VOAL

VOAL

Please Wait ...
0%

Supa me oriz dhe patate – Shëndeti i mirë në një pjatë

By | April 10, 2019

Komentet

Si të përgatisni palaçinkat e fryra – Të shpejta dhe të lehta

Disa sekrete në përgatitjen e tyre do të japi rezultatin e dëshiruar por edhe do t’ju kënaqë shqisat në maksimum.

Palaçinkat e fryra, ose siç njihen ndryshe palaçinkat japoneze, janë perfekte për mëngjesin në familje.

Të buta e me shije delikate, këto palaçinka janë më të lehtat që do të provoni.

Disa sekrete në përgatitjen e tyre do të japi rezultatin e dëshiruar por edhe do t’ju kënaqë shqisat në maksimum.

Hapat janë shumë të thjeshtë dhe përbërësit i gjeni në kuzhinën tuaj.

Përbërësit

2 të bardha vezësh

35g miell

25ml qumësht të vakët

1 lugë çaji vanilje

2 të verdha vezësh

2g fryrës ëmbëlsirash

25g sheqer

Përgatitja

Të bardhat e vezëve vendosini në një tas dhe vendosini në ngrirje për 10 minuta.

Ndërkohë në një tjetër tas, AgroWeb.org ju këshillon që të përzieni të verdhat e vezëve me qumështin, vaniljen, fryrësin dhe miellin.

Përziejini me telin e kuzhinës derisa të krijoni një brum kremoz dhe të hollë.

Tani e kanë radhën të bardhat e vezëve, të cilat duhet t’i punoni me rrahësin elektrik derisa të formoni merengen.

Sheqerin shtojeni gradualisht ndërkohë që i rrihni të bardhat e vezëve, kështu masa do të bëhet më e plotë dhe e qëndrueshme.

Ngadalë merengen shtojeni tek brumi që përgatitët në fillim dhe përziejeni me telin e kuzhinës.

Tregoni kujdes që të mos e përzieni shumë pasi volume i merenges nuk duhet të bjerë, vetëm kështu palaçinkat do të dalin të fryra.

Në zjarr vendosni tiganin e krepave dhe lyejeni me shumë pak gjalpë.

Kur të jetë ngrohur hidhni pak nga brumi dhe në momentin që të jetë mpiksur nga njëra anë shtoni pak ujë.

Mbulojeni tiganin me kapak dhe lëreni palaçinkat të piqen në zjarr të ulët për 2 minuta.

Pasi të ketë kaluar koha, shtoni pak brumë sipër shtresës së parë dhe kthejini nga ana tjetër.

Përsërisni hapat duke hedhur pak ujë dhe mbyllur me kapak derisa palaçinkat të piqen edhe nga ana tjetër.

Në fund këto palaçinka mund t’i shoqëroni me të kripura apo të ëmbla sipas dëshirës.

Tri receta të shijshme me kungulleshka

Ndiqni me kujdes hapat dhe do të kënaqni nepsin tuaj por dhe do të surprizoni familjarët tuaj.

Tani që jemi në mes të stinës së verës është pothuaj e pamundur që të mos kemi kungulleshka ngado.

AgroWeb.org ju tregon në këtë artikull tre receta speciale, ku kungulli i vogël është përbërësi kryesor, të cilat duhet t’i provoni patjetër.

Të shijshme dhe të shpejta, recetat do t’i japin një tjetër pamje tryezës suaj.

Për mëngjes, drekë dhe një nga ëmbëlsirat më të shijshme që do të provoni.

Ndiqni me kujdes hapat dhe do të kënaqni nepsin tuaj por dhe do të surprizoni familjarët tuaj.

Për mëngjesin me shije perfekte: Petulla me Kungulleshka

Përbërësit

500g miell

1 vezë

12g maja e freskët

300ml ujë

3-4 kungulleshka

Kripë

Përgatitja

Grini dhe shtrydhni lehtë kungulleshkat për t’i larguar ujin e tepërt.

Në një tas hidhni majanë dhe 3-4 lugë gjelle me ujë të vakët.

Ndërkohë në një enë tjetër rrihni vezën dhe miellin me kripën duke shtuar ngadalë ujin.

Bashkoni edhe ujin me majanë dhe përziejeni mirë brumin.

Në fund shtoni dhe kungulleshkat e grira dhe brumi është gti.

Vendosni në zjarr një tigan me vaj për skuqje dhe hidhni brumin me një lugë gjelle.

Kur petullat të jenë skuqur shërbejini të ngrohta me djathë.

Për një drekë të shëndetshme: Lazanja me Kungulleshka

Përbërësit

Vaj ulliri

4 thelbi hudhër

4-5 kungulleshka

100ml salcë domateje

150g djathë kaçkavall

250g mish të grirë

1 qepë

1 karotë

Kripë

Piper i zi

Dafinë

Përgatitja

Si fillim vendosni një tigan në zjarr dhe aty hidhni vajin e ullirit.

Grini qepën dhe karotën në kubikë sa më të vegjël, ndërkohë hudhrën shtypeni.

Kur të jetë ngrohur vaji hidhni qepën dhe kur të jetë bërë gati transparente shtoni mishin e grirë dhe hudhrën dhe skuqini lehtë.

Më pas jepini shije me kripë, piper të zi dhe disa gjethe dafinë dhe shtoni dhe salcën e domates.

Mos e avulloni plotësisht ujin e domates paso do të duhet për pjekjen e kungulleshkave.

Prisni kungulleshkat në shirita dhe nisni me përgatitjen e lazanjës.

Në një tavë hidhni pak vaj dhe shtroni kungulleshkat e prera, më pas një shtresë me salcën e kështu me radhë.

Në fund spërkateni me djathin kaçkavall të grirë dhe piqeni në furrë të ngrohur me 200 gradë.

Kënaqni veten me këtë kek me kungulleshka

Përbërësit

2-3 kungulleshka

3 gota me miell

2 lugë çaji me fryrës ëmbëlsirash

2 lugë çaji me lëkurë limoni

2 vezë

1 gotë e gjysmë me sheqer

4-5 lugë gjelle vaj ulliri

Përgatitja

Nisni me grirjen e kungulleshkave dhe më pas shtrydhini lehtë me një napë për t’i hequr lagështirën.

Më pas në një tas përzieni vezët me sheqerin derisa të formoni një krem të plotë.

Shtoni aty vajin e ullirit dhe më pas miellin e fryrësin e ëmbëlsirave.

Hidhni dhe kungulleshkat e grira si dhe lëkurën e limonit dhe përziejini mirë.

Brumin kalojeni në një tavë keku të lyer me vaj dhe pak miell.

Piqeni në furrë të ngrohur me 180-200 gradë.

Petulla pa miell – Receta e thjeshtë me shijen më të veçantë

Petullat me dy përbërës përbëjnë një recetë të lehtë e të thjeshtë për çdo amvisë.

Veza me bananen janë dy përbërës që mund të kombinohen lehtë në disa receta, kryesisht të ëmbla.

Në këtë artikull të AgroWeb.org do të mësoni se si me këto dy përbërës të gatuani petulla të ëmbla e të shijshme për mëngjes dhe jo vetëm.

Petullat me dy përbërës përbëjnë një recetë të lehtë e të thjeshtë për çdo amvisë.

Ato pasurohen me shurup, reçel apo mjaltë por edhe me të kripura.

Masa kremoze e përfituar nga rrahja e bananes me vezët gatuhet shpejt dhe shkrihet në gojë.

Shija është ajo e bananes por nëse përdorni pak vanilje ose mjaltë, shija do të jetë më e plotë dhe më e ndezur.

Me recetën e mëposhtme do të mund të gatuani 8 petulla me vezë e banane.

Përbërësit:

Një banane,

2 vezë të mëdha të rrahura bashkë.

Gjalpë ose vaj për skuqja,

Reçel dhe sheqer pluhur

Përbërës shtesë:

Një majë luge çaji me pluhur pjekës që petullat të jenë të fryra,

Një majë luge çaji  me kripë,

Më shumë se gjysëm luge çaji me vanilje,

1 lugë gjelle me kakao pluhur të paëmbëlsuar,

1 lugë gjelle me mjaltë,

Gjysëm filxhani çaji me arra të grira ose copa çokollate,

1 filxhan çaji me copa frutash të freskëta.

Përgatitja:

Shtypeni bananen në një tas duke përdorur një pirun deri sa ajo t’i përngjajë një pudingu të qullët.

Shtoni ëmbëlsuesit e përzgjedhur të sugjeruar më lart por arrat ose copat e çokollatës ruajini për më vonë.

Shtoni vezët dhe rrihini bashkë me një mikser dore deri sa të formohet një masë kremoze, e lëngshme si ajo e petullave.

Ngroheni tiganin në zjarr dhe hidhni yndyrën e preferuar.

Kur ajo të jetë nxehur mjaftueshëm, hidhni dy lugë gjelle nga brumi i lëngshëm i krepave.

Piqini në tigan deri sa sipërfaqja e secilës anë të marrë ngjyrë të artë në kafe.

Vendosini në një pjatancë dhe spërkatini me arra ose copa çokollate.

Servirini të ngrohta dhe shtoni mjaltë, reçel ose sheqer pluhur.

Menyra speciale e përgatitjes së kadaifit me petë – Receta me ëmbëlsi fantastike

Kadaifi është një ëmbëlsirë që shqiptarët e konsumojnë shumë për festa dhe jo vetëm.

Kadaifi është një ëmbëlsirë që shqiptarët e konsumojnë shumë për festa dhe jo vetëm.

Kjo ëmbëlsirë me origjinë turke është përvetësuar në traditën tonë dhe pasuruar me elemëntë të kulturës shqiptare duke u bërë një ëmbëlsirë mjaft e shijshme, nga ato që të ngelet në mend

Nëse ballkavaja ka nderin të serviret vetëm gjatë Vitit të Ri, kadaifi fijehollë nuk ka nevojë për justifikim.

Atë amvisat e përgatisin sa herë të kenë dëshirë për vetë faktin se bëhet shumë lehtë.

Kadaifi përgatitet nga mielli dhe uji, por sipas preferencës pasurohet me gjalpë, arra, fistik e çokollatë.

Ai piqet duke marrë një ngjyrë të artë dhe më pas përzihet me shërbetin duke u zbutur dhe marrë një shije për të lëpirë gishtat.

Zakonisht, kadaifi përgatitet në tepsi dhe ndahet në feta të vogla katrore.

Kjo është metoda tradicionale por AgroWeb.org do t’ju mësojë edhe një mënyrë interesante atë përgatitjes së kadaifit me petë bakllavaje.

Përgatitja e Kadaifit me Petë

Përbërësit

1 pako petë të gatshme ëmbëlsirash

500 gr kadaif

250 gr gjalpë të freskët

250 gr arra të thërrmuara

100 gr rrush të thatë

Për sherbetin

1 kg heqer

500 ml ujë

5-6 karafila

Dy lugë gjelle lëng limoni

Përgatitja

Si fillim, AgroWeb.org ju këshillon të shkrini gjalpin e freskët.

Ndërkohë, arrat pasi t’i keni thërrmuar bashkojini me kadaifin, përzjeini bashkë me rrushin e thatë dhe shtoni edhe katër lugë gjelle nga gjalpi i shkrirë.

Hapni një petë të gatshme, spërkateni me disa pika gjalpë dhe kështu vijoni deri me 6 peta. Më pas, shtroni kadaif me arra dhe rrush të thatë në të gjithë sipërfaqen e petës dhe mblidheni në formën e rolesë.

Vijoni kështu derisa të mbarojë mbushja më kadaif.

Si fillim, roletë e përgatitura vendosini në frigorifer (jo në zonën e ngrirjes) dhe lërini të qendrojnë aty përreth 1 orë.

Më pas, roletë e përgatitura vendosini me rradhë në formën e dredhanikut në një tepsi ( si në foto) dhe futeni më pas të piqet në furrë të parangrohur në temperaturë 170 gradë celcius për reth 50-60 minuta.

Pasi të piqet, lëreni të ftohet. Kur të jetë ftohur hidhini sipër në të gjithë sipërfaqen sherbetin e nxehtë.

Për përgatitjen e sherbetit mjafton të hidhni në një tenxhere ujin dhe sheqerin dhe lëreni derisa shurupi të trashet në formën e sherbetit.

Qepët – Si t’i karamelizoni pa i djegur

Ndonëse karamelizimi tingëllon si një proces që mund të bëhet vetëm nga një profesionist, është krejt e kundërta.

Janë të pakët ato përbërës kuzhine që mund të çojnë shijen e një gatimi në një tjetër nivel.

Ndër to mund të përmendim qepët e karamelizuara, të buta, të ëmbla, me shije të ndezur e fantastike.

Ndonëse karamelizimi tingëllon si një proces që mund të bëhet vetëm nga një profesionist, është krejt e kundërta.

Ajo që ju nevojitet është qepa, gjalpi ose vaji i ullirit, tigan dhe kohë.

Cilat Janë Qepët Më Të Mira Për Karamelizim?

Të gjitha llojet e qepëve mund të karamelizohen, por ato të verdha bëhen më shpejt.

Të kuqet karamelizohen mirë dhe përshtaten shkëlqyeshëm me picat dhe sallatat.

Edhe qepët e bardha karamelizohen mjaft mirë dhe me shije.

Cila Është Sasia e Duhur e Qepës Për Karamelizim Të Mirë

Më e mira e të mirave është që të përdorni tre deri në katër qepë të mëdha në një proces të vetëm që zgjat diku rreth një orë.

Ky proces kërkon kohën, durimin dhe temperaturën e duhur.

Si Të Bëni Qepët e Karamelizuara Perfekte

Kjo recetë do ju ndihmojë në shumë receta të larmishme dhe mbi të gjitha do të ndezë dhe pasurojë shqisat tuaja.

Përbërësit:

  • 2-4 qepë të bardha
  • 2 lugë gjelle gjalpë pa kripë, vaj ulliri ose një përzierje mes të dyjave
  • Treçerek filxhani verë të bardhë ose të kuqe, lëng perimesh, uthull balsamike ose ujë
  • Gjysmë luge çaji kripë të trashë
  • Një majë luge çaji sodë buke

Përgatitja:

Grijini qepët hollë sipas gjatësisë.

Vendosni tiganin në zjarr dhe shkrini yndyrën e përzgjedhur.

Kur vaji ose gjalpi të jetë ngrohur mirë hidhni qepët dhe përziejini herë pas here çdo pesë minuta.

Nëse në fund të tiganit formohet një shtresë yndyre kruajeni me lugë druri.

Koha e saktë e gatimit është në varësi të sasisë së qepës, sasisë së lëngjeve dhe përmbajtjes së sheqerit.

Në 10 minuta, qepët do të zbuten dhe do të bëhen të tejdukshme duke lëshuar shumë lëng në tigan.

Në 20 minuta, qepët do të shpërbëhen dhe disa syresh do të shfaqin shenjat e karamelizimit.

Nëse ju duket që temperatura është shumë e lartë, uleni lehtë për të evituar djegien.

Në 30 minuta qepët do të shkrihen me njëra tjetër dhe do të bëhen të lehta e të buta duke u ndjekur ritmin e lëvizjes së lugës.

Në 40 minuta qepët do të jenë të arta dhe aroma e tyre e pikasur.

Nëse ju pëlqejnë në shije dhe aromë, hiqeni tiganin nga zjarri, shtoni lëngun e përzgjedhur dhe ndërsa ai bulëzon, përziejini qepët sërish.

Shtoni kripën dhe nëse vendosni të shtoni edhe sodën e bukës, treteni atë me pak ujë dhe hidheni në masën e qepëve duke e përzier për 30 sekonda.

Qepët e karamelizuara mund të ruhen në frigorifer për 1 javë ose në ngrirje për 3 muaj./AgroWeb.org

Kungullor – Receta perfekte për t’u shijuar gjatë verës

Edhe pse i ngjason byrekut të ëmbël me kungull, ka një veçanti sinë përgatitjen e petëve edhe në atë të shtrimit të tyre.

Një shije perfekte për t’u provuar gjatë ditëve të verës pasi kungujt janë të freskët dhe të stinës.

Plot aromë, kjo recetë ka për t’u kthyer në të preferuarën tuaj.

Edhe pse i ngjason byrekut të ëmbël me kungull, ka një veçanti sinë përgatitjen e petëve edhe në atë të shtrimit të tyre.

Ndiqni me kujdes hapat që AgroWeb.org ju tregon dhe shijojeni këtë pjatë në familje.

Përbërësit për brumin:

1 kg miell

0.5 litra ujë

1 gotë vaj dhe pak gjalpë të shkrirë

1 lugë gjelle me kripë

Përbërësit për mbushjen me kungull:

1 kungull vere

1 gotë maze ose ajkë qumështi

1 gotë sheqer

Gjysmë luge kripë

Përgatitja e kungullorit:

Në një tavë hidhni miellin dhe kripën dhe më pas hapni një gropëz dhe aty shtoni ujin ndërkohë që e punoni me duar.

Brumi do të jetë njësoj si ai i byrekut të zakonshëm në lidhje me butësinë dhe lagështirën.

AgroWeb.org ju këshillon që brumin ta ndani në 15 kuleçë në madhësinë e një kokërr arre.

Hapini kuleçët një e nga një në madhësinë e një pjate, pra rreth 22-24cm.

Pasi të keni mbaruar me këtë hap merrni njërën nga petët dhe lyejeni sipërfaqen e saj me pak vaj.

Mbi të vendosni një petë tjetër e kështu me radhë derisa të keni mbaruar me të gjitha petët e hapura.

Tani hapni petën 10cm më të gjerë në diametër de tava që do të përdorni për kungullorin.

Diçka e tillë bëhet që petët të palosen mbi mbushjen por në të njëjtën kohë të lënë mesin e hapur.

Tani AgroWeb.org ju këshillon që të përgatisni mbushjen me kungull.

Qëroni kungullin dhe griheni në rende, më pas kriposeni dhe punojeni me duar derisa të lëshojë ujin e tepërt.

Vendoseni kungullin në një kullore dhe lëreni aty që të largohet plotësisht uji.

Më pas kalojeni atë në një tas dhe përziejeni me sheqerin dhe ajkën e qumështit.

Tavën lyejeni lehtë me gjalpë të shkrirë dhe vendosni petën duke treguar kujdes që anët e saj të varen jashtë.

Në mes përhapni mirë kungullin dhe spërkateni atë përsëri me gjalpë të shkrirë.

Mbulojeni mbushjen deri aty ku ju lejon peta duke e palosur me kujdes.

Spërkateni përsëri me gjalpë të shkrirë dhe futeni për t’u pjekur në furrë të ngrohur me 200 gradë.

Krap i pjekur nga Shën Naumi – Receta e vjetër

Liqeni i Ohrit nuk njihet vetëm për koranin e shijshëm, por edhe për krapin.

Në qytetet dhe fshatrat përreth gjen receta të pafundme ku përbërësi kryesor është pikërisht peshku krap.

Një prej tyre AgroWeb.org e sjell për ju sot në mënyrë që të mund ta shijoni me familjarët tuaj.

Kjo recetë i përket faktikisht zonave përreth Shën Naumit, manastirit të famshëm.

Gjithsesi përgatitet pothuaj kudo ku ky peshk rritet.

AgroWeb.org ju tregon mënyrën më të thjeshtë dhe të shpejtë për gatimin e tij.

Përbërësit

1.5 kg krap

4 karota mesatare

3 qepë të thata

1-2 limona

Majdanoz

1 bohçe hudhër

200ml verë të bardhë

100ml salcë domatesh

Vaj ulliri

Kripë

Pipër të zi

Pipër të kuq

Spec djegës

Borzilok

Trumzë

Përgatitja

Në një tas të madh qëroni dhe prisni në rrathë të hollë karotat, e më pas grini hollë qepët.

Marinojini perimet me pak vaj dhe erëzat e përmendura tek lista e përbërësve.

Ndërkohë keni lyer me vaj ulliri një tavë. AgroWeb.org ju këshillon që me salcën të krijoni një shtresë të hollë në fund të tavës.

Më pas shtoni edhe verën.

Peshkun duhet ta keni pastruar mirë si nga luspat ashtu edhe nga të brendshmet, e më pas ta keni shpëlarë mirë me ujë të bollshëm.

I pari që do të vendosni në tavë është pikërisht krapi.

Bëni disa prerje të vogla përgjatë peshkut, ndërkohë që brenda tij vendosni fetat e limonit dhe thelpinjtë e hudhrës.

Spërkateni sipërfaqen e peshkut me majdanoz, piper të zi, borzilok dhe trumzë.

Më pas e kanë radhën perimet që ndërkohë janë marinuar.

Mundohuni që t’i shtroni ato rreth e rrotull peshkut, kështu lagështira e tyre do t’i japë aromën fantastike krapit.

Në një tigan ngrohni 100ml vaj dhe hidheni të nxehtë mbi peshkun dhe perimet.

Futeni tavën për t’u pjekur në furrë të ngrohur më parë me 200gradë, dhe lëreni për një orë.

Kur koha të ketë kaluar, AgroWeb.org ju sugjeron që të ktheni peshkun nga ana tjetër.

Tregoni kujdes që mos të copëtoni mishin e peshkut.

Pasi peshku të jetë pjekur mjafton ta lejoni që të ftohet pak dhe ta shërbeni duke e shoqëruar me sallata të freskëta.

Brokoli me kos e hudhër – E shëndetshme me shije dhe vlera

Përgatitja e kësaj recete është shumë e lehtë.

Atë mund ta servirni ose si pjatë të parë ose duke shoqëruar gatime të tjera tradicionale ose jo.

Është një pjatë ideale që mund të konsumohet në çdo kohë të ditës, është e lehtë e mbi të gjitha e pasur në vlera ushqyese.

Mund të shoqërohet me pak bukë të thekur misri ose gruri por edhe me byrekë të ndryshëm shtëpie.

Kjo recetë bëhet edhe më e shijshme kur përgatitet me kos të bërë në shtëpi.

Përgatitja e Brokolit me Kos

Përbërësit

Për 4 persona rekomandohen:

300 gr brokoli

2  thelpinj hudhër (sasia e hudhrave sipas dëshirës)

200 gr kos

Vaj ulliri

Kripë

piper i zi

piper i kuq (sipas dëshirës)

Majdanoz ose Koper (sipas dëshirës)

Përgatitja 

Qëroni hudhrat dhe pritini hollë.

Shtypini me një lugë dhe spërkatini me pak kripë.

Në këtë mënyrë hudhra do të ketë mundësi të çlirojë alicininë, substancën e famshme mirëbërëse.

Ndërkohë ndajini brokolit në degëza dhe më pas lajini me ujë të bollshëm.

Më pas, AgroWeb.org ju udhëzon të vendosni një tenxhere me ujë dhe pak kripë në zjarr.

Lëreni sa uji të nisë të vlojë e më pas shtoni aty degëzat e brokolit.

Lërini të ziejnë jo më shumë se 6-7 minuta e më pas kullojini nga uji i ngrohtë dhe vendosini në një enë me ujë të ftohtë, në këtë mënyrë procesi i zierjes së brokolit do ndalojë.

Ndërkohë në një enë tjetër përzieni kosin, hudhrat, vajin e ullirit, kripën dhe piperin.

Përzierja duhet të bëhet mirë që shija të jetë e njëtrajtshme dhe gjithëpërfshirëse.

Masa e kosit duhet të jetë e trashë dhe jo shumë e lëngshme si taratori.

Hidheni atë sipër brokolit të zierë dhe vendosini në frigorifer për një orë ose më pak, sipër spërkatini sipas preferencës me pak piper të kuq apo majdanoz ose kopër të grirë hollë.

Tambëloriz – Receta e ëmbël veriore me shije të mirë

Mund ta njihni me emrin sultjash e ta keni përgatitur e shijuar shumë herë.

Ama AgroWeb.org ju tregon sot si e përgatisin këtë recetë tradicionale viset më veriore të vendit tonë.

Kjo ëmbëlsirë në qytetet veriore quhet tambëloriz, dhe konsiderohet një ëmbëlsirë verore.

Tambëlorizi zakonisht në këto zona përgatitet për festa të ndryshme familjare.

Përbërësit

2 litra qumësht

3 filxhanë kafe oriz

1 gotë sheqer

Përgatitja

Si fillim AgroWeb.org ju sugjeron që të shpëlani me ujë të bollshëm orizin.

Ky hap është i rëndësishëm në mënyrë që të largoni niseshtenë e tepërt që përmban ky produkt.

Përsëriteni tre herë si veprim për të patur një rezultat sa më të mirë.

Për t’ju ndihmuar mund të përdorni sitën e miellit kështu mund ta pastroni pa u munduar.

Ndërkohë në një tenxhere keni kaluar qumështin dhe e keni vendosur për ta zier.

Për këtë recetë mund të përdorni llojin e qumështit tuaj të preferuar.

Qumështi duhet të ziejë ngadalë në mënyrë që të avullojë sa më mirë dhe të mbetet kremoz.

Kur të shihni bulëza të formohen në sipërfaqen e tenxheres është koha për të shtuar orizin.

Në fillim AgroWeb.org ju këshillon që ta përzieni mirë në mënyrë që kokrrat e orizit të mos bien në fund të tenxheres.

Diçka e tillë shmang ngjitjen e orizit dhe hidhërimin e ëmbëlsirës.

Temperatura e zjarrit duhet të jetë e ulët dhe qumështi me orizin duhet të ziejë për gati 1 orë.

Përzierja duhet të vazhdojë gjatë gjithë kohës derisa të shihni që qumështi ka filluar të mpikset e të trashet.

Kur keni arritur në këtë pikë, AgroWeb.org ju sugjeron që të shtoni sheqerin dhe ta lini në zjarr edhe për 10-15 minuta të tjera.

Pasi ta largoni nga zjarri ndajeni në tasa të vegjël dhe lërini të ftohen plotësisht.

Kur të jenë ftohur futini në frigorifer në mënyrë që të mpikset sa më mirë.

Para se t’i shërbeni spërkatini sipër me reçel sipas dëshirës për një shije më unike.

Qengj në Tamël – Tava perfekte për t’u shijuar me familjen

Një shije e veçantë e cila vjen nga tradita veriore e Shqipërisë.

Kjo recetë është pjesë e kulturës së qyteteve si Kukës, Tropojë madje edhe Prizreni.

Qengj në tamël është një pjatë shumë e thjeshtë për t’u përgatitur por ama ka një shije të mrekullueshme.

AgroWeb.org sjell sot mënyrën e përgatitjes që ju të mund ta shijoni me familjarët tuaj.

Përbërësit

1 kg mish qengji

500 gr oriz

700 ml qumësht

300 ml lëng mishi

60 gr gjalpë

Kripë

Përgatitja

Si fillim AgroWeb.org ju këshillon që të lani mishin e qengjit me ujë të bollshëm.

Më pas vendosni thelat e tij në një tenxhere dhe mbusheni me ujë sa të mbulohet mishi.

Nëse mishin nuk e keni të prerë, atëherë me ndihmën e një thike ndajeni në copa mesatare.

Vendoseni tenxhere në zjarr të ngadaltë dhe lëreni mishin që të ziejë duke i shtuar pak kripë.

Për të provuar nëse mishi i qengjit është zier mjafton ta shponi me një pirun.

Nëse piruni depërton lehtë tek thelat e mishit, atëherë ai është zbutur, nëse keni vështirësi për të shpuar mishin atëherë ka nevojë edhe për pak kohë.

Ndërkohë lajmë edhe orizin në ujë të rrjedhshëm duke përdorur sitën e miellit për më shumë lehtësi.

Ky hap nuk duhet anashkaluar pasi bën të mundur largimin e niseshtesë së tepërt që përmban orizi.

Pasi ta kemi kulluar mirë e kalojmë në një tavë të cilën e kemi lyer me gjalpë.

Orizin e përhapim në të gjithë sipërfaqen e tavës e mbi të vendosim thelat e mishit të qengjit.

Mbi thelat e mishit vendosim nga pak gjalpë kështu ai do të krijojë një kore krokante dhe të shijshme.

Në një tenxhere të dytë keni vendosur qumështin që të ngrohet, pasi për këtë recetë ai ka nevojë që të jetë i nxehtë.

Tani AgroWeb.org ju këshillon që qumështin e valuar ta hidhni në tavë.

Kur të keni mbaruar me qumështin, radhën e ka lëngu i mishit, Shtojeni edhe atë në tavë.

Tavën piqeni në furrë të ngrohur me 190 gradë për 20-30 minuta.

Do të shihni që kur qumështi të jetë mpiksur dhe mishi të ketë marrë një ngjyrë të artë në sipërfaqe tava do të jetë gati.

Lëreni pak të ftohet, pasi kështu do të mpikset akoma edhe më mirë tava, dhe mund ta shërbeni.

Peshk në tjegull – Shije fantastike në shtëpi

Është një recetë fantastike, ideale për t’u përgatitur gjatë fundjavës.

Përgatitet krejt lehtë dhe shpejtë në shtëpi, e padyshim shija e saj mbush gjithë shtëpinë me dëshirën për ta shijuar.

Peshku në tjegull është traditë e Shkodrës, ky specialitet është një ndër pjatat kryesore me të cilën mburret çdo familje shkodrane ndërsa është gjithashtu si specialiteti më i mirë i restoranteve të zonës.

Tava në tjegull është një mënyrë fantastike për t’i dhënë peshkut një shije edhe më superiore, por në mungesë të saj kjo recetë mund të gatuhet në tavat e zakonshme që keni në shtëpi.

Peshku në tjegull mund të gatuhet në mënyra të ndryshme dhe me kombinime të ndryshme perimesh.

Përgatitja e Peshkut me Perime     

(Përbërësit më poshtë janë për 4 persona)

Peshk Kocë ose Levrek (lloji i peshkut përzgjihet sipas preferencës)

1 kokërr qepë

3-4 thelpinj hudhër

500 gr patate

500 gr domate

3-4 speca

2-3 karrota

Piper

Kripë

Vaj ulliri

Lëngu i një kokërr limoni

Majdanoz

Përgatitja

Peshkun e pastrojmë me ujë të rrjedhshëm. Grijmë hollë qepët dhe hudhrat.

Presim patatet, karrotat dhe grijmë domatet hollë.

Vendosim perimet bashkë me qepët e domatet në tavë, i kriposim mirë, u hedhim piper dhe vaj ulliri dhe vendosim peshqit sipër.

I lëmë rreth një orë që të marinohen dhe më pas i fusim në furrë të parangrohur duke i hedhur edhe një gotë me ujë.

Pasi janë pjekur, i nxjerrim nga furra dhe i spërkasim sipër me lëngun e limonit.

Si të Dalloni Peshkun e Freskët

Peshku duhet të jetë i freskët. Kjo është një nevojë e panegociueshme për çdo konsumator, dhe freskia nuk duhet të merret për e mirëqenë.

Kur të afroheni tek zona e peshkut duhet të ndieni aromën e detit, kripës dhe jodit. Kjo është aroma e freskisë.

Peshku i freskët shkëlqen. Është kaq e thjeshtë! Sa më i freskët të jetë peshku aq më e pastër dhe shkëlqyese duket lëkura e tij.

Ndoshta e keni të vështirë ta prekni, por peshku i freskët nuk qëndron dot në dorë sepse ka tendencën të rrëshqasë. Shikojini duart e shitësit me kujdes, bashkë me mënyrën si qëndron peshku në to.

Peshku duhet të jetë mjaftueshëm i ngurtë dhe i tendosur për të qëndruar horizontalisht.

Mishi i peshkut të freskët nuk shkëputet lehtë nga pjesa kurrizore.

Akullore kremoze me lajthi – Receta e shpejtë e përgatitjes në shtëpi

Pas kësaj recete nuk keni për ta blerë më akulloren nëpër dyqane.

E shijshme, e thjeshtë dhe me aromën fantastike të çokollatës dhe copat krokante të lajthive, çfarë mund të kërkoni më shumë nga një ëmbëlsirë e tillë.

Provojeni ta përgatisni me hapat që ju shpjegon AgroWeb.org dhe do të mrekulloni të dashurit tuaj me një shije unike e të papërsëritshme.

Përbërësit

2 gota me qumësht

300ml pana

4 të verdha vezësh

Gjysmë gote me sheqer

1 bustin me sheqer vanilje

200 g lajthi

200g çokollatë

Përgatitja

Si fillim thyeni vezët dhe në një tenxhere kaloni vetëm të verdhat, të cilat do t’i rrihni me telin e kuzhinës.

Më pas aty shtoni edhe sheqerin dhe mundohuni të formoni një masë kremoze.

AgroWeb.org ju sugjeron që të mundoheni që kokrrat e sheqerit t’i shkrini plotësisht.

Tani shtoni edhe qumështin, i cili duhet të jetë me yndyrë, dhe më pas panën e ëmbëlsive dhe përsëri t’i rrihni.

Vendoseni tenxheren në zjarr dhe lëreni në zjarr mesatar.

MUndohuni që ta largoni nga zjarri sapo të formohen bulëzat e para që lajmërojnë se masa po vlon.

Mos harroni që masën duhet ta përzieni gjatë gjithë kohës me telin e kuzhinës, do t’ju duhet rreth 15 minuta për të gjithë procesin.

Kur të shihni që masa do të ketë nisur të mpikset atëherë futeni të gjithë tenxheren në një tas me ujë të ftohtë dhe lëreni aty për disa momente.

Ndërkohë AgroWeb.org ju këshillon që të bluani lajthitë, por jo derisa të bëhen pluhur.

Duhet të jenë të thërrmuara, në mënyrë që të ndihen krokante kur të përgatisni akulloren.

Shtojini lajthitë tek tenxherja dhe kalojeni të gjithë masën në një enë.

Enën mbylleni me kapak dhe futeni në ngrirje për 30 minuta.

Ndërkohë në një xhezve ngrohni 100ml pana ëmbëlsirash dhe shkrini aty çokollatën.

Nxirreni akulloren nga frigoriferi dhe shtoni aty çokollatën e shkrirë, përziejeni mirë dhe futeni përsëri në ngrirje.

Lëreni në frigorifer derisa masa të jetë ngrirë plotësisht.

Më pas mjafton ta shijoni me familjen tuaj.