VOAL

VOAL

78 ditët e çlirimit

March 24, 2019
blank

Komentet

blank

78-vjeçari në ëndërr-makthet tuaja – Nga Andi Bejtja

Burri 78-vjeçar, Sali Berisha, skena e ringritjes pas grushtit halabak të porositur, do jetë përnatë në ëndërr-makthet e atyre që e kanë porositur.

Babai 78-vjeçar, Sali Berisha, do jetë përnatë në ëndërr-makthet e fëmijëve të atyre që e kanë porositur.

Politikani Sali Berisha do jetë përnatë në ëndërr-makthet tuaja: -të atyre politikanëve që duan t’ia marrin partinë me gjykatë,

-të atyre gjykatësve që po tentojnë të bëjnë të njëjtën gjë,

-të atyre politikanëve që nuk e lënë të flasë më shumë se dy minuta në parlament,

-të atyre pronarësh mediash e gazetarësh bashkë, që gati-gati e nxorën një të ashtuquajturën vërtetim mjekësor të agresorit para se të godiste me grusht,

-të atyre policëve me uniformë e pa uniformë që vazhdojnë e gënjejnë e gënjejnë,

-të atyre diplomatëve që për interesat e tyre personale nuk e kanë për gjë të grisin e të fundosin dhe atë pak demokraci në Shqipëri.

Burri 78-vjeçar që ngrihet fill pas grushtit të porositur, do prishë me dhjetëra, qindra gjumëra përnatë, për një kohë të gjatë, do jetë makth për ata që e porositën dhe ata dhjetëra qindra që po i shërbejnë porositësve, por në të njëjtën kohë do jetë dhe minimumi një buzëqeshje e pavetëdijshme në gjumë, për ata që nuk e kanë vendosur akoma të ikin nga ky vend.

Burri 78-vjeçar që ngrihet fill pas një grushti të porositur, sot nuk është as më pak e as më shumë po fiks 20 vjeç.syri.net

blank

VIDEO/ Televizionet gjermane: Sali Berisha nuk ndalet, mban fjalim edhe pse me lëndime të dukshme

Lajmi për sulmin e dhunshëm mbi kreun e opozitës shqiptare, Sali Berisha, ka eklipsuar totalisht samitin e Bashkimit Europian në Tiranë.

Televizionet gjermane raportojnë se Berisha u sulmua gjatë një demonstrate antiqeveritare.

Rrjeti televiziv N-TV raporton se Berisha nuk u ndal pavarësisht sulmit, por mbajti fjalimin në protestë.

“Një person iu afrua dhe e goditi me grusht në fytyrë 78-vjeçarin. Por kjo nuk e pengoi politikanin të mbajë një fjalim më pas- me lëndime të dukshme,” raporton N-TV.

Kurse rrjeti Euroneës në gjermanisht raporton se Berisha u sulmua fizikisht gjatë një demonstrate antiqeveritare pranë vendit ku mbahej samiti i BE-së.

Rrjeti thekson se opozita po protestonte kundër korrupsionit, kostove të larta të jetesës dhe eksodit masiv të rinisë shqiptare. syri.net

blank

VIDEO/ Rrjeti amerikan CBS: Lideri i opozitës shqiptare sulmohet gjatë protestës antiqeveritare

Edhe një nga rrjetet më të mëdha televizive amerikane, CBS News, raporton se kreu i opozitës shqiptare, Sali Berisha u sulmua gjatë një proteste antiqeveritare.

“Lideri 78-vjeçar i Partisë Demokratike të opozitës shqiptare u godit me grusht në fytyrë të martën gjatë një proteste antiqeveritare në kryeqytetin e vendit, tregon një video.

Sali Berisha, ish-president dhe ish-kryeministri i Shqipërisë, po drejtonte protestuesit drejt një samiti të liderëve botëror në Tiranë, kur një person shpërtheu papritur mes turmës dhe e goditi me grusht në fytyrë. Videoja e incidentit tregon se personi u neutralizua dhe u godit me shpejtësi. Berisha u fotografua më pas me një sy të zi”.

“Berisha po drejtonte një turmë që po protestonte për korrupsionin e dyshuar të kryeministrit Edi Rama, të cilin shumë e fajësojnë për një rritje të madhe të kostos së jetesës në vend, sipas Associated Press.

Në një deklaratë, policia shqiptare tha se sulmi ishte i paprecedentë dhe totalisht i dënueshëm. Sipas Associated Press, ata thanë gjithashtu se i dyshuari kishte precedentë penalë për dhunë dhe trafik droge.

Pas sulmit, Berisha bëri një deklaratë duke pretenduar se personi që e sulmoi është një agjent i policisë kriminale. Por policia tha se i dyshuari 31-vjeçar Gert Shehu nuk ka qenë asnjëherë agjent i policisë kriminale apo asnjë strukture të Policisë së Shtetit dhe nuk është përdorur kurrë si i infiltruar apo burim informacioni”.

blank

VIDEO- I shpenguar duke ecur rrugës pas daljes nga xhamia, lëvizjet e fundit të 31-vjeçarit para sulmit ndaj Berishës

Gerti Shehu, 31 vjeç është arrestuar nga policia pak minuta pas sulmit ditën e djeshme ndaj kreut të PD-së Sali Berisha. Shehu goditi me grusht liderin e opozitës sapo kishte nisur protesta dhe ai iu bashkua qytetarëve duke marshuar nga selia e PD drejt Bulevardit.

Një sulm i beftë, i papritur duke shmangur të gjithë truprojat e kreut të PD që i shkaktoi lëndime në fytyrë kreut të PD-së.

Pas arrestimit për Shehun u tha se vuante nga çrregullime mendore. Teksa siç shihet në pamjet e siguruara nga gazetarja Klodiana Lala për “BalkanWeb” ai shihet teksa ecën i shpenguar në rrugë, pa ndonjë shenjë dalluese për probleme të shëndetit mendor.

Ky është momenti kur ai del nga xhamia te Ura e Tabakëve dhe më pas vijon rrugën për nga selia e PD-së, aty ku priti dhe finalizoi sulmin.

blank

Media që raporton për BE: Tensione politike në Shqipëri! Lideri i opozitës, Sali Berisha goditet me grusht!

Media që raporton mbi çështjet politike të Bashkimit Europian, Politico.eu i ka kushtuar një hapësirë të konsiderueshme protestës së opozitës në Bulevardin ‘Dëshmorët e Kombit’ dhe ngjarjen e rëndë të goditjes me grusht të kryetarit të PD, Sali Berisha. 

Politico.eu raporton se lideri i opozitës, ish-kryeministër dhe ish-president u dhunua në protestë nga një 31-vjeçar që u ndalua nga policia.

“Në shenjë tensionesh politike brenda vendit, në qendër të Tiranës u zhvillua një protestë anti-qeveritare pranë vendit ku po mblidheshin liderët. Grumbullimi nën valëvitjen e flamujve të BE-së të vendosura për samitin u shndërrua në dhunë kur Sali Berisha, lideri i opozitës dhe ish-presidenti dhe kryeministri, u godit me grusht. Një i dyshuar 31-vjeçar është shoqëruar nga policia“, shkruan Politico.eu, teksa pasqyron edhe Samitin e BE me vendet e Ballkanit Perëndimor që u mbajt në Tiranë.

blank

Ngjarja e rëndë në Bulevardin Dëshmorët e Kombit gjatë protestës së opozitës, ku Sali Berisha u godit me grusht në fytyrë nga një person i identifikuar si agjent i policisë kriminale, Gerti Shehu, mori vëmendjen e mediave kryesore të planetit.

Nga Europa në SHBA dhe më gjerë, mediat kanë raportuar atentatin ndaj liderit të opozitës. syri.net

blank

A ishte atentati ndaj Berishës krim shtetëror! – Nga Romir Saraçi

Atentati i sotëm ndaj liderit të opozitës Sali Berisha, duket se ka pasur një skenar të mirëorganizuar, por që dështoi në finalizim, fal maturisë së treguar nga organizatorët e kësaj proteste. Pas ndjelljes së vazhdueshme të dhunës nga ana e kryeministrit dhe ministrave, duket se akti final i provokimit ishte planifikuar pikërisht në momentin kulminant të kësaj proteste, kur liderët opozitarë po i bashkoheshin turmës në perimetrin e sigurisë.

Por le t’i shohim me radhë detajet, se si aktet e këtij skenari po zbatoheshin hap pas hapi. 31 vjeçari Gerti Shehu kreu sulmin në orën 12. 22 minuta dhe për rreth 20 minuta u mbajt i shoqëruar në selinë e Partisë Demokratike, ku u mor nga forcat e policisë dhe ambulanca për tu transportuar në Spitalin e Traumës. Teksa mjekët ende nuk kishin arritur të merrnin gjeneralitetet e tij, në mediat pranë qeverisë del emri i tij. Vetëm 40 minuta pas sulmit, kur edhe mjekët apo efektivët që kryen shoqërimin nuk kishin arritur të mësonin emrin e agresorit, në media publikohet vërtetimi se autori kishte probleme mendore.

Për të gjithë ata që kanë njohurinë më minimale të procedurës, është e paimagjinushme se si ky “drejtues konfidencial policie” në harkun e 30 minutave, arriti që të nxjerrë nga arshiva dosjen e Gerti Shehut, ta analizojë dhe me devotshmërinë e tij të informimin e publikut, mendoj t’ua shpërndante konfidencialisht disa gazetarëve. Jo, kjo nuk ka ndodhur! SPAK duhet të hetojë urgjentisht këtë drejtues policie, pasi nëpërmjet tij do të arrihet te porositësi i atentatit. Dokumenti, ishte i planifikuar që më herët të shpërndahej kur momenti të vinte.

Drejtuesi i Parë i Policisë Muhamet Rrumbullaku, në një konferencë për shtyp deklaroi se dokumenti u është servirur nga familjarët. Rrumbullaku ose gënjeu me qëllim publikisht, ose ka rënë pre e mashtrimit nga vartësit e tij. Gazetari i Syri TV ka shkuar në banesën e Gerti Shehut, në Rrugën e Elbasanit, në të njëjtën kohë me patrullën e policisë. Nëna e tij, ndodhej ende në banesë dhe jo që nuk u dha dokument efektivëve të policisë, por edhe lajmin e mori vesh afro 30 minuta pasi “Drejtuesi konfidencial i policisë” e kishte shpërndarë.

Dokumentet faktojnë se e shkuara e Gerti Shehut nuk ka qenë ajo e një shpërndarsi picash, i cili problemeve i shpëtonte si me magji. Si një person me precedent në fushën e narkotikëve, në muajin gusht ai del para Gjykatës për plagosje, por befas akuzat sfumohen si me magji, e Gerti Shehu lirohet brenda pak ditëve. Edhe për këtë rast, u përdor sërish i njëjti dokument, që “drejtuesi konfidencial i policisë” u shpërndau gazetarëve sapo Gerti Shehu po transportohej nga selia e PD-së për në Spitaline Traumës. Për të mos folur më pas për lidhjet e tij shoqërore, me eksponentë pranë së majtës apo edhe figura publike, të cilat kanë shfaqur një gjuhë urrejte të tejskajshme kundër Sali Berishës.
Dyshimet shtohen edhe për lirshmërinë e veprimit të këtij personazhi pranë perimetrit të sigurisë apo mes protestuesve! Protokolli i Policisë së Shtetit dhe SHISH parashikon që në rast protestash apo turmash, të ketë agjent të infiltruar. Duke parë rëndësinë e kësaj proteste dhe zhvillimi i saj në ditën, që në Tiranë kishin mbërritur liderët e Europës, numri i agjentëve në terren ishte edhe më i lartë.

Si ka mundësi, që ky kontigjent kriminal, me rrezikshmëri të lartë shoqërore, përdorues droge, e me probleme psikike, siç policia pretendon, qarkullon lirshëm pranë agjentëve të Policisë, liderëve të opozitës, deputëteve të Kuvendit të Shqipërisë dhe një ish-Presidenti. Kemi parë skena lebetitëse, se si të rinjtë merreshin zvarrë në protesta nga këta agjentë civil, pse thyenin një stol në protestat e shkuara, e këto forca të shtuara në këtë tubim, nuk dalluan personin që vetem 3 muaj më parë e kishin arrestuar e më pas liruar për plagosje? Po agjencitë inteligjente, çfarë masash apo informacionesh kishin për këtë protestë, që po zhvillohej pranë liderëvë të Europës?

Kujtojmë që pak vite më parë, një atentat i inskenuar ndaj ish-kreut të PD-së Lulzim Basha shkaktoi alarm tek SHISH e Policia e Shtetit, të cilat morën masa ekstreme duke shtuar edhe numrin e gardistëve pranë tij. Po në këtë rast, kur siguria duhet të ishte më e lartë edhe për shkak të Samitit, çfarë ndodhi me këto agjenci?

Qershia mbi tortë, ishte ajo që dijnë të bëjnë më mirë, propaganda! Informacione lum pranë mediave proqeveritare, por kulmin e arriti një uebsit i financuar drejtepërsëdrejti nga korrupsioni qeveritar. Ky uebsit, vetem 60 minuta pas sulmit, pubikoi një dëshmi të pretenduar qe Gerti Shehu e kishte dhënë para OPGJ-ve. Ndërkohë që mjekët ende nuk ua kishin vënë në dispozicion oficerëve ta merrnin në pyetje Gerti Shehun, ky uebsit publikon një artikull, ku pretendohej se Gerti Shehu e kishte kryer sulmin në shenjë hakmarrje, për ngjarjen e Gërdecit.

Por e vërteta është se Gerti Shehu, të paktën deri në orët e darkës, ka deklaruar vetëm gjeneralitetet, ka kërkuar një avokat dhe ka ironizuar Oficerët se kur e pyesin se çfarë pune bën, po e pyesin për punën e krahut, apo duan përgjigje për punë tjetër. Duket se këtu komanduesi ka çeduar pak, pasi dëshmia u publikua ende pa dal nga goja e Gerti Shehut. Pasi ky artikull u kopjua me shpejtësi nga uebsite të tjera nën dirigjimin e Endri Fugës, autori mori përsipër të publikojë detaje të tjera, për lidhjet e supozuara familjare.

E në mbrëmje e mbylli me një artikull mëshirues për varfërinë ku ndodhej familja e Gerti Shehut!

Ndaj SPAK, siç mësyn tek mediat që denoncojnë patronzhistët apo aferat e Inceneratorëve, të paktën në këtë rast ka detyrimin të vërë në rreshtin hetimor “Drejtuesit konfidencial të Policisë”, “gazetarët ekskluzivë të Endri Fugës” e nëpërmjet tyre, të shkojë tek porositësi i këtij atentati, që dështoi të shtynte protestuesit drejt dhunës së ndjëllë nga Edi Rama dhe enturazhi i tij.

blank

Sot na goditën në fytyrë të gjithë neve që nuk i nënshtrohemi këtij regjimi – Nga Kim Mehmeti

 

Në Tiranë u mbajt Samitit i BE-së për Ballkanin Perëndimor. Dhe ata që kanë sy mund të shihnin se liderët evropianë nuk vijnë në Ballkan që të na bëjnë si vetvetja, por që të shohin pse jemi ndryshe nga ata. Pra që të shohim se, për shembull, Shqipëria ka një kryeministër që u jargavitet të huajve, por që është mizor ndaj popullit të vet dhe, që do i jepte jetët tona për t’i mbrojtur të huajt, për dallim nga liderët evropianë që nuk do jepnin asnjë kok të popullit të vet as për qindra koka ballkanase.

Krahas mbajtjes së këtij samiti, në Tiranë u organizuan edhe protestat opozitare që kishin për qëllim të shpalosnin fytyrën e vërtetë të regjimit të ‘Rilindjes’. Thuajse liderët evropian nuk e dinë se cili është kryeministri i Shqipërisë dhe presidenti i Serbisë. Pra thuajse Evropa e mirinformuar nuk e di se njëri e kriminalizoi Shqipërinë e tjetri Serbinë, dhe të dy ata nuk i bashkon ‘Ballkani i Hapur’, por krimi i mbyllur brenda vendeve të tyre.

Dhe duke e ditur këtë, shumë nga liderët evropian besojnë se regjimin e ‘Rilindjes’ nga ai serb e dallon vetëm ajo se atë të Tiranës e përbëjnë hajdutë paqedashës, e atë të Beogradit hajna luftënxitës. Dhe si të tillë, ata s’kanë si mos jenë bashkëpunues mes veti, madje edhe shumë ‘properëndimorë’ dhe në një mendje lidhur me të ardhmen e Kosovës. Siç nuk kanë si mos jenë të dëgjueshëm e ‘konstruktivë’ ndaj Brukselit.

Ndërkohë, para se të niste protesta e opozitës, u përgjak fytyra e liderit opozitar. Pra e goditën kryetarin e PD-së, me çka na goditën në fytyrë të gjithë neve që e kritikojmë këtë regjim. Dhe ky grusht që përgjaku fytyrën e mendimit kritik, së bashku me shpërthimet që rrënojnë hotelet e kundërshtarëve politikë të këtij regjimi, na e përcjellin kanosjen e kryeministrit të Shqipërisë se ashtu siç e mposhti Shqipërinë dhe popullin shqiptar, do na mposht edhe të gjithë neve që nuk i nënshtrohemi.

Sa shumë gabon dhe sa çmendurak që është!

Sidoqoftë Samiti mbaroi. Morën fund edhe protestat e opozitës. Dhe ata që kishin sy mund të shihnin pse Shqipëria nuk mund të bëhet si e gjithë Evropa; sepse ka burrështetas që janë ‘properëndimorë’, por që nuk janë aspak proshqiptarë. Dhe se për dallim nga kryeministri i Shqipërisë që si palaço u gjunjëzohet burrështetasve të huaj, liderët evropian i ‘jargaviten’ vetëm popullit të vet që i voton.

Por duke qenë Shqipëria vend i ‘spektakleve’ dhe debateve televizive, edhe ky Samit mbase nuk do sjellë asgjë me shumë se sa intervista të shumta të kryeministrit të Shqipërisë dhe  grindje publike mes të paguarve të ‘pavarur’ për ta mbuluar të vërtetën se sa më jargavitës bëhet kryeministri i Shqipërisë ndaj të huajve, aq më i egër bëhet mëmëdheu ndaj shqiptarëve. Pra që mos shihet se Shqipëria nuk bëhet si e gjithë Evropa ngaqë atë e drejtojnë burrështetas që janë shumë ‘properëndimorë’, por aspak pro shqiptarë.

blank

Gazeta BILD denoncon lobimet e Ramës, lajmi për sulmin ndaj Berishës bëhet më i lexuari në Gjermani

Gazeta më e madhe gjermane, BILD, publikoi një shkrim të gazetarit të njohur, Peter Tiede, për sulmin ndaj kreut të opozitës shqiptare, Sali Berisha.

Tiede shkruan se Berisha u sulmua nga një bandit, ndërkohë që Tiranën po e vizitonin liderët e BE-së, mes tyre edhe kancelari gjerman, Olaf Scholz.

Por gazeta BILD e vë theksin edhe tek pasojat e lobimit të Edi Ramës, që janë denoncuar vazhdimisht nga opozita shqiptare. Sipas Tiede, edhe pse Shqipëria është një narkoshtet nën drejtimin e Ramës, koalicioni i majtë qeverisës kërkon që ai të anëtarësohet në BE.

“Vendi ballkanik konsiderohet një shtet mafioz dhe narko-shtet, dhe dëshiron të anëtarësohet në BE. Sipas koalicionit qeverisës në Gjermani, kjo gjë duhet lejuar,” shkruan gazeta.

Por efektet e lobimit të Ramës janë të shtrira edhe te CDU e djathtë në Gjermani. Tiede shkruan se Rama ka kontakte të ngushta edhe me deputetë të rinj të kësaj partie.

“Berisha e konsideron Ramën përgjegjës, ndër të tjera, për faktin se Shqipëria tashmë konsiderohet një nga qendrat më të rëndësishme të trafikut të drogës në Europë. Përveç kësaj, Berisha akuzon Ramën se socialistët blejnë vota në zgjedhje me ndihmën e mafies. Rama, i cili ka kontakte të ngushta edhe me deputetë të rinj të CDU-së në Gjermani, e mohon këtë,” shkruan gazeta.

Bie në sy edhe një fakt, se lajmi për sulmin ndaj Berishës është ndër më të lexuarit në këtë gazetë, e cila ka jo vetëm tirazhin më të madh në print, por edhe numrin më të lartë të lexuesve online.

Pavarësisht se në Gjermani ka zhvillime të bujshme sot, pasi është zbuluar një komplot për grusht shteti, sërish lajmi për Berishën është në listën e më të klikuarve. syri.net

blank

BILD: Shqipëria, një shtet në kaos- Berisha: Është koha që BE të kuptojë sa i rrezikshëm është Rama

Nga Peter Tiede, BILD

Shqipëria është një nga vendet me problemet më të mëdha në Europë. Tani regjistrohet edhe një tjetër skandal i rëndë!

Vendi ballkanik konsiderohet një shtet mafioz dhe narko-shtet, dhe dëshiron të anëtarësohet në BE. Sipas koalicionit qeverisës në Gjermani, kjo gjë duhet lejuar.

Samiti i djeshëm i Ballkanit Perëndimor në kryeqytetin shqiptar të Tiranës, trajtoi anëtarësimin në BE të shteteve si Shqipëria, Kosova, Maqedonia e Veriut dhe Serbia. I pranishëm gjithashtu ishte edhe kancelari Olaf Scholz, 64-vjeçari i Socialdemokratëve.

Dhunë mbi liderin e opozitës

Kreu i opozitës shqiptare, Sali Berisha, 78-vjeçari i Partisë Demokratike, drejtoi një demonstratë në vendin e takimit. Papritur dhe në mënyrë të befasishme, presidenti i parë i zgjedhur lirisht në Shqipëri, u sulmua nga një bandit dhe u godit në fytyrë. Menjëherë truprojat reaguan ndaj agresorit duke e goditur. Berisha pësoi një mavijosje në fytyrë dhe ishte dukshëm i befasuar nga sulmi.

Demonstrata, tha Berisha për BILD vonë në mbrëmje, ishte e drejtuar kundër qeverisë së kryeministrit Edi Rama dhe bëri thirrje për një perspektivë të vërtetë dhe të ndershme evropiane për Shqipërinë.

Për BILD, Berisha tha: “Nuk ishte vetëm një sulm ndaj meje, por ndaj gjithë opozitës në Shqipëri. Vështirë se mund të jetë rastësi që të dërgohet një bandit kundër meje, ndërsa kancelari gjerman po takohej me kreun e qeverisë sonë mafioze në Tiranë. Është koha që BE të kuptojë sa i rrezikshëm është Edi Rama”. Berisha më herët pretendoi se agresori ishte një informator i njohur i policisë kriminale.

Për vite me radhë, Berisha, i cili e udhëhoqi vendin e tij nga komunizmi shqiptar i epokës së gurit në vitin 1990 dhe u bë presidenti i parë jokomunist i vendit në vitin 1992, ka pasur përplasje me socialistin Rama. Në Shqipëri ka vazhdimisht protesta të dhunshme.

Politikanët janë armiq prej vitesh

Berisha dhe Rama vazhdojnë të akuzojnë njëri-tjetrin për korrupsion. Berisha e konsideron Ramën përgjegjës, ndër të tjera, për faktin se Shqipëria tashmë konsiderohet një nga qendrat më të rëndësishme të trafikut të drogës në Europë. Përveç kësaj, Berisha akuzon Ramën se socialistët blejnë vota në zgjedhje me ndihmën e mafies. Rama, i cili ka kontakte të ngushta edhe me deputetë të rinj të CDU-së në Gjermani, e mohon këtë.

Rama e zëvendësoi Berishën si kryeministër në vitin 2013, pasi ai mbante postin e kryeministrit që nga viti 2005. Deri në vitin 2013, ai kishte qenë në krye të Partisë Demokratike konservatore.

Pas një disfate elektorale nga socialistët e Ramës, Berisha dha dorëheqjen nga drejtimi i partisë. Në maj të këtij viti ai u rikthye në drejtimin e partisë, pasi rrëzoi pasaardhësin e tij dhe nxënësin politike, Lulzim Basha. Basha konsiderohej nga Berisha dhe të tjerë demokratë me ndikim se ishte shumë pro-qeveritar.

Berisha vazhdon të akuzojë Ramën se ai ka ndikuar që ai të jetë në listën e zezë të SHBA.

Organizata për Sigurinë dhe Bashkëpunimin në Europë- OSBE, vërteton vazhdimisht se Shqipëria ka probleme serioze në zgjedhje, në luftën kundër korrupsionit dhe demokratizimin. Ekspertët kryesorë të Ballkanit, si shefi i politikës së jashtme për një kohë të gjatë në Parlamentin Europian, Elmar Brok i CDU, kanë paralajmëruar prej vitesh kundër anëtarësimit të plotë të Shqipërisë në BE. syri.net

blank

Gazeta më e madhe gjermane, BILD: Në narko-shtetin shqiptar, shefi i opozitës goditet gjatë vizitës së Scholz

Gazeta më e madhe gjermane, BILD, raporton për skandalin e rëndë të goditjes së kreut të opozitës, Sali Berisha.

“Shqipëria është një nga vendet me problemet më të mëdha në Europë. Tani regjistrohet edhe një tjetër skandal i rëndë!

Vendi ballkanik konsiderohet një shtet mafioz dhe narko-shtet, dhe dëshiron të anëtarësohet në BE. Sipas koalicionit qeverisës në Gjermani, kjo gjë duhet lejuar.

Samiti i djeshëm i Ballkanit Perëndimor në kryeqytetin shqiptar të Tiranës, trajtoi anëtarësimin në BE të shteteve si Shqipëria, Kosova, Maqedonia e Veriut dhe Serbia. I pranishëm gjithashtu ishte edhe kancelari Olaf Scholz, 64-vjeçari i Socialdemokratëve,” shkruan gazeta.

“Kreu i opozitës shqiptare, Sali Berisha, 78-vjeçari i Partisë Demokratike, drejtoi një demonstratë në vendin e takimit. Papritur dhe në mënyrë të befasishme, presidenti i parë i zgjedhur lirisht në Shqipëri, u sulmua nga një bandit dhe u godit në fytyrë. Menjëherë truprojat reaguan ndaj agresorit duke e goditur. Berisha pësoi një mavijosje në fytyrë dhe ishte dukshëm i befasuar nga sulmi,” shkruan gazeta.

Demonstrata, tha Berisha për BILD vonë në mbrëmje, ishte e drejtuar kundër qeverisë së kryeministrit Edi Rama dhe bëri thirrje për një perspektivë të vërtetë dhe të ndershme evropiane për Shqipërinë. syri.net

blank

Gëzohem dhe jam krenar me fitoret dhe me  vlerat shqiptare! – Nga Prof.Dr. Mehdi HYSENI

Barometri kombëtar

 

 

Këtë të drejtë nuk mund të ma ndalojë asnjë gjyq në botë, qoftë edhe Nexhmedin Spahiu me Serbinë, që për hater të saj, bashkëkombësit krenarë të Xherdan Shaqirit dhe të Granit Xhakës, me paturpësinë dhe me paditurinë më të madhe i quajti të “nivelit më të ulët të nacionalizmit” !?

Ndërkaq, ata (si N.Spahiu), që nuk ndihen mirë dhe  krenarë me Shaqirin dhe me Xhakën vetëm pse janë shqiptarë, mund të krenohen me Gjokoviqin dhe me Xhajiqin, por atë mund t’ua ndalojnë Vuçiqi dhe Daçi, të cilët UÇK-në dhe shqiptarët po i quajnë “terroristë”, jo “nacionalistë primitivë” të Nexhmedin Spahiut.

*** Nexhmedin Spahiu: “ Ne po mburremi me Xherdan Shaqirin e me Granit Xhakën vetëm pse janë të gjakut tonë, vetëm pse janë shqiptarë. Ky është niveli më i ulët i nacionalizmit” !? (Shih në: 🔴 Politiko – Futbolli dhe nacionalizmi – 05.12.2022 ).

-Ani, çka, ku është problemi këtu, ku po të dhemb, ty ?!”

-Pak po i duket që me “kombin kosovar” e helmoi florën dhe faunën e KOMBIT SHQIPTAR, po tash paska dalë me një parullë të re etiketuese krejtësisht fashiste, se gjoja shqiptarët si komb, as nuk guxojnë të “gëzohen” dhe të “krenohen” me vlerat e veta kombëtare siç janë sportistët e shquar Xherdan Shaqiri dhe Granit Xhaka, sepse kjo dashuri dhe krenri qenka me primesa të “NIVELIT MË TË ULËT TË NACIONALIZMIT” !?

O tempora o mores !

–     Domethënë, pse ne gëzohemi dhe mburremi  me sukseset dhe me fitoret qoftë  në sport(Xherdan Shaqiri, Granit Xhaka etj.), në muzikë (Rita Ora dhe Dua Lipa), në shkencë, në art etj., sipas “kaledioskopit” antikombëtar, antietik dhe antishkencor  të N.Spahiut,  “qenkemi nacionalistë të nivelit më të ulët” !? -Çfarë mjerimi intelektual dhe kombëtar shqiptar ?!

Kjo është parullë nacionalsocialiste, që mohon të drejtat dhe liritë e njejriut, që të shprehet dhe të veprojë lirshëm kudo në botë, sepse askush nuk e gëzon të drejtën, që ta kufizojë lirinë e shfaqjes së dashurisë dhe të respektit ndaj bashkëkombësve tua.

Kjo frazë etiketuese politiko-propagandistike e N. Spahiut s’ka lidhje me përkufizimin e nocionit “nacionalizëm”, por thjesht ka karakter fashistoid dhe antikombëtar shqiptar, që apelon për t’i diskredituar dhe njollosur  botërisht shqiptarët, se gjoja për shkak të gëzimit dhe të krenarisë së tyre ndaj Xherdan Shaqirit dhe Granit Xhakës, na “qenkanë nacionalistë të nivelit më të ulët” !!???

– Ky është etiketim fashist dhe neofashist, që njollos dhe vë në pikëpyetje naconalizmin kombëtar dhe  paqësor shqiptar, duke qenë se shqiptarët kurrënjeherë në historinë e tyre të derisotme nuk janë shërbyer me kurrfaë “nacionalizmi të nivelit më të ulët” (siç është shprehur kozmopoliti N. Spahiu), as të nivelit agresiv, shfarosës dhe barbar sllavobizantin ballkanik,  i cili edhe në vitet ’90 të shekullit XX, kulmoi në gjenocid ndaj shqiptarëve në Kosovë (1989-1999), që u mori jetën mbi “11.800” shqiptarëve të pafajshëm vetëm pse ishin shqiptarë, dhe vetëm pse deshën lirinë dhe pavarësinë e Kosovës shqiptare.

Neve na bëjnë krenarë dhe të gëzohemi vetëm shqiptarët, jo pushtuesit serbë, sepse ka kush të krenohet me ta, jo shqiptarët-viktima shumëshekullore të gjenocidit të tyre (1912-1999).

-Çudi, të dalë  një shqiptar ta “fus ferrën në këmbë të shëndoshë” si thotë populli, ta akuzojë dhe ta shpifë vetveten se “është nacionalist primitiv” vetëm pse gëzohet dhe krenohet me Xherdan Shaqirin dhe me Granit Xhakën se janë shqiptarë, kjo është idiotike, e trishtueshme, e shemtuar, anticivilizuese, tejet skandaloze dhe absurde, që i ngjet formimit të Gjykatës Speciale të Hagës nga vetëliderët politikë shqiptarë të UÇK-së.

 

Unë qesh, kur të më qeshet mua, jo kur gënjenjnë, shpifin dhe diktojnë fashistët dhe larot e tyre!

 

–Po, gëzimin dhe mburrjen e bashkëkombësve shqiptarë për Xherdan Shaqirin dhe Granit Xhakën…etj., N. Spahiu nuk ka asnjë të drejtë morale, as ligjore, as kushtetuese e as juridike humanitare ndërkombëtare, t’i shpifë, t’i ofendojë, t’i etiketojë dhe t’i akuzojë ( në emër të “bashkim-vëllazërimit” dhe të “kombit kosovar”, ashtu siç veproi presidenti Aleksandër Vuçiq, Ivica Daçiq…, dhe Serbia), gjoja  si “nacionalistë të ulët”, pse gëzohen dhe solidarizohen me fitoret e tyre në ekipet dhe në reprezentacionet evropiane dhe botërore. Këtë të drejtë morale, ligjore dhe legjitime, nuk ka  N.Spahi e as “trabantë” të tij, që mund ta mohojnë, ta shpërfytyrojnë dhe ta “shpërdredhin”, për t’ia bërë qejfin nacionalizmit shovinist agresiv dhe gjenocidal serb dhe serbomëdhenjve kudo të jenë ata. Ky është akti më primitiv njerëzor, që e ka shprehur N. Spahiu në “Politiko” të datës 5 dhjetor 2022 në Prishtinë. Turp, padituri, naivitet, injorancë dhe antikombëtarizëm, ta quash kombin tënd “nacionalist primitiv” vetëm pse ligjërisht dhe me fytyrë të bardhë, pa lënduar dhe, pa e poshtëruar asnjë njeri në botë, u gëzua dhe u krenua botërisht me fitoren e Xhakës dhe të Shaqirit, që ia sollën Reprezentacionit Futbollistik të Zvicrës.

Fundja, kjo është çështje private e  N.Spahiut dhe e bashkëmendimtarëve të tij, se si e ndiejnë veten  për kë anojnë, gëzohen, hidhërohen apo mburren ata. Mirëpo, nuk kanë asnjë të drejtë të shpërpallen në RTV-të shqiptare, të ofendojnë, të shpifin, të moralizojnë, të dezinformojnë dhe të akuzojnë askë nga shqiptarët, që u gëzuan dhe u krenuan për fitoren e Reprezentacionit të Fudbollit të Zvicrës, i cili me 3:2 e mundi Serbinë në Kampionatin Botëror të Fudbollit në Katar(2022).

Kjo fitore e Zvicrës ishte meritë e golit të Xherdan Shaqirit dhe të lojës  cilësore të tij dhe të Granit Xhakës për çka bashkëkombësit e tyre shqiptarë anembanë Shqipërisë Etnike dhe në Diasporë, u gëzuam dhe u krenuam pa masë dhe me plot arsye, po ofenduar dhe pa poshtëruar asnjeri në botë.

Ky gëzim dhe kjo mburrje nuk mund të cilësohen as si “racizëm” e as si “nacionalizëm primitiv”, ashtu siç u shpreh Nexhmedin Spahiu në emisionin “Politika dhe Sporti” të “Poilitikos”, më 5 dhjetor 2020, por është ideal, patriotizëm, solidarësi, ndjenjë e çiltër shpirtërore, respekt, mirënjohje dhe dashuri ndaj  sukseseve dhe të arrirave të tyre  në fushën e futbollit ndërkombëtar ( qoftë në Evropë

blank

‘Homeland Justice’: Personi që goditi Berishën rezulton në disa databaza të policisë

Hakerat iranianë kanë paralajmëruar publikimin e dokumenteve për 31-vjeçarin Gert Shehu. Ata thonë se në ditët në vijim do të nxjerrin të dhënat ku Shehu del në disa databaza të policisë.

Kryetari i PD, Sali Berisha, tha në një deklaratë për mediat pas sulmit se Gert Shehu është agjent i infiltruar i policisë.

Shehu qëlloi ish-kryeministrin me grusht teksa ku i fundi marshtonte nga selia e PD drejt bulevardit “Dëshmorët e Kombit”.

Ish-kryeministri Sali Berisha pësoi plagë në fyytyrë ndërkohë që agresori u neutralizua nga personat pranë Berishës. syri.net

blank


Send this to a friend