UGSHPD: RAMA LË KUVENDIN PËR TË KAPUR KREUN E KARVANIT  (Mllefi dhe Paqja)

January 24, 2026

 

Mes debatesh dhe tensionesh Kuvendi i Shqipërisë mori në shqyrtim:- “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes” ku shpesh herë Kryetari i Kuvendit Niko Peleshi ndërpreu kohën, këshilloi për tonet dhe ngjyrimet e diskutueseve kryesisht të opozitës me vëmendje “kujdes për fjalorin parlamentar”.

Një vëzhgim domethënës nga ana e tij për të administruar kohën deri tek procesi i votimit si dhe për t’ja bërë të lehtë atmosferën kryeministrit që spikati me frazën “zëdhënës dhe punëtor të paqes”.

Nga zhvillimi i orëve të para makineria e propagandës së qeverisë prodhoi shumë tituj lajmesh si kurrë ndonjëherë dhe nuk kishte kohë të bënte transkriptin e fjalimit të kryeministrit i cili shpesh vendoset si “fjala e plotë”. Mbase do ta bëjë atë çka u dha drejtpërdrejtë nga mediat audio-vizive dhe nga ku u dëgjua fort fundi i fjalimit dhe më pas largimi i Ramës duke i drejtuar dy gishtat disa herë nga salla. 

A e dini se cili ishte reagimi i Kryetarit të Kuvendit të Republikës së Shqipërisë SHTZ Niko Peleshi?

-Faleminderit Zoti kryeministër?

A e mbani mend se si e mbylli kryeministri Rama fjalën?

“…dhe mos e harroni kurrë se sa më shumë lehin qentë, aq më shumë karvani ka shkuar përpara.Dhe sa më shumë ka shkuar karvani aq më e madhe është bërë distanca mes karvanit dhe qenve”.

A ka bord etike ky Kuvend të cilin Rama e ndjek sa herë që i duhet dhe pasi e shan kë mundet nga institucionet largohet duke lënë një atmosferë të ngarkuar sherri, pas të cilës mund të rekomandohet pushimi?

Kujtoni disa ditë më parë sulmin dhe presionin ndaj drejtësisë ku në çështjen e piramidës së pagave Rama përfundoi me një arsyetim që sot është i vlefshëm për veten e tij. 

“Kur skandali është logjik, moral, ligjor dhe kushtetues, ky quhet turp kombëtar”.

Nuk po ja marrim autorësinë, por makinacioneve që ai përdor për të qendruar në pushtetin e mbytur nga korrupsioni, por kryesisht ky arsyetim vlen për vetë atë dhe qeverisjen e korruptuar.

 

 

22 Janar, 2026

 

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

• twitter

  Follow
• facebook
• linkedin

Fjalë kyçe: Kuvendi i Shqipërisë, Profesionistë të Diasporës, turp kombëtar, UGPAD, UGSHPD, UJPAD, Unioni i Gazetarëve Shqiptarë, UPAJD, VABD