VOAL

VOAL

Please Wait ...
0%

Gështenja të mbuluara me çokollatë

November 1, 2021
blank

Komentet

blank

Patëllxhani turk – Varieteti i veçantë plot shije dhe vlera

Ky lloj patëllxhani në gjuhën shkencore njihet si Solanum melongena.

Ai është një varietet që origjinën e ka nga Turqia dhe prodhon fruta në ngjyrë të portokalltë të cilat ngjasojnë me domatet.

Patëllxhanët kanë nevojnë për shumë diell, ujitje të bollshme dhe një tokë të pasur, fertile dhe me drenazhim të mirë.

Ato nuk rriten mirë në tokë me shumë ujë dhe me aciditet të lartë.

Por si mund të përdoret në kuzhinë dhe për qëllime mjekësore? AgroWeb.org ju njeh shkurtimisht me përgjigjet e sakta.

Përdorimi në kuzhinë

Patëllxhani Turk është shumë i ëmbël dhe i shijshëm.

Ju mund t’i përdorni ata edhe nëse janë akoma jeshilë dhe farat nuk janë të zhvilluara plotësisht.

Kur janë ende të rinj mund të zihen ose të përdoren për të bërë salcë.

Kur ngjyra e tyre është e kuqe e ndezur, ato janë ideale për t’u pjekur.

Ato janë gjithashtu të përkryera edhe për skuqje, mbushje por edhe mund të përdoren edhe për pica.

Ju gjithashtu mund t’i shoqëroni me patate, domate e speca.

Mund të kombinohen në mënyrë prefekte me hudhra, kopër dhe rigon, koriandër ose majdanoz.

Struktura e tij “mishtore” e bën patëllxhanin një element kryesor në dietat vegjetariane.

Patëllxhani turk ka një jetëgjatësi të shkurtër dhe duhet të përdoret brenda dy deri tre ditësh.

Këshillohet t’i ruani në një vend të ftohtë e të thatë derisa të jenë gati për t’u përdorur.

Përdorimi për arsye mjekësore

Patëllxhani turk është një burim i pasur i likopenit, i cili konsiderohet si një antioksidant.

Likopeni gjendet në lëkurën e patëllxhanit dhe zhvillohet sapo fruti piqet.

Likopeni mund të ndihmojë kundër kancerit. Ai mund të parandalojë, luftojë dhe riparojë dhe dëmtimin e qelizave.

Patëllxhani Turk është i pasur edhe me bioflavonoidë që ndihmojnë gjithashtu në luftimin e kancerit.

Ai është ulët në yndyrna të ngopura, natrium e kolesterol dhe i lartë në fibra.

Një nga ushqimet më të mira që ndihmon nëse dëshironi të humbisni peshë sepse përmban vetëm 25 kalori për racion.

Përmban folate, kalium, mangan, vitamina C dhe K, Tiaminë, Niacin, B-6, Acid Pantotenik, Magnez, Fosfor dhe Bakër.

Patëllxhani i papërpunuar mund të aplikohet në sipërfaqe në rast pickimi nga akrepi dhe një kompresë e mbushur me patëllxhan mund të aplikohet për të trajtuar morthin.

blank

Kek Bakllava me shurup mjalti dhe arra – Shije mahnitëse

Përgatitja e bakllavasë është një proçes shumë i dashur dhe i komplikuar njëkohësisht në përgatitje për çdo amvisë.

Shija dhe ëmbëlsia e mrekullueshme e saj janë gjithnjë të kërkuara në tryezën e familjes.

Në këtë recetë AgroWeb.org ju tregon një mënyrë shumë të lehtë se si të provoni shijen e veçantë të bakllavasë në një recetë keku.

E kemi quajtur keku “bakllava” për nga afërsia që kanë në shije dhe përbërës këto dy ëmbëlsira.

Më poshtë gjeni hap pas hapi mënyrën e saktë të përgatitjes së këtij keku.

Përbërësit

Për brumin

85 gr gjalpi shkrirë pa kripë

175 ml qumësht

11 gr maja buke

150 gr sheqer

3 vezë të mëdhaja

2 lugë çaji ekstrakt vanilje

585 gr miell

1 lugë çaji kripë

Për mbushjen

135 gr sheqer

2 lugë çaji kanellë

250 gr arra

lëkura e grirë e një limoni ose portokalli

75 gr gjalp i shkrirë pa kripë

Për shurupin e mjaltit

250 gr mjalt

175 ml ujë

Përgatitja

Për të realizuar  këtë recetë AgroWeb.org ju këshillon të filloni me përgatitjen e brumit.

Në një enë hidhni gjalpin e shkrirë dhe të ftohur paraprakisht, qumështin, majanë, sheqerin, vezët dhe ekstraktin e vaniljes dhe përziejini me një mikser.

Miksojini mirë këta përbërës derisa të shikoni që janë lidhur të gjithë me njëri tjetrin dhe janë zbutur.

Ndërkohë shtoni edhe miellin, pak kripë dhe përzjejini me mikser për 5-7 minuta.

Pasi brumi të jetë lidhur, hidheni në një enë dhe mbulojeni me qese plastike.

Lëreni të pushojë në një vend të ngrohtë për 1-2 orë derisa të fryhet plotësisht.

Për mbushjen

Ndërkohë vazhdoni të përgatisni mbushjen e kekut.

Në një mikser hidhni arrat, pak kripë, lëkurën e grirë të një limoni apo portokalli apo ndonjë ekstrakt tjetër që ju dëshironi.

Miksojini derisa të gjithë përbërësit të jenë tërësisht të shkrifët.

Përgatisni tavën në të cilën do t’a piqni kekun.

Zgjidhni tavat normale, rrumbullake me vrimë në mes në të cilin piqni ëmbëlsirat zakonisht.

Lyjeni me pak gjalp dhe spërkateni me pak miell paraprakisht në mënyrë që brumi të mos ngjisë.

Nxirrni brumin nga frigoriferi dhe hapni një petë të madhe katrore deri në 60 cm.

Ndërkohë merni arrat e bluara hidhini sheqer dhe kanellë  dhe shtrojini në të gjithë petën në mënyrë të barabartë.

Lini veçmas vetëm dy luge nga kjo përbërje për t’ja hedhur kekut në fund.

Sigurohuni të lini të lira vetëm një anë të petës për të realizuar më pas mbylljen.

Merni petën dhe rrotullojeni me duar derisa të formoni një tub të gjatë prej brumi.

Në anë lageni pak me ujë dhe ngjiteni mirë me gishta për t’a mbyllur sa më mirë.

Me një thikë të mprehtë priteni përgjysmë brumin në mënyrë të barabartë përsëgjati.

Rrotullojini të dy shiritët me njëri tjetrin që të formojnë një formë spiraleje.

Vendoseni këtë spirale brumi tek tava e zakonshme rrumbullake e kekut në mënyrë që të marrë formën e saj rrethore.

Shtojini sipër edhe dy lugët me arra dhe kanellë që latë mënjanë më parë dhe futeni në furrë.

Ndizeni furrën në temperaturën 180 gradë dhe lëreni kekun të piqet për 30 – 40 minuta.

Kontrollojeni herë pas here pa u hapur furrën, lëreni të piqet derisa të ketë marrë pamje të artë.

Kur të shikoni që është gati nxirreni nga furra dhe është gati për t’i hedhur edhe shurupin e mjaltit.

Shurupi i mjaltit

Këtë hap mund t’a përgatisni edhe gjatë kohës që keku është duke u pjekur.

Në një tenxhere të vogël përzieni sasinë e mjalitit dhe të ujit derisa mjalti të shkrijë pak.

Vendoseni atë në zjarr të ngadaltë derisa shurupi të krijojë bulëza dhe të krijohet një masë kompakte.

Shurupi me mjaltë do të jetë më i trrashë se sherbeti i zakonshëm i ëmbëlsirave.

Pasi t’a keni përfunduar hiqeni nga zjarri dhe lëreni të ftohet pak.

Hidhjani kekut sipër kur të jetë shurupi i vakët dhe mundohuni t’a kulloni atë në të gjithë sipërfaqen e tij.

Më pas mund t’a shërbeni kekun tuaj sipas dëshirës në çdo vakt.

blank

Si të përgatisni ëmbëlsirën e famshme Pavlova?

Pavlova është një tortë elegante, baza e së cilës është marenga, ndërsa mbushja bëhet me krem ​dhe fruta të freskëta e shumëngjyrëshe!

Australia dhe Zelanda e Re kanë pretenduar gjithmonë se kjo recetë ka origjinën e tyre, por emri i saj në fakt i kushtohet një balerine të famshme ruse, Anna Pavlova, e cila i vizitoi të dy vendet në vitet 1920 dhe pati sukses të madh.

Provoni veten duke përgatitur këtë ëmbëlsirë në bazë të këshillave të AgroWeb.org

Përbërësit

Për marengën ju nevojiten:

3 të bardha vezësh në temperature dhome

200g sheqer

20g niseshte misri

10g lëng limoni

Ekstrakt vanilje për shije

Për kremin:

200g pana

20g sheqer pluhur

Për mbushjen:

1 kivi

Luleshtrydhe

Fruta pylli

Rrush pa fara

Nenexhik

Sheqer pluhur

Përgatitja

Për të përgatitur këtë recetë, së pari ngrohni furrën në në 130 °, pastaj ndani të verdhat e vezëve nga të bardhat.

Të bardhat e vezëve shtojini në mikser dhe përpunojini me shpejtësi mesatare deri në të lartë.

Prisni që të bardhat e vezëve të bëhen si shkumë dhe filloni të shtoni sheqer, pak e nga pak.

Pasi të jetë shpërbërë i gjithë sheqeri, marenga do të jetë e trashë dhe kremoze. Në këtë moment shtoni lëngun e limonit, ekstraktin e vaniljes dhe prisni që të absorbohet.

Në këtë mënyrë përbërja do të jetë e fortë dhe e qëndrueshme. Në fund fikni mikserin dhe shtoni niseshten e misrit.

Përzieni butësisht me një lugë nga poshtë lart dhe më pas transferojeni në një tavë të veshur me letër pjekjeje.

Me ndihmën e një spatule, rrafshoni pjesën e sipërme dhe anëve jepini formë rrumbullake.

Gërmoni pak qendrën për të krijuar një gropë, e cila do të shërbejë për mbushjen me fruta.

Piqeni marengën në furrën e parangrohur për 10 minuta dhe më pas ulni temperaturën në 100 °C duke vazhduar pjekjen edhe 50 minuta të tjera. Gjatë kësaj kohe dera e furrës nuk duhet të hapet!

Pasi pjekja të përfundojë, lëreni të ftohet për të paktën 2 orë, gjithmonë me derën e mbyllur.

Ndërkohë kujdesuni për frutat duke i prerë në copëza.

Në një tas rrihni panën dhe sheqerin pluhur derisa të përftoni një masë kremoze dhe të qëndrueshme.

Mbushni me të pjesën e sipërme të marengës dhe shtoni sipër frutat, nenexhikun sipas dëshirës, e në fund spërkateni me sheqer pluhur.

Pavlova juaj e mrekullueshme është gati për t’u shërbyer!

Këshillohet që ta konsumoni këtë ëmbëlsirë menjëherë. Marenga është shumë e ndjeshme ndaj lagështirës, kështu që nuk është e mundur ta ruani në frigorifer.

Ju mund ta zbukuroni pavlovën me frutat e stinës sipas dëshirës tuaj!

Shtimi i niseshtës së misrit i jep marengës cilësinë e veçantë që e karakterizon.

blank

Kuleçë të ëmbël me kungull – Shija e veçantë e vjeshtës

Është koha e kungullit të shijshëm e plot vlera të vjeshtës.

Prandaj në ju këshillojmë të përfitoni sa më shumë në kuzhinë, duke përgatitur receta të shijshme e të padëgjuara më parë.

Nëse i keni qef vaktet e shoqëruara me bukë apo kuleçë të ngrohtë, me siguri këto do t’i adhuroni.

Nj ëshije mes të ëmblës e të kripurës që nuk ju zhgenjen.

Ndiqni mëposhtë recetën e plotë të kuleçëve me kungull e çokollatë.

Përbërësit

600 gr miell

250 gr kungull vjeshte

275 ml qumësht

7 gr maja birre e thatë

2 lugë çaji sheqer

50 ml vaj

60 gr sheqer

8 gr kripë

100 gr copëza cokollate e zezë

1 vezë dhe 1 e verdhë veze

Përgatitja

Për të nisur me përgatitjen e kësaj recete, AgroWeb ju këshillon të prini në kubikë të vegjël kungullin dhe vendoseni të ziejë.

Kur të jetë zbutur, hidheni në një enë në mënyrë që të ftohet dhe shtypeni me pirun derisa të formoni purenë.

Në një tjetër enë hidhni sheqerin, kripën dhe vezën duke përzier më pas shtoni dhe 250 ml qumësht në temperaturë ambienti.

Përzieni mirë derisa sheqeri të shkrijë dhe lëreni mënjanë, ndërkohë merrni një tjetër enë dhe hidhni miellin, majanë bashkë me 2 lugë të vogla sheqer.

Tek kjo enë shtoni masën e lëngëshme me qumësht dhe vezë që përgatitët më parë dhe filloni të përzieni me anë të një piruni në mënyrë qe të formohet brumi.

Në fund shtoni purenë e kungullit, përzieni dhe sërish shtoni vajin ashkë me copëzat e cokollatës pa harruar të ruani një grusht për në fund.

Punojeni brumin me duar dhe pak miell derisa të marrë formën e tij rrumbullake, të butë e pa kokrriza.

Më pas vendoseni në një enë të lyer me pak vaj, mbulojeni me qese kuzhine dhe lëreni të fryhet përreth 2 orë.

Kur kjo kohë të ketë kaluar, ndajeni brumin tuaj në kuleçë të vegjël nga 100 gr secili ku do të përfitoni rreth 12 panine të vogla.

Punojini me duar në formën e topave të vegjël dhe vendosini në një tavë të shruar me lëter pjekje.

Sipas dëshirës për këtë hap mund të përdorni edhe dy tava të ndryshme duke qenë se sasia e kuleçëve është e madhe.

Mbulojini sërsh me qese kuzhine, lërini për 30-40 minuta të tjera ndërkohë përzieni 25 ml qumësht që ju teproi nga më parë me 1 të vërdhe veze dhe lyeni sipër kuleçët.

Shtoni edhe disa copëza çokollate në qendër të tyre e më pas futini të piqen për 25 minuta në temperaturën 180 gradë.

blank

Gështenja të mbuluara me çokollatë

Kjo është një ëmbëlsirë Turke, e cila shërbehet kryesisht gjatë muajve të vjeshtës dhe dimrit.

Ëmbëlsira përbëhet nga gështenja, që në të vërtetë janë disa toptha me gështenja të mbuluara me çokollatë dhe të spërkatura me arra e fistikë të bluar.

AgroWeb.org iu sugjeron të provoni ta përgatisni vetë këtë recetë të thjeshtë të gështenjave të mbuluara me çokollatë.

Përbërësit:

1 kg / 600 gr gështenja

1/2 filxhan sheqer pluhur

2 deri 4 lugë gjelle pana për ëmbëlsirë

80 gr çokollatë e zezë

2 lugë gjelle arra dhe fistikë (të grira imët)

Hapat që duhet të ndiqni:

Zieni gështenjat

Hapi i parë është të zieni gështenjat derisa ato të zbuten. Për ta bërë këtë, prisni tërthorazi çdo gështenjë duke i çarë thellë deri në pjesën e brendshme të tyre.

Vendosni gështenjat në një tenxhere të madhe me ujë duke i mbuluar mirë dhe lërini të ziejnë derisa të zbuten.

Kur gështenjat të zbuten, kullojini dhe trasferojini në një enë me ujë të ftohtë.

Përpunoni gështenjat në mikser dhe përgatisni çokollatën

Mbasi gështenjat të jenë ftohur, me një thikë të mprehtë largoni lëkurën e tyre. Bëni kujdes të mos lini asnjë copëz.

Shtoni gështenjat e qëruara në një mikser, së bashku me sheqerin pluhur dhe panën për ëmbëlsira.

Gjatë përpunimit, shtoni pana pak e nga pak, derisa të keni një masë e cila nuk ju ngjitet në duar.

Më pas trasferoni masën e përftuar në një enë dhe lëreni të pushojë në frigorifer për 30 minuta.

Ndërkohë, shkrini çokollatën në banjëmari ose në një mikrovalë, duke shtuar nga një lugë gjelle me pana.

Formoni topthat me gështenja dhe çokollatë

Nxirrni nga frigoriferi masën e gështenjave dhe formoni me të toptha të vegjël.

Më pas me ndihmën e një piruni, zhytini ato në çokollatën e shkrirë.

Vendosni secilin top në një enë të mbuluar me letër dylli.

Zbukuroni pjesën e sipërme të secilit top me arra dhe fistikë të bluar, përpara se çokollata të forcohet.

Vendoseni enën në frigorifer, për të paktën 20 minuta para se ta shërbeni.

Në vend të çokollatës së shkrirë, ju gjithashtu mund të përdorni pluhur kakao

blank

Makarona me thjerrëza dhe perime – Si t’i përgatisni në shtëpi

Misioni i kësaj recete është të jetë e shijshme dhe t’ju ngopë për një kohë të gjatë.

Thjerrëzat dhe makaronat kanë një lidhje interesante bashkë dhe nëse nuk i keni provuar më parë.

Kjo recetë mund të konsumohet edhe si supë, por edhe si një pjatë me makarona dhe salcë të pasur me perime.

Ndiqni më poshtë të gjithë mënyrën e përgatitjes dhe mblidhni produktet për ta gatuar në shtëpi.

Përbërësit

350 gr makarona tub

200 gr thjerrëza

80 gr mish i grirë

100 gr tul domatesh

80 gr karota

80 gr qepë

60 gr selino

1 litër lëng perimesh

1 thelbi hudhër

1 degë rozmarine

40 gr djathë kaçkavall

Piper i zi

Kripë

Vaj ulliri

Përgatitje

Për të nisur me përgatitjen e kësaj recete AgroWeb ju këshillon të vini të ngrohet lëngun e perimeve pasi do ta përdorni më vonë në recetë.

Vazhdoni duke prerë në kubikë të vegjël të gjithë perimet dhe shtojini në një tenxhere të thellë të lyer me vaj ulliri.

Shtoni edhe thelbin e hudhrës dhe aty shtoni një garuzhde me lëngun e perimeve duke i lënë të gjithë përbërësit të ziejnë në zjarr të avashtë.

Ndërkohë bëni gati mishin e grirë dhe shtojeni tek tenxherja me perimet.

Përziejini mirë të gjithë përbërësit dhe hiqni me kujdes hudhrën kur të shikoni që është skuqur.

Lani me ujë të bollshëm thjerrëzat dhe shtojini tek tenxherja, bashkë me salcën e domateve dhe degët e rozmarinës pa i këputur, pasi duhet ti hiqni me vonë.

Shtoni dhe pak nga lëngu i perimeve derisa perimet të mbulohen dhe vendosini kapak.

Lëreni të ziejë në zjarr të ulët për 40 minuta derisa të ziehn thjerrëzat dhe më pas hiqni degën e rozmarinës nga tenxherja.

Tani shtoni makaronat dhe 1-2 garuzhde të tjera me lëng perimesh në mënyrë q ëmakaronat të zihen.

Lërini deri në 10 minuta që të zbuten e më pas mund t’i kulloni për të larguar lëngun ose t’i shërbeni pak të lëngshme.

Duke qenë se makaronat duhet të jenë të vogla mund t’i konsumoni edhe në formën e supës duke shtuar më shumë lëng.

Sapo makaronat të jenë gatuar, shtoni pak kripë dhe djathë të grirë kaçkavall.

Shtoni edhe piper të zi dhe shërbejini sipër dëshirës duke i përzier mirë më parë.

blank

KOHA E ARRAVE – Këshillat më të mira si zgjidhen cilësoret dhe si ruhen gjatë

Nëse ka një produkt që shitet pothuajse gjithmonë masivisht në tregjet shqiptare padyshim ato janë arrat.

Pavarësisht gatimeve të shumta ku arrat janë ndër përbërësit kryesorë, ato janë ndër produktet që na shoqërojnë gjatë gjithë vitit.

Të freskëta apo të qëruara? 

Por mes dilemës nëse duhet t’i blini të qëruara apo kokërr këtë produkt kaq të preferuar, AgroWeb.org ju jep disa sugjerime mbi zgjedhjen më të mirë që duhet të bëni.

Mes arrave të freskëta dhe atyre kokërr, këto të fundit falë lëvozhgës së tyre gëzojnë një mbrojtje natyrale, e cila ruan afatgjatësinë e vlerave të arrave ashtu si edhe freskinë e tyre.

Arrat e qëruara janë krejtësisht të ekspozuara nga lagështia, e për këtë shkak ato humbasin freskinë e tyre.

Për shkak të lagështisë, arrat humbasin vetitë e vajit esencial që përmbajnë plot vlera shëndetësore ashtu si edhe shijen e tyre.

Nëse do të bëni një dallim mes konsumimit të një arre të qëruar prej kohësh dhe një kokërr arre të sapoqëruar ndryshimi në shije është tejet i kuptueshëm.

Pra, për të përfituar shijen e plotë të arrave dhe freskinë e tyre zgjidhni arra të vendit dhe të paqëruara.

Si t’i zgjidhni dhe t’i ruani

Arrat e paqëruara nga lëvozhga mund të qëndrojnë të freskët për një deri në dy vjet. Vetë lëvozhga është mburoja më e mirë natyrore e këtyre produkteve.

Nëse blini arra shqiptare të paqëruara, ato mund të qëndrojnë të freskëta për rreth një vit. Gjithnjë nëse i ruani me kujdes në një vend të freskët.

Por edhe aroma është faktor. Nëse arrat që gjeni në treg mbajnë erën e holluesit të bojës ose të diluentit, dijeni që ato janë të prishura ndaj mos i blini.

Ju mund të ruani freskinë e arrave shqiptare duke i mbajtur në një ambient të ftohtë.

Qërojini arrat vetëm kur të jeni gati për t’i përdorur. E njëjta gjë vlen edhe për bluarjen e tyre.

blank

Ndërron jetë Ado Campeol, që njihet si “babai” i ëmbëlsirës Tiramisu

Ka ndërruar jetë në moshën 93-vjeçare, Ado Campeol, i cili njihet si “babai” i ëmbëlsirës italiane me famë botërore Tiramisu, transmeton Anadolu Agency (AA).

Luca Zaia, prefekti i rajonit Veneto ku jetonte Campeol në një deklaratë nga Twitteri tha: “Qyteti humbi edhe një yll në historinë e tij të ushqimit dhe verës”.

Sipas lajmit të BBC, ëmbëlsira e famshme ku bashkohen kafeja dhe djathi mascarpon, mendohet se për herë të parë është përgatitur në restorantin e Campeol nga bashkëshortja e tij Alba dhe shefi i restorantit.

Ëmbëlsira është përfshirë në menunë e restorantit në vitin 1972 por që nga familja Campeol nuk është marrë patenta e saj.

Tiramisu e cila ka kuptimin “më merr” është shumë e njohur dhe është bërë një pjesë e kuzhinës italiane.

Sipas një transmetimi tjetër, thuhet se Roberto Linguanotto, shefi i restorantit ndau me bashkëshorten e Campeol recetën e tiramisu e cila u zbulua pasi djathi mascarpon ra gabimisht teksa po bënte akullore me vanilje.

blank

blank

Receta e petullave më të mira me qumësht që nuk thithin vaj

Voal.ch – Po i sjellim lexuesit të voal.ch recetën se si bëhen petulla të mrekullueshme me qumësht, por që nuk thithin vaj.

Janë petulla shumë të shijëshme që meritojnë të jenë pjesë e guzhinës tuaj.

Përbërësit janë:

400 gr miell, një lugë çaji kripë ose pak më shumë që përziehen mirë e mirë

300 ml qumësht të vakët me 4 gr maja të thatë dhe dy lugë çaji sheqer që po ashtu përziehen mirë dhe më pas hidhen tek mielli dhe kështu përgatitet brumi me makinë ose me duar.

Lihet të pushojë rreth një orë ose dhe më shumë. Pastaj petullat të skuqen me vaj. Vaji të nxehet midis 180-200 gradë.

Sipas dëshirës ndryshon edhe sasia. Për shembull për gjysmë litër qumësht duhen rreth 670 gram miell, për 600 gr miell duhen 450 ml qumësht ose për 800 gr miell 600 ml qumësht…

Në fund mund të shijohen me sheqer, djathtë, mjaltë, reçel sipas dëshirës tuaj. Po jua sjellim edhe videon.

 

 

 

 

 

blank

Si të përgatisni palaçinkat e fryra – Të shpejta dhe të lehta

Disa sekrete në përgatitjen e tyre do të japi rezultatin e dëshiruar por edhe do t’ju kënaqë shqisat në maksimum.

Palaçinkat e fryra, ose siç njihen ndryshe palaçinkat japoneze, janë perfekte për mëngjesin në familje.

Të buta e me shije delikate, këto palaçinka janë më të lehtat që do të provoni.

Disa sekrete në përgatitjen e tyre do të japi rezultatin e dëshiruar por edhe do t’ju kënaqë shqisat në maksimum.

Hapat janë shumë të thjeshtë dhe përbërësit i gjeni në kuzhinën tuaj.

Përbërësit

2 të bardha vezësh

35g miell

25ml qumësht të vakët

1 lugë çaji vanilje

2 të verdha vezësh

2g fryrës ëmbëlsirash

25g sheqer

Përgatitja

Të bardhat e vezëve vendosini në një tas dhe vendosini në ngrirje për 10 minuta.

Ndërkohë në një tjetër tas, AgroWeb.org ju këshillon që të përzieni të verdhat e vezëve me qumështin, vaniljen, fryrësin dhe miellin.

Përziejini me telin e kuzhinës derisa të krijoni një brum kremoz dhe të hollë.

Tani e kanë radhën të bardhat e vezëve, të cilat duhet t’i punoni me rrahësin elektrik derisa të formoni merengen.

Sheqerin shtojeni gradualisht ndërkohë që i rrihni të bardhat e vezëve, kështu masa do të bëhet më e plotë dhe e qëndrueshme.

Ngadalë merengen shtojeni tek brumi që përgatitët në fillim dhe përziejeni me telin e kuzhinës.

Tregoni kujdes që të mos e përzieni shumë pasi volume i merenges nuk duhet të bjerë, vetëm kështu palaçinkat do të dalin të fryra.

Në zjarr vendosni tiganin e krepave dhe lyejeni me shumë pak gjalpë.

Kur të jetë ngrohur hidhni pak nga brumi dhe në momentin që të jetë mpiksur nga njëra anë shtoni pak ujë.

Mbulojeni tiganin me kapak dhe lëreni palaçinkat të piqen në zjarr të ulët për 2 minuta.

Pasi të ketë kaluar koha, shtoni pak brumë sipër shtresës së parë dhe kthejini nga ana tjetër.

Përsërisni hapat duke hedhur pak ujë dhe mbyllur me kapak derisa palaçinkat të piqen edhe nga ana tjetër.

Në fund këto palaçinka mund t’i shoqëroni me të kripura apo të ëmbla sipas dëshirës.

blank

Tri receta të shijshme me kungulleshka

Ndiqni me kujdes hapat dhe do të kënaqni nepsin tuaj por dhe do të surprizoni familjarët tuaj.

Tani që jemi në mes të stinës së verës është pothuaj e pamundur që të mos kemi kungulleshka ngado.

AgroWeb.org ju tregon në këtë artikull tre receta speciale, ku kungulli i vogël është përbërësi kryesor, të cilat duhet t’i provoni patjetër.

Të shijshme dhe të shpejta, recetat do t’i japin një tjetër pamje tryezës suaj.

Për mëngjes, drekë dhe një nga ëmbëlsirat më të shijshme që do të provoni.

Ndiqni me kujdes hapat dhe do të kënaqni nepsin tuaj por dhe do të surprizoni familjarët tuaj.

Për mëngjesin me shije perfekte: Petulla me Kungulleshka

Përbërësit

500g miell

1 vezë

12g maja e freskët

300ml ujë

3-4 kungulleshka

Kripë

Përgatitja

Grini dhe shtrydhni lehtë kungulleshkat për t’i larguar ujin e tepërt.

Në një tas hidhni majanë dhe 3-4 lugë gjelle me ujë të vakët.

Ndërkohë në një enë tjetër rrihni vezën dhe miellin me kripën duke shtuar ngadalë ujin.

Bashkoni edhe ujin me majanë dhe përziejeni mirë brumin.

Në fund shtoni dhe kungulleshkat e grira dhe brumi është gti.

Vendosni në zjarr një tigan me vaj për skuqje dhe hidhni brumin me një lugë gjelle.

Kur petullat të jenë skuqur shërbejini të ngrohta me djathë.

Për një drekë të shëndetshme: Lazanja me Kungulleshka

Përbërësit

Vaj ulliri

4 thelbi hudhër

4-5 kungulleshka

100ml salcë domateje

150g djathë kaçkavall

250g mish të grirë

1 qepë

1 karotë

Kripë

Piper i zi

Dafinë

Përgatitja

Si fillim vendosni një tigan në zjarr dhe aty hidhni vajin e ullirit.

Grini qepën dhe karotën në kubikë sa më të vegjël, ndërkohë hudhrën shtypeni.

Kur të jetë ngrohur vaji hidhni qepën dhe kur të jetë bërë gati transparente shtoni mishin e grirë dhe hudhrën dhe skuqini lehtë.

Më pas jepini shije me kripë, piper të zi dhe disa gjethe dafinë dhe shtoni dhe salcën e domates.

Mos e avulloni plotësisht ujin e domates paso do të duhet për pjekjen e kungulleshkave.

Prisni kungulleshkat në shirita dhe nisni me përgatitjen e lazanjës.

Në një tavë hidhni pak vaj dhe shtroni kungulleshkat e prera, më pas një shtresë me salcën e kështu me radhë.

Në fund spërkateni me djathin kaçkavall të grirë dhe piqeni në furrë të ngrohur me 200 gradë.

Kënaqni veten me këtë kek me kungulleshka

Përbërësit

2-3 kungulleshka

3 gota me miell

2 lugë çaji me fryrës ëmbëlsirash

2 lugë çaji me lëkurë limoni

2 vezë

1 gotë e gjysmë me sheqer

4-5 lugë gjelle vaj ulliri

Përgatitja

Nisni me grirjen e kungulleshkave dhe më pas shtrydhini lehtë me një napë për t’i hequr lagështirën.

Më pas në një tas përzieni vezët me sheqerin derisa të formoni një krem të plotë.

Shtoni aty vajin e ullirit dhe më pas miellin e fryrësin e ëmbëlsirave.

Hidhni dhe kungulleshkat e grira si dhe lëkurën e limonit dhe përziejini mirë.

Brumin kalojeni në një tavë keku të lyer me vaj dhe pak miell.

Piqeni në furrë të ngrohur me 180-200 gradë.

blank

Petulla pa miell – Receta e thjeshtë me shijen më të veçantë

Petullat me dy përbërës përbëjnë një recetë të lehtë e të thjeshtë për çdo amvisë.

Veza me bananen janë dy përbërës që mund të kombinohen lehtë në disa receta, kryesisht të ëmbla.

Në këtë artikull të AgroWeb.org do të mësoni se si me këto dy përbërës të gatuani petulla të ëmbla e të shijshme për mëngjes dhe jo vetëm.

Petullat me dy përbërës përbëjnë një recetë të lehtë e të thjeshtë për çdo amvisë.

Ato pasurohen me shurup, reçel apo mjaltë por edhe me të kripura.

Masa kremoze e përfituar nga rrahja e bananes me vezët gatuhet shpejt dhe shkrihet në gojë.

Shija është ajo e bananes por nëse përdorni pak vanilje ose mjaltë, shija do të jetë më e plotë dhe më e ndezur.

Me recetën e mëposhtme do të mund të gatuani 8 petulla me vezë e banane.

Përbërësit:

Një banane,

2 vezë të mëdha të rrahura bashkë.

Gjalpë ose vaj për skuqja,

Reçel dhe sheqer pluhur

Përbërës shtesë:

Një majë luge çaji me pluhur pjekës që petullat të jenë të fryra,

Një majë luge çaji  me kripë,

Më shumë se gjysëm luge çaji me vanilje,

1 lugë gjelle me kakao pluhur të paëmbëlsuar,

1 lugë gjelle me mjaltë,

Gjysëm filxhani çaji me arra të grira ose copa çokollate,

1 filxhan çaji me copa frutash të freskëta.

Përgatitja:

Shtypeni bananen në një tas duke përdorur një pirun deri sa ajo t’i përngjajë një pudingu të qullët.

Shtoni ëmbëlsuesit e përzgjedhur të sugjeruar më lart por arrat ose copat e çokollatës ruajini për më vonë.

Shtoni vezët dhe rrihini bashkë me një mikser dore deri sa të formohet një masë kremoze, e lëngshme si ajo e petullave.

Ngroheni tiganin në zjarr dhe hidhni yndyrën e preferuar.

Kur ajo të jetë nxehur mjaftueshëm, hidhni dy lugë gjelle nga brumi i lëngshëm i krepave.

Piqini në tigan deri sa sipërfaqja e secilës anë të marrë ngjyrë të artë në kafe.

Vendosini në një pjatancë dhe spërkatini me arra ose copa çokollate.

Servirini të ngrohta dhe shtoni mjaltë, reçel ose sheqer pluhur.


blank
blank
Send this to a friend