveria e ka pranuar atë pa dëshirë si “çmim për lirinë e saj”.

Në një intervistë për Associated Press, pak ditë para shënimit të 10-vjetorit të pavarësisë së Kosovës, presidenti ka kritikuar gjykatën me seli në Holandë, duke thënë se e njëjta është e ngjashme me krijimin e ndonjë gjykate që do të gjykonte hebrenjtë që janë përndjekur nga nazistët në Luftën e Dytë Botërore.

“Kosova ka luftuar për të mbrojtur ekzistencën e kombit dhe nuk ka sulmuar askënd. Nuk kemi asgjë për të fshehur, ka thënë ai.

Ambasadori amerikan në Kosovë, Greg Delawie ka thënë sot se gjykata e ka synim sigurimin e drejtësisë për viktimat.

“Po fjete në një shtrat me fëmijë, në mëngjes zgjohesh i lagur” (popullore)”.
Bazuar nga kjo thënje popullore, ata që qendruan për afro shtat vite në qeverisje me kapësit dhe rrënuesit e shtetit nuk kanë të drejt të flasin për pastërtinë e tyre politike.
Të flesh për shtat vjet në shtratin e korrupsionit dhe krimit të organizuar dhe të flasësh për moral politik, përveqse hipokrizi politike është edhe dyfytyrësi njerëzore.
Ata që para çdo lidhje të kurores qeverisëse me uzurpatorët e shtetit premtonin ndryshimin e simboleve shtetërore (flamurin dardan) dhe zbardhjen e vrasjes së veprimtarëve të LDK-së, me ardhjen në pushtet i harruan të gjitha, e harruan gjakun e bashkëpartiakëve dhe premtimin e dhënë para elektoratit rugovian.
Përgjatë qeverisjes së vendit të mbash në duar dy ministritë kyqe; Ministrinë e Drejtësisë dhe atë të Punëve të Brendshme, së fundmi edhe kryeministrinë dhe të mos arrish asnjë rezultat në zbardhjen vrasjeve të veprimtarëve më të devotshëm të LDK-së dhe çështjes kombëtare, është turp dhe tradhti ndaj elektoratit, me voten e të cilit u akomoduan në majat e pushtetit.
Paturpësia bëhet akoma më e madhe, kur menjëherë pas humbjes së pushtetit, ju kërkohet llogari pushtetarëve të rinjë (vjetër) për zbardhjen e vrasjeve të veprimtarëve të LDK-së!
Kjo përveqse debolencës, paraqet mungesën e guximit për të kërkuar të vërtetën, si e drejtë legjitime dhe e pakontestuar nga ligjet e shtetit dhe universit.
Shembullin më të mirë se si kërkohet e vërteta dhe zbulohen prapaskenat e urdhërdhënësve të vrasjeve të pasluftës, lexuesve të këtij shkrimi do ua ilustroj me një shëmbull personal.
“Me 23 qershor 2013, në një aktivitet tradicional multietnik në Giavera del Montello (TV)-Itali ndodhi një akt i sulmit fizik ndaj flamurit dardan, të vendosur nga ana ime në tenden e përbashkët shqiptare në këtë aktivitet.
Përveqse e pengova ekzekutorin e këtij akti monstruoz në heqjen e flamurit dardan, e detyrova aty për aty të bëjë edhe kërkimfaljen. Mirëpo për mua mbeti mister i pazbuluar kush ishte urdhërdhënësi!?
Meqënse dyshimet e bazuara i kisha të një person i vetëm, megjithatë ishin edhe disa elemente që e bënin të paqartë situatën. Për të mos u zgjatur shumë rreth kësaj historie të gjatë, më është dashur punë intenzive dhe bashkëpunim (kundër dëshires time) me ekzekutorin (sulmuesin e flamurit) derisa e kam sjell në pozitë që të thotë me gojen vet emrin e urdhërdhënësit. Ky ishte edhe momenti që shënon fundin e bashkëpunimit me ekzekutorin.
Edhe pse shumë nga shqiptarët në Provincën e Trevizos e më gjërë e dinë emrin e këtij urdhërdhënsi dhe ekzekutorit për heqjen e flamurit dradan në këtë aktivitet multietnik, kësaj radhe nuk do e bëjë publik emrin e urdhërdhënësit dhe as ekzekutorit”.
Kur rrahagjoksët e rugovizmit në LDK ta zbardhin vetëm njërin nga qindra e mijëra raste të sulmeve dhe vrasjeve të veprimtarëve të LDK-së, atëherë edhe unë do t’i bëjë publik emrat e këtyre dy krimbave të vegjël.
Le të shërbej ky shembull imi personal për rrahagjoksët e frymës rugoviane në LDK , se për të ardhur deri tek e vërteta nuk është punë aspak e lehtë, por nuk është edhe e pamundur!
Me vullnet, përkushtim, guxim qytetar dhe respekt ndaj bashkëpuntorëve dhe besnikëri ndaj filozofisë politike në të cilen thirresh dhe merr obligime para elektoratit nuk duhet heshtur dhe as pushuar për asnjë çast deri në çuarjen në vend të premtimit të dhënë para vetëvetes apo të tjerëve.
Mbetët i pajustifikueshëm fakti, pse rrahagjoksët e rugovizmit, për 10 vjet në shtetin e pavarur, shtatë prej tyre në qeverisjen e vendit nuk arriten të zbulojnë asnjë rast të vetëm të vrasjeve të veprimtarëve të LDK-së, gjegjësisht bashkëpuntorëve të ngusht të tyre!
Kjo po e vërteton faktin, se këta rrahagjokësët e frymës rugoviane, pushtetin e shfrytëzuan vetëm për interesat e tyre personale, asnjëherë nuk u moren me problemet e qytetarëve, e më së paku me zbardhjen e vrasjes së bashkëpartiakëve të tyre.
Fjalëve dhe hipokrizisë politike më nuk ju beson askush, rugovizmi mbrohet me vepra e jo me fjalë!

Bartësi kryesor i idesë së ndarjes së Kosovës është Hashim Thaçi, konsideron politikania serbe nga Kosova, Rada Trajkoviç, e cila “nuk mendon” se autoritetet në Beograd “nuk janë në njëfarë marrëveshjeje me Thaçin”, dhe pohon se Beogradi “është një prej mbështetësve kryesorë” të Thaçit dhe Kadri Veselit, shkruan sot Koha Ditore

Në një deklarim për agjencinë FoNet, Trajkoviq ka thënë se “kjo strukturë, e cila është vendosur në Kosovë, është mbajtur direkt pikërisht në marrëveshje me Beogradin dhe Listën Serbe”.

“Këtë e kemi parë gjatë zgjedhjes së presidentit Hashim Thaçi me ndihmën e serbëve”, ka vlerësuar Trajkoviq, dhe këtë e ka ilustruar duke thënë se “për zgjedhjen e kryetarit të Kuvendit të Kosovës, Kadri Veseli, ka qenë vendimtar roli i Listës Serbe”.

• 

  Zijadin Gashi

  Zijadin Gashi, i lindur më 1973 në Prishtinë. Me gazetari ka filluar të merret që nga viti 1997, duke u angazhuar fillimisht nëpër mediat lokale. Si korrespondent i Radios Evropa e Lirë punon që nga maji i vitit 2001. Kryesisht ka mbuluar aktualitetin politik në Kosovë.

  Nga 1 shkurti 2016, është emëruar shef i Byrosë së Radios Evropa e Lirë, në Prishtinë. Ai është i martuar dhe ka 3 fëmijë.

  [email protected]

Dy policët e Kosovës, të arrestuar tri ditë më parë, nën dyshimin për manipulim provash gjatë procesit hetimor rreth vdekjes së Oliver Ivanoviçit, të hënën janë lënë të lirë
Gjykata Themelore në Mitrovicë, me gjithë kërkesën e Prokurorisë për t’i dërguar në paraburgim, ka vlerësuar se nuk ka bazë të mjaftueshme për t’i dërguar në burg.

“Koha Ditore” ka mësuar se bëhet fjalë për dy policët e komunitetit serb, Zharko Jankoviq dhe Dragisha Markoviq. Ata dyshohet se një gëzhojë plumbi e kanë larguar nga vendi i ngjarjes dhe nuk e kanë dorëzuar bashkë me provat e tjera. Po ashtu, dyshohet se nuk e kanë ruajtur vendin e ngjarjes në ditën kur është vrarë Ivanoviqi.

Vendimin e Gjykatës për lirimin e policëve nuk e ka mirëpritur Prokuroria. Ajo, pos që e ka vlerësuar si vendim të papritur, ka paralajmëruar se të martën do të bëjë ankesë pranë Gjykatës…

Oliver Ivanoviç lindi më 1 prill 1953 në fshatin Rznic afër Deçanit. Ai mbaroi shkollën fillore dhe inxhinierike mekanike në Mitrovicë. Ishte pionier i Akademisë Ushtarake në Zagreb, por u largua pas tre vjetësh. Ai u diplomua nga Fakulteti i Inxhinierisë Mekanike në Mitrovicë dhe u diplomua nga Fakulteti i Ekonomisë në Prishtinë.

Ka punuar në kompaninë transportuese të Mitrovicës “TransKosovo”, në fabrikën e pllakave qeramike të Mozaikut dhe në zyrën e Hepokut në Mostar. Prej vitit 1991 deri në 1998 ai ishte kreu i qendrës sportive në Mitrovicë. Ai shërbeu si zëvendësdrejtor i përgjithshëm i kompanisë “Feronikel” nga Glogovac deri në 2004, kur u bë drejtor i Shërbimit Kombëtar të Punësimit për Kosovë dhe Metohi.

Kur u formua Këshilli Kombëtar Serb në vitin 1999, Ivanoviq u bë kryetar i Komitetit Ekzekutiv të tij për veriun e Kosovës. Prej atij vendi ai u zëvendësua në vitin 2001. Kur qeveritë e RFJ-së dhe të Serbisë formuan Qendrën Koordinuese për Kosovën dhe Metohinë, të emëruar si shef i Shërbimit për Zhvillim Ekonomik dhe Rindërtim. Që nga viti 2008, ai ishte sekretar i shtetit në Ministrinë e Kosovës dhe Metohisë. Ai ishte anëtar i Partisë Social Demokratike që nuk ekziston më. Ai ishte një instruktor dhe një arbitër ndërkombëtar karate. Ai ishte kryetar i klubit të karatesë “Trepça”.
Ai ishte i martuar dhe babai i tre djemve.

Gjykata Themelore e Mitrovicës pak minuta më parë ka liruar dy policët e Kosovës, të cilët u arrestuan dy ditë më parë nën dyshimin se kanë manipuluar provat rreth vrasjes së Oliver Ivanoviçit.

Lajmin e ka bërë të ditur kryeprokurori i Prokurorisë Themelore në Mitrovicë, Shyqri Syla, njofton koha.net.

Prokuroria, sot në mëngjes ka kërkuar nga Gjykata, që t`u caktojë një muaj paraburgim të dyshuarve.

Dy policët janë Zarko Jankoviq dhe Dragica Markoviq.

Ata dyshohet se një gëzhojë e kanë larguar nga vendi i ngjarjes dhe nuk e kanë dorëzuar bashkë me provat e tjera.

Të dielën, Gazeta Express ka raportuar se dy policët janë suspenduar nga detyra.

“Policia e Kosovës i ka suspenduar dy policët që janë arrestuar mbrëmë për shkak se kishin prishur provat e vrasjes së Oliver Ivanoviqit’, ka njoftuar policia.

Politikani i serbëve të Kosovës dhe kryetari i Nismës Qytetare “Liri, Demokraci, Drejtësi” Oliver Ivanoviq.

Pritja e organizuar për presidentin slloven në Prishtinë

Kosova duhet t’i respektojë marrëveshjet ndërkombëtare me Serbinë dhe Malin e Zi, ka deklaruar sot në Prishtinë, presidenti i Sllovenisë, Borut Pahor. Këto komente, Pahor i ka bërë gjatë një konference të përbashkët me presidentin e Kosovës, Hashim Thaçi.

Gjatë vizitës në Prishtinë, Pahor është pritur nga presidenti Thaçi me ceremoni shtetërore. Kurse pas takimit të mbajtur, ai tha se pret që institucionet e Kosovës t’i zbatojnë obligimet ndërkombëtare që kanë marrë, qoftë me marrëveshjet e arritura me Serbinë në Bruksel apo atë me Malin e Zi për shënjimin e vijës kufitare.

Pahor tha se Sllovenia si një prej vendeve anëtare të BE-së, vazhdimisht kërkon që pesë vendet anëtare të Bashkimit Evropian, të cilat nuk e kanë njohur Kosovën, ta bëjnë këtë së shpejti.

Ndërkaq, presidenti i Kosovës, Hashim Thaçi deklaroi se aktualisht po punohet në zbatimin e të gjitha marrëveshjeve të arritura në Bruksel, me Serbinë.

“Gjatë këtij viti të arrijmë marrëveshjen përfundimtare mes dy vendeve si parakusht për integrime evropiane. Do të vazhdojmë luftën tonë kundër ekstremizmit”, ka thënë Thaçi.

Ndërkaë çështjen e demarkacionit me Malin e Zi, e cilësoi si një sfidë që duhet përmbyllur.

“Sfidat do t`i kalojmë. Kosova ka pritur pak më tepër qartësi, por Kosova do t`i kryejë obligimet e veta sa i përket demarkacionit, jemi duke punuar intensivisht në këtë drejtim, si dhe për formimin e Asociacionit të Komunave Serbe. Mbështetja sllovene është jetike”, theksoi Thaçi.

Të martën, presidenti Pahor pritet t’i drejtohet me një fjalim Kuvendit të Kosovës.

Lëvizja Vetëvendosje duhet të vijë në pushtet sepse populli i Kosovës është zhgënjyer nga qeverisjet e deritanishme. Kështu tha kryetari i Lëvizjes Vetëvendosje, Albin Kurti, gjatë mbledhjes së 32-të të Këshillit të Përgjithshëm.

Ai tha se është mirë që muajt shkurt, mars dhe prill të shpallen muaj të anëtarësimeve të reja në Lëvizjen Vetëvendosje. Prej marsit deri në korrik do të duhej të organizoheshin zgjedhjet në qendrat kryesore të Lëvizjes.

Sipas Kurtit, detyrë e Lëvizjes së Vetëvendosjes është vendosja e Kosovës në binarët e zhvillimit dhe forcimit dhe për këtë është e rëndësishme që të qeverisë VV-ja.

“Rritja dhe zgjerimi i organizatës, emancipimi dhe ngritja e aktivistëve, sidomos e të rinjve, lufta ndaj diskriminimit, forcimi i qendrave, rritja e bashkëpunimit me sindikata, shoqëri civile, medie, promovimi i figurave me aftësi profesionale e politike, të gjitha këto do të jenë prioritet për Lëvizjen tonë”, tha Kurti, raporton Ekonomia Online.

Në fund Kurti u bëri thirrje vartësve të tij që të jenë të palodhshëm në mënyrë që t’i realizojnë pritjet e qytetarëve.

“Duhet të jemi të palodhur që t’u përgjigjemi nevojave të qytetarëve, duhet të jemi të kujdesshëm që të mos e zhgënjejmë asnjërin prej tyre”, tha Kurti.

Në pjesën e dytë të mbledhjes, e cila do të mbahet pa prezencën e mediave, këshilli do të diskutojë për raportin e shpenzimeve për zgjedhjet lokale, planbuxhetin për vitin 2018 si dhe çështjet e organizimit dhe të funksionimit të brendshëm.

Askush në Presidencë s’ka folur se ku është sot Hashim Thaçi. Vetëm kanë konfirmuar se nesër do të jetë në Kosovë për ta takuar Presidentin slloven, Borut Pahor. Burime të Express kanë thënë se Presidenti ndodhet në Bruksel, duke folur për ndarjen e Kosovës.

Hashim Thaçi, sipas burimeve të Gazetës Express, sot ndodhet në Bruksel. Atje ka shkuar për të folur për ndarjen e Kosovës.

Zyrtarisht në Presidencë kanë thënë se Thaçi do të jetë në Kosovë të hënën për shkak të takimit që ka me Presidentin e Sllovenisë, Borut Pahor.

Ndërkohë, burime të Express kanë thënë se Shefi i Shtetit ka mbërritur në Bruksel në përpjekje për të vazhduar nismën e tij për ndarjen e Kosovës.

Idenë për negociata për ndarjen e Kosovës e kanë përkrahur edhe Kryeministri i Shqipërisë Edi Rama dhe Kryediplomati grek Nikos Kotzias. Në këtë pazar është përfshirë edhe lideri i partisë më të madhe shqiptare në Maqedoni, Bashkimit Demokratik për Integrim, Ali Ahmeti.

Ndërkohë, në Presidencë kanë thënë se në këtë fazë ideja e shkëmbimit të territoreve është spekulim.

Në anën tjetër, në Qeveri kanë thënë se as në këtë fazë dhe as në faza tjera s’do të ketë skenar për ndarjen dhe shkëmbimin e territorit të Kosovës.

Zyrtarë të Presidencës së Kosovës kishin thënë se në këtë fazë është spekulim çdo ide që çon në shkëmbim të territoreve me Serbinë. Por, nuk kishin mohuar nisjen e bisedave joformale me palën serbe për këtë ide.

Sidoqoftë, Bekim Çollaku ka thënë se marrëveshja historike me Serbinë duhet t’i garantojë Kosovë anëtarësim në OKB dhe integrim euro-atlantik.

Ndërkohë, gazetari Berat Buzhala ka shkruar se Hashim Thaçi, Edi Rama dhe Ali Ahmeti kanë biseduar për ndryshimin e kufijve në Ballkan. Ka sqaruar se një skenar i tillë do të vlejë vetëm për ndryshimin e kufijve të Kosovës, por jo edhe të vendeve tjera ballkanike.

“Presidenti Thaçi, Kryeministri Rama dhe Kryetari i BDI’se Ali Ahmeti, kane biseduar ne Tirane për ndarjen e Kosovës, per vizatimin e kufijve ne Ballkan, e per idiotesi te tilla te ngjashme. Nje gjë e tille, nje skenar i tille, nuk do te ndryshoje kufijte a as nje shteti, perveç kufijve te Kosovës”, ka shkruar Buzhala, në një postim në Fb, duke cituar edhe Zëvendëskryeministrin e Austrisë, Heinz-Christian Strache, i cili ka propozuar një autonomi për Veriun e Kosovës.

Express ka raportuar të premten mbrëma se klasa udhëheqëse në Kosovë, nën orkestrimin e Presidentit Hashim Thaçi, pasi dështoi ta zhbëjë Tribunalin Special, e ka filluar një aventure të re, po aq të rrezikshme, po ashtu të dyshimtë: ndarjen e Kosovës me Republikën e Serbisë. Kuptohet, kjo ide fillimisht do të provohet të kontrabandohet në opinion, si këmbim i territoreve.

Edhe Ish-Ministri i Punëve të Jashtme, Skender Hyseni, ka thënë se ndryshimi i kufijve s’mund të bëhet pa tragjedi dhe humbje të jetëve të njerëzve. Ka thënë se ndryshimi i kufijve apo shkëmbimi i territoreve pashmangshëm sjell edhe luftëra të reja dhe po propozohet nga aventurierë politikë.

Sipas profesorit të UP’së, Milazim Krasniqi,nuk do të ketë shkëmbim paqësor territoresh, por do të ketë vetëm vetëm skenar sirian, me Rusinë si arbitër kryesor.

Në të njëjtën frymë, pra për të njëjtin skenar për ndarje dhe shkëmbim territoreresh, është shprehur ditë më parë edhe Aleksander Vulin, Ministër i Mbrojtjes së Serbisë.  Ai ka thënë se dialogu Kosovë-Serbi, “nuk është duke dhënë rezultate, andaj duhet të kërkohet një marrëveshje për ndarjen e Kosovës”.

Ndërkombëtarët besojnë se në këtë lojë është i përfshirë edhe Kryeministri Edi Rama, duke shfrytëzuar kontaktet e tij direkte me Presidentin serb Aleksandar Vuçiq. Një gjë e tillë, një komunikim i tillë, direkt me Tiranën vazhdimisht ka qenë edhe pjesë e strategjisë serbe. Edhe gjatë kohës kur në Serbi ka qanë në pushtet Sllobodan Millosheviqi ka ekzistuar ideja që për Kosovën të bisedohet vetëm me Shqipërinë – kuptohet për ta ndarë Kosovën.

Kosova dhe Serbia kanë mbajtur tri raunde bisedimesh prej vitit 1999. Në kohën e luftës ishte organizuar Konferenca e Rambouillesë për marrëveshje ndërmjet Kosovës dhe Serbisë. Dokumenti ishte nënshkruar vetëm prej palës kosovare, derisa serbët kishin refuzuar duke i hapur kështu rrugë bombardimit 78 ditor të NATO’s mbi caqet ushtarake e policore serbe.

Pas luftës kishte nisur edhe një proces negociator, ku ishte caktuar Vjena si vend ku takoheshin kosovarët dhe serbët. Marti Ahtisaari ishte caktuar ndërmjetës kryesor duke propozuar pavarësi të mbikëqyrur për Kosovën.

Një proces i tretë dialogues ndërmjet Kosovës dhe Serbisë ka nisur në vitin 2010 me ndërmjetësim të Brukselit dhe mbikëqyrje të SHBA’së. Ende nuk ka një rezultat final prej këtij procesi./Gazeta Express/