Intervistë me Bujar Kokonozin, Artist i Merituar dhe Mjeshtër i Madh nga Ardian Murraj
Vlera e qëndresës së Ukrainës e parë me përjetimin e kameras në frontin e luftës. Një paralele e Bujar Kokonozit 23 vjet më parë gjatë Luftës së Kosovës.
AM:- Ngjarjet më të fundit dhe ato të çdo dite që po përcjellim në lindje të Evropës (dita e 19 sot), agresionin mbi Ukrainë nga ushtria e urdhëruar ruse që më së shumti thirret ‘Lufta e Putinit” më bënë që të kërkoja për të gjetur një mbështetje me shembuj konkret në lidhje me vështirësinë e profesionit të gazetarisë televizive në kushtet e luftës. Mendova t’ju drejtoj juve disa pyetje pasi juve e keni përjetuar vetë frontin në fund dimrin dhe pranverën e vitit 1999, kur Ballkani i trazuar përcolli spastrimin etnik të shqiptarëve nga trojet e tyre. Kjo është një paralele që më bën të kuptoj thelbin e QËNDRESËS. Çfarë panë sytë tuaj atëherë dhe si e shihni atë tani e 23 vite më pas? Bujar Kokonozi:- Ëshë vërtetë që një kthesë, një kujtim pas 23 vitesh me ngjarjet që përjetuam dhe unë që mora përsipër të bëja një film dokumentar mbi pushtimin dhe dëbimin e shqiptarëve nga tokat e tyre si dhe vuajtjet dhe përpjekjet për mbijetesë. E këto ditë dhe faleminderit për lidhjen që juve i bëni ngjarjeve unë në çdo kronikë, ngjarje dhe lajm që përcjell kam një retrospektivë e kthehem në ato episode që kalova gjatë xhirimeve për realizimin e filmit mbi luftën në Kosovë. Dëbimin e shqiptarëve nga serbët, dëbimin nga shtëpitë e tyre. Ishte një dhimbje e madhe dhe unë tani jetoj me dhimbjen e popullit ukrainas në këto momente shumë të vështira. Është si një përsëritje të atyre që më kanë parë sytë e mi në Kosovë, ato që jetova. Më është dashur të përcjell emocione të jashtzakonshme gjatë xhirimeve të mia në Kosovë. Të pres qindra njerëz në karvane, të drobitur të lodhur, të tmerruar nga ajo katastrofë serbe ndaj shqiptarve që s’kishte pse të largoheshin nga trevat e tyre dhe të priteshin nga vëllezrit e tyre në Shqipëri. Ky ishte i vetmi fat për ta, dhe pritja e tyre mbetet një simbol i mrekullueshëm i hapjes së çdo shtëpie shqiptare pa asnjë kusht, veç që ata të ndjeheshin sado pak mirë nga ajo reprezalje që po kalonin, vrasje dhe tortura që u ndodhën atyre dhe njerzve të tyre, të afërmve të tyre në Kosovë e në gjithë qytetet e Kosovës. Lidhja që i bëni ju ngjarjes që përjetuam si dhe pas premierave në Prishtinë dhe Tetovë etj, ju patë vetë emocionet dhe ndjenjat se çfarë kishin hequr dhe vuajtur njerzit e thjeshtë e me qindra halle, njerëz të humbur që ende sot e kësaj dite nuk u janë gjetur varret e tyre. Pra lidhja me atë fenomen 23 vjet më parë me një tmerr që rusët, Putini po bën mbi një popull të pafajshëm e me një kulturë të jashtzakonshme që i kanë dhënë kulturës dhe artit botëror. Ai hedh bomba përditë, vret fëmijë. Bien bombat mbi sanatoriume, çerdhe dhe unë nuk e di,… ka krijuar një pezmatim të madh shpirtëror dhe si unë edhe bota po e përjeton këtë dhimbje që sot po ndodh në Ukranië.
AM:- Kjo është dhimbje shumë e madhe kur sheh në të tjera përmasa humbjen e jetëve njerzore, rrafshimin nga bombardimet, futjen e frikës dhe përzënien me dhunë tashmë të miliona njerzve (ukrainasve),… Çfarë bëhen tërheqëse për kamerën kur i jetoni këto ngjarje përsëri, megjithëse teknikat, teknologjia dhe përcjellja e menjëhershme e pamjeve sot është në kohë reale? Bujar Kokonozi:– E kam thënë gjithmonë që kamera është një instrument që merr nga realiteti. Vlera e kameras duket sikur nuk ësht asgjë para asaj që ne shikojmë me sytë tanë dhe interpretohet përmes kameras. Syri që është (vihet) në kamera është më i përvuajturi se sa vetë kamera, pasi nuk është e lehtë të përballosh atë që sheh përmes kameras. Pra kamera është syri yt që e hedh imazhin në tru, mendje dhe emocioni i atyre që e përjetojnë në ato momente është një dhimbje e madhe e papërshkrueshme dhe sigurisht një vlerë e madhe e çdo njeriu që merret me këtë punë. Ndaj gazetarët, operatorët, kameramanët në botë (veças për këto situata), kanë vlera të jashtëzakonshme dhe bëjnë deri sakrifica sublime të jetës për të dhënë një gjë reale që ndodh në moment. Ashtu sikurse po na vijnë pamjet nga Ukraina nga të gjitha drejtimet, në të gjithë masakrën që po bën pushtimi që uroj që kurrë të mos ndodhë i “carit” Putin ndaj një populli tepër krenar, inteligjent dhe me vlera në krejt atë që ka qënë dikur BS, por që sot gjithsejcili ka marrë krahun e vet dhe do të jetojë i lirë pa sundim carist siç kërkon Putin të vendosë në Ukrainë.
AM:- Ju u larguat pra për disa muaj, një sakrificë që shpesh ngjason me një vendosmëri të çastit. Me kamera në dorë, përtej kufirit, në zonë lufte pikërisht për të fiksuar ngjarjet. Boshllëku deri sa u kthyet në mjediset e RTSH ngrinte pyetjet që ku dhe si gjindet Bujari dhe ndoshta sot pas kaq kohësh unë mbase do ta dëgjoja prej jush me pak fjalë se si ndodhi? Bujar Kokonozi:- Për hir të së vërtetës mua me Kosovën më ka lidhur një kohë e largët. Janë vitet 1976-1977 kur unë ndodhesha në një shërbim për herë të parë shkelja në Kosovë. Xhironim me film bardh e zi dhe kisha një dashuri të jashtzakonshme për ta prekur tokën time pasi në fund të fundit është tokë shqiptare dhe bëra shumë xhirime dhe doja që ta fusja në shpirtin tim krejt Kosovën. Ashtu bëra. Më vonë shkova dhe dy tre herë të tjera para se sa të ndodhte kjo masakër në Kosovë ku njoha dhe bëra shumë miq të cilët i kam edhe sot dhe kam lidhje vllazërore me ta . Kur kjo ngjarje po ndodhte unë mora vendimin që të realizoja një film dokumentar në një kënd më të gjerë si histori e Shqipërisë që në krijimin e saj, në Iliri dhe të tillë e kam filluar edhe dokumentarin si për të dhënë madhështinë, shpirtin ndjenjën dhe pasurinë e këtyre njerzve që sot jemi ne. Pra me këtë mendim u nisa dhe filmin e kisha bërë në mendjen time dhe më duhej të ndiqja këtë përballje të popullit të Kosovës me përbindshin Milosheviç. Pra u zhvesha nga emocioni. Ju e thoni mirë unë hyra në Kosovë (12-13 Qershor 1999), ku mbaj mend forcat mercenare bjelloruse zbrisnin në Qafën e Morinit dhe përballeshin me forcat gjermane të KFOR-it , pjesa e NATO-s dhe kushti ishte dorëzimi i armëve. Isha në një moment shumë interesant dhe aspak i friksuar kur unë u gjenda mes rrjeshtit të ushtarëve gjermanë dhe rrjeshtit të serbve dhe mercenarëve bjellorusë që hidhnin armët në një makinë. I dorëzonin armët. Ishte në emocion ku shikoja portretet e ushtarëve gjrmanë më një qendrim që nuk ju lëvizte qerpiku dhe nga ana tjetër mercenarët e droguar që i hidhnin me gjeste idiote armët. Unë u nisa drejt Prizrenit dhe më ndihmoi drejtori i Radio Kukësit që më vuri në dispozicion një makinë (Toyota) që duhej mbajtur vetëm ndezur. Shoferi e kishte emrin Sekret, njeri shumë i mirë dhe vendosa që me atë makinë të shkoja megjithse kishte mbishkrime (TVSH) dhe kaluam mes forcave serbe e mes të sharave deri sa shkuam në Prizeren ku forcat gjermane vinin drejt qytetit dhe kur serbët largoheshin me autobuzë dhe shkrehnin me “kallash” në ajër duke shaqur e egërsinë e mbetur. Më pas ishte kulmi, ngazëllimi i njerzve që mezi po prisnin këtë moment të lirisë së tyre.
AM:- Ju ishit dëshmitar dhe kurorëzuat 12-13 Qershorin, hyrjen e trupave të NATO-s në Kosovë. Ndiet çlirimin në qëniet njerzore edhe pas humbjeve e tragjedive të mëdha që shkalton lufta, si e sillni edhe sot këtë përjetim? Bujar Kokonozi:- As më pak dhe as më shumë ishte pasioni për të sjellë një realitet në ekran. Në këtë ndjenjë timen kam qenë gjithnjë i plotësuar. Edhe sot që flasim kam emocion pasi unë vazhdoj të punoj dhe në punën time atë që më ka dhënë eksperienca më bën ta jap si ndihmesë në shumë drejtime dhe e bëj me shumë pasion. Kamera më jep fuqi të jashtëzakonshme dhe bëja një pyetje dikur ose arrita në përfundimin se kam bërë dy jetë. Njëra realja dhe tjetra nëpërmjet kameras. Dhe vërtetë jeta nëpërmjet kameras ka një tjetër madhështi tjetër që e lë trashëgim që mbase vlen edhe sado i pakët të jetë, ai vlen për ata që vijnë më pas. Por për mua ka qënë një jetë e dyfishtë. Një punë që kam bërë në këtë profesion prej pesëdhjetë vitesh që jashtë modestisë do ta quaja një punë në artin viziv.
AM: Ju u kthyet në TVSH dhe përcollët lajme dhe reportazhe të shkurtër deri në realizimin e dokumentarit “Shqiptarët”, a mund të na tregoni rreth këtij realizimi? Bujar Kokonozi:- Po pikërisht se kjo po ndodh përsëri dhe se vjen një moment që njerzit duhet t’i thonë stop dhe se duhet të ndërgjegjësohen qofshin këta edhe ushtarët rus sepse duket e ngjashme me atë që ndodhi në Kosovë. Gjërat disi ndryshojnë pasi luftojnë mes vëllezërve, e tmerrshme dhe e pabesueshme. Nuk më shkonte kurrë ndër mend që vllezrit do të vriteshin mes vetes, kjo është katastrofë unë nuk e di… dhe e krahasuar me shqiptarët në fund të fundit ishte ndryshe. Ata jetonin në jetonin në tokat e tyre, e serbi i mohoi dhe donte t’i merrte gjithshka. Por kjo të ndodhë mes shtetasve të Ukrainës dhe Rusisë që disi kishin afërsi lidhjeje si një bashkësi, flasin një gjuhë dhe afërsi zakonesh (për hir të argumentit), kjo është e tmerrshme. Unë personalisht e kam vlerësuar më shumë Ukrainën në raport me ish-republikat e tjera, por këtë katastrofë sot unë e shoh sikur lufton vllau me vlaun. Ende nuk e di…
AM:- Përbërësit e realizimit si studiot, njerzit bashkëpunëtorë rretherrotull jush, deri muzika “Fëmijët e Kosovës” (“Children of Kosovo” nga The Kelly Family, deri në premierat e shfaqjes në Prishtinë, Tetovë, Tiranë ishin pjesë e realizimit optimist të rezultatit të qendresës. Shpresës që fiton e drejta. E them këtë pasi kemi hyrë në javën e tretë të një Lufte ku ende nuk po shihet vendosja e një paqeje armëpushimi, apo t’i thuhet një cope këtij agresioni ushtarak Krime të Luftës dhe Genocid ndaj një populli që ka zgjedhur rrugën e tij. Pra luftë dhe qendresë nga anon fitorja, si shihet kjo në ndjesinë tuaj? Bujar Kokonozi:– Këtij shtjellimi të vështirë që po bëni dhe kjo bie për krejt botën dhe sidomos mbi kolegët tanë. Unë do të thoshja që kur në këtë botë lindin njerëz që për egon e tyre, interesin dhe kafshërinë e tyre nuk marrin parasysh dhe nuk dinë të çmojnë jetën që zoti na e ka falur dhe nuk guxon askush të na e prekë atë,… Kjo është e trishtueshme. Por ja që historia tregon se ka dhe të tilla krijesa që jetojnë jashtë ligjeve njerëzore, të qytetrimit dhe të mirësisë dhe kështu që ne duhet ta përjetojmë këtë gjë dhe kur askush nga ne nuk e parashikonte këtë. Megjithëatë unë kam shumë besim se e mira gjithmonë do të fitojë mbi të keqen. Ne si njerëz të ekranit kemi për detyrë që ta përcjellim të saktë këtë të vërtetë që edhe brezat më pas ta kuptojnë se çfarë është bërë në kohën kur ne jetojmë… nuk e di nëse ju a dhashë përgjigjjen…
AM: Megjithëse kam të freskët ende një intervistë sëbashku tek “Kodra e Erës”, pranë Prishtinës duke marrë emocionin e mbylljes së dokumentarit që pas gati 23 viteve duhet riparë për të nxjerrë atë vlerë historike që lufta të ndalet,… atë që njerzit dhe popujt të ndihmojnë për të kapërcyer këtë tragjedi juve atëherë e paraqisnit këtë pasiguri. Ja po e lexoj tani: “Si ta mbyll rrëfimin tim për ty Kosovë. E vranët… e kthjellet…dritheruese”… Bujar Kokonozi:- Pra këtë peshë që na jep lufta dhe uroj që paqja të triumfojë dhe ata njerëz të dalin nga kjo gjendje, ky ferr dhe sëterrë që po përjetojnë çdo ditë.
Unë e shoh atë pasi nuk e shoh vetëm tek Putini, por edhe tek ndërgjegjësimi i popujve që duhet të jenë të vetëdijshëm dhe jo të jenë dele, e të shkojnë pas mostrave. Dhe këtë kur ta kuptojë dhe populli rus kur pjesa më e madhe ta kuptojë e jo ata që shiten për pesë lekë, e kur ky ndërgjegjësim të vijë qindpërqind dhe popujt të jenë të vetëdijshëm që të mos ndjekin një ekstremist, kriminel dhe më shumë se sa kaq. Ndërsa kjo që ndodh sot në planin njerëzor është shumë e turpshme ku dy popullsi shumë miljonëshe vihen përballë kësaj katastrofe. Kjo është një propagandë e ndyrë që ka shplarë trurin (më fal që shprehem në ënyrë të tillë, por kështu e ndjej),… më vjen shumë keq dhe ne jemi brezi që po e kalojmë këtë dhe shqetësimi vjen me atë se si mund të futet kjo frymë mes vëllezërve, kjo është çnjerëzore dhe skandaloze. Ky njeri që quhet Putin duhet të marrë dënimin e duhur nga shoqëria dhe “bota moderne” (koncept që nuk e pranoj si botë moderne apo botë të mjeruar, botë të tretë apo të parë). Këtë botë e shembi pandemia dhe tregoi se jemi hiç ose nuk jemi të zotët… dhe kjo po ndodh tani edhe me fenomenin Putin që vë përballë vëllezërit. Një fenomen skandaloz dhe i dhimbshëm, çnjerëzor dhe mjerues njëkohësisht për psikologjinë njerëzore në botë.
AM: Ju faleminderit Bujar Kokonozi:- Megjithëse ka kaluar kaq kohë do të bëj një përpjekje që ta mundësoj vizionimin e tij edhe në youtube që bota ta shikojë dhe të reflektojë. Unë mendoj se dokumentari e jep një mesazh të tillë, për ti thënë stop marrëzisë së luftës.
Po e ndaj me ju këtë bisedë dhe shpërfaqje kujtimesh me Veton Surroin.
Ju siguroi se është kënaqësi të bisedosh njëherësh
me Vetonin si gazetar,
me Vetonin si veprimtar dhe
me Vetonin si protagonist ngjarjesh historike e dramatike bashkë.
Kjo bisedë është vetëm një faqe që përmbledh ëndërrat, përpjekjet, zhgënjimet… dhe shpresat e një brezi me fat, sepse shumica e tij e panë Kosovën e lirë.
Por kënaqësinë që ia solli Liria brezit tonë, shpesh’herë e sërpikun dhimbja e pikëllimi për ata që nuk e patën këtë fat,
sepse në rrugën e mundimshme drejt Lirisë ranë e u vranë për të jetuar gjithmonë në altarin dhe në kujtesën e një kombi.
Të gjithë ata që më sulmojnë në publik si anti-UÇK, duhet të maten fort mirë, sepse mund t’ju dalë që historia t’ju tregojë që kur unë kam kontribuar në luftën çlirimtare si person dhe si strukturë, disa të tjerë ende kanë qenë duke pi qumësht.
Policia e Shtetit vijon të mbajë të rrethuar ambientet e News24. Dhjetëra uniforma prej 2 orësh mbajnë të bllokuar hyrjet për në redaksi, siç duket edhe nga pamjet.
Për më tepër, policia ka ndërprerë furnizimin me energji elektrike, duke paralizuar aktivitetin normal të medias dhe duke penguar në mënyrë flagrante ushtrimin e lirë të punës së gazetarëve.
Ky veprim rikthen edhe njëherë momentet kritike për lirinë e shtypit në vend. BW
Kush jemi ne? Më 6 Qershor 2021, 12 profesionistë të medias shqiptare me banim në Zvicër, Itali, Francë, Kroaci, Kanada dhe SHBA ishin nismëtarë për të formuar shoqatën tonë si një organizatë jofitimprurëse për lirinë e fjalës dhe shtypin e lirë. UGSHPD u themelua më 8 Korrik, 2021.
Qëllimet tona:
-Të ndihmojmë debatin publik për të vërtetën duke synuar një shkallë të lartë profesionalizmi në gazetari përmes një etike të lartë dhe standardeve profesionale. -Të promovojmë gazetarinë në gjuhën shqipe kudo ku jetojnë shqiptarë.
-Të mbrojmë interesat profesioniste të anëtarëve të saj, të krijojë dhe të mbajë marrëdhënie me autoritetet, organizatat homologe të vendeve ku jetojnë e veprojnë anëtarët, në mënyrë që të lehtësojë veprimtarinë profesioniste të gazetarëve të diasporës shqiptare kudo në botë.
-Të mbështesim dhe të promovojë drejtësinë sociale duke denoncuar rastet e racizmit, intolerancës, paragjykimeve e diskriminimeve ndaj minoriteteve.
Anëtarët e Bordit të UGSHPD
Skënder Buçpapaj President
Alba Kepi-Sekretare e Përgjithshme
Artan Kutra- zv/president
Rafaela Prifti-Zëdhënëse
Genc Burimi-Auditor
Elida Buçpapaj- Arkëtare
Ardian Murraj- Komisioni i Etikës
Unioni i Gazetarëve Shqiptarë Profesionistë të Diasporës (UGSHPD)
Verband Albanischer Berufsjournalisten der Diaspora (VABD)
Union of Professional Albanian Journalists of Diaspora (UPAJD)
L’Union des journalistes professionnels albanais de la diaspora (UJPAD)
Unione dei Giornalisti Professionisti Albanesi della Diaspora (UGPAD)
Erisa Xhixho në “Ftesë në studio” Unioni i Gazetarëve Shqiptarë Profesionistë të Diasporës në statusin e vëzhguesit pranë KQZ si organizatë media, ka nisur një cikël bisedash me liderë të forcave politike në Shqipëri, nën titullin “7 pyetje”.
Për herë të parë në historinë e zgjedhjeve parlamentare, diaspora shqiptare ka të drejtën e votës për të zgjedhur deputetët e ardhshëm në legjislaturën e XI të Kuvendit të Shqipërisë. Në fokusin e zgjedhjeve politike të 11 majit 2025, UGSHPD sinjalizon me preokupim se prej vitit 2015 asnjë proces zgjedhor në Shqipëri nuk i ka përmbushur standardet perëndimore të zgjedhjeve.
I themeluar dhe i regjistruar në Bernë të Zvicrës në vitin 2021, UGSHPD (Unioni i Gazetarëve Shqiptarë Profesionistë të Diasporës), i përfaqësuar nga profesionistë të medias shqiptare që jetojnë dhe punojnë në Zvicër, Itali, Francë dhe SHBA, të përkushtuar për lirinë e fjalës, shtypit të pavarur, mbrojtës të së vërtetës që sigurojnë komunikimin e informacionit publik me standardet profesionale të gazetarisë. Mbi këto qëllime dhe të ardhmes pluraliste të politikës shqiptare ky union përmes anëtarëve të saj
Ju fton të na ndiqni.
Aleanca “Shqipëria Madhështore”, veçanërisht Partia e Lirisë, vjen në këto zgjedhje politike me plot të rinj e të reja të talentuar. Sa e ndjeni ju peshën e këtyre momenteve historike vendimtare? Cili do ishte ligji i parë që do kërkonit në Kuvend në rast fitoreje? C’ndodh nëse Ilir Meta zgjidhet deputet por i pamundësohet betimi deri në humbje të mandatit? Zonja Xhixho, së pari, ju faleminderit që pranuat ftesën tonë. Po ndaj me ju një shqetësim shumë legjitim kur kam parasysh se kryeministri është mjeshtër i madh për tjetërsimin e votës përmes shkeljes së ligjit diktuar nga ai që ka nën urdhra gjithë shtyllat e shtetit. Si do ta mbroni votën kur gjendeni përballë një perfeksionisti kleptokrat që përdor të gjitha mjetet për të qëndruar në pushtet, që një foto me Obamën ia paguajnë 80 mijë $, që komprometon ish shefin e FBI-së, që përpara kamerave i bën thirrje policisë së shtetit të bëjë fushatë për PS, pronën e tij, që e ka shpërfytyruar se nuk ka lënë asnjë nga socialistët e njohur, që regjistrohet me zë duke kompromentuar zyrtarë të organeve ligj zbatuese të manipulojnë votën e sovranit permes blerjes, intimidimit etj. që e përdor drejtësinë si mjet për të eliminuar kundërshtaret politikë. Nuk po e zgjas më se lista vijon. Problemi është si do të mbroni votën? Partia juaj, Parti e Lirisë qe është parti e qendrës se majtë është serish në koalicion për këto zgjedhje me Partinë Demokratike, parti e djathte. Përveç temave të përbashkëta a ka pika në programin tuaj qe ju dallojnë nga aleat si PD? Cili është vendi dhe roli i Partisë së Lirisë në ASHM për zgjedhjet e 2025? Reforma në drejtësi e korrupsioni janë dy fushat më preokupuese për Shqipërinë. Sistemi socialist vuri në masë arrestimi dy liderë te forcave kryesore opozitare. Cili është programi i PL për efikasitetin e pavarësinë e drejtësisë në Shqipëri? Ku sipas forcës politike që ju përfaqësoni duhet ndërhyrë në mënyrë emergjente?
Funerali i Papa Françeskut ka nisur me një antifon – një këngë të shkurtër muzikore – dhe psalm. Ashtu si shumica e shërbimit sot, teksti është në latinisht.
“Requiem aeternam dona ei, Domine, et lux perpetua luceat ei”, kënduan kori dhe kongregacioni. (Pushim i përjetshëm jepi atij, o Zot, dhe le të shkëlqejë mbi të drita e përjetshme.)
Kolegji i Kardinalëve po del nga bazilika në Sheshin e Shën Pjetrit.
Ata po ecin sipas radhës së vjetërsisë, të paraprirë nga një Libër i zbukuruar i Ungjijve dhe do të puthin altarin përpara se të shkojnë në vendet e tyre.
Personi i fundit që do të hyjë në shesh do të jetë festuesi, Kardinali Giovanni Re.
Kori i Kapelës Sistine – grupi prestigjioz prej 20 burrash dhe 30 a më shumë djemsh që janë kori personal i Papës – thekson Psalmin 64: “Te decet himnus, Deus, në Sion; et tibi reddetur votum në Jerusalem”. ( Të takon lavdërimi në Sion, o Perëndi. Ne i përmbushim betimet tona në Jeruzalem .)bw
Unioni i Gazetarëve Profesionistë Shqiptarë të Diasporës – UGSHPD – në statusin e vêzhguesit pranë KQZ si organizatê media, ka nisur një cikël bisedash me liderë të forcave politike në Shqipëri, nën titullin “7 pyetje”.
Për herë të parë në historinë e zgjedhjeve parlamentare, diaspora shqiptare ka të drejtën e votës për të zgjedhur deputetët e ardhshëm në legjislaturën e XI të Kuvendit të Shqipërisë.
Në fokusin e zgjedhjeve politike të 11 majit 2025, UGShPD sinjalizon me preokupim se prej vitit 2015 asnjë proces zgjedhor në Shqipëri nuk i ka përmbushur standardet perëndimore të
zgjedhjeve.
I themeluar dhe i regjistruar në Bernë të Zvicrës në vitin 2021, UGSHPD (Unioni i Gazetarëve Shqiptarë Profesionistë të Diasporës), i përfaqësuar nga profesionistë të medias shqiptare që jetojnë dhe punojnë në Zvicër, Itali, Francë dhe SHBA, të përkushtuar për lirinë e fjalës, shtypit të pavarur, mbrojtës të së vërtetës që sigurojnë komunikimin e informacionit publik me standardet profesionale të gazetarisë. Mbi këto qëllime dhe të ardhmes pluraliste të politikës shqiptare ky union përmes anëtarëve të saj Ju fton të na ndiqni.
Intervista e parë u zhvillua me kryetarin e Partisë Republikane zotin Fatmir Mehdiu i cili iu përgjigj 7 pyetjeve të UGSHPD.
Dhjetëra mijëra persona u mblodhën të shtunën në qendër të Beogradit kundër presidentit Aleksandar Vuçiç dhe qeverisë së tij, e fundit në një seri protestash kundër korrupsionit që kanë tronditur kontrollin e tij të fortë 13-vjeçar mbi pushtetin.
Protesta është planifikuar për në orën 16:00 para ndërtesës së Kuvendit të Serbisë.
Tashmë mund të thuhet se kjo është një nga demonstratat më të mëdha, nëse jo më të mëdhatë, antiqeveritare në dekadat e fundit, raportojnë mediat serbe.
Ndonëse protesta pritet të jetë si prova më e madhe e pushtetit të tij, Vuçic u shoreh dje se “nuk ka frikë nga asgjë” dhe se nuk do të lejojë që protestat në rrugë të ndryshojnë qeverinë.
“Nuk do të ketë qeveri tranzitore sa të jem gjallë. Unë nuk pajtohem me shantazhe dhe presione, unë jam president i Serbisë dhe nuk do të lejoj që rruga të përcaktojë rregullat në këtë vend”, tha ai.
Qindra oficerë policie të pajisur plotësisht u vendosën në dhe përreth Parkut Pioneer, të rrethuar nga traktorë. bw
I pyetur nga Çim Peka nëse ishte kontaktuar nga Edi Rama për të drejtuar fushatën e tij, pasi siç tha moderatori, kryeministri shqiptar është nga më të pasurit në Europë, njeriu që do drejtojë fushatën e Berishës tha se nuk ishte kontaktuar nga Rama drejtpërdrejt, por gjithësesi, unë nuk punoj për komunistët.
Pjesë nga intervista:
Çim Peka: Chris, kryeministri shqiptar është një persona mjaft i pasur. Shpenzimet e tij janë marramendëse. Ndoshta ai bën jetën e luksit më brilante të çdo lideri në Europë, se në Shqipëri po e po. A ju ka kontaktuar? Në rast se do ju kontaktonte një kryeministër kaq i pasur që nuk ka llogaridhënie, nuk e fsheh luksin e tij, çfarë do bënit?
LaCivita: Ai nuk më ka kontaktuar ndonjëherë. Dhe unë nuk punoj për komunistët. Apo për produkte të komunizmit. Megjithatë ngjashmëritë ndërmjet garës këtu në Shqipëri dhe garës në Shtetet e Bashkuara, janë fakti se opozita politike ndaj partisë në pushtet, në mënyrë të padrejtë, është përndjekur dhe është ndjekur penalisht ose janë ngritur dyshime ndaj saj dhe ne kemi mundësi të përforcojmë t’i rijetëzojmë demokracinë. Dhe të kemi nga pas edhe një Amerikë të fuqishme, e cila punon me Donald Trump-in. Dhe prandaj njerëzit duhet të zgjedhin këtë si model, si shembull dhe të votojnë për të ardhmen, dhe vota për të ardhmen është vota për Berishën dhe opozitën.
Çim Peka: Ju nuk punoni për komunistët, por miku im Rich Grenell, Ivanka Trump, Jared Kushner, janë takuar disa herë me kryeministrin, ata kanë ardhur për të bërë biznes në Shqipëri, që është gjëja më normale, por kryeministri Rama është munduar ta shesë si blerje influence në Shtëpinë e Bardhë. Çfarë mendimi keni që familja e presidentit po bën biznes në një vend ku drejtohet nga komunistët dhe trafikantët?
LaCivita: Nuk mund të flas për këtë çështje sepse nuk jam i përfshirë në aspektet e biznesit, se çfarë bëjnë disa anëtarë të familjes…megjithatë e kuptoj se çfarëdolloj biznesi në Shqipëri është në të mirë të popullit shqiptar, çfarëdolloj zhvillimi, tani apo në të ardhmen, patjetër që do të sjellë fitime për njerëzit. Megjithatë ajo që është me rëndësi është fakti që gjithçka të organizohet me transparencë, në mënyrë të drejtë, të kuptohet se në çfarë forme funksionojnë. Megjithatë është e vështirë mendoj që që njerëzit të kenë besim te qeveria e tyre në qoftë se opozita fute në burg dhe i ndalohet të marrë pjesë në zgjedhje…dhe kjo është një prej arsyeve pse ne duhet t’i ndryshojmë gjërat.
Kryetari i partisë Demokratike ka ndarë në faqen e tij në facebook një montazh video ku jepen shumë qartë sjelljet e Edi Ramës dhe qeverisë së tij ndaj shqiptarvëe.
Eshte koha për ndryshim thuhet në fund të kësaj videoje, ku bëhet thirrje për protestën e neserme të opozitës shqiptare.
“Nesër, në ora 17:00, e gjithë Shqipëria në protestë”, shkruan Berisha në postimin e tij në rrjetet sociale.
Aktori i njohur Mehdi Malkaj, i është bashkuar protestës së opozitës këtë të premte, para Bashkisë së Tiranës.
Duke i bërë thirrje qytetarëve për t’iu bashkuar protestës, ai thotë se qeveria e Ramës e ka bërë atdheun të ndrysur.
“Ju zonja dhe zotërinj që jeni nëpër makina, po të jeni vërtet qytetarë të mirë i fikni makinat dhe bashkoheni me ne. Ne nuk protestojmë vetëm per veten, por për të gjithë. E keni vënë re që kemi një atdhe të ndryshur? E dini pse është bërë atdheu i ndrysur? Sepse ky qelbësira i ka braktisur, i ka zhdukur të gjithë rininë, s’ka si të jetë atdheu i gëzuar. I ka zhdukur.
E keni vënë re që atdheu është i rrudhur? Pse është i rrudhur? Sepse ky i ka shitur copë-copë atdheun, s’ka si të jetë i tëri. I rrudhur do të jetë. Çfarë do të bëjmë zonja dhe zotërinj? Çfarë do të bëjmë? Rinia, ajo që ka mbetur këtu. Çfarë do të bëjmë? do të rrimë, do të bëjmë sehir, të shohim si copëtohet atdheu?
Shit detin, jepi detin Greqisë, 12 milje det. Jemi këtij tjetrit, Trump, një ishull të tërë, sikur të kenë vdekur Shqiptarët.
Unë nuk besoj që jam shqiptari më i mirë, por besoj që jam shqiptar i mirë, këtë nuk e diskutoj. Dhe unë e dua atdheun tim dhe do flas për atdheun tim. O qelbësira, që jeni mbyllur atje nëpër zyra. Dilni këtu, ballafaqohuni. Na mbushni mendjen që ju e keni mirë dhe ne jemi gabim. Ju martë mortja ju martë, të gjithëve!”, tha aktori Malkaj. sn
Komentet