Studentët e kanë zhvendosur protestën e sotme nga Kryeministria drejt ambasadës amerikane.
Ata shprehen se marshimi i tyre bëhet në mënyrë simbolike dhe se më tej do të rikthehen sërish te Kryeministria.
“Ne jemi këtu për ti bërë thirrje ambasadës amerikane se ka ardhur koha për ti dhënë një dritë të re shqiptarëve dhe Shqipërisë”, tha një prej studentëve.
Të rinjtë kërkuan mbështetjen e ambasadës së SHBA, ndaj kauzës së tyre studentore.
Sakaq studentët hodhën tymuese gjatë marshimit drejt ambasadës, ku qëndruan afro gjysmë ore.
Të rinjtë thonë se nuk do ti ndalin protestat dhe se nuk u mjafton vendimi i Këshillit të Ministrave, duke kërkuar votim në Kuvend të kërkesave të tyre.
Ata thonë se vendimi i Këshillit të Ministrave vlen vetëm për këtë vit, ndaj dhe nuk kanë siguri.
Kryetari i Partisë Demokratike i është drejtuar menjëherë aeroportit “Nënë Tereza” pas përfundimit të fjalës së tij në protestën e thirrur nga opozita para Kryeministrisë.
Me të përfunduar fjalën e tij, u deklarua për pjesëmarrësit në protestë se kryedemokrati do të fluturojë drejt Romës për të zhvilluar ditën e nesërme një takim elektoral me shqiptarët në kryeqytetin italian.
Ky do të jetë edhe takimi i parë që Berisha zhvillon fizikisht me shqiptarët në diasporë, ndërsa disa ditë më parë ai udhëtoi drejt Gjermanisë ku mori pjesë në Kongresin e 37-të të CDU-së. bw
“Presidenti Trump i ka prerë kokën gjarprit Soros në Uashington”, Berisha: Askush nuk fiton më shumë nga kjo se shqiptarët!
Kryetari i Partisë Demokratike, Sali Berisha, në një fjalim energjik përpara mbështetësve të tij, ka theksuar ndikimin e politikave ndërkombëtare të presidentit Donald Trump, duke deklaruar se “presidenti Trump i ka prerë kokën gjarprit Soros në Uashington”. Ai e përshkroi këtë zhvillim si një moment historik për shqiptarët, duke theksuar se Shqipëria ishte shndërruar në “kopshtin eksperimental të Sorosit”.
Berisha shtoi se era e “desorosizimit” është duke u përhapur në të gjithë botën dhe se shqiptarët do të jenë ata që do të përfitojnë më shumë nga kjo ndryshim.
“Era e desorosizimit, flladi i tij nga Uashingtoni po fryn në gjithë botën! Ju garantoj se nuk fiton kush më shumë nga kjo se shqiptarët, pasi u shndërruan në kopshtin eksperimental të Sorosit,” tha Berisha, duke theksuar se ky është një moment i rëndësishëm për shqiptarët dhe një mundësi për të rifituar identitetin e tyre kombëtar.
Berisha vazhdoi me thirrjen e tij për një Shqipëri më të fortë dhe më të drejtë, duke theksuar se PD-ja ka një program për “desorosifikimin” e vendit, për vendosjen në piedestal të vlerave familjare, interesit kombëtar dhe besimit te Zoti. Ai e përshkroi këtë betejë si një angazhim për fitoren e thellë të opozitës shqiptare më 11 maj, duke ftuar qytetarët që të bashkohen për të siguruar një të ardhme më të mirë për Shqipërinë.
“Shqipërinë e bëjnë shqiptarët patriotë, atdhetarë! Ndaj, ne vazhdojmë betejën tonë në çdo derë, në çdo mendje dhe zemër për fitoren e thellë dhe përfundimtare në 11 maj,” përfundoi Berisha.
“Krijojmë frontin më të gjerë opozitar!”/ Berisha: Edhe socialistët e ndershëm të na bashkohen!
Kryetari i Partisë Demokratike, Sali Berisha, ka përcjellë një mesazh të fuqishëm për mbështetësit e tij, duke theksuar se tre muaj para zgjedhjeve janë kyç për të arritur një fitore të thellë dhe të paharrueshme për opozitën shqiptare.
“Fitorja varet nga ne. Nëse ne e bëjmë natën ditë, nëse ne përkushtohemi dhe kujtojmë se jemi partia që bën të pamundurat të mundura, do korrim një nga fitoret më të thella,” tha Berisha, duke shtuar se çdo fitore që ka arritur deri tani opozita është arritur në kushte shumë të vështira dhe të jashtëzakonshme.
“Presidenti Trump i ka prerë kokën gjarprit Soros në Uashington, dhe kjo është një zhvillim që ndihmon shqiptarët, të cilët janë shndërruar në kopshtin eksperimental të Sorosit,” tha Berisha, duke theksuar se PD-ja ka një program të qartë për të rikthyer vlerat familjare, interesin kombëtar dhe besimin në Zotin.
Berisha bëri thirrje për unitet dhe bashkëpunim, duke ftuar të gjitha partitë politike dhe socialistët e ndershëm që janë shfrytëzuar nga qeverisja e Edi Ramës, të bashkohen për të larguar “narkodiktaturën” dhe për të ndihmuar në ndërtimin e një Shqipërie të drejtë dhe demokratike.
“Ne po bëjmë gjithçka për të krijuar një front të gjerë opozitar. Programi ynë është për të drejtat dhe liritë e njeriut, dhe është program për gjithë shqiptarët,” përfundoi ai, duke garantuar se 11 maji do të jetë dita e madhe e fitores për opozitën shqiptare.
“Dosja McGonigal arkivol i hapur për kryeministrin”/ Berisha: Te ai do përfundojë. Pas zgjedhjeve do ta “paketoj” Ramën!
Kryetari i Partisë Demokratike Sali Berisha, në fjalën e tij përpara mbështetësve demokratë deklaroi se “dosja McGonigal është një arkivol i hapur për kryeministrin Edi Rama”.
Berisha tha se “Rama do përfundojë atje ku sot është McGonigal”, duke nënkuptuar burgun. Më tej, Berisha theksoi se pas zgjedhjeve “do ta paketojë Ramën”.
Sali Berisha: Arben Ahmetaj faktoi se Edi Rama i ka duart e tij të zeza në aferën e Porto Romanos dhe se është udhëheqësi i të gjitha bandave në Shqipëri.
Lubi Balluku, Lubi Loti, administron për llogari të Edi Ramës 12 miliardë euro dhe dëmet e saj shkojnë më shumë se dëmet e tërmetit. Pra, miq, të gjitha këto janë shkaku pse jemi ne sot këtu. Për t’u thënë shqiptarëve dhe mbarë botës se ne nuk pajtohemi kurrë me këtë hajdut që historia e Shqipërisë nuk ka njohur kurrë të tillë.
Miqtë e mi, dosja McGonigal është arkivoli i hapur i Edi Ramës. Çdo natë, në dy muajt e fundit, ai në ëndërr i del ishulli Riker. Atje do përfundojë, tek McGonigali. Iu garantoj ju se pas zgjedhjeve do e paketoj, të bëjë dënimin më pas të kthehet.
“Asnjë rrogë nën 500 euro pas 11 majit”, Berisha: Nuk ndalojmë deri sa të kemi pensionet më të larta në rajon!
Kryetari i Partisë Demokratike, Sali Berisha, ka mbajtur një fjalim të fuqishëm përpara protestuesve opozitarë, ku ka premtuar një seri masash për përmirësimin e kushteve të pensionistëve dhe punonjësve. Ai u ka drejtuar një mesazh të qartë pensionistëve të Shqipërisë, duke thënë se pas 11 majit asnjë pensionist nuk do të marrë më pak se 200 euro në muaj.
“Ne do t’iu kthejmë pensionistëve të gjithë TVSH-në e blerjeve ushqimore që bëjnë çdo vit, që është e barabartë me tre pensione. Edi Rama mund ta mbajë për vete bonusin e mashtrimit, por ne do t’u sigurojmë një mbështetje të vërtetë,” tha Berisha, duke nënvizuar se ata do të kenë mundësi të paguajnë çmime më të ulëta për shërbimet si ujë dhe drita.
Berisha gjithashtu ka premtuar rritje të pagave për punonjësit me rroga të ulëta, duke deklaruar se pas 11 majit rroga minimale në Shqipëri do të jetë 500 euro dhe rroga mesatare do të arrijë në 1200 euro. Ai theksoi se Partia Demokratike është e angazhuar për një politikë taksash të ulëta, për të mbështetur qytetarët dhe rritur nivelin e jetesës.
“Ky është një program që ka tmerruar dhe ka verbuar Edi Ramën, sepse ai po nxjerr në dritë të gjithë mashtrimet e tij monstruoze,” tha Berisha, duke shtuar se PD-ja do të vazhdojë luftën e saj deri në përmbushjen e këtyre premtimeve.
“CDU mezi pret fitoren e PD”/ Berisha: Vjedhjet e Lubi Ballukut më të mëdha se dëmet e tërmetit
Kreu i PD Sali Berisha, në fjalën e tij në protestën e Partisë Demokratike tha se ka zhvilluar takime të rëndësishme në Gjermani.
Berisha theksoi se CDU gjermane mezi pret fitoren e Partisë Demokratike në Shqipëri. Ai tha se vjedhjet e Lubi Ballukut janë më të mëdha sesa dëmet e tërmetit në vend.
Sali Berisha: Unë mora pjesë në Kongresin e partisë më të madhe në Europë, CDU. Atje shtrëngova duart me kancelarin e ardhshëm të Gjermanisë. Takova miq të hershëm dhe të rinj, ata mezi po presin fitoren e PD, që të ndërtohen marrëdhënie tepër të mira. U zotova se nga Shqipëria do ketë zero eksport të refugjatëve dhe krimit në Europë.
Rama me Lubi Ballukun në një udhëtim në Ankara, rritën çmimin e tunelit 50 mln euro për t’i marrë në xhep, Rama ka marrë dhjetëra milionë dhe ka grisur dy urdhër-arreste për baxhanakun dhe drejtoreshën e AKSH, ka duart e zeza në aferën e Porto Romanos. Vjedhjet e Ballukut shkojnë më shumë se dëmet e tërmetit. Të gjitha këto janë arsye pse jemi këtu.
“CDU mezi pret fitoren e PD”/ Berisha: Vjedhjet e Lubi Ballukut më të mëdha se dëmet e tërmetit
Kreu i PD Sali Berisha, në fjalën e tij në protestën e Partisë Demokratike tha se ka zhvilluar takime të rëndësishme në Gjermani.
Berisha theksoi se CDU gjermane mezi pret fitoren e Partisë Demokratike në Shqipëri. Ai tha se vjedhjet e Lubi Ballukut janë më të mëdha sesa dëmet e tërmetit në vend.
Sali Berisha: Unë mora pjesë në Kongresin e partisë më të madhe në Europë, CDU. Atje shtrëngova duart me kancelarin e ardhshëm të Gjermanisë. Takova miq të hershëm dhe të rinj, ata mezi po presin fitoren e PD, që të ndërtohen marrëdhënie tepër të mira. U zotova se nga Shqipëria do ketë zero eksport të refugjatëve dhe krimit në Europë.
Rama me Lubi Ballukun në një udhëtim në Ankara, rritën çmimin e tunelit 50 mln euro për t’i marrë në xhep, Rama ka marrë dhjetëra milionë dhe ka grisur dy urdhër-arreste për baxhanakun dhe drejtoreshën e AKSH, ka duart e zeza në aferën e Porto Romanos. Vjedhjet e Ballukut shkojnë më shumë se dëmet e tërmetit. Të gjitha këto janë arsye pse jemi këtu.
“Menduan se do na trembin, por gabuan rëndë”, Berisha: Salianji martir i fjalës së lirë, u burgos sepse u përball me klanin Rama-Xhafa!
Kryetari i Partisë Demokratike, Sali Berisha, mbajti një fjalim të ashpër në protestën e opozitës para Kryeministrisë sot, ku akuzoi Kryeministrin Edi Rama për abuzim të pushtetit dhe shtypje të opozitës.
Në fjalën e tij, Berisha tha se ai vetë ishte vendosur në arrest shtëpie me urdhër të Edi Ramës dhe se ish-presidenti i vendit Ilir Meta ishte goditur dhe përballur me dhunë për të trembur opozitën.
Ai po ashtu përmendi rastin e Ervin Salianjit, i cili sipas Berishës u burgos për shkak të përballjes së tij me “klanin mafioz të Ballkanit dhe Evropës Rama-Xhafa”.
Berisha theksoi se ato përpjekje nuk do të kishin sukses, dhe se opozita dhe populli i lirisë do të vazhdonin të luftonin për të drejtat e tyre. Ai i ftoi protestuesit të mos trembeshin, duke u shprehur se ata që përpiqen të trembin popullin opozitar, përfundimisht do të mjerohen.
“Kryetari i PD u vendos në arrest shtëpie me urdhër të Edi Ramës. Me urdhër të tij ish-presidenti i vendit u zvarrit, u godit në mes të rrugës dhe u filmua duke menduar ky kriminel se do të tmerronte opozitën. Me urdhër të Edi Ramës, me mbështetjen e monstrës së njerëzimit deputeti ynë Ervin Salianji, martiri i fjalës së lirë, u burgos sepse u përball dhëmbë për dhëmbë me klanin mafioz më të rrezikshëm të Ballkanit e Evropës, klanin Rama-Xhafa. Menduan se do të na trembnin, por gabuan rëndë. Ja ku e kemi ne, 200 metra më tej prijësin tonë të përjetshëm. Skënderbeun. Të harrojë kush se mund të trembet populli opozitar, populli i lirisë. Jo mor jo! Përkundrazi, do të mjerohen ata që mund të mendojnë se na trembin ne”, tha Berisha.
“Historia e deshi që të jemi e vetmja forcë që përmbys dy diktatura”, Berisha në protestën e PD: Nga hiri u ngritëm si Feniksi!
Kryetari i Partisë Demokratike, Sali Berisha, mbajti një fjalim të fuqishëm para protestuesve sot, duke theksuar se PD-ja ka bërë hapa të rëndësishëm në betejën e saj kundër qeverisjes.
Berisha e nisi fjalën duke kujtuar një vit më parë, kur opozita ishte në një moment të vështirë, me liderin e saj të arrestuar dhe ai vetë i burgosur.
Megjithatë, ai theksoi se ajo protestë e 20 shkurtit hapi rrugën për çdo fitore që ata do të arrinin në të ardhmen. “Nga hiri u ngritëm si Feniksi dhe ata që menduan se do na mposhtin, dështuan me turp,” tha Berisha.
Ai theksoi forcën dhe bashkimin e opozitës, duke theksuar se ata që mbrojnë kauza të drejta dhe vlera të larta si liria, interesin kombëtar, dinjitetin njerëzor dhe familjen janë të pamposhtur. “Sot, kemi vulë dhe flamur. Jemi më të bashkuar se kurrë, dhe jemi forca më e përkrahur politike në Shqipëri dhe jashtë saj,” shtoi ai.
Qytetarët e Kosovës që jetojnë në diasporë kanë nisur votimin në përfaqësitë diplomatike për zgjedhjet parlamentare të 9 shkurtit.
Votimi nisi në orën 07:00 në ambasadat dhe konsullatat e Kosovës në shtetet e Evropës, ndërkaq në Shtetet e Bashkuara dhe Kanada do të nisë në orën 13:00, sipas kohës lokale në Kosovë.
Votimi më 8 shkurt zhvillohet në 43 vendvotime në 16 ambasada dhe 14 konsullata të Kosovës, që gjenden në 19 shtete të ndryshme të botës.
Kjo është hera e parë që pjesëtarët e mërgatës mund të votojnë fizikisht në përfaqësitë diplomatike të Kosovës.
Zëdhënësi i Komisionit Qendror të Zgjedhjeve, Valmir Elezi, tha në një konferencë për media se për të votuar në përfaqësitë diplomatike të Kosovës janë regjistruar 20.324 votues.
Për zgjedhjet parlamentare të 9 shkurtit, të drejtë vote brenda dhe jashtë Kosovës kanë mbi 2 milionë votues.
Ndërkaq, nga 9 janari e deri më 8 shkurt, mërgata ka mundur të votojë edhe përmes postës. KQZ ka njoftuar më herët se 104.934 votues janë regjistruar për të votuar jashtë Kosovës dhe 84.525 prej tyre zgjodhën që të votonin përmes postës.
Në garën për përbërjen e re parlamentare janë 28 subjekte politike dhe një kandidatë i pavarur.
Shorti, fushata, diaspora: Çfarë duhet të dini për zgjedhjet e 9 shkurtit?
Qytetarët mund të zgjedhin një parti dhe deri në dhjetë kandidatë për deputetë.
Nga këto votime do të zgjidhet përbërja e re e Kuvendit me 120 ulëse dhe deputetët më pas zgjedhin Qeverinë e re. Qeveria aktuale në Kosovë udhëhiqet nga Albin Kurti, kreu i Lëvizjes Vetëvendosje.
Këto janë zgjedhjet e para të rregullta që Kosova mban që nga shpallja e pavarësisë më 2008. Deri tani, në vend janë mbajtur një sërë zgjedhjesh të parakohshme.
Afërsisht 47% e popullsisë mbi 15 vjeç në Shqipëri ka arritje të ulëta arsimore dhe një pjesë tjetër 35.2% vlerësohet se kishte njohuri mesatare në vitin 2023, evidentojnë të dhënat statistikore të Fondit Europian të Trajnimeve (ETF) një njësi që operon me financime të KE-së për politika që kanë të bëjnë me kapitalin njerëzor në vendet europiane që nuk janë ende pjesë e BE-së.
Vetëm një pjesë, 18.1% e popullsisë mbi 15 vjeç kishin arritje të larta arsimore.
Sipas ETF-së, kjo do të thotë se gati gjysma e popullsisë së Shqipërisë mbi 15 vjeç nuk është në gjendje të lexojë dhe të shkruajë një deklaratë të shkurtër të thjeshtë për jetën e përditshme dhe ta kuptojë atë.
Gjithashtu ata nuk është në gjendje të bëjnë llogaritje të thjeshta në aritmetikë.
Me këto aftësi, popullsia e Shqipërisë nuk mund të prodhojë forcë të aftë pune që mund të çojë vendin në nivele të tjera të zhvillimit.
Tani kur popullsia e vendit po plaket me shpejtësi dhe revolucioni teknologjik kërkon përditësimin të aftësive, Shqipëria mbetet shumë pas.
Sipas INSTAT në vitin 2024, shkalla e pjesëmarrjes në arsimin dhe trajnimin formal dhe joformal në popullsinë 25 deri në 34 vjeç qëndron në 1.8% dhe nën 0.5% për kategoritë e tjera mbi këtë moshë.
Ky rezultat është shumë larg mesatares së BE-së, duke nënvizuar nevojën për të rritur mundësitë për aftësimin dhe trajnimin e të rriturve, rekomandon ET-ja.
Mirëpo vendit tonë i mungojnë shkollat e veçanta dhe qendrat e tjera burimore për aftësimin e popullsisë së rritur.
Sakaq Shqipëria ka nënshkruar marrëveshjet e asocimit për Programin e Europës Digjitale. Bizneset dhe administrata publike do të kenë akses në thirrjet e programit me buxhet prej 7.5 miliardë euro deri në vitin 2027 për të gjitha vendet.
Qeveria shqiptare ka marrë disa angazhime që synojnë të zbatohen në vijim. Psh këtë vit pritet të përfundojë një studim fisibiliteti për dhe një udhërrëfyes për të mësuarit gjatë gjithë jetës.
Vendi ynë duhet të zhvillojë përveç ambienteve edhe platforma të posaçme për zhvilluar mësime ndaj popullsisë së rritur.
Ndryshimet demografike me plakjen e shpejtë dhe normat e larta të emigrimit, paraqesin sfida të mëdha.
Popullsia e Shqipërisë po plaket dhe po përqendrohet në Tiranë, ndërkohë që shumica e rajoneve përballen shpopullim.
Sistemi arsimor po lufton me rënien e numrit të nxënësve, veçanërisht në arsimin profesional dhe nga ana tjetër ekziston një nevojë kritike për zhvillimin nismave të të mësuarit gjatë gjithë jetës./ Monitor
Presidenti ukrainas, Volodymyr Zelesky. 5 shkurt 2025.
Radio Evropa e Lirë
Ukraina ka shënuar gjashtëmujorin që kur ka nisur një inkursion në rajonin rus të Kurskut, që sipas presidentit ukrainas, Volodymyr Zelensky, “ua ka sjellë luftën në shtëpi rusëve” dhe mund të shërbejë si kartë në ndonjë negociatë për paqe në të ardhmen.
“Sot shënohet gjashtëmujori i operacionit në Kursk. Me aktivitetet tona operacionale në territorin rus, ne ia kemi sjellë luftën në shtëpi Rusisë”, tha Zelensky gjatë një video-adresimi mbrëmjen e 6 shkurtit.
Forcat ukrainase nisën inkursionin më 6 gusht, duke marrë nën kontroll pjesë të territorit në rajonin e Kurskut, përfshirë qytetin Sudzha.
Zelensky përmendi brigadat e forcave të armatosura ukrainase të përfshira në operacionin në Kursk, por nuk përmendi një kundërofensivë për të cilën është raportuar nga blogerët jozyrtarë ushtarakë ukrainas dhe nga Ministria ruse e Mbrojtjes.
Ministria ruse e Mbrojtjes tha se forcat ukrainase dhe autoblindat kanë kryer tetë valë sulmesh pranë fshatrave Ulanok dhe Çerkasikaja Konopelka. Rusët kanë zmbrapsur përpjekjet për kundërsulm dhe vendbanimet janë nën kontrollin rus, tha Ministria.
Rusia pretendoi se forcat ukrainase kanë pësuar humbje të mëdha, përfshirë më shumë se 200 ushtarë dhe dhjetëra makina. Raportimet nga fushëbetejat nuk mund të konfirmohen në mënyrë të pavarur.
Shtabi i përgjithshëm i ushtrisë ukrainase iu referua shkurt aktiviteteve ushtarake në rajonin e Kurskut gjatë vlerësimit për luftimet më 6 shkurt, duke thënë se vetëm pesë përleshje kishin ndodhur nga mëngjesi.
Ukraina ka thënë se përparimin që ka shënuar në Kursk mund ta përdorë si kartë në bisedimet e mundshme për paqe me Rusinë.
“Në një pikë, kur lufta të lëvizë drejt zgjidhjes diplomatike, ne do të shohim se sa i rëndësishëm ishte ky operacion”, shkroi Zelensky në X më 5 shkurt.
Zyra e Zelenskyt tha të enjten se Ukraina është e gatshme të hapë një korridor humanitar për të lejuar qindra civilë rusë, që jetojnë në zonat kufitare që Ukraina i ka marrë nën kontroll, të kthehen në territorin e kontrolluar nga Rusia.
Më shumë se 1.500 civilë ende jetojnë në zonat e rajonit të Kurskut. Disa nga ta janë zemëruar me autoritetet ruse lidhur me humbjen e kontakteve me anëtarët e familjes që besohet se kanë mbetur në anën tjetër të vijës së frontit pa mundësi komunikimi.
“Ne jemi të gatshëm për hapjen e një korridori humanitar në rajonin e Kurskut deri në thellësi të Rusisë në përgjigje të një kërkese zyrtare nga Federata Ruse. Si duket, rusët nuk duan një korridor të tillë humanitar sepse ne nuk kemi pranuar asnjë kërkesë nga ta”, u tha në njoftimin e Zyrës së Zelenskyt, e cila e akuzoi Moskën për “ndërhyrje” në fatin e qytetarëve të saj.
Pilotë francezë qëndrojnë pranë një avioni luftarak, Mirage.
Radio Evropa e Lirë
Franca njoftoi të enjten se ia ka dorëzuar Ukrainës avionët e parë luftarakë, Mirage 2000, duke ia rritur mundësitë Kievit për ta mbrojtur hapësirën e vet ajrore nga bombardimet e pareshtura ruse.
“Avionët e parë të këtij lloji kanë mbërritur sot në Ukrainë”, tha ministri i Mbrojtjes i Francës, Sebastien Lecornu, në një shkrim në X të enjten.
Ai nuk tregoi se sa avionë luftarakë francezë u dërguan në Ukrainë.
“Me pilotë ukrainas në bord, pasi ata u stërvitën për disa muaj në Francë, këta avionë do të ndihmojnë për ta mbrojtur qiellin mbi Ukrainë”, shtoi ai.
Parisi pati njoftuar se do t’i dorëzonte Ukrainës avionë luftarakë, Mirage 2000, në fillim të vitit 2025. Këta avionë janë të armatosur me raketa ajër-tokë dhe me masa kundër luftës elektronike.
Ukraina ka kërkuar prej kohësh avionë luftarakë modernë nga vendet e Perëndimit, veçanërisht avionët F-16 dhe Mirage. Në vitin 2023, disa vende aleate u pajtuan t’i dhuronin Ukrainës avionë F-16 me pëlqimin e SHBA-së. Avionët e parë F-16 iu dorëzuan Kievit në gusht 2024.
“Ky është një tjetër hap drejt forcimit të sigurisë së Ukrainës”, tha presidenti ukrainas, Volodymyr Zelensky, për mbërritjen e avionëve.
“Me ardhjen e këtyre avionëve, ne po vazhdojmë zgjerimin e flotës sonë të F16-shave, me Holandën që po i përmbush premtimet për ta mbështetur këtë përpjekje”, shtoi ai.
Ukraina po bën përpjekje për t’i zmbrapsur sulmet e pareshtura ajrore të Rusisë dhe ta frenojë përparimin e ushtrisë ruse në vijën e frontit, në prag të përvjetorit të tretë të luftës më 24 shkurt.
Në të njëjtën kohë, Kievi ka ndërmarrë ofensiva aty ku ka mundur për ta forcuar pozicionin e tij, në një kohë kur Perëndimi po përpiqet t’i rinisë bisedimet për një armëpushim dhe për një marrëveshje të mundshme paqeje.
Ndërkohë, Shtabi i Përgjithshëm i Forcave të Armatosura të Ukrainës tha të enjten se kreu sulm me dronë gjatë natës në bazën ajrore Primorsko-Ahtarsk në rajonin Krasnodar të Rusisë.
Sipas zyrtarëve ushtarakë ukrainas, kjo bazë shërbente si pikë kyç për ruajtjen, përgatitjen dhe lëshimin e dronëve Shahed, si dhe për mirëmbajtjen e avionëve që mbështesin operacionet ruse në rajonet Zaporizhja dhe Herson të Ukrainës.
Kanale ruse në Telegram dhe banorë të qytetit Primorsko-Ahtarsk raportuan për sulmin me dronë, ndërsa video të shpërndara në internet shfaqën zjarr pranë fushës ajrore.
Pamje të marra nga përdorues të internetit për sulmin me dronë në Krasnodar u verifikuan nga Radio Evropa e Lirë.
Kreu i qarkut konfirmoi se sistemet e mbrojtjes ajrore u aktivizuan për t’u mbrojtur ndaj dronëve.
Në të njëjtën kohë, Ministria e Mbrojtjes e Rusisë tha se sistemet e saj të mbrojtjes ajrore rrëzuan 28 dronë ukrainas gjatë natës – 13 mbi Detin Azov, tetë mbi rajonin Rostov, gjashtë mbi Krasnodar Krai dhe një mbi Astrahan.
Në një incident tjetër, tre njerëz dyshohet se u vranë nga një sulm me dronë ukrainas brenda rajonit Belgorod të Rusisë, i cili kufizohet me Ukrainën.
Guvernatori i Belgorodit, Vyacheslav Gladkov, shkroi në Telegram se incidenti ndodhi pranë fshatit Logaçiovka, i cili është shpallur zonë e ndaluar për shkak të kërcënimit të vazhdueshëm nga sulmet me dronë që prej fundit të tetorit 2022.
Presidentja e Kosovës, Vjosa Osmani, në Forumin Ndërparlamentar të Sigurisë.
Radio Evropa e Lirë
Gjatë vizitës në SHBA, presidentja e Kosovës, Vjosa Osmani, theksoi rëndësinë e anëtarësimit në NATO në një takim në Departamentin e Shtetit. Ndërsa, në Forumin Ndërparlamentar të Sigurisë, ajo foli për rolin e Kosovës në “kundërshtimin e ndikimeve keqdashëse të Kinës, Rusisë dhe Iranit”.
Osmani ndodhet në Uashington me ftesë të një grupi kongresistësh amerikanë, për të marrë pjesë në Lutjet Nacionale të Mëngjesit. Lutjet e Mëngjesit mbahen çdo vit, zakonisht të enjten e parë të shkurtit, dhe marrin pjesë politikanë të lartë amerikanë dhe mysafirë të huaj. Ngjarja përcillet me një fjalim nga presidenti i SHBA-së.
Gjatë takimit me zyrtarin e lartë amerikan në Byronë për Çështje Evropiane dhe Euroaziatike, Louis Bono, Osmani theksoi se anëtarësimi i Kosovës në NATO “përveç se do ta fuqizonte sigurinë në Kosovë e rajon, është përfundimisht edhe në harmoni me objektivat strategjike amerikane për paqen dhe sigurinë globale”.
“Ajo (Osmani) konfirmoi se Kosova ka rritur tashmë buxhetin për mbrojtje në 2% të Bruto Produktit Vendor dhe është në proces të rritjes së këtij buxheti për të përmbushur objektivin strategjik të anëtarësimit në NATO”, thuhet në njoftimin e Presidencës.
Me zyrtarin e lartë amerikan, Bono, ajo diskutoi për mundësinë e bashkëpunimit mes dy vendeve në fushat e mbrojtjes dhe ekonomisë dhe për “forcimin e partneritetit strategjik ndërmjet Kosovës dhe Shteteve të Bashkuara të Amerikës në përputhje me objektivat e administratës së presidentit Trump”.
Bono e mori detyrën më 20 janar, pasi presidenti amerikan, Donald Trump, e filloi zyrtarisht mandatin e dytë në Shtëpinë e Bardhë dhe Osmani është udhëheqësja e parë kosovare që takohet me një zyrtar të administratës Trump.
Bono është anëtar i Shërbimit të Lartë të Jashtëm dhe së fundmi ka shërbyer si këshilltar i lartë për Negociatat në Kaukaz.
Foto nga takimi i presidentes së Kosovës, Vjosa Osmanit, me zyrtarin e lartë amerikan në Byronë për Çështje Evropiane dhe Euroaziatike, Louis Bono, më 5 shkurt.
Ai ka punuar edhe në Ambasadën amerikane në Berlin, si dhe ka qenë zëvendëspërfaqësues i përhershëm në Zyrën e Kombeve të Bashkuara në Vjenë dhe në Agjencinë Ndërkombëtare për Energjinë Atomike.
Pas takimit me Bonon, Osmani mori pjesë si e ftuar nderi në drekën Ndërparlamentare Ndërkombëtare në Capitol Hill dhe mbajti një fjalim në Forumin Ndërparlamentar të Sigurisë.
“Investimi dhe angazhimi amerikan në Kosovë, përveç se është në dobi të sigurisë dhe zhvillimit tonë, është po ashtu në përputhje me objektivat e administratës Trump. Kjo do të pengonte po ashtu përhapjen e luftës hibride ruse, ndikimin ideologjik të Iranit dhe presionin ekonomik të Kinës në rajon”, tha gjatë fjalimit Osmani.
Presidenca tha gjithashtu se Osmani do të zhvillojë takime me kongresistë amerikanë dhe zyrtarë të administratës së SHBA-së, “me fokus në forcimin e partneritetit strategjik ndërmjet Kosovës dhe Shteteve të Bashkuara të Amerikës, si dhe avancimin e aspiratave euroatlantike të vendit tonë”.
Osmani, e cila e kishte uruar Trumpin pasi i fitoi zgjedhjet në nëntor, në fjalimin e saj vjetor në Kuvendin e Kosovës në fund të vitit të kaluar bëri thirrje para deputetëve për ruajtjen e marrëdhënieve me vendet aleate, duke thënë se cenimi i raporteve me këto vende e cenon vetë Kosovën.
Ajo tha asokohe se aleanca e Kosovës me vendet e tjera është “më e madhe dhe më e rëndësishme se cilido prej nesh si politikan”.
Osmani i bëri ato thirrje në një kohë kur Qeveria e Kosovës po kritikohej nga bashkësia ndërkombëtar, përfshirë Shtetet e Bashkuara, për veprime të “njëanshme dhe të pakoordinuara” në veriun e banuar me shumicë serbe, të cilat lidheshin me zëvendësimin e targave serbe me ato të Kosovës, heqjen e dinarit serb nga përdorimi apo mbylljen e institucioneve serbe.
Vizita e Osmanit në SHBA pason deklaratat e dy ditëve më parë të të dërguarit amerikan për misione të veçanta, Richard Grenell, se Shteteve të Bashkuara u duhen partnerë të besueshëm në Ballkan, ndërsa Qeveria e kryeministrit të Kosovës, Albin Kurti, sipas tij, nuk është e tillë.
Grenell – ish-ambasador amerikan në Berlin – i bëri këto kritika në rrjetin social X, më pak se një javë para mbajtjes së zgjedhjeve parlamentare në Kosovë më 9 shkurt.
Radio Evropa e Lirë kontaktoi kabinetin e kryeministrit Kurti, në lidhje me këto komente, por nuk mori përgjigje.
Kurti i ka justifikuar ato veprime si hapa drejt shtrirjes së sundimit të ligjit në veri dhe ka thënë se ato janë në përputhje me Kushtetutën dhe ligjet e Kosovës.
James O’Brien, i cili në administratën e paraardhësit të Trumpit, Joe Biden, ka shërbyer si ndihmëssekretar i Shtetit, ka thënë se Kurti, me veprime të tilla, ka vënë në pikëpyetje partneritetin me Shtetet e Bashkuara.
Presidentja e Kosovës, Vjosa Osmani, do t’i vizitojë Shtetet e Bashkuara më 5 shkurt, ku do të takohet me zyrtarë amerikanë dhe do të mbajë një fjalim në Lutjet e Mëngjesit në Uashington.
Presidenca e Kosovës njoftoi se Osmani ndodhet në SHBA me ftesë të një grupi kongresistësh amerikanë, për të marrë pjesë në Lutjet Nacionale të Mëngjesit, si dhe për të mbajtur fjalim në njërën nga ngjarjet kryesore të këtij organizimi të Kongresit amerikan.
“Me këtë rast, ajo do të flasë për rrugëtimin e popullit të Kosovës nga ditët më të vështira deri te sukseset e sotme, duke theksuar besimin e pashoq dhe qëndrueshmërinë e qytetarëve tanë”, thuhet në njoftim.
Presidenca tha gjithashtu se Osmani do të zhvillojë gjithashtu takime me kongresistë amerikanë dhe zyrtarë të administratës së SHBA-së, “me fokus në forcimin e partneritetit strategjik ndërmjet Kosovës dhe Shteteve të Bashkuara të Amerikës, si dhe avancimin e aspiratave euroatlantike të vendit tonë”.
Më herët Departamenti amerikan i Shtetit njoftoi në uebsajtin e vet se Osmani do të takohet me Louis L. Bonon, zyrtarin e lartë në Byronë për Çështje Evropiane dhe Euroaziatike.
Bono e mori detyrën më 20 janar, pasi presidenti amerikan, Donald Trump, e filloi zyrtarisht mandatin e dytë në Shtëpinë e Bardhë dhe Osmani do të jetë udhëheqësja e parë kosovare që takohet me një zyrtar të administratës Trump.
Bono është anëtar i Shërbimit të Lartë të Jashtëm dhe së fundmi ka shërbyer si këshilltar i lartë për Negociatat në Kaukaz.
Ai ka punuar edhe në Ambasadën amerikane në Berlin, si dhe ka qenë zëvendëspërfaqësues i përhershëm në Zyrën e Kombeve të Bashkuara në Vjenë dhe në Agjencinë Ndërkombëtare për Energjinë Atomike.
Osmani, e cila e kishte uruar Trumpin pasi i fitoi zgjedhjet në nëntor, në fjalimin e saj vjetor në Kuvendin e Kosovës në fund të vitit të kaluar bëri thirrje para deputetëve për ruajtjen e marrëdhënieve me vendet aleate, duke thënë se cenimi i raporteve me këto vende e cenon vetë Kosovën.
Ajo tha asokohe se aleanca e Kosovës me vendet e tjera është “më e madhe dhe më e rëndësishme se cilido prej nesh si politikan”.
Osmani i bëri ato thirrje në një kohë kur Qeveria e Kosovës po kritikohej nga bashkësia ndërkombëtar, përfshirë Shtetet e Bashkuara, për veprime të “njëanshme dhe të pakoordinuara” në veriun e banuar me shumicë serbe, të cilat lidheshin me zëvendësimin e targave serbe me ato të Kosovës, heqjen e dinarit serb nga përdorimi apo mbylljen e institucioneve serbe.
Vizita e Osmanit në DASH pason deklaratat e dy ditëve më parë të të dërguarit amerikan për misione të veçanta, Richard Grenell, se Shteteve të Bashkuara u duhen partnerë të besueshëm në Ballkan, ndërsa Qeveria e kryeministrit të Kosovës, Albin Kurti, sipas tij, nuk është e tillë.
Grenell – ish-ambasador amerikan në Berlin – i bëri këto kritika në rrjetin social X, më pak se një javë para mbajtjes së zgjedhjeve parlamentare në Kosovë më 9 shkurt.
Radio Evropa e Lirë kontaktoi kabinetin e kryeministrit Kurti, në lidhje me këto komente, por nuk mori përgjigje.
Kurti i ka justifikuar ato veprime si hapa drejt shtrirjes së sundimit të ligjit në veri dhe ka thënë se ato janë në përputhje me Kushtetutën dhe ligjet e Kosovës.
James O’Brien, i cili në administratën e paraardhësit të Trumpit, Joe Biden, ka shërbyer si ndihmëssekretar i Shtetit, ka thënë se Kurti, me veprime të tilla, ka vënë në pikëpyetje partneritetin me Shtetet e Bashkuara.
Presidentja e Kosovës, Vjosa Osmani, pritet të takohet sot me një zyrtar të lartë të Departamentit amerikan të Shtetit (DASH) në Shtetet e Bashkuara.
DASH-i njoftoi në uebsajtin e vet se Osmani do të takohet me Louis L. Bonon, zyrtarin e lartë në Byronë për Çështje Evropiane dhe Euroaziatike.
Presidenca e Kosovës nuk ka njoftuar për ndonjë takim të tillë.
Bono e mori detyrën më 20 janar, pasi presidenti amerikan, Donald Trump, e filloi zyrtarisht mandatin e dytë në Shtëpinë e Bardhë dhe Osmani do të jetë udhëheqësja e parë kosovare që takohet me një zyrtar të administratës Trump.
Bono është anëtar i Shërbimit të Lartë të Jashtëm dhe së fundmi ka shërbyer si këshilltar i lartë për Negociatat në Kaukaz.
Ai ka punuar edhe në Ambasadën amerikane në Berlin, si dhe ka qenë zëvendëspërfaqësues i përhershëm në Zyrën e Kombeve të Bashkuara në Vjenë dhe në Agjencinë Ndërkombëtare për Energjinë Atomike.
Osmani, e cila e kishte uruar Trumpin pasi i fitoi zgjedhjet në nëntor, në fjalimin e saj vjetor në Kuvendin e Kosovës në fund të vitit të kaluar bëri thirrje para deputetëve për ruajtjen e marrëdhënieve me vendet aleate, duke thënë se cenimi i raporteve me këto vende e cenon vetë Kosovën.
Ajo tha asokohe se aleanca e Kosovës me vendet e tjera është “më e madhe dhe më e rëndësishme se cilido prej nesh si politikan”.
Osmani i bëri ato thirrje në një kohë kur Qeveria e Kosovës po kritikohej nga bashkësia ndërkombëtar, përfshirë Shtetet e Bashkuara, për veprime të “njëanshme dhe të pakoordinuara” në veriun e banuar me shumicë serbe, të cilat lidheshin me zëvendësimin e targave serbe me ato të Kosovës, heqjen e dinarit serb nga përdorimi apo mbylljen e institucioneve serbe.
Vizita e Osmanit në DASH pason deklaratat e dy ditëve më parë të të dërguarit amerikan për misione të veçanta, Richard Grenell, se Shteteve të Bashkuara u duhen partnerë të besueshëm në Ballkan, ndërsa Qeveria e kryeministrit të Kosovës, Albin Kurti, sipas tij, nuk është e tillë.
Grenell – ish-ambasador amerikan në Berlin – i bëri këto kritika në rrjetin social X, më pak se një javë para mbajtjes së zgjedhjeve parlamentare në Kosovë më 9 shkurt.
Radio Evropa e Lirë kontaktoi kabinetin e kryeministrit Kurti, në lidhje me këto komente, por nuk mori përgjigje.
Kurti i ka justifikuar ato veprime si hapa drejt shtrirjes së sundimit të ligjit në veri dhe ka thënë se ato janë në përputhje me Kushtetutën dhe ligjet e Kosovës.
James O’Brien, i cili në administratën e paraardhësit të Trumpit, Joe Biden, ka shërbyer si ndihmëssekretar i Shtetit, ka thënë se Kurti, me veprime të tilla, ka vënë në pikëpyetje partneritetin me Shtetet e Bashkuara.
Presidenti ukrainas Volodymyr Zelensky tha në një intervistë të martën se do të pranonte bisedimet e drejtpërdrejta me Vladimir Putinin e Rusisë për t’i dhënë fund luftës pothuajse trevjeçare.
Komentet e tij erdhën në mes të ankthit të madh për fillimin e bisedimeve, me Donald Trump – i cili është zotuar t’i japë fund luftimeve – ndërsa afrohet përvjetori i tretë i pushtimit nga Moska. Intervista u mbajt me gazetarin britanik Piers Morgan.
I pyetur se si do të ndihej nëse do të ulej përballë Putinit në një tryezë bisedimesh, Zelensky tha: “Nëse kjo është e vetmja mënyrë me të cilën ne mund të sjellim paqe për qytetarët e Ukrainës dhe të mos humbasim njerëz, patjetër që do të shkoj”, duke shtuar se ai do të shoqërohej nga katër persona.
Ai nuk specifikoi se cilët ishin shoqëruesit e tij, por Morgan foli më herët për bisedime hipotetike midis Rusisë, Ukrainës, BE-së dhe SHBA-së. “Unë nuk do të jem i sjellshëm me të, e konsideroj atë një armik. Të jem i sinqertë, mendoj se edhe ai më konsideron mua armik”, tha presidenti ukrainas.
Putin javën e kaluar tha se Moska do të zhvillonte bisedime me Ukrainën, por përjashtoi mundësinë që të fliste drejtpërdrejt me Zelensky. Të dy vendet janë përpjekur të kenë një avantazh në fushën e betejës përpara bisedimeve të mundshme. Kievi ka luftuar për të frenuar forcat ruse dhe Zelensky pranoi se Ukraina nuk ka gjasa t’i kthejë Rusisë një pjesë të territorit që humbi.
“Fatkeqësisht, mbështetja që ofrohet nga partnerët tanë është e pamjaftueshme për ta shtyrë Putinin plotësisht nga territoret tona”, tha ai. BE-ja dhe Kievi ndajnë disa shqetësime se Trump do ta detyronte Kievin të bënte lëshime të padrejta ndaj Moskës. Zelensky përsëriti gjithashtu se një udhërrëfyes për anëtarësimin e Ukrainës në NATO mbetet mënyra e sesi Kievi do të donte t’i jepte fund luftimeve dhe për të marrë “garanci sigurie”. bw
Më 8 shkurt Partia Demokratike do të organizojë protestë kombëtare para Kryeministrisë.
Gazetari Osman Stafa raporton se strukturat e PD janë plotësisht të angazhuara duke pasur në axhendën kryesore tubimin, i cili vjen rreth 100 ditë nga zgjedhjet e 11 majit.
Mësohet se në protestë do të mbahen fjalime, por se ato nuk do të jenë të shumta në numër, ndërsa nuk përjashtohet mundësia edhe e aksioneve të ndryshme.
Sa i përket arsyeve për organizimin e protestës, Stafa raporton se ka nisur shpërndarja e broshurave, ku ndër arsyet që opozita të ngrihet kundër mazhorancës, janë renditur korrupsioni, inceneratori i Tiranës, Dosja “5D”, pagat e pensionet e ulëta dhe korrupsioni në tenderat publike.
Arsye tjetër është edhe intervista e dhënë nga ish zv. kryeministri Arben Ahmetaj nga arratia, që sipas kryedemorkatit Berisha vërtetoi ato që PD i ka thënë ndër vite. bw
Banka Botërore përllogarit se në vitin 2023, të ardhurat për frymë në Shqipëri ishin 8,575 dollarë.
Të ardhurat mesatare ditore për një person në vendin tonë ishin 23.5 USD në ditë, një vlerë e përafërt me standardin e prosperitetit 25 USD në ditë të përcaktuar nga BB si një vlerë mesatare globale të jetesës dinjitoze.
Me uljen e popullsisë me të dhënat e Cens 2023 dhe me rritjen ekonomike rreth 4% më 2024 të ardhurat mestarë ditore të shqiptarëve e kalojnë standardin e prosperitetit, por nga ana tjetër, po sipas të dhënave nga Banka Botërore, vendi ynë gjithashtu ka nivelin më të madh të varfërisë në Rajon.
Sipas rishikimeve të fundit Banka Botërore numri i personave me të ardhurave 6.7 USD në ditë (varfëria relative) do të jetë në më shumë se 20 për qind të popullsisë së vendit me 2024.
Arritja e standardeve të prosperitetit në njërën anë dhe nga ana tjetër një e pesta e popullsisë në varfëri tregojnë pabarazinë e lartë ekonomike të vendit.
Teksa ekonomia po rritet, ajo nuk shpërndahet në mënyrë të drejtë. Të pasurit pasurohen më tej dhe të varfrit varfërohen më tej.
Banka Botërore përcaktoi standardin e prosperitetit (25 USD në ditë) me qëllim që të rrisë ndjeshmërinë ndaj çështjeve të shpërndarjes së rritjes ekonomike.
Shtetet do të duhet të evidentojnë përqindjen e popullsisë që jeton poshtë këtij hendeku për të aplikuar më pas politikat e rishpërndarjes së drejtë.
Banka ndjek prosperitetin e përbashkët duke monitoruar rritjen e të ardhurave mesatare në 40 për qind të popullsisë me të ardhura të ulëta. Standardi prosperiteti i vendosur në 25 dollarë në ditë (rregulluar për dallimet në barazinë e fuqisë blerëse midis vendeve) përkufizohet si faktori mesatar me të cilin të ardhurat duhen shumëzuar për të sjellë në të gjithë botën standardin e prosperitetit. Psh për një person të ardhurat e të cilit janë 2,50 dollarë në ditë, ato duhet të 10 fishohen për të arritur standardin e prosperitetit.
Banka Botërore thekson se Shqipëria ka një potencial të pashfrytëzuar të kapitalit njerëzor që mund të nxisë rritjen dhe zhvillimin.
Vendi përballet me sfida, si p.sh emigrimi, pasiviteti ekonomik dhe nënshfrytëzimi i talenteve. Vetëm mbyllja e boshllëqeve gjinore në punësim mund të çojë në rritje të PBB-së për frymë me 12 për qind në afat të gjatë.
Mosshfrytëzimi i individëve të arsimuar po pengon gjithashtu rritjen e produktivitetit dhe kthimet nga investimet në arsim që ka bërë vendi, duke siguruar rritje të qëndrueshme./MONITOR
Komentet