VOAL

VOAL

Please Wait ...
0%

Vidhen dosjet e pronave në Vlorë- Hajduti hyn nga dritarja, rrëmben dosjen e ‘Dhërmiut’ dhe ik nga dera

By | October 12, 2021
blank

Komentet

blank

Basha shkarkon Luan Baçin nga kryetar i PD në Fier, komandon një të dënuar në Itali

Pas Flamur Nokës të cilin e shkarkoi nga nënkryetar i Komisionit të Sigurisë, Lulzim Basha ka ndëshkuar edhe Luan Baçin pasi ky i fundit u rreshtua në krah të ‘Foltores’ së ish-kryeministrit Sali Berisha.

Qëndrimet e shprehura publikisht nga Baçi nuk i kanë pëlqyer Bashës dhe sot ka firmosur largimin e tij nga kryetar dege në Fier.

Në vend të Luan Baçit, Lulzim Basha ka komanduar Agron Kapllanajn, ky i fundit një i dënuar me dy vite burg në Itali për vjedhje, e cila verifikohet edhe në formularin e dekriminalizimit që sjell Syri.net.

blank

Lulzim Basha e di fare mirë sepse është njohur me skedën e Kapllanajt që në krye të herës kur emri i tij kaloi për verifikim te Njësia e Dekriminalizimit pranë Prokurorisë, por vendimi i sotëm krejtësisht i pamoralshëm mund të përkthehet lehtësisht si shenjë hakmarrje ndaj Baçit, duke iu vënë demokratëve të Fierit në qafë një ish të dënuar nga Gjykata e Firences për vjedhje.  

Kujtojmë se Luan Baçi ka dalë në krah të ish-kryeministrit Sali Berisha, i cili aktualisht është duke bërë një “tur” të “Foltoreve” nëpër Shqipëri me synimin për t’i kthyer sovranitetin, siç është shprehur ai, Partisë Demokratike.

Në “Foltoren” e Fierit ka qenë i pranishëm edhe Baçi, ndërsa edhe nga qëndrimet politike, ka qenë në krah të ish-kryeministrit Berisha.

***

Shkarkimi i Luan Baçit dhe komandimi i Agron Kapllanajt në krye të degës së PD në Fier, ka sjellë reagimet e para.

Ibrahim Morina, ish-kryetar i degës së PD në Fier shkruan në rrjetet sociale se kjo nuk pritej nga Lulzim Basha.

Morina poston në Facebook formularin e vetëdeklarimit të Kapllanajt i cili rezulton i dënuar në Itali për vjedhje.

‘Ende nuk më ka dalë zemërimi pas këtij lajmi. Jo vetëm kaq, por jam i sigurt se sikurse unë edhe ish-kryetarët e tjerë të kësaj dege ndjehen të fyer dhe të poshtëruar sepse Lulzim Basha vendosi sot shenjën e barazimit, mes nesh dhe një të dënuari ordinerë, me burg, në Itali’, shkruan Morina.

Reagimi i plotë
EDHE KËTË E BËRË O LULZIM BASHA…?!
Një lajm, në dukje periferik, qarkulloi sot nëpër portale… “Lulzim Basha komandon në krye të degës së PD-së së Fierit, Agron Kapllanaj”. Çudia pas këtij lajmi bëhet edhe më e madhe, kur mëson se “Agron Kapllanaj, do të mbajë këtë detyrë deri në strukturimin e kësaj dege”.
Ende nuk më ka dalë zemërimi pas këtij lajmi. Jo vetëm kaq, por jam i sigurt se sikurse unë edhe ish-kryetarët e tjerë të kësaj dege ndjehen të fyer dhe të poshtëruar sepse Lulzim Basha vendosi sot shenjën e barazimit, mes nesh dhe një të dënuari ordinerë, me burg, në Itali.
Edhe këtë e bërë o Lulzim Basha…?!
Çfarë të ka mbetur ti bësh më shumë asaj dege të PD-së…?!
Në qoftë se ky ishte më “i miri” për strukturimin e PD në Fier, kur imagjinoj ata pas tij më vjen të ulëri dhe t’ju bëj thirrje gjithë demokratëve të Fierit, “mos lejoni që Lulzim Basha të kënaqë oreksin e tij duke shijuar opozitën bashkë me frutat që i vjelë asaj. Ajo degë ka emra pambarim, të cilët jo vetëm mund të bëjnë strukturimin e saj, por edhe të sigurojnë një rezultat shumë më dinjitoz në zgjedhje. Ndal tentativës së revanshit të Lulzim Bashës me të dënuar ordinerë si Agron Kapllanaj”…

blank

Shqipëria “vendi i mrekullive” pa sindikata Nga Alba Kepi

Në foto majtas Kryeministri shqiptar, djathtas kryeministri italian, e ne krah te tij ministri i brendshem shqiptar. TIRANE Viti 2014.
Vizita e KM italian Matteo Renzi e nje video selfi TV plot gaz, me nje perqafim per te gjithe.
Suksesi i kesaj video qe ndoshta pikenisja e asaj qe me vone do te shfaqej si ER TV.
Ne kete takim vemendja ishte perqendruar e gjitha tek sipermarresit italiane te modes e kepuceve, qe ftoheshin te investojne ne Shqiperi si vendi i “mrekullive” pa sindikata.
Krah te fryre, gishta e duar te deformuara nga gersheret e makinerite, artrite, osteoporozi, semundje profesionale, reumatizem, etj etj, jane pasojat që vuajnë qindra vajza e gra shqiptare qe punojne ne fabrikat e kepueceve italiane ne Shqiperi.
Kush kerkon nje pozicion me te lehte pune brenda fabrikes e certifikuar nga mjeku, apo kush semuret per kohe te gjate, te vetme zgjidhje ka te largohet nga puna ose te rikthehet ku ishte me pare.
Grupi Tod’s eshte numri 1 i kepuceve made in Italy. Faturon 637 milione euro ne vit e ne gjashte muajt e pare te 2021 ka shenuar nje rritje me 55%. Kontrollon 55 kompani, 51 prej te cilave prodhojne jashte Italise e shume prej tyre ne Shqiperi , ne periferite e Tiranes, Durresit, Shkodres…
blank
blank
blank
Fabrikat me punetore shqiptare montoje kepuce e sandale, Tod’s e Hogan per llogari te kompanive italiane e italo-shqiptare.
Cmimi mesatar i nje pale kepuceve Hogan eshte 300-1500 euro e rroga e nje punetoreje shqiptare rreth 230 euro ne muaj ose 280 mije leke.
Po ashtu ndodh dhe ne fabrikat e tjera me punetore shqiptare qe prodhojne artikuj per Luis Wuitton, Zara, LIU Jo e marka te tjera lluksoze te industrise se kepuceve dhe modes.
Por jo vetem kaq!
Ne SHQIPERI gjen dhe fabrika me punetore shqiptare qe qepin veshje e uniforme per Guardia di Finanza, Karabinieret, Operatoret shendetesore, spitale publike etj,
Kompanite italiane fitojne tendera nga institucionet shteterore italiane e per te kursyer e fituar me shume, kontraktojne nje pale te trete, ne nje fabrike shqiptare qe i realizon punen per llogari te tyre.
1 bluze karabinieri paguhet 1euro e 90 cent, nje felpe e finances 4..5 euro, 6 euro nje xhakete e operatorit shendetesor te rajonit te Sicilise, por dhe carcafe per spitale publike, veshje , uniforma,… produkte te nenpaguara e shume larg kostos europiane.
Shteti italian me tenderat qe jep per kompanite italiane, furnizohet nga artikuj te realizuar ne Shqiperi, me nje kosto pune ne nivelin e kontentinentit aziatik, pra shume larg limiteve qe duhen respektuar ne Europe e nga punonjes te pa mbrojtura nga perfaqesuesit e tyre sindikaliste.
Grupe e organizata sindikaliste jane te paekzistueshme ne Shqiperi, ashtu sic krenohej 7 vite para kryeministri shqiptar. E sektori tekstil eshte i pare ne eksportin vendss, me 70% te produkteve te realizuara ne Shqiperi e me destiancion Italine.
E neser ne mengjes, ashtu si sot dhe dje, me dhjetra furgone do vazhdojne te transportojne me mijera vajza e gra shqiptare per te nisur diten e punes se nje muaji qe paguhet 230 euro, page qe nuk arrin as cmimin e nje pale kepuceve te markave per te cilet punojne.
*Frymezuar nga “Guraleci ne kepuce”, RAI Tre, reportazhi i injoruar nga mediat shqiptare./Presadiretta Il sassolino nella scarpa – 18/10/2021
blank

Sali Berisha: Ne nderim te dy miqve te medhenj! sb

Me rastin e ndarjes nga jeta të ish Sekretarit të Shtetit Colin Powell, ish presidenti dhe ish kryeministri i Shqipërisë Sali Berisha sjell në rrjetin social një foto ku ka dalë me ish Presidentin George W. H.Bush dhe z.Powell  me shënimin: Ne nderim te dy miqve te medhenj! sb

 

blank

 

blank

Zbulohet në Shqipëri cisterna më e madhe dhe më e bukur e Ballkanit antik, i përket shekullit III para Krishtit

Arkeologu i njohur, Neritan Ceka, zbulon një projekt të Institutit të Arkeologjisë, që vijon prej tre vitesh.

Për gazetaren e News24 dhe BalkanWeb, Fatmira Nikolla, arkeologu Ceka thekson se bëhet fjalë për një projekt në Bylys, që po zbulon një cisternë uji, e cila rezervonte ujërat e shkallares së stadiumit të shekullit të tretë para Krishtit.

Siç thekson arkeologu, cisterna është e gjatë 50 metra dhe e thellë 8 metra dhe mbulohej nga një sistem harqesh. Sipas Cekës, kjo është cisterna më e madhe dhe më e bukur e Ballkanit antik të asaj periudhe, duke përfshirë edhe Greqinë.

Vetë arkeologu Neritan Ceka njofton se krahas gërmimit, po bëhet edhe restaurimi i saj, ndërsa publikon edhe pamje të zbulimit në faqen e tij të “Facebook”.

blank

blank

VIDEO -Një ditë përpara zgjedhjeve lokale, Albin Kurti ndjek ndeshjen e basketbollit në Shkodër!

“Sporti bashkon popullin”. Ky ishte mesazhi i dhënë nga kryeministri i Kosovës Albin Kurti nga Shkodra, aty ku ndoqi ndeshjen e basketbollit mes ekipit të Vllaznisë dhe Prishtinës.

Në një prononcim për mediat përpara takimit, ai u shpreh se në këtë fushë, populli është përpara politikanëve.

“Padyshim që është kënaqësi të jem në Shkodër. Padyshim kjo që do shohim mes Vllaznisë së Shkodrës dhe Prishtinës së Sigalit, është më pak se ndeshje sepse jemi bashkë, më shumë se lojë sepse jemi bashkë. Besoj që tek fushë e bashkimit tonë, populli është përpara politikës, ndaj ne politikanët le ta ndjekim vullnetin e qytetarëve tanë” – tha Kurti.

I pyetur lidhur me zgjedhjet lokale, Kurti nuk ka folur duke u shprehur se këtë të shtunë është heshtje zgjedhore.

“Sot është heshtje zgjedhore nesër flasin qytetarët” – tha Kurti.

Të pranishëm në pallatin e sportit “Qazim Dervishi” ishin dhe Ministrja e Arsimit, Evis Kushi si dhe kryebashkiakia e Shkodrës, Voltana Ademi.

Vizita e kryeministrit Kurti në Shqipëri vjen një ditë përpara se të mbahen zgjedhjet lokale në Kosovë.

Ndeshja, në kuadrin e Superkupës Mbarëkombëtare/Gjysëmfinalja, Vllaznia-Prishtina u mbyll me fitoren e Sigal Prishtinës me rezultatin 80 me 72 Vllaznia, Shkodër.

blank

Kosova në prag të zgjedhjeve lokale, këtë të diel qytetarët në votime

Gjithsej 1 milion e 885 mijë e 448 qytetarë do të kenë të drejtë vote apo 90 mijë e 586 votues më shumë në krahasim me zgjedhjet e parakohshme për Kuvendin e Kosovës të cilat u mbajtën më 14 shkurt të vitit 2021

Agim Sulaj   |15.10.2021

Qytetarët e Kosovës këtë të diel drejtohen në kutitë e votimit për të zgjedhur kryetarët e 38 komunave dhe anëtarët e Kuvendeve Komunale në kuadër të zgjedhjeve lokale të vitit 2021, raporton Anadolu Agency (AA).

Gjithsej 1 milion e 885 mijë e 448 qytetarë do të kenë të drejtë vote apo 90 mijë e 586 votues më shumë në krahasim me zgjedhjet e parakohshme për Kuvendin e Kosovës të cilat u mbajtën më 14 shkurt të vitit 2021.

Numri i qendrave të votimit në të gjithë Republikën e Kosovës është 883, me gjithsej 2.477 vendvotime.

blank

Nga 15 shtatori deri më 15 tetor, Komisioni Qendror Zgjedhor (KQZ) hapi periudhën e votimit përmes postës për qytetarët që jetojnë në diasporë. Numri i aplikuesve që u regjistruan si votues jashtë Kosovës dhe që mund të votojnë përmes postës është 15.532.

Në këto zgjedhje për kryetarë të komunave do të garojnë 158 kandidatë, ndërsa rreth 5.300 kandidatë garojnë për pozitën e anëtarit të Kuvendit Komunal në komunat përkatëse.

Numri i përgjithshëm i subjekteve politike të certifikuara është 90, prej të cilave 32 parti politike, 34 iniciativa qytetare, 1 koalicion dhe 23 kandidatë të pavarur.

Lëvizja Vetëvendosje (LVV), e cila fitoi zgjedhjet parlamentare të këtij viti, do të garojë në 28 komuna për pozitën e kryetarit dhe me 933 kandidatë për kuvende komunale.

blank

Partia Demokratike e Kosovës (PDK), e cila doli partia e dytë më e madhe nga zgjedhjet e fundit parlamentare, do të garojë në 29 komuna për kryetar dhe me 875 kandidatë për kuvende komunale.

Ndërsa partia e tretë më e madhe sipas zgjedhjeve të fundit parlamentare në vend, Lidhja Demokratike e Kosovës (LDK), do të garojë në 27 komuna për kryetar dhe me 841 kandidatë për kuvende komunale.

Në këto zgjedhje marrin pjesë edhe tre parti politike turke në vend, respektivisht Partia Demokratike Turke e Kosovës (KDTP), Partia Turke e Drejtësisë së Kosovës (KATP) dhe Partia Turke e Lëvizjes Novatore (YTHP).

Fushata zgjedhore për kandidatët për kryetarë të komunave dhe anëtarë të kuvendeve komunale u hap nga KQZ-ja më 16 shtator me kohëzgjatje prej 30 ditësh.

blank

Partitë politike fushatën zgjedhore e fokusuan më shumë në rrjetet sociale dhe media, për shkak të rrethanave të krijuara me përhapjen e pandemisë së koronavirusit të ri (COVID-19).

Fokusi kryesor i partive politike gjatë fushatës ka qenë tek komunat e mëdha, me theks të veçantë kryeqyteti i Kosovës, Prishtina, për të cilën kryesisht u premtua rregullim i komunikacionit, hapësira të gjelbra dhe shërbime më efikase.

Sa i përket masave mbrojtëse ndaj pandemisë COVID-19, KQZ-ja ka kërkuar nga komisionerët dhe vëzhguesit e këtyre zgjedhjeve të jenë të vaksinuar ose të kenë dëshminë e testit negativ ndaj virusit ose dëshmi se e kanë kaluar sëmundjen. Por ky rregull nuk do të vlejë edhe për votuesit, të cilët do të duhet që gjatë votimit të jenë të pajisur me maska mbrojtëse dhe të mbajnë distancë fizike.

Më 15 qershor të këtij viti, presidentja e Kosovës, Vjosa Osmani, shpalli 17 tetorin datën për mbajtjen e zgjedhjeve lokale, pas konsultimeve që zhvilloi me partitë politike.

Zgjedhjet e fundit lokale në Kosovë u mbajtën më 22 tetor të vitit 2017 kur 44,1 për qind e votuesve shfrytëzuan të drejtën e votës. Këto zgjedhje për kryetarë të komunave janë të pestat me radhë, ndërsa për Kuvende Komunale janë të shtatat me radhë, që nga mbajtja e parë e tyre në periudhën e pasluftës, respektivisht në vitin 2000.

blank

Shqipëri, gjenden të vdekur në një hotel 4 shtetas rusë

Policia ka njoftuar se në fshatin Qerret, Kavajë, në ambientet e saunës së një hoteli, dyshohet se janë asfiksuar dhe për pasojë kanë ndërruar jetë katër shtetas rusë

Fatjon Cuka   |16.10.2021
Tiranë

Në ambientet e një hoteli në Shqipëri janë gjetur të vdekur katër shtetas rusë, të cilët dyshohet se kanë ndërruar jetë nga asfiksia, transmeton Anadolu Agency (AA)

Drejtoria Vendore e Policisë Tiranë ka njoftuar se në fshatin Qerret, Kavajë, në ambientet e saunës së një hoteli, dyshohet se janë asfiksuar dhe për pasojë kanë ndërruar jetë katër shtetas rusë.

Policia ka konfirmuar se bëhet fjalë për shtetas të moshave të ndryshme, me inicialet K. S, 31-vjeçe, N. L, 58-vjeç, N. A, 37-vjeçe dhe S. A, 60-vjeç.

Sipas policisë, një grup hetimor po punon për sqarimin e plotë të rrethanave të ngjarjes.

Policia nuk ka dhënë detaje shtesë në lidhje me qëllimin e qëndrimit në Shqipëri të shtetasve rusë.

blank

Vidhen dosjet e pronave në Vlorë- Hajduti hyn nga dritarja, rrëmben dosjen e ‘Dhërmiut’ dhe ik nga dera

Një hajdut hyri në zyrat e administrimit dhe mbrojtjes së tokave në qarku i Vlorës mbrëmjen e së hënës rreth orës 23:30.

Duket se hajduti është orientuar mjaft mirë në zyrat që ndodhen te Pallati i Kulturës në Vlorë ku hyri nga dritarja mori dosje që dyshohen se kanë të bëjnë me zonën e Dhërmiut.

Ai ka thyer derën dhe më pas ka dalë nga dera kryesore. Bardhi Gjika shef, i zyrës se administrimit te tokave pranë qarkut Vlore nuk di ende të thotë se çfarë është vjedhur me ekzaktësi.

As policia nuk ka rënë ende në gjurmë të grabitësit të dosjeve por njofton se po analizon ende prova për ta identifikuar./dita

blank

Shkarkimi i Flamur Nokës, reagon ashpër ish-nënkryetari i PD: Lul mjaft me dëbime, fillo internimet tani!

TIRANË

Ish-nënkryetari i PD-së, deputeti Edmond Spaho ka reaguar ashpër ndaj vendimit të fundit të kryedemokratit Lulzim Basha për shkarkimin e Flamur Nokës si nënkryetar të komisionit të sigurisë duke paralajmëruar përjashtimin e tij nga Grupi Parlamentar i PD.

Spaho e këshillon Bashën të fillojë me internimet dhe t’u bjerë deputetëve si në 1945, duke e krahasuar me Enver Hoxhën.

“Lul mjaft me dëbime, fillo internimet tani. Bjeru deputetëve si në 45. Po ndonjë pushkatim nuk do bëjmë? Nuk e bën dot Enverin ti. I pari ishte historik, i dyti qesharak dhe i mjerë. Po të mblidhet litari, Lul, po të mblidhet”, shkruan Spaho.

blank

Arrestohet pronari i FarmaNet, oligarku i ilaçeve dhe shëndetësisë

Është vënë në pranga Sokol Topçiu, pronari i FarmaNet, një nga bizneset farmaceutike që ka përfituar miliona euro nga Ministria e Shëndetësisë dhe tenderat kanë qenë të paracaktuar për të.

Topçiu njihet si oligarku i ilaçeve dhe i Ministrisë së Shëndetësisë.

Lajmi është bërë i ditur nga policia, dhe arrestimi i tij është bërë gjatë operacionit ‘Përfitimi’.

Topçiu, 57 vjeç akuzohet se ka shitur mijëra ilaçe kontrabandë gjatë periudhës së pandemisë.

Ilaçet që u shitën në treg me çmim shumë herë më të lartë se sa u blenë janë: ‘inhixa, clexane, favira, alphagan, cyrotex, aricept, medro, co aprovel.’

Dyshohet se këto ilaçe u sollën në Shqipëri me 20 dollarë dhe disa prej tyre u shitën deri në 500 mijë lekë të vjetra. Të njëjtat burime konfirmojnë se të gjitha medikamentet që futeshin pa u regjistruar kryesisht përdoreshin për trajtimin e Covid-19.

Hetimi zgjati rreth 1 vit, ndërsa prokuroria kërkoi ‘arrest me burg’, por Gjykata vendosi t’i lërë në arrest shtëpie personat e identifikuar si: Blerim Bitri, 40 vjeç, administrator i një farmacie; Florian Marku, 39 vjeç, administrator i një farmacie; Margarita Xhaxhiu, 64 vjeçe, e dyshuar si dërguesja e mallrave kontrabandë; Jani Papuli, 66 vjeç, i punësuar nga Margarita Xhaxhiu; Florian Lila, 40 vjeç, administrator i një farmacie; Bashkim Osmani, 56 vjeç, administrator i një depoje farmaceutike.

Këta persona sot u lanë në masën e sigurise ‘arrest shtëpie’.

Operacioni i koduar ‘Përfitimi’, u zhvillua nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë. Hetuesit kanë bërë blerje të kontrolluara në disa raste. Shitja e këtyre medikamenteve ka zgjatur përgjatë gjithë muajve.

blank

Gjykata lë në burg ish-drejtorin e RTSH, Thoma Gëllçi dhe 3 ish-vartësit e tij

Gjykata e Posaçme lë në burg ish-drejtorin e RTSH-së Thoma Gëllçi dhe tre ish-vartësit e tij, anëtarë të komisionit të ofertave Ervin Muraj, Julian Tapia, Alban Malaveci të akuzuar për abuzim me tenderat. Gazetarja Klodiana Lala raportoi për “BalkanWeb” se GJKKO ka vendosur masën e sigurisë “arrest me burg” ndaj Gëllçit dhe tre të tjerëve duke pranuar kërkesën e SPAK.

Sipas SPAK ai ka shpallur procedurën e tenderit përpara se të merrte miratimin nga AMA për hapjen e kanalit TVSH AGRO. Tenderi është zhvilluar në 2018, dhe procedura është shpallur 3 vite përpara se TVSH Agro të fillonte transmetimi. Në 2021 TVSH Agro ka dalë në prova teknike. Përmes tenderit janë blerë pajisjet dhe janë përdorur ndërkohë.

Në tenderin për blerjen e pajisjeve si kamera etj, kanë qenë dy kompani EURO contact dhe TBS 96. Anëtarët e KVO janë shpallur TBS 96 fituese edhe pse kishte ofertë 20 mln lekë më të lartë. Të dyja kompanitë kane pasur parregullsi në dokumentacion dhe duheshin skualifikuar.

Gazetarja Klodiana Lala raportoi për “BalkanWeb” se ndryshe nga herët e tjera nuk ka përgjime, por gjithçka është e bazuar në dokumentacion. “Ndryshe nga hetimet e tjera kur SPAK kryen veprime simuluese, në rastin e konkret nuk ka qenë e nevojshme për sa kohë që dokumentacioni ka qenë i qartë ku zoti Gëllçi ka shpallur një tender pa u miratuar dhe ia kanë dhënë këtë tender një kompanie me ofertë më 20 mln lekë më të lartë”, tha Lala.

Gëllçi dhe tre vartësit e tij janë arrestuar, pasi akuzohen për shpërdorim detyre dhe shkelje të barazisë në tendera, dhe përkatësisht për tenderin që kap vlerën e 86 milionë lekëve pa TVSH.

Sipas hetimeve të SPAK, rezulton se shkeljet janë kryer në tenderin me procedurë të hapur, ku personat e arrestuar rezulton se kanë favorizuar dhe nuk kanë bërë një garë të drejtë.

blank

Skandal me tenderin për tunelin e Llogarasë! Ministria e Infrastrukturës shpall fituese kompaninë që ofroi 12 mln $ më shumë se oferta më e mirë

Kriza e cmimeve të energjisë në bursat e huaja e ka detyruar qeverinë që të mbuloj me plot 200 milion euro, garanci financiare arkat e OSHEE. Dhe në mes të kësaj krize ku qytetarët duhet të shtrëngojnë rripin dhe ku buxheti i shtetit duhet të bëjë manovra për të gjetur 100 milion euro këtë vit dhe 100 milion euro të tjera në fillim të 2022, skandalet me abuzimet me tenderat e rrugëve vazhdojnë.

Ministria e Infrastrukturës ka shpallur si fitues të tenderit për ndërtimin e tunelit të Llogarasë, një bashkim kompanish turk, i cili as më shumë dhe as më pak, ka ofruar rreth 12 milion dollarë më shumë se oferta më e mirë. Sipas dokumenteve që News24 disponon.

Tenderi kishte njëfond limit prej 18,9 miliard lekë. Nga pesë pjesëmarres, fitues u shpall bashkimi i operatorëve ekonomikë INTEKAR YAPI dhe ASL që kërkoi ta ndërtojë tunelin për rreth 17 miliard lekë ose 170 milion dollarë. Tre ofertues të tjerë kërkuan më shumë para, por ndërkohë një tjetër bashkim operatorësh, përbërë kompania egjiptiane Concord Engineering dhe dy kompani shqiptare po, Alb Building dhe Alb Star, ka ofruar 12 milion dollarë më pak për të njëjtën punë, në total rreth 15,8 miliardë lekë ose 158 milion dollarë. Por edhe pse sipas ligjeve shqiptare oferta më e mirë financiare në prokurimet publike ka përparësi, sidomos kur bëhet fjalë për ndërtim rrugësh, ministria e Infrastrukturës ka gjetur justifikime për ta rrëzuar propozimin 12 milion dollarë më pak.

Sipas saj një prej kompanive shqiptare në ofertën më të mirë nuk ka përvojën e duhur për ndërtim urash 120 metra në një JointVenture, edhe pse ajo njihet si zbatuese e mjaft projekteve të akseve të rendesishme në vend. Po ashtu ministria e Infrastrukturës ka hyrë në kalkulime, dhe ka dalë në rezultatin se përqindjet në bashkim nuk korrepospondojnë me përqindjet në volumin e punimeve që duhet të rehalizohen nga secili operator.

Kaq ka mjaftuar që të shpallet si fituese një ofertë më e shtrenjtë, në vend që të futej në bisedime me ofertuesin më të mirë, për të zgjidhur këto çështje nëse ekzistojnë gjithmonë. Ministria e Infrastrukturës që në fakt është dhe përgjegjëse edhe për energjetikën ka preferuar që mos të kursejë para nga fondet e projekteve të veta për zbutjen e krizës, por t’i shpenzojë pa kriter, ndërkohë që financat e vendit po rëndohen me 200 milion euro.


blank
blank
blank
blank
blank
blank
blank
blank
blank
blank
blank
blank
Send this to a friend