VOAL

VOAL

“Tre mosketierët ” e djallëzuar – Nga Faton MEHMETI

June 6, 2017
blank

Komentet

blank

Lajçak zbardh detaje nga takimi me Kurtin: Jemi dakorduar se të gjitha marrëveshjet duhet të zbatohen

I dërguari i Bashkimit Evropian për dialogun, Miroslav Lajçak zhvilloi mbrëmjen e djeshme një vizitë në Kosovë, në kuadër të intensifikimit të dialogut Kosovë-Serbi, në përpjekje për arritjen e një marrëveshjeje.

Lajçak pas takimit me kryeministrin Albin Kurti dhe zëvendëskryeministrin Besnik Bislimi në një postim në Twitter shkroi se kanë biseduar për hapat e mëtejshëm që do të ndiqen në dialog.

Ai bëri të ditur se kanë rënë dakord se të gjitha marrëveshjet e kaluara që janë arritur në kuadër të dialogut duhet të zbatohen plotësisht.

“U ktheva sot në Kosovë për të vazhduar diskutimet e mia të sinqerta, të hapura dhe intensive me Kryeministrin Albin Kurti dhe zëvendëskryeministrin Besnik Bislimi për hapat e ardhshëm dhe rrugën përpara për normalizimin e marrëdhënieve me Serbinë. Ne gjithashtu ramë dakord që të gjitha marrëveshjet e kaluara nga dialogu duhet të zbatohen plotësisht”, shkruan Lajçak.bw

blank

Vazhdohet afati i konkursit për pranimin e policëve të rinj në veri

RFE/RL

Policia e Kosovës e ka vazhduar afatin e konkursit për punësimin e pjesëtarëve të rinj nga komunitetet joshumicë, për të plotësuar pozitat e lira në Drejtorinë Rajonale të Policisë së Kosovës në Mitrovicën e Veriut.

Konkursi, që fillimisht është shpallur nga 5 deri më 26 janar, do të shtyhet deri më 10 shkurt, ka konfirmuar Policia e Kosovës për Radion Evropa e Lirë.

Mirëpo, ky institucion nuk ka ofruar hollësi se sa aplikacione ka pranuar deri më tani, nëse ka aplikuar dikush nga radhët e komunitetit serb, apo ish-policët nga veriu i Kosovës që kanë dhënë dorëheqje nga pozitat e tyre, në nëntor të vitit të kaluar.

Policia ka thënë shkurtimisht se kriteret për punësimin e punonjësve të rinj të policisë mbeten të njëjta dhe se publiku do të informohet me kohë për hapat e mëtejshëm.

“Policia e Kosovës, përmes video-mesazheve, fushatave sensibilizuese dhe takimeve zyrtare që po mbahen në të gjitha rajonet, çdo herë ka inkurajuar dhe vazhdon t’i inkurajojë, dhe fton qytetarët e të gjitha komuniteteve pakicë që të aplikojnë dhe të bëhen pjesë e Policisë së Kosovës”, është thënë mes tjerash në përgjigjen e Policisë.

Qeveria e Kosovës i ka thënë Radios Evropa e Lirë, më 12 janar, se konkursi për rekrutimin e policëve të rinj është i hapur për të gjithë ata që plotësojnë kriteret dhe se Kosova nuk dëshiron të përjashtojë askënd nga institucionet apo të “zëvendësojë serbët me shqiptarë”.

Kryeministri i Kosovës, Albin Kurti, ka ftuar pjesëtarët e komunitetit serb, veçanërisht ata që nuk kanë punuar asnjëherë në institucionet e Kosovës, të aplikojnë në konkurs.

Ky konkurs është shpallur pas dorëheqjes së rreth 550 serbëve nga pozitat e tyre në veri të Kosovës, në nëntor të vitit 2022, si shenjë pakënaqësie ndaj vendimit të Qeverisë së Kosovës për të riregjistruar makinat me targa serbe në RKS – Republika e Kosovës.

Megjithatë, në konkurs nuk përmendet numri i policëve të rinj që do të punësohen.

Cilat janë kushtet e konkursit?

Tash për tash nuk dihet nëse policët serbë nga veriu do të kthehen në vendet e tyre të punës që kanë lënë, e as nëse do të mund të aplikojnë në konkurs.

Një nga kushtet e konkursit, megjithatë, është që të interesuarit të mos jenë mbi 30 vjeç.

Pjesëtarët e komunitetit serb në veri janë integruar në Policinë e Kosovës në bazë të Marrëveshjes së Brukselit mes Kosovës dhe Serbisë, të vitit 2013, dhe shumica prej tyre tani janë mbi 30 vjeç.

Misioni i Bashkimit Evropian në Kosovë për Sundim të Ligjit (EULEX) ka deklaruar më 31 dhjetor të vitit të kaluar se, për shkak të dorëheqjeve në veri, ka vakum të sigurisë, duke kërkuar që serbët të kthehen në institucionet e Kosovës.

blank

Ambadadori gjerman mbështet diskutimet për Asociacionin

RFE/RL

Ambasadori gjerman në Prishtinë, Jorn Rohde tha se “pajtohet plotësisht” me deklaratat e këshilltarit të Departamentit amerikan të Shtetit, Derek Chollet, sa i përket shtyrjes përpara të diskutimeve për Asociacionin e komunave me shumicë serbe në Kosovë.

“Jam plotësisht dakord: është shumë e rëndësishme të çojmë përpara diskutimin për Asociacionin e komunave me shumicë serbe”, shkroi Rohde në Twitter.

Ambasada amerikane në Prishtinë ka paralajmëruar për datën 31 janar një diskutim për këtë asociacion, ku ka thënë se janë ftuar përfaqësues të shoqërisë civile, zyrtarë dhe politikanë të tjerë.

“Është mirë të dëgjosh se ministri i Kosovës Nenad Rashiq ka konfirmuar pjesëmarrjen e tij në diskutimin e planifikuar për këtë çështje më 31 janar në Ambasadën amerikane në Prishtinë”, tha ambasadori gjerman.

Kjo deklaratë vjen në kohën kur ministri për Komunitete dhe Kthim në Qeverinë e Kosovës, Nenad Rashiq, konfirmoi për Radion Evropa e Lirë se ka marrë ftesë nga Shtetet e Bashkuara për të marrë pjesë në një diskutim të organizuar nga Ambasada amerikane në Prishtinë, më 31 janar, për formimin e Asociacionit të komunave me shumicë serbe në Kosovë.

Marrëveshja për krijimin Asociacionit të komunave me shumicë serbe është arritur qysh në vitin 2013 në kuadër të dialogut për normalizimin e marrëdhënieve Kosovë-Serbi, i cili ndërmjetësohet nga BE-ja, por ajo nuk është zbatuar kurrë.

Zyrtarët në Kosovë thonë se nuk mund të krijohen asociacione njëetnike, ndërsa ata në Serbi këmbëngulin në formimin e Asociacionit të dakorduar.

Një ditë më parë, Chollet, tha se ka inkurajuar kryeministrin e Kosovës, Albin Kurti, që të pranojë propozimin e BE-së për normalizimin e marrëdhënieve me Serbinë.

Qeveria e Kosovës nuk i është përgjigjur pyetjes së REL-it nëse kryeministri i vendit Albin Kurti ka marrë ftesë për këtë diskutim.

blank

Prishtinë, Ambasada e SHBA konfirmon diskutimin për Asociacionin serb më 31 janar

Ambasada e Shteteve të Bashkuara të Amerikës në Kosovë e ka konfirmuar organizimin e një diskutimi mbi Asociacionin e Komunave me shumicë serbe në Kosovë, që do të mbahet më 31 janar.

Në një përgjigje për RTK-në nga ambasada amerikane thuhet se për këtë diskutim janë duke u ftuar liderë të shoqërisë civile, zyrtarë qeveritarë, liderë politikë e diplomatë, për të diskutuar për këtë temë të rëndësishme.

“Qëllimi ynë është të avancojmë mirëkuptimin e ndërsjellë për angazhimin lidhur me Asociacionin në mbështetje të dialogut të lehtësuar nga BE-ja ndërmjet Kosovës dhe Serbisë”, thuhet në përgjigjen e ambasadës amerikane.

Organizimi i këtij diskutimi sipas ambasadës “është në përputhje me qëllimin e qëndrueshëm të SHBA-së në avancimin e Kosovës drejt strukturave evropiane dhe euro-atlantike, dhe si një reflektim i miqësisë së gjatë dhe mbështetjes për popullin e Kosovës”.

blank

Rashiq konfirmon pjesëmarrjen në diskutimet e SHBA për Asociacionin

Sandra Cvetkoviq

Ministri për Komunitete dhe Kthim në Qeverinë e Kosovës, Nenad Rashiq, konfirmoi se ka marrë ftesë nga Shtetet e Bashkuara për të marrë pjesë në një diskutim, më 31 janar, për formimin e Asociacionit të komunave me shumicë serbe në Kosovë.

“Pres të jetë një takim i mirë”, tha Rashiq për Radion Evropa e Lirë.

Ai u emërua në pozitën e ministrit të Qeverisë së udhëhequr nga Albin Kurti dhjetorin e kaluar, kur Goran Rakiq, nga radhët e Listës Serbe, dha dorëheqje, në shenjë kundërshtimi ndaj vendimit të Prishtinës zyrtare për t’i riregjistruar makinat me targa të paligjshme serbe në veri të Kosovës.

Rashiq tha se qëndrim i tij është se marrëveshjet nuk mund të injorohen. Në këtë kontekst, shtoi ai, duhet të analizohen edhe rekomandimet e Gjykatës Kushtetuese të Kosovës, të vitit 2015, për harmonizimin e Asociacionit me Kushtetutën dhe ligjet e Kosovës.

Për krijimin e këtij asociacioni është rënë dakord në vitin 2013, në kuadër të dialogut për normalizimin e marrëdhënieve midis Kosovës dhe Serbisë, që zhvillohet në Bruksel.

Çfarë parasheh Asociacioni?

Asociacioni i komunave me shumicë serbe parashikohet që të mbledhë rreth vetes dhjetë komuna në Kosovë të banuara me shumicë serbe: Mitrovicë e Veriut, Kllokot, Partesh, Ranillug, Graçanicë, Zveçan, Zubin Potok, Novobërdë, Leposaviq dhe Shtërpcë.

Sipas marrëveshjeve, Asociacioni ka për qëllim të përfaqësojë interesat kolektive të këtyre komunave, veçmas në fushën e arsimit, shëndetësisë, planifikimit urban dhe rural si dhe të ekonomisë.

Marrëveshja e vitit 2013 për Asociacionin thekson se ai do të krijohet me statut dhe strukturat e tij, mbi bazën e statutit të Asociacionit të komunave të Kosovës.

Po ashtu thuhet se Asociacioni do të ushtrojë edhe përgjegjësi të tjera shtesë, varësisht se si delegohen nga autoritetet qendrore dhe që do të ketë një rol përfaqësimi tek autoritetet qendrore.

Sipas marrëveshjes së vitit 2015 për parimet për krijimin e Asociacionit, objektivat kryesorë të Asociacionit janë: ushtron vështrimin e plotë për zhvillimin e ekonomisë lokale; ushtron vështrimin e plotë në fushën e arsimit; ushtron vështrimin e plotë për përmirësimin e shëndetësisë lokale primare e sekondare dhe përkujdesjen sociale; ushtron vështrimin e plotë për koordinimin e planifikimit urban dhe rural; aprovon masa për përmirësimin e kushteve lokale të jetesës për të kthyerit në Kosovë; zhvillon, koordinon, lehtëson aktivitete hulumtuese dhe zhvillimore; promovon, shpërndan, dhe avokon për çështjet me interes të përbashkët të anëtarëve të tij dhe i përfaqëson ata përfshirë tek autoritetet qendrore; vendos marrëdhënie dhe hyn në marrëveshje bashkëpunimi me asociacionet tjera të komunave, vendore dhe ndërkombëtare, etj.

Dy vjet më vonë, përkatësisht në vitin 2015, palët janë pajtuar për parimet e Asociacionit, por Gjykata Kushtetuese e Kosovës ka konstatuar më pas se disa prej tyre nuk janë në përputhje me ligjet e Kosovës, megjithëse ka thënë se ato të mund të harmonizohen.

Çështja është bërë pengesë për normalizimin e mëtejshëm të marrëdhënieve mes Kosovës dhe Serbisë. Derisa Serbia insiston në formimin e Asociacionit, Kosova refuzon, me arsyetimin se nuk mund të krijojë asociacione njëetnike, që do të binin ndesh me Kushtetutën e Kosovës.

Shtetet e Bashkuara dhe Bashkimi Evropian kanë kërkuar vazhdimisht që Kosova ta respektojë Marrëveshjen për Asociacionin.

I dërguari i posaçëm i SHBA-së për Ballkanin Perëndimor, Gabriel Escobar, ka thënë në një intervistë për Radion Evropa e Lirë në muajin dhjetor se, nëse Qeveria e Kosovës nuk gjen mënyrë për formimin e Asociacionit, SHBA-ja do të kërkojë “partnerë alternativë”.

Ai ka thënë se këta partnerë mund të jenë nga shoqëria civile, grupet multietnike apo institutet, përkatësisht subjekte që mund të ofrojnë ide, mbi bazën e të cilave mund të krijohet Asociacioni, pa e shkelur Kushtetutën e Kosovës.

Ai ka thënë se këta partnerë mund të jenë nga shoqëria civile, grupet multietnike apo institutet, përkatësisht subjekte që mund të ofrojnë ide, mbi bazën e të cilave mund të krijohet Asociacioni, pa e shkelur Kushtetutën e Kosovës.

Në një intervistë për Zërin e Amerikës më 20 janar, Escobar ka thënë se bisedimet për krijimin e Asociacionit do të nisin deri në fund të këtij muaji, me “njerëz që kanë ide të mira”.

REL kërkoi konfirmim nga Ambasada amerikane në Prishtinë të raporteve se më 31 janar, diskutimet për Asociacionin do të organizohen nga vetë kjo ambasadë, por nuk mori përgjigje.

REL pyeti edhe Qeverinë e Kosovës nëse kryeministri Albin Kurti është ftuar në këto bisedime dhe nëse po, a do t’i përgjigjet ftesës, por, deri në publikimin e këtij artikulli, nuk mori përgjigje.

Në të njëjtat pyetje nuk u përgjigj as Lista Serbe – partia më e madhe e serbëve të Kosovës, e cila gëzon mbështetje nga Beogradi zyrtar.

A mund ta bindë Rashiq Kurtin që ta pranojë Asociacionin?

Rashiq tha për REL-in se ai, por edhe të tjerë në Qeverinë e Kosovës po përpiqen që Asociacionin e komunave me shumicë serbe ta vendosin para kryeministrit Kurti si çështje teknike dhe jo politike.

Ai nuk dha detaje se cilët janë ata persona të tjerë nga Qeveria e Kosovës që janë të gatshëm të punojnë për formimin e Asocacionit.

“Mendoj se kemi humbur shumë kohë duke mos bërë asgjë. Nuk i kemi bashkuar ato dy dokumente [marrëveshjet e vitit 2013 dhe 2015] ose, thënë më mirë, [nuk kemi paraqitur] ndonjë opsion të dytë ose të tretë përmes punës në nivel teknik”, tha Rashiq.

Sipas tij, janë dy elemente të kontestueshme në lidhje me formimin e Asociacionit: emri dhe statusi juridik.

“Mendoj se emri nuk është aq i rëndësishëm sa është statusi juridik”, tha Rashiq.

Ai shtoi se në pikën e dytë të Marrëveshjes së vitit 2015 shkruan se Asociacioni do të harmonizohet me Kushtetutën e Kosovës. Për këtë arsye, tha Rashiq, nuk sheh ndonjë problem juridiko-teknik rreth formimit të tij.

Sipas tij, Qeveria e Kosovës mund të hartojë një dokument, që do t’i përmbushte obligimet e marra me Marrëveshjen e Brukselit për formimin e Asociacionit dhe, në të njëjtën kohë, do të ishte në përputhje me ligjet e Kosovës.

Në pikën e Marrëveshjes së Brukselit, të cilës i referohet Rashiq, thuhet se “në bazë të Marrëveshjes së parë, e cila ia njeh karakterin e veçantë [Asociacionit], Qeveria e Kosovës do të miratojë një rregullore që do të zbatohet drejtpërdrejt dhe do të shqyrtohet nga Gjykata Kushtetuese”.

Gjykata Kushtetuese e Kosovës, edhe pse ka konstatuar se disa pika të marrëveshjes nuk janë në përputhje me ligjet e Kosovës, nuk ka rekomanduar që të mos formohet Asociacioni, por ka deklaruar se ai mund të përshtatet me statut apo ndonjë akt juridik.

Ministri Rashiq tha se, aktualisht, nuk ka informacione për planet e SHBA-së rreth hapave të ardhshëm për formimin e Asociacionit, por shtoi se ai gjithmonë ka qenë i hapur për bashkëpunim.

“Nëse ndodh që ka diçka që ofron mekanizma më të fortë, garanci për asociacionet, natyrisht se do ta konsiderojmë dhe do të kontribuojmë në mënyrë të përgjegjshme”, tha Rashiq.

Në thirrjen e këshilltarit të lartë të Departamentit amerikan të Shtetit, Derek Chollet, për të bërë propozime për formimin e Asociacionit, kryeministri Kurti u përgjigj më 12 janar duke thënë se kjo çështje mund të zgjidhet brenda kornizës së marrëveshjes përfundimtare me Serbinë.

Ai, po ashtu, tha se komunitetet pakicë në Kosovë kanë privilegje të shumta me planin e Martti Ahtisaarit – dokument në bazë të të cilit Kosova ka shpallur pavarësinë e saj në vitin 2008.

Qëndrimi i Serbisë

Beogradi zyrtar këmbëngul në formimin e Asociacionit të komunave me shumicë serbe ashtu siç e parasheh marrëveshja e arritur në Bruksel.

Presidenti i Serbisë, Aleksandar Vuçiq, shpesh thotë se nuk ka qenë e nevojshme të negociohet për të, nëse duhet të përputhet me Kushtetutën e Kosovës.

Në një fjalim drejtuar kombit më 23 janar, ai tha se tani “pason një luftë e madhe për formimin e Asociacionit”.

Asociacioni nuk është i lidhur me planin e BE-së për normalizimin e marrëdhënieve

Çështja e formimit të Asociacionit vjen në kohën e një propozimi të BE-së për normalizimin e marrëdhënieve midis Kosovës dhe Serbisë, i cili u është paraqitur të dyja palëve në fund të verës së vitit të kaluar.

Ky propozim mbështetet nga Gjermania, Franca dhe SHBA-ja.

I dërguari i posaçëm i SHBA-së për Ballkanin Perëndimor, Gabriel Escobar, ka thënë për Zërin e Amerikës se formimi i Asociacionit dhe negociatat për propozimin e BE-së “nuk janë plotësisht të lidhura”.

Ai ka theksuar se Asociacioni i komunave me shumicë serbe “është obligim ekzistues” dhe se “duhet të zbatohet”.

Përgatiti: Valona Tela
blank

Presidentja Vjosa Osmani u prit në takim nga Presidenti italian, Sergio Mattarella

Dy presidentët konfirmuan raportet miqësore në mes të dy vendeve dhe pohuan përkushtimin për thellim të bashkëpunimit në dobi të qytetarëve dhe me qëllim të tejkalimit të sfidave të sigurisë në rajon dhe përtej.

Në takim, Presidentja Osmani foli për zhvillimet në Kosovë dhe prioritetet në fushën e politikbërjes, me ç’rast theksoi se Kosova është një partner serioz dhe një vend i gatshëm për avancim të aleancave me partnerët strategjik.

Ajo vlerësoi mbështetjen e Italisë për Kosovën në rrugëtimin drejt anëtarësimit në strukturat euro-atlantike, si dhe e falënderoi Italinë për mbështetjen e fuqishme në ruajtje të sigurisë dhe stabilitetit. Presidentja Osmani foli edhe për rëndësinë strategjike të anëtarësimit të Kosovës në organizata ndërkombëtare, me ç’rast veçoi anëtarësimin në Këshillin e Evropës, për të cilin kërkoi mbështetjen e Italisë.

Duke theksuar se Italia është në listën e top 10 vendeve partnere në fushën e tregtisë, Presidentja Osmani foli po ashtu për përparësitë e të bërit biznes në Kosovë. Me këtë rast, ajo prezantoi edhe mundësitë e shumta për bashkëpunim në fusha të interesit të përbashkët si siguria, energjia, kultura dhe të drejtat e njeriut.

Presidentja Osmani dhe Presidenti Mattarella folën edhe për zhvillimet në Evropë si pasojë e agresionit rus në Ukrainë, me ç’rast u dakorduan për rëndësinë e bashkëpunimit dhe thellimit të aleancave në mbrojtjen e paqes, sigurisë dhe demokracisë.

Dy presidentët folën edhe për sfidat e sigurisë në Kosovë dhe në rajon. Me këtë rast, Presidentja Osmani theksoi se Kosova ka qenë dhe mbetet përherë një vend paqedashës dhe, si e tillë, do të jetë gjithmonë në mbrojtje të paqes, demokracisë dhe vlerave demokratike. Në takim u diskutua edhe për zhvillimet e fundit në Dialogun Kosovë – Serbi. Në këtë drejtim, Presidentja Osmani theksoi se Kosova mbetet një palë e përkushtuar dhe konstruktive dhe se po angazhohet për një proces të përqendruar në njohje reciproke e që si përfundim garanton mbrojtjen e sovranitetit, integritetit territorial dhe rendit kushtetues.

Duke vlerësuar lartë mikpritjen dhe dashamirësinë e Presidentit Mattarella, Presidentja Osmani e ftoi atë për një vizitë zyrtare në Prishtinë, gjë që do të rezultonte në vizitën e parë të një presidenti italian në Republikën e Kosovës./Info Presidenca

blank blank


blank

RADA TRAJKOVIQ: Kisha serbe,leva kryesore e fuqisë shkatërruese të Vuçiqit – Perëndimi ka gabuar -“Bota serbe” e Vuçiqit arriti të destabilizojë Malin e Zi……..

RADA TRAJKOVIQ: Leva kryesore e fuqisë shkatërruese të Vuçiqit është Kisha Ortodokse Serbe

Që nga vitet nëntëdhjetë të shekullit të 20-të, Ballkani Perëndimor nuk ka qenë në krizë serioze politike, tha për Autonominë, Rada Trajkoviq, kryetare e Lëvizjes Evropiane të Serbëve nga Kosova dhe Kosova.

“Edhe njëherë jemi përballë një politike agresive që kërcënon paqen në rajon dhe e cila, për fat të keq, është e koordinuar prej kohësh dhe, fatkeqësisht, e papenguar nga Perëndimi, nga strukturat politike dhe strukturat e tjera në krye me Presidentin e Serbisë Aleksandar Vuçiq. “Bota serbe” e Vuçiqit arriti të destabilizojë Malin e Zi, një vend që është anëtar i NATO-s dhe që deri në vitin 2020 ishte lider në integrimet evropiane në Ballkanin Perëndimor. Shikoni Bosnjë dhe Hercegovinën! Javën e kaluar, qeveria e Milorad Dodik mbajti një paradë fjalë për fjalë në një vend që ngjall kujtime shumë të këqija dhe fatkeqe të rrethimit të Sarajevës dhe vuajtjeve të një numri të madh të qytetarëve të Sarajevës në vitet nëntëdhjetë të shekullit të kaluar. Politika për të cilën po flas e ktheu Serbinë, në vend të Perëndimit, drejt Rusisë, kështu që sot jemi më larg BE-së se kurrë. Leva kryesore e fuqisë shkatërruese të Vuçiqit është, për fat të keq, Kisha Ortodokse Serbe, e cila së bashku me Kishën Ruse destabilizon me sukses rajonin”.

AUTONOMIA: Ku e konstatoni veprimin e kombinuar të dy kishave?
TRAJKOVIQ: Kohët e fundit kemi pasur mundësinë të shohim “misionin” e Kishës Ruse dhe Patriarkut të saj Kirill në Bullgari, dhe më pas në Maqedoninë e Veriut, ku priftërinjtë rusë, në bisedë me personalitete të kishës maqedonase, u përpoqën të bëjnë që Kisha Ortodokse Maqedonase të njihet nga KOS-i, këtë nuk kërkon Patriarkana Ekumenike. Sigurisht, qëllimi është ruajtja e dominimit të Kishës Ruse.

Më duhet të përmend edhe “misionin” shumë të çuditshëm të patriarkut tonë Porfiri, i cili nuk e ka zakon, p.sh., të takohet ndonjëherë me liderët e opozitës në Beograd, nga frika se mos e bezdis Vuçiqin, urdhrat e të cilit politik i zbaton siç duhet.

AUTONOMIA: Çfarë urdhërash?
TRAJKOVIQ: Gjithçka! Edhe pse patriarku Porfirije dërgoi mesazhe paqeje në fjalimin e tij në Patriarkanën e Pejës, ato u neutralizuan shpejt nga lëvizjet agresive të autoriteteve të Beogradit dhe Kishës Ortodokse Serbe, të cilat kishin për qëllim nxitjen e situatave incidentesh dhe antagonizimin e mëtejshëm të serbëve dhe shqiptarëve tashmë të antagonizuar. njerëzit. Vuçiq po bën gjithçka për t’i rikthyer Serbisë dhe rajonit kujtimet e të gjitha të këqijave që kemi bërë në mënyrë dominuese në vitet nëntëdhjetë të shekullit të kaluar. Kjo lloj politike ushqen emocione jashtëzakonisht të këqija për serbët që jetojnë në vendet fqinje – disponimi antiserb i fqinjëve tanë.

Kur flas për KPS-në, më duhet t’ju kujtoj se në vitin 2020, Mali i Zi humbi Mitropolitin e tij Amfilohi, një njeri që, pavarësisht disa fjalëve të ashpra, e donte Malin e Zi, respektoi shtetësinë e tij.

AUTONOMIA: Po, malazezët mezi e mbijetuan atë dashuri.
TRAJKOVIQ: Pikërisht për shkak të qëndrimit të tij ndaj shtetësisë malazeze, Mitropoliti Amfilohije ishte shumë i urryer brenda “partive pro-serbe” – Fronti Demokratik, para së gjithash – por edhe vetë Aleksandar Vuçiq. Mitropoliti Amfilohije e dinte mirë se qëllimi i Vuçiqit ishte shkatërrimi i shtetit të Malit të Zi. Mitropoliti i ri ka një mision tjetër

AUTONOMIA: Cilin?
TRAJKOVIQ: Ai vë kundër njëri-tjetrit malazezët dhe serbët. Joanikije i dërgon mesazhe të këqija Malit të Zi.

AUTONOMIA: A është Mitropoliti Joanikije nën kontrollin e Presidentit Vuçiq?
TRAJKOVIQ: Joanikija kontrollohet nga patriarku, që do të thotë se edhe Vuçiq e kontrollon atë.

 

“Porfirije zbaton të gjitha urdhrat e Vuçiqit”

 

AUTONOMIA: A ka presidenti Vuçiq ndonjë kundërshtim brenda Kishës Shtetërore të Serbisë?
TRAJKOVIQ: Brenda KPS-së, ka pasur gjithmonë një kundërshtim të fortë ndaj pozitës dominuese politike të Beogradit, e cila ishte e vlefshme. Gjenerata ekzistuese e personaliteteve të kishës, të cilët pritej të ishin më liberalët, në fakt e organizuan KPS-në sipas standardeve të Vuçiqit. Ndoshta arsyeja është se shërbesa serbe, e cila ka kohë që është infiltruar thellë në kishën tonë, edhe para kurorëzimit të Patriarkut Porfiri, ka folur hapur për krimin brenda Kishës Ortodokse Serbe dhe në atë mënyrë ka frikësuar disa nga personalitetet e kishës. Në këtë kuptim, për momentin vështirë se do të dëgjoni ndonjë rezistencë të artikuluar qartë ose një zë më të fortë kundër regjimit në Beograd.

Populli besimtar dhe qytetarët e orientuar në mënyrë demokratike kishin shpresë te peshkopi Gligorija, i cili, të krijohet përshtypja, më në fund arriti një lloj kompromisi me kishën ortodokse serbe. Kreu i kishës dhe i shtetit po përpiqen të komprometojnë peshkopin Irinej Dobrijeviç me afera të sajuara të nxitura nga gazetarë si Antoni Kovaçeviç, edhe pse ai është një njeri zëri i të cilit dëgjohet më fort në disa adresa të rëndësishme në Uashington. Një problem të ngjashëm ka edhe peshkopi Maksimi, i cili është gjithashtu në Amerikë dhe që edhe pse me mendje brilante, është hequr nga Fakulteti i Teologjisë në Beograd. Edhe babait të Savës iu mohua e drejta për të thënë diçka për politikën e udhëhequr nga kreu i PSC-së dhe shteti i Serbisë. Prandaj, askush nuk mund të shprehë publikisht një qëndrim kundër Porfirit dhe Vuçiqit. Kishës i është detyruar heshtja, gjë që nuk është e mirë për rajonin.

AUTONOMIA: Besoj se nuk ka rëndësi për rajonin, pasi “kapaciteti demokratik” i peshkopëve të lartpërmendur të kishës shtetërore serbe, ashtu si opozita serbe dhe mediat nën kontrollin e tyre, përfundon brenda kufijve të Serbisë. Me fjalë të tjera, qëndrimi i tyre ndaj shteteve të rajonit është identik, ndonjëherë edhe më keqdashës, sesa qëndrimi ndaj Malit të Zi, BeH-së dhe Kosovës që kanë patriarku Porfirije, presidenti Vuçiq dhe mediat që ai kontrollon.
TRAJKOVIQ: Dua të besoj se deklarata juaj nuk qëndron dhe se brenda qarqeve të caktuara të kishës serbe ka marrëveshje të heshtur me Porfirin dhe Vuçiqin vetëm për shkak të frikës së tyre ndaj mekanizmave që mund të marrin Sinodi dhe Patriarku në drejtim të ndëshkimit ndaj ”klerikut të pabindur” si ndryshime në vendin e shërbimit, zhvendosje nga dioqeza të caktuara etj. ato janë vetëm një pjesë e sanksioneve që mund të zbatohen ndaj tyre nëse thonë diçka që nuk është në përputhje me qëndrimin zyrtar të kreut të kishës dhe shtetit tonë. Nëse, nga ana tjetër, nëse ajo që thatë është e vërtetë, atëherë me të vërtetë presim vetëm një rënie më të thellë.

AUTONOMIA: Deri në çfarë mase politika malinje e partive opozitare serbe ndaj rajonit është një justifikim për Perëndimin për qëndrimin se presidenti Vuçiç është partneri i tyre sepse nuk shohin një alternativë politike evropiane në Serbi?
TRAJKOVIQA: Ky është një problem i madh. Barrikadat që vendosën serbët në veri të Kosovës është i njëjti shkatërrim që kemi parë në fillim të viteve nëntëdhjetë në Kroaci dhe kudo ku luftuan Sllobodan Millosheviqi dhe ushtritë e tij. Ajo recetë, them unë, tani është aplikuar në Kosovë dhe mbështetet nga qarqe të caktuara opozitare në Beograd. Disa publikisht, disa në heshtje. Sigurisht që keni edhe ata që e kritikojnë, por janë margjinalë, gjë që dëshmon për krizën e rrezikshme në të cilën ndodhet Serbia sot.

AUTONOMIA: Kush i vendosi barrikadat në veri të Kosovës?
TRAJKOVIQ: Barrikadat janë ngritur dhe drejtuar nga grupi mafioz i Milan Radojiçiqit. Gazetari Tim Xhuda ka shkruar së fundi për këtë dhe ka pohuar se më shumë se gjashtëqind të rinj nga veriu i Kosovës janë dërguar në Rashkë, ku janë trajnuar për t’i rezistuar shqiptarëve. Në këtë kuptim, historia për grupin Wagner që pretendohet se është atje është më shumë një hile me të cilën trimërohen serbët, por edhe propagandë, qëllimi i së cilës, në kuptimin politik, është të lidh më tej serbët me rusët. . Kam frikë se Vuçiq, i cili është një eksponent kryesor i politikës ruse në Ballkan, është pjesë e asaj propagande.

AUTONOMIA: Pas heqjes së barrikadave, a prisni që situata në veri të Kosovës të qetësohet?
TRAJKOVIQ: Situata është ende shumë e vështirë. Në bisedimet me zyrtarët perëndimorë, kryeministri Albin Kurti kërkon me këmbëngulje partnerë që do ta ndihmonin të forconte pozitën e tij. Kurti është i vetëdijshëm për dobësinë e Kosovës në raport me ushtrinë serbe dhe është e natyrshme që ka frikë nga konflikti. Në të njëjtën kohë, pavarësisht se çfarë thotë ai, Vuçiq ende i frikësohet ndërhyrjes së mundshme të NATO-s në rast të një konflikti me intensitet më të madh. Nëse këto dy frika do të mund të përdoreshin disi për të mbështetur projektin e promovuar nga Gabrijel Eskobar dhe Miroslav Lajçak, i cili u referohet komuniteteve komunale, do të arrinim në një zgjidhje: serbët do të ktheheshin në institucione, veçanërisht në ato të sektorit të sigurisë.

Nga ana tjetër, edhe Perëndimi bëri shumë gabime.

AUTONOMIA: Në çfarë?
TRAJKOVIQ: Proceset në Kosovë kanë qenë të gabuara. Filloi me Marrëveshjen e Brukselit, kështu që Federica Mogherini erdhi me idenë e ndarjes së Kosovës, e cila u mbështet nga Hashim Thaçi dhe Vuçiq. Pikërisht për shkak të kësaj bredhjeje, Perëndimi sot nuk di nga t’ia fillojë. Në fund të fundit, nëse integrimi i serbëve në sistemin e Kosovës bëhet nga mafia, qëllimi i vetëm i së cilës është krijimi i kanaleve të tregtisë së drogës dhe aktiviteteve të tjera ilegale, atëherë çfarë prisni?! Sapo dikush u përpoq ta pengonte, kishte shpërbërje dhe tërheqje të serbëve nga institucionet, barrikada dhe oferta për konflikt dhe luftë si zgjidhje. Sfondi, natyrisht, është i njëjtë: mafia duhet të fitojë. Dhe kjo është ajo që më shqetëson: a do ta mundë politika normale politikën mafioze.

AUTONOMIA: A mund të jetë zgjidhja plani franko-gjerman?
TRAJKOVIQ: Me sa di unë, ai plan nuk përfshin një karrige për Kosovën në OKB, por përfshin atë që Vuçiq nënshkroi në Marrëveshjen e Brukselit – se Serbia nuk do ta pengojë Kosovën në proceset e integrimit në BE dhe në institucionet evropiane. . Deri më tani kemi pasur mosnjohje, përpjekje për të penguar anëtarësimin e Kosovës në Këshillin e Evropës dhe një sërë aktivitetesh të tjera të Serbisë. Në të njëjtën kohë, nëse Beogradi nuk bën një deklaratë përfundimtare për Rusinë, Kosova do të marrë gjithnjë e më shumë mbështetje nga NATO, do të forcohet dhe do të investojë në potencialin ushtarak të Kosovës. Të gjitha këto, ju kujtoj, Vuçiq i ka nënshkruar në Bruksel.

AUTONOMIA: Çfarë ka firmosur?
TRAJKOVIQ: Krijimi i Ushtrisë së Kosovës. Perëndimi do të punojë për hyrjen e Kosovës në institucionet evropiane, ndërsa vendimin për anëtarësim në OKB do ta lërë për më vonë.
“Vuçiq është një njeri që lufton vetëm për veten e tij. Ai kujdeset për Serbinë”

Në përgjithësi, mendoj se brenda dokumentit franko-gjerman ka elementë të mirë dhe të pranueshëm dhe normalizimi i marrëdhënieve ndërmjet Beogradit dhe Prishtinës do të nënkuptonte stabilizim të rajonit. Mendoj se në këtë moment prioritet është që Serbia të vendosë sanksione kundër Rusisë, d.m.th. për të harmonizuar politikën e saj të jashtme me politikën e jashtme të BE-së. Do të ishte shumë e rëndësishme për qytetarët e Serbisë dhe vetë Serbisë.

AUTONOMIA: A do ta bëjë Serbia?
TRAJKOVIQ: Vuçiq nuk do të vendosë kurrë sanksione ndaj Rusisë.

AUTONOMIA: A e mbështesin këtë qytetarët e Serbisë?
TRAJKOVIQ: Hulumtimet tregojnë se rreth 75 për qind e qytetarëve serbë e kundërshtojnë anëtarësimin në BE; Në të njëjtën kohë, liderët e opozitës u shpjegojnë përfaqësuesve ndërkombëtarë se këto të dhëna shkatërruese janë rezultat i kontrollit të mediave të Vuçiqit, të cilat çdo ditë mbjellin histeri antievropiane dhe antiamerikane, bëjnë luftë dhe destabilizojnë shtetet e rajonit. Në rregull, pranoj, por pyes veten pse nuk dëgjojmë një zë të fortë nga partitë opozitare kundër politikave të tilla. Jam i sigurt se ai do të dëgjohej dhe se do të mbështetej nga disa partnerë në rajon; sidomos nga ata të cilëve u kërcënohen kufijtë shtetërorë. Në ato shoqëri, Serbia mund të gjente shumë miq dhe bashkëpunëtorë – si në Bosnje dhe Hercegovinë, ashtu edhe në Mal të Zi, një vend që, siç dihet, gjithmonë u ka ofruar strehë liderëve të opozitës demokratike në Serbi. Ndonjëherë pyes veten nëse kjo lloj marrëveshjeje anti-perëndimore dhe anti-fqinjore mes qeverisë dhe opozitës përfaqëson një strategji “tani apo kurrë”.

AUTONOMIA: Çfarë do të thotë? Për çfarë strategjie e keni fjalën?
TRAJKOVIQ: E kam fjalën për përpjekjen për të arritur qëllimet e Serbisë si shtet i madh. Ndoshta mendojnë se ka ardhur koha për “gjysmën e dytë” të luftërave të viteve nëntëdhjetë, për të cilën foli Ivica Daçiq. Nëse vërtet mendojnë kështu, atëherë është e qartë se as qeveria dhe as opozita nuk e kuptojnë se Perëndimi po punon shumë thellësisht për të shtypur mekanizmat e veprimit malinj të politikës së Vuçiqit. Dhe kjo nënkupton edhe shtypjen e aktivitetit malinj të opozitës.

AUTONOMIA: Çfarë po ndërmerr saktësisht Perëndimi për të parandaluar ndikimin keqdashës të Beogradit në rajon?
TRAJKOVIQ: Së fundmi ndoqëm përkujtimin e përvjetorit të Reçakut. Ai krim, që nga dita e kryerjes, u pasua me polemika të shumta, gjë që u pranua nga disa përfaqësues të bashkësisë ndërkombëtare perëndimore. Do t’ju kujtoj se ish-ambasadori i Francës në Beograd, Gabriel Keller, e ka mohuar mënyrën se si William Walker e ka portretizuar Raçakun në raportin e tij.

AUTONOMIA: Disa zyrtarë dhe ministra në qeverinë e Zoran Gjingjiq pretendojnë se në mars 2003, ambasadori Keller i dërgoi Ministrisë së Jashtme Franceze një raport skandaloz për vrasjen e kryeministrit serb. Thuhet se raporti përkoi kryesisht me neveritë e shqiptuara nga Partia Demokratike e Serbisë e Vojislav Koshtunicës për motivet dhe sfondin e vrasjes së kryeministrit Gjinxhiq, prandaj MPJ franceze ia ktheu dërgesën ambasadorit Keller. Unë do të thoja që pretendimet e ambasadorit Keller mund t’i merrni me një kokërr kripë.
TRAJKOVIQ: Mirë, por çështja është ndryshe: përkujtimi i fundit i Reçakut mblodhi një numër të madh përfaqësuesish ndërkombëtarë në Prishtinë, të cilët po kthehen në Reçak për të arritur një konsensus se ishte një krim i forcave serbe kundër civilëve shqiptarë. Dhe ai do të ketë sukses në këtë, veçanërisht nëse Vuçiç vazhdon të udhëheqë një politikë pro-ruse, duke konfirmuar vazhdimisht besnikërinë e tij ndaj Moskës. Duhet pranuar se Vuçiq ka lindur nga ideologjia dhe shërbimi rus; ai nuk është një njeri të cilit rusët i imponojnë diçka, përkundrazi: ai zgjodhi me vetëdije anën ruse, d.m.th. për anën e agresorit në Ukrainë.

AUTONOMIA: Atëherë pse ambasadori amerikan në Beograd Christopher Hill e mbështet Presidentin Vuçiq?
TRAJKOVIQ: Vuçiq po merr paralajmërime serioze dhe në prapaskenë gjërat duken shumë ndryshe. Mos harroni se Amerika tashmë dy herë ka parandaluar një konflikt në veri të Kosovës – herën e parë gjatë mosmarrëveshjes Beograd-Prishtinë për targat, herën e dytë së fundmi, para se të merrej vendimi që serbët të tërhiqeshin nga barrikadat. Kam frikë se nuk do ta bëjë për herë të tretë, sidomos nëse Beogradi nuk ka kuptim. Mosvendosja e Serbisë në raport me Rusinë, gjegjësisht refuzimi i Beogradit për të vendosur sanksione ndaj Moskës, mbart rrezikun e një konflikti serioz në veri të Kosovës, pas të cilit serbët do t’i priste një “stuhi” e re. Njerëzit nuk mund të mbijetonin aty ku raketat fluturojnë mbi kokat e tyre, ashtu si miliona ukrainas nuk mund të mbijetojnë në Ukrainë. Nëse një vend ju ndihmoi dhe parandaloi dy herë një skenar lufte, kam frikë, them se nuk do të bëjë të njëjtën gjë herën e tretë.

Komuniteti ndërkombëtar perëndimor po diskuton në mënyrë aktive për Kosovën dhe këmbëngul për një mbërritje të përshpejtuar në Beograd dhe Prishtinë dhe për të gjetur një zgjidhje kompromisi. Vakuumi i sigurisë në veri të Kosovës është i tmerrshëm: nuk ka polici serbe, policët shqiptarë po marrin stacionet policore në veri, edhe pse e dinë që popullata vendase nuk e pranon. Nëse nuk ke polici, ke krim. Ai vakum në veri nuk mund të zgjasë shumë. Nëse nuk ka kuptim, pasi nuk ka qartë, do të përfundojmë në një situatë ku askush nuk do të na ndihmojë. Serbët që emigrojnë nga veriu do të largohen në numër shumë më të madh. Duke gjykuar nga përvoja nga enklavat, nga Prishtina dhe nga qytetet e tjera të Kosovës, nëse largoheni një herë, do ta keni të vështirë të ktheheni.

AUTONOMIA: A i dëgjon presidenti Vuçiq paralajmërimet e Brukselit apo, pasi ka zgjedhur Amerikën si partner kyç – si dhe atë – nuk i kushton shumë rëndësi kritikave që vijnë nga kryeqytetet evropiane?
TRAJKOVIQ: Si zakonisht, Vuçiq ka llogaritur gabim. Amerika nuk mund të bëjë pa Evropën, as Evropa pa Amerikën. Në këtë kuptim, Vuçiq sërish po luan ashpër me zjarrin. Në kohën e kancelares Angela Merkel, vështirë se mund të jetonim me promovimin e gjermanëve dhe politikës gjermane nga Vuçiq. Në atë kohë ai konsiderohej si “gjerman”. Pas largimit të Angela Merkel, ai ndërroi aleatë, duke harruar se fuqitë e mëdha nuk falin aq lehtë. Hashim Thaçi gjithashtu besonte se ai mund ta udhëheqë Kosovën me një politikë antigjermane, kështu që një ditë fluturoi për në Uashington me qëllim që të takohej me Vuçiqin, por fillimisht u kthye në Prishtinë dhe më pas në Hagë nga një aeroport evropian. Të njëjtin gabim bën edhe Vuçiqi, i cili sot fyen Gjermaninë dhe popullin gjerman! Xhepi i Vuçiqit është plot me krime. Dhe Europoli është evropian dhe ai bagazh i rëndë që mban mund të hapet lehtësisht. Vuçiq investoi shumë në marrëdhënie të mira me Amerikën për të mbrojtur gjoja Serbinë. Në thelb, ai është një njeri që lufton vetëm për veten e tij. Ai kujdeset për Serbinë. Besimi se ai mund të ruajë fuqinë e tij dhe veten në aleancën aktuale me Amerikën është i gabuar. Do ta shohësh!

blank

Tamara Nikçeviq (Autonomia, pamjet e ekranit: Gradska TV)/ Përkthimi është bërë nga Voal.ch me Google dhe për saktësi është konfrontuar në shqip, anglisht, frëngjisht, italisht)

blank

Dhjetë akademikë të Kosovës kërkojnë shkarkimin urgjent të Kryetarit Mehmet Kraja

Prishtinë – Anëtarët e Akademisë së Shkencave dhe Arteve të Kosovës kanë kërkuar nga Kryesia e ASHAK, mbajtjen e mbledhjes së jashtëzakonshme të Kuvendit. “Demokracia.com” ka siguruar kërkesën për mbajtje të Kuvendit të nënshkruar nga dhjetë anëtarët.

Ky Kuvend është thirrur me vetëm një pikë të rendit të ditës: Veprimet e papërgjegjshme të kryetarit të Akademisë së Shkencave dhe Arteve të Kosovës. Aty është kërkuar edhe shkarkimi i kryetarit të ASHAK-ut, Mehmet Kraja.

“Në mbështetje të Ligjit Nr. 05/L-038 për Akademinë e Shkencave dhe të Arteve të Kosovës (ASHAK), neni 13, para. 4.3 dhe të Statutit të ASHAK, neni 29, para. 4.3, 8 dhe 13, ne, të nënshkruarit, anëtarë të rregullt dhe anëtarë korrespondentë të ASHAK, i kërkojmë Kryesisë së ASHAK-ut që në afatin statutor ta thërrasë Kuvendin e Jashtëzakonshëm me një pikë të rendit të ditës: Veprimet e papërgjegjshme të Kryetarit të Akademisë së Shkencave dhe Arteve të Kosovës”, thuhet në kërkesën e tyre, të siguruar nga Demokracia.com.

Në këtë dokoument bëhen të ditura edhe arsyet për thirrjen e Mbledhjes së Jashtëzakonshme të Kuvendit:

1. Kryetari i ASHAK, Akademik Mehmet Kraja, me sjelljet e tij imponuese, të papërgjegjshme, e të paligjshme, si dhe me deklaratat skandaloze publike e ka dëmtuar rëndë Akademinë dhe imazhin e saj në qarqet shkencore dhe artistike.

2. Seksioni i Shkencave Shoqërore, unanimisht, në mbledhjen e mbajtur më 23 dhjetor 2022, i ka dënuar sjelljet e Kryetarit dhe ka kërkuar nga ai “reflektim institucional dhe moral për dëmin e shkaktuar ndaj Akademisë dhe publikut të gjerë, duke e botuar rrejshëm dokumentin “Synimet”

3. Synimet Destabilizuese të Serbisë në Kosovë dhe në Ballkanin Perëndimor.” Me atë rast, Kryetari e ka shkelur rëndë edhe integritetin e Administratës së ASHAK, duke e shtyrë që atë dokument me autorësi të falsifikuar, ta publikojë në faqen zyrtare të ASHAK-ut.

Shkeljet flagrante dhe anti statutore të Akademikut Kraja ngrenë shqetësimet e anëtarëve të ASHAK edhe në kuadrin e bashkëpunimit ndërkombëtar.

Mehmet Kraja është kritikuar ashpër në vend, pas publikimit të analizës skandaloze: “Synimet destabilizuese të Serbisë në Kosovë dhe Ballkanin Perëndimor”./Demokracia.com.

blank

Policia konfirmon incidentin me armë zjarri në veri

RFE/RL

Policia e Kosovës tha se në Bistricë të Leposaviqit ka shtënë me armë zjarri drejt një veture, pasi ajo nuk është ndalur për kontroll. Ndërkaq, sipas Zyrës për Kosovën në Qeverinë serbe nga ky incident ka mbetur i plagosur një serb.

Sipas një njoftimi për media të Policisë së Kosovës, vetura gjatë lëvizjes ka goditur automjetin e Policisë së Kosovës, duke “rrezikuar drejtpërdrejt edhe jetën zyrtarëve policorë, të cilët për të neutralizuar rrezikun ndaj tyre kanë shtënë me armë zjarri”.

Incidenti ndodhi pasi Policia e Kosovës kishte vendosur një pikë kontrolli për të ruajtur rendin dhe sigurinë publike, por edhe për të parandaluar krimin dhe kontrabandën.

Autoritetet e rendit thanë se të dyshuarit janë larguar nga vendi i ngjarjes, ndërkaq përveç hetimeve për rastin, PK ka njoftuar edhe Inspektoratin Policor për procedura të mëtejme.

Sveçla: Dhuna ndaj policëve nuk do të tolerohet

Ministri i Punëve të Brendshme të Kosovës, Xhelal Sveçla, tha se dy personat në veturën në Leposaviq, qëllimisht goditën automjetin e Policisë së Kosovës, duke “vënë në rrezik jetën e policëve”, që sipas tij, detyroi policët që të shtinin në drejtim të kësaj makine.

“Dua të jem i qartë: çdo formë e dhunës kundër policëve tanë nuk do të tolerohet”, shkroi ai në Twitter.

Më herët gjatë 23 janarit, drejtori i Zyrës për Kosovë në Qeverinë serbe, Petar Petkoviq deklaroi se i plagosuri M.D. është transportuar me urgjencë në spitalin e Kralevës. Sipas tij, njësitë policore të Kosovës “kanë qëlluar” automjetin me serbë “vetëm sepse [ata] nuk kanë dashur të lejojnë që policia t’i keqtrajtojë pa asnjë bazë dhe arsye”.

Sipas Petkoviqit, i plagosuri “është qëlluar në pjesën e majtë të kraharorit dhe ka plagë me armë zjarri”.

Nga spitali në Kralevë thanë se gjendja e pacientit është stabile.

Ndërkaq, Petkoviq tha se në veturën, që po qarkullonte në magjistralen Mitrovicë-Leposaviq, përveç M.D, ishte edhe D.S, i komunitetit serb, i cili nuk ka pësuar lëndime.

Ai përsëriti se njësitë speciale të Policisë së Kosovës “nuk kanë çfarë kërkojnë në veri të Kosovës”.

Lista Serbe kërkon largimin e njësive speciale nga veriu

Nga Lista Serbe, partia kryesore e serbëve të Kosovës, thanë se “sulmi brutal” ka shkaktuar zemërim dhe indinjatë te qytetarët, “të cilët gjithnjë e më shumë ndihen se duhet të mbrohen nga veprimet kriminale të forcave speciale të [kryeministrit të Kosovës, Albin] Kurtit dhe regjimit të tij diktatorial antiserb”.

Kjo parti kërkoi që nga veri i Kosovës të ketë “tërheqje të menjëhershme të të gjitha forcave speciale të Kurtit” dhe përgjegjësit për ngjarjen e sotme të dalin para drejtësisë.

“Edhe një herë theksojmë se prania e vazhdueshme e këtyre formacioneve mund të na çojë në një spirale ngjarjesh që do të kërcënojnë në mënyrë të pakthyeshme paqen në këto zona”.

Ky nuk është incidenti i parë i këtij lloji në veriun e Kosovës të banuar me shumicë serbe. Edhe në të kaluarën, Policia e Kosovës ka raportuar se ka pasur incidente ku kanë qenë të përfshira automjete që dyshohej se bartnin mallra kontrabandë, por edhe sulme të tjera nga zyrtarëve policorë.

Incidenti i 23 janarit, vjen po ashtu një muaj pasi në veri të Kosovës, për 20 ditë rresht në dhjetorin e kaluar, u ngritën barrikada.

Serbët lokalë kishin ngritur barrikada pasi ishte arrestuar një ish-pjesëtar i Policisë së Kosovës. Por, pas ndryshimit të masës së sigurisë nga paraburgim në arrest shtëpiak për Dejan Pantiqin, grupet e serbëve lokalë hoqën barrikadat në veri të Kosovës.

blank

Ndahet nga jeta akademikja Edi Shukriu

Akademikja Edi Shukriu ka vdekur të martën në moshën 73-vjeçare.

Lajmin e ka bërë të ditur Akademia e Shkencave dhe Arteve të Kosovës.

Në njoftim, Akademia e ka konsideruar Shukriun si emër të njohur dhe të çmuar “ në fushën e arkeologjisë, të historisë, të letërsisë, të angazhimeve politike, institucionale dhe kulturore në Kosovë dhe në mbarë hapësirën shqiptare”.

Ajo ka qenë anëtare e rregullt e Akademisë prej vitit 2020.

Përgjatë jetës së saj, ajo ka qenë e angazhuar në jetën publike dhe jetësimin e barazisë gjinore.

Shukriu ka punuar për Ministrinë e Punëve të Jashtme të Kosovës dhe ka qenë deputete e Kuvendit të Kosovës në periudhat 1992-1998 dhe 2002-2004.

Ajo njihet edhe për botimet monografike dhe studimet nga fusha e arkeologjisë dhe historisë.

Varrimi i saj do të bëhet më 18 janar në varrezat e qytetit të Prizrenit.rel

blank

Ndizen qirinj në përvjetorin e pestë të vrasjes së Oliver Ivanoviqit

Fotografi e shënimit të një përvjetori të vrasjes së Oliver Ivanoviqit.

RFE/RL

Përvjetori i pestë i vrasjes së politikanit opozitar serb në Kosovë, Oliver Ivanoviq është shënuar mëngjesin e së hënës para zyrave të partisë së tij, Iniciativa qytetare Liria, Demokracia dhe Drejtësia (SDP) në Mitrovicën e Veriut, ku edhe është vrarë.

Në mëngjesin e 16 janarit, miqtë dhe admiruesit e Ivanoviqit kanë ndezur qirinj në orën 08:15, kur është kryer atentati ndaj tij.

Ai është vrarë me gjashtë plumba në shpinë, para objektit të partisë së tij.

E pranishme ka qenë edhe gruaja e Ivanoviqit, Marina.

Në emër të familjes dhe miqve ka folur Dejan Nedelkoviq, i cili ka falënderuar të pranishmit, por nuk ka pranuar të deklarohet, duke thënë se përgjatë pesë vjetëve ka thënë gjithçka për vrasjen.

Njerëzit duke nderuar figurën e Ivanoviqit para zyrave të partisë më 16 janar 2023.

Njerëzit duke nderuar figurën e Ivanoviqit para zyrave të partisë më 16 janar 2023.

Ai ka bërë thirrje për një minutë heshtje në shenjë respekti, por edhe për të treguar simbolikisht heshtje për rastin e kësaj vrasjeje.

“Arsyeja e minutës së heshtjes është për të vënë në dukje ata që kanë heshtur për pesë vjet dhe dinë shumë më tepër se ne, si për vrasjen, ashtu edhe për autorët, por edhe për komunitetin ndërkombëtar, i cili ka heshtur për pesë vjet më pas. E gjithë kjo është e turpshme”, ka thënë Nedelkoviq.

Edhe pas pesë vjetëve të vrasjes së Ivanoviqit, ende askush nuk është dënuar për këtë rast.

Tre dëshmitarë tashmë janë tërhequr nga dhënia e dëshmisë për këtë rast.

Policia e Kosovës, me urdhër të Prokurorisë Speciale të Kosovës, më 19 tetor ka arrestuar M.M. nga komuniteti serb nën dyshimin se ai ishte anëtar i një “grupi të organizuar kriminal” të lidhur me vrasjen e politikanit të opozitës serbe, Oliver Ivanoviq.

Deri më tani, Prokuroria Speciale e Kosovës ka ngritur tri aktakuza për vrasjen, në të cilat nuk ka pasur ndryshime të mëdha thelbësore.

Procesi gjyqësor po vazhdon ende.

Aktakuza janë ngritur kundër Nedelko Spasojeviqit (ish-oficer policie), Marko Roshiqit (qytetar i Mitrovicës së Veriut), Silvana Arsoviqit (sekretare e të ndjerit Oliver Ivanoviq), Dragisha Markoviqit (ish-oficer policie), Zharko Jovanoviqit (ish-oficer policie) dhe Rade Basaras (ish-oficer policie).

Me vrasjen po ashtu janë të lidhur edhe Zhelko Bojiq (ish-shef i operacioneve në Policinë e Kosovës për rajonin e veriut), Millan Radoiçiq (nënkryetar i Listës Serbe) dhe Zvonko Vesellinoviq (biznesmen).

Ndaj këtyre të fundit nuk është ngritur aktakuzë pasi ata kanë qenë në arrati kur Prokuroria Speciale e Kosovës e ka ngritur aktakuzën e parë.

Në aktakuzë përmenden Radoiçiq dhe Vesellinoviq si “udhëheqës të një grupi kriminal” që ka planifikuar vrasjen e politikanit, Oliver Ivanoviq.

Më 2019, Kosova ka lëshuar një urdhërarrest për Radoiçiqin nën dyshimin se ka pasur lidhje me vrasjen e Ivanoviqit.

Mirëpo, ky fletarrest për Radoiçiqin është tërhequr në mars të vitit 2021 pa ndonjë shpjegim, dhe që nga ajo kohë ai është parë disa herë në veri të Kosovës.

Të gjithë të akuzuarit për vrasjen e Oliver Ivanoviqit janë deklaruar të pafajshëm për akuzat që rëndojnë ndaj tyre.

blank

Albin Kurti: Takimet në Bruksel duhet të mbaheshin çdo muaj

Kryeministri i Kosovës, Albin Kurti në një intervistë në RTK ka folur për investimet austriake në Kosovë dhe eksportin e Kosovës në Austri. Kurti ka folur edhe për dialogun Kosovë Serbi dhe mundësinë e dialogut me presidentin serb, Vuçiq në Bruksel e që sipas tij, këto takime do të duhej të ishin çdo muaj.

Kryeministri Albin Kurti tha se kancelari austriak Karl Nehammer u zotua që marrëdhëniet ndërmjet Kosovës dhe Austrisë do të thellohen edhe në fushën e ekonomisë.

“Ishte një vizitë shumë e frytshme.Është vizita ime e parë zyrtare jashtë vendit sivjet dhe me nderimet më të larta dhe me ngrohësi miqësore kancelari Nehammer u zotua që marrëdhëniet ndërmjet Kosovës dhe Austrisë do të përparojnë edhe në fushën e ekonomisë, tregtisë dhe kulturës”, tha ai.

“Tek Austria gjithmonë mund të llogarisim që mund të kemi një partner dhe një mik edhe sa i përket organizatave ndërkombëtare ku zëri i saj është shumë i rëndësishëm, por edhe sa i përket sigurisë dhe paqes në Kosovë e në rajonin e Ballkanit Perëndimor”.

Ai ka folur edhe për dialogun Kosovë-Serbi dhe mundësinë e dialogut me presidentin serb Vuçiq në Bruksel.

“Më datën 18 gusht të vitit të kaluar u patëm marrë vesh në Bruksel që do të takoheshim çdo muaj. Në shtator kjo nuk ndodhi, por erdhi propozimi franko-gjerman, që e quajmë propozimi i Bashkimit Evropian i mbështetur nga Franca dhe Gjermania dhe nuk pati takim deri më datën 21 nëntor”, rikujtoi ai.

Kurti tha se beson që është dashur të kenë takime më të shpeshta sepse mospajtimi është i madh dhe besimi i ulët, por nuk e di saktësisht pse ka ndodhur kjo.

“Megjithatë kam shpresë se këtë vit do të këtë një angazhim më të madh të bashkësisë ndërkombëtare e posaçërisht të Bashkimit Evropian dhe të Shteteve të Bashkuara të Amerikës në mënyrë që të bëhet më shumë trysni mbi Beogradin”, tha Kurti.

Kryeministri i Kosovës ka folur për investimet nga Austria dhe rritjen e eksporteve.

“Vitin që e lamë pas eksportet kosovare janë rritur për 23 për qind, ndërsa ato drejt Austrisë janë rritur për 28 për qind. Ne jemi të interesuar që eksportet të vazhdojnë të shtohen, por në anën tjetër jemi të interesuar për sa më shumë investitorë austriak që vijnë në Kosovë. E falënderova kancelarin Nehammer për mbështetjen e Austrisë edhe gjatë kohës së okupimit. Të mos harrojmë që para tri dekadave Austria ishte shteti i parë që i ka pranuar diplomat e Universitetit të Prishtinës”, tha Kurti.

Kurti ka thënë se Kosova llogaritë tek Austria edhe sa i përket anëtarësimit në Këshillin e Evropës. “Ata e kanë mirëpritur edhe aplikimin tonë për anëtarësim në Bashkimin Evropian. I falënderova edhe për ushtarët austriak që kanë shërbyer në KFOR”.


Send this to a friend