Kongresistët Keith Self dhe Suhas Subramanyam, së bashku me të ngarkuarën me punë në Ambasadën amerikane, Anu Prattipati, duke shkuar drejt ndërtesës së Qeverisë së Kosovës. 27 maj 2026.

Ndonëse në të gjitha raportet ndërkombëtare, Shqipëria renditet ndër vendet që ka produktiviteti më të ulët në Europë, sidomos për sipërmarrjet e mëdha, punonjësit shqiptarë rezultojnë që kanë orë shumë më të gjatë të punës në krahasim me vendet e Bashkimit Europian dhe në nivele të ngjashme me Ballkanin e Turqinë.

Sipas të dhënave të INSTAT, që janë të disponueshme deri në vitin 2024, një punonjës shqiptar punonte 41.3 orë në javë, nga 41.6 orë vitin e mëparshëm. (Për të punësuarit me pagë, orët totale të punës janë më të larta, duke arritur në 43.6).

Të dhënat e tjera të Eurostat, që i përkasin vitit 2025 tregojnë se në Europë kryeson Turqia, me 42.8 orë në javë. Mali i Zi është i dyti me 42.3 orë, por të dhënat më të fundit i përkasin vitit 2020.

Bosnjë Herecegovina vijon me 40.9 orë, e ndjekur në rajon nga Serbia me 40.6. Orët më të ulëta në rajon i kanë punonjësit e Maqedonisë së Veriut (39.5). Nuk ka të dhëna për Kosovën.

I gjithë rajoni punon me orë më të gjata se shtetet e Bashkimit Europian. Sipas Eurostat, në vitin 2025, orët aktuale javore të punës për punonjësit me kohë të plotë dhe me kohë të pjesshme në Bashkimin Europian (BE), të moshës 20-64 vjeç, në punën e tyre kryesore, ishin mesatarisht 35.9 orë.

Orët mesatare aktuale të punës në javë ndryshojnë midis vendeve të BE-së. Javët më të gjata mesatare u regjistruan në Greqi (39.6 orë), e ndjekur nga Polonia dhe Bullgaria (38.7 orë secila), Lituania (38.4 orë) dhe Sllovenia (38.3 orë).

Në të kundërt, javët më të shkurtra ishin në Holandë (31.9 orë), Gjermani dhe Danimarkë (33.9 orë secila) dhe Austri (34.0 orë).

Shqipëria ka produktivitet të ulët, sidomos për ndërmarrjet e mëdha

Sipas të dhënave të tjera, një studim i OECD (Organizata për Bashkëpunim dhe Zhvillim Ekonomik) gjeti se produktiviteti i ndërmarrjeve të vogla dhe të mesme (NMV) në Shqipëri është sa 29% e mesatares së BE sipas të dhënave që i takojnë vitit 2023.

Sipas krahasimeve të OECD-së një punonjës në një NVM shqiptare prodhon mesatarisht 14,924 euro në vit, ndërsa në ndërmarrjet e mëdha kjo shifër rritet në 19,645 euro.

Në BE një punonjës nga NVM-të kap vlerën e 52,000 eurove për person dhe 87 mijë euro për bizneset e mëdha. Si rrjedhojë, produktiviteti i sipërmarrjeve të mëdha në Shqipëri është më i ulët se atyre të vogla e të mesme, me një prodhim sa 22.6% e mesatares së ndërmarrjeve të mëdha në BE.

Ndërmarrjet e mëdha në Shqipëri renditen jo vetëm sa një e pesta e mesatares së BE-së, por kanë dhe produktivitetin më të ulët në rajon. Kryesimin e mban Serbia, me 31.4 mijë euro/person, e ndjekur nga Bosnjë Hercegovina me 27 mijë euro dhe Maqedonia e Veriut, me 21.6 mijë euro./Monitor

Mbi 10% e popullsisë që jeton në Shqipëri është në vështirësi shumë të mëdha për të përballuar jetesën e përditshme sipas të dhënave nga databaza e INSTAT të rishikuara me censin e ri të popullsisë 2023.

Sipas të dhënave zyrtare të Anketës së Të Ardhurave dhe Nivelit të Jetesës, përqindja e familjeve që deklarojnë se e sigurojnë jetesën me shumë vështirësi ka rënë nga 18.0% që ishte në vitin 2021, në 10.2% në vitin 2024.

Ky përmirësim statistikor nuk erdhi nga niveli i jetesës, po nga kalibrimi i të dhënave bazuar mbi strukturën e re demografike të Censit. Duke iu referuar të dhënave të reja aktualisht në Shqipëri janë rreth 245,015 individë që vuajnë nga varfëria e skajshme.

Treguesi u përllogarit përmes vetë-deklarimit dhe perceptimit të drejtpërdrejtë të qytetarëve mbi të ardhurat e tyre.

Një familje në këtë fashë “jetoj më shumë vështirësi” nënkupton se ajo përballet çdo ditë me privime materiale tejet të mprehta.

Këta individë përjetojnë një pamundësi totale për të përballuar qoftë edhe një shpenzim minimal të papritur, siç mund të jetë një emergjencë shëndetësore apo një defekt i thjeshtë shtëpiak, duke qenë se nuk zotërojnë asnjë lloj kursimi.

Ky grup karakterizohet gjithashtu nga vonesa të vazhdueshme dhe të përsëritura në pagimin e faturave të detyrueshme utilitare si energjia elektrike, uji apo qiraja e banesës, duke bashkëjetuar vazhdimisht me ankthin dhe rrezikun e ndërprerjes së këtyre shërbimeve jetike për shkak të pamundësisë për të shlyer detyrimet në kohë.

Përtej faturave, varfëria e skajshme prek në mënyrë të drejtpërdrejtë cilësinë e ushqyerjes dhe shëndetit, ku familjet e këtij grupi shpesh detyrohen të kursejnë në nevojat më elementare biologjike.

Kjo do të thotë se ata e kanë të pamundur të sigurojnë një vakt të plotë me mish, peshk ose ekuivalentë të paktën një herë në 2 ditë, duke u mjaftuar me një dietë të varfër ushqimore. Gjatë muajve të dimrit, ky presion financiar transferohet te pamundësia për të mbajtur shtëpinë ngrohtë mjaftueshëm, çka ndikon direkt në shëndetin e fëmijëve dhe të moshuarve që jetojnë në këto mjedise.

Kjo pjesë e popullsisë e ka mjaft të vështirë të përballojë zëvendësimin ose blerjen e pajisjeve elektro-shtëpiake më bazike si një lavatriçe apo një frigorifer funksional.

Sipas të dhënave 245,015 shqiptarët shumë të varfër kërkojnë ndërhyrje të targetuara, pasi kjo shtresë e ka të pamundur të përfitojnë nga rritja e përgjithshme ekonomike e vendit pa pasur politika specifike mbështetëse. /Monitor

Kur askush nuk të dëgjon, misioni i censurës dhe i auto censurës tregon se  e ka bërë të vetën.
Por kur askush prej atyre që duan të dëgjohen kur ju duhet vota nuk i mbështesin “kauzat elektorale” në politikë sepse edhe mediat i kanë nëpër xhepa, atëherë shoqëria shqiptare më mirë le ta mirëpresë shkatërrimin brenda vetes dhe të përgatitet për të.
Megjithëse nga dita e 26 Majit e ngjeshur me lajme dhe kronika nuk u mor vesh se si ajo kaloi sa nga BE-ja, tek Gjykatat dhe SPAK-u në Italinë fqinje,… sa nga protesta e studentëve shqiptarë të Maqedonisë së Veriut në Tiranë për përdorimin e gjuhës shqipe, sa nga Ministrja Diella në Çeki e deri tek propaganda e IKMT-s për mbrojtjen e mjedisit e të tjera ngjarje të rrëmujshme dhe nuk u gjet një copëz vend dhe hapësirë mediatike për të pasqyruar  protestën për të mbrojtur Lagunën e Nartës dhe Vjosën, përfundimi i parë që del është se shteti dhe politika tregojnë se nuk janë fare të interesuar.
Duke dashur të mbështesë lëvizjen qytetare mjedisore “Ndaloni Masakrën në Vjosë Nartë”, UGSHPD ( Unioni i Gazetarëve Shqiptarë Profesionistë të Diasporës), vlerëson si të domosdoshme përcjelljen për njohje ndaj publikut shqiptar dhe atij ndërkombëtar të njoftimit dhe kërkesave që parashtroi protesta “Zëri qytetar u ngrit para Ministrisë së Mjedisit kundër shkatërrimit në zonën e mbrojtur Pishë Poro–Nartë.”

Tiranë, 26 Maj 2026 –Qytetarë dhe mbështetës të mbrojtjes së natyrës u mblodhën më 26 Maj, 2026, para Ministrisë së Mjedisit në Tiranë për të protestuar kundër shkatërrimit që po vazhdon në Peizazhin e Mbrojtur Pishë Poro–Nartë.

Protesta u organizua nga Organizata për Ruajtjen dhe Mbrojtjen e Mjedisit Natyror në Shqipëri (PPNEA), pas denoncimeve dhe raportimeve të vazhdueshme nga terreni, si dhe mungesës së plotë të transparencës dhe reagimit institucional nga autoritetet përgjegjëse.

Me pankarta dhe thirrje publike si “Hiqni duart nga Vjosë–Narta”, protestuesit kërkuan ndërhyrje urgjente nga institucionet shtetërore për të ndalur menjëherë punimet dhe ndërhyrjet që po transformojnë në mënyrë të pakthyeshme një nga zonat më të rëndësishme për biodiversitetin në Shqipëri.

Gjatë protestës u denoncua heshtja institucionale përballë situatës në terren, mungesa e transparencës mbi projektin dhe dështimi për të mbrojtur një zonë me rëndësi kombëtare dhe ndërkombëtare. Qytetarët theksuan se Vjosë-Narta nuk mund të trajtohet si një kantier ndërtimi dhe se mbrojtja e saj është një detyrim publik dhe institucional.

Pavarësisht denoncimeve publike dhe konferencave të fundit për shtyp të organizuara, ku janë evidentuar ndërhyrje të paligjshme dhe tjetërsimi i habitatit natyror, institucionet shtetërore kanë zgjedhur të heshtin dhe ta minimizojnë situatën, duke e konsideruar atë thjesht si “rrethim të një prone private për qëllime studimesh gjeologjike”.

Verifikimet më të fundit në terren dëshmojnë të kundërtën. Betonizimi i vijës bregdetare, hapja e rrugëve permanente nga makineritë e rënda dhe kufizimi i paligjshëm i aksesit publik konfirmojnë ngritjen e një kantieri që po shkakton dëme të pakthyeshme në një ekosistem me rëndësi kritike për biodiversitetin dhe shpendët shtegtarë.

Përmes kësaj proteste, u kërkua në mënyrë të prerë:

Ndalimi i menjëhershëm të punimeve dhe tërheqjen e makinerive të rënda nga zemra e Peizazhit të Mbrojtur Pishë Poro–Nartë;
Publikimi i çdo dokumenti zyrtar, përfshirë Vlerësimin e Ndikimit në Mjedis (VNM) dhe lejet përkatëse, të cilat deri më sot nuk janë bërë transparente për publikun dhe grupet e interesit;
Ndërhyrja e menjëhershme të Agjencisë Kombëtare të Zonave të Mbrojtura (AKZM), IKMT-së dhe Policisë së Shtetit për të ushtruar përgjegjësitë e tyre ligjore ndaj shkatërrimit në këtë zonë të mbrojtur.

Ky krim mjedisor po transformon njëherë e përgjithmonë Peizazhin e Mbrojtur Pishë Poro-Nartë.

Kjo protestë vjen pas një serie reagimesh publike, deklaratash dhe konferencash për shtyp të organizuara nga palët e interesit gjatë javëve të fundit, ku janë publikuar vazhdimisht prova dhe dokumentime nga terreni mbi ndërhyrjet në zonë.

Për të ndjekur zhvillimet dhe reagimet publike mbi situatën në Vjosë–Nartë lexoni:

“SAVE VJOSA–NARTA” -PPNEA

Kryeministri në detyrë i Kosovës, Albin Kurti, priti sot në takim një delegacion bipartizan të Kongresit Amerikan, i përbërë nga kongresisti republikan Keith Self dhe kongresisti demokrat Suhas Subramanyam.

Gjatë takimit, Kurti foli për çështjet e mbrojtjes, paqes dhe sigurisë në rajon, duke i falënderuar kongresistët për mbështetjen ndaj aspiratës së Kosovës për anëtarësim në NATO, bëhet e ditur nga komunikata për media.

Kurti veçoi Rezolutat 1246 dhe 1250 të Dhomës së Përfaqësuesve të SHBA-së, të cilat mbështesin integrimin e Kosovës në Aleancën Veri-Atlantike dhe kërkojnë vazhdimin e kontributit të forcave amerikane në kuadër të misionit të KFOR-it.

Kurti theksoi gjithashtu rëndësinë e përputhshmërisë në politikën e jashtme mes Kosovës dhe aleatëve perëndimorë.

Në takim u diskutua edhe për investimet e Kosovës në mbrojtje, zhvillimin teknologjik, zgjerimin e bashkëpunimit ekonomik dhe tregtar me SHBA-në, si dhe për reformat në sektorin e arsimit.

Duke folur për vizitën që kongresistët zhvilluan paraprakisht në Luginën e Preshevës, Kurti deklaroi se pakicat në të gjitha vendet e Ballkanit Perëndimor duhet të gëzojnë të drejta të krahasueshme.

Keith Self është kryetar i Nënkomisionit për Evropën në Komisionin për Punë të Jashtme të Dhomës së Përfaqësuesve, ndërsa Suhas Subramanyam është anëtar i Nënkomisionit për Çështje Ushtarake dhe të Jashtme. /zyra e shtypit

U.d. e presidentit të Kosovës, Albulena Haxhiu, dhe kongresistët amerikanë Keith Self dhe Suhas Subramanyam.

Kongresistët Keith Self dhe Suhas Subramanyam gjatë vizitës në kampin Bondsteel në Kosovë.

Të shumtë janë studentët që kanë marrë pjesë në protestën e sotme në Tiranë, e cila u organizua në mbështetje të studentëve shqiptarë në Maqedoninë e Veriut.

Fillimisht marshimi nisi në Sheshin Skënderbej dhe u drejtua për në Ambasadën e Maqedonisë së Veriut në Tiranë.

Thirrjet fjalimet dhe organizimi i protestës është lënë të drejtohet nga studentë shqiptarë të Maqedonisë së Veriut.

Ndërsa nuk kanë munguar edhe thirrjet; Tirana, Shkupi, Prishtina janë bashkë. Gjithashtu njëzëri kanë kënduar edhe këngën “Mora fjalë”. bw

Studentët kanë nisur marshimin drejt ambasadës së Maqedonisë së Veriut, në Tiranë.

Protesta është organizuar në mbështetje të studentëve shqiptare në RMV, të cilët kërkojnë të zhvillojnë provimin e Jurispridencës, në Gjuhës Shqipe.

Kujtojmë se më herët studentët shqiptarë në Maqedoninë e Veriut, kanë organizuar dy protesta, duke kërkuar që të  plotësohen kërkesat e tyre për Gjuhën Shqipe.

Të pranishëm në këtë marshim janë edhe personazhe publike që mbështesin studentët në këtë protestë. bw

Ka nisur protesta në mbështetje të studentëve shqiptare në Maqedoninë e Veriut, të cilët kërkojnë që provimin e Jurispridencës ta zhvillojnë në Gjuhën Shqipe.

Ashtu siç ishte paralajmëruar protesta është organizuar në Tiranë, në Sheshin “Skenderbej”,.

Të shumtë janë studentët që i janë bashkuar kësaj proteste në Tiranë.

Me pankarta në duar, ata theksojnë do të qëndrojnë në mbështetje të studentëve në RMV, “Një gjuhë na bashkon përtej kufijve”, shkruhet në një prej pankartave.

Kujtojmë se më 18 maj, studentët shqiptarë në Maqedoninë e Veriut, zhvilluan protestën e dytë në Shkup për gjuhën shqipe, ku të pranishëm ishin mijëra studentë nga të gjitha trevat shqiptare.

Gjithashtu, studentët kanë kërkuar dorëheqjen e ministrit të Drejtësisë në Maqedoninë e Veriut. Protesta vjen si shprehje e revoltës së studentëve pas refuzimit të kërkesës së tyre nga ministri aktual i Drejtësisë, Igor Filkov. bw

Sot në orën 17:00, sheshi “Skënderbej” do të kthehet në pikënisjen e një marshimi të madh drejt Ambasadës Maqedonase në Tiranë, në mbështetje të studentëve shqiptarë që kërkojnë të drejtën për të zhvilluar provimin përfundimtar të jurisprudencës në gjuhën shqipe. 

Gjatë një interviste në SYRI TV, studentja e Fakultetit të Drejtësisë, Aida Turku, ka zbuluar peripecitë me të cilat u përballën 40 të rinj shqiptarë që udhëtuan drejt Shkupit për t’iu bashkuar protestës atje.

Sipas Turkut, autoritetet maqedonase, duke e kuptuar qëllimin e udhëtimit në doganën e Bllatës, vonuan qëllimisht procesin e kalimit të kufirit. Pavarësisht se studentët e shtynë orarin e marshimit për të mbërritur në kohë, një makinë civile dhe patrullat e policisë i devijuan ata drejt kufirit me Serbinë, duke përdorur një gjuhë thellësisht raciste dhe tendencioze, pavarësisht se autobusi përbëhej kryesisht nga vajza dhe nisma ishte tërësisht paqësore.

Studentja tregon se kjo ngjarje ka shërbyer si një shkëndijë për të bashkuar masivisht të rinjtë. Protestës së sotme në Tiranë nuk do t’i bashkohen vetëm studentët e Drejtësisë, por edhe ata të Shkencave Sociale, Mjekësisë dhe universiteteve private. Për më tepër, mbështetja ka kaluar kufijtë e Shqipërisë, pasi një autobus me studentë nga Prishtina dhe vetë organizatorët nga Maqedonia e Veriut kanë mbërritur në kryeqytet për të marshuar krah për krah me moshatarët e tyre.

Tubimi, për të cilin është njoftuar zyrtarisht policia e shtetit, nuk do të jetë thjesht një marshim simbolik, por do të shoqërohet me fjalime të forta për të përcjellë mesazhe të qarta teorike dhe praktike mbi mbrojtjen e të drejtave thelbësore të shqiptarëve në rajon.

Turku:

Atëherë, siç e kemi thënë dhe e kemi stërthënë gjatë gjithë këtyre ditëve lobimi për këtë protestë me këtë ide dhe me këtë kauzë kaq të qenësishme… edhe pak orë na ndajnë, për mos thënë edhe një orë na ndan nga startimi i protestës, e cila do të nisë në orën 17:00. Po, në orën 17:00 do të mblidhemi që të gjithë në sheshin Skënderbej për të vijuar më tej me manifestimin tonë drejt Ambasadës Maqedonase këtu në Shqipëri.  Po, do të mblidhemi në sheshin Skënderbej të gjithë studentët dhe më pas do të vijojmë.

Patjetër që jo vetëm studentë të Fakultetit të Drejtësisë. Ne e kemi shtrirë të gjithë angazhimin tonë jo vetëm në Fakultetin e Drejtësisë që është dega përkatëse për të cilën edhe po luftojnë, po nisin zërin kolegët tanë shqiptarë në Maqedoninë e Veriut. Na janë mbështetur shumë brenda kauzës sonë edhe kolegë të tjerë studentë, përmendim këtu studentët e shkencave sociale, shkencave mjekësore, por edhe universitete private.

E kemi ndryshuar pak atë mentalitetin dhe mendësinë përsa i përket angazhimit të të rinjve në protestë. Në fakt mendoj që iniciativa kryesore dhe ideja kryesore vjen nga axhetimi i vetë neve 40 studentëve që ishim në atë autobusin që u ndaluam që të protestonim dhe të ushtronim të drejtën qytetare tonën pranë kolegëve tanë shqiptarë, maqedonas atje në Shkup. Iniciativa ishte e jona, që në ato momente paralajmëruan protestë, më pas me ritme të shpejta gjatë gjithë javës por për të konkluduar edhe në ditën e sotme, kemi finalizuar këtë. Në fakt unë nuk e shikoj si një mungesë interesi nga studentët. Në fakt ne jam shokuar, se të këtij mendimi isha dhe unë e intensifikohesha me të madhe që e kemi atë frikën që të mos protestojmë dhe të mos jemi qytetarë aktivë dhe të ushtrojmë të drejtat tona, por në fakt treguam diçka ndryshe dhe besoj do ta shikojmë masivisht edhe në sheshin e protestës.

Atëherë autoritetet e shtetit fqinj do të thosha… Si fillim, kuptuan që ne nuk ishim studentë që po shkonim thjesht për një vizitë turistike në Shkup, siç edhe neve menduam që ta paraqisnim që të mos kishte polemikat më të mëdha, por u kuptua që vizita jonë dhe data, ora në të cilën neve u shfaqëm pranë doganës së Bllatës në Maqedoni, përkonte me datën e protestës. Datën e kuptuan dhe me qëllim na ndaluan dhe na e vonuan proceset për të kaluar kufirin diku tek një orë, një orë e gjysmë që të humbisnim orarin e protestës. Lobuam përsëri me kolegët tanë atje që ta çonim misionin deri në fund, shtymë orarin e protestës diku tek një orë që ne ta kapnim të paktën diku nga mesi protestën. Më pas, patrullat e policisë na shoqëruan përgjatë gjithë rrugës se do na shoqëronin për të shkuar në hyrje të Shkupit. Në momentin që donim të hynim në hyrje të Shkupit, një makinë civile na ndalon dhe na thotë që duhet të vini me ne për kontrolle të imtësishme përpara se të futeni në qytetin e Shkupit. Më pas ai kontrolli nuk ndodhi asnjëherë.

Kontrolle raciste jo, por gjuha ishte raciste, ishte shumë tendencioze edhe mënyra se si u shfaqën dhe se si e patën qasjen ndaj nesh.

Ne ishim studentë, mund të përmend ndoshta dhe faktin për ta eufemizuar pak edhe çështjen nëse e kanë menduar si diçka, si tentativë agresive protestën. Ne ishim me shumicë femërore lart në autobus. Kështu që protesta ishte paralajmëruar që do të ishte krejtësisht paqësore, kështu që nuk e di, por mendoj thjesht ishte një tentativë tendencioze nga autoritetet maqedonase dhe na çuan drejt kufirit të Serbisë për të humbur po ashtu edhe orarin të cilin neve e shtymë për herë të dytë për protestën.

Po, duke qenë patjetër… duke qenë pjesë e grupit iniciator dhe organizues kryesor të kësaj proteste. Nga burimet e mia personale, di që kryesorët, studentët kryesorë që kanë organizuar dhe protestën në Shkup, kanë mbërritur që mbrëmë në Shqipëri. Janë këtu në Tiranë, do të na bashkohen së shpejti në sheshin e protestës, pasi dalim nga intervista jemi direkt për në shesh. Kështu që autobusi tjetër është nisur diku nga ora 12:00, 12:30 për të mos, sepse dua të jem e përgjegjshme edhe të mos gaboj me pjesën e orareve. Besoj e kanë kaluar kufirin dhe do të gjenden pranë nesh.

Shiko, nga autoritetet tona jo, sepse janë paralajmëruar dhe e kemi çdo gjë shumë të ligjëruar dhe me shumë leje…

Thjesht kemi dërguar atë njoftimin që duhet dërguar pranë policisë, sepse po ushtrojmë një të drejtë qytetare, nuk besoj që është diçka që duhet ta lobonim me të madhe për të marrë leje.

Patjetër që kemi parashikuar dhe fjalime. Fjalimet nuk janë në kuadër të të bërit protagonizëm apo nuk e di se çfarë mund të lobohet lart e poshtë nëpër media apo nëpër rrugë jo mediatike. Fjalimet janë për t’i dhënë atë formën jo thjesht si protestë dhe jo thjesht si një tubim i disa individëve që po dalin për një kauzë thjesht në mënyrë figurative. Ato fjalime janë për të dhënë një mesazh dhe për ta kthyer protestën në një formë jo vetëm praktike, por edhe një formë teorike, për të dhënë një mesazh të caktuar.

Në fakt… Po, po, nga Kosova e kemi… e kemi një autobus i cili po na vjen nga Prishtina dhe mendoj që edhe ata kanë ardhur besoj në po të njëjtën kohë paralelisht me kolegët shqiptarë të Maqedonas. Kështu që, përsa i përket rretheve, nuk kemi dashur që t’i ngremë dhe t’i intensifikojmë ata… besoj që kemi mjaftueshëm përfaqësim dhe Tirana ka mjaftueshëm studentë, kështu që zëri i tyre po çohet në forma të tjera dhe jo vetëm fizikisht, kështu që mbështetja që kanë dhënë ata online për kauzën dhe për të gjithë produktivitetin që e kanë parë synim…